𐴔𐴟𐴏𐴓𐴞𐴔 𐴀𐴟𐴔𐴧𐴝𐴃𐴡𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴔𐴡𐴊𐴡𐴊𐴡𐴃 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴎𐴞𐴃𐴥𐴝𐴌 𐴁𐴝𐴁𐴡𐴃𐴠 𐴔𐴟𐴁𐴝𐴌𐴡𐴑𐴁𐴝𐴊

اراکان کا منبر
اراکان کا منبر
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴔𐴁𐴝𐴌
arakan ka mimber

تـُــقدم
ناشر
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
Presents

الترجمة الروهينجية
روھینگا زبان میں ترجمۃ
𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
Rohingya Translation

بعنوان:
عنوان:
𐴏𐴟𐴌𐴈𐴞:
Titled:

𐴔𐴟𐴏𐴓𐴞𐴔 𐴀𐴟𐴔𐴧𐴝𐴃𐴡𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴔𐴡𐴊𐴡𐴊𐴡𐴃 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴎𐴞𐴃𐴥𐴝𐴌 𐴁𐴝𐴁𐴡𐴃𐴠 𐴔𐴟𐴁𐴝𐴌𐴡𐴑𐴁𐴝𐴊!
!افغانستان میں اللہ کی عطا کردہ فتح پر امت مسلمہ کو مبارکباد
!تهنئة الأمة الاسلامية على نصر الله في أفغانستان الأبية
Congratulations to the Islamic Ummah on the victory granted by Allah in Afghannistan!

للقرائة المباشرة والتحميل
پڑھيں یا ڈؤنلوڈ کریں
𐴖𐴝𐴕𐴓𐴝𐴙𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
For Direct Reading and Downloading

Word
https://justpaste.it/8ens3
https://web.archive.org/web/20210903011916/https://justpaste.it/8ens3

PDF
https://archive.org/download/mobarakbad-02/MOBARAKBAD-02.pdf
https://file.fm/f/8bb4a54gk
https://mymegacloud.com/download/dXBsb2Fkcy92ZmJkemdiL01PQkFSQUtCQUQtMDIucGRm/h/31136b2986070226f6a992ca4960cbfc

𐴁𐴞𐴏𐴔𐴞𐴓𐴧𐴝𐴤𐴇𐴞 𐴌𐴧𐴡𐴇𐴔𐴝𐴕𐴞𐴌 𐴌𐴡𐴇𐴞𐴔

𐴅𐴡𐴔𐴝𐴃 𐴀𐴝𐴓 𐴑𐴝𐴀𐴞𐴊𐴝𐴃𐴟𐴓𐴢 𐴅𐴞𐴇𐴝𐴊𐴢

𐴔𐴟𐴏𐴓𐴞𐴔 𐴀𐴟𐴔𐴧𐴝𐴃𐴡𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴔𐴡𐴊𐴡𐴊𐴡𐴃 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴎𐴞𐴃𐴥𐴝𐴌 𐴁𐴝𐴁𐴡𐴃𐴠 𐴔𐴟𐴁𐴝𐴌𐴡𐴑𐴁𐴝𐴊

𐴃𐴝𐴔𐴝𐴔 𐴃𐴝𐴌𐴞𐴉 𐴀𐴝𐴓𐴧𐴝𐴤  𐴃𐴝𐴓𐴝𐴓𐴧𐴝 𐴎𐴞𐴁𐴥𐴝𐴌 𐴃𐴝𐴌 𐴖𐴝𐴊𐴝 𐴉𐴟𐴌𐴝 𐴒𐴡𐴙𐴅𐴧𐴠 𐴀𐴝𐴌 𐴃𐴝𐴌 𐴁𐴝𐴕𐴊𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴊 𐴒𐴡𐴙𐴅𐴧𐴠 𐴀𐴝𐴌 𐴇𐴞𐴁𐴥𐴝𐴘 𐴀𐴠𐴓𐴧𐴝 𐴁𐴠𐴒𐴧𐴞𐴕 𐴋𐴝𐴀𐴘𐴡𐴌𐴠 𐴐𐴠𐴑𐴝𐴏𐴃 𐴒𐴡𐴙𐴅𐴧𐴠| 𐴎𐴞𐴁𐴥𐴝𐴘 𐴀𐴝𐴣𐴀𐴌𐴝𐴌𐴠 𐴕𐴝𐴂𐴝𐴑 𐴀𐴝𐴔𐴠𐴌𐴞𐴑𐴝 𐴀𐴝𐴊𐴧𐴠 𐴃𐴝𐴌𐴝𐴌 𐴃𐴝𐴀𐴞𐴊 𐴒𐴡𐴌𐴡𐴘𐴧𐴝 𐴀𐴥𐴡𐴑𐴧𐴡𐴓𐴡𐴃𐴧𐴟 𐴑𐴝𐴁𐴟𐴓𐴡𐴌 𐴌𐴝𐴎 𐴁𐴞𐴙𐴓𐴋𐴠𐴚𐴘𐴡𐴌𐴠 𐴂𐴝𐴑 𐴒𐴡𐴌𐴞 𐴇𐴞𐴘𐴝𐴕𐴡𐴃𐴧𐴟 𐴑𐴟𐴌𐴀𐴦𐴝𐴃 𐴃𐴞𐴓𐴝𐴖𐴝𐴃 𐴉𐴟𐴕𐴡𐴕𐴡𐴌 𐴑𐴥𐴟𐴐𐴕𐴡𐴏𐴞𐴁 𐴊𐴝𐴕 𐴒𐴡𐴙𐴅𐴧𐴠| 𐴃𐴝𐴀𐴛 𐴃𐴝𐴌 𐴑𐴞𐴃𐴝𐴁𐴡𐴌 𐴔𐴝𐴎𐴠 𐴈𐴡𐴘𐴧𐴠𐴊𐴞- الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ

”𐴀𐴞𐴃𐴝𐴌𐴝 𐴀𐴡𐴘𐴓𐴊𐴠 𐴀𐴝𐴀𐴛 𐴎𐴡𐴊𐴞 𐴃𐴝𐴌𐴝𐴌𐴠 𐴊𐴟𐴕𐴞𐴘𐴝𐴌 𐴇𐴡𐴑𐴟𐴔𐴡𐴃 𐴊𐴞𐴘 𐴃𐴡𐴘𐴓𐴃𐴠 𐴃𐴝𐴌𐴝 𐴕𐴟𐴖𐴝𐴎 𐴑𐴝𐴀𐴠𐴔 𐴒𐴡𐴌𐴞𐴁𐴡 𐴎𐴡𐴑𐴝𐴃 𐴀𐴝𐴊𐴝𐴘 𐴒𐴡𐴌𐴞𐴁𐴡 𐴀𐴝𐴌 𐴁𐴝𐴓𐴝 𐴈𐴝𐴔𐴡𐴌 𐴇𐴡𐴑𐴟𐴔 𐴊𐴞𐴁𐴡 𐴀𐴝𐴌 𐴈𐴡𐴌𐴝𐴁 𐴈𐴝𐴔𐴡𐴃𐴧𐴟 𐴁𐴝𐴊𐴝 𐴊𐴞𐴁𐴡| 𐴀𐴝𐴌 𐴉𐴡𐴙𐴃𐴧𐴠 𐴅𐴞𐴕𐴞𐴐𐴥𐴡𐴌 𐴕𐴡𐴃𐴞𐴅𐴝 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴇𐴥𐴝𐴃𐴡𐴃”𐴱

𐴀𐴝𐴌 𐴊𐴟𐴌𐴟𐴊 𐴀𐴝𐴊𐴧𐴠 𐴏𐴝𐴓𐴝𐴔 𐴕𐴝𐴎𐴞𐴓 𐴀𐴡𐴗𐴑 𐴀𐴝𐴣𐴀𐴌𐴝𐴌 𐴕𐴠𐴃𐴝 𐴔𐴟𐴇𐴝𐴔𐴧𐴝𐴊 –𐴔𐴡𐴌 𐴖𐴝𐴌𐴠 𐴃𐴝𐴌 𐴀𐴝𐴇𐴓𐴡𐴀𐴝𐴘𐴝𐴓𐴡𐴌 𐴖𐴝𐴌𐴠 𐴀𐴝𐴌 𐴃𐴝𐴌 𐴏𐴝𐴇𐴝𐴁𐴞 𐴀𐴥𐴡𐴑𐴧𐴡𐴓𐴡𐴌 𐴖𐴝𐴌𐴠| 𐴀𐴞𐴘𐴝𐴌 𐴁𐴦𐴝𐴊𐴠 𐴈𐴡𐴃𐴝 𐴀𐴡𐴘𐴓𐴊𐴠-

𐴀𐴝𐴣𐴀𐴌𐴝 𐴀𐴡𐴃𐴞 𐴃𐴝𐴑𐴡𐴃 𐴀𐴦𐴡𐴓𐴝𐴌 𐴃𐴝𐴌𐴞𐴉 𐴒𐴡𐴌𐴞 𐴎𐴞𐴁𐴥𐴝𐴘  𐴑𐴟𐴉𐴟𐴌𐴡𐴌 𐴓𐴞𐴋𐴝𐴌 𐴀𐴝𐴔𐴠𐴌𐴞𐴑𐴝𐴌𐴠 𐴀𐴠𐴇𐴝𐴕𐴡𐴃 𐴒𐴡𐴙𐴅𐴧𐴠 𐴀𐴝𐴌 𐴃𐴝𐴌𐴝𐴌𐴠 𐴐𐴠𐴑𐴝𐴏𐴃 𐴈𐴝𐴖𐴝𐴘𐴧𐴠 𐴃𐴝𐴌𐴝𐴌 𐴉𐴠𐴄 𐴁𐴥𐴝𐴚𐴒𐴞 𐴊𐴞𐴘𐴧𐴠 𐴀𐴝𐴌 𐴉𐴟𐴌𐴝 𐴊𐴞𐴕𐴞𐴘𐴝𐴌 𐴔𐴝𐴎𐴠 𐴃𐴝𐴌𐴝𐴌 𐴐𐴥𐴡𐴇𐴌𐴡𐴃 𐴕𐴥𐴡𐴐𐴄𐴡 𐴒𐴡𐴌𐴞 𐴊𐴞𐴘𐴧𐴠 𐴀𐴝𐴌 𐴁𐴠𐴅𐴧𐴡𐴃𐴠𐴌 𐴀𐴝𐴌 𐴀𐴠𐴇𐴝𐴕𐴡𐴃𐴡𐴌 𐴏𐴝𐴣𐴀𐴃𐴠  𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌  𐴎𐴡𐴔𐴞𐴕𐴡𐴃𐴧𐴟 𐴕𐴠𐴘𐴓𐴝𐴘 𐴊𐴞𐴘𐴧𐴠| 𐴀𐴞𐴃𐴡𐴓𐴧𐴝 𐴁𐴡𐴓𐴞  𐴀𐴝𐴣𐴀𐴌𐴝 𐴀𐴞𐴙 𐴃𐴝𐴌𐴞𐴈𐴞 𐴎𐴞𐴃𐴡𐴌 𐴁𐴝𐴁𐴡𐴃𐴠 𐴔𐴟𐴏𐴓𐴞𐴔 𐴀𐴟𐴔𐴧𐴝𐴃𐴡𐴌𐴠 𐴔𐴡𐴁𐴝𐴌𐴡𐴑𐴁𐴝𐴊 𐴎𐴝𐴕𐴝𐴘 𐴎𐴞 𐴎𐴞𐴃𐴡𐴕𐴝𐴕 𐴀𐴝𐴓𐴧𐴝𐴤 𐴃𐴝𐴓𐴝  𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌 𐴏𐴡𐴁𐴡𐴌 𐴒𐴡𐴌𐴡𐴘𐴧𐴝 𐴔𐴟𐴅𐴝𐴇𐴞𐴊 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴊𐴞𐴘𐴧𐴠| 𐴀𐴞𐴃𐴝𐴌𐴝 𐴀𐴡𐴘𐴓𐴊𐴠 𐴊𐴡𐴈𐴡𐴓 𐴒𐴡𐴌𐴡𐴘𐴧𐴝 𐴃𐴝𐴑𐴡𐴃 𐴀𐴦𐴡𐴓𐴡𐴌 𐴈𐴠𐴓𐴝𐴉 𐴀𐴠𐴑 𐴔𐴠𐴏𐴝𐴓𐴞 𐴀𐴝𐴊𐴧𐴠 𐴇𐴟𐴐𐴥𐴞𐴘𐴝𐴌 𐴎𐴝𐴃𐴞| 𐴁𐴠𐴐𐴥𐴡𐴑 𐴀𐴝𐴉𐴒𐴝𐴕𐴞𐴏𐴃𐴝𐴕 𐴀𐴡𐴘𐴓𐴊𐴠 𐴊𐴡𐴈𐴡𐴓 𐴒𐴡𐴌𐴡𐴘𐴧𐴝 𐴃𐴝𐴑𐴡𐴃 𐴀𐴦𐴡𐴓𐴡𐴌 𐴈𐴡𐴁𐴡𐴌 𐴀𐴝𐴌 𐴀𐴞𐴏𐴓𐴝𐴔𐴡𐴌  𐴕𐴡 𐴐𐴥𐴠𐴑𐴝𐴏𐴃 𐴒𐴡𐴌𐴝 𐴎𐴝𐴘𐴊𐴞 𐴀𐴥𐴞𐴀𐴕 𐴑𐴠𐴓𐴧𐴝|

𐴀𐴝𐴔𐴠𐴌𐴞𐴑𐴝𐴌 𐴀𐴠𐴁𐴝𐴌𐴡𐴌𐴡 𐴐𐴠𐴑𐴝𐴏𐴝𐴃 𐴓𐴡𐴘 𐴀𐴝𐴉𐴒𐴝𐴕 𐴎𐴝𐴃𐴞 𐴊𐴟𐴘 𐴊𐴡𐴐𐴥𐴝𐴃𐴧𐴟 𐴈𐴡𐴔 𐴐𐴡𐴔𐴡𐴘𐴡𐴔𐴧𐴝𐴎𐴠 𐴊𐴟𐴕𐴞𐴘𐴝𐴌 𐴃𐴞𐴕 𐴏𐴟𐴂𐴝𐴌 𐴂𐴝𐴖𐴝𐴌𐴡𐴌𐴠 𐴐𐴞𐴑𐴥𐴝𐴏𐴃 𐴒𐴡𐴌𐴞 𐴕𐴞𐴘𐴓𐴝𐴘 𐴊𐴞𐴘𐴧𐴠| 𐴀𐴝𐴔𐴠𐴌𐴞𐴑𐴝𐴌 𐴉𐴡𐴗𐴏 𐴀𐴥𐴡𐴑𐴧𐴡𐴓𐴡𐴌 𐴐𐴠𐴑𐴥𐴝𐴏𐴃 𐴁𐴠𐴐𐴥𐴝𐴑 𐴀𐴞𐴘𐴝𐴕  𐴀𐴠𐴎𐴡𐴔𐴝𐴕𐴝𐴃 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴇𐴝𐴑𐴞𐴑𐴞 𐴈𐴡𐴕𐴡 𐴕𐴞𐴐𐴝𐴕𐴝|𐴀𐴝𐴌 𐴊𐴟𐴕𐴞𐴘𐴝𐴌 𐴔𐴡𐴎𐴓𐴟𐴔 𐴔𐴝𐴕𐴟𐴙𐴐𐴥 𐴀𐴥𐴡𐴑𐴧𐴡𐴓𐴡𐴌 𐴓𐴧𐴝 𐴀𐴟𐴏𐴑𐴝𐴘 𐴀𐴟𐴍𐴡𐴌𐴕𐴡𐴌 𐴀𐴠𐴑𐴧𐴝𐴕 𐴔𐴥𐴟𐴌𐴇𐴝𐴘 𐴎𐴡𐴌𐴞𐴘𐴝|

𐴀𐴞 𐴅𐴞𐴇𐴝𐴊 𐴀𐴝𐴊𐴧𐴠 𐴔𐴟𐴑𐴝𐴁𐴠𐴓𐴝𐴌 𐴌𐴝𐴏𐴧𐴝𐴃 𐴀𐴝𐴉𐴒𐴝𐴕 𐴎𐴝𐴃𐴞 𐴃𐴝𐴌𐴞𐴈𐴠 𐴌𐴠𐴑𐴝𐴋 𐴒𐴡𐴙𐴅𐴧𐴠| 𐴀𐴝𐴌 𐴈𐴡𐴀𐴠𐴑 𐴊𐴡𐴐𐴥𐴝 𐴓𐴡𐴃𐴞 𐴃𐴝𐴌𐴝 𐴁𐴦𐴡𐴃 𐴔𐴟𐴅𐴝𐴇𐴝𐴊𐴝 𐴀𐴝𐴊𐴧𐴠 𐴑𐴟𐴌𐴁𐴝𐴕𐴞 𐴊𐴞𐴘𐴧𐴠|  𐴀𐴠𐴑 𐴕𐴡𐴏𐴡𐴓𐴡𐴌 𐴁𐴦𐴝𐴊𐴠  𐴀𐴝𐴌𐴠𐴑 𐴕𐴡𐴏𐴡𐴓 𐴉𐴡𐴏𐴥𐴞𐴔𐴧𐴝 𐴊𐴡𐴈𐴡𐴓 𐴒𐴡𐴌𐴡𐴘𐴧𐴝 𐴀𐴦𐴡𐴓𐴡𐴌 𐴔𐴟𐴑𐴝𐴁𐴠𐴓𐴝 𐴒𐴡𐴌𐴞𐴁𐴡𐴓𐴧𐴝 𐴃𐴝𐴌𐴝 𐴏𐴡𐴈𐴃𐴡𐴁𐴝𐴉𐴠  𐴃𐴞𐴘𐴝𐴘 𐴀𐴝𐴙𐴐𐴧𐴞𐴓| 𐴉𐴡𐴏𐴥𐴞𐴔𐴧𐴝 𐴎𐴝𐴓𐴠𐴔 𐴀𐴦𐴡𐴓𐴡𐴌 𐴏𐴝𐴀𐴔𐴕𐴠 𐴕𐴞𐴎𐴡𐴌𐴝𐴌 𐴔𐴝𐴃𐴥𐴝 𐴕𐴞𐴏𐴠 𐴒𐴡𐴌𐴞𐴁𐴡𐴓𐴧𐴝 𐴀𐴝𐴌 𐴅𐴞𐴇𐴝𐴊𐴡𐴌 𐴌𐴝𐴏𐴧𐴝 𐴏𐴥𐴝𐴌𐴞𐴁𐴡𐴓𐴧𐴝 𐴘𐴥𐴡 𐴌𐴝𐴎𐴞 𐴕𐴡 𐴀𐴝𐴐𐴧𐴞𐴓| 𐴀𐴝𐴌 𐴀𐴞𐴃𐴡𐴓𐴧𐴝 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴉𐴒𐴝𐴕 𐴎𐴝𐴃𐴞 𐴌𐴠 𐴉𐴟𐴌𐴝 𐴔𐴟𐴏𐴓𐴞𐴔 𐴀𐴟𐴔𐴧𐴝𐴇𐴡𐴌 𐴃𐴡𐴌𐴉𐴡𐴃𐴧𐴟 𐴁𐴡𐴌𐴡 𐴀𐴝𐴅𐴡𐴌 𐴊𐴝𐴕 𐴒𐴡𐴙𐴅𐴧𐴠| 𐴀𐴝𐴣𐴀𐴌𐴝 𐴀𐴝𐴉𐴒𐴝𐴕 𐴎𐴝𐴃𐴞 𐴌𐴠 𐴏𐴡𐴓𐴞𐴁𐴞 𐴋𐴝𐴘 𐴀𐴦𐴡𐴓𐴡𐴌 𐴈𐴠𐴓𐴝𐴉 𐴀𐴞 𐴁𐴡𐴌𐴡 𐴎𐴞𐴃𐴕𐴡𐴌 𐴁𐴝𐴁𐴡𐴃𐴠 𐴔𐴟𐴁𐴝𐴌𐴡𐴑𐴁𐴝𐴊 𐴎𐴝𐴕𐴝𐴘| 𐴀𐴝𐴣𐴀𐴌𐴝 𐴀𐴝𐴌𐴡 𐴔𐴟𐴁𐴝𐴌𐴡𐴑𐴁𐴝𐴊 𐴎𐴝𐴕𐴝𐴌 𐴀𐴞𐴔𐴝𐴌𐴝𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝𐴌 𐴀𐴝𐴔𐴠𐴌 𐴀𐴥𐴡𐴑𐴧𐴡𐴓𐴡𐴌𐴠/ 𐴈𐴦𐴝𐴏 𐴒𐴡𐴌𐴞  𐴀𐴝𐴔𐴞𐴌𐴟𐴓 𐴔𐴟𐴀𐴔𐴞𐴕𐴞𐴕 𐴐𐴝𐴘𐴈𐴟𐴓 𐴇𐴝𐴊𐴞𐴏 𐴇𐴠𐴁𐴝𐴃𐴟𐴓𐴧𐴝𐴤 𐴀𐴝𐴈𐴟𐴕𐴊𐴝𐴎𐴝 𐴇𐴝𐴉𐴠𐴎𐴝𐴇𐴟𐴓𐴧𐴝𐴤 𐴌𐴠 𐴔𐴟𐴁𐴝𐴌𐴡𐴑𐴁𐴝𐴊 𐴎𐴝𐴕𐴝𐴘|𐴱

𐴀𐴝𐴣𐴀𐴌𐴝 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴈𐴝𐴣𐴏𐴠 𐴊𐴟𐴀𐴦𐴝 𐴒𐴡𐴌𐴞 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴞 𐴅𐴞𐴇𐴝𐴊𐴡𐴃 𐴐𐴡𐴇𐴞𐴊 𐴀𐴡𐴘𐴧𐴠𐴊𐴞 𐴔𐴡𐴌𐴡𐴊/ 𐴔𐴝𐴘𐴧𐴝 𐴉𐴗𐴝 𐴀𐴝𐴊𐴧𐴠 𐴁𐴝𐴆𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴑𐴡𐴁𐴟𐴓 𐴒𐴡𐴟𐴑|  𐴀𐴡 𐴀𐴝𐴓𐴧𐴝𐴤 ! 𐴀𐴝𐴔𐴞𐴌𐴟𐴓 𐴔𐴟𐴀𐴔𐴞𐴕𐴞𐴕 𐴔𐴟𐴓𐴧𐴝 𐴀𐴡𐴔𐴡𐴌 )𐴌𐴡𐴇( 𐴌𐴠 𐴕𐴞𐴎𐴡𐴌 𐴌𐴡𐴇𐴔𐴝𐴃𐴡𐴃 𐴐𐴝𐴔𐴞𐴓 𐴒𐴡𐴌𐴞 𐴓𐴡𐴖! 𐴎𐴞𐴁𐴥𐴝𐴘 𐴔𐴡𐴎𐴁𐴟𐴃 𐴀𐴞𐴔𐴝𐴕𐴡𐴌 𐴏𐴝𐴣𐴀𐴃𐴠  𐴀𐴝𐴓𐴧𐴝𐴇𐴡𐴌 𐴖𐴝𐴌𐴠 𐴃𐴝𐴖𐴝𐴑𐴧𐴟𐴓 𐴒𐴡𐴌𐴞 𐴃𐴞𐴘𐴝𐴘 𐴒𐴞𐴘𐴡𐴘 𐴀𐴝𐴌 𐴇𐴥𐴞𐴁𐴝𐴌 𐴔𐴡𐴐𐴇𐴟𐴌 𐴁𐴡𐴘𐴝𐴕  𐴊𐴞𐴘𐴧𐴠 𐴎𐴞𐴘𐴝𐴕 𐴀𐴝𐴙𐴅𐴡 𐴐𐴟𐴊𐴟 𐴀𐴝𐴉𐴒𐴝𐴕𐴞𐴏𐴃𐴝𐴕𐴡 𐴕𐴡 𐴁𐴡𐴓𐴑𐴞 𐴉𐴟𐴌𐴝 𐴀𐴞𐴏𐴓𐴝𐴔𐴞 𐴊𐴟𐴕𐴞𐴘𐴝𐴃 𐴉𐴟𐴕𐴝 𐴎𐴝𐴘| 𐴇𐴥𐴞𐴁𐴝𐴌  𐴁𐴡𐴘𐴝𐴕 𐴇𐴞𐴘𐴝𐴕 𐴀𐴡𐴘𐴓𐴊𐴠- 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴣𐴀𐴌𐴝𐴌𐴠 𐴎𐴞𐴃𐴡𐴕𐴡𐴌 𐴖𐴝𐴊𐴝 𐴒𐴡𐴙𐴅𐴧𐴠 𐴀𐴝𐴌 𐴁𐴥𐴟𐴐 𐴀𐴝𐴣𐴀𐴌𐴝 𐴌𐴠 𐴐𐴥𐴞𐴑𐴝𐴏𐴃 𐴒𐴡𐴌𐴞𐴁𐴡 𐴁𐴡𐴓𐴞 𐴖𐴝𐴊𐴝 𐴒𐴡𐴙𐴅𐴧𐴠 𐴀𐴝𐴌 𐴀𐴝𐴣𐴀𐴌𐴝 𐴘𐴥𐴡 𐴁𐴦𐴡𐴃 𐴅𐴡𐴓𐴊𐴠 𐴊𐴠𐴈𐴞𐴃 𐴉𐴝𐴙𐴅𐴧𐴟𐴔 𐴀𐴞 𐴊𐴟𐴘𐴧𐴝𐴕 𐴖𐴝𐴊𐴝𐴌 𐴈𐴡𐴕𐴧𐴝𐴕 𐴇𐴝𐴑𐴞𐴇𐴡𐴃𐴡𐴃 𐴉𐴟𐴌𐴝 𐴀𐴡𐴘𐴁𐴡| 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴔𐴞𐴌𐴟𐴓 𐴔𐴟𐴀𐴔𐴞𐴕𐴞𐴕 𐴔𐴡𐴓𐴧𐴝 𐴀𐴝𐴈𐴃𐴥𐴝𐴌 𐴔𐴝𐴕𐴏𐴟𐴌 (𐴌𐴡𐴇)  𐴀𐴝𐴊𐴧𐴠 𐴐𐴝𐴘𐴈𐴟𐴓 𐴔𐴟𐴅𐴝𐴇𐴞𐴊𐴞𐴕 𐴀𐴝𐴁𐴟𐴐 𐴐𐴡𐴇𐴞𐴊 𐴅𐴝𐴓𐴝𐴓𐴟𐴊𐴧𐴞𐴕  𐴇𐴡𐴑𐴧𐴝𐴕𐴞𐴌 𐴖𐴝𐴌𐴠 𐴌𐴡𐴇𐴡𐴔 𐴒𐴡𐴌𐴟𐴑|𐴱

𐴀𐴡 𐴔𐴟𐴏𐴓𐴞𐴔 𐴎𐴝𐴃𐴞! 𐴀𐴞 𐴎𐴞𐴃𐴡𐴕 𐴀𐴞𐴘𐴝𐴕 𐴔𐴟𐴏𐴡𐴓𐴔𐴝𐴕  𐴎𐴝𐴃𐴞 𐴎𐴡𐴈𐴡𐴕 𐴀𐴠𐴃𐴧𐴠𐴇𐴝𐴊  𐴀𐴡𐴘 𐴃𐴝𐴌𐴝𐴌 𐴊𐴞𐴕𐴡𐴌𐴠 𐴇𐴠𐴉𐴝𐴎𐴡𐴃 𐴒𐴡𐴌𐴞𐴁𐴡𐴓𐴧𐴝/  𐴊𐴞𐴕𐴡𐴌 𐴀𐴞𐴅𐴧𐴡𐴃 𐴇𐴠𐴉𐴝𐴎𐴡𐴃 𐴒𐴡𐴌𐴞𐴁𐴡𐴓𐴧𐴝 / 𐴕𐴞𐴎𐴡𐴌𐴝𐴌 𐴊𐴠𐴐  𐴀𐴝𐴊𐴧𐴠 𐴔𐴝𐴓 𐴇𐴠𐴇𐴝𐴎𐴡𐴃 𐴒𐴡𐴌𐴞𐴁𐴡𐴓𐴧𐴝 𐴅𐴞𐴇𐴝𐴊 𐴒𐴡𐴌𐴞𐴁𐴡 𐴃𐴡𐴈𐴡𐴕 𐴃𐴝𐴌𐴝𐴌 𐴃𐴝𐴑𐴡𐴃 𐴈𐴡𐴊𐴧𐴟𐴕 𐴀𐴡𐴘𐴁𐴡 𐴇𐴥𐴞𐴘𐴝𐴕 𐴁𐴟𐴎𐴝𐴘 𐴊𐴞𐴘𐴧𐴠| 𐴀𐴝𐴌𐴥𐴡 𐴏𐴝𐴁𐴠𐴃 𐴒𐴡𐴌𐴞 𐴊𐴞𐴘𐴧𐴠 𐴑𐴞 𐴅𐴞𐴇𐴝𐴊𐴡𐴌 𐴌𐴝𐴏𐴧𐴝 𐴀𐴡𐴘𐴓𐴊𐴠 𐴀𐴥𐴥𐴞𐴀𐴕 𐴀𐴠𐴑𐴧𐴝𐴕 𐴌𐴝𐴏𐴧𐴝 𐴎𐴞𐴘𐴝𐴕 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴔𐴡𐴊𐴡𐴊 𐴀𐴝𐴌 𐴎𐴡𐴔𐴞𐴕𐴡𐴃 𐴕𐴞𐴎𐴡𐴌𐴝𐴌 𐴇𐴡𐴑𐴟𐴔 𐴑𐴝𐴀𐴞𐴔𐴡𐴌 𐴊𐴝𐴌𐴝𐴘 𐴈𐴡𐴃𐴡𐴔 𐴀𐴡𐴘|

𐴊𐴟𐴐𐴕𐴝𐴔 𐴀𐴦𐴡𐴓𐴡𐴌 𐴐𐴥𐴡𐴚𐴈𐴝 𐴎𐴡𐴊𐴧𐴟𐴕 𐴀𐴡𐴗𐴑 𐴃𐴝𐴌𐴝 𐴎𐴡𐴊𐴧𐴟𐴌 𐴃𐴝𐴑𐴡𐴃 𐴀𐴦𐴡𐴓𐴝 𐴀𐴡𐴘𐴗𐴑 𐴀𐴝𐴌 𐴃𐴝𐴌𐴝𐴌 𐴇𐴥𐴝𐴃𐴡𐴃 𐴎𐴡𐴃𐴡 𐴁𐴡𐴌𐴡 𐴊𐴝𐴔𐴞 𐴀𐴝𐴃𐴞𐴘𐴝𐴌 𐴃𐴝𐴑𐴡𐴑 𐴃𐴝𐴌𐴝 𐴈𐴡𐴕𐴡𐴊𐴞𐴕 𐴀𐴥𐴞𐴀𐴕 𐴎𐴝𐴃𐴞𐴌 𐴔𐴟𐴑𐴝𐴁𐴠𐴓 𐴒𐴡𐴌𐴞𐴃 𐴕𐴡 𐴉𐴝𐴌𐴞𐴁𐴡 𐴎𐴝𐴌𐴝 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴑𐴞𐴃𐴝𐴁 𐴀𐴝𐴊𐴧𐴠 𐴃𐴝𐴌 𐴌𐴝𐴏𐴟𐴓 –𐴔𐴡𐴌𐴠 𐴏𐴟𐴕𐴧𐴝𐴃𐴡𐴌𐴠 𐴔𐴡𐴎𐴁𐴟𐴃 𐴒𐴡𐴌𐴞 𐴊𐴡𐴌𐴞𐴁𐴡| 𐴀𐴝𐴌 𐴏𐴝𐴇𐴝𐴁𐴝𐴘𐴠 𐴑𐴞𐴌𐴝𐴔𐴡𐴌 𐴀𐴞𐴃𐴧𐴠𐴁𐴝 𐴒𐴡𐴌𐴞𐴁𐴡 𐴎𐴝𐴌𐴝 𐴕𐴝𐴑𐴠  𐴊𐴟𐴕𐴞𐴘𐴝𐴌 𐴎𐴡𐴔𐴞𐴕𐴡𐴃 𐴊𐴞𐴕 𐴑𐴝𐴀𐴞𐴔 𐴒𐴡𐴌𐴞𐴁𐴡𐴓𐴧𐴝 𐴑𐴝𐴉𐴠𐴌 𐴀𐴝𐴊𐴧𐴠 𐴔𐴟𐴕𐴝𐴉𐴠𐴑 𐴀𐴥𐴡𐴑𐴧𐴡𐴓𐴡𐴌 𐴏𐴝𐴣𐴃𐴠 𐴅𐴞𐴇𐴝𐴊 𐴒𐴡𐴙𐴅𐴠|

وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ

”𐴃𐴟𐴣𐴖𐴝𐴌𐴝𐴌 𐴔𐴝𐴎𐴠𐴃𐴧𐴟 𐴎𐴝𐴌𐴝 𐴀𐴞𐴔𐴝𐴕 𐴀𐴝𐴙𐴕𐴧𐴠 𐴀𐴝𐴌 𐴁𐴝𐴓𐴝 𐴈𐴝𐴔 𐴒𐴡𐴌𐴞 𐴀𐴝𐴓𐴧𐴝𐴤 𐴃𐴝𐴓𐴝 𐴃𐴝𐴌𐴝𐴠 𐴊𐴟𐴕𐴞𐴘𐴝𐴃 𐴈𐴠𐴓𐴝𐴉𐴡𐴃 𐴊𐴝𐴕 𐴒𐴡𐴌𐴞𐴁𐴡 𐴁𐴡𐴓𐴞 𐴖𐴝𐴊𐴝 𐴒𐴡𐴙𐴅𐴧𐴠 𐴎𐴞𐴕𐴋𐴦𐴡𐴙𐴓𐴧𐴝  𐴃𐴝𐴌𐴝 𐴀𐴝𐴒𐴠𐴌 𐴑𐴡𐴗𐴔𐴡𐴌𐴠 𐴈𐴠𐴓𐴝𐴉𐴡𐴃 𐴊𐴝𐴕 𐴒𐴡𐴙𐴅𐴧𐴞𐴓| 𐴀𐴝𐴌 𐴃𐴝𐴌𐴝𐴌 𐴊𐴞𐴕𐴡𐴌𐴠 𐴑𐴝𐴀𐴞𐴔 𐴒𐴡𐴌𐴞 𐴊𐴞𐴁𐴡 𐴎𐴞 𐴊𐴞𐴕𐴡𐴌𐴠 𐴃𐴝𐴀𐴛 𐴃𐴝𐴌𐴝𐴓𐴧𐴝 𐴉𐴡𐴏𐴡𐴕 𐴒𐴡𐴙𐴅𐴧𐴠| 𐴀𐴝𐴌 𐴃𐴝𐴌𐴝𐴌 𐴋𐴡𐴕𐴡𐴌𐴠 𐴀𐴝𐴔𐴝𐴕𐴡𐴌 𐴊𐴝𐴌𐴝𐴘 𐴁𐴡𐴊𐴓𐴝𐴘 𐴊𐴞𐴁𐴡| 𐴃𐴝𐴌𐴝 𐴀𐴝𐴣𐴀𐴌𐴝𐴌 𐴀𐴞𐴁𐴝𐴊𐴡𐴃 𐴒𐴡𐴌𐴞𐴁𐴡 𐴀𐴝𐴌 𐴀𐴝𐴣𐴀𐴌𐴝𐴌 𐴉𐴟𐴣𐴖𐴝𐴣𐴃𐴞 𐴈𐴡𐴕𐴞𐴑𐴧𐴝𐴌𐴠 𐴐𐴡𐴌𐴞𐴑 𐴕𐴡 𐴒𐴡𐴌𐴞𐴁𐴡| 𐴎𐴝𐴌𐴝 𐴕𐴠𐴑𐴞 𐴀𐴞𐴘𐴝𐴌 𐴁𐴦𐴝𐴊𐴠𐴘𐴥𐴡 𐴑𐴟𐴉𐴟𐴌𐴞 𐴒𐴡𐴌𐴞𐴁𐴡 𐴃𐴡𐴘𐴓𐴊𐴠 𐴃𐴝𐴌𐴝 𐴀𐴡𐴘𐴓𐴊𐴠 𐴉𐴝𐴏𐴠𐴑|”𐴱

𐴀𐴞𐴃𐴡𐴓𐴧𐴝 𐴁𐴡𐴓𐴞 𐴈𐴡𐴘 𐴀𐴡 𐴀𐴝𐴣𐴀𐴌𐴝𐴌 𐴔𐴡𐴇𐴝𐴁𐴧𐴝𐴃𐴡𐴌 𐴔𐴟𐴏𐴓𐴞𐴔 𐴎𐴝𐴃𐴞! 𐴀𐴠𐴈𐴡𐴕 𐴔𐴟𐴏𐴃𐴡𐴑𐴁𐴞𐴓𐴡𐴃 𐴀𐴝𐴘𐴁𐴡𐴊𐴠 𐴔𐴡𐴌𐴃𐴡𐴁𐴡𐴓𐴧𐴝 𐴓𐴧𐴝 𐴀𐴡𐴕𐴡𐴌 𐴃𐴡𐴘𐴧𐴝𐴌 𐴀𐴡𐴀𐴕 𐴊𐴡𐴌𐴈𐴝𐴌| 𐴎𐴠𐴘𐴝𐴕 𐴀𐴝𐴉𐴒𐴝𐴕 𐴎𐴝𐴃𐴞𐴌 𐴎𐴞𐴃𐴡𐴌 𐴎𐴡𐴌𐴞𐴘𐴝 𐴂𐴝𐴑𐴝 𐴀𐴡𐴘 𐴒𐴞𐴘𐴡𐴘| 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴔𐴡𐴊𐴡𐴊𐴡𐴃 𐴃𐴝𐴌𐴞𐴈𐴞 𐴎𐴞𐴃𐴡𐴕 𐴀𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴉𐴡𐴏𐴥𐴞𐴔𐴧𐴝 𐴎𐴝𐴓𐴠𐴔 𐴎𐴥𐴡𐴁𐴡𐴌 𐴊𐴡𐴈𐴡𐴓 𐴒𐴡𐴌𐴡𐴘𐴧𐴝𐴌 𐴀𐴦𐴡𐴓𐴡𐴌 𐴎𐴟𐴓𐴟𐴔𐴡𐴃𐴧𐴟 𐴔𐴟𐴏𐴡𐴓𐴔𐴝𐴕 𐴎𐴝𐴃𐴞𐴌 𐴎𐴞𐴃𐴡𐴕 𐴀𐴝𐴊𐴧𐴠 𐴀𐴝𐴎𐴝𐴊𐴞𐴌 𐴌𐴝𐴏𐴧𐴝 𐴈𐴟𐴓𐴞 𐴎𐴝𐴘𐴁𐴡| 𐴔𐴟𐴏𐴡𐴓𐴔𐴝𐴕 𐴎𐴝𐴃𐴞 𐴁𐴠𐴅𐴧𐴡𐴃𐴞 𐴃𐴧𐴟 𐴔𐴟𐴑𐴃𐴞 𐴉𐴝𐴘𐴁𐴡 𐴎𐴞 𐴁𐴠𐴅𐴧𐴡𐴃𐴞 𐴉𐴡𐴏𐴥𐴞𐴔𐴧𐴝 𐴀𐴦𐴡𐴓𐴠 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴡𐴌 𐴖𐴝𐴌𐴠 𐴏𐴝𐴂𐴝𐴘 𐴊𐴞𐴘𐴧𐴠|𐴀𐴝𐴓𐴧𐴝𐴤 𐴃𐴝𐴓𐴝 𐴏𐴝𐴊𐴧𐴡𐴘𐴓𐴠 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴔𐴟𐴏𐴡𐴓𐴔𐴝𐴕𐴡 𐴎𐴞𐴃𐴡𐴕 𐴀𐴞𐴘𐴝𐴕 𐴅𐴝𐴘𐴡𐴕𐴞𐴐𐴥𐴄 𐴀𐴞𐴇𐴟𐴊𐴞 𐴀𐴦𐴡𐴓𐴡𐴌 𐴇𐴥𐴝𐴃𐴡𐴃𐴧𐴟 𐴉𐴞𐴓𐴡𐴏𐴃𐴞𐴕𐴡𐴌 𐴔𐴡𐴑𐴡𐴊𐴧𐴝𐴔𐴝 𐴀𐴞𐴏𐴝𐴉𐴠 𐴊𐴡𐴌𐴝 𐴀𐴡𐴘𐴁𐴡| 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴀𐴝𐴔𐴠𐴌𐴞𐴑𐴝 𐴀𐴝𐴊𐴧𐴠 𐴕𐴠𐴄𐴡 𐴅𐴡𐴄𐴡𐴌 𐴐𐴥𐴠𐴑𐴝𐴏𐴃 𐴀𐴡𐴀𐴕 𐴀𐴞𐴘𐴝𐴕 𐴔𐴟𐴏𐴓𐴞𐴔 𐴎𐴡𐴔𐴞𐴕𐴡𐴃 𐴃𐴝𐴌𐴝 𐴇𐴡𐴑𐴟𐴔𐴡𐴃𐴞 𐴀𐴝𐴊𐴠 𐴉𐴡𐴗𐴏𐴞 𐴂𐴝𐴖𐴝𐴌 𐴈𐴡𐴃𐴡𐴔 𐴀𐴡𐴀𐴕𐴡𐴌 𐴐𐴟𐴌𐴟 𐴀𐴞𐴏𐴝𐴉𐴠 𐴒𐴡𐴕𐴝 𐴀𐴡𐴘𐴁𐴡| 𐴀𐴝𐴌𐴠𐴑𐴧𐴝𐴕 𐴔𐴡𐴎𐴑𐴟𐴌 𐴒𐴡𐴌𐴞𐴁𐴝𐴌 𐴏𐴦𐴞𐴕 𐴀𐴡𐴘𐴓𐴊𐴠 𐴑𐴞 𐴀𐴞 𐴎𐴞𐴃𐴡𐴕 𐴀𐴞𐴘𐴝𐴕 𐴉𐴥𐴟𐴑 𐴀𐴠𐴐𐴥𐴞𐴘𐴝 𐴀𐴝𐴊𐴧𐴠 𐴘𐴟𐴌𐴡𐴂𐴡 𐴓𐴝𐴧 𐴀𐴝𐴔𐴠𐴌𐴞𐴑𐴝𐴌 𐴇𐴡𐴑𐴟𐴔𐴡𐴃𐴡𐴃𐴧𐴟 𐴀𐴝𐴎𐴝𐴊 𐴀𐴡𐴀𐴕𐴡𐴌 𐴉𐴟𐴌𐴏𐴝𐴃 𐴀𐴝𐴏𐴠𐴊𐴠 𐴇𐴞𐴘𐴝𐴌 𐴀𐴞𐴓𐴝𐴕|𐴱

𐴀𐴝𐴣𐴀𐴌𐴝 𐴀𐴝𐴈𐴠𐴌𐴡𐴃 𐴊𐴞𐴕𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴀𐴝𐴉𐴒𐴝𐴕 𐴎𐴝𐴃𐴞𐴌𐴠 𐴀𐴞𐴔𐴝𐴌𐴝𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝𐴌 𐴓𐴞𐴋𐴝𐴌 𐴀𐴦𐴡𐴓𐴡𐴌 𐴇𐴡𐴑𐴟𐴔𐴡𐴌 𐴖𐴝𐴌𐴠 𐴀𐴠𐴑 𐴀𐴡𐴘 𐴎𐴝𐴀𐴕𐴡𐴓𐴧𐴝|  𐴎𐴠 𐴓𐴞𐴋𐴝𐴌 𐴀𐴦𐴡𐴓𐴠 𐴁𐴦𐴡𐴃 𐴁𐴡𐴏𐴡𐴌 𐴓𐴡𐴃𐴞 𐴀𐴞 𐴅𐴞𐴕𐴞𐴐 𐴀𐴞𐴘𐴝𐴕 𐴏𐴝𐴁𐴠𐴃 𐴒𐴡𐴌𐴞 𐴊𐴞𐴘𐴧𐴠 𐴑𐴞 𐴃𐴝𐴌𐴝𐴌 𐴈𐴝𐴔 𐴀𐴡𐴘𐴓𐴊𐴠 𐴀𐴠 𐴊𐴠𐴐𐴡𐴌𐴠 𐴏𐴡𐴀𐴞𐴁𐴝𐴉𐴠 𐴀𐴠𐴕𐴃𐴠𐴎𐴝𐴔 𐴒𐴡𐴌𐴝 𐴀𐴝𐴌 𐴊𐴞𐴕 𐴀𐴝𐴊𐴧𐴠 𐴔𐴝𐴕𐴟𐴙𐴐𐴥𐴡𐴌 𐴅𐴝𐴕 𐴀𐴝𐴌 𐴔𐴝𐴓𐴡𐴌 𐴇𐴠𐴉𐴝𐴎𐴡𐴃 𐴒𐴡𐴌𐴝| 𐴀𐴝𐴌 𐴃𐴝𐴌𐴝𐴌𐴠 𐴀𐴞𐴔𐴝𐴌𐴡𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝𐴌 𐴉𐴡𐴘𐴏𐴝𐴓𐴝 𐴀𐴝𐴊𐴧𐴠 𐴐𐴡𐴌𐴞𐴀𐴞 𐴉𐴡𐴘𐴏𐴝𐴓𐴝 𐴔𐴝𐴕𐴞 𐴓𐴡𐴘𐴁𐴡𐴓𐴧𐴝 𐴕𐴡𐴏𐴞𐴇𐴡𐴃 𐴒𐴡𐴙𐴅𐴧𐴟𐴔| 𐴀𐴝𐴓𐴧𐴝𐴤 𐴃𐴝𐴓𐴝 𐴘𐴠 𐴈𐴡𐴘𐴧𐴠𐴊𐴠-يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ

𐴀𐴡 𐴀𐴞𐴔𐴝𐴕𐴊𐴝𐴌 𐴀𐴥𐴡𐴑𐴧𐴡𐴓! 𐴃𐴟𐴣𐴖𐴝𐴣𐴌𐴝 𐴀𐴝𐴓𐴧𐴝𐴤 𐴀𐴝𐴊𐴧𐴠 𐴃𐴝𐴌 𐴌𐴝𐴏𐴟𐴓𐴡𐴌 𐴀𐴠𐴃𐴡𐴀𐴝𐴃 𐴒𐴡𐴌𐴡| 𐴀𐴝𐴌 𐴀𐴞𐴃𐴡𐴀𐴝𐴃 𐴒𐴡𐴌𐴡 𐴃𐴟𐴣𐴖𐴝𐴣𐴌𐴝𐴌 𐴓𐴞𐴋𐴝𐴌 𐴀𐴥𐴡𐴑𐴧𐴡𐴓𐴡𐴌|

𐴀𐴝𐴣𐴀𐴌𐴝 𐴉𐴟𐴌𐴝 𐴔𐴟𐴏𐴓𐴞𐴔 𐴎𐴝𐴃𐴞𐴌𐴠 𐴀𐴝𐴉𐴒𐴝𐴕𐴞𐴏𐴃𐴡𐴌 𐴁𐴦𐴝𐴏𐴠 𐴃𐴡𐴘𐴡𐴘𐴁𐴡𐴓𐴧𐴝 𐴈𐴡𐴘| 𐴀𐴝𐴌 𐴀𐴞𐴔𐴝𐴌𐴡𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝 𐴌𐴠 𐴇𐴥𐴝𐴌 𐴑𐴠𐴏𐴞𐴔𐴧𐴝 𐴔𐴡𐴊𐴡𐴊 𐴒𐴡𐴌𐴞𐴁𐴡𐴓𐴧𐴝 𐴋𐴝𐴑𐴞| 𐴈𐴦𐴝𐴏 𐴒𐴡𐴌𐴞 𐴀𐴞 𐴑𐴡𐴄𐴞𐴕 𐴐𐴡𐴔𐴡𐴘𐴡𐴃 𐴎𐴡𐴈𐴡𐴕 𐴉𐴟𐴌𐴝 𐴑𐴟𐴉𐴧𐴝𐴌𐴞 𐴉𐴡𐴗𐴏 𐴏𐴡𐴗𐴑 𐴋𐴡𐴌 𐴒𐴡𐴌𐴞 𐴊𐴠𐴑𐴞𐴃 𐴀𐴝𐴏𐴠 𐴎𐴠 𐴔𐴟𐴏𐴓𐴞𐴔 𐴎𐴝𐴃𐴠 𐴃𐴝𐴌𐴝𐴌 𐴊𐴞𐴕 𐴓𐴡𐴘 𐴁𐴦𐴡𐴃 𐴉𐴡𐴈𐴡𐴌 𐴒𐴡𐴌𐴠|𐴱

𐴀𐴡 𐴀𐴝𐴓𐴧𐴝𐴤 𐴀𐴡𐴕𐴠 𐴀𐴞𐴔𐴝𐴌𐴡𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝𐴌𐴠 𐴎𐴞𐴕𐴋𐴡𐴙𐴓𐴧𐴝 𐴅𐴞𐴇𐴝𐴊𐴃 𐴔𐴡𐴊𐴡𐴊 𐴒𐴡𐴙𐴅𐴧𐴠 𐴀𐴝𐴌 𐴊𐴟𐴐𐴧𐴡𐴕𐴡𐴌𐴠 𐴐𐴠𐴑𐴝𐴏𐴃 𐴈𐴝𐴘𐴡𐴘𐴧𐴡 𐴇𐴞𐴕𐴋𐴡𐴓𐴧𐴝  𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃 𐴃𐴟𐴣𐴖𐴝𐴣 𐴐𐴡𐴌𐴞𐴀𐴝𐴃 𐴑𐴝𐴀𐴞𐴔 𐴒𐴡𐴌𐴡𐴕𐴡𐴃 𐴘𐴥𐴡 𐴔𐴡𐴊𐴡𐴊 𐴒𐴡𐴌𐴡| 𐴀𐴝𐴌 𐴃𐴝𐴌𐴝𐴌𐴠 𐴀𐴞𐴏𐴓𐴝𐴔 𐴀𐴝𐴊𐴧𐴠 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴡𐴌  𐴁𐴝𐴓𐴝 𐴀𐴡𐴘𐴁𐴡𐴊𐴠 𐴀𐴥𐴞𐴀𐴕 𐴈𐴝𐴔𐴡𐴌 𐴔𐴝𐴎𐴠𐴀𐴥𐴡 𐴔𐴡𐴊𐴡𐴊 𐴒𐴡𐴌𐴡| 𐴀𐴡 𐴀𐴝𐴓𐴧𐴝𐴤 𐴃𐴝𐴌𐴝𐴌𐴠 𐴕𐴞𐴎𐴡𐴌𐴝𐴌𐴠 𐴕𐴞𐴎𐴡𐴓𐴧𐴝 𐴑𐴝𐴉𐴠 𐴁𐴝𐴕𐴘 𐴊𐴡| 𐴀𐴡 𐴀𐴝𐴓𐴧𐴝𐴤  𐴃𐴝𐴌𐴝𐴌𐴠 𐴀𐴡𐴕𐴡𐴌 𐴌𐴡𐴇𐴡𐴔 𐴀𐴝𐴊𐴧𐴠 𐴌𐴞𐴎𐴞𐴑𐴡𐴌 𐴊𐴝𐴌𐴝𐴌 𐴉𐴟𐴌𐴝 𐴒𐴡𐴌𐴞 𐴊𐴡| 𐴀𐴡 𐴀𐴝𐴓𐴧𐴝𐴤 𐴀𐴡𐴕𐴠 𐴀𐴝𐴔𐴠𐴌𐴞𐴑𐴌 𐴇𐴥𐴝𐴇𐴡𐴃𐴧𐴟 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌𐴠 𐴀𐴝𐴎𐴝𐴊 𐴒𐴡𐴙𐴅𐴧𐴡| 𐴇𐴞𐴕𐴋𐴡𐴙𐴓𐴧𐴝 𐴎𐴝𐴘𐴡𐴕𐴞𐴐𐴥𐴄 𐴀𐴞𐴇𐴟𐴊𐴞 𐴀𐴦𐴡𐴓𐴡𐴃𐴧𐴟 𐴉𐴞𐴓𐴡𐴏𐴃𐴞𐴕𐴡𐴌𐴠 𐴀𐴝𐴌 𐴀𐴞𐴏𐴓𐴝𐴔𐴞𐴑 𐴔𐴝𐴒𐴌𐴞𐴁𐴡𐴌𐴠 𐴉𐴠𐴌𐴝𐴣𐴏𐴡𐴌 𐴇𐴥𐴝𐴇𐴡𐴃𐴧𐴟 𐴀𐴝𐴎𐴝𐴊 𐴒𐴡𐴌𐴞 𐴊𐴡| 𐴀𐴡 𐴀𐴝𐴓𐴧𐴝𐴤 𐴀𐴞𐴏𐴓𐴝𐴔𐴡𐴌 𐴊𐴟𐴐𐴧𐴝𐴕𐴡𐴃𐴧𐴟  𐴐𐴝𐴔/ 𐴏𐴞𐴡𐴔𐴝𐴓𐴞𐴘𐴝/ 𐴘𐴝𐴔𐴠𐴕/ 𐴑𐴝𐴐𐴔𐴞𐴌 𐴏𐴡𐴀𐴡 𐴀𐴝𐴌𐴥𐴡  𐴁𐴝𐴑𐴞 𐴔𐴟𐴏𐴓𐴞𐴔 𐴊𐴠𐴐𐴧𐴡𐴌𐴠 𐴀𐴝𐴎𐴝𐴊 𐴒𐴡𐴌𐴞 𐴊𐴡| 𐴀𐴡𐴥 𐴀𐴝𐴓𐴧𐴝𐴤 𐴉𐴡𐴙𐴃𐴧𐴠 𐴊𐴠𐴐𐴥𐴡𐴌 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴡𐴌𐴠 𐴎𐴠𐴙𐴓𐴃𐴧𐴡 𐴀𐴝𐴎𐴝𐴊 𐴒𐴡𐴌𐴞 𐴊𐴡| 𐴀𐴥𐴡 𐴀𐴝𐴓𐴧𐴝𐴤  𐴐𐴡𐴇𐴞𐴊 𐴁𐴝𐴘𐴧𐴝𐴕𐴡𐴌 𐴖𐴝𐴌𐴠 𐴀𐴡𐴕𐴠 𐴌𐴡𐴇𐴡𐴔 𐴒𐴡𐴌𐴡 𐴎𐴝𐴌𐴝𐴌 𐴓𐴡𐴗 𐴀𐴝𐴊𐴧𐴠 𐴑𐴟𐴐𐴥𐴠𐴐𐴡𐴌 𐴎𐴡𐴌𐴞𐴘𐴝 𐴀𐴞 𐴎𐴞𐴃𐴡𐴕𐴌 𐴌𐴝𐴏𐴧𐴝 𐴀𐴦𐴝𐴏𐴝𐴕 𐴀𐴡𐴘𐴧𐴠|𐴀𐴡 𐴀𐴝𐴓𐴧𐴝𐴤! 𐴀𐴞𐴔𐴝𐴌𐴡𐴃 𐴀𐴝𐴓 𐴀𐴞𐴏𐴓𐴝𐴔𐴞𐴘𐴝𐴌 𐴔𐴟𐴅𐴝𐴇𐴞𐴊 𐴀𐴥𐴡𐴑𐴡𐴓𐴡𐴌𐴠 𐴌𐴝𐴏𐴧𐴝 𐴊𐴠𐴑𐴝𐴘 𐴊𐴡 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴠  𐴀𐴞𐴏𐴓𐴝𐴔𐴞 𐴐𐴡𐴌𐴞𐴀𐴝𐴃𐴡𐴌 𐴏𐴥𐴝𐴁𐴝𐴃 𐴐𐴝𐴕𐴃𐴞 𐴀𐴝𐴊𐴧𐴠 𐴀𐴝𐴌𐴝𐴔𐴡𐴌 𐴊𐴞𐴕 𐴈𐴝𐴣𐴍𐴝𐴃 𐴉𐴝𐴌𐴠 𐴉𐴝𐴕|𐴀𐴦𐴔𐴞𐴕

𐴀𐴝𐴣𐴀𐴌𐴝𐴌 𐴀𐴝𐴈𐴠𐴌𐴞 𐴈𐴡𐴃𐴝 𐴀𐴡𐴘𐴓𐴊𐴠 𐴃𐴦𐴝𐴔𐴝𐴔 𐴃𐴝𐴌𐴞𐴉 𐴀𐴝𐴓𐴧𐴝𐴤 𐴃𐴝𐴓𐴝𐴓𐴧𐴝 𐴎𐴞𐴁𐴥𐴝𐴘 𐴃𐴝𐴔𐴝𐴔 𐴅𐴝𐴇𐴝𐴕𐴡𐴌 𐴌𐴡𐴁|𐴱

𐴔𐴡𐴇𐴥𐴝𐴌𐴧𐴡𐴔𐴢  𐴱𐴴𐴴𐴳 𐴇𐴥𐴞𐴅𐴌𐴞
𐴀𐴡𐴒𐴥𐴡𐴐𐴄𐴢 𐴲𐴰𐴲𐴱 𐴀𐴞𐴚