𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢 || دعوت كا اسلوب اور منهج جهاد كى حفاظت

𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
اراکان کا منبر
اراکان کا منبر
arakan ka mimber

𐴎𐴡𐴇𐴠𐴌 𐴒𐴡𐴌𐴡𐴘𐴧𐴝
تقدم
ناشر
Presents

𐴌𐴟𐴇𐴥𐴝𐴙𐴚𐴒𐴙𐴝 𐴎𐴟𐴁𐴝𐴕𐴡𐴃𐴢 𐴃𐴡𐴌𐴅𐴟𐴔𐴝
الترجمة الروهينجية
روھینگا زبان میں ترجمہ
Rohingya Translation

𐴏𐴟𐴌𐴈𐴞:
بعنوان:
عنوان:
Titled:

𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢
أسلوب الدعوة والمحافظة على منهج الجهاد
دعوت كا اسلوب اور منهج جهاد كى حفاظت
The Approach of Da‘wah and Safeguarding the Methodology of Jihad

𐴀𐴡𐴕𐴓𐴝𐴘𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
للقرائة المباشرة والتحميل
پڑھيں یا ڈؤنلوڈ کریں
For Direct Reading and Downloading

 

AUDIO BOOK : PART-01 (42 MB)
https://archive.org/download/04_20260101_202601/01.mp3
https://mymegacloud.com/download/dXBsb2Fkcy9icmF4eHRvbi5qYWl
https://mega.nz/file/i8RFnZRL#4E-7987WlSZPOXtSpSGtCxx9h7tQQotjUIOH-SSuAoc
https://www.sendspace.com/file/hza8f3
https://files.fm/f/v33ktsgpvh

AUDIO BOOK : PART-02 (39 MB)
https://archive.org/download/04_20260101_202601/02.mp3
https://mymegacloud.com/download/dXBsb2Fkcy9icmF4eHRvb
https://mega.nz/file/OsZlwBjJ#Q3tNgu7KaIA1jiK6IxtCjONdmu7XgGj_WJJZWriO2Lw
https://www.sendspace.com/file/5rzglm
https://files.fm/f/9p564u76sb

AUDIO BOOK : PART-03 (57 MB)
https://archive.org/download/04_20260101_202601/03.mp3
https://mymegacloud.com/download/dXBsb2Fkcy9icmF4eHRvbi5qYWlzaG9
https://mega.nz/file/f0AnUSxT#FOl_TZauALhVWvW6F8yXdUxQp29kWVrUos2ctCsfmmo
https://www.sendspace.com/file/k0j4xy
https://files.fm/f/yuekkwhutv

AUDIO BOOK : PART-04 (73 MB)
https://archive.org/download/04_20260101_202601/04.mp3
https://mymegacloud.com/download/dXBsb2Fkcy9icmF4eHRvbi5qYWlzaG9uJ
https://mega.nz/file/u95BBbIY#U75X4Ytl5Toh37FfIE35toQdLXWb-CXCYAMST0Z1Wos
https://www.sendspace.com/file/g5jjzd
https://files.fm/f/j4djy2z82p

PDF (311 MB)
https://archive.org/download/dawater-usul-book-final-export-orginal.pdf
https://mymegacloud.com/images/agency-landing/cloud-transparent.svg
https://mega.nz/file/PxACnCiC#TX1FeXknV0yy2TkKv8mMAPTIqIJlsgl2A4dfTtwuGUg
https://files.fm/f/6xzuasnf4m

PDF (45 MB)
https://archive.org/download/dawater-usul-book-final-export-orginal-mb20MB-44.pdf
https://mymegacloud.com/images/agency-landing/cloud-transparent.svg
https://mega.nz/file/G05kwAiR#XPT4i6MfVEEoe281LdxvyySIEIaDEjIfGlyXOW9Q7p0
https://www.sendspace.com/file/3iw74a
https://files.fm/f/aw2kmq5rca

BANNER
https://archive.org/download/dawater-usul-book-final-export-orginal-Final_.png
https://mymegacloud.com/images/agency-landing/cloud-transparent.svg
https://mega.nz/file/K94wgA7Y#YCDZLNplwhxVo11XI1ga282P1CIBmrFGW9MrP7ys99Q
https://www.sendspace.com/file/dtbfuv
https://files.fm/f/dnaza9uk5t

---

---

 

𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢 𐴀𐴝𐴊𐴧𐴠 𐴃𐴡𐴌𐴡𐴑𐴧𐴞

(𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴘𐴝 𐴀𐴡𐴑𐴧𐴡𐴓𐴡𐴌 𐴈𐴝𐴃𐴠𐴌𐴠 𐴈𐴦𐴝𐴏𐴢 𐴕𐴡𐴏𐴞𐴘𐴡𐴃𐴢)

𐴀𐴟𐴏𐴃𐴝𐴊𐴢 𐴀𐴟𐴏𐴝𐴔𐴝 𐴔𐴝𐴇𐴔𐴟𐴊𐴢 𐴇𐴝𐴉𐴞𐴎𐴝𐴇𐴟𐴓𐴧𐴝𐴇𐴌 𐴓𐴠𐴙𐴑𐴤𐴝

 

𐴉𐴦𐴡𐴘𐴓𐴝 𐴈𐴡𐴃𐴝

بسم الله الرحمن الرحيم

الحمد لله وكفي والصلاة والسلام علي رسول الله . اما بعد…

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴉𐴡𐴎𐴡𐴓𐴠, 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴢 𐴀𐴝𐴌 𐴈𐴝𐴦𐴏𐴒𐴡𐴌𐴞 𐴀𐴞𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴈𐴠𐴊𐴔𐴡𐴃𐴢 𐴀𐴝𐴕𐴅𐴝𐴔𐴢 𐴊𐴡𐴘𐴝 𐴁𐴤𐴝𐴘𐴝𐴙𐴕 𐴀𐴡𐴑𐴧𐴡𐴓𐴡𐴌𐴠 𐴈𐴠𐴃𐴝𐴁𐴢 𐴒𐴡𐴌𐴞 𐴔𐴟𐴇𐴟𐴃𐴡𐴌𐴡𐴔𐴢 𐴐𐴝𐴘𐴈𐴢 𐴀𐴟𐴏𐴃𐴝𐴊𐴢 𐴀𐴟𐴏𐴝𐴔𐴝 𐴔𐴝𐴇𐴔𐴟𐴊𐴢 𐴇𐴝𐴉𐴞𐴎𐴝𐴇𐴟𐴓𐴧𐴝𐴇𐴌 𐴓𐴠𐴙𐴑𐴤𐴝 “𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢 𐴀𐴝𐴊𐴧𐴠 𐴃𐴡𐴌𐴡𐴑𐴧𐴞”, 𐴕𐴡𐴖𐴝𐴘𐴠 𐴀𐴝𐴉𐴒𐴝𐴕 𐴅𐴞𐴇𐴝𐴊𐴢 𐴔𐴟𐴅𐴡𐴓𐴧𐴝 𐴔𐴧𐴝𐴎𐴠 𐴇𐴥𐴞𐴏𐴧𐴝 𐴇𐴥𐴞𐴏𐴧𐴝 𐴒𐴡𐴌𐴞 𐴕𐴡𐴐𐴡𐴌 𐴒𐴡𐴌𐴝𐴌 𐴁𐴦𐴝𐴊𐴠 𐴀𐴠𐴑 𐴎𐴝𐴒𐴝𐴃𐴢 𐴅𐴡𐴔𐴝 𐴒𐴡𐴌𐴞 𐴀𐴟𐴒𐴧𐴗𐴝 𐴑𐴞𐴃𐴝𐴁𐴡𐴌 𐴏𐴟𐴦𐴌𐴡𐴃𐴡 𐴔𐴧𐴝𐴎𐴠 𐴊𐴝𐴀𐴞 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴞𐴕 𐴀𐴡𐴑𐴧𐴡𐴓𐴡𐴌 𐴈𐴠𐴊𐴔𐴡𐴃𐴡𐴃𐴢 𐴂𐴦𐴠𐴙𐴐𐴢 𐴒𐴡𐴙𐴅𐴧𐴠||

 

𐴐𐴝𐴘𐴈𐴢 𐴀𐴟𐴏𐴃𐴝𐴊𐴢 𐴀𐴟𐴏𐴝𐴔𐴝 𐴔𐴝𐴇𐴔𐴟𐴊𐴢 𐴇𐴝𐴉𐴞𐴎𐴝𐴇𐴟𐴓𐴧𐴝𐴇𐴘𐴠 𐴀𐴥𐴠 𐴌𐴠𐴏𐴝𐴓𐴝 𐴔𐴧𐴝𐴎𐴠 𐴕𐴞𐴎𐴠 𐴓𐴠𐴙𐴑𐴤𐴠𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠:

𐴀𐴝𐴣𐴀𐴌𐴝 𐴎𐴞𐴕𐴋𐴞𐴓𐴧𐴝 𐴔𐴟𐴅𐴝𐴇𐴞𐴊𐴢 𐴀𐴥𐴞𐴕𐴋𐴞𐴓𐴧𐴝 𐴊𐴞𐴕 𐴀𐴝𐴌 𐴅𐴞𐴇𐴝𐴊𐴡𐴌 𐴊𐴝𐴀𐴞𐴘𐴥𐴡 𐴀𐴠𐴑 𐴏𐴝𐴣𐴀𐴃𐴠 𐴑𐴠𐴃𐴝𐴓𐴥𐴡 𐴀𐴝𐴣𐴀𐴌𐴝𐴌 𐴎𐴞𐴔𐴧𐴝𐴊𐴝𐴌𐴞 𐴊𐴝𐴖𐴝𐴃𐴥𐴡 𐴀𐴝𐴣𐴀𐴌𐴝𐴌 𐴎𐴞𐴔𐴧𐴝𐴊𐴝𐴌𐴞| 𐴎𐴠 𐴃𐴝𐴑𐴡𐴃𐴢 𐴀𐴡𐴑𐴧𐴡𐴓𐴢 𐴀𐴥𐴝𐴃𐴞𐴘𐴝𐴌𐴡𐴌 𐴎𐴟𐴌𐴠 𐴀𐴝𐴣𐴀𐴌𐴝𐴌 𐴖𐴡𐴌𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴔𐴟𐴏𐴡𐴓𐴧𐴡𐴃𐴢 𐴒𐴡𐴌𐴞 𐴌𐴝𐴙𐴑𐴧𐴠 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴀𐴥𐴝𐴃𐴞𐴘𐴝𐴌 𐴓𐴡𐴘 𐴑𐴠𐴃𐴝𐴓𐴡𐴌 𐴔𐴡𐴘𐴊𐴝𐴕𐴡 𐴔𐴧𐴝𐴎𐴠𐴘𐴥𐴡 𐴀𐴝𐴣𐴀𐴌𐴝 𐴀𐴝𐴏𐴞 𐴀𐴝𐴌 𐴀𐴟𐴔𐴧𐴡𐴃𐴠 𐴔𐴟𐴏𐴓𐴞𐴔𐴝𐴌𐴠 𐴇𐴠𐴥 𐴎𐴝𐴓𐴠𐴔𐴡𐴌 𐴔𐴟𐴑𐴝𐴁𐴠𐴓𐴝𐴃𐴢 𐴅𐴞𐴇𐴝𐴊𐴡𐴃𐴢 𐴐𐴡𐴌𐴞𐴑 𐴀𐴡𐴘𐴁𐴝𐴌 𐴊𐴝𐴖𐴡𐴃𐴥𐴡 𐴀𐴝𐴣𐴀𐴌𐴝 𐴊𐴞𐴀𐴌||

𐴑𐴠𐴃𐴝𐴓𐴡𐴌 𐴔𐴡𐴘𐴊𐴝𐴕𐴡𐴌 𐴑𐴠𐴏𐴧𐴟 𐴐𐴡𐴌𐴃𐴡 𐴀𐴡𐴑𐴧𐴡𐴓𐴢 𐴀𐴝𐴏𐴠 𐴀𐴝𐴌 𐴊𐴝𐴖𐴡𐴃𐴡 𐴔𐴧𐴝𐴎𐴠𐴘𐴥𐴡 𐴑𐴠𐴏𐴧𐴟 𐴎𐴡𐴌𐴟𐴌𐴞 𐴔𐴡𐴏𐴡𐴓𐴝 𐴀𐴝𐴏𐴠, 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴑𐴠𐴃𐴝𐴓𐴡𐴌 𐴔𐴡𐴘𐴊𐴝𐴕𐴡 𐴔𐴧𐴝𐴎𐴠 𐴏𐴥𐴡𐴈𐴃𐴞 𐴒𐴡𐴙𐴅𐴧𐴠, 𐴓𐴡𐴀𐴡 𐴁𐴦𐴝𐴘𐴠 𐴀𐴝𐴌 𐴈𐴡𐴓𐴧𐴝 𐴈𐴝𐴍𐴡𐴕 𐴀𐴝𐴊𐴧𐴠 𐴈𐴝𐴍𐴝𐴘𐴁𐴡𐴓𐴧𐴝 𐴃𐴝𐴇𐴝𐴌𐴞𐴎𐴡 𐴒𐴡𐴙𐴅𐴧𐴠, 𐴑𐴞𐴕𐴃𐴟 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴦𐴞𐴌𐴡𐴃𐴢 𐴔𐴟𐴁𐴝𐴌𐴡𐴑 𐴀𐴠 𐴈𐴡𐴃𐴝𐴌 𐴒𐴡𐴁𐴤𐴝𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴡𐴌 𐴔𐴡𐴘𐴊𐴝𐴕𐴡 𐴔𐴧𐴝𐴎𐴠 𐴌𐴡𐴏𐴦𐴟𐴥𐴓𐴢 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴔𐴟𐴁𐴝𐴌𐴡𐴑 𐴃𐴡𐴌𐴞𐴑𐴝 𐴀𐴝𐴙𐴐𐴧𐴞𐴓𐴊𐴠 𐴕𐴡𐴌𐴡𐴔𐴞, 𐴏𐴥𐴡𐴈𐴃𐴞 𐴕𐴡𐴀 𐴀𐴝𐴙𐴐𐴧𐴞𐴓𐴢||

𐴀𐴝𐴣𐴀𐴌𐴝 𐴀𐴥𐴡𐴘𐴓𐴝𐴔𐴊𐴠 𐴊𐴡𐴌𐴔𐴞𐴘𐴝𐴕𐴞 𐴀𐴟𐴔𐴧𐴡𐴃𐴢, 𐴀𐴝𐴊𐴡𐴓𐴡𐴌 𐴌𐴝𐴏𐴧𐴝𐴃𐴢 𐴏𐴡𐴓𐴡𐴙𐴕𐴧𐴝 𐴊𐴝𐴖𐴡𐴃𐴞 𐴀𐴝𐴌 𐴅𐴞𐴇𐴝𐴊𐴞 𐴀𐴟𐴔𐴧𐴡𐴃𐴢| 𐴇𐴥𐴠 𐴊𐴡𐴌𐴔𐴞𐴘𐴝𐴕𐴞 𐴌𐴝𐴏𐴧𐴝 𐴀𐴝𐴊𐴧𐴠 𐴀𐴝𐴊𐴡𐴓𐴡𐴌 𐴔𐴟𐴃𐴝𐴀𐴝𐴓𐴧𐴠𐴑 𐴀𐴟𐴏𐴃𐴝𐴊𐴢 𐴀𐴟𐴏𐴝𐴔𐴝 𐴔𐴝𐴇𐴔𐴟𐴊𐴢 𐴇𐴝𐴉𐴞𐴎𐴡𐴇𐴟𐴓𐴧𐴝𐴇 𐴀𐴠 𐴌𐴞𐴏𐴝𐴓𐴝 𐴔𐴧𐴝𐴎𐴠 𐴏𐴥𐴝𐴉𐴢 𐴒𐴡𐴌𐴞 𐴁𐴡𐴘𐴝𐴕 𐴒𐴡𐴙𐴅𐴧𐴠||

𐴊𐴝𐴖𐴡𐴃𐴡𐴌 𐴔𐴡𐴏𐴧𐴟𐴊𐴢 𐴀𐴝𐴌 𐴉𐴝𐴘𐴊𐴝 𐴀𐴡𐴓𐴝 𐴃𐴡𐴌𐴞𐴑𐴝 𐴑𐴞؟ 𐴀𐴝𐴌 𐴖𐴝𐴕 𐴈𐴡𐴕 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴎𐴞𐴘𐴝𐴕 𐴕𐴞𐴎𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴓𐴧𐴝 𐴕𐴟𐴏𐴧𐴝𐴕 𐴁𐴡𐴕𐴠 𐴀𐴝𐴌 𐴎𐴦𐴞𐴕𐴡𐴌 𐴎𐴡𐴌𐴞𐴘𐴝 𐴀𐴟𐴓𐴋𐴝 𐴅𐴞𐴇𐴝𐴊𐴡𐴌 𐴊𐴟𐴐𐴧𐴡𐴕𐴡𐴌 𐴉𐴝𐴘𐴊𐴝 𐴀𐴡؟ 𐴀𐴥𐴞𐴕𐴋𐴞𐴓𐴧𐴝 𐴔𐴟𐴇𐴃𐴡𐴌𐴡𐴔𐴢 𐴐𐴝𐴘𐴈𐴠 𐴊𐴝𐴖𐴡𐴃𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴡 𐴔𐴧𐴝𐴎𐴠 𐴏𐴟𐴌𐴝𐴈𐴢 𐴓𐴝𐴒𐴡𐴘𐴝 𐴀𐴝𐴊𐴧𐴠 𐴃𐴝𐴌 𐴔𐴡𐴏𐴧𐴟𐴊𐴡𐴃𐴧𐴞 𐴉𐴥𐴞𐴌𐴝𐴘 𐴊𐴡𐴘𐴧𐴝 𐴀𐴡𐴑𐴧𐴡𐴓𐴡𐴌𐴠 𐴏𐴞𐴕𐴡𐴕 𐴀𐴝𐴌 𐴃𐴝𐴌𐴝𐴌 𐴏𐴝𐴔𐴧𐴠 𐴌𐴠𐴑𐴝𐴗𐴝𐴄 𐴁𐴡𐴕𐴝𐴌 𐴔𐴟𐴃𐴝𐴀𐴓𐴧𐴠𐴑 𐴀𐴠𐴦𐴕 𐴔𐴡𐴗𐴎𐴟 𐴀𐴡𐴑𐴧𐴡𐴓𐴢 𐴎𐴞𐴑𐴞𐴌 𐴒𐴡𐴙𐴅𐴧𐴠 𐴎𐴦𐴞𐴕𐴡𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴇 𐴏𐴝𐴘𐴓𐴠 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌𐴥𐴡 𐴇𐴠𐴉𐴝𐴎𐴡𐴃𐴢 𐴀𐴥𐴡𐴘𐴁𐴡 𐴀𐴞𐴕𐴋𐴞𐴓𐴧𐴝 𐴃𐴝𐴌 𐴃𐴡𐴌𐴡𐴑𐴧𐴞𐴘𐴥𐴡 𐴀𐴡𐴘𐴁𐴡||

𐴔𐴟𐴇𐴃𐴡𐴌𐴡𐴔𐴢 𐴐𐴝𐴘𐴈𐴠 𐴐𐴟𐴌𐴟𐴃𐴢 𐴑𐴠𐴏𐴧𐴟 𐴀𐴝𐴇𐴝𐴔𐴢 𐴔𐴡𐴗𐴎𐴟𐴌𐴠 𐴃𐴡𐴉𐴏𐴞𐴓𐴡𐴌 𐴏𐴝𐴣𐴀𐴃𐴠 𐴁𐴡𐴘𐴝𐴕 𐴒𐴡𐴙𐴅𐴧𐴠 𐴀𐴝𐴌 𐴓𐴦𐴝𐴏𐴡𐴃𐴢 𐴊𐴝𐴀𐴞 𐴀𐴡𐴑𐴧𐴡𐴓𐴡𐴌 𐴈𐴠𐴊𐴔𐴡𐴃𐴡 𐴔𐴧𐴝𐴎𐴠 𐴀𐴝𐴌𐴡𐴎 𐴇𐴞𐴏𐴝𐴉𐴠 𐴑𐴠𐴏𐴧𐴟 𐴈𐴡𐴃𐴝 𐴂𐴟𐴖𐴝𐴙𐴕𐴄𐴡𐴌 𐴏𐴟𐴌𐴡𐴃𐴡𐴃𐴢 𐴀𐴦𐴝𐴏𐴝𐴕 𐴀𐴝𐴌 𐴁𐴠𐴙𐴒𐴧𐴞𐴕𐴠 𐴁𐴟𐴎𐴠𐴊𐴠 𐴀𐴥𐴞𐴕𐴋𐴞𐴓𐴧𐴝 𐴒𐴡𐴌𐴞 𐴁𐴡𐴘𐴝𐴕 𐴒𐴡𐴙𐴅𐴧𐴠| 𐴂𐴟𐴖𐴝𐴙𐴕𐴄 𐴀𐴥𐴠𐴒𐴞𐴕𐴠 𐴌𐴠𐴏𐴝𐴓𐴝𐴌 𐴉𐴝𐴘𐴊𐴝𐴌𐴠 𐴀𐴝𐴌𐴥𐴡 𐴈𐴡𐴘𐴠𐴑 𐴒𐴟𐴕 𐴁𐴝𐴌𐴝𐴘 𐴊𐴞𐴘𐴠||

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴠 𐴌𐴠𐴏𐴝𐴓𐴝𐴌𐴠 𐴃𐴝𐴔𐴦𐴝𐴔𐴢 𐴊𐴝𐴖𐴡𐴃𐴢 𐴀𐴝𐴌 𐴅𐴞𐴇𐴝𐴊𐴡𐴌 𐴏𐴝𐴣𐴀𐴃𐴠 𐴃𐴝𐴀𐴝𐴓𐴧𐴟𐴑 𐴌𐴝𐴑𐴠𐴊𐴠 𐴁𐴤𐴝𐴘 𐴀𐴡𐴑𐴧𐴡𐴓𐴡𐴓𐴧𐴝 𐴀𐴦𐴝𐴔𐴢 𐴁𐴤𐴝𐴉𐴠 𐴀𐴝𐴌 𐴀𐴞𐴕𐴄𐴝𐴌𐴕𐴠𐴄𐴡𐴌 𐴗𐴡𐴌𐴠 𐴀𐴝𐴏𐴠𐴊𐴠 𐴅𐴞𐴇𐴝𐴊𐴞 𐴊𐴝𐴀𐴞 𐴀𐴡𐴑𐴧𐴡𐴓𐴡𐴓𐴧𐴝 𐴈𐴦𐴝𐴏𐴢 𐴁𐴤𐴝𐴉𐴠 𐴉𐴝𐴘𐴊𐴝𐴌 𐴎𐴡𐴌𐴞𐴘𐴝 𐴁𐴝𐴕𐴡𐴑||𐴀𐴝𐴔𐴞𐴕!

وصلي الله علي النبي وآخر دعوانا ان الحمد لله رب العالمين

𐴎𐴞𐴔𐴧𐴝𐴊𐴝𐴌
𐴀𐴠𐴊𐴝𐴌𐴝𐴘𐴠 𐴕𐴡𐴖𐴝𐴘𐴠 𐴀𐴝𐴉𐴒𐴝𐴕 𐴅𐴞𐴇𐴝𐴊𐴢
𐴅𐴟𐴔𐴝𐴊𐴟𐴓𐴢 𐴀𐴟𐴓𐴝 𐴱𐴴𐴴𐴱 𐴇
𐴅𐴝𐴕𐴟𐴀𐴝𐴌𐴞 𐴲𐴰𐴲𐴰 𐴀𐴚

   ********************

 

𐴀𐴦𐴠𐴕 𐴈𐴡𐴊𐴞𐴕 𐴃𐴡𐴌𐴞𐴑𐴝 𐴎𐴠𐴒𐴞𐴕 𐴊𐴝𐴖𐴡𐴃𐴡𐴓𐴧𐴝 𐴈𐴡𐴃𐴡𐴌𐴕𐴝𐴑!

𐴀𐴞𐴕𐴄𐴝𐴌𐴕𐴠𐴄𐴡𐴃𐴢 𐴅𐴞𐴇𐴝𐴊𐴞 𐴊𐴝𐴖𐴝𐴃𐴡𐴌 𐴔𐴟𐴃𐴝𐴀𐴝𐴓𐴧𐴠𐴑 𐴑𐴠𐴏𐴧𐴟 𐴓𐴠𐴙𐴑𐴤𐴝 𐴊𐴠𐴑𐴡𐴕𐴡𐴌 𐴁𐴝𐴊𐴠 𐴀𐴠 𐴔𐴡𐴖𐴎𐴟𐴌 𐴖𐴡𐴌𐴠 𐴃𐴡𐴎𐴑𐴝𐴌𐴝 𐴒𐴡𐴌𐴞𐴁𐴝𐴌 𐴎𐴡𐴌𐴟𐴌𐴡𐴃𐴢 𐴂𐴠𐴙𐴐𐴢 𐴀𐴝𐴙𐴐𐴧𐴠| 𐴀𐴠𐴑 𐴀𐴠𐴃𐴠𐴁𐴝𐴌𐴠 𐴓𐴠𐴙𐴑𐴤𐴝 𐴀𐴥𐴠𐴒𐴞𐴕 𐴃𐴝𐴌𐴞𐴉𐴡𐴌 𐴓𐴝𐴘𐴠𐴑، 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠𐴒𐴞𐴕𐴡𐴌𐴠 𐴏𐴡𐴓𐴡𐴙𐴕𐴧𐴝 𐴁𐴤𐴝𐴘 𐴀𐴡𐴑𐴧𐴡𐴓𐴢 𐴀𐴠 𐴉𐴞𐴃𐴕𐴝𐴌 𐴎𐴟𐴌 𐴏𐴡𐴓𐴠𐴊𐴧𐴠 𐴀𐴡𐴃𐴧𐴡𐴃𐴢 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴁𐴡𐴗𐴄𐴝𐴌𐴠 𐴃𐴟𐴓𐴞 𐴁𐴝𐴃𐴠𐴓𐴡𐴌 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝𐴃𐴢 𐴀𐴝𐴏𐴠| 𐴀𐴝𐴌 𐴃𐴝𐴌𐴝 𐴈𐴦𐴡𐴊𐴠 𐴀𐴠 𐴉𐴞𐴃𐴕𐴝𐴌𐴠 𐴈𐴡𐴃𐴡𐴔𐴢 𐴒𐴡𐴌𐴡𐴕𐴡𐴌 𐴏𐴞𐴌𐴞𐴉𐴢 𐴀𐴠𐴑𐴧𐴝𐴕 𐴌𐴝𐴏𐴧𐴝 𐴀𐴝𐴌 𐴘𐴦𐴝𐴕 𐴀𐴥𐴡𐴙𐴓𐴊𐴠 𐴅𐴞𐴇𐴝𐴊𐴢||

𐴀𐴠 𐴇𐴞𐴏𐴝𐴉𐴠 𐴃𐴝𐴌𐴝𐴌 𐴎𐴠𐴃𐴡 𐴃𐴝𐴌𐴞𐴉𐴢 𐴀𐴝𐴌 𐴐𐴟𐴑𐴟𐴌𐴞𐴘𐴝 𐴒𐴡𐴌𐴝 𐴎𐴝𐴘𐴁𐴡 𐴎𐴡𐴗𐴑 𐴀𐴥𐴠𐴒𐴞𐴕 𐴈𐴡𐴔𐴢 𐴀𐴥𐴡𐴘𐴁𐴡| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠، 𐴀𐴠𐴈𐴡𐴕 𐴎𐴡𐴁𐴝𐴕𐴝𐴌 𐴉𐴠𐴌𐴀𐴡𐴗𐴕𐴡𐴌 𐴕𐴝𐴌𐴝𐴎𐴞𐴃𐴧𐴞 𐴁𐴝𐴏𐴞𐴁𐴡𐴓𐴧𐴝 𐴀𐴝𐴌 𐴃𐴝𐴌𐴝𐴌 𐴁𐴡𐴐𐴧𐴞𐴐𐴢 𐴀𐴡𐴑𐴧𐴡𐴓𐴢 𐴅𐴡𐴔𐴝 𐴒𐴡𐴌𐴞𐴁𐴡𐴓𐴧𐴝 𐴎𐴠𐴍𐴠 𐴁𐴤𐴝𐴓𐴝 𐴁𐴤𐴝𐴓𐴝 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴢 𐴉𐴡𐴅𐴧𐴡𐴕𐴃𐴡 𐴎𐴞𐴁𐴧𐴝𐴃𐴢 𐴊𐴠𐴀𐴌| 𐴀𐴥𐴠 𐴎𐴝𐴒𐴝𐴃𐴢 𐴀𐴠 𐴁𐴤𐴝𐴘𐴝𐴙𐴕 𐴀𐴡𐴑𐴧𐴡𐴓𐴠 𐴎𐴝𐴓𐴠𐴔𐴡𐴌 𐴉𐴡𐴌𐴁𐴝 𐴕𐴡𐴒𐴡𐴌𐴞 𐴕𐴞𐴎𐴡𐴌 𐴅𐴝𐴕 𐴇𐴝𐴃𐴡𐴃𐴢 𐴓𐴡𐴘 𐴃𐴝𐴌𐴝𐴌 𐴎𐴟𐴓𐴟𐴔𐴡𐴌 𐴈𐴠𐴓𐴝𐴉𐴢 𐴀𐴝𐴁𐴝𐴏𐴢 𐴃𐴟𐴓𐴞 𐴀𐴝𐴘𐴠𐴌||

𐴃𐴝𐴌 𐴏𐴝𐴣𐴀𐴃𐴠 𐴅𐴞𐴇𐴝𐴊𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌𐴠 𐴅𐴟𐴖𐴝𐴁𐴢 𐴊𐴡𐴕𐴡𐴌 𐴀𐴠𐴃𐴠𐴁𐴝𐴌𐴠 𐴃𐴝𐴌𐴝𐴌 𐴀𐴠𐴈𐴓𐴝𐴏𐴢 𐴀𐴝𐴊𐴧𐴠 𐴁𐴠𐴒𐴡𐴌𐴡𐴎𐴞 𐴏𐴝𐴁𐴠𐴃𐴢 𐴀𐴡𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴈𐴡𐴕𐴋𐴞𐴓𐴧𐴝 𐴔𐴠𐴇𐴠𐴕𐴧𐴡𐴃𐴡𐴌 𐴏𐴝𐴣𐴀𐴃𐴠 𐴀𐴠 𐴁𐴤𐴝𐴘 𐴀𐴡𐴑𐴧𐴡𐴓𐴠 𐴃𐴝𐴌𐴝𐴌 𐴔𐴟𐴑𐴝𐴁𐴠𐴓𐴝 𐴒𐴡𐴌𐴠𐴌| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴠 𐴁𐴤𐴝𐴘 𐴀𐴡𐴑𐴧𐴡𐴓𐴡𐴌 𐴀𐴠𐴈𐴓𐴝𐴏𐴡𐴌 𐴃𐴝𐴎𐴞𐴔𐴡𐴃𐴢 𐴀𐴝𐴣𐴀𐴌𐴝𐴌 𐴕𐴡𐴎𐴡𐴌 𐴅𐴥𐴟𐴑𐴞 𐴎𐴝𐴒𐴡𐴘| 𐴑𐴞𐴕𐴃𐴟 𐴀𐴠𐴕𐴃𐴠𐴇𐴝𐴘𐴞 𐴀𐴝𐴉𐴏𐴟𐴏𐴡𐴌 𐴏𐴝𐴣𐴀𐴃𐴠 𐴈𐴡𐴗𐴝 𐴎𐴝𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠 𐴀𐴞𐴎𐴧𐴡𐴃𐴡𐴌 𐴓𐴝𐴘𐴠𐴑 𐴁𐴤𐴝𐴘 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴁𐴝𐴎𐴡𐴑𐴞𐴘𐴡𐴌 𐴊𐴝𐴖𐴝𐴃𐴢 𐴀𐴝𐴊𐴧𐴠 𐴅𐴟𐴖𐴝𐴁𐴡𐴌 𐴃𐴡𐴌𐴞𐴑𐴝 𐴁𐴞𐴓𐴑𐴟𐴓𐴢 𐴔𐴟𐴕𐴝𐴏𐴠𐴁𐴢 𐴕𐴡𐴀||

𐴀𐴝𐴓𐴧𐴝𐴇 𐴏𐴟𐴁𐴝𐴇𐴝𐴕𐴝𐴇𐴟 𐴖𐴝𐴃𐴝𐴀𐴓𐴝 𐴑𐴝𐴉𐴠𐴌 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴉𐴡𐴙𐴅𐴧𐴡𐴕𐴃𐴡 𐴇𐴠𐴑𐴔𐴡𐴃𐴢، 𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢 𐴀𐴝𐴌 𐴐𐴥𐴟𐴕𐴊𐴡𐴌 𐴁𐴤𐴝𐴉𐴠 𐴁𐴡𐴇𐴡𐴏𐴢 𐴒𐴡𐴌𐴞𐴁𐴝𐴌 𐴇𐴡𐴑𐴟𐴔𐴢 𐴒𐴡𐴙𐴅𐴧𐴠| 𐴉𐴠𐴌𐴀𐴡𐴗𐴕𐴡𐴌 𐴏𐴝𐴣𐴀𐴃𐴠 𐴉𐴟𐴙𐴅𐴧𐴡𐴕𐴃𐴡 𐴊𐴝𐴖𐴡𐴃𐴢 𐴊𐴡𐴕𐴡 𐴔𐴧𐴝𐴎𐴠 𐴕𐴡𐴌𐴡𐴔𐴞 𐴀𐴠𐴈𐴃𐴞𐴘𐴝𐴌 𐴒𐴡𐴌𐴞𐴁𐴝𐴌 𐴃𐴝𐴑𐴞𐴊𐴢 𐴒𐴡𐴙𐴅𐴧𐴠| 𐴑𐴞𐴕𐴃𐴟 𐴀𐴥𐴠 𐴓𐴠𐴙𐴑𐴤𐴝 𐴒𐴞𐴕𐴡𐴃𐴢 𐴑𐴞 𐴀𐴦𐴝𐴔𐴢 𐴑𐴞 𐴈𐴦𐴝𐴏𐴢 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴌 𐴊𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴉𐴡𐴙𐴅𐴧𐴡𐴕𐴃𐴡 𐴀𐴠𐴕𐴃𐴠𐴇𐴝𐴘𐴞 𐴏𐴡𐴈𐴃𐴡 𐴀𐴝𐴌 𐴔𐴡𐴎𐴧𐴝𐴑𐴞𐴌 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴝 𐴒𐴞𐴘𐴠| 𐴎𐴠𐴍𐴠 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴌𐴠 𐴕𐴞𐴎𐴡𐴌 𐴁𐴝𐴕𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕 𐴀𐴝𐴙𐴐𐴧𐴞𐴓𐴢 𐴀𐴥𐴠𐴍𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴦𐴠𐴕 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴝 𐴒𐴞𐴘𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴠𐴍𐴠 𐴇𐴝𐴔𐴊𐴡𐴌𐴡𐴊𐴞 𐴀𐴝𐴌 𐴁𐴝𐴓𐴝𐴘𐴞𐴌 𐴕𐴝𐴔𐴢-𐴕𐴞𐴐𐴝𐴕 𐴉𐴡𐴙𐴅𐴧𐴡𐴕𐴃𐴡 𐴕𐴥𐴝𐴘||

𐴎𐴠𐴍𐴠 𐴔𐴟𐴏𐴟𐴓𐴔𐴝𐴕𐴡𐴌 𐴖𐴡𐴌𐴠 𐴃𐴝𐴀𐴝𐴕 𐴃𐴡𐴐𐴕𐴞 𐴀𐴝𐴌 𐴓𐴝𐴀𐴝𐴕𐴡𐴃𐴢 𐴒𐴡𐴌𐴝 𐴇𐴝𐴌𐴝𐴔𐴢| 𐴑𐴞𐴕𐴃𐴟 𐴓𐴝𐴒𐴠𐴊𐴧𐴠 𐴘𐴥𐴝𐴕𐴡𐴌𐴠 𐴊𐴝𐴖𐴡𐴃𐴡𐴌 𐴀𐴝𐴏𐴡𐴓𐴢 𐴃𐴡𐴌𐴞𐴑𐴝 𐴁𐴟𐴎𐴝 𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴝𐴌𐴝 𐴀𐴠𐴑𐴐𐴥𐴡𐴃𐴠 𐴀𐴠𐴑𐴐𐴥𐴡𐴃𐴢 𐴁𐴤𐴝𐴑 𐴔𐴟𐴗𐴝𐴉𐴠𐴑 𐴀𐴡𐴘𐴁𐴡 𐴁𐴥𐴡𐴏𐴢 𐴃𐴝𐴌𐴝 𐴕𐴞𐴎𐴡𐴌 𐴀𐴝𐴌 𐴎𐴝𐴌𐴝 𐴈𐴡𐴕𐴡 𐴑𐴞𐴏𐴞𐴔𐴡𐴌 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴞𐴁𐴡 𐴃𐴝𐴌𐴝 𐴊𐴟𐴐𐴧𐴡𐴕| 𐴀𐴝𐴌 𐴀𐴥𐴞𐴁𐴝 𐴔𐴟𐴏𐴡𐴓𐴔𐴝𐴕 𐴀𐴡𐴕𐴡𐴌 𐴖𐴡𐴀𐴌𐴠 𐴐𐴟𐴁𐴤𐴝 𐴒𐴡𐴌𐴠، 𐴃𐴡𐴑𐴉𐴞𐴌𐴠 𐴔𐴟𐴀𐴝𐴘𐴧𐴡𐴕 𐴎𐴞𐴘𐴝𐴕 𐴔𐴝𐴇𐴠𐴌 𐴀𐴝𐴌 𐴉𐴝𐴑𐴧𐴝 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴁𐴟𐴏𐴢 𐴀𐴡𐴓𐴝 𐴀𐴟𐴓𐴝𐴔𐴝 𐴑𐴠𐴌𐴝𐴔𐴡𐴌 𐴈𐴝𐴔𐴢| 𐴘𐴥𐴝𐴕𐴡𐴌𐴠 𐴀𐴠𐴕𐴃𐴝𐴇𐴝𐴘𐴞 𐴇𐴝𐴓𐴑𐴝 𐴁𐴟𐴎𐴠 𐴀𐴝𐴌 𐴁𐴠𐴙𐴐𐴞 𐴀𐴝𐴏𐴝𐴕𐴡𐴌 𐴏𐴝𐴣𐴀𐴃𐴠 𐴔𐴟𐴈𐴃𐴡𐴓𐴞𐴉𐴢 𐴔𐴝𐴕𐴥𐴟𐴙𐴐𐴢 𐴀𐴝𐴌 𐴅𐴡𐴔𐴝𐴃𐴢 𐴀𐴡𐴑𐴧𐴡𐴓𐴡𐴌 𐴀𐴡𐴀𐴌𐴠 𐴑𐴝𐴉𐴠𐴌 𐴀𐴦𐴡𐴕𐴡𐴌 𐴉𐴡𐴃𐴡𐴖𐴝 𐴓𐴝𐴒𐴝𐴘 𐴊𐴞𐴘𐴝𐴎𐴝||

𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴡𐴘𐴝 𐴊𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴌𐴠 𐴕𐴡𐴏𐴞𐴘𐴡𐴃𐴢 𐴕𐴡 𐴒𐴡𐴌𐴠، 𐴒𐴟𐴕𐴤𐴝 𐴘𐴥𐴝𐴃𐴡 𐴈𐴡𐴕𐴡 𐴇𐴝𐴌𐴝𐴔𐴢 𐴈𐴝𐴔𐴡𐴌 𐴁𐴝𐴁𐴡𐴃𐴠 𐴇𐴟𐴣𐴐𐴞𐴘𐴝𐴌𐴞 𐴒𐴡𐴌𐴡𐴕𐴡𐴌 𐴖𐴡𐴀𐴌𐴠 𐴁𐴡𐴏𐴢 𐴕𐴡 𐴒𐴡𐴌𐴠، 𐴀𐴝𐴏𐴠 𐴐𐴟𐴊𐴟 𐴒𐴝𐴓𐴞-𐴒𐴟𐴓𐴟𐴐𐴢، 𐴕𐴠𐴑𐴝 𐴁𐴝𐴚𐴒𐴞 𐴎𐴡𐴕𐴡𐴌 𐴊𐴤𐴡𐴔𐴑𐴞 𐴀𐴝𐴌 𐴃𐴝𐴌𐴝𐴌𐴠 𐴔𐴟𐴏𐴃𐴡𐴑𐴞𐴓𐴢 𐴁𐴝𐴉𐴠 𐴕𐴟𐴏𐴧𐴝𐴕 𐴉𐴤𐴡𐴣𐴏𐴡𐴕𐴡𐴌 𐴑𐴟𐴐𐴞𐴐𐴢 𐴀𐴝𐴊𐴧𐴠 𐴀𐴥𐴠 𐴊𐴞𐴕𐴊𐴝𐴌 𐴀𐴦𐴡𐴓𐴡𐴌 𐴔𐴟𐴃𐴝𐴀𐴝𐴓𐴧𐴠𐴑 𐴀𐴞𐴕𐴋𐴞𐴓𐴧𐴝 𐴃𐴝𐴀𐴝𐴅𐴧𐴟𐴙𐴂𐴧𐴝 𐴓𐴡𐴉𐴎𐴡 𐴀𐴡𐴑𐴧𐴡𐴓𐴢 𐴈𐴡𐴗𐴝 𐴎𐴝𐴌 𐴎𐴠𐴒𐴞𐴕𐴡𐴌 𐴎𐴞𐴑𐴞𐴌 𐴐𐴥𐴡𐴌𐴔𐴠 𐴎𐴟𐴁𐴝𐴕𐴡𐴃𐴢 𐴉𐴡𐴙𐴅𐴧𐴡𐴕𐴃𐴡 𐴀𐴝𐴕𐴝 𐴕𐴡𐴎𐴝| 𐴎𐴦𐴠𐴕 𐴕𐴠𐴑𐴞 𐴔𐴟𐴌𐴅𐴞𐴀𐴝𐴌 𐴁𐴝𐴆𐴧𐴝 𐴔𐴟𐴎𐴇𐴝𐴁𐴞 𐴇𐴞𐴅𐴍𐴝 𐴕𐴡𐴎𐴝𐴕𐴞 𐴀𐴝𐴌𐴥𐴡 𐴇𐴡𐴕𐴋𐴞𐴓𐴧𐴝 𐴇𐴡𐴕𐴋𐴞𐴓𐴧𐴝𐴤 𐴒𐴝𐴘𐴓𐴢 𐴀𐴡𐴑𐴧𐴡𐴓𐴢⸮

𐴘𐴦𐴝 𐴀𐴝𐴓𐴧𐴝𐴇! 𐴀𐴠𐴒𐴞𐴕 𐴈𐴡𐴕𐴋𐴞𐴓𐴧𐴝 𐴊𐴝𐴖𐴡𐴃𐴢؟ 𐴈𐴡𐴕 𐴖𐴡𐴅𐴝𐴓𐴧𐴝 𐴀𐴥𐴞𐴃𐴝𐴌𐴝𐴌 𐴎𐴡𐴌𐴞𐴘𐴝 𐴊𐴦𐴞𐴕 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴈𐴠𐴊𐴔𐴡𐴃𐴢 𐴀𐴝𐴕𐴅𐴝𐴔𐴢 𐴉𐴝𐴘𐴁𐴝𐴌 𐴀𐴝𐴐𐴥𐴝 𐴒𐴡𐴌𐴞𐴁𐴡! 𐴊𐴝𐴖𐴡𐴃𐴡𐴌 𐴀𐴠 𐴃𐴡𐴌𐴞𐴑𐴝 𐴊𐴝𐴀𐴞𐴐𐴡𐴌 (𐴘𐴦𐴝𐴕𐴞 𐴀𐴝𐴘 𐴀𐴠𐴏𐴢 𐴀𐴝𐴘 𐴀𐴠𐴏𐴡𐴌) 𐴉𐴞𐴃𐴕𐴝 𐴐𐴟𐴌𐴟 𐴀𐴥𐴡𐴘𐴁𐴝𐴌 𐴀𐴝𐴒𐴠𐴓𐴡𐴃𐴞 𐴎𐴟𐴌𐴠 𐴐𐴥𐴟𐴌𐴠 𐴏𐴡𐴙𐴓𐴃𐴡| 𐴎𐴠𐴃𐴧𐴡𐴃𐴢 𐴊𐴝𐴀𐴠𐴐𐴡𐴌 𐴉𐴥𐴞𐴃𐴕𐴝 𐴎𐴝𐴇𐴠𐴌 𐴀𐴡𐴘𐴓𐴡 𐴃𐴡𐴈𐴡𐴕 𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴋𐴝𐴑𐴡𐴘𐴝 𐴀𐴠 𐴃𐴝𐴔𐴝𐴔𐴢 𐴊𐴝𐴀𐴞 𐴀𐴡𐴑𐴧𐴡𐴓𐴢 𐴏𐴡𐴈𐴃𐴡 𐴅𐴡𐴎𐴁𐴝𐴌 𐴏𐴝𐴣𐴀𐴃𐴠 𐴀𐴥𐴠 𐴉𐴞𐴃𐴕𐴝 𐴔𐴧𐴝𐴎𐴠 𐴎𐴥𐴝𐴉𐴢 𐴊𐴞𐴘𐴧𐴠| 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴃𐴝𐴌𐴝𐴌 𐴎𐴡𐴌𐴞𐴘𐴝 𐴀𐴝𐴏𐴡𐴌 𐴉𐴡𐴙𐴅𐴧𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴥𐴡 𐴀𐴠 𐴉𐴞𐴃𐴕𐴝𐴃𐴢 𐴔𐴟𐴁𐴃𐴠𐴓𐴝 𐴀𐴥𐴡𐴘 𐴒𐴞𐴘𐴡𐴘| 𐴀𐴝𐴌 𐴁𐴠𐴐𐴞 𐴈𐴡𐴔𐴢 𐴔𐴝𐴕𐴥𐴟𐴙𐴐𐴢 𐴁𐴝𐴏𐴞 𐴀𐴝𐴙𐴐𐴧𐴞𐴓𐴢 𐴎𐴝𐴌𐴝 𐴎𐴝𐴇𐴠𐴌𐴞 𐴁𐴝𐴉𐴠 𐴈𐴝𐴌𐴠𐴅𐴞 𐴀𐴦𐴡𐴓𐴡𐴌 𐴏𐴡𐴉𐴡𐴔𐴧𐴝𐴎𐴠 𐴊𐴝𐴈𐴠𐴓𐴢 𐴕𐴡𐴀𐴡||

𐴇𐴝𐴑𐴞𐴑𐴡𐴃𐴢 𐴀𐴥𐴡𐴙𐴓𐴊𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴀𐴠 𐴏𐴡𐴉𐴡𐴌𐴡𐴃𐴢 𐴑𐴡𐴓𐴡𐴁𐴢 𐴎𐴡𐴈𐴡𐴕 𐴀𐴝𐴊𐴡𐴓𐴡𐴌 𐴌𐴝𐴏𐴧𐴝𐴃𐴧𐴞 𐴇𐴥𐴡𐴄𐴞 𐴎𐴝𐴒𐴡𐴘 𐴃𐴡𐴈𐴡𐴕 𐴃𐴡𐴖𐴝𐴎𐴟 𐴉𐴡𐴈𐴡𐴌 𐴓𐴡𐴘, 𐴀𐴝𐴊𐴡𐴁𐴡𐴌 𐴎𐴟𐴁𐴝𐴕 𐴁𐴞𐴘𐴝𐴊𐴡𐴁𐴢 𐴓𐴡𐴘 𐴀𐴝𐴌 𐴕𐴡𐴌𐴡𐴔𐴢 𐴊𐴞𐴓𐴞 𐴏𐴡𐴈𐴃𐴡 𐴊𐴞𐴓𐴞𐴌 𐴏𐴝𐴣𐴀𐴃𐴠 𐴃𐴡𐴁𐴊𐴞𐴓𐴢 𐴀𐴡𐴘𐴎𐴝𐴒𐴡𐴘| 𐴘𐴦𐴝𐴌 𐴁𐴝𐴊𐴠 𐴔𐴝𐴕𐴥𐴟𐴙𐴐𐴢 𐴕𐴞𐴎𐴠𐴘𐴥𐴡 𐴒𐴟𐴔𐴌𐴝𐴇𐴞𐴌 𐴌𐴝𐴏𐴧𐴝𐴃𐴢 𐴉𐴡𐴌𐴞 𐴎𐴝𐴒𐴡𐴘 𐴀𐴝𐴌 𐴀𐴝𐴌𐴠𐴑 𐴎𐴡𐴕𐴡𐴌𐴠𐴘𐴥𐴡 𐴒𐴟𐴔𐴌𐴝𐴇𐴞𐴌 𐴔𐴞𐴑𐴧𐴝 𐴌𐴝𐴏𐴧𐴝 𐴊𐴠𐴈𐴝𐴀||

𐴀𐴠𐴕𐴃𐴠𐴇𐴝𐴘𐴞 𐴀𐴝𐴉𐴏𐴟𐴏𐴡𐴌 𐴏𐴝𐴣𐴀𐴃𐴠 𐴈𐴦𐴡𐴗𐴝 𐴉𐴡𐴌𐴠𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴁𐴤𐴝𐴘 𐴀𐴡𐴑𐴧𐴡𐴓𐴠 𐴀𐴠𐴇𐴠𐴏𐴝𐴏𐴢 𐴒𐴡𐴌𐴡𐴑 𐴘𐴥𐴝𐴃𐴡 𐴕𐴡 𐴒𐴡𐴌𐴡𐴑, 𐴔𐴡𐴒𐴡𐴌 𐴃𐴝𐴌𐴞𐴈𐴢 𐴒𐴡𐴁𐴤𐴝 𐴀𐴝𐴏𐴠 𐴀𐴠 𐴑𐴞𐴏𐴞𐴔𐴡𐴌 𐴊𐴝𐴖𐴡𐴃𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴡𐴌 𐴁𐴠𐴙𐴐𐴞 𐴈𐴡𐴔𐴢 𐴉𐴝𐴘𐴊𐴝 𐴀𐴡𐴘𐴧𐴠| 𐴑𐴞𐴘𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴠𐴍𐴠 𐴊𐴝𐴖𐴡𐴃𐴢 𐴈𐴡𐴔𐴢 𐴀𐴝𐴌 𐴔𐴝𐴙𐴕𐴐𐴥𐴡𐴌𐴠 𐴅𐴞𐴇𐴝𐴊𐴡𐴃𐴧𐴞 𐴊𐴟𐴌𐴠 𐴒𐴡𐴌𐴝 𐴁𐴠𐴐𐴞 𐴀𐴝𐴌 𐴀𐴥𐴠 𐴊𐴝𐴖𐴡𐴃𐴢 𐴅𐴞𐴇𐴊𐴡𐴌 𐴏𐴝𐴣𐴀𐴃𐴠 𐴅𐴟𐴍𐴞 𐴀𐴝𐴏𐴠𐴊𐴠 𐴀𐴥𐴠𐴒𐴞𐴕𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴡𐴕 𐴀𐴝𐴊𐴧𐴠 𐴃𐴝𐴌𐴝𐴌𐴠 𐴒𐴟𐴓𐴟 𐴀𐴝𐴌 𐴃𐴡𐴑𐴉𐴞𐴌𐴡𐴌 𐴀𐴝𐴣𐴊𐴤𐴝𐴌𐴡𐴃𐴢 𐴄𐴞𐴓𐴞 𐴊𐴡𐴕𐴡𐴌 𐴀𐴝𐴇𐴥𐴝𐴔𐴢 𐴎𐴡𐴌𐴞𐴘𐴝 𐴁𐴡𐴕𐴠 𐴁𐴠𐴙𐴐𐴞||

𐴊𐴟𐴁𐴝𐴌𐴝 𐴀𐴝𐴌𐴡𐴎 𐴒𐴡𐴌𐴝𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠, 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴠𐴊𐴠 𐴁𐴤𐴝𐴘𐴝𐴙𐴕𐴊𐴡𐴌 𐴀𐴠𐴈𐴓𐴝𐴏𐴡𐴌 𐴔𐴟𐴃𐴝𐴀𐴝𐴓𐴧𐴠𐴑 𐴈𐴡𐴕𐴥𐴡 𐴀𐴠𐴐𐴑𐴝𐴓𐴢 𐴕𐴥𐴝𐴘| 𐴑𐴞𐴕𐴃𐴟 𐴇𐴡𐴑 𐴈𐴡𐴃𐴝 𐴀𐴥𐴡𐴙𐴓𐴊𐴠 𐴏𐴞𐴌𐴞𐴉𐴢 𐴀𐴠𐴈𐴓𐴝𐴏𐴢 𐴁𐴞𐴓𐴑𐴟𐴓𐴢 𐴑𐴝𐴉𐴞 𐴕𐴡𐴀| 𐴁𐴤𐴡𐴓𐴑𐴠 𐴀𐴠𐴈𐴓𐴝𐴏𐴡𐴌 𐴉𐴥𐴟𐴣𐴗𐴝𐴃𐴞 𐴉𐴥𐴟𐴣𐴗𐴝𐴃𐴞 𐴀𐴝𐴣𐴀𐴌𐴝𐴌 𐴉𐴞𐴑𐴞𐴌 𐴀𐴝𐴊𐴧𐴠 𐴀𐴝𐴔𐴡𐴓𐴥𐴡 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴟𐴕𐴧𐴡𐴃𐴢 𐴔𐴟𐴃𐴝𐴁𐴠𐴑 𐴀𐴡𐴕𐴧𐴝𐴕 𐴎𐴡𐴌𐴟𐴌𐴞| 𐴎𐴠 𐴀𐴠𐴈𐴓𐴝𐴏𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴔𐴡𐴑𐴁𐴟𐴓𐴢 𐴘𐴦𐴝𐴕𐴡𐴌 𐴀𐴝𐴓𐴝𐴔𐴡𐴃𐴢 𐴀𐴥𐴡𐴙𐴓𐴊𐴠، 𐴀𐴝𐴣𐴀𐴌𐴝 𐴇𐴡𐴑𐴡𐴌𐴠 𐴁𐴟𐴎𐴞 𐴇𐴥𐴡𐴑𐴡𐴌𐴠 𐴎𐴝𐴕𐴞 𐴃𐴝𐴌 𐴏𐴝𐴔𐴧𐴠 𐴅𐴥𐴟𐴑𐴞 𐴎𐴡𐴀𐴕||

𐴕𐴡𐴉𐴏𐴡𐴌 𐴔𐴟𐴇𐴝𐴏𐴝𐴁𐴝 𐴒𐴡𐴌𐴝 𐴀𐴝𐴣𐴀𐴌𐴝𐴌 𐴁𐴟𐴕𐴞𐴘𐴝𐴊𐴞 𐴏𐴞𐴉𐴡𐴃𐴢| 𐴀𐴝𐴌 𐴈𐴡𐴃𐴝 𐴀𐴝𐴊𐴧𐴠 𐴈𐴝𐴔𐴡𐴌𐴠 𐴐𐴡𐴌𐴞𐴘𐴡𐴃𐴡𐴌 𐴇𐴥𐴝𐴣𐴏𐴡𐴃𐴢 𐴋𐴝𐴓𐴞𐴁𐴝𐴌 𐴓𐴝𐴒𐴝𐴃𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕||

𐴑𐴞𐴕𐴃𐴟 𐴘𐴦𐴝𐴌 𐴀𐴟𐴓𐴊𐴝 𐴎𐴡𐴊𐴞 𐴀𐴝𐴣𐴀𐴌𐴝 𐴀𐴡 𐴃𐴡𐴔𐴝𐴔𐴢 𐴈𐴝𐴔𐴡𐴌𐴠 𐴏𐴥𐴡𐴀𐴞 𐴁𐴡𐴓𐴞 𐴈𐴦𐴡𐴘، 𐴎𐴞𐴒𐴞𐴕𐴡𐴌𐴠 𐴀𐴝𐴣𐴀𐴌𐴝𐴌 𐴊𐴞𐴓𐴠 𐴏𐴥𐴡𐴀𐴞 𐴁𐴡𐴓𐴞 𐴈𐴡𐴀, 𐴃𐴡𐴘𐴓𐴠 𐴘𐴦𐴝𐴕 𐴀𐴡 𐴀𐴠𐴈𐴓𐴝𐴏𐴢 𐴕𐴡𐴀، 𐴎𐴞𐴘𐴝𐴕 𐴀𐴝𐴓𐴧𐴝𐴇𐴌 𐴈𐴝𐴣𐴀𐴏𐴠 𐴕𐴠𐴅𐴝𐴃𐴡𐴌 𐴎𐴡𐴌𐴞𐴘𐴝 𐴁𐴡𐴕𐴞𐴁𐴡| 𐴁𐴤𐴡𐴓𐴑𐴠 𐴘𐴥𐴝𐴕 𐴀𐴥𐴡𐴙𐴓𐴊𐴠 𐴈𐴝𐴇𐴠𐴐𐴠 𐴕𐴡𐴉𐴏𐴡𐴌 𐴀𐴠𐴃𐴧𐴠𐴁𐴝 𐴎𐴞𐴘𐴝𐴕 𐴃𐴝𐴔𐴦𐴝𐴔𐴢 𐴈𐴡𐴌𐴝𐴁𐴞𐴌 𐴒𐴟𐴙𐴅𐴧𐴝| 𐴀𐴝𐴌 𐴎𐴞𐴘𐴝𐴕𐴠 𐴓𐴦𐴝𐴏𐴡𐴃𐴢 𐴔𐴝𐴙𐴕𐴐𐴥𐴡𐴌𐴠 𐴒𐴟𐴔𐴌𐴝𐴘𐴞 𐴀𐴝𐴌 𐴎𐴞𐴓𐴧𐴡𐴃𐴞𐴌 𐴀𐴞𐴕𐴋𐴞𐴓𐴧𐴝 𐴒𐴝𐴣𐴌𐴝𐴃𐴢 𐴉𐴥𐴠𐴓𐴝𐴘𐴊𐴠، 𐴎𐴝𐴌 𐴕𐴡𐴃𐴞𐴅𐴝 𐴊𐴟𐴕𐴞𐴘𐴝 𐴔𐴧𐴝𐴎𐴠 𐴇𐴝𐴘𐴡𐴖𐴝𐴕𐴞𐴘𐴡𐴃𐴢 𐴀𐴝𐴌 𐴀𐴝𐴈𐴠𐴌𐴡𐴃𐴡 𐴔𐴧𐴝𐴎𐴠 𐴅𐴝𐴇𐴝𐴕𐴧𐴡𐴔𐴡𐴌 𐴒𐴡𐴄𐴒𐴡𐴙𐴄𐴧𐴝 𐴀𐴡𐴦𐴙𐴕| 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴝𐴣𐴀𐴌𐴝𐴌𐴠 𐴕𐴡𐴉𐴏𐴡𐴌 𐴉𐴞𐴏𐴠 𐴏𐴡𐴓𐴡𐴕𐴡𐴃𐴧𐴞 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴑| 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴙𐴊𐴝𐴕𐴡𐴃𐴢، 𐴀𐴝𐴌 𐴉𐴟𐴌𐴝 𐴎𐴞𐴕𐴊𐴞𐴒𐴞𐴌 𐴏𐴡𐴉𐴡𐴌𐴡𐴃𐴢 𐴕𐴞𐴎𐴡𐴌𐴠 𐴕𐴞𐴎𐴠 𐴐𐴡𐴌𐴞𐴘𐴡𐴃𐴢 𐴔𐴡𐴎𐴞𐴕 𐴏𐴡𐴓𐴝𐴘𐴁𐴝𐴌 𐴃𐴡𐴗𐴉𐴞𐴑 𐴊𐴝𐴕 𐴒𐴡𐴌𐴡𐴑||

𐴀𐴥𐴠𐴈𐴡𐴃𐴝𐴓𐴧𐴝 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴦𐴡𐴓𐴡𐴓𐴧𐴝 𐴊𐴝𐴖𐴡𐴃𐴡𐴌 𐴀𐴡 𐴃𐴡𐴌𐴞𐴑𐴝 𐴁𐴟𐴎𐴡𐴕 𐴀𐴝𐴊𐴧𐴠 𐴀𐴠𐴈𐴃𐴠𐴘𐴝𐴌 𐴒𐴡𐴌𐴡𐴕 𐴎𐴡𐴌𐴟𐴌𐴞 𐴎𐴠𐴒𐴞𐴕 𐴀𐴝𐴓𐴧𐴝𐴇𐴌 𐴕𐴡𐴎𐴊𐴞𐴑 𐴔𐴡𐴑𐴁𐴟𐴓𐴢 𐴀𐴝𐴌 𐴎𐴝𐴌 𐴎𐴡𐴌𐴞𐴘𐴝 𐴇𐴝𐴑𐴞𐴑𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴅𐴞𐴇𐴝𐴊𐴡𐴌 𐴈𐴠𐴊𐴔𐴡𐴃𐴢 𐴀𐴥𐴡𐴘𐴉𐴝𐴌𐴠|𐴉𐴞𐴃𐴞𐴕 𐴊𐴝𐴖𐴡𐴃𐴡𐴌 𐴀𐴡 𐴃𐴡𐴌𐴞𐴑𐴝𐴃𐴧𐴞 𐴁𐴠𐴙𐴒𐴧𐴞𐴕𐴡𐴌 𐴀𐴝𐴒𐴠 𐴁𐴝𐴏𐴞 𐴃𐴥𐴝𐴑𐴝 𐴉𐴡𐴌𐴞𐴁𐴡 𐴎𐴠𐴒𐴞𐴕 𐴀𐴝𐴏𐴡𐴓𐴡𐴃𐴢 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴕𐴡𐴀 𐴀𐴝𐴌 𐴎𐴞𐴘𐴝𐴕 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴀𐴟𐴓𐴊𐴝 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴁𐴡𐴕𐴠||

 

 

𐴊𐴝𐴖𐴡𐴃𐴡𐴌 𐴏𐴥𐴡𐴀𐴞 𐴃𐴡𐴌𐴞𐴑𐴝

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴎𐴠𐴍𐴠 𐴎𐴠𐴍𐴠 𐴊𐴝𐴖𐴡𐴃𐴡𐴌 𐴇𐴡𐴑𐴟𐴔𐴢 𐴊𐴠𐴘𐴠 (ادعوا الي سبيل ربّك) 𐴘𐴦𐴝𐴕𐴞: 𐴊𐴞𐴕 𐴀𐴝𐴊𐴧𐴠 𐴊𐴞𐴕𐴞 𐴈𐴝𐴔𐴡𐴌 𐴃𐴡𐴌𐴡𐴉𐴢 𐴊𐴝𐴖𐴡𐴃𐴡𐴌 𐴇𐴡𐴑𐴟𐴔𐴢 𐴒𐴡𐴙𐴅𐴧𐴠، 𐴇𐴥𐴠𐴍𐴠 𐴃𐴝𐴌 𐴃𐴡𐴌𐴞𐴑𐴝𐴘𐴥𐴡 𐴊𐴠𐴙𐴈𐴝𐴘 𐴊𐴞𐴘𐴧𐴠| 𐴀𐴥𐴠𐴒𐴞𐴕 𐴀𐴥𐴡𐴙𐴓𐴊𐴠 𐴇𐴠𐴑𐴔𐴡𐴃𐴢، 𐴁𐴥𐴝𐴓𐴝 𐴖𐴝𐴎 𐴕𐴡𐴏𐴞𐴘𐴡𐴃𐴢 𐴀𐴝𐴌 𐴊𐴞𐴓𐴢 𐴒𐴥𐴝𐴔𐴞𐴎𐴝𐴊𐴠 𐴏𐴦𐴟𐴌𐴡𐴃𐴓𐴡𐴘 𐴁𐴡𐴇𐴡𐴏𐴢 𐴀𐴝𐴊𐴧𐴠 𐴔𐴟𐴕𐴝𐴎𐴝𐴌𐴝 𐴒𐴡𐴌𐴡𐴕||

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴉𐴡𐴌𐴔𐴝𐴘𐴠𐴊𐴠:

ادع الي سبيل ربك بالحكمة والموعظة الحسنة وجادلهم بالتي هي احسن ان ربك هو اعلم بمن ضل عن سبيله وهو أعلم بالمهتدين

𐴕𐴞𐴎𐴡𐴌 𐴌𐴡𐴁𐴡𐴌 𐴌𐴝𐴏𐴧𐴝𐴌 𐴔𐴞𐴑𐴧𐴝 𐴋𐴝𐴑𐴡 𐴇𐴠𐴑𐴔𐴡𐴃𐴡𐴌 𐴏𐴝𐴣𐴀𐴃𐴠 𐴀𐴝𐴌 𐴁𐴤𐴝𐴓𐴝 𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢 𐴓𐴡𐴘𐴡𐴌𐴠 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴁𐴝𐴓𐴝 𐴃𐴡𐴌𐴞𐴑𐴝𐴓𐴡𐴘 𐴁𐴡𐴇𐴡𐴏𐴢 𐴔𐴟𐴕𐴝𐴎𐴝𐴌𐴝 𐴒𐴡𐴌𐴡| 𐴁𐴠𐴙𐴐𐴡𐴑 𐴀𐴦𐴡𐴕𐴡𐴌 𐴌𐴡𐴁𐴢 𐴀𐴟𐴁𐴥𐴝𐴌 𐴁𐴝𐴁𐴡𐴃𐴠 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴠، 𐴎𐴞𐴁𐴥𐴝 𐴃𐴝𐴌 𐴌𐴝𐴏𐴧𐴝𐴃𐴧𐴞 𐴒𐴟𐴔𐴌𐴝𐴇 𐴀𐴥𐴡𐴘𐴒𐴞𐴘𐴡𐴘 𐴀𐴝𐴌 𐴃𐴝𐴀𐴛 𐴀𐴡 𐴔𐴝𐴙𐴕𐴐𐴥𐴡𐴌𐴠𐴘𐴥𐴡 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴠، 𐴎𐴝𐴌𐴝 𐴇𐴠𐴊𐴝𐴘𐴡𐴃𐴡𐴌 𐴌𐴝𐴏𐴧𐴝𐴌 𐴖𐴡𐴀𐴌𐴠 𐴏𐴡𐴓𐴞𐴁𐴡|{𐴏𐴟𐴌𐴝 𐴕𐴝𐴇𐴝𐴓𐴢 𐴱𐴶 : 𐴱𐴲𐴵}

 

𐴀𐴝𐴓𐴧𐴝𐴔𐴝 𐴐𐴡𐴁𐴧𐴞𐴌 𐴀𐴝𐴇𐴔𐴡𐴊𐴢 𐴀𐴟𐴏𐴔𐴝𐴕𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴀𐴠 𐴀𐴝𐴘𐴝𐴃𐴡𐴌 𐴃𐴡𐴉𐴏𐴞𐴌𐴡𐴃𐴢 𐴓𐴞𐴙𐴑𐴧𐴠𐴊𐴠-

“ادع الي سبيل ربك” الخ 𐴀𐴠 𐴀𐴝𐴘𐴝𐴃𐴡 𐴔𐴧𐴝𐴎𐴠 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴉𐴡𐴘𐴒𐴝𐴔𐴁𐴡𐴌 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌𐴠 𐴃𐴝𐴓𐴞𐴔𐴢 𐴊𐴞𐴘𐴝 𐴒𐴞𐴘𐴠𐴊𐴠، 𐴈𐴡𐴕𐴋𐴞𐴓𐴧𐴝 𐴒𐴡𐴌𐴞 𐴀𐴝𐴓𐴧𐴝𐴌 𐴌𐴝𐴏𐴧𐴝𐴌 𐴔𐴞𐴑𐴧𐴝 𐴔𐴝𐴙𐴕𐴐𐴥𐴡𐴌𐴠 𐴊𐴝𐴖𐴡𐴃𐴢 𐴊𐴞𐴘𐴝 𐴉𐴡𐴌𐴁𐴡| 𐴀𐴠𐴍𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴃𐴞𐴕𐴧𐴝𐴕 𐴃𐴡𐴌𐴞𐴑𐴝𐴌 𐴈𐴡𐴃𐴝 𐴎𐴞𐴑𐴞𐴌 𐴒𐴡𐴙𐴅𐴧𐴠 –

𐴱- 𐴇𐴠𐴑𐴔𐴡𐴃𐴢

𐴲- 𐴔𐴡𐴖𐴝𐴀𐴠𐴎𐴠 𐴇𐴝𐴏𐴝𐴕𐴝

𐴳- 𐴅𐴞𐴊𐴝𐴓𐴠 𐴇𐴝𐴏𐴝𐴕𐴝

 

𐴱-𐴇𐴠𐴑𐴔𐴡𐴃𐴢
𐴇𐴠𐴑𐴔𐴡𐴃𐴡𐴃𐴧𐴞 𐴔𐴟𐴌𐴝𐴊𐴢 𐴀𐴥𐴡𐴙𐴓𐴊𐴠, 𐴏𐴡𐴈𐴃𐴡 𐴉𐴝𐴑𐴧𐴝 𐴀𐴝𐴌 𐴇𐴝𐴄𐴞 𐴔𐴡𐴗𐴎𐴟𐴌𐴠 𐴔𐴡𐴎𐴁𐴟𐴃𐴢 𐴊𐴡𐴓𐴞𐴓𐴢 𐴀𐴝𐴊𐴧𐴠 𐴇𐴟𐴅𐴧𐴡𐴃𐴡𐴌 𐴌𐴟𐴐𐴕𐴞 𐴔𐴧𐴝𐴎𐴠 𐴁𐴠𐴇𐴠𐴃𐴡𐴌 𐴃𐴡𐴌𐴞𐴑𐴝𐴓𐴡𐴘 𐴉𐴠𐴙𐴐𐴢 𐴒𐴡𐴌𐴡𐴕| 𐴎𐴦𐴞𐴕𐴡𐴌𐴠 𐴉𐴥𐴟𐴕𐴞 𐴀𐴝𐴑𐴡𐴓𐴢-𐴁𐴟𐴊𐴧𐴞 𐴀𐴡𐴓𐴝 𐴀𐴝𐴌 𐴀𐴠𐴓𐴡𐴔𐴊𐴝𐴌 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓 𐴕𐴞𐴎𐴡𐴌 𐴇𐴡𐴓𐴧𐴝 𐴅𐴥𐴟𐴑𐴝𐴘𐴊𐴠| 𐴊𐴟𐴕𐴞𐴘𐴝𐴌 𐴈𐴥𐴞𐴘𐴝𐴓𐴞 𐴉𐴡𐴓𐴏𐴡𐴉𐴞 𐴀𐴡𐴑𐴧𐴡𐴓𐴢 𐴉𐴡𐴙𐴅𐴧𐴡𐴕𐴃𐴡 𐴃𐴝𐴌 𐴏𐴥𐴝𐴔𐴧𐴠 𐴔𐴞𐴙𐴛𐴟𐴕𐴊𐴝 𐴀𐴥𐴡𐴘 𐴎𐴝𐴒𐴡𐴘| 𐴀𐴝𐴌 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴁𐴞𐴊𐴧𐴝 𐴀𐴝𐴊𐴧𐴠 𐴀𐴝𐴑𐴡𐴓𐴡𐴌 𐴃𐴡𐴌𐴡𐴑𐴧𐴞𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴖𐴡𐴇𐴞𐴌 𐴎𐴡𐴌𐴞𐴘𐴝 𐴁𐴡𐴘𐴝𐴕 𐴒𐴡𐴙𐴅𐴧𐴠𐴊𐴠 𐴇𐴝𐴑𐴞𐴑𐴡𐴃𐴡𐴌 𐴀𐴠𐴑𐴧𐴝𐴕 𐴎𐴡𐴌𐴧𐴝 𐴉𐴡𐴙𐴅𐴧𐴡𐴕𐴃𐴡 𐴁𐴡𐴊𐴡𐴓𐴞 𐴕𐴡𐴉𐴝𐴌𐴠||

 

𐴲- 𐴔𐴡𐴖𐴝𐴀𐴠𐴎𐴠 𐴇𐴝𐴏𐴝𐴕𐴝

𐴊𐴞𐴓𐴡𐴃𐴢 𐴀𐴝𐴏𐴥𐴡𐴌 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴕𐴡𐴌𐴡𐴔𐴢 𐴒𐴡𐴌𐴡𐴘𐴝 𐴕𐴡𐴏𐴞𐴘𐴡𐴃𐴡𐴌𐴠 𐴔𐴡𐴖𐴝𐴀𐴠𐴎𐴠 𐴇𐴝𐴏𐴝𐴕𐴝 𐴁𐴡𐴓𐴞 𐴈𐴡𐴀| 𐴎𐴠𐴍𐴠 𐴕𐴡𐴌𐴡𐴔𐴢 𐴈𐴝𐴏𐴓𐴡𐴃𐴢 𐴀𐴦𐴡𐴓𐴝 𐴊𐴞𐴓𐴢 𐴔𐴝𐴦𐴘𐴠𐴓𐴢 𐴀𐴡𐴀 𐴀𐴝𐴌 𐴉𐴡𐴌𐴝𐴕 𐴎𐴟𐴌𐴝𐴘 𐴎𐴝𐴒𐴡𐴘| 𐴀𐴠𐴈𐴓𐴝𐴏𐴢, 𐴇𐴝𐴔𐴊𐴡𐴌𐴊𐴞 𐴔𐴟𐴇𐴝𐴁𐴧𐴡𐴃𐴢 𐴀𐴝𐴊𐴧𐴠 𐴁𐴤𐴝𐴓𐴝 𐴀𐴝𐴈𐴓𐴝𐴑𐴡𐴌 𐴏𐴝𐴣𐴀𐴃𐴠 𐴐𐴥𐴟𐴕𐴊𐴡𐴌 𐴀𐴝𐴌 𐴊𐴡𐴌𐴔𐴞𐴘𐴝𐴕𐴝 𐴃𐴡𐴌𐴞𐴑𐴝 𐴓𐴡𐴘 𐴒𐴡𐴌𐴝 𐴎𐴝𐴊𐴠 𐴕𐴡𐴏𐴞𐴘𐴡𐴃𐴡𐴌 𐴎𐴡𐴌𐴞𐴘𐴝 𐴀𐴝𐴑𐴏𐴡𐴌 𐴀𐴡𐴃𐴧𐴡𐴃𐴢 𐴉𐴝𐴃𐴧𐴡𐴌 𐴊𐴞𐴓𐴥𐴡 𐴇𐴥𐴡𐴌𐴝𐴘 𐴎𐴝𐴒𐴡𐴘| 𐴔𐴟𐴌𐴟𐴊𐴝 𐴔𐴧𐴝𐴎𐴠 𐴉𐴡𐴌𐴝𐴕 𐴀𐴦𐴝𐴘 𐴎𐴝𐴒𐴡𐴘, 𐴀𐴟𐴒𐴧𐴗𐴝 𐴕𐴝𐴀𐴟𐴔𐴧𐴝𐴙𐴊𐴢 𐴂𐴠𐴌𐴠𐴐𐴝𐴕 𐴑𐴡𐴗𐴔𐴢 𐴒𐴦𐴝 𐴎𐴥𐴝𐴌𐴞 𐴃𐴥𐴞𐴘𐴝𐴘 𐴎𐴝𐴒𐴡𐴘, 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴢 𐴋𐴡𐴌 𐴀𐴝𐴊𐴧𐴠 𐴀𐴝𐴐𐴥𐴝𐴌 𐴔𐴡𐴗𐴎𐴟 𐴀𐴡𐴑𐴧𐴡𐴓𐴢 𐴉𐴥𐴟𐴕𐴞 𐴔𐴡𐴕𐴎𐴞𐴓𐴠 𐴔𐴡𐴏𐴧𐴡𐴊𐴡𐴌 𐴔𐴞𐴑𐴧𐴝 𐴊𐴥𐴡𐴌𐴉𐴡𐴌𐴝𐴘 𐴊𐴟𐴣𐴀𐴌𐴝 𐴐𐴟𐴌𐴟 𐴒𐴡𐴌𐴠||

𐴈𐴝𐴦𐴏𐴒𐴡𐴌𐴞 𐴎𐴝𐴌𐴝𐴌 𐴊𐴞𐴓𐴡𐴃𐴢 𐴇𐴡𐴑𐴡𐴌 𐴅𐴡𐴎𐴁𐴝 𐴃𐴤𐴝𐴑𐴠 𐴑𐴞𐴕𐴃𐴟 𐴁𐴠𐴙𐴐𐴞 𐴊𐴠𐴔𐴝𐴒𐴢 𐴀𐴝𐴌 𐴁𐴟𐴎-𐴒𐴞𐴘𐴝𐴕 𐴕𐴥𐴝𐴘, 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴀𐴝𐴏𐴡𐴌 𐴒𐴡𐴌𐴡𐴘𐴝 𐴖𐴦𐴝𐴎 𐴀𐴝𐴊𐴧𐴠 𐴕𐴡𐴏𐴞𐴘𐴡𐴃𐴡𐴌 𐴎𐴡𐴌𐴞𐴘𐴝 𐴀𐴝𐴔𐴡𐴓𐴡𐴌 𐴀𐴠𐴦𐴕 𐴃𐴝𐴦𐴑𐴡𐴃𐴢 𐴉𐴡𐴙𐴊𐴝 𐴒𐴡𐴌𐴝𐴎𐴝 𐴎𐴠𐴒𐴞𐴕 𐴁𐴡𐴌𐴡 𐴀𐴠𐴓𐴔𐴞 𐴃𐴝𐴇𐴑𐴞𐴑𐴡𐴌 𐴎𐴡𐴌𐴞𐴘𐴝 𐴉𐴡𐴙𐴅𐴧𐴡𐴕 𐴔𐴟𐴔𐴑𐴞𐴕 𐴕𐴡𐴀||

𐴇𐴦𐴝𐴣 𐴊𐴟𐴕𐴞𐴘𐴝𐴃𐴢 𐴀𐴠𐴦𐴕 𐴀𐴟𐴒𐴧𐴗𐴝 𐴅𐴡𐴔𐴝𐴃𐴢 𐴔𐴡𐴗𐴅𐴟𐴊𐴢 𐴀𐴝𐴏𐴠 𐴎𐴝𐴌𐴝𐴌 𐴈𐴝𐴔𐴢 𐴀𐴥𐴡𐴘𐴓𐴊𐴠 𐴇𐴥𐴝𐴌 𐴏𐴞𐴏𐴡𐴃𐴢 𐴁𐴡𐴇𐴡𐴏𐴢 𐴒𐴡𐴌𐴡𐴕 𐴀𐴝𐴌 𐴉𐴡𐴃𐴧𐴞 𐴈𐴡𐴃𐴝𐴃𐴢 𐴊𐴡𐴓𐴞𐴓𐴢 𐴃𐴝𐴓𐴝𐴐𐴢 𐴒𐴡𐴌𐴡𐴕 𐴀𐴝𐴌 𐴄𐴠𐴌𐴥𐴝 𐴈𐴡𐴃𐴝 𐴈𐴡𐴀𐴕| 𐴔𐴝𐴕𐴥𐴟𐴙𐴐𐴢 𐴀𐴞𐴦𐴕𐴠 𐴇𐴠𐴑𐴔𐴡𐴃𐴡𐴌 𐴈𐴡𐴃𐴝𐴘𐴥𐴡 𐴑𐴡𐴁𐴟𐴓𐴢 𐴕𐴡𐴒𐴡𐴌𐴠 𐴖𐴝𐴦𐴎 𐴕𐴡𐴏𐴞𐴘𐴡𐴃𐴡𐴌 𐴈𐴡𐴃𐴝𐴘𐴥𐴡 𐴕𐴡𐴉𐴥𐴟𐴕𐴠 𐴁𐴤𐴡𐴓𐴑𐴠 𐴃𐴝𐴌𐴝 𐴏𐴝𐴀𐴝𐴊𐴠 𐴇𐴝𐴌 𐴔𐴡𐴏𐴝𐴓𐴝 𐴔𐴧𐴝𐴎𐴠 𐴁𐴡𐴇𐴡𐴏𐴢 𐴔𐴟𐴁𐴝𐴇𐴝𐴏𐴝𐴌 𐴁𐴝𐴎𐴝𐴌 𐴒𐴡𐴌𐴡𐴔𐴢 𐴃𐴝𐴑𐴡𐴑||

 

𐴳- 𐴅𐴞𐴊𐴝𐴓𐴠 𐴇𐴝𐴏𐴝𐴕𐴝

𐴁𐴝𐴀𐴝𐴎 𐴀𐴡𐴃𐴧𐴡𐴃𐴢 𐴁𐴟𐴎-𐴒𐴞𐴘𐴝𐴕 𐴌𐴝𐴑𐴡𐴘𐴝 𐴀𐴝𐴊𐴧𐴠 𐴀𐴞𐴕𐴏𐴝𐴉𐴢 𐴉𐴡𐴏𐴡𐴕 𐴀𐴝𐴌 𐴇𐴡𐴑𐴡𐴌𐴠 𐴃𐴝𐴓𐴝𐴙𐴐𐴢 𐴒𐴡𐴌𐴡𐴙𐴕𐴧𐴝 𐴌𐴠𐴘𐴥𐴡 𐴐𐴡𐴑-𐴐𐴟𐴁𐴝𐴘𐴥𐴠 𐴒𐴥𐴞𐴌𐴞 𐴉𐴠𐴓𐴝 𐴁𐴡𐴇𐴡𐴏𐴢 𐴒𐴡𐴌𐴡𐴕 𐴏𐴥𐴝𐴌𐴝 𐴀𐴠𐴃𐴔𐴞𐴕𐴝𐴕 𐴕𐴡𐴀𐴡 𐴇𐴥𐴠𐴃𐴡𐴓𐴧𐴝 𐴁𐴡𐴓𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴉𐴡𐴌𐴔𐴝𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠: وجادلهم بالتي هي احسن: 𐴎𐴡𐴊𐴞 𐴀𐴠𐴕𐴋𐴞𐴓𐴧𐴝 𐴇𐴝𐴓𐴡𐴃𐴢 𐴉𐴠𐴙𐴐𐴢 𐴀𐴝𐴘𐴧𐴠 𐴃𐴡𐴈𐴡𐴕 𐴁𐴤𐴝𐴓𐴝 𐴃𐴡𐴌𐴞𐴑𐴝 𐴓𐴡𐴘 𐴐𐴥𐴟𐴕𐴊𐴡𐴌 𐴒𐴡𐴌𐴞 𐴇𐴥𐴡𐴑 𐴀𐴝𐴌 𐴀𐴞𐴕𐴏𐴝𐴉𐴡𐴌 𐴏𐴝𐴣𐴀𐴃𐴠 𐴁𐴡𐴇𐴡𐴏𐴢 𐴒𐴡𐴌𐴡| 𐴕𐴞𐴎𐴡𐴌 𐴔𐴟𐴑𐴝𐴁𐴠𐴓𐴡𐴌𐴠 𐴀𐴠𐴓𐴎𐴝𐴔𐴢 𐴊𐴞𐴘𐴝𐴉𐴡𐴌𐴠𐴊𐴧𐴠 𐴀𐴥𐴡𐴘𐴓𐴠 𐴁𐴝𐴓𐴝 𐴃𐴡𐴌𐴞𐴑𐴝 𐴓𐴡𐴘𐴊𐴡, 𐴀𐴥𐴡𐴘𐴧𐴝 𐴕𐴡𐴀𐴥𐴡𐴘𐴧𐴝 𐴊𐴞𐴓𐴠 𐴊𐴟𐴑𐴤 𐴉𐴝𐴊𐴠 𐴀𐴥𐴞𐴕𐴋𐴞𐴓𐴧𐴝 𐴈𐴡𐴃𐴝 𐴕𐴡𐴈𐴡𐴘𐴧𐴡 𐴎𐴞𐴀𐴞𐴕𐴡𐴌 𐴎𐴡𐴌𐴞𐴘𐴝 𐴈𐴡𐴃𐴝 𐴓𐴝𐴔𐴁𐴝 𐴀𐴝𐴌 𐴁𐴝𐴌𐴞 𐴎𐴝𐴒𐴡𐴘| 𐴀𐴝𐴣𐴀𐴌𐴝𐴌 𐴔𐴡𐴏𐴧𐴟𐴊𐴢 𐴀𐴥𐴡𐴘𐴁𐴡𐴊𐴠 𐴇𐴡𐴑𐴡𐴌𐴠 𐴁𐴟𐴎𐴡𐴕 𐴀𐴝𐴊𐴧𐴠 𐴏𐴝𐴁𐴠𐴃𐴢 𐴒𐴡𐴌𐴡𐴕| 𐴇𐴠𐴑𐴝𐴌𐴡𐴃𐴢 ,𐴁𐴡𐴊𐴢 𐴀𐴝𐴈𐴓𐴝𐴑𐴞, 𐴄𐴠𐴌𐴥𐴝𐴁𐴝𐴎𐴞 𐴀𐴝𐴌 𐴒𐴥𐴠𐴣𐴍𐴝𐴘 𐴒𐴡𐴌𐴝𐴃𐴢 𐴈𐴡𐴕𐴡 𐴉𐴝𐴀𐴝𐴘𐴊𐴝 𐴕𐴥𐴝𐴘||(𐴃𐴡𐴉𐴏𐴞𐴌𐴠 𐴀𐴟𐴏𐴔𐴝𐴕𐴞)

 

𐴔𐴟𐴉𐴃𐴞 𐴐𐴡𐴉𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴕𐴡𐴁𐴞 𐴀𐴡𐴑𐴧𐴡𐴓𐴡𐴌 𐴃𐴡𐴌𐴞𐴑𐴝 𐴀𐴝𐴊𐴧𐴠 𐴃𐴝𐴌 𐴀𐴝𐴇𐴥𐴝𐴔𐴞𐴘𐴡𐴃𐴢 𐴁𐴡𐴘𐴝𐴕 𐴒𐴡𐴌𐴞 𐴈𐴦𐴡𐴊𐴧𐴠-

𐴀𐴝𐴓𐴧𐴝𐴌 𐴃𐴡𐴌𐴡𐴉𐴢 𐴊𐴝𐴖𐴡𐴃𐴢 𐴊𐴦𐴡𐴕 𐴀𐴝𐴏𐴡𐴓𐴡 𐴔𐴧𐴝𐴎𐴠 𐴀𐴝𐴕𐴁𐴞𐴘𐴝 𐴀𐴝𐴓𐴝𐴘𐴇𐴞𐴔𐴟 𐴏𐴧𐴝𐴓𐴝𐴔𐴢 𐴀𐴡𐴑𐴧𐴡𐴓𐴡𐴌 𐴎𐴞𐴔𐴧𐴝𐴊𐴝𐴌𐴞| 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴠 𐴎𐴞𐴔𐴧𐴝𐴊𐴝𐴌𐴞 𐴃𐴝𐴌𐴝𐴌 𐴕𐴝𐴘𐴠𐴁𐴢 𐴇𐴥𐴞𐴏𐴝𐴉𐴠 𐴀𐴝𐴊𐴝𐴘 𐴒𐴡𐴌𐴠| 𐴀𐴥𐴠 𐴈𐴡𐴃𐴝𐴓𐴧𐴝 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴊𐴧𐴠 𐴀𐴝𐴊𐴡𐴁𐴢 𐴀𐴡𐴑𐴧𐴡𐴓𐴥𐴡 𐴃𐴝𐴌𐴝𐴃𐴧𐴞 𐴐𐴞𐴑𐴞| 𐴎𐴠 𐴊𐴝𐴖𐴡𐴃𐴢 𐴃𐴝𐴌𐴝𐴌 𐴃𐴡𐴌𐴞𐴑𐴝 𐴔𐴡𐴎𐴞𐴕 𐴕𐴡𐴀𐴡𐴘𐴁𐴡 𐴘𐴥𐴝𐴕 𐴊𐴝𐴖𐴡𐴃𐴢 𐴕𐴡𐴀| 𐴁𐴤𐴡𐴓𐴑𐴠 𐴘𐴥𐴝𐴕 𐴓𐴝𐴌𐴥𐴝𐴘 𐴀𐴝𐴊𐴧𐴠 𐴅𐴡𐴒𐴍𐴝𐴌 𐴏𐴡𐴁𐴡𐴁𐴢 𐴁𐴡𐴕𐴠| 𐴕𐴡𐴁𐴡𐴖𐴞 𐴊𐴝𐴖𐴡𐴃𐴡𐴌 𐴀𐴟𐴏𐴟𐴓𐴢 𐴈𐴡𐴕𐴋𐴞𐴓𐴧𐴝 𐴘𐴥𐴝𐴕 𐴀𐴝𐴣𐴀𐴌𐴝 𐴔𐴟𐴏𐴝 𐴀𐴝𐴊𐴧𐴠 𐴇𐴝𐴌𐴟𐴕 (𐴀𐴝𐴓𐴝𐴘𐴇𐴞𐴔𐴡 𐴏𐴧𐴝𐴓𐴝)𐴔𐴡𐴌𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴎𐴠 𐴇𐴡𐴑𐴟𐴔𐴢 𐴊𐴞𐴘𐴠 𐴘𐴥𐴝𐴕𐴡𐴃𐴧𐴞 𐴐𐴞𐴑𐴞 𐴓𐴡𐴘𐴉𐴝𐴌𐴞 |𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠-

فقولا له قولا ليّنا لعلّه يتذكر او يخشي

𐴘𐴦𐴝𐴕𐴞: 𐴃𐴟𐴣𐴖𐴝𐴣𐴀𐴌𐴝 𐴉𐴞𐴌𐴀𐴡𐴗𐴕𐴡𐴌 𐴏𐴝𐴣𐴀𐴃𐴠 𐴕𐴡𐴌𐴡𐴔𐴢 𐴈𐴡𐴃𐴝 𐴈𐴡𐴀، 𐴀𐴥𐴡𐴙𐴃𐴢 𐴉𐴝𐴌𐴠 𐴇𐴥𐴞𐴃𐴠 𐴕𐴡𐴏𐴞𐴘𐴡𐴃𐴢 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡 𐴘𐴥𐴝𐴃𐴡 𐴋𐴡𐴦𐴌𐴝𐴘 𐴎𐴝𐴘𐴁𐴡𐴘||{𐴏𐴟𐴌𐴝 𐴃𐴦𐴝𐴇𐴦𐴝 𐴲𐴰:𐴴𐴴}

𐴇𐴥𐴝𐴌 𐴊𐴝𐴀𐴞𐴃𐴧𐴟𐴕 𐴀𐴠 𐴈𐴡𐴃𐴝𐴒𐴝𐴕 𐴇𐴦𐴝𐴌 𐴀𐴡𐴃𐴧𐴡𐴃𐴢 𐴔𐴡𐴕𐴡𐴃𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴉𐴠𐴌𐴀𐴡𐴗𐴕𐴡𐴌 𐴋𐴦𐴡𐴘𐴓𐴧𐴝 𐴎𐴝𐴓𐴠𐴔𐴢 𐴑𐴝𐴉𐴠𐴌، 𐴎𐴝𐴌 𐴔𐴡𐴗𐴃𐴢 𐴑𐴟𐴉𐴟𐴌𐴞 𐴇𐴝𐴓𐴡𐴃𐴡𐴃𐴢 𐴀𐴥𐴡𐴘𐴁𐴡𐴊𐴠 𐴇𐴥𐴞𐴘𐴝𐴕 𐴀𐴝𐴓𐴧𐴝𐴇𐴌𐴡 𐴀𐴠𐴓𐴡𐴔𐴡𐴃𐴢 𐴀𐴝𐴏𐴠، 𐴇𐴥𐴞𐴃𐴝𐴌 𐴁𐴝𐴁𐴡𐴃𐴠𐴘𐴥𐴡 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴕𐴞𐴎𐴡𐴌 𐴊𐴝𐴀𐴞𐴌𐴠 𐴕𐴡𐴌𐴡𐴔𐴢 𐴁𐴡𐴌𐴃𐴝𐴗𐴟 𐴒𐴡𐴌𐴞𐴁𐴝𐴌 𐴇𐴡𐴑𐴟𐴔𐴢 𐴊𐴞𐴘𐴡𐴌𐴠 𐴊𐴠𐴉𐴠𐴍𐴝𐴘𐴧𐴠||

𐴀𐴠𐴈𐴡𐴕 𐴀𐴝𐴣𐴀𐴌𐴝 𐴎𐴝𐴌𐴝𐴌𐴠 𐴊𐴝𐴖𐴡𐴃𐴢 𐴊𐴞𐴌، 𐴃𐴝𐴌𐴝 𐴈𐴡𐴕𐴞𐴑𐴧𐴝 𐴉𐴠𐴌𐴀𐴡𐴗𐴕𐴡𐴃𐴧𐴞 𐴁𐴥𐴝𐴌𐴡 𐴁𐴞𐴙𐴐𐴞 𐴒𐴟𐴔𐴌𐴝𐴇 𐴕𐴡𐴀| 𐴀𐴝𐴌 𐴀𐴝𐴣𐴀𐴌𐴝𐴌 𐴁𐴥𐴟𐴃𐴡𐴌𐴠 𐴈𐴡𐴕𐴞𐴑𐴧𐴝 𐴔𐴟𐴏𐴝 𐴀𐴝𐴊𐴧𐴠 𐴇𐴝𐴌𐴟𐴕 𐴀𐴝𐴓𐴝𐴘𐴇𐴞𐴔𐴡 𐴏𐴧𐴝𐴓𐴝𐴔𐴡𐴌 𐴋𐴦𐴡𐴘𐴓𐴧𐴝 𐴇𐴦𐴝𐴊𐴞 𐴀𐴝𐴊𐴧𐴠 𐴊𐴝𐴀𐴞𐴘𐴥𐴡 𐴕𐴡𐴀| 𐴃𐴡𐴘 𐴎𐴞 𐴎𐴞𐴔𐴧𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴕𐴞𐴎𐴡𐴌 𐴊𐴟𐴘 𐴕𐴡𐴁𐴞𐴌𐴠 𐴕𐴡𐴀𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴔𐴟𐴈𐴝𐴃𐴡𐴁𐴡𐴌 𐴏𐴝𐴣𐴀𐴃𐴠 𐴏𐴡𐴈𐴃𐴡 𐴈𐴡𐴃𐴝 𐴈𐴡𐴘𐴁𐴝، 𐴃𐴝𐴌𐴠 𐴀𐴠𐴇𐴝𐴕𐴡𐴃𐴢 𐴒𐴡𐴌𐴞𐴁𐴝| 𐴃𐴡𐴘𐴓𐴠 𐴀𐴠 𐴀𐴠𐴈𐴃𐴠𐴘𐴝𐴌 𐴀𐴝𐴣𐴀𐴌𐴝 𐴈𐴡𐴕𐴃𐴞 𐴇𐴝𐴏𐴠𐴓𐴢 𐴒𐴡𐴙𐴅𐴧𐴞!!!

𐴑𐴟𐴌𐴀𐴝𐴕 𐴐𐴡𐴌𐴞𐴉𐴡𐴃𐴢 𐴀𐴝𐴕𐴁𐴞𐴘𐴝 𐴀𐴝𐴓𐴝𐴘𐴇𐴞𐴔𐴟 𐴏𐴧𐴝𐴓𐴝𐴔𐴢 𐴀𐴡𐴑𐴧𐴡𐴓𐴡𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴡𐴁𐴓𐴞𐴒𐴡𐴌 𐴔𐴟𐴃𐴝𐴀𐴓𐴧𐴠𐴑 𐴀𐴝𐴌 𐴑𐴝𐴉𐴠𐴌 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴔𐴟𐴕𐴝𐴎𐴝𐴌𐴝𐴌 𐴁𐴠𐴙𐴐𐴧𐴝 𐴁𐴠𐴙𐴐𐴞 𐴁𐴡𐴘𐴝𐴕 𐴀𐴡𐴑𐴧𐴡𐴓𐴢 𐴀𐴝𐴙𐴐𐴧𐴠| 𐴀𐴥𐴠𐴍𐴠 𐴈𐴡𐴕𐴥𐴡 𐴔𐴞𐴑𐴧𐴝 𐴀𐴞𐴏𐴓𐴝𐴔𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴅𐴟𐴖𐴝𐴁𐴡𐴃𐴢 𐴈𐴡𐴕𐴥𐴡 𐴕𐴡𐴁𐴞𐴘𐴠 𐴏𐴡𐴈𐴃𐴡 𐴁𐴤𐴝𐴐𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴅𐴧𐴠𐴊𐴠 𐴊𐴠𐴈𐴝 𐴕𐴡𐴎𐴝||

𐴌𐴡𐴏𐴦𐴟𐴥𐴓𐴠 𐴑𐴝𐴌𐴞𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴃𐴧𐴞 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴠𐴏𐴓𐴝𐴇 𐴒𐴡𐴌𐴝𐴌 𐴈𐴝𐴔𐴡𐴃𐴢 𐴀𐴠 𐴈𐴡𐴃𐴝𐴌 𐴖𐴡𐴌𐴠 𐴁𐴞𐴙𐴐𐴞 𐴀𐴠𐴇𐴃𐴠𐴔𐴝𐴔𐴢 𐴀𐴝𐴙𐴐𐴧𐴞𐴓𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴈𐴝𐴃𐴡𐴁𐴡𐴌 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴁𐴠𐴙𐴎𐴧𐴡𐴃𐴞 𐴕𐴡𐴀𐴡𐴑| 𐴇𐴥𐴠𐴃𐴡𐴓𐴧𐴝 𐴎𐴡𐴊𐴞 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴒𐴡𐴓𐴡𐴃𐴢 𐴀𐴝𐴌 𐴁𐴟𐴌𐴝 𐴈𐴝𐴔𐴢 𐴒𐴡𐴌𐴠𐴊𐴧𐴠 𐴊𐴠𐴙𐴑𐴞𐴓𐴠 𐴇𐴥𐴞𐴁𐴝𐴌𐴠 𐴀𐴝𐴔𐴧𐴠 𐴏𐴝𐴔𐴧𐴠 𐴈𐴠𐴃𐴝𐴁𐴢 𐴒𐴡𐴌𐴡𐴕𐴡𐴌 𐴁𐴡𐴊𐴡𐴓𐴠 𐴀𐴝𐴦𐴔𐴢 𐴔𐴡𐴅𐴓𐴞𐴏𐴡𐴃𐴢 𐴈𐴠𐴃𐴝𐴁𐴢 𐴒𐴡𐴌𐴞 𐴈𐴡𐴘𐴃𐴡𐴊𐴠-

ما بال اقوام يفعلون كذا

“𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴃𐴧𐴞 𐴑𐴞 𐴀𐴡𐴘𐴧𐴠 𐴃𐴝𐴌𐴝 𐴀𐴠𐴕𐴋𐴞𐴓𐴧𐴝 𐴀𐴞𐴕𐴋𐴞𐴓𐴧𐴝 𐴈𐴝𐴔𐴢 𐴀𐴡𐴑𐴧𐴡𐴓𐴢 𐴒𐴡𐴌𐴠𐴌” ||

𐴀𐴠 𐴀𐴝𐴦𐴔𐴢 𐴈𐴠𐴃𐴝𐴁𐴡𐴌 𐴎𐴡𐴌𐴞𐴘𐴝 𐴎𐴝𐴌𐴠 𐴉𐴥𐴟𐴕𐴡𐴕𐴡𐴌 𐴔𐴡𐴏𐴧𐴟𐴊𐴢 𐴇𐴥𐴞𐴁𐴝𐴘𐴥𐴡 𐴉𐴥𐴟𐴕𐴃𐴡 𐴀𐴝𐴌 𐴕𐴞𐴎𐴡𐴌𐴠 𐴀𐴠𐴏𐴓𐴝𐴇 𐴒𐴡𐴌𐴡𐴕𐴡𐴌 𐴉𐴞𐴑𐴞𐴌𐴡𐴃𐴢 𐴓𐴝𐴒𐴞 𐴎𐴝𐴘𐴃𐴡𐴘||

𐴀𐴝𐴕𐴁𐴞𐴘𐴝 𐴀𐴝𐴓𐴝𐴘𐴇𐴞𐴔𐴟 𐴏𐴧𐴝𐴓𐴝𐴔𐴢 𐴀𐴡𐴑𐴧𐴡𐴓𐴡𐴌 𐴀𐴝𐴦𐴔𐴢 𐴀𐴝𐴊𐴡𐴃𐴢 𐴀𐴝𐴙𐴐𐴧𐴞𐴓𐴊𐴠 𐴔𐴟𐴈𐴝𐴃𐴡𐴁𐴡𐴌𐴠 𐴐𐴡𐴌𐴔𐴞𐴕𐴊𐴡𐴒𐴞𐴃𐴧𐴞 𐴁𐴝𐴏𐴡𐴕| 𐴇𐴥𐴠𐴃𐴡𐴓𐴧𐴝 𐴁𐴝𐴎𐴟 𐴀𐴡𐴃𐴧𐴡𐴃𐴢 𐴎𐴠 𐴈𐴝𐴔𐴧𐴝𐴕 𐴔𐴟𐴈𐴝𐴃𐴡𐴁𐴡𐴃𐴧𐴞 𐴏𐴦𐴝𐴊𐴠𐴌 𐴀𐴡𐴘𐴃𐴡 𐴘𐴥𐴝𐴕𐴡𐴌𐴠 𐴕𐴞𐴎𐴡𐴌 𐴔𐴞𐴑𐴧𐴝 𐴕𐴞𐴏𐴁𐴡𐴃𐴢 𐴒𐴡𐴌𐴞 𐴀𐴠𐴏𐴓𐴝𐴇 𐴒𐴡𐴌𐴞𐴁𐴝𐴌 𐴑𐴟𐴐𐴞𐴐𐴢 𐴒𐴡𐴙𐴃𐴧𐴡||

𐴏𐴟𐴌𐴝 𐴘𐴝𐴏𐴞𐴕𐴡𐴔𐴧𐴝𐴎𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠-

وماليَ لااعبد الذي فطرني واليه ترجعون

𐴘𐴦𐴝𐴕𐴞: ” 𐴀𐴝𐴣𐴀𐴃𐴧𐴞 𐴑𐴞 𐴀𐴡𐴘𐴧𐴠! 𐴀𐴝𐴣𐴀𐴛 𐴀𐴡 𐴀𐴝𐴓𐴧𐴝𐴇𐴌 𐴀𐴠𐴁𐴝𐴊𐴡𐴃𐴢 𐴕𐴡 𐴒𐴡𐴙𐴅𐴧𐴟𐴔𐴕𐴠؟ 𐴎𐴞𐴁𐴥𐴝𐴘𐴠 𐴀𐴝𐴣𐴀𐴌𐴠 𐴉𐴡𐴙𐴊𐴝 𐴒𐴡𐴙𐴅𐴧𐴠 𐴀𐴝𐴌 𐴎𐴞𐴁𐴥𐴝𐴌 𐴈𐴝𐴣𐴀𐴏𐴠 𐴃𐴟𐴣𐴖𐴝𐴣𐴀𐴌𐴝 𐴁𐴠𐴙𐴒𐴧𐴞𐴕𐴡𐴃𐴧𐴞 𐴉𐴥𐴞𐴌𐴞 𐴎𐴦𐴝 𐴉𐴡𐴌𐴞𐴁𐴡”||

𐴀𐴠𐴈𐴡𐴃𐴝 𐴎𐴝𐴇𐴠𐴌 𐴁𐴝𐴇𐴠𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴠 𐴀𐴝𐴘𐴝𐴃𐴡𐴃𐴢 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴠𐴊𐴠 𐴌𐴡𐴏𐴟𐴓𐴡𐴌 𐴑𐴝𐴏𐴠𐴊𐴢 𐴃𐴡 𐴇𐴦𐴝𐴌 𐴀𐴡𐴃𐴧𐴡𐴃𐴢 𐴀𐴝𐴓𐴧𐴝𐴇𐴌 𐴀𐴞𐴁𐴝𐴊𐴡𐴃𐴡𐴃𐴢 𐴔𐴡𐴐𐴒𐴟𐴓𐴢 𐴃𐴥𐴝𐴑𐴞𐴃𐴡، 𐴏𐴞𐴌𐴞𐴉𐴢 𐴀𐴡 𐴑𐴝𐴉𐴠𐴌 𐴀𐴦𐴡𐴓𐴡𐴌𐴠 𐴔𐴟𐴈𐴝𐴃𐴡𐴁𐴢 𐴒𐴡𐴌𐴡𐴕 𐴔𐴡𐴏𐴧𐴟𐴊𐴢 𐴎𐴝𐴌𐴝 𐴀𐴠𐴁𐴝𐴊𐴡𐴃𐴡𐴃𐴢 𐴔𐴡𐴐𐴒𐴟𐴓𐴢 𐴕𐴥𐴝𐴘, 𐴔𐴡𐴒𐴡𐴌 𐴀𐴥𐴠 𐴈𐴝𐴔𐴡𐴌𐴠 𐴕𐴞𐴎𐴡𐴌 𐴔𐴞𐴑𐴧𐴝 𐴕𐴞𐴏𐴁𐴡𐴃𐴢 𐴒𐴡𐴙𐴅𐴧𐴠||

𐴊𐴝𐴖𐴡𐴃𐴡𐴌 𐴔𐴡𐴏𐴧𐴟𐴊𐴢 𐴏𐴞𐴌𐴞𐴉𐴢 𐴀𐴝𐴌𐴠𐴑 𐴎𐴡𐴕𐴡𐴌 𐴀𐴝𐴙𐴂𐴢 𐴁𐴡𐴘𐴝𐴕 𐴒𐴡𐴌𐴡𐴕 𐴕𐴡𐴀، 𐴁𐴤𐴡𐴓𐴑𐴠 𐴀𐴝𐴌𐴠𐴑 𐴎𐴡𐴕𐴡𐴌𐴠 𐴕𐴞𐴎𐴡𐴌 𐴈𐴝𐴣𐴀𐴏𐴠 𐴋𐴝𐴑𐴞 𐴀𐴝𐴕𐴡𐴕| 𐴀𐴝𐴌 𐴀𐴥𐴠 𐴋𐴝𐴈𐴝 𐴀𐴡 𐴀𐴡𐴃𐴧𐴡𐴃𐴢 𐴑𐴝𐴔𐴞𐴘𐴝𐴁𐴢 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴈𐴦𐴡𐴘𐴝 𐴀𐴝𐴊𐴧𐴠 𐴉𐴥𐴟𐴕𐴡𐴘𐴝𐴌 𐴈𐴡𐴕𐴡 𐴀𐴠𐴑𐴧𐴝𐴕 𐴔𐴡𐴗𐴎𐴟𐴌 𐴖𐴡𐴌𐴠 𐴀𐴠𐴃𐴧𐴠𐴉𐴝𐴑 𐴃𐴥𐴝𐴑𐴞𐴁𐴡| 𐴇𐴥𐴠𐴃𐴡𐴓𐴧𐴝 𐴑𐴟𐴌𐴀𐴝𐴕 𐴐𐴡𐴌𐴞𐴉𐴡𐴃𐴢 𐴀𐴝𐴕𐴁𐴞𐴘𐴝 𐴀𐴝𐴓𐴝𐴘𐴇𐴞𐴔𐴟 𐴏𐴧𐴝𐴓𐴝𐴔𐴢 𐴀𐴦𐴡𐴓𐴡𐴌 𐴀𐴝𐴑𐴏𐴡𐴌 𐴊𐴝𐴖𐴡𐴃𐴡𐴌 𐴇𐴥𐴠𐴄𐴓𐴝𐴙𐴕 (يا قوم) “𐴀𐴡 𐴀𐴝𐴣𐴀𐴌 𐴑𐴗𐴡𐴔𐴢” 𐴈𐴠𐴃𐴝𐴁𐴢 𐴓𐴡𐴘𐴡𐴌𐴠 𐴐𐴟𐴌𐴟 𐴀𐴥𐴡𐴀 𐴎𐴠𐴍𐴠 𐴉𐴥𐴡𐴘𐴓𐴝 𐴐𐴧𐴟𐴌𐴟𐴃𐴢 𐴌𐴞𐴐𐴃𐴝𐴊𐴝𐴌𐴞𐴌 𐴃𐴝𐴀𐴝𐴓𐴧𐴟𐴑𐴡𐴌 𐴈𐴡𐴃𐴝 𐴎𐴞𐴑𐴞𐴌 𐴒𐴡𐴌𐴠| 𐴘𐴦𐴝𐴌 𐴁𐴝𐴊𐴠 𐴀𐴠𐴏𐴓𐴝𐴇𐴌 𐴁𐴡𐴘𐴝𐴕 𐴐𐴟𐴌𐴟 𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠, 𐴀𐴝𐴣𐴀𐴌𐴝𐴃𐴡 𐴁𐴥𐴝𐴘𐴝𐴓𐴞𐴌 𐴀𐴠𐴃𐴠𐴁𐴝𐴌𐴠 𐴀𐴠𐴑 𐴑𐴡𐴗𐴔𐴡𐴌 𐴔𐴝𐴕𐴥𐴙𐴐𐴢، 𐴈𐴡𐴕𐴥𐴡 𐴕𐴝𐴀𐴠𐴃𐴧𐴠𐴉𐴝𐴑𐴞 𐴕𐴡𐴀𐴡𐴕𐴏𐴦𐴝 𐴀𐴥𐴠𐴈𐴡𐴃𐴝 𐴈𐴡𐴦𐴘𐴡𐴌𐴠 𐴃𐴝𐴌𐴝𐴌𐴠 𐴀𐴠𐴏𐴓𐴝𐴇 𐴒𐴡𐴌𐴡𐴕𐴡𐴌 𐴈𐴝𐴔𐴢 𐴐𐴟𐴌𐴟 𐴒𐴡𐴙𐴃𐴧𐴡||

𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴌𐴟𐴔𐴡𐴌 𐴁𐴝𐴐𐴧𐴝 𐴇𐴞𐴌𐴝-𐴑𐴡𐴓𐴡𐴌 𐴕𐴝𐴔𐴠 𐴎𐴠 𐴐𐴠𐴣𐴍𐴞 𐴊𐴞𐴉𐴠𐴍𐴝𐴙𐴓𐴢 𐴘𐴥𐴝𐴕𐴡𐴃𐴢 𐴃𐴝𐴌𐴠 “𐴀𐴝𐴎𐴠𐴔𐴟𐴌 𐴌𐴟𐴔𐴢” 𐴘𐴝𐴕𐴞 𐴌𐴟𐴔𐴡𐴌 𐴀𐴞𐴎𐴧𐴡𐴃𐴢 𐴀𐴡𐴓𐴝 𐴁𐴝𐴊𐴞𐴐𐴝 𐴈𐴡𐴘𐴡𐴌𐴠 𐴈𐴠𐴃𐴝𐴁𐴢 𐴒𐴡𐴙𐴅𐴧𐴠| 𐴀𐴝𐴌 𐴀𐴠𐴍𐴠 “𐴀𐴝𐴎𐴞𐴔𐴟𐴌 𐴌𐴟𐴔𐴢” 𐴓𐴡𐴉𐴎𐴡𐴖𐴝 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴌𐴟𐴔𐴡𐴌 𐴁𐴦𐴝𐴐𐴧𐴝𐴓𐴧𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴞 𐴃𐴝𐴌 𐴀𐴞𐴎𐴧𐴡𐴃𐴡𐴌 𐴀𐴠𐴑𐴠𐴌𐴝𐴌 𐴒𐴡𐴙𐴅𐴧𐴠| 𐴀𐴝𐴌 𐴘𐴦𐴝𐴕 𐴌𐴟𐴔𐴡𐴌 𐴁𐴤𐴝𐴐𐴞𐴕𐴊𐴝 𐴀𐴦𐴡𐴓𐴡𐴓𐴧𐴝 𐴕𐴞𐴎𐴡𐴓𐴧𐴝 𐴕𐴡𐴀| 𐴘𐴦𐴝𐴌 𐴁𐴝𐴊𐴠 𐴀𐴞𐴔𐴝𐴕𐴡𐴌 𐴊𐴝𐴖𐴡𐴃𐴢 𐴀𐴠 𐴇𐴠𐴄𐴓𐴝𐴙𐴕𐴡𐴌 𐴎𐴡𐴌𐴞𐴘𐴝 𐴊𐴞𐴘𐴝 𐴒𐴞𐴘𐴧𐴠||

يا اهل الكتاب تعالوا الي كلمة سواء بيننا وبينكم الّا نعبد الّا الله

𐴀𐴥𐴡 𐴀𐴝𐴇𐴓𐴠 𐴑𐴞𐴃𐴝𐴁𐴢 𐴀𐴡𐴑𐴧𐴡𐴓𐴢! 𐴀𐴠𐴑 𐴑𐴝𐴓𐴞𐴔𐴝𐴌 𐴔𐴞𐴑𐴧𐴝 𐴀𐴝𐴘𐴧𐴡- 𐴎𐴞𐴘𐴝𐴕 𐴀𐴝𐴣𐴀𐴌𐴝 𐴀𐴝𐴊𐴧𐴠 𐴃𐴟𐴖𐴝𐴣𐴀𐴌𐴝𐴌 𐴊𐴡𐴌𐴔𐴞𐴘𐴝𐴕 𐴁𐴡𐴌𐴝𐴁𐴡𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠, 𐴀𐴝𐴣𐴀𐴌𐴝 𐴀𐴝𐴓𐴧𐴝𐴇 𐴏𐴥𐴝𐴌𐴝 𐴀𐴡𐴙𐴕𐴧𐴡 𐴈𐴡𐴕𐴞𐴑𐴧𐴝𐴌 𐴀𐴠𐴁𐴝𐴊𐴡𐴃𐴢 𐴕𐴡 𐴒𐴡𐴙𐴅𐴧𐴟𐴔𐴢|| {𐴏𐴦𐴟𐴌𐴝 𐴀𐴠𐴔𐴌𐴝𐴕 𐴳:𐴶𐴴}

𐴀𐴠 𐴎𐴝𐴒𐴝𐴃𐴢 𐴉𐴦𐴡𐴘𐴓𐴝 𐴀𐴝𐴉𐴡𐴏𐴡𐴃𐴢 𐴀𐴠𐴃𐴧𐴠𐴉𐴝𐴑 𐴀𐴦𐴡𐴕𐴡𐴌 𐴀𐴠𐴑𐴧𐴝𐴕 𐴂𐴟𐴖𐴝𐴙𐴄 𐴎𐴞𐴑𐴞𐴌 𐴒𐴡𐴙𐴅𐴧𐴠 𐴘𐴦𐴝𐴕𐴞 𐴃𐴡𐴗𐴇𐴞𐴊𐴡𐴌 𐴂𐴟𐴖𐴝𐴙𐴄| 𐴘𐴦𐴝𐴌 𐴁𐴝𐴊𐴠 𐴑𐴞𐴌𐴞𐴐𐴄𐴝𐴕 𐴀𐴦𐴡𐴓𐴡𐴌 𐴒𐴡𐴓𐴃𐴞𐴌𐴠 𐴁𐴡𐴘𐴝𐴕 𐴒𐴡𐴌𐴝 𐴒𐴞𐴘𐴧𐴠||

𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴞𐴌𐴡𐴃𐴡𐴌 𐴖𐴡𐴀𐴌𐴠 𐴎𐴡𐴊𐴞 𐴉𐴞𐴑𐴞𐴌 𐴒𐴡𐴌𐴝𐴎𐴝، 𐴃𐴡𐴘𐴓𐴠 𐴇𐴥𐴝𐴌 𐴊𐴝𐴖𐴡𐴃𐴡𐴌 𐴃𐴝𐴀𐴓𐴞𐴔𐴡𐴃𐴢 𐴀𐴞𐴕𐴋𐴞𐴓𐴧𐴝 𐴀𐴝𐴌𐴡 𐴁𐴠𐴙𐴐𐴝 𐴁𐴠𐴙𐴐𐴞 𐴀𐴝𐴊𐴡𐴁𐴢 𐴀𐴝𐴌 𐴀𐴟𐴏𐴟𐴓𐴢 𐴀𐴡𐴑𐴧𐴡𐴓𐴢 𐴉𐴦𐴝𐴎𐴝𐴘𐴁𐴡| 𐴀𐴠𐴈𐴡𐴕𐴡𐴌 𐴎𐴡𐴁𐴝𐴕𐴝𐴃𐴢 𐴐𐴟𐴌𐴟𐴃𐴧𐴞 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴞𐴏𐴓𐴝𐴇 𐴀𐴝𐴌 𐴀𐴝𐴔𐴡𐴌 𐴁𐴞𐴓𐴢-𐴔𐴝𐴌𐴟𐴉𐴢 𐴀𐴝𐴊𐴧𐴠 𐴕𐴝𐴇𐴞 𐴀𐴝𐴕𐴞𐴓𐴢-𐴔𐴟𐴕𐴑𐴡𐴌𐴡𐴌 𐴔𐴞𐴑𐴧𐴝 𐴈𐴡𐴕𐴥𐴡 𐴈𐴞𐴘𐴝𐴓𐴥𐴡 𐴕𐴡𐴒𐴡𐴌𐴠|𐴀𐴝𐴌 𐴎𐴝𐴌𐴝 𐴀𐴠 𐴈𐴝𐴔𐴡𐴃𐴢 𐴔𐴡𐴐𐴒𐴟𐴓𐴢 𐴀𐴝𐴏𐴠، 𐴃𐴝𐴌𐴝𐴘𐴥𐴡 𐴏𐴞𐴌𐴞𐴉𐴢 𐴁𐴡𐴇𐴡𐴏𐴢 𐴔𐴟𐴁𐴝𐴇𐴝𐴏𐴝، 𐴀𐴝𐴌 𐴔𐴟𐴈𐴝𐴓𐴡𐴉𐴡𐴌 𐴀𐴡𐴌𐴠 𐴀𐴠𐴓𐴎𐴝𐴔𐴢 𐴓𐴝𐴒𐴡𐴕، 𐴃𐴥𐴠𐴐𐴢 𐴔𐴝𐴌𐴡𐴕 𐴀𐴝𐴌 𐴃𐴝𐴌𐴠 𐴁𐴠𐴎𐴧𐴡𐴃𐴢 𐴒𐴡𐴌𐴝𐴌𐴠 𐴊𐴝𐴖𐴡𐴃𐴢 𐴁𐴝𐴕𐴝𐴘 𐴓𐴡𐴘𐴧𐴠| 𐴎𐴞𐴘𐴝𐴕 𐴏𐴟𐴕𐴧𐴡𐴃𐴡𐴌 𐴈𐴠𐴓𐴝𐴉𐴢 𐴀𐴡𐴦𐴕𐴡𐴌 𐴎𐴡𐴌𐴞𐴘𐴝 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴀𐴝𐴏𐴡𐴌 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴉𐴝𐴘𐴊𐴝 𐴀𐴡𐴀𐴓𐴝 𐴕𐴡𐴀𐴡𐴀| 𐴀𐴝𐴌 𐴃𐴝𐴌𐴝 𐴕𐴞𐴎𐴡𐴌𐴠 𐴕𐴞𐴎𐴠 𐴁𐴟𐴎𐴠𐴊𐴠 𐴀𐴝𐴣𐴀𐴌𐴝 𐴀𐴞𐴏𐴓𐴝𐴔𐴡𐴌 𐴁𐴡𐴀𐴃𐴢 𐴁𐴡𐴌𐴡 𐴈𐴠𐴊𐴔𐴡𐴃𐴢 𐴒𐴡𐴌𐴞𐴌| 𐴇𐴝𐴑𐴞𐴑𐴡𐴃𐴡 𐴔𐴧𐴝𐴎𐴠 𐴃𐴝𐴌𐴝 𐴔𐴝𐴕𐴟𐴙𐴐𐴢 𐴀𐴡𐴑𐴧𐴡𐴓𐴡𐴌𐴠 𐴊𐴞𐴕𐴡𐴃𐴧𐴞 𐴊𐴟𐴌𐴠 𐴄𐴤𐴠𐴓𐴞 𐴊𐴡𐴀𐴕𐴡𐴌 𐴏𐴡𐴁𐴡𐴁𐴢 𐴁𐴡𐴕𐴠||

𐴖𐴡𐴌𐴡𐴌 𐴀𐴝𐴘𐴝𐴃𐴡𐴌 𐴃𐴡𐴉𐴏𐴞𐴌𐴡𐴃𐴧𐴞 𐴀𐴠 𐴈𐴡𐴃𐴝 𐴒𐴝𐴕 𐴎𐴝𐴕𐴝 𐴒𐴞𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴙𐴓𐴠 𐴐𐴡𐴌𐴞𐴘𐴡𐴃𐴡𐴌 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴀𐴥𐴡𐴘𐴓𐴊𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴀𐴕| 𐴀𐴝𐴌 𐴀𐴠 𐴊𐴝𐴖𐴡𐴃𐴡𐴌 𐴊𐴟𐴘𐴝𐴕 𐴀𐴟𐴏𐴟𐴓𐴢, 𐴇𐴠𐴑𐴔𐴡𐴃𐴢, 𐴀𐴝𐴌 𐴔𐴡𐴖𐴝𐴘𐴠𐴎𐴠 𐴇𐴝𐴏𐴝𐴕𐴝||

𐴔𐴟𐴁𐴝𐴇𐴝𐴏𐴝 𐴎𐴡𐴊𐴞 𐴒𐴡𐴌𐴝 𐴉𐴡𐴌𐴠𐴊𐴧𐴠 𐴀𐴥𐴡𐴘𐴓𐴠 𐴀𐴥𐴠 𐴀𐴡𐴃𐴧𐴡𐴃𐴢”𐴀𐴝𐴇𐴏𐴡𐴕” 𐴡𐴌 𐴑𐴡𐴘𐴊𐴢 𐴓𐴝𐴒𐴝𐴘 𐴀𐴠𐴅𐴝𐴎𐴡𐴃𐴢 𐴊𐴞𐴘𐴝 𐴒𐴞𐴘𐴧𐴠| 𐴑𐴞𐴕𐴃𐴟 𐴀𐴝𐴏𐴡𐴓𐴡𐴃𐴢 𐴘𐴦𐴝𐴕 𐴊𐴝𐴖𐴡𐴃𐴡𐴌 𐴔𐴟𐴏𐴃𐴡𐴑𐴞𐴓𐴢 𐴐𐴤𐴝𐴈𐴝 𐴕𐴡𐴀 𐴁𐴤𐴡𐴓𐴑𐴠 𐴃𐴝𐴌 𐴔𐴟𐴈𐴝𐴓𐴠𐴉𐴞 𐴏𐴟𐴌𐴡𐴃𐴡𐴃𐴢 𐴀𐴠𐴑 𐴑𐴞𐴏𐴞𐴔𐴡𐴌 𐴑𐴟𐴐𐴞𐴐𐴢، 𐴎𐴞𐴘𐴝𐴕𐴡𐴌 𐴔𐴟𐴃𐴝𐴀𐴓𐴧𐴠𐴑 𐴑𐴟𐴌𐴀𐴝𐴕 𐴐𐴡𐴌𐴞𐴉𐴡𐴃𐴢: بالتي هي احسن 𐴡𐴌 𐴐𐴡𐴌𐴡𐴃𐴢 𐴓𐴝𐴒𐴝𐴘𐴡𐴌𐴠 𐴀𐴠 𐴈𐴡𐴃𐴢 𐴈𐴡𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴊𐴝𐴖𐴡𐴃𐴢 𐴕𐴡𐴌𐴔𐴞 𐴏𐴧𐴝𐴣𐴀𐴃𐴠 𐴈𐴝𐴘𐴌𐴈𐴝 𐴀𐴝𐴌 𐴇𐴝𐴔𐴊𐴡𐴌𐴊𐴞𐴌 𐴅𐴡𐴎𐴁𐴝 𐴓𐴡𐴘𐴡𐴌𐴠 𐴀𐴦𐴡𐴕𐴏𐴝| 𐴉𐴥𐴟𐴖𐴝𐴣𐴀𐴃𐴞 𐴉𐴥𐴟𐴖𐴝𐴣𐴀𐴃𐴞 𐴔𐴟𐴈𐴝𐴃𐴡𐴁𐴡𐴌 𐴇𐴝𐴓𐴡𐴃𐴢 𐴔𐴡𐴎𐴞𐴕 𐴖𐴝𐴎𐴠𐴇 𐴊𐴡𐴓𐴞𐴓𐴡𐴌 𐴏𐴝𐴣𐴀𐴃𐴠 𐴁𐴡𐴘𐴝𐴕 𐴒𐴡𐴌𐴡𐴕 𐴏𐴦𐴝| 𐴔𐴟𐴈𐴝𐴃𐴡𐴁𐴡𐴌𐴠 𐴇𐴠𐴑𐴝𐴌𐴡𐴃𐴢 𐴀𐴝𐴊𐴧𐴠 𐴀𐴠𐴇𐴝𐴕𐴡𐴃𐴢 𐴒𐴡𐴌𐴡𐴕𐴡𐴃𐴧𐴞 𐴇𐴥𐴝𐴌 𐴀𐴠𐴃𐴠𐴁𐴝𐴌𐴠 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡||

𐴀𐴥𐴞𐴕𐴋𐴞𐴓𐴧𐴝 𐴊𐴝𐴖𐴡𐴃𐴢 “𐴀𐴝𐴇𐴏𐴡𐴕” 𐴀𐴥𐴡𐴘𐴁𐴡𐴓𐴧𐴝 𐴎𐴡𐴌𐴟𐴌𐴞 𐴀𐴥𐴡𐴙𐴓𐴊𐴠 𐴇𐴥𐴞𐴘𐴝𐴕 𐴕𐴞𐴎𐴠 𐴔𐴟𐴃𐴡𐴑𐴡𐴓𐴧𐴞 𐴔𐴡𐴓𐴧𐴝 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴕𐴡𐴁𐴡𐴕𐴡𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴁𐴡𐴊𐴢 𐴀𐴝𐴈𐴓𐴝𐴑، 𐴇𐴝𐴏𐴡𐴊𐴢، 𐴁𐴟𐴒𐴎𐴡، 𐴃𐴡𐴑𐴝𐴁𐴧𐴟𐴌، 𐴀𐴝𐴌 𐴔𐴡𐴌𐴃𐴡𐴁𐴝𐴌 𐴓𐴝𐴓𐴡𐴏𐴢 𐴖𐴝𐴒𐴝𐴘𐴌𐴝 𐴉𐴡𐴙𐴊𐴝 𐴕𐴡𐴀𐴡𐴕، 𐴎𐴞𐴘𐴝𐴕 𐴁𐴝𐴃𐴠𐴕𐴞 𐴑𐴡𐴁𐴞𐴌𐴝 𐴒𐴟𐴕𐴤𐴝| 𐴀𐴝𐴌 𐴀𐴠𐴈𐴡𐴕 𐴁𐴡𐴇𐴡𐴏𐴢 𐴔𐴟𐴁𐴝𐴇𐴝𐴏𐴝، 𐴔𐴟𐴕𐴝𐴎𐴝𐴌𐴝 𐴀𐴝𐴊𐴧𐴠 𐴔𐴟𐴅𐴝𐴊𐴡𐴓𐴝 𐴀𐴡𐴑𐴧𐴡𐴓𐴡𐴃𐴢 𐴀𐴠 𐴃𐴡𐴔𐴦𐴝𐴔𐴢 𐴈𐴡𐴌𐴝𐴁𐴞𐴃𐴧𐴞 𐴁𐴞𐴙𐴐𐴞 𐴈𐴡𐴔𐴢 𐴔𐴝𐴕𐴥𐴟𐴙𐴐𐴢 𐴁𐴝𐴏𐴡𐴕 𐴔𐴟𐴔𐴑𐴞𐴕|𐴕𐴡𐴘𐴓𐴠 𐴀𐴝𐴊𐴡𐴃𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴀𐴥𐴠𐴒𐴞𐴕𐴡𐴃𐴧𐴞 𐴁𐴝𐴏𐴡𐴕 𐴕𐴝 𐴔𐴟𐴔𐴑𐴞𐴕||

𐴀𐴞𐴔𐴝𐴔𐴢 𐴒𐴡𐴎𐴝𐴓𐴞 𐴌𐴡𐴇𐴞𐴔𐴝𐴇𐴟𐴓𐴧𐴝 𐴘𐴠 𐴈𐴦𐴡𐴊𐴧𐴠 “𐴎𐴠𐴕𐴋𐴞𐴓𐴧𐴝 𐴐𐴡𐴌𐴝𐴁𐴢 𐴃𐴡𐴔𐴦𐴝𐴔𐴢 𐴁𐴟𐴌𐴝𐴘𐴞𐴌 𐴒𐴟𐴙𐴅𐴧𐴝 𐴎𐴞𐴕𐴋𐴞𐴓𐴧𐴝 𐴘𐴦𐴝𐴕 𐴕𐴞𐴎𐴠 𐴔𐴟𐴏𐴃𐴡𐴑𐴞𐴓𐴢 𐴁𐴡𐴌𐴡 𐴒𐴟𐴕𐴤𐴝| 𐴀𐴝𐴌 𐴅𐴞𐴏𐴞𐴔𐴡𐴌 𐴁𐴡𐴌𐴡 𐴁𐴡𐴌𐴡 𐴒𐴟𐴕𐴤𐴝 𐴀𐴡𐴑𐴧𐴡𐴓𐴢 𐴉𐴡𐴘𐴊𐴝 𐴒𐴡𐴌𐴠| 𐴀𐴥𐴞𐴕𐴋𐴞𐴓𐴧𐴝 𐴎𐴡𐴊𐴞 𐴁𐴡𐴇𐴡𐴏𐴢 𐴔𐴟𐴁𐴝𐴇𐴝𐴏𐴝𐴌 𐴔𐴡𐴏𐴧𐴟𐴊𐴢 𐴔𐴟𐴈𐴝𐴃𐴡𐴁𐴡𐴌 𐴖𐴡𐴌𐴠 𐴒𐴡𐴓𐴠𐴁𐴢 𐴀𐴡𐴀𐴕، 𐴕𐴞𐴎𐴡𐴌 𐴀𐴠𐴓𐴡𐴔𐴡𐴌 𐴉𐴡𐴗𐴑𐴞𐴘𐴡𐴃𐴢 𐴎𐴝𐴇𐴠𐴌 𐴒𐴡𐴌𐴡𐴕 𐴀𐴥𐴡𐴊𐴧𐴠 𐴀𐴥𐴡𐴘𐴓𐴠، 𐴃𐴡𐴘𐴓𐴠 𐴘𐴦𐴝𐴕𐴥𐴡 𐴁𐴝𐴃𐴠𐴕𐴞 𐴃𐴡𐴔𐴦𐴝𐴔𐴢 𐴈𐴡𐴌𐴝𐴉𐴞𐴌 𐴒𐴟𐴙𐴅𐴧𐴝| 𐴎𐴝𐴌 𐴎𐴡𐴌𐴞𐴘𐴝 𐴑𐴡𐴓𐴡𐴁𐴡𐴃𐴢 𐴁𐴠𐴐𐴝 𐴁𐴠𐴐𐴞 𐴁𐴠𐴌𐴝𐴔𐴢 𐴀𐴡𐴑𐴧𐴡𐴓𐴢 𐴉𐴡𐴘𐴊𐴝 𐴀𐴡𐴀||

𐴔𐴡𐴏𐴝𐴓𐴝𐴕: 𐴇𐴝𐴏𐴡𐴊𐴢، 𐴁𐴟𐴒𐴎𐴡، 𐴃𐴟𐴑𐴡𐴁𐴧𐴟𐴌𐴞، 𐴒𐴞𐴁𐴡𐴃𐴢، 𐴀𐴝𐴌 𐴊𐴟𐴏𐴡𐴌𐴝 𐴎𐴡𐴕𐴡𐴌 𐴀𐴝𐴙𐴁𐴡𐴌 𐴉𐴞𐴏𐴝𐴓𐴞 𐴉𐴡𐴌𐴡𐴕، 𐴃𐴝𐴌 𐴊𐴟𐴑𐴧𐴡𐴃𐴢 𐴑𐴤𐴟𐴐𐴞 𐴀𐴝𐴌 𐴐𐴟𐴑𐴧𐴡𐴃𐴢 𐴕𐴝𐴑𐴤𐴟𐴐𐴢 𐴀𐴦𐴡𐴕، 𐴇𐴡𐴑𐴡𐴌𐴠 𐴑𐴡𐴁𐴟𐴓𐴢 𐴒𐴡𐴌𐴡𐴕𐴡𐴃𐴧𐴞 𐴃𐴟𐴑𐴡𐴁𐴧𐴟𐴌𐴞 𐴒𐴡𐴌𐴡𐴕، 𐴊𐴟𐴏𐴡𐴌𐴝 𐴎𐴡𐴕𐴡𐴌 𐴈𐴡𐴃𐴝𐴌 𐴖𐴡𐴀𐴌𐴠 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴞𐴕𐴏𐴝𐴉𐴡𐴌 𐴏𐴝𐴣𐴀𐴃𐴠 𐴉𐴞𐴑𐴞𐴌 𐴒𐴡𐴌𐴝𐴌 𐴁𐴡𐴊𐴡𐴓𐴠 𐴅𐴟𐴖𐴝𐴁𐴢 𐴊𐴞𐴁𐴝𐴌 𐴉𐴞𐴑𐴞𐴌, 𐴏𐴥𐴝𐴘 𐴀𐴥𐴠𐴍𐴠 𐴑𐴟𐴌𐴀𐴝𐴕 𐴏𐴟𐴕𐴧𐴝𐴤𐴌 𐴎𐴡𐴃𐴡 𐴃𐴝𐴖𐴞𐴓𐴢 𐴒𐴡𐴌𐴝 𐴉𐴡𐴌𐴡𐴑||

𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴀𐴡 𐴈𐴡𐴃𐴡𐴌𐴕𐴝𐴑 𐴁𐴞𐴘𐴝𐴌𐴝𐴔𐴢 𐴎𐴠𐴒𐴞𐴕𐴡𐴃𐴢 𐴀𐴞𐴎𐴧𐴡𐴃𐴡𐴌 𐴓𐴝𐴘𐴠𐴑 𐴀𐴝𐴓𐴠𐴔𐴢 𐴀𐴡𐴑𐴧𐴡𐴓𐴢 𐴔𐴟𐴁𐴃𐴡𐴓𐴝 𐴀𐴥𐴡𐴘 𐴎𐴝𐴒𐴡𐴘، 𐴀𐴝𐴌 𐴔𐴝𐴀𐴔𐴠𐴓𐴝 𐴎𐴡𐴈𐴡𐴕 𐴃𐴝𐴌𐴝𐴌 𐴔𐴟𐴃𐴧𐴡𐴁𐴞𐴀𐴞𐴕 𐴀𐴡𐴑𐴧𐴡𐴓𐴡𐴌 𐴈𐴝𐴣𐴀𐴏𐴠 𐴉𐴤𐴡𐴣𐴏𐴠 𐴃𐴡𐴈𐴡𐴕 𐴀𐴝𐴉𐴡𐴏𐴡𐴃𐴢 𐴅𐴡𐴒𐴍𐴝-𐴉𐴡𐴏𐴝𐴊𐴢 𐴀𐴝𐴊𐴧𐴠 𐴔𐴝𐴌𐴝-𐴔𐴝𐴌𐴞𐴌 𐴔𐴡𐴙𐴊𐴝𐴕 𐴁𐴡𐴕𐴞 𐴎𐴝𐴒𐴡|| انا لله وانا اليه راجعون (𐴔𐴝𐴀𐴝𐴌𐴠𐴉𐴟𐴓𐴢- 𐴑𐴟𐴌𐴀𐴝𐴕)

 

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴘𐴠 𐴀𐴠𐴌𐴐𐴝𐴊𐴢 𐴒𐴡𐴙𐴅𐴧𐴠-

ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ

𐴕𐴞𐴎𐴡𐴌 𐴌𐴡𐴁𐴡𐴌 𐴌𐴝𐴏𐴧𐴝𐴌 𐴔𐴞𐴑𐴧𐴝 𐴋𐴝𐴑𐴡 𐴇𐴠𐴑𐴔𐴡𐴃𐴡𐴌 𐴏𐴝𐴣𐴀𐴃𐴠 𐴀𐴝𐴌 𐴁𐴤𐴝𐴓𐴝 𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢 𐴓𐴡𐴘𐴡𐴌𐴠 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴁𐴝𐴓𐴝 𐴃𐴡𐴌𐴞𐴑𐴝𐴓𐴡𐴘 𐴁𐴡𐴇𐴡𐴏𐴢 𐴔𐴟𐴕𐴝𐴎𐴝𐴌𐴝 𐴒𐴡𐴌𐴡| 𐴁𐴠𐴙𐴐𐴡𐴑 𐴀𐴦𐴡𐴕𐴡𐴌 𐴌𐴡𐴁𐴢 𐴀𐴟𐴁𐴥𐴝𐴌 𐴁𐴝𐴁𐴡𐴃𐴠 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴠، 𐴎𐴞𐴁𐴥𐴝 𐴃𐴝𐴌 𐴌𐴝𐴏𐴧𐴝𐴃𐴧𐴞 𐴒𐴟𐴔𐴌𐴝𐴇 𐴀𐴥𐴡𐴘𐴒𐴞𐴘𐴡𐴘 𐴀𐴝𐴌 𐴃𐴝𐴀𐴛 𐴀𐴡 𐴔𐴝𐴙𐴕𐴐𐴥𐴡𐴌𐴠𐴘𐴥𐴡 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴠، 𐴎𐴝𐴌𐴝 𐴇𐴠𐴊𐴝𐴘𐴡𐴃𐴡𐴌 𐴌𐴝𐴏𐴧𐴝𐴌 𐴖𐴡𐴀𐴌𐴠 𐴏𐴡𐴓𐴞𐴁𐴡|{𐴏𐴟𐴌𐴝 𐴕𐴝𐴇𐴝𐴓𐴢 𐴱𐴶 : 𐴱𐴲𐴵}

𐴀𐴞𐴔𐴝𐴔𐴢 𐴌𐴝𐴎𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴀𐴠 𐴀𐴝𐴘𐴝𐴃𐴡𐴌 𐴔𐴝𐴃𐴝𐴇𐴝𐴃𐴡𐴃𐴢 𐴈𐴦𐴡𐴊𐴧𐴠-

“𐴀𐴠 𐴀𐴝𐴘𐴝𐴃𐴡𐴌 𐴔𐴡𐴏𐴧𐴟𐴊𐴢 𐴀𐴥𐴡𐴘𐴓𐴊𐴠 𐴃𐴟𐴣𐴖𐴝𐴣𐴀𐴌𐴝 𐴏𐴌𐴞𐴉𐴢 𐴀𐴠 𐴃𐴞𐴕 𐴃𐴡𐴌𐴞𐴑𐴝 𐴓𐴡𐴘 𐴊𐴝𐴖𐴡𐴃𐴢 𐴊𐴡𐴀𐴕𐴡𐴌 𐴔𐴟𐴑𐴡𐴓𐴧𐴡𐴉𐴢| 𐴔𐴝𐴙𐴕𐴐𐴥𐴡𐴌𐴠 𐴇𐴠𐴊𐴝𐴘𐴡𐴃𐴢 𐴊𐴡𐴀𐴕𐴡𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴣𐴀𐴌𐴝𐴌 𐴕𐴡𐴀| 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴁𐴠𐴇𐴠𐴃𐴡𐴌 𐴎𐴝𐴕𐴠 𐴈𐴡𐴕𐴧𐴟𐴗𐴝 𐴒𐴟𐴔𐴌𐴝𐴇𐴞، 𐴀𐴝𐴌 𐴈𐴡𐴕𐴧𐴟𐴗𐴝 𐴇𐴠𐴊𐴝𐴘𐴡𐴃𐴡𐴌𐴠 𐴑𐴡𐴁𐴟𐴓𐴢 𐴒𐴡𐴌𐴡𐴘𐴝||

𐴀𐴝𐴣𐴀𐴌 𐴕𐴡𐴎𐴊𐴞𐴑 𐴔𐴝𐴙𐴕𐴐𐴥𐴡𐴌 𐴕𐴡𐴉𐴏𐴡 𐴘𐴥𐴝 𐴊𐴞𐴓𐴢 𐴁𐴟𐴕𐴞𐴘𐴝𐴊𐴞 𐴀𐴠𐴃𐴠𐴁𐴝𐴌𐴠 𐴔𐴟𐴈𐴃𐴡𐴓𐴞𐴉𐴢 𐴀𐴥𐴡𐴀| 𐴑𐴠𐴏𐴧𐴟 𐴕𐴡𐴉𐴏𐴡 𐴀𐴝𐴏𐴠 𐴕𐴟𐴌 𐴓𐴡𐴘 𐴁𐴤𐴡𐴌𐴝𐴘𐴝 𐴀𐴝𐴌 𐴏𐴝𐴥𐴉𐴢-𐴏𐴟𐴃𐴡𐴌𐴝، 𐴎𐴦𐴞𐴕 𐴊𐴟𐴕𐴞𐴘𐴝𐴌 𐴔𐴞𐴑𐴧𐴝 𐴈𐴡𐴔𐴢 𐴔𐴝𐴘𐴠𐴓𐴢 𐴀𐴡𐴀، 𐴀𐴝𐴌 𐴀𐴝𐴈𐴠𐴌𐴡𐴃𐴡𐴌 𐴔𐴞𐴑𐴧𐴝 𐴁𐴞𐴐𐴞 𐴔𐴝𐴘𐴠𐴓𐴢 𐴀𐴡𐴀| 𐴀𐴝𐴌 𐴑𐴠𐴏𐴧𐴟 𐴕𐴡𐴉𐴏𐴡 𐴀𐴝𐴏𐴠 𐴀𐴝𐴣𐴊𐴤𐴝𐴌 𐴓𐴡𐴘 𐴁𐴤𐴡𐴌𐴝𐴘𐴝, 𐴎𐴦𐴞𐴕 𐴊𐴟𐴕𐴞𐴘𐴝𐴌 𐴔𐴞𐴑𐴧𐴝 𐴁𐴠𐴐𐴞 𐴔𐴝𐴘𐴠𐴓𐴢، 𐴀𐴝𐴌 𐴀𐴝𐴈𐴠𐴌𐴡𐴃𐴡𐴌 𐴔𐴞𐴑𐴧𐴝 𐴔𐴝𐴘𐴠𐴓 𐴈𐴡𐴔𐴢| 𐴇𐴠𐴃𐴡𐴓𐴧𐴝 𐴎𐴝𐴌 𐴕𐴡𐴉𐴏𐴡 𐴎𐴞𐴕𐴋𐴞𐴓𐴧𐴝 𐴀𐴥𐴞𐴃𐴠 𐴃𐴝𐴌 𐴀𐴟𐴓𐴊𐴝𐴒𐴝𐴕 𐴁𐴠𐴐𐴞 𐴈𐴡𐴔𐴢 𐴑𐴡𐴁𐴟𐴑 𐴒𐴡𐴌𐴠| 𐴇𐴠𐴃𐴡𐴓𐴧𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴉𐴡𐴌𐴔𐴝𐴘𐴠𐴊𐴠- 𐴃𐴟𐴣𐴖𐴝𐴣𐴀𐴌𐴝 𐴃𐴞𐴕 𐴃𐴡𐴌𐴞𐴑𐴝𐴌 𐴖𐴡𐴀𐴌𐴠 𐴊𐴝𐴖𐴡𐴃𐴢 𐴊𐴡𐴀| 𐴀𐴝𐴌 𐴃𐴟𐴣𐴖𐴝𐴣𐴀𐴌𐴝 𐴃𐴝𐴔𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴇𐴠𐴊𐴝𐴘𐴡𐴃𐴡𐴌 𐴉𐴞𐴏𐴠 𐴉𐴡𐴌𐴞 𐴕𐴡 𐴃𐴥𐴝𐴙𐴑𐴧𐴡| 𐴁𐴠𐴐𐴡𐴑 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴉𐴡𐴣𐴃𐴢 𐴇𐴥𐴝𐴌𐴝 𐴀𐴦𐴡𐴓𐴡𐴌 𐴒𐴟𐴔𐴌𐴝𐴇𐴞 𐴀𐴝𐴌 𐴏𐴦𐴝𐴉𐴢- 𐴏𐴟𐴃𐴟𐴌𐴝 𐴑𐴡𐴓𐴡𐴁𐴢 𐴀𐴡𐴑𐴧𐴡𐴓𐴡𐴌 𐴉𐴝𐴑𐴞𐴎𐴝𐴌 𐴁𐴝𐴁𐴡𐴃𐴞 𐴁𐴤𐴝𐴓𐴝 𐴒𐴡𐴌𐴞 𐴎𐴝𐴕𐴠”|| (𐴔𐴡𐴉𐴝𐴃𐴞𐴇𐴟𐴓𐴢 𐴒𐴝𐴘𐴁𐴢)

 

𐴐𐴝𐴘𐴈𐴢 𐴀𐴝𐴁𐴊𐴟𐴓𐴧𐴝𐴇 𐴀𐴝𐴎𐴧𐴝𐴔𐴢 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴘𐴠 𐴈𐴦𐴡𐴊𐴧𐴠-

𐴁𐴝𐴤𐴓𐴝𐴘𐴞𐴌 𐴇𐴡𐴑𐴟𐴔𐴢 𐴀𐴝𐴌 𐴁𐴟𐴌𐴝𐴘𐴞𐴃𐴧𐴞 𐴌𐴟𐴑𐴞 𐴁𐴡𐴓𐴧𐴧𐴝 𐴁𐴡𐴓𐴞 𐴔𐴝𐴕𐴟𐴥𐴙𐴐𐴡𐴌 𐴏𐴝𐴣𐴀𐴃𐴠 𐴔𐴟𐴇𐴝𐴁𐴧𐴡𐴃𐴢 𐴉𐴡𐴘𐴊𐴝 𐴒𐴡𐴌𐴡𐴘𐴝 𐴀𐴦𐴠𐴕 𐴏𐴝𐴣𐴀𐴃𐴞 𐴊𐴡𐴌𐴈𐴝𐴌| 𐴎𐴝𐴌 𐴊𐴞𐴓𐴢 𐴋𐴦𐴡𐴣𐴌 𐴀𐴝𐴌 𐴎𐴟𐴁𐴝𐴕 𐴉𐴝𐴑| 𐴎𐴝𐴌𐴝 𐴈𐴡𐴕𐴥𐴡 𐴔𐴟𐴏𐴡𐴓𐴔𐴝𐴕𐴡𐴌𐴠 𐴈𐴡𐴌𐴝𐴉𐴢 𐴈𐴝𐴔𐴢 𐴒𐴡𐴌𐴠𐴊𐴧𐴠 𐴊𐴠𐴈𐴞𐴓𐴠 𐴀𐴞𐴕𐴋𐴞𐴓𐴧𐴝 𐴈𐴡𐴃𐴝 𐴕𐴡 𐴈𐴡𐴘𐴁𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴀𐴛 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠 𐴃𐴟𐴣𐴖𐴝𐴣𐴀𐴌 𐴏𐴝𐴣𐴀𐴃𐴠 𐴕𐴝𐴉𐴡𐴌𐴡𐴃𐴢 𐴀𐴝𐴌 𐴊𐴟𐴐𐴧𐴡𐴕𐴞 𐴌𐴝𐴑𐴞 𐴑𐴞𐴘𐴡𐴓𐴧𐴝 𐴈𐴡𐴘𐴓𐴠 𐴃𐴟𐴀𐴛 𐴀𐴠 𐴀𐴠 𐴈𐴡𐴌𐴝𐴉𐴢 𐴈𐴝𐴔𐴢 𐴀𐴡𐴑𐴧𐴡𐴓𐴢 𐴒𐴡𐴌𐴡| 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠 𐴃𐴟𐴖𐴝𐴣𐴀𐴌𐴝 𐴀𐴠𐴕𐴊𐴞𐴓𐴧𐴝 𐴈𐴝𐴔𐴢 𐴕𐴡𐴒𐴡𐴙𐴅𐴧𐴡| 𐴁𐴤𐴡𐴓𐴑𐴠 𐴀𐴠 𐴈𐴡𐴃𐴝 𐴑𐴞𐴘𐴡𐴓𐴧𐴝𐴇 𐴕𐴡𐴈𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴦𐴡 𐴁𐴤𐴝𐴘 𐴀𐴝𐴣𐴘 𐴃𐴟𐴖𐴝𐴣𐴌𐴠 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴞، 𐴑𐴞𐴕𐴃𐴟 𐴃𐴟𐴣𐴖𐴝𐴣𐴀𐴌 𐴀𐴠 𐴈𐴝𐴔𐴢 𐴒𐴝𐴕 𐴈𐴡𐴌𐴝𐴉𐴢، 𐴎𐴞𐴘𐴝𐴕 𐴏𐴥𐴝𐴌𐴞 𐴊𐴡𐴀𐴕 𐴎𐴡𐴌𐴟𐴌𐴞”|| (𐴉𐴞 𐴎𐴞𐴓𐴝𐴓𐴠 𐴏𐴟𐴌𐴡𐴃𐴞 𐴃𐴡𐴗𐴁𐴝)

 

𐴐𐴡𐴇𐴞𐴊𐴟𐴓𐴢 𐴀𐴟𐴔𐴧𐴝𐴇 𐴐𐴝𐴘𐴈𐴢 𐴀𐴟𐴏𐴝𐴔𐴝 𐴁𐴞𐴕 𐴓𐴝𐴊𐴠𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴘𐴠 𐴀𐴠𐴑𐴧𐴝𐴕 𐴐𐴠𐴣𐴍𐴞 𐴔𐴧𐴝𐴎𐴠 𐴓𐴠𐴙𐴑𐴧𐴠𐴊𐴠-

“𐴅𐴞𐴇𐴝𐴊𐴞 𐴔𐴞𐴋𐴞𐴘𐴝𐴃𐴢 𐴀𐴦𐴠𐴕 𐴀𐴝𐴓𐴉𐴝𐴎، 𐴉𐴞𐴥𐴑𐴌𐴝، 𐴀𐴝𐴊𐴧𐴠 𐴈𐴡𐴃𐴝 𐴈𐴡𐴀𐴕 𐴀𐴝𐴌 𐴓𐴠𐴙𐴑𐴤𐴡𐴕𐴡𐴃𐴧𐴞 𐴁𐴝𐴏𐴞 𐴃𐴥𐴝𐴑𐴝 𐴉𐴡𐴌𐴞𐴁𐴡 𐴎𐴦𐴞𐴕 𐴀𐴠𐴑𐴎𐴡𐴕 𐴔𐴟𐴏𐴡𐴓𐴔𐴝𐴕𐴡𐴌 𐴐𐴝𐴦𐴕𐴡𐴌 𐴈𐴠𐴓𐴝𐴉𐴢| 𐴎𐴠𐴈𐴡𐴕𐴡 𐴔𐴟𐴏𐴡𐴓𐴔𐴝𐴕𐴡𐴌 𐴏𐴝𐴣𐴀𐴃𐴠 𐴃𐴝𐴀𐴝𐴕-𐴃𐴡𐴐𐴕𐴞، 𐴁𐴠𐴇𐴟𐴊𐴝 𐴓𐴡𐴉𐴎𐴡 𐴀𐴝𐴌 𐴎𐴟𐴁𐴝𐴕𐴡𐴌 𐴒𐴡𐴓𐴡𐴃𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴄𐴥𐴞𐴑 𐴕𐴡𐴀𐴘| 𐴔𐴞𐴋𐴞𐴘𐴝𐴃𐴢 𐴈𐴡𐴕𐴡 𐴑𐴠𐴏𐴧𐴟 𐴓𐴠𐴙𐴑𐴞𐴤𐴃𐴠 𐴀𐴝𐴊𐴧𐴠 𐴈𐴡𐴘𐴃𐴠 𐴐𐴡𐴌𐴀𐴠 𐴕𐴞𐴘𐴡𐴔𐴢-𐴑𐴝𐴕𐴟𐴕𐴡𐴌 𐴔𐴞𐴑𐴧𐴝 𐴈𐴞𐴥𐴘𐴝𐴓𐴢 𐴌𐴝𐴑𐴡𐴕 𐴎𐴟𐴌𐴟𐴌𐴞| 𐴀𐴠 𐴈𐴡𐴃𐴝𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴒𐴡𐴌𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴀𐴠 𐴈𐴡𐴃𐴝𐴒𐴞𐴕 𐴀𐴝𐴊𐴧𐴠 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴡𐴌 𐴉𐴝𐴘𐴊𐴝 𐴀𐴡𐴘𐴁𐴡؟ 𐴕𐴝𐴑𐴞 𐴓𐴟𐴏𐴧𐴝𐴕 𐴀𐴡𐴘𐴁𐴡؟ 𐴀𐴡𐴕𐴡𐴌𐴝 𐴁𐴞𐴐𐴞 𐴁𐴝𐴤𐴓𐴝 𐴒𐴡𐴌𐴞 𐴎𐴝𐴕𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴃𐴧𐴞 𐴘𐴦𐴝𐴕𐴡𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴌𐴝𐴑𐴡𐴕𐴧𐴝𐴕 𐴇𐴡𐴕𐴋𐴞𐴓𐴧𐴝 𐴎𐴡𐴌𐴟𐴌𐴞||

𐴀𐴝𐴣𐴀𐴌 𐴈𐴞𐴘𐴝𐴓𐴢 𐴀𐴥𐴡𐴘𐴓𐴊𐴠 𐴀𐴠𐴈𐴡𐴕 𐴀𐴝𐴣𐴀𐴌𐴝𐴌 𐴀𐴠 𐴔𐴡𐴌𐴇𐴝𐴓𐴝𐴃𐴢 𐴀𐴝𐴣𐴀𐴌𐴝𐴌 𐴃𐴡𐴔𐴦𐴝𐴔𐴢 𐴔𐴞𐴋𐴞𐴘𐴝𐴌 𐴖𐴡𐴌𐴠 𐴏𐴡𐴈𐴃𐴡 𐴕𐴠𐴒𐴠𐴌𐴝𐴕𐴞 𐴒𐴡𐴌𐴝 𐴎𐴡𐴌𐴟𐴌𐴞| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴟𐴔𐴧𐴡𐴃𐴢 𐴉𐴡𐴅𐴧𐴡𐴕𐴃𐴡 𐴀𐴝𐴣𐴀𐴌𐴝𐴌 𐴀𐴝𐴖𐴝𐴎 𐴉𐴤𐴡𐴣𐴏𐴝𐴌 𐴀𐴝𐴊𐴧𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴝𐴣𐴀𐴌𐴝𐴌 𐴃𐴝𐴀𐴓𐴧𐴟𐴑𐴝𐴃𐴡𐴌 𐴏𐴌𐴞𐴉𐴢 𐴀𐴟𐴏𐴞𐴓𐴝 𐴀𐴥𐴡𐴓𐴊𐴠 𐴀𐴠 𐴔𐴞𐴋𐴞𐴘𐴝| 𐴀𐴠 𐴔𐴞𐴋𐴞𐴘𐴝 𐴀𐴝𐴣𐴀𐴌𐴝𐴌𐴠 𐴀𐴟𐴔𐴧𐴡𐴃𐴡𐴌 𐴏𐴝𐴔𐴧𐴠 𐴂𐴠𐴙𐴐𐴢 𐴒𐴡𐴌𐴠| 𐴀𐴥𐴠 𐴈𐴡𐴃𐴝𐴓𐴧𐴝𐴘 𐴎𐴡𐴌𐴟𐴌𐴞 𐴀𐴡𐴘𐴓𐴊𐴠 𐴀𐴝𐴣𐴀𐴌𐴝𐴌 𐴔𐴞𐴋𐴞𐴘𐴝 𐴀𐴟𐴔𐴧𐴡𐴃𐴡𐴌 𐴑𐴝𐴁𐴠𐴓𐴠 𐴉𐴝𐴇𐴝𐴔𐴢 𐴀𐴦𐴡𐴕, 𐴀𐴝𐴌 𐴃𐴝𐴌𐴝𐴌 𐴊𐴟𐴑 𐴀𐴝𐴊𐴧𐴠 𐴔𐴟𐴏𐴞𐴁𐴡𐴃𐴡𐴌 𐴄𐴝𐴘𐴔𐴡𐴃𐴢 𐴇𐴝𐴔𐴊𐴌𐴡𐴊𐴞 𐴎𐴝𐴕𐴡𐴕| 𐴀𐴥𐴞𐴕𐴋𐴞𐴓𐴧𐴝 𐴔𐴞𐴋𐴞𐴘𐴝𐴌 𐴁𐴤𐴝𐴘 𐴀𐴡𐴑𐴧𐴡𐴓𐴡𐴓𐴧𐴝 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴃𐴡𐴔𐴦𐴝𐴔𐴢 𐴁𐴡𐴘𐴝𐴕 𐴀𐴡𐴑𐴧𐴡𐴓𐴡𐴌 𐴇𐴝𐴊𐴡𐴉𐴢 𐴀𐴦𐴝𐴔𐴢 𐴔𐴝𐴕𐴥𐴟𐴙𐴐𐴢 𐴀𐴥𐴡𐴀 𐴉𐴡𐴌𐴞𐴁𐴡| 𐴀𐴟𐴔𐴧𐴡𐴃𐴡𐴌𐴠 𐴅𐴝𐴇𐴞𐴓𐴞𐴘𐴡𐴃𐴡𐴌 𐴒𐴥𐴟𐴄𐴒𐴟𐴙𐴄𐴧𐴝 𐴀𐴝𐴣𐴊𐴤𐴝𐴌𐴡𐴃𐴧𐴞 𐴕𐴞𐴙𐴘𐴡𐴓𐴝𐴘𐴁𐴝𐴌 𐴉𐴞𐴑𐴞𐴌 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴃𐴥𐴝𐴑𐴝 𐴉𐴡𐴌𐴞𐴁𐴡”||(𐴖𐴡𐴏𐴝𐴘𐴠𐴑𐴠 𐴀𐴠𐴁𐴞𐴋-𐴀𐴝𐴁𐴝𐴊𐴢 𐴐𐴝𐴘𐴈𐴢 𐴀𐴟𐴏𐴝𐴔𐴝𐴌 𐴀𐴠𐴑 𐴐𐴠𐴣𐴍𐴞)

 

𐴔𐴟𐴅𐴝𐴇𐴠𐴊𐴠 𐴀𐴝𐴓𐴠𐴔𐴠 𐴊𐴞𐴕 𐴐𐴝𐴈𐴢 𐴀𐴝𐴃𐴞𐴘𐴡𐴃𐴟𐴓𐴧𐴝 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴘𐴠 𐴈𐴦𐴡𐴊𐴧𐴠-

𐴔𐴟𐴅𐴝𐴇𐴞𐴊𐴢 𐴑𐴝𐴘𐴠𐴊𐴢 𐴀𐴡𐴑𐴧𐴡𐴓𐴡𐴓𐴧𐴝 𐴎𐴡𐴌𐴟𐴌𐴞 𐴀𐴡𐴘𐴓𐴊𐴠 𐴃𐴝𐴌𐴝 𐴕𐴞𐴎𐴡𐴌 𐴁𐴥𐴟𐴃𐴡𐴌𐴠 𐴀𐴠 𐴏𐴞𐴉𐴡𐴃𐴢 𐴒𐴞𐴕𐴡𐴌𐴠 𐴉𐴥𐴞𐴄𐴢 𐴒𐴡𐴌𐴞𐴁𐴡، 𐴀𐴝𐴌 𐴕𐴞𐴎𐴡𐴌 𐴏𐴝𐴣𐴀𐴃𐴞 𐴁𐴤𐴝𐴘 𐴀𐴦𐴡𐴓𐴡𐴌𐴠𐴘𐴥𐴡 𐴀𐴞𐴕𐴋𐴞𐴓𐴧𐴝 𐴃𐴝𐴀𐴓𐴞𐴔𐴢 𐴀𐴝𐴊𐴧𐴠 𐴃𐴡𐴌𐴁𐴞𐴘𐴡𐴃𐴢 𐴊𐴞𐴁𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴔𐴝𐴙𐴕𐴐𐴥𐴡𐴌 𐴀𐴡𐴌𐴠 𐴌𐴝𐴇𐴝𐴔𐴢, 𐴀𐴝𐴊𐴡𐴌 𐴀𐴝𐴌 𐴀𐴝𐴏𐴦𐴝𐴕𐴞 𐴉𐴡𐴙𐴊𐴝 𐴒𐴡𐴌𐴡𐴘𐴝 𐴁𐴡𐴕𐴡𐴕| 𐴀𐴝𐴌 𐴃𐴝𐴌𐴝𐴌 𐴈𐴡𐴏𐴟𐴌𐴞 𐴀𐴝𐴊𐴧𐴠 𐴀𐴝𐴘𐴁𐴢 𐴀𐴝𐴌 𐴎𐴥𐴝𐴔𐴞𐴓𐴝 𐴀𐴡𐴑𐴧𐴡𐴓𐴢 𐴊𐴠𐴙𐴑𐴤𐴞 𐴏𐴝𐴣𐴎𐴝، 𐴑𐴡𐴃𐴡𐴓𐴢، 𐴀𐴝𐴌 𐴁𐴡𐴊𐴡𐴓𐴝 𐴓𐴡𐴘𐴁𐴝𐴌 𐴊𐴦𐴡𐴣𐴑 𐴊𐴡𐴘𐴝 𐴕𐴡𐴁𐴡𐴕𐴡𐴕|𐴁𐴤𐴡𐴓𐴑𐴠 𐴕𐴡𐴌𐴔𐴞 𐴀𐴝𐴊𐴧𐴠 𐴇𐴝𐴔𐴊𐴡𐴌𐴡𐴊𐴞𐴌 𐴏𐴝𐴣𐴀𐴁𐴠 𐴀𐴝𐴏𐴧𐴠 𐴀𐴝𐴏𐴧𐴠 𐴀𐴠𐴏𐴓𐴝𐴇 𐴒𐴡𐴌𐴞𐴁𐴝𐴌 𐴑𐴟𐴐𐴞𐴐𐴢 𐴅𐴝𐴌𐴞 𐴌𐴝𐴑𐴞𐴁𐴡||

𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴎𐴠 𐴀𐴡𐴃𐴧𐴡𐴃𐴢 𐴈𐴡𐴕𐴥𐴡 𐴏𐴡𐴌𐴞𐴘𐴧𐴝 (𐴅𐴡𐴔𐴝𐴃𐴢) 𐴊𐴞𐴉𐴠𐴍𐴝𐴘𐴃𐴡 𐴘𐴥𐴝𐴃𐴡 𐴈𐴡𐴕𐴥𐴡 𐴅𐴡𐴔𐴝𐴃𐴡𐴌 𐴀𐴝𐴔𐴞𐴌 𐴁𐴝𐴕𐴝𐴘𐴃𐴡 𐴀𐴥𐴠 𐴀𐴡𐴃𐴧𐴡𐴃𐴢 𐴕𐴡𐴏𐴞𐴘𐴡𐴃𐴢 𐴒𐴡𐴙𐴃𐴧𐴡𐴊𐴠-

يسّروا ولا تعسّروا وبشّروا ولا تنفروا- متفق عليه
“
𐴘𐴦𐴝𐴕𐴞: 𐴇𐴡𐴎𐴡𐴌𐴡𐴃𐴢 𐴀𐴝𐴕𐴡𐴏𐴢 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴃𐴧𐴞 𐴌𐴠𐴖𐴝𐴘𐴡𐴃𐴢، 𐴕𐴡𐴁𐴞 𐴑𐴡𐴌𐴞𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠 “𐴃𐴟𐴖𐴝𐴣𐴀𐴌𐴝 𐴔𐴝𐴙𐴕𐴐𐴥𐴡𐴓𐴧𐴝 𐴁𐴡𐴓𐴞 𐴀𐴝𐴏𐴦𐴝𐴕𐴞 𐴉𐴡𐴙𐴊𐴝 𐴒𐴡𐴌𐴡 𐴔𐴡𐴐𐴑𐴞𐴓𐴢 𐴉𐴡𐴙𐴊𐴝 𐴕𐴡 𐴒𐴡𐴙𐴅𐴧𐴡، 𐴀𐴝𐴌 𐴀𐴝𐴓𐴧𐴝𐴇𐴌 𐴌𐴝𐴇𐴔𐴡𐴃𐴡𐴌 𐴈𐴤𐴟𐴐𐴈𐴡𐴁𐴡𐴌𐴞 𐴊𐴦𐴡𐴘𐴝 𐴁𐴡𐴕𐴡| 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴔𐴡𐴐𐴑𐴞𐴓𐴢 𐴀𐴝𐴌 𐴕𐴝𐴉𐴡𐴌𐴡𐴃𐴞 𐴉𐴡𐴙𐴊𐴝 𐴕𐴡𐴒𐴡𐴙𐴅𐴧𐴡||”{ 𐴏𐴥𐴡𐴀𐴞 𐴁𐴟𐴈𐴝𐴌𐴞𐴶𐴹،𐴶𐴱𐴲𐴵 𐴏𐴥𐴡𐴀𐴞 𐴔𐴟𐴏𐴓𐴞𐴔𐴢 𐴱𐴷𐴳𐴴 }

𐴀𐴝𐴣𐴀𐴌𐴝 𐴑𐴞 𐴇𐴡𐴕𐴥𐴡 𐴀𐴡𐴃𐴧𐴡𐴃𐴢 𐴀𐴠 𐴈𐴡𐴃𐴝 𐴒𐴞𐴕𐴡𐴌 𐴖𐴡𐴌𐴠 𐴉𐴞𐴑𐴞𐴥𐴌 𐴒𐴡𐴙𐴅𐴧𐴞𐴕𐴠؟ 𐴀𐴝𐴌 𐴇𐴞𐴕𐴡𐴌 𐴀𐴡𐴌𐴠 𐴀𐴝𐴔𐴡𐴓𐴢 𐴒𐴡𐴙𐴅𐴧𐴞𐴕𐴠؟(𐴔𐴟𐴅𐴝𐴇𐴞𐴊𐴡𐴌 𐴑𐴝𐴘𐴠𐴊𐴢 𐴀𐴡𐴑𐴧𐴡𐴓𐴡𐴌 𐴔𐴞𐴑𐴧𐴝 𐴓𐴠𐴙𐴑𐴤𐴝 𐴀𐴠𐴑 𐴌𐴠𐴏𐴝𐴓𐴝-𐴐𐴝𐴘𐴈𐴢 𐴀𐴝𐴃𐴞𐴘𐴝𐴃𐴟𐴓𐴧𐴝𐴇 𐴌𐴡𐴇𐴞𐴔𐴝𐴇𐴟𐴓𐴧𐴝𐴇) 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴠 𐴃𐴡𐴔𐴦𐴝𐴔𐴢 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴌 𐴅𐴞𐴇𐴝𐴊𐴞 𐴑𐴝𐴘𐴠𐴊𐴢 𐴀𐴡𐴑𐴧𐴡𐴓𐴡𐴌𐴠 𐴉𐴟𐴌𐴝 𐴀𐴟𐴔𐴧𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴁𐴠𐴇𐴠𐴃𐴡𐴌 𐴀𐴝𐴅𐴡𐴌 𐴊𐴝𐴕 𐴒𐴡𐴌𐴡𐴑| 𐴀𐴝𐴌 𐴀𐴝𐴣𐴀𐴌𐴝𐴌𐴠 𐴏𐴟𐴕𐴧𐴡𐴃𐴢 𐴔𐴟𐴃𐴝𐴁𐴠𐴑 𐴊𐴝𐴖𐴡𐴃𐴡𐴌 𐴈𐴝𐴔𐴢 𐴒𐴡𐴌𐴞𐴁𐴝𐴌 𐴃𐴡𐴗𐴉𐴞𐴑 𐴊𐴝𐴕 𐴒𐴡𐴌𐴡𐴑| 𐴃𐴝𐴑𐴠 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴊𐴞𐴕𐴡𐴌 𐴇𐴝𐴑𐴞𐴑𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴈𐴠𐴊𐴔𐴡𐴃𐴢 𐴒𐴡𐴌𐴞 𐴉𐴝𐴌𐴞|| 𐴀𐴝𐴔𐴞𐴕

 

 

𐴑𐴠𐴃𐴝𐴓𐴢 𐴀𐴝𐴊𐴧𐴠 𐴊𐴝𐴖𐴡𐴃𐴢: 𐴔𐴡𐴙𐴊𐴝𐴕𐴥𐴡 𐴔𐴟𐴈𐴃𐴡𐴓𐴞𐴉𐴢, 𐴃𐴡𐴑𐴝𐴎𐴝 𐴀𐴝𐴌 𐴇𐴝𐴊𐴡𐴤𐴉𐴥𐴡 𐴔𐴟𐴈𐴃𐴡𐴓𐴞𐴉𐴢

𐴀𐴝𐴣𐴀𐴌 𐴀𐴝𐴊𐴡𐴙𐴅𐴧𐴝 𐴁𐴝𐴤𐴘 𐴀𐴦𐴡𐴓𐴢!

𐴀𐴝𐴣𐴀𐴌𐴝 𐴔𐴟𐴅𐴝𐴇𐴠𐴊𐴢 𐴀𐴦𐴡𐴓𐴢 𐴊𐴞𐴕 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴊𐴝𐴀𐴞| 𐴑𐴠𐴃𐴝𐴓𐴥𐴡 𐴀𐴝𐴣𐴀𐴌𐴝𐴌 𐴔𐴡𐴙𐴊𐴝𐴕 𐴉𐴥𐴟𐴖𐴝𐴣𐴀𐴃𐴞 𐴉𐴥𐴟𐴖𐴝𐴣𐴀𐴃𐴞 𐴊𐴝𐴖𐴝𐴃𐴥𐴡 𐴀𐴝𐴣𐴀𐴌𐴝𐴌 𐴔𐴡𐴙𐴊𐴝𐴕| 𐴎𐴠 𐴃𐴝𐴑𐴡𐴃𐴢 𐴀𐴡𐴑𐴧𐴡𐴓𐴢 𐴀𐴥𐴝𐴣𐴌𐴃𐴞𐴘𐴝𐴌𐴡𐴌 𐴁𐴡𐴓𐴠 𐴀𐴝𐴣𐴀𐴌𐴝𐴌 𐴖𐴡𐴀𐴌𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴔𐴟𐴏𐴡𐴓𐴧𐴡𐴃𐴢 𐴒𐴡𐴌𐴞 𐴌𐴝𐴙𐴑𐴧𐴠 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴀𐴥𐴝𐴃𐴞𐴘𐴝𐴌 𐴓𐴡𐴘 𐴑𐴠𐴃𐴝𐴓𐴡𐴌 𐴔𐴡𐴙𐴊𐴝𐴕𐴡 𐴔𐴧𐴝𐴎𐴠 𐴀𐴝𐴣𐴀𐴌𐴝 𐴀𐴝𐴏𐴞، 𐴀𐴝𐴌 𐴀𐴟𐴔𐴧𐴡𐴃𐴠 𐴔𐴟𐴏𐴓𐴞𐴔𐴝𐴌𐴠 𐴀𐴦𐴠 𐴎𐴝𐴓𐴠𐴔𐴡𐴌 𐴔𐴟𐴑𐴝𐴁𐴠𐴓𐴝𐴃𐴢 𐴀𐴝𐴣𐴀𐴌𐴝𐴌 𐴉𐴥𐴟𐴖𐴝𐴣𐴀𐴃𐴞 𐴅𐴞𐴇𐴝𐴊𐴡𐴃𐴢 𐴐𐴥𐴡𐴌𐴞𐴑 𐴀𐴡𐴘𐴁𐴝𐴌 𐴊𐴝𐴖𐴡𐴃𐴥𐴡 𐴀𐴝𐴣𐴀𐴌𐴝 𐴊𐴞𐴀𐴌| 𐴑𐴠𐴃𐴝𐴓𐴡𐴌 𐴔𐴡𐴙𐴊𐴝𐴕𐴡𐴌 𐴑𐴠𐴏𐴧𐴟 𐴃𐴡𐴑𐴝𐴎𐴝 𐴀𐴡𐴑𐴧𐴡𐴓 𐴀𐴝𐴏𐴠 𐴀𐴝𐴌 𐴊𐴝𐴖𐴡𐴃𐴡 𐴔𐴧𐴝𐴎𐴠𐴘𐴥𐴡 𐴑𐴠𐴏𐴧𐴟 𐴎𐴡𐴌𐴟𐴌𐴞 𐴔𐴡𐴏𐴡𐴓𐴝 𐴀𐴝𐴏𐴠| 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴑𐴠𐴃𐴝𐴓𐴡𐴌 𐴔𐴡𐴙𐴊𐴝𐴕𐴡 𐴔𐴧𐴝𐴎𐴠 𐴏𐴥𐴡𐴈𐴃𐴞 𐴒𐴡𐴙𐴅𐴧𐴠, 𐴓𐴡𐴗 𐴁𐴦𐴝𐴘𐴠 𐴀𐴝𐴌 𐴈𐴡𐴓𐴧𐴝 𐴈𐴝𐴍𐴡𐴕 𐴀𐴝𐴊𐴧𐴠 𐴈𐴝𐴍𐴝𐴘𐴁𐴡𐴓𐴧𐴝 𐴃𐴝𐴇𐴝𐴌𐴞𐴎𐴥𐴡 𐴒𐴡𐴙𐴅𐴧𐴠||

𐴑𐴞𐴕𐴃𐴟 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴞𐴌𐴡𐴃𐴢 𐴀𐴠 𐴈𐴡𐴃𐴝𐴌 𐴒𐴡𐴁𐴝𐴤 𐴀𐴝𐴏𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴡𐴌 𐴔𐴡𐴘𐴊𐴝𐴕𐴡 𐴔𐴧𐴝𐴎𐴠 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴔𐴟𐴁𐴝𐴌𐴡𐴑 𐴃𐴡𐴌𐴞𐴑𐴝 𐴀𐴝𐴙𐴐𐴧𐴞𐴓𐴊𐴠 𐴕𐴡𐴌𐴡𐴔𐴞, 𐴏𐴥𐴡𐴈𐴃𐴞 𐴕𐴡 𐴀𐴝𐴙𐴐𐴧𐴞𐴓𐴢| 𐴖𐴡𐴅𐴝 𐴀𐴥𐴡𐴓𐴊𐴠 𐴊𐴝𐴖𐴡𐴃𐴢 𐴀𐴠𐴊𐴧𐴠 𐴑𐴠𐴃𐴝𐴓𐴡𐴌 𐴖𐴝𐴏𐴝𐴘𐴠𐴓𐴢 𐴃𐴡𐴌𐴞𐴑𐴝 𐴀𐴝𐴌 𐴇𐴝𐴊𐴡𐴤𐴉𐴢 𐴔𐴟𐴈𐴃𐴡𐴓𐴞𐴉𐴢| 𐴑𐴠𐴃𐴝𐴓𐴡 𐴔𐴧𐴝𐴎𐴠 𐴃𐴝𐴑𐴡𐴃𐴡𐴌𐴠 𐴃𐴝𐴑𐴡𐴃𐴡𐴌 𐴎𐴟𐴌𐴠 𐴈𐴡𐴃𐴡𐴔𐴢 𐴒𐴡𐴌𐴡𐴕| 𐴀𐴥𐴝𐴃𐴞𐴘𐴝𐴌 𐴊𐴤𐴡𐴌𐴡𐴕، 𐴊𐴟𐴐𐴧𐴡𐴕𐴡𐴌 𐴓𐴡𐴗 𐴁𐴡𐴀𐴡𐴦𐴕، 𐴀𐴝𐴌 𐴅𐴞𐴏𐴞𐴔𐴡𐴌𐴠 𐴄𐴟𐴍𐴝 𐴄𐴟𐴍𐴝 𐴒𐴡𐴌𐴡𐴕𐴧𐴝𐴕 𐴇𐴝𐴊𐴡𐴤𐴉𐴢 𐴀𐴡𐴀| 𐴇𐴥𐴠𐴃𐴡𐴓𐴧𐴝 𐴅𐴞𐴇𐴝𐴊𐴡 𐴔𐴧𐴝𐴎𐴠 𐴀𐴠𐴕𐴃𐴠𐴇𐴝𐴘𐴞 𐴏𐴥𐴡𐴈𐴃𐴞 𐴒𐴡𐴌𐴡𐴕𐴧𐴝𐴕 𐴎𐴡𐴌𐴟𐴌𐴞| 𐴀𐴠 𐴏𐴥𐴡𐴈𐴃𐴞 𐴒𐴡𐴌𐴡𐴕𐴡𐴌 𐴕𐴝𐴔𐴢 𐴀𐴥𐴡𐴘𐴓𐴊𐴠 𐴑𐴞𐴃𐴝𐴓𐴢 𐴘𐴦𐴝𐴕 𐴏𐴥𐴝𐴌𐴝 𐴑𐴞𐴃𐴝𐴓𐴢 𐴑𐴞𐴃𐴝𐴓𐴢 𐴕𐴡 𐴃𐴝𐴑𐴠| 𐴀𐴠𐴍𐴠 𐴏𐴥𐴡𐴈𐴃𐴞 𐴒𐴡𐴌𐴡𐴕𐴡 𐴔𐴧𐴝𐴎𐴠 𐴏𐴟𐴖𐴝𐴉𐴢||

𐴇𐴦𐴝𐴣! 𐴘𐴦𐴝𐴕 𐴀𐴝𐴓𐴡𐴑 𐴈𐴡𐴃𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠𐴒𐴞𐴕𐴡𐴌 𐴔𐴟𐴃𐴝𐴀𐴓𐴧𐴠𐴑 𐴐𐴡𐴌𐴞𐴘𐴡𐴃𐴠 𐴑𐴠𐴏𐴧𐴟 𐴐𐴤𐴞𐴔𐴝 𐴀𐴝𐴊𐴧𐴠 𐴀𐴝𐴊𐴝𐴁𐴡𐴌 𐴈𐴡𐴃𐴝 𐴎𐴞𐴑𐴞𐴌 𐴒𐴡𐴙𐴅𐴧𐴠| 𐴔𐴡𐴒𐴡𐴌 𐴀𐴝𐴏𐴡𐴓𐴡 𐴔𐴧𐴝𐴎𐴠 𐴘𐴦𐴝𐴕 𐴏𐴥𐴡𐴈𐴃𐴞 𐴒𐴡𐴌𐴡𐴕𐴡𐴌 𐴔𐴡𐴙𐴊𐴝𐴕| 𐴀𐴥𐴠𐴍𐴠 𐴌𐴟𐴀𐴁𐴢 𐴉𐴡𐴙𐴊𐴝 𐴒𐴡𐴌𐴞𐴁𐴡𐴓𐴧𐴝 𐴏𐴡𐴈𐴃𐴡 𐴀𐴝𐴓𐴉𐴝𐴎، 𐴀𐴝𐴌 𐴏𐴡𐴈𐴃𐴡 𐴁𐴤𐴝𐴐𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴉𐴡𐴌𐴠| 𐴑𐴞𐴕𐴃𐴟 𐴀𐴥𐴠 𐴏𐴡𐴈𐴃𐴞 𐴎𐴡𐴊𐴞 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴀𐴦𐴝𐴘 𐴎𐴝𐴒𐴡𐴘، 𐴀𐴠𐴍𐴠𐴘𐴥𐴡 𐴎𐴡𐴊𐴞 𐴀𐴥𐴞𐴕𐴋𐴞𐴓𐴧𐴝 𐴀𐴝𐴓𐴉𐴝𐴎 𐴀𐴡𐴑𐴧𐴡𐴓𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝𐴎𐴝، 𐴎𐴦𐴞𐴕𐴡𐴌 𐴎𐴡𐴌𐴞𐴘𐴝 𐴔𐴟𐴈𐴝𐴃𐴡𐴁𐴡𐴌 𐴀𐴝𐴑𐴡𐴓𐴢 𐴀𐴝𐴊𐴧𐴠 𐴊𐴞𐴓𐴡𐴌𐴠 𐴈𐴠𐴃𐴝𐴁𐴢 𐴒𐴡𐴌𐴝 𐴔𐴡𐴏𐴧𐴟𐴊𐴢 𐴕𐴡𐴀 𐴀𐴝𐴌𐴥𐴡 𐴀𐴟𐴓𐴊𐴝 𐴁𐴟𐴒𐴎𐴡، 𐴕𐴝𐴉𐴡𐴌𐴡𐴃𐴢، 𐴊𐴟𐴐𐴧𐴡𐴕𐴞، 𐴀𐴝𐴌 𐴀𐴠𐴕𐴃𐴠𐴑𐴝𐴔𐴡𐴌 𐴔𐴞𐴑𐴧𐴝 𐴀𐴟𐴏𐴑𐴝𐴘 𐴊𐴞𐴘𐴝𐴎𐴝، 𐴃𐴡𐴘𐴓𐴠 𐴀𐴥𐴞𐴕𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴔𐴡𐴏𐴧𐴟𐴊𐴢 𐴈𐴡𐴃𐴡𐴔𐴢 𐴀𐴡𐴥𐴘𐴎𐴝𐴒𐴡𐴘| 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴁𐴡𐴊𐴢 𐴕𐴡𐴏𐴞𐴁𐴞 𐴀𐴥𐴡𐴘𐴁𐴡 𐴎𐴡𐴊𐴞 𐴔𐴡𐴘𐴊𐴝𐴕𐴠 𐴅𐴞𐴇𐴝𐴊𐴡𐴌 𐴃𐴡𐴌𐴞𐴑𐴝 𐴊𐴝𐴖𐴡𐴃𐴡𐴌 𐴔𐴡𐴘𐴊𐴝𐴕𐴡 𐴔𐴧𐴝𐴎𐴠 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴝𐴎𐴝||

𐴀𐴠𐴑 𐴔𐴞𐴑𐴧𐴝 𐴑𐴠𐴃𐴝𐴓𐴢 𐴀𐴥𐴡𐴘𐴓𐴊𐴠 𐴊𐴞𐴓𐴡𐴌 𐴌𐴝𐴒𐴢 𐴀𐴝𐴊𐴧𐴠 𐴒𐴟𐴙𐴐𐴧𐴝𐴌𐴠 𐴄𐴝𐴕𐴋𐴝 𐴒𐴡𐴌𐴡𐴕𐴡𐴌 𐴎𐴝𐴒𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴠𐴍𐴠 𐴇𐴥𐴝𐴔𐴓𐴝𐴌 𐴎𐴡𐴌𐴞𐴘𐴝 𐴎𐴝𐴓𐴠𐴔 𐴉𐴡𐴈𐴡𐴌 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴈𐴝𐴕 𐴔𐴟𐴏𐴡𐴌𐴞 𐴊𐴞𐴘𐴝𐴎𐴝| 𐴀𐴝𐴌 𐴃𐴝𐴌𐴝𐴌 (𐴎𐴝𐴇𐴠𐴌𐴞) 𐴃𐴝𐴑𐴡𐴃𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞 𐴃𐴝𐴌𐴝𐴌 𐴓𐴝𐴌𐴥𐴝𐴘 𐴒𐴡𐴌𐴡𐴕𐴡𐴌 𐴅𐴡𐴎𐴁𐴝𐴌𐴠 𐴔𐴞𐴄𐴝𐴘 𐴊𐴞𐴘𐴝𐴎𐴝| 𐴀𐴝𐴌𐴠𐴑 𐴔𐴞𐴑𐴧𐴝 𐴊𐴝𐴖𐴡𐴃𐴡𐴌 𐴔𐴝𐴀𐴔𐴠𐴓𐴝 𐴁𐴞𐴓𐴑𐴟𐴓𐴢 𐴃𐴝𐴌 𐴀𐴟𐴓𐴊𐴝| 𐴀𐴠𐴍𐴠 𐴌𐴝𐴒𐴢 𐴀𐴝𐴊𐴧𐴠 𐴒𐴟𐴙𐴐𐴧𐴝𐴌𐴠 𐴎𐴝𐴇𐴠𐴌 𐴒𐴡𐴌𐴝𐴕𐴡𐴎𐴝 𐴁𐴤𐴡𐴓𐴑𐴠 𐴑𐴡𐴕𐴄𐴌𐴟𐴓𐴢 𐴒𐴡𐴌𐴝𐴎𐴝𐴊𐴠| 𐴔𐴟𐴈𐴝𐴃𐴡𐴁𐴡𐴌𐴠 𐴐𐴡𐴣𐴍𐴡 𐴒𐴡𐴌𐴝 𐴀𐴝𐴌 𐴁𐴠𐴙𐴎𐴧𐴡𐴃𐴞 𐴒𐴡𐴌𐴝 𐴔𐴡𐴏𐴧𐴟𐴊𐴢 𐴕𐴡𐴀| 𐴃𐴝𐴌𐴠 𐴀𐴟𐴏𐴑𐴝𐴘 𐴊𐴡𐴀𐴕، 𐴇𐴝𐴣𐴀𐴏𐴠 𐴒𐴡𐴌𐴡𐴕، 𐴃𐴝𐴌 𐴊𐴞𐴓𐴡𐴃𐴢 𐴎𐴝𐴒𐴝 𐴒𐴡𐴌𐴞 𐴓𐴡𐴕 𐴀𐴥𐴡𐴘𐴓𐴊𐴠 𐴊𐴝𐴖𐴡𐴃𐴡𐴌 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢| 𐴐𐴥𐴟𐴕𐴊𐴡𐴌 𐴊𐴡𐴓𐴞𐴓𐴢, 𐴀𐴦𐴝𐴓𐴝 𐴁𐴡𐴘𐴝𐴕، 𐴏𐴡𐴁𐴡𐴌 𐴒𐴡𐴌𐴝، 𐴔𐴝𐴀𐴉𐴢 𐴒𐴡𐴌𐴝، 𐴕𐴡𐴌𐴔𐴞 𐴏𐴟𐴓𐴟𐴑، 𐴀𐴠𐴇𐴏𐴝𐴕، 𐴀𐴝𐴌 𐴌𐴝𐴇𐴝𐴔𐴢 𐴒𐴡𐴌𐴝 𐴀𐴥𐴡𐴘𐴓𐴊𐴠 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴌 𐴃𐴡𐴑𐴝𐴎𐴝||(𐴎𐴡𐴊𐴞 𐴊𐴝𐴖𐴡𐴃𐴡𐴌 𐴔𐴟𐴈𐴝𐴃𐴡𐴁𐴢 𐴇𐴝𐴔𐴓𐴝 𐴒𐴡𐴌𐴡𐴘𐴝 𐴊𐴟𐴐𐴧𐴡𐴕 𐴀𐴥𐴡 𐴃𐴡𐴘𐴓𐴠 𐴃𐴝𐴌 𐴁𐴥𐴟𐴃𐴡𐴌𐴠 𐴌𐴟𐴀𐴁𐴢 𐴋𐴝𐴓𐴞𐴁𐴡𐴓𐴧𐴝 𐴏𐴥𐴝𐴉𐴢-𐴏𐴟𐴃𐴝𐴌𐴝 𐴀𐴝𐴌 𐴇𐴝𐴓𐴡𐴃𐴢 𐴔𐴡𐴗𐴎𐴞𐴕 𐴏𐴥𐴡𐴈𐴃𐴞 𐴒𐴡𐴌𐴝 𐴎𐴝𐴘𐴁𐴡| 𐴑𐴞𐴕𐴃𐴟 𐴎𐴡𐴊𐴞 𐴊𐴤𐴡𐴔𐴑𐴞 𐴀𐴝𐴊𐴧𐴠 𐴌𐴟𐴀𐴁𐴢 𐴉𐴡𐴙𐴊𐴝 𐴒𐴡𐴌𐴝𐴌 𐴀𐴥𐴠 𐴃𐴡𐴌𐴞𐴑𐴝 𐴉𐴟𐴌𐴝 𐴊𐴝𐴖𐴡𐴃𐴡𐴃𐴢 𐴒𐴝𐴓𐴠𐴁𐴢 𐴀𐴥𐴡𐴘 𐴎𐴝𐴒𐴡𐴘 𐴃𐴡𐴘𐴓𐴠 𐴘𐴦𐴝𐴕𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴈𐴡𐴃𐴡𐴔𐴢 𐴀𐴥𐴡 𐴎𐴝𐴒𐴡𐴘)

𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴃𐴢 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴕𐴞𐴎𐴠 𐴇𐴡𐴑𐴡𐴌 𐴖𐴡𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴕𐴡𐴃𐴢 𐴈𐴡𐴕𐴥𐴡 𐴏𐴟𐴏𐴃𐴞 𐴕𐴡𐴒𐴡𐴌𐴡𐴕 𐴀𐴝𐴌 𐴔𐴟𐴈𐴝𐴃𐴡𐴁𐴡𐴌𐴠 𐴇𐴡𐴑 𐴁𐴟𐴎𐴡𐴕، 𐴇𐴡𐴑 𐴁𐴟𐴎𐴞𐴁𐴝𐴌 𐴑𐴝𐴁𐴠𐴓𐴢 𐴁𐴝𐴕𐴡𐴕 𐴀𐴝𐴊𐴧𐴠 𐴑𐴝𐴁𐴠𐴓𐴠 𐴑𐴡𐴁𐴟𐴓𐴢 𐴁𐴝𐴕𐴘𐴁𐴡𐴓𐴧𐴝 𐴐𐴡𐴌𐴞𐴘𐴡𐴃𐴡𐴌 𐴐𐴥𐴞𐴔𐴝𐴌 𐴁𐴥𐴟𐴃𐴡𐴌𐴠 𐴃𐴝𐴑𐴞 𐴏𐴡𐴈𐴃𐴡 𐴀𐴠𐴇𐴞𐴃𐴠𐴔𐴝𐴔𐴢 𐴒𐴡𐴌𐴝 𐴎𐴡𐴌𐴟𐴌𐴞| 𐴀𐴠𐴈𐴡𐴃𐴝𐴓𐴧𐴝 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴐𐴥𐴟𐴕𐴊𐴡𐴌 𐴐𐴥𐴟𐴕𐴊𐴡𐴌 𐴈𐴡𐴃𐴝 𐴀𐴝𐴊𐴧𐴠 𐴃𐴡𐴌𐴞𐴑𐴝𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴒𐴡𐴌𐴝𐴎𐴝| 𐴔𐴟𐴈𐴝𐴃𐴡𐴁𐴢 𐴘𐴝𐴕𐴞 𐴉𐴥𐴟𐴕𐴡𐴘𐴝 𐴎𐴡𐴊𐴞 𐴊𐴟𐴐𐴧𐴡𐴕𐴞 𐴀𐴝𐴊𐴧𐴠 𐴔𐴟𐴈𐴝𐴓𐴡𐴉𐴞 𐴒𐴡𐴌𐴠 𐴃𐴡𐴘𐴓𐴠 𐴊𐴝𐴀𐴞 𐴊𐴟𐴐𐴧𐴡𐴕𐴞 𐴕𐴡 𐴒𐴡𐴌𐴞𐴁𐴡، 𐴁𐴤𐴡𐴓𐴑𐴞 𐴀𐴥𐴞𐴁𐴝𐴘𐴠 “وجادلهم بالتي هي احسن” 𐴘𐴦𐴝𐴕𐴞 𐴐𐴥𐴟𐴕𐴊𐴡𐴌 𐴃𐴡𐴌𐴞𐴑𐴝 𐴓𐴡𐴘 𐴔𐴟𐴕𐴝𐴎𐴝𐴌𐴝 𐴒𐴡𐴌𐴞𐴁𐴡||

𐴇𐴡𐴙𐴅𐴧𐴝-𐴉𐴡𐴏𐴝𐴊𐴡𐴌 𐴎𐴝𐴒𐴝𐴃𐴥𐴡 𐴃𐴝𐴌𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴀𐴠 𐴀𐴝𐴘𐴝𐴃𐴢 𐴉𐴡𐴣𐴃𐴢 𐴊𐴠𐴙𐴈𐴝𐴘𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠

ولا تستوي الحسنة ولا السيىٔة

𐴘𐴦𐴝𐴕𐴞: 𐴁𐴝𐴤𐴓𐴝 𐴈𐴡𐴌𐴝𐴉𐴢 𐴈𐴡𐴕𐴥𐴡 𐴊𐴞𐴕𐴥𐴡 𐴀𐴠𐴑 𐴁𐴡𐴌𐴝𐴁𐴡𐴌 𐴀𐴥𐴡𐴘 𐴕𐴡𐴉𐴝𐴌𐴠|

ادفع بالتي هي احسن

𐴘𐴦𐴝𐴕𐴞: 𐴃𐴟𐴀𐴛 𐴏𐴡𐴈𐴃𐴡 𐴎𐴟𐴁𐴝𐴕𐴡𐴌 𐴔𐴟𐴑𐴝𐴁𐴠𐴓𐴝𐴃𐴢 𐴀𐴦𐴠𐴕 𐴃𐴡𐴌𐴞𐴑𐴝𐴓𐴡𐴘 𐴅𐴡𐴖𐴝𐴁𐴢 𐴊𐴡𐴀 𐴎𐴠𐴒𐴞𐴕 𐴁𐴠𐴐𐴞 𐴁𐴤𐴝𐴓𐴝 𐴀𐴥𐴡𐴘𐴁𐴡|

فاذا الذي بينك وبينه عداوةكأنه وليّ حميم

𐴘𐴦𐴝𐴕𐴞:(𐴀𐴠𐴕𐴋𐴞𐴓𐴧𐴝 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴃𐴟𐴀𐴛 𐴊𐴙𐴠𐴑𐴞𐴤𐴁𐴝𐴊𐴠) 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴝𐴓𐴧𐴡𐴘 𐴃𐴟𐴣𐴖𐴝𐴣𐴀𐴌 𐴊𐴟𐴐𐴧𐴡𐴕𐴞 𐴀𐴝𐴙𐴐𐴧𐴞𐴓𐴢 𐴒𐴟𐴘𐴝𐴑𐴠 𐴇𐴥𐴞𐴁𐴝 𐴀𐴠𐴈𐴡𐴕 𐴃𐴟𐴣𐴖𐴝𐴣𐴀𐴌 𐴒𐴤𐴠𐴌𐴝𐴘𐴞 𐴊𐴟𐴏𐴃𐴡 𐴀𐴥𐴡𐴘 𐴒𐴞𐴘𐴠𐴒𐴡𐴘|

وما يلقاها الا الذين صبروا ومايلقاها الا ذو حظ عظيم

𐴘𐴦𐴝𐴕𐴞: 𐴀𐴝𐴌 𐴘𐴦𐴝𐴕 𐴇𐴝𐴏𐴠𐴓𐴢 𐴀𐴡 𐴔𐴝𐴙𐴕𐴐𐴥𐴡𐴃𐴧𐴞 𐴀𐴡𐴀 𐴎𐴝𐴌𐴝 𐴏𐴌𐴞𐴉𐴢 𐴏𐴡𐴁𐴡𐴌 𐴒𐴡𐴌𐴠، 𐴀𐴝𐴌 𐴁𐴤𐴝𐴓𐴝 𐴑𐴟𐴖𐴝𐴙𐴓𐴧𐴝 𐴀𐴦𐴡𐴓𐴡𐴃𐴧𐴞 𐴇𐴝𐴏𐴠𐴓𐴢 𐴀𐴡𐴀||

𐴇𐴥𐴠𐴃𐴡𐴓𐴧𐴝 𐴏𐴡𐴈𐴃𐴡 𐴁𐴡𐴇𐴡𐴏𐴢-𐴔𐴟𐴁𐴝𐴇𐴝𐴏𐴝 𐴔𐴧𐴝𐴎𐴠𐴘𐴥𐴡 𐴊𐴝𐴀𐴞𐴌 𐴃𐴡𐴖𐴝𐴅𐴧𐴟 𐴊𐴡𐴓𐴞𐴓𐴢 𐴀𐴝𐴌 𐴇𐴟𐴅𐴧𐴡𐴃𐴢 𐴀𐴡𐴑𐴧𐴡𐴓𐴡𐴃𐴧𐴞 𐴕𐴡 𐴇𐴡𐴄𐴠| 𐴀𐴠 𐴇𐴝𐴓𐴡𐴃𐴡 𐴔𐴧𐴝𐴎𐴠𐴘𐴥𐴡 𐴇𐴥𐴞𐴁𐴝 𐴐𐴥𐴟𐴕𐴊𐴡𐴌 𐴈𐴡𐴃𐴝 𐴀𐴝𐴊𐴧𐴠 𐴐𐴥𐴟𐴕𐴊𐴡𐴌 𐴏𐴟𐴓𐴟𐴑 𐴒𐴡𐴌𐴠، 𐴈𐴡𐴌𐴝𐴉𐴢 𐴃𐴡𐴌𐴞𐴑𐴝 𐴀𐴝𐴊𐴧𐴠 𐴁𐴡𐴊𐴢-𐴀𐴝𐴈𐴓𐴝𐴑𐴡𐴃𐴧𐴞 𐴕𐴞𐴎𐴡𐴌𐴠 𐴁𐴝𐴏𐴝𐴘 𐴌𐴝𐴑𐴠| 𐴀𐴥𐴞𐴕𐴋𐴞𐴓𐴧𐴝 𐴎𐴠𐴃𐴧𐴡𐴃𐴢 𐴈𐴡𐴌𐴝𐴉𐴢 𐴏𐴟𐴓𐴟𐴑𐴡𐴌 𐴅𐴟𐴖𐴝𐴉𐴢 𐴁𐴤𐴝𐴓𐴝 𐴏𐴟𐴓𐴟𐴑 𐴓𐴡𐴘 𐴊𐴞𐴘𐴝𐴎𐴝𐴘𐴁𐴡، 𐴇𐴡𐴃𐴧𐴠𐴅𐴝𐴖𐴝𐴎𐴞𐴌 𐴅𐴟𐴖𐴝𐴉𐴢 𐴊𐴡𐴌𐴒𐴟𐴎𐴝𐴌، 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴠𐴇𐴏𐴝𐴕 𐴓𐴡𐴘 𐴊𐴞𐴘𐴝𐴎𐴝𐴘𐴁𐴡، 𐴀𐴥𐴠 𐴀𐴡𐴃𐴧𐴡𐴃𐴢 𐴔𐴟𐴈𐴝𐴃𐴡𐴁𐴡𐴌 𐴉𐴝𐴃𐴧𐴡𐴌𐴡𐴌 𐴋𐴡𐴦𐴙𐴓𐴧𐴝 𐴊𐴞𐴓𐴥𐴡 𐴁𐴟𐴔𐴢-𐴁𐴝𐴃𐴧𐴞𐴌 𐴋𐴦𐴡𐴙𐴓𐴧𐴝 𐴇𐴥𐴡𐴌𐴝𐴘 𐴎𐴝𐴘𐴁𐴡𐴒𐴡𐴘| 𐴊𐴟𐴐𐴧𐴡𐴕𐴞𐴌 𐴀𐴡𐴙𐴕 𐴄𐴝𐴕𐴋𐴝 𐴀𐴥𐴡𐴘 𐴎𐴝𐴒𐴡𐴘| 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴊𐴝𐴀𐴞𐴌 𐴅𐴝𐴕𐴞 𐴊𐴟𐴐𐴧𐴡𐴕𐴥𐴡 𐴉𐴞𐴃𐴞𐴕 𐴊𐴝𐴀𐴞𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴘𐴝 𐴀𐴝𐴌 𐴉𐴦𐴝𐴌𐴝𐴊𐴝𐴌 𐴁𐴡𐴕𐴞 𐴎𐴝𐴒𐴡𐴘||

 

𐴊𐴝𐴖𐴡𐴃𐴡𐴌 𐴔𐴡𐴕𐴇𐴝𐴅 𐴀𐴝𐴌 𐴃𐴡𐴌𐴞𐴑𐴝

𐴊𐴝𐴀𐴞𐴌 𐴑𐴝𐴔𐴞𐴘𐴝𐴁𐴞 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡𐴓𐴧𐴝 𐴃𐴞𐴕𐴧𐴝𐴕 𐴀𐴟𐴏𐴟𐴓𐴢 𐴄𐴞𐴥𐴑 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴱- 𐴀𐴡 𐴕𐴡𐴎𐴡𐴌𐴞𐴘𐴝 𐴁𐴥𐴝 𐴀𐴝𐴑𐴞𐴊𐴝-𐴁𐴞𐴐𐴧𐴝𐴐𐴢 𐴎𐴞𐴘𐴝𐴕𐴡𐴌 𐴔𐴞𐴑𐴧𐴝 𐴀𐴥𐴞𐴁𐴝 𐴊𐴝𐴖𐴡𐴃𐴢 𐴊𐴠𐴀𐴌||

𐴲- 𐴊𐴝𐴀𐴞𐴌 𐴑𐴡𐴖𐴓𐴢 𐴀𐴝𐴊𐴧𐴠 𐴉𐴦𐴠𐴓𐴢 𐴇𐴥𐴞𐴁𐴝𐴌 𐴊𐴝𐴖𐴡𐴃𐴡𐴌 𐴔𐴟𐴖𐴝𐴉𐴠𐴑 𐴃𐴝𐴑𐴡𐴕||

𐴳- 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴔𐴧𐴝𐴎𐴠 𐴇𐴥𐴞𐴁𐴝𐴘𐴠 𐴈𐴡𐴕 𐴀𐴝𐴈𐴓𐴝𐴑𐴡𐴌 𐴏𐴝𐴣𐴀𐴃𐴠 𐴊𐴝𐴖𐴡𐴃𐴢 𐴉𐴠𐴙𐴐𐴢 𐴒𐴡𐴌𐴠𐴌||

𐴀𐴦𐴝𐴔𐴢 𐴁𐴤𐴝𐴉𐴠 𐴀𐴠 𐴃𐴞𐴕𐴧𐴝𐴕 𐴔𐴡𐴏𐴝𐴓𐴝 𐴀𐴝𐴂𐴡𐴏𐴡𐴃𐴢 𐴀𐴠𐴑𐴧𐴝𐴕 𐴀𐴝𐴌𐴠𐴑𐴧𐴝𐴕 𐴓𐴡𐴘 𐴔𐴞𐴓𐴢 𐴀𐴝𐴏𐴠 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴕𐴡𐴎𐴡𐴌𐴞𐴘𐴝 𐴎𐴞𐴕𐴋𐴞𐴓𐴧𐴝 𐴀𐴡𐴥𐴘𐴁𐴡، 𐴉𐴞𐴑𐴞𐴌 𐴀𐴝𐴊𐴧𐴠 𐴀𐴝𐴔𐴡𐴓𐴡𐴌 𐴃𐴡𐴌𐴞𐴑𐴝 𐴎𐴞𐴕𐴋𐴞𐴓𐴧𐴝 𐴀𐴥𐴡𐴘𐴁𐴡 𐴑𐴞𐴌𐴊𐴝𐴌𐴥𐴡 𐴀𐴥𐴞𐴕𐴋𐴞𐴓𐴧𐴝 𐴀𐴥𐴡𐴘𐴁𐴡| 𐴀𐴝𐴌 𐴇𐴞𐴕𐴡𐴌 𐴌𐴡𐴚 𐴀𐴝𐴊𐴧𐴠 𐴀𐴝𐴏𐴡𐴌𐴥𐴡 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴊𐴠𐴙𐴈𐴝 𐴎𐴝𐴘𐴁𐴡| 𐴑𐴞𐴕𐴃𐴟 𐴑𐴠𐴏𐴧𐴟 𐴎𐴝𐴒𐴝𐴃𐴢 𐴘𐴦𐴝𐴌 𐴀𐴟𐴓𐴊𐴝𐴘𐴥𐴡 𐴀𐴡𐴙𐴃𐴢 𐴉𐴝𐴌𐴠| 𐴎𐴦𐴠𐴕𐴧𐴞𐴑𐴞 𐴉𐴞𐴑𐴞𐴌 𐴀𐴝𐴊𐴧𐴠 𐴑𐴞𐴌𐴊𐴝𐴌 𐴁𐴝𐴤𐴓𐴝 𐴑𐴞𐴕𐴃𐴟 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴏𐴥𐴡𐴈𐴃𐴞 𐴃𐴝𐴑𐴠| 𐴃𐴡𐴘 𐴊𐴝𐴀𐴞𐴌 𐴉𐴡𐴌𐴡𐴎 𐴃𐴡𐴈𐴡𐴕 𐴀𐴝𐴊𐴝𐴘 𐴀𐴥𐴡𐴁𐴡 𐴎𐴡𐴈𐴡𐴕 𐴀𐴠 𐴃𐴞𐴕𐴧𐴝𐴕 𐴏𐴞𐴏𐴢 𐴀𐴞𐴉𐴌𐴝𐴃𐴢 𐴀𐴝𐴊𐴧𐴠 𐴃𐴡𐴉𐴌𐴞𐴃𐴢 𐴘𐴝𐴕𐴞 𐴁𐴝𐴌𐴝𐴁𐴝𐴌𐴞 𐴀𐴝𐴊𐴧𐴠 𐴏𐴥𐴝𐴌𐴝𐴏𐴝𐴌𐴞𐴃𐴧𐴞 𐴉𐴝𐴑 𐴀𐴥𐴡𐴘𐴁𐴡 𐴀𐴝𐴌 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴟𐴕𐴧𐴡𐴃𐴡𐴌 𐴔𐴟𐴖𐴝𐴉𐴠𐴑 𐴀𐴥𐴡𐴘𐴁𐴡||

𐴀𐴠𐴕𐴋𐴞𐴓𐴧𐴝 𐴎𐴡𐴊𐴞 𐴀𐴥𐴡𐴘𐴠𐴊𐴠 𐴀𐴡𐴥𐴘𐴓𐴠 𐴃𐴡𐴈𐴡𐴕 𐴊𐴝𐴀𐴞 𐴀𐴝𐴓𐴧𐴝𐴇𐴌 𐴈𐴝𐴣𐴏𐴠 𐴑𐴝𐴔𐴞𐴘𐴝𐴁𐴢 𐴀𐴡𐴥𐴘𐴁𐴡، 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴏𐴝𐴘𐴓𐴠 𐴃𐴝𐴌 𐴊𐴝𐴖𐴡𐴃𐴢 𐴊𐴟𐴕𐴞𐴘𐴝𐴃𐴢 𐴔𐴟𐴀𐴝𐴏𐴧𐴞𐴌 𐴁𐴡𐴕𐴞𐴘𐴡𐴌𐴠 𐴔𐴟𐴈𐴝𐴃𐴡𐴁𐴢 𐴀𐴡𐴑𐴧𐴡𐴓𐴡𐴌 𐴊𐴞𐴓𐴡𐴃𐴢 𐴎𐴝𐴒𐴝 𐴒𐴡𐴌𐴞 𐴓𐴡𐴘𐴁𐴡| 𐴘𐴦𐴝𐴌 𐴀𐴟𐴓𐴋𐴝 𐴎𐴡𐴊𐴞 𐴊𐴝𐴀𐴞 𐴀𐴠𐴕𐴋𐴞𐴓𐴧𐴝 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴠 𐴎𐴦𐴞𐴕 𐴃𐴝𐴌 𐴊𐴝𐴖𐴡𐴃𐴡𐴌 𐴏𐴝𐴣𐴀𐴃𐴠 𐴕𐴡𐴔𐴞𐴓𐴠 𐴃𐴡𐴈𐴡𐴕 𐴎𐴡𐴊𐴞𐴘𐴡 𐴇𐴥𐴞𐴁𐴝 𐴕𐴞𐴎𐴡𐴌 𐴒𐴟𐴔𐴝𐴕𐴡𐴃𐴢 𐴇𐴡𐴑𐴧𐴡𐴌 𐴊𐴝𐴖𐴡𐴃𐴢 𐴊𐴠𐴀𐴌، 𐴔𐴡𐴒𐴡𐴌 𐴇𐴥𐴞𐴁𐴝𐴌 𐴃𐴡𐴌𐴞𐴑𐴝 𐴏𐴟𐴕𐴧𐴡𐴃𐴢 𐴔𐴡𐴗𐴎𐴞𐴕 𐴕𐴡 𐴀𐴤𐴡𐴕𐴡𐴌 𐴎𐴡𐴌𐴞𐴘𐴝| 𐴃𐴝𐴌 𐴃𐴡𐴌𐴞𐴑𐴝 𐴏𐴡𐴈𐴃𐴡 𐴀𐴥𐴡𐴕,𐴀𐴝𐴌 𐴀𐴝𐴈𐴓𐴝𐴑𐴡𐴌 𐴏𐴝𐴣𐴀𐴃𐴠 𐴕𐴡𐴀𐴥𐴡𐴕𐴡𐴌 𐴎𐴡𐴌𐴞𐴘𐴝 𐴁𐴠𐴐𐴞 𐴈𐴡𐴔𐴢 𐴔𐴝𐴙𐴕𐴐𐴠 𐴉𐴝𐴘𐴊𐴝 𐴉𐴝𐴘𐴁𐴡| 𐴀𐴠𐴕𐴋𐴞𐴓𐴧𐴝 𐴊𐴝𐴖𐴡𐴃𐴢 𐴔𐴝𐴕𐴥𐴟𐴙𐴐𐴢 𐴀𐴥𐴡𐴓𐴡𐴃𐴧𐴞 𐴊𐴟𐴌𐴠 𐴇𐴡𐴄𐴞 𐴎𐴦𐴡𐴕𐴡𐴌 𐴎𐴡𐴌𐴞𐴘𐴝 𐴁𐴡𐴕𐴠| 𐴈𐴡𐴕𐴥𐴡 𐴊𐴝𐴖𐴡𐴃𐴢 𐴕𐴝𐴑𐴝𐴔𐴢 𐴀𐴥𐴡𐴘𐴁𐴡𐴓𐴧𐴝 𐴁𐴡𐴏𐴢 𐴀𐴠𐴊𐴧𐴟𐴌𐴠 𐴑𐴝𐴉𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴀𐴞 𐴕𐴞𐴎𐴠 𐴕𐴞𐴎𐴡𐴌 𐴊𐴝𐴖𐴡𐴃𐴡𐴓𐴧𐴝 𐴁𐴡𐴓𐴞 𐴐𐴥𐴡𐴌𐴡𐴔𐴡𐴌 𐴎𐴡𐴌𐴞𐴘𐴝 𐴁𐴡𐴕𐴡𐴕||

𐴎𐴡𐴈𐴡𐴕 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴕𐴞𐴎𐴡𐴌 𐴊𐴝𐴀𐴘𐴞𐴌𐴠 𐴊𐴝𐴖𐴡𐴃𐴡𐴌 𐴅𐴝𐴕𐴋𐴝 𐴃𐴟𐴓𐴞𐴁𐴝𐴌 𐴇𐴡𐴑𐴟𐴔𐴢 𐴒𐴡𐴌𐴠 𐴎𐴦𐴠𐴕𐴧𐴠𐴑𐴞 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠-

يَـٰٓأَيُّهَا ٱلْمُدَّثِّرُ ١ قُمْ فَأَنذِرْ ٢ وَرَبَّكَ فَكَبِّرْ ٣ وَثِيَابَكَ فَطَهِّرْ ٤ وَٱلرُّجْزَ فَٱهْجُرْ ٥ وَلَا تَمْنُن تَسْتَكْثِرُ ٦ وَلِرَبِّكَ فَٱصْبِرْ ٧

𐴀𐴥𐴡 𐴇𐴡𐴔𐴁𐴡𐴓𐴢 𐴎𐴝𐴉𐴡𐴘𐴧𐴝! (𐴱) 𐴀𐴟𐴍𐴥𐴡 𐴀𐴝𐴌 (𐴔𐴝𐴙𐴕𐴐𐴥𐴡𐴌𐴠 𐴅𐴝𐴇𐴝𐴕𐴧𐴔𐴡𐴌 𐴀𐴡𐴙𐴕𐴡𐴃𐴧𐴞) 𐴇𐴟𐴣𐴐𐴞𐴘𐴝𐴌𐴞 𐴒𐴡𐴌𐴡 (𐴲) 𐴀𐴝𐴌 𐴕𐴞𐴎𐴡𐴌 𐴌𐴡𐴁𐴡𐴌 𐴁𐴡𐴍𐴝𐴘𐴞 𐴁𐴡𐴘𐴝𐴕 𐴒𐴡𐴌𐴡(𐴳) 𐴀𐴝𐴌 𐴕𐴞𐴎𐴡𐴌 𐴇𐴡𐴦𐴌 𐴀𐴡𐴑𐴧𐴡𐴓𐴡𐴌𐴠 𐴉𐴝𐴑 𐴒𐴡𐴌𐴡 (𐴴) 𐴕𐴝𐴉𐴝𐴑𐴞𐴃𐴧𐴞 𐴊𐴟𐴌𐴠 𐴃𐴝𐴑𐴡 (𐴵) 𐴀𐴝𐴌 𐴁𐴠𐴐𐴞 𐴉𐴝𐴘𐴁𐴝𐴌 𐴀𐴝𐴐𐴝 𐴓𐴡𐴘𐴡𐴌𐴠 𐴀𐴠𐴇𐴏𐴝𐴕𐴞 𐴕𐴡 𐴒𐴡𐴙𐴅𐴧𐴡 (𐴶) 𐴀𐴝𐴌 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠 𐴏𐴡𐴁𐴡𐴌 𐴒𐴡𐴌𐴡(𐴷)||(𐴏𐴦𐴟𐴌𐴝 𐴔𐴟𐴊𐴧𐴡𐴏𐴧𐴞𐴌)

𐴃𐴡𐴈𐴡𐴕 𐴉𐴡𐴘𐴓𐴝 𐴐𐴧𐴟𐴌𐴟𐴃𐴢 𐴕𐴞𐴎𐴡𐴌 𐴑𐴞𐴌𐴊𐴝𐴌 𐴉𐴝𐴑 𐴒𐴡𐴌𐴞𐴁𐴝𐴌، 𐴕𐴞𐴎𐴡𐴌𐴠 𐴀𐴝𐴉𐴎𐴡𐴓𐴢 𐴀𐴝𐴈𐴓𐴝𐴑 𐴀𐴦𐴡𐴓𐴝 𐴁𐴝𐴕𐴝𐴘𐴁𐴝𐴌 𐴀𐴝𐴌 𐴔𐴟𐴈𐴝𐴓𐴠𐴉𐴡𐴌 𐴊𐴞𐴓𐴡𐴃𐴢 𐴃𐴡𐴑𐴡𐴓𐴞𐴉𐴢 𐴊𐴞𐴁𐴝𐴌 𐴁𐴡𐴊𐴡𐴓𐴝𐴃𐴢 𐴀𐴝𐴓𐴧𐴝𐴇𐴌 𐴈𐴝𐴃𐴠𐴌𐴠 𐴈𐴝𐴓𐴠𐴏𐴢 𐴏𐴡𐴁𐴡𐴌 𐴒𐴡𐴌𐴞𐴁𐴝𐴌 𐴃𐴝𐴀𐴓𐴞𐴔𐴢 𐴊𐴠𐴀- 𐴎𐴦𐴠𐴕𐴧𐴠𐴑𐴞

𐴔𐴟𐴔𐴞𐴕𐴡𐴓𐴧𐴝 𐴕𐴞𐴎𐴡𐴌 𐴈𐴡𐴃𐴝-𐴁𐴝𐴃𐴧𐴝𐴌𐴝 𐴄𐴥𐴞𐴑 𐴒𐴡𐴌𐴡𐴕 𐴁𐴠𐴐𐴞 𐴎𐴡𐴌𐴟𐴌𐴞| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴈𐴡𐴃𐴝-𐴁𐴝𐴃𐴧𐴝𐴌𐴝 𐴄𐴥𐴞𐴑 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴊𐴞𐴓𐴢 𐴀𐴝𐴊𐴧𐴠 𐴀𐴝𐴔𐴡𐴓𐴡 𐴄𐴞𐴑 𐴀𐴡𐴘 𐴎𐴝𐴒𐴡𐴘| 𐴀𐴥𐴠 𐴈𐴡𐴃𐴝𐴓𐴧𐴝𐴘 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴕𐴞𐴎𐴡𐴌 𐴁𐴡𐴕𐴊𐴝 𐴀𐴦𐴡𐴓𐴡𐴌𐴠 𐴁𐴠𐴐𐴞 𐴐𐴥𐴟𐴕𐴊𐴡𐴌 𐴎𐴟𐴁𐴝𐴕 𐴓𐴡𐴘 𐴈𐴡𐴃𐴝 𐴈𐴦𐴡𐴘𐴁𐴝𐴌 𐴇𐴡𐴑𐴟𐴔𐴢 𐴒𐴡𐴙𐴅𐴧𐴠| 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠-

وقل لعبادي يقول التي هي احسن
𐴘𐴦𐴝𐴕𐴞: 𐴃𐴟𐴀𐴛 𐴀𐴝𐴣𐴀𐴌 𐴁𐴡𐴕𐴊𐴝 𐴀𐴡𐴀𐴓𐴡𐴌𐴠 𐴈𐴡𐴀𐴘𐴊𐴡، (𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴈𐴡𐴃𐴝 𐴈𐴡𐴘𐴁𐴞𐴐𐴧𐴡𐴃𐴢) 𐴎𐴞𐴘𐴝𐴕 𐴁𐴠𐴐𐴞 𐴐𐴥𐴟𐴕𐴊𐴡𐴌 𐴘𐴦𐴝𐴕 𐴈𐴦𐴡𐴘𐴁𐴡|| {𐴏𐴟𐴌𐴝 𐴀𐴞𐴏𐴌𐴝 𐴱𐴷:𐴵𐴳}

𐴀𐴝𐴓𐴧𐴝𐴇 𐴃𐴝𐴀𐴓𐴝 𐴔𐴟𐴔𐴠𐴕 𐴀𐴡𐴑𐴧𐴡𐴓𐴡𐴌𐴠 𐴈𐴡𐴃𐴝 𐴈𐴡𐴘𐴁𐴞𐴐𐴧𐴡𐴃𐴢 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴞𐴕𐴏𐴝𐴉𐴡𐴌 𐴏𐴝𐴣𐴀𐴃𐴠 𐴈𐴡𐴘𐴁𐴝𐴌 𐴉𐴝𐴁𐴡𐴕𐴊𐴞 𐴒𐴟𐴙𐴅𐴧𐴠، 𐴃𐴝𐴑𐴠 𐴈𐴡𐴃𐴝𐴔𐴧𐴝𐴎𐴠 𐴈𐴡𐴕𐴡 𐴑𐴞𐴏𐴞𐴔𐴡𐴌 𐴎𐴟𐴓𐴟𐴔𐴢 𐴕𐴡𐴃𐴝𐴑𐴠 ||

𐴀𐴝𐴓𐴧𐴝𐴇 𐴃𐴝𐴀𐴓𐴝 𐴔𐴟𐴔𐴞𐴕 𐴀𐴡𐴑𐴧𐴡𐴓𐴡𐴌𐴠 𐴇𐴡𐴑𐴟𐴔𐴢 𐴒𐴡𐴙𐴅𐴧𐴠-

واذا قلتم فاعدلوا

𐴘𐴦𐴝𐴕𐴞 𐴎𐴠𐴃𐴧𐴡𐴃𐴢 𐴃𐴟𐴖𐴝𐴣𐴌𐴝 𐴈𐴡𐴃𐴝 𐴈𐴦𐴡𐴘𐴁𐴝 𐴃𐴡𐴈𐴡𐴕 𐴀𐴞𐴕𐴏𐴝𐴉𐴡𐴌 𐴏𐴝𐴣𐴀𐴃𐴠 𐴈𐴦𐴡𐴘𐴁𐴝| (𐴏𐴟𐴌𐴝 𐴀𐴝𐴕𐴀𐴝𐴔𐴢 𐴵:𐴱𐴵𐴲)

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝 𐴎𐴠𐴃𐴧𐴡𐴃𐴢 𐴈𐴡𐴃𐴝 𐴈𐴡𐴘𐴧𐴟𐴔𐴢 𐴀𐴞𐴕𐴏𐴝𐴉𐴡𐴌 𐴏𐴝𐴣𐴀𐴃𐴠 𐴈𐴡𐴘𐴧𐴟𐴔𐴢| 𐴀𐴠 𐴊𐴦𐴞𐴕𐴡𐴌 𐴊𐴝𐴀𐴞𐴌 𐴏𐴞𐴉𐴡𐴃𐴢 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴁𐴡𐴘𐴝𐴕 𐴒𐴡𐴌𐴝 𐴒𐴞𐴘𐴠𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴇𐴥𐴞𐴁𐴝 𐴀𐴠 𐴀𐴠𐴓𐴝𐴕 𐴒𐴡𐴌𐴠، 𐴈𐴡𐴕𐴞𐴑𐴧𐴝 𐴀𐴠 𐴊𐴞𐴕𐴡𐴌 𐴃𐴡𐴑𐴝𐴎𐴝 𐴉𐴟𐴌𐴝 𐴒𐴡𐴌𐴡𐴑 𐴘𐴥𐴝 𐴕𐴡 𐴒𐴡𐴌𐴡𐴑 𐴀𐴝𐴀𐴛 𐴑𐴞𐴕𐴃𐴟 𐴁𐴠𐴒𐴧𐴟𐴕𐴡𐴌 𐴀𐴝𐴒𐴠 𐴉𐴟𐴌𐴝 𐴒𐴡𐴙𐴅𐴧𐴟𐴔𐴢||

𐴀𐴝𐴓𐴧𐴝𐴇 𐴃𐴝𐴀𐴓𐴝 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴌-

قل ان صلاتي ونسكي ومحيايَ ومماتي لله رب العالمين لاشريك له وبذالك امرت وانا اول المسلمين
𐴘𐴦𐴝𐴕𐴞:(𐴀𐴝𐴘 𐴕𐴡𐴁𐴞) 𐴀𐴡𐴕𐴠 𐴈𐴡𐴘𐴊𐴡! 𐴁𐴠𐴐𐴡𐴑 𐴀𐴝𐴣𐴀𐴌 𐴕𐴟𐴖𐴝𐴏𐴢 𐴀𐴝𐴣𐴀𐴌 𐴑𐴟𐴌𐴁𐴝𐴕𐴞 𐴀𐴝𐴣𐴀𐴌 𐴇𐴝𐴘𐴝𐴃𐴢 𐴀𐴝𐴊𐴧𐴠 𐴔𐴡𐴗𐴃𐴢 𐴁𐴠𐴒𐴞𐴕 𐴃𐴡𐴔𐴦𐴝𐴔𐴢 𐴅𐴝𐴇𐴝𐴕𐴡𐴌 𐴌𐴡𐴁𐴢 𐴀𐴝𐴓𐴧𐴝𐴇 𐴃𐴝𐴀𐴓𐴝𐴓𐴧𐴝| 𐴃𐴝𐴀𐴛𐴌 𐴏𐴝𐴣𐴀𐴃𐴠 𐴈𐴡𐴕𐴞𐴑𐴧𐴝 𐴐𐴡𐴌𐴞𐴑 𐴕𐴥𐴝𐴘| 𐴀𐴝𐴣𐴀𐴌𐴠 𐴀𐴠 𐴈𐴡𐴃𐴝𐴒𐴞𐴕𐴡𐴌 𐴇𐴡𐴑𐴟𐴔𐴢 𐴊𐴞𐴘𐴝𐴒𐴞𐴘𐴠 𐴀𐴝𐴌 𐴀𐴝𐴀𐴛 𐴁𐴠𐴒𐴧𐴞𐴕𐴡𐴌 𐴀𐴝𐴒𐴠 𐴈𐴡𐴃𐴝 𐴔𐴝𐴕𐴡𐴘𐴝 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴃𐴧𐴞|| {𐴏𐴟𐴌𐴝 𐴀𐴝𐴕𐴀𐴝𐴕𐴢 𐴶:𐴱𐴶𐴲}

𐴀𐴥𐴠 𐴈𐴡𐴃𐴝𐴓𐴧𐴝 𐴊𐴝𐴀𐴞 𐴇𐴝𐴌 𐴇𐴝𐴓𐴡𐴃𐴡𐴃𐴢 𐴘𐴦𐴝𐴕𐴡𐴌 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴕𐴞𐴎𐴡𐴌 𐴉𐴞𐴑𐴞𐴌 𐴀𐴝𐴊𐴧𐴠 𐴔𐴡𐴕𐴇𐴝𐴅 𐴏𐴟𐴕𐴧𐴡𐴃𐴢 𐴔𐴟𐴃𐴝𐴁𐴠𐴑 𐴀𐴡𐴀𐴕| 𐴃𐴝𐴌 𐴑𐴞𐴌𐴊𐴝𐴌 𐴀𐴝𐴊𐴧𐴠 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴘𐴥𐴡 𐴐𐴡𐴌𐴞𐴘𐴡𐴃𐴡𐴌 𐴈𐴠𐴓𐴝𐴉𐴢 𐴕𐴡 𐴀𐴡𐴀𐴕| 𐴇𐴥𐴞𐴁𐴝 𐴎𐴠 𐴇𐴡𐴑𐴡𐴌 𐴊𐴝𐴖𐴡𐴃𐴢 𐴊𐴠𐴀𐴌 𐴃𐴝𐴌 𐴑𐴞𐴌𐴊𐴝𐴌𐴡𐴃𐴢 𐴀𐴥𐴠𐴒𐴞𐴕𐴡𐴌 𐴕𐴡𐴔𐴟𐴕𐴝 𐴉𐴝𐴀𐴎𐴡𐴕| 𐴀𐴝𐴌 𐴇𐴥𐴞𐴁𐴝𐴌 𐴊𐴝𐴖𐴡𐴃𐴡 𐴔𐴧𐴝𐴎𐴠𐴘𐴥𐴡 𐴇𐴝𐴔𐴞𐴐𐴝 𐴃𐴝𐴌 𐴈𐴟𐴥𐴐𐴁𐴡 𐴉𐴝𐴀𐴎𐴡𐴕| 𐴀𐴠 𐴃𐴞𐴕𐴞𐴘𐴝𐴕 𐴘𐴝𐴕𐴞: 𐴉𐴞𐴑𐴞𐴌, 𐴀𐴝𐴔𐴡𐴓𐴡𐴌 𐴔𐴡𐴕𐴇𐴝𐴅، 𐴀𐴝𐴌 𐴑𐴞𐴌𐴊𐴝𐴌 𐴀𐴝𐴊𐴧𐴠 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴎𐴡𐴈𐴡𐴕 𐴇𐴡𐴑 𐴀𐴝𐴌 𐴀𐴠𐴑 𐴀𐴥𐴡𐴘𐴁𐴡 𐴃𐴡𐴈𐴡𐴕 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴏𐴝𐴘𐴓𐴠 𐴃𐴞𐴌 𐴕𐴞𐴐𐴝𐴕𐴝𐴃𐴢 𐴎𐴝𐴘 𐴓𐴝𐴒𐴞𐴁𐴡 𐴀𐴝𐴌 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴑𐴝𐴔𐴞𐴘𐴝𐴁𐴞𐴌 𐴀𐴝𐴏𐴡𐴌 𐴕𐴡𐴎𐴡𐴌𐴡𐴃𐴢 𐴀𐴝𐴘𐴁𐴡 𐴀𐴞𐴕𐴐𐴝𐴦 𐴀𐴝𐴓𐴧𐴝𐴇||

 

𐴅𐴞𐴇𐴝𐴊𐴡𐴌 𐴊𐴝𐴀𐴞 𐴈𐴦𐴣𐴃𐴧𐴠 𐴔𐴝𐴇𐴉𐴦𐴟𐴎𐴢 𐴃𐴝𐴑𐴞𐴁𐴡؟؟

𐴅𐴞𐴇𐴝𐴊𐴡𐴌 𐴊𐴝𐴀𐴞 𐴎𐴠𐴕𐴋𐴞𐴓𐴧𐴝 𐴈𐴡𐴃𐴡𐴌𐴝 𐴀𐴝𐴊𐴧𐴠 𐴆𐴠𐴓𐴠𐴣𐴅𐴡𐴃𐴢 𐴃𐴝𐴑𐴠، 𐴀𐴥𐴞𐴕𐴋𐴞𐴓𐴧𐴝 𐴔𐴡𐴏𐴞𐴁𐴡𐴃𐴡𐴃𐴢 𐴁𐴠𐴐𐴞 𐴈𐴡𐴔𐴢 𐴔𐴝𐴕𐴥𐴟𐴙𐴐𐴢 𐴃𐴝𐴑𐴠|𐴖𐴝𐴏𐴦𐴝𐴘𐴠𐴓𐴢، 𐴀𐴥𐴝𐴃𐴞𐴘𐴝𐴌، 𐴀𐴝𐴌 𐴓𐴡𐴐𐴑𐴡𐴌𐴡𐴌 𐴃𐴠𐴊𐴝𐴃𐴢، 𐴇𐴦𐴝𐴌 𐴀𐴠𐴃𐴠𐴁𐴝𐴌𐴠 𐴕𐴞𐴎𐴡𐴃𐴧𐴞 𐴁𐴥𐴝𐴌𐴡 𐴁𐴞𐴐𐴞 𐴃𐴝𐴑𐴡𐴃𐴢 𐴀𐴡𐴓𐴝 𐴊𐴟𐴐𐴧𐴡𐴕𐴡𐴌 𐴏𐴝𐴣𐴀𐴃𐴠 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝 𐴉𐴡𐴌𐴠| 𐴁𐴠𐴐𐴢 𐴀𐴞𐴏𐴧𐴝 𐴄𐴝𐴘𐴔𐴡𐴃𐴢 𐴎𐴝𐴌𐴝𐴌𐴠 𐴊𐴟𐴐𐴧𐴡𐴕𐴡𐴌 𐴔𐴟𐴑𐴝𐴁𐴠𐴓𐴝𐴃𐴢 𐴕𐴞𐴎𐴡𐴌 𐴉𐴥𐴟𐴖𐴝𐴣𐴃𐴞 𐴌𐴝𐴑𐴞𐴁𐴡𐴓𐴧𐴝 𐴏𐴝𐴀 𐴇𐴥𐴞𐴃𐴝𐴌𐴝 𐴕𐴞𐴎𐴠 𐴔𐴟𐴈𐴝𐴓𐴠𐴉𐴞 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴠، 𐴃𐴡𐴈𐴡𐴕 𐴁𐴠𐴐𐴞 𐴏𐴡𐴁𐴡𐴌 𐴀𐴝𐴌 𐴇𐴠𐴑𐴔𐴡𐴃𐴡𐴌 𐴎𐴡𐴌𐴟𐴌𐴡𐴃𐴢 𐴀𐴥𐴡𐴀||

𐴀𐴞𐴕 𐴏𐴥𐴝𐴌𐴝 𐴅𐴞𐴇𐴝𐴊𐴞 𐴏𐴡𐴉𐴡𐴌𐴡𐴃𐴢 𐴇𐴝𐴣𐴘𐴠 𐴇𐴝𐴣𐴘𐴠 𐴀𐴦𐴠𐴕 𐴀𐴦𐴠𐴕 𐴔𐴡𐴐𐴑𐴞𐴓𐴝𐴃𐴢 𐴀𐴥𐴡𐴑𐴧𐴡𐴓𐴢 𐴉𐴠𐴐𐴢 𐴀𐴝𐴘𐴧𐴠 𐴎𐴠𐴒𐴞𐴕𐴡𐴃𐴢 𐴀𐴠𐴑𐴧𐴠𐴕𐴝 𐴒𐴡𐴌𐴞 𐴒𐴡𐴓𐴃𐴞𐴘𐴥𐴡 𐴁𐴠𐴐𐴞 𐴋𐴡𐴣𐴀𐴌 𐴔𐴟𐴏𐴞𐴁𐴡𐴃𐴡𐴌 𐴎𐴡𐴌𐴞𐴘𐴝 𐴁𐴡𐴕𐴠| 𐴁𐴠𐴐𐴢 𐴀𐴞𐴏𐴧𐴝 𐴄𐴝𐴘𐴔𐴡𐴃𐴢 𐴅𐴡𐴎𐴁𐴝 𐴇𐴥𐴟𐴣𐴐𐴡𐴌 𐴖𐴡𐴌𐴠 𐴒𐴝𐴓𐴠𐴁𐴢 𐴀𐴥𐴡𐴘 𐴎𐴝𐴒𐴡𐴘| 𐴀𐴠 𐴇𐴝𐴓𐴡𐴃𐴡 𐴔𐴧𐴝𐴎𐴠 𐴎𐴡𐴊𐴞 𐴀𐴝𐴓𐴧𐴝𐴇𐴌 𐴌𐴝𐴇𐴝𐴔𐴡𐴃𐴢 𐴕𐴡𐴃𐴝𐴑𐴞 𐴊𐴝𐴀𐴞 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴢 𐴇𐴡𐴑𐴡𐴌 𐴌𐴝𐴏𐴧𐴝𐴃𐴧𐴞 𐴇𐴥𐴡𐴄𐴞 𐴎𐴝𐴘𐴒𐴡𐴘𐴃𐴢 𐴉𐴝𐴌𐴠، 𐴀𐴝𐴌 𐴇𐴥𐴞𐴁𐴝 𐴕𐴞𐴎𐴠 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴓𐴧𐴝 𐴋𐴡𐴣𐴀𐴌 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴁𐴡𐴕𐴞𐴃𐴢 𐴉𐴝𐴌𐴠| 𐴀𐴠 𐴕𐴟𐴏𐴧𐴝𐴕𐴞𐴃𐴧𐴞 𐴊𐴝𐴀𐴞 𐴀𐴡 𐴀𐴡𐴃𐴧𐴡𐴃𐴢 𐴁𐴝𐴏𐴞 𐴉𐴝𐴌𐴞𐴁𐴡 𐴎𐴡𐴈𐴡𐴕 𐴇𐴥𐴞𐴁𐴝𐴌 𐴉𐴞𐴑𐴞𐴌 𐴀𐴝𐴊𐴧𐴠 𐴔𐴡𐴕𐴇𐴝𐴅 𐴏𐴟𐴕𐴧𐴡𐴃𐴢 𐴔𐴟𐴃𐴝𐴁𐴠𐴑 𐴀𐴥𐴡𐴘𐴁𐴡||

𐴀𐴝𐴌 𐴃𐴝𐴌 𐴑𐴞𐴌𐴊𐴝𐴌 𐴀𐴝𐴊𐴧𐴠 𐴊𐴝𐴖𐴡𐴃𐴢 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢، 𐴏𐴝𐴇𐴝𐴁𐴝𐴘𐴠 𐴑𐴠𐴌𐴝𐴔𐴢، 𐴀𐴝𐴌 𐴏𐴡𐴓𐴉𐴠 𐴏𐴡𐴓𐴞𐴇𐴞𐴕𐴡𐴌 𐴋𐴡𐴙𐴓𐴧𐴝 𐴀𐴡𐴘𐴁𐴡| 𐴀𐴝𐴌 𐴘𐴦𐴝𐴕 𐴀𐴡 𐴀𐴡𐴃𐴧𐴡𐴃𐴢 𐴔𐴟𐴔𐴑𐴞𐴕 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴇𐴥𐴞𐴁𐴝 𐴏𐴟𐴕𐴧𐴡𐴃𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴞𐴁𐴡𐴓𐴧𐴝 𐴀𐴠𐴈𐴓𐴝𐴏𐴡𐴌 𐴏𐴝𐴣𐴃𐴠 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡، 𐴀𐴝𐴌 𐴀𐴠 𐴈𐴡𐴃𐴝𐴌 𐴋𐴡𐴀𐴌𐴥𐴡 𐴃𐴝𐴑𐴞𐴁𐴡𐴊𐴠، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴓𐴧𐴝𐴇 𐴕𐴡 𐴒𐴡𐴌𐴡𐴑 𐴀𐴝𐴣𐴀𐴌 𐴈𐴡𐴕𐴥𐴡 𐴒𐴡𐴓𐴃𐴞𐴌 𐴎𐴡𐴌𐴞𐴘𐴝 𐴀𐴥𐴞𐴁𐴝 𐴕𐴞𐴎𐴠 𐴇𐴠𐴊𐴝𐴘𐴡𐴃𐴡𐴃𐴧𐴞 𐴔𐴝𐴀𐴌𐴟𐴔𐴢 𐴀𐴥𐴡𐴘𐴃𐴢 𐴉𐴝𐴌𐴠||

𐴀𐴠 𐴕𐴞𐴘𐴝𐴔𐴡𐴃𐴡𐴌𐴠 𐴏𐴞𐴥𐴕𐴝 𐴓𐴡𐴘 𐴓𐴝𐴒𐴡𐴕𐴡𐴌 𐴎𐴡𐴌𐴞𐴘𐴝 𐴀𐴥𐴡𐴘𐴓𐴊𐴠 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴡𐴑𐴧𐴡𐴓𐴡𐴌 𐴀𐴠𐴃𐴧𐴠𐴁𐴝 𐴀𐴝𐴊𐴧𐴠 𐴕𐴠𐴑𐴧𐴝𐴌 𐴀𐴦𐴡𐴓𐴡𐴌 𐴏𐴟𐴇𐴟𐴁𐴡𐴃𐴢| 𐴊𐴞𐴕𐴡𐴌 𐴊𐴝𐴀𐴞𐴌 𐴉𐴞𐴑𐴞𐴌 𐴀𐴝𐴊𐴧𐴠 𐴔𐴡𐴕𐴇𐴝𐴅𐴢 𐴀𐴡 𐴀𐴡𐴃𐴧𐴡𐴃𐴢 𐴇𐴠𐴉𐴝𐴎𐴡𐴃𐴢 𐴃𐴝𐴑𐴞𐴁𐴡 𐴎𐴠𐴃𐴧𐴡𐴃𐴢 𐴕𐴞𐴎𐴡𐴌 𐴊𐴞𐴕𐴡𐴌𐴠 𐴀𐴡𐴕𐴋𐴞𐴓𐴧𐴝 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴟𐴑𐴧𐴡𐴓𐴡𐴃𐴧𐴞 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡 𐴎𐴝𐴌𐴝𐴌 𐴃𐴡𐴑𐴡𐴖𐴝، 𐴀𐴝𐴈𐴓𐴝𐴑, 𐴀𐴠𐴓𐴡𐴔𐴢, 𐴀𐴝𐴊𐴡𐴓𐴢, 𐴏𐴡𐴔𐴡𐴅 𐴀𐴝𐴊𐴧𐴠 𐴁𐴟𐴎, 𐴃𐴡𐴅𐴌𐴟𐴁𐴝, 𐴀𐴝𐴌 𐴏𐴥𐴡𐴀𐴞 𐴉𐴞𐴥𐴃𐴌𐴡𐴃𐴡𐴌 𐴁𐴝𐴁𐴡𐴃𐴠 𐴊𐴟𐴏𐴝𐴌𐴝 𐴀𐴝𐴇𐴓𐴠 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴑𐴝𐴁𐴠𐴓𐴞𐴘𐴡𐴃𐴢 𐴀𐴡𐴓𐴝 𐴔𐴝𐴙𐴕𐴐𐴥𐴡𐴌 𐴈𐴝𐴣𐴀𐴏𐴠 𐴒𐴡𐴁𐴤𐴝 𐴊𐴠𐴘𐴝𐴎𐴝| 𐴎𐴝𐴌𐴝 𐴃𐴝𐴀𐴝𐴏𐴧𐴟𐴁𐴞, 𐴁𐴡𐴊𐴡𐴓𐴝، 𐴒𐴟𐴙𐴐𐴧𐴝, 𐴀𐴝𐴌 𐴕𐴞𐴎𐴡𐴌 𐴕𐴡𐴉𐴏𐴡𐴌 𐴔𐴡𐴕𐴐𐴝 𐴔𐴡𐴗𐴎𐴞𐴕 𐴉𐴡𐴃𐴡𐴖𐴝 𐴕𐴡𐴊𐴠| 𐴁𐴤𐴡𐴓𐴑𐴠 𐴑𐴡𐴗𐴓𐴢 𐴀𐴝𐴊𐴧𐴠 𐴀𐴝𐴔𐴡𐴓𐴡𐴃𐴢 𐴀𐴝𐴓𐴧𐴝𐴇𐴌 𐴋𐴡𐴌 𐴒𐴝𐴓𐴠𐴁𐴢 𐴃𐴝𐴑𐴞𐴁𐴡 𐴀𐴝𐴌 𐴐𐴡𐴌𐴀𐴞 𐴏𐴞𐴘𐴝𐴏𐴡𐴃𐴡𐴌 𐴁𐴝𐴁𐴡𐴃𐴠 (𐴕𐴡𐴉𐴝 𐴀𐴝𐴊𐴧𐴠 𐴕𐴟𐴏𐴧𐴝𐴕) 𐴒𐴤𐴠𐴌𐴝𐴀𐴞 𐴀𐴠𐴓𐴡𐴔𐴢 𐴌𐴝𐴑𐴞𐴁𐴡||

𐴀𐴠 𐴏𐴞𐴉𐴡𐴃𐴒𐴞𐴕 𐴀𐴡 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴡𐴑𐴧𐴡𐴓𐴠 𐴇𐴝𐴏𐴠𐴓𐴢 𐴒𐴡𐴌𐴞 𐴉𐴝𐴌𐴞𐴁𐴡 𐴎𐴝𐴌𐴝 𐴀𐴝𐴇𐴥𐴝𐴔𐴢 𐴅𐴞𐴇𐴝𐴊𐴞 𐴔𐴝𐴀𐴔𐴠𐴓𐴝 𐴀𐴥𐴡𐴑𐴧𐴡𐴓𐴡𐴃𐴢 𐴕𐴞𐴎𐴡𐴌 𐴃𐴡𐴌𐴉𐴡𐴃𐴧𐴞 𐴈𐴡𐴕𐴥𐴡 𐴉𐴡𐴃𐴟𐴖𐴝 𐴕𐴡𐴊𐴠 𐴁𐴤𐴡𐴓𐴑𐴠 𐴀𐴠𐴒𐴞𐴕𐴡𐴌 𐴁𐴝𐴁𐴡𐴃𐴠 𐴕𐴞𐴎𐴡𐴃𐴧𐴞 𐴁𐴥𐴝𐴌𐴡 𐴁𐴠𐴐𐴞 𐴀𐴠𐴓𐴡𐴔𐴢 𐴗𐴝𐴓𐴝 𐴀𐴝𐴓𐴠𐴔𐴢 𐴀𐴡𐴑𐴧𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴠 𐴀𐴝𐴌 𐴕𐴞𐴎𐴡𐴌 𐴎𐴡𐴁𐴝𐴕𐴝𐴌 𐴀𐴝𐴓𐴠𐴔𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴡𐴐𐴡𐴌𐴝 𐴀𐴝𐴊𐴧𐴠 𐴃𐴝𐴌𐴝𐴃𐴧𐴞 𐴉𐴝𐴘𐴊𐴝 𐴇𐴝𐴏𐴠𐴓𐴢 𐴒𐴡𐴌𐴠||

𐴀𐴞𐴕𐴋𐴞𐴓𐴧𐴝 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴟𐴔𐴧𐴃𐴡 𐴔𐴧𐴝𐴎𐴠 𐴀𐴠𐴈𐴡𐴕𐴡 𐴔𐴡𐴖𐴅𐴟𐴊𐴢 𐴀𐴝𐴏𐴠| 𐴎𐴡𐴊𐴞 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴕𐴞𐴎𐴡𐴌 𐴉𐴞𐴑𐴞𐴌، 𐴑𐴞𐴌𐴊𐴝𐴌 𐴀𐴝𐴊𐴧𐴠 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴌 𐴁𐴝𐴁𐴡𐴃𐴠 𐴀𐴥𐴠 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴡𐴑𐴧𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴠 𐴃𐴡𐴘𐴓𐴠 𐴀𐴝𐴐𐴝 𐴒𐴡𐴌𐴝𐴎𐴝𐴊𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴇𐴥𐴞𐴁𐴝𐴌𐴠 𐴒𐴟𐴔𐴌𐴝𐴇 𐴕𐴡 𐴒𐴡𐴌𐴞𐴁𐴡| 𐴀𐴝𐴌 𐴇𐴥𐴞𐴁𐴝 𐴀𐴝𐴓𐴧𐴝𐴇𐴌 𐴇𐴡𐴑𐴟𐴔𐴠 𐴊𐴞𐴕 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴈𐴠𐴊𐴔𐴡𐴃𐴢 𐴒𐴡𐴌𐴞 𐴉𐴝𐴌𐴞𐴁𐴡||

𐴀𐴠𐴎𐴝𐴒𐴝𐴃𐴢 𐴀𐴠 𐴈𐴡𐴃𐴝 𐴒𐴝𐴕𐴥𐴡 𐴀𐴝𐴌𐴡𐴎 𐴒𐴡𐴌𐴝𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴃𐴢 𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌 𐴒𐴡𐴃𐴡 𐴃𐴞𐴕 𐴎𐴟𐴑 (𐴘𐴦𐴝𐴕𐴞 𐴃𐴞𐴌𐴞𐴐𐴢 𐴁𐴡𐴏𐴡𐴌𐴡𐴌) 𐴑𐴝𐴔𐴞𐴘𐴝𐴁𐴞 𐴀𐴝𐴌 𐴔𐴟𐴁𐴝𐴌𐴡𐴑 𐴅𐴞𐴇𐴝𐴊𐴞 𐴃𐴡𐴅𐴌𐴟𐴁𐴝 𐴀𐴥𐴡𐴘𐴓𐴠 𐴀𐴥𐴡𐴑، 𐴘𐴥𐴝𐴃𐴡 𐴈𐴟𐴌𐴝𐴏𐴝𐴕𐴡𐴃𐴧𐴞 𐴘𐴡𐴔𐴡𐴕 𐴀𐴝𐴊𐴧𐴠 𐴔𐴝𐴓𐴞 𐴀𐴝𐴌 𐴐𐴝𐴀𐴔𐴢 𐴀𐴝𐴊𐴧𐴠 𐴏𐴟𐴔𐴝𐴓𐴞𐴘𐴝 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴙𐴓𐴞 𐴒𐴞𐴘𐴡𐴙𐴘𐴊𐴠 𐴀𐴝𐴓𐴡𐴔𐴞 𐴅𐴞𐴇𐴝𐴊𐴡𐴌 𐴃𐴡𐴅𐴌𐴟𐴁𐴝 𐴀𐴥𐴡𐴘𐴓𐴠 𐴀𐴥𐴡𐴑، 𐴀𐴠 𐴃𐴡𐴔𐴝𐴔𐴢 𐴃𐴡𐴅𐴌𐴟𐴁𐴝 𐴀𐴟𐴔𐴧𐴡𐴃𐴡𐴌𐴠 𐴀𐴠𐴑𐴧𐴝𐴕 𐴁𐴠𐴐𐴞 𐴊𐴝𐴔𐴞 𐴏𐴡𐴁𐴡𐴑 𐴊𐴞𐴘𐴠| 𐴘𐴦𐴝𐴕 𐴀𐴥𐴡𐴙𐴓𐴊𐴠 𐴇𐴡𐴑 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴡𐴑𐴧𐴡𐴓𐴡𐴌 𐴀𐴠𐴃𐴧𐴠𐴁𐴝 𐴔𐴧𐴝𐴎𐴠 𐴀𐴝𐴏𐴡𐴓𐴢 𐴑𐴝𐴔𐴞𐴘𐴝𐴁𐴞 𐴓𐴟𐴑𐴝𐴘𐴝 𐴀𐴝𐴏𐴠| 𐴘𐴝𐴇𐴝𐴃𐴡𐴑𐴧𐴠 𐴀𐴝𐴇𐴥𐴝𐴔𐴢 𐴅𐴞𐴇𐴝𐴊𐴞 𐴔𐴡𐴗𐴎𐴟𐴌 𐴈𐴡𐴕𐴡 𐴀𐴠𐴑𐴧𐴝𐴕 𐴔𐴡𐴏𐴡𐴓𐴝 𐴀𐴞𐴕𐴋𐴞𐴓𐴧𐴝 𐴕𐴥𐴝𐴘، 𐴎𐴞𐴘𐴝𐴕𐴡𐴌 𐴔𐴟𐴃𐴝𐴀𐴓𐴧𐴠𐴑 𐴅𐴞𐴇𐴝𐴊𐴞 𐴀𐴝𐴔𐴞𐴌 𐴀𐴡𐴑𐴧𐴡𐴓𐴠 𐴔𐴠𐴇𐴝𐴌𐴡𐴃𐴡𐴌 𐴏𐴝𐴣𐴀𐴃𐴠 𐴉𐴝𐴘𐴏𐴠𐴓𐴝 𐴕𐴡𐴊𐴠||

(𐴕𐴟𐴄: 𐴏𐴡𐴓𐴠𐴊𐴧𐴠 𐴎𐴡𐴁𐴝𐴕𐴝𐴃𐴢 𐴅𐴞𐴇𐴝𐴊𐴡𐴌 𐴕𐴝𐴔𐴓𐴡𐴘 𐴎𐴠 𐴁𐴡𐴌𐴡 𐴉𐴞𐴃𐴕𐴝 𐴉𐴡𐴙𐴊𐴝 𐴀𐴥𐴡𐴘𐴧𐴠 𐴎𐴝𐴌 𐴎𐴡𐴌𐴞𐴘𐴝 𐴀𐴟𐴔𐴧𐴡𐴃𐴡𐴌 𐴁𐴠𐴒𐴟𐴕𐴤𐴝 𐴀𐴝𐴌 𐴀𐴝𐴓𐴧𐴝𐴇𐴌 𐴀𐴝𐴖𐴓𐴞𐴘𐴝 𐴀𐴡𐴑𐴧𐴡𐴓𐴡𐴌𐴠 𐴉𐴡𐴙𐴅𐴧𐴡𐴕𐴃𐴡 𐴑𐴡𐴃𐴡𐴓𐴢 𐴒𐴡𐴙𐴅𐴧𐴠 𐴀𐴝𐴌 𐴀𐴟𐴔𐴧𐴡𐴃𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴡𐴌𐴠 𐴉𐴝𐴘𐴊𐴝 𐴊𐴞𐴘𐴧𐴠، 𐴃𐴝𐴌 𐴊𐴤𐴟𐴑𐴝𐴁𐴝𐴎𐴞𐴌 𐴁𐴝𐴁𐴡𐴃𐴠 𐴀𐴡𐴃𐴧𐴡𐴌 𐴖𐴡𐴌𐴠 𐴀𐴟𐴘𐴃𐴝𐴌𐴝 𐴁𐴟𐴎𐴞 𐴉𐴥𐴠𐴓𐴝𐴘𐴧𐴠 𐴎𐴝𐴌𐴝 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴠𐴊𐴠 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴑𐴝𐴘𐴠𐴊𐴢 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴕𐴞𐴎𐴡𐴌𐴠 𐴅𐴟𐴍𐴞 𐴌𐴝𐴙𐴑𐴧𐴠|𐴃𐴝𐴌 𐴀𐴟𐴓𐴊𐴝 𐴎𐴠𐴃𐴝𐴌𐴝 𐴀𐴡 𐴀𐴝𐴇𐴝𐴓𐴠 𐴉𐴡𐴎𐴡𐴓𐴢 𐴀𐴝𐴊𐴧𐴠 𐴀𐴝𐴒𐴠 𐴁𐴝𐴌𐴡𐴘𐴝 𐴀𐴡𐴑𐴧𐴡𐴓𐴡𐴃𐴧𐴞 𐴀𐴠𐴌𐴝𐴎 𐴒𐴡𐴙𐴅𐴧𐴠 𐴀𐴝𐴌 𐴃𐴝𐴌𐴝𐴌 𐴉𐴡𐴌𐴔𐴝𐴕 𐴀𐴝𐴊𐴧𐴠 𐴇𐴠𐴊𐴝𐴘𐴡𐴃𐴢 𐴀𐴡𐴑𐴧𐴡𐴓𐴡𐴌 𐴔𐴞𐴑𐴧𐴝 𐴔𐴟𐴀𐴃𐴝𐴅𐴡𐴌 𐴑𐴝𐴁𐴠𐴓𐴢 𐴕𐴡𐴀𐴁𐴟𐴎𐴠، 𐴃𐴝𐴌𐴝 𐴈𐴝𐴇𐴠𐴐𐴠 𐴕𐴡𐴉𐴏𐴡𐴌 𐴀𐴥𐴝𐴃𐴡𐴃𐴢 𐴔𐴡𐴒𐴓𐴟𐴁𐴢 𐴀𐴥𐴡𐴘 𐴒𐴞𐴘𐴡𐴘، 𐴀𐴝𐴌 𐴃𐴝𐴌𐴝𐴌 𐴀𐴝𐴑𐴏𐴡𐴌𐴠 𐴎𐴝𐴇𐴠𐴌 𐴁𐴝𐴇𐴠𐴌 𐴈𐴝𐴌𐴠𐴅𐴞 𐴊𐴝𐴀𐴞𐴐𐴢 𐴀𐴡𐴑𐴧𐴡𐴓𐴡𐴌 𐴇𐴝𐴃𐴝𐴌𐴡𐴃𐴢 𐴐𐴝𐴔𐴠𐴓𐴢 𐴀𐴥𐴡𐴘𐴁𐴝𐴌 𐴌𐴝𐴏𐴧𐴝 𐴀𐴠𐴈𐴃𐴠𐴘𐴝𐴌 𐴒𐴡𐴌𐴞 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴀𐴝𐴈𐴠𐴌𐴡𐴃𐴥𐴡 𐴕𐴞𐴎𐴡𐴌 𐴀𐴥𐴝𐴃𐴠 𐴁𐴡𐴌𐴁𐴝𐴊𐴢 𐴒𐴡𐴌𐴞 𐴊𐴞𐴘𐴧𐴠 𐴀𐴝𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌𐴥𐴡 𐴁𐴡𐴊𐴕𐴝𐴔𐴢 𐴒𐴡𐴙𐴅𐴧𐴠||)

𐴀𐴥𐴠𐴈𐴡𐴃𐴝𐴓𐴧𐴝 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴙𐴊𐴝𐴕𐴡𐴃𐴢 𐴀𐴝𐴣𐴀𐴌𐴝 𐴎𐴡𐴊𐴞 𐴀𐴠 𐴀𐴟𐴓𐴝𐴔𐴝𐴘𐴠 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴀𐴝𐴔𐴞𐴌 𐴀𐴡𐴑𐴧𐴧𐴡𐴓𐴡𐴌 𐴊𐴡𐴌𐴡𐴏𐴢 𐴒𐴞𐴕𐴡𐴃𐴧𐴞 𐴏𐴡𐴁𐴡𐴑 𐴇𐴝𐴏𐴠𐴓𐴢 𐴒𐴡𐴌𐴝𐴃𐴢 𐴃𐴝𐴑𐴞 𐴃𐴡𐴘𐴓𐴠 𐴀𐴠 𐴏𐴡𐴉𐴡𐴌 𐴁𐴦𐴡𐴗𐴃𐴢 𐴊𐴟𐴌𐴠 𐴉𐴡𐴙𐴅𐴧𐴡𐴕𐴃𐴡 𐴇𐴠𐴉𐴝𐴎𐴡𐴃𐴢 𐴃𐴝𐴑𐴞𐴁𐴡 𐴀𐴝𐴌 𐴀𐴝𐴏𐴥𐴝𐴌𐴡𐴌 𐴖𐴡𐴌𐴠 𐴀𐴝𐴏𐴥𐴝𐴌 𐴈𐴝𐴀 𐴕𐴡𐴉𐴡𐴌𐴞𐴁𐴡 𐴀𐴞𐴚𐴐𐴦𐴝 𐴀𐴝𐴓𐴧𐴝𐴇||

 

𐴊𐴝𐴖𐴡𐴃𐴡𐴌 𐴁𐴥𐴟𐴃𐴡𐴌𐴠 𐴒𐴟𐴓𐴟 𐴘𐴦𐴝𐴕𐴞 𐴁𐴝𐴌𐴝𐴁𐴝𐴌𐴞 𐴑𐴞𐴘𐴡𐴓𐴧𐴝 𐴀𐴡؟؟

𐴉𐴡𐴘𐴓𐴝 𐴏𐴡𐴁𐴡𐴁𐴢: 𐴔𐴟𐴈𐴝𐴃𐴡𐴁𐴡𐴌 𐴃𐴡𐴌𐴉𐴡𐴃𐴧𐴞 𐴁𐴠 𐴕𐴞𐴘𐴝𐴎 𐴀𐴝𐴊𐴧𐴠 𐴁𐴠 𐴂𐴡𐴌𐴖𐴝 𐴃𐴝𐴑𐴡𐴕

𐴀𐴦𐴡 𐴔𐴟𐴇𐴝𐴁𐴧𐴡𐴃𐴡𐴌 𐴁𐴝𐴤𐴘 𐴀𐴡𐴑𐴧𐴡𐴓𐴢! 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴔𐴧𐴝𐴎𐴠 𐴒𐴟𐴓𐴟 𐴀𐴝𐴊𐴧𐴠 𐴏𐴥𐴡𐴈𐴃𐴞 𐴉𐴡𐴙𐴊𐴝 𐴀𐴡𐴕𐴡𐴌 𐴁𐴡𐴗𐴃𐴢 𐴏𐴡𐴁𐴡𐴁𐴢 𐴀𐴡𐴑𐴧𐴡𐴓𐴢 𐴀𐴝𐴏𐴠| 𐴔𐴡𐴒𐴡𐴌 𐴀𐴝𐴏𐴡𐴓𐴢 𐴏𐴡𐴁𐴡𐴁𐴢 𐴀𐴡𐴓𐴊𐴠 𐴊𐴝𐴀𐴞𐴌 𐴉𐴞𐴑𐴞𐴌، 𐴀𐴝𐴊𐴧𐴠 𐴀𐴝𐴔𐴡𐴓𐴢-𐴀𐴝𐴈𐴓𐴝𐴑 𐴏𐴟𐴕𐴧𐴡𐴃𐴢 𐴔𐴟𐴃𐴝𐴁𐴠𐴑 𐴕𐴡 𐴀𐴡𐴕| 𐴁𐴟𐴃𐴡𐴙𐴅𐴧𐴝 𐴀𐴝𐴌𐴠𐴑𐴧𐴝 𐴏𐴡𐴁𐴡𐴁𐴢 𐴀𐴥𐴡𐴙𐴓𐴊𐴠 𐴔𐴟𐴈𐴝𐴃𐴡𐴁𐴡𐴌 𐴃𐴡𐴌𐴉𐴡𐴃𐴧𐴞 𐴀𐴠𐴌𐴝𐴎 𐴀𐴝𐴊𐴧𐴠 𐴁𐴠 𐴉𐴡𐴌𐴁𐴝 𐴃𐴝𐴑𐴡𐴕| 𐴈𐴡𐴕𐴞𐴑𐴧𐴝 𐴎𐴡𐴊𐴞 𐴊𐴟𐴕𐴞𐴘𐴝𐴁𐴞 𐴔𐴡𐴏𐴡𐴓𐴝 𐴓𐴡𐴘 𐴀𐴝𐴓𐴧𐴝𐴇𐴌 𐴖𐴝𐴏𐴃𐴠 𐴔𐴝𐴙𐴕𐴐𐴥𐴡𐴃𐴧𐴞 𐴁𐴠𐴕𐴠𐴘𐴝𐴎𐴞 𐴀𐴠𐴈𐴃𐴞𐴘𐴝𐴌 𐴒𐴡𐴌𐴠𐴊𐴠 𐴀𐴥𐴡𐴘𐴓𐴠 𐴘𐴦𐴝𐴕𐴃𐴡 𐴀𐴠𐴑𐴧𐴝𐴕 𐴁𐴤𐴝𐴓𐴝 𐴏𐴞𐴉𐴡𐴃𐴢| 𐴑𐴞𐴕𐴃𐴟 𐴘𐴦𐴝𐴕𐴡𐴌 𐴎𐴝𐴒𐴝 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕 𐴕𐴡𐴀||

𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴃𐴢 𐴔𐴟𐴈𐴝𐴃𐴡𐴁𐴢 𐴀𐴡𐴑𐴧𐴡𐴓𐴡𐴃𐴧𐴞 𐴁𐴠𐴕𐴞𐴘𐴝𐴎 𐴀𐴝𐴌 𐴀𐴠𐴌𐴝𐴎 𐴀𐴡𐴀𐴕 𐴕𐴡𐴏𐴝𐴀| 𐴁𐴤𐴡𐴓𐴑𐴠 𐴀𐴟𐴔𐴧𐴡𐴃𐴡𐴓𐴧𐴝 𐴁𐴤𐴝𐴓𐴝𐴘𐴞 𐴀𐴝𐴊𐴧𐴠 𐴇𐴝𐴔𐴊𐴡𐴌𐴊𐴞 𐴃𐴥𐴝𐴑𐴡𐴕 𐴏𐴝𐴀| 𐴊𐴝𐴀𐴞𐴌 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴀𐴝𐴈𐴠𐴌𐴡𐴃𐴡𐴌 𐴑𐴝𐴔𐴞𐴘𐴝𐴁𐴞𐴓𐴧𐴝 𐴐𐴡𐴌𐴃𐴡 𐴀𐴥𐴡𐴙𐴓𐴊𐴠 𐴇𐴥𐴞𐴁𐴝 𐴕𐴞𐴎𐴡𐴓𐴧𐴝 𐴎𐴞𐴘𐴝𐴕 𐴉𐴡𐴏𐴡𐴕 𐴒𐴡𐴌𐴠 𐴀𐴝𐴌𐴠𐴑 𐴎𐴡𐴕𐴡𐴓𐴧𐴝𐴘𐴥𐴡 𐴘𐴦𐴝𐴕 𐴉𐴡𐴏𐴡𐴕 𐴒𐴡𐴌𐴞𐴁𐴡|

𐴀𐴠𐴑𐴎𐴡𐴕 𐴊𐴝𐴀𐴞 𐴎𐴡𐴈𐴡𐴕 𐴊𐴡𐴌𐴡𐴊𐴢 𐴀𐴦𐴡𐴓𐴝 𐴀𐴥𐴡𐴀, 𐴔𐴝𐴕𐴟𐴥𐴙𐴐𐴢 𐴇𐴥𐴞𐴁𐴝𐴌 𐴊𐴝𐴖𐴡𐴃𐴡𐴌 𐴖𐴡𐴌𐴠 𐴓𐴡𐴁𐴧𐴝𐴘𐴑 𐴈𐴦𐴡𐴕𐴡𐴌 𐴔𐴞𐴑𐴧𐴝 𐴑𐴟𐴐𐴞𐴐𐴢 𐴒𐴡𐴌𐴞|𐴀𐴥𐴠𐴈𐴡𐴃𐴝𐴓𐴧𐴝 𐴕𐴞𐴎𐴡𐴌 𐴊𐴝𐴖𐴡𐴃𐴡𐴌𐴠 𐴉𐴝𐴘𐴊𐴝𐴁𐴡𐴕 𐴀𐴝𐴌 𐴁𐴤𐴝𐴓𐴝 𐴇𐴥𐴞𐴏𐴝𐴉𐴠 𐴉𐴠𐴙𐴐𐴢 𐴒𐴡𐴌𐴝𐴌 𐴉𐴞𐴑𐴞𐴌 𐴒𐴡𐴌𐴠| 𐴇𐴥𐴞𐴁𐴝𐴌 𐴔𐴠𐴏𐴝𐴓𐴢 𐴀𐴡 𐴋𐴝𐴄𐴧𐴡𐴌𐴡𐴌 𐴋𐴦𐴡𐴙𐴓𐴧𐴝 𐴕𐴡𐴀، 𐴎𐴝𐴌𐴝 𐴏𐴌𐴞𐴉𐴢 𐴁𐴠𐴙𐴌𐴝𐴔𐴢 𐴊𐴡𐴌𐴡𐴕 𐴀𐴝𐴊𐴧𐴠 𐴀𐴠𐴓𐴝𐴅 𐴒𐴡𐴌𐴡𐴕𐴡𐴌 𐴀𐴠𐴓𐴝𐴕 𐴊𐴞𐴘𐴡𐴌𐴠 𐴏𐴡𐴓𐴞 𐴎𐴝𐴒𐴡𐴘| 𐴁𐴤𐴡𐴓𐴑𐴠 𐴇𐴥𐴞𐴁𐴝 𐴀𐴡 𐴋𐴝𐴄𐴧𐴡𐴌𐴡𐴌 𐴋𐴦𐴡𐴙𐴓𐴧𐴝، 𐴎𐴞𐴁𐴝 𐴊𐴞𐴓𐴠-𐴅𐴝𐴕𐴠 𐴁𐴠𐴌𐴝𐴙𐴔𐴧𐴝𐴌𐴠 𐴀𐴠𐴓𐴝𐴅 𐴒𐴡𐴌𐴠| 𐴁𐴠𐴙𐴌𐴝𐴙𐴔𐴧𐴝𐴌 𐴈𐴠𐴊𐴔𐴡𐴃𐴢 𐴒𐴡𐴌𐴠، 𐴃𐴝𐴓𐴧𐴝 𐴏𐴞𐴕𐴃𐴝 𐴒𐴡𐴌𐴠| 𐴁𐴠𐴌𐴝𐴙𐴔𐴧𐴝 𐴉𐴡𐴃𐴧𐴞 𐴁𐴝𐴌 “𐴀𐴝𐴇” 𐴈𐴡𐴘𐴁𐴝𐴌 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴃𐴝𐴌 𐴊𐴞𐴓𐴢 𐴉𐴥𐴝𐴍𐴞 𐴎𐴝𐴒𐴡𐴘| 𐴓𐴦𐴝𐴏𐴢 𐴉𐴡𐴙𐴅𐴧𐴡𐴕𐴃𐴡 𐴁𐴠𐴙𐴌𐴝𐴙𐴔𐴧𐴝𐴌𐴠 𐴁𐴝𐴏𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴠||

𐴒𐴟𐴓𐴟 𐴔𐴧𐴝𐴎𐴠 𐴔𐴟𐴁𐴃𐴠𐴓𐴝 𐴔𐴝𐴕𐴟𐴙𐴐𐴢 𐴀𐴡𐴑𐴧𐴡𐴓𐴢 𐴕𐴞𐴎𐴡𐴌 𐴊𐴝𐴖𐴡𐴃𐴡𐴌𐴠 𐴈𐴡𐴕𐴞𐴑𐴧𐴝 𐴑𐴡𐴁𐴟𐴓𐴢 𐴒𐴡𐴙𐴅𐴧𐴠 𐴕𐴝𐴑𐴞 𐴕𐴡 𐴒𐴡𐴌𐴠 𐴘𐴝𐴦𐴕𐴡𐴌 𐴈𐴡𐴕𐴡 𐴂𐴡𐴌𐴁𐴝 𐴕𐴡 𐴒𐴡𐴌𐴠| 𐴇𐴥𐴞𐴃𐴠 𐴇𐴝𐴌 𐴇𐴝𐴓𐴡𐴃𐴡𐴃𐴢 𐴕𐴞𐴎𐴡𐴌𐴠 𐴇𐴡𐴑 𐴁𐴟𐴎𐴠| 𐴕𐴞𐴎𐴡𐴌𐴠 𐴇𐴡𐴑𐴡𐴌 𐴖𐴡𐴌𐴠 𐴑𐴝𐴘𐴠𐴔𐴢 𐴀𐴝𐴏𐴠 𐴁𐴡𐴓𐴞 𐴒𐴟𐴔𐴝𐴕 𐴒𐴡𐴌𐴠، 𐴊𐴞𐴓𐴡𐴌 𐴇𐴝𐴓𐴡𐴃𐴢 𐴀𐴝𐴊𐴧𐴠 𐴕𐴞𐴘𐴡𐴃𐴡𐴌 𐴃𐴝𐴓𐴝𐴐𐴢 𐴒𐴡𐴌𐴞 𐴕𐴡𐴏𐴝𐴀| 𐴊𐴝𐴖𐴡𐴃𐴡𐴌 𐴇𐴡𐴑 𐴀𐴝𐴊𐴝𐴘 𐴒𐴡𐴙𐴅𐴧𐴠 𐴕𐴝𐴑𐴞 𐴕𐴡𐴀𐴒𐴡𐴌𐴠؟ 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴕𐴞𐴎𐴡𐴌 𐴈𐴡𐴃𐴝 𐴀𐴝𐴊𐴧𐴠 𐴈𐴝𐴔𐴡𐴃𐴢 𐴈𐴡𐴕𐴥𐴡 𐴒𐴡𐴓𐴃𐴞 𐴀𐴥𐴡𐴕𐴧𐴠 𐴈𐴡𐴕𐴡؟ 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴟𐴕𐴧𐴡𐴃𐴡𐴌 𐴈𐴠𐴓𐴝𐴉𐴢 𐴀𐴥𐴡𐴕𐴧𐴠 𐴈𐴡𐴕𐴡؟ 𐴊𐴝𐴖𐴡𐴃𐴡𐴌 𐴁𐴟𐴕𐴞𐴘𐴝𐴊𐴢 𐴅𐴞𐴇𐴝𐴓𐴡𐴃𐴢 𐴀𐴝𐴊𐴧𐴠 𐴀𐴡𐴎𐴝𐴕𐴝𐴌 𐴖𐴡𐴌𐴠 𐴀𐴡𐴕𐴧𐴠 𐴈𐴡𐴕𐴥𐴡؟ 𐴈𐴡𐴃𐴝 𐴈𐴡𐴀𐴕𐴡𐴌 𐴃𐴡𐴌𐴞𐴑𐴝𐴃𐴢 𐴎𐴞𐴘𐴝𐴊𐴡𐴃𐴞 𐴀𐴡𐴕𐴧𐴠 𐴈𐴡𐴕𐴥𐴡؟ 𐴀𐴠 𐴃𐴝𐴔𐴝𐴦𐴔𐴢 𐴈𐴡𐴃𐴝 𐴒𐴞𐴕𐴡𐴃𐴧𐴞 𐴁𐴠𐴉𐴡𐴌𐴁𐴝 𐴀𐴝𐴌 𐴕𐴞𐴎𐴡𐴌𐴠 𐴀𐴝𐴉𐴎𐴡𐴓𐴢 𐴒𐴟𐴔𐴝𐴕 𐴒𐴡𐴌𐴞 𐴔𐴟𐴈𐴝𐴃𐴡𐴁𐴡𐴌𐴠 𐴇𐴡𐴑𐴡𐴌 𐴊𐴝𐴖𐴡𐴃𐴢 𐴉𐴠𐴙𐴐𐴢 𐴒𐴡𐴌𐴡𐴕| 𐴀𐴞𐴕𐴋𐴞𐴓𐴧𐴝 𐴈𐴞𐴘𐴝𐴓𐴢 𐴀𐴠𐴒𐴞𐴕𐴠 𐴉𐴡𐴈𐴡𐴌 𐴀𐴝𐴊𐴧𐴠 𐴃𐴟𐴑𐴝𐴁𐴧𐴡𐴌𐴞 𐴓𐴡𐴘 𐴁𐴡𐴊𐴡𐴓𐴞 𐴊𐴠𐴀| 𐴀𐴝𐴌 𐴏𐴡𐴈𐴃𐴡 𐴌𐴡𐴐𐴢-𐴈𐴡𐴐𐴢 𐴏𐴥𐴝𐴌𐴝 𐴕𐴞𐴎𐴡𐴌 𐴊𐴝𐴖𐴡𐴃𐴡𐴌 𐴀𐴠𐴓𐴝𐴕 𐴒𐴡𐴌𐴠||

𐴑𐴟𐴌𐴝𐴕 𐴇𐴝𐴊𐴞𐴏𐴢 𐴔𐴡𐴃𐴝𐴁𐴠𐴑 𐴊𐴝𐴀𐴞𐴌 𐴎𐴠 𐴃𐴡𐴁𐴞𐴘𐴡𐴃𐴢 𐴃𐴝𐴀𐴛 𐴀𐴥𐴠𐴒𐴞𐴕𐴡𐴌 𐴁𐴞𐴓𐴑𐴟𐴓𐴢 𐴀𐴟𐴓𐴊𐴝| 𐴀𐴝𐴕𐴁𐴞𐴘𐴝 𐴑𐴠𐴌𐴝𐴔𐴢 𐴀𐴦𐴡𐴓𐴡𐴌 𐴀𐴠𐴑 𐴀𐴠𐴑 𐴉𐴡𐴌𐴊𐴡𐴌𐴠 𐴁𐴝𐴏𐴝𐴘𐴁𐴡𐴓𐴧𐴝 𐴉𐴞𐴑𐴞𐴌 𐴃𐴝𐴑𐴞𐴃𐴡| 𐴀𐴠 𐴔𐴡𐴏𐴧𐴟𐴊𐴡𐴌 𐴈𐴝𐴃𐴠𐴌𐴠 𐴃𐴝𐴌𐴝 𐴌𐴝𐴙𐴃𐴢-𐴊𐴞𐴕 𐴀𐴠𐴑 𐴒𐴡𐴌𐴞 𐴉𐴥𐴠𐴓𐴝𐴘𐴃𐴡| 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴌𐴠 𐴇𐴠𐴊𐴝𐴘𐴡𐴃𐴡𐴌 𐴌𐴝𐴏𐴧𐴝𐴌 𐴖𐴡𐴌𐴠 𐴀𐴝𐴕𐴞𐴁𐴡𐴓𐴧𐴝 𐴃𐴝𐴌𐴝 𐴁𐴠𐴒𐴧𐴞𐴕𐴡𐴃𐴧𐴞 𐴁𐴠𐴐𐴞 𐴊𐴟𐴑𐴤 𐴁𐴡𐴙𐴊𐴧𐴝𐴐𐴢 𐴒𐴡𐴙𐴅𐴧𐴠| 𐴃𐴝𐴌𐴝 𐴌𐴝𐴙𐴃𐴡𐴃𐴢 𐴀𐴟𐴍𐴞 𐴀𐴟𐴍𐴞 𐴑𐴡𐴗𐴔𐴡𐴓𐴧𐴝 𐴇𐴠𐴊𐴝𐴘𐴡𐴃𐴢 𐴔𐴝𐴚𐴒𐴞𐴃𐴡| 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴀𐴠 𐴉𐴞𐴑𐴞𐴌𐴡𐴃𐴢 𐴀𐴠𐴃𐴡 𐴁𐴠𐴐𐴞 𐴉𐴠𐴌𐴠𐴐𐴝𐴕𐴞𐴃𐴢 𐴃𐴝𐴑𐴞𐴃𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴕𐴞𐴎𐴠 𐴇𐴥𐴝𐴣𐴃𐴢 𐴀𐴝𐴏𐴧𐴝𐴕𐴡𐴃𐴧𐴞 𐴃𐴝𐴌 𐴒𐴡𐴁𐴤𐴝 𐴊𐴞𐴀𐴌-

فَلَعَلَّكَ بَاخِعٌ نَّفْسَكَ عَلَىٰ آثَارِهِمْ إِن لَّمْ يُؤْمِنُوا بِهَٰذَا الْحَدِيثِ أَسَفًا

𐴘𐴦𐴝𐴕𐴞: 𐴀𐴦𐴡 𐴕𐴡𐴁𐴞 (𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢) 𐴎𐴡𐴊𐴞 𐴃𐴝𐴌𐴝(𐴑𐴝𐴉𐴠𐴌) 𐴀𐴠 𐴈𐴡𐴃𐴝 𐴒𐴞𐴕𐴡𐴌 𐴖𐴡𐴌𐴠 𐴀𐴞𐴔𐴝𐴕 𐴕𐴡𐴀𐴝𐴕𐴠 𐴃𐴡𐴘𐴓𐴠 𐴀𐴥𐴡𐴘𐴃𐴉𐴝𐴌𐴠 𐴀𐴦𐴡𐴕𐴠 𐴃𐴝𐴌𐴝𐴌 𐴂𐴠𐴌𐴠𐴐𐴝𐴕𐴞𐴌 𐴖𐴡𐴌𐴠 𐴕𐴞𐴎𐴡𐴌𐴠 𐴇𐴝𐴓𐴝𐴑 𐴒𐴡𐴌𐴞𐴊𐴞𐴁𐴝| {𐴏𐴟𐴌𐴝 𐴑𐴝𐴇𐴝𐴉𐴢 𐴱𐴸،𐴶}

𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴠 𐴊𐴡𐴌𐴡𐴊𐴡𐴌 𐴔𐴞𐴑𐴧𐴝 𐴀𐴠𐴑𐴧𐴝𐴕𐴝 𐴕𐴡𐴎𐴡𐴌 𐴒𐴡𐴌𐴡, 𐴔𐴟𐴏𐴃𐴡𐴑𐴞𐴓𐴢 𐴓𐴝𐴌𐴥𐴝𐴘𐴌 𐴔𐴡𐴙𐴊𐴝𐴕𐴡𐴃𐴢، 𐴘𐴟𐴇𐴟𐴊𐴞 𐴀𐴦𐴡𐴓𐴡𐴌 𐴋𐴦𐴡𐴙𐴓𐴧𐴝 𐴏𐴡𐴈𐴃𐴡 𐴊𐴟𐴐𐴧𐴡𐴕𐴡𐴌 𐴈𐴠𐴓𐴝𐴉𐴢 𐴇𐴡𐴎𐴡𐴌𐴡𐴃𐴢 𐴀𐴝𐴓𐴞 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴌𐴠 𐴌𐴡𐴗𐴝𐴕𐴝 𐴒𐴡𐴌𐴠𐴌 𐴇𐴥𐴠 𐴀𐴡𐴃𐴧𐴡 𐴔𐴧𐴝𐴎𐴠𐴘𐴡 𐴕𐴡𐴏𐴞𐴘𐴡𐴃𐴢 𐴒𐴡𐴌𐴠𐴌𐴊𐴠-

لان يهدي الله بك رجلا خير لك من ان يكون لك حمر النعم

𐴘𐴦𐴝𐴕𐴞: 𐴀𐴝𐴓𐴧𐴝𐴇 𐴃𐴝𐴀𐴓𐴝𐴘𐴠 𐴎𐴡𐴊𐴞 𐴃𐴟𐴣𐴖𐴝𐴣𐴀𐴌 𐴎𐴡𐴌𐴞𐴘𐴝 𐴀𐴠𐴑𐴎𐴡𐴕 𐴔𐴝𐴕𐴐𐴥𐴡𐴌𐴠 𐴇𐴠𐴊𐴝𐴘𐴡𐴃𐴢 𐴊𐴠𐴀 𐴘𐴦𐴝𐴕 𐴃𐴟𐴖𐴝𐴣𐴀𐴓𐴧𐴝 𐴁𐴡𐴓𐴞 𐴓𐴝𐴓𐴢-𐴀𐴟𐴣𐴄𐴡𐴃𐴧𐴞 𐴁𐴥𐴝𐴌𐴡 𐴁𐴞𐴐𐴞 𐴀𐴝𐴉𐴎𐴡𐴓𐴢||

 

𐴊𐴟𐴏𐴡𐴌𐴝 𐴏𐴡𐴁𐴡𐴁𐴢: 𐴈𐴡𐴔𐴢 𐴁𐴟𐴎𐴝 𐴀𐴝𐴊𐴧𐴠 𐴕𐴟𐴏𐴌𐴡𐴃𐴡𐴌 𐴒𐴡𐴓𐴡𐴃𐴢 𐴔𐴦𐴝𐴕𐴞 𐴔𐴟𐴌𐴝𐴊𐴢 𐴓𐴦𐴡𐴀𐴕

𐴊𐴝𐴖𐴡𐴃𐴡𐴃𐴢 𐴀𐴟𐴏𐴓𐴟𐴁𐴡𐴃𐴢 𐴒𐴟𐴓𐴟 𐴀𐴝𐴘𐴧𐴡𐴕𐴡𐴌 𐴊𐴟𐴏𐴡𐴌𐴝 𐴏𐴡𐴁𐴡𐴁𐴢 𐴀𐴥𐴡𐴙𐴓𐴊𐴠 𐴈𐴡𐴔𐴢 𐴁𐴟𐴎𐴡𐴕| 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴐𐴡𐴌𐴘𐴞 𐴀𐴝𐴊𐴧𐴠 𐴃𐴡𐴑𐴗𐴞𐴕𐴞 𐴀𐴟𐴏𐴟𐴓𐴡𐴌 𐴔𐴟𐴃𐴝𐴀𐴓𐴧𐴠𐴑 𐴎𐴝𐴌 𐴀𐴠𐴓𐴡𐴔𐴢 𐴀𐴝𐴏𐴠 𐴇𐴥𐴞𐴁𐴝 𐴎𐴝𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴡𐴌 𐴑𐴝𐴔𐴞𐴘𐴝𐴁𐴞𐴓𐴧𐴝 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴁𐴝𐴦𐴊𐴠 𐴕𐴞𐴎𐴡𐴌𐴠 𐴔𐴟𐴏𐴡𐴓𐴔𐴝𐴕 𐴀𐴝𐴖𐴝𐴔𐴡𐴌 𐴕𐴟𐴏𐴌𐴡𐴃𐴢 𐴀𐴝𐴊𐴧𐴠 𐴃𐴝𐴘𐴞𐴊𐴡𐴌 𐴔𐴟𐴇𐴃𐴝𐴅 𐴁𐴟𐴎𐴝 𐴉𐴡𐴌𐴞𐴁𐴡| 𐴇𐴥𐴞𐴁𐴝 𐴎𐴝𐴕𐴠𐴊𐴠 𐴔𐴟𐴔𐴠𐴕 𐴀𐴡𐴑𐴧𐴡𐴓𐴡𐴌 𐴃𐴝𐴘𐴞𐴊𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴕𐴟𐴏𐴌𐴡𐴃𐴡𐴌 𐴀𐴠𐴑𐴧𐴝𐴕 𐴏𐴟𐴌𐴡𐴃𐴢||

𐴎𐴞𐴕𐴧𐴠𐴑𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴠𐴌𐴐𐴝𐴊 𐴉𐴡𐴌𐴔𐴝𐴌-

هُوَ الَّذِي أَيَّدَكَ بِنَصْرِهِ وَبِالْمُؤْمِنِينَ
𐴘𐴦𐴝𐴕𐴞: 𐴇𐴥𐴞𐴁𐴝 𐴀𐴥𐴡𐴙𐴓𐴊𐴠 𐴀𐴡 𐴎𐴝𐴃𐴢 𐴎𐴞𐴁𐴝𐴘𐴠 𐴃𐴟𐴣𐴖𐴝𐴣𐴀𐴌𐴠 𐴕𐴞𐴎𐴡𐴌 𐴔𐴡𐴊𐴡𐴊𐴢 𐴀𐴝𐴊𐴧𐴠 𐴔𐴟𐴔𐴠𐴕 𐴀𐴡𐴑𐴧𐴡𐴓𐴡𐴌 (𐴅𐴡𐴔𐴝𐴃𐴡𐴌) 𐴎𐴡𐴌𐴞𐴘𐴝 𐴔𐴡𐴎𐴁𐴟𐴃𐴢 𐴒𐴡𐴌𐴞 𐴊𐴞𐴘𐴧𐴠| (𐴏𐴟𐴌𐴝 𐴀𐴝𐴓𐴢-𐴀𐴝𐴕𐴉𐴝𐴓𐴢 𐴸:𐴶𐴲 )

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴥𐴞𐴁𐴝𐴘𐴠 𐴀𐴥𐴠 𐴃𐴝𐴘𐴞𐴊𐴡𐴌𐴠 𐴇𐴝𐴏𐴠𐴓𐴝 𐴒𐴡𐴌𐴞𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴠| 𐴘𐴦𐴝𐴕𐴟𐴓𐴧𐴝 𐴊𐴝𐴖𐴡𐴃𐴡𐴌 𐴐𐴟𐴌𐴟𐴔𐴧𐴝𐴎𐴠 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴎𐴠𐴃𐴧𐴡𐴃𐴢 𐴔𐴡𐴑𐴧𐴝𐴌 𐴔𐴠𐴓𐴝𐴔𐴧𐴝𐴎𐴠 𐴀𐴝𐴌𐴡𐴁𐴡𐴌 𐴑𐴡𐴁𐴝𐴘𐴠𐴓𐴢 𐴀𐴡𐴑𐴧𐴡𐴓𐴡𐴌𐴠 𐴊𐴝𐴖𐴡𐴃𐴢 𐴉𐴠𐴙𐴐𐴢 𐴒𐴡𐴙𐴃𐴧𐴡، 𐴃𐴡𐴈𐴡𐴕 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴘𐴦𐴝𐴕𐴥𐴡 𐴊𐴡𐴌𐴈𐴝𐴏𐴢 𐴒𐴡𐴙𐴃𐴧𐴡-

من يؤويني من ينصرني

𐴘𐴦𐴝𐴕𐴞: 𐴀𐴝𐴣𐴀𐴌𐴠 𐴈𐴡𐴕𐴠 𐴉𐴝𐴕𐴤𐴝 𐴊𐴞𐴁𐴡؟ 𐴀𐴝𐴣𐴀𐴌𐴠 𐴈𐴡𐴕𐴠 𐴔𐴡𐴊𐴡𐴊𐴢 𐴒𐴡𐴌𐴞𐴁𐴡؟

𐴃𐴡𐴘 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕𐴡𐴌𐴠 𐴕𐴞𐴎𐴡𐴌 𐴔𐴡𐴊𐴡𐴃𐴢 𐴀𐴝𐴊𐴧𐴠 𐴃𐴝𐴘𐴞𐴊𐴢 𐴒𐴡𐴌𐴡𐴘𐴝 𐴁𐴝𐴕𐴡𐴕 𐴐𐴡𐴌𐴀𐴞 𐴀𐴝𐴌 𐴀𐴝𐴑𐴡𐴓𐴞 𐴃𐴡𐴑𐴝𐴎𐴝𐴘𐴥𐴡| 𐴐𐴡𐴌𐴞𐴘𐴡𐴃𐴡𐴌 𐴐𐴞𐴔𐴝𐴌 𐴁𐴥𐴟𐴃𐴡𐴌𐴠 𐴃𐴥𐴝𐴑𐴞 𐴔𐴟𐴏𐴡𐴓𐴔𐴝𐴕 𐴀𐴝𐴖𐴝𐴔𐴢 𐴀𐴡𐴑𐴧𐴡𐴓𐴡𐴌𐴠 𐴕𐴞𐴎𐴡𐴌 𐴅𐴞𐴇𐴝𐴊𐴞 𐴑𐴝𐴉𐴠𐴓𐴝𐴌 𐴇𐴥𐴞𐴏𐴧𐴝 𐴁𐴝𐴕𐴝𐴘𐴁𐴡𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕 𐴖𐴝𐴅𐴞𐴁𐴢 𐴑𐴠𐴌𐴝𐴌 𐴊𐴞𐴘𐴝 𐴒𐴞𐴘𐴧𐴠| 𐴔𐴡𐴒𐴡𐴌 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴃𐴢 𐴏𐴥𐴡𐴈𐴃𐴞 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴔𐴞𐴑𐴧𐴝 𐴀𐴠𐴑𐴧𐴠𐴕𐴝 𐴕𐴡𐴎𐴡𐴌 𐴒𐴡𐴌𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴀𐴠𐴑𐴠𐴓𐴝، 𐴈𐴡𐴘𐴠𐴑 𐴋𐴡𐴎𐴡𐴕 𐴘𐴥𐴝 𐴈𐴡𐴘𐴠𐴑 𐴐𐴥𐴡𐴃𐴢 𐴀𐴝𐴉𐴌𐴝𐴊𐴠 𐴕𐴞𐴎𐴠-𐴁𐴝𐴎𐴠 𐴉𐴟𐴌𐴝 𐴊𐴟𐴕𐴞𐴘𐴝𐴌 𐴔𐴟𐴏𐴡𐴓𐴔𐴝𐴕𐴡𐴌𐴠 𐴕𐴞𐴎𐴡𐴌 𐴔𐴟𐴈𐴝𐴓𐴠𐴉𐴞 𐴁𐴝𐴕𐴝𐴘 𐴓𐴡𐴀 𐴀𐴝𐴁𐴝𐴌 𐴉𐴟𐴌𐴝 𐴊𐴟𐴕𐴞𐴘𐴝𐴌 𐴖𐴡𐴌𐴠 𐴒𐴝𐴓𐴠𐴁𐴢 𐴀𐴦𐴡𐴕𐴡𐴌 𐴈𐴟𐴖𐴝𐴉𐴥𐴡 𐴊𐴠𐴙𐴈𐴠||

𐴃𐴝𐴌𐴝 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴝 𐴀𐴝𐴊𐴧𐴠 𐴕𐴠𐴎𐴝𐴔𐴠 𐴐𐴡𐴌𐴀𐴞𐴘𐴝𐴤 𐴑𐴝𐴘𐴠𐴔𐴢 𐴒𐴡𐴌𐴝𐴌 𐴋𐴦𐴡𐴘𐴓𐴧𐴝 𐴁𐴡𐴌𐴡 𐴁𐴡𐴌𐴡 𐴊𐴝𐴁𐴞 𐴀𐴡𐴑𐴧𐴡𐴓𐴢 𐴒𐴡𐴌𐴠 𐴑𐴞𐴕𐴃𐴟 𐴀𐴠𐴈𐴝𐴔𐴡𐴓𐴧𐴝 𐴉𐴝𐴁𐴓𐴞𐴑 𐴀𐴝𐴊𐴧𐴠 𐴀𐴦𐴝𐴔𐴢 𐴊𐴞𐴕𐴊𐴝𐴌 𐴀𐴦𐴡𐴓𐴡𐴌𐴠 𐴕𐴞𐴎𐴡𐴌 𐴏𐴝𐴣𐴀𐴃𐴠 𐴐𐴡𐴌𐴞𐴑 𐴒𐴡𐴌𐴞𐴁𐴝𐴌 𐴈𐴡𐴕𐴥𐴡 𐴒𐴤𐴠𐴌𐴝𐴘𐴞 𐴑𐴟𐴐𐴞𐴐𐴥𐴡 𐴕𐴡𐴒𐴡𐴌𐴠| 𐴇𐴝𐴑𐴞𐴑𐴡𐴃𐴢 𐴀𐴥𐴡𐴘𐴓𐴊𐴠 𐴀𐴦𐴝𐴖𐴝𐴔𐴡𐴌𐴠 𐴐𐴡𐴌𐴞𐴑 𐴒𐴡𐴌𐴡𐴕 𐴏𐴥𐴝𐴌𐴝 𐴕𐴠𐴎𐴝𐴔𐴠 𐴑𐴟𐴉𐴡𐴌 𐴈𐴡𐴃𐴡𐴔𐴢 𐴒𐴡𐴌𐴝 𐴀𐴝𐴊𐴧𐴠 𐴕𐴠𐴎𐴝𐴔𐴠 𐴐𐴡𐴌𐴀𐴞 𐴑𐴝𐴘𐴠𐴔𐴢 𐴒𐴡𐴌𐴡𐴕𐴃𐴡 𐴁𐴦𐴡𐴗𐴃𐴢 𐴊𐴟𐴌𐴠 𐴕𐴞𐴎𐴡𐴌 𐴃𐴝𐴇𐴌𐴞𐴑𐴡𐴌𐴠 𐴉𐴡𐴙𐴅𐴧𐴡𐴕𐴃𐴡 𐴁𐴠𐴐𐴞 𐴊𐴞𐴌𐴞𐴉𐴝𐴕 𐴅𐴝𐴌𐴞 𐴌𐴝𐴑𐴞 𐴕𐴡𐴉𐴝𐴌𐴞𐴁𐴡||

𐴐𐴝𐴘𐴈𐴢 𐴀𐴝𐴘𐴔𐴝𐴕 𐴀𐴝𐴎-𐴎𐴡𐴖𐴝𐴇𐴠𐴌𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴇 (𐴀𐴠𐴈𐴡𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇) 𐴘𐴠 𐴐𐴝𐴘𐴈𐴢 𐴀𐴝𐴁𐴟 𐴔𐴟𐴏𐴀𐴝𐴁𐴢 𐴀𐴝𐴎𐴧𐴡𐴌𐴑𐴝𐴖𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴌 𐴈𐴝𐴣𐴀𐴏𐴠 𐴃𐴡𐴈𐴡𐴕 𐴀𐴠𐴑𐴧𐴝𐴕 𐴐𐴠𐴣𐴍𐴞 𐴓𐴠𐴙𐴑𐴧𐴠 𐴎𐴡𐴈𐴡𐴕 𐴃𐴝𐴀𐴛 𐴀𐴝𐴔𐴠𐴌𐴞𐴑𐴝𐴌𐴠 𐴀𐴞𐴌𐴝𐴑𐴡𐴃𐴢 𐴃𐴝𐴑𐴡𐴕𐴧𐴝𐴕 𐴕𐴝𐴔𐴟𐴔𐴑𐴠𐴕 𐴁𐴝𐴕𐴝𐴘 𐴊𐴞𐴘𐴠|𐴀𐴝𐴈𐴠𐴌𐴑𐴝𐴌 𐴀𐴝𐴔𐴠𐴌𐴞𐴑𐴝 𐴀𐴞𐴌𐴝𐴑𐴡𐴃𐴧𐴞 𐴊𐴥𐴝𐴘𐴁𐴡𐴓𐴧𐴝 𐴃𐴡𐴘𐴝𐴌𐴞 𐴓𐴡𐴌| 𐴎𐴞𐴘𐴝𐴕𐴡𐴃𐴢 𐴐𐴝𐴘𐴈𐴢 𐴀𐴝𐴘𐴔𐴡𐴕 𐴀𐴝𐴎𐴧𐴡𐴖𐴝𐴇𐴞𐴌𐴞 𐴇𐴝𐴉𐴞𐴎𐴡𐴇𐴟𐴓𐴧𐴝𐴇 (𐴀𐴠𐴈𐴡𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇)𐴈𐴡𐴘𐴠𐴊𐴠-

𐴎𐴠𐴃𐴧𐴡𐴃𐴢 𐴀𐴝𐴣𐴀𐴌𐴝 𐴀𐴠 𐴊𐴟𐴘 𐴇𐴝𐴊𐴡𐴉𐴡𐴌 𐴔𐴞𐴑𐴧𐴝 𐴕𐴡𐴎𐴡𐴌 𐴒𐴡𐴌𐴞, 𐴘𐴦𐴝𐴕𐴞 𐴀𐴝𐴔𐴠𐴌𐴞𐴑𐴝𐴌𐴠 𐴀𐴞𐴌𐴝𐴑𐴡𐴃𐴧𐴞 𐴕𐴠𐴙𐴓𐴝𐴘 𐴊𐴡𐴀𐴕 𐴀𐴝𐴊𐴧𐴠 𐴀𐴠𐴍𐴡𐴃𐴢 𐴀𐴞𐴏𐴓𐴝𐴔𐴞 𐴀𐴠𐴔𐴝𐴌𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕 𐴃𐴡𐴈𐴡𐴕 𐴀𐴝𐴣𐴀𐴌𐴝 𐴊𐴠𐴑𐴤𐴞𐴘𐴧𐴟𐴔𐴊𐴠، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴔𐴡𐴊𐴡𐴊𐴢 𐴀𐴝𐴌 𐴃𐴡𐴖𐴉𐴞𐴑𐴡𐴌 𐴁𐴝𐴊𐴠 𐴔𐴟𐴅𐴝𐴇𐴞𐴊𐴢 𐴀𐴡𐴑𐴧𐴡𐴓𐴡𐴓𐴧𐴝 𐴁𐴠𐴒𐴧𐴞𐴕𐴡𐴃𐴧𐴞 𐴁𐴠𐴐𐴞 𐴀𐴝𐴇𐴥𐴝𐴔𐴢 𐴀𐴝𐴌 𐴔𐴡𐴎𐴁𐴟𐴃𐴢 𐴀𐴥𐴝𐴃𐴞𐴘𐴝𐴌 𐴀𐴥𐴡𐴘𐴓𐴊𐴠 𐴀𐴞𐴌𐴝𐴑 𐴀𐴝𐴌 𐴃𐴝𐴌 𐴀𐴝𐴃𐴠𐴇𐴝𐴣𐴏𐴡𐴌 𐴔𐴟𐴏𐴡𐴥𐴓𐴔𐴝𐴕 𐴀𐴝𐴖𐴝𐴔𐴢 𐴀𐴡𐴑𐴧𐴡𐴓𐴡𐴌 𐴃𐴝𐴘𐴞𐴊𐴢| 𐴀𐴝𐴣𐴀𐴌𐴝𐴓𐴧𐴝 𐴁𐴡𐴓𐴞 𐴎𐴟𐴌𐴟𐴌𐴞 𐴀𐴥𐴡𐴘𐴓𐴊𐴠 𐴇𐴥𐴠 𐴃𐴝𐴘𐴞𐴊𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴕 𐴀𐴝𐴌 𐴐𐴡𐴌𐴞𐴘𐴡𐴃𐴡𐴌 𐴐𐴞𐴔𐴝𐴌 𐴁𐴥𐴟𐴃𐴡𐴌𐴠 𐴃𐴝𐴑𐴞 𐴇𐴥𐴠 𐴃𐴝𐴘𐴞𐴊𐴡𐴌𐴠 𐴏𐴝𐴔𐴧𐴠 𐴁𐴝𐴌𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕| 𐴘𐴦𐴝𐴕𐴡𐴌 𐴁𐴝𐴁𐴡𐴃𐴠 𐴀𐴡𐴕𐴡𐴌 𐴈𐴠𐴊𐴔𐴡𐴃𐴡 𐴔𐴧𐴝𐴎𐴠 𐴈𐴡𐴘𐴠𐴑𐴧𐴝𐴕 𐴈𐴡𐴃𐴝 𐴀𐴝𐴌𐴡𐴎 𐴒𐴡𐴌𐴞𐴌-

𐴉𐴡𐴘𐴓𐴝 𐴈𐴡𐴃𐴝 𐴀𐴥𐴡𐴘𐴓𐴊𐴠: 𐴘𐴦𐴝𐴕𐴡𐴃𐴢 𐴈𐴡𐴕𐴥𐴡 𐴐𐴟𐴁𐴤𐴝 𐴕𐴥𐴝𐴘، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴞𐴌𐴝𐴑𐴡𐴃𐴢 𐴀𐴞𐴏𐴓𐴝𐴔𐴡𐴌 𐴒𐴡𐴓𐴁𐴝𐴘𐴞 𐴀𐴝𐴌 𐴈𐴠𐴓𐴝𐴉𐴡𐴃𐴢 𐴀𐴝𐴓𐴝 𐴔𐴞𐴕𐴇𐴝𐴅𐴞 𐴕𐴧𐴡𐴁𐴟𐴖𐴧𐴝𐴤 𐴑𐴞𐴘𐴝𐴔𐴡𐴌 𐴁𐴝𐴁𐴡𐴃𐴠 𐴔𐴟𐴌𐴃𐴝𐴊𐴢 𐴇𐴟𐴑𐴔𐴡𐴌𐴝𐴕 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴢 𐴒𐴡𐴌𐴡𐴕 𐴏𐴝𐴌𐴝 𐴃𐴝𐴌𐴝𐴌𐴠 𐴇𐴡𐴄𐴡𐴕 𐴔𐴟𐴔𐴑𐴠𐴕 𐴕𐴡𐴀| 𐴘𐴦𐴝𐴕𐴥𐴡 𐴇𐴝𐴑𐴞𐴑𐴡𐴃𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴖𐴝𐴔𐴡𐴌 𐴃𐴝𐴘𐴞𐴊𐴢 𐴀𐴝𐴊𐴧𐴠 𐴕𐴟𐴏𐴌𐴡𐴃𐴢 𐴏𐴥𐴝𐴌𐴝 𐴀𐴠 𐴀𐴝𐴎𐴞𐴔𐴢 𐴔𐴡𐴏𐴧𐴟𐴊𐴡𐴌𐴠 𐴇𐴝𐴏𐴠𐴓𐴢 𐴒𐴡𐴌𐴡𐴕 𐴔𐴟𐴔𐴑𐴠𐴕 𐴕𐴡𐴀| 𐴎𐴡𐴊𐴞 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴀𐴝𐴖𐴝𐴔𐴡𐴌 𐴃𐴝𐴘𐴞𐴊𐴢 𐴀𐴝𐴊𐴧𐴠 𐴕𐴟𐴏𐴌𐴡𐴃𐴢 𐴏𐴥𐴝𐴌𐴝 𐴒𐴝𐴓𐴠𐴁𐴢 𐴀𐴥𐴡𐴘𐴓𐴠𐴘𐴡، 𐴑𐴞𐴕𐴃𐴟 𐴘𐴥𐴝𐴕 𐴁𐴠𐴐𐴞 𐴊𐴞𐴕 𐴁𐴝𐴑𐴞 𐴕𐴡 𐴃𐴝𐴑𐴞𐴁𐴡| 𐴎𐴠𐴈𐴡𐴕𐴥𐴡 𐴄𐴝𐴘𐴔𐴡𐴃𐴢 𐴀𐴠 𐴒𐴡𐴓𐴁𐴝𐴘𐴞 𐴐𐴠𐴑𐴡𐴏𐴃𐴡 𐴓𐴡𐴘 𐴁𐴡𐴊𐴡𐴓𐴞 𐴎𐴝𐴘𐴒𐴡𐴙𐴃𐴢 𐴉𐴝𐴌𐴠||

𐴊𐴟𐴏𐴡𐴌𐴝 𐴈𐴡𐴃𐴝: 𐴎𐴡𐴊𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴏𐴝𐴣𐴀𐴃𐴠 𐴀𐴦𐴝𐴔𐴢-𐴂𐴝𐴁𐴓𐴞𐴑𐴡𐴌 𐴃𐴝𐴘𐴞𐴊𐴢 𐴕𐴡 𐴃𐴝𐴑𐴠 𐴃𐴡𐴘𐴓𐴠 𐴀𐴥𐴠 𐴃𐴝𐴇𐴌𐴞𐴑 𐴔𐴝𐴙𐴕𐴐𐴡𐴌 𐴕𐴡𐴎𐴡𐴌𐴡𐴃𐴧𐴞 𐴊𐴟𐴌𐴠 𐴎𐴝𐴘 𐴀𐴠𐴑 𐴄𐴝𐴘𐴔𐴡𐴃𐴢 𐴇𐴝𐴣𐴎𐴞 𐴎𐴝𐴒𐴡𐴘| 𐴀𐴠 𐴇𐴝𐴓𐴡𐴃𐴡𐴃𐴢 𐴅𐴞𐴇𐴝𐴊𐴞 𐴃𐴡𐴕𐴎𐴞𐴔𐴢 𐴀𐴝𐴊𐴧𐴠 𐴊𐴠𐴐𐴥𐴡𐴌 𐴖𐴡𐴌𐴠 𐴔𐴟𐴏𐴡𐴓𐴧𐴡𐴃𐴢 𐴀𐴡𐴙𐴕𐴧𐴝 𐴎𐴝𐴓𐴠𐴔𐴢 𐴃𐴡𐴁𐴑𐴝𐴌 𐴊𐴡𐴌𐴔𐴞𐴘𐴝𐴕 𐴏𐴡𐴓𐴠𐴊𐴧𐴠 𐴀𐴠 𐴓𐴝𐴌𐴥𐴝𐴘 𐴈𐴡𐴃𐴡𐴔𐴢 𐴀𐴥𐴡𐴘 𐴎𐴝𐴒𐴡𐴘|

𐴀𐴠𐴑𐴧𐴝𐴕 𐴈𐴡𐴃𐴝 𐴔𐴡𐴕𐴡𐴃𐴢 𐴌𐴝𐴑𐴝 𐴂𐴡𐴌𐴞𐴁𐴡𐴊𐴠: 𐴇𐴟𐴑𐴔𐴡𐴌𐴝𐴕 𐴀𐴡𐴑𐴧𐴡𐴓𐴠 𐴇𐴥𐴝𐴌 𐴇𐴝𐴓𐴡𐴃𐴡𐴃𐴢 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴅𐴞𐴇𐴝𐴊𐴞 𐴃𐴡𐴕𐴎𐴞𐴔𐴢 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴁𐴝𐴁𐴡𐴃𐴠 𐴁𐴞𐴓𐴑𐴟𐴓𐴢 𐴒𐴝𐴉𐴠𐴓𐴢 𐴌𐴝𐴑𐴞𐴁𐴡𐴓𐴧𐴝 𐴏𐴝𐴀| 𐴀𐴝𐴣𐴀𐴌𐴝𐴌 𐴖𐴡𐴀𐴌𐴠 𐴔𐴟𐴏𐴡𐴓𐴧𐴡𐴃𐴢 𐴀𐴝𐴏𐴠𐴊𐴠 𐴎𐴝𐴓𐴠𐴔𐴢 𐴏𐴠𐴑𐴟𐴓𐴝𐴌 𐴃𐴡𐴁𐴑𐴝 𐴘𐴝𐴕𐴡𐴌𐴠 𐴏𐴝𐴀| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴃𐴧𐴞 𐴎𐴝𐴕𐴝 𐴀𐴝𐴏𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴡𐴕 𐴔𐴟𐴔𐴑𐴠𐴕 𐴕𐴡𐴀| 𐴑𐴞𐴕𐴃𐴟 𐴀𐴠 𐴃𐴝𐴇𐴌𐴞𐴑𐴡𐴌𐴠 𐴊𐴟𐴈𐴝𐴁𐴝𐴎𐴞 𐴀𐴝𐴊𐴧𐴠 𐴃𐴝𐴑𐴡𐴃𐴡𐴌 𐴎𐴟𐴌𐴠 𐴀𐴝𐴖𐴝𐴔𐴡𐴌 𐴃𐴝𐴘𐴞𐴊𐴡𐴃𐴧𐴞 𐴊𐴟𐴌𐴠 𐴌𐴝𐴑𐴡𐴕 𐴔𐴟𐴔𐴑𐴠𐴕| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴠 𐴓𐴝𐴌𐴥𐴝𐴙𐴃𐴢 𐴀𐴝𐴣𐴀𐴌𐴝𐴓𐴧𐴝 𐴎𐴡𐴌𐴟𐴌𐴞 𐴀𐴥𐴡𐴙𐴓𐴊𐴠- 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴀𐴝𐴣𐴀𐴌𐴝𐴌 𐴉𐴥𐴟𐴖𐴝𐴣𐴃𐴞 𐴐𐴡𐴌𐴞𐴑 𐴒𐴡𐴌𐴡𐴕| 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴎𐴞𐴔𐴧𐴝𐴊𐴝𐴌𐴞 𐴔𐴧𐴝𐴎𐴠𐴘𐴥𐴡 𐴃𐴝𐴌𐴝𐴌𐴠 𐴐𐴡𐴌𐴞𐴑 𐴒𐴡𐴌𐴡𐴕| 𐴀𐴝𐴌 𐴀𐴝𐴣𐴀𐴌𐴝𐴃𐴧𐴞 𐴀𐴞𐴕𐴋𐴞𐴓𐴧𐴝 𐴈𐴝𐴔𐴢 𐴀𐴡𐴑𐴧𐴡𐴓𐴡𐴃𐴧𐴞 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡 𐴎𐴦𐴞𐴕𐴠 𐴀𐴝𐴣𐴀𐴌𐴝𐴌 𐴀𐴠 𐴀𐴝𐴎𐴞𐴔𐴢 𐴃𐴝𐴇𐴌𐴞𐴑𐴡𐴃𐴧𐴞 𐴀𐴦𐴝𐴔𐴢 𐴔𐴝𐴙𐴕𐴐𐴡𐴌𐴠 𐴊𐴟𐴌𐴠 𐴒𐴡𐴌𐴞𐴊𐴠||”

𐴀𐴝𐴌 𐴀𐴠𐴑 𐴎𐴝𐴒𐴝𐴃𐴢 𐴐𐴝𐴘𐴈𐴠 𐴈𐴡𐴘𐴠𐴊𐴠:

“𐴒𐴠𐴌𐴞𐴓𐴝 𐴇𐴥𐴝𐴔𐴓𐴝 𐴒𐴡𐴌𐴡𐴘𐴝 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴃𐴧𐴞 𐴎𐴡𐴊𐴞 𐴉𐴞𐴏𐴧𐴝 𐴇𐴡𐴥𐴣𐴍𐴝 𐴉𐴡𐴌𐴠 𐴘𐴥𐴝𐴕𐴡𐴌 𐴖𐴡𐴌𐴠 𐴃𐴝𐴌𐴝𐴃𐴧𐴞 𐴉𐴠𐴌𐴠𐴐𐴝𐴕 𐴕𐴡𐴀𐴡𐴕 𐴏𐴝𐴀| 𐴑𐴞𐴘𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴝𐴏𐴡𐴓𐴡𐴃𐴢 𐴃𐴝𐴌𐴝𐴌 𐴓𐴝𐴌𐴥𐴝𐴘 𐴀𐴥𐴡𐴘𐴓𐴊𐴠 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴕𐴞𐴎𐴡𐴌 𐴉𐴟𐴥𐴖𐴝𐴣𐴀𐴃𐴞 𐴐𐴡𐴌𐴞𐴑 𐴒𐴡𐴌𐴡𐴕𐴡𐴌 𐴓𐴝𐴌𐴝𐴥𐴘 𐴎𐴡𐴔𐴞𐴕 𐴊𐴡𐴈𐴡𐴓𐴢 𐴒𐴡𐴌𐴡𐴕𐴡𐴌 𐴓𐴝𐴌𐴥𐴝𐴘 𐴕𐴡𐴀||”

𐴃𐴠𐴏𐴝𐴌𐴝 𐴏𐴡𐴁𐴡𐴁𐴢: 𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴝𐴃𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴕𐴡𐴒𐴡𐴌𐴡𐴕

𐴊𐴝𐴖𐴡𐴃𐴡𐴃𐴢 𐴒𐴟𐴓𐴟 𐴉𐴡𐴙𐴊𐴝 𐴀𐴦𐴡𐴕𐴡𐴌 𐴀𐴝𐴌𐴠𐴑𐴧𐴝𐴕 𐴏𐴡𐴁𐴡𐴁𐴢 𐴀𐴥𐴡𐴘𐴓𐴊𐴠 𐴔𐴟𐴊𐴝𐴌𐴝𐴃𐴡𐴌𐴠 𐴔𐴟𐴊𐴝𐴇𐴝𐴕𐴝𐴃𐴢 𐴁𐴡𐴓𐴞 𐴁𐴟𐴎𐴡𐴕| 𐴇𐴝𐴓𐴝𐴑𐴠 𐴊𐴟𐴕𐴞𐴘𐴝𐴕𐴡𐴃𐴢 𐴉𐴡𐴌𐴡𐴑 𐴀𐴝𐴏𐴠| 𐴀𐴠𐴑𐴧𐴝𐴕 𐴀𐴥𐴡𐴘𐴓𐴊𐴠 𐴅𐴝𐴘𐴠𐴎 𐴀𐴝𐴊𐴧𐴠 𐴁𐴤𐴝𐴓𐴝 𐴀𐴝𐴌 𐴊𐴟𐴏𐴡𐴌𐴝𐴒𐴝𐴕 𐴀𐴥𐴡𐴘𐴓𐴊𐴠 𐴕𐴝𐴅𐴝𐴘𐴠𐴎 𐴀𐴝𐴌 𐴈𐴡𐴌𐴝𐴁𐴢| 𐴉𐴡𐴌𐴡𐴑 𐴀𐴠𐴒𐴞𐴕𐴡𐴌𐴠 𐴊𐴝𐴀𐴞 𐴀𐴦𐴡𐴓𐴡𐴌 𐴎𐴠𐴇𐴠𐴕𐴡𐴃𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴀𐴞𐴔𐴝𐴔𐴢 𐴑𐴟𐴌𐴃𐴟𐴁𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴝𐴃𐴡 𐴔𐴧𐴝𐴎𐴠 𐴀𐴠 𐴁𐴤𐴝𐴉𐴠 𐴉𐴡𐴌𐴡𐴑 𐴁𐴡𐴘𐴝𐴕 𐴒𐴡𐴙𐴅𐴧𐴠-

والفرق بين المداراة والمداهنة أن المداراة بذل الدنيا لصلاح الدنيا أو الدين أو هما معا، وهي مباحة وربما استحبت، والمداهنة ترك الدين لصلاح الدنيا

“𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴝𐴃𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴀𐴥𐴡𐴘𐴓𐴊𐴠 𐴘𐴦𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴔𐴟𐴊𐴝𐴌𐴝𐴃𐴢 𐴀𐴥𐴡𐴘𐴓𐴊𐴠 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴊𐴞𐴕 𐴘𐴦𐴝𐴃𐴡 𐴊𐴟𐴕𐴞𐴘𐴝𐴕𐴡𐴌 𐴉𐴝𐴘𐴊𐴝𐴓𐴧𐴝 𐴕𐴞𐴎𐴡𐴌 𐴊𐴟𐴕𐴞𐴘𐴝𐴌𐴠 𐴑𐴟𐴌𐴁𐴝𐴕𐴞 𐴊𐴦𐴡𐴕| 𐴀𐴝𐴌 𐴀𐴠𐴑𐴞𐴏𐴞𐴔𐴢 𐴀𐴥𐴡𐴘𐴓𐴊𐴠 𐴅𐴝𐴘𐴠𐴎 𐴘𐴥𐴝 𐴁𐴝𐴎𐴠 𐴀𐴡𐴃𐴧𐴡𐴃𐴢 𐴔𐴟𐴏𐴃𐴝𐴇𐴝𐴁𐴢 𐴀𐴥𐴡𐴘𐴎𐴝𐴒𐴡𐴘، 𐴀𐴝𐴌𐴠𐴑 𐴔𐴞𐴑𐴧𐴝 𐴔𐴟𐴊𐴝𐴇𐴝𐴕𐴡𐴃𐴢 𐴃𐴝𐴌 𐴔𐴡𐴃𐴓𐴡𐴁𐴢 𐴀𐴥𐴡𐴘𐴓𐴊𐴠 𐴊𐴟𐴕𐴞𐴘𐴝𐴌 𐴉𐴝𐴘𐴊𐴝𐴓𐴧𐴝 𐴕𐴞𐴎𐴡𐴌 𐴊𐴞𐴕𐴡𐴌𐴠 𐴑𐴟𐴌𐴁𐴝𐴕𐴞 𐴒𐴡𐴌𐴞 𐴊𐴡𐴀𐴕”

𐴇𐴝𐴊𐴞𐴏𐴠 𐴔𐴟𐴁𐴝𐴌𐴡𐴑𐴝𐴃𐴢 𐴖𐴝𐴌𐴠𐴊𐴢 𐴀𐴥𐴠𐴘𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴔𐴝𐴕𐴥𐴟𐴙𐴐𐴡𐴌 𐴏𐴝𐴣𐴀𐴃𐴠 𐴔𐴟𐴊𐴝𐴌𐴝𐴃𐴢 𐴒𐴡𐴌𐴡𐴕 𐴏𐴡𐴊𐴑𐴝𐴌 𐴏𐴡𐴖𐴝𐴁𐴢-

مداراة الناس صدقة

𐴐𐴝𐴌𐴠𐴇𐴠 𐴇𐴝𐴊𐴞𐴏𐴢 𐴀𐴞𐴁𐴕𐴞 𐴁𐴡𐴃𐴧𐴝𐴓𐴢 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴈𐴦𐴡𐴊𐴧𐴠-

المداراة من أخلاق المؤمنين، وهي خفض الجناح للناس، وترك الإغلاظ لهم في القول، وذلك من أقوى أسباب الألفة-

𐴔𐴟𐴊𐴝𐴌𐴝𐴃𐴢 𐴀𐴥𐴡𐴘𐴓𐴊𐴠 𐴔𐴟𐴔𐴞𐴕𐴡𐴌 𐴀𐴝𐴈𐴓𐴝𐴑𐴡𐴌 𐴀𐴠𐴑𐴧𐴝𐴕 𐴀𐴥𐴞𐴏𐴧𐴝، 𐴃𐴝𐴌 𐴔𐴟𐴌𐴝𐴊𐴢 𐴔𐴝𐴙𐴕𐴐𐴥𐴡𐴌 𐴏𐴝𐴔𐴧𐴠 𐴕𐴞𐴎𐴡𐴌 𐴈𐴝𐴣𐴊𐴝𐴌𐴠 𐴅𐴥𐴟𐴑𐴝𐴘 𐴊𐴡𐴀𐴕 𐴀𐴝𐴌 𐴈𐴡𐴃𐴝-𐴁𐴝𐴃𐴧𐴝𐴌𐴝𐴃𐴢 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴏𐴥𐴡𐴈𐴃𐴞 𐴕𐴡𐴒𐴡𐴌𐴡𐴕، 𐴏𐴞𐴉𐴡𐴃𐴢 𐴘𐴦𐴝𐴕 𐴁𐴠𐴙𐴐𐴡𐴑 𐴀𐴝𐴊𐴡𐴌-𐴔𐴟𐴇𐴝𐴁𐴧𐴡𐴃𐴢 𐴉𐴡𐴙𐴊𐴝 𐴒𐴡𐴌𐴡𐴕𐴡𐴌 𐴁𐴡𐴌𐴡 𐴀𐴠𐴑𐴧𐴝𐴕 𐴎𐴡𐴌𐴞𐴘𐴝”

𐴃𐴡𐴘 𐴔𐴟𐴈𐴝𐴃𐴡𐴁𐴡𐴌 𐴔𐴟𐴈𐴝𐴓𐴡𐴉𐴞𐴌 𐴖𐴡𐴌𐴠 𐴏𐴡𐴁𐴡𐴌 𐴒𐴡𐴌𐴡𐴕 𐴀𐴝𐴌 𐴊𐴝𐴖𐴝𐴃𐴢 𐴊𐴡𐴀𐴕𐴡𐴃𐴢 𐴕𐴡𐴌𐴔𐴞 𐴀𐴝𐴊𐴧𐴠 𐴀𐴦𐴠𐴕 𐴁𐴠𐴇𐴠𐴃𐴡𐴌 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴡𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴎𐴠𐴍𐴠 𐴇𐴡𐴑𐴧𐴡𐴌 𐴃𐴡𐴌𐴡𐴉𐴢 𐴊𐴝𐴖𐴡𐴃𐴥𐴡 𐴉𐴦𐴝𐴎𐴝𐴘𐴁𐴡 𐴀𐴝𐴌 𐴔𐴟𐴈𐴝𐴃𐴡𐴁𐴡𐴌 𐴒𐴟𐴔𐴌𐴝𐴇𐴞𐴌𐴠𐴘𐴡 𐴈𐴡𐴕𐴡𐴃𐴧𐴠 𐴏𐴥𐴡𐴀𐴞 𐴈𐴦𐴡𐴖𐴝 𐴕𐴡𐴎𐴝𐴘𐴁𐴡، 𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴔𐴟𐴊𐴝𐴌𐴝𐴃𐴢، 𐴀𐴠𐴒𐴞𐴕 𐴃𐴝𐴌𐴞𐴉𐴡𐴌 𐴓𐴝𐴘𐴠𐴑، 𐴑𐴞𐴕𐴃𐴟 𐴎𐴡𐴊𐴞 𐴀𐴠 𐴕𐴡𐴌𐴡𐴔𐴢 𐴏𐴟𐴓𐴟𐴑𐴡𐴌 𐴏𐴝𐴣𐴀𐴃𐴠 𐴁𐴝𐴃𐴠𐴓𐴡𐴌𐴠 𐴇𐴡𐴑 𐴀𐴝𐴌 𐴇𐴡𐴑𐴡𐴌𐴠 𐴁𐴝𐴃𐴠𐴓𐴢 𐴈𐴡𐴗𐴝𐴎𐴝 𐴃𐴡𐴘𐴓𐴠 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴔𐴟𐴊𐴝𐴇𐴝𐴕𐴝𐴃𐴢 𐴀𐴝𐴌 𐴘𐴦𐴝𐴕 𐴔𐴝𐴕𐴥𐴝||

𐴀𐴥𐴠𐴈𐴡𐴃𐴝𐴓𐴧𐴝 𐴊𐴝𐴀𐴞𐴓𐴧𐴝𐴘 𐴁𐴡𐴓𐴞 𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴝𐴃𐴡𐴌 𐴐𐴥𐴞𐴔𐴝𐴌𐴠 𐴎𐴝𐴕𐴡𐴕 𐴎𐴡𐴌𐴟𐴌𐴞 𐴃𐴦𐴝𐴑𐴠، 𐴔𐴟𐴊𐴝𐴌𐴝𐴃𐴡𐴌 𐴕𐴝𐴔𐴠 𐴔𐴟𐴊𐴝𐴇𐴝𐴕𐴝𐴃𐴢 𐴕𐴡𐴀𐴡𐴉𐴝𐴕 𐴀𐴝𐴌 𐴔𐴟𐴊𐴝𐴇𐴝𐴕𐴝𐴃𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴙𐴃𐴧𐴡𐴎𐴝𐴘 𐴔𐴟𐴊𐴝𐴌𐴝 𐴃𐴡𐴌𐴠𐴘𐴥𐴡 𐴏𐴥𐴝𐴌𐴞 𐴕𐴡𐴊𐴠𐴉𐴝𐴕|

𐴀𐴝𐴉𐴏𐴟𐴏𐴡𐴌 𐴈𐴡𐴃𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴠 𐴎𐴡𐴁𐴝𐴕𐴝𐴃𐴢 𐴁𐴝𐴎𐴟 𐴀𐴝𐴇𐴓𐴠 𐴊𐴞𐴕 𐴊𐴝𐴖𐴡𐴃𐴡𐴌 𐴔𐴡𐴏𐴓𐴝𐴇𐴝𐴃𐴡𐴌 𐴕𐴝𐴔𐴊𐴞 𐴅𐴟𐴔𐴇𐴟𐴌𐴞𐴘𐴡𐴃𐴢، 𐴖𐴡𐴃𐴡𐴕𐴞𐴘𐴡𐴃𐴢 𐴀𐴝𐴌 𐴓𐴝𐴊𐴞𐴕𐴞𐴘𐴡𐴃𐴢 (𐴏𐴞𐴑𐴟𐴓𐴝𐴌𐴞𐴎𐴡𐴔𐴢) 𐴡𐴌𐴠 𐴉𐴡𐴙𐴅𐴧𐴡𐴕𐴃𐴡 𐴏𐴝𐴂𐴌𐴟𐴄 𐴒𐴡𐴌𐴠𐴊𐴠 𐴊𐴠𐴙𐴈𐴝𐴎𐴝| 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴈𐴠𐴓𐴝𐴉𐴢 𐴔𐴟𐴑𐴝𐴁𐴠𐴓𐴝 𐴀𐴝𐴌 𐴔𐴟𐴈𐴝𐴓𐴡𐴉𐴞 𐴎𐴡𐴌𐴟𐴌𐴞| 𐴑𐴞𐴕𐴃𐴟 𐴀𐴠 𐴇𐴡𐴎𐴡𐴌𐴝𐴃𐴢 𐴀𐴦𐴡𐴓𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴔𐴟𐴖𐴝𐴉𐴠𐴑𐴡𐴃𐴢 𐴀𐴝𐴊𐴧𐴠 𐴔𐴡𐴊𐴡𐴃𐴡𐴌 𐴏𐴟𐴓𐴟𐴑 𐴅𐴝𐴌𐴞 𐴌𐴝𐴑𐴠|𐴀𐴝𐴌 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴉𐴡𐴌𐴡𐴎𐴡𐴌 𐴊𐴝𐴖𐴡𐴃𐴡𐴃𐴢 𐴓𐴡𐴁𐴧𐴝𐴘𐴑 𐴈𐴦𐴡𐴘 𐴀𐴠 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴈𐴠𐴓𐴝𐴉𐴢 𐴁𐴦𐴝𐴘𐴌 𐴀𐴥𐴡 𐴀𐴝𐴌 𐴀𐴠 𐴕𐴞𐴑𐴧𐴌𐴞𐴐𐴄𐴡 𐴑𐴟𐴉𐴡𐴌𐴞 𐴌𐴝𐴏𐴧𐴝𐴌 𐴌𐴠𐴑𐴝𐴖𐴡𐴄 𐴁𐴡𐴕𐴞 𐴅𐴞𐴇𐴝𐴊𐴡𐴌 𐴌𐴝𐴏𐴧𐴝𐴃𐴢 𐴕𐴞𐴙𐴓𐴠 𐴃𐴡𐴈𐴡𐴕 𐴔𐴝𐴕𐴥𐴟𐴙𐴐𐴢 𐴀𐴠𐴒𐴞𐴕𐴠 𐴃𐴝𐴌𐴝𐴌 𐴖𐴡𐴀𐴌𐴠 𐴉𐴡𐴏𐴝𐴊𐴡𐴌 𐴀𐴠𐴓𐴎𐴝𐴔𐴢 𐴓𐴝𐴒𐴝||

𐴀𐴠 𐴅𐴡𐴔𐴇𐴟𐴌𐴞𐴘𐴡𐴃𐴢 𐴀𐴝𐴌 𐴀𐴥𐴞𐴕𐴊𐴞𐴓𐴧𐴝 𐴔𐴝𐴙𐴕𐴐𐴡𐴌 𐴁𐴝𐴕𐴝𐴘𐴝 𐴕𐴠𐴎𐴦𐴝𐴔𐴢 𐴀𐴡𐴑𐴧𐴡𐴓𐴡𐴃𐴢 𐴐𐴡𐴌𐴞𐴑 𐴀𐴡𐴀𐴕 𐴀𐴝𐴌 𐴏𐴝𐴁𐴟𐴌𐴄𐴢 𐴒𐴡𐴌𐴡𐴕 𐴐𐴡𐴌𐴞𐴘𐴡𐴃𐴡𐴌 𐴈𐴠𐴓𐴝𐴉𐴢 𐴈𐴝𐴔𐴢| 𐴑𐴞𐴕𐴃𐴟 𐴀𐴝𐴉𐴏𐴟𐴏𐴡𐴌 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴀𐴠𐴃𐴝𐴔𐴦𐴝𐴔𐴢 𐴒𐴝𐴘𐴌𐴠 𐴀𐴞𐴏𐴓𐴝𐴔𐴞 𐴈𐴝𐴔𐴡𐴌𐴠𐴘𐴥𐴡 𐴊𐴞𐴕𐴡𐴌 𐴔𐴡𐴏𐴓𐴝𐴇𐴝𐴃𐴡𐴌 𐴕𐴝𐴔𐴊𐴞 𐴀𐴞𐴏𐴓𐴝𐴔𐴞 𐴏𐴝𐴁𐴠𐴃𐴢 𐴒𐴡𐴌𐴝𐴎𐴝𐴌| 𐴀𐴠 𐴑𐴞𐴏𐴞𐴔𐴢 𐴀𐴥𐴡𐴘𐴓𐴊𐴠 𐴔𐴟𐴊𐴝𐴇𐴝𐴕𐴝𐴃𐴢 𐴀𐴝𐴌 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴀𐴡 𐴏𐴡𐴈𐴃𐴡 𐴁𐴡𐴌𐴁𐴝𐴊𐴞 𐴎𐴝𐴌 𐴎𐴡𐴌𐴞𐴘𐴝 𐴀𐴝𐴙𐴅𐴧𐴝 𐴀𐴝𐴓𐴧𐴝𐴇𐴌 𐴐𐴡𐴌𐴞𐴘𐴡𐴃𐴢 𐴔𐴡𐴒𐴓𐴟𐴁𐴢 𐴀𐴝𐴌 𐴒𐴝𐴘𐴌𐴟𐴓𐴧𐴝𐴇𐴌 𐴕𐴠𐴎𐴝𐴔𐴢 𐴒𐴝𐴓𐴠𐴁𐴢||

𐴀𐴥𐴠𐴈𐴡𐴃𐴝𐴓𐴧𐴝 𐴔𐴟𐴊𐴝𐴇𐴝𐴕𐴡𐴃𐴡𐴌 𐴉𐴡𐴌𐴞𐴏𐴡 𐴔𐴝𐴙𐴕𐴐𐴥𐴡𐴌 𐴏𐴝𐴔𐴧𐴠 𐴎𐴝𐴇𐴠𐴌 𐴒𐴡𐴌𐴡𐴕 𐴀𐴝𐴊𐴧𐴠 𐴃𐴝𐴌 𐴔𐴟𐴈𐴝𐴓𐴡𐴉𐴞 𐴁𐴠𐴐𐴞 𐴎𐴡𐴌𐴟𐴌𐴞| 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴃𐴧𐴞𐴘𐴥𐴡 𐴇𐴝𐴔𐴞𐴐𐴝 𐴃𐴝𐴌 𐴁𐴝𐴁𐴡𐴃𐴠 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕 𐴎𐴡𐴌𐴟𐴌𐴞 𐴀𐴝𐴌 𐴘𐴦𐴝𐴕𐴡𐴃𐴧𐴞 𐴁𐴦𐴡𐴗𐴃𐴢 𐴊𐴟𐴌𐴠 𐴃𐴤𐴝𐴑𐴝 𐴉𐴡𐴌𐴞𐴁𐴡| 𐴀𐴝𐴌𐴠𐴑 𐴔𐴞𐴑𐴧𐴝 𐴔𐴟𐴊𐴝𐴇𐴝𐴕𐴡𐴃𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴙𐴃𐴧𐴠 𐴒𐴡𐴙𐴃𐴧𐴞 𐴀𐴝𐴣𐴀𐴌𐴝𐴌 𐴁𐴝𐴎𐴟 𐴑𐴝𐴉𐴠𐴓𐴝 𐴔𐴟𐴊𐴝𐴌𐴡𐴃𐴡𐴌𐴠𐴘𐴥𐴡 𐴔𐴟𐴊𐴝𐴇𐴝𐴕𐴡𐴃𐴢 𐴀𐴥𐴞𐴏𐴝𐴉𐴠 𐴁𐴟𐴎𐴝 𐴐𐴟𐴌𐴟 𐴒𐴡𐴌𐴞𐴊𐴠||

𐴊𐴡𐴖𐴡𐴃𐴡𐴌 𐴏𐴥𐴡𐴀𐴞 𐴃𐴡𐴌𐴞𐴑𐴝 𐴀𐴥𐴡𐴘𐴓𐴊𐴠 𐴁𐴝𐴃𐴠𐴓𐴡𐴌𐴠 𐴀𐴟𐴎𐴟 𐴀𐴟𐴎𐴟 𐴁𐴝𐴃𐴠𐴓𐴢 𐴈𐴡𐴀𐴕 𐴀𐴝𐴌 𐴇𐴡𐴑𐴡𐴌𐴠 𐴀𐴟𐴎𐴟 𐴀𐴟𐴎𐴟 𐴇𐴡𐴑 𐴈𐴡𐴀𐴕| 𐴘𐴦𐴝𐴌𐴁𐴝𐴊𐴠 𐴇𐴡𐴑𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴦𐴡𐴕 𐴀𐴝𐴌 𐴉𐴟𐴌𐴝 𐴊𐴝𐴖𐴡𐴃𐴞 𐴈𐴝𐴔𐴡𐴌𐴠 𐴐𐴡𐴌𐴞𐴘𐴡𐴃𐴢 𐴔𐴡𐴃𐴝𐴁𐴠𐴑 𐴒𐴡𐴌𐴡𐴕| 𐴀𐴝𐴌 𐴀𐴥𐴠 𐴊𐴝𐴖𐴡𐴃𐴢 𐴕𐴡𐴌𐴔𐴞 𐴀𐴝𐴊𐴧𐴠 𐴇𐴝𐴔𐴊𐴡𐴌𐴡𐴊𐴞𐴌 𐴏𐴝𐴣𐴀𐴃𐴠 𐴇𐴠𐴑𐴔𐴝𐴤𐴌 𐴔𐴡𐴃𐴝𐴁𐴠𐴑 𐴀𐴡𐴀| 𐴎𐴠𐴇𐴠𐴕𐴡𐴌 𐴃𐴡𐴖𐴝𐴎𐴟𐴕 𐴔𐴟𐴈𐴃𐴡𐴓𐴞𐴉𐴢 𐴀𐴦𐴡𐴕𐴡𐴌 𐴎𐴡𐴌𐴞𐴘𐴝 𐴀𐴠𐴑𐴞𐴏𐴞𐴔𐴡𐴌 𐴊𐴝𐴖𐴡𐴃𐴡𐴌 𐴖𐴡𐴀𐴌𐴠𐴘𐴥𐴡 𐴁𐴦𐴡𐴗𐴃𐴢 𐴑𐴞𐴘𐴝 𐴔𐴟𐴊𐴝𐴇𐴝𐴕𐴡𐴃𐴡𐴌 𐴓𐴠𐴁𐴠𐴓𐴢 𐴓𐴝𐴒𐴝𐴘𐴊𐴠| 𐴃𐴝𐴌 𐴈𐴝𐴣𐴏𐴠 𐴀𐴠 𐴊𐴝𐴖𐴡𐴃𐴢 𐴑𐴝𐴁𐴠𐴓𐴠 𐴑𐴡𐴁𐴟𐴓𐴢 𐴕𐴡𐴀||

𐴀𐴥𐴠𐴈𐴡𐴃𐴝𐴓𐴧𐴝 𐴃𐴝𐴌 𐴎𐴠𐴇𐴠𐴕 𐴀𐴡 𐴀𐴡𐴃𐴧𐴡𐴃𐴢 𐴀𐴠𐴃𐴔𐴞𐴕𐴝𐴕 𐴀𐴥𐴡 𐴎𐴡𐴈𐴡𐴕 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴌 𐴏𐴟𐴓𐴟𐴑 𐴊𐴟𐴕𐴞 𐴀𐴠𐴃𐴠𐴁𐴝𐴌𐴠 𐴏𐴥𐴡𐴈𐴃𐴞𐴌 𐴏𐴝𐴣𐴀𐴃𐴠 𐴉𐴦𐴠𐴐𐴢 𐴀𐴝𐴘𐴧𐴠 𐴎𐴠 𐴊𐴝𐴖𐴡𐴃𐴡𐴃𐴢 𐴔𐴟𐴈𐴝𐴃𐴡𐴁𐴡𐴌 𐴏𐴝𐴣𐴀𐴃𐴠 𐴁𐴤𐴝𐴓𐴝𐴘𐴞 𐴀𐴝𐴊𐴧𐴠 𐴇𐴝𐴔𐴊𐴡𐴌𐴊𐴞 𐴕𐴡𐴃𐴝𐴑𐴠 𐴁𐴤𐴡𐴓𐴑𐴠 𐴇𐴥𐴞𐴚𐴐𐴝، 𐴕𐴝𐴉𐴡𐴌𐴡𐴃𐴞، 𐴊𐴟𐴐𐴧𐴡𐴕𐴞 𐴀𐴝𐴌 𐴇𐴠𐴑𐴝𐴌𐴡𐴃𐴞 𐴉𐴦𐴝𐴎𐴝، 𐴀𐴠𐴒𐴞𐴕𐴡𐴌𐴠 𐴃𐴝𐴌𐴝 𐴊𐴝𐴖𐴡𐴃𐴡𐴌 𐴁𐴠𐴇𐴠𐴃𐴡𐴌 𐴃𐴡𐴑𐴝𐴎𐴝 𐴀𐴥𐴞𐴏𐴝𐴉𐴠 𐴁𐴟𐴎𐴠| 𐴇𐴝𐴓𐴝𐴑𐴠 𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴒𐴟𐴓𐴟 𐴘𐴥𐴝 𐴇𐴡𐴊𐴃𐴠𐴅𐴝𐴖𐴡𐴎𐴞| 𐴀𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴔𐴡𐴏𐴧𐴟𐴊𐴢 𐴈𐴡𐴃𐴡𐴔𐴢 𐴀𐴥𐴡𐴘𐴎𐴝𐴒𐴡𐴘 𐴀𐴝𐴌 𐴀𐴟𐴓𐴊𐴝 𐴅𐴞𐴇𐴝𐴊𐴡𐴌 𐴕𐴟𐴏𐴧𐴝𐴕 𐴀𐴥𐴡𐴀| 𐴀𐴠𐴃𐴝𐴔𐴦𐴝𐴔𐴢 𐴏𐴞𐴏𐴡𐴌 𐴖𐴡𐴅𐴝 𐴀𐴝𐴌 𐴏𐴡𐴁𐴡𐴁𐴢 𐴀𐴥𐴡𐴘𐴓𐴊𐴠 𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴝𐴃𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴕𐴡𐴒𐴡𐴌𐴡𐴕||

𐴏𐴝𐴙𐴌 𐴓𐴡𐴔𐴁𐴡𐴌 𐴏𐴡𐴁𐴡𐴁𐴢: 𐴅𐴡𐴓𐴊𐴞𐴁𐴝𐴎𐴞 𐴀𐴝𐴌 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴅𐴠𐴇𐴝𐴓𐴡𐴃𐴢!

𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴃𐴢 𐴏𐴥𐴡𐴈𐴃𐴞 𐴉𐴡𐴙𐴊𐴝 𐴀𐴦𐴡𐴕𐴡𐴌 𐴀𐴝𐴌𐴡 𐴀𐴠𐴑𐴧𐴝𐴕 𐴏𐴡𐴁𐴡𐴁𐴢 𐴀𐴥𐴡𐴘𐴓𐴊𐴠 𐴅𐴡𐴓𐴊𐴞𐴁𐴝𐴎𐴞 𐴒𐴡𐴌𐴡𐴕| 𐴀𐴝𐴌 𐴁𐴦𐴡𐴗𐴃𐴢 𐴀𐴡𐴃𐴧𐴡𐴃𐴢 𐴁𐴤𐴝𐴓𐴝 𐴊𐴝𐴀𐴞𐴘𐴥𐴡 𐴀𐴠𐴈𐴝𐴔𐴡𐴃𐴢 𐴔𐴟𐴁𐴃𐴠𐴓𐴝 𐴀𐴥𐴡𐴘𐴎𐴝𐴒𐴡𐴘| 𐴎𐴡𐴈𐴡𐴕 𐴀𐴥𐴞𐴁𐴝 𐴊𐴠𐴙𐴈𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢، 𐴈𐴦𐴝𐴏𐴒𐴡𐴌𐴞 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴌 𐴊𐴦𐴞𐴕𐴞 𐴏𐴞𐴘𐴝𐴏𐴞 𐴅𐴡𐴔𐴝𐴃𐴢 𐴀𐴡𐴑𐴧𐴡𐴓𐴢 𐴃𐴝𐴌 𐴏𐴝𐴣𐴀𐴃𐴢 𐴕𐴡𐴊𐴠، 𐴃𐴝𐴌𐴝 𐴆𐴟𐴉𐴢 𐴔𐴝𐴌𐴞𐴃𐴝𐴑𐴠 𐴘𐴥𐴝 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴈𐴡𐴕𐴥𐴡 𐴔𐴡𐴗𐴎𐴟𐴌 𐴖𐴡𐴀𐴌𐴠 𐴀𐴠𐴈𐴃𐴠𐴓𐴝𐴉𐴢 𐴌𐴝𐴑𐴠، 𐴃𐴡𐴈𐴡𐴕 𐴃𐴝𐴌 𐴏𐴡𐴁𐴡𐴌 𐴈𐴡𐴃𐴡𐴔𐴢 𐴀𐴥𐴡𐴘𐴎𐴝𐴒𐴡𐴘| 𐴀𐴝𐴌 𐴃𐴝𐴌 𐴊𐴝𐴖𐴡𐴃𐴡𐴃𐴢 𐴏𐴥𐴡𐴈𐴃𐴞 𐴀𐴝𐴊𐴧𐴠 𐴑𐴡𐴄𐴞𐴕 𐴉𐴡𐴙𐴊𐴝 𐴀𐴥𐴡𐴘 𐴎𐴝𐴒𐴡𐴘||

𐴀𐴝𐴣𐴀𐴌𐴝 𐴎𐴡𐴊𐴞 𐴊𐴝𐴖𐴡𐴃𐴡𐴌 𐴃𐴝𐴌𐴞𐴈𐴡𐴌 𐴀𐴠 𐴇𐴝𐴑𐴞𐴑𐴡𐴃𐴡𐴌𐴠 𐴏𐴝𐴔𐴧𐴠 𐴌𐴝𐴑𐴞𐴃𐴝𐴔𐴢 𐴃𐴡𐴘𐴓𐴠 𐴀𐴝𐴣𐴀𐴌𐴝 𐴊𐴝𐴖𐴡𐴃𐴡𐴃𐴢 𐴏𐴥𐴡𐴈𐴃𐴞 𐴀𐴝𐴊𐴧𐴠 𐴑𐴡𐴄𐴞𐴕 𐴀𐴠𐴈𐴃𐴠𐴘𐴝𐴌 𐴕𐴡𐴒𐴡𐴙𐴅𐴧𐴟𐴔𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴈𐴡𐴕 𐴀𐴦𐴠𐴕𐴈𐴡𐴕𐴥𐴡 𐴀𐴠𐴕𐴑𐴠𐴓𐴝𐴁𐴢 𐴉𐴡𐴙𐴊𐴝 𐴀𐴥𐴡𐴘𐴧𐴠 𐴎𐴞𐴁𐴝 𐴀𐴝𐴒𐴡𐴌 𐴕𐴠𐴎𐴝𐴔𐴡𐴓𐴧𐴝 𐴁𐴡𐴓𐴞 𐴈𐴡𐴃𐴡𐴌𐴝 𐴁𐴡𐴕𐴞𐴁𐴡 𐴃𐴡𐴘𐴓𐴠 𐴀𐴥𐴠 𐴊𐴝𐴖𐴡𐴃𐴡𐴃𐴢 𐴐𐴡𐴌𐴞𐴑 𐴀𐴦𐴡𐴕 𐴔𐴝𐴙𐴐𐴥𐴡𐴓𐴧𐴝 𐴁𐴡𐴓𐴞 𐴀𐴦𐴝𐴏𐴝𐴕 𐴕𐴡𐴀| 𐴀𐴠𐴈𐴥𐴡𐴕 𐴏𐴡𐴓𐴠𐴊𐴧𐴠 𐴕𐴠𐴎𐴝𐴔𐴡𐴌 𐴏𐴝𐴣𐴀𐴃𐴠 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝𐴌 𐴔𐴦𐴝𐴕𐴞 𐴀𐴥𐴡𐴘𐴓𐴊𐴠 𐴃𐴝𐴔𐴦𐴝𐴔𐴢 𐴁𐴡𐴓𐴝-𐴔𐴡𐴏𐴞𐴁𐴡𐴃𐴢 𐴕𐴞𐴎𐴡𐴌 𐴖𐴡𐴌𐴠 𐴋𐴝𐴑𐴞 𐴀𐴝𐴕𐴡𐴕||

𐴀𐴥𐴠𐴈𐴡𐴃𐴝𐴓𐴧𐴝 𐴀𐴞𐴕𐴋𐴞𐴓𐴧𐴝 𐴊𐴝𐴖𐴡𐴃𐴡𐴌 𐴎𐴡𐴌𐴞𐴘𐴝 𐴔𐴝𐴕𐴥𐴟𐴙𐴐𐴢 𐴃𐴞𐴕 𐴃𐴡𐴁𐴑𐴝𐴃𐴢 𐴃𐴡𐴑𐴏𐴞𐴔𐴢 𐴀𐴥𐴡𐴘𐴎𐴝𐴒𐴡𐴘||
𐴱 – 𐴎𐴝𐴌𐴝 𐴇𐴥𐴝𐴣𐴏𐴝𐴌𐴠 𐴉𐴡𐴏𐴡𐴕 𐴒𐴡𐴌𐴡𐴘𐴝 𐴀𐴝𐴌 𐴁𐴡𐴓𐴡𐴕𐴊𐴡 𐴀𐴥𐴞𐴔𐴧𐴡𐴃𐴢 𐴀𐴝𐴊𐴧𐴠 𐴉𐴝𐴑𐴧𐴝 𐴀𐴠𐴌𐴝𐴊𐴝 𐴀𐴦𐴡𐴓𐴝 𐴏𐴞𐴌𐴞𐴉𐴢 𐴃𐴝𐴌𐴝 𐴀𐴠 𐴊𐴝𐴖𐴡𐴃𐴡𐴌 𐴏𐴝𐴣𐴀𐴃𐴢 𐴊𐴠𐴀| 𐴀𐴠𐴃𐴝𐴌𐴝 𐴕𐴞𐴎𐴠 𐴕𐴞𐴎𐴡𐴌 𐴖𐴡𐴀𐴌𐴠 𐴔𐴡𐴏𐴞𐴁𐴡𐴃𐴡𐴌 𐴉𐴝𐴀𐴌 𐴃𐴟𐴓𐴞𐴁𐴡𐴓𐴧𐴝 𐴀𐴝𐴒𐴠𐴁𐴝𐴌𐴠| 𐴀𐴝𐴌 𐴀𐴠 𐴑𐴞𐴏𐴞𐴔𐴡𐴌 𐴔𐴡𐴕𐴥𐴟𐴙𐴐𐴢 𐴇𐴝𐴔𐴞𐴐𐴝 𐴈𐴡𐴔𐴢 𐴀𐴡𐴘𐴢 𐴃𐴝𐴑𐴠||

𐴲 – 𐴊𐴟𐴏𐴡𐴌𐴝 𐴃𐴡𐴁𐴑𐴝 𐴎𐴝𐴌𐴝 𐴓𐴠𐴙𐴋𐴝𐴌𐴞𐴌 𐴑𐴟𐴌𐴏𐴞𐴃𐴢 𐴀𐴝𐴏𐴠 𐴘𐴥𐴝 𐴏𐴡𐴓𐴠𐴊𐴧𐴠 𐴕𐴠𐴎𐴝𐴔𐴡𐴌 𐴏𐴝𐴣𐴀𐴃𐴠 𐴎𐴝𐴌𐴝𐴌 𐴔𐴡𐴉𐴝𐴊𐴡𐴌 𐴃𐴝𐴀𐴓𐴧𐴟𐴑 𐴀𐴝𐴏𐴠| 𐴅𐴡𐴔𐴝𐴃𐴢 𐴀𐴞𐴁𐴝 𐴀𐴠 𐴃𐴝𐴇𐴌𐴞𐴑𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴠 𐴀𐴝𐴌 𐴀𐴠 𐴃𐴝𐴇𐴌𐴞𐴑𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞𐴁𐴡𐴓𐴧𐴝 𐴔𐴡𐴙𐴊𐴝𐴕𐴡𐴃𐴢 𐴓𐴝𐴔𐴠||

𐴳 – 𐴃𐴠𐴏𐴝𐴌𐴝 𐴃𐴡𐴁𐴑𐴝 𐴀𐴥𐴡𐴘𐴓𐴊𐴠، 𐴎𐴝𐴌𐴝𐴌𐴠 𐴔𐴝𐴀𐴔𐴟𐴓𐴞 𐴎𐴞𐴕𐴊𐴞𐴒𐴞𐴘𐴠 𐴔𐴡𐴐𐴒𐴟𐴓𐴢 𐴒𐴡𐴌𐴞 𐴌𐴝𐴙𐴑𐴧𐴠| 𐴀𐴠𐴒𐴞𐴕𐴡𐴌 𐴁𐴥𐴟𐴃𐴡𐴌𐴠 𐴁𐴝𐴎𐴡𐴑𐴞𐴘𐴝 𐴇𐴡𐴑 𐴀𐴝𐴊𐴧𐴠 𐴁𐴝𐴃𐴠𐴓𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑 𐴒𐴡𐴌𐴝𐴌 𐴈𐴝𐴇𐴠𐴐𐴢 𐴒𐴡𐴌𐴠| 𐴀𐴝𐴌 𐴇𐴡𐴑𐴡𐴌 𐴏𐴝𐴣𐴀𐴃𐴢 𐴊𐴡𐴕𐴡𐴌 𐴀𐴠𐴌𐴝𐴊𐴝𐴘𐴥𐴡 𐴌𐴝𐴑𐴠| 𐴑𐴞𐴕𐴃𐴟 𐴃𐴝𐴌𐴝𐴌 𐴖𐴡𐴀𐴌𐴠 𐴃𐴝𐴑𐴡𐴃𐴖𐴝𐴌 𐴓𐴠𐴙𐴋𐴝𐴌 𐴀𐴦𐴡𐴓𐴡𐴌 𐴈𐴡𐴗𐴉𐴢 𐴒𐴝𐴓𐴠𐴁𐴢 𐴃𐴝𐴑𐴠| 𐴀𐴥𐴠𐴈𐴡𐴃𐴝𐴓𐴧𐴝 𐴁𐴠𐴐𐴞 𐴉𐴝𐴘𐴊𐴝𐴌𐴠 𐴑𐴟𐴌𐴁𐴝𐴕 𐴒𐴡𐴌𐴞 𐴁𐴠𐴐𐴞 𐴕𐴟𐴏𐴧𐴝𐴕𐴞𐴌𐴠 𐴁𐴡𐴊𐴧𐴝𐴐𐴢 𐴒𐴡𐴌𐴞𐴁𐴝𐴌 𐴖𐴡𐴌𐴠 𐴃𐴡𐴘𐴧𐴝𐴌 𐴕𐴡𐴀𐴡| 𐴎𐴡𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴀𐴠 𐴃𐴝𐴇𐴌𐴞𐴑 𐴔𐴡𐴎𐴁𐴟𐴃𐴢 𐴕𐴡𐴀𐴡 𐴀𐴥𐴠𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴃𐴝𐴌 𐴁𐴥𐴟𐴃𐴡𐴌𐴠 𐴎𐴝𐴇𐴠𐴌 𐴁𐴝𐴇𐴠𐴌 𐴊𐴝𐴖𐴡𐴃𐴢 𐴑𐴡𐴁𐴟𐴓𐴢 𐴒𐴡𐴌𐴝𐴌 𐴅𐴡𐴎𐴁𐴝 𐴉𐴡𐴙𐴊𐴝 𐴕𐴡𐴀𐴡| 𐴀𐴥𐴞𐴁𐴝 𐴇𐴦𐴝𐴓𐴡𐴃𐴢 𐴁𐴡𐴊𐴡𐴓𐴞𐴁𐴝𐴌 𐴀𐴠𐴕𐴃𐴠𐴎𐴝𐴌 𐴒𐴡𐴌𐴠| 𐴎𐴡𐴈𐴡𐴕 𐴀𐴠 𐴃𐴝𐴇𐴌𐴞𐴑 𐴔𐴡𐴎𐴁𐴟𐴃𐴢 𐴖𐴦𐴝 𐴐𐴟𐴌𐴟 𐴀𐴥𐴡 𐴃𐴡𐴈𐴡𐴕 𐴀𐴠𐴃𐴡𐴁𐴑𐴝𐴌 𐴔𐴝𐴕𐴥𐴟𐴙𐴐𐴢 𐴀𐴡𐴀𐴓𐴢 𐴅𐴡𐴔𐴝𐴃𐴠 𐴅𐴡𐴔𐴝𐴃𐴠 𐴕𐴟𐴏𐴌𐴡𐴃𐴢 𐴀𐴝𐴊𐴧𐴠 𐴔𐴡𐴊𐴡𐴃𐴢 𐴒𐴡𐴌𐴞𐴁𐴡𐴓𐴧𐴝 𐴀𐴝𐴒𐴠𐴁𐴝𐴌𐴠||

𐴘𐴦𐴝𐴕 𐴀𐴥𐴡𐴘𐴓𐴊𐴠 𐴀𐴡 𐴃𐴝𐴌𐴞𐴈𐴢 𐴎𐴞𐴘𐴝𐴕𐴡𐴌 𐴖𐴡𐴌𐴠 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴝𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴔𐴟𐴁𐴝𐴌𐴡𐴑 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴥𐴠 𐴊𐴝𐴖𐴡𐴃𐴡𐴌 𐴀𐴝𐴎𐴞𐴔𐴟𐴐𐴧𐴝𐴕 𐴑𐴝𐴉𐴠𐴓𐴝 𐴒𐴟𐴎𐴡𐴌𐴞 𐴒𐴞𐴘𐴧𐴠| 𐴎𐴡𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴔𐴡𐴑𐴧𐴝𐴌 𐴔𐴟𐴐𐴌𐴞𐴑 𐴀𐴦𐴡𐴓𐴡𐴌 𐴃𐴝𐴑𐴡𐴃𐴢 𐴄𐴟𐴌𐴝 𐴄𐴟𐴌𐴝 𐴀𐴥𐴡𐴘𐴕𐴡𐴎𐴝 𐴀𐴥𐴠𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴔𐴟𐴏𐴡𐴓𐴔𐴝𐴕𐴡𐴌 𐴒𐴡𐴕𐴃𐴞 𐴈𐴡𐴔𐴢 𐴀𐴝𐴙𐴐𐴧𐴞𐴓𐴢| 𐴃𐴝𐴌𐴁𐴝𐴊𐴠-

𐴎𐴡𐴈𐴡𐴕 𐴔𐴡𐴑𐴧𐴝 𐴉𐴡𐴃𐴝𐴤 𐴀𐴥𐴡𐴘𐴧𐴠|

إِذَا جَاءَ نَصْرُ اللَّـهِ وَالْفَتْحُ

𐴃𐴡𐴈𐴡𐴕 𐴅𐴡𐴔𐴝𐴃𐴠 𐴅𐴡𐴔𐴝𐴃𐴠 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴢 𐴔𐴟𐴏𐴡𐴓𐴔𐴝𐴕 𐴖𐴦𐴝 𐴐𐴟𐴌𐴟 𐴀𐴥𐴡𐴘𐴧𐴠|

وَرَأَيْتَ النَّاسَ يَدْخُلُونَ فِي دِينِ اللَّـهِ أَفْوَاجًا

𐴃𐴡𐴘 𐴀𐴝𐴑𐴏𐴡𐴌 𐴀𐴦𐴝𐴔𐴢 𐴔𐴝𐴕𐴥𐴟𐴙𐴐𐴢 𐴏𐴥𐴝𐴘 𐴊𐴦𐴞𐴕𐴊𐴝𐴌 𐴃𐴡𐴁𐴑𐴝 𐴀𐴥𐴡𐴑، 𐴃𐴝𐴌𐴝𐴌 𐴆𐴟𐴉𐴢 𐴃𐴝𐴑𐴝 𐴘𐴥𐴝 𐴃𐴝𐴌𐴝𐴌 𐴈𐴡𐴕𐴥𐴡 𐴔𐴡𐴗𐴎𐴟𐴌 𐴖𐴡𐴌𐴠 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴝𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴢 𐴏𐴡𐴁𐴡𐴌 𐴀𐴥𐴝𐴌𐴝𐴘 𐴕𐴡𐴉𐴠𐴓𐴝𐴘𐴁𐴡| 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴀𐴞𐴕𐴋𐴞𐴓𐴧𐴝 𐴕𐴡𐴀𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴡𐴌 𐴃𐴝𐴇𐴌𐴞𐴑 𐴔𐴡𐴐𐴑𐴞𐴓𐴢 𐴔𐴡𐴌𐴇𐴝𐴓𐴝 𐴃𐴝𐴘𐴒𐴡𐴌𐴠𐴌 𐴀𐴝𐴌 𐴐𐴡𐴔𐴝𐴎𐴡𐴌 𐴀𐴝𐴑𐴏𐴡𐴌𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴝𐴙𐴐𐴧𐴞𐴓𐴢| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝𐴃𐴧𐴞 𐴀𐴠 𐴀𐴝𐴑𐴏𐴡𐴌𐴞𐴘𐴡𐴃𐴡𐴌 𐴏𐴝𐴣𐴀𐴃𐴠-

(خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ) 𐴡𐴌 𐴖𐴡𐴀𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴕 𐴏𐴦𐴝𐴀|

(خُذِ الْعَفْوَ) 𐴔𐴦𐴝𐴕𐴞: 𐴎𐴠𐴊𐴧𐴟𐴌 𐴉𐴝𐴌𐴠 𐴔𐴡𐴊𐴡𐴃𐴢 𐴀𐴝𐴌 𐴈𐴝𐴘𐴌𐴈𐴝𐴇𐴞 𐴀𐴥𐴞𐴁𐴝 𐴀𐴡𐴕𐴡𐴌 𐴏𐴝𐴣𐴀𐴃𐴠 𐴒𐴡𐴌𐴠𐴌 𐴀𐴥𐴠𐴒𐴞𐴕𐴡𐴌𐴠 𐴐𐴟𐴑𐴟𐴌𐴞𐴘𐴝𐴌 𐴏𐴝𐴣𐴀𐴃𐴠 𐴑𐴡𐴁𐴟𐴓𐴢 𐴒𐴡𐴌𐴡، (وَأْمُرْ بِالْعُرْفِ) 𐴇𐴝𐴔𐴊𐴡𐴌𐴊𐴞𐴌 𐴏𐴝𐴣𐴀𐴃𐴠 𐴊𐴝𐴖𐴡𐴃𐴢، 𐴃𐴝𐴇𐴌𐴞𐴎، 𐴀𐴠𐴏𐴓𐴝𐴇 𐴀𐴝𐴊𐴧𐴠 𐴌𐴝𐴇𐴕𐴟𐴔𐴝𐴘𐴞𐴌 𐴈𐴝𐴔𐴢 𐴅𐴝𐴌𐴞 𐴌𐴝𐴑𐴡| 𐴊𐴡𐴓𐴞𐴓𐴢 𐴀𐴝𐴊𐴧𐴠 𐴑𐴞𐴌𐴊𐴝𐴌𐴡𐴌 𐴎𐴡𐴌𐴞𐴘𐴝 𐴃𐴝𐴌𐴝𐴌 𐴀𐴝𐴑𐴡𐴓𐴢 𐴀𐴝𐴌 𐴊𐴞𐴓𐴡𐴌𐴠 𐴑𐴝𐴁𐴟 𐴒𐴡𐴌𐴡| (وَأَعْرِضْ عَنِ الْجَاهِلِينَ) 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴎𐴝𐴌𐴝 (𐴎𐴟𐴁𐴝𐴕 𐴀𐴝𐴊𐴧𐴠 𐴑𐴡𐴓𐴡𐴔𐴡𐴌 𐴎𐴡𐴌𐴞𐴘𐴝) 𐴕𐴞𐴎𐴡𐴌 𐴅𐴠𐴇𐴝𐴓𐴡𐴃𐴡𐴌𐴠 𐴎𐴝𐴇𐴠𐴌 𐴒𐴡𐴌𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴔𐴡𐴐𐴒𐴟𐴓𐴢 𐴕𐴡𐴀𐴥𐴡𐴘𐴧𐴡! 𐴀𐴡𐴕𐴡𐴌 𐴀𐴝𐴑𐴡𐴓𐴢-𐴁𐴟𐴊𐴧𐴞 𐴀𐴝𐴌 𐴀𐴥𐴝𐴃𐴞𐴘𐴝𐴌 𐴀𐴡𐴑𐴧𐴡𐴓𐴢 𐴏𐴞𐴌𐴞𐴉𐴢 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴈𐴡𐴃𐴡𐴔𐴢 𐴒𐴡𐴌𐴞𐴁𐴝𐴌 𐴈𐴝𐴃𐴠𐴌𐴠 𐴀𐴠𐴏𐴃𐴠𐴔𐴝𐴓𐴢 𐴀𐴦𐴡𐴕𐴏𐴦𐴝||

 

𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴏𐴝𐴔𐴧𐴠 𐴀𐴝𐴏𐴡𐴓𐴢 𐴌𐴠𐴑𐴝𐴖𐴡𐴄

𐴀𐴝𐴣𐴀𐴌𐴝 𐴀𐴠𐴈𐴡𐴃𐴝 𐴔𐴝𐴕𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴊𐴞𐴕𐴊𐴝𐴌 𐴓𐴠𐴋𐴝𐴌 𐴀𐴡𐴀𐴓𐴡𐴌 𐴀𐴠𐴑 𐴃𐴡𐴁𐴑𐴝 𐴏𐴡𐴈𐴃𐴡 𐴊𐴟𐴕𐴞𐴘𐴝𐴊𐴝𐴌| 𐴘𐴦𐴝𐴕𐴥𐴡 𐴀𐴝𐴣𐴀𐴌𐴝 𐴔𐴝𐴕𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴡𐴅𐴔𐴟𐴀𐴞 𐴀𐴠𐴃𐴠𐴁𐴝𐴌𐴠 𐴀𐴠 𐴊𐴞𐴕𐴞 𐴏𐴞𐴘𐴝𐴏𐴞 𐴅𐴡𐴔𐴝𐴃𐴢 𐴀𐴡𐴑𐴧𐴡𐴓𐴡𐴌 𐴔𐴡𐴕𐴇𐴝𐴅𐴢 𐴏𐴥𐴡𐴀𐴞 𐴕𐴡𐴀| 𐴃𐴝𐴌𐴝𐴌 𐴎𐴡𐴌𐴞𐴘𐴝 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴃𐴝𐴑𐴡𐴃𐴖𐴝𐴌 𐴀𐴥𐴡𐴌| 𐴃𐴝𐴒𐴟𐴃𐴞 𐴕𐴠𐴎𐴝𐴔𐴠 𐴃𐴝𐴌𐴝𐴌𐴠 𐴀𐴞𐴏𐴓𐴝𐴔𐴡𐴌 𐴈𐴠𐴓𐴝𐴉𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠𐴌| 𐴀𐴠𐴈𐴡𐴃𐴝𐴌 𐴖𐴡𐴀𐴌𐴠 𐴁𐴠𐴙𐴒𐴧𐴞𐴕 𐴀𐴠𐴃𐴧𐴠𐴉𐴝𐴑| 𐴁𐴞𐴙𐴌𐴝𐴔𐴢 𐴃𐴝𐴀𐴞𐴕 𐴒𐴡𐴌𐴝𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴑𐴞𐴘𐴥𐴡𐴌 𐴀𐴠𐴈𐴃𐴠𐴓𐴝𐴉𐴢 𐴕𐴥𐴝𐴘، 𐴏𐴟𐴖𐴝𐴓𐴢 𐴀𐴥𐴡𐴘𐴓𐴊𐴠 𐴀𐴠𐴓𐴝𐴅𐴡𐴌 𐴃𐴡𐴌𐴞𐴑𐴝𐴓𐴡𐴘||

𐴎𐴡𐴊𐴞 𐴀𐴡𐴕𐴠 𐴏𐴞𐴑𐴟𐴓𐴝𐴌 𐴃𐴡𐴁𐴑𐴝، 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴝𐴊𐴧𐴠 𐴎𐴝𐴓𐴠𐴔𐴞 𐴕𐴠𐴎𐴝𐴔𐴡𐴌 𐴉𐴦𐴝𐴌𐴝 𐴊𐴡𐴀𐴘𐴝 𐴀𐴡𐴑𐴧𐴡𐴓𐴡𐴌𐴠 𐴏𐴥𐴝𐴌𐴞، 𐴀𐴠 𐴊𐴞𐴕𐴊𐴝𐴌 𐴀𐴡𐴀𐴓𐴡𐴌 𐴏𐴝𐴣𐴀𐴃𐴠 𐴊𐴟𐴐𐴧𐴡𐴕𐴞 𐴐𐴟𐴌𐴟 𐴒𐴡𐴌𐴡 𐴀𐴝𐴌 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴃𐴡𐴑𐴉𐴞𐴌𐴡𐴌 𐴉𐴡𐴃𐴡𐴖𐴝 𐴅𐴝𐴔𐴡 𐴒𐴡𐴌𐴡 𐴃𐴡𐴘𐴓𐴠 𐴘𐴦𐴝𐴕 𐴀𐴠𐴓𐴝𐴅 𐴕𐴡𐴀| 𐴁𐴤𐴡𐴓𐴑𐴠 𐴁𐴞𐴙𐴌𐴝𐴔𐴢 𐴁𐴝𐴌𐴝𐴘 𐴉𐴠𐴓𐴡𐴕| 𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴃𐴢 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴏𐴝𐴔𐴧𐴠 𐴀𐴠 𐴅𐴡𐴔𐴝𐴃𐴢 𐴌𐴠𐴑𐴝𐴖𐴡𐴄 𐴕𐴡𐴀، 𐴀𐴠𐴃𐴝𐴌𐴝 𐴈𐴡𐴃𐴡𐴔𐴢 𐴀𐴥𐴡𐴘𐴓𐴠𐴘𐴥𐴡 𐴀𐴡𐴕𐴡𐴌 𐴈𐴝𐴔𐴢 𐴈𐴡𐴃𐴡𐴔𐴢 𐴕𐴡𐴀𐴡𐴘𐴁𐴡| 𐴀𐴠 𐴎𐴝𐴒𐴝𐴃𐴢 𐴀𐴝𐴏𐴡𐴓𐴢 𐴌𐴠𐴑𐴝𐴖𐴡𐴄 𐴀𐴡 𐴃𐴝𐴔𐴦𐴝𐴔𐴢 𐴁𐴠𐴊𐴤𐴡𐴌𐴔𐴞 𐴓𐴠𐴙𐴋𐴝𐴌 𐴀𐴡𐴑𐴧𐴡𐴓𐴢 𐴎𐴝𐴌𐴝 𐴀𐴥𐴝𐴃𐴞𐴘𐴝𐴌، 𐴎𐴟𐴓𐴟𐴔𐴢 𐴀𐴝𐴊𐴧𐴠 𐴕𐴞𐴎𐴡𐴌 𐴑𐴠𐴌𐴝𐴘𐴝 𐴒𐴡𐴙𐴅𐴧𐴝 𐴑𐴝𐴃𐴠𐴓𐴢 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴎𐴞𐴕𐴊𐴞𐴒𐴞𐴌 𐴃𐴝𐴔𐴦𐴝𐴔𐴢 𐴌𐴝𐴏𐴧𐴝 𐴀𐴡𐴑𐴧𐴡𐴓𐴡𐴌𐴠 𐴑𐴡𐴁𐴎𐴝 𐴒𐴡𐴌𐴞𐴌𐴝𐴙𐴑𐴧𐴠، 𐴀𐴠𐴃𐴝𐴌𐴝 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴁𐴡𐴕𐴊𐴟𐴑𐴡𐴌 𐴔𐴝𐴃𐴝𐴙𐴕𐴧𐴝𐴌 𐴖𐴡𐴌𐴠 𐴒𐴟𐴓𐴝𐴔𐴢 𐴁𐴝𐴕𐴝𐴘 𐴌𐴝𐴙𐴑𐴧𐴠||

𐴑𐴟𐴉𐴡𐴌 𐴀𐴝𐴊𐴧𐴠 𐴕𐴠𐴉𐴝𐴑 𐴔𐴝𐴌𐴇𐴝 𐴀𐴠 𐴓𐴠𐴙𐴋𐴝𐴌 𐴃𐴡𐴁𐴑𐴝، 𐴄𐴞𐴛𐴝 𐴉𐴡𐴐𐴝𐴌 𐴒𐴟𐴓𐴝𐴔𐴢 𐴀𐴠 𐴅𐴡𐴌𐴕𐴠𐴓𐴢 𐴀𐴡𐴑𐴧𐴡𐴓𐴢 𐴀𐴝𐴌 𐴔𐴟𐴏𐴡𐴓𐴔𐴝𐴕𐴡𐴌𐴠 𐴑𐴡𐴃𐴡𐴓𐴢 𐴒𐴡𐴌𐴡𐴘𐴝 𐴁𐴤𐴝𐴌𐴝 𐴒𐴡𐴙𐴅𐴧𐴝 𐴀𐴠 𐴑𐴝𐴃𐴠𐴓𐴢 𐴀𐴡𐴑𐴧𐴡𐴓𐴢 𐴀𐴠𐴒𐴞𐴕 𐴁𐴠𐴒𐴧𐴞𐴕 𐴀𐴡 𐴈𐴡𐴃𐴡𐴌𐴕𐴝𐴑 𐴁𐴡𐴓𐴝 𐴎𐴠𐴒𐴞𐴕𐴡𐴌 𐴖𐴡𐴅𐴟𐴊𐴡𐴌 𐴎𐴡𐴌𐴞𐴘𐴝 𐴃𐴝𐴔𐴦𐴝𐴔𐴢 𐴉𐴡𐴏𐴝𐴊𐴡𐴌 𐴒𐴟𐴙𐴅𐴧𐴝 𐴀𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴑𐴝𐴘𐴠𐴔𐴢 𐴀𐴝𐴏𐴠| 𐴀𐴞𐴃𐴝𐴌𐴝 𐴀𐴥𐴡𐴘𐴓𐴊𐴠 𐴀𐴡 𐴊𐴤𐴟𐴑𐴝𐴁𐴝𐴎 𐴃𐴡𐴁𐴑𐴝 𐴎𐴝𐴌𐴝 𐴕𐴞𐴎𐴡𐴌 𐴉𐴥𐴟𐴌𐴃𐴞 𐴀𐴝𐴊𐴧𐴠 𐴀𐴝𐴘𐴧𐴝𐴐𐴞𐴌𐴠 𐴁𐴝𐴑𐴞 𐴌𐴝𐴑𐴞𐴁𐴡𐴓𐴧𐴝 𐴃𐴝𐴔𐴦𐴝𐴔𐴢 𐴊𐴞𐴕𐴊𐴝𐴌 𐴅𐴡𐴔𐴝𐴃𐴡𐴌𐴠 𐴀𐴝𐴣𐴀𐴌𐴝𐴌 𐴈𐴠𐴓𐴝𐴉𐴢 𐴓𐴝𐴒𐴝𐴘 𐴊𐴞𐴘𐴧𐴠| 𐴀𐴠 𐴊𐴦𐴞𐴕𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴠 𐴏𐴦𐴝𐴊𐴧𐴠 𐴀𐴝𐴣𐴀𐴌𐴝 𐴊𐴞𐴕𐴊𐴝𐴌 𐴅𐴡𐴔𐴝𐴃𐴡𐴌 𐴈𐴠𐴓𐴝𐴉𐴢 𐴔𐴡𐴐𐴒𐴟𐴓𐴢 𐴃𐴝𐴑𐴞| 𐴀𐴝𐴌 𐴀𐴠 𐴁𐴠𐴊𐴞𐴕 𐴀𐴦𐴡𐴓𐴢 𐴁𐴝𐴏𐴞𐴎𐴡𐴑| 𐴃𐴝𐴌𐴁𐴝𐴊𐴠 𐴊𐴞𐴕𐴊𐴝𐴌 𐴀𐴦𐴡𐴓𐴡𐴌 𐴀𐴝𐴉𐴡𐴏𐴡𐴃𐴢 𐴀𐴠𐴈𐴃𐴠𐴓𐴝𐴉𐴢 𐴊𐴠𐴙𐴈𐴝𐴘 𐴀𐴝𐴏𐴡𐴓𐴢 𐴊𐴦𐴞𐴕𐴡𐴌 𐴈𐴠𐴓𐴝𐴉𐴢 𐴀𐴠𐴓𐴎𐴝𐴔𐴊𐴠 𐴀𐴝𐴌 𐴏𐴝𐴙𐴓𐴁𐴝𐴎𐴞 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 ( 𐴕𐴝𐴀𐴟𐴎𐴟 𐴁𐴞𐴓𐴧𐴝𐴇) 𐴃𐴝𐴔𐴦𐴝𐴔𐴢 𐴀𐴠𐴈𐴃𐴠𐴓𐴝𐴉𐴡𐴌 𐴒𐴟𐴙𐴅𐴧𐴝 𐴀𐴥𐴡𐴘𐴓𐴊𐴠 𐴊𐴤𐴡𐴌𐴔𐴡| 𐴀𐴥𐴠𐴈𐴡𐴃𐴝𐴓𐴧𐴝 𐴊𐴞𐴕𐴊𐴝𐴌 𐴀𐴡𐴑𐴧𐴡𐴓𐴢 𐴀𐴝𐴉𐴡𐴏𐴡𐴃𐴢 𐴅𐴡𐴒𐴡𐴍𐴝𐴃𐴢 𐴔𐴡𐴐𐴒𐴟𐴓𐴢| 𐴔𐴡𐴃𐴓𐴡𐴁𐴢 𐴀𐴠𐴑 𐴃𐴞𐴌𐴠 𐴊𐴟𐴘 𐴐𐴞𐴑𐴝𐴌||

𐴎𐴡𐴈𐴡𐴕 𐴀𐴠𐴇𐴝𐴓𐴡𐴃𐴢 𐴀𐴥𐴡𐴘𐴁𐴡 𐴃𐴡𐴈𐴡𐴕 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴡𐴌 𐴒𐴡𐴓𐴝 𐴇𐴝𐴍𐴞𐴁𐴡𐴓𐴧𐴝 𐴁𐴠𐴊𐴞𐴕 𐴕𐴡𐴀، 𐴁𐴤𐴡𐴓𐴑𐴠 𐴊𐴞𐴕𐴊𐴝𐴌𐴥𐴠 𐴑𐴝𐴉𐴞 𐴀𐴥𐴡𐴘𐴁𐴡| 𐴀𐴝𐴣𐴀𐴌𐴝 𐴎𐴠𐴃𐴡 𐴁𐴠𐴐𐴞 𐴊𐴦𐴞𐴕𐴊𐴝𐴌𐴡𐴌 𐴈𐴠𐴓𐴝𐴉𐴢 𐴉𐴡𐴃𐴡𐴖𐴝 𐴀𐴝𐴊𐴧𐴠 𐴅𐴡𐴒𐴡𐴍𐴝𐴌 𐴔𐴡𐴙𐴊𐴝𐴕 𐴒𐴡𐴌𐴡𐴔𐴢 𐴌𐴝𐴑𐴞𐴘𐴟𐴔𐴢 𐴀𐴠𐴃𐴡 𐴁𐴠𐴐𐴞 𐴊𐴝𐴖𐴡𐴃𐴡𐴌 𐴁𐴥𐴟𐴃𐴡𐴌𐴠 𐴀𐴠𐴐𐴑𐴝𐴓𐴢 𐴉𐴡𐴙𐴊𐴝 𐴀𐴥𐴡𐴘𐴁𐴡 𐴀𐴝𐴌 𐴕𐴞𐴎𐴡𐴌 𐴃𐴝𐴌𐴒𐴠𐴄𐴡𐴃𐴧𐴞 𐴊𐴟𐴌𐴠 𐴎𐴝𐴘𐴟𐴔𐴧𐴡𐴘| 𐴘𐴦𐴝𐴌𐴁𐴝𐴊𐴠 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴢 𐴁𐴠𐴐𐴞 𐴅𐴡𐴓𐴊𐴞𐴌 𐴏𐴝𐴣𐴀𐴃𐴠 𐴑𐴟𐴌𐴝𐴘-𐴇𐴝𐴌𐴝𐴘 𐴀𐴠𐴑𐴒𐴟𐴙𐴓𐴧𐴝 𐴀𐴥𐴡𐴘 𐴈𐴡𐴃𐴡𐴔𐴢 𐴀𐴥𐴡𐴘 𐴎𐴝𐴘𐴁𐴡𐴘||

𐴀𐴥𐴠𐴈𐴡𐴃𐴝𐴓𐴧𐴝 𐴀𐴠 𐴊𐴞𐴕𐴊𐴝𐴌 𐴅𐴡𐴔𐴝𐴃𐴡𐴌 𐴏𐴝𐴣𐴀𐴃𐴠 𐴉𐴡𐴃𐴡𐴖𐴝𐴌 𐴎𐴟𐴁𐴝𐴕𐴓𐴡𐴘 𐴕𐴡𐴀 𐴁𐴤𐴡𐴓𐴑𐴠 𐴊𐴝𐴖𐴡𐴃𐴡𐴌 𐴎𐴟𐴁𐴝𐴕𐴓𐴡𐴘 𐴉𐴠𐴙𐴐𐴢 𐴀𐴝𐴙𐴐𐴧𐴟𐴔𐴢| 𐴊𐴤𐴡𐴔𐴑𐴞، 𐴇𐴠𐴑𐴝𐴌𐴡𐴃𐴢 𐴀𐴝𐴌 𐴒𐴝𐴓𐴞-𐴒𐴝𐴓𐴝𐴏𐴢 𐴕𐴡𐴀، 𐴊𐴡𐴓𐴞𐴓𐴢 𐴀𐴝𐴊𐴧𐴠 𐴇𐴝𐴔𐴊𐴡𐴌𐴊𐴞𐴌 𐴏𐴝𐴣𐴀𐴃𐴠 𐴊𐴝𐴖𐴡𐴃𐴢 𐴊𐴡𐴀𐴕𐴡𐴌𐴠 𐴐𐴥𐴞𐴑𐴞𐴘𐴧𐴟𐴔𐴢 𐴀𐴝𐴣𐴀𐴌𐴝| 𐴃𐴝𐴌 𐴔𐴟𐴃𐴝𐴓𐴧𐴠𐴑 𐴐𐴡𐴌𐴞𐴘𐴡𐴃𐴡𐴌 𐴀𐴝𐴇𐴑𐴝𐴔𐴡 𐴎𐴝𐴕𐴞𐴓𐴡𐴕 𐴎𐴡𐴌𐴟𐴌𐴞| 𐴃𐴝𐴑𐴠 𐴇𐴦𐴝𐴌 𐴀𐴡𐴃𐴧𐴡𐴃𐴢 𐴀𐴠𐴃𐴠𐴊𐴝𐴓𐴡𐴌 𐴖𐴡𐴌𐴠 𐴑𐴝𐴘𐴠𐴔𐴢 𐴃𐴝𐴑𐴞𐴉𐴝𐴌𐴞||

 

𐴊𐴝𐴀𐴞𐴐𐴢(𐴀𐴝𐴘 𐴀𐴠𐴏𐴢) 𐴡𐴃𐴧𐴞 𐴁𐴥𐴝𐴌𐴡 𐴕𐴞𐴑𐴧𐴌𐴞𐴐𐴄𐴡 𐴉𐴞𐴑𐴞𐴌 𐴀𐴝𐴌 𐴅𐴞𐴇𐴝𐴊𐴡𐴌 𐴊𐴝𐴀𐴞𐴌 𐴎𐴞𐴔𐴧𐴝𐴊𐴝𐴌𐴞

𐴊𐴦𐴞𐴕𐴞 𐴏𐴞𐴘𐴝𐴏𐴞 𐴅𐴡𐴔𐴝𐴃𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴠𐴊𐴠 𐴇𐴥𐴞𐴃𐴝𐴌𐴝 𐴀𐴥𐴡𐴘𐴓𐴊𐴠 𐴊𐴦𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢| 𐴃𐴝𐴌𐴝𐴌 𐴁𐴝𐴁𐴡𐴃𐴠 𐴈𐴡𐴘𐴠𐴑𐴧𐴝𐴕 𐴏𐴞𐴏𐴡𐴌 𐴖𐴡𐴌𐴠 𐴀𐴝𐴣𐴀𐴌𐴝𐴌 𐴀𐴠𐴃𐴧𐴠𐴉𐴝𐴑 𐴀𐴝𐴏𐴠| 𐴀𐴝𐴌 𐴈𐴡𐴘𐴠𐴑𐴧𐴝𐴕 𐴏𐴞𐴏𐴡𐴌 𐴖𐴡𐴌𐴠 𐴀𐴠𐴈𐴃𐴠𐴓𐴝𐴉𐴢 𐴀𐴝𐴏𐴠| 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴁𐴤𐴝𐴓𐴝𐴘𐴥𐴡 𐴀𐴝𐴏𐴠 𐴈𐴡𐴌𐴝𐴁𐴥𐴡 𐴀𐴝𐴏𐴠| 𐴁𐴡𐴊𐴧𐴞𐴕 𐴏𐴞𐴑𐴟𐴓𐴝𐴌 𐴅𐴡𐴔𐴝𐴃𐴡𐴌 𐴕𐴞𐴏𐴁𐴡𐴃𐴠 𐴀𐴠 𐴊𐴦𐴞𐴕𐴊𐴝𐴌 𐴅𐴡𐴔𐴝𐴃𐴢 𐴀𐴠𐴑 𐴀𐴠𐴃𐴠𐴁𐴝𐴌𐴠 𐴀𐴝𐴣𐴀𐴌𐴝𐴌 𐴊𐴟𐴏𐴃𐴡، 𐴊𐴟𐴐𐴧𐴡𐴕 𐴕𐴡𐴀| 𐴁𐴤𐴡𐴓𐴑𐴠 𐴀𐴥𐴠 𐴓𐴝𐴊𐴞𐴕𐴡𐴌 𐴀𐴠𐴃𐴠𐴁𐴝𐴌𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴝𐴣𐴀𐴌𐴝𐴌 𐴁𐴠𐴐𐴞 𐴏𐴞𐴏𐴡𐴃𐴢 𐴔𐴞𐴓𐴢 𐴀𐴝𐴏𐴠| 𐴀𐴝𐴌 𐴀𐴠𐴑𐴎𐴡𐴕 𐴊𐴝𐴀𐴞𐴌 𐴎𐴞𐴔𐴧𐴝 𐴀𐴥𐴡𐴘𐴓𐴊𐴠 𐴀𐴠𐴃𐴧𐴠𐴉𐴝𐴑𐴞 𐴔𐴡𐴎𐴟𐴌𐴠 𐴃𐴝𐴓𐴝𐴐𐴢 𐴒𐴡𐴌𐴡𐴕| 𐴘𐴦𐴝𐴌𐴁𐴝𐴊𐴠 𐴈𐴡𐴃𐴝𐴌𐴠 𐴀𐴝𐴒𐴠 𐴁𐴝𐴌𐴝𐴘 𐴀𐴡 𐴁𐴝𐴃𐴠𐴓𐴢 𐴏𐴞𐴏𐴡𐴌𐴠 𐴁𐴝𐴃𐴠𐴓𐴢 𐴏𐴝𐴁𐴠𐴃𐴢 𐴒𐴡𐴌𐴡𐴕| 𐴎𐴠𐴒𐴞𐴕𐴡𐴌𐴠 𐴀𐴥𐴞𐴁𐴝 𐴁𐴝𐴃𐴠𐴓𐴢 𐴁𐴟𐴎𐴠| 𐴀𐴝𐴈𐴓𐴝𐴑 𐴀𐴝𐴌 𐴑𐴞𐴌𐴊𐴝𐴌𐴡𐴌 𐴀𐴠𐴃𐴠𐴁𐴝𐴌𐴠𐴘𐴥𐴡 𐴊𐴦𐴞𐴕𐴊𐴝𐴌 𐴁𐴠𐴙𐴒𐴧𐴞𐴕 𐴀𐴠𐴑 𐴇𐴝𐴃𐴝𐴌𐴡𐴌 𐴕𐴡𐴀||

𐴀𐴝𐴌𐴥𐴡 𐴀𐴠𐴑𐴁𐴝𐴌 𐴈𐴡𐴖𐴝𐴎𐴝𐴌، 𐴏𐴡𐴓𐴠𐴊𐴧𐴠 𐴕𐴠𐴎𐴝𐴔𐴡𐴌 𐴈𐴡𐴃𐴝 𐴕𐴡𐴀، 𐴘𐴝𐴥𐴕𐴃𐴥𐴡 𐴐𐴟𐴁𐴤𐴝𐴏𐴥𐴝𐴌𐴝 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢| 𐴀𐴥𐴠 𐴕𐴠𐴎𐴝𐴔𐴡𐴃𐴢 𐴐𐴡𐴌𐴀𐴞 𐴃𐴝𐴗𐴞𐴓𐴡𐴌 𐴁𐴠𐴕𐴝𐴌 𐴖𐴡𐴌𐴠 𐴀𐴞𐴏𐴓𐴝𐴔𐴡𐴌 𐴈𐴠𐴊𐴔𐴡𐴃𐴡𐴌 𐴕𐴝𐴔𐴓𐴡𐴘 𐴎𐴝𐴌𐴝 𐴐𐴡𐴌𐴞𐴑 𐴀𐴥𐴡𐴌 𐴃𐴝𐴌𐴝𐴌 𐴃𐴡𐴎𐴑𐴝𐴌𐴝 𐴒𐴡𐴌𐴞𐴊𐴧𐴠| 𐴀𐴠𐴃𐴝𐴌𐴝 𐴑𐴞 𐴑𐴝𐴉𐴠𐴌؟ 𐴕𐴝𐴀𐴟𐴎𐴟 𐴁𐴞𐴓𐴧𐴝𐴇! 𐴁𐴞𐴓𐴑𐴟𐴓𐴢 𐴕𐴡𐴀| 𐴃𐴝𐴌𐴝𐴌 𐴁𐴝𐴁𐴡𐴃𐴠 𐴐𐴡𐴌𐴞𐴘𐴡𐴃𐴡𐴌 𐴇𐴡𐴑𐴟𐴔𐴢 𐴑𐴞 𐴀𐴟𐴓𐴝𐴔𐴝𐴘𐴠 𐴅𐴞𐴇𐴝𐴊𐴢 𐴀𐴦𐴡𐴓𐴠 𐴁𐴡𐴘𐴝𐴕 𐴒𐴡𐴙𐴅𐴧𐴠| 𐴀𐴠 𐴊𐴞𐴕𐴊𐴝𐴌 𐴃𐴡𐴁𐴑𐴝𐴌𐴠 𐴔𐴡𐴃𐴓𐴡𐴑 𐴁𐴤𐴝𐴉𐴠 𐴑𐴝𐴉𐴠𐴌 𐴑𐴠𐴌𐴝𐴌 𐴊𐴡𐴀𐴕، 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴁𐴥𐴟𐴄 𐴊𐴡𐴕𐴡𐴌 𐴎𐴡𐴌𐴞𐴘𐴝 𐴃𐴡𐴑𐴉𐴞𐴌 𐴒𐴡𐴌𐴡𐴕، 𐴇𐴞𐴓𐴝-𐴁𐴤𐴝𐴀𐴝𐴕𐴝𐴓𐴡𐴘 𐴔𐴟𐴏𐴡𐴓𐴔𐴝𐴕𐴡𐴌 𐴅𐴝𐴕 𐴀𐴝𐴊𐴧𐴠 𐴔𐴝𐴓𐴡𐴌𐴠 𐴅𐴝𐴘𐴠𐴎 𐴁𐴟𐴎𐴡𐴕 𐴀𐴠𐴕𐴃𐴠𐴇𐴝𐴘𐴞 𐴎𐴟𐴓𐴟𐴔𐴢| 𐴀𐴝𐴌 𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴀𐴡 𐴃𐴡𐴑𐴉𐴞𐴌𐴞 𐴕𐴡𐴎𐴡𐴌𐴞𐴘𐴝 𐴎𐴠𐴒𐴞𐴕𐴠 𐴀𐴝𐴓𐴢 𐴅𐴡𐴎𐴝𐴘𐴠𐴌 𐴓𐴡𐴃𐴞 𐴐𐴦𐴝𐴔𐴢 𐴉𐴡𐴙𐴅𐴧𐴡𐴕𐴃𐴡 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴞 𐴊𐴞𐴘𐴧𐴠| 𐴀𐴠 𐴕𐴡𐴎𐴡𐴌𐴞𐴘𐴝 𐴀𐴦𐴡𐴓𐴝𐴌 𐴁𐴥𐴟𐴃𐴡𐴌𐴠 𐴀𐴦𐴠𐴕 𐴔𐴝𐴕𐴥𐴟𐴙𐴐𐴥𐴡 𐴀𐴝𐴙𐴐𐴧𐴞𐴓𐴢 𐴎𐴝𐴌𐴝 𐴎𐴟𐴁𐴝𐴕𐴠 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴊𐴦𐴞𐴕𐴊𐴝𐴌 𐴀𐴡𐴑𐴧𐴡𐴓𐴡𐴌𐴠 𐴃𐴡𐴑𐴉𐴞𐴌 𐴕𐴡𐴒𐴡𐴌𐴠| 𐴎𐴡𐴊𐴞 𐴃𐴝𐴌𐴝𐴌 𐴈𐴝𐴣𐴀𐴏𐴠 𐴏𐴟𐴗𐴝𐴓𐴢 𐴒𐴡𐴌𐴝𐴎𐴝 𐴃𐴡𐴈𐴡𐴕 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕𐴡𐴌𐴠 𐴔𐴟𐴏𐴡𐴓𐴔𐴝𐴕 𐴁𐴡𐴓𐴞 𐴀𐴠𐴑𐴌𐴝𐴌 𐴒𐴡𐴌𐴠، 𐴑𐴞𐴕𐴃𐴟 𐴀𐴝𐴔𐴡𐴓𐴡𐴌 𐴔𐴡𐴙𐴊𐴝𐴕𐴡𐴃𐴢 𐴃𐴝𐴌𐴝𐴌 𐴀𐴥𐴠 𐴊𐴝𐴁𐴞𐴌 𐴉𐴟𐴌𐴝𐴉𐴟𐴌𐴞 𐴀𐴟𐴓𐴊𐴝 𐴒𐴡𐴙𐴃𐴧𐴡||

𐴃𐴝𐴌𐴝𐴌 𐴅𐴡𐴔𐴝𐴃 𐴃𐴝𐴏𐴧𐴟𐴁𐴡𐴌 𐴀𐴦𐴠𐴕 𐴊𐴡𐴓𐴊𐴡𐴓𐴞𐴃𐴢 𐴉𐴡𐴌𐴞𐴒𐴞𐴘𐴡𐴘 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴅𐴡𐴔𐴝𐴃𐴡𐴌 𐴁𐴝𐴌𐴡𐴌 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕𐴡𐴌 𐴈𐴡𐴃𐴝 𐴁𐴡𐴀𐴃𐴢 𐴊𐴟𐴌𐴠 𐴊𐴞𐴕𐴊𐴝𐴌 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴉𐴡𐴙𐴅𐴧𐴡𐴕𐴃𐴡 𐴑𐴝𐴉𐴠𐴌 𐴘𐴥𐴝 𐴑𐴡𐴔𐴏𐴠𐴑𐴡𐴔𐴢 𐴁𐴡𐴒𐴝𐴗𐴡𐴃𐴢 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴌 𐴋𐴦𐴡𐴘𐴓𐴧𐴝 𐴔𐴟𐴀𐴝𐴔𐴠𐴓𐴝 𐴒𐴡𐴙𐴃𐴧𐴡| 𐴃𐴝𐴌𐴝𐴌 𐴅𐴝𐴕-𐴔𐴝𐴓𐴢، 𐴀𐴞𐴎𐴧𐴡𐴃𐴢-𐴀𐴝𐴁𐴌𐴟𐴌 𐴔𐴡𐴏𐴡𐴓𐴝𐴌𐴠 𐴀𐴠𐴕𐴃𐴠𐴇𐴝𐴘𐴞 𐴇𐴝𐴓𐴑𐴝 𐴁𐴟𐴎𐴠| 𐴕𐴞𐴎𐴡𐴌 𐴔𐴡𐴕𐴎𐴡𐴑𐴧𐴝 𐴃𐴝𐴗𐴞𐴓𐴡𐴌 𐴁𐴠𐴕𐴝𐴌 𐴖𐴡𐴌𐴠 𐴀𐴥𐴠𐴒𐴞𐴕𐴡𐴌𐴠 𐴇𐴝𐴓𐴝𐴓𐴢 𐴁𐴟𐴎𐴞𐴃𐴡| 𐴖𐴡𐴅𐴝 𐴑𐴞؟ 𐴏𐴡𐴁𐴡𐴁𐴢 𐴑𐴞 𐴀𐴝𐴙𐴐𐴧𐴞𐴓𐴢؟

𐴖𐴡𐴅𐴝 𐴀𐴥𐴡𐴘𐴓𐴊𐴠 𐴕𐴞𐴎𐴡𐴌 𐴅𐴡𐴔𐴝𐴃𐴡𐴃𐴢 𐴕𐴡𐴃𐴝𐴑𐴡𐴕| 𐴉𐴡𐴓𐴝𐴕𐴝 𐴀𐴠𐴑𐴎𐴡𐴕 𐴔𐴟𐴏𐴡𐴓𐴔𐴝𐴕، 𐴊𐴦𐴞𐴕𐴊𐴝𐴌، 𐴔𐴟𐴅𐴝𐴇𐴞𐴊𐴢، 𐴐𐴡𐴌𐴞𐴘𐴡𐴃𐴠 𐴃𐴝𐴌 𐴅𐴝𐴕-𐴔𐴝𐴓𐴢 𐴀𐴝𐴌 𐴀𐴞𐴎𐴧𐴡𐴃𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴝𐴌 𐴇𐴡𐴑𐴟𐴔𐴢 𐴊𐴠𐴀| 𐴑𐴞𐴕𐴃𐴟 𐴀𐴠 𐴔𐴝𐴕𐴥𐴟𐴙𐴐𐴢 𐴒𐴞𐴕𐴠 𐴏𐴞𐴌𐴞𐴉𐴢 𐴀𐴠 𐴖𐴡𐴅𐴝𐴓𐴧𐴝 𐴃𐴝𐴌𐴝𐴌𐴠 𐴁𐴡𐴊𐴧𐴝𐴐𐴢 𐴕𐴡𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴀𐴝𐴣𐴀𐴌𐴝𐴌 𐴅𐴡𐴔𐴝𐴃𐴡𐴃𐴢 𐴕𐴥𐴝𐴘𐴑𐴝؟ 𐴀𐴞𐴃𐴠 𐴀𐴝𐴣𐴀𐴌𐴝𐴌 𐴒𐴟𐴌𐴟𐴉𐴡𐴌𐴠 𐴔𐴡𐴎𐴁𐴟𐴃𐴢 𐴑𐴞𐴘𐴥𐴡𐴓𐴧𐴝 𐴕𐴡𐴒𐴡𐴌𐴠𐴌؟

𐴀𐴠 𐴕𐴡𐴎𐴡𐴌𐴞𐴘𐴝 𐴀𐴦𐴡𐴓𐴝 𐴔𐴝𐴕𐴥𐴟𐴙𐴐𐴢 𐴇𐴝𐴔𐴞𐴐𐴢 𐴊𐴝𐴖𐴡𐴃𐴠 𐴅𐴞𐴇𐴝𐴊𐴡𐴓𐴧𐴝 𐴁𐴠𐴐𐴞 𐴈𐴡𐴃𐴡𐴌𐴕𐴝𐴑 𐴏𐴝𐴁𐴠𐴃𐴢 𐴀𐴥𐴡𐴘𐴧𐴠| 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴁𐴝𐴎𐴡𐴑𐴞𐴘𐴝 𐴕𐴞𐴎𐴡𐴌𐴠 𐴊𐴝𐴀𐴞𐴐𐴢 (𐴀𐴝𐴘 𐴀𐴠𐴏𐴢) 𐴕𐴡𐴈𐴡| 𐴀𐴝𐴇𐴓𐴟 𐴏𐴧𐴟𐴕𐴧𐴝 𐴖𐴡𐴓-𐴅𐴝𐴔𐴝𐴃𐴡𐴌 𐴔𐴞𐴑𐴧𐴝 𐴕𐴞𐴎𐴡𐴌𐴠 𐴕𐴞𐴏𐴁𐴟𐴃𐴢 𐴒𐴡𐴌𐴠| 𐴃𐴡𐴘𐴓𐴠 𐴏𐴞𐴌𐴞𐴉𐴢 𐴎𐴟𐴁𐴝𐴕 𐴏𐴡𐴓𐴝𐴘𐴓𐴠 𐴑𐴞 𐴀𐴥𐴡𐴘𐴁𐴡؟ 𐴀𐴞𐴕𐴋𐴞𐴓𐴧𐴝 𐴀𐴝𐴈𐴓𐴝𐴑 𐴀𐴝𐴊𐴧𐴠 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴝𐴇𐴓𐴟 𐴏𐴧𐴟𐴕𐴧𐴝𐴌 𐴕𐴡𐴀| 𐴀𐴠 𐴕𐴡𐴎𐴡𐴌𐴞𐴘𐴝 𐴅𐴞𐴇𐴝𐴊𐴡𐴌 𐴁𐴠𐴐𐴞 𐴁𐴡𐴊𐴕𐴝𐴔𐴞 𐴉𐴤𐴡𐴙𐴓𐴝𐴘𐴧𐴠||

𐴇𐴝𐴑𐴞𐴑𐴡𐴃𐴢 𐴀𐴥𐴡𐴘𐴓𐴊𐴠 𐴀𐴝𐴘 𐴀𐴠𐴏𐴢 𐴀𐴦𐴡𐴕، 𐴈𐴡𐴕𐴥𐴡 𐴈𐴦𐴝𐴏𐴢 𐴅𐴡𐴔𐴝𐴃𐴡𐴌 𐴔𐴠𐴔𐴁𐴝𐴌 𐴀𐴡𐴀𐴕𐴡𐴌 𐴏𐴝𐴣𐴃𐴠 𐴃𐴝𐴀𐴓𐴧𐴟𐴑 𐴕𐴡𐴀𐴘| 𐴘𐴦𐴝𐴕 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴝𐴌 𐴀𐴝𐴈𐴓𐴝𐴑 𐴀𐴝𐴊𐴧𐴠 𐴑𐴞𐴌𐴊𐴝𐴌𐴡𐴌 𐴕𐴝𐴔𐴢| 𐴎𐴡𐴊𐴞 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴅𐴡𐴔𐴝𐴃𐴢 𐴀𐴥𐴞𐴏𐴝𐴉𐴠 𐴀𐴝𐴘 𐴀𐴠𐴏𐴢 𐴕𐴡𐴀، 𐴑𐴞𐴕𐴃𐴟 𐴃𐴝𐴌 𐴏𐴞𐴕𐴃𐴝 𐴀𐴝𐴊𐴧𐴠 𐴕𐴡𐴎𐴡𐴌𐴞𐴘𐴝𐴃𐴢 𐴎𐴡𐴊𐴞 𐴒𐴟𐴓𐴟 𐴃𐴝𐴑𐴠، 𐴀𐴝𐴇𐴓𐴟𐴏𐴢 𐴏𐴟𐴕𐴧𐴝 𐴖𐴡𐴓𐴢-𐴅𐴝𐴔𐴃𐴢 𐴀𐴝𐴌 𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴌 𐴔𐴡𐴐𐴦𐴟𐴌 𐴅𐴞𐴇𐴝𐴊𐴞 𐴀𐴟𐴓𐴝𐴔𐴝 𐴀𐴦𐴡𐴓𐴡𐴌 𐴔𐴡𐴕𐴇𐴝𐴅𐴡𐴃𐴧𐴞 𐴃𐴝𐴌 𐴌𐴝𐴏𐴧𐴝 𐴎𐴡𐴊𐴞 𐴔𐴟𐴈𐴃𐴡𐴓𐴞𐴉𐴢 𐴀𐴥𐴡، 𐴕𐴡𐴉𐴏𐴡𐴌 𐴉𐴟𐴣𐴎𐴝 𐴒𐴡𐴌𐴝، 𐴒𐴟𐴌𐴟𐴉𐴡𐴌 𐴃𐴝𐴀𐴏𐴧𐴟𐴁𐴞، 𐴀𐴝𐴊𐴧𐴠 𐴕𐴡𐴉𐴏𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴕𐴡𐴃𐴢 𐴔𐴡𐴐𐴒𐴟𐴓𐴢 𐴀𐴡𐴀 𐴀𐴝𐴌 𐴇𐴞𐴓𐴝-𐴁𐴥𐴝𐴀𐴝𐴕𐴝𐴓𐴡𐴘 𐴔𐴟𐴏𐴡𐴓𐴔𐴝𐴕𐴡𐴌 𐴅𐴝𐴕-𐴔𐴝𐴓𐴡𐴌𐴠 𐴇𐴝𐴓𐴝𐴓𐴢 𐴒𐴡𐴌𐴠، 𐴃𐴡𐴘𐴓𐴠 𐴀𐴥𐴞𐴃𐴠 𐴎𐴡𐴃𐴡 𐴀𐴝𐴘 𐴀𐴠𐴏𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴞𐴁𐴡 𐴒𐴡𐴌𐴡𐴑 𐴀𐴥𐴞𐴃𐴠 𐴑𐴞𐴕𐴃𐴟 𐴉𐴡𐴘𐴓𐴝 𐴇𐴝𐴃𐴝𐴌𐴡𐴌 𐴀𐴝𐴘 𐴀𐴠𐴏𐴢| 𐴁𐴤𐴡𐴓𐴑𐴠 𐴀𐴠 𐴃𐴝𐴔𐴦𐴝𐴔𐴢 𐴔𐴝𐴕𐴥𐴟𐴙𐴐𐴢 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴓𐴧𐴝 𐴀𐴝𐴘 𐴀𐴠𐴏𐴡𐴃𐴧𐴞 𐴁𐴥𐴝𐴌𐴡 𐴈𐴡𐴃𐴡𐴌 𐴕𐴝𐴑||

𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴝𐴘 𐴀𐴠𐴏𐴡𐴌 𐴅𐴟𐴌𐴟𐴔𐴢 𐴖𐴝𐴎𐴠𐴇 𐴀𐴥𐴡𐴘 𐴒𐴞𐴘𐴡𐴘، 𐴀𐴠𐴈𐴡𐴕 𐴀𐴝𐴘 𐴀𐴠𐴏𐴢 𐴓𐴡𐴉𐴎𐴡 𐴀𐴞𐴁𐴝 𐴉𐴡𐴏𐴝𐴊𐴢 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴓𐴧𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝𐴎𐴝| 𐴀𐴝𐴌 𐴃𐴝𐴌𐴝 𐴀𐴠𐴈𐴡𐴕 𐴈𐴡𐴃𐴡𐴔𐴢 𐴀𐴦𐴡𐴕𐴡𐴌 𐴉𐴡𐴣𐴃𐴡𐴃𐴢| 𐴑𐴞𐴕𐴃𐴟 𐴀𐴠 𐴔𐴝𐴕𐴥𐴟𐴙𐴐𐴧𐴟𐴗𐴝 𐴀𐴝𐴘 𐴀𐴠𐴏𐴡𐴌 𐴔𐴟𐴈𐴝𐴓𐴡𐴉𐴞 𐴒𐴡𐴙𐴓𐴧𐴠𐴘𐴥𐴡 𐴃𐴝𐴌 𐴎𐴟𐴁𐴝𐴕 𐴀𐴝𐴊𐴧𐴠 𐴀𐴝𐴔𐴡𐴓𐴠 𐴊𐴝𐴖𐴡𐴃𐴠 𐴅𐴞𐴇𐴝𐴊𐴡𐴌 𐴕𐴟𐴏𐴧𐴝𐴕 𐴒𐴡𐴌𐴠𐴌| 𐴃𐴡𐴘 𐴎𐴞𐴕𐴋𐴞𐴓𐴧𐴝 𐴀𐴝𐴘 𐴀𐴠𐴏𐴢 𐴅𐴞𐴇𐴝𐴊𐴡𐴌 𐴕𐴟𐴏𐴧𐴝𐴕 𐴒𐴡𐴌𐴠، 𐴀𐴥𐴞𐴕𐴋𐴞𐴓𐴧𐴝 𐴒𐴟𐴓𐴟𐴃𐴢 𐴐𐴞𐴑𐴝𐴌 𐴀𐴥𐴡𐴘𐴧𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴠𐴘𐴥𐴡 𐴅𐴞𐴇𐴝𐴊𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴡𐴌 𐴈𐴡𐴔𐴢 𐴈𐴠𐴊𐴔𐴡𐴃𐴢 𐴕𐴡𐴀𐴒𐴡𐴌𐴠||

𐴀𐴥𐴠𐴈𐴡𐴃𐴝𐴓𐴧𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴔𐴡𐴏𐴞𐴁𐴡𐴃𐴢 𐴀𐴠𐴒𐴞𐴕𐴡𐴃𐴧𐴞 𐴇𐴠𐴉𐴝𐴎𐴡𐴌 𐴌𐴝𐴑𐴞𐴁𐴡𐴓𐴧𐴝 𐴒𐴟𐴓𐴟𐴌 𐴐𐴞𐴑𐴝𐴌 𐴀𐴠 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴝𐴊𐴧𐴠 𐴀𐴝𐴈𐴓𐴝𐴑𐴡𐴌 𐴁𐴝𐴁𐴡𐴃𐴠 𐴎𐴝𐴕𐴞𐴌𐴝𐴑𐴡𐴕 𐴏𐴝𐴀|𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴁𐴟𐴌𐴝 𐴈𐴡𐴃𐴝 𐴀𐴝𐴌 𐴁𐴤𐴝𐴓𐴝𐴘𐴞𐴌 𐴖𐴡𐴌𐴠 𐴀𐴝𐴔𐴡𐴓𐴢 𐴒𐴡𐴌𐴞𐴁𐴡𐴓𐴧𐴝 𐴁𐴟𐴌𐴝𐴘𐴞𐴌 𐴁𐴝𐴁𐴡𐴃𐴠 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴡𐴕 𐴖𐴝𐴅𐴞𐴁𐴢| 𐴃𐴡𐴘𐴓𐴠 𐴀𐴥𐴠 𐴔𐴡𐴕𐴇𐴝𐴅𐴡𐴌𐴠 𐴏𐴞𐴕𐴡𐴕، 𐴘𐴦𐴝𐴕𐴡𐴃𐴧𐴞 𐴊𐴟𐴌𐴠𐴃𐴝𐴑𐴡𐴕 𐴀𐴝𐴌 𐴀𐴠𐴒𐴞𐴕𐴡𐴃𐴧𐴞 𐴀𐴟𐴔𐴧𐴡𐴃𐴡𐴌 𐴕𐴡𐴅𐴡𐴖𐴝𐴕 𐴀𐴡𐴀𐴓𐴡𐴌𐴠 𐴊𐴟𐴌𐴠 𐴌𐴝𐴑𐴡𐴕 𐴅𐴞𐴇𐴝𐴊𐴞 𐴊𐴝𐴀𐴞 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴓𐴧𐴝 𐴉𐴡𐴌𐴡𐴎| 𐴀𐴠𐴁𐴤𐴝𐴉𐴠 𐴇𐴝𐴥𐴌 𐴀𐴝𐴔𐴡𐴓𐴡𐴌 𐴀𐴝𐴒𐴠 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴡𐴕 𐴖𐴝𐴅𐴞𐴁𐴢| 𐴀𐴞𐴕𐴋𐴞𐴓𐴧𐴝 𐴕𐴡𐴒𐴡𐴌𐴞𐴓𐴠 𐴀𐴝𐴓𐴧𐴝𐴇 𐴕𐴡𐴒𐴡𐴌𐴡𐴑 𐴀𐴝𐴣𐴀𐴌𐴝𐴌 𐴁𐴥𐴟𐴃𐴡𐴌𐴃𐴞 𐴈𐴡𐴕𐴥𐴡𐴑𐴞𐴘𐴝 𐴃𐴝𐴌𐴝𐴌 𐴅𐴡𐴔𐴝𐴃𐴡𐴃𐴢 𐴐𐴦𐴝𐴔𐴠𐴓𐴢 𐴀𐴡𐴙𐴃𐴢 𐴉𐴝𐴌𐴠||

𐴎𐴝𐴌𐴝𐴌 𐴁𐴝𐴁𐴡𐴃𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴀𐴠𐴌𐴠𐴐𐴝𐴊𐴢 𐴉𐴡𐴌𐴔𐴝𐴘𐴠-

قُلْ هَلْ نُنَبِّئُكُم بِٱلْأَخْسَرِينَ أَعْمَـٰلًا ١٠٣ ٱلَّذِينَ ضَلَّ سَعْيُهُمْ فِى ٱلْحَيَوٰةِ ٱلدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا ١٠٤

(𐴀𐴝𐴘 𐴕𐴡𐴁𐴞!) 𐴀𐴡𐴕𐴠 𐴈𐴦𐴡𐴘𐴊𐴡: 𐴀𐴝𐴀𐴛𐴑𐴞 𐴃𐴟𐴣𐴖𐴝𐴣𐴀𐴌𐴝𐴌𐴠 𐴇𐴟𐴐𐴞𐴘𐴝𐴌 𐴕𐴡𐴒𐴡𐴙𐴅𐴧𐴟𐴔𐴢؟ 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴈𐴡𐴕 𐴔𐴝𐴕𐴥𐴟𐴙𐴐𐴢 𐴀𐴝𐴔𐴡𐴓𐴡𐴌 𐴀𐴠𐴃𐴠𐴁𐴝𐴌𐴠 𐴕𐴟𐴏𐴧𐴝𐴕𐴞 𐴔𐴧𐴝𐴎𐴠| 𐴀𐴥𐴠𐴒𐴞𐴕 𐴀𐴥𐴡𐴘𐴓𐴊𐴠 𐴀𐴡 𐴔𐴝𐴕𐴥𐴟𐴙𐴐𐴢 𐴎𐴝𐴌𐴝𐴌 𐴊𐴟𐴕𐴞𐴘𐴝𐴌 𐴎𐴞𐴕𐴊𐴞𐴒𐴞𐴌 𐴃𐴝𐴔𐴝𐴔𐴢 𐴀𐴝𐴔𐴡𐴓𐴢 𐴁𐴡𐴌𐴁𐴝𐴊𐴢 𐴀𐴥𐴡𐴘𐴒𐴞𐴘𐴡𐴘 𐴇𐴝𐴓𐴝𐴑𐴠 𐴃𐴝𐴌𐴝 𐴒𐴟𐴔𐴝𐴕 𐴒𐴡𐴌𐴠𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴁𐴤𐴝𐴓𐴝 𐴀𐴝𐴔𐴡𐴓𐴢 𐴒𐴡𐴌𐴠𐴌||(𐴏𐴟𐴌𐴝 𐴑𐴝𐴇𐴝𐴉𐴢: 𐴱𐴰𐴳-𐴱𐴰𐴴 )

 

𐴃𐴡𐴑𐴉𐴞𐴌 𐴀𐴝𐴊𐴧𐴠 𐴃𐴝𐴇𐴑𐴞𐴌 𐴒𐴡𐴌𐴡𐴕 𐴏𐴥𐴝𐴌𐴝𐴘𐴡 𐴀𐴠𐴏𐴓𐴝𐴇 𐴒𐴡𐴌𐴡𐴕 𐴔𐴟𐴔𐴑𐴞𐴕!

𐴔𐴡𐴏𐴝𐴓𐴝 𐴀𐴥𐴡𐴘𐴓𐴊𐴠: 𐴀𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴃𐴢 𐴐𐴡𐴌𐴀𐴞 𐴃𐴝𐴖𐴞𐴓𐴡𐴌 𐴎𐴡𐴌𐴞𐴘𐴝 𐴊𐴞𐴕𐴡𐴌 𐴈𐴠𐴊𐴔𐴡𐴃𐴡𐴌 𐴕𐴝𐴔𐴠 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴐𐴝𐴔𐴠𐴓𐴢 𐴀𐴥𐴡 𐴃𐴡𐴘𐴓𐴠 𐴘𐴝𐴕 𐴅𐴞𐴇𐴝𐴊𐴞 𐴀𐴟𐴓𐴝𐴔𐴝 𐴀𐴦𐴡𐴓𐴡𐴌 𐴔𐴡𐴃𐴝𐴁𐴠𐴑 𐴁𐴝𐴌𐴝𐴁𐴝𐴌𐴞، 𐴒𐴟𐴕𐴤𐴝𐴌 𐴈𐴝𐴔𐴢 𐴀𐴝𐴌 𐴇𐴝𐴌𐴝𐴔𐴢| 𐴃𐴝𐴌𐴝𐴌 𐴉𐴟𐴌𐴝𐴉𐴟𐴌𐴞 𐴔𐴟𐴈𐴝𐴓𐴡𐴉𐴞 𐴒𐴡𐴌𐴝 𐴎𐴝𐴘𐴁𐴡 𐴀𐴝𐴌 𐴊𐴝𐴖𐴡𐴃𐴡𐴌 𐴎𐴟𐴁𐴝𐴕𐴓𐴡𐴘 𐴀𐴥𐴠𐴃𐴝𐴌𐴝𐴌 𐴎𐴝𐴇𐴠𐴌 𐴁𐴝𐴇𐴠𐴌 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝𐴎𐴝𐴘𐴁𐴡| 𐴑𐴞𐴕𐴃𐴟 𐴃𐴝𐴌𐴝𐴌𐴠 𐴃𐴡𐴑𐴉𐴞𐴌 𐴒𐴡𐴌𐴝 𐴕𐴡𐴎𐴝𐴘𐴁𐴡||

𐴀𐴝𐴒𐴠 𐴈𐴡𐴖𐴝𐴒𐴞𐴘𐴠𐴊𐴠 𐴔𐴡𐴃𐴝𐴁𐴠𐴑 𐴀𐴥𐴠𐴃𐴝𐴌𐴝 𐴁𐴠𐴙𐴒𐴧𐴞𐴕 𐴀𐴠𐴑 𐴇𐴝𐴃𐴝𐴌𐴡𐴌 𐴕𐴡𐴀| 𐴁𐴦𐴡𐴗𐴃𐴢 𐴀𐴦𐴠𐴕 𐴈𐴦𐴝𐴏𐴢 𐴓𐴠𐴙𐴋𐴝𐴌𐴡 𐴃𐴝𐴑𐴞𐴁𐴡 𐴎𐴝𐴌𐴝 𐴊𐴦𐴞𐴕𐴡𐴌 𐴊𐴝𐴖𐴡𐴃𐴢 𐴀𐴝𐴌 𐴅𐴞𐴇𐴝𐴊𐴡𐴌 𐴕𐴟𐴏𐴧𐴝𐴕 𐴒𐴡𐴌𐴝𐴃𐴢 𐴁𐴠𐴙𐴒𐴧𐴞𐴕𐴡𐴌 𐴀𐴝𐴒𐴠 𐴀𐴝𐴒𐴠 𐴃𐴝𐴑𐴠، 𐴘𐴥𐴝𐴃𐴡 𐴁𐴝𐴎𐴟 𐴀𐴡𐴃𐴧𐴡𐴃𐴢 𐴃𐴝𐴌 𐴈𐴡𐴕𐴥𐴡 𐴕𐴞𐴎𐴡𐴌 𐴎𐴝𐴃𐴞 𐴈𐴝𐴔𐴠 𐴃𐴝𐴌 𐴀𐴞𐴔𐴝𐴕𐴡𐴌 𐴊𐴝𐴁𐴞𐴌𐴠 𐴕𐴡𐴉𐴞 𐴒𐴡𐴌𐴞𐴊𐴠| 𐴘𐴦𐴝𐴌 𐴁𐴝𐴊𐴠𐴘𐴥𐴡 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝𐴌 𐴈𐴠𐴓𐴝𐴉𐴢 𐴃𐴡𐴑𐴉𐴞𐴌𐴡𐴌 𐴉𐴡𐴃𐴡𐴖𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡𐴕𐴡𐴃𐴧𐴞 𐴁𐴝𐴏𐴞 𐴃𐴝𐴑𐴡𐴕 𐴏𐴝𐴀| 𐴃𐴝𐴌 𐴈𐴠𐴓𐴝𐴉𐴢 𐴃𐴡𐴑𐴉𐴞𐴌𐴡𐴌 𐴉𐴡𐴃𐴡𐴖𐴝 𐴊𐴡𐴀𐴕 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴁𐴡𐴕𐴠||

𐴀𐴝𐴇𐴓𐴟𐴏𐴢 𐴏𐴟𐴕𐴧𐴝𐴤𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴡𐴌 𐴃𐴡𐴌𐴞𐴑𐴝 𐴀𐴥𐴡𐴘𐴓𐴊𐴠 𐴃𐴝𐴌𐴝 𐴈𐴦𐴝𐴏𐴢 𐴉𐴡𐴌𐴊𐴡 𐴘𐴥𐴝 𐴅𐴡𐴔𐴝𐴃𐴡𐴌 𐴔𐴟𐴃𐴝𐴀𐴓𐴧𐴠𐴑 𐴃𐴡𐴑𐴉𐴞𐴌𐴡𐴌 𐴉𐴡𐴃𐴟𐴖𐴝 𐴊𐴞𐴁𐴝𐴌 𐴀𐴝𐴒𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴑𐴡𐴌 𐴕𐴡𐴉𐴝-𐴕𐴟𐴏𐴧𐴝𐴕𐴡𐴌 𐴔𐴞𐴑𐴧𐴝 𐴏𐴞𐴕𐴃𐴝 𐴒𐴡𐴌𐴞𐴃𐴡| 𐴎𐴡𐴊𐴞 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴀𐴞𐴏𐴓𐴝𐴔𐴡𐴌 𐴏𐴥𐴡𐴕𐴧𐴝 𐴊𐴡𐴌𐴠 𐴇𐴝𐴑𐴞𐴑𐴡𐴃𐴡𐴕 𐴑𐴟𐴉𐴡𐴌𐴞 𐴀𐴠𐴈𐴃𐴠𐴘𐴝𐴌 𐴒𐴡𐴙𐴅𐴧𐴠𐴊𐴠 𐴀𐴡𐴘𐴓𐴠، 𐴃𐴡𐴘𐴓𐴠 𐴏𐴡𐴓𐴡𐴉𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴝 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴦𐴡𐴓𐴠 𐴀𐴞𐴕𐴋𐴞𐴓𐴧𐴝 𐴔𐴝𐴙𐴕𐴐𐴥𐴡𐴌𐴠 𐴎𐴝𐴇𐴠𐴌 𐴁𐴝𐴇𐴠𐴌 𐴑𐴝𐴉𐴠𐴌 𐴉𐴡𐴃𐴡𐴖𐴝 𐴊𐴡𐴀𐴕 𐴘𐴥𐴝 𐴑𐴡𐴃𐴡𐴓𐴢 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴑𐴡𐴌 𐴉𐴝𐴘𐴊𐴝 𐴀𐴥𐴡𐴘𐴁𐴡 𐴕𐴝𐴑𐴞 𐴕𐴟𐴏𐴧𐴝𐴕 𐴀𐴥𐴡𐴘𐴁𐴡 𐴀𐴠𐴈𐴡𐴃𐴝𐴌 𐴃𐴝𐴇𐴑𐴞𐴑 𐴒𐴡𐴌𐴞𐴃𐴡| 𐴎𐴡𐴊𐴞 𐴕𐴟𐴏𐴧𐴝𐴕𐴞𐴌 𐴁𐴠𐴐𐴞 𐴀𐴠𐴔𐴑𐴝𐴕 𐴃𐴝𐴑𐴠 𐴃𐴡𐴘𐴓𐴠 𐴈𐴦𐴝𐴏𐴢 𐴉𐴡𐴌𐴊𐴡 𐴀𐴥𐴞𐴁𐴝𐴌 𐴕𐴝𐴔𐴢 𐴎𐴞𐴑𐴞𐴌 𐴕𐴡𐴒𐴡𐴌𐴞 𐴔𐴟𐴎𐴡𐴔𐴧𐴡𐴃𐴢 𐴒𐴡𐴙𐴃𐴧𐴡، 𐴀𐴠𐴏𐴓𐴝𐴇𐴌 𐴑𐴟𐴐𐴞𐴐𐴢 𐴒𐴡𐴙𐴃𐴧𐴡| 𐴃𐴝𐴌 𐴁𐴟𐴌𐴝𐴘𐴞𐴌𐴠 𐴁𐴡𐴕𐴊𐴡 𐴒𐴡𐴌𐴞𐴊𐴞𐴃𐴡| 𐴑𐴞𐴕𐴃𐴟 𐴈𐴦𐴝𐴏𐴒𐴡𐴌𐴞 𐴃𐴝𐴌𐴠 𐴃𐴡𐴑𐴉𐴞𐴌𐴥𐴡 𐴕𐴡𐴒𐴡𐴙𐴃𐴧𐴡| 𐴃𐴝𐴌𐴠 𐴑𐴡𐴃𐴡𐴓𐴥𐴡 𐴒𐴡𐴌𐴝 𐴕𐴡𐴎𐴝𐴘𐴃𐴡||

𐴔𐴟𐴕𐴝𐴉𐴠𐴑𐴡𐴌 𐴏𐴡𐴌𐴊𐴝𐴌 𐴀𐴝𐴁𐴊𐴟𐴓𐴧𐴝𐴇 𐴀𐴞𐴁𐴕𐴞 𐴀𐴟𐴁𐴝𐴘𐴌 𐴏𐴝𐴣𐴀𐴃𐴠 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴝𐴏𐴝𐴓𐴧𐴡𐴔𐴡𐴌 𐴏𐴟𐴓𐴟𐴑𐴡𐴌 𐴔𐴞𐴑𐴧𐴝 𐴀𐴝𐴣𐴀𐴌𐴝 𐴕𐴡𐴎𐴡𐴌 𐴒𐴡𐴌𐴞، 𐴎𐴡𐴈𐴡𐴕 𐴏𐴝𐴇𐴝𐴁𐴝 𐴑𐴠𐴌𐴝𐴔𐴢 𐴀𐴦𐴡𐴓𐴠 𐴈𐴡𐴘𐴓𐴡 𐴀𐴝𐴣𐴀𐴌𐴝 𐴑𐴞 𐴃𐴝𐴌𐴠 𐴑𐴡𐴃𐴡𐴓𐴢 𐴒𐴡𐴙𐴅𐴧𐴟𐴔؟

𐴃𐴡𐴘 𐴌𐴡𐴏𐴦𐴟𐴥𐴓𐴢 𐴏𐴝𐴓𐴧𐴝𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴝𐴏𐴝𐴓𐴧𐴡𐴔𐴠 𐴉𐴡𐴌𐴔𐴝𐴘𐴠-

دَعْهُ لَا يَتَحَدَّثُ النَّاسُ أَنَّ مُحَمَّدًا يَقْتُلُ أَصْحَابَهُ
𐴃𐴝𐴌𐴠 𐴏𐴥𐴝𐴌𐴞𐴊𐴡 (𐴃𐴦𐴝𐴑𐴠) 𐴔𐴝𐴙𐴕𐴐𐴥𐴠 𐴘𐴦𐴝𐴕 𐴕𐴡𐴈𐴡𐴉𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴇𐴝𐴔𐴧𐴡𐴊𐴢 (𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠) 𐴕𐴞𐴎𐴡𐴌 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴡𐴌𐴠 𐴑𐴡𐴃𐴡𐴓𐴢 𐴒𐴡𐴌𐴠|| (𐴏𐴥𐴡𐴀𐴞 𐴁𐴟𐴈𐴝𐴌𐴞)

𐴀𐴝𐴌𐴠𐴑𐴧𐴝𐴕 𐴀𐴇𐴥𐴝𐴔𐴢 𐴕𐴟𐴑𐴃𐴝𐴌 𐴔𐴞𐴑𐴧𐴝 𐴕𐴡𐴎𐴡𐴌 𐴒𐴡𐴌𐴞: 𐴔𐴟𐴕𐴝𐴉𐴠𐴑𐴡𐴌 𐴏𐴡𐴌𐴊𐴝𐴌 𐴀𐴝𐴁𐴊𐴟𐴓𐴧𐴝𐴇 𐴀𐴞𐴁𐴕𐴞 𐴀𐴟𐴁𐴝𐴘 𐴀𐴝𐴕𐴏𐴝𐴌𐴡𐴌 𐴈𐴡𐴎𐴌𐴡𐴅 𐴑𐴡𐴁𐴞𐴓𐴝𐴌 𐴔𐴝𐴕𐴟𐴙𐴐𐴢 𐴀𐴝𐴙𐴐𐴧𐴞𐴓𐴢، 𐴑𐴡𐴁𐴞𐴓𐴝 𐴀𐴠𐴑 𐴀𐴦𐴡𐴕𐴡𐴌 𐴎𐴡𐴌𐴞𐴘𐴝 𐴀𐴥𐴠 𐴑𐴡𐴁𐴞𐴓𐴝𐴌 𐴏𐴡𐴌𐴊𐴝𐴌 𐴇𐴡𐴎𐴌𐴡𐴃𐴢 𐴏𐴝𐴀𐴝𐴊𐴢 𐴁𐴞𐴕 𐴀𐴟𐴁𐴝𐴊𐴝 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴇𐴟، 𐴅𐴡𐴓𐴞𐴓𐴟𐴓𐴢 𐴑𐴡𐴊𐴡𐴌 𐴏𐴝𐴇𐴝𐴁𐴞 𐴀𐴦𐴡𐴕𐴡𐴌 𐴁𐴝𐴊𐴠𐴘𐴥𐴡 𐴘𐴦𐴝𐴕 𐴁𐴡𐴊𐴧𐴝𐴐𐴢 𐴕𐴥𐴡𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴟𐴏𐴡𐴌𐴝 𐴑𐴡𐴁𐴞𐴓𐴝𐴌 𐴈𐴡𐴕𐴥𐴡 𐴑𐴞𐴘𐴝 𐴃𐴝𐴌𐴠 𐴑𐴡𐴃𐴡𐴓𐴢 𐴒𐴡𐴌𐴡𐴑| 𐴀𐴥𐴠𐴃𐴡𐴓𐴧𐴝 𐴁𐴡𐴓𐴞 𐴎𐴡𐴈𐴡𐴕 𐴀𐴡𐴗𐴏𐴢 𐴑𐴡𐴁𐴞𐴓𐴝𐴌 𐴏𐴡𐴌𐴊𐴝𐴌 𐴇𐴡𐴎𐴌𐴡𐴃𐴢 𐴏𐴝𐴀𐴝𐴊𐴢 𐴁𐴞𐴕 𐴔𐴟𐴀𐴝𐴎 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴘𐴠 𐴌𐴡𐴏𐴦𐴟𐴥𐴓𐴢-ﷺ𐴔𐴡𐴃𐴧𐴟- 𐴀𐴝𐴁𐴊𐴟𐴓𐴧𐴝𐴇 𐴀𐴞𐴁𐴕𐴞 𐴀𐴟𐴁𐴝𐴘𐴌𐴠 𐴑𐴡𐴃𐴡𐴓𐴢 𐴒𐴡𐴌𐴞𐴁𐴡𐴓𐴧𐴝 𐴀𐴠𐴅𐴝𐴎𐴡𐴃𐴢 𐴏𐴝𐴘𐴓𐴡 𐴃𐴡𐴈𐴡𐴕 𐴏𐴝𐴀𐴝𐴊𐴢 𐴁𐴞𐴕 𐴀𐴟𐴁𐴝𐴊𐴝 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴇𐴟 𐴃𐴝𐴀𐴛𐴌 𐴖𐴡𐴌𐴠 𐴒𐴟𐴙𐴐𐴧𐴝 𐴀𐴥𐴡𐴘 𐴒𐴞𐴘𐴡𐴘 𐴀𐴝𐴌 𐴃𐴝𐴀𐴛 𐴏𐴝𐴀𐴝𐴊𐴢 𐴁𐴞𐴕 𐴔𐴟𐴀𐴝𐴎 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴇𐴟𐴌𐴠 𐴀𐴥𐴠 𐴈𐴝𐴔𐴡𐴃𐴧𐴞 𐴊𐴟𐴌𐴠 𐴃𐴝𐴑𐴞𐴁𐴡𐴓𐴧𐴝 𐴈𐴡𐴘𐴧𐴠||

𐴀𐴠 𐴗𐴝𐴑𐴞𐴘𐴝𐴒𐴝𐴕 𐴏𐴥𐴡𐴀𐴞 𐴔𐴟𐴏𐴓𐴞𐴔𐴡𐴃𐴢 𐴖𐴝𐴌𐴠𐴊𐴢 𐴀𐴥𐴡𐴘𐴧𐴠: 𐴏𐴝𐴀𐴝𐴊𐴢 𐴁𐴞𐴕 𐴀𐴟𐴁𐴝𐴊𐴝 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴇𐴟𐴌 𐴁𐴝𐴁𐴡𐴃𐴠 𐴇𐴡𐴎𐴌𐴡𐴃𐴢 𐴀𐴝𐴘𐴠𐴐𐴝 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴇𐴝 𐴉𐴡𐴌𐴔𐴝𐴘𐴠𐴊𐴠:

وكان رجلاً صالحاً ولكن احتملته الحمية

𐴀𐴥𐴞𐴁𐴝 𐴀𐴠𐴑𐴎𐴡𐴕 𐴕𐴠𐴑𐴧𐴝𐴌 𐴔𐴝𐴕𐴥𐴟𐴙𐴐𐴢 𐴀𐴝𐴙𐴐𐴧𐴞𐴓𐴢 𐴑𐴞𐴕𐴃𐴟 𐴃𐴡𐴈𐴡𐴕 𐴒𐴝𐴘𐴌𐴡𐴃𐴢 𐴏𐴞𐴃𐴞 𐴀𐴟𐴙𐴄𐴧𐴞𐴓|| (𐴏𐴥𐴡𐴀𐴞 𐴔𐴟𐴏𐴓𐴞𐴔𐴢 𐴀𐴝𐴌 𐴔𐴡𐴒𐴝𐴎𐴞 𐴓𐴞𐴓𐴢-𐴖𐴝𐴑𐴠𐴊𐴞)

𐴒𐴟𐴘𐴝𐴑𐴠 𐴃𐴝𐴀𐴛 𐴏𐴦𐴝𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴀𐴝𐴓𐴧𐴝𐴇𐴌 𐴌𐴡𐴏𐴦𐴟𐴥𐴓𐴢-ﷺ𐴔𐴠- 𐴀𐴝𐴁𐴊𐴟𐴓𐴧𐴝𐴇 𐴀𐴞𐴁𐴕𐴞 𐴀𐴟𐴁𐴝𐴘𐴌𐴠 𐴑𐴡𐴃𐴡𐴓𐴢 𐴒𐴡𐴌𐴝𐴌 𐴀𐴠𐴌𐴝𐴊𐴝 𐴌𐴝𐴑𐴠 𐴃𐴡𐴘𐴓𐴠 𐴀𐴥𐴞𐴃𐴝𐴌𐴝𐴌𐴠 𐴇𐴡𐴑𐴟𐴔𐴢 𐴒𐴡𐴌𐴡𐴑، 𐴃𐴝𐴌𐴝 𐴕𐴞𐴎𐴠 𐴃𐴝𐴌 𐴔𐴝𐴃𐴝 𐴅𐴞𐴏𐴝𐴔𐴡𐴃𐴧𐴞 𐴀𐴝𐴓𐴡𐴑 𐴒𐴡𐴌𐴞𐴊𐴞𐴁𐴡 𐴑𐴞𐴕𐴃𐴟 𐴈𐴡𐴕𐴥𐴡 𐴑𐴡𐴁𐴞𐴓𐴝𐴌 𐴔𐴝𐴙𐴕𐴐𐴥𐴠 𐴑𐴡𐴃𐴡𐴓𐴢 𐴒𐴡𐴌𐴡𐴕 𐴏𐴥𐴝𐴘 𐴀𐴥𐴞𐴁𐴝 𐴏𐴝𐴇𐴝𐴁𐴞 𐴀𐴡𐴘𐴓𐴠 𐴀𐴥𐴡𐴑 𐴃𐴡𐴈𐴡𐴕 𐴃𐴝𐴌𐴝𐴌 𐴒𐴝𐴘𐴌𐴡𐴃𐴠 𐴁𐴡𐴊𐴧𐴝𐴐𐴢 𐴕𐴡𐴒𐴡𐴌𐴠||

𐴄𐴞𐴑 𐴀𐴠𐴈𐴡𐴃𐴝 𐴀𐴞𐴁𐴕𐴞 𐴀𐴟𐴁𐴝𐴘𐴌 𐴉𐴟𐴖𐴝 𐴀𐴝𐴁𐴊𐴟𐴓𐴧𐴝𐴇 𐴌𐴡𐴎𐴞𐴘𐴝𐴓𐴧𐴝𐴇𐴟 𐴀𐴝𐴕𐴝𐴇𐴟𐴘𐴡 𐴈𐴡𐴘𐴧𐴠| 𐴎𐴡𐴈𐴡𐴕 𐴀𐴞𐴁𐴕𐴞 𐴀𐴟𐴁𐴝𐴘𐴌 𐴁𐴟𐴌𐴝𐴘𐴞 𐴈𐴥𐴡𐴊𐴡𐴌 𐴁𐴝𐴦𐴌𐴞 𐴒𐴞𐴘𐴡𐴘| 𐴌𐴡𐴏𐴦𐴟𐴥𐴓𐴢 ﷺ𐴔𐴡𐴌 𐴃𐴡𐴑𐴓𐴞𐴉𐴡𐴌 𐴁𐴝𐴁𐴡𐴃𐴠 𐴀𐴠𐴇𐴏𐴝𐴏𐴢 𐴒𐴡𐴌𐴞 𐴉𐴝𐴙𐴅𐴧𐴠، 𐴃𐴡𐴈𐴡𐴕 𐴃𐴝𐴀𐴛 𐴕𐴡𐴁𐴟𐴖𐴧𐴡𐴃𐴡𐴌 𐴊𐴡𐴌𐴁𐴝𐴌𐴡𐴃𐴢 𐴇𐴝𐴎𐴠𐴌 𐴀𐴥𐴡𐴘𐴧𐴠 𐴀𐴝𐴌 𐴀𐴝𐴌𐴡𐴎 𐴒𐴡𐴙𐴓𐴧𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴘𐴦𐴝 𐴌𐴡𐴏𐴦𐴟𐴥𐴓𐴧𐴝𐴓𐴧𐴝𐴇 𐴎𐴡𐴊𐴞 𐴀𐴡𐴕𐴠 𐴀𐴝𐴣𐴀𐴌 𐴁𐴝𐴉𐴡𐴌𐴠 𐴑𐴡𐴃𐴡𐴓𐴡𐴌 𐴀𐴠𐴌𐴝𐴊𐴝 𐴒𐴡𐴌𐴡 𐴃𐴡𐴘𐴓𐴠 𐴀𐴝𐴣𐴀𐴌𐴠 𐴇𐴡𐴑𐴟𐴔𐴢 𐴊𐴡𐴀، 𐴀𐴝𐴀𐴛 𐴕𐴞𐴎𐴠 𐴀𐴝𐴣𐴀𐴌 𐴁𐴝𐴉𐴡𐴌 𐴔𐴝𐴃𐴝 𐴀𐴝𐴓𐴝𐴊𐴝 𐴒𐴡𐴌𐴞 𐴀𐴡𐴕𐴡𐴌 𐴈𐴠𐴊𐴔𐴡𐴃𐴡𐴃𐴢 𐴉𐴠𐴙𐴐𐴢 𐴒𐴡𐴌𐴞 𐴊𐴞𐴘𐴧𐴟𐴔𐴢| 𐴑𐴞𐴕𐴃𐴟 𐴀𐴡𐴙𐴕𐴧𐴡 𐴑𐴞𐴘𐴝 𐴀𐴝𐴣𐴀𐴌 𐴁𐴝𐴉𐴡𐴌𐴠 𐴑𐴡𐴃𐴡𐴓𐴢 𐴒𐴡𐴌𐴞𐴁𐴡 𐴀𐴝𐴌 𐴀𐴝𐴀𐴛 𐴀𐴠 𐴎𐴡𐴁𐴞𐴕𐴡𐴃𐴢 𐴕𐴞𐴎𐴡𐴌 𐴁𐴝𐴉𐴡𐴌 𐴑𐴝𐴃𐴠𐴓𐴡𐴌𐴠 𐴎𐴞𐴕𐴊𐴝 𐴊𐴠𐴙𐴈𐴞𐴘𐴟𐴔𐴢 𐴀𐴠𐴈𐴡𐴃𐴝 𐴀𐴝𐴣𐴀𐴌 𐴒𐴝𐴘𐴌𐴡𐴃𐴡𐴌 𐴖𐴡𐴌𐴠 𐴊𐴝𐴒𐴢 𐴓𐴝𐴒𐴞𐴁𐴡|| (𐴅𐴡𐴖𐴝𐴔𐴠𐴀𐴟𐴓𐴢 𐴑𐴠𐴓𐴡𐴔𐴢)

 

𐴔𐴟𐴇𐴃𐴡𐴌𐴡𐴔𐴢 𐴁𐴤𐴝𐴘 𐴀𐴡𐴑𐴧𐴡𐴓𐴢!

𐴈𐴝𐴕𐴊𐴝𐴕𐴞 𐴀𐴝𐴊𐴧𐴠 𐴑𐴡𐴁𐴝𐴘𐴠𐴓𐴞 𐴃𐴝𐴀𐴓𐴧𐴟𐴑 𐴁𐴠𐴐𐴞 𐴕𐴝𐴎𐴟𐴑| 𐴕𐴞𐴎𐴡𐴌 𐴅𐴡𐴔𐴝𐴃𐴡𐴌 𐴓𐴠𐴙𐴋𐴝𐴌𐴡𐴌 𐴏𐴝𐴣𐴀𐴃𐴠 𐴈𐴡𐴕𐴥𐴡 𐴑𐴞𐴘𐴡𐴌 𐴀𐴠𐴈𐴃𐴠𐴓𐴝𐴉𐴢 𐴃𐴝𐴑𐴞𐴃𐴉𐴝𐴌𐴠| 𐴀𐴠𐴑 𐴀𐴥𐴞𐴏𐴝𐴉𐴠 𐴃𐴝𐴌𐴠 𐴈𐴡𐴌𐴝𐴁𐴥𐴡 𐴁𐴟𐴎𐴞𐴃𐴢 𐴉𐴝𐴌𐴠| 𐴑𐴞𐴕𐴃𐴟 𐴅𐴡𐴔𐴝𐴃𐴡𐴌 𐴁𐴦𐴝𐴌𐴡𐴌 𐴈𐴡𐴕𐴥𐴡𐴑𐴞𐴘𐴝 𐴓𐴠𐴙𐴋𐴝𐴌𐴡𐴌 𐴕𐴝𐴔𐴠 𐴈𐴤𐴡𐴌𐴝𐴉𐴢 𐴈𐴡𐴃𐴝 𐴈𐴡𐴘𐴓𐴠 𐴃𐴝𐴌 𐴅𐴡𐴔𐴝𐴃𐴞 𐴒𐴝𐴘𐴌𐴡𐴃𐴢 𐴏𐴞𐴃𐴞 𐴀𐴟𐴍𐴠| 𐴈𐴦𐴝𐴏𐴢 𐴒𐴡𐴌𐴞 𐴎𐴡𐴈𐴡𐴕 𐴀𐴥𐴞𐴁𐴝 𐴊𐴦𐴞𐴕𐴞 𐴅𐴡𐴔𐴝𐴃𐴢 𐴀𐴥𐴡 𐴃𐴡𐴘𐴓𐴠 𐴒𐴝𐴘𐴌𐴡𐴃𐴢 𐴀𐴝𐴌𐴥𐴡 𐴁𐴝𐴌𐴞 𐴎𐴝𐴒𐴡𐴘| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴠 𐴕𐴦𐴝𐴎𐴟𐴑𐴞𐴌 𐴇𐴝𐴓𐴡𐴃𐴡𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴀𐴠 𐴊𐴦𐴞𐴕𐴞 𐴏𐴞𐴘𐴝𐴏𐴞 𐴅𐴡𐴔𐴡𐴃𐴡𐴌 𐴁𐴥𐴟𐴃𐴡𐴌𐴠 𐴁𐴤𐴝𐴓𐴝 𐴔𐴝𐴕𐴥𐴟𐴙𐴐𐴥𐴡 𐴀𐴝𐴏𐴠 𐴎𐴝𐴌𐴝 𐴀𐴥𐴠 𐴅𐴡𐴔𐴃𐴡𐴌 𐴏𐴝𐴣𐴀𐴃𐴞 𐴃𐴝𐴀𐴓𐴧𐴟𐴑 𐴌𐴝𐴑𐴠𐴊𐴠 𐴊𐴞𐴕𐴡𐴌 𐴁𐴠𐴕𐴝𐴌 𐴖𐴡𐴌𐴠، 𐴃𐴝𐴌𐴝 𐴕𐴞𐴎𐴡𐴌 𐴓𐴠𐴙𐴋𐴝𐴌𐴡𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴠𐴊𐴠 𐴃𐴝𐴌𐴝𐴌 𐴊𐴟𐴕𐴞𐴘𐴝 𐴉𐴟𐴣𐴎𐴝𐴌𐴞𐴌 𐴎𐴡𐴌𐴞𐴘𐴝 𐴕𐴡𐴀 𐴁𐴤𐴡𐴓𐴑𐴠 𐴓𐴠𐴙𐴋𐴝𐴌 𐴀𐴦𐴡𐴓𐴡𐴌 𐴀𐴡𐴓𐴉𐴡 𐴏𐴡𐴓𐴉𐴡 𐴊𐴞𐴕𐴞 𐴈𐴠𐴊𐴔𐴡𐴃𐴢 𐴘𐴥𐴝 𐴈𐴠𐴊𐴔𐴡𐴃𐴡𐴌 𐴖𐴝𐴊𐴝𐴌 𐴎𐴡𐴌𐴞𐴘𐴝| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴥𐴠 𐴑𐴝𐴘𐴠𐴊𐴢 𐴀𐴦𐴡𐴓𐴡𐴌 𐴖𐴡𐴌𐴠 𐴃𐴡𐴑𐴉𐴞𐴌𐴡𐴌 𐴉𐴡𐴃𐴡𐴖𐴝 𐴓𐴝𐴒𐴝𐴘 𐴑𐴞𐴁𐴤𐴝𐴉𐴠 𐴀𐴝𐴐𐴥𐴝 𐴌𐴝𐴑𐴞𐴘𐴟𐴔𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌 𐴒𐴟𐴌𐴟𐴉𐴡𐴌 𐴔𐴝𐴙𐴕𐴐𐴥𐴠 𐴀𐴝𐴣𐴀𐴌 𐴊𐴝𐴖𐴡𐴃𐴢 𐴉𐴥𐴟𐴕𐴞𐴁𐴡؟ 𐴀𐴝𐴌 𐴃𐴝𐴌𐴝𐴌 𐴖𐴡𐴌𐴠 𐴑𐴟𐴉𐴡𐴌𐴞𐴌 𐴉𐴡𐴃𐴟𐴖𐴝 𐴓𐴝𐴒𐴝𐴘 𐴊𐴟𐴏𐴡𐴌𐴝 𐴀𐴝𐴇𐴓𐴠 𐴊𐴞𐴕 𐴀𐴝𐴊𐴧𐴠 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴑𐴞𐴁𐴤𐴝𐴉𐴠 𐴔𐴝𐴘𐴠𐴓𐴢 𐴒𐴡𐴌𐴞𐴘𐴟𐴔𐴢؟ 𐴃𐴡𐴘𐴓𐴠 𐴀𐴡𐴕𐴠 𐴎𐴡𐴊𐴞 𐴏𐴦𐴡𐴊𐴧𐴠 𐴀𐴥𐴡𐴘𐴓𐴠 𐴀𐴠 𐴁𐴞𐴙𐴌𐴝𐴔𐴡𐴌 𐴀𐴠𐴓𐴝𐴅 𐴒𐴡𐴌𐴞𐴁𐴝، 𐴀𐴡𐴕𐴡𐴌 𐴈𐴝𐴇𐴠𐴐𐴢 𐴃𐴝𐴌𐴝𐴌𐴠 𐴋𐴞𐴔𐴟𐴑𐴌𐴠𐴏𐴞𐴌 𐴑𐴟𐴉𐴡𐴌𐴞𐴌𐴠 𐴁𐴟𐴎𐴝𐴘𐴁𐴝، 𐴃𐴡𐴘𐴓𐴠 𐴃𐴝𐴌𐴝𐴌𐴠 𐴊𐴝𐴖𐴡𐴃𐴡𐴌 𐴎𐴡𐴌𐴞𐴘𐴝 𐴕𐴡𐴁𐴡𐴖𐴞 𐴔𐴡𐴕𐴇𐴝𐴅𐴡𐴌 𐴖𐴡𐴌𐴠 𐴓𐴡𐴘𐴀𐴝𐴕𐴞𐴁𐴝، 𐴃𐴝𐴌𐴝𐴌𐴠 𐴀𐴠 𐴒𐴡𐴓𐴡𐴃𐴢 𐴌𐴝𐴏𐴧𐴧𐴝𐴃𐴧𐴞 𐴉𐴥𐴞𐴌𐴝𐴘𐴁𐴝| 𐴃𐴥𐴡𐴘𐴓𐴠 𐴀𐴡𐴕𐴡𐴃𐴧𐴞 𐴏𐴦𐴞𐴌𐴡𐴃𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴝𐴉𐴡𐴌𐴞𐴁𐴡| 𐴀𐴝𐴔𐴡𐴓𐴡𐴌 𐴔𐴟𐴎𐴡𐴔𐴧𐴡𐴃𐴢 𐴁𐴡𐴘𐴝𐴕 𐴒𐴡𐴌𐴡| 𐴑𐴞𐴕𐴃𐴟 𐴕𐴝𐴔𐴢 𐴎𐴞𐴑𐴞𐴌 𐴕𐴡𐴒𐴡𐴌𐴞𐴁𐴝| 𐴈𐴦𐴝𐴏𐴢 𐴉𐴡𐴌𐴊𐴡𐴌 𐴖𐴡𐴌𐴠 𐴉𐴡𐴃𐴟𐴖𐴝 𐴓𐴝𐴒𐴡𐴕 𐴏𐴥𐴝𐴌𐴝 𐴋𐴠𐴔𐴟𐴑𐴌𐴠𐴏𐴞 𐴁𐴝𐴃𐴠𐴓𐴢 𐴀𐴦𐴡𐴕𐴡𐴌 𐴊𐴡𐴓𐴞𐴓 𐴀𐴡𐴑𐴧𐴡𐴓 𐴁𐴡𐴘𐴝𐴝𐴕 𐴒𐴡𐴌𐴡||

 

𐴔𐴝𐴕𐴥𐴟𐴙𐴐𐴢 𐴃𐴝𐴌𐴝𐴌 𐴈𐴡𐴃𐴝 𐴔𐴝𐴕𐴞𐴁𐴡 𐴕𐴝𐴑𐴞 𐴀𐴝𐴣𐴌𐴝𐴌 𐴈𐴡𐴃𐴝

𐴓𐴝𐴓𐴢 𐴔𐴡𐴏𐴡𐴙𐴃𐴡𐴌 𐴖𐴝𐴑𐴞𐴘𐴝𐴌 𐴁𐴝𐴊𐴠 𐴎𐴡𐴈𐴡𐴕 𐴃𐴝𐴔𐴦𐴝𐴔𐴢 𐴔𐴟𐴅𐴝𐴇𐴞𐴊𐴞𐴕 𐴀𐴡𐴑𐴧𐴡𐴓𐴢 𐴒𐴟𐴙𐴐𐴧𐴝 𐴀𐴝𐴌 𐴉𐴠𐴌𐴠𐴐𐴝𐴕𐴞𐴃𐴢 𐴔𐴟𐴁𐴃𐴠𐴓𐴝 𐴀𐴝𐴙𐴐𐴧𐴞𐴓𐴢| 𐴀𐴝𐴣𐴀𐴌𐴝𐴌 𐴔𐴞𐴋𐴞𐴘𐴝𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴠𐴊𐴠 𐴑𐴞𐴏𐴧𐴟 𐴏𐴝𐴣𐴀𐴃𐴞 𐴀𐴦𐴡𐴓𐴠𐴘𐴥𐴡 𐴉𐴝𐴑𐴞𐴏𐴃𐴝𐴕𐴡𐴌 𐴀𐴠𐴑𐴎𐴡𐴕 𐴁𐴡𐴌𐴡 𐴔𐴟𐴉𐴃𐴞 𐴏𐴝𐴇𐴠𐴁𐴡𐴌 𐴉𐴡𐴄𐴟𐴓𐴡𐴘 𐴕𐴠𐴒𐴞𐴄𐴞𐴁𐴢 𐴁𐴤𐴝𐴉𐴠 𐴀𐴠𐴑𐴧𐴝𐴕 𐴁𐴞𐴋𐴞𐴘𐴟 𐴕𐴡𐴐𐴡𐴌 𐴒𐴡𐴙𐴅𐴧𐴠، 𐴔𐴟𐴉𐴃𐴞 𐴏𐴝𐴇𐴠𐴁𐴡𐴌 𐴖𐴡𐴌𐴠(𐴕𐴝𐴀𐴟𐴎𐴟 𐴁𐴞𐴓𐴧𐴝𐴇) 𐴈𐴡𐴕𐴥𐴡 𐴑𐴟𐴉𐴡𐴌𐴞 𐴘𐴥𐴝 𐴉𐴝𐴏𐴠𐴑 𐴀𐴡𐴕𐴡𐴌 𐴉𐴡𐴃𐴟𐴖𐴝 𐴕𐴦𐴡𐴊𐴠| 𐴁𐴡𐴏𐴢 𐴔𐴟𐴕𐴝𐴏𐴠𐴁𐴢 𐴁𐴤𐴝𐴉𐴠 𐴔𐴟𐴎𐴡𐴔𐴧𐴡𐴃𐴢 𐴒𐴡𐴙𐴅𐴧𐴠||

𐴐𐴝𐴘𐴈𐴢 𐴀𐴝𐴁𐴟 𐴘𐴝𐴇𐴘𐴝 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴌𐴠 𐴀𐴝𐴀𐴛 𐴀𐴥𐴠 𐴁𐴞𐴋𐴞𐴘𐴟𐴖𐴝 𐴊𐴠𐴙𐴈𐴝𐴘𐴓𐴝𐴔𐴢| 𐴃𐴡𐴈𐴡𐴕 𐴐𐴝𐴘𐴈𐴠 𐴒𐴟𐴙𐴐𐴧𐴝𐴒𐴡𐴌𐴞 𐴈𐴡𐴘𐴓𐴡𐴊𐴠 “𐴀𐴠𐴉𐴡𐴄𐴟 𐴑𐴞𐴘𐴥𐴡𐴓𐴧𐴝 𐴓𐴝𐴒𐴝𐴘𐴧𐴠” ؟ 𐴀𐴝𐴀𐴛 𐴈𐴦𐴡𐴘𐴓𐴝𐴔𐴊𐴠: ” 𐴀𐴥𐴠 𐴔𐴟𐴉𐴃𐴞 𐴏𐴝𐴇𐴠𐴁𐴠 𐴓𐴝𐴓𐴢 𐴔𐴡𐴏𐴡𐴙𐴃𐴡𐴌 𐴁𐴝𐴁𐴡𐴃𐴠 𐴀𐴞𐴕𐴋𐴞𐴓𐴧𐴝 𐴌𐴝𐴘 𐴉𐴦𐴠𐴐𐴢 𐴒𐴡𐴙𐴅𐴧𐴠| 𐴀𐴝𐴌 𐴀𐴥𐴞𐴁𐴝𐴘𐴠 𐴀𐴞𐴕𐴋𐴞𐴓𐴧𐴝 𐴒𐴡𐴙𐴅𐴧𐴠 𐴀𐴡𐴕𐴋𐴞𐴓𐴧𐴝 𐴒𐴡𐴙𐴅𐴧𐴠”||

𐴐𐴝𐴘𐴈𐴢 𐴕𐴝𐴌𐴝𐴎 𐴀𐴥𐴡𐴘𐴡𐴌𐴠 𐴈𐴡𐴘𐴓𐴡𐴊𐴠: 𐴀𐴡𐴕𐴡𐴌𐴝𐴌 𐴀𐴠𐴈𐴝𐴔𐴒𐴥𐴝𐴕 𐴁𐴞𐴓𐴑𐴟𐴓𐴢 𐴒𐴡𐴓𐴡𐴃𐴢| 𐴘𐴦𐴝𐴌𐴁𐴝𐴊𐴠 𐴃𐴝𐴀𐴛 𐴈𐴡𐴘𐴓𐴡𐴊𐴠:𐴈𐴡𐴃𐴡 𐴔𐴝𐴕𐴟𐴙𐴐𐴢 𐴀𐴥𐴠 𐴔𐴟𐴉𐴃𐴞 𐴏𐴝𐴇𐴁𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴠؟ 𐴈𐴡𐴃𐴡 𐴔𐴝𐴕𐴥𐴟𐴙𐴐𐴢 𐴃𐴝𐴀𐴛𐴌 𐴅𐴟𐴔𐴝𐴌 𐴈𐴟𐴃𐴁𐴝 𐴉𐴥𐴟𐴕𐴠؟ 𐴎𐴝𐴇𐴠𐴌 𐴈𐴡𐴃𐴝، 𐴓𐴝𐴑𐴤𐴡 𐴔𐴝𐴕𐴥𐴟𐴙𐴐𐴢 𐴃𐴝𐴀𐴛𐴌𐴠 𐴔𐴟𐴌𐴡𐴁𐴧𐴞 𐴀𐴥𐴞𐴏𐴝𐴉𐴠 𐴔𐴝𐴕𐴠| 𐴀𐴝𐴌 𐴀𐴡𐴕𐴡𐴌 𐴀𐴝𐴊𐴧𐴠 𐴀𐴝𐴣𐴀𐴌 𐴈𐴡𐴃𐴝 𐴉𐴥𐴟𐴕𐴡𐴘𐴝 𐴈𐴡𐴎𐴡𐴕 𐴀𐴝𐴏𐴠؟ 𐴈𐴡𐴎𐴡𐴕 𐴔𐴝𐴕𐴥𐴟𐴙𐴐𐴢 𐴀𐴝𐴣𐴀𐴌𐴝𐴌 𐴈𐴡𐴃𐴝𐴓𐴡𐴘 𐴀𐴥𐴠 𐴔𐴟𐴉𐴃𐴞 𐴏𐴝𐴇𐴠𐴁𐴡𐴌𐴠 𐴈𐴡𐴌𐴝𐴁𐴢 𐴁𐴟𐴎𐴞𐴁𐴡| 𐴀𐴝𐴌 𐴈𐴡𐴎𐴡𐴕 𐴔𐴝𐴕𐴥𐴟𐴙𐴐𐴢 𐴃𐴝𐴀𐴛𐴌 𐴀𐴠𐴑 𐴀𐴞𐴐𐴝𐴌𐴝𐴌 𐴎𐴡𐴌𐴞𐴘𐴝 𐴀𐴝𐴣𐴀𐴌𐴝𐴌𐴠 𐴈𐴡𐴌𐴝𐴁𐴢 𐴈𐴡𐴘𐴁𐴡؟

𐴐𐴝𐴘𐴈𐴠 𐴀𐴝𐴌𐴥𐴡 𐴈𐴦𐴡𐴘𐴓𐴡: 𐴀𐴦𐴝𐴔𐴢 𐴀𐴝𐴇𐴓𐴠 𐴊𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢 𐴀𐴡𐴕𐴡𐴌 𐴃𐴡𐴑𐴡𐴖𐴝، 𐴀𐴡𐴕𐴡𐴌 𐴅𐴞𐴇𐴝𐴊𐴢، 𐴀𐴡𐴕𐴡𐴌 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴀𐴝𐴈𐴓𐴝𐴑𐴡𐴌 𐴁𐴝𐴁𐴡𐴃𐴠 𐴑𐴞𐴏𐴧𐴟 𐴕𐴡𐴎𐴝𐴕𐴠| 𐴀𐴡𐴕𐴠 𐴈𐴡𐴕؟ 𐴀𐴡𐴕𐴠 𐴑𐴞؟ 𐴀𐴡𐴕𐴡𐴌 𐴔𐴡𐴌𐴃𐴡𐴁𐴝 𐴑𐴞؟ 𐴑𐴞𐴏𐴧𐴟 𐴕𐴡𐴎𐴝𐴕𐴠| 𐴑𐴞𐴕𐴃𐴟 𐴎𐴡𐴈𐴡𐴕 𐴀𐴡𐴕𐴠 𐴀𐴠𐴑𐴎𐴡𐴕 𐴔𐴡𐴐𐴦𐴟𐴌 𐴔𐴝𐴙𐴕𐴐𐴥𐴡𐴌𐴠 𐴁𐴟𐴌𐴝-𐴁𐴤𐴝𐴓𐴝 𐴈𐴡𐴘𐴁𐴝 𐴎𐴝𐴌𐴠 𐴃𐴝𐴌𐴝 𐴀𐴞𐴎𐴧𐴡𐴃𐴢 𐴒𐴡𐴌𐴠، 𐴃𐴡𐴘𐴓𐴠 𐴏𐴞𐴌𐴞𐴉𐴢 𐴀𐴡𐴕𐴠 𐴈𐴥𐴡𐴕𐴡𐴌 𐴎𐴡𐴌𐴞𐴘𐴝 𐴑𐴞𐴘𐴥𐴡𐴓𐴧𐴝 𐴃𐴝𐴌𐴝 𐴀𐴥𐴞𐴁𐴝𐴌𐴠 𐴈𐴡𐴌𐴝𐴁𐴢 𐴁𐴟𐴎𐴝 𐴐𐴟𐴌𐴟 𐴒𐴡𐴌𐴞𐴁𐴡؟ 𐴘𐴦𐴝𐴌 𐴁𐴝𐴊𐴠 𐴎𐴡𐴊𐴞 𐴀𐴥𐴠 𐴔𐴟𐴉𐴃𐴞 𐴏𐴝𐴇𐴠𐴁𐴢 𐴀𐴡𐴕𐴡𐴌𐴝𐴌𐴠 𐴈𐴝𐴌𐴠𐴅𐴞 𐴑𐴠𐴌𐴝𐴌𐴊𐴠 𐴃𐴡𐴘𐴓𐴠 𐴃𐴝𐴌𐴝 𐴑𐴞𐴘𐴥𐴡𐴓𐴧𐴝 𐴀𐴡𐴕𐴡𐴌𐴝𐴌𐴠 𐴈𐴝𐴌𐴠𐴅𐴞 𐴕𐴡𐴈𐴦𐴡𐴘𐴁𐴡؟ 𐴔𐴝𐴕𐴥𐴟𐴙𐴐𐴢 𐴀𐴡𐴕𐴡𐴌𐴝𐴌 𐴖𐴝𐴏𐴠𐴃𐴝𐴓𐴡𐴘 𐴃𐴝𐴌𐴝𐴌𐴠 𐴕𐴡𐴏𐴞𐴕𐴠، 𐴁𐴤𐴡𐴓𐴑𐴠 𐴃𐴝𐴌𐴝𐴌 𐴖𐴝𐴏𐴠𐴃𐴝𐴓𐴡𐴘 𐴀𐴡𐴕𐴡𐴌𐴝𐴌𐴠 𐴏𐴞𐴕𐴠𐴊𐴠| 𐴀𐴥𐴠𐴈𐴡𐴃𐴝𐴓𐴧𐴝 𐴃𐴝𐴌𐴝 𐴀𐴡𐴕𐴡𐴌𐴝𐴌 𐴁𐴝𐴁𐴡𐴃𐴠 𐴎𐴞𐴕𐴋𐴞𐴓𐴧𐴝 𐴈𐴦𐴡𐴘𐴁𐴡 𐴀𐴦𐴝𐴔𐴢 𐴔𐴝𐴙𐴕𐴐𐴥𐴠 𐴀𐴡𐴕𐴡𐴌𐴝𐴌𐴠 𐴀𐴥𐴞𐴕𐴋𐴞𐴓𐴧𐴝 𐴈𐴞𐴘𐴝𐴓𐴢 𐴒𐴡𐴌𐴞𐴁𐴡||

𐴃𐴝𐴌𐴁𐴝𐴊𐴠 𐴐𐴝𐴘𐴈𐴢 𐴊𐴦𐴞𐴕𐴞 𐴏𐴞𐴘𐴝𐴏𐴞 𐴑𐴝𐴘𐴠𐴊𐴢 𐴀𐴦𐴡𐴓𐴡𐴌 𐴁𐴝𐴁𐴡𐴃𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴔𐴞𐴋𐴞𐴘𐴝𐴌 𐴔𐴟𐴃𐴝𐴀𐴓𐴧𐴠𐴑 𐴌𐴝𐴇𐴕𐴟𐴔𐴝𐴘𐴞 𐴒𐴡𐴌𐴞 𐴈𐴡𐴘𐴧𐴠𐴊𐴠 “𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴕𐴡𐴎𐴊𐴞𐴑 𐴔𐴡𐴐𐴦𐴟𐴌 𐴓𐴠𐴙𐴋𐴝𐴌 𐴀𐴡𐴑𐴧𐴡𐴓𐴡𐴌 𐴕𐴝𐴔𐴢 𐴎𐴞𐴑𐴞𐴌 𐴒𐴡𐴌𐴞 𐴘𐴥𐴝 𐴉𐴡𐴄𐴟 𐴎𐴝𐴇𐴠𐴌 𐴒𐴡𐴌𐴞 𐴔𐴟𐴎𐴡𐴔𐴧𐴡𐴃𐴢 𐴀𐴝𐴊𐴧𐴠 𐴃𐴝𐴇𐴑𐴞𐴌 𐴒𐴡𐴌𐴝 𐴕𐴡𐴎𐴝𐴘𐴁𐴡| 𐴎𐴡𐴊𐴞 𐴈𐴡𐴕𐴥𐴡 𐴖𐴡𐴅𐴝𐴓𐴡𐴘 𐴕𐴝𐴔𐴢 𐴎𐴞𐴑𐴞𐴌 𐴒𐴡𐴌𐴡𐴕𐴡𐴃𐴢 𐴔𐴡𐴅𐴁𐴟𐴌 𐴀𐴥𐴡𐴘𐴓𐴠، 𐴃𐴡𐴈𐴡𐴕 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴔𐴡𐴎𐴧𐴝𐴑 𐴘𐴥𐴝 𐴇𐴥𐴞𐴚𐴐𐴝 𐴏𐴥𐴝𐴌𐴝 𐴎𐴠𐴊𐴧𐴟𐴌 𐴉𐴝𐴌𐴠 𐴀𐴥𐴠𐴊𐴧𐴟 𐴀𐴡𐴓𐴉𐴡 𐴓𐴡𐴉𐴎𐴡𐴓𐴡𐴘 𐴕𐴝𐴌𐴝𐴎𐴞𐴒𐴞 𐴎𐴝𐴇𐴠𐴌 𐴒𐴡𐴌𐴞𐴁𐴡| 𐴘𐴦𐴝𐴌𐴁𐴝𐴊𐴠 𐴈𐴡𐴃𐴝𐴌 𐴃𐴡𐴌𐴞𐴑𐴝𐴃𐴢 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴒𐴟𐴙𐴐𐴧𐴝 𐴀𐴝𐴌 𐴁𐴠𐴙𐴎𐴧𐴡𐴃𐴞 𐴎𐴝𐴇𐴠𐴌 𐴕𐴡𐴒𐴡𐴌𐴡𐴕| 𐴁𐴤𐴡𐴓𐴑𐴠 𐴈𐴝𐴘𐴌𐴈𐴝 𐴀𐴝𐴌 𐴇𐴝𐴔𐴊𐴡𐴌𐴊𐴞 𐴎𐴝𐴇𐴠𐴌 𐴒𐴡𐴌𐴡𐴕 𐴎𐴡𐴌𐴟𐴌𐴞||

𐴘𐴦𐴝𐴌𐴁𐴝𐴊𐴠 𐴀𐴝𐴀𐴛 𐴐𐴝𐴘𐴈𐴡𐴌𐴠 𐴀𐴝𐴌𐴡𐴎 𐴒𐴡𐴙𐴓𐴧𐴝𐴔𐴢، 𐴀𐴞𐴕𐴋𐴞𐴓𐴧𐴝 𐴀𐴥𐴡𐴘𐴓𐴠 𐴃𐴡𐴈𐴡𐴕 𐴋𐴞𐴔𐴟𐴑𐴌𐴠𐴏𐴞𐴌 𐴑𐴟𐴉𐴡𐴌𐴞 𐴀𐴝𐴊𐴧𐴠 𐴅𐴟𐴔𐴇𐴟𐴌𐴞 𐴃𐴡𐴌𐴞𐴑𐴝𐴌 𐴒𐴟𐴔𐴌𐴝𐴇𐴞𐴌𐴠 𐴑𐴞𐴁𐴤𐴝𐴉𐴠 𐴁𐴡𐴘𐴝𐴕 𐴒𐴡𐴌𐴝 𐴎𐴝𐴘𐴁𐴡؟ 𐴑𐴞𐴁𐴤𐴝𐴉𐴠 𐴔𐴝𐴙𐴕𐴐𐴥𐴡𐴌 𐴈𐴝𐴣𐴀𐴏𐴠 𐴀𐴠𐴒𐴞𐴕𐴡𐴌 𐴉𐴡𐴏𐴝𐴊𐴞 𐴃𐴡𐴌𐴞𐴑𐴝 𐴖𐴝𐴎𐴠𐴇 𐴀𐴥𐴡𐴘𐴁𐴡؟ 𐴐𐴝𐴘𐴈𐴠 𐴅𐴟𐴖𐴝𐴁𐴡𐴃𐴢 𐴈𐴡𐴘𐴓𐴡𐴊𐴠:” 𐴏𐴞𐴌𐴞𐴉𐴢 𐴅𐴟𐴔𐴇𐴟𐴌𐴞𐴘𐴡𐴃𐴡𐴌 𐴑𐴟𐴉𐴡𐴌𐴞 𐴁𐴡𐴘𐴝𐴕 𐴒𐴡𐴌𐴞𐴁𐴡، 𐴀𐴞𐴏𐴓𐴝𐴔𐴞 𐴅𐴟𐴔𐴇𐴟𐴌𐴞𐴘𐴡𐴃𐴡𐴌 𐴀𐴠𐴏𐴃𐴠𐴓𐴝𐴤𐴌 𐴁𐴝𐴃𐴠𐴓𐴡𐴌𐴠 𐴎𐴝𐴇𐴠𐴌 𐴁𐴝𐴇𐴠𐴌 𐴁𐴡𐴘𐴝𐴕 𐴒𐴡𐴌𐴞𐴁𐴡، 𐴊𐴡𐴓𐴞𐴓𐴢 𐴀𐴝𐴊𐴞𐴓𐴧𐴝𐴌 𐴎𐴡𐴌𐴞𐴘𐴝 𐴀𐴠 𐴏𐴞𐴕𐴃𐴝-𐴉𐴞𐴑𐴞𐴌𐴡𐴌𐴠 𐴁𐴝𐴃𐴠𐴓𐴢 𐴏𐴝𐴁𐴠𐴃𐴢 𐴒𐴡𐴌𐴞𐴁𐴡| 𐴀𐴠𐴈𐴡𐴃𐴝 𐴁𐴡𐴘𐴝𐴕 𐴒𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴋𐴠𐴔𐴟𐴑𐴌𐴠𐴏𐴞 𐴕𐴠𐴎𐴝𐴔𐴡𐴃𐴢 𐴐𐴝𐴔𐴠𐴓𐴢 𐴀𐴦𐴡𐴕𐴡𐴌 𐴔𐴦𐴝𐴕𐴞 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌𐴠 𐴔𐴡𐴎𐴁𐴟𐴃𐴢 𐴒𐴡𐴌𐴡𐴕| 𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴇𐴡𐴊𐴃𐴠𐴅𐴝𐴖𐴡𐴎𐴞، 𐴒𐴟𐴕𐴤𐴝𐴌 𐴈𐴝𐴔𐴢| 𐴔𐴡𐴒𐴡𐴌 𐴀𐴠 𐴔𐴟𐴎𐴡𐴔𐴧𐴡𐴃𐴡𐴃𐴢 𐴓𐴠𐴙𐴋𐴝𐴌 𐴀𐴦𐴡𐴓𐴡𐴌 𐴖𐴡𐴌𐴠 𐴑𐴟𐴉𐴡𐴌𐴡𐴌 𐴉𐴡𐴃𐴡𐴖𐴝 𐴕𐴡 𐴓𐴝𐴒𐴝𐴘𐴁𐴡| 𐴑𐴝𐴘𐴠𐴊𐴢 𐴀𐴡𐴑𐴧𐴡𐴓𐴡𐴌 𐴉𐴡𐴄𐴟 𐴓𐴝𐴒𐴝𐴘 𐴄𐴝𐴄𐴧𐴝-𐴔𐴡𐴎𐴧𐴝𐴑𐴞 𐴒𐴡𐴌𐴝 𐴕𐴡𐴎𐴝𐴘𐴁𐴡| 𐴕𐴞𐴎𐴡𐴌 𐴁𐴝𐴁𐴡𐴃𐴠 𐴁𐴤𐴝𐴓𐴝 𐴀𐴝𐴌 𐴃𐴝𐴌𐴝𐴌 𐴁𐴝𐴁𐴡𐴃𐴠 𐴇𐴥𐴞𐴚𐴐𐴝 𐴎𐴝𐴇𐴠𐴌 𐴕𐴡 𐴒𐴡𐴌𐴞𐴁𐴡| 𐴑𐴞𐴕𐴃𐴟 𐴘𐴦𐴝𐴌 𐴀𐴟𐴓𐴊𐴝 𐴎𐴡𐴊𐴞 𐴃𐴝𐴌𐴝𐴌 𐴁𐴝𐴁𐴡𐴃𐴠 𐴏𐴡𐴈𐴃𐴡 𐴓𐴡𐴉𐴎𐴡 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡 𐴃𐴡𐴘𐴓𐴠 𐴀𐴥𐴠 𐴑𐴝𐴘𐴠𐴊𐴢 𐴀𐴦𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴝 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴢 𐴃𐴝𐴀𐴏𐴧𐴟𐴁𐴞𐴌 𐴐𐴞𐴑𐴝𐴌 𐴀𐴥𐴡𐴘𐴎𐴝𐴘𐴁𐴡𐴘| 𐴀𐴝𐴌 𐴀𐴡𐴕𐴡𐴌 𐴊𐴝𐴖𐴡𐴃𐴡𐴌 𐴔𐴞𐴑𐴧𐴝 𐴃𐴝𐴌𐴝 𐴇𐴝𐴕 𐴕𐴡𐴊𐴞𐴁𐴡| 𐴃𐴝𐴌𐴁𐴝𐴊𐴠 𐴃𐴝𐴌𐴝𐴌 𐴔𐴟𐴈𐴝𐴓𐴡𐴉𐴞 𐴊𐴟𐴐𐴧𐴡𐴕𐴞 𐴔𐴧𐴝𐴎𐴠 𐴁𐴡𐴊𐴡𐴓𐴞 𐴎𐴝𐴘 𐴁𐴡𐴒𐴡𐴘||

𐴅𐴞𐴇𐴝𐴊𐴡𐴌 𐴊𐴝𐴀𐴞 𐴁𐴤𐴝𐴘 𐴀𐴡𐴑𐴧𐴡𐴓𐴢!

𐴀𐴠 𐴃𐴝𐴔𐴦𐴝𐴔𐴢 𐴅𐴡𐴔𐴝𐴃𐴢 𐴀𐴝𐴌 𐴐𐴡𐴈𐴏𐴞𐴘𐴝𐴃𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴊𐴡𐴓𐴞𐴓𐴢-𐴀𐴝𐴊𐴞𐴓𐴧𐴝 𐴀𐴝𐴌 𐴊𐴞𐴓𐴞 𐴊𐴡𐴌𐴡𐴊𐴢 𐴓𐴡𐴘 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴡𐴕, 𐴃𐴝𐴌𐴝𐴌 𐴊𐴡𐴓𐴞𐴓𐴢 𐴀𐴝𐴌 𐴃𐴡𐴌𐴎𐴡 𐴀𐴝𐴔𐴡𐴓𐴡𐴌 𐴌𐴡𐴊𐴥𐴡 𐴀𐴡𐴉𐴝𐴕 𐴑𐴞𐴕𐴃𐴟 𐴀𐴠 𐴃𐴡𐴕𐴑𐴞𐴊𐴢 𐴃𐴡𐴑𐴉𐴞𐴌𐴡𐴌 𐴎𐴟𐴁𐴝𐴕𐴡𐴃𐴢 𐴕𐴡𐴀𐴡𐴉𐴝𐴕, 𐴁𐴡𐴤𐴓𐴑𐴠 𐴁𐴟𐴎𐴝-𐴁𐴟𐴎𐴞𐴌 𐴃𐴡𐴌𐴞𐴑𐴝𐴓𐴡𐴘 𐴀𐴝𐴌 𐴊𐴡𐴌𐴡𐴊𐴡𐴌 𐴏𐴝𐴣𐴀𐴃𐴠 𐴒𐴡𐴌𐴡𐴕|𐴀𐴝𐴌𐴠𐴑𐴧𐴝𐴕 𐴀𐴝𐴇𐴥𐴝𐴔𐴢 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴇𐴓𐴠 𐴊𐴦𐴞𐴕𐴡𐴌 𐴁𐴥𐴟𐴃𐴡𐴌𐴠 𐴎𐴝𐴌𐴝 𐴀𐴝𐴣𐴀𐴌𐴝𐴌 𐴔𐴟𐴈𐴝𐴓𐴡𐴉𐴡𐴃𐴞 𐴒𐴡𐴌𐴞𐴁𐴡 𐴃𐴝𐴌𐴝𐴌 𐴕𐴞𐴘𐴡𐴃𐴡𐴌 𐴖𐴡𐴌𐴠 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴊𐴥𐴝𐴑𐴧𐴝 𐴕𐴡𐴓𐴝𐴒𐴠𐴉𐴝𐴕, 𐴏𐴞𐴌𐴞𐴉𐴢 𐴀𐴝𐴔𐴡𐴓𐴢 𐴀𐴝𐴊𐴧𐴠 𐴑𐴞𐴌𐴊𐴝𐴌𐴡𐴌 𐴏𐴝𐴣𐴀𐴃𐴠 𐴀𐴠𐴈𐴃𐴠𐴓𐴝𐴉𐴢 𐴃𐴝𐴑𐴞𐴁𐴡𐴊𐴠||

𐴀𐴥𐴞𐴕𐴋𐴞𐴓𐴧𐴝 𐴊𐴟𐴏𐴡𐴌𐴝 𐴀𐴝𐴇𐴥𐴝𐴔𐴢 𐴈𐴡𐴃𐴝 𐴀𐴡𐴥𐴘𐴓𐴊𐴠 𐴈𐴡𐴕𐴡 𐴐𐴡𐴈𐴏𐴞𐴘𐴡𐴃𐴡𐴌𐴠 𐴃𐴟𐴀𐴛 𐴈𐴡𐴌𐴝𐴁𐴢 𐴁𐴟𐴎𐴡 𐴑𐴞𐴕𐴃𐴟 𐴊𐴝𐴖𐴡𐴃𐴡𐴌 𐴔𐴟𐴈𐴝𐴃𐴡𐴁𐴢 𐴀𐴦𐴡𐴓𐴠 𐴃𐴝𐴌𐴝𐴌𐴠 𐴁𐴤𐴝𐴓𐴝 𐴀𐴝𐴌 𐴊𐴞𐴕𐴡𐴌 𐴈𐴝𐴊𐴠𐴔𐴢 𐴁𐴡𐴓𐴞 𐴁𐴟𐴎𐴠, 𐴃𐴡𐴘𐴓𐴠 𐴃𐴟𐴀𐴛 𐴁𐴟𐴌𐴝 𐴁𐴟𐴎𐴡𐴕 𐴀𐴝𐴊𐴧𐴠 𐴑𐴟𐴉𐴡𐴌𐴞 𐴉𐴡𐴃𐴡𐴖𐴝 𐴓𐴝𐴒𐴡𐴕𐴡𐴌 𐴎𐴡𐴌𐴞𐴘𐴝 𐴔𐴟𐴈𐴝𐴃𐴡𐴁𐴢 𐴀𐴦𐴡𐴓𐴠 𐴃𐴟𐴣𐴖𐴥𐴝𐴣𐴀𐴌 𐴈𐴡𐴃𐴝 𐴃𐴟𐴣𐴖𐴥𐴝𐴣𐴀𐴌 𐴏𐴝𐴔𐴠𐴀𐴞𐴕 𐴀𐴡𐴑𐴧𐴡𐴓𐴠 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴕𐴡𐴔𐴝𐴕𐴞𐴁𐴡, 𐴀𐴥𐴠 𐴐𐴡𐴈𐴏𐴞𐴘𐴡𐴃𐴡𐴌 𐴈𐴡𐴌𐴝𐴁𐴞𐴌 𐴀𐴠𐴓𐴝𐴕 𐴕𐴡𐴒𐴡𐴌𐴞 𐴃𐴝𐴌 𐴀𐴝𐴔𐴡𐴓𐴡𐴌 𐴁𐴟𐴌𐴝𐴘𐴞𐴌𐴠 𐴁𐴡𐴘𐴝𐴕 𐴒𐴡𐴌𐴡, 𐴎𐴠𐴈𐴝𐴔𐴡𐴌 𐴎𐴡𐴌𐴞𐴘𐴝 𐴀𐴥𐴞𐴁𐴝 𐴈𐴡𐴌𐴝𐴁𐴢 𐴀𐴥𐴡𐴘𐴧𐴠, 𐴊𐴡𐴓𐴞𐴓𐴢-𐴀𐴝𐴊𐴞𐴓𐴧𐴝 𐴇𐴝𐴔𐴊𐴡𐴌𐴊𐴞 𐴀𐴝𐴌 𐴕𐴡𐴌𐴔𐴞 𐴏𐴧𐴝𐴣𐴀𐴃𐴠 𐴃𐴝𐴌 𐴁𐴟𐴌𐴝𐴘𐴞𐴌𐴠 𐴁𐴟𐴌𐴝𐴘𐴞 𐴀𐴥𐴞𐴏𐴝𐴉𐴠 𐴏𐴝𐴁𐴠𐴃𐴢 𐴒𐴡𐴌𐴡 𐴃𐴡𐴈𐴡𐴕 𐴊𐴠𐴈𐴞𐴁𐴝 𐴔𐴟𐴈𐴝𐴃𐴡𐴁𐴢 𐴕𐴞𐴎𐴠𐴘𐴥𐴡 𐴀𐴥𐴞𐴁𐴝𐴌𐴠 𐴈𐴡𐴌𐴝𐴁𐴢 𐴁𐴟𐴎𐴞𐴁𐴡 𐴀𐴝𐴌 𐴕𐴞𐴎𐴡𐴌 𐴃𐴡𐴌𐴉𐴡𐴃𐴧𐴞𐴘𐴥𐴡 𐴀𐴞𐴥𐴁𐴝𐴌 𐴁𐴟𐴌𐴝𐴘𐴞𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴞𐴊𐴞𐴁𐴡||

𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴝𐴖𐴡𐴃𐴢: 𐴅𐴞𐴇𐴝𐴊𐴢 𐴁𐴡𐴌𐴁𐴝𐴊𐴢 𐴀𐴦𐴡𐴕𐴡𐴌 𐴎𐴡𐴌𐴞𐴘𐴝𐴘𐴥𐴡؟!

𐴀𐴠𐴕𐴄𐴝𐴌𐴕𐴠𐴄 𐴋𐴞𐴎𐴞𐴄𐴝𐴓𐴢 𐴎𐴡𐴁𐴝𐴕𐴝𐴌 𐴉𐴞𐴃𐴕𐴝 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴀𐴦𐴠𐴕 𐴀𐴠𐴑𐴧𐴝𐴕 𐴉𐴞𐴃𐴕𐴝 𐴎𐴝𐴌 𐴈𐴡𐴃𐴡𐴌𐴕𐴝𐴑 𐴁𐴡𐴘𐴝𐴕 𐴒𐴡𐴌𐴞𐴁𐴡𐴓𐴧𐴝 𐴉𐴞𐴃𐴕𐴝 𐴓𐴡𐴉𐴎𐴡𐴖𐴝𐴘𐴥𐴡 𐴑𐴝𐴉𐴞 𐴕𐴡𐴀| 𐴔𐴟𐴁𐴝𐴘𐴓𐴡𐴌 𐴉𐴡𐴌𐴡𐴊𐴝𐴌 𐴖𐴡𐴌𐴠 𐴀𐴡𐴣𐴓𐴡𐴌 𐴏𐴞𐴌𐴞𐴉𐴢 𐴈𐴡𐴘𐴠𐴑𐴒𐴟𐴗𐴝 𐴏𐴥𐴟𐴣𐴖𐴡𐴕 𐴁𐴠𐴐𐴞 𐴔𐴡𐴎𐴝𐴌 𐴑𐴞𐴕𐴃𐴟 𐴘𐴦𐴝𐴕 𐴀𐴦𐴠𐴕 𐴀𐴠𐴑 𐴈𐴡𐴃𐴡𐴌𐴕𐴝𐴑 𐴒𐴤𐴝𐴣𐴌𐴝 (𐴃𐴥𐴡𐴓𐴞) 𐴎𐴝𐴌 𐴖𐴡𐴏𐴝𐴀𐴝𐴃𐴢 𐴀𐴝𐴊𐴧𐴠 𐴒𐴥𐴠𐴌𐴝𐴘𐴞𐴌 𐴈𐴡𐴕𐴥𐴡 𐴐𐴥𐴞𐴔𐴝 𐴕𐴥𐴝𐴘| 𐴀𐴠𐴕𐴄𐴝𐴌𐴕𐴠𐴄𐴡𐴌 𐴀𐴠 𐴋𐴤𐴡𐴓𐴡𐴌 𐴎𐴡𐴌𐴞𐴘𐴝 𐴈𐴝𐴇𐴠𐴐𐴢 𐴀𐴝𐴌 (𐴊𐴞𐴕𐴡𐴌 𐴁𐴝𐴁𐴡𐴃𐴠) 𐴐𐴟𐴁𐴤𐴝 𐴀𐴡𐴑𐴧𐴡𐴓𐴢 𐴁𐴠𐴐𐴝 𐴁𐴠𐴐𐴞 𐴁𐴝𐴌𐴞 𐴒𐴞𐴘𐴡𐴘| 𐴀𐴠𐴈𐴡𐴕 𐴔𐴝𐴙𐴕𐴐𐴥𐴡𐴌 𐴀𐴝𐴑𐴡𐴓-𐴁𐴤𐴟𐴊𐴧𐴞 𐴀𐴝𐴎𐴝𐴊𐴞 𐴁𐴤𐴝𐴉𐴠 𐴈𐴝𐴔𐴢 𐴕𐴡𐴒𐴡𐴌𐴠| 𐴁𐴤𐴡𐴓𐴑𐴠 𐴑𐴡𐴔𐴂𐴟𐴄𐴝𐴌 𐴘𐴥𐴝 𐴔𐴟𐴁𐴝𐴘𐴓𐴡𐴌 𐴀𐴠𐴏𐴑𐴌𐴞𐴕𐴠 𐴀𐴠𐴈𐴡𐴕 𐴔𐴝𐴙𐴕𐴐𐴥𐴡𐴌 𐴀𐴝𐴑𐴡𐴓𐴡𐴌𐴠 𐴑𐴡𐴕𐴄𐴌𐴟𐴓𐴢 𐴒𐴡𐴌𐴠||

𐴀𐴠 𐴀𐴠𐴕𐴄𐴝𐴌𐴕𐴠𐴄 𐴈𐴡𐴃𐴥𐴡 𐴔𐴝𐴙𐴕𐴐𐴥𐴡𐴌 𐴎𐴞𐴕𐴊𐴞𐴒𐴞𐴌𐴠 𐴀𐴡𐴉𐴟𐴌𐴝𐴕𐴞 𐴏𐴞𐴕𐴃𐴝، 𐴀𐴡𐴐𐴥𐴝𐴕𐴃𐴞، 𐴓𐴝𐴓𐴏𐴞 𐴀𐴝𐴌 𐴈𐴡𐴃𐴡 𐴕𐴡𐴉𐴏𐴡𐴌𐴠 𐴐𐴥𐴞𐴔𐴝 𐴏𐴝𐴌𐴝 𐴃𐴞𐴌𐴝𐴐𐴡𐴃𐴢 𐴔𐴟𐴁𐴃𐴠𐴓𐴝 𐴒𐴡𐴌𐴞𐴊𐴞𐴘𐴧𐴠| 𐴈𐴡𐴃𐴥𐴡𐴎𐴡𐴕 𐴁𐴡𐴊𐴕𐴡𐴏𐴞𐴁𐴢 𐴔𐴝𐴙𐴕𐴐𐴥𐴡𐴌 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴀𐴝𐴈𐴠𐴌𐴡𐴃𐴡𐴌𐴠 𐴀𐴠 𐴎𐴦𐴡𐴌𐴝𐴇𐴥𐴝𐴉𐴡𐴌 𐴏𐴝𐴣𐴀𐴃𐴠 𐴊𐴟𐴏𐴃𐴞𐴘𐴠 𐴈𐴡𐴃𐴡𐴔𐴢 𐴒𐴡𐴌𐴞𐴊𐴞𐴘𐴧𐴠| 𐴐𐴥𐴡𐴘𐴃𐴝𐴕𐴠 𐴉𐴟𐴌𐴝 𐴀𐴞𐴕𐴏𐴝𐴕𐴞 𐴃𐴝𐴌𐴞𐴈𐴡𐴃𐴢 𐴉𐴞𐴃𐴕𐴝𐴌 𐴀𐴞𐴕𐴋𐴞𐴓𐴧𐴝 𐴀𐴦𐴝𐴏𐴝𐴕 𐴃𐴡𐴌𐴞𐴑𐴝 𐴃𐴡𐴘𐴧𐴝𐴌 𐴒𐴡𐴌𐴞 𐴕𐴦𐴡𐴉𐴝𐴌𐴠| 𐴎𐴞𐴕𐴋𐴞𐴓𐴧𐴝 𐴀𐴠𐴈𐴡𐴕 𐴀𐴠𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴀𐴦𐴝𐴏𐴝𐴕𐴡𐴌 𐴏𐴝𐴣𐴀𐴃𐴠 𐴇𐴝𐴏𐴠𐴓𐴢 𐴒𐴡𐴌𐴞 𐴉𐴝𐴙𐴅𐴧𐴠| 𐴐𐴥𐴡𐴘𐴃𐴝𐴕𐴠 𐴀𐴠𐴈𐴡𐴕 𐴁𐴠𐴐𐴞 𐴀𐴦𐴝𐴏𐴝𐴕𐴡𐴌 𐴏𐴝𐴣𐴀𐴃𐴠 𐴀𐴞𐴕𐴏𐴝𐴕𐴡𐴌𐴠 𐴕𐴞𐴎𐴡𐴌 𐴐𐴥𐴡𐴘𐴃𐴝𐴕𐴞 𐴎𐴝𐴓𐴡𐴃𐴢 𐴁𐴝𐴎𐴝𐴘 𐴇𐴥𐴝𐴓𐴝𐴑 𐴀𐴝𐴊𐴧𐴠 𐴁𐴡𐴌𐴁𐴝𐴊𐴞𐴌 𐴀𐴝𐴣𐴊𐴤𐴝𐴙𐴅𐴧𐴝 𐴒𐴝𐴣𐴌𐴝𐴃𐴢 𐴉𐴥𐴝𐴓𐴝𐴘 𐴊𐴠𐴙𐴌||

𐴀𐴠𐴒𐴞𐴕 𐴁𐴠𐴙𐴒𐴧𐴞𐴕𐴡𐴌 𐴁𐴝𐴊𐴠𐴘𐴥𐴡 𐴀𐴠 𐴈𐴡𐴃𐴡𐴌𐴕𐴝𐴑 𐴉𐴞𐴃𐴕𐴝 𐴑𐴞𐴏𐴧𐴟 𐴑𐴞𐴏𐴧𐴟 𐴖𐴡𐴅𐴝𐴓𐴡𐴘 𐴊𐴦𐴞𐴕 𐴀𐴝𐴌 𐴅𐴞𐴇𐴝𐴊𐴡𐴌 𐴀𐴠𐴑𐴧𐴝𐴕 𐴗𐴟𐴏𐴞𐴓𐴝 𐴀𐴥𐴞𐴏𐴝𐴉𐴠 𐴁𐴡𐴕𐴞𐴒𐴞𐴘𐴡𐴘| 𐴀𐴝𐴌 𐴎𐴡𐴈𐴡𐴕 𐴊𐴞𐴓𐴢 𐴀𐴝𐴊𐴧𐴠 𐴔𐴡𐴕𐴡𐴌𐴠 𐴀𐴝𐴏𐴡𐴌 𐴒𐴡𐴌𐴞𐴁𐴡𐴓𐴧𐴝 𐴘𐴦𐴝𐴕 𐴀𐴠𐴑𐴧𐴝𐴕 𐴀𐴦𐴝𐴏𐴝𐴕 𐴎𐴡𐴌𐴞𐴘𐴝، 𐴀𐴥𐴠𐴈𐴡𐴃𐴝𐴓𐴧𐴝 𐴑𐴝𐴔𐴞𐴘𐴝𐴁𐴞𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴘𐴝 𐴀𐴦𐴡𐴓𐴠 𐴘𐴦𐴝𐴕𐴡𐴌𐴠 𐴀𐴥𐴝𐴌𐴞 𐴕𐴡𐴉𐴝𐴙𐴃𐴧𐴠 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴐𐴟𐴌𐴟𐴒𐴡𐴙𐴅𐴧𐴠||

𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴃𐴢 𐴅𐴡𐴖𐴝𐴕 𐴀𐴦𐴡𐴓𐴡𐴌 𐴀𐴠𐴑 𐴃𐴡𐴁𐴑𐴝 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴊𐴝𐴖𐴡𐴃𐴢 𐴉𐴝𐴘 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴃𐴢 𐴐𐴡𐴌𐴞𐴑 𐴀𐴥𐴡𐴌| 𐴅𐴞𐴇𐴝𐴊𐴡𐴌 𐴔𐴡𐴙𐴊𐴝𐴕𐴡 𐴔𐴧𐴝𐴎𐴠𐴘𐴥𐴡 𐴑𐴞𐴏𐴧𐴟 𐴔𐴟𐴅𐴝𐴇𐴞𐴊𐴢 𐴕𐴞𐴄𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴀𐴝𐴏𐴠| 𐴀𐴥𐴠𐴈𐴡𐴃𐴝𐴓𐴧𐴝 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴈𐴝𐴔𐴥𐴡 𐴀𐴠𐴑𐴧𐴝𐴕 𐴇𐴥𐴡𐴊 𐴉𐴡𐴅𐴧𐴡𐴕𐴃𐴡 𐴕𐴠𐴄𐴡𐴌 𐴖𐴡𐴌𐴠 𐴏𐴡𐴓𐴠𐴌| 𐴑𐴞𐴕𐴃𐴟 𐴀𐴝𐴏𐴡𐴓𐴡𐴃𐴢 𐴀𐴠𐴕𐴄𐴝𐴌𐴕𐴠𐴄𐴡𐴌 𐴀𐴠 𐴊𐴝𐴖𐴡𐴃𐴡𐴌 𐴎𐴡𐴌𐴞𐴘𐴝 𐴇𐴥𐴝𐴌 𐴀𐴠𐴃𐴠𐴁𐴝𐴌𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴑𐴟𐴁𐴢 𐴁𐴠𐴐𐴞 𐴉𐴝𐴘𐴊𐴝 𐴀𐴡𐴀𐴌 𐴀𐴥𐴠𐴕 𐴕𐴡𐴀| 𐴇𐴥𐴝𐴣 𐴉𐴝𐴘𐴊𐴝 𐴃𐴡𐴈𐴡𐴕 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴊𐴝𐴖𐴡𐴃𐴡𐴌 𐴈𐴝𐴔𐴡𐴃𐴢 𐴐𐴡𐴌𐴞𐴑 𐴀𐴝𐴏𐴠𐴊𐴠 𐴏𐴝𐴣𐴀𐴃𐴞 𐴀𐴦𐴡𐴓𐴢 𐴁𐴝𐴌𐴥𐴝 𐴁𐴝𐴌𐴞-𐴏𐴥𐴝𐴌𐴝 𐴏𐴝𐴌𐴞𐴃𐴧𐴞 𐴀𐴝𐴎𐴝𐴊𐴢 𐴀𐴥𐴡𐴘𐴁𐴡، 𐴊𐴝𐴖𐴡𐴃𐴡𐴌 𐴐𐴡𐴌𐴞𐴀𐴞 𐴀𐴝𐴊𐴡𐴁𐴢-𐴀𐴝𐴈𐴓𐴝𐴑𐴡𐴌 𐴓𐴠𐴇𐴝𐴎 𐴒𐴡𐴌𐴝 𐴎𐴝𐴘𐴁𐴡| 𐴎𐴡𐴊𐴞 𐴊𐴝𐴖𐴡𐴃𐴡𐴃𐴢 𐴒𐴟𐴓𐴟 𐴒𐴝𐴌𐴝𐴎𐴝| 𐴊𐴝𐴖𐴡𐴃𐴡𐴌 𐴀𐴝𐴏𐴡𐴓𐴢 𐴁𐴟𐴕𐴞𐴘𐴝𐴊𐴢 𐴎𐴡𐴊𐴞 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴀𐴝𐴑𐴡𐴓𐴡𐴌 𐴁𐴡𐴊𐴡𐴓𐴝𐴃𐴢 𐴏𐴞𐴌𐴞𐴉𐴢 𐴅𐴡𐴎𐴁𐴝 𐴀𐴝𐴌 𐴏𐴥𐴡𐴌𐴏𐴡𐴌𐴞 𐴈𐴡𐴃𐴝 𐴀𐴥𐴡𐴊𐴠 𐴀𐴡𐴘𐴓𐴠، 𐴎𐴡𐴊𐴞 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴡𐴌 𐴕𐴝𐴔𐴓𐴡𐴘 𐴀𐴞𐴕𐴋𐴞𐴓𐴧𐴝 𐴒𐴝𐴘𐴌𐴠 𐴐𐴡𐴌𐴀𐴞 𐴃𐴡𐴌𐴞𐴑𐴝 𐴀𐴠𐴈𐴃𐴠𐴘𐴝𐴌 𐴒𐴡𐴌𐴝𐴎𐴝 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴔𐴝𐴕𐴥𐴟𐴙𐴐𐴢 𐴊𐴟𐴌𐴥𐴠 𐴀𐴥𐴡𐴘𐴎𐴝𐴒𐴡𐴘| 𐴃𐴡𐴘𐴓𐴠 𐴀𐴥𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴏𐴞𐴌𐴞𐴉𐴢 𐴅𐴞𐴇𐴝𐴊𐴞 𐴊𐴝𐴖𐴡𐴃𐴢 𐴁𐴡𐴌𐴁𐴝𐴊𐴢 𐴀𐴥𐴡𐴘𐴁𐴡𐴊𐴠 𐴕𐴡𐴀، 𐴁𐴤𐴡𐴓𐴑𐴠 𐴀𐴥𐴞𐴕𐴋𐴞𐴓𐴧𐴝 𐴊𐴝𐴖𐴡𐴃𐴢 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴁𐴡𐴌𐴁𐴝𐴊𐴢 𐴀𐴦𐴡𐴕𐴡𐴃𐴢 𐴁𐴡𐴌𐴡 𐴑𐴞𐴌𐴊𐴝𐴌 𐴁𐴡𐴕𐴠||

𐴑𐴞𐴏𐴧𐴟𐴊𐴞𐴕 𐴀𐴝𐴒𐴠 𐴉𐴡𐴃𐴧𐴞 𐴏𐴟𐴗𐴑 𐴀𐴦𐴡𐴓𐴝 𐴔𐴝𐴙𐴕𐴐𐴥𐴠 𐴊𐴞𐴙𐴑𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴘 𐴀𐴠𐴏𐴡𐴌 𐴈𐴝𐴌𐴠𐴅𐴞 𐴒𐴟𐴐𐴄𐴞 𐴃𐴡𐴘𐴧𐴝𐴌 𐴒𐴡𐴌𐴝، 𐴅𐴟𐴖𐴝𐴕 𐴀𐴡𐴑𐴧𐴡𐴓𐴡𐴌𐴠 𐴒𐴟𐴓𐴟𐴌 𐴉𐴞𐴃𐴕𐴝𐴌 𐴌𐴝𐴏𐴧𐴝𐴌 𐴖𐴡𐴌𐴠 𐴉𐴥𐴠𐴓𐴡𐴕 𐴀𐴝𐴌 𐴒𐴝𐴘𐴌𐴠 𐴐𐴡𐴌𐴀𐴞 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴀𐴠𐴕𐴄𐴝𐴌𐴕𐴠𐴄 𐴀𐴠𐴑𐴧𐴝𐴕 𐴁𐴡𐴌𐴡 𐴑𐴞𐴌𐴊𐴝𐴌 𐴀𐴝𐴊𐴝𐴘 𐴒𐴡𐴙𐴅𐴧𐴠| 𐴇𐴥𐴝𐴣 𐴀𐴦𐴝𐴔𐴢 𐴁𐴤𐴝𐴉𐴠 𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴝𐴖𐴡𐴃𐴠 𐴀𐴠𐴑𐴧𐴝𐴕 𐴅𐴞𐴇𐴝𐴊𐴞 𐴔𐴠𐴅𐴝𐴏𐴢 𐴉𐴡𐴙𐴊𐴝 𐴒𐴡𐴌𐴠|𐴑𐴞𐴕𐴃𐴟 𐴎𐴡𐴊𐴞 𐴀𐴠 𐴔𐴠𐴅𐴝𐴏𐴢 𐴀𐴝𐴊𐴡𐴁𐴢-𐴀𐴝𐴈𐴝𐴓𐴝𐴑 𐴏𐴥𐴝𐴌𐴝 𐴀𐴝𐴌 𐴒𐴝𐴘𐴌𐴠 𐴐𐴡𐴌𐴀𐴞 𐴃𐴡𐴌𐴞𐴑𐴝𐴓𐴡𐴘 𐴀𐴥𐴡𐴀 𐴃𐴡𐴘𐴓𐴠 𐴀𐴠 𐴊𐴝𐴖𐴡𐴃𐴢 𐴊𐴦𐴞𐴕 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴡𐴌𐴠 𐴎𐴠 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴁𐴡، 𐴀𐴞𐴏𐴓𐴝𐴔𐴡𐴌 𐴎𐴝𐴇𐴠𐴌𐴞 𐴊𐴟𐴐𐴧𐴡𐴕 𐴀𐴦𐴡𐴓𐴠 𐴉𐴡𐴙𐴅𐴧𐴡𐴕𐴃𐴡 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴀𐴥𐴠 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘 𐴕𐴡𐴉𐴝𐴌𐴠||

 

𐴒𐴤𐴡𐴌𐴡𐴌 𐴏𐴠𐴙𐴌𐴝𐴒𐴡𐴃𐴧𐴞 𐴒𐴤𐴡𐴌𐴡𐴃𐴢 𐴀𐴡𐴙𐴕 𐴓𐴝𐴙𐴒𐴧𐴠!!

𐴊𐴡𐴙𐴐𐴢-𐴁𐴝𐴌𐴡 𐴁𐴡𐴏𐴡𐴌 𐴀𐴝𐴒𐴠 𐴀𐴝𐴔𐴠𐴌𐴞𐴑𐴝𐴌 𐴌𐴞𐴣𐴋 𐴑𐴝𐴌𐴂𐴟𐴌𐴞𐴐𐴝𐴕𐴡𐴌 𐴀𐴠𐴑 𐴌𐴠𐴉𐴟𐴌𐴄𐴡𐴃𐴢 𐴈𐴦𐴡𐴗𐴝 𐴒𐴞𐴘𐴠𐴊𐴠 𐴑𐴞𐴁𐴡𐴡𐴞 𐴈𐴡𐴘𐴓𐴠: 𐴎𐴡𐴁𐴡𐴌 𐴊𐴡𐴏𐴃𐴞 𐴒𐴡𐴌𐴞 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴡𐴕 𐴔𐴡𐴐𐴑𐴞𐴓𐴢| 𐴀𐴠 𐴃𐴝𐴇𐴌𐴞𐴑 𐴀𐴝𐴣𐴀𐴌𐴝𐴌 𐴉𐴝𐴁𐴡𐴕𐴊𐴞 𐴀𐴝𐴌 𐴌𐴠𐴑𐴝𐴖𐴡𐴄 𐴉𐴡𐴙𐴊𐴝 𐴒𐴡𐴌𐴝𐴌 𐴁𐴝𐴊𐴠𐴘𐴥𐴡 𐴉𐴤𐴡𐴙𐴓𐴝𐴃𐴢 𐴀𐴝𐴏𐴠| 𐴀𐴠 𐴃𐴡𐴇𐴌𐴞𐴑𐴡𐴌𐴠 𐴀𐴡 𐴀𐴡𐴃𐴧𐴡𐴃𐴢 𐴁𐴡𐴕𐴊𐴡 𐴒𐴡𐴌𐴝 𐴎𐴝𐴘𐴁𐴡 𐴎𐴡𐴈𐴡𐴕 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴁𐴥𐴟𐴃𐴡𐴌𐴠 𐴀𐴦𐴠𐴕 𐴀𐴦𐴠𐴕 𐴕𐴡𐴎𐴡𐴌𐴞𐴘𐴝 𐴀𐴡𐴑𐴧𐴡𐴓𐴢 𐴉𐴡𐴙𐴊𐴝 𐴀𐴥𐴡𐴘𐴁𐴡 𐴀𐴝𐴌 𐴅𐴞𐴇𐴝𐴊𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴡𐴘𐴝 𐴔𐴝𐴕𐴥𐴟𐴙𐴐𐴢 𐴀𐴦𐴡𐴓𐴠 𐴀𐴦𐴠𐴕 𐴈𐴝𐴔𐴢 𐴀𐴡𐴑𐴧𐴡𐴓𐴢 𐴀𐴝𐴕𐴅𐴝𐴔𐴢 𐴊𐴞𐴁𐴡 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴢 𐴕𐴞𐴎𐴠 𐴕𐴞𐴎𐴠 𐴕𐴝𐴉𐴡𐴌𐴡𐴃𐴧𐴝 𐴀𐴡𐴘𐴎𐴝𐴒𐴡𐴘𐴢 𐴀𐴝𐴌 𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴔𐴝𐴙𐴕𐴐𐴥𐴡𐴌 𐴌𐴡𐴒𐴁𐴡𐴃𐴢 𐴈𐴡𐴃𐴡𐴔𐴢 𐴀𐴥𐴡𐴘𐴎𐴝𐴒𐴡𐴘||

𐴌𐴠𐴉𐴌𐴟𐴄𐴡𐴃𐴢 𐴀𐴝𐴌𐴥𐴡 𐴈𐴡𐴗𐴝 𐴒𐴞𐴘𐴠𐴊𐴠: 𐴘𐴦𐴝𐴕 𐴀𐴡 𐴀𐴡𐴃𐴧𐴡𐴃𐴢 𐴔𐴟𐴔𐴑𐴞𐴕 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴀𐴝𐴣𐴀𐴌𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴁𐴥𐴟𐴃𐴡𐴌𐴠 𐴀𐴦𐴠𐴕 𐴔𐴝𐴕𐴥𐴟𐴙𐴐𐴢 𐴃𐴝𐴓𐴝𐴙𐴐𐴢 𐴒𐴡𐴙𐴅𐴧𐴟𐴔𐴢 𐴎𐴝𐴌𐴝 𐴇𐴝𐴔𐴞𐴐𐴝 𐴕𐴞𐴎𐴡𐴌𐴠 𐴏𐴥𐴡𐴀𐴞 𐴁𐴟𐴎𐴠| 𐴀𐴦𐴝𐴔𐴢 𐴔𐴟𐴏𐴓𐴞𐴔𐴢 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴊𐴞𐴕𐴊𐴝𐴌 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴏𐴡𐴈𐴃𐴡 𐴏𐴟𐴓𐴟𐴑 𐴒𐴡𐴌𐴠 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴠𐴑𐴧𐴠𐴕𐴝 𐴀𐴠𐴈𐴃𐴠𐴓𐴝𐴉𐴢 𐴒𐴡𐴙𐴓𐴧𐴠 𐴃𐴝𐴌𐴝𐴌𐴠 𐴑𐴟𐴉𐴡𐴌𐴞 𐴉𐴡𐴃𐴡𐴖𐴝𐴊𐴠|

𐴌𐴠𐴉𐴌𐴟𐴄𐴡𐴃𐴢 𐴀𐴝𐴌𐴥𐴡 𐴓𐴞𐴙𐴑𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠: 𐴎𐴡𐴊𐴞 𐴀𐴠 𐴕𐴡𐴎𐴡𐴌𐴞𐴘𐴝𐴌𐴠 𐴃𐴡𐴌𐴡𐴑𐴧𐴞 𐴒𐴡𐴌𐴝𐴎𐴝 𐴃𐴡𐴘𐴓𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴡𐴕، 𐴅𐴞𐴇𐴝𐴊𐴡𐴌 𐴐𐴥𐴞𐴛𐴡𐴌 𐴅𐴞𐴇𐴝𐴊𐴞 𐴀𐴦𐴡𐴓𐴡𐴌 𐴇𐴥𐴝𐴃𐴠 𐴇𐴝𐴍𐴡𐴕 𐴀𐴝𐴌 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴡𐴌𐴠 𐴊𐴥𐴡𐴚𐴐𐴡 𐴒𐴡𐴌𐴡𐴕 𐴀𐴝𐴣𐴀𐴌𐴝𐴓𐴧𐴝𐴘 𐴁𐴡𐴓𐴞 𐴀𐴦𐴝𐴏𐴝𐴕 𐴀𐴥𐴡𐴘𐴎𐴝𐴘𐴁𐴡𐴘| 𐴌𐴠𐴉𐴌𐴟𐴄𐴡𐴃𐴢 𐴀𐴝𐴌𐴥𐴡 𐴈𐴦𐴡𐴗𐴝𐴒𐴞𐴘𐴠: 𐴀𐴞𐴕𐴋𐴞𐴓𐴧𐴝 𐴔𐴝𐴕𐴥𐴟𐴐𐴢 𐴕𐴠𐴄𐴡𐴃𐴢 𐴉𐴦𐴝𐴎𐴡𐴕 𐴔𐴟𐴔𐴑𐴞𐴕| 𐴀𐴝𐴌 𐴃𐴝𐴌𐴝𐴌𐴠 𐴀𐴞𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 “𐴅𐴞𐴇𐴝𐴊𐴞 𐴀𐴦𐴡𐴓𐴡𐴌” 𐴁𐴥𐴟𐴃𐴡𐴌𐴠 𐴃𐴡𐴘𐴧𐴝𐴌𐴥𐴡 𐴒𐴡𐴌𐴝𐴎𐴝||

 

𐴀𐴠𐴕𐴄𐴝𐴌𐴕𐴠𐴄𐴡𐴌 𐴔𐴡𐴏𐴝𐴓𐴝: 𐴅𐴡𐴎𐴁𐴝 𐴀𐴝𐴊𐴧𐴠 𐴕𐴡𐴎𐴡𐴌𐴞𐴘𐴝 𐴏𐴥𐴟𐴓𐴝𐴘𐴓𐴡𐴕

𐴀𐴠𐴕𐴄𐴝𐴌𐴕𐴠𐴄𐴡𐴌 𐴔𐴡𐴏𐴝𐴓𐴝 𐴀𐴥𐴡𐴘𐴓𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠𐴎𐴝𐴒𐴝𐴃𐴢 𐴅𐴞𐴇𐴝𐴊𐴞 𐴂𐴠𐴙𐴅 𐴀𐴝𐴉𐴋𐴠𐴋 𐴒𐴡𐴌𐴡𐴘𐴝، 𐴄𐴌𐴠𐴣𐴋 𐴏𐴡𐴓𐴡𐴘𐴝، 𐴊𐴝𐴖𐴡𐴃𐴢 𐴊𐴦𐴡𐴘𐴝 𐴀𐴝𐴊𐴧𐴠 𐴑𐴡𐴔𐴠𐴣𐴄𐴏𐴢 𐴒𐴡𐴌𐴡𐴘𐴝𐴌 𐴀𐴦𐴝𐴔𐴢 𐴁𐴤𐴝𐴉𐴠 𐴀𐴝𐴏𐴡𐴓𐴢 𐴑𐴞𐴌𐴞𐴊𐴝𐴌 𐴕𐴡𐴎𐴡𐴌𐴡𐴃𐴢 𐴕𐴡𐴉𐴡𐴌𐴠| 𐴀𐴥𐴞𐴁𐴝 𐴑𐴞 𐴃𐴡𐴑𐴡𐴖𐴝 𐴀𐴝𐴊𐴧𐴠 𐴀𐴝𐴈𐴓𐴝𐴑 𐴀𐴡𐴓𐴝 𐴊𐴞𐴕𐴡𐴌 𐴊𐴝𐴀𐴞 𐴀𐴝𐴌 𐴔𐴟𐴅𐴝𐴇𐴞𐴊𐴢؟؟ 𐴕𐴝𐴑𐴞 𐴀𐴞𐴔𐴝𐴕 𐴀𐴝𐴈𐴓𐴝𐴑𐴡𐴃𐴧𐴞 𐴔𐴦𐴝𐴌𐴟𐴔𐴢 𐴊𐴞𐴕𐴡𐴌 𐴊𐴟𐴐𐴧𐴡𐴕؟ 𐴃𐴝𐴌 𐴀𐴝𐴏𐴡𐴓𐴞 𐴇𐴝𐴓𐴡𐴃𐴢 𐴀𐴠𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴎𐴝𐴕𐴝 𐴕𐴡𐴎𐴝، 𐴁𐴤𐴡𐴓𐴑𐴠 𐴉𐴡𐴌𐴡𐴊𐴝𐴌 𐴖𐴡𐴌𐴠 𐴎𐴠𐴒𐴞𐴕 𐴓𐴠𐴙𐴑𐴤𐴠 𐴀𐴥𐴠𐴒𐴞𐴕 𐴊𐴠𐴙𐴈𐴝𐴎𐴝، 𐴀𐴝𐴌 𐴎𐴠𐴒𐴞𐴕 𐴊𐴠𐴙𐴈𐴝𐴎𐴝 𐴀𐴥𐴠𐴒𐴞𐴕 𐴃𐴝𐴌 𐴉𐴡𐴌𐴞𐴏𐴡 𐴁𐴡𐴕𐴞 𐴎𐴝𐴒𐴡𐴘| 𐴀𐴠𐴎𐴝𐴒𐴝𐴃𐴢 𐴀𐴠𐴏𐴑𐴌𐴞𐴕𐴡𐴌 𐴖𐴡𐴌𐴠 𐴕𐴞𐴎𐴡𐴌 𐴉𐴡𐴌𐴞𐴏𐴡 𐴆𐴟𐴂𐴡𐴕 𐴈𐴡𐴕𐴥𐴡 𐴔𐴡𐴐𐴑𐴞𐴓𐴢 𐴕𐴡𐴀| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴦𐴝𐴏𐴝𐴕𐴡𐴌 𐴏𐴝𐴣𐴀𐴃𐴠 𐴔𐴝𐴙𐴕𐴐𐴥𐴡𐴌 𐴅𐴡𐴎𐴁𐴝 𐴀𐴝𐴌 𐴕𐴡𐴎𐴡𐴌𐴞𐴘𐴝𐴌 𐴖𐴡𐴌𐴠 𐴑𐴡𐴁𐴎𐴝 𐴒𐴡𐴌𐴝𐴎𐴝 𐴀𐴝𐴌 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴊𐴟𐴏𐴃𐴡𐴌 𐴏𐴥𐴡𐴕𐴧𐴝𐴊𐴡𐴌𐴞 𐴊𐴞𐴕𐴊𐴝𐴌 𐴀𐴦𐴡𐴓𐴡𐴌 𐴕𐴟𐴏𐴧𐴝𐴕 𐴒𐴡𐴌𐴝𐴎𐴝||

𐴎𐴡𐴊𐴞 𐴐𐴡𐴌𐴀𐴞 𐴀𐴠𐴓𐴡𐴔𐴢، 𐴅𐴞𐴇𐴊𐴡𐴌 𐴁𐴟𐴏𐴢 𐴀𐴡𐴓𐴝 𐴀𐴝𐴌 𐴕𐴞𐴑𐴧𐴝𐴌 𐴀𐴦𐴡𐴓𐴡𐴌 𐴏𐴟𐴇𐴟𐴁𐴡𐴃𐴡𐴌 𐴀𐴡𐴁𐴥𐴝𐴁𐴢 𐴃𐴝𐴑𐴠| 𐴃𐴡𐴘𐴓𐴠 𐴀𐴥𐴞𐴕𐴋𐴞𐴓𐴧𐴝 𐴔𐴝𐴕𐴥𐴟𐴙𐴐𐴢 𐴃𐴝𐴌𐴝𐴌 𐴎𐴝𐴓𐴡𐴃𐴢 𐴉𐴥𐴝𐴣𐴐𐴞 𐴊𐴞𐴕𐴡𐴌 𐴊𐴟𐴐𐴧𐴡𐴕𐴡𐴌 𐴕𐴡𐴎𐴡𐴌𐴞𐴘𐴝𐴌𐴠 𐴅𐴞𐴇𐴝𐴊𐴡𐴌 𐴀𐴝𐴏𐴡𐴓𐴢 𐴕𐴡𐴎𐴡𐴌𐴞𐴘𐴝 𐴀𐴥𐴞𐴏𐴝𐴉𐴠 𐴈𐴞𐴘𐴝𐴓𐴢 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴠| 𐴈𐴝𐴏𐴒𐴡𐴌𐴞 𐴎𐴡𐴈𐴡𐴕 𐴊𐴝𐴘𐴞 𐴀𐴦𐴠𐴕 𐴀𐴠𐴑𐴎𐴡𐴕 𐴔𐴝𐴕𐴥𐴟𐴙𐴐𐴢 𐴀𐴡𐴀 𐴎𐴝𐴌 𐴑𐴟𐴌𐴞𐴘𐴝𐴕 𐴈𐴡𐴃𐴝𐴃𐴢 𐴉𐴟𐴕𐴊𐴤𐴡𐴌𐴡 𐴖𐴝𐴕 𐴈𐴡𐴃𐴝 𐴅𐴞𐴇𐴝𐴊𐴞 𐴔𐴡𐴗𐴎𐴟𐴌 𐴏𐴝𐴣𐴀𐴃𐴠 𐴀𐴠𐴃𐴧𐴠𐴉𐴝𐴑 𐴀𐴝𐴌 𐴉𐴝𐴣𐴏𐴧𐴝𐴕 𐴈𐴡𐴃𐴝 𐴀𐴦𐴠𐴕𐴒𐴡𐴌𐴞 𐴁𐴡𐴘𐴝𐴕 𐴒𐴡𐴌𐴠 𐴎𐴝𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴡𐴌 𐴌𐴟𐴈𐴢 𐴁𐴡𐴊𐴡𐴓𐴞𐴊𐴠 𐴀𐴝𐴌 𐴅𐴡𐴖𐴝𐴕 𐴀𐴦𐴡𐴓𐴡𐴌𐴠 𐴒𐴟𐴓𐴟𐴌 𐴀𐴝𐴣𐴊𐴤𐴝𐴌𐴡𐴌 𐴔𐴞𐴑𐴧𐴝 𐴋𐴝𐴓𐴞𐴊𐴠| 𐴕𐴡𐴃𐴞𐴅𐴝 𐴀𐴥𐴞𐴏𐴝𐴉𐴠 𐴀𐴥𐴠 𐴉𐴝𐴣𐴏𐴧𐴝𐴕 𐴈𐴡𐴃𐴝𐴌 𐴎𐴡𐴌𐴞𐴘𐴝 𐴀𐴡 𐴉𐴥𐴟𐴕𐴊𐴤𐴡𐴌𐴡𐴖𐴝𐴕 𐴈𐴡𐴃𐴝𐴌𐴝𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴞𐴊𐴠| 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴈𐴡𐴃𐴝 𐴀𐴥𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴏𐴝𐴔𐴠𐴀𐴞𐴕𐴡𐴌𐴠 𐴒𐴟𐴔𐴌𐴝𐴇𐴞𐴌 𐴔𐴞𐴑𐴧𐴝 𐴓𐴡𐴘𐴎𐴝𐴒𐴡𐴘| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝𐴓𐴧𐴝𐴘 𐴁𐴡𐴓𐴞 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴏𐴥𐴡𐴀𐴞 𐴅𐴞𐴇𐴝𐴊𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴒𐴟𐴓𐴟 𐴒𐴡𐴌𐴡𐴘𐴝 𐴊𐴟𐴐𐴧𐴡𐴕 𐴀𐴦𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑𐴡𐴌𐴠 𐴎𐴝𐴕𐴞𐴓𐴡𐴕|

 

𐴒𐴟𐴓𐴟 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴀𐴠𐴈𐴃𐴠𐴓𐴝𐴉𐴡𐴌 𐴖𐴡𐴅𐴝

𐴀𐴠𐴑𐴧𐴝𐴕 𐴎𐴡𐴌𐴟𐴌𐴞 𐴈𐴡𐴃𐴝 :𐴎𐴡𐴊𐴞 𐴀𐴝𐴣𐴀𐴌𐴝 𐴀𐴥𐴞𐴑𐴧𐴝𐴕𐴝 𐴕𐴡𐴎𐴡𐴌 𐴊𐴞𐴀 𐴃𐴡𐴘𐴓𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴒𐴟𐴓𐴟𐴃𐴧𐴞 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴕 𐴔𐴟𐴔𐴑𐴞𐴕 𐴀𐴥𐴡𐴘𐴁𐴡| 𐴘𐴦𐴥𐴝𐴕 𐴀𐴥𐴡𐴘𐴓𐴊𐴠 𐴒𐴟𐴓𐴟 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴀𐴝𐴣𐴀𐴌𐴝𐴌 𐴀𐴠𐴈𐴃𐴠𐴓𐴝𐴉𐴢 𐴔𐴡𐴏𐴧𐴟𐴊𐴡𐴌 𐴀𐴠𐴃𐴠𐴁𐴝𐴌𐴠 𐴕𐴡𐴀| 𐴃𐴝𐴌𐴝𐴘𐴥𐴡 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴝 𐴀𐴝𐴌 𐴀𐴞𐴏𐴓𐴝𐴔𐴢 𐴑𐴝𐴘𐴠𐴔𐴢 𐴒𐴡𐴌𐴝𐴌𐴠 𐴀𐴠𐴓𐴝𐴕 𐴒𐴡𐴌𐴠| 𐴀𐴝𐴣𐴀𐴌𐴝𐴘𐴥𐴡 𐴘𐴦𐴝𐴕𐴡𐴌𐴠 𐴔𐴡𐴏𐴧𐴟𐴊𐴢 𐴀𐴥𐴞𐴏𐴝𐴉𐴠 𐴁𐴟𐴎𐴞| 𐴃𐴝𐴌𐴒𐴠𐴄 𐴀𐴝𐴊𐴧𐴠 𐴔𐴡𐴏𐴧𐴟𐴊𐴡𐴌 𐴀𐴠𐴃𐴠𐴁𐴝𐴌𐴠 𐴀𐴠𐴈𐴃𐴠𐴓𐴝𐴉𐴢 𐴕𐴡𐴀، 𐴀𐴠𐴈𐴃𐴠𐴓𐴝𐴉𐴢 𐴀𐴥𐴡𐴘𐴓𐴊𐴠 𐴃𐴝𐴌𐴒𐴠𐴄 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴝𐴌 𐴃𐴡𐴌𐴞𐴑𐴝𐴌 𐴀𐴠𐴃𐴠𐴁𐴝𐴌𐴠||

𐴒𐴟𐴓𐴟 𐴒𐴡𐴌𐴡𐴘𐴝 𐴔𐴝𐴙𐴕𐴐𐴥𐴠𐴘𐴥𐴡 𐴀𐴝𐴏𐴡𐴓𐴢 𐴃𐴝𐴌𐴒𐴠𐴄𐴡𐴌𐴠 𐴔𐴡𐴏𐴧𐴟𐴊𐴢 𐴈𐴞𐴘𐴝𐴓𐴢 𐴒𐴡𐴌𐴠| 𐴑𐴞𐴕𐴃𐴟 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴑𐴞𐴀𐴥𐴡𐴘𐴁𐴡؟ 𐴘𐴦𐴝𐴕𐴡𐴌 𐴖𐴡𐴀𐴌𐴠 𐴀𐴠𐴈𐴃𐴠𐴓𐴝𐴉𐴢| 𐴒𐴟𐴓𐴟𐴃𐴢 𐴐𐴞𐴑𐴝𐴌 𐴔𐴝𐴙𐴕𐴐𐴠 𐴐𐴡𐴌𐴞𐴘𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴝𐴌 𐴀𐴝𐴊𐴧𐴠 𐴔𐴡𐴏𐴧𐴟𐴊𐴢 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴞𐴁𐴝𐴌 𐴎𐴠 𐴃𐴡𐴌𐴞𐴑𐴝 𐴀𐴠𐴈𐴃𐴠𐴘𐴝𐴌 𐴒𐴡𐴌𐴠 𐴀𐴥𐴠𐴒𐴞𐴕 𐴒𐴝𐴘𐴌𐴠 𐴐𐴡𐴌𐴀𐴞 𐴀𐴝𐴌 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴡𐴘𐴝 𐴃𐴡𐴌𐴞𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴓𐴧𐴝 𐴀𐴠𐴕𐴃𐴠𐴇𐴝𐴘𐴞 𐴈𐴡𐴃𐴡𐴌𐴕𐴝𐴑||

𐴘𐴦𐴝𐴕 𐴀𐴠𐴑𐴧𐴝𐴕 𐴀𐴝𐴓𐴡𐴑 𐴈𐴡𐴃𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴎𐴞𐴁𐴝 𐴃𐴡𐴌𐴞𐴑𐴝𐴃𐴢 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴠، 𐴀𐴥𐴞𐴁𐴝 𐴃𐴝𐴌𐴒𐴠𐴄 (𐴕𐴠𐴉𐴝𐴎𐴠 𐴐𐴡𐴌𐴞𐴘𐴡𐴃𐴢) 𐴁𐴟𐴎𐴡𐴕𐴡𐴃𐴥𐴡 𐴀𐴠𐴃𐴧𐴠𐴉𐴝𐴑 𐴕𐴡𐴀| 𐴀𐴝𐴌 𐴀𐴞𐴕𐴋𐴞𐴓𐴧𐴝 𐴒𐴟𐴓𐴟 𐴒𐴡𐴌𐴡𐴘𐴝 𐴕𐴞𐴎𐴡𐴌 𐴒𐴡𐴓𐴡𐴃𐴢 𐴁𐴟𐴎𐴝 𐴀𐴝𐴊𐴧𐴠 𐴅𐴞𐴇𐴝𐴓𐴡𐴃𐴡𐴌 𐴎𐴡𐴌𐴞𐴘𐴝 𐴐𐴡𐴌𐴞𐴘𐴡𐴃𐴢 𐴕𐴝𐴉𐴠𐴎 𐴒𐴡𐴌𐴝𐴌 𐴏𐴦𐴟𐴌𐴡𐴃𐴢 𐴀𐴝𐴌 𐴃𐴡𐴌𐴞𐴑𐴝𐴃𐴥𐴡 𐴁𐴝𐴌𐴥𐴝𐴁𐴝𐴌𐴞-𐴏𐴥𐴝𐴌𐴝 𐴏𐴝𐴌𐴞𐴃𐴢 𐴔𐴟𐴁𐴃𐴠𐴓𐴝 𐴀𐴥𐴡𐴘𐴎𐴝𐴒𐴡𐴘| 𐴑𐴞𐴕𐴃𐴟 𐴁𐴡𐴘𐴝𐴕𐴡𐴌 𐴀𐴠𐴃𐴠𐴁𐴝𐴌𐴠 𐴃𐴝𐴌𐴝 𐴀𐴝𐴌 𐴀𐴝𐴣𐴀𐴌𐴝 𐴐𐴡𐴌𐴞𐴘𐴡𐴃𐴢 𐴑𐴝𐴘𐴠𐴔𐴢 𐴀𐴝𐴌 𐴊𐴞𐴕𐴡𐴌 𐴒𐴡𐴓𐴁𐴝𐴘𐴞𐴌 𐴔𐴡𐴏𐴧𐴟𐴊𐴡𐴌𐴠 𐴎𐴝𐴇𐴠𐴌 𐴒𐴡𐴌𐴞||

𐴀𐴥𐴠 𐴈𐴡𐴃𐴝𐴓𐴧𐴝𐴇 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴉𐴡𐴌𐴡𐴘𐴝 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴟𐴇𐴞𐴁𐴧𐴞𐴕 𐴀𐴦𐴡𐴓𐴢- 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌𐴠 𐴁𐴟𐴌𐴝-𐴁𐴤𐴝𐴓𐴝 𐴈𐴦𐴡𐴕، 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌𐴠 𐴏𐴝𐴉𐴌𐴟𐴄 𐴒𐴡𐴌𐴡𐴕 𐴀𐴝𐴌 ” 𐴀𐴥𐴡𐴘𐴓𐴠 𐴐𐴡𐴌𐴞𐴘𐴡𐴃𐴢 𐴕𐴡𐴘𐴓𐴠 𐴐𐴝𐴇𐴝𐴊𐴡𐴃𐴢 ” 𐴀𐴠 𐴕𐴝𐴀𐴌𐴝𐴌𐴠 𐴇𐴡𐴑 𐴁𐴟𐴎𐴝𐴌 𐴉𐴝𐴓𐴊𐴝 𐴀𐴥𐴞𐴏𐴝𐴉𐴠 𐴁𐴞𐴓𐴑𐴟𐴓𐴢 𐴁𐴟𐴎𐴝 𐴕𐴡𐴎𐴝𐴘𐴁𐴡| 𐴀𐴝𐴏𐴡𐴓𐴢 𐴔𐴡𐴗𐴎𐴟 𐴀𐴥𐴡𐴘𐴓𐴊𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴈𐴡𐴃𐴡𐴔𐴢 𐴀𐴝𐴌 𐴐𐴡𐴌𐴞𐴘𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕 𐴘𐴦𐴝𐴕 𐴇𐴥𐴝𐴣𐴏𐴝| 𐴑𐴞𐴕𐴄𐴟 𐴀𐴠𐴒𐴞𐴕 𐴎𐴞𐴕𐴋𐴞𐴓𐴧𐴝 𐴀𐴝𐴇𐴥𐴝𐴔𐴢 𐴀𐴥𐴞𐴕𐴋𐴞𐴓𐴧𐴝 𐴀𐴠𐴈𐴝𐴔𐴡𐴌 𐴃𐴡𐴌𐴞𐴑𐴝𐴘𐴥𐴡 𐴁𐴡𐴌𐴝𐴁𐴡𐴌 𐴀𐴝𐴇𐴥𐴝𐴔𐴢||

𐴀𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴑𐴞𐴃𐴝𐴓𐴡𐴃𐴢 𐴑𐴞 𐴅𐴝𐴘𐴠𐴎 𐴀𐴝𐴌 𐴑𐴞 𐴕𐴝𐴅𐴝𐴘𐴠𐴎 𐴀𐴥𐴠𐴒𐴞𐴕𐴡𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴈𐴡𐴕 𐴈𐴝𐴔𐴡𐴌 𐴎𐴡𐴌𐴞𐴘𐴝 𐴔𐴡𐴏𐴧𐴟𐴊𐴢 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴞𐴁𐴝𐴌 𐴌𐴝𐴏𐴧𐴝 𐴔𐴡𐴈𐴃𐴡𐴏𐴡𐴌 𐴀𐴥𐴡𐴘𐴁𐴡، 𐴀𐴝𐴌 𐴈𐴡𐴕 𐴈𐴝𐴔𐴢 𐴒𐴡𐴌𐴞𐴓𐴠 𐴔𐴡𐴏𐴧𐴟𐴊𐴡𐴌 𐴉𐴡𐴣𐴃𐴢 𐴓𐴝𐴔𐴁𐴝 𐴀𐴥𐴡𐴘𐴎𐴝𐴒𐴡𐴘| 𐴀𐴠𐴒𐴞𐴕𐴡𐴌 𐴔𐴞𐴑𐴧𐴝 𐴏𐴞𐴕𐴃𐴝 𐴒𐴡𐴌𐴝 𐴉𐴡𐴌𐴞𐴁𐴡| 𐴊𐴝𐴖𐴡𐴃𐴡𐴌 𐴈𐴡𐴕 𐴃𐴡𐴌𐴞𐴑𐴝 𐴅𐴞𐴇𐴝𐴊𐴡𐴓𐴧𐴝 𐴉𐴝𐴘𐴊𐴝 𐴀𐴥𐴡𐴘𐴁𐴡 𐴀𐴝𐴌 𐴈𐴡𐴕 𐴃𐴡𐴌𐴞𐴑𐴝 𐴅𐴞𐴇𐴝𐴊𐴡𐴓𐴧𐴝 𐴕𐴟𐴏𐴧𐴝𐴕 𐴀𐴡𐴘𐴁𐴡| 𐴀𐴠𐴃𐴝𐴔𐴦𐴝𐴔𐴢 𐴈𐴡𐴃𐴝𐴒𐴞𐴕 𐴀𐴥𐴡𐴘𐴓𐴊𐴠 𐴀𐴠𐴈𐴃𐴠𐴓𐴝𐴉𐴡𐴌 𐴖𐴡𐴅𐴝 𐴀𐴝𐴌 𐴀𐴠𐴒𐴞𐴕𐴡𐴌 𐴖𐴡𐴌𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴕𐴝𐴑𐴝𐴔𐴢 𐴀𐴝𐴊𐴧𐴠 𐴑𐴝𐴔𐴞𐴘𐴝𐴁𐴞 𐴊𐴝𐴌𐴔𐴡𐴊𐴝𐴌||

𐴀𐴝𐴣𐴀𐴌𐴝𐴃𐴧𐴞 𐴘𐴝𐴊𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴈𐴝𐴔𐴡𐴌 𐴃𐴡𐴌𐴞𐴑𐴝 𐴀𐴡𐴑𐴧𐴡𐴓𐴡𐴃𐴢 𐴉𐴡𐴌𐴡𐴑 𐴀𐴠𐴒𐴞𐴕 𐴎𐴝𐴕𐴡𐴕 𐴎𐴡𐴌𐴟𐴌𐴞 𐴎𐴝𐴌 𐴎𐴡𐴌𐴞𐴘𐴝 𐴀𐴝𐴏𐴡𐴓𐴢 𐴀𐴝𐴊𐴧𐴠 𐴕𐴡𐴑𐴡𐴓𐴢 𐴁𐴟𐴎𐴝 𐴎𐴝𐴘𐴁𐴡||

𐴑𐴞𐴕𐴃𐴟 𐴎𐴡𐴊𐴞 𐴀𐴠 𐴉𐴡𐴌𐴡𐴑 𐴒𐴥𐴞𐴕𐴡𐴌 𐴔𐴞𐴑𐴧𐴝 𐴊𐴤𐴞𐴘𐴝𐴕 𐴕𐴡𐴊𐴞، 𐴁𐴥𐴡𐴏𐴢 𐴎𐴠 𐴅𐴞𐴇𐴝𐴊𐴡𐴌 𐴈𐴡𐴃𐴝 𐴈𐴡𐴀 𐴃𐴝𐴌𐴠 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴁𐴟𐴎𐴝 𐴐𐴟𐴌𐴟 𐴒𐴡𐴌𐴞 𐴃𐴡𐴘𐴓𐴠 𐴀𐴝𐴣𐴀𐴌𐴝𐴃𐴧𐴞 𐴘𐴝𐴊𐴢 𐴌𐴝𐴑𐴝 𐴉𐴡𐴌𐴞𐴁𐴡𐴊𐴠۔ 𐴅𐴞𐴇𐴝𐴊𐴡𐴌 𐴃𐴝𐴌𐴞𐴈𐴡𐴃𐴢 𐴁𐴦𐴡𐴗𐴃𐴁𐴝𐴌 𐴀𐴞𐴕𐴋𐴞𐴓𐴧𐴝 𐴀𐴥𐴡𐴘𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴡𐴌 “𐴊𐴝𐴖𐴡𐴃𐴡𐴌𐴠 ” 𐴘𐴥𐴡 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴁𐴡𐴓𐴧𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴒𐴞𐴘𐴧𐴠| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴠𐴕𐴃𐴠𐴇𐴝𐴘𐴞 𐴀𐴝𐴇𐴥𐴝𐴔𐴢 𐴈𐴡𐴃𐴝 𐴀𐴥𐴡𐴘𐴓𐴊𐴠، 𐴀𐴝𐴣𐴀𐴌𐴝 𐴅𐴞𐴇𐴝𐴊𐴡𐴌 𐴊𐴟𐴏𐴃𐴡𐴌 𐴏𐴥𐴡𐴕𐴧𐴝 𐴊𐴡𐴙𐴅𐴧𐴝 𐴊𐴟𐴐𐴧𐴡𐴕𐴡𐴃𐴧𐴞 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴞𐴘𐴟𐴔𐴢| 𐴀𐴝𐴌 𐴃𐴝𐴌𐴝𐴌 𐴔𐴟𐴑𐴝𐴁𐴠𐴓𐴝𐴃𐴢 𐴀𐴝𐴣𐴀𐴌𐴝𐴌 𐴊𐴝𐴈𐴠𐴓𐴞 𐴀𐴝𐴔𐴡𐴕𐴞𐴘𐴝𐴌𐴠(𐴏𐴞𐴒𐴟𐴌𐴞𐴄𐴞) 𐴔𐴡𐴎𐴁𐴟𐴃𐴢 𐴒𐴡𐴌𐴞𐴘𐴟𐴔𐴢||

 

𐴊𐴝𐴈𐴠𐴓𐴞 𐴀𐴝𐴔𐴡𐴕𐴞𐴘𐴝

𐴀𐴝𐴣𐴀𐴌𐴝𐴌 𐴈𐴝𐴣𐴀𐴏𐴠 𐴅𐴝𐴏𐴟𐴏𐴢 𐴀𐴝𐴊𐴧𐴠 𐴊𐴟𐴐𐴧𐴡𐴕𐴡𐴌 𐴀𐴥𐴝𐴃𐴞𐴘𐴝𐴌𐴡𐴌 𐴔𐴟𐴑𐴝𐴁𐴠𐴓𐴝 𐴒𐴡𐴌𐴞𐴁𐴝𐴌 𐴀𐴠𐴕𐴃𐴠𐴎𐴝𐴔𐴢 𐴀𐴝𐴏𐴠| 𐴑𐴞𐴕𐴃𐴟 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴏𐴥𐴡𐴀𐴞 𐴌𐴝𐴏𐴧𐴝𐴃𐴧𐴞 𐴇𐴡𐴄𐴝𐴘𐴁𐴝𐴌 𐴎𐴠 𐴏𐴟𐴌𐴝𐴈𐴢 𐴒𐴡𐴌𐴝𐴎𐴝 𐴀𐴥𐴠𐴒𐴞𐴕𐴡𐴌𐴠 𐴁𐴡𐴕𐴊𐴡 𐴒𐴡𐴌𐴝𐴌 𐴑𐴝𐴉𐴞 𐴀𐴥𐴡𐴊𐴠 𐴀𐴥𐴞𐴕𐴋𐴞𐴓𐴧𐴝 𐴈𐴡𐴕𐴥𐴡 𐴀𐴠𐴕𐴃𐴠𐴎𐴝𐴔𐴢 𐴀𐴝𐴣𐴀𐴌𐴝𐴌 𐴈𐴝𐴣𐴀𐴏𐴠 𐴕𐴥𐴝𐴘| 𐴎𐴡𐴊𐴞 𐴊𐴟𐴐𐴧𐴡𐴕 𐴈𐴡𐴕𐴥𐴡 𐴔𐴟𐴅𐴝𐴇𐴞𐴊𐴡𐴌 𐴓𐴡𐴐𐴑𐴡𐴌𐴡𐴃𐴢 𐴊𐴝𐴈𐴠𐴓𐴢 𐴀𐴥𐴡𐴘 𐴅𐴝𐴕𐴞 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴃𐴡 𐴏𐴝𐴀 𐴃𐴡𐴘𐴓𐴠 𐴀𐴥𐴞𐴃𐴠 𐴒𐴠𐴌𐴡𐴉𐴃𐴝𐴌 𐴀𐴦𐴡𐴕𐴡𐴌 𐴀𐴠𐴔𐴑𐴝𐴕 𐴀𐴝𐴏𐴠| 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴠 𐴈𐴝𐴔𐴡𐴓𐴧𐴝 𐴅𐴝𐴏𐴟𐴏𐴢 𐴀𐴝𐴌 𐴇𐴠𐴉𐴝𐴎𐴡𐴃𐴞 𐴕𐴠𐴎𐴝𐴔𐴢 𐴔𐴡𐴗𐴅𐴟𐴊𐴢 𐴀𐴝𐴏𐴠| 𐴑𐴞𐴕𐴃𐴟 𐴏𐴞𐴕𐴃𐴝-𐴉𐴞𐴑𐴞𐴌𐴡𐴌 𐴕𐴠𐴒𐴠𐴌𐴝𐴕𐴞 𐴒𐴡𐴌𐴝𐴌 𐴈𐴡𐴕𐴥𐴡 𐴔𐴡𐴎𐴁𐴟𐴃𐴢 𐴀𐴠𐴕𐴃𐴠𐴎𐴝𐴔𐴢 𐴕𐴥𐴝𐴘| 𐴀𐴝𐴏𐴡𐴓𐴢 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴏𐴞𐴕𐴃𐴝 𐴀𐴝𐴊𐴧𐴠 𐴕𐴡𐴎𐴡𐴌𐴞𐴘𐴝 𐴁𐴞𐴒𐴡𐴍𐴞 𐴎𐴡𐴕 𐴀𐴥𐴡𐴘𐴓𐴊𐴠 𐴁𐴠𐴐𐴞 𐴈𐴡𐴃𐴡𐴌𐴕𐴝𐴑| 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴞𐴕𐴏𐴝𐴕 𐴀𐴥𐴡𐴘𐴓𐴊𐴠 𐴀𐴝𐴔𐴡𐴓𐴢 𐴀𐴝𐴊𐴧𐴠 𐴉𐴞𐴑𐴞𐴌𐴡𐴌 𐴕𐴝𐴔𐴢| 𐴀𐴝𐴌 𐴀𐴝𐴔𐴡𐴓𐴢 𐴉𐴞𐴑𐴞𐴌𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴠| 𐴎𐴡𐴊𐴞 𐴉𐴞𐴑𐴞𐴌 𐴏𐴥𐴡𐴀𐴞 𐴀𐴥𐴡 𐴃𐴡𐴘𐴓𐴠 𐴀𐴝𐴔𐴡𐴓𐴠 𐴉𐴝𐴘𐴊𐴝 𐴊𐴠𐴁𐴡| 𐴀𐴝𐴌 𐴎𐴡𐴊𐴞 𐴉𐴞𐴑𐴞𐴌 𐴈𐴡𐴌𐴝𐴁𐴢 𐴀𐴥𐴡، 𐴕𐴞𐴎𐴡𐴌 𐴕𐴡𐴉𐴝 𐴀𐴝𐴊𐴧𐴠 𐴕𐴟𐴏𐴧𐴝𐴕𐴡𐴌 𐴉𐴝𐴓𐴊𐴝 𐴄𐴞𐴑 𐴕𐴡𐴃𐴝𐴑𐴠، 𐴃𐴡𐴘𐴓𐴠 𐴎𐴠 𐴏𐴞𐴏𐴢 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴡𐴌 𐴉𐴝𐴘𐴊𐴝 𐴀𐴥𐴡𐴘𐴁𐴡، 𐴀𐴥𐴠𐴒𐴞𐴕 𐴔𐴝𐴕𐴥𐴟𐴐𐴢 𐴀𐴥𐴞𐴁𐴝𐴌 𐴈𐴝𐴣𐴀𐴏𐴠 𐴁𐴟𐴌𐴝 𐴁𐴟𐴌𐴝 𐴓𐴝𐴒𐴞𐴁𐴡 𐴀𐴝𐴌 𐴎𐴠 𐴏𐴞𐴏𐴢 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴕𐴟𐴏𐴧𐴝𐴕 𐴀𐴥𐴡𐴘𐴁𐴡، 𐴀𐴥𐴠𐴒𐴞𐴕 𐴃𐴝𐴌 𐴈𐴝𐴣𐴀𐴏𐴠 𐴉𐴝𐴘𐴊𐴝 𐴀𐴡𐴓𐴝 𐴀𐴝𐴌 𐴁𐴠𐴇𐴠𐴃𐴡𐴌 𐴓𐴝𐴒𐴞𐴁𐴡||

𐴎𐴡𐴈𐴡𐴕 𐴀𐴠 𐴇𐴝𐴓𐴡𐴃𐴢 𐴀𐴥𐴡𐴘𐴁𐴡 𐴃𐴡𐴈𐴡𐴕 𐴀𐴠𐴈𐴓𐴝𐴏𐴡𐴌 𐴏𐴝𐴣𐴀𐴃𐴠 𐴕𐴞𐴎𐴠 𐴕𐴞𐴎𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴠𐴉𐴝𐴕 𐴀𐴥𐴡𐴘𐴁𐴡| 𐴀𐴝𐴌 𐴃𐴡𐴈𐴡𐴕 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴊𐴥𐴡𐴚𐴐𐴡 𐴒𐴡𐴌𐴞𐴁𐴡𐴓𐴧𐴝 𐴁𐴡𐴌𐴡 𐴁𐴟𐴊𐴧𐴞 𐴀𐴡𐴓𐴝 𐴔𐴡𐴎𐴁𐴟𐴃𐴢 𐴊𐴟𐴐𐴧𐴡𐴕𐴡𐴌 𐴎𐴡𐴌𐴟𐴌𐴡𐴃𐴥𐴡 𐴕𐴡 𐴀𐴡𐴘𐴁𐴡| 𐴊𐴟𐴐𐴧𐴡𐴕𐴠𐴃𐴥𐴡 𐴊𐴟𐴌𐴡𐴃𐴧𐴞 𐴕𐴞𐴎𐴡𐴌 𐴀𐴥𐴝𐴃𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴊𐴥𐴡𐴚𐴐𐴡 𐴀𐴦𐴡𐴕𐴡𐴌 𐴃𐴡𐴚𐴐𐴝 𐴏𐴝𐴘𐴁𐴡| 𐴀𐴝𐴌 𐴃𐴝𐴌𐴝 𐴔𐴝𐴇𐴉𐴟𐴎 𐴃𐴝𐴑𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴡𐴌 𐴔𐴝𐴙𐴕𐴐𐴥𐴠 𐴕𐴞𐴎𐴡𐴌 𐴃𐴝𐴇𐴌𐴞𐴑𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴠𐴌||

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴦𐴠𐴕 𐴀𐴠𐴑𐴧𐴝𐴕 𐴇𐴠𐴉𐴝𐴎𐴡𐴃𐴞 𐴕𐴠𐴎𐴝𐴔𐴢 𐴃𐴝𐴑𐴡𐴕 𐴀𐴠𐴕𐴃𐴠𐴇𐴝𐴘𐴞 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴊𐴝𐴀𐴞 𐴘𐴥𐴝 𐴀𐴝𐴓𐴠𐴔𐴡𐴌 𐴏𐴥𐴡𐴕𐴧𐴝 𐴊𐴡𐴌𐴞 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴁𐴥𐴟𐴃𐴡𐴌𐴠 𐴈𐴡𐴃𐴡𐴌𐴕𐴝𐴑 𐴕𐴡𐴎𐴡𐴌𐴞𐴘𐴝 𐴉𐴤𐴡𐴙𐴓𐴝𐴘𐴃𐴡 𐴏𐴦𐴝 𐴃𐴡𐴈𐴡𐴕 𐴃𐴝𐴌 𐴌𐴝𐴏𐴧𐴝𐴌𐴠 𐴁𐴡𐴕𐴊𐴡 𐴒𐴡𐴌𐴝𐴎𐴝|𐴀𐴠 𐴈𐴝𐴔𐴡𐴌 𐴈𐴝𐴃𐴠𐴌𐴠 𐴎𐴝𐴏𐴝𐴘 𐴁𐴝𐴏𐴝𐴘 𐴒𐴡𐴌𐴞𐴁𐴡𐴓𐴧𐴝 𐴏𐴞𐴌𐴞𐴉𐴢 𐴀𐴠𐴊𐴧𐴟𐴌𐴠 𐴑𐴝𐴉𐴞 𐴕𐴡𐴀𐴡𐴘𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴈𐴡𐴕 𐴔𐴝𐴕𐴥𐴟𐴙𐴐𐴢 𐴈𐴡𐴃𐴡 𐴅𐴞𐴇𐴝𐴊𐴡𐴌 𐴃𐴡𐴎𐴑𐴝𐴌𐴝 𐴒𐴡𐴌𐴠، 𐴀𐴝𐴌 𐴈𐴡𐴕𐴠 𐴈𐴡𐴃𐴡 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴈𐴠𐴓𐴝𐴉𐴢 𐴈𐴡𐴃𐴝 𐴈𐴡𐴀 𐴀𐴝𐴌 𐴔𐴡𐴌𐴡𐴕 𐴀𐴝𐴊𐴧𐴠 𐴔𐴝𐴌𐴡𐴕𐴡𐴌 𐴔𐴞𐴑𐴧𐴝 𐴃𐴝𐴇𐴌𐴞𐴎 𐴒𐴡𐴌𐴠| 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴀𐴠𐴒𐴞𐴕 𐴁𐴠𐴒𐴧𐴞𐴕 𐴒𐴡𐴌𐴠، 𐴑𐴞𐴕𐴃𐴟 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴀𐴦𐴠𐴕 𐴃𐴝𐴌𐴒𐴠𐴄 𐴀𐴡𐴑𐴧𐴡𐴓𐴡𐴌 𐴈𐴡𐴃𐴝𐴘𐴥𐴡 𐴈𐴦𐴡 𐴎𐴠𐴒𐴞𐴕 𐴉𐴟𐴌𐴟𐴉𐴟𐴌𐴞 𐴐𐴡𐴌𐴞𐴘𐴡𐴃𐴡𐴌 𐴈𐴠𐴓𐴝𐴉𐴢| 𐴘𐴥𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴓𐴧𐴝 𐴁𐴞𐴓𐴑𐴟𐴓𐴢 𐴕𐴟𐴏𐴧𐴝𐴕| 𐴃𐴡𐴘𐴓𐴠 𐴀𐴞𐴕𐴋𐴞𐴓𐴧𐴝 𐴔𐴝𐴙𐴕𐴐𐴥𐴡𐴌 𐴕𐴡𐴎𐴡𐴌𐴞𐴘𐴝 𐴉𐴤𐴡𐴙𐴓𐴝𐴘𐴁𐴝𐴌 𐴀𐴠𐴅𐴝𐴎𐴡𐴃𐴢 𐴑𐴞 𐴃𐴥𐴝𐴑𐴡𐴕 𐴏𐴦𐴝؟ 𐴔𐴝𐴕𐴥𐴟𐴙𐴐𐴢 𐴀𐴞𐴁𐴝𐴌 𐴏𐴞𐴕𐴃𐴝-𐴉𐴞𐴑𐴞𐴌𐴡𐴌 𐴔𐴞𐴑𐴧𐴝 𐴀𐴝𐴔𐴡𐴓𐴢 𐴒𐴡𐴌𐴝𐴌 𐴔𐴡𐴗𐴑𐴝 𐴑𐴞 𐴊𐴞𐴘𐴝𐴎𐴝𐴘𐴁𐴡؟ 𐴅𐴞𐴇𐴝𐴊𐴡𐴌 𐴃𐴝𐴌𐴞𐴈𐴢 𐴒𐴡𐴁𐴤𐴝 𐴀𐴝𐴏𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴞𐴕𐴋𐴞𐴓𐴧𐴝 𐴉𐴞𐴑𐴞𐴌 𐴀𐴡𐴑𐴧𐴡𐴓𐴢 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴓𐴧𐴝 𐴊𐴟𐴐𐴧𐴡𐴕𐴡𐴌 𐴀𐴥𐴝𐴃𐴞𐴘𐴝𐴌𐴡𐴃𐴧𐴞 𐴁𐴥𐴝𐴌𐴡 𐴏𐴡𐴈𐴃𐴡 𐴈𐴡𐴃𐴡𐴌𐴕𐴝𐴑 𐴏𐴝𐴁𐴠𐴃𐴢 𐴀𐴥𐴡𐴘𐴧𐴠| 𐴀𐴞𐴕𐴋𐴞𐴓𐴧𐴝 𐴔𐴝𐴙𐴕𐴐𐴥𐴡𐴌 𐴖𐴡𐴌𐴠 𐴎𐴡𐴊𐴞 𐴉𐴝𐴁𐴡𐴕𐴊𐴞 𐴓𐴝𐴒𐴝 𐴕𐴡𐴎𐴝 𐴃𐴡𐴘𐴓𐴠 𐴃𐴝𐴌𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴀𐴦𐴠𐴕 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴁𐴡 𐴎𐴠𐴒𐴞𐴕 𐴔𐴡𐴎𐴁𐴟𐴃𐴢 𐴊𐴟𐴙𐴐𐴧𐴡𐴕𐴠 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴝𐴘 𐴕𐴡𐴉𐴝𐴌𐴠||

𐴇𐴝𐴑𐴞𐴑𐴡𐴃𐴢 𐴀𐴥𐴡𐴘𐴓𐴊𐴠 𐴅𐴞𐴇𐴝𐴊𐴡𐴃𐴢 𐴀𐴝𐴇𐴓𐴠 𐴇𐴡𐴑𐴡𐴌 𐴏𐴞𐴌𐴞𐴉𐴢 𐴘𐴦𐴝𐴕 𐴀𐴠𐴑𐴧𐴝𐴕 𐴕𐴞𐴐𐴝𐴕𐴝 𐴁𐴞𐴓𐴑𐴟𐴓𐴢 𐴑𐴝𐴉𐴞 𐴕𐴡𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴞𐴁𐴝 𐴀𐴦𐴠𐴕 𐴔𐴝𐴙𐴕𐴐𐴥𐴡𐴌𐴠 𐴔𐴝𐴌𐴡𐴕𐴡𐴌 𐴔𐴞𐴑𐴧𐴝 𐴃𐴝𐴇𐴌𐴞𐴎 𐴒𐴡𐴌𐴠 𐴎𐴝𐴌𐴝𐴌 𐴑𐴡𐴃𐴡𐴓𐴢 𐴐𐴡𐴌𐴞𐴘𐴡𐴃𐴡𐴃𐴢 𐴅𐴝𐴘𐴠𐴎|𐴇𐴝𐴣 𐴘𐴦𐴝𐴕 𐴀𐴠𐴑𐴧𐴝𐴕 𐴕𐴞𐴐𐴝𐴕𐴝 𐴑𐴞𐴕𐴃𐴟 𐴘𐴦𐴝𐴕 𐴈𐴡𐴕𐴡𐴃𐴧𐴠 𐴑𐴝𐴉𐴞 𐴕𐴡𐴀𐴘| 𐴁𐴡𐴓𐴑𐴠 𐴀𐴝𐴇𐴓𐴠 𐴇𐴡𐴑𐴡𐴌 𐴊𐴟𐴏𐴡𐴌𐴝 𐴀𐴝𐴇𐴥𐴝𐴔𐴢 𐴀𐴝𐴓𐴝𐴔𐴡𐴃𐴢 𐴀𐴥𐴡𐴘𐴓𐴊𐴠 𐴃𐴝𐴌𐴝 𐴀𐴡 𐴃𐴝𐴔𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴑𐴡𐴃𐴡𐴓𐴢 𐴒𐴡𐴌𐴡𐴕𐴡𐴃𐴧𐴞 𐴌𐴟𐴑𐴞𐴁𐴡، 𐴎𐴝𐴌𐴝𐴌𐴠 𐴑𐴡𐴃𐴡𐴓𐴢 𐴒𐴡𐴌𐴝 𐴐𐴡𐴌𐴞𐴘𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴉𐴝𐴊𐴡𐴓𐴧𐴝 𐴒𐴡𐴓𐴡𐴃𐴢 𐴀𐴝𐴌 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴁𐴡𐴕𐴠||

𐴎𐴡𐴊𐴞 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴘𐴝 𐴉𐴡𐴗𐴏𐴢 𐴀𐴝𐴊𐴧𐴠 𐴑𐴝𐴉𐴠𐴌 𐴀𐴦𐴡𐴓𐴡𐴌𐴠 𐴔𐴝𐴌𐴡𐴕𐴡𐴌 𐴔𐴞𐴑𐴧𐴝 𐴃𐴝𐴇𐴌𐴞𐴎 𐴒𐴡𐴌𐴠 𐴑𐴞𐴕𐴃𐴟 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴔𐴟𐴏𐴡𐴓𐴔𐴝𐴕 𐴘𐴥𐴝 𐴈𐴡𐴕𐴥𐴡 𐴅𐴟𐴌𐴟𐴔𐴢 𐴏𐴥𐴝𐴌𐴝 𐴔𐴝𐴙𐴕𐴐𐴥𐴡𐴌𐴠𐴘𐴥𐴡(𐴎𐴠𐴒𐴞𐴕𐴡𐴌 𐴑𐴡𐴃𐴡𐴓𐴢 𐴅𐴝𐴘𐴠𐴎 𐴕𐴥𐴝𐴘) 𐴔𐴝𐴌𐴡𐴕𐴡𐴌 𐴔𐴞𐴑𐴧𐴝 𐴌𐴝𐴏𐴧𐴝 𐴊𐴠𐴙𐴈𐴝| 𐴃𐴡𐴘𐴓𐴠 𐴁𐴟𐴎𐴝 𐴎𐴝𐴘𐴁𐴡 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴀𐴡 𐴉𐴞𐴑𐴌𐴞 𐴏𐴟𐴌𐴝𐴈𐴢 𐴎𐴝𐴌 𐴎𐴡𐴌𐴞𐴘𐴝 𐴇𐴝𐴔𐴞𐴐𐴝 𐴑𐴝𐴉𐴠𐴌 𐴀𐴦𐴡𐴓𐴠 𐴉𐴝𐴘𐴊𐴝 𐴃𐴟𐴙𐴓𐴧𐴠 𐴀𐴝𐴌 𐴔𐴟𐴏𐴡𐴓𐴔𐴝𐴕𐴡𐴌 𐴕𐴟𐴏𐴧𐴝𐴕 𐴀𐴥𐴡𐴘𐴧𐴠| 𐴀𐴠 𐴇𐴝𐴓𐴡𐴃𐴢 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴓𐴧𐴝𐴘𐴥𐴡| 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴃𐴢 𐴀𐴦𐴠𐴕 𐴃𐴡𐴌𐴞𐴑𐴝 𐴀𐴠𐴈𐴃𐴠𐴘𐴝𐴌 𐴒𐴡𐴌𐴠 𐴎𐴠𐴒𐴞𐴕 𐴐𐴡𐴌𐴞𐴘𐴡𐴃𐴡𐴌 𐴁𐴝𐴘𐴌𐴠، 𐴀𐴝𐴌 𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴔𐴝𐴙𐴕𐴐𐴥𐴡𐴌 𐴕𐴝𐴉𐴡𐴌𐴡𐴃𐴞𐴌 𐴏𐴡𐴁𐴡𐴁𐴢 𐴁𐴡𐴕𐴠 𐴃𐴡𐴘𐴓𐴠 𐴀𐴞𐴕𐴋𐴞𐴓𐴧𐴝 𐴃𐴡𐴌𐴞𐴑𐴝𐴌𐴠 𐴁𐴡𐴕𐴊𐴡 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴀𐴠 𐴈𐴝𐴔𐴡𐴓𐴧𐴝 𐴀𐴝𐴣𐴀𐴌𐴝𐴌 𐴈𐴝𐴣𐴀𐴏𐴠 𐴉𐴟𐴌𐴝𐴉𐴟𐴌𐴞 𐴀𐴠𐴕𐴃𐴠𐴎𐴝𐴔𐴢 𐴃𐴝𐴑𐴡𐴕 𐴏𐴦𐴝| 𐴈𐴟𐴓𐴝𐴏𐴝 𐴀𐴥𐴡𐴘𐴓𐴊𐴠، 𐴀𐴠 𐴃𐴝𐴔𐴦𐴝𐴔𐴢 𐴉𐴌𐴟𐴉𐴝𐴒𐴞𐴚𐴋𐴝 𐴀𐴡𐴑𐴧𐴡𐴓𐴡𐴌𐴠 𐴁𐴡𐴕𐴊𐴡 𐴒𐴡𐴌𐴡𐴕 𐴏𐴥𐴝𐴌𐴝 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴃𐴡𐴌𐴡𐴑𐴧𐴞 𐴕𐴡𐴀𐴡𐴘𐴁𐴡 𐴀𐴝𐴌 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴔𐴡𐴎𐴁𐴟𐴃𐴢 𐴕𐴡𐴀𐴥𐴡𐴘𐴁𐴡||

𐴀𐴠𐴕𐴄𐴝𐴌𐴕𐴠𐴄𐴡𐴌 𐴉𐴌𐴟𐴉𐴝𐴒𐴞𐴚𐴋𐴝 𐴀𐴝𐴌 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴞𐴕𐴡𐴌 𐴇𐴠𐴉𐴝𐴎𐴡𐴃𐴢 𐴊𐴞𐴘𐴝𐴕 𐴀𐴝𐴇𐴥𐴝𐴔𐴢 𐴔𐴡𐴙𐴊𐴝𐴕 𐴀𐴝𐴌 𐴀𐴝𐴉𐴡𐴏𐴡𐴌 𐴃𐴝𐴀𐴓𐴧𐴟𐴑

𐴔𐴟𐴅𐴝𐴇𐴞𐴊𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴕𐴇𐴝𐴅𐴡𐴌𐴠 𐴇𐴠𐴉𐴝𐴎𐴡𐴃𐴢 𐴀𐴝𐴌 𐴔𐴡𐴎𐴁𐴟𐴃𐴢 𐴒𐴡𐴌𐴝 𐴊𐴞𐴘𐴝𐴕 𐴀𐴝𐴓𐴡𐴑 𐴀𐴝𐴓𐴡𐴑 𐴀𐴝𐴇𐴥𐴝𐴔𐴢 𐴔𐴡𐴗𐴎𐴟| 𐴀𐴠𐴍𐴠 𐴁𐴥𐴟𐴃𐴡𐴌𐴠 𐴎𐴠𐴈𐴡𐴕𐴥𐴡 𐴀𐴠𐴑𐴧𐴝𐴕𐴡𐴌 𐴁𐴝𐴁𐴡𐴃𐴠 𐴒𐴡𐴉𐴡𐴓𐴡𐴃𐴞 𐴒𐴡𐴌𐴝 𐴀𐴡𐴉𐴟𐴌𐴝𐴕𐴞 𐴕𐴟𐴏𐴧𐴝𐴕𐴡𐴌 𐴎𐴡𐴌𐴞𐴘𐴝 𐴁𐴡𐴕𐴠| 𐴀𐴝𐴏𐴡𐴓𐴡𐴃𐴢 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢 𐴔𐴟𐴅𐴝𐴇𐴞𐴊𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴝𐴃𐴧𐴞 𐴁𐴠𐴐𐴞 𐴀𐴝𐴇𐴥𐴝𐴔𐴢| 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴔𐴟𐴅𐴝𐴇𐴞𐴊𐴡𐴌 𐴅𐴡𐴊𐴧𐴟 𐴅𐴠𐴇𐴠𐴊𐴢 𐴀𐴝𐴌 𐴑𐴟𐴌𐴁𐴝𐴕𐴞𐴌 𐴔𐴡𐴏𐴧𐴟𐴊𐴢 𐴀𐴥𐴡𐴘𐴓𐴊𐴠 𐴇𐴡𐴑𐴡𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴌 𐴉𐴡𐴘𐴒𐴝𐴔𐴡𐴌𐴠 𐴑𐴝𐴔𐴞𐴘𐴝𐴁𐴢 𐴒𐴡𐴌𐴝| 𐴑𐴞𐴕𐴃𐴟 𐴎𐴡𐴊𐴞 𐴔𐴡𐴕𐴇𐴝𐴅𐴢 𐴈𐴡𐴌𐴝𐴁𐴢 𐴀𐴥𐴡 𐴏𐴡𐴉𐴡𐴌𐴡𐴌 𐴌𐴝𐴏𐴧𐴝 𐴎𐴡𐴊𐴞 𐴒𐴡𐴓𐴡𐴃𐴢 𐴀𐴥𐴡، 𐴃𐴡𐴘𐴓𐴠 𐴔𐴟𐴏𐴝𐴉𐴠𐴌 𐴎𐴠𐴃𐴡 𐴑𐴟𐴐𐴞𐴐𐴢 𐴀𐴝𐴌 𐴀𐴠𐴈𐴓𐴝𐴏𐴡𐴌 𐴏𐴝𐴣𐴀𐴃𐴠 𐴕𐴞𐴎𐴡𐴌 𐴏𐴡𐴉𐴡𐴌 𐴅𐴝𐴌𐴞 𐴌𐴝𐴑𐴞𐴁𐴡 𐴌𐴝𐴑𐴡𐴑، 𐴀𐴥𐴞𐴁𐴝 𐴈𐴡𐴕𐴥𐴡 𐴊𐴞𐴕𐴥𐴡 𐴔𐴡𐴕𐴎𐴞𐴓𐴢 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴞 𐴕𐴡𐴉𐴝𐴌𐴞𐴁𐴡||

𐴖𐴡𐴌𐴠 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴞𐴕𐴋𐴞𐴓𐴧𐴝 𐴇𐴝𐴓𐴡𐴃𐴡𐴃𐴢 𐴊𐴝𐴖𐴡𐴃𐴢 𐴕𐴞𐴎𐴠 𐴕𐴞𐴎𐴠 𐴊𐴥𐴡𐴚𐴐𐴡 𐴀𐴥𐴡𐴘𐴎𐴝𐴒𐴡𐴘| 𐴀𐴝𐴌 𐴃𐴝𐴇𐴌𐴞𐴑 𐴕𐴞𐴎𐴡𐴌 𐴔𐴠𐴔𐴁𐴡𐴌 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴁𐴡𐴌𐴁𐴝𐴃𐴢 𐴀𐴡𐴘𐴎𐴝𐴒𐴡𐴘| 𐴎𐴡𐴊𐴞 𐴊𐴝𐴖𐴡𐴃𐴡𐴌 𐴔𐴡𐴕𐴇𐴝𐴅 𐴏𐴥𐴡𐴀𐴞 𐴀𐴥𐴡 𐴃𐴡𐴘𐴓𐴠 𐴘𐴦𐴝𐴕 𐴀𐴡 𐴀𐴡𐴃𐴧𐴡𐴃𐴢 𐴑𐴝𐴔𐴞𐴘𐴝𐴁𐴢 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴃𐴝𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴝 𐴃𐴝𐴑𐴡𐴃𐴖𐴝𐴌 𐴀𐴥𐴡𐴘𐴁𐴡 𐴀𐴝𐴌 𐴊𐴞𐴕𐴡𐴌 𐴊𐴟𐴐𐴧𐴡𐴕𐴡𐴌 𐴖𐴡𐴃𐴧𐴞 𐴀𐴝𐴏𐴑𐴡𐴌𐴞 𐴔𐴡𐴙𐴊𐴝𐴕𐴡𐴃𐴥𐴡 𐴒𐴝𐴓𐴠𐴁𐴢 𐴃𐴝𐴑𐴞𐴁𐴡| 𐴀𐴥𐴠 𐴈𐴡𐴃𐴝𐴓𐴧𐴝 𐴔𐴟𐴅𐴝𐴇𐴞𐴊𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴢 𐴀𐴝𐴌 𐴔𐴡𐴎𐴁𐴟𐴃𐴢 𐴒𐴡𐴌𐴝 𐴊𐴟𐴕𐴞𐴘𐴝𐴕 𐴀𐴝𐴇𐴥𐴝𐴔𐴢 𐴀𐴝𐴌 𐴀𐴝𐴉𐴡𐴏𐴡𐴃𐴢 𐴀𐴠𐴑𐴧𐴝𐴕 𐴀𐴝𐴌𐴠𐴑𐴧𐴝𐴕𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴠||

𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴡𐴑𐴧𐴡𐴓𐴡𐴌 𐴓𐴝𐴌𐴥𐴝𐴘 𐴀𐴠 𐴊𐴟𐴘 𐴔𐴡𐴘𐴊𐴝𐴕𐴡𐴃𐴢 𐴅𐴝𐴌𐴞 𐴀𐴝𐴏𐴠| 𐴃𐴝𐴌𐴝 𐴑𐴞𐴃𐴝𐴓𐴡𐴌 𐴔𐴡𐴘𐴊𐴝𐴕𐴡𐴃𐴢 𐴔𐴟𐴅𐴝𐴇𐴞𐴊𐴡𐴌 𐴈𐴠𐴓𐴝𐴉𐴢 𐴓𐴝𐴌𐴥𐴝𐴘𐴃𐴢 𐴔𐴡𐴐𐴒𐴟𐴓𐴢| 𐴔𐴟𐴈𐴃𐴡𐴓𐴞𐴉𐴢 𐴏𐴝𐴙𐴓𐴡𐴌 𐴎𐴡𐴌𐴞𐴘𐴝 𐴃𐴝𐴌𐴝𐴌𐴠 𐴑𐴡𐴃𐴡𐴓𐴢، 𐴑𐴡𐴘𐴊𐴢 𐴒𐴡𐴌𐴝 𐴀𐴝𐴌 𐴔𐴝𐴓𐴞 𐴀𐴠𐴃𐴠𐴁𐴝𐴌𐴠 𐴕𐴟𐴏𐴧𐴝𐴕 𐴒𐴡𐴌𐴡𐴕𐴡𐴃𐴢 𐴔𐴟𐴐𐴒𐴟𐴓𐴢| 𐴀𐴝𐴌𐴠𐴑 𐴔𐴞𐴑𐴧𐴝 𐴅𐴞𐴇𐴝𐴊𐴡𐴌 𐴔𐴡𐴕𐴇𐴝𐴅𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴡𐴕 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴑𐴝𐴉𐴠𐴓𐴝𐴌 𐴌𐴟𐴈𐴡𐴌𐴠 𐴉𐴥𐴞𐴌𐴝𐴘 𐴊𐴞𐴁𐴝𐴌 𐴔𐴟𐴈𐴃𐴡𐴓𐴞𐴉𐴢 𐴊𐴤𐴟𐴑𐴝𐴁𐴝𐴎𐴞 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠𐴌| 𐴎𐴡𐴈𐴡𐴕 𐴃𐴝𐴌𐴝 𐴀𐴠 𐴊𐴟𐴕𐴟 𐴔𐴡𐴏𐴧𐴡𐴊𐴡𐴌𐴠 𐴏𐴝𐴔𐴧𐴠 𐴌𐴝𐴑𐴞 𐴀𐴠𐴕𐴄𐴝𐴌𐴕𐴠𐴄𐴡𐴌 𐴔𐴡𐴙𐴊𐴝𐴕𐴥𐴡 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠𐴌، 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴠𐴕𐴄𐴝𐴌𐴕𐴠𐴄 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡𐴘𐴝 𐴁𐴤𐴝𐴘 𐴀𐴦𐴡𐴓𐴡𐴃𐴧𐴞 𐴊𐴟𐴐𐴧𐴡𐴕𐴡𐴌 𐴀𐴠 𐴊𐴟𐴘 𐴇𐴥𐴝𐴔𐴓𐴝𐴌 𐴁𐴝𐴁𐴡𐴃𐴠 𐴎𐴝𐴕𐴞 𐴌𐴝𐴑𐴡𐴕 𐴀𐴝𐴌 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕 𐴎𐴡𐴌𐴟𐴌𐴞||

 

𐴀𐴝𐴏𐴡𐴓𐴢 𐴀𐴝𐴊𐴧𐴠 𐴕𐴡𐴑𐴡𐴓𐴡𐴌 𐴀𐴠𐴈𐴃𐴠𐴓𐴝𐴉𐴢

𐴉𐴡𐴃𐴧𐴞 𐴔𐴡𐴙𐴊𐴝𐴕𐴡𐴃𐴢 𐴀𐴝𐴏𐴡𐴓𐴢 𐴀𐴝𐴌 𐴕𐴡𐴑𐴡𐴓𐴢 𐴔𐴞𐴘𐴝𐴓𐴢 𐴃𐴝𐴑𐴠| 𐴁𐴝𐴎𐴝𐴌𐴡𐴌 𐴀𐴝𐴏𐴡𐴓𐴢 𐴏𐴞𐴏𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞𐴁𐴡𐴓𐴧𐴝 𐴕𐴡𐴑𐴡𐴓𐴢 𐴏𐴞𐴏𐴡𐴌𐴠 𐴉𐴡𐴌𐴞𐴏𐴡 𐴒𐴡𐴌𐴝𐴎𐴝| 𐴔𐴟𐴈𐴃𐴡𐴓𐴞𐴉𐴢 𐴃𐴡𐴌𐴞𐴑𐴝𐴓𐴡𐴘 𐴕𐴡𐴑𐴡𐴓𐴡𐴌 𐴀𐴠𐴓𐴝𐴕 𐴒𐴡𐴌𐴝𐴎𐴝| 𐴇𐴡𐴑 𐴁𐴝𐴃𐴠𐴓𐴡𐴌 𐴀𐴠 𐴓𐴝𐴌𐴥𐴝𐴘𐴃𐴡 𐴁𐴝𐴃𐴠𐴓𐴠 𐴀𐴠 𐴃𐴡𐴌𐴞𐴑𐴝 𐴀𐴠𐴈𐴃𐴠𐴘𐴝𐴌 𐴒𐴡𐴙𐴅𐴧𐴠||

𐴀𐴠 𐴈𐴡𐴃𐴝𐴌 𐴖𐴡𐴌𐴠 𐴈𐴡𐴕𐴥𐴡 𐴐𐴟𐴁𐴤𐴝 𐴕𐴥𐴝𐴘 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴇𐴡𐴑𐴡𐴌 𐴊𐴝𐴖𐴡𐴃𐴡𐴌𐴠 𐴈𐴡𐴕𐴥𐴞𐴑𐴧𐴝 𐴁𐴡𐴕𐴊𐴡 𐴁𐴡𐴕𐴊𐴡 𐴒𐴡𐴌𐴞 𐴕𐴡𐴉𐴝𐴌𐴠، 𐴑𐴞𐴕𐴃𐴟 𐴁𐴝𐴃𐴠𐴓𐴢 𐴌𐴝𐴏𐴧𐴝𐴌 𐴔𐴞𐴑𐴧𐴝 𐴓𐴡𐴘𐴎𐴡𐴘𐴝 𐴎𐴡𐴊𐴞 𐴇𐴡𐴑𐴡𐴌 𐴓𐴠𐴙𐴁𐴠𐴓𐴢 𐴀𐴝𐴌 𐴏𐴝𐴘𐴕𐴁𐴟𐴄 𐴓𐴝𐴒𐴝𐴘 𐴃𐴝𐴑𐴠، 𐴃𐴡𐴘𐴓𐴠 𐴇𐴡𐴑𐴡𐴌 𐴑𐴞𐴏𐴧𐴟𐴕𐴠 𐴑𐴞𐴏𐴧𐴟 𐴕𐴟𐴏𐴧𐴝𐴕 𐴈𐴥𐴝𐴔𐴡𐴈𐴥𐴝 𐴉𐴤𐴡𐴣𐴏𐴠| 𐴀𐴝𐴔𐴠𐴌𐴞𐴑𐴝𐴌”RAND Corporation“𐴡𐴌 𐴃𐴡𐴌𐴉𐴡𐴃𐴧𐴞 𐴈𐴡𐴖𐴝 𐴒𐴞𐴘𐴃𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴀𐴞𐴏𐴓𐴝𐴔𐴡𐴌 𐴃𐴡𐴌𐴉𐴡𐴃𐴧𐴞 𐴔𐴟𐴓𐴧𐴝 𐴀𐴟𐴔𐴡𐴌 𐴁𐴝𐴘𐴌 𐴀𐴥𐴡 𐴃𐴡𐴘𐴓𐴠 𐴀𐴝𐴣𐴀𐴌𐴝 𐴀𐴝𐴔𐴠𐴌𐴞𐴑𐴞 𐴀𐴡𐴀𐴓𐴡𐴌 𐴃𐴡𐴌𐴉𐴡𐴃𐴧𐴞 𐴔𐴟𐴓𐴧𐴝 𐴁𐴠𐴌𐴝𐴋𐴓𐴞(𐴕𐴡𐴑𐴡𐴓𐴞 𐴔𐴟𐴓𐴧𐴝) 𐴁𐴝𐴘𐴌 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴔𐴠𐴌𐴞𐴑𐴝𐴌 𐴀𐴡 𐴃𐴝𐴔𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴔𐴞𐴑𐴧𐴝 𐴈𐴦𐴝𐴏𐴢 𐴕𐴡𐴎𐴡𐴌 𐴃𐴝𐴑𐴠 𐴎𐴝𐴌𐴝 𐴎𐴝𐴇𐴠𐴌𐴡𐴃𐴢 𐴇𐴡𐴑𐴡𐴌 𐴊𐴝𐴁𐴞 𐴒𐴡𐴌𐴠 𐴑𐴞𐴕𐴃𐴟 𐴀𐴝𐴏𐴡𐴓𐴡𐴃𐴢 𐴀𐴝𐴌𐴀𐴠𐴑 𐴎𐴡𐴕𐴡𐴌𐴠 𐴇𐴡𐴑𐴡𐴌 𐴌𐴝𐴏𐴧𐴝𐴃𐴧𐴞 𐴊𐴟𐴌𐴠𐴒𐴡𐴌𐴡𐴘𐴝||

𐴎𐴠𐴃𐴧𐴡𐴃𐴢 𐴀𐴝𐴓𐴧𐴝𐴇 𐴏𐴟𐴁𐴇𐴝𐴕𐴝𐴇𐴟 𐴖𐴝𐴃𐴝𐴀𐴓𐴝 𐴀𐴞𐴕𐴏𐴝𐴕𐴡𐴌 𐴉𐴞𐴃𐴌𐴡𐴃𐴡𐴃𐴢 𐴇𐴡𐴑 𐴑𐴡𐴁𐴟𐴓𐴢 𐴒𐴡𐴌𐴡𐴕𐴡𐴌 𐴑𐴝𐴁𐴠𐴓𐴞𐴘𐴡𐴃𐴊𐴞 𐴌𐴝𐴙𐴑𐴧𐴠 (𐴎𐴡𐴊𐴞 𐴉𐴞𐴃𐴌𐴡𐴃𐴢 𐴁𐴡𐴊𐴡𐴓𐴞 𐴕𐴡𐴎𐴝𐴒𐴡𐴘)| 𐴀𐴥𐴠 𐴈𐴡𐴃𐴝𐴓𐴧𐴝 𐴁𐴝𐴃𐴠𐴓𐴢 𐴏𐴞𐴌𐴞𐴉𐴢 𐴁𐴝𐴃𐴠𐴓𐴡𐴌 𐴏𐴟𐴦𐴌𐴡𐴃𐴢 𐴓𐴡𐴘 𐴀𐴝𐴌 𐴁𐴝𐴃𐴠𐴓𐴢 𐴓𐴠𐴙𐴁𐴠𐴓𐴡𐴌 𐴎𐴡𐴌𐴞𐴘𐴝 𐴇𐴡𐴑𐴡𐴌 𐴌𐴝𐴏𐴧𐴝 𐴔𐴧𐴝𐴎𐴠 𐴌𐴠𐴑𐴝𐴖𐴡𐴄 𐴁𐴡𐴕𐴞 𐴕𐴡𐴉𐴝𐴌𐴠| 𐴃𐴝𐴌𐴝 𐴇𐴥𐴡𐴘𐴃𐴥𐴡 𐴔𐴝𐴙𐴕𐴟𐴐𐴥𐴡𐴌 𐴉𐴞𐴃𐴌𐴡𐴃𐴡𐴌𐴠 𐴈𐴡𐴌𐴝𐴁𐴢 𐴒𐴡𐴌𐴞𐴊𐴠, 𐴃𐴝𐴑𐴠 𐴔𐴝𐴕𐴥𐴟𐴙𐴐𐴢 𐴇𐴞𐴌𐴟𐴘𐴞𐴕( 𐴀𐴠𐴑 𐴋𐴦𐴡𐴘𐴓𐴧𐴝 𐴕𐴞𐴐𐴝 𐴀𐴡𐴓𐴝 𐴊𐴝𐴁𐴝𐴘) 𐴀𐴝𐴌 𐴁𐴞𐴐𐴡𐴌𐴠 𐴊𐴝𐴁𐴝𐴘 𐴁𐴟𐴎𐴞 𐴑𐴡𐴁𐴟𐴓𐴢 𐴒𐴡𐴌𐴠، 𐴘𐴥𐴝 𐴊𐴟𐴏𐴡𐴌𐴝 𐴏𐴟𐴌𐴡𐴃𐴡𐴃𐴢 𐴊𐴤𐴟𐴑𐴝 𐴀𐴝𐴊𐴧𐴠 𐴏𐴝𐴙𐴓𐴡𐴌 𐴏𐴥𐴝𐴀𐴝𐴌𐴝 𐴓𐴡| 𐴀𐴝𐴌 𐴕𐴞𐴎𐴡𐴌 𐴁𐴝𐴃𐴠𐴓𐴡𐴌 𐴖𐴡𐴌𐴠 𐴇𐴡𐴑𐴡𐴌 𐴓𐴠𐴙𐴁𐴠𐴓𐴢 𐴓𐴝𐴒𐴝𐴘 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴌𐴠 𐴀𐴝𐴏𐴡𐴓𐴢 𐴇𐴡𐴑𐴡𐴃𐴧𐴞 𐴒𐴟𐴔𐴌𐴝𐴤 𐴒𐴡𐴌𐴠| 𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴟𐴕𐴞𐴘𐴝𐴙𐴃𐴢 𐴊𐴟𐴕𐴟 𐴈𐴝𐴔𐴢 𐴁𐴤𐴝𐴓𐴝𐴒𐴡𐴌𐴞 𐴏𐴡𐴓𐴠|𐴀𐴠𐴑 𐴔𐴞𐴑𐴧𐴝 𐴉𐴞𐴃𐴌𐴡𐴃𐴡𐴌𐴠 𐴈𐴡𐴤𐴌𐴝𐴁𐴢 𐴒𐴡𐴌𐴝𐴌 𐴁𐴞𐴐𐴞 𐴑𐴟𐴐𐴞𐴐𐴢 𐴒𐴡𐴌𐴝𐴎𐴝 𐴀𐴝𐴌 𐴀𐴠𐴑 𐴔𐴞𐴑𐴧𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴈𐴠𐴓𐴝𐴉𐴢 𐴊𐴤𐴟𐴑𐴝-𐴁𐴝𐴎𐴞𐴌 𐴎𐴝𐴓𐴥𐴡 𐴁𐴤𐴝𐴓𐴝𐴒𐴡𐴌𐴞 𐴁𐴤𐴞𐴐𐴝𐴘 𐴊𐴞𐴘𐴝𐴎𐴝| 𐴒𐴡𐴓𐴡𐴃𐴢 𐴉𐴞𐴑𐴞𐴌 𐴀𐴝𐴊𐴧𐴠 𐴀𐴝𐴔𐴡𐴓𐴡𐴌𐴠 𐴏𐴥𐴡𐴀𐴞𐴌 𐴏𐴦𐴟𐴌𐴡𐴃𐴡𐴃𐴢 𐴏𐴡𐴈𐴃𐴡 𐴔𐴡𐴑𐴧𐴝𐴌𐴞𐴌 𐴏𐴝𐴣𐴀𐴃𐴠 𐴔𐴡𐴐𐴦𐴟𐴌 𐴒𐴡𐴌𐴝𐴎𐴝 𐴀𐴝𐴌 𐴇𐴡𐴑𐴡𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴘𐴝𐴌 𐴏𐴝𐴔𐴧𐴠 𐴒𐴟𐴔𐴌𐴝𐴇𐴞𐴌 𐴌𐴝𐴏𐴧𐴝𐴌𐴠 𐴏𐴥𐴡𐴀𐴞 𐴀𐴝𐴌 𐴐𐴥𐴟𐴕𐴊𐴡𐴌 𐴁𐴤𐴝𐴉𐴠 𐴉𐴠𐴙𐴐𐴢 𐴒𐴡𐴌𐴝𐴎𐴝||

𐴀𐴦𐴠𐴕 𐴇𐴝𐴓𐴡𐴃𐴡 𐴔𐴧𐴝𐴎𐴠 𐴎𐴠 𐴔𐴝𐴕𐴥𐴟𐴙𐴐𐴢 𐴏𐴡𐴉𐴡𐴌𐴡𐴌 𐴉𐴝𐴑𐴧𐴝 𐴀𐴠𐴌𐴝𐴊𐴝 𐴓𐴡𐴘 𐴔𐴡𐴕𐴎𐴞𐴓𐴢 𐴉𐴟𐴙𐴅𐴧𐴡𐴕𐴃𐴡 𐴎𐴡𐴕𐴡𐴌 𐴐𐴡𐴗𐴑 𐴌𐴝𐴑𐴠، 𐴑𐴞𐴕𐴃𐴟 𐴀𐴥𐴠 𐴅𐴡𐴎𐴁𐴝𐴌 𐴏𐴝𐴣𐴀𐴃𐴠 𐴀𐴠𐴇𐴏𐴝𐴏𐴢 𐴀𐴝𐴌 𐴏𐴥𐴡𐴀𐴞 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴀𐴝𐴇𐴥𐴔𐴞𐴘𐴡𐴃𐴡𐴌𐴠 𐴀𐴞𐴕𐴑𐴝𐴌 𐴒𐴡𐴌𐴠، 𐴃𐴡𐴘𐴓𐴠 𐴀𐴥𐴞𐴁𐴝 𐴊𐴟𐴐𐴧𐴡𐴕𐴡𐴌 𐴃𐴡𐴘𐴧𐴝𐴌 𐴒𐴡𐴙𐴅𐴧𐴝 𐴌𐴝𐴏𐴧𐴝𐴌 𐴖𐴡𐴌𐴠 𐴏𐴡𐴓𐴞𐴁𐴡, 𐴀𐴠 𐴁𐴡𐴊𐴢 𐴕𐴡𐴏𐴞𐴁𐴢, 𐴅𐴞𐴇𐴝𐴊𐴢 𐴀𐴝𐴌 𐴑𐴠𐴃𐴝𐴓𐴡𐴌 𐴏𐴥𐴟𐴌𐴈𐴞 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 (𐴕𐴝𐴀𐴟𐴎𐴟 𐴁𐴞𐴓𐴧𐴝𐴇)𐴕𐴞𐴎𐴠𐴘𐴥𐴡 𐴀𐴝𐴣𐴊𐴤𐴝𐴌𐴡𐴃𐴢 𐴀𐴥𐴡𐴌 𐴀𐴥𐴡𐴘𐴎𐴝𐴒𐴡𐴘 𐴀𐴝𐴌 𐴅𐴞𐴇𐴝𐴊𐴞 𐴑𐴝𐴉𐴠𐴓𐴝𐴓𐴧𐴝𐴘𐴥𐴡 𐴁𐴡𐴌𐴁𐴝𐴊𐴞𐴌 𐴎𐴡𐴌𐴞𐴘𐴝 𐴁𐴡𐴕𐴠||

𐴀𐴠 𐴇𐴝𐴓𐴡𐴃𐴡𐴃𐴢 𐴏𐴞𐴌𐴞𐴉𐴢 𐴀𐴡 𐴔𐴝𐴕𐴥𐴟𐴙𐴐𐴢 𐴓𐴦𐴝𐴏𐴢 𐴉𐴡𐴙𐴅𐴧𐴡𐴕𐴃𐴡 𐴕𐴞𐴎𐴡𐴌 𐴏𐴡𐴉𐴡𐴌 𐴅𐴝𐴌𐴞 𐴌𐴝𐴑𐴞 𐴉𐴝𐴌𐴞𐴁𐴡 𐴎𐴞𐴁𐴥𐴝 𐴅𐴞𐴇𐴝𐴊𐴡𐴌 𐴅𐴡𐴎𐴁𐴝𐴌 𐴉𐴥𐴟𐴖𐴝𐴣𐴀𐴃𐴞 𐴉𐴟𐴥𐴖𐴝𐴣𐴀𐴃𐴞 𐴅𐴞𐴇𐴝𐴊𐴡𐴌 𐴁𐴟𐴎 𐴀𐴝𐴌 𐴇𐴥𐴟𐴣𐴐𐴢 𐴄𐴞𐴑 𐴌𐴝𐴑𐴠| 𐴀𐴠𐴕𐴋𐴞𐴓𐴧𐴝 𐴁𐴤𐴝𐴓𐴝 𐴑𐴟𐴖𐴝𐴙𐴓𐴧𐴝 𐴐𐴡𐴌𐴀𐴞 𐴀𐴠𐴓𐴡𐴔𐴡𐴌 𐴏𐴠𐴌𐴝𐴒𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴠 𐴀𐴝𐴌 𐴀𐴠 𐴌𐴝𐴏𐴧𐴝𐴌 𐴖𐴡𐴌𐴠 𐴀𐴝𐴒𐴠 𐴒𐴟𐴎𐴡𐴌𐴞 𐴒𐴞𐴘𐴧𐴠𐴊𐴠 𐴇𐴡𐴑 𐴔𐴟𐴏𐴝𐴉𐴠𐴌 𐴀𐴦𐴡𐴓𐴠 𐴊𐴠𐴙𐴈𐴝𐴘𐴧𐴠𐴊𐴠 𐴃𐴡𐴌𐴞𐴑𐴝 𐴔𐴡𐴃𐴝𐴁𐴠𐴑 𐴏𐴡𐴓𐴠||

 

𐴘𐴝𐴊𐴒𐴝𐴌𐴞 𐴀𐴝𐴌 𐴃𐴡𐴔𐴁𐴞!

𐴅𐴞𐴇𐴝𐴊𐴡𐴌 𐴌𐴝𐴏𐴧𐴝𐴌 𐴔𐴟𐴏𐴝𐴉𐴠𐴌 𐴀𐴡𐴑𐴧𐴡𐴓𐴡𐴌𐴠 𐴀𐴠𐴎𐴝𐴒𐴝𐴃𐴢 𐴀𐴠𐴑𐴧𐴝𐴕 𐴔𐴡𐴐𐴑𐴞𐴓𐴢 𐴀𐴝𐴌 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴡𐴌 𐴀𐴠𐴑𐴧𐴝𐴕 𐴕𐴞𐴑𐴧𐴌𐴞𐴐𐴄𐴡 𐴏𐴝𐴙𐴓𐴡𐴌 𐴁𐴝𐴁𐴡𐴃𐴠 𐴇𐴥𐴟𐴐𐴞𐴘𐴝𐴌𐴞 𐴒𐴡𐴌𐴡𐴕𐴧𐴝𐴕 𐴁𐴠𐴐𐴞 𐴎𐴡𐴌𐴟𐴌𐴞 𐴁𐴡𐴓𐴞 𐴁𐴟𐴎𐴞𐴌| 𐴑𐴞𐴕𐴃𐴟 𐴃𐴝𐴌𐴀𐴝𐴒𐴠 𐴀𐴠𐴑𐴧𐴝𐴕 𐴈𐴡𐴃𐴝 𐴘𐴦𐴝𐴊𐴢 𐴒𐴡𐴌𐴝𐴘 𐴊𐴞𐴁𐴡𐴓𐴧𐴝 𐴏𐴝𐴀𐴙𐴌| 𐴘𐴦𐴥𐴝𐴕 𐴀𐴥𐴡𐴘𐴓𐴊𐴠 𐴅𐴞𐴇𐴝𐴊𐴢 𐴏𐴡𐴁𐴡𐴌 𐴀𐴝𐴌 𐴀𐴠𐴏𐴃𐴠𐴑𐴝𐴔𐴡𐴃𐴡𐴌 𐴌𐴝𐴏𐴧𐴝، 𐴀𐴠 𐴌𐴝𐴏𐴧𐴝 𐴑𐴠𐴣𐴍𐴝 𐴓𐴡𐴘 𐴁𐴤𐴡𐴌𐴉𐴟𐴌 𐴀𐴝𐴌 𐴘𐴦𐴝𐴕𐴡𐴌 𐴖𐴡𐴌𐴠 𐴀𐴝𐴈𐴞𐴌𐴞 𐴕𐴞𐴘𐴝𐴙𐴐𐴢 𐴉𐴡𐴙𐴅𐴧𐴡𐴕𐴃𐴡 𐴏𐴡𐴓𐴡𐴕 𐴀𐴠𐴈𐴡𐴃𐴝𐴓𐴧𐴝 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴅𐴝𐴇𐴝𐴕𐴧𐴝 𐴔𐴡𐴃𐴧𐴞 𐴁𐴝𐴏𐴝𐴌 𐴀𐴝𐴌 𐴅𐴡𐴕𐴧𐴡𐴃𐴢 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴌𐴝𐴏𐴧𐴝||

𐴀𐴠 𐴏𐴡𐴉𐴡𐴌 𐴀𐴠𐴈𐴃𐴞𐴘𐴝𐴌𐴞 𐴕𐴡𐴀، 𐴁𐴤𐴡𐴓𐴑𐴠 𐴀𐴠 𐴌𐴝𐴏𐴧𐴝𐴌 𐴀𐴡𐴌𐴠 𐴏𐴡𐴓𐴡𐴕 𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴃𐴢 𐴀𐴠𐴑𐴧𐴝𐴕 𐴀𐴝𐴇𐴥𐴝𐴔𐴢 𐴉𐴡𐴌𐴡𐴎| 𐴀𐴡𐴕𐴠 𐴎𐴝𐴕𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴏𐴡𐴉𐴡𐴌 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴕𐴡𐴉𐴏𐴡𐴓𐴧𐴝 𐴀𐴦𐴝𐴏𐴝𐴕 𐴕𐴡𐴀𐴝𐴐𐴧𐴞𐴓𐴢| 𐴀𐴥𐴠𐴈𐴡𐴃𐴝𐴓𐴧𐴝 𐴁𐴡𐴓𐴞 𐴐𐴟𐴌𐴟𐴃𐴧𐴞 𐴓𐴡𐴃𐴞 𐴀𐴠 𐴌𐴝𐴏𐴧𐴝 𐴔𐴟𐴔𐴞𐴕 𐴀𐴝𐴊𐴧𐴠 𐴔𐴟𐴕𐴝𐴉𐴞𐴑𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑 𐴒𐴡𐴌𐴞 𐴀𐴝𐴘𐴠𐴌| 𐴀𐴠 𐴇𐴝𐴓𐴡𐴃𐴡𐴃𐴢 𐴎𐴞𐴁𐴥𐴝 𐴀𐴝𐴈𐴠𐴌𐴡𐴃𐴡𐴌𐴠 𐴇𐴝𐴑𐴞𐴑𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴃𐴝𐴓𐴝𐴐𐴢 𐴒𐴡𐴌𐴠، 𐴎𐴠 𐴀𐴝𐴓𐴧𐴝𐴇𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴠، 𐴀𐴝𐴌 𐴀𐴟𐴔𐴧𐴡𐴃𐴡𐴌 𐴇𐴝𐴓𐴡𐴃𐴡𐴌 𐴀𐴡𐴌𐴠 𐴎𐴝𐴌 𐴊𐴞𐴓𐴢 𐴇𐴝𐴑𐴞𐴑𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴎𐴡𐴈𐴡𐴔𐴞, 𐴇𐴞𐴁𐴥𐴝 𐴀𐴠 𐴌𐴝𐴏𐴧𐴝𐴌 𐴖𐴡𐴌𐴠 𐴉𐴝𐴀𐴝𐴌-𐴉𐴝𐴕 𐴔𐴡𐴐𐴑𐴞𐴓𐴡𐴌𐴠𐴘𐴥𐴡 𐴇𐴥𐴝𐴣𐴐𐴞 𐴈𐴥𐴟𐴐𐴞𐴌 𐴏𐴝𐴀𐴣𐴃𐴠 𐴁𐴡𐴊𐴧𐴝𐴐𐴢 𐴒𐴡𐴌𐴠| 𐴀𐴝𐴌 𐴅𐴞𐴇𐴝𐴊𐴡𐴃𐴧𐴞 𐴀𐴝𐴓𐴡𐴑 𐴀𐴥𐴡𐴘 𐴐𐴥𐴝𐴕𐴃𐴞 𐴀𐴝𐴌 𐴀𐴠𐴃𐴔𐴞𐴕𐴝𐴕𐴡𐴌 𐴎𐴞𐴕𐴊𐴞𐴒𐴞𐴌𐴠 𐴕𐴞𐴎𐴡𐴓𐴧𐴝 𐴀𐴝𐴎𐴝𐴁𐴢 𐴁𐴡𐴓𐴞 𐴁𐴟𐴎𐴠||

𐴇𐴥𐴞𐴁𐴝 𐴁𐴟𐴎𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴀𐴠 𐴌𐴝𐴏𐴧𐴝𐴃𐴢 𐴀𐴠𐴈𐴃𐴠𐴓𐴝𐴉𐴢، 𐴅𐴟𐴊𐴧𐴡-𐴅𐴠𐴇𐴠𐴃𐴢, 𐴔𐴡𐴏𐴞𐴁𐴡𐴃𐴢, 𐴃𐴡𐴑𐴡𐴓𐴞𐴉𐴢, 𐴂𐴠𐴌𐴠𐴐𐴝𐴕𐴞, 𐴎𐴞𐴘𐴡𐴓𐴢, 𐴔𐴝𐴌𐴝-𐴔𐴝𐴌𐴞, 𐴖𐴝𐴦𐴙𐴐𐴧𐴝, 𐴅𐴡𐴓𐴝𐴖𐴡𐴃𐴡𐴕𐴞 𐴀𐴝𐴌 𐴔𐴡𐴖𐴃𐴡𐴌 𐴀𐴝𐴔𐴧𐴠 𐴏𐴝𐴔𐴧𐴠 𐴀𐴡𐴀𐴕 𐴀𐴠𐴒𐴞𐴕 𐴁𐴠𐴒𐴧𐴞𐴕 𐴀𐴥𐴡𐴘𐴓𐴊𐴠(𐴀𐴝𐴅𐴡𐴌 𐴀𐴝𐴊𐴧𐴠 𐴏𐴟𐴖𐴝𐴁𐴡𐴌) 𐴀𐴝𐴇𐴥𐴝𐴔𐴢 𐴁𐴟𐴕𐴞𐴘𐴝𐴊𐴢 𐴀𐴡𐴑𐴧𐴡𐴓𐴢! 𐴇𐴥𐴠𐴃𐴡𐴓𐴧𐴝 𐴇𐴞𐴁𐴥𐴝 𐴇𐴥𐴞𐴔𐴧𐴡𐴃𐴢 𐴕𐴡𐴇𐴝𐴌𐴝| 𐴇𐴥𐴝𐴃𐴞𐴘𐴝𐴌 𐴕𐴡 𐴉𐴥𐴠𐴓𐴝, 𐴈𐴡𐴃𐴡𐴌𐴝 𐴊𐴠𐴙𐴑𐴞𐴤 𐴕𐴡𐴋𐴦𐴡𐴌𐴝، 𐴁𐴤𐴡𐴓𐴑𐴠 𐴔𐴡𐴏𐴞𐴁𐴡𐴃𐴢 𐴀𐴝𐴊𐴧𐴠 𐴈𐴡𐴃𐴡𐴌𐴝 𐴀𐴡𐴑𐴧𐴡𐴓𐴡𐴌 𐴏𐴝𐴔𐴧𐴠 𐴉𐴦𐴝𐴌𐴁𐴡𐴕𐴞 𐴃𐴥𐴞𐴘𐴝𐴘 𐴎𐴝𐴒𐴡𐴘| 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴃𐴡𐴖𐴉𐴞𐴑 𐴔𐴝𐴚𐴒𐴞 𐴔𐴡𐴐𐴑𐴞𐴓𐴡𐴌 𐴀𐴦𐴠 𐴉𐴦𐴝𐴌𐴡𐴌𐴠 𐴈𐴝𐴍𐴞 𐴕𐴞𐴎𐴡𐴓𐴧𐴝 𐴅𐴡𐴕𐴧𐴡𐴃𐴡𐴌 𐴌𐴝𐴏𐴧𐴝 𐴃𐴡𐴘𐴧𐴝𐴌 𐴒𐴡𐴌𐴠| 𐴇𐴥𐴞𐴁𐴝 𐴀𐴠𐴈𐴡𐴃𐴝 𐴎𐴝𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴈𐴠𐴌𐴡𐴃𐴡𐴌 𐴌𐴝𐴏𐴧𐴝𐴃𐴢 𐴏𐴡𐴓𐴡𐴙𐴕𐴧𐴝 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴡𐴑𐴧𐴡𐴓𐴡𐴌 𐴃𐴝𐴑𐴡𐴃𐴡𐴌𐴠 𐴕𐴡𐴋𐴦𐴡𐴌𐴝، 𐴀𐴝𐴌𐴕𐴡 𐴊𐴤𐴟𐴑𐴝𐴁𐴝𐴎 𐴀𐴡𐴑𐴧𐴡𐴓𐴡𐴌 𐴊𐴤𐴟𐴑𐴝𐴁𐴝𐴎𐴞 𐴊𐴠𐴙𐴑𐴞𐴘𐴡𐴌𐴠 𐴁𐴟𐴎𐴊𐴞𐴓𐴢 𐴀𐴥𐴡𐴘 𐴎𐴝𐴒𐴡𐴘||

𐴃𐴝𐴌𐴝 𐴁𐴟𐴎𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴡𐴑𐴡𐴖𐴝 𐴀𐴝𐴊𐴧𐴠 𐴏𐴡𐴁𐴡𐴌 𐴇𐴡𐴑 𐴌𐴝𐴏𐴧𐴝𐴌 𐴀𐴥𐴝𐴃𐴞𐴘𐴝𐴌| 𐴎𐴡𐴊𐴞 𐴀𐴠 𐴊𐴟𐴕𐴞𐴘𐴝𐴕 𐴃𐴝𐴑𐴠 𐴃𐴡𐴘𐴓𐴠 𐴁𐴝𐴃𐴠𐴓𐴡𐴌 𐴃𐴝𐴔𐴦𐴝𐴔𐴢 𐴏𐴝𐴙𐴓𐴢، 𐴃𐴝𐴔𐴦𐴝𐴔𐴢 𐴕𐴞𐴑𐴧𐴌𐴞𐴐𐴄𐴡 𐴔𐴡𐴑𐴧𐴝𐴌𐴞 𐴁𐴠𐴑𐴝𐴌 𐴀𐴡𐴘𐴎𐴝𐴒𐴡𐴘| 𐴀𐴝𐴓𐴧𐴝𐴇 𐴏𐴟𐴁𐴝𐴇𐴝𐴕𐴝𐴇𐴟 𐴖𐴡𐴃𐴝𐴀𐴓𐴝 𐴕𐴞𐴎𐴡𐴌 𐴁𐴡𐴕𐴊𐴝 𐴀𐴦𐴡𐴓𐴡𐴌𐴠 𐴀𐴠 𐴀𐴝𐴎𐴦𐴞𐴔𐴢 𐴌𐴝𐴏𐴧𐴝𐴌 𐴖𐴡𐴌𐴠 𐴏𐴡𐴓𐴡𐴕𐴡𐴌𐴠 𐴀𐴝𐴏𐴦𐴝𐴕 𐴒𐴡𐴌𐴞𐴊𐴡𐴑 𐴀𐴝𐴌 𐴓𐴦𐴝𐴏𐴡𐴃𐴢 𐴃𐴝𐴌𐴠 𐴕𐴞𐴎𐴡𐴌 𐴊𐴝𐴘𐴠𐴔𐴞 𐴅𐴡𐴕𐴧𐴡𐴃𐴡𐴃𐴢 𐴊𐴝𐴈𐴠𐴓𐴢 𐴒𐴡𐴌𐴞𐴊𐴡𐴑||

𐴇𐴟𐴐𐴞𐴘𐴝𐴌𐴞 𐴀𐴡𐴘𐴓𐴊𐴠-

𐴇𐴥𐴡𐴑 𐴌𐴝𐴏𐴧𐴝𐴌 𐴖𐴡𐴌𐴠 𐴁𐴝𐴃𐴠𐴓𐴡𐴌 𐴃𐴡𐴌𐴉𐴡𐴃𐴧𐴞 𐴀𐴠𐴑𐴧𐴝𐴕 𐴌𐴠𐴑𐴝𐴖𐴡𐴄 𐴀𐴡𐴘𐴓𐴊𐴠 𐴃𐴝𐴌𐴝𐴌 𐴊𐴤𐴟𐴑𐴝| 𐴀𐴠𐴒𐴞𐴕 𐴀𐴦𐴠𐴕 𐴏𐴝𐴙𐴓𐴢 𐴎𐴞𐴕𐴡𐴌𐴠 𐴁𐴝𐴃𐴠𐴓𐴠 𐴃𐴡𐴈𐴡𐴕 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠 𐴎𐴡𐴈𐴡𐴕 𐴃𐴝𐴌𐴝𐴌 𐴃𐴝𐴑𐴡𐴃𐴢 𐴕𐴝𐴑𐴝𐴔𐴢 𐴀𐴥𐴡𐴘𐴎𐴝𐴒𐴡𐴘| 𐴀𐴝𐴌 𐴃𐴝𐴌𐴝𐴌 𐴃𐴝𐴔𐴦𐴝𐴔𐴢 𐴑𐴟𐴖𐴧𐴡𐴃𐴢 𐴀𐴝𐴊𐴧𐴠 𐴖𐴡𐴏𐴦𐴝𐴘𐴠𐴓𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝𐴌 𐴁𐴝𐴊𐴠𐴘𐴥𐴡 𐴎𐴡𐴈𐴡𐴕 𐴑𐴠𐴏𐴧𐴟 𐴕𐴡𐴃𐴞𐴅𐴝 𐴀𐴥𐴝𐴃𐴡𐴃𐴢 𐴕𐴡𐴀𐴝𐴘𐴧𐴠| 𐴃𐴡𐴈𐴡𐴕 𐴔𐴡𐴑𐴧𐴝𐴌𐴞 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴠| 𐴃𐴝𐴌𐴝𐴌 𐴀𐴥𐴠 𐴏𐴝𐴙𐴓𐴢 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴀𐴠𐴑𐴧𐴝𐴕 𐴀𐴡𐴘𐴓𐴊𐴠 𐴊𐴤𐴟𐴑𐴝𐴁𐴝𐴎 𐴀𐴠𐴅𐴠𐴕𐴏𐴞 𐴀𐴡𐴑𐴧𐴡𐴓𐴡𐴌 𐴀𐴡 𐴕𐴞𐴑𐴧𐴌𐴞𐴐𐴄𐴡 𐴒𐴟𐴓𐴝𐴔𐴢 𐴀𐴡𐴑𐴧𐴡𐴓𐴢 𐴎𐴝𐴌𐴝 “𐴔𐴟𐴅𐴝𐴇𐴠𐴊𐴢” 𐴀𐴝𐴌 “𐴊𐴝𐴀𐴞𐴌” 𐴏𐴡𐴕𐴧𐴝𐴊𐴡𐴌𐴞 𐴀𐴞𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴏𐴡𐴆𐴧𐴝 𐴔𐴟𐴅𐴝𐴇𐴞𐴊𐴢 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴞𐴁𐴝𐴊𐴠 𐴃𐴝𐴌𐴝𐴌 𐴉𐴥𐴝𐴣𐴊𐴡𐴃𐴢 𐴉𐴠𐴓𐴝𐴘 𐴎𐴞𐴙𐴓𐴡𐴃𐴢 𐴁𐴡𐴕𐴊𐴞 𐴒𐴡𐴌𐴞𐴊𐴠| 𐴀𐴠 𐴉𐴥𐴝𐴣𐴕𐴃𐴡 𐴔𐴡𐴙𐴐𐴧𐴝𐴌 𐴎𐴝𐴓𐴡𐴃𐴧𐴞 𐴁𐴥𐴝𐴌𐴡 𐴑𐴡𐴔𐴎𐴟𐴌 𐴑𐴞𐴕𐴃𐴟 𐴔𐴟𐴅𐴝𐴇𐴞𐴊𐴢 𐴀𐴡𐴦𐴓𐴡𐴌 𐴒𐴝𐴀𐴝𐴓𐴞𐴌 𐴎𐴡𐴌𐴞𐴘𐴝 𐴀𐴠 𐴑𐴡𐴔𐴎𐴟𐴌 𐴉𐴥𐴝𐴣𐴕𐴥𐴡 𐴁𐴝𐴎𐴠𐴀𐴡𐴃𐴧𐴡𐴃𐴢 𐴃𐴝𐴌𐴝 𐴓𐴧𐴝𐴘𐴁𐴡𐴓𐴞 𐴈𐴡𐴃𐴡𐴌𐴕𐴝𐴑 𐴁𐴡𐴕𐴞𐴎𐴝𐴒𐴡𐴘||

𐴊𐴟𐴐𐴧𐴡𐴕𐴡𐴌 𐴀𐴥𐴠 𐴏𐴝𐴙𐴓𐴢 𐴎𐴡𐴊𐴞 𐴀𐴝𐴒𐴠𐴓𐴡𐴃𐴞 𐴀𐴠𐴇𐴠𐴏𐴝𐴏𐴢 𐴒𐴡𐴌𐴝𐴎𐴝 𐴃𐴡𐴘𐴓𐴠 𐴔𐴟𐴑𐴝𐴁𐴠𐴓𐴝 𐴒𐴡𐴌𐴡𐴕𐴧𐴝𐴕 𐴀𐴠𐴕𐴃𐴠𐴇𐴝𐴘𐴞 𐴀𐴝𐴏𐴦𐴝𐴕 𐴀𐴥𐴡𐴘𐴎𐴝𐴘𐴁𐴡𐴘| 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴉𐴡𐴎𐴡𐴓𐴠 𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴠𐴍𐴠𐴘𐴥𐴡 𐴀𐴟𐴛𐴃𐴢 𐴀𐴡𐴘 𐴉𐴡𐴌𐴞𐴁𐴡| 𐴑𐴞𐴕𐴃𐴟 𐴎𐴡𐴊𐴞 𐴀𐴠 𐴑𐴞𐴏𐴞𐴔𐴡𐴌 𐴊𐴟𐴤𐴑𐴝𐴌 𐴁𐴝𐴁𐴡𐴃𐴠 𐴎𐴝𐴕𐴝 𐴕𐴡𐴃𐴝𐴑𐴠 𐴃𐴡𐴘𐴓𐴠 𐴏𐴞𐴌𐴞𐴉𐴢 𐴕𐴠𐴎𐴝𐴔𐴠 𐴑𐴟𐴉𐴟𐴌𐴡𐴌𐴠 𐴁𐴟𐴌𐴝 𐴁𐴤𐴝𐴓𐴝 𐴈𐴦𐴡𐴘𐴝 𐴉𐴡𐴃𐴧𐴞𐴎𐴡𐴕𐴡𐴌𐴠 𐴏𐴡𐴆𐴧𐴝 𐴔𐴟𐴅𐴝𐴇𐴞𐴊𐴢 𐴁𐴡𐴓𐴞 𐴄𐴤𐴝𐴌𐴝 𐴎𐴝𐴘𐴁𐴡 𐴀𐴝𐴌 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴕𐴞𐴎𐴡𐴌 𐴄𐴥𐴠𐴚𐴠 𐴕𐴞𐴎𐴠 𐴉𐴥𐴝𐴣𐴊𐴡𐴔𐴧𐴝𐴎𐴠 𐴉𐴡𐴌𐴞 𐴎𐴝𐴘𐴧𐴟𐴔𐴧𐴡𐴘|-𐴀𐴝𐴌𐴡𐴁𐴢 𐴊𐴟𐴕𐴞𐴘𐴝، 𐴘𐴥𐴝 𐴀𐴝𐴉𐴌𐴞𐴑𐴝𐴤 𐴀𐴥𐴡𐴑, 𐴘𐴟𐴌𐴡𐴉𐴢, 𐴀𐴝𐴔𐴞𐴌𐴞𐴑𐴝 𐴘𐴥𐴝 𐴁𐴡𐴌𐴧𐴠 𐴏𐴡𐴒𐴞𐴌 𐴀𐴥𐴡𐴑, 𐴉𐴡𐴃𐴧𐴞 𐴎𐴝𐴒𐴝𐴃𐴢 𐴅𐴞𐴇𐴝𐴊𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴠 𐴀𐴞𐴕𐴄𐴝𐴌𐴕𐴠𐴄𐴡𐴌 𐴎𐴡𐴌𐴞𐴘𐴝 𐴀𐴞𐴕𐴋𐴞𐴓𐴧𐴝 𐴏𐴝𐴙𐴓𐴢 𐴀𐴡𐴑𐴧𐴡𐴓𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠𐴌|-𐴀𐴥𐴠 𐴈𐴡𐴃𐴡𐴓𐴧𐴝 𐴃𐴝𐴌𐴝𐴌𐴠 𐴉𐴡𐴌𐴞𐴏𐴡 𐴀𐴝𐴌 𐴃𐴝𐴀𐴞𐴕 𐴒𐴡𐴌𐴝 𐴎𐴡𐴌𐴟𐴌𐴞||

𐴀𐴝𐴣𐴀𐴌𐴝 𐴀𐴞𐴕𐴄𐴝𐴌𐴕𐴠𐴄𐴡𐴃𐴢 𐴘𐴝𐴕𐴡𐴌 𐴁𐴝𐴁𐴡𐴃𐴠 𐴊𐴟𐴘𐴝𐴕 𐴀𐴝𐴇𐴥𐴝𐴔𐴢 𐴆𐴠𐴣𐴓𐴠𐴅𐴡𐴌 𐴀𐴝𐴔𐴧𐴠 𐴏𐴝𐴔𐴧𐴠 𐴀𐴥𐴡𐴘| 𐴀𐴝𐴣𐴌𐴝𐴌 𐴔𐴟𐴈𐴝𐴃𐴡𐴁𐴢 𐴀𐴝𐴊𐴧𐴠 𐴃𐴝𐴀𐴝𐴓𐴟𐴑 𐴌𐴝𐴑𐴡𐴘𐴝 𐴀𐴦𐴡𐴓𐴡𐴌𐴠 𐴀𐴠 𐴊𐴟𐴕𐴟 𐴆𐴠𐴣𐴓𐴠𐴅𐴡𐴌 𐴏𐴝𐴣𐴀𐴃𐴠 𐴔𐴟𐴑𐴝𐴁𐴠𐴓𐴝 𐴒𐴡𐴌𐴞𐴁𐴡𐴓𐴧𐴝 𐴃𐴡𐴘𐴧𐴝𐴌 𐴒𐴡𐴌𐴡𐴕 𐴎𐴡𐴌𐴟𐴌𐴞||

𐴀𐴠𐴑𐴧𐴝𐴕 𐴀𐴥𐴡𐴘𐴓𐴊𐴠: 𐴅𐴞𐴇𐴝𐴊𐴡𐴌 𐴏𐴥𐴡𐴀𐴞 𐴔𐴡𐴕𐴇𐴝𐴅𐴡𐴌𐴠 𐴁𐴟𐴎𐴡𐴕، 𐴏𐴞𐴌𐴞𐴉𐴢 𐴘𐴦𐴝𐴕𐴡𐴌𐴠 𐴑𐴡𐴁𐴟𐴓𐴢 𐴒𐴡𐴌𐴡𐴕 𐴀𐴝𐴌 𐴘𐴦𐴝𐴕𐴡𐴌 𐴏𐴝𐴣𐴀𐴃𐴠 𐴀𐴝𐴒𐴠 𐴁𐴝𐴌𐴡𐴕||

𐴊𐴟𐴏𐴡𐴌𐴝 𐴀𐴥𐴡𐴘𐴓𐴊𐴠: 𐴀𐴠𐴅𐴠𐴕𐴏𐴞 𐴀𐴡𐴑𐴧𐴡𐴓𐴡𐴌 𐴒𐴟𐴓𐴝𐴔𐴢 𐴀𐴦𐴡𐴓𐴡𐴃𐴧𐴞 𐴁𐴝𐴏𐴞𐴃𐴝𐴑𐴡𐴕 𐴀𐴝𐴌 𐴏𐴞𐴌𐴞𐴉𐴢 𐴇𐴝𐴑𐴞𐴑𐴞 𐴔𐴟𐴅𐴝𐴇𐴠𐴊𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴡𐴕||

𐴀𐴞𐴕𐴄𐴝𐴌𐴕𐴠𐴄 𐴀𐴝𐴊𐴧𐴠 𐴃𐴝𐴌 𐴁𐴝𐴘𐴌𐴡𐴌 𐴀𐴥𐴠 𐴊𐴟𐴘 𐴆𐴠𐴣𐴓𐴠𐴅𐴡𐴌 𐴏𐴝𐴣𐴀𐴃𐴠 𐴎𐴡𐴊𐴞 𐴀𐴝𐴣𐴀𐴌𐴝𐴃𐴧𐴞 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝 𐴉𐴡𐴌𐴠، 𐴀𐴝𐴌 𐴅𐴞𐴇𐴝𐴊𐴡𐴌 𐴈𐴠𐴓𐴝𐴉𐴢 𐴏𐴝𐴙𐴓𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝𐴌𐴠 𐴎𐴡𐴊𐴞 𐴀𐴝𐴣𐴀𐴌𐴝 𐴕𐴞𐴎𐴡𐴌 𐴁𐴟𐴕𐴞𐴘𐴝𐴊𐴞 𐴊𐴝𐴖𐴡𐴃𐴡𐴌 𐴀𐴥𐴞𐴏𐴧𐴝 𐴕𐴡𐴁𐴝𐴕𐴝𐴘، 𐴃𐴡𐴘𐴓𐴠 𐴃𐴝𐴌 𐴔𐴠𐴏𐴝𐴓𐴢 𐴀𐴦𐴠𐴕 𐴀𐴠𐴑𐴎𐴡𐴕 𐴔𐴝𐴙𐴐𐴥𐴡𐴌 𐴋𐴦𐴡𐴘𐴓𐴧𐴝 𐴀𐴥𐴡𐴘𐴁𐴡 𐴎𐴞𐴁𐴝 𐴏𐴡𐴈𐴃𐴡 𐴒𐴡𐴘𐴌 𐴀𐴝𐴊𐴧𐴠 𐴀𐴥𐴟𐴣𐴃𐴢 𐴀𐴦𐴡𐴓𐴝 𐴊𐴡𐴌𐴞𐴘𐴝𐴃𐴢 𐴎𐴥𐴝𐴉𐴢 𐴊𐴞𐴀 𐴀𐴝𐴌 𐴎𐴥𐴝𐴉𐴢 𐴊𐴞𐴘𐴝𐴁𐴝، 𐴑𐴞𐴕𐴃𐴟 𐴀𐴥𐴝𐴣𐴏𐴟𐴌𐴝𐴌 𐴈𐴡𐴕𐴥𐴡 𐴈𐴡𐴁𐴡𐴌 𐴕𐴥𐴝𐴘| 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴀𐴝𐴣𐴀𐴌𐴝𐴌𐴠 𐴀𐴠 𐴔𐴡𐴙𐴊𐴝𐴕𐴡𐴌 𐴊𐴡𐴌𐴈𐴝𐴌𐴞 𐴀𐴥𐴝𐴃𐴞𐴘𐴝𐴌𐴓𐴡𐴘 𐴕𐴞𐴎𐴡𐴌𐴠 𐴀𐴝𐴊𐴧𐴠 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴡𐴌𐴠 𐴔𐴟𐴎𐴝𐴘𐴧𐴡𐴕 𐴒𐴡𐴌𐴝𐴌 𐴃𐴡𐴗𐴉𐴞𐴑 𐴊𐴝𐴀𐴕 𐴒𐴡𐴌𐴡𐴑||

 

𐴀𐴝𐴔𐴡𐴕𐴞𐴘𐴝𐴌 𐴁𐴡𐴘𐴧𐴝𐴌 𐴀𐴝𐴌 𐴅𐴞𐴇𐴝𐴊𐴞 𐴊𐴝𐴀𐴞 𐴀𐴡𐴑𐴧𐴡𐴓𐴡𐴌 𐴎𐴞𐴔𐴧𐴝𐴊𐴝𐴌𐴞

𐴊𐴞𐴕𐴡𐴌 𐴊𐴟𐴐𐴧𐴡𐴕 𐴀𐴡𐴑𐴧𐴡𐴓𐴡𐴌 𐴈𐴝𐴇𐴠𐴐𐴢 𐴀𐴥𐴡𐴘𐴓𐴊𐴠 𐴀𐴟𐴔𐴧𐴡𐴃𐴡𐴌 𐴅𐴡𐴖𐴝𐴕 𐴀𐴡𐴑𐴧𐴡𐴓𐴠 𐴕𐴠𐴄𐴡𐴔𐴧𐴝𐴎𐴠 𐴇𐴝𐴥𐴌 𐴑𐴞𐴏𐴞𐴔𐴡𐴌 𐴁𐴟𐴌𐴝 𐴐𐴞𐴏𐴢 𐴀𐴡𐴑𐴧𐴡𐴓𐴢 𐴏𐴡𐴗𐴑, 𐴇𐴝𐴥𐴌 𐴑𐴞𐴏𐴞𐴔𐴡𐴌 𐴁𐴡𐴌𐴁𐴝𐴊𐴞𐴌 𐴒𐴝𐴣𐴌𐴝𐴃𐴢 𐴉𐴡𐴌𐴡𐴑، 𐴑𐴞𐴕𐴃𐴟 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴌𐴠𐴎𐴝𐴁𐴡𐴕𐴊𐴞 𐴀𐴝𐴊𐴧𐴠 𐴇𐴝𐴑𐴞𐴑𐴞 𐴎𐴞𐴕𐴊𐴞𐴒𐴞𐴌 𐴔𐴞𐴑𐴧𐴝 𐴌𐴝𐴏𐴧𐴝 𐴊𐴠𐴙𐴈𐴡𐴘𐴝 𐴊𐴞𐴕𐴡𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴃𐴧𐴞 𐴊𐴟𐴌𐴠 𐴃𐴝𐴑𐴡𐴑| 𐴃𐴝𐴌𐴝𐴌 𐴘𐴦𐴝𐴕𐴥𐴡 𐴑𐴟𐴐𐴞𐴐𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠, 𐴕𐴠𐴄𐴡𐴌 𐴖𐴡𐴌𐴠 𐴋𐴦𐴡𐴌𐴡𐴌 𐴀𐴦𐴠𐴕 𐴀𐴠𐴑𐴧𐴝𐴕 𐴔𐴝𐴇𐴡𐴓𐴢 𐴃𐴡𐴘𐴧𐴝𐴌 𐴒𐴡𐴌𐴡𐴕 𐴃𐴝𐴑𐴠 𐴅𐴞𐴇𐴝𐴊𐴡𐴌 𐴔𐴟𐴃𐴝𐴀𐴓𐴧𐴠𐴑 𐴎𐴠𐴈𐴡𐴕𐴥𐴡 𐴔𐴡𐴗𐴎𐴟 𐴕𐴡𐴎𐴡𐴌𐴡𐴃𐴢 𐴉𐴡𐴘𐴓𐴧𐴠 𐴅𐴡𐴖𐴝𐴕 𐴀𐴦𐴡𐴓𐴡𐴌 𐴒𐴦𐴝𐴀 𐴇𐴝𐴉𐴝𐴕𐴞 𐴐𐴟𐴌𐴟 𐴀𐴥𐴡𐴘𐴎𐴝𐴒𐴡𐴘| 𐴀𐴝𐴌 𐴀𐴞𐴕𐴋𐴞𐴓𐴧𐴝 𐴄𐴝𐴌𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠𐴒𐴞𐴕𐴡𐴃𐴢 𐴄𐴞𐴉𐴢 𐴊𐴞𐴁𐴝𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴅𐴞𐴇𐴝𐴊𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴠 𐴃𐴝𐴌𐴠 𐴒𐴟𐴔𐴢 𐴒𐴡𐴌𐴞 𐴉𐴠𐴓𐴝𐴘𐴁𐴡||

𐴊𐴟𐴐𐴧𐴡𐴕𐴠 𐴃𐴝𐴌𐴝𐴌 𐴀𐴠 𐴈𐴝𐴇𐴠𐴐𐴢 𐴀𐴡𐴑𐴧𐴡𐴓𐴡𐴌𐴠 𐴕𐴦𐴡𐴆𐴟𐴉𐴝 𐴁𐴤𐴡𐴓𐴑𐴠، 𐴃𐴝𐴌𐴝𐴌 “𐴌𐴞𐴣𐴋 𐴑𐴡𐴌𐴂𐴟𐴌𐴠𐴐𐴝𐴕” 𐴃𐴝𐴌 𐴌𐴠𐴂𐴌𐴟𐴄𐴡𐴃𐴢 𐴎𐴞𐴑𐴞𐴌 𐴒𐴡𐴙𐴅𐴧𐴠𐴊𐴠: 𐴑𐴞𐴁𐴡𐴓𐴞 𐴈𐴡𐴘𐴓𐴠 “𐴀𐴞𐴕𐴄𐴝𐴌𐴕𐴠𐴄𐴡𐴃𐴢 𐴏𐴞𐴙𐴑𐴞𐴘𐴟𐴌𐴞𐴄𐴞𐴌 𐴀𐴦𐴠𐴕 𐴀𐴠𐴑𐴧𐴝𐴕 𐴉𐴠𐴎𐴝𐴀𐴞 𐴔𐴝𐴇𐴡𐴗𐴓𐴢 𐴃𐴡𐴘𐴧𐴝𐴌 𐴒𐴡𐴌𐴡𐴕 𐴎𐴡𐴌𐴟𐴌𐴞”| 𐴃𐴝𐴌𐴝𐴌 𐴒𐴟𐴔𐴝𐴕 𐴔𐴡𐴃𐴝𐴁𐴠𐴑 𐴁𐴠𐴐𐴢 𐴀𐴥𐴞𐴏𐴧𐴝 𐴔𐴝𐴕𐴥𐴟𐴙𐴐𐴢 𐴏𐴞𐴌𐴞𐴉𐴢 𐴀𐴥𐴠 𐴉𐴠𐴎𐴝𐴀𐴞 𐴔𐴝𐴇𐴡𐴗𐴓𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴏𐴥𐴝𐴙𐴄 𐴀𐴡𐴑𐴧𐴡𐴓𐴡𐴌𐴠 𐴁𐴞𐴎𐴞𐴄 𐴒𐴡𐴌𐴝 𐴏𐴥𐴝𐴌𐴞 𐴊𐴞𐴁𐴡| 𐴀𐴝𐴌 𐴀𐴠𐴁𐴤𐴝𐴉𐴠 𐴔𐴝𐴙𐴕𐴐𐴥𐴡𐴌 𐴀𐴠𐴑 𐴁𐴡𐴌𐴡 𐴀𐴥𐴞𐴏𐴧𐴝 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴃𐴧𐴞 𐴊𐴟𐴌𐴥𐴠 𐴎𐴝𐴘𐴁𐴡𐴒𐴡𐴘| 𐴕𐴠𐴄 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡𐴘𐴝 𐴊𐴝𐴀𐴞 𐴁𐴤𐴝𐴘 𐴀𐴦𐴡𐴓𐴡𐴓𐴧𐴝 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴔𐴝𐴙𐴕𐴐𐴥𐴡𐴌 𐴀𐴠 𐴋𐴦𐴡𐴌𐴡𐴌 𐴀𐴠𐴓𐴝𐴅 𐴒𐴡𐴌𐴝| 𐴃𐴝𐴌𐴝𐴌𐴠 𐴁𐴟𐴎𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠, 𐴕𐴠𐴄𐴡𐴃𐴢 𐴏𐴞𐴌𐴞𐴉𐴢 𐴈𐴡𐴕𐴥𐴡 𐴔𐴡𐴗𐴎𐴟𐴌𐴠 𐴉𐴡𐴌𐴡𐴕 𐴘𐴥𐴝 𐴊𐴠𐴙𐴈𐴡𐴕𐴡𐴌 𐴎𐴡𐴌𐴞𐴘𐴝 𐴈𐴡𐴕𐴥𐴡 𐴕𐴟𐴏𐴧𐴝𐴕 𐴕𐴡𐴀𐴡| 𐴀𐴝𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴃𐴝𐴌𐴝𐴌𐴠 𐴀𐴦𐴠 𐴄𐴠𐴑𐴕𐴞𐴑 𐴀𐴝𐴊𐴧𐴠 𐴑𐴡𐴗𐴐𐴡𐴓𐴥𐴡 𐴐𐴥𐴞𐴑𐴝𐴘𐴁𐴡 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌𐴠 𐴇𐴠𐴉𐴝𐴎𐴡𐴃𐴢 𐴌𐴝𐴑𐴞𐴘𐴡𐴌𐴠 𐴀𐴝𐴏𐴦𐴝𐴕 𐴀𐴝𐴌 𐴀𐴠𐴃𐴔𐴞𐴕𐴝𐴕𐴡𐴌 𐴏𐴝𐴣𐴀𐴃𐴠 𐴊𐴝𐴖𐴡𐴃𐴡𐴌 𐴏𐴥𐴝𐴔𐴝𐴕𐴝 𐴇𐴝𐴏𐴠𐴓𐴢 𐴒𐴡𐴌𐴞𐴉𐴝𐴌𐴠||

𐴇𐴝𐴑𐴞𐴑𐴡𐴃𐴢 𐴀𐴥𐴡𐴘𐴓𐴊𐴠 𐴏𐴞𐴌𐴞𐴉𐴢 𐴅𐴞𐴇𐴝𐴊𐴞 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴁𐴞𐴎𐴞𐴄 𐴒𐴡𐴌𐴡𐴕 𐴀𐴝𐴊𐴧𐴠 𐴊𐴠𐴙𐴈𐴡𐴕𐴡𐴃𐴢 𐴈𐴡𐴕𐴥𐴡 𐴕𐴟𐴏𐴧𐴝𐴕 𐴕𐴡𐴀𐴡| 𐴕𐴟𐴏𐴧𐴝𐴕 𐴃𐴡𐴈𐴡𐴕 𐴀𐴥𐴡𐴘𐴁𐴡 𐴎𐴡𐴈𐴡 𐴅𐴞𐴇𐴝𐴊𐴡𐴌 𐴊𐴝𐴀𐴞𐴌 𐴏𐴥𐴡𐴕𐴧𐴝 𐴊𐴡𐴙𐴅𐴧𐴝 𐴀𐴝𐴓𐴧𐴝𐴇𐴌 𐴊𐴟𐴐𐴧𐴡𐴕𐴡𐴌𐴠 𐴔𐴟𐴅𐴝𐴇𐴠𐴊𐴢 𐴈𐴞𐴘𐴝𐴓𐴢 𐴒𐴡𐴌𐴝𐴎𐴝| 𐴃𐴝𐴌𐴝𐴌𐴠 𐴕𐴞𐴎𐴡𐴌 𐴀𐴝𐴏𐴡𐴓𐴞 𐴔𐴝𐴀𐴓𐴟𐴔𐴝𐴃𐴢 𐴊𐴡𐴀𐴕، 𐴃𐴝𐴌 𐴏𐴝𐴣𐴀𐴃𐴠 𐴀𐴦𐴡𐴉𐴓𐴝𐴘𐴕𐴡𐴌 𐴎𐴡𐴌𐴞𐴘𐴝 𐴃𐴝𐴀𐴓𐴧𐴟𐴑 𐴑𐴝𐴘𐴠𐴔𐴢 𐴒𐴡𐴌𐴡𐴕| 𐴊𐴟𐴏𐴡𐴌𐴝 𐴏𐴦𐴟𐴌𐴡𐴃𐴡𐴃𐴢 𐴅𐴞𐴇𐴝𐴊𐴡𐴌𐴠 𐴊𐴥𐴡𐴚𐴐𐴡 𐴒𐴡𐴌𐴠𐴊𐴠 𐴔𐴡𐴕𐴇𐴝𐴅𐴡𐴌𐴠 𐴏𐴥𐴡𐴀𐴞 𐴁𐴟𐴎𐴞 𐴑𐴡𐴁𐴟𐴓𐴢 𐴒𐴡𐴌𐴡𐴕| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴞𐴕𐴄𐴝𐴌𐴕𐴠𐴄𐴡𐴌 𐴔𐴡𐴑𐴧𐴝𐴌𐴞𐴌𐴠 𐴀𐴠 𐴊𐴟𐴘 𐴀𐴠𐴃𐴠𐴁𐴝𐴌𐴠 𐴁𐴟𐴎𐴡𐴕 𐴀𐴝𐴊𐴧𐴠 𐴀𐴠𐴒𐴞𐴕𐴡𐴃𐴧𐴞 𐴁𐴝𐴏𐴡𐴕 𐴎𐴡𐴌𐴟𐴌𐴞||

 

𐴏𐴝𐴙𐴓𐴢 𐴀𐴥𐴡𐴑𐴧𐴡𐴓𐴡𐴌 𐴃𐴞𐴕 𐴀𐴠𐴃𐴠𐴁𐴝𐴌𐴠 𐴔𐴟𐴑𐴝𐴁𐴠𐴓𐴝

𐴉𐴌𐴟𐴉𐴝𐴒𐴞𐴚𐴋𐴝𐴌 𐴏𐴝𐴣𐴀𐴃𐴠 𐴃𐴞𐴕 𐴃𐴡𐴌𐴞𐴑𐴝𐴓𐴡𐴘 𐴔𐴟𐴑𐴝𐴁𐴠𐴓𐴝 𐴒𐴡𐴌𐴝𐴎𐴝:

𐴉𐴡𐴘𐴓𐴝 𐴃𐴡𐴌𐴞𐴑𐴝: 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴀𐴠𐴓𐴡𐴔𐴢 𐴉𐴟𐴌𐴝𐴉𐴟𐴌𐴞 𐴇𐴝𐴏𐴠𐴓𐴢 𐴒𐴡𐴌𐴡𐴕| 𐴔𐴡𐴕𐴇𐴝𐴅 𐴇𐴝𐴌𐴠 𐴈𐴦𐴡؟ 𐴀𐴝𐴌 𐴘𐴦𐴝𐴕𐴡𐴌𐴠 𐴈𐴡𐴕 𐴎𐴝𐴒𐴝𐴃𐴧𐴞 𐴇𐴝𐴏𐴠𐴓𐴢 𐴒𐴡𐴌𐴝𐴎𐴝؟ 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴌𐴝𐴏𐴧𐴝𐴃𐴢 𐴀𐴝𐴘𐴧𐴠𐴊𐴠 𐴉𐴡𐴃𐴧𐴞 𐴔𐴡𐴏𐴞𐴁𐴡𐴃𐴡𐴌 𐴒𐴝𐴣𐴀𐴌𐴝 𐴀𐴝𐴊𐴧𐴠 𐴇𐴦𐴝𐴌 𐴑𐴡𐴐𐴔𐴡𐴑𐴡𐴐𐴡𐴌𐴠 𐴏𐴞𐴕𐴡𐴕 𐴎𐴡𐴌𐴟𐴌𐴞 𐴃𐴝𐴑𐴠 𐴄𐴥𐴠𐴚 𐴕𐴡 𐴏𐴡𐴏𐴧𐴡𐴌𐴝𐴉𐴝𐴕 𐴀𐴝𐴌 𐴒𐴡𐴓𐴡𐴃𐴢 𐴌𐴝𐴏𐴧𐴝𐴃𐴢 𐴕𐴡 𐴏𐴡𐴓𐴠𐴉𐴝𐴕| 𐴀𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴖𐴡𐴌𐴠 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴅𐴞𐴇𐴝𐴊𐴞 𐴉𐴞𐴑𐴞𐴌 𐴀𐴝𐴊𐴧𐴠 𐴔𐴡𐴕𐴇𐴝𐴅، 𐴅𐴝𐴘𐴠𐴎 𐴀𐴝𐴊𐴧𐴠 𐴕𐴝𐴅𐴝𐴘𐴠𐴎 𐴀𐴝𐴌 𐴉𐴝𐴘𐴊𐴝 𐴀𐴝𐴊𐴧𐴠 𐴕𐴟𐴏𐴧𐴝𐴕𐴡𐴌 𐴀𐴠𐴓𐴡𐴔𐴢، 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴔𐴟𐴃𐴡𐴁𐴡𐴌 𐴀𐴝𐴌 𐴔𐴡𐴐𐴦𐴟𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴑𐴝𐴘𐴠𐴊𐴢 𐴀𐴡𐴀𐴓𐴡𐴃𐴧𐴞 𐴇𐴝𐴏𐴠𐴓𐴢 𐴒𐴡𐴌𐴡𐴕||

𐴀𐴥𐴞𐴕𐴋𐴞𐴓𐴧𐴝 𐴇𐴥𐴝𐴌 𐴀𐴠𐴑𐴎𐴡𐴕 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴝𐴊𐴧𐴠 𐴔𐴟𐴅𐴞𐴇𐴞𐴊𐴞𐴕 𐴀𐴡𐴑𐴧𐴡𐴓𐴡𐴃𐴧𐴞 𐴑𐴟𐴐𐴞𐴐𐴢 𐴒𐴡𐴌𐴝 𐴉𐴡𐴌𐴞𐴁𐴡 𐴃𐴝𐴑𐴠 𐴏𐴥𐴡𐴀𐴞 𐴀𐴝𐴊𐴧𐴠 𐴒𐴡𐴓𐴡𐴃𐴢, 𐴉𐴝𐴘𐴊𐴝 𐴀𐴝𐴊𐴧𐴠 𐴕𐴟𐴏𐴧𐴝𐴕, 𐴉𐴞𐴑𐴞𐴌 𐴀𐴝𐴊𐴧𐴠 𐴀𐴝𐴔𐴡𐴓𐴡 𐴔𐴧𐴝𐴎𐴠 𐴔𐴠𐴇𐴝𐴌𐴡𐴃𐴡𐴌 𐴏𐴝𐴣𐴀𐴃𐴠 𐴉𐴡𐴌𐴡𐴑 𐴒𐴡𐴌𐴞 𐴉𐴝𐴌𐴠| 𐴀𐴝𐴌 𐴎𐴡𐴈𐴡𐴕 𐴈𐴡𐴕𐴥𐴡 𐴅𐴞𐴇𐴝𐴊𐴡𐴌 𐴊𐴟𐴐𐴧𐴡𐴕 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴘𐴥𐴝 𐴔𐴟𐴅𐴝𐴇𐴠𐴊𐴡𐴌 𐴁𐴥𐴠𐴃𐴢 𐴊𐴡𐴌𐴞 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴁𐴥𐴟𐴃𐴡𐴌𐴠 𐴏𐴟𐴌𐴝𐴈𐴢 𐴒𐴡𐴙𐴃𐴧𐴡 𐴏𐴦𐴝 𐴃𐴡𐴈𐴡𐴕 𐴅𐴡𐴓𐴊𐴞 𐴃𐴝𐴌𐴠 𐴒𐴠𐴌𐴡𐴉𐴃𐴝𐴌 𐴒𐴡𐴌𐴞 𐴉𐴝𐴌𐴠𐴉𐴝𐴕| 𐴀𐴥𐴠𐴕𐴋𐴞𐴓𐴧𐴝 𐴔𐴝𐴙𐴕𐴐𐴡𐴃𐴧𐴞 𐴕𐴞𐴎𐴠𐴘𐴥𐴡 𐴊𐴟𐴌𐴥𐴠 𐴃𐴝𐴑𐴡𐴕, 𐴃𐴝𐴌 𐴁𐴟𐴌𐴝𐴘𐴞𐴃𐴧𐴞 𐴊𐴟𐴏𐴡𐴌𐴝 𐴎𐴡𐴕𐴡𐴌𐴠𐴘𐴥𐴡 𐴇𐴟𐴐𐴞𐴘𐴝𐴌 𐴒𐴡𐴌𐴡𐴕 𐴀𐴝𐴌 𐴀𐴥𐴞𐴃𐴝𐴌𐴝𐴌𐴠 𐴁𐴞𐴓𐴑𐴟𐴓𐴢 𐴀𐴠𐴑𐴠𐴓𐴝 𐴒𐴡𐴌𐴞𐴊𐴡𐴕 𐴎𐴡𐴌𐴟𐴌𐴞| 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴕𐴝𐴇𐴞 𐴀𐴝𐴕𐴞𐴓𐴢 𐴔𐴟𐴕𐴑𐴡𐴌| 𐴀𐴝𐴌 𐴅𐴞𐴇𐴝𐴊𐴞 𐴇𐴝𐴃𐴝𐴌𐴡𐴃𐴢 𐴀𐴠 𐴉𐴤𐴡𐴌𐴡𐴎𐴡𐴌 𐴁𐴝𐴁𐴡𐴃𐴠 𐴒𐴡𐴉𐴡𐴓𐴡𐴃𐴞𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴃𐴧𐴞، 𐴐𐴝𐴦𐴔𐴢 𐴀𐴝𐴊𐴧𐴠 𐴀𐴞𐴌𐴝𐴑𐴡𐴃𐴧𐴞 𐴈𐴟𐴌𐴝𐴏𐴝𐴕 𐴉𐴡𐴙𐴅𐴧𐴡𐴕𐴃𐴡 𐴏𐴡𐴈𐴃𐴡 𐴕𐴟𐴏𐴧𐴝𐴕 𐴀𐴟𐴄𐴝 𐴉𐴡𐴙𐴅𐴧𐴠||

𐴊𐴟𐴏𐴡𐴌𐴝 𐴃𐴡𐴌𐴞𐴑𐴝: 𐴅𐴞𐴇𐴝𐴊𐴡𐴌 𐴑𐴝𐴘𐴠𐴊𐴢 𐴀𐴝𐴊𐴧𐴠 𐴔𐴡𐴙𐴊𐴝𐴕𐴠 𐴅𐴞𐴇𐴝𐴊𐴡𐴌 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴟𐴏𐴃𐴡𐴑𐴞𐴓𐴢 𐴌𐴝𐴁𐴠𐴃𐴝 𐴑𐴝𐴘𐴠𐴔𐴢 𐴒𐴡𐴌𐴡𐴕| 𐴀𐴠 𐴈𐴝𐴔𐴡𐴓𐴧𐴝 𐴕𐴠𐴄𐴡𐴌 𐴀𐴟𐴔𐴟𐴔𐴞 𐴖𐴡𐴏𐴞𐴓𐴝 𐴏𐴥𐴝𐴌𐴞 𐴌𐴝𐴁𐴠𐴃𐴝𐴌 𐴀𐴡 𐴕𐴠𐴎𐴝𐴔𐴡𐴌𐴠 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡𐴕 𐴎𐴠𐴍𐴠 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴀𐴡𐴎𐴝𐴕𐴝 𐴔𐴝𐴕𐴥𐴟𐴙𐴐𐴢 𐴊𐴝𐴈𐴠𐴓𐴢 𐴀𐴦𐴡𐴕 𐴔𐴟𐴔𐴑𐴞𐴕 𐴕𐴡𐴀| 𐴀𐴝𐴓𐴢-𐴇𐴝𐴔𐴊𐴟𐴓𐴞𐴓𐴧𐴝𐴇 𐴀𐴠 𐴕𐴠𐴎𐴝𐴔𐴢 𐴁𐴤𐴝𐴓𐴝 𐴁𐴝𐴉𐴠 𐴔𐴡𐴖𐴅𐴟𐴊𐴢 𐴀𐴝𐴏𐴠، 𐴀𐴞𐴁𐴝𐴌𐴠 𐴔𐴟𐴅𐴝𐴇𐴞𐴊𐴞𐴕𐴡𐴌 𐴀𐴠𐴏𐴃𐴠𐴓𐴝𐴃𐴢 𐴃𐴡𐴎𐴑𐴞𐴘𐴝𐴌 𐴕𐴠𐴎𐴝𐴔𐴢 𐴁𐴡𐴓𐴞 𐴈𐴡𐴀𐴡| 𐴀𐴞𐴁𐴝𐴌 𐴎𐴡𐴌𐴞𐴘𐴝 𐴀𐴝𐴓𐴢-𐴇𐴝𐴔𐴊𐴟𐴓𐴞𐴓𐴧𐴝𐴇 𐴈𐴟𐴌𐴝𐴏𐴝𐴕𐴡𐴃𐴧𐴞 𐴘𐴡𐴔𐴡𐴕 𐴀𐴝𐴌 𐴔𐴝𐴓𐴞 𐴉𐴡𐴙𐴅𐴧𐴡𐴕𐴃𐴡 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴑𐴥𐴟𐴂𐴢 𐴎𐴟𐴌𐴡𐴌 𐴏𐴝𐴣𐴀𐴃𐴠 𐴀𐴝𐴒𐴠 𐴁𐴝𐴌𐴝𐴃𐴢 𐴀𐴝𐴏𐴠||

𐴀𐴥𐴠𐴃𐴡𐴓𐴧𐴝𐴁𐴡𐴓𐴞 𐴈𐴡𐴕𐴥𐴡 𐴊𐴝𐴀𐴞 𐴀𐴝𐴌 𐴔𐴟𐴅𐴝𐴇𐴠𐴊𐴢 𐴎𐴡𐴊𐴞 𐴀𐴞𐴕𐴄𐴝𐴌𐴕𐴠𐴄𐴡𐴃𐴢 𐴀𐴡𐴕𐴡𐴌𐴠 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴔𐴟𐴓𐴝𐴑𐴝𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴔𐴝𐴀𐴔𐴠𐴓𐴝𐴌 𐴁𐴝𐴁𐴡𐴃𐴠 𐴔𐴡𐴊𐴡𐴊𐴢 𐴓𐴡𐴕 𐴘𐴥𐴝 𐴊𐴦𐴡𐴕𐴡𐴌 𐴔𐴟𐴃𐴝𐴀𐴓𐴧𐴠𐴑 𐴀𐴡𐴉𐴝𐴌 𐴒𐴡𐴌𐴠 𐴘𐴥𐴝 𐴅𐴞𐴇𐴝𐴊𐴞 𐴈𐴟𐴉𐴞𐴘𐴝 𐴔𐴝𐴀𐴓𐴟𐴔𐴝𐴃𐴢 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴠 𐴃𐴡𐴈𐴡𐴕 𐴀𐴥𐴞𐴁𐴝𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑𐴡𐴃𐴢 𐴏𐴡𐴈𐴃𐴡 𐴀𐴠𐴇𐴃𐴠𐴘𐴝𐴃𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴀𐴥𐴞𐴁𐴝𐴌 𐴔𐴟𐴃𐴝𐴀𐴓𐴧𐴠𐴑 𐴔𐴟𐴈𐴃𐴡𐴓𐴞𐴉𐴢 𐴃𐴡𐴌𐴞𐴑𐴝𐴓𐴡𐴘 𐴔𐴝𐴀𐴓𐴟𐴔𐴝𐴃𐴢 𐴇𐴝𐴏𐴠𐴓𐴢 𐴒𐴡𐴌𐴡𐴕| 𐴊𐴟𐴁𐴝𐴌𐴝 𐴀𐴝𐴌𐴡𐴎 𐴒𐴡𐴌𐴝𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠 𐴔𐴝𐴕𐴥𐴟𐴐𐴧𐴟𐴗𐴝𐴌 𐴁𐴝𐴁𐴡𐴃𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴇𐴝𐴑𐴞𐴑𐴞 𐴀𐴝𐴌 𐴔𐴟𐴀𐴃𐴡𐴁𐴡𐴌 𐴏𐴝𐴣𐴀𐴃𐴞𐴌 𐴎𐴡𐴌𐴞𐴘𐴝 𐴔𐴝𐴀𐴓𐴟𐴔𐴝𐴃𐴢 𐴓𐴡𐴖𐴝 𐴉𐴡𐴌𐴞𐴁𐴡| 𐴀𐴝𐴌 𐴀𐴠 𐴃𐴡𐴎𐴑𐴞𐴘𐴝 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴁𐴝𐴊𐴠 𐴃𐴝𐴌 𐴏𐴝𐴣𐴀𐴃𐴠 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴔𐴟𐴓𐴝𐴑𐴝𐴃𐴢 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴔𐴝𐴀𐴔𐴠𐴓𐴝𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴐𐴡𐴔𐴡𐴐𐴧𐴝 𐴕𐴥𐴝𐴘| 𐴀𐴞𐴕𐴋𐴞𐴓𐴧𐴝 𐴃𐴡𐴎𐴑𐴞𐴘𐴝 𐴇𐴝𐴏𐴠𐴓𐴢 𐴒𐴡𐴌𐴡𐴕 𐴈𐴡𐴕𐴥𐴡 𐴔𐴡𐴐𐴑𐴞𐴓𐴢 𐴕𐴡𐴀𐴡|

𐴀𐴞𐴕𐴄𐴝𐴌𐴕𐴠𐴄𐴡𐴃𐴢 𐴀𐴝𐴓𐴢-𐴇𐴝𐴔𐴊𐴟𐴓𐴞𐴓𐴧𐴝𐴇 𐴔𐴟𐴅𐴝𐴇𐴞𐴊𐴞𐴕 𐴀𐴡𐴑𐴧𐴡𐴓𐴡𐴌 𐴕𐴟𐴔𐴝𐴘𐴞𐴕𐴊𐴝 𐴒𐴡𐴌𐴡𐴘𐴝 𐴖𐴠𐴁𐴏𐴝𐴙𐴄 𐴀𐴝𐴌 𐴆𐴠𐴕𐴠𐴓𐴢 𐴀𐴡𐴑𐴧𐴡𐴓𐴢 𐴔𐴡𐴖𐴅𐴟𐴊𐴢 𐴀𐴝𐴏𐴠| 𐴎𐴞𐴒𐴞𐴕𐴡𐴌 𐴎𐴞𐴔𐴧𐴝𐴊𐴝𐴌𐴞 𐴔𐴟𐴃𐴡𐴔𐴡𐴊𐴢 𐴔𐴟𐴅𐴝𐴇𐴞𐴊𐴢 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴡𐴌 𐴀𐴥𐴝𐴃𐴡𐴃𐴢 𐴔𐴡𐴗𐴅𐴟𐴊𐴢 𐴀𐴝𐴏𐴠 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴌𐴝𐴁𐴠𐴃𐴝 𐴒𐴡𐴌𐴝𐴎𐴝||

𐴃𐴠𐴏𐴝𐴌𐴝 𐴃𐴡𐴌𐴞𐴑𐴝 𐴀𐴥𐴡𐴘𐴓𐴊𐴠: 𐴎𐴠 𐴈𐴝𐴔𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴢 𐴀𐴝𐴌 𐴅𐴞𐴇𐴝𐴊𐴡𐴌𐴠 𐴔𐴝𐴇𐴉𐴟𐴎 𐴒𐴡𐴌𐴡𐴕 𐴎𐴡𐴌𐴟𐴌𐴞, 𐴘𐴦𐴝𐴕 𐴀𐴡𐴘𐴓𐴊𐴠 𐴔𐴟𐴅𐴝𐴇𐴞𐴊𐴞𐴕 𐴀𐴡𐴑𐴧𐴡𐴓𐴡𐴌 𐴀𐴞𐴕𐴄𐴠𐴓𐴞𐴅𐴠𐴕𐴏𐴢 𐴀𐴠𐴊𐴝𐴀𐴌𐴝𐴌𐴠 (Intelligence System) 𐴉𐴤𐴡𐴙𐴓𐴡𐴕 𐴀𐴝𐴊𐴧𐴠 𐴔𐴡𐴎𐴁𐴟𐴃𐴢 𐴒𐴡𐴌𐴡𐴕| 𐴀𐴠 𐴕𐴠𐴎𐴝𐴔𐴥𐴡 𐴀𐴝𐴓𐴢-𐴇𐴝𐴔𐴊𐴟𐴓𐴞𐴓𐴧𐴝𐴇 𐴔𐴡𐴗𐴅𐴟𐴊𐴢 𐴀𐴝𐴏𐴠 𐴑𐴞𐴕𐴃𐴟 𐴘𐴦𐴝𐴕𐴡𐴌𐴠 𐴀𐴝𐴇𐴓𐴠 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴃𐴡𐴅𐴌𐴟𐴁𐴝 𐴖𐴝𐴓𐴝 𐴀𐴠𐴕𐴋𐴞𐴓𐴧𐴝 𐴏𐴝𐴣𐴀𐴃𐴞𐴌 𐴔𐴝𐴃𐴝𐴇𐴝𐴃𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞, 𐴎𐴝𐴌𐴝𐴌 𐴕𐴡𐴎𐴡𐴌 𐴒𐴤𐴠𐴌𐴝𐴘𐴞 𐴀𐴝𐴌 𐴃𐴝𐴌𐴝𐴌 𐴕𐴠𐴒𐴠𐴌𐴝𐴕𐴞𐴃𐴢 𐴈𐴡𐴕𐴥𐴡 𐴁𐴠𐴒𐴟𐴕𐴤𐴝 𐴔𐴝𐴙𐴕𐴐𐴥𐴡𐴌 𐴕𐴟𐴏𐴧𐴝𐴕 𐴕𐴡𐴀𐴡 𐴀𐴝𐴌 𐴈𐴡𐴕𐴥𐴡 𐴔𐴟𐴅𐴌𐴠𐴔𐴢 𐴀𐴝𐴏𐴦𐴝𐴕𐴞𐴌 𐴏𐴝𐴣𐴀𐴃𐴠 𐴀𐴥𐴝𐴌𐴞𐴎𐴝𐴘 𐴕𐴡𐴉𐴝𐴌𐴠||

𐴎𐴡𐴊𐴞 𐴖𐴡𐴌𐴡𐴌 𐴃𐴞𐴕𐴥𐴡 𐴉𐴟𐴖𐴝𐴣𐴙𐴄𐴡𐴌 𐴁𐴝𐴁𐴡𐴃𐴠 𐴀𐴠𐴇𐴃𐴠𐴔𐴝𐴔𐴢 𐴒𐴡𐴌𐴝𐴎𐴝 𐴃𐴡𐴘𐴓𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴈𐴝𐴣𐴀𐴏𐴠 𐴀𐴝𐴐𐴥𐴝 𐴒𐴡𐴌𐴝𐴎𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴇𐴠𐴉𐴝𐴎𐴡𐴃𐴥𐴡 𐴀𐴥𐴡𐴘𐴁𐴡 𐴀𐴝𐴌 𐴉𐴥𐴟𐴗𐴝𐴣𐴃𐴞 𐴉𐴥𐴟𐴗𐴝𐴣𐴃𐴞 𐴅𐴝𐴏𐴟𐴏𐴢 𐴀𐴝𐴊𐴧𐴠 𐴊𐴝𐴓𐴝𐴓𐴢 𐴀𐴡𐴑𐴧𐴡𐴓𐴡 𐴓𐴧𐴝𐴘𐴥𐴡 𐴎𐴡𐴁𐴞𐴕 𐴃𐴡𐴚 𐴀𐴥𐴡𐴘 𐴎𐴝𐴘𐴁𐴡𐴘| 𐴀𐴠𐴁𐴤𐴝𐴉𐴠 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴇𐴡𐴑𐴟𐴔𐴠 𐴁𐴡𐴌𐴡 𐴁𐴡𐴌𐴡 𐴊𐴤𐴟𐴑𐴝𐴁𐴝𐴎𐴥𐴡 𐴀𐴝𐴇𐴓𐴠 𐴅𐴞𐴇𐴝𐴊𐴡𐴌𐴠 𐴁𐴡𐴌𐴡 𐴈𐴡𐴕𐴥𐴡 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘 𐴕𐴡𐴉𐴝𐴌𐴞𐴁𐴡| 𐴏𐴡𐴘𐴧𐴠𐴊𐴟𐴕𐴝 𐴇𐴡𐴎𐴌𐴡𐴃𐴢 𐴀𐴟𐴔𐴡𐴌 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟 𐴈𐴠𐴘𐴧𐴠𐴊𐴠:

ليست بالخب والخب لا يخدعني

𐴘𐴦𐴝𐴕𐴞 “𐴀𐴝𐴀𐴛 𐴕𐴞𐴎𐴠 𐴊𐴟𐴤𐴑𐴝 𐴁𐴝𐴎𐴞 𐴕𐴡𐴒𐴡𐴌𐴞 𐴀𐴝𐴌 𐴈𐴡𐴕𐴥𐴑𐴞𐴘𐴝 𐴀𐴝𐴣𐴀𐴌𐴠 𐴊𐴤𐴟𐴑𐴝𐴃𐴢 𐴉𐴥𐴠𐴓𐴝𐴘 𐴕𐴡𐴉𐴝𐴌𐴞𐴁𐴡”

𐴘𐴦𐴝𐴕 𐴎𐴞𐴕𐴊𐴞𐴒𐴞𐴌 𐴉𐴡𐴃𐴧𐴞 𐴏𐴞𐴏𐴡𐴌 𐴀𐴠𐴃𐴠𐴁𐴝𐴌𐴠 𐴃𐴝𐴑𐴡𐴕 𐴎𐴡𐴌𐴟𐴌𐴞, 𐴀𐴝𐴌 𐴅𐴞𐴇𐴝𐴊𐴡𐴌 𐴁𐴝𐴁𐴡𐴃𐴠 𐴀𐴝𐴌𐴥𐴡 𐴁𐴠𐴐𐴞 𐴇𐴟𐴐𐴞𐴘𐴝𐴌𐴞𐴌 𐴎𐴡𐴌𐴟𐴌𐴡𐴃𐴢، 𐴀𐴝𐴌 𐴀𐴞𐴕𐴋𐴞𐴓𐴧𐴝 𐴀𐴠𐴇𐴃𐴠𐴘𐴝𐴃𐴢 𐴀𐴞𐴔𐴝𐴕 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴃𐴡𐴑𐴝𐴎𐴝||

 

𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴡𐴌 𐴈𐴝𐴣𐴀𐴏𐴠 𐴑𐴞𐴏𐴧𐴟 𐴀𐴝𐴌𐴡𐴎

𐴀𐴝𐴣𐴀𐴌𐴝 𐴊𐴝𐴖𐴡𐴃𐴡𐴌 𐴔𐴡𐴗𐴎𐴟𐴌 𐴔𐴞𐴑𐴧𐴝 𐴉𐴞𐴌𐴞𐴎𐴝𐴘| 𐴀𐴝𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴔𐴞𐴋𐴞𐴘𐴝𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴠𐴊𐴠 𐴁𐴤𐴝𐴘 𐴀𐴦𐴡𐴓𐴡𐴌 𐴁𐴝𐴁𐴡𐴃𐴠 𐴑𐴞𐴏𐴧𐴟 𐴀𐴝𐴌𐴡𐴎𐴢 𐴒𐴡𐴌𐴞𐴌| 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴀𐴝𐴐𐴥𐴝 𐴒𐴡𐴌𐴞𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴈𐴡𐴃𐴝𐴒𐴞𐴕 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴃𐴡𐴌𐴡𐴑𐴧𐴞𐴃𐴢 𐴔𐴡𐴊𐴡𐴃𐴢 𐴒𐴝𐴌 𐴏𐴝𐴁𐴠𐴃𐴢 𐴀𐴥𐴡𐴘𐴁𐴡 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴇𐴠𐴉𐴝𐴎𐴡𐴃𐴡 𐴔𐴧𐴝𐴎𐴠𐴘𐴥𐴡 𐴈𐴝𐴔𐴡𐴃𐴢 𐴀𐴝𐴘𐴁𐴡 𐴀𐴞𐴚 𐴐𐴦𐴝 𐴀𐴝𐴓𐴧𐴝||

𐴱) 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴃𐴢 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴏𐴞𐴘𐴝𐴏𐴞 𐴃𐴝𐴇𐴌𐴞𐴑𐴡𐴃𐴢 𐴁𐴡𐴊𐴡𐴓𐴞 𐴕𐴡𐴎𐴡𐴕| 𐴃𐴝𐴌𐴝𐴌 𐴔𐴡𐴏𐴧𐴟𐴊𐴢 𐴇𐴡𐴑𐴟𐴔𐴡𐴃𐴡𐴌 𐴔𐴡𐴏𐴕𐴡𐴊𐴡𐴌𐴠 𐴀𐴠𐴑 𐴉𐴡𐴌𐴞𐴑𐴡𐴃𐴧𐴞 𐴓𐴡𐴘 𐴀𐴝𐴌𐴠𐴑 𐴉𐴡𐴌𐴞𐴑𐴡𐴌 𐴔𐴞𐴑𐴧𐴝 𐴇𐴝𐴖𐴝𐴓𐴝 𐴒𐴡𐴌𐴡𐴘𐴝 𐴏𐴞𐴌𐴞𐴉𐴢 𐴏𐴞𐴘𐴝𐴏𐴞 𐴅𐴟𐴊𐴧𐴡-𐴅𐴠𐴇𐴠𐴃𐴢 𐴕𐴡𐴀𐴡𐴉𐴝𐴕| 𐴀𐴞𐴕𐴋𐴞𐴓𐴧𐴝 𐴀𐴥𐴡𐴘𐴓𐴠 𐴃𐴡𐴈𐴡𐴕 𐴅𐴞𐴇𐴝𐴊𐴢 𐴉𐴞 𐴏𐴝𐴁𐴞𐴓𐴞𐴓𐴧𐴝𐴇 𐴕𐴡𐴃𐴝𐴑𐴞𐴁𐴡||

𐴀𐴝𐴣𐴀𐴌𐴝𐴃𐴧𐴞 𐴘𐴦𐴝𐴊𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴅𐴞𐴇𐴝𐴊𐴢 𐴉𐴞𐴏𐴝𐴁𐴞𐴓𐴞𐴓𐴧𐴝𐴇 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴁𐴠𐴒𐴧𐴞𐴕𐴡𐴃𐴧𐴞 𐴉𐴡𐴏𐴡𐴕 𐴀𐴡𐴓𐴝 𐴀𐴠𐴁𐴝𐴊𐴡𐴃𐴢| 𐴀𐴝𐴌 𐴘𐴦𐴝𐴕 𐴃𐴡𐴈𐴡𐴕 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴀𐴠𐴁𐴝𐴊𐴡𐴃𐴢 𐴃𐴝𐴑𐴞𐴁𐴡 𐴎𐴡𐴈𐴡𐴕 𐴘𐴦𐴝𐴕𐴡𐴌 𐴇𐴦𐴝𐴌 𐴔𐴞𐴑𐴧𐴝𐴃𐴧𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴏𐴝𐴣𐴀𐴃𐴠 𐴒𐴤𐴠𐴌𐴝𐴘𐴞 𐴃𐴝𐴀𐴓𐴧𐴟𐴑 𐴌𐴝𐴑𐴝𐴎𐴝 𐴀𐴝𐴌 𐴏𐴟𐴕𐴧𐴡𐴃𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴝𐴎𐴝| 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴀𐴝𐴊𐴧𐴠 𐴏𐴟𐴕𐴧𐴡𐴃𐴠 𐴌𐴡𐴏𐴦𐴟𐴥𐴓𐴢 𐴏𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴠 𐴉𐴝𐴁𐴡𐴕𐴊𐴞 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴢، 𐴔𐴞𐴋𐴞𐴘𐴝 𐴀𐴝𐴌 𐴅𐴞𐴇𐴝𐴊𐴡𐴌 𐴉𐴡𐴃𐴧𐴞 𐴀𐴝𐴔𐴡𐴓𐴡𐴃𐴢 𐴎𐴝𐴇𐴠𐴌 𐴁𐴝𐴇𐴠𐴌 𐴕𐴡𐴎𐴡𐴌𐴡𐴃𐴢 𐴀𐴝𐴀 𐴉𐴡𐴌𐴞𐴁𐴡||

𐴲) 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴏𐴞𐴌𐴞𐴉𐴢 𐴉𐴥𐴞𐴑𐴌𐴞 𐴔𐴡𐴗𐴎𐴟𐴌 𐴃𐴡𐴎𐴑𐴝𐴌𐴝 𐴕𐴡𐴒𐴡𐴌𐴞𐴁𐴡| 𐴑𐴡𐴓𐴡𐴁𐴢 𐴀𐴝𐴊𐴧𐴠 𐴌𐴟𐴀𐴇𐴌𐴠 𐴏𐴝𐴉𐴢 𐴌𐴝𐴑𐴡𐴕 𐴀𐴝𐴌 𐴀𐴝𐴈𐴓𐴝𐴑 𐴀𐴝𐴊𐴧𐴠 𐴑𐴞𐴌𐴊𐴝𐴌𐴡𐴌 𐴀𐴠𐴃𐴠𐴁𐴝𐴌𐴠 𐴏𐴟𐴕𐴧𐴡𐴃𐴠 𐴕𐴡𐴁𐴡𐴖𐴞𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴕 𐴁𐴠𐴐𐴞 𐴀𐴝𐴇𐴥𐴝𐴔𐴢| 𐴘𐴦𐴝𐴕𐴥𐴡 𐴊𐴝𐴖𐴡𐴃𐴡𐴌 𐴁𐴟𐴕𐴞𐴘𐴝𐴊𐴞 𐴃𐴝𐴌𐴒𐴠𐴄| 𐴀𐴥𐴠 𐴈𐴡𐴃𐴝𐴓𐴧𐴝 𐴅𐴞𐴇𐴝𐴊𐴡𐴌 𐴊𐴝𐴀𐴞𐴃𐴧𐴞 𐴃𐴡𐴎𐴑𐴞𐴘𐴝, 𐴀𐴠𐴇𐴏𐴝𐴕 𐴀𐴝𐴊𐴧𐴠 𐴏𐴞𐴌𐴡𐴃𐴢 𐴀𐴝𐴌 𐴀𐴝𐴈𐴓𐴝𐴑𐴡𐴌𐴠 𐴁𐴤𐴝𐴓𐴝 𐴁𐴝𐴕𐴝𐴘𐴁𐴝𐴌 𐴔𐴡𐴗𐴎𐴟𐴌𐴠𐴘𐴥𐴡 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴊𐴝𐴖𐴡𐴃𐴡𐴌 𐴀𐴥𐴞𐴏𐴧𐴝 𐴁𐴝𐴕𐴡𐴕 𐴏𐴦𐴝| 𐴘𐴦𐴝𐴕𐴡𐴌 𐴎𐴡𐴌𐴞𐴘𐴝 𐴊𐴝𐴀𐴞𐴌 𐴕𐴞𐴎𐴡𐴌𐴥𐴡 𐴉𐴝𐴘𐴊𐴝 𐴀𐴥𐴡𐴘𐴁𐴡 𐴀𐴝𐴌 𐴕𐴞𐴎𐴡𐴌 𐴔𐴟𐴈𐴝𐴃𐴡𐴁𐴡𐴌𐴥𐴡| 𐴎𐴡𐴊𐴞 𐴀𐴠𐴒𐴞𐴕𐴡𐴌 𐴀𐴠𐴇𐴃𐴠𐴔𐴝𐴔𐴢 𐴒𐴡𐴌𐴝 𐴕𐴡𐴎𐴝 𐴃𐴡𐴈𐴡𐴕 𐴊𐴞𐴓𐴢 𐴏𐴡𐴈𐴃𐴡 𐴀𐴥𐴡𐴘 𐴎𐴝𐴘𐴁𐴡𐴘 𐴀𐴝𐴌 𐴑𐴡𐴓𐴡𐴁𐴡𐴌 𐴀𐴠 𐴏𐴥𐴡𐴈𐴃𐴞𐴌 𐴎𐴡𐴌𐴞𐴘𐴝 𐴉𐴞𐴃𐴞𐴕 𐴎𐴟𐴁𐴝𐴕 𐴀𐴝𐴊𐴧𐴠 𐴑𐴞𐴌𐴊𐴝𐴌 𐴀𐴦𐴠𐴕 𐴁𐴡𐴊𐴢 𐴏𐴦𐴟𐴌𐴡𐴃𐴡𐴃𐴢 𐴁𐴡𐴊𐴡𐴓𐴞 𐴎𐴝𐴘𐴁𐴡𐴘 𐴎𐴝𐴌 𐴎𐴡𐴌𐴞𐴘𐴝 𐴊𐴝𐴀𐴞 𐴕𐴞𐴎𐴠𐴘𐴥𐴡 𐴊𐴥𐴡𐴚𐴐𐴡 𐴀𐴥𐴡𐴘𐴎𐴝𐴘𐴁𐴡𐴘 𐴀𐴝𐴌 𐴊𐴝𐴖𐴡𐴃𐴠 𐴅𐴞𐴇𐴝𐴊𐴡𐴌𐴡 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴁𐴡||

𐴳) 𐴎𐴠𐴃𐴧𐴡𐴃𐴢 𐴑𐴡𐴗𐴓𐴢 𐴀𐴝𐴊𐴧𐴠 𐴉𐴠𐴀𐴠𐴓𐴢 𐴊𐴟𐴕𐴞𐴘𐴝𐴕 𐴏𐴥𐴡𐴀𐴞 𐴀𐴥𐴡𐴘𐴁𐴡𐴓𐴧𐴝 𐴐𐴡𐴌𐴀𐴞 𐴀𐴠𐴓𐴡𐴔𐴢 𐴃𐴝𐴑𐴡𐴕 𐴎𐴡𐴌𐴟𐴌𐴞، 𐴑𐴞𐴕𐴃𐴟 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴀𐴝𐴌𐴥𐴡 𐴁𐴠𐴐𐴞 𐴀𐴠𐴇𐴃𐴠𐴘𐴝𐴃𐴢 𐴊𐴡𐴌𐴈𐴝𐴌، 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴥𐴞𐴁𐴝 𐴀𐴝𐴌𐴠𐴑 𐴎𐴡𐴕𐴡𐴌𐴠 𐴀𐴠𐴑𐴧𐴝𐴕 𐴈𐴦𐴝𐴏𐴢 𐴉𐴞𐴑𐴞𐴌 𐴀𐴝𐴌 𐴑𐴟𐴐𐴞𐴐𐴡𐴌 𐴃𐴡𐴌𐴡𐴉𐴢 𐴋𐴝𐴑𐴠𐴌, 𐴀𐴥𐴠 𐴈𐴡𐴃𐴝𐴓𐴧𐴝 𐴊𐴝𐴖𐴡𐴃𐴡𐴌 𐴁𐴝𐴁𐴡𐴃𐴠 𐴏𐴥𐴡𐴀𐴞 𐴀𐴠𐴓𐴡𐴔𐴡𐴌 𐴎𐴡𐴌𐴟𐴌𐴡𐴃𐴢 𐴀𐴝𐴌𐴥𐴡 𐴁𐴠𐴐𐴞 𐴁𐴝𐴌𐴞 𐴎𐴝𐴒𐴡𐴘| 𐴀𐴠 𐴔𐴡𐴏𐴧𐴟𐴊𐴡𐴌 𐴈𐴝𐴃𐴠𐴌𐴠 (𐴀𐴞𐴕𐴄𐴝𐴌𐴕𐴠𐴄𐴡𐴌 𐴖𐴡𐴌𐴠) 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕𐴡𐴌 𐴎𐴠 𐴁𐴤𐴝𐴘 𐴀𐴦𐴡𐴓𐴠 𐴎𐴞𐴔𐴧𐴝𐴊𐴝𐴌𐴞 𐴓𐴡𐴘𐴧𐴠، 𐴃𐴝𐴌𐴝𐴓𐴧𐴝𐴘 𐴁𐴡𐴓𐴞 𐴊𐴞𐴕𐴡𐴌 𐴀𐴠𐴓𐴡𐴔𐴢 𐴀𐴝𐴌 𐴅𐴞𐴇𐴝𐴊𐴡𐴌 𐴁𐴟𐴎 𐴁𐴝𐴌𐴡𐴕 𐴀𐴝𐴊𐴧𐴠 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴌𐴠 𐴁𐴠𐴇𐴠𐴃𐴡𐴌 𐴒𐴡𐴌𐴝𐴌 𐴃𐴡𐴌𐴡𐴉𐴢 𐴈𐴦𐴝𐴏𐴢 𐴁𐴝𐴉𐴠 𐴃𐴡𐴖𐴝𐴅𐴧𐴟 𐴊𐴡𐴀𐴕 𐴎𐴡𐴌𐴟𐴌𐴞||

𐴀𐴠 𐴈𐴝𐴔𐴡𐴓𐴧𐴝 𐴁𐴡𐴓𐴞 𐴊𐴟𐴏𐴡𐴌𐴝 𐴀𐴝𐴇𐴝𐴓𐴠 𐴀𐴠𐴓𐴡𐴔𐴡𐴌 𐴀𐴠𐴓𐴝𐴖𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴔𐴟𐴃𐴡𐴁𐴡𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴃𐴝𐴌𐴝𐴌 𐴑𐴞𐴃𐴝𐴁𐴢 𐴀𐴡𐴑𐴧𐴡𐴓𐴡𐴌 𐴔𐴞𐴑𐴧𐴝 𐴌𐴟𐴅𐴟 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴁𐴠𐴐𐴞 𐴁𐴠𐴇𐴠𐴃𐴡𐴌 𐴀𐴡𐴘𐴁𐴡𐴊𐴠 𐴎𐴡𐴊𐴞 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴔𐴞𐴋𐴞𐴘𐴝𐴌 𐴈𐴝𐴔𐴡𐴌𐴠 𐴉𐴟𐴌𐴝𐴉𐴟𐴌 𐴁𐴤𐴝𐴉𐴠 𐴀𐴝𐴇𐴝𐴓𐴠 𐴀𐴠𐴓𐴡𐴔𐴡𐴌 𐴕𐴠𐴒𐴌𐴝𐴕𐴞 𐴔𐴧𐴝𐴎𐴠 𐴀𐴝𐴕𐴅𐴝𐴔𐴢 𐴊𐴞𐴘𐴝𐴎𐴝| 𐴃𐴝𐴌 𐴖𐴡𐴅𐴝 𐴀𐴥𐴡𐴘𐴓𐴊𐴠 𐴏𐴥𐴡𐴌𐴏𐴡𐴌𐴞 𐴀𐴠𐴓𐴡𐴔𐴡𐴌 𐴎𐴡𐴌𐴞𐴘𐴝 𐴁𐴠𐴙𐴑𐴝𐴌 𐴀𐴝𐴌 𐴒𐴡𐴓𐴡𐴃𐴢-𐴏𐴡𐴓𐴡𐴃𐴢 𐴁𐴡𐴇𐴡𐴏𐴝 𐴁𐴡𐴇𐴡𐴏𐴞 𐴀𐴥𐴡𐴘𐴁𐴡، 𐴑𐴞𐴕𐴃𐴟 𐴎𐴞𐴘𐴝𐴕 𐴊𐴝𐴖𐴡𐴃𐴡𐴌 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴘𐴦𐴝𐴕 𐴀𐴥𐴡𐴘 𐴕𐴡𐴉𐴝𐴌𐴠| 𐴅𐴞𐴇𐴝𐴊𐴡𐴌 𐴊𐴝𐴀𐴞𐴓𐴧𐴝 𐴀𐴠𐴈𐴡𐴃𐴝 𐴎𐴝𐴕𐴡𐴕𐴢 𐴇𐴦𐴝𐴌 𐴏𐴟𐴌𐴡𐴃𐴡𐴃𐴢 𐴓𐴝𐴎𐴠𐴔𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴞𐴁𐴝 𐴎𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴃𐴡𐴎𐴑𐴝𐴌𐴝 𐴒𐴡𐴌𐴞𐴁𐴡 𐴃𐴝𐴌 𐴂𐴡𐴌𐴡𐴎 𐴖𐴝𐴅𐴞𐴁𐴢 𐴔𐴟𐴏𐴃𐴝𐴇𐴁𐴢 𐴀𐴝𐴌 𐴀𐴝𐴊𐴡𐴁𐴡𐴌 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴝 𐴉𐴡𐴌𐴞𐴁𐴡||

𐴴) 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴏𐴥𐴡𐴈𐴃𐴞، 𐴃𐴝𐴀𐴝𐴕-𐴃𐴡𐴐𐴕𐴞, 𐴒𐴡𐴓𐴡𐴃𐴢 𐴓𐴡𐴑𐴡𐴁𐴢 𐴀𐴝𐴊𐴧𐴠 𐴇𐴥𐴝𐴌 𐴑𐴞𐴏𐴞𐴔𐴡𐴌 𐴁𐴟𐴌𐴝 𐴀𐴝𐴓𐴉𐴝𐴎𐴡𐴃𐴧𐴞 𐴁𐴝𐴏𐴞 𐴃𐴝𐴑𐴡𐴕| 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴊𐴝𐴀𐴞𐴌 𐴈𐴡𐴃𐴝 𐴏𐴥𐴝𐴉𐴢 𐴏𐴟𐴃𐴝𐴌𐴝, 𐴕𐴡𐴌𐴡𐴔𐴢, 𐴀𐴝𐴌 𐴊𐴞𐴓𐴢 𐴀𐴝𐴊𐴧𐴠 𐴎𐴠𐴇𐴠𐴕𐴡𐴌𐴠 𐴔𐴝𐴘𐴠𐴓𐴢 𐴒𐴡𐴌𐴡𐴘𐴝 𐴊𐴡𐴓𐴞𐴓𐴢 𐴀𐴝𐴌 𐴃𐴡𐴌𐴞𐴑𐴝𐴌 𐴖𐴡𐴌𐴠 𐴀𐴦𐴡𐴕| 𐴀𐴠𐴈𐴡𐴃𐴝𐴌 𐴔𐴞𐴑𐴧𐴝𐴘𐴥𐴡 𐴈𐴞𐴘𐴝𐴓𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴎𐴝𐴌𐴝𐴌 𐴏𐴝𐴣𐴀𐴃𐴠 𐴁𐴡𐴇𐴡𐴏𐴢 𐴔𐴟𐴁𐴝𐴇𐴝𐴏𐴝 𐴒𐴡𐴌𐴝𐴎𐴝𐴌، 𐴀𐴥𐴠 𐴎𐴝𐴒𐴝𐴃𐴢 𐴏𐴞𐴌𐴞𐴉𐴢 𐴃𐴝𐴌𐴝 𐴊𐴝𐴖𐴡𐴃𐴡𐴌 𐴔𐴟𐴈𐴝𐴃𐴡𐴁𐴢 𐴕𐴡𐴃𐴝𐴑𐴠۔ 𐴁𐴤𐴡𐴓𐴑𐴠 𐴔𐴟𐴈𐴝𐴃𐴡𐴁𐴢 𐴀𐴡 𐴏𐴝𐴔𐴠𐴀𐴞𐴕 𐴀𐴝𐴊𐴧𐴠 𐴊𐴠𐴙𐴈𐴡𐴘𐴝 𐴀𐴡𐴑𐴧𐴡𐴓𐴥𐴡 𐴃𐴝𐴑𐴠 𐴎𐴝𐴌𐴝 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴏𐴝𐴁𐴟𐴌𐴄𐴝𐴌 𐴕𐴡𐴀𐴡𐴘𐴓𐴠𐴘𐴡 𐴑𐴞𐴕𐴃𐴟 𐴊𐴟𐴕𐴟 𐴉𐴡𐴌𐴞𐴑𐴡𐴌 𐴊𐴡𐴓𐴞𐴓𐴢 𐴀𐴝𐴌 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝𐴌 𐴁𐴝𐴁𐴡𐴃𐴠 𐴃𐴝𐴇𐴑𐴞𐴑 𐴒𐴡𐴌𐴠||

𐴎𐴡𐴊𐴞 𐴏𐴡𐴁𐴡𐴌 𐴀𐴝𐴌 𐴀𐴝𐴈𐴓𐴝𐴑𐴡𐴌 𐴏𐴝𐴣𐴀𐴃𐴠 𐴊𐴡𐴓𐴞𐴓𐴡𐴌 𐴖𐴡𐴌𐴠 𐴔𐴝𐴇𐴝𐴊𐴟𐴊𐴢 𐴃𐴝𐴑𐴠 𐴃𐴡𐴘𐴓𐴠 𐴀𐴥𐴠 𐴏𐴝𐴁𐴟𐴌𐴄𐴠𐴌 𐴕𐴡𐴀𐴊𐴠 𐴔𐴝𐴙𐴕𐴐𐴥𐴡𐴌 𐴖𐴡𐴌𐴠𐴘𐴥𐴡 𐴀𐴝𐴏𐴡𐴌 𐴉𐴡𐴌𐴞𐴁𐴡 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴓𐴝𐴌 𐴃𐴡𐴗𐴉𐴞𐴑𐴠 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠𐴘𐴥𐴡 𐴁𐴦𐴡𐴗𐴃𐴑𐴞𐴘𐴝 𐴊𐴝𐴖𐴡𐴃𐴡𐴌 𐴔𐴡𐴊𐴡𐴊𐴒𐴝𐴌 𐴁𐴡𐴕𐴞 𐴎𐴝𐴘𐴁𐴡𐴘| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴣𐴤𐴀𐴌𐴝𐴌 𐴃𐴡𐴌𐴞𐴑𐴝 𐴀𐴞𐴕𐴋𐴞𐴓𐴧𐴝 𐴕𐴡𐴀𐴡𐴉𐴝𐴕، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴔𐴟𐴈𐴝𐴃𐴡𐴁𐴢 𐴕𐴡𐴌𐴡𐴔𐴢 𐴀𐴥𐴡𐴘𐴓𐴠 𐴀𐴝𐴣𐴀𐴌𐴝𐴘𐴥𐴡 𐴕𐴡𐴌𐴡𐴔𐴢 𐴏𐴟𐴓𐴟𐴑 𐴒𐴡𐴙𐴅𐴧𐴟𐴔𐴢| 𐴁𐴤𐴡𐴓𐴑𐴠 𐴔𐴟𐴈𐴝𐴓𐴡𐴉𐴞 𐴀𐴝𐴊𐴧𐴠 𐴁𐴡𐴊𐴢 𐴀𐴝𐴈𐴓𐴝𐴑𐴞𐴌 𐴔𐴟𐴑𐴝𐴁𐴠𐴓𐴝𐴃𐴢 𐴇𐴦𐴝𐴌 𐴇𐴝𐴓𐴡𐴃𐴡𐴃𐴢 𐴊𐴝𐴀𐴞𐴌 𐴏𐴟𐴓𐴟𐴑 𐴁𐴤𐴝𐴓𐴝 𐴀𐴡𐴀 𐴉𐴡𐴌𐴞𐴁𐴡||

𐴵) 𐴅𐴞𐴇𐴝𐴊𐴡𐴌 𐴊𐴝𐴀𐴞𐴌 𐴖𐴡𐴌𐴠 𐴕𐴡𐴉𐴏𐴡𐴌 𐴈𐴝𐴇𐴠𐴐𐴢, 𐴏𐴥𐴡𐴌𐴏𐴡𐴌𐴞 𐴅𐴡𐴎𐴁𐴝, 𐴒𐴟𐴙𐴐𐴧𐴝 𐴀𐴝𐴌 𐴀𐴠𐴕𐴃𐴠𐴑𐴝𐴔𐴡𐴌 𐴈𐴝𐴇𐴠𐴐𐴢 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴒𐴝𐴓𐴠𐴁𐴢 𐴕𐴡𐴀𐴡𐴕| 𐴀𐴥𐴞𐴁𐴝𐴌 𐴉𐴟𐴌𐴝 𐴊𐴝𐴖𐴡𐴃𐴞 𐴀𐴝𐴔𐴡𐴓𐴢 𐴀𐴝𐴑𐴡𐴓𐴢 𐴀𐴝𐴊𐴧𐴠 𐴇𐴠𐴑𐴔𐴡𐴃𐴢, 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴀𐴞𐴕𐴏𐴝𐴉𐴢 𐴀𐴝𐴌 𐴈𐴝𐴘𐴌𐴈𐴝𐴇𐴞 𐴒𐴡𐴌𐴡𐴘𐴝 𐴀𐴦𐴡𐴓𐴡𐴌 𐴔𐴡𐴐𐴡𐴌𐴝𐴌 𐴔𐴝𐴃𐴝𐴇𐴝𐴃𐴢 𐴀𐴥𐴡𐴀𐴕| 𐴀𐴟𐴁𐴥𐴝 𐴂𐴡𐴓𐴟𐴖𐴝𐴕 𐴕𐴡𐴀𐴡 𐴎𐴞𐴁𐴝 𐴔𐴟𐴈𐴝𐴃𐴡𐴁𐴡𐴌𐴠 𐴀𐴝𐴏𐴥𐴝𐴌 𐴔𐴝𐴌𐴠| 𐴊𐴝𐴀𐴞 𐴀𐴥𐴡𐴘𐴓𐴊𐴠 𐴀𐴡 𐴇𐴝𐴑𐴞𐴔𐴢 𐴎𐴞𐴁𐴝 𐴇𐴦𐴝𐴌 𐴀𐴡𐴃𐴧𐴡𐴃𐴢 𐴀𐴠 𐴉𐴞𐴑𐴞𐴌𐴡𐴃𐴢 𐴃𐴝𐴑𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴕𐴞𐴎𐴡𐴌 𐴈𐴡𐴕𐴥𐴡 𐴒𐴡𐴓𐴃𐴞𐴌 𐴎𐴡𐴌𐴞𐴘𐴝 𐴔𐴡𐴌𐴞𐴎𐴡𐴌 𐴁𐴞𐴙𐴌𐴝𐴔𐴢 𐴎𐴥𐴝𐴃𐴠 𐴁𐴝𐴌𐴞 𐴕𐴡𐴎𐴝| 𐴀𐴥𐴞𐴁𐴝 𐴀𐴠𐴓𐴡𐴔𐴢 𐴀𐴝𐴊𐴧𐴠 𐴇𐴠𐴑𐴔𐴡𐴃𐴡𐴌 𐴏𐴝𐴣𐴀𐴃𐴠 𐴈𐴝𐴔𐴢 𐴓𐴡𐴀، 𐴀𐴝𐴌 𐴓𐴝𐴒𐴝𐴃𐴝𐴌 𐴀𐴠 𐴑𐴟𐴐𐴞𐴐𐴡𐴃𐴢 𐴃𐴝𐴑𐴠 𐴑𐴞𐴁𐴤𐴝𐴉𐴠 𐴔𐴟𐴈𐴝𐴃𐴡𐴁𐴡𐴌 𐴊𐴞𐴓𐴡𐴌 𐴊𐴡𐴌𐴡𐴎𐴝 𐴑𐴤𐴟𐴓𐴞 𐴀𐴥𐴠𐴍𐴠 𐴕𐴞𐴎𐴡𐴌 𐴈𐴡𐴃𐴝𐴌𐴠 𐴋𐴝𐴓𐴞𐴊𐴞𐴁𐴡||

𐴶) 𐴊𐴝𐴀𐴞 𐴀𐴡𐴑𐴧𐴡𐴓𐴡𐴃𐴧𐴞 𐴔𐴟𐴈𐴝𐴃𐴡𐴁𐴡𐴌 𐴑𐴡𐴓𐴡𐴁𐴢 𐴀𐴝𐴌 𐴎𐴠𐴇𐴠𐴕 𐴊𐴟𐴕𐴞𐴘𐴝𐴕𐴡𐴌𐴠 𐴔𐴝𐴘𐴠𐴓𐴢 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕 𐴏𐴦𐴝| 𐴇𐴥𐴞𐴁𐴝𐴌 𐴈𐴡𐴃𐴝 𐴔𐴟𐴊𐴡𐴓𐴧𐴡𐴓𐴢 𐴀𐴡𐴘𐴁𐴡 𐴎𐴞𐴘𐴝𐴕𐴠 𐴀𐴝𐴑𐴡𐴓𐴡𐴌𐴠 𐴔𐴝𐴘𐴠𐴓𐴢 𐴒𐴡𐴌𐴠 𐴀𐴝𐴌 𐴊𐴞𐴓𐴡𐴌 𐴊𐴡𐴌𐴡𐴊𐴡𐴌 𐴏𐴝𐴣𐴀𐴃𐴠 𐴀𐴥𐴡𐴘𐴁𐴡 𐴎𐴦𐴞𐴕𐴠 𐴃𐴝𐴌 𐴊𐴞𐴓𐴡𐴌 𐴖𐴡𐴌𐴠 𐴀𐴝𐴏𐴡𐴌 𐴒𐴡𐴌𐴠 𐴀𐴝𐴌 𐴅𐴡𐴎𐴁𐴝𐴌𐴠 𐴀𐴟𐴏𐴑𐴝𐴘𐴊𐴠| 𐴇𐴦𐴝𐴌 𐴀𐴡𐴃𐴧𐴡𐴃𐴢 𐴏𐴞𐴌𐴞𐴉𐴢 𐴀𐴝𐴑𐴡𐴓𐴞 𐴈𐴡𐴃𐴝𐴌 𐴎𐴡𐴌𐴞𐴘𐴝 𐴀𐴝𐴏𐴡𐴌 𐴕𐴡𐴀𐴡| 𐴀𐴝𐴌 𐴇𐴥𐴝𐴔𐴞𐴐𐴝 𐴅𐴡𐴎𐴁𐴝𐴃𐴞 𐴃𐴡𐴌𐴞𐴑𐴝𐴘𐴥𐴡 𐴉𐴝𐴘𐴊𐴝 𐴕𐴡𐴊𐴠| 𐴊𐴝𐴀𐴞𐴌 𐴔𐴦𐴝𐴕𐴞 𐴀𐴥𐴡𐴘𐴓𐴊𐴠 𐴇𐴠𐴑𐴔𐴡𐴃𐴢 𐴀𐴝𐴊𐴧𐴠 𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢 𐴊𐴟𐴟𐴕𐴞𐴘𐴝𐴕𐴡𐴌 𐴏𐴝𐴣𐴀𐴃𐴠 𐴈𐴝𐴔𐴢 𐴀𐴝𐴕𐴅𐴝𐴔𐴢 𐴊𐴞𐴘𐴝| 𐴇𐴠𐴑𐴔𐴡𐴃𐴡𐴃𐴧𐴞 𐴔𐴟𐴌𐴝𐴊𐴢 𐴀𐴥𐴡𐴘𐴓𐴊𐴠 𐴀𐴡 𐴃𐴡𐴌𐴞𐴑𐴝 𐴎𐴞𐴘𐴝𐴕𐴠 𐴀𐴝𐴑𐴡𐴓𐴡𐴌 𐴖𐴡𐴌𐴠 𐴀𐴝𐴏𐴡𐴌 𐴒𐴡𐴌𐴠 𐴀𐴝𐴌 𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢 𐴀𐴥𐴡𐴘𐴓𐴊𐴠 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴊𐴞𐴓𐴡𐴌 𐴖𐴡𐴌𐴠 𐴀𐴝𐴏𐴡𐴌 𐴒𐴡𐴌𐴠||

𐴷) 𐴀𐴝𐴖𐴝𐴔𐴡𐴌 𐴏𐴝𐴧𐴔𐴠 𐴀𐴝𐴣𐴀𐴌𐴝𐴌 𐴈𐴠𐴃𐴝𐴁𐴢 𐴔𐴡𐴎𐴁𐴟𐴃𐴢 𐴀𐴦𐴡𐴕، 𐴑𐴡𐴔𐴎𐴟𐴌 𐴕𐴡𐴀𐴡𐴕, 𐴘𐴦𐴝𐴕𐴞 𐴀𐴦𐴠𐴕 𐴁𐴡𐴘𐴝𐴕 𐴀𐴦𐴡𐴀 𐴉𐴡𐴌𐴞𐴁𐴡 𐴎𐴦𐴞𐴕𐴠 𐴑𐴝𐴔𐴞𐴘𐴝𐴁𐴞 𐴀𐴝𐴊𐴧𐴠 𐴕𐴠𐴅𐴝𐴃𐴡𐴌 𐴔𐴞𐴑𐴧𐴝 𐴌𐴝𐴇𐴕𐴟𐴔𐴝𐴘𐴞 𐴒𐴡𐴌𐴞𐴁𐴡 𐴀𐴝𐴌 𐴎𐴞𐴓𐴧𐴡𐴃𐴞 𐴀𐴝𐴊𐴧𐴠 𐴀𐴠𐴇𐴝𐴕𐴡𐴃𐴡𐴌 𐴃𐴞 𐴀𐴝𐴎𐴝𐴊𐴞𐴌 𐴔𐴞𐴑𐴧𐴝 𐴌𐴝𐴏𐴧𐴝 𐴊𐴠𐴙𐴈𐴝𐴘𐴁𐴡, 𐴑𐴞𐴕𐴃𐴟 𐴃𐴝𐴌 𐴏𐴝𐴣𐴀𐴃𐴠 𐴀𐴠 𐴑𐴟𐴐𐴞𐴐𐴥𐴡 𐴃𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴀𐴠 𐴁𐴡𐴘𐴝𐴕𐴡𐴃𐴢 𐴉𐴡𐴈𐴡𐴌 𐴀𐴝𐴊𐴧𐴠 𐴃𐴟𐴑𐴝𐴁𐴧𐴡𐴌𐴞𐴌 𐴐𐴟𐴁𐴤𐴝 𐴉𐴡𐴙𐴅𐴧𐴡𐴕𐴃𐴡 𐴕𐴡𐴃𐴝𐴑𐴠𐴉𐴝𐴕| 𐴁𐴤𐴡𐴓𐴑𐴠 𐴔𐴟𐴈𐴝𐴃𐴡𐴁𐴢 𐴀𐴝𐴣𐴀𐴌𐴝𐴌 𐴁𐴡𐴘𐴝𐴕𐴡𐴃𐴢 𐴇𐴝𐴔𐴊𐴡𐴌𐴊𐴞 𐴀𐴝𐴊𐴧𐴠 𐴔𐴟𐴇𐴝𐴁𐴧𐴡𐴃𐴢 𐴔𐴝𐴇𐴏𐴟𐴏𐴢 𐴒𐴡𐴌𐴠𐴉𐴝𐴕||

𐴸) 𐴀𐴝𐴣𐴀𐴌𐴝𐴌 𐴏𐴝𐴣𐴀𐴃𐴠 𐴀𐴠𐴈𐴃𐴠𐴓𐴝𐴉𐴢 𐴌𐴝𐴑𐴡𐴘𐴝 𐴀𐴝𐴇𐴓𐴠 𐴊𐴞𐴕𐴊𐴝𐴌 𐴁𐴤𐴝𐴘 𐴀𐴦𐴡𐴓𐴡𐴌𐴠 𐴊𐴝𐴖𐴡𐴃𐴢 𐴊𐴞𐴁𐴞𐴐𐴧𐴡𐴃𐴢 𐴊𐴡𐴌𐴡𐴊𐴢، 𐴃𐴡𐴑𐴡𐴓𐴞𐴉𐴢، 𐴇𐴝𐴔𐴊𐴡𐴌𐴊𐴞 𐴀𐴝𐴌 𐴈𐴝𐴘𐴌𐴈𐴝 𐴒𐴝𐴓𐴠𐴁𐴢 𐴃𐴝𐴑𐴡𐴕| 𐴃𐴝𐴇𐴑𐴞𐴌، 𐴃𐴡𐴑𐴉𐴞𐴌, 𐴇𐴥𐴞𐴚𐴐𐴝 𐴀𐴝𐴌 𐴒𐴝𐴓𐴞 𐴒𐴝𐴓𐴝𐴏𐴢 𐴒𐴡𐴌𐴡𐴕𐴡𐴃𐴧𐴞 𐴁𐴞𐴓𐴑𐴟𐴓𐴢 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡| 𐴊𐴝𐴖𐴡𐴃𐴡𐴌 𐴀𐴠 𐴃𐴡𐴌𐴞𐴑𐴝 𐴀𐴝𐴖𐴝𐴔𐴡𐴌 𐴏𐴔𐴧𐴠𐴘𐴥𐴡 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴹) 𐴊𐴝𐴀𐴞𐴃𐴧𐴞 𐴔𐴟𐴊𐴝𐴌𐴝𐴃𐴢 𐴀𐴝𐴊𐴧𐴠 𐴔𐴟𐴊𐴇𐴝𐴕𐴡𐴃𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑𐴡𐴌 𐴀𐴠𐴓𐴡𐴔𐴢 𐴃𐴝𐴑𐴡𐴕 𐴀𐴝𐴌 𐴊𐴟𐴕𐴞𐴘𐴝𐴕𐴡𐴌𐴠 𐴀𐴝𐴓𐴡𐴒𐴢 𐴒𐴡𐴌𐴠𐴊𐴠 𐴁𐴡𐴗𐴋𐴝𐴌𐴡𐴌 𐴖𐴡𐴌𐴠𐴘𐴥𐴡 𐴕𐴡𐴎𐴡𐴌 𐴌𐴝𐴑𐴝 𐴉𐴡𐴌𐴞𐴁𐴡| 𐴘𐴦𐴝𐴕𐴞 𐴊𐴝𐴖𐴡𐴃𐴢 𐴕𐴡𐴌𐴔𐴞 𐴎𐴟𐴁𐴝𐴕𐴡𐴃𐴢 𐴀𐴥𐴡𐴘𐴁𐴡 𐴑𐴞𐴕𐴃𐴟 𐴀𐴞𐴕𐴡𐴌𐴔𐴞𐴌 𐴎𐴡𐴌𐴞𐴘𐴝 𐴈𐴡𐴕𐴥𐴡 𐴕𐴝𐴇𐴡𐴑𐴡𐴌𐴠 𐴇𐴡𐴑 𐴕𐴡𐴈𐴡𐴘𐴁𐴡، 𐴁𐴤𐴡𐴓𐴑𐴠 𐴃𐴝𐴔𐴦𐴝𐴔𐴢 𐴕𐴡𐴌𐴔𐴞 𐴏𐴟𐴓𐴟𐴑𐴡𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴇𐴡𐴑𐴡𐴌𐴠 𐴇𐴡𐴑 𐴀𐴝𐴌 𐴁𐴝𐴃𐴠𐴓𐴡𐴌𐴠 𐴁𐴝𐴃𐴠𐴓𐴢 𐴈𐴦𐴡𐴘𐴁𐴡||

𐴱𐴰) 𐴕𐴠𐴎𐴝𐴔𐴠 𐴑𐴟𐴉𐴡𐴌 𐴀𐴝𐴊𐴧𐴠 𐴃𐴝𐴌 𐴑𐴞𐴘𐴝𐴊𐴡𐴃𐴢 𐴒𐴡𐴌𐴡𐴘𐴝 𐴀𐴝𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴘𐴝 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴐𐴡𐴌𐴀𐴞 𐴇𐴡𐴑𐴟𐴔𐴢، 𐴊𐴟𐴏𐴡𐴌𐴝 𐴑𐴟𐴉𐴡𐴌𐴞 𐴀𐴝𐴔𐴡𐴓𐴢 𐴒𐴞𐴕𐴡𐴌 𐴃𐴡𐴉𐴏𐴞𐴓𐴢 𐴎𐴝𐴕𐴡𐴕 𐴀𐴝𐴌 𐴀𐴡𐴙𐴕𐴧𐴡 𐴎𐴡𐴕𐴡𐴌𐴠 𐴁𐴟𐴎𐴡𐴕 𐴘𐴥𐴝 𐴀𐴥𐴠𐴒𐴞𐴕𐴡𐴌 𐴁𐴝𐴁𐴡𐴃𐴠 𐴇𐴟𐴐𐴞𐴘𐴝𐴌𐴞 𐴒𐴡𐴌𐴝 𐴀𐴠𐴑𐴧𐴝𐴕 𐴀𐴝𐴇𐴥𐴝𐴔𐴢 𐴔𐴡𐴗𐴎𐴟| 𐴀𐴠𐴒𐴞𐴕𐴡𐴌𐴠 𐴔𐴟𐴃𐴡𐴁𐴡𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴡𐴑𐴧𐴡𐴓𐴡𐴌 𐴑𐴞𐴃𐴝𐴁𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴀𐴥𐴞𐴏𐴧𐴝 𐴁𐴝𐴕𐴡𐴕𐴏𐴦𐴝 𐴃𐴝𐴑𐴠 𐴀𐴥𐴠 𐴀𐴝𐴔𐴡𐴓𐴡𐴌 𐴈𐴡𐴃𐴡𐴌𐴝𐴌 𐴁𐴝𐴁𐴡𐴃𐴠 𐴀𐴠𐴇𐴏𐴝𐴏𐴢 𐴉𐴡𐴙𐴊𐴝 𐴀𐴥𐴡 𐴀𐴝𐴌 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴔𐴟𐴃𐴝𐴀𐴓𐴧𐴠𐴑 𐴊𐴟𐴐𐴧𐴡𐴕𐴞 𐴀𐴝𐴊𐴧𐴠 𐴕𐴝𐴉𐴡𐴌𐴡𐴃𐴞 𐴉𐴡𐴙𐴊𐴝 𐴀𐴥𐴡| 𐴑𐴞𐴕𐴃𐴟 𐴃𐴝𐴀𐴞𐴕 𐴒𐴡𐴌𐴞 𐴈𐴡𐴕𐴞𐴑𐴧𐴝𐴌𐴠 𐴃𐴡𐴑𐴉𐴞𐴌 𐴒𐴡𐴌𐴡𐴕 𐴊𐴟𐴏𐴡𐴌𐴝 𐴔𐴡𐴗𐴎𐴟 𐴀𐴝𐴌 𐴘𐴦𐴝𐴕 𐴀𐴠𐴑 𐴏𐴟𐴌𐴡𐴃𐴠 𐴉𐴝𐴘𐴏𐴝𐴓𐴝 𐴒𐴡𐴌𐴝𐴌 𐴔𐴝𐴀𐴔𐴠𐴓𐴝𐴌 𐴋𐴦𐴡𐴘𐴓𐴧𐴝 𐴎𐴞𐴘𐴝𐴕𐴡𐴌 𐴎𐴞𐴔𐴧𐴝 𐴔𐴝𐴇𐴠𐴌 𐴀𐴠𐴓𐴡𐴔𐴊𐴝𐴌 𐴔𐴟𐴃𐴧𐴡𐴑𐴞، 𐴁𐴟𐴎 𐴀𐴡𐴓𐴝 𐴀𐴝𐴌 𐴔𐴟𐴃𐴡𐴁𐴡𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴡𐴌 𐴖𐴡𐴌𐴠 𐴆𐴥𐴟𐴍𐴞 𐴊𐴡𐴀𐴕 𐴎𐴡𐴌𐴟𐴌𐴞||

𐴃𐴡𐴑𐴉𐴞𐴌𐴠 𐴔𐴟𐴀𐴝𐴘𐴧𐴞𐴕𐴡𐴌 𐴔𐴟𐴃𐴝𐴀𐴓𐴧𐴠𐴑 𐴎𐴡𐴌𐴟𐴌𐴞 𐴀𐴥𐴡𐴘𐴓𐴊𐴠 𐴁𐴡𐴏𐴢 𐴔𐴟𐴃𐴡𐴁𐴡𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴕| 𐴕𐴞𐴎𐴡𐴌 𐴃𐴡𐴌𐴉𐴡𐴃𐴧𐴞 𐴈𐴡𐴕𐴥𐴡 𐴈𐴝𐴦𐴏𐴢 𐴔𐴝𐴙𐴕𐴥𐴟𐴙𐴐𐴢 𐴘𐴥𐴝 𐴒𐴟𐴌𐴟𐴉𐴡𐴌𐴠 𐴑𐴝𐴉𐴠𐴌 𐴈𐴦𐴡𐴗𐴝 𐴕𐴡𐴎𐴝𐴘𐴁𐴡| 𐴎𐴡𐴊𐴞 𐴀𐴠 𐴔𐴝𐴀𐴔𐴠𐴓𐴝 𐴒𐴞𐴕𐴡𐴃𐴢 𐴀𐴠𐴇𐴃𐴞𐴘𐴝𐴃𐴢 𐴒𐴡𐴌𐴝 𐴕𐴡𐴎𐴝 𐴃𐴡𐴘𐴓𐴠 𐴀𐴠 𐴏𐴟𐴓𐴟𐴑 𐴕𐴞𐴎𐴡𐴌 𐴀𐴞𐴔𐴝𐴕𐴡𐴓𐴧𐴝𐴘𐴡 𐴈𐴡𐴃𐴡𐴌𐴝 𐴁𐴡𐴕𐴞𐴁𐴡 𐴀𐴝𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴔𐴧𐴝𐴎𐴠 𐴁𐴦𐴡𐴗𐴃𐴢 𐴁𐴡𐴌𐴡 𐴉𐴡𐴏𐴝𐴊𐴡𐴌 𐴊𐴡𐴌𐴡𐴎𐴝 𐴑𐴤𐴟𐴓𐴞 𐴎𐴝𐴘𐴁𐴡𐴘||

𐴱𐴱) 𐴀𐴝𐴇𐴓𐴠 𐴊𐴦𐴞𐴕𐴡𐴌 𐴏𐴞𐴘𐴝𐴏𐴞 𐴔𐴡𐴎𐴝𐴇𐴝𐴁𐴞 𐴅𐴡𐴔𐴝𐴃𐴢 𐴀𐴡𐴑𐴧𐴡𐴓𐴢 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴀𐴠𐴈𐴃𐴠𐴓𐴝𐴉𐴢 𐴌𐴝𐴑𐴡𐴘𐴝 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴝𐴀𐴔𐴠𐴓𐴝 𐴒𐴡𐴌𐴡𐴕𐴡𐴃𐴢 𐴀𐴠 𐴀𐴝𐴇𐴥𐴝𐴔𐴢 𐴀𐴟𐴏𐴟𐴓𐴢 𐴀𐴝𐴣𐴀𐴌𐴝𐴌 𐴏𐴝𐴔𐴧𐴠 𐴃𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴁𐴤𐴝𐴓𐴝 𐴈𐴝𐴔𐴡𐴌 𐴃𐴝𐴌𐴞𐴉𐴢 𐴀𐴝𐴊𐴧𐴠 𐴇𐴥𐴞𐴔𐴧𐴝𐴃𐴢 𐴊𐴞𐴘𐴝 𐴉𐴡𐴌𐴞𐴁𐴡, 𐴀𐴝𐴌𐴠𐴑 𐴔𐴞𐴑𐴧𐴝 𐴒𐴡𐴓𐴃𐴞𐴌 𐴖𐴡𐴌𐴠 𐴔𐴟𐴎𐴡𐴔𐴧𐴡𐴃𐴢 𐴀𐴝𐴌 𐴕𐴡𐴏𐴞𐴘𐴡𐴃𐴢, 𐴂𐴟𐴆𐴞𐴊𐴝 𐴒𐴡𐴓𐴃𐴞𐴌 𐴖𐴡𐴌𐴠 𐴂𐴟𐴆𐴞𐴊𐴝 𐴕𐴡𐴏𐴞𐴘𐴡𐴃𐴢، 𐴎𐴝𐴇𐴠𐴌𐴞 𐴒𐴡𐴓𐴃𐴞𐴌 𐴖𐴡𐴌𐴠 𐴎𐴝𐴇𐴠𐴌𐴞 𐴕𐴡𐴏𐴞𐴘𐴡𐴃𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴃𐴝𐴌𐴝𐴌 𐴑𐴟𐴃𐴝𐴘𐴞 𐴀𐴝𐴌 𐴒𐴡𐴓𐴃𐴞 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴃𐴝𐴌𐴝𐴌 𐴁𐴤𐴝𐴓𐴝 𐴀𐴝𐴌 𐴕𐴠𐴑 𐴈𐴝𐴔𐴡𐴌 𐴀𐴞𐴕𐴑𐴝𐴌 𐴁𐴞𐴓𐴑𐴟𐴓𐴢 𐴒𐴡𐴌𐴝 𐴕𐴡𐴎𐴝𐴘𐴁𐴡, 𐴇𐴦𐴝𐴌 𐴏𐴞𐴏𐴡𐴌𐴠 𐴕𐴞𐴎𐴡𐴌 𐴎𐴝𐴒𐴝𐴃𐴢 𐴌𐴝𐴑𐴡𐴕𐴡𐴌 𐴕𐴝𐴔𐴢 𐴀𐴥𐴡𐴘𐴓𐴊𐴠 𐴀𐴝𐴊𐴡𐴓𐴢, 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴊𐴝𐴀𐴞𐴓𐴧𐴝 𐴁𐴡𐴓𐴞 𐴀𐴠 𐴀𐴝𐴊𐴡𐴓𐴡𐴌𐴠 𐴔𐴡𐴎𐴁𐴟𐴃𐴞𐴌 𐴏𐴝𐴣𐴀𐴃𐴠 𐴊𐴡𐴌𐴡𐴕 𐴊𐴟𐴏𐴡𐴌𐴝 𐴎𐴡𐴕𐴡𐴃𐴧𐴞 𐴁𐴥𐴝𐴌𐴡 𐴁𐴠𐴐𐴞 𐴎𐴡𐴌𐴟𐴌𐴞, 𐴎𐴡𐴊𐴞 𐴀𐴠 𐴃𐴡𐴌𐴞𐴑𐴝𐴌 𐴖𐴡𐴌𐴠 𐴀𐴝𐴔𐴡𐴓𐴢 𐴒𐴡𐴌𐴝𐴎𐴝 𐴃𐴡𐴈𐴡𐴕 𐴀𐴝𐴣𐴀𐴌𐴝 𐴕𐴞𐴎𐴠𐴘𐴥𐴡 𐴎𐴟𐴓𐴟𐴔𐴡𐴃𐴧𐴞 𐴁𐴝𐴏𐴞 𐴉𐴝𐴌𐴞𐴘𐴟𐴔𐴢, 𐴀𐴝𐴓𐴧𐴝𐴇 𐴃𐴝𐴀𐴓𐴝 𐴌𐴝𐴎𐴞 𐴀𐴥𐴡𐴘𐴁𐴡, 𐴀𐴝𐴌 𐴊𐴟𐴏𐴡𐴌𐴝 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴎𐴡𐴈𐴡𐴕 𐴃𐴝𐴌𐴝𐴌 𐴁𐴝𐴓𐴝𐴘𐴞𐴌 𐴀𐴠𐴑𐴠𐴌𐴝𐴌 𐴀𐴝𐴌 𐴀𐴥𐴞𐴔𐴧𐴡𐴃𐴢 𐴊𐴞𐴘𐴝𐴎𐴝𐴘𐴁𐴡, 𐴃𐴡𐴈𐴡𐴕 𐴃𐴝𐴌𐴝 𐴃𐴝𐴀𐴝𐴏𐴧𐴟𐴁𐴞𐴌 𐴐𐴞𐴑𐴝𐴌 𐴕𐴡𐴀𐴡𐴘𐴁𐴡 𐴀𐴝𐴌 𐴃𐴝𐴌𐴝𐴌 𐴊𐴞𐴓𐴢 𐴇𐴡𐴑𐴡𐴓𐴧𐴝𐴘 𐴁𐴡𐴓𐴞 𐴑𐴤𐴟𐴓𐴞 𐴎𐴝𐴘𐴁𐴡𐴘 𐴀𐴞𐴚 𐴐𐴦𐴝 𐴀𐴝𐴓𐴧𐴝𐴇||

(𐴕𐴟𐴄) 𐴐𐴝𐴘𐴈𐴢 𐴀𐴝𐴘𐴔𐴡𐴕 𐴀𐴝𐴎-𐴎𐴡𐴖𐴝𐴇𐴞𐴌𐴞 𐴇𐴝𐴉𐴞𐴎𐴡𐴇𐴟𐴓𐴧𐴝𐴇( 𐴀𐴠𐴈𐴡𐴕 𐴃𐴝𐴀𐴛 𐴊𐴟𐴕𐴞𐴘𐴝𐴃𐴢 𐴁𐴝𐴑𐴞 𐴕𐴥𐴝𐴘 𐴀𐴝𐴓𐴧𐴝𐴇 𐴃𐴝𐴀𐴛𐴌 𐴖𐴡𐴌𐴠 𐴌𐴝𐴇𐴝𐴔𐴡𐴃𐴢 𐴕𐴝𐴎𐴠𐴓𐴢 𐴒𐴡𐴌𐴡𐴑) 𐴊𐴦𐴞𐴕𐴞 𐴅𐴡𐴔𐴝𐴃𐴡𐴌 𐴏𐴝𐴣𐴀𐴃𐴠 𐴔𐴝𐴀𐴔𐴠𐴓𐴝 𐴒𐴡𐴌𐴝𐴌 𐴀𐴟𐴏𐴟𐴓𐴢 𐴁𐴡𐴘𐴝𐴕 𐴒𐴡𐴙𐴅𐴧𐴠𐴊𐴠 𐴀𐴥𐴠𐴍𐴠 𐴈𐴡𐴘𐴧𐴠𐴊𐴠-

𐴀: 𐴎𐴠 𐴔𐴡𐴗𐴎𐴟𐴌 𐴖𐴡𐴌𐴠 𐴀𐴝𐴣𐴌𐴝𐴌 𐴏𐴝𐴣𐴀𐴃𐴠 𐴀𐴠𐴃𐴧𐴠𐴉𐴝𐴑 𐴀𐴥𐴠𐴒𐴞𐴕𐴡𐴃𐴢 𐴀𐴝𐴣𐴌𐴝 𐴀𐴠𐴑𐴎𐴡𐴕 𐴀𐴝𐴌𐴠𐴑 𐴎𐴡𐴕𐴡𐴌𐴠 𐴔𐴡𐴊𐴡𐴊𐴢 𐴒𐴡𐴌𐴞𐴘𐴟𐴔𐴢 𐴀𐴝𐴌 𐴎𐴠 𐴔𐴡𐴗𐴎𐴟𐴌 𐴏𐴝𐴣𐴀𐴃𐴠 𐴀𐴠𐴈𐴃𐴠𐴓𐴝𐴉𐴢 𐴀𐴥𐴠𐴒𐴞𐴕𐴡𐴃𐴢 𐴀𐴠𐴑𐴎𐴡𐴕 𐴀𐴝𐴌𐴠𐴑 𐴎𐴡𐴕𐴡𐴌𐴠 𐴕𐴡𐴏𐴞𐴘𐴡𐴃𐴢 𐴒𐴡𐴌𐴞𐴘𐴟𐴔𐴢||

𐴁𐴢: 𐴀𐴝𐴣𐴌𐴝𐴌 𐴉𐴦𐴡𐴘𐴓𐴝 𐴓𐴝𐴌𐴥𐴝𐴘 𐴀𐴥𐴡𐴘𐴓𐴊𐴠 𐴀𐴞𐴏𐴓𐴝𐴔𐴡𐴌 𐴊𐴟𐴐𐴧𐴡𐴕 𐴀𐴝𐴌 𐴀𐴞𐴏𐴓𐴝𐴔𐴡𐴌 𐴏𐴝𐴣𐴀𐴃𐴠 𐴑𐴞𐴕𐴝 𐴌𐴝𐴑𐴡𐴘𐴝 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴠𐴕𐴋𐴞𐴓𐴧𐴝 𐴕𐴡𐴀𐴡𐴉𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴏𐴝𐴣𐴀𐴃𐴠 𐴊𐴦𐴞𐴕𐴞 𐴅𐴡𐴔𐴝𐴃𐴡𐴌 𐴀𐴠𐴈𐴃𐴠𐴓𐴝𐴉𐴢, 𐴀𐴝𐴏𐴑𐴡𐴌𐴞, 𐴊𐴝𐴖𐴡𐴃𐴞, 𐴉𐴞𐴑𐴌𐴞 𐴀𐴝𐴌 𐴏𐴞𐴘𐴝𐴏𐴞 𐴀𐴠𐴃𐴠𐴁𐴝𐴌𐴠 𐴀𐴞𐴏𐴓𐴝𐴔𐴡𐴌 𐴊𐴟𐴐𐴧𐴡𐴕𐴡𐴌 𐴔𐴞𐴑𐴧𐴝𐴃𐴧𐴞 𐴉𐴥𐴞𐴌𐴞 𐴎𐴡𐴕𐴡𐴌 𐴏𐴡𐴁𐴡𐴁𐴢 𐴁𐴡𐴕𐴞||

𐴃𐴢: 𐴊𐴦𐴞𐴕𐴞 𐴅𐴡𐴔𐴝𐴃𐴡𐴌 𐴃𐴡𐴌𐴉𐴡𐴃𐴧𐴞 𐴇𐴝𐴦𐴌 𐴏𐴥𐴡𐴀𐴞 𐴈𐴡𐴃𐴝 𐴀𐴝𐴌 𐴈𐴝𐴔𐴢 𐴀𐴡𐴑𐴧𐴡𐴓𐴡𐴌𐴠 𐴀𐴝𐴣𐴀𐴌𐴝 𐴏𐴝𐴉𐴌𐴟𐴄 𐴒𐴡𐴙𐴅𐴧𐴟𐴔𐴢 𐴀𐴝𐴌 𐴃𐴝𐴌𐴝𐴌 𐴐𐴟𐴑𐴟𐴌𐴞𐴘𐴝 𐴀𐴝𐴊𐴝𐴘 𐴒𐴡𐴙𐴅𐴧𐴟𐴔𐴢 𐴀𐴝𐴌 𐴃𐴝𐴌𐴝𐴌 𐴇𐴦𐴝𐴌 𐴒𐴡𐴓𐴃𐴞𐴌 𐴖𐴡𐴌𐴠 𐴕𐴡𐴏𐴞𐴘𐴡𐴃𐴢 𐴒𐴡𐴙𐴅𐴧𐴟𐴔, 𐴂𐴟𐴆𐴞𐴊𐴝 𐴒𐴡𐴓𐴃𐴞𐴌 𐴀𐴡𐴌𐴠 𐴂𐴟𐴆𐴞𐴊𐴝 𐴁𐴝𐴤𐴉𐴠 𐴎𐴝𐴇𐴞𐴌𐴞 𐴒𐴡𐴓𐴃𐴞𐴌 𐴀𐴡𐴌𐴠 𐴎𐴝𐴇𐴞𐴌𐴞 𐴁𐴝𐴤𐴉𐴠 𐴕𐴡𐴏𐴞𐴘𐴡𐴃𐴢 𐴒𐴡𐴙𐴅𐴧𐴟𐴔𐴢| 𐴀𐴝𐴌 𐴀𐴠𐴈𐴡𐴃𐴝𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴡𐴊𐴢 𐴀𐴝𐴈𐴓𐴝𐴑𐴞 𐴀𐴝𐴊𐴧𐴠 𐴈𐴡𐴕𐴥𐴡𐴑𐴞𐴘𐴡𐴌 𐴖𐴡𐴌𐴠 𐴉𐴡𐴃𐴡𐴖𐴝 𐴁𐴝𐴎𐴞 𐴒𐴡𐴌𐴡𐴕𐴡𐴃𐴧𐴞 𐴊𐴟𐴌𐴠 𐴃𐴝𐴑𐴝 𐴉𐴡𐴌𐴞𐴁𐴡| 𐴀𐴞𐴎𐴧𐴡𐴃𐴡𐴌 𐴏𐴝𐴣𐴀𐴃𐴠 𐴀𐴠𐴓𐴔𐴞 𐴀𐴝𐴕𐴊𐴝𐴎 𐴓𐴡𐴘 𐴊𐴡𐴓𐴞𐴓𐴢 𐴀𐴡𐴑𐴧𐴡𐴓𐴢 𐴁𐴡𐴘𐴝𐴕 𐴒𐴡𐴙𐴅𐴧𐴟𐴔𐴢| 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴃𐴝𐴑𐴡𐴃𐴢 𐴊𐴡𐴓𐴞𐴓𐴡 𐴔𐴧𐴝𐴎𐴠، 𐴁𐴡𐴊𐴢 𐴀𐴝𐴈𐴓𐴝𐴑𐴞 𐴀𐴝𐴊𐴧𐴠 𐴇𐴥𐴞𐴚𐴐𐴝 𐴒𐴡𐴌𐴡𐴕𐴡𐴃𐴢 𐴕𐴥𐴡𐴀! ” ( 𐴔𐴟𐴅𐴝𐴇𐴞𐴊𐴡𐴌 𐴀𐴟𐴔𐴟𐴔𐴞 𐴇𐴠𐴊𐴝𐴘𐴡𐴃𐴢)

𐴱𐴲) 𐴊𐴝𐴖𐴡𐴃𐴡𐴃𐴢 𐴀𐴠𐴈𐴡𐴃𐴝𐴌 𐴘𐴦𐴝𐴊𐴒𐴝𐴌𐴞 𐴇𐴝𐴔𐴞𐴐𐴝 𐴃𐴝𐴑𐴡𐴕 𐴏𐴦𐴝𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝 𐴀𐴥𐴡𐴘𐴓𐴝𐴔𐴊𐴠 𐴇𐴥𐴠𐴊𐴝𐴘𐴡𐴃𐴡𐴌 𐴔𐴞𐴑𐴧𐴝 𐴋𐴝𐴑𐴡𐴙𐴕𐴧𐴝 𐴃𐴝𐴇𐴌𐴞𐴑، 𐴔𐴝𐴙𐴕𐴟𐴐𐴥𐴡𐴌 𐴁𐴤𐴝𐴓𐴝𐴘𐴞 𐴀𐴝𐴊𐴧𐴠 𐴑𐴝𐴔𐴞𐴘𐴝𐴁𐴞𐴌 𐴈𐴝𐴃𐴠𐴌𐴠 𐴀𐴝𐴣𐴀𐴌𐴝 𐴁𐴝𐴘𐴌 𐴀𐴥𐴡𐴘𐴧𐴞𐴊𐴠| 𐴀𐴝𐴌 𐴀𐴝𐴣𐴀𐴌𐴝𐴌 𐴇𐴝𐴊𐴡𐴉𐴢 𐴀𐴥𐴡𐴘𐴓𐴊𐴠 𐴔𐴝𐴙𐴕𐴐𐴥𐴡𐴌𐴠 𐴔𐴝𐴙𐴕𐴐𐴥𐴡𐴌 𐴒𐴟𐴓𐴝𐴔𐴞𐴃𐴧𐴞 𐴕𐴞𐴘𐴡𐴓𐴝𐴘 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴀𐴠𐴃𐴝𐴀𐴝𐴃𐴢 𐴀𐴝𐴊𐴧𐴠 𐴒𐴟𐴓𐴝𐴔𐴞𐴌 𐴔𐴞𐴑𐴧𐴝 𐴀𐴝𐴕𐴡𐴕| 𐴈𐴡𐴘𐴠𐴑𐴧𐴝𐴕 𐴏𐴥𐴝𐴣𐴎𐴝𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌 𐴉𐴡𐴌𐴞𐴏𐴡𐴌 𐴏𐴡𐴁𐴡𐴁𐴢 𐴕𐴡𐴁𐴝𐴕𐴝𐴘𐴧𐴟𐴔𐴢| 𐴀𐴝𐴌 𐴊𐴟𐴏𐴡𐴌𐴝 𐴎𐴡𐴕𐴡𐴌 𐴖𐴝𐴏𐴠𐴃𐴝𐴓𐴡𐴘𐴡 𐴀𐴝𐴣𐴀𐴌𐴝 𐴀𐴞𐴕𐴋𐴞𐴓𐴧𐴝 𐴉𐴡𐴌𐴞𐴏𐴡𐴌𐴠 𐴑𐴡𐴁𐴟𐴓𐴥𐴡 𐴕𐴡 𐴒𐴡𐴙𐴅𐴧𐴟𐴔𐴢| 𐴀𐴠 𐴏𐴥𐴝𐴣𐴎𐴝 𐴀𐴡𐴑𐴧𐴡𐴓𐴥𐴡 𐴀𐴝𐴣𐴀𐴌𐴝 𐴕𐴝𐴉𐴠𐴎 𐴒𐴡𐴙𐴅𐴧𐴟𐴔𐴢 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴠𐴒𐴞𐴕 𐴀𐴥𐴡𐴘𐴓𐴊𐴠 𐴐𐴡𐴌𐴞𐴘𐴡𐴃𐴡𐴌 𐴀𐴝𐴇𐴥𐴝𐴔𐴢 𐴇𐴥𐴞𐴏𐴧𐴝 𐴀𐴡𐴑𐴧𐴡𐴓𐴢 𐴀𐴝𐴌 𐴀𐴠𐴒𐴞𐴕𐴡𐴃𐴢 𐴁𐴠𐴐𐴝 𐴁𐴠𐴐𐴞 𐴁𐴡𐴌𐴑𐴡𐴃𐴢 𐴀𐴡𐴑𐴧𐴡𐴓𐴢 𐴀𐴝𐴏𐴠| 𐴑𐴞𐴕𐴃𐴟 𐴏𐴞𐴌𐴞𐴉𐴢 𐴏𐴥𐴝𐴣𐴎𐴝 𐴕𐴝𐴉𐴠𐴎 𐴒𐴡𐴌𐴡𐴕 𐴁𐴞𐴓𐴑𐴟𐴓𐴢 𐴉𐴟𐴌𐴝 𐴐𐴡𐴌𐴞𐴘𐴡𐴃𐴢 𐴕𐴡𐴀||

𐴐𐴡𐴌𐴞𐴘𐴡𐴃𐴡𐴃𐴢 𐴀𐴝𐴓𐴧𐴝𐴇𐴌 𐴋𐴦𐴡𐴌 𐴎𐴞𐴕𐴊𐴝 𐴌𐴝𐴑𐴡𐴕، 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴠𐴇𐴏𐴝𐴕, 𐴂𐴝𐴑𐴊𐴝𐴔𐴡𐴕 𐴀𐴝𐴌 𐴐𐴡𐴌𐴡𐴔𐴡𐴌𐴠 𐴉𐴤𐴡𐴙𐴓𐴡𐴕, 𐴁𐴡𐴌𐴝𐴁𐴡𐴌𐴞 𐴀𐴝𐴌 𐴔𐴡𐴈𐴓𐴟𐴑𐴡𐴌 𐴈𐴠𐴊𐴔𐴡𐴃𐴢, 𐴀𐴞𐴏𐴓𐴝𐴔𐴞 𐴐𐴡𐴔𐴝𐴎 𐴀𐴝𐴊𐴧𐴠 𐴀𐴝𐴔𐴡𐴊𐴡𐴕𐴞𐴌𐴠 𐴎𐴞𐴕𐴊𐴝 𐴒𐴡𐴌𐴝, 𐴁𐴤𐴝𐴓𐴝𐴘𐴞𐴌 𐴊𐴝𐴖𐴡𐴃𐴢, 𐴀𐴝𐴔𐴡𐴌 𐴁𐴞𐴓𐴢 𐴔𐴝𐴌𐴟𐴉𐴢 𐴀𐴝𐴌 𐴕𐴝𐴇𐴞 𐴀𐴝𐴕𐴞𐴓𐴢 𐴔𐴟𐴕𐴑𐴡𐴌، 𐴒𐴡𐴌𐴞𐴁𐴢 𐴀𐴝𐴌 𐴔𐴞𐴏𐴑𐴞𐴕 𐴀𐴡𐴑𐴧𐴡𐴓𐴡𐴓𐴧𐴝 𐴎𐴡𐴑𐴝𐴃𐴢 𐴀𐴝𐴌 𐴏𐴝𐴊𐴑𐴝𐴌 𐴕𐴠𐴎𐴝𐴔𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴇𐴟𐴊𐴟𐴊𐴢 𐴑𐴝𐴘𐴠𐴔𐴢 𐴒𐴡𐴌𐴝 𐴐𐴥𐴡𐴀𐴡 𐴊𐴟𐴏𐴡𐴌𐴝 𐴀𐴝𐴥𐴇𐴝𐴔𐴢 𐴔𐴡𐴗𐴎𐴟 𐴀𐴥𐴡𐴑𐴧𐴡𐴓𐴡 𐴀𐴝𐴏𐴠||

𐴏𐴥𐴝𐴣𐴎𐴝𐴃𐴡 𐴏𐴞𐴌𐴞𐴉𐴢 𐴔𐴟𐴅𐴌𐴠𐴔𐴢 𐴀𐴦𐴡𐴓𐴡𐴌𐴠 𐴊𐴞𐴘𐴝𐴎𐴝𐴊𐴠 𐴀𐴝𐴌 𐴀𐴦𐴠𐴕 𐴀𐴠𐴑 𐴐𐴡𐴔𐴝𐴎 𐴎𐴠𐴍𐴠 𐴃𐴝𐴔𐴦𐴝𐴔𐴢 𐴀𐴝𐴔𐴡𐴊𐴡𐴕𐴞 𐴀𐴝𐴊𐴧𐴠 𐴔𐴝𐴀𐴔𐴠𐴓𐴝 𐴀𐴡𐴑𐴧𐴡𐴓𐴢 𐴀𐴞𐴏𐴓𐴝𐴔𐴞 𐴐𐴡𐴌𐴞𐴘𐴝𐴌 𐴔𐴡𐴃𐴝𐴁𐴠𐴑 𐴀𐴥𐴡𐴘𐴁𐴡 𐴃𐴡𐴘𐴓𐴠 𐴀𐴥𐴠𐴍𐴠 𐴑𐴞 𐴀𐴝𐴌 𐴁𐴠𐴐𐴥𐴞 𐴅𐴟𐴌𐴟𐴔𐴢 𐴖𐴝𐴑𐴠 𐴀𐴥𐴡𐴀؟ 𐴀𐴝𐴌𐴠𐴑 𐴔𐴞𐴑𐴧𐴝 𐴀𐴠 𐴀𐴞𐴏𐴓𐴝𐴔𐴞 𐴐𐴡𐴔𐴝𐴎 𐴀𐴝𐴌 𐴕𐴠𐴎𐴝𐴔𐴡𐴌 𐴉𐴝𐴘𐴊𐴝 𐴈𐴡𐴃𐴥𐴡 𐴔𐴝𐴙𐴕𐴐𐴥𐴠 𐴇𐴝𐴏𐴠𐴓𐴢 𐴒𐴡𐴌𐴠؟ 𐴎𐴝𐴇𐴠𐴌 𐴁𐴝𐴇𐴠𐴌 𐴈𐴡𐴃𐴝 𐴀𐴠 𐴊𐴟𐴕𐴞𐴘𐴝𐴕𐴡𐴃𐴢 𐴈𐴡𐴕𐴥𐴡 𐴁𐴡𐴌𐴝 𐴁𐴡𐴌𐴞 𐴕𐴥𐴝𐴘||

𐴀𐴦𐴠𐴕 𐴀𐴠𐴑𐴧𐴝𐴕 𐴀𐴝𐴔𐴡𐴓𐴢 𐴎𐴞𐴘𐴝𐴕𐴡𐴃𐴢 𐴓𐴝𐴑𐴤 𐴓𐴝𐴑𐴤 𐴔𐴝𐴙𐴕𐴐𐴥𐴡𐴌 𐴁𐴥𐴟𐴃𐴡𐴌𐴠 𐴈𐴡𐴘𐴠𐴑𐴎𐴡𐴕𐴡𐴌 𐴒𐴡𐴓𐴃𐴞𐴌 𐴎𐴡𐴌𐴞𐴘𐴝 𐴎𐴠 𐴏𐴥𐴝𐴣𐴎𐴝𐴌 𐴀𐴝𐴔𐴧𐴠 𐴏𐴝𐴔𐴧𐴠 𐴀𐴥𐴡، 𐴀𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴑𐴞 𐴈𐴡𐴕𐴥𐴡 𐴕𐴠𐴎𐴝𐴔𐴡𐴌 𐴉𐴡𐴌𐴞𐴏𐴡 𐴊𐴞𐴘𐴝 𐴎𐴝𐴘𐴁𐴡؟ 𐴁𐴞𐴓𐴑𐴟𐴓𐴢 𐴕𐴡𐴎𐴝𐴘𐴁𐴡, 𐴁𐴤𐴡𐴓𐴑𐴠 𐴎𐴠 𐴀𐴝𐴔𐴡𐴓𐴢 𐴀𐴝𐴑𐴏𐴡𐴌 𐴀𐴝𐴌 𐴒𐴝𐴓𐴠𐴁𐴢 𐴃𐴝𐴑𐴠، 𐴀𐴥𐴠𐴒𐴞𐴕 𐴉𐴡𐴌𐴞𐴏𐴡𐴌 𐴎𐴡𐴌𐴞𐴘𐴝 𐴁𐴡𐴕𐴠𐴊𐴠| 𐴐𐴡𐴌𐴞𐴘𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴝𐴌 𐴀𐴝𐴊𐴧𐴠 𐴊𐴦𐴞𐴕 𐴑𐴝𐴘𐴠𐴔𐴡𐴌 𐴎𐴡𐴃𐴡 𐴀𐴡𐴒𐴡𐴕𐴝 𐴉𐴝𐴘𐴊𐴝 𐴀𐴡𐴑𐴧𐴡𐴓𐴢 𐴀𐴝𐴏𐴠, 𐴀𐴦𐴝𐴓𐴝 𐴐𐴥𐴟𐴕𐴊𐴡𐴙𐴅𐴧𐴝 𐴀𐴝𐴌 𐴀𐴡𐴉𐴟𐴌𐴝𐴕𐴞 𐴁𐴡𐴌𐴑𐴡𐴃𐴢 𐴀𐴝𐴏𐴠، 𐴎𐴠𐴃𐴧𐴡𐴃𐴢 𐴀𐴠𐴒𐴞𐴕𐴡𐴌 𐴁𐴡𐴌𐴑𐴡𐴃𐴢 𐴀𐴠𐴃𐴡 𐴁𐴠𐴐𐴞𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴉𐴟𐴌𐴝 𐴊𐴟𐴕𐴞𐴘𐴝𐴌 𐴔𐴝𐴕𐴥𐴟𐴙𐴐𐴢 𐴀𐴥𐴠𐴒𐴞𐴕𐴡𐴃𐴧𐴞 𐴉𐴝𐴘𐴊𐴝 𐴇𐴝𐴏𐴠𐴓𐴢 𐴒𐴡𐴌𐴞 𐴉𐴝𐴌𐴠| 𐴃𐴡𐴘𐴓𐴠 𐴀𐴝𐴣𐴀𐴌𐴝 𐴀𐴥𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌 𐴉𐴡𐴌𐴞𐴏𐴡 𐴊𐴞𐴘𐴟𐴔𐴢| 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴃𐴢 𐴈𐴡𐴃𐴥𐴡 𐴏𐴥𐴝𐴣𐴀𐴎𐴝 𐴀𐴡𐴑𐴧𐴡𐴓𐴢 𐴀𐴝𐴏𐴠؟ 𐴑𐴞𐴕𐴃𐴟 𐴃𐴝𐴌 𐴊𐴝𐴀𐴞 𐴀𐴡𐴑𐴧𐴡𐴓𐴠 𐴕𐴞𐴎𐴡𐴌 𐴉𐴡𐴌𐴞𐴏𐴡 𐴀𐴥𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴑𐴞 𐴒𐴡𐴌𐴠؟ 𐴁𐴞𐴓𐴑𐴟𐴓𐴢 𐴕𐴡𐴒𐴡𐴌𐴠! 𐴁𐴤𐴡𐴓𐴑𐴠 𐴁𐴝𐴕𐴝𐴖𐴡𐴄𐴞 𐴉𐴝𐴀𐴝𐴘𐴊𐴝 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴔𐴡𐴐𐴦𐴟𐴌 𐴒𐴡𐴌𐴠||

𐴱𐴳) 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴀𐴝𐴏𐴃𐴠 𐴀𐴝𐴏𐴃𐴠 𐴀𐴝𐴌 “الأهم فالأهم” 𐴘𐴦𐴝𐴕𐴞 𐴁𐴠𐴐𐴞 𐴀𐴝𐴇𐴥𐴝𐴔𐴡𐴌𐴠 𐴀𐴝𐴒𐴠 𐴀𐴝𐴌 𐴈𐴡𐴔𐴢 𐴀𐴝𐴇𐴥𐴝𐴔𐴢 𐴒𐴞𐴕𐴡𐴌𐴠 𐴉𐴡𐴌𐴠 𐴁𐴡𐴘𐴝𐴕 𐴒𐴡𐴌𐴡𐴕𐴡𐴌 𐴀𐴟𐴏𐴟𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴁𐴠𐴐𐴞 𐴀𐴝𐴇𐴥𐴝𐴔𐴢 𐴔𐴡𐴗𐴎𐴟𐴌𐴠 𐴏𐴥𐴝𐴌𐴞 𐴈𐴡𐴔𐴢 𐴀𐴝𐴇𐴥𐴝𐴔𐴢 𐴈𐴡𐴃𐴝𐴌 𐴔𐴞𐴑𐴧𐴝 𐴀𐴝𐴣𐴀𐴌𐴝 𐴀𐴝𐴒𐴠 𐴃𐴡𐴖𐴝𐴅𐴧𐴟 𐴊𐴡𐴕𐴡𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴀𐴝𐴏𐴡𐴌 𐴈𐴡𐴔𐴞 𐴎𐴝𐴒𐴡𐴘| 𐴘𐴥𐴝𐴃𐴡 𐴔𐴟𐴈𐴝𐴃𐴡𐴁𐴠 𐴒𐴡𐴓𐴡𐴃𐴢 𐴁𐴟𐴎𐴠| 𐴔𐴡𐴏𐴡𐴓𐴝𐴕: 𐴎𐴡𐴈𐴡𐴕 𐴉𐴡𐴗𐴏𐴡𐴌 𐴏𐴝𐴣𐴀𐴃𐴠 𐴊𐴟𐴐𐴧𐴡𐴕𐴞𐴌 𐴖𐴡𐴅𐴝 𐴁𐴡𐴘𐴝𐴕 𐴒𐴡𐴌𐴝𐴎𐴝𐴘𐴁𐴡 𐴃𐴡𐴈𐴡𐴕 𐴁𐴠𐴒𐴧𐴞𐴕𐴡𐴃𐴧𐴞 𐴁𐴡𐴌𐴡 𐴅𐴟𐴌𐴟𐴔𐴢 𐴀𐴥𐴡𐴘𐴓𐴊𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴀𐴝𐴌 𐴑𐴟𐴉𐴡𐴌𐴡𐴌 𐴓𐴠𐴙𐴋𐴝𐴌 𐴀𐴡𐴑𐴧𐴡𐴓𐴡𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴝𐴌𐴠 𐴁𐴡𐴘𐴝𐴕 𐴒𐴡𐴌𐴡𐴕, 𐴀𐴝𐴓𐴧𐴝𐴇𐴌 𐴁𐴡𐴕𐴊𐴡𐴒𐴞𐴌 𐴁𐴡𐴊𐴡𐴓𐴠 𐴄𐴞𐴛𐴝 𐴉𐴡𐴘𐴐𐴝𐴌 𐴒𐴟𐴓𐴝𐴔𐴞، 𐴀𐴝𐴌 𐴀𐴠 𐴒𐴟𐴓𐴝𐴔𐴞𐴌 𐴖𐴡𐴌𐴠 𐴇𐴦𐴝𐴌 𐴑𐴞𐴏𐴞𐴔𐴧𐴝 𐴎𐴟𐴓𐴟𐴔𐴢 𐴎𐴡𐴁𐴡𐴌 𐴊𐴡𐴏𐴃𐴞𐴌𐴠 𐴅𐴝𐴌𐴞 𐴌𐴝𐴑𐴝| 𐴀𐴠𐴒𐴞𐴕𐴡𐴌 𐴈𐴡𐴃𐴝 𐴁𐴡𐴘𐴝𐴕 𐴒𐴡𐴌𐴡𐴕 𐴎𐴡𐴌𐴟𐴌𐴞||

𐴑𐴞𐴕𐴃𐴟 𐴎𐴡𐴊𐴞 𐴀𐴠𐴒𐴞𐴕𐴡𐴌 𐴎𐴝𐴒𐴝𐴃𐴢 𐴀𐴡𐴕𐴠 𐴉𐴡𐴗𐴏𐴢 𐴀𐴦𐴡𐴓𐴡𐴌 𐴃𐴝𐴓𐴢-𐴁𐴝𐴎𐴝𐴕𐴝𐴌𐴠 𐴉𐴡𐴀𐴡𐴘𐴓𐴝 𐴅𐴟𐴌𐴟𐴔𐴢 𐴁𐴡𐴓𐴞 𐴁𐴡𐴘𐴝𐴕 𐴒𐴡𐴌𐴡، 𐴃𐴡𐴘𐴓𐴠 𐴔𐴟𐴈𐴝𐴃𐴡𐴁𐴢 𐴅𐴞𐴇𐴝𐴊𐴡𐴌 𐴔𐴡𐴏𐴧𐴟𐴊𐴢 𐴉𐴡𐴗𐴏𐴢 𐴀𐴦𐴡𐴓𐴡𐴌 𐴕𐴝𐴎 𐴒𐴝𐴕𐴡𐴌𐴠 𐴁𐴟𐴎𐴝 𐴐𐴟𐴌𐴟 𐴒𐴡𐴌𐴞𐴁𐴡| 𐴃𐴝𐴓𐴢 𐴁𐴝𐴎𐴝𐴕𐴝، 𐴀𐴝𐴌 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌𐴠 𐴊𐴝𐴌𐴥𐴞 𐴇𐴝𐴍𐴝𐴌 𐴖𐴡𐴌𐴠 𐴔𐴡𐴅𐴁𐴟𐴌 𐴒𐴡𐴌𐴝𐴌 𐴋𐴦𐴡𐴘𐴓𐴧𐴝 𐴒𐴟𐴕𐴤𐴝 𐴀𐴡𐴑𐴧𐴡𐴓𐴡𐴌 𐴈𐴡𐴃𐴝𐴘𐴥𐴡 𐴁𐴡𐴘𐴝𐴕 𐴒𐴡𐴌𐴝 𐴎𐴡𐴌𐴟𐴌𐴞| 𐴑𐴞𐴕𐴃𐴟 𐴀𐴠𐴒𐴞𐴕𐴡𐴌 𐴎𐴝𐴒𐴝 𐴀𐴝𐴓𐴡𐴑 𐴀𐴝𐴏𐴠| 𐴀𐴥𐴞𐴕𐴋𐴞𐴓𐴧𐴝 𐴀𐴠𐴑𐴎𐴡𐴕 𐴔𐴝𐴕𐴟𐴙𐴐𐴢 𐴕𐴟𐴖𐴝𐴏𐴢 𐴕𐴡𐴉𐴡𐴌𐴠، 𐴅𐴞𐴇𐴝𐴊𐴥𐴡 𐴕𐴡𐴒𐴡𐴌𐴠| 𐴀𐴠 𐴇𐴝𐴓𐴡𐴃𐴡𐴃𐴢 𐴃𐴝𐴌𐴓𐴝 𐴁𐴡𐴓𐴞 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴢 𐴁𐴠𐴐𐴞 𐴀𐴝𐴇𐴥𐴝𐴔𐴢 𐴕𐴝𐴑𐴞 𐴕𐴟𐴖𐴝𐴏𐴡𐴌؟ 𐴁𐴠𐴐𐴡𐴑 𐴕𐴟𐴖𐴝𐴏𐴡𐴌 𐴊𐴝𐴖𐴡𐴃𐴢 𐴁𐴠𐴐𐴞 𐴀𐴝𐴇𐴥𐴝𐴔𐴢| 𐴇𐴥𐴞𐴁𐴝𐴌 𐴁𐴥𐴟𐴃𐴡𐴌𐴠 𐴉𐴡𐴀𐴡𐴘𐴓𐴝 𐴑𐴡𐴁𐴡𐴌،𐴀𐴝𐴊𐴧𐴠 𐴀𐴝𐴈𐴠𐴌𐴡𐴃𐴡𐴌 𐴎𐴞𐴕𐴊𐴞𐴒𐴞𐴌 𐴉𐴞𐴑𐴞𐴌 𐴉𐴡𐴙𐴊𐴝 𐴒𐴡𐴌𐴡𐴕 𐴀𐴝𐴌𐴥𐴡 𐴁𐴠𐴐𐴞 𐴎𐴡𐴌𐴟𐴌𐴞| 𐴑𐴞𐴕𐴃𐴟 𐴎𐴡𐴊𐴞 𐴀𐴞𐴦𐴕 𐴁𐴠𐴒𐴧𐴞𐴕 𐴏𐴥𐴝𐴌𐴞 𐴏𐴞𐴌𐴞𐴉𐴢 𐴅𐴞𐴇𐴝𐴊𐴡𐴌 𐴉𐴡𐴌𐴡𐴎𐴞𐴘𐴡𐴃𐴢 𐴀𐴝𐴌 𐴅𐴞𐴇𐴝𐴊𐴡𐴃𐴢 𐴁𐴝𐴘𐴌 𐴕𐴡𐴀𐴡𐴕𐴡𐴌 𐴀𐴝𐴎𐴝𐴁𐴡𐴌 𐴁𐴝𐴁𐴡𐴃𐴠 𐴃𐴡𐴎𐴑𐴝𐴌𐴝 𐴒𐴡𐴙𐴓𐴧𐴠 𐴃𐴡𐴈𐴡𐴕 𐴃𐴝𐴌 𐴖𐴡𐴌𐴠 𐴑𐴞𐴁𐴤𐴝𐴉𐴠 𐴀𐴝𐴏𐴡𐴌 𐴉𐴡𐴌𐴞𐴁𐴡؟

𐴱𐴴) 𐴃𐴡𐴎𐴑𐴝𐴌𐴝𐴌 𐴐𐴟𐴌𐴟 𐴀𐴠𐴈𐴃𐴠𐴓𐴝𐴉𐴞 𐴔𐴡𐴗𐴎𐴟𐴓𐴡𐴘 𐴕𐴡𐴒𐴡𐴌𐴝، 𐴁𐴤𐴡𐴓𐴑𐴠 𐴎𐴡𐴌𐴟𐴌𐴞𐴊𐴠 𐴀𐴠𐴃𐴧𐴠𐴉𐴝𐴑𐴞 𐴔𐴡𐴗𐴎𐴟𐴓𐴡𐴘 𐴈𐴡𐴃𐴝 𐴐𐴟𐴌𐴟 𐴒𐴡𐴌𐴡𐴕| 𐴔𐴟𐴈𐴝𐴃𐴡𐴁𐴢 𐴎𐴠 𐴃𐴡𐴎𐴑𐴝𐴌𐴝 𐴇𐴡𐴑 𐴀𐴝𐴌 𐴈𐴝𐴘𐴌𐴈𐴝 𐴀𐴥𐴞𐴏𐴝𐴉𐴠 𐴁𐴟𐴎𐴠، 𐴈𐴦𐴝𐴏𐴢 𐴒𐴡𐴌𐴞 𐴀𐴥𐴞𐴁𐴝 𐴎𐴠𐴏𐴞𐴏𐴡𐴌 𐴊𐴝𐴁𐴞 𐴒𐴡𐴌𐴠, 𐴀𐴥𐴠𐴒𐴞𐴕𐴡𐴌 𐴏𐴝𐴣𐴀𐴃𐴠 𐴀𐴠𐴃𐴧𐴠𐴉𐴝𐴑 𐴎𐴝𐴇𐴠𐴌 𐴒𐴡𐴌𐴝، 𐴀𐴝𐴌 𐴃𐴝𐴇𐴝𐴌𐴞𐴎 𐴒𐴡𐴌𐴝|𐴀𐴝𐴌 𐴀𐴥𐴠 𐴀𐴠𐴃𐴧𐴠𐴉𐴝𐴑𐴞 𐴔𐴡𐴏𐴡𐴓𐴝𐴌𐴠 𐴀𐴝𐴏𐴡𐴓𐴢 𐴁𐴝𐴕𐴝𐴘 𐴘𐴦𐴝𐴌 𐴁𐴝𐴊𐴠 𐴎𐴠 𐴔𐴡𐴗𐴎𐴟𐴌 𐴖𐴡𐴌𐴠 𐴊𐴝𐴖𐴡𐴃𐴢 𐴊𐴦𐴡𐴕 𐴔𐴡𐴏𐴧𐴟𐴊𐴢 𐴀𐴥𐴠𐴒𐴞𐴕𐴡𐴌𐴠 𐴉𐴠𐴙𐴐𐴢 𐴒𐴡𐴌𐴡𐴕||

𐴎𐴡𐴊𐴞 𐴐𐴟𐴌𐴟𐴃𐴢 𐴀𐴠𐴈𐴃𐴠𐴓𐴝𐴉𐴞 𐴔𐴡𐴗𐴎𐴟𐴌 𐴖𐴡𐴌𐴠 𐴁𐴡𐴘𐴝𐴕 𐴐𐴟𐴌𐴟 𐴒𐴡𐴌𐴞 𐴈𐴦𐴝𐴏𐴢 𐴒𐴡𐴌𐴞 𐴕𐴞𐴎𐴡𐴌 𐴔𐴝𐴙𐴕𐴐𐴥𐴡𐴌 𐴏𐴝𐴔𐴧𐴠 𐴃𐴡𐴈𐴡𐴕 𐴔𐴟𐴈𐴝𐴃𐴡𐴁𐴡𐴌 𐴈𐴝𐴣𐴏𐴠 𐴊𐴝𐴖𐴡𐴃𐴢 𐴉𐴥𐴟𐴕𐴡𐴕 𐴀𐴝𐴊𐴧𐴠 𐴁𐴟𐴎𐴡𐴕 𐴔𐴡𐴐𐴑𐴞𐴓𐴢 𐴀𐴥𐴡𐴘 𐴎𐴝𐴒𐴡𐴘| 𐴀𐴥𐴞𐴕𐴋𐴞𐴓𐴧𐴝 𐴃𐴝𐴔𐴦𐴝𐴔𐴢 𐴈𐴦𐴝𐴏𐴈𐴦𐴝𐴏𐴢 𐴔𐴡𐴗𐴎𐴟 𐴀𐴡𐴑𐴧𐴡𐴓𐴢 𐴀𐴠𐴑 𐴔𐴡𐴅𐴓𐴞𐴏𐴡𐴃𐴢 𐴁𐴡𐴘𐴝𐴕 𐴕𐴡𐴒𐴡𐴌𐴡𐴕, 𐴔𐴟𐴈𐴝𐴃𐴡𐴁𐴡𐴌𐴠 𐴀𐴝𐴏𐴃𐴠 𐴀𐴝𐴏𐴃𐴠 𐴊𐴝𐴖𐴡𐴃𐴢 𐴊𐴞𐴘𐴝 𐴉𐴡𐴌𐴞𐴁𐴡 𐴀𐴝𐴌 𐴃𐴝𐴌 𐴏𐴞𐴕𐴃𐴝 𐴉𐴞𐴑𐴞𐴌 𐴀𐴝𐴊𐴧𐴠 𐴃𐴡𐴁𐴞𐴘𐴡𐴃𐴢 𐴔𐴡𐴃𐴝𐴁𐴠𐴑 𐴃𐴝𐴌𐴠 𐴁𐴟𐴎𐴝 𐴉𐴡𐴌𐴞𐴁𐴡||

𐴱𐴵) 𐴔𐴟𐴈𐴝𐴃𐴡𐴁𐴡𐴌 𐴔𐴟𐴈𐴝𐴓𐴡𐴉𐴞𐴌 𐴀𐴡𐴌𐴠 𐴏𐴡𐴁𐴡𐴌 𐴀𐴝𐴌 𐴀𐴥𐴞𐴁𐴝𐴌 𐴐𐴡𐴌𐴀𐴞 𐴇𐴡𐴑𐴡𐴌 𐴁𐴝𐴁𐴡𐴃𐴠 𐴒𐴡𐴉𐴡𐴓𐴡𐴃𐴞 𐴕𐴡𐴒𐴡𐴌𐴡𐴕| 𐴉𐴞𐴃𐴞𐴕 𐴃𐴝𐴌 𐴔𐴟𐴈𐴝𐴓𐴡𐴉𐴞𐴌 𐴁𐴝𐴊𐴠 𐴃𐴝𐴌 𐴏𐴝𐴣𐴀𐴃𐴠 𐴁𐴤𐴝𐴓𐴝 𐴁𐴡𐴌𐴃𐴝𐴗𐴡 𐴒𐴡𐴌𐴡𐴕 𐴀𐴥𐴡𐴘𐴓𐴊𐴠 𐴀𐴠𐴇𐴠𐴏𐴝𐴕| 𐴎𐴠𐴊𐴧𐴟𐴌 𐴀𐴝𐴕𐴃𐴝𐴎 𐴃𐴡𐴑𐴖𐴝 𐴀𐴝𐴌 𐴀𐴠𐴇𐴠𐴏𐴝𐴕𐴡𐴌 𐴏𐴟𐴓𐴟𐴑 𐴒𐴡𐴌𐴞𐴁𐴡 𐴀𐴥𐴠𐴊𐴧𐴟𐴌 𐴀𐴝𐴕𐴃𐴝𐴎𐴝 𐴊𐴝𐴖𐴡𐴃𐴡𐴌 𐴀𐴝𐴏𐴡𐴌 𐴃𐴝𐴌 𐴖𐴡𐴌𐴠 𐴉𐴡𐴌𐴞𐴁𐴡| 𐴊𐴟𐴏𐴡𐴌𐴝 𐴏𐴟𐴌𐴡𐴃𐴡𐴃𐴢 𐴀𐴥𐴠𐴊𐴧𐴟𐴌 𐴀𐴡𐴕𐴡𐴌 𐴊𐴝𐴖𐴡𐴃𐴢 𐴊𐴡𐴓𐴞𐴓𐴡𐴌 𐴔𐴡𐴙𐴊𐴝𐴕𐴡𐴃𐴢 𐴒𐴝𐴓𐴠𐴁𐴢 𐴃𐴝𐴑𐴞𐴁𐴡||

𐴱𐴶) 𐴅𐴞𐴇𐴝𐴊𐴞 𐴔𐴞𐴋𐴞𐴘𐴝𐴃𐴢 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴦𐴝𐴔𐴢 𐴁𐴤𐴝𐴉𐴠 𐴀𐴦𐴡𐴕 𐴏𐴦𐴝| 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴀𐴝𐴑𐴏𐴡𐴌 𐴔𐴟𐴈𐴝𐴃𐴡𐴁𐴢 𐴀𐴝𐴖𐴝𐴔𐴡𐴌 𐴃𐴝𐴁𐴑𐴝| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝𐴌 𐴈𐴡𐴃𐴝𐴘𐴥𐴡 𐴃𐴝𐴌𐴝𐴌 𐴁𐴟𐴎 𐴔𐴡𐴃𐴝𐴁𐴠𐴑 𐴀𐴦𐴡𐴕 𐴎𐴡𐴌𐴟𐴌𐴞| 𐴃𐴝𐴌𐴝𐴌 𐴁𐴟𐴎𐴡𐴌 𐴁𐴝𐴘𐴌𐴠 𐴁𐴞𐴓𐴑𐴟𐴓𐴢 𐴕𐴡𐴀𐴡𐴕 𐴏𐴦𐴝| 𐴃𐴝𐴌 𐴔𐴡𐴃𐴓𐴡𐴁𐴢 𐴘𐴦𐴝𐴕 𐴕𐴡𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴅𐴝𐴇𐴞𐴊𐴞𐴕 𐴈𐴦𐴝𐴏𐴢 𐴔𐴝𐴙𐴕𐴐𐴥𐴡𐴌𐴠 𐴈𐴠𐴃𐴝𐴁𐴢 𐴕𐴡𐴒𐴡𐴌𐴞𐴁𐴡| 𐴃𐴝𐴌𐴝𐴌 𐴈𐴝𐴃𐴠𐴌𐴠𐴘𐴥𐴡 𐴁𐴡𐴘𐴝𐴕 𐴊𐴞𐴁𐴡، 𐴃𐴝𐴌𐴝𐴌 𐴃𐴡𐴁𐴞𐴘𐴡𐴃𐴢 𐴔𐴡𐴃𐴝𐴁𐴠𐴑 𐴁𐴡𐴘𐴝𐴕 𐴊𐴞𐴁𐴡، 𐴑𐴞𐴕𐴃𐴟 𐴀𐴦𐴝𐴔𐴢 𐴊𐴝𐴖𐴡𐴃𐴡𐴃𐴢 𐴀𐴝𐴖𐴝𐴔𐴡𐴌 𐴏𐴞𐴕𐴃𐴝-𐴉𐴞𐴑𐴞𐴌𐴡𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴌𐴝𐴑𐴝 𐴉𐴡𐴌𐴞𐴁𐴡||

𐴱𐴷) 𐴅𐴞𐴇𐴝𐴊𐴞 𐴔𐴞𐴋𐴞𐴘𐴝 𐴀𐴝𐴊𐴧𐴠 𐴊𐴝𐴖𐴡𐴃𐴡𐴃𐴢 𐴈𐴡𐴕𐴥𐴡 𐴒𐴝𐴘𐴌𐴠 𐴐𐴡𐴌𐴀𐴞 𐴖𐴡𐴏𐴞𐴓𐴝 𐴀𐴠𐴏𐴃𐴠𐴔𐴝𐴓𐴢 𐴕𐴡𐴒𐴡𐴌𐴞𐴁𐴡| 𐴔𐴡𐴏𐴧𐴟𐴊𐴢 𐴀𐴝𐴊𐴧𐴠 𐴖𐴡𐴏𐴞𐴓𐴝 𐴊𐴟𐴕𐴞𐴘𐴝𐴕𐴡𐴃𐴢 𐴎𐴡𐴃𐴡 𐴁𐴠𐴐𐴞 𐴐𐴡𐴌𐴞𐴘𐴡𐴃𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴝 𐴎𐴝𐴘𐴁𐴡 𐴀𐴥𐴠𐴃𐴡 𐴁𐴠𐴐𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴑𐴟𐴊𐴟𐴌𐴡𐴃𐴞𐴌 𐴔𐴡𐴊𐴡𐴃𐴢 𐴕𐴝𐴎𐴠𐴓𐴢 𐴀𐴥𐴡𐴘𐴁𐴡 𐴀𐴝𐴌 𐴊𐴝𐴖𐴡𐴃𐴡𐴃𐴢 𐴁𐴡𐴌𐴑𐴡𐴃𐴢 𐴀𐴥𐴡𐴘𐴁𐴡| 𐴀𐴠𐴈𐴡𐴃𐴝𐴌 𐴖𐴡𐴌𐴠 𐴘𐴠𐴑𐴞𐴕 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴠 𐴈𐴝𐴔𐴢 𐴐𐴡𐴌𐴞𐴘𐴡𐴃𐴡𐴃𐴢 𐴔𐴝𐴕𐴥𐴝 𐴀𐴥𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴊𐴝𐴖𐴡𐴃𐴡𐴌 𐴉𐴝𐴘𐴊𐴝 𐴀𐴥𐴡𐴘 𐴕𐴡𐴉𐴝𐴌𐴠||

𐴀𐴥𐴠 𐴈𐴡𐴃𐴝𐴓𐴧𐴝 𐴔𐴞𐴏𐴥𐴝 𐴈𐴡𐴃𐴝 𐴀𐴝𐴊𐴧𐴠 𐴊𐴤𐴟𐴑𐴝 𐴁𐴝𐴎𐴞𐴃𐴧𐴞 𐴉𐴟𐴌𐴟𐴉𐴟𐴌𐴞 𐴁𐴤𐴝𐴉𐴠 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡| 𐴐𐴡𐴌𐴞𐴘𐴡𐴃𐴠 𐴀𐴦𐴞𐴕𐴡𐴌𐴠 𐴎𐴠 𐴎𐴝𐴒𐴝𐴃𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴞𐴁𐴝𐴌 𐴀𐴠𐴅𐴝𐴎𐴡𐴃𐴢 𐴊𐴞𐴘𐴧𐴠 𐴘𐴦𐴝𐴕 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕 𐴕𐴡𐴀 𐴁𐴤𐴡𐴓𐴑𐴠 𐴘𐴦𐴝𐴕 𐴓𐴝𐴌𐴥𐴝𐴘𐴌 𐴔𐴡𐴙𐴊𐴝𐴕| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴥𐴠 𐴎𐴝𐴒𐴝 𐴁𐴝𐴊𐴠 𐴀𐴦𐴝𐴔𐴢 𐴊𐴝𐴖𐴡𐴃𐴡𐴃𐴢 𐴀𐴠 𐴃𐴝𐴔𐴦𐴝𐴔𐴢 𐴈𐴝𐴔𐴡𐴃𐴧𐴞 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡| 𐴃𐴝𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴘𐴦𐴝𐴕𐴥𐴡 𐴀𐴝𐴌𐴡𐴎 𐴒𐴡𐴌𐴝𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴃𐴧𐴞 𐴔𐴞𐴋𐴞𐴘𐴝𐴃𐴢 𐴈𐴡𐴕𐴥𐴡 𐴈𐴡𐴁𐴡𐴌𐴡𐴌𐴠 𐴎𐴠𐴊𐴧𐴟𐴌 𐴕𐴡𐴀 𐴀𐴥𐴠𐴊𐴧𐴟𐴌 𐴁𐴝𐴌𐴥𐴝𐴘 𐴕𐴡𐴐𐴡𐴌 𐴒𐴡𐴌𐴝𐴃𐴧𐴞 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡 𐴎𐴠𐴒𐴞𐴕𐴡𐴌 𐴈𐴡𐴕𐴥𐴡 𐴇𐴝𐴑𐴞𐴑𐴡𐴃𐴢 𐴕𐴥𐴝𐴘| 𐴀𐴞𐴕𐴋𐴞𐴓𐴧𐴝 𐴔𐴟𐴁𐴝𐴓𐴠𐴒𐴝𐴌 𐴎𐴡𐴌𐴞𐴘𐴝 𐴊𐴝𐴖𐴡𐴃𐴡𐴌 𐴕𐴟𐴏𐴧𐴝𐴕 𐴀𐴥𐴡𐴀 𐴀𐴝𐴌 𐴀𐴟𐴓𐴊𐴝 𐴊𐴝𐴖𐴡𐴃𐴡𐴃𐴢 𐴀𐴝𐴏𐴠𐴊𐴠 𐴏𐴡𐴊𐴝𐴑𐴡𐴃𐴡𐴌 𐴖𐴡𐴌𐴠 𐴐𐴥𐴡𐴑 𐴐𐴟𐴁𐴝 𐴉𐴡𐴙𐴊𐴝 𐴀𐴥𐴡𐴀||

𐴱𐴸) 𐴎𐴠 𐴃𐴡𐴁𐴑𐴝𐴌 𐴏𐴝𐴣𐴀𐴃𐴠 𐴈𐴡𐴃𐴝 𐴈𐴦𐴡𐴘𐴁𐴝 ، 𐴕𐴞𐴎𐴡𐴌𐴠 𐴃𐴝𐴌𐴝𐴌 𐴁𐴥𐴟𐴃𐴡𐴌𐴃𐴞 𐴀𐴠𐴑𐴎𐴡𐴕 𐴀𐴥𐴞𐴏𐴝𐴉𐴠 𐴈𐴞𐴘𐴝𐴓𐴢 𐴒𐴡𐴌𐴡𐴕، 𐴃𐴝𐴌 𐴀𐴟𐴓𐴊𐴝 𐴎𐴡𐴊𐴞 𐴔𐴟𐴈𐴝𐴃𐴡𐴁𐴡𐴌 𐴏𐴞𐴕𐴃𐴝-𐴉𐴞𐴑𐴞𐴌، 𐴅𐴡𐴎𐴁𐴝 𐴀𐴝𐴊𐴧𐴠 𐴃𐴝𐴌𐴝𐴌 𐴇𐴝𐴓𐴡𐴃𐴢 𐴎𐴝𐴕𐴡𐴕 𐴏𐴥𐴝𐴌𐴝 𐴃𐴝𐴌𐴝𐴌𐴠 𐴊𐴝𐴖𐴡𐴃𐴢 𐴊𐴞𐴘𐴝𐴎𐴝 𐴃𐴡𐴈𐴡𐴕 𐴃𐴝𐴌𐴝 𐴀𐴡𐴕𐴡𐴌 𐴈𐴡𐴃𐴝 𐴕𐴡𐴁𐴟𐴎𐴞𐴁𐴡 𐴀𐴝𐴌 𐴊𐴝𐴖𐴡𐴃𐴡𐴌 𐴔𐴞𐴑𐴧𐴝 𐴃𐴝𐴌𐴝𐴌 𐴊𐴞𐴓𐴢 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴔𐴝𐴘𐴠𐴓𐴢 𐴕𐴡𐴀𐴡𐴘𐴁𐴡| 𐴔𐴡𐴚𐴒𐴡𐴓𐴢 𐴃𐴝𐴌𐴝𐴌 𐴖𐴡𐴌𐴠 𐴁𐴦𐴡𐴘 𐴑𐴞𐴘𐴝 𐴎𐴡𐴊𐴞 𐴎𐴡𐴁𐴞𐴕𐴡𐴌 𐴔𐴡𐴏𐴝𐴓𐴝 𐴇𐴥𐴡𐴓𐴢 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴠 𐴃𐴡𐴘𐴓𐴠 𐴎𐴡𐴁𐴞𐴕 𐴖𐴝𐴓𐴝 𐴃𐴝𐴌 𐴈𐴡𐴃𐴝𐴌 𐴔𐴞𐴑𐴧𐴝 𐴑𐴞𐴘𐴥𐴡𐴓𐴧𐴝 𐴊𐴞𐴘𐴝𐴕 𐴊𐴞𐴁𐴡؟ 𐴎𐴠 𐴕𐴡𐴎𐴡𐴌𐴓𐴡𐴘 𐴔𐴟𐴈𐴝𐴃𐴡𐴁𐴠 𐴕𐴞𐴎𐴡𐴌 𐴔𐴡𐴏𐴝𐴓𐴝𐴌𐴠 𐴊𐴠𐴙𐴈𐴠 𐴁𐴞𐴓𐴑𐴟𐴓𐴢 𐴀𐴥𐴠 𐴕𐴡𐴎𐴡𐴌𐴓𐴡𐴘 𐴀𐴡𐴕𐴡𐴃𐴧𐴞𐴘𐴥𐴡 𐴁𐴟𐴎𐴝𐴉𐴡𐴌𐴞𐴁𐴡| 𐴀𐴡 𐴌𐴠𐴑𐴝𐴖𐴡𐴄 𐴀𐴝𐴊𐴧𐴠 𐴔𐴡𐴅𐴁𐴟𐴌𐴞 𐴀𐴡𐴕𐴡𐴃𐴧𐴞𐴘𐴥𐴡 𐴁𐴟𐴎𐴝 𐴉𐴡𐴌𐴞𐴁𐴡 𐴎𐴠𐴒𐴞𐴕 𐴔𐴟𐴈𐴝𐴃𐴡𐴁𐴠 𐴔𐴝𐴇𐴏𐴟𐴏𐴢 𐴒𐴡𐴌𐴠||

𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴀𐴠𐴇𐴠𐴏𐴝𐴏𐴢 𐴀𐴝𐴊𐴧𐴠 𐴕𐴡𐴎𐴡𐴌 𐴖𐴡𐴒𐴝𐴘𐴌𐴝 𐴒𐴡𐴌𐴝𐴌 𐴁𐴝𐴊𐴠 𐴀𐴡 𐴔𐴡𐴗𐴎𐴟𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴕 𐴎𐴞𐴘𐴝𐴕 𐴐𐴡𐴌𐴞𐴘𐴡𐴃𐴡𐴌 𐴃𐴡𐴑𐴝𐴎𐴝𐴘𐴥𐴡 𐴀𐴝𐴌 𐴀𐴝𐴔𐴡𐴓𐴢 𐴒𐴡𐴌𐴝𐴌𐴥𐴡 𐴑𐴝𐴁𐴠𐴓𐴢 𐴀𐴥𐴡𐴀| 𐴎𐴡𐴊𐴞 𐴁𐴞𐴙𐴌𐴝𐴔𐴢 𐴏𐴞𐴕𐴡𐴕 𐴏𐴥𐴝𐴌𐴝 𐴀𐴠𐴓𐴝𐴅𐴡𐴌 𐴖𐴡𐴌𐴠 𐴀𐴠𐴓𐴝𐴅 𐴒𐴡𐴌𐴝𐴃𐴢 𐴃𐴝𐴑𐴠 𐴃𐴡𐴘𐴓𐴠 𐴁𐴞𐴙𐴌𐴝𐴔𐴢 𐴑𐴦𐴞𐴕𐴒𐴡𐴌𐴞 𐴁𐴤𐴝𐴓𐴝 𐴀𐴥𐴡𐴘𐴁𐴡| 𐴀𐴝𐴌 𐴁𐴞𐴙𐴌𐴝𐴘𐴔𐴧𐴝 𐴑𐴦𐴠𐴕𐴒𐴡𐴌𐴞 𐴀𐴞𐴕𐴋𐴞𐴓𐴧𐴝 𐴔𐴝𐴙𐴕𐴐𐴥𐴡𐴌𐴠 𐴕𐴞𐴎𐴡𐴌 𐴋𐴝𐴑𐴄𐴡𐴌 𐴔𐴝𐴕𐴞 𐴓𐴡𐴘𐴁𐴡؟ 𐴊𐴝𐴀𐴞 𐴔𐴝𐴕𐴥𐴟𐴙𐴐𐴡𐴌 𐴊𐴡𐴌𐴔𐴞𐴘𐴝𐴕 𐴃𐴝𐴑𐴞𐴓𐴠 𐴁𐴟𐴎𐴞 𐴉𐴝𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴈𐴡𐴕 𐴈𐴡𐴃𐴝 𐴈𐴡𐴕 𐴀𐴡𐴃𐴧𐴡𐴃𐴢 𐴀𐴝𐴏𐴡𐴌 𐴒𐴡𐴌𐴞𐴁𐴡؟ 𐴔𐴟𐴈𐴝𐴃𐴡𐴁𐴡𐴌 𐴏𐴞𐴙𐴘𐴝𐴌𐴝𐴌 𐴌𐴡𐴚 𐴁𐴡𐴊𐴡𐴓𐴝𐴌 𐴎𐴡𐴌𐴞𐴘𐴝 𐴃𐴝𐴌𐴠 𐴁𐴦𐴡𐴗𐴃𐴢 𐴑𐴞𐴏𐴧𐴟 𐴁𐴟𐴎𐴝𐴘𐴊𐴠| 𐴑𐴞𐴕𐴃𐴟 𐴇𐴥𐴝𐴎𐴝𐴌 𐴔𐴝𐴘𐴓𐴢 𐴊𐴟𐴌𐴠 𐴃𐴝𐴑𐴝 𐴔𐴟𐴈𐴝𐴃𐴡𐴁𐴡𐴌𐴠 𐴎𐴡𐴈𐴡𐴕 𐴊𐴠𐴙𐴈𐴝𐴘𐴥𐴡 𐴕𐴡𐴎𐴝 𐴀𐴝𐴌 𐴊𐴝𐴀𐴞 𐴃𐴝𐴌𐴝𐴌 𐴇𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 𐴒𐴝𐴉𐴠𐴓𐴢 𐴀𐴡𐴘𐴡𐴌𐴠 𐴎𐴡𐴊𐴠 𐴏𐴞𐴌𐴞𐴉𐴢 𐴕𐴞𐴎𐴡𐴌 𐴅𐴡𐴁𐴝𐴌 𐴔𐴡𐴃𐴝𐴁𐴠𐴑 𐴁𐴡𐴘𐴝𐴕 𐴒𐴡𐴌𐴝𐴃𐴢 𐴃𐴝𐴑𐴠، 𐴃𐴡𐴈𐴡𐴕 𐴀𐴞𐴕𐴋𐴞𐴓𐴧𐴝 𐴊𐴝𐴖𐴡𐴃𐴠 𐴁𐴠𐴐𐴞 𐴈𐴡𐴔𐴢 𐴀𐴝𐴏𐴡𐴌 𐴒𐴡𐴌𐴠||

𐴱𐴹) 𐴀𐴠𐴈𐴡𐴃𐴝𐴌 𐴈𐴞𐴘𐴝𐴓𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴡𐴃𐴢 𐴀𐴝𐴣𐴀𐴌𐴝𐴌 𐴊𐴟𐴐𐴧𐴡𐴕 𐴏𐴞𐴌𐴞𐴉𐴢 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢، 𐴀𐴝𐴌 𐴃𐴝𐴌 𐴑𐴞𐴘𐴝𐴊𐴡𐴃𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴀𐴥𐴠𐴒𐴞𐴕𐴡𐴌 𐴔𐴟𐴏𐴡𐴓𐴧𐴝𐴇 𐴉𐴦𐴝𐴌𐴝𐴊𐴝𐴌 𐴀𐴡𐴑𐴧𐴡𐴓𐴢 𐴖𐴦𐴝𐴉𐴡𐴌𐴞𐴁𐴡| 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴑𐴞𐴃𐴝𐴓𐴡𐴌 𐴔𐴞𐴑𐴧𐴝 𐴃𐴝𐴇𐴌𐴞𐴎 𐴒𐴡𐴌𐴡𐴕| 𐴀𐴥𐴞𐴕𐴋𐴞𐴓𐴧𐴝 𐴓𐴝𐴊𐴞𐴕𐴞𐴘𐴡𐴃𐴢 (𐴏𐴞𐴑𐴟𐴓𐴝𐴌𐴞𐴎𐴡𐴔) 𐴉𐴤𐴡𐴙𐴓𐴝𐴊𐴠 𐴃𐴝𐴌𐴝𐴘𐴥𐴡 𐴀𐴝𐴣𐴀𐴌𐴝𐴌 𐴀𐴝𐴏𐴡𐴓𐴢 𐴊𐴟𐴙𐴐𐴧𐴡𐴕| 𐴀𐴝𐴌 𐴎𐴠 𐴊𐴦𐴞𐴕𐴊𐴝𐴌 𐴃𐴡𐴁𐴑𐴝 𐴀𐴝𐴣𐴀𐴌𐴝𐴌 𐴔𐴟𐴈𐴝𐴓𐴡𐴉𐴞 𐴒𐴡𐴌𐴠 𐴃𐴝𐴌𐴝 𐴀𐴝𐴣𐴀𐴌𐴝𐴌 𐴊𐴟𐴐𐴧𐴡𐴕 𐴕𐴡𐴀، 𐴃𐴝𐴌𐴝𐴌𐴠 𐴀𐴝𐴣𐴀𐴌𐴝 𐴊𐴝𐴖𐴡𐴃𐴢 𐴊𐴞𐴘𐴧𐴟𐴔𐴢||

𐴲𐴰) 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴅𐴞𐴇𐴝𐴊𐴢 𐴉𐴞 𐴏𐴝𐴁𐴞𐴓𐴞𐴓𐴧𐴝𐴇𐴌 𐴁𐴟𐴕𐴞𐴘𐴝𐴊𐴞 𐴔𐴡𐴏𐴧𐴟𐴊𐴢 𐴀𐴠𐴓𐴝𐴘𐴠 𐴑𐴡𐴓𐴞𐴔𐴝𐴃𐴟𐴓𐴧𐴝𐴇 𐴖𐴦𐴝 𐴉𐴡𐴌𐴞𐴁𐴡| 𐴘𐴦𐴝𐴕𐴞 𐴀𐴠𐴕𐴉𐴠𐴌𐴝𐴊𐴞، 𐴀𐴠𐴐𐴃𐴠𐴔𐴝𐴀𐴞 𐴀𐴝𐴌 𐴕𐴠𐴎𐴝𐴔𐴠 𐴇𐴡𐴑𐴟𐴔𐴡𐴃𐴢 𐴉𐴡𐴙𐴅𐴧𐴡𐴕𐴃𐴡 𐴀𐴝𐴓𐴧𐴝𐴇 𐴏𐴟𐴁𐴇𐴝𐴕𐴝𐴇𐴟 𐴖𐴡𐴃𐴝𐴀𐴝𐴓𐴝𐴌 𐴕𐴠𐴎𐴝𐴔𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕| 𐴔𐴡𐴎𐴓𐴟𐴔𐴡𐴌 𐴔𐴡𐴊𐴡𐴃𐴢 𐴀𐴝𐴌 𐴑𐴝𐴉𐴠𐴌𐴡𐴌 𐴊𐴡𐴈𐴡𐴓𐴡𐴃𐴧𐴞 𐴀𐴞𐴏𐴓𐴝𐴔𐴞 𐴎𐴡𐴁𐴞𐴕 𐴀𐴡𐴑𐴧𐴡𐴓𐴢 𐴀𐴝𐴎𐴝𐴊𐴢 𐴒𐴡𐴌𐴝𐴘𐴥𐴡 𐴅𐴞𐴇𐴝𐴊𐴡𐴌 𐴔𐴡𐴏𐴧𐴟𐴊𐴢| 𐴑𐴞𐴕𐴃𐴟 𐴀𐴠𐴒𐴞𐴕 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 (𐴊𐴦𐴞𐴕𐴡𐴌𐴠 𐴒𐴝𐴓𐴠𐴁𐴢 𐴒𐴡𐴌𐴝𐴌) 𐴃𐴝𐴁𐴠 𐴀𐴥𐴞𐴏𐴝𐴉𐴠 𐴃𐴝𐴑𐴞𐴁𐴡|

𐴲𐴱) 𐴀𐴞𐴏𐴓𐴝𐴔𐴞 𐴔𐴡𐴑𐴁𐴟𐴎𐴝𐴃𐴢( 𐴎𐴠 𐴃𐴝𐴔𐴦𐴝𐴔𐴢 𐴎𐴡𐴁𐴞𐴕 𐴀𐴡𐴑𐴧𐴡𐴓𐴢 𐴀𐴠𐴈𐴡𐴕 𐴑𐴝𐴉𐴠𐴌𐴡𐴌 𐴊𐴡𐴈𐴡𐴓𐴡𐴃𐴢) 𐴈𐴦𐴝𐴏𐴢 𐴒𐴡𐴌𐴞 𐴁𐴝𐴘𐴃𐴟𐴓𐴢 𐴔𐴡𐴑𐴊𐴡𐴏𐴢 𐴀𐴝𐴊𐴧𐴠 𐴇𐴝𐴌𐴡𐴔𐴝𐴘𐴕𐴡𐴌 𐴀𐴝𐴎𐴝𐴊𐴞𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴀𐴕𐴡𐴌𐴠 𐴁𐴟𐴕𐴞𐴘𐴝𐴊𐴞 𐴉𐴟𐴖𐴝𐴙𐴕𐴄 𐴀𐴥𐴞𐴏𐴝𐴉𐴠 𐴌𐴝𐴑𐴡𐴕 𐴎𐴡𐴌𐴟𐴌𐴞| 𐴇𐴥𐴞𐴕𐴋𐴞𐴓𐴧𐴝 𐴉𐴞𐴓𐴞𐴏𐴃𐴞𐴕𐴡𐴌 𐴖𐴡𐴌𐴠 𐴘𐴟𐴇𐴟𐴊𐴞 𐴀𐴡𐴑𐴧𐴡𐴓𐴡𐴌 𐴑𐴡𐴁𐴎𐴝𐴌 𐴁𐴝𐴁𐴡𐴃𐴠 𐴀𐴝𐴔𐴠𐴌𐴞𐴑𐴝 𐴀𐴝𐴊𐴧𐴠 𐴀𐴝𐴌𐴡𐴁𐴡𐴌 𐴃𐴝𐴒𐴟𐴃𐴢 𐴀𐴡𐴑𐴧𐴡𐴓𐴡𐴌 𐴑𐴞𐴌𐴊𐴝𐴌𐴡𐴌𐴠 𐴏𐴝𐴉𐴢 𐴏𐴝𐴉𐴒𐴡𐴌𐴞 𐴁𐴡𐴘𐴝𐴕 𐴒𐴡𐴌𐴡𐴕| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴔𐴠𐴌𐴞𐴑𐴝𐴌 𐴏𐴝𐴣𐴀𐴃𐴠 𐴊𐴟𐴐𐴧𐴡𐴕𐴞 𐴌𐴝𐴑𐴡𐴕 𐴀𐴝𐴊𐴧𐴠 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴉𐴟𐴌𐴝 𐴊𐴟𐴕𐴞𐴘𐴝𐴃𐴢 𐴑𐴝𐴌𐴟𐴖𐴝𐴘𐴞 𐴒𐴡𐴌𐴞𐴁𐴝𐴌 𐴃𐴝𐴇𐴌𐴞𐴎 𐴒𐴡𐴌𐴝𐴌𐴠𐴘𐴡 𐴊𐴝𐴖𐴡𐴃𐴡𐴌 𐴅𐴟𐴎 𐴁𐴝𐴕𐴡𐴕 ||

𐴑𐴡𐴐𐴔𐴞𐴌 𐴀𐴟𐴔𐴧𐴡𐴃𐴠 𐴔𐴟𐴏𐴓𐴞𐴔𐴝𐴌 𐴃𐴝𐴎𐴝 𐴎𐴡𐴈𐴡𐴔𐴢| 𐴇𐴥𐴠𐴃𐴡𐴓𐴧𐴝 𐴑𐴡𐴐𐴔𐴞𐴌𐴡𐴌 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴢 𐴊𐴡𐴕 𐴏𐴦𐴝| 𐴀𐴝𐴌 𐴘𐴦𐴝𐴕𐴡𐴌𐴠 𐴀𐴠𐴅𐴠𐴕𐴏𐴞 𐴀𐴡𐴑𐴧𐴡𐴓𐴡𐴌 𐴔𐴝𐴃𐴝𐴇𐴝𐴃𐴡𐴃𐴧𐴞 𐴕𐴞𐴘𐴡𐴓𐴡𐴕

(𐴕𐴟𐴄: 𐴅𐴞𐴇𐴝𐴊𐴡𐴌𐴠 𐴃𐴝𐴒𐴟𐴃𐴞 𐴀𐴠𐴅𐴠𐴣𐴏𐴞 𐴀𐴡𐴑𐴧𐴡𐴓𐴡𐴃𐴧𐴞 𐴀𐴝𐴎𐴝𐴊𐴢 𐴒𐴡𐴌𐴡𐴕 𐴀𐴝𐴌 𐴐𐴡𐴌𐴞𐴘𐴡𐴃𐴡𐴌 𐴃𐴝𐴁𐴠 𐴌𐴝𐴑𐴡𐴕 𐴇𐴦𐴝𐴌 𐴇𐴝𐴓𐴡𐴃𐴡𐴃𐴢 𐴎𐴡𐴌𐴟𐴌𐴞، 𐴀𐴥𐴞𐴕𐴋𐴞𐴓𐴧𐴝 𐴐𐴡𐴌𐴞𐴘𐴡𐴃𐴡𐴌 𐴁𐴡𐴗𐴋𐴝𐴌𐴡𐴌 𐴁𐴥𐴟𐴃𐴡𐴌𐴠 𐴃𐴝𐴑𐴞 𐴊𐴟𐴕𐴞𐴘𐴝𐴌 𐴃𐴝𐴒𐴟𐴃𐴢 𐴀𐴡𐴑𐴧𐴡𐴓𐴡𐴌 𐴀𐴝𐴂𐴡𐴏𐴡𐴌 𐴒𐴥𐴠𐴐𐴝 𐴒𐴠𐴐𐴞𐴃𐴧𐴞 𐴉𐴝𐴘𐴊𐴝 𐴇𐴝𐴏𐴠𐴓𐴢 𐴒𐴡𐴌𐴡𐴕𐴥𐴡 𐴅𐴝𐴘𐴠𐴎| 𐴀𐴠 𐴊𐴟𐴕𐴞 𐴈𐴝𐴔𐴢 𐴀𐴠𐴑𐴧𐴝𐴕 𐴀𐴝𐴌𐴠𐴑𐴧𐴝𐴕𐴡𐴌 𐴈𐴠𐴓𐴝𐴉𐴢 𐴕𐴡𐴀| 𐴑𐴞𐴕𐴃𐴟 𐴎𐴠 𐴏𐴞𐴏𐴧𐴝𐴕 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴓𐴧𐴝 𐴕𐴟𐴏𐴧𐴝𐴕 𐴀𐴝𐴌 𐴎𐴞𐴘𐴝𐴕𐴡𐴌𐴠 𐴏𐴥𐴡𐴀𐴞 𐴒𐴡𐴌𐴡𐴕 𐴎𐴡𐴌𐴟𐴌𐴞 𐴇𐴥𐴞𐴘𐴝𐴕 𐴀𐴥𐴡𐴘𐴓𐴊𐴠 𐴃𐴝𐴒𐴟𐴃𐴢 𐴀𐴦𐴡𐴓𐴡𐴌 𐴀𐴝𐴉𐴡𐴏𐴡𐴌 𐴑𐴡𐴐𐴔𐴡 𐴑𐴡𐴐𐴡𐴃𐴧𐴞 𐴉𐴝𐴘𐴊𐴝 𐴓𐴡𐴘𐴃𐴠 𐴓𐴡𐴘𐴃𐴠 𐴈𐴡𐴕𐴥𐴡 𐴀𐴠𐴑 𐴃𐴝𐴒𐴟𐴃𐴡𐴌 𐴔𐴝𐴃𐴝𐴇𐴝𐴃𐴢 𐴀𐴥𐴡𐴘𐴎𐴡𐴕𐴒𐴡𐴘| 𐴉𐴞𐴃𐴞𐴕 𐴅𐴞𐴇𐴝𐴊𐴡𐴌 𐴔𐴡𐴏𐴧𐴟𐴊𐴢 𐴀𐴝𐴊𐴧𐴠 𐴕𐴞𐴘𐴡𐴔𐴢 𐴀𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴃𐴝𐴒𐴟𐴃𐴢 𐴀𐴦𐴡𐴓𐴡𐴌 𐴌𐴝𐴇𐴕𐴟𐴔𐴝𐴘𐴞 𐴀𐴝𐴊𐴧𐴠 𐴇𐴡𐴑𐴟𐴔𐴡𐴌 𐴉𐴝𐴁𐴡𐴕 𐴀𐴥𐴡𐴘𐴎𐴡𐴕||)

𐴀𐴥𐴞𐴕𐴋𐴞𐴓𐴧𐴝 𐴎𐴡𐴈𐴡𐴕 𐴀𐴥𐴡𐴘𐴁𐴡 𐴃𐴡𐴘 𐴅𐴞𐴇𐴝𐴊𐴢 𐴕𐴞𐴎𐴠 𐴁𐴝𐴎𐴠 𐴌𐴝𐴏𐴧𐴝 𐴀𐴥𐴝𐴌𐴝𐴘 𐴉𐴠𐴓𐴝𐴘𐴁𐴡، 𐴀𐴝𐴌𐴠𐴑 𐴔𐴞𐴑𐴧𐴝 𐴃𐴝𐴒𐴟𐴃𐴢 𐴀𐴦𐴡𐴓𐴠 𐴀𐴝𐴇𐴓𐴠 𐴀𐴞𐴔𐴝𐴕𐴡𐴌 𐴑𐴟𐴌𐴁𐴝𐴕𐴞𐴌 𐴉𐴥𐴡𐴓𐴢 𐴀𐴡𐴑𐴧𐴡𐴓𐴢 𐴓𐴟𐴄𐴒𐴡𐴌𐴞 𐴓𐴡𐴘𐴎𐴝𐴘𐴁𐴡𐴘 𐴀𐴝𐴌 𐴔𐴡𐴎𐴓𐴟𐴔𐴢 𐴀𐴟𐴔𐴧𐴡𐴃𐴡𐴌 𐴕𐴡𐴏𐴞𐴁𐴡𐴃𐴢 𐴔𐴝𐴘𐴟𐴏𐴞 𐴀𐴝𐴊𐴧𐴠 𐴔𐴝𐴀𐴌𐴟𐴔𐴞 𐴏𐴥𐴝𐴌𐴝 𐴀𐴝𐴌𐴑𐴞𐴏𐴧𐴟 𐴕𐴡𐴃𐴝𐴑𐴞𐴁𐴡| 𐴀𐴥𐴠 𐴈𐴡𐴃𐴝𐴓𐴧𐴝 𐴅𐴞𐴇𐴝𐴊𐴞 𐴀𐴟𐴓𐴝𐴔𐴝 𐴀𐴦𐴡𐴓𐴠 𐴐𐴡𐴌𐴞𐴘𐴡𐴃𐴡𐴌 𐴁𐴡𐴗𐴋𐴝𐴌𐴡𐴃𐴢 𐴃𐴝𐴑𐴞𐴁𐴝𐴌 𐴐𐴡𐴌𐴃𐴡 𐴁𐴡𐴘𐴝𐴕 𐴒𐴡𐴌𐴝𐴌 𐴏𐴝𐴣𐴀𐴃𐴠 𐴃𐴝𐴒𐴟𐴃𐴡𐴌 𐴀𐴝𐴉𐴡𐴏𐴡𐴌 𐴑𐴡𐴐𐴔𐴡 𐴑𐴡𐴐𐴡𐴃𐴧𐴞 𐴉𐴝𐴘𐴊𐴝 𐴃𐴟𐴓𐴡𐴕 𐴅𐴝𐴘𐴠𐴎 𐴁𐴡𐴓𐴞 𐴈𐴡𐴘𐴧𐴠، 𐴑𐴞𐴕𐴃𐴟 𐴃𐴝𐴒𐴟𐴃𐴡𐴌 𐴔𐴝𐴃𐴝𐴇𐴝𐴃𐴢 𐴃𐴝𐴑𐴡𐴕 𐴁𐴞𐴓𐴑𐴟𐴓𐴢 𐴕𐴝𐴎𐴝𐴘𐴠𐴎 𐴁𐴡𐴓𐴞 𐴑𐴠𐴌𐴝𐴌 𐴊𐴞𐴘𐴧𐴠||

𐴀𐴝𐴌 𐴕𐴠𐴉𐴝𐴎𐴠 𐴐𐴡𐴌𐴞𐴘𐴡𐴃𐴡𐴌 𐴔𐴡𐴏𐴧𐴟𐴊𐴡𐴌 𐴃𐴝𐴁𐴠 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕| (𐴕𐴟𐴄: 𐴀𐴠 𐴊𐴝𐴖𐴡𐴃𐴡𐴔𐴧𐴝𐴎𐴠 𐴀𐴡 𐴕𐴡𐴎𐴝𐴑𐴡𐴃𐴡𐴌 𐴔𐴞𐴑𐴧𐴝 𐴁𐴤𐴝𐴓𐴝 𐴒𐴡𐴌𐴞 𐴈𐴞𐴘𐴝𐴓𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞𐴈𐴡𐴘𐴓𐴠 𐴕𐴞𐴎𐴡𐴌 𐴀𐴝𐴔𐴡𐴓𐴡𐴌𐴠 𐴀𐴠𐴅𐴞𐴣𐴏𐴞 𐴀𐴡𐴑𐴧𐴡𐴓𐴡𐴌 𐴔𐴝𐴃𐴝𐴇𐴝𐴃𐴢 𐴌𐴝𐴑𐴡𐴕𐴡𐴌 𐴉𐴟𐴌𐴝𐴉𐴟𐴌𐴞 𐴁𐴤𐴝𐴉𐴠 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴡𐴕 𐴔𐴡𐴒𐴡𐴌 𐴑𐴡𐴐𐴔𐴞𐴌𐴞 𐴃𐴡𐴕𐴎𐴞𐴔𐴢 𐴀𐴡𐴑𐴧𐴡𐴓𐴢 𐴎𐴝𐴌𐴝𐴌 𐴔𐴝𐴃𐴝𐴇𐴝𐴃𐴢 𐴅𐴞𐴇𐴝𐴊𐴡𐴃𐴢 𐴔𐴡𐴐𐴒𐴟𐴓𐴢، 𐴃𐴝𐴌𐴝𐴌 𐴕𐴝𐴔𐴢 𐴊𐴤𐴡𐴌𐴞 𐴔𐴟𐴈𐴝𐴓𐴡𐴉𐴡𐴃𐴢 𐴒𐴡𐴌𐴝𐴃𐴧𐴞 𐴀𐴠𐴇𐴃𐴠𐴘𐴝𐴃𐴢 𐴒𐴡𐴌𐴡𐴕| 𐴀𐴥𐴠 𐴃𐴡𐴕𐴎𐴞𐴔𐴢 𐴀𐴡𐴑𐴧𐴡𐴓𐴡𐴃𐴢 𐴁𐴦𐴡𐴗𐴃𐴢 𐴔𐴟𐴈𐴓𐴠𐴏𐴢 𐴔𐴝𐴕𐴥𐴟𐴙𐴐𐴥𐴡 𐴀𐴝𐴏𐴠، 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴀𐴝𐴣𐴀𐴌𐴝𐴌 𐴊𐴟𐴐𐴧𐴡𐴕𐴞 𐴕𐴥𐴡𐴀 𐴁𐴤𐴡𐴓𐴑𐴠 𐴊𐴝𐴖𐴡𐴃𐴡𐴌 𐴔𐴟𐴈𐴝𐴃𐴡𐴁𐴢 𐴁𐴝𐴕𐴡𐴕 𐴏𐴦𐴝𐴀| 𐴎𐴠 𐴏𐴟𐴓𐴟𐴑 𐴀𐴦𐴝𐴔𐴢 𐴊𐴦𐴞𐴕𐴊𐴝𐴌 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴌𐴝𐴑𐴡𐴕 𐴎𐴡𐴌𐴟𐴌𐴞 𐴀𐴠 𐴅𐴞𐴇𐴝𐴊𐴞 𐴃𐴡𐴕𐴎𐴞𐴔𐴢 𐴃𐴝𐴌 𐴁𐴡𐴃𐴡𐴌𐴞𐴑𐴠 𐴀𐴡𐴗𐴓𐴝 𐴁𐴠𐴐𐴞 𐴇𐴡𐴑𐴊𐴝𐴌، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴁𐴤𐴝𐴓𐴝 𐴈𐴝𐴔𐴡𐴌 𐴀𐴠𐴑𐴌𐴝𐴌 𐴀𐴝𐴌 𐴒𐴡𐴓𐴃𐴞𐴌 𐴖𐴡𐴌𐴠 𐴇𐴝𐴔𐴊𐴡𐴌𐴊𐴞𐴌 𐴏𐴝𐴣𐴀𐴃𐴠 𐴕𐴡𐴏𐴞𐴘𐴡𐴃𐴢 𐴒𐴡𐴌𐴡𐴕||

𐴀𐴝𐴌 𐴕𐴡𐴏𐴞𐴘𐴡𐴃𐴢 𐴀𐴞𐴕𐴋𐴞𐴓𐴧𐴝 𐴀𐴦𐴡𐴕 𐴎𐴡𐴌𐴟𐴌𐴞 𐴎𐴠𐴍𐴠 𐴈𐴝𐴘𐴌𐴈𐴝 𐴀𐴝𐴌 𐴀𐴝𐴈𐴓𐴝𐴑 𐴀𐴝𐴊𐴧𐴠 𐴊𐴡𐴓𐴞𐴓𐴡𐴌 𐴒𐴡𐴓𐴁𐴝𐴘𐴞 𐴃𐴝𐴑𐴞𐴁𐴡| 𐴁𐴡𐴊𐴢 𐴀𐴝𐴈𐴓𐴝𐴑𐴞، 𐴁𐴡𐴊𐴢 𐴎𐴟𐴁𐴝𐴕𐴞، 𐴇𐴥𐴞𐴚𐴐𐴝، 𐴒𐴝𐴓𐴞 𐴒𐴝𐴓𐴝𐴏𐴢 𐴀𐴝𐴊𐴧𐴠 𐴀𐴠𐴈𐴃𐴠𐴓𐴝𐴉𐴡𐴌 𐴅𐴡𐴖𐴝𐴁𐴡𐴃𐴢 𐴀𐴠𐴈𐴃𐴠𐴓𐴝𐴉𐴡𐴌 𐴏𐴝𐴣𐴀𐴃𐴠 𐴏𐴟𐴓𐴟𐴑 𐴒𐴡𐴌𐴝𐴃𐴧𐴞 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴁𐴡𐴏𐴞 𐴃𐴝𐴑𐴡𐴕) 𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌 𐴔𐴡𐴊𐴡𐴃𐴢 𐴀𐴝𐴊𐴧𐴠 𐴕𐴟𐴏𐴟𐴌𐴡𐴃𐴢 𐴒𐴡𐴌𐴝 (𐴀𐴠𐴈𐴡𐴕 𐴀𐴝𐴓𐴇𐴝𐴔𐴊𐴟 𐴓𐴠𐴓𐴧𐴝𐴇 𐴀𐴝𐴉𐴒𐴝𐴕𐴞𐴏𐴃𐴝𐴕 𐴀𐴝𐴎𐴝𐴊𐴞 𐴇𐴝𐴏𐴠𐴓𐴢 𐴒𐴡𐴙𐴅𐴧𐴠، 𐴕𐴟𐴏𐴌𐴡𐴃𐴡𐴌 𐴈𐴡𐴃𐴝 𐴀𐴝𐴎𐴝𐴊𐴞 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴀𐴝𐴒𐴠) 𐴁𐴝𐴇𐴝𐴌 𐴇𐴝𐴓𐴢 𐴘𐴝𐴕𐴡𐴌𐴠 𐴊𐴝𐴖𐴡𐴃𐴡𐴌 𐴁𐴟𐴕𐴞𐴘𐴝𐴊𐴞 𐴀𐴝𐴌 𐴀𐴝𐴇𐴝𐴔𐴢 𐴅𐴟𐴎 𐴀𐴥𐴞𐴏𐴝𐴉𐴠 𐴌𐴝𐴑𐴡𐴕||

𐴲𐴲) 𐴊𐴝𐴖𐴡𐴃𐴡𐴃𐴢 𐴀𐴠𐴈𐴡𐴃𐴝𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴊𐴟𐴐𐴧𐴡𐴕 𐴈𐴡𐴔𐴡𐴕 𐴀𐴝𐴊𐴧𐴠 𐴁𐴡𐴌𐴡 𐴊𐴟𐴐𐴧𐴡𐴕 (𐴕𐴠𐴎𐴝𐴔𐴠 𐴑𐴟𐴉𐴡𐴌𐴡𐴌 𐴓𐴠𐴙𐴋𐴝𐴌 𐴀𐴝𐴊𐴧𐴠 𐴃𐴝𐴌 𐴉𐴦𐴝𐴌𐴝𐴊𐴝𐴌 𐴀𐴡𐴑𐴧𐴡𐴓𐴡𐴌) 𐴈𐴠𐴓𐴝𐴉𐴢 𐴀𐴟𐴔𐴧𐴡𐴃𐴡𐴌𐴠 𐴀𐴠𐴃𐴧𐴠𐴇𐴝𐴊𐴢 𐴒𐴡𐴌𐴡𐴕||

𐴲𐴳) 𐴉𐴝𐴑𐴞𐴏𐴃𐴝𐴕𐴡𐴃𐴢 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴢 𐴏𐴞𐴌𐴞𐴉𐴢 𐴊𐴠𐴙𐴐𐴡𐴌 𐴃𐴝𐴒𐴟𐴃𐴡𐴌 𐴈𐴠𐴓𐴝𐴉𐴢 𐴕𐴡𐴀| 𐴃𐴝𐴌𐴝𐴌 𐴈𐴠𐴓𐴝𐴉𐴥𐴡 𐴀𐴥𐴡𐴘𐴁𐴡 𐴀𐴝𐴌 𐴀𐴠𐴈𐴡𐴕𐴡𐴌 𐴀𐴡𐴃𐴧𐴡𐴃𐴢 𐴘𐴦𐴝𐴕 𐴁𐴠𐴐𐴞 𐴎𐴡𐴌𐴟𐴌𐴞 𐴀𐴥𐴡𐴘𐴒𐴞𐴘𐴡𐴘| 𐴑𐴞𐴕𐴃𐴟 𐴏𐴞𐴌𐴞𐴉𐴢 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴒𐴡𐴌𐴝 𐴎𐴝𐴘𐴁𐴡𐴊𐴠 𐴕𐴡𐴀|
(𐴕𐴟𐴄: 𐴀𐴠 𐴎𐴝𐴒𐴝𐴃𐴢 𐴉𐴝𐴑𐴞𐴏𐴃𐴝𐴕𐴡𐴌 𐴕𐴠𐴎𐴝𐴔𐴠 𐴁𐴝𐴃𐴠𐴓𐴡𐴌 𐴈𐴠𐴓𐴝𐴉𐴢 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴠𐴊𐴝𐴊𐴡𐴌 𐴃𐴡𐴎𐴑𐴝𐴌𐴝 𐴏𐴡𐴓𐴠𐴊𐴧𐴠 𐴕𐴡𐴀، 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴠𐴊𐴝𐴃𐴢 𐴕𐴠𐴎𐴝𐴔𐴠 𐴁𐴝𐴃𐴠𐴓𐴢 𐴎𐴡𐴃𐴡𐴊𐴞𐴕 𐴑𐴝𐴘𐴠𐴔𐴢 𐴀𐴝𐴏𐴠 𐴀𐴝𐴌 𐴀𐴠𐴍𐴠 𐴐𐴡𐴌𐴞𐴘𐴡𐴃𐴢 𐴎𐴡𐴃𐴡𐴊𐴞𐴕 𐴕𐴝𐴉𐴠𐴎 𐴕𐴡𐴀𐴡𐴘𐴁𐴡 𐴀𐴠𐴃𐴡𐴊𐴞𐴕 𐴉𐴡𐴙𐴅𐴧𐴡𐴕𐴃𐴡 𐴅𐴝𐴌𐴞 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴀𐴠 𐴎𐴝𐴒𐴝𐴃𐴢 𐴑𐴞𐴃𐴝𐴓𐴡𐴌 𐴃𐴝𐴎𐴑𐴝𐴌𐴝 𐴏𐴡𐴓𐴠𐴊𐴧𐴠| 𐴀𐴠𐴈𐴡𐴃𐴝 𐴎𐴝𐴇𐴠𐴌 𐴁𐴝𐴇𐴠𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴏𐴓𐴞𐴔𐴢 𐴐𐴡𐴔𐴝𐴎𐴡𐴃𐴢 𐴔𐴟𐴏𐴡𐴓𐴧𐴡𐴃𐴢 𐴀𐴝𐴏𐴠𐴊𐴠 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴈𐴠𐴓𐴝𐴉𐴢 𐴑𐴞𐴃𐴝𐴓𐴢 𐴐𐴟𐴌𐴟 𐴒𐴡𐴌𐴝𐴌 𐴀𐴝𐴒𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴡𐴌 𐴔𐴡𐴏𐴓𐴝𐴇𐴝𐴃𐴡𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴒𐴡𐴌𐴝 𐴎𐴡𐴌𐴟𐴌𐴞| 𐴁𐴝𐴇𐴝𐴌 𐴇𐴝𐴓𐴢 𐴀𐴠𐴈𐴡𐴕 𐴉𐴝𐴑𐴞𐴏𐴃𐴝𐴕𐴞 𐴉𐴡𐴗𐴏𐴢 𐴀𐴝𐴊𐴧𐴠 𐴇𐴟𐴑𐴔𐴡𐴌𐴝𐴕 𐴀𐴦𐴡𐴓𐴡𐴌 𐴈𐴠𐴓𐴝𐴉𐴥𐴡 𐴑𐴞𐴃𐴝𐴓𐴢 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴀𐴠 𐴑𐴞𐴃𐴝𐴓𐴡𐴌𐴠 𐴀𐴝𐴔𐴠𐴌𐴞𐴑𐴝𐴌 𐴔𐴡𐴊𐴡𐴃𐴢 𐴓𐴡𐴘 𐴃𐴝𐴌𐴝 𐴕𐴞𐴎𐴠 𐴐𐴟𐴌𐴟 𐴒𐴡𐴙𐴅𐴧𐴠 𐴀𐴝𐴌 𐴀𐴠𐴈𐴡𐴕 𐴀𐴠 𐴓𐴝𐴌𐴥𐴝𐴘 𐴀𐴝𐴒𐴡𐴃𐴧𐴞 𐴁𐴥𐴝𐴌𐴡 𐴏𐴡𐴈𐴃𐴡 𐴁𐴤𐴝𐴉𐴠 𐴎𐴟𐴓𐴟𐴔𐴡𐴌 𐴏𐴝𐴣𐴀𐴃𐴠 𐴔𐴟𐴅𐴝𐴇𐴞𐴊𐴢 𐴀𐴝𐴊𐴧𐴠 𐴀𐴝𐴇𐴓𐴠 𐴊𐴦𐴞𐴕𐴡𐴌 𐴈𐴠𐴓𐴝𐴉𐴢 𐴅𐴝𐴌𐴞 𐴀𐴝𐴏𐴠||

𐴀𐴠𐴈𐴡𐴕 𐴕𐴠𐴎𐴝𐴔𐴠 𐴁𐴝𐴃𐴠𐴓𐴡𐴌 𐴈𐴠𐴓𐴝𐴉𐴢 𐴊𐴝𐴖𐴡𐴃𐴢 𐴊𐴡𐴀𐴕 𐴀𐴝𐴊𐴧𐴠 𐴑𐴟𐴉𐴡𐴌𐴡𐴌 𐴓𐴠𐴙𐴋𐴝𐴌 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢 𐴀𐴠𐴊𐴝𐴊𐴢 𐴒𐴡𐴌𐴝 𐴀𐴠𐴍𐴞𐴘𐴝𐴌 𐴏𐴡𐴈𐴃𐴡 𐴁𐴡𐴌𐴡 𐴅𐴟𐴌𐴟𐴔𐴡𐴌 𐴁𐴥𐴟𐴃𐴡𐴌𐴠 𐴐𐴝𐴔𐴠𐴓𐴢 𐴀𐴝𐴏𐴠| 𐴀𐴡𐴒𐴡𐴕𐴝 𐴔𐴟𐴅𐴝𐴇𐴞𐴊𐴞𐴕 𐴀𐴝𐴌 𐴊𐴦𐴞𐴕𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴢 𐴏𐴞𐴘𐴡𐴓𐴢 𐴑𐴠𐴣𐴍𐴝𐴌 𐴉𐴞𐴏𐴠 𐴏𐴡𐴈𐴃𐴡 𐴏𐴝𐴣𐴀𐴎𐴝𐴌 𐴖𐴡𐴌𐴠 𐴊𐴞𐴕 𐴒𐴟𐴎𐴝𐴌𐴠𐴌 𐴀𐴝𐴌 𐴑𐴡𐴁𐴝𐴘𐴠𐴓𐴞 𐴀𐴠𐴓𐴝𐴑𐴝 𐴎𐴞𐴘𐴝𐴕 𐴇𐴝𐴔𐴞𐴐𐴝 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴉𐴝𐴕𐴤𐴝𐴌 𐴎𐴝𐴒𐴝 𐴀𐴥𐴞𐴏𐴝𐴉𐴠 𐴀𐴝𐴙𐴐𐴧𐴞𐴓𐴢 𐴀𐴠𐴈𐴡𐴕 𐴘𐴝𐴕 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴊𐴡𐴈𐴡𐴓𐴡𐴃𐴢| 𐴀𐴝𐴌 𐴘𐴦𐴝𐴕𐴡𐴌𐴠 𐴅𐴞𐴇𐴝𐴊 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴞𐴕𐴡𐴌 𐴈𐴠𐴓𐴝𐴉𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝𐴎𐴝𐴌| 𐴀𐴦𐴠𐴕 𐴇𐴝𐴓𐴡𐴃𐴡𐴃𐴢 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴡𐴌 𐴇𐴠𐴉𐴝𐴎𐴡𐴃𐴢 𐴘𐴥𐴝 𐴔𐴡𐴎𐴓𐴟𐴔𐴡𐴌 𐴕𐴟𐴏𐴌𐴡𐴃𐴢 𐴇𐴦𐴝𐴌 𐴀𐴠𐴃𐴠𐴁𐴝𐴌𐴠 𐴉𐴡𐴗𐴏𐴢 𐴀𐴦𐴡𐴓𐴡𐴌 𐴉𐴡𐴏𐴝𐴊𐴡𐴌𐴠 𐴁𐴡𐴕𐴊𐴡 𐴒𐴡𐴌𐴞𐴁𐴡𐴓𐴧𐴝 𐴑𐴞𐴃𐴝𐴓𐴡𐴌 𐴔𐴡𐴙𐴊𐴝𐴕𐴡𐴃𐴢 𐴓𐴝𐴔𐴡𐴕 𐴎𐴡𐴌𐴟𐴌𐴞|) 𐴀𐴝𐴒𐴠 𐴅𐴞𐴇𐴝𐴊 𐴀𐴡 𐴑𐴟𐴉𐴡𐴌𐴡𐴌 𐴓𐴠𐴙𐴋𐴝𐴌 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢 𐴒𐴡𐴌𐴝 𐴉𐴡𐴌𐴞𐴁𐴡، 𐴎𐴝𐴌𐴝𐴌 𐴎𐴟𐴓𐴟𐴔𐴢، 𐴑𐴟𐴉𐴡𐴌𐴞 𐴀𐴝𐴊𐴧𐴠 𐴔𐴟𐴏𐴡𐴓𐴔𐴝𐴕𐴡𐴌 𐴊𐴟𐴐𐴧𐴡𐴕 𐴀𐴦𐴡𐴕𐴡𐴌 𐴖𐴡𐴌𐴠 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕 𐴀𐴝𐴒𐴠 𐴓𐴡𐴃𐴞 𐴀𐴠𐴃𐴧𐴠𐴉𐴝𐴑 𐴀𐴝𐴏𐴠||

𐴐𐴝𐴘𐴈𐴢 𐴀𐴟𐴏𐴝𐴔𐴝 𐴁𐴞𐴕 𐴓𐴝𐴊𐴠𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴌 𐴈𐴡𐴃𐴝 𐴔𐴡𐴃𐴝𐴁𐴠𐴑، 𐴎𐴠𐴊𐴟𐴐𐴧𐴡𐴕𐴡𐴌 𐴑𐴟𐴉𐴡𐴌𐴞 𐴎𐴝𐴇𐴠𐴌 𐴁𐴝𐴇𐴠𐴌 𐴀𐴥𐴡𐴘𐴁𐴡، 𐴀𐴝𐴦𐴔𐴢 𐴔𐴟𐴏𐴡𐴓𐴔𐴝𐴕 𐴀𐴥𐴞𐴁𐴝𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴡𐴌𐴠 𐴀𐴝𐴏𐴦𐴝𐴕𐴡𐴌 𐴏𐴝𐴣𐴀𐴃𐴠 𐴑𐴡𐴁𐴟𐴓𐴢 𐴒𐴡𐴌𐴠، 𐴘𐴦𐴝𐴌 𐴀𐴟𐴓𐴋𐴝 𐴎𐴡𐴊𐴞 𐴀𐴠𐴑𐴎𐴡𐴕 𐴊𐴟𐴐𐴧𐴡𐴕 𐴀𐴞𐴏𐴓𐴝𐴔𐴞 𐴓𐴠𐴁𐴝𐴏𐴓𐴡𐴘 𐴊𐴤𐴟𐴑𐴝 𐴁𐴝𐴎𐴞𐴌 𐴏𐴝𐴣𐴀𐴃𐴠 𐴈𐴝𐴔𐴢 𐴒𐴡𐴌𐴠، 𐴃𐴡𐴈𐴡𐴕 𐴀𐴥𐴞𐴁𐴝𐴌 𐴑𐴟𐴉𐴡𐴌 𐴀𐴝𐴏𐴡𐴓𐴞 𐴑𐴝𐴉𐴠𐴌𐴡𐴃𐴧𐴞 𐴁𐴝𐴌𐴡 𐴏𐴡𐴈𐴃𐴡 𐴈𐴡𐴃𐴡𐴌𐴕𐴝𐴑| 𐴇𐴝𐴓𐴝𐴑𐴠 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴀𐴦𐴝𐴔𐴢 𐴔𐴝𐴕𐴥𐴟𐴙𐴐𐴢 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴡𐴌𐴠 𐴀𐴝𐴏𐴦𐴝𐴕𐴡𐴌 𐴏𐴝𐴣𐴀𐴃𐴠 𐴑𐴡𐴁𐴟𐴓𐴢 𐴕𐴡𐴒𐴡𐴌𐴠|

𐴀𐴝𐴔𐴠𐴌𐴞𐴑𐴝 𐴀𐴝𐴌 𐴁𐴤𐴝𐴌𐴡𐴃𐴢 𐴀𐴝𐴓𐴡𐴔𐴞 𐴑𐴟𐴉𐴡𐴌𐴡𐴌 𐴀𐴦𐴠𐴕 𐴓𐴠𐴙𐴋𐴝𐴌 𐴎𐴝𐴌𐴝𐴌 𐴑𐴟𐴉𐴡𐴌𐴞، 𐴎𐴟𐴓𐴟𐴔𐴢 𐴀𐴝𐴌 𐴔𐴟𐴏𐴡𐴓𐴔𐴝𐴕𐴡𐴌 𐴈𐴠𐴓𐴝𐴉𐴢 𐴊𐴟𐴐𐴧𐴡𐴕𐴞𐴌 𐴖𐴡𐴌𐴠 𐴉𐴟𐴌𐴝 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴁𐴥𐴟𐴃𐴡𐴌𐴠 𐴈𐴡𐴕𐴥𐴡 𐴀𐴠𐴈𐴃𐴠𐴓𐴝𐴉𐴢 𐴕𐴥𐴝𐴘| 𐴀𐴠 𐴊𐴟𐴕𐴞 𐴎𐴡𐴕𐴡𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴢 𐴒𐴡𐴌𐴝 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴀𐴝𐴌 𐴁𐴠𐴒𐴧𐴞𐴕𐴡𐴃𐴧𐴞 𐴀𐴝𐴇𐴥𐴝𐴔𐴢| 𐴑𐴞𐴕𐴃𐴟 𐴀𐴞 𐴅𐴞𐴇𐴝𐴊𐴢 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴡𐴌𐴠 𐴔𐴡𐴎𐴁𐴟𐴃𐴢 𐴒𐴡𐴌𐴡𐴕، 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌𐴠 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴁𐴝𐴁𐴡𐴃𐴠 𐴁𐴟𐴎𐴡𐴕 𐴀𐴝𐴌 𐴃𐴝𐴌𐴝𐴌 𐴈𐴠𐴓𐴝𐴉𐴢 𐴔𐴟𐴏𐴡𐴓𐴔𐴝𐴕𐴡𐴌𐴠 𐴃𐴝𐴇𐴌𐴞𐴎 𐴒𐴡𐴌𐴝𐴌 𐴀𐴠𐴃𐴠𐴁𐴝𐴌𐴠𐴘𐴥𐴡 𐴎𐴡𐴌𐴟𐴌𐴞| 𐴀𐴝𐴔𐴠𐴌𐴞𐴑𐴝 𐴀𐴝𐴌 𐴁𐴤𐴝𐴌𐴡𐴃𐴡𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴠 𐴀𐴠𐴓𐴝𐴑𐴝𐴌 𐴃𐴝𐴒𐴟𐴃𐴢 (𐴉𐴡𐴗𐴏𐴢 𐴀𐴠𐴊𐴧𐴠 𐴇𐴟𐴑𐴔𐴡𐴌𐴝𐴕) 𐴀𐴡𐴑𐴧𐴡𐴓𐴡𐴌 𐴏𐴞𐴘𐴝𐴌𐴝𐴌 𐴖𐴡𐴃𐴧𐴞 𐴕𐴠𐴉𐴝𐴑𐴡𐴌 𐴉𐴡𐴌𐴡𐴊𐴝𐴌𐴠 𐴎𐴝𐴇𐴠𐴌 𐴒𐴡𐴌𐴞𐴊𐴠| 𐴀𐴥𐴠𐴈𐴝𐴔𐴡𐴌 𐴎𐴡𐴌𐴞𐴘𐴝 𐴃𐴝𐴌𐴝𐴌 𐴊𐴦𐴞𐴕𐴡𐴌 𐴏𐴝𐴣𐴀𐴃𐴠 𐴊𐴟𐴐𐴧𐴡𐴕𐴞 𐴀𐴝𐴌𐴥𐴡 𐴖𐴝𐴎𐴠𐴇 𐴀𐴥𐴡𐴘𐴎𐴝𐴒𐴡𐴘| 𐴀𐴥𐴠 𐴇𐴝𐴓𐴡𐴃𐴡𐴃𐴢 𐴃𐴝𐴌𐴝 𐴀𐴟𐴔𐴧𐴡𐴃𐴡𐴌 𐴀𐴠𐴃𐴧𐴠𐴉𐴝𐴑𐴞 𐴊𐴟𐴐𐴧𐴡𐴕𐴡𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴝 𐴐𐴟𐴌𐴟 𐴒𐴡𐴌𐴞𐴊𐴠||

𐴲𐴴) 𐴀𐴝𐴣𐴀𐴌𐴝𐴌 𐴇𐴦𐴝𐴌 𐴈𐴡𐴃𐴝 𐴀𐴝𐴊𐴧𐴠 𐴈𐴝𐴔𐴢 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴡𐴌 𐴀𐴝𐴀𐴓𐴝 𐴔𐴡𐴏𐴧𐴟𐴊𐴢 𐴀𐴝𐴌 𐴀𐴞𐴕𐴏𐴝𐴉𐴡𐴌 𐴊𐴝𐴁𐴞𐴌 𐴃𐴡𐴏𐴊𐴞𐴑 𐴒𐴡𐴌𐴡𐴘𐴝 𐴖𐴦𐴝𐴉𐴡𐴌𐴞𐴁𐴡| 𐴊𐴝𐴖𐴡𐴃𐴡𐴃𐴢 𐴀𐴦𐴠𐴕 𐴈𐴡𐴕𐴥𐴡 𐴈𐴡𐴃𐴝 𐴀𐴝𐴌 𐴑𐴠𐴃𐴝𐴓𐴡 𐴔𐴧𐴝𐴎𐴠 𐴀𐴦𐴠𐴕 𐴈𐴡𐴕𐴥𐴡 𐴑𐴝𐴌𐴖𐴝𐴘 𐴒𐴡𐴌𐴝 𐴕𐴡𐴎𐴝𐴘𐴁𐴡 𐴎𐴝𐴌 𐴎𐴡𐴌𐴞𐴘𐴝 𐴀𐴝𐴣𐴌𐴝𐴌 𐴅𐴞𐴇𐴝𐴊𐴞 𐴔𐴡𐴏𐴧𐴟𐴊𐴡𐴌 𐴁𐴝𐴁𐴡𐴃𐴠 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴎𐴠𐴇𐴠𐴕𐴡𐴃𐴢 𐴐𐴟𐴁𐴝 𐴉𐴡𐴙𐴊𐴝 𐴀𐴥𐴡𐴀 𐴀𐴝𐴌 𐴃𐴝𐴌𐴝𐴓𐴧𐴝𐴘 𐴁𐴡𐴓𐴞 𐴀𐴥𐴠 𐴈𐴡𐴃𐴝 𐴀𐴝𐴊𐴧𐴠 𐴈𐴝𐴔𐴢 𐴕𐴡𐴁𐴟𐴎𐴝𐴌 𐴎𐴡𐴌𐴞𐴘𐴝 𐴉𐴞𐴃𐴕𐴝𐴌 𐴏𐴡𐴁𐴡𐴁𐴢 𐴁𐴡𐴕𐴠|

𐴇𐴡𐴎𐴌𐴡𐴃𐴢 𐴀𐴞𐴁𐴕𐴞 𐴔𐴝𐴏𐴀𐴟𐴊𐴢 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟 𐴉𐴡𐴌𐴔𐴝𐴌-

ما أنت بمحدث قوما حديثا لاتبلغه عقولهم إلا كان لبعضهم فتنة
𐴔𐴝𐴙𐴕𐴐𐴥𐴡𐴌 𐴏𐴝𐴔𐴧𐴠 𐴎𐴡𐴊𐴞 𐴀𐴦𐴠𐴕 𐴈𐴡𐴃𐴝 𐴁𐴡𐴘𐴝𐴕 𐴒𐴡𐴌𐴡 𐴎𐴠𐴒𐴞𐴕 𐴃𐴝𐴌𐴝 𐴕𐴡 𐴁𐴟𐴎𐴠 𐴃𐴡𐴘𐴓𐴠 𐴀𐴥𐴠𐴒𐴞𐴕 𐴃𐴝𐴌𐴝𐴓𐴧𐴝 𐴁𐴡𐴓𐴞 𐴉𐴞𐴃𐴕𐴝𐴌 ( 𐴇𐴡𐴑𐴡𐴃𐴧𐴞 𐴊𐴟𐴌𐴠 𐴒𐴡𐴌𐴝𐴌) 𐴏𐴡𐴁𐴡𐴁𐴢 𐴁𐴡𐴕𐴞𐴃𐴢 𐴉𐴝𐴌𐴠”||( 𐴔𐴟𐴑𐴡𐴊𐴧𐴡𐴔𐴝 𐴏𐴥𐴡𐴀𐴞 𐴔𐴟𐴏𐴓𐴞𐴔𐴢)

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴠𐴑𐴧𐴝𐴕 𐴈𐴡𐴃𐴝 𐴏𐴥𐴡𐴀𐴞 𐴀𐴥𐴡𐴘𐴃𐴉𐴝𐴌𐴠 𐴑𐴞𐴕𐴃𐴟 𐴎𐴡𐴊𐴞 𐴘𐴦𐴝𐴕 𐴔𐴟𐴈𐴝𐴃𐴡𐴁𐴠 𐴒𐴡𐴓𐴡𐴃𐴢 𐴁𐴟𐴎𐴠 𐴃𐴡𐴘𐴓𐴠 𐴀𐴥𐴠 𐴈𐴡𐴃𐴝 𐴁𐴡𐴘𐴝𐴕 𐴕𐴡𐴒𐴡𐴌𐴡𐴕 𐴏𐴦𐴝| 𐴀𐴥𐴞𐴕𐴋𐴞𐴓𐴧𐴝 𐴀𐴝𐴔𐴡𐴓𐴡𐴌 𐴔𐴝𐴀𐴔𐴠𐴓𐴝 𐴀𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠𐴘𐴥𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴈𐴡𐴕𐴥𐴡 𐴀𐴦𐴠𐴕 𐴑𐴝𐴌𐴖𐴝𐴘 𐴘𐴥𐴝 𐴈𐴝𐴔𐴢 𐴀𐴥𐴡𐴘𐴃𐴉𐴝𐴌𐴠 𐴏𐴥𐴡𐴀𐴞 𐴑𐴞𐴕𐴃𐴟 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴖𐴝𐴔𐴡𐴌 𐴈𐴝𐴣𐴀𐴏𐴠 𐴀𐴦𐴠𐴕 𐴔𐴠𐴏𐴠𐴅 𐴉𐴤𐴡𐴣𐴏𐴞 𐴎𐴞𐴘𐴝𐴕 𐴅𐴞𐴇𐴝𐴊𐴡𐴌 𐴔𐴡𐴏𐴧𐴟𐴊𐴡𐴌 𐴈𐴠𐴓𐴝𐴉𐴢 𐴀𐴥𐴡𐴀 𐴃𐴡𐴘𐴓𐴠 𐴈𐴝𐴔𐴢 𐴀𐴥𐴠𐴒𐴞𐴕𐴡𐴃𐴧𐴞 𐴊𐴟𐴌𐴠 𐴃𐴝𐴑𐴡𐴕 𐴏𐴦𐴝𐴀||

𐴲𐴵) 𐴑𐴝𐴌𐴖𐴝𐴘𐴞𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴏𐴡𐴓𐴡𐴃𐴢 𐴀𐴠𐴑 𐴑𐴞𐴏𐴞𐴔𐴡𐴌 𐴊𐴝𐴖𐴡𐴃𐴢| 𐴎𐴠𐴍𐴠 𐴀𐴠𐴒𐴞𐴕 𐴀𐴠𐴑𐴔𐴞𐴑𐴧𐴝 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴞𐴕𐴡𐴌 𐴈𐴝𐴃𐴠𐴌𐴠 𐴉𐴝𐴘𐴊𐴝 𐴏𐴝𐴁𐴠𐴃𐴢 𐴀𐴥𐴡𐴘𐴃𐴉𐴝𐴌𐴠 𐴀𐴝𐴌 𐴀𐴠𐴑𐴔𐴞𐴑𐴧𐴝 𐴀𐴡𐴉𐴟𐴌𐴝𐴕𐴞 𐴕𐴟𐴏𐴧𐴝𐴕𐴥𐴡 𐴀𐴥𐴡𐴘𐴃𐴉𐴝𐴌𐴠| 𐴎𐴡𐴊𐴞 𐴊𐴝𐴖𐴡𐴃𐴡𐴌𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴢 𐴀𐴞𐴕𐴏𐴝𐴉𐴢 𐴒𐴡𐴌𐴡𐴘𐴝 𐴀𐴥𐴞𐴏𐴝𐴉𐴠 𐴉𐴠𐴙𐴐𐴢 𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴅𐴞𐴇𐴝𐴊𐴢 𐴁𐴤𐴝𐴓𐴝 𐴔𐴡𐴏𐴧𐴟𐴊𐴡𐴌 𐴈𐴝𐴃𐴠𐴌𐴠، 𐴃𐴝𐴌𐴝 𐴁𐴠𐴒𐴟𐴕𐴤𐴝 𐴔𐴝𐴙𐴕𐴐𐴥𐴡𐴌𐴠 𐴑𐴡𐴃𐴡𐴓𐴢 𐴕𐴡𐴒𐴡𐴌𐴠| 𐴏𐴞𐴌𐴞𐴉𐴢 𐴀𐴞𐴏𐴓𐴝𐴔𐴢 𐴀𐴝𐴊𐴧𐴠 𐴔𐴟𐴏𐴡𐴓𐴔𐴝𐴕𐴡𐴌 𐴊𐴟𐴐𐴧𐴡𐴕𐴡𐴌𐴠 𐴑𐴡𐴃𐴡𐴓𐴢 𐴒𐴡𐴌𐴠||

𐴃𐴡𐴘𐴓𐴠 𐴀𐴠 𐴊𐴝𐴖𐴡𐴃𐴢 𐴅𐴞𐴇𐴝𐴊𐴡𐴌 𐴏𐴝𐴉𐴌𐴟𐴄𐴝𐴌 𐴁𐴝𐴌𐴞𐴁𐴝𐴌 𐴎𐴡𐴌𐴞𐴘𐴝 𐴁𐴡𐴕𐴠| 𐴀𐴝𐴌 𐴔𐴟𐴈𐴝𐴓𐴡𐴉𐴡𐴌𐴠 𐴈𐴡𐴔𐴝𐴘𐴊𐴠، 𐴑𐴞𐴕𐴃𐴟 𐴎𐴡𐴊𐴞 𐴔𐴟𐴅𐴝𐴇𐴞𐴊𐴡𐴌𐴠 𐴃𐴝𐴌𐴝𐴌 𐴀𐴠𐴓𐴝𐴕 𐴒𐴡𐴌𐴝𐴌 𐴔𐴡𐴗𐴎𐴟 𐴀𐴡𐴑𐴧𐴡𐴓𐴡𐴌 𐴀𐴟𐴓𐴊𐴝 𐴎𐴝𐴇𐴠𐴌 𐴒𐴡𐴌𐴝𐴎𐴝، 𐴃𐴡𐴘𐴓𐴠 𐴀𐴠𐴈𐴝𐴔𐴡𐴌 𐴎𐴡𐴌𐴞𐴘𐴝 𐴀𐴞𐴏𐴓𐴝𐴔𐴡𐴌 𐴊𐴟𐴐𐴧𐴡𐴕𐴡𐴌 𐴉𐴝𐴘𐴊𐴝 𐴀𐴥𐴡𐴀| 𐴑𐴝𐴌𐴖𐴝𐴘𐴞𐴌 𐴎𐴞𐴔𐴧𐴝𐴊𐴝𐴌𐴞 𐴓𐴦𐴡𐴀𐴕 𐴎𐴡𐴈𐴡𐴕 𐴏𐴡𐴈𐴃𐴡 𐴀𐴠𐴇𐴃𐴠𐴘𐴝𐴃𐴢 𐴀𐴝𐴌 𐴀𐴝𐴇𐴥𐴝𐴔𐴢 𐴇𐴟𐴐𐴞𐴘𐴝𐴌𐴞𐴌 𐴈𐴝𐴔𐴢| 𐴀𐴥𐴠 𐴈𐴡𐴃𐴝𐴓𐴧𐴝 𐴎𐴡𐴊𐴞 𐴀𐴠 𐴎𐴞𐴔𐴧𐴝𐴊𐴝𐴌𐴞 𐴇𐴟𐴐𐴞𐴘𐴝𐴌 𐴔𐴝𐴙𐴕𐴐𐴥𐴡𐴌 𐴀𐴥𐴝𐴃𐴡𐴃𐴢 𐴊𐴞𐴘𐴝𐴕𐴡𐴎𐴝 𐴃𐴡𐴘𐴓𐴠 𐴘𐴦𐴝𐴕 𐴊𐴝𐴖𐴡𐴃𐴠 𐴅𐴞𐴇𐴝𐴊𐴡𐴌 𐴁𐴡𐴌𐴁𐴝𐴊𐴞𐴓𐴧𐴝 𐴑𐴝𐴉𐴞 𐴀𐴥𐴡𐴘𐴃𐴉𐴝𐴌𐴠||

𐴲𐴶) 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴔𐴞𐴋𐴞𐴘𐴝 𐴔𐴧𐴝𐴎𐴠 𐴀𐴡 𐴓𐴡𐴉𐴎𐴡 𐴀𐴝𐴊𐴧𐴠 𐴔𐴡𐴕𐴎𐴡𐴌,𐴀𐴝𐴌 𐴃𐴡𐴌𐴎𐴡 𐴀𐴡𐴑𐴧𐴡𐴓𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴉𐴡𐴌𐴞𐴁𐴡 𐴎𐴠𐴒𐴞𐴕 𐴐𐴡𐴌𐴞𐴘𐴡𐴃𐴡𐴌 𐴔𐴟𐴖𐴝𐴉𐴠𐴑 𐴀𐴝𐴌 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴈𐴝𐴃𐴠𐴌𐴠 𐴉𐴝𐴘𐴊𐴝 𐴀𐴡𐴕𐴡𐴌 𐴔𐴟𐴑𐴡𐴔𐴧𐴡𐴓𐴢 𐴘𐴠𐴑𐴞𐴕 𐴀𐴥𐴡𐴘𐴁𐴡| 𐴎𐴠 𐴎𐴝𐴒𐴝𐴃𐴢 𐴀𐴠𐴑𐴧𐴝𐴕𐴝 𐴐𐴥𐴡𐴑 𐴉𐴡𐴙𐴊𐴝 𐴀𐴥𐴡𐴘𐴃𐴉𐴝𐴌𐴠 𐴀𐴥𐴠𐴒𐴞𐴕𐴡𐴃𐴧𐴞 𐴁𐴝𐴏𐴞𐴃𐴝𐴑𐴝 𐴉𐴡𐴌𐴞𐴁𐴡||

𐴌𐴡𐴏𐴥𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴉𐴡𐴌𐴔𐴝𐴘𐴠-

دع ما يريبك الي ما لايريبك

𐴘𐴦𐴝𐴕𐴞: 𐴀𐴡 𐴏𐴞𐴏𐴡𐴌𐴠 𐴏𐴥𐴝𐴌𐴞𐴊𐴡 𐴎𐴠𐴒𐴞𐴕𐴠 𐴃𐴥𐴟𐴣𐴖𐴥𐴝𐴣𐴀𐴌𐴠 𐴐𐴡𐴑𐴡𐴃𐴢 𐴔𐴟𐴁𐴃𐴠𐴓𐴝 𐴒𐴡𐴌𐴠, 𐴀𐴝𐴌 𐴀𐴡 𐴏𐴞𐴏𐴡𐴌𐴠 𐴀𐴠𐴈𐴃𐴠𐴘𐴝𐴌 𐴒𐴡𐴌𐴡 𐴎𐴠𐴒𐴞𐴕 𐴐𐴡𐴌𐴞𐴘𐴡𐴃𐴡𐴌 𐴔𐴟𐴖𐴝𐴉𐴠𐴑 𐴀𐴦𐴡𐴕𐴡𐴃𐴢 𐴃𐴟𐴖𐴝𐴣𐴀𐴌 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴘𐴠𐴑𐴞𐴕 𐴀𐴥𐴡𐴘𐴁𐴡||

𐴀𐴠𐴒𐴞𐴕 𐴁𐴝𐴊𐴠𐴘𐴥𐴡 𐴊𐴝𐴖𐴡𐴃𐴡𐴃𐴢 𐴀𐴦𐴠𐴕 𐴓𐴡𐴉𐴎𐴡 𐴘𐴥𐴝 𐴔𐴡𐴕𐴎𐴡𐴌 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴕𐴡𐴎𐴝𐴘𐴁𐴡 𐴎𐴠𐴒𐴞𐴕𐴡𐴌 𐴊𐴟𐴘 𐴔𐴦𐴝𐴕𐴞 𐴃𐴝𐴑𐴞, 𐴀𐴡𐴕𐴠𐴃𐴡 𐴁𐴤𐴝𐴓𐴝𐴒𐴝𐴕 𐴔𐴟𐴌𐴝𐴊 𐴓𐴡𐴘𐴁𐴝, 𐴑𐴞𐴕𐴃𐴟 𐴊𐴟𐴏𐴡𐴌𐴝𐴎𐴡𐴕𐴠 𐴒𐴡𐴓𐴡𐴃𐴧𐴝𐴕 𐴔𐴟𐴌𐴝𐴊 𐴓𐴡𐴘𐴁𐴡 𐴀𐴝𐴌 𐴔𐴟𐴈𐴝𐴓𐴠𐴉𐴢 𐴀𐴦𐴡𐴓𐴡𐴃𐴧𐴞 𐴉𐴌𐴟𐴉𐴝𐴒𐴞𐴚𐴋𐴝 𐴒𐴡𐴌𐴝𐴌 𐴔𐴡𐴗𐴑𐴝 𐴔𐴞𐴓𐴞𐴁𐴡| 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴔𐴞𐴋𐴞𐴘𐴝(𐴅𐴞𐴇𐴝𐴊𐴞 𐴔𐴞𐴋𐴞𐴘𐴝) 𐴝𐴃𐴢 𐴀𐴦𐴝𐴔𐴢 𐴁𐴤𐴝𐴉𐴠 𐴏𐴞𐴌𐴞𐴉𐴢 𐴀𐴡 𐴔𐴦𐴝𐴕𐴞𐴌 𐴀𐴠𐴃𐴠𐴁𐴝𐴌 𐴒𐴡𐴌𐴝𐴎𐴝 𐴎𐴠𐴒𐴞𐴕𐴡𐴌𐴠 𐴔𐴝𐴕𐴥𐴟𐴙𐴐𐴢 𐴀𐴠𐴈𐴃𐴠𐴘𐴝𐴌 𐴒𐴡𐴌𐴠, 𐴏𐴥𐴝𐴘 𐴘𐴦𐴝𐴕 𐴃𐴟𐴖𐴝𐴣𐴀𐴌 𐴔𐴟𐴌𐴝𐴊𐴡𐴌 𐴀𐴟𐴓𐴊𐴝 𐴀𐴥𐴡𐴘𐴓𐴠 𐴀𐴥𐴡𐴑||

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴡𐴕𐴡𐴌 𐴈𐴡𐴃𐴝𐴃𐴧𐴞 𐴔𐴝𐴕𐴥𐴟𐴙𐴐𐴡𐴌 𐴈𐴝𐴣𐴀𐴏𐴠 𐴑𐴞 𐴔𐴠𐴏𐴞𐴅 𐴉𐴤𐴡𐴣𐴏𐴠𐴌, 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴀𐴝𐴏𐴡𐴓𐴢 𐴀𐴝𐴌 𐴘𐴦𐴝𐴕𐴡𐴌𐴠 𐴏𐴥𐴡𐴀𐴞 𐴀𐴝𐴌 𐴉𐴝𐴘𐴊𐴝 𐴀𐴥𐴞𐴏𐴝𐴉𐴠 𐴌𐴝𐴑𐴞𐴁𐴝𐴌 𐴀𐴠𐴇𐴃𐴠𐴔𐴝𐴔𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴃𐴝𐴌 𐴀𐴠𐴑𐴧𐴝𐴕 𐴔𐴠𐴏𐴝𐴓𐴢 𐴀𐴥𐴡𐴘𐴓𐴊𐴠: 𐴅𐴝𐴏𐴟𐴏𐴢 𐴀𐴝𐴌 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴎𐴡𐴁𐴝𐴘 𐴒𐴡𐴙𐴅𐴧𐴝 𐴉𐴡𐴄𐴟𐴌 𐴔𐴡𐴕𐴎𐴡𐴌, 𐴀𐴞𐴕𐴋𐴞𐴓𐴧𐴝 𐴉𐴡𐴄𐴟 𐴉𐴝𐴁𐴓𐴞𐴐𐴢 𐴒𐴡𐴌𐴝𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴔𐴞𐴋𐴞𐴘𐴝𐴌 𐴕𐴟𐴏𐴧𐴝𐴕 𐴀𐴥𐴡𐴀 𐴀𐴝𐴌 𐴔𐴟𐴅𐴝𐴇𐴞𐴊𐴞𐴕 𐴀𐴦𐴡𐴓𐴡𐴌𐴠 𐴁𐴠𐴌𐴝𐴇𐴝𐴔𐴢 𐴀𐴝𐴌 𐴖𐴝𐴇𐴐𐴞 𐴏𐴝𐴁𐴠𐴃𐴢 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴓𐴧𐴝 𐴔𐴡𐴗𐴑𐴝 𐴔𐴞𐴓𐴞 𐴎𐴝𐴒𐴡𐴘||

(𐴕𐴟𐴄: 𐴉𐴡𐴗𐴏𐴢 𐴀𐴝𐴌 𐴅𐴝𐴏𐴟𐴏𐴡𐴌𐴠 𐴎𐴡𐴁𐴝𐴒𐴡𐴌𐴝𐴌 𐴁𐴞𐴋𐴞𐴘𐴟 𐴕𐴡𐴐𐴡𐴌 𐴒𐴡𐴌𐴡𐴕𐴡𐴃𐴢 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴓𐴧𐴝 𐴁𐴞𐴓𐴑𐴟𐴓𐴢 𐴉𐴝𐴘𐴊𐴝 𐴕𐴥𐴝𐴘, 𐴐𐴝𐴙𐴓𐴈𐴢 𐴀𐴟𐴏𐴝𐴔𐴝 𐴁𐴞𐴕 𐴓𐴝𐴊𐴠𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇, 𐴐𐴝𐴙𐴈𐴢 𐴀𐴝𐴘𐴔𐴝𐴕 𐴀𐴝𐴎𐴧𐴡𐴖𐴝𐴇𐴞𐴌𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴇 (𐴀𐴠𐴈𐴡𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇) 𐴀𐴝𐴌𐴥𐴡 𐴊𐴟𐴏𐴡𐴌𐴝 𐴅𐴞𐴇𐴝𐴊𐴞 𐴑𐴝𐴘𐴠𐴊𐴢 𐴀𐴦𐴡𐴓𐴢 𐴐𐴥𐴡𐴀𐴡, 𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌 𐴀𐴝𐴣𐴀𐴌𐴝𐴌 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴌 𐴔𐴡𐴏𐴀𐴟𐴓𐴢 𐴀𐴡𐴑𐴧𐴡𐴓𐴠𐴘𐴥𐴡 𐴀𐴠𐴑𐴞𐴏𐴞𐴔𐴡𐴌 𐴈𐴝𐴔𐴢 𐴀𐴡𐴑𐴧𐴡𐴓𐴡𐴌𐴠 𐴏𐴡𐴈𐴃𐴡 𐴁𐴤𐴝𐴉𐴠 𐴔𐴝𐴕𐴥𐴝 𐴒𐴡𐴙𐴅𐴧𐴠||)

𐴘𐴡𐴔𐴡𐴕𐴡𐴃𐴢 𐴀𐴝𐴓𐴑𐴝𐴘𐴊𐴝𐴌 𐴀𐴠𐴑𐴎𐴡𐴕 𐴑𐴝𐴘𐴠𐴊𐴢 𐴐𐴡𐴇𐴞𐴊𐴢 𐴐𐴝𐴙𐴈𐴢 𐴕𐴡𐴏𐴡𐴌 𐴀𐴝𐴦𐴕𐴡𐴏𐴞 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴕𐴞𐴎𐴡𐴌 𐴀𐴠𐴑 𐴁𐴞𐴋𐴞𐴘𐴡 𐴀𐴞𐴕𐴄𐴝𐴌𐴁𐴞𐴘𐴟 𐴔𐴧𐴝𐴎𐴠 𐴈𐴡𐴘𐴧𐴠𐴊𐴠: “𐴀𐴠 𐴈𐴡𐴃𐴝𐴌𐴝𐴌 𐴖𐴡𐴌𐴠 𐴈𐴡𐴕𐴥𐴡 𐴐𐴥𐴡𐴑 𐴕𐴥𐴝𐴘 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴕𐴠𐴄𐴡𐴌 𐴖𐴡𐴌𐴠 𐴉𐴡𐴘𐴓𐴝𐴘𐴧𐴝 𐴁𐴞𐴋𐴞𐴘𐴟 𐴀𐴡𐴑𐴧𐴡𐴓𐴡𐴌 𐴀𐴝𐴏𐴡𐴌 𐴉𐴡𐴌𐴞 𐴀𐴝𐴣𐴌𐴝𐴌 𐴁𐴝𐴀𐴝𐴎 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴠𐴘𐴥𐴡 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴔𐴝𐴃𐴝 𐴈𐴝𐴙𐴄𐴧𐴠 𐴀𐴝𐴌 𐴃𐴝𐴌𐴝𐴌 𐴁𐴞𐴋𐴞𐴘𐴟 𐴁𐴝𐴕𐴝𐴘𐴧𐴠, 𐴑𐴞𐴕𐴃𐴟 𐴀𐴝𐴣𐴀𐴌𐴝 𐴀𐴥𐴠 𐴈𐴝𐴔𐴢 𐴒𐴞𐴕𐴡𐴌𐴠 𐴁𐴞𐴓𐴑𐴟𐴓𐴢 𐴏𐴥𐴡𐴀𐴞 𐴁𐴡𐴓𐴞 𐴕𐴡𐴁𐴟𐴎𐴞| 𐴀𐴝𐴌 𐴀𐴥𐴠𐴒𐴞𐴕𐴡𐴌 𐴁𐴝𐴁𐴡𐴃𐴠 𐴏𐴡𐴈𐴃𐴡 𐴁𐴤𐴝𐴉𐴠 𐴏𐴝𐴣𐴀𐴃𐴞 𐴀𐴦𐴡𐴓𐴡𐴌𐴠 𐴔𐴝𐴕𐴥𐴝 𐴒𐴡𐴌𐴞||

𐴀𐴠 𐴑𐴞𐴏𐴞𐴔𐴧𐴝 𐴁𐴞𐴋𐴞𐴘𐴟 𐴀𐴡𐴑𐴧𐴡𐴓𐴢 𐴁𐴝𐴕𐴡𐴕 𐴀𐴝𐴌 𐴀𐴥𐴠𐴒𐴞𐴕𐴡𐴌𐴠 𐴀𐴦𐴝𐴔𐴢 𐴔𐴝𐴙𐴕𐴐𐴥𐴥𐴡𐴌 𐴊𐴡𐴌𐴔𐴞𐴘𐴝𐴕 𐴊𐴦𐴞𐴕 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴕𐴝𐴔𐴠 𐴉𐴤𐴡𐴙𐴓𐴡𐴕𐴡𐴌𐴠 𐴀𐴝𐴣𐴀𐴌𐴝 𐴁𐴡𐴌𐴡 𐴒𐴡𐴓𐴃𐴞 𐴁𐴟𐴎𐴞 𐴀𐴝𐴌 𐴇𐴥𐴞𐴕𐴡𐴌𐴠 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴑𐴡𐴁𐴟𐴓𐴢 𐴕𐴡𐴒𐴡𐴌𐴞| 𐴏𐴥𐴝𐴘 𐴇𐴥𐴞𐴕𐴡𐴓𐴧𐴝 𐴁𐴡𐴓𐴞 𐴎𐴠𐴃𐴡 𐴊𐴡𐴓𐴞𐴓𐴢 𐴉𐴠𐴙𐴐𐴢 𐴒𐴡𐴌𐴞𐴁𐴡 𐴒𐴡𐴌𐴡𐴑||

𐴁𐴠𐴙𐴐𐴡𐴑 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇 𐴖𐴡𐴏𐴡𐴓𐴧𐴡𐴔𐴠 𐴀𐴝𐴣𐴌𐴝𐴌𐴠 𐴇𐴦𐴝𐴌 𐴔𐴝𐴔𐴠𐴓𐴝 𐴔𐴧𐴝𐴎𐴠 𐴀𐴠𐴇𐴠𐴏𐴝𐴕 𐴒𐴡𐴌𐴞𐴁𐴡𐴓𐴧𐴝 𐴇𐴡𐴑𐴟𐴔𐴢 𐴊𐴞𐴘𐴠 𐴇𐴝𐴃𐴧𐴝𐴑𐴠 𐴑𐴡𐴃𐴡𐴓𐴢 𐴒𐴡𐴌𐴝 𐴔𐴧𐴝𐴎𐴠𐴘𐴥𐴡, 𐴀𐴝𐴌 𐴑𐴡𐴃𐴡𐴓𐴢 𐴒𐴡𐴌𐴡𐴕 𐴀𐴝𐴊𐴧𐴠 𐴎𐴡𐴁𐴝𐴘 𐴒𐴡𐴌𐴞 𐴉𐴡𐴄𐴟 𐴁𐴝𐴕𐴡𐴕 𐴀𐴝𐴌 𐴇𐴥𐴞𐴕𐴡𐴌𐴠 𐴕𐴡𐴐𐴡𐴌 𐴒𐴡𐴌𐴡𐴕 𐴁𐴞𐴓𐴑𐴟𐴓𐴢 𐴀𐴠𐴇𐴏𐴝𐴕 𐴕𐴡𐴀𐴡| 𐴀𐴠𐴈𐴡𐴃𐴝 𐴎𐴝𐴇𐴠𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴉𐴡𐴄𐴟 𐴔𐴡𐴑𐴃𐴟𐴓𐴡𐴌 𐴉𐴟𐴖𐴝𐴘𐴕 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴀𐴠𐴒𐴝𐴕𐴝 𐴒𐴟𐴙𐴐𐴧𐴞 𐴀𐴦𐴡𐴓𐴠 𐴊𐴠𐴙𐴈𐴞𐴁𐴡 𐴎𐴠𐴒𐴞𐴕 𐴊𐴠𐴙𐴈𐴞𐴓𐴠 𐴃𐴝𐴌𐴝𐴃𐴧𐴞 𐴀𐴡𐴐𐴥𐴝𐴕𐴃𐴞 𐴓𐴝𐴒𐴞𐴁𐴡, 𐴁𐴡𐴕𐴟 𐴑𐴟𐴌𐴝𐴘𐴎𐴝𐴌 𐴑𐴡𐴃𐴡𐴓𐴡𐴌 𐴊𐴞𐴕 𐴇𐴡𐴎𐴌𐴡𐴃𐴢 𐴁𐴠𐴓𐴝𐴓𐴢 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟 𐴇𐴡𐴎𐴡𐴌𐴡𐴃𐴢 𐴏𐴡𐴉𐴞𐴘𐴧𐴝 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴝 𐴀𐴝𐴊𐴧𐴠 𐴇𐴥𐴞𐴁𐴝𐴌 𐴏𐴝𐴣𐴏𐴝𐴃𐴡 𐴁𐴤𐴡𐴘𐴕𐴡𐴌𐴠 𐴘𐴟𐴇𐴟𐴊𐴞 𐴀𐴡𐴑𐴧𐴡𐴓𐴡𐴌 𐴓𐴝𐴐𐴢 𐴊𐴠𐴙𐴈𐴝𐴘 𐴁𐴡𐴓𐴧𐴝 𐴓𐴡𐴘𐴒𐴞𐴘𐴠| 𐴃𐴡𐴈𐴡𐴕 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴘𐴦𐴝𐴕𐴡𐴌 𐴖𐴡𐴌𐴠 𐴕𐴝𐴌𐴝𐴎𐴡𐴒𐴞 𐴎𐴝𐴇𐴠𐴌 𐴒𐴡𐴙𐴅𐴧𐴠||

𐴀𐴝𐴌𐴥𐴡 𐴉𐴡𐴌𐴔𐴝𐴘𐴠𐴊𐴠-

ذهبت بجارية حديثة السن الي القتلي لقد ذهبت منك الرحمة

“𐴃𐴟𐴖𐴝𐴣𐴀𐴌 𐴊𐴞𐴓𐴡𐴃𐴧𐴞 𐴌𐴝𐴇𐴝𐴔𐴡𐴃𐴢 𐴈𐴡𐴃𐴡𐴔𐴢 𐴀𐴥𐴡𐴘𐴒𐴞𐴘𐴡𐴘 𐴕𐴠𐴑𐴞⸮ 𐴃𐴟𐴀𐴛 𐴈𐴡𐴔𐴢 𐴀𐴟𐴔𐴡𐴌 𐴀𐴠𐴑𐴎𐴡𐴕 𐴔𐴝𐴘𐴝 𐴉𐴟𐴖𐴝𐴌𐴠 𐴓𐴝𐴐𐴡𐴌 𐴈𐴝𐴣𐴏𐴠 𐴓𐴡𐴒𐴞𐴘𐴡؟”

𐴁𐴠𐴓𐴝𐴓𐴢 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴘𐴠 𐴔𐴝𐴀𐴎𐴡𐴌𐴡𐴃𐴢 𐴒𐴡𐴌𐴠 𐴈𐴡𐴊𐴧𐴠 –

ما مررت بها إلا ارادة ان تري مسارع قومها ولم ادري أنك تكره يا رسول الله

“𐴀𐴝𐴀𐴛 𐴀𐴥𐴞𐴁𐴝𐴌𐴠 𐴏𐴞𐴌𐴞𐴉𐴢 𐴕𐴞𐴎𐴡𐴌 𐴑𐴡𐴗𐴔𐴡𐴌 𐴀𐴝𐴕𐴅𐴝𐴔𐴢 𐴊𐴠𐴙𐴑𐴞𐴁𐴡𐴓𐴧𐴝 𐴀𐴝𐴙𐴕𐴧𐴞𐴊𐴠| 𐴀𐴝𐴣𐴀𐴃𐴧𐴞 𐴎𐴝𐴕𐴝 𐴕𐴡𐴀𐴝𐴙𐴐𐴧𐴞𐴓𐴢 𐴀𐴦𐴡𐴕𐴠 𐴀𐴠𐴈𐴝𐴔𐴡𐴌 𐴖𐴡𐴌𐴠 𐴕𐴝𐴌𐴝𐴎 𐴀𐴥𐴡𐴘𐴁𐴝”

𐴀𐴝𐴌 𐴀𐴠𐴑 𐴌𐴡𐴖𐴝𐴘𐴡𐴃𐴡𐴃𐴢 𐴀𐴝𐴏𐴠𐴊𐴠 𐴌𐴡𐴏𐴥𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴉𐴡𐴌𐴔𐴝𐴘𐴠-

انزعت منك الرحمة يا بلال حيث تمر بامراتين علي قتل رجالهما؟

“𐴁𐴠𐴓𐴝𐴓𐴢 𐴑𐴞 𐴃𐴟𐴖𐴝𐴣𐴀𐴌 𐴊𐴞𐴓𐴡𐴃𐴢 𐴌𐴝𐴇𐴔𐴡𐴃𐴢 𐴕𐴥𐴝𐴘 𐴕𐴞𐴑𐴞 𐴃𐴟𐴀𐴛 𐴔𐴝𐴘𐴧𐴝 𐴉𐴟𐴖𐴝𐴘𐴕 𐴀𐴡𐴑𐴧𐴡𐴓𐴡𐴌𐴠 𐴃𐴝𐴌𐴝𐴌 𐴑𐴡𐴗𐴔𐴡𐴌 𐴔𐴡𐴌𐴡𐴊𐴢 𐴉𐴟𐴖𐴝𐴘𐴕𐴊𐴡𐴌 𐴓𐴝𐴐𐴢 𐴊𐴝𐴈𐴝𐴘𐴃𐴡 𐴓𐴡𐴘𐴒𐴞𐴘𐴡؟”

𐴃𐴦𐴡𐴘 𐴀𐴠 𐴑𐴞𐴏𐴞𐴔𐴧𐴝 𐴔𐴡𐴕𐴎𐴡𐴌𐴡𐴌 𐴁𐴞𐴋𐴞𐴘𐴟 𐴁𐴝𐴕𐴡𐴕 𐴀𐴝𐴌 𐴇𐴥𐴠𐴕𐴡𐴌𐴠 𐴕𐴡𐴐𐴡𐴌 𐴒𐴡𐴌𐴡𐴕 𐴏𐴡𐴈𐴃𐴡 𐴈𐴡𐴃𐴡𐴌𐴕𐴝𐴑, 𐴀𐴝𐴓𐴧𐴝𐴇 𐴁𐴠𐴇𐴠𐴃𐴡𐴌 𐴎𐴝𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠 𐴁𐴞𐴋𐴞𐴘𐴟 𐴒𐴞𐴕𐴡𐴌𐴠 𐴉𐴡𐴌𐴠𐴎𐴝𐴘 𐴈𐴡𐴃𐴡 𐴔𐴝𐴙𐴕𐴐𐴥𐴠 𐴏𐴝𐴘𐴁𐴡, 𐴁𐴝𐴆𐴧𐴝 𐴔𐴝𐴘𐴝 𐴉𐴟𐴖𐴝𐴘𐴕 𐴀𐴝𐴌 𐴑𐴡𐴔𐴎𐴟𐴌 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴁𐴦𐴡𐴗𐴃𐴑𐴞𐴘𐴝 𐴀𐴦𐴠𐴕𐴥𐴡 𐴃𐴝𐴑𐴞𐴁𐴡 𐴎𐴝𐴌𐴝 𐴀𐴥𐴠𐴒𐴞𐴕𐴡𐴌𐴠 𐴊𐴠𐴙𐴈𐴡𐴕𐴧𐴝𐴕 𐴁𐴡𐴊𐴧𐴝𐴐𐴢 𐴒𐴡𐴌𐴞 𐴕𐴡𐴉𐴝𐴌𐴞 𐴑𐴞𐴕𐴃𐴟 𐴃𐴝𐴌𐴝𐴃𐴧𐴞𐴘𐴥𐴡 𐴊𐴠𐴙𐴈𐴝 𐴉𐴡𐴌𐴞𐴁𐴡, 𐴇𐴝𐴓𐴝𐴑𐴠 𐴃𐴝𐴌𐴝𐴃𐴧𐴞 𐴕𐴡𐴊𐴠𐴙𐴈𐴡𐴕 𐴀𐴝𐴙𐴐𐴧𐴞𐴓𐴢| 𐴀𐴝𐴣𐴀𐴌 𐴁𐴟𐴎𐴝 𐴔𐴡𐴃𐴝𐴁𐴠𐴑 𐴀𐴠 𐴈𐴝𐴔𐴒𐴞𐴕 (𐴑𐴡𐴃𐴡𐴓𐴢 𐴘𐴥𐴝 𐴎𐴡𐴁𐴝 𐴒𐴡𐴌𐴝𐴌 𐴁𐴞𐴋𐴞𐴘𐴟) 𐴀𐴝𐴑𐴡𐴓𐴢 𐴁𐴡𐴕 𐴔𐴝𐴙𐴕𐴐𐴥𐴡𐴌 𐴈𐴝𐴣𐴀𐴏𐴠 𐴑𐴝𐴁𐴠𐴓𐴠 𐴑𐴡𐴁𐴟𐴓𐴢 𐴕𐴡𐴀||

𐴀𐴠 𐴎𐴝𐴒𐴝𐴃𐴢 𐴀𐴝𐴀𐴛 𐴀𐴠𐴑𐴧𐴝𐴕 𐴖𐴝𐴑𐴞𐴘𐴝 𐴎𐴞𐴑𐴞𐴌 𐴒𐴡𐴌𐴞𐴌 𐴀𐴝𐴌 𐴘𐴦𐴝𐴕𐴡𐴌𐴠 𐴀𐴝𐴀𐴛 𐴀𐴝𐴓𐴧𐴝𐴇𐴌𐴠 𐴒𐴡𐴁𐴤𐴝 𐴒𐴡𐴌𐴞 𐴈𐴦𐴡𐴘𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴐𐴝𐴘𐴈𐴢 𐴀𐴟𐴏𐴝𐴔𐴝 𐴁𐴞𐴕 𐴓𐴝𐴊𐴠𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴘𐴠 𐴀𐴝𐴀𐴛 𐴀𐴝𐴅𐴠𐴎 𐴁𐴡𐴕𐴊𐴝𐴌𐴠 (𐴘𐴦𐴝𐴕𐴞: 𐴐𐴝𐴘𐴈𐴢 𐴕𐴡𐴏𐴡𐴌 𐴀𐴦𐴝𐴕𐴡𐴏𐴞𐴌𐴠) 𐴉𐴞𐴓𐴞𐴂𐴧𐴝𐴘𐴕𐴡𐴌 𐴔𐴟𐴅𐴝𐴇𐴠𐴊𐴢 𐴀𐴡𐴑𐴧𐴡𐴓𐴡𐴌 𐴈𐴝𐴣𐴀𐴏𐴠 𐴈𐴡𐴘𐴠𐴑𐴧𐴝𐴕 𐴀𐴝𐴇𐴝𐴔𐴢 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴊𐴞𐴉𐴝𐴍𐴝𐴘𐴠| 𐴐𐴝𐴘𐴈𐴡𐴌 𐴕𐴡𐴎𐴡𐴌𐴡𐴃𐴢 𐴀𐴥𐴠𐴒𐴞𐴕𐴡𐴌 𐴁𐴥𐴟𐴃𐴡𐴌𐴠 𐴁𐴠𐴒𐴧𐴞𐴕𐴡𐴃𐴧𐴞 𐴀𐴝𐴇𐴝𐴔𐴢 𐴔𐴡𐴗𐴎𐴟 𐴀𐴝𐴌 𐴎𐴞𐴘𐴝𐴕𐴡𐴌 𐴁𐴠𐴐𐴞 𐴃𐴝𐴑𐴞𐴊𐴢 𐴒𐴡𐴙𐴅𐴧𐴠 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴑𐴡𐴃𐴡𐴓𐴡𐴌 𐴁𐴞𐴋𐴞𐴘𐴟𐴌 𐴁𐴝𐴁𐴡𐴃𐴠| 𐴐𐴝𐴘𐴈𐴢 𐴀𐴟𐴏𐴝𐴔𐴝 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴀𐴥𐴠𐴒𐴞𐴕𐴡𐴃𐴧𐴞 𐴁𐴠𐴐𐴞 𐴏𐴡𐴈𐴃𐴡 𐴁𐴤𐴝𐴉𐴠 𐴔𐴝𐴕𐴥𐴝 𐴒𐴡𐴙𐴃𐴧𐴡 𐴀𐴝𐴌 𐴃𐴝𐴑𐴞𐴊𐴢 𐴒𐴡𐴌𐴞 𐴈𐴡𐴘𐴃𐴡𐴊𐴠 𐴏𐴥𐴡𐴀𐴞 𐴃𐴡𐴁𐴞𐴘𐴡𐴃𐴢 𐴀𐴡𐴓𐴝 𐴔𐴝𐴕𐴥𐴟𐴙𐴐𐴢 𐴀𐴠 𐴑𐴞𐴏𐴞𐴔𐴡𐴌 𐴔𐴡𐴕𐴎𐴡𐴌 𐴉𐴡𐴏𐴡𐴕 𐴕𐴡𐴒𐴡𐴌𐴠||

𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴀𐴛 𐴀𐴠 𐴈𐴡𐴃𐴝𐴌𐴠 𐴃𐴝𐴑𐴞𐴊𐴡𐴌 𐴏𐴝𐴣𐴀𐴃𐴠 𐴈𐴦𐴡𐴘𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴅𐴡𐴔𐴝𐴃𐴡𐴌 𐴁𐴥𐴟𐴃𐴡𐴌𐴠 𐴎𐴡𐴊𐴞 𐴈𐴡𐴕𐴥𐴡𐴑𐴞𐴘𐴝 𐴀𐴠 𐴈𐴝𐴔𐴡𐴌𐴠 𐴀𐴝𐴕𐴅𐴝𐴔𐴢 𐴊𐴠𐴀 𐴃𐴡𐴘𐴓𐴠 𐴇𐴞𐴥𐴁𐴝 𐴐𐴝𐴘𐴈𐴢 𐴀𐴟𐴏𐴝𐴔𐴝 𐴁𐴞𐴕 𐴓𐴝𐴊𐴠𐴕 𐴐𐴝𐴘𐴈𐴢 𐴀𐴝𐴘𐴔𐴡𐴕 𐴀𐴝𐴎𐴧𐴖𐴝𐴇𐴞𐴌𐴞 𐴀𐴝𐴌 𐴐𐴝𐴘𐴈𐴢 𐴀𐴝𐴁𐴟 𐴁𐴡𐴏𐴞𐴌 𐴀𐴥𐴞𐴃𐴝𐴌𐴝 𐴁𐴠𐴒𐴧𐴞𐴕𐴡𐴌 𐴇𐴡𐴑𐴟𐴔𐴡𐴌 𐴕𐴝𐴉𐴡𐴌𐴔𐴝𐴕𐴞 𐴒𐴡𐴙𐴅𐴧𐴠 𐴀𐴝𐴌 𐴘𐴦𐴝𐴕 𐴀𐴞𐴕𐴋𐴞𐴓𐴧𐴝 𐴕𐴝𐴉𐴡𐴏𐴡𐴕 𐴈𐴝𐴔𐴢 𐴎𐴞𐴘𐴝𐴕𐴡𐴌𐴠 𐴈𐴡𐴕𐴥𐴡 𐴔𐴟𐴅𐴝𐴇𐴞𐴊𐴠𐴘𐴥𐴡 𐴁𐴤𐴝𐴓𐴝 𐴁𐴡𐴓𐴞 𐴕𐴡𐴈𐴡 𐴁𐴤𐴡𐴓𐴑𐴠 𐴔𐴟𐴅𐴝𐴇𐴞𐴊𐴞𐴕 𐴀𐴡𐴑𐴧𐴡𐴓𐴠 𐴀𐴠 𐴈𐴝𐴔𐴡𐴃𐴧𐴞 𐴔𐴝𐴕𐴥𐴝 𐴒𐴡𐴌𐴠| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝 𐴕𐴞𐴎𐴡𐴌 𐴏𐴝𐴣𐴀𐴃𐴞 𐴀𐴡𐴑𐴧𐴡𐴓𐴡𐴌𐴠 𐴐𐴡𐴌𐴀𐴞 𐴀𐴝𐴌 𐴇𐴝𐴑𐴞𐴑𐴞 𐴊𐴡𐴓𐴞𐴓𐴡𐴌 𐴁𐴠𐴕𐴝𐴌 𐴖𐴡𐴌𐴠 𐴔𐴝𐴕𐴥𐴝 𐴒𐴡𐴌𐴞||

𐴀𐴠 𐴈𐴝𐴔𐴡𐴌 𐴐𐴡𐴌𐴀𐴞 𐴇𐴡𐴑𐴟𐴔𐴢 𐴀𐴝𐴊𐴧𐴠 𐴃𐴝𐴌 𐴁𐴥𐴟𐴃𐴡𐴌𐴠 𐴉𐴦𐴝𐴎𐴝𐴊𐴠 𐴀𐴠𐴈𐴃𐴠𐴓𐴝𐴉𐴡𐴌𐴠 𐴀𐴠𐴑 𐴔𐴞𐴑𐴧𐴝 𐴌𐴝𐴑𐴞 𐴇𐴝𐴑𐴞𐴑𐴡𐴃𐴡𐴃𐴢 𐴏𐴝𐴘𐴓𐴠 𐴈𐴝𐴔𐴢 𐴀𐴠𐴒𐴞𐴕𐴡𐴌𐴠 𐴊𐴟𐴐𐴧𐴡𐴕 𐴀𐴡𐴑𐴧𐴡𐴓𐴠 𐴔𐴟𐴅𐴝𐴇𐴞𐴊𐴞𐴕 𐴀𐴦𐴡𐴓𐴡𐴌 𐴁𐴡𐴊𐴕𐴝𐴔𐴢 𐴒𐴡𐴌𐴞𐴁𐴡𐴓𐴧𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠| 𐴈𐴝𐴦𐴏𐴢 𐴒𐴡𐴌𐴞 𐴎𐴡𐴈𐴡𐴕 𐴀𐴥𐴠𐴒𐴞𐴕𐴡𐴌𐴠 𐴁𐴞𐴋𐴞𐴘𐴟 𐴁𐴝𐴕𐴝𐴘 𐴔𐴞𐴋𐴞𐴘𐴝 𐴀𐴡𐴑𐴧𐴡𐴓𐴡𐴃𐴢 𐴕𐴡𐴐𐴡𐴌 𐴒𐴡𐴌𐴝𐴎𐴝|| (الملاحم المؤتمر الصحفي الدولي الأول للشيخ نصر آنسي رحمه الله)

𐴲𐴷) 𐴀𐴝𐴖𐴝𐴔𐴡𐴌 𐴏𐴝𐴣𐴀𐴃𐴠 𐴃𐴝𐴌𐴝𐴌 𐴊𐴟𐴑𐴤, 𐴃𐴡𐴑𐴓𐴞𐴉𐴢 𐴀𐴝𐴌 𐴂𐴠𐴌𐴠𐴐𐴝𐴕𐴞 𐴔𐴧𐴝𐴎𐴠 𐴀𐴝𐴣𐴀𐴌𐴝 𐴐𐴡𐴌𐴞𐴑 𐴃𐴝𐴑𐴞𐴘𐴟𐴔𐴢, 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴈𐴡𐴃𐴝-𐴁𐴝𐴃𐴧𐴝𐴌𐴝 𐴇𐴝𐴓𐴡𐴃𐴢 𐴀𐴝𐴊𐴧𐴠 𐴔𐴡𐴖𐴑𐴝𐴌 𐴔𐴡𐴃𐴝𐴁𐴠𐴑 𐴈𐴡𐴖𐴝 𐴉𐴡𐴌𐴞𐴁𐴡| 𐴔𐴡𐴏𐴡𐴓𐴝𐴕 𐴎𐴡𐴊𐴞 𐴃𐴝𐴌𐴝𐴌 𐴖𐴡𐴌𐴠 𐴀𐴝𐴏𐴔𐴝𐴕𐴞 𐴔𐴡𐴏𐴞𐴁𐴡𐴃𐴢 𐴕𐴝𐴎𐴠𐴓𐴢 𐴀𐴥𐴡, 𐴎𐴦𐴠𐴕 𐴃𐴟𐴖𐴦𐴝𐴕 𐴀𐴝𐴊𐴧𐴠 𐴁𐴥𐴟𐴏𐴝𐴓𐴢 𐴖𐴡𐴒𐴝𐴘𐴌𐴝| 𐴃𐴡𐴘𐴓𐴠 𐴀𐴝𐴣𐴀𐴌𐴝 𐴃𐴝𐴌𐴝𐴌𐴠 𐴁𐴟𐴎 𐴊𐴞𐴘𐴟𐴔𐴢 𐴀𐴝𐴌 𐴎𐴡𐴊𐴞 𐴑𐴠𐴏𐴧𐴟 𐴔𐴡𐴊𐴡𐴊𐴢 𐴒𐴡𐴌𐴞 𐴕𐴡𐴉𐴝𐴌𐴞 𐴃𐴡𐴘𐴓𐴠 𐴈𐴡𐴔𐴝𐴎 𐴑𐴡𐴔𐴢 𐴑𐴠𐴏𐴧𐴟 𐴁𐴤𐴝𐴓𐴝 𐴈𐴡𐴃𐴝 𐴀𐴥𐴡𐴘𐴓𐴠 𐴈𐴡𐴘𐴧𐴟𐴔𐴢| 𐴑𐴞𐴕𐴃𐴟 𐴎𐴡𐴊𐴞 𐴃𐴝𐴌 𐴁𐴡𐴊𐴡𐴓𐴝𐴃𐴢 𐴎𐴡𐴈𐴡𐴕 𐴃𐴝𐴌𐴝𐴌 𐴒𐴤𐴡𐴌-𐴁𐴝𐴌𐴞 𐴊𐴥𐴡𐴚𐴐𐴡 𐴀𐴥𐴡𐴘 𐴒𐴞𐴘𐴡𐴘 𐴀𐴝𐴌 𐴃𐴝𐴌𐴝 𐴕𐴞𐴎𐴡𐴌 𐴒𐴟𐴌𐴝 𐴉𐴟𐴖𐴝𐴘𐴕 𐴔𐴝𐴃𐴝𐴌 𐴖𐴡𐴌𐴠 𐴓𐴡𐴘 𐴀𐴠𐴑𐴧𐴝𐴕 𐴔𐴝𐴇𐴉𐴟𐴎 𐴎𐴝𐴒𐴝𐴌 𐴃𐴝𐴓𐴝𐴐𐴡𐴃𐴢 𐴃𐴝𐴑𐴠 𐴀𐴥𐴠 𐴀𐴡𐴃𐴧𐴡𐴃𐴢 𐴎𐴡𐴊𐴞 𐴈𐴦𐴡𐴘𐴢-

“𐴀𐴠𐴒𐴞𐴕 𐴁𐴠𐴙𐴒𐴧𐴞𐴕 𐴃𐴟𐴖𐴝𐴣𐴀𐴌𐴝𐴌 𐴁𐴡𐴊𐴢 𐴀𐴝𐴔𐴡𐴓𐴡𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴇𐴌 𐴀𐴝𐴎𐴝𐴁𐴢 𐴕𐴝𐴎𐴠𐴓𐴢 𐴀𐴥𐴡𐴊𐴧𐴠”

𐴃𐴡𐴘𐴓𐴠 𐴀𐴠𐴈𐴡𐴃𐴝 𐴁𐴞𐴓𐴑𐴟𐴓𐴢 𐴄𐴞𐴑 𐴕𐴡𐴀, 𐴀𐴝𐴌 𐴀𐴞𐴕𐴋𐴞𐴓𐴧𐴝 𐴈𐴡𐴃𐴝𐴌 𐴎𐴡𐴌𐴞𐴘𐴝 𐴀𐴝𐴣𐴀𐴌𐴝𐴌 𐴈𐴡𐴃𐴝 𐴈𐴡𐴕𐴠 𐴉𐴥𐴟𐴕𐴞𐴁𐴡⸮ 𐴒𐴟𐴕𐴤𐴝 𐴀𐴝𐴌 𐴒𐴡𐴓𐴡𐴃𐴡𐴌 𐴖𐴡𐴌𐴠 𐴇𐴟𐴐𐴞𐴘𐴝𐴌𐴞 𐴒𐴡𐴌𐴝𐴌 𐴊𐴟𐴏𐴡𐴌𐴝 𐴔𐴡𐴗𐴑𐴝 𐴘𐴥𐴝 𐴃𐴡𐴌𐴞𐴑𐴝 𐴃𐴝𐴑𐴞𐴃𐴢 𐴉𐴝𐴌𐴠| 𐴑𐴞𐴕𐴃𐴟 𐴀𐴠𐴈𐴡𐴕𐴡𐴌 𐴇𐴝𐴓𐴡𐴃𐴡𐴌 𐴃𐴡𐴑𐴝𐴎𐴝 𐴀𐴥𐴡𐴘𐴓𐴊𐴠 𐴀𐴝𐴣𐴀𐴌𐴝 𐴃𐴝𐴌𐴝𐴌 𐴊𐴟𐴑𐴤-𐴃𐴡𐴑𐴓𐴞𐴉𐴡𐴌𐴠 𐴇𐴝𐴓𐴑𐴝 𐴒𐴡𐴌𐴝𐴌 𐴘𐴥𐴝 𐴈𐴝𐴘𐴌𐴈𐴝 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕||

𐴲𐴸) 𐴔𐴡𐴎𐴓𐴟𐴔𐴢 𐴀𐴡𐴑𐴧𐴡𐴓𐴡𐴌 𐴕𐴟𐴏𐴟𐴌𐴡𐴃𐴢 𐴒𐴡𐴌𐴝 𐴁𐴠𐴙𐴐𐴡𐴑 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴡𐴌 𐴁𐴟𐴕𐴞𐴘𐴝𐴊𐴞 𐴉𐴟𐴖𐴝𐴙𐴄| 𐴑𐴞𐴕𐴃𐴟 𐴔𐴡𐴎𐴓𐴟𐴔𐴡𐴌 𐴕𐴟𐴏𐴌𐴡𐴃𐴡𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴑𐴞𐴏𐴞𐴔𐴡𐴌 𐴑𐴡𐴗𐴔𐴞 𐴘𐴝 𐴁𐴤𐴝𐴐𐴝𐴌 𐴎𐴦𐴠𐴕𐴧𐴠𐴑𐴞 (𐴀𐴝𐴉𐴒𐴝𐴕𐴞, 𐴉𐴝𐴑𐴞𐴏𐴃𐴝𐴕𐴞, 𐴁𐴤𐴝𐴌𐴡𐴃𐴞, 𐴁𐴝𐴚𐴒𐴝𐴓𐴞 𐴀𐴝𐴌 𐴌𐴟𐴇𐴥𐴝𐴙𐴚𐴒𐴝 𐴖𐴝𐴒𐴝𐴘𐴌𐴝) 𐴀𐴞𐴕𐴋𐴞𐴓𐴧𐴝 𐴃𐴝𐴀𐴏𐴧𐴟𐴁𐴞𐴌 𐴏𐴤𐴝𐴀𐴝𐴌𐴝 𐴁𐴞𐴓𐴑𐴟𐴓𐴢 𐴓𐴡𐴖𐴝 𐴕𐴡𐴎𐴝𐴘𐴁𐴡| 𐴀𐴦𐴠𐴕 𐴈𐴡𐴕𐴥𐴡 𐴈𐴡𐴃𐴝 𐴘𐴥𐴝 𐴃𐴡𐴌𐴞𐴑𐴝 𐴀𐴠𐴈𐴃𐴠𐴘𐴝𐴌 𐴒𐴡𐴌𐴝 𐴕𐴡𐴎𐴝𐴘𐴁𐴡 𐴎𐴝𐴌 𐴎𐴡𐴌𐴞𐴘𐴝 𐴀𐴥𐴠 𐴃𐴝𐴀𐴏𐴧𐴟𐴁𐴞 𐴏𐴟𐴓𐴟𐴑 𐴀𐴡𐴑𐴧𐴡𐴓𐴢 𐴉𐴤𐴡𐴙𐴓𐴞 𐴎𐴝𐴒𐴡𐴘||

𐴃𐴝𐴌 𐴁𐴡𐴊𐴡𐴓𐴝𐴃𐴢 𐴊𐴝𐴖𐴡𐴃𐴡𐴃𐴢 𐴖𐴡𐴃𐴡𐴕𐴞, 𐴑𐴡𐴗𐴔𐴞, 𐴁𐴤𐴝𐴐𐴝 𐴀𐴥𐴞𐴕𐴋𐴞𐴓𐴧𐴝 𐴇𐴦𐴝𐴌 𐴑𐴞𐴏𐴞𐴔𐴡𐴌 𐴃𐴝𐴀𐴏𐴧𐴟𐴁𐴞𐴌 𐴀𐴞𐴕𐴑𐴝𐴌 𐴒𐴡𐴌𐴡𐴕 𐴀𐴝𐴌 𐴀𐴠𐴑 𐴀𐴟𐴔𐴧𐴡𐴃𐴡𐴌 𐴕𐴡𐴎𐴡𐴌𐴞𐴘𐴝 𐴉𐴡𐴙𐴊𐴝 𐴒𐴡𐴌𐴡𐴕| 𐴀𐴠𐴈𐴡𐴃𐴝 𐴘𐴦𐴝𐴊𐴢 𐴌𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴞𐴕𐴋𐴞𐴓𐴧𐴝 𐴃𐴝𐴀𐴏𐴧𐴟𐴁𐴞𐴌 𐴏𐴤𐴝𐴀𐴝𐴌𐴝𐴓𐴡𐴘 𐴈𐴡𐴕𐴥𐴡 𐴀𐴡𐴃𐴧𐴡𐴃𐴢 𐴅𐴞𐴇𐴝𐴊𐴢 𐴘𐴥𐴝 𐴀𐴟𐴔𐴧𐴡𐴃𐴡𐴌 𐴉𐴝𐴘𐴊𐴝 𐴇𐴝𐴏𐴠𐴓𐴢 𐴕𐴡𐴀𐴡| 𐴀𐴠𐴒𐴞𐴕𐴡𐴌𐴠 𐴇𐴝𐴔𐴞𐴐𐴝 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴀𐴟𐴔𐴧𐴡𐴃𐴡𐴌 𐴊𐴟𐴐𐴧𐴡𐴕 𐴀𐴦𐴡𐴓𐴠 𐴀𐴠𐴏𐴃𐴠𐴔𐴝𐴓𐴢 𐴒𐴡𐴙𐴅𐴧𐴠| 𐴀𐴝𐴣𐴀𐴌𐴝𐴌 𐴃𐴡𐴌𐴡𐴉𐴊𐴝𐴌𐴞 𐴀𐴝𐴊𐴧𐴠 𐴔𐴟𐴈𐴝𐴓𐴡𐴉𐴞 𐴒𐴡𐴌𐴝𐴌 𐴉𐴝𐴓𐴊𐴝 𐴏𐴞𐴌𐴞𐴉𐴢 𐴀𐴞𐴏𐴓𐴝𐴔𐴢 𐴀𐴦𐴡𐴕 𐴏𐴝𐴀| 𐴀𐴡 𐴀𐴞𐴏𐴓𐴝𐴔𐴢 𐴎𐴞𐴁𐴝𐴘𐴠 𐴁𐴞𐴊𐴠𐴙𐴐𐴡𐴌 𐴏𐴟𐴇𐴝𐴘𐴁𐴢 𐴀𐴝𐴊𐴧𐴠 𐴏𐴡𐴓𐴔𐴝𐴕(𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴔𐴝) 𐴌𐴠𐴘𐴥𐴡 𐴁𐴤𐴝𐴘 𐴁𐴤𐴝𐴘 𐴁𐴝𐴕𐴝𐴘𐴊𐴠 𐴀𐴝𐴌 𐴕𐴞𐴎𐴡𐴌 𐴊𐴠𐴙𐴐𐴡𐴌 𐴈𐴝𐴕𐴊𐴝𐴕𐴡𐴌 𐴀𐴝𐴁𐴟 𐴅𐴝𐴇𐴠𐴓𐴢 𐴀𐴝𐴊𐴧𐴠 𐴀𐴝𐴁𐴟 𐴓𐴝𐴇𐴝𐴁𐴡𐴌𐴠 𐴊𐴟𐴐𐴧𐴡𐴕 𐴁𐴝𐴕𐴝𐴘𐴊𐴠||

𐴲𐴹) 𐴅𐴞𐴇𐴝𐴊𐴞 𐴔𐴞𐴋𐴞𐴘𐴝𐴌 𐴎𐴞𐴔𐴧𐴝𐴊𐴝𐴌𐴞 𐴏𐴞𐴌𐴞𐴉𐴢 𐴅𐴞𐴇𐴝𐴊𐴡𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴃𐴝𐴇𐴌𐴞𐴎 𐴒𐴡𐴌𐴝 𐴕𐴡𐴀, 𐴃𐴝𐴌 𐴀𐴠𐴑𐴧𐴝𐴕 𐴀𐴝𐴇𐴥𐴝𐴔𐴢 𐴎𐴞𐴔𐴧𐴝𐴊𐴝𐴌𐴞 𐴀𐴥𐴡𐴘𐴓𐴊𐴠 𐴅𐴞𐴇𐴝𐴊𐴡𐴌 𐴁𐴟𐴎𐴡𐴌𐴠 𐴀𐴦𐴝𐴔𐴢 𐴒𐴡𐴌𐴡𐴕, 𐴅𐴞𐴇𐴝𐴊𐴡𐴌 𐴀𐴠𐴏𐴓𐴝𐴇 𐴀𐴝𐴊𐴧𐴠 𐴔𐴟𐴅𐴇𐴞𐴊𐴢 𐴀𐴦𐴡𐴓𐴡𐴌 𐴃𐴡𐴌𐴁𐴞𐴘𐴡𐴃𐴢| 𐴀𐴥𐴠 𐴈𐴡𐴃𐴝𐴓𐴧𐴝 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴉𐴡𐴃𐴧𐴞 𐴀𐴠𐴑𐴧𐴝𐴕 𐴔𐴡𐴗𐴎𐴟, 𐴉𐴡𐴃𐴧𐴞 𐴀𐴠𐴑𐴧𐴝𐴕 𐴁𐴝𐴃𐴠𐴓𐴡𐴌 𐴔𐴟𐴎𐴡𐴔𐴧𐴡𐴃𐴢 𐴀𐴝𐴊𐴧𐴠 𐴃𐴝𐴌 𐴈𐴠𐴓𐴝𐴉𐴢 𐴅𐴞𐴇𐴝𐴊𐴡𐴌 𐴃𐴝𐴇𐴌𐴞𐴎 𐴎𐴠 𐴃𐴡𐴔𐴝𐴔𐴢 𐴎𐴝𐴒𐴝𐴃𐴢 𐴒𐴡𐴌𐴝 𐴎𐴝𐴘𐴁𐴡, 𐴀𐴥𐴠𐴍𐴠 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴝𐴌 𐴀𐴝𐴈𐴓𐴝𐴑𐴞 𐴃𐴡𐴌𐴁𐴞𐴘𐴡𐴃𐴢 𐴀𐴝𐴊𐴧𐴠 𐴀𐴝𐴔𐴡𐴌 𐴁𐴞𐴓𐴢 𐴔𐴝𐴌𐴟𐴉𐴢 𐴀𐴝𐴌 𐴕𐴝𐴇𐴞 𐴀𐴝𐴕𐴞𐴓𐴢 𐴔𐴟𐴕𐴑𐴡𐴌𐴡𐴌 𐴔𐴞𐴑𐴧𐴝𐴘𐴥𐴡 𐴈𐴞𐴘𐴝𐴓𐴢 𐴌𐴝𐴑𐴡𐴕 𐴎𐴡𐴌𐴟𐴌𐴞||

𐴳𐴰) 𐴀𐴠𐴎𐴡𐴁𐴝𐴕𐴝𐴃𐴢 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴞𐴕𐴏𐴝𐴉𐴡𐴌 𐴁𐴟𐴕𐴞𐴘𐴝𐴊𐴡𐴌 𐴖𐴡𐴌𐴠 𐴀𐴝𐴏𐴠𐴊𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴀𐴝𐴌 𐴁𐴝𐴌𐴥𐴝-𐴁𐴝𐴌𐴞 𐴀𐴝𐴊𐴧𐴠 𐴏𐴥𐴝𐴌𐴝-𐴏𐴝𐴌𐴞𐴌 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴡𐴑𐴧𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑𐴡𐴌𐴠 𐴕𐴞𐴎𐴠𐴘𐴥𐴡 𐴁𐴟𐴎𐴡𐴕 𐴀𐴝𐴌 𐴊𐴟𐴏𐴡𐴌𐴝 𐴎𐴡𐴕𐴡𐴌𐴠𐴘𐴥𐴡 𐴁𐴟𐴎𐴝𐴘𐴊𐴡𐴕 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴡𐴌 𐴎𐴞𐴔𐴧𐴝𐴊𐴝𐴌𐴞| 𐴀𐴝𐴌 𐴀𐴠𐴕𐴄𐴝𐴌𐴕𐴠𐴄𐴡𐴌 𐴖𐴡𐴌𐴠 𐴊𐴝𐴖𐴡𐴃𐴡𐴃𐴢 𐴔𐴡𐴐𐴒𐴟𐴓𐴢 𐴀𐴝𐴏𐴠𐴊𐴠 𐴁𐴤𐴝𐴘 𐴀𐴦𐴡𐴓𐴡𐴃𐴧𐴞 𐴀𐴠𐴕𐴃𐴠𐴇𐴝𐴘𐴞 𐴀𐴠𐴇𐴃𐴠𐴔𐴝𐴔𐴡𐴌 𐴏𐴝𐴣𐴀𐴃𐴠 𐴀𐴠 𐴎𐴞𐴔𐴧𐴝𐴊𐴝𐴌𐴞 𐴀𐴝𐴊𐴝𐴘 𐴒𐴡𐴌𐴡𐴕 𐴏𐴦𐴝𐴀||

𐴀𐴥𐴞𐴕𐴋𐴞𐴓𐴧𐴝 𐴈𐴡𐴕 𐴏𐴞𐴏𐴢 𐴅𐴝𐴘𐴠𐴎, 𐴈𐴡𐴕 𐴏𐴞𐴏𐴢 𐴕𐴝𐴅𐴝𐴘𐴠𐴎, 𐴈𐴡𐴕 𐴑𐴞𐴏𐴞𐴔𐴧𐴝 𐴔𐴝𐴙𐴕𐴐𐴥𐴡𐴌 𐴅𐴝𐴕-𐴔𐴝𐴓𐴢 𐴇𐴝𐴓𐴝𐴓𐴢 𐴀𐴝𐴌 𐴈𐴡𐴕 𐴑𐴞𐴏𐴞𐴔𐴢 𐴇𐴝𐴌𐴝𐴔𐴢, 𐴈𐴡𐴕 𐴈𐴝𐴔𐴢 𐴊𐴝𐴖𐴡𐴃𐴡𐴌 𐴈𐴝𐴃𐴠𐴌𐴠 𐴉𐴝𐴘𐴊𐴝 𐴀𐴝𐴌 𐴈𐴡𐴕 𐴏𐴞𐴏𐴢 𐴅𐴝𐴘𐴠𐴎 𐴀𐴦𐴡𐴕𐴡𐴌 𐴁𐴝𐴊𐴠𐴘𐴥𐴡 𐴉𐴝𐴘𐴊𐴝 𐴕𐴡𐴀⸮ 𐴅𐴞𐴇𐴝𐴊𐴡𐴌 𐴊𐴝𐴀𐴞𐴌 𐴈𐴝𐴃𐴠𐴌𐴠 𐴀𐴠𐴕𐴄𐴝𐴌𐴕𐴠𐴄𐴡𐴌 𐴖𐴡𐴌𐴠 𐴀𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴕𐴡𐴐𐴡𐴌 𐴀𐴝𐴌 𐴇𐴟𐴐𐴞𐴘𐴝𐴌𐴞 𐴒𐴡𐴌𐴡𐴕 𐴎𐴡𐴌𐴟𐴌𐴞||

𐴊𐴟𐴁𐴝𐴌𐴝 𐴈𐴡𐴖𐴝𐴎𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴔𐴡𐴎𐴟𐴌 𐴁𐴝𐴁𐴡𐴃𐴠 𐴏𐴞𐴌𐴞𐴉𐴢 𐴔𐴟𐴃𐴡𐴁𐴡𐴌 𐴅𐴞𐴇𐴝𐴊𐴞 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴑𐴝𐴘𐴠𐴊𐴞𐴕 𐴀𐴡𐴑𐴧𐴡𐴓𐴡𐴌 𐴑𐴞𐴃𐴝𐴁𐴢 𐴀𐴝𐴌 𐴌𐴝𐴇𐴕𐴟𐴔𐴝𐴘𐴞𐴌 𐴔𐴞𐴑𐴧𐴝 𐴈𐴞𐴘𐴝𐴓𐴢 𐴒𐴡𐴌𐴡𐴕 𐴎𐴡𐴌𐴟𐴌𐴞||

(𐴐𐴝𐴘𐴈𐴢 𐴀𐴝𐴘𐴔𐴡𐴕 𐴀𐴝𐴎𐴧𐴡𐴖𐴝𐴇𐴞𐴌𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴇(𐴀𐴠𐴈𐴡𐴕 𐴌𐴡𐴇𐴞𐴔𐴝𐴇𐴟𐴓𐴧𐴝𐴇) 𐴝𐴌 𐴅𐴞𐴇𐴝𐴊𐴞 𐴀𐴝𐴔𐴡𐴓𐴡𐴌 𐴔𐴟𐴃𐴝𐴀𐴓𐴧𐴠𐴑 𐴀𐴟𐴔𐴟𐴔𐴞 𐴇𐴠𐴊𐴝𐴘𐴡𐴃𐴢(توجيهات للعمل الجهادي) 𐴀𐴝𐴌 𐴃𐴝𐴀𐴛𐴌 𐴕𐴠𐴒𐴠𐴌𐴝𐴕𐴞𐴃𐴢 𐴃𐴡𐴘𐴧𐴝𐴌 𐴒𐴡𐴌𐴝 𐴒𐴞𐴘𐴠𐴊𐴠 𐴀𐴝𐴓𐴢-𐴑𐴝𐴘𐴊𐴝 𐴁𐴡𐴌𐴧𐴠 𐴏𐴡𐴒𐴞𐴌𐴡𐴌 𐴓𐴝𐴘𐴠𐴇𐴝𐴘𐴠 𐴀𐴝𐴔𐴡𐴓𐴢| 𐴀𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴉𐴡𐴌𐴡𐴕 𐴏𐴦𐴝| 𐴀𐴥𐴞𐴕𐴋𐴞𐴓𐴧𐴝 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴕𐴇𐴝𐴅𐴢 𐴁𐴟𐴎𐴞𐴁𐴡𐴓𐴧𐴝 𐴐𐴝𐴘𐴈𐴢 𐴀𐴝𐴃𐴞𐴘𐴝𐴃𐴟𐴓𐴧𐴝𐴇 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴌 الحسبة 𐴉𐴟𐴌𐴡𐴔𐴡𐴌 𐴏𐴝𐴣𐴀𐴃𐴠 𐴀𐴠𐴕𐴄𐴝𐴌𐴁𐴞𐴘𐴟 𐴁𐴠𐴐𐴞 𐴀𐴝𐴇𐴥𐴝𐴔𐴢| 𐴀𐴥𐴞𐴕𐴋𐴞𐴓𐴧𐴝 𐴐𐴝𐴘𐴈𐴡𐴌 𐴁𐴡𐴘𐴝𐴕𐴡𐴌 𐴈𐴡𐴎𐴝𐴕𐴝 “مجموع الأمال الكاملة” 𐴝𐴌𐴠 𐴔𐴟𐴃𐴝𐴓𐴝 𐴒𐴡𐴌𐴡𐴕𐴥𐴡 𐴉𐴝𐴘𐴊𐴝 𐴀𐴥𐴡𐴘𐴁𐴡 𐴀𐴞𐴚 𐴐𐴦𐴝 𐴀𐴝𐴓𐴧𐴝𐴇||

𐴳𐴱) 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴡𐴓𐴧𐴝 𐴐𐴡𐴌𐴀𐴞 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴁𐴝𐴊𐴠 𐴀𐴝𐴇𐴥𐴝𐴔𐴢 𐴀𐴠𐴓𐴡𐴔𐴢 𐴀𐴥𐴡𐴘𐴓𐴊𐴠، 𐴃𐴝𐴌𐴞𐴈𐴡𐴌 𐴀𐴠𐴓𐴡𐴔𐴢| 𐴎𐴡𐴊𐴞 𐴊𐴝𐴀𐴞 𐴅𐴞𐴇𐴝𐴊𐴡𐴌 𐴃𐴝𐴌𐴞𐴈𐴡𐴌 𐴁𐴝𐴁𐴡𐴃𐴠 𐴇𐴟𐴐𐴞𐴘𐴝𐴌 𐴃𐴝𐴑𐴠 𐴀𐴝𐴌 𐴀𐴥𐴠𐴍𐴞𐴘𐴝𐴌 𐴏𐴡𐴁𐴡𐴑 𐴀𐴡𐴑𐴧𐴡𐴓𐴡𐴌𐴠 𐴊𐴞𐴓𐴠-𐴅𐴝𐴕𐴠 𐴑𐴡𐴁𐴟𐴓𐴢 𐴒𐴡𐴌𐴠| 𐴃𐴡𐴘𐴓𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴀𐴝𐴐𐴥𐴝 𐴒𐴡𐴌𐴞𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴁𐴠𐴙𐴐𐴢 𐴁𐴤𐴝𐴑 𐴒𐴡𐴓𐴃𐴞 𐴀𐴡𐴑𐴧𐴡𐴓𐴡𐴃𐴧𐴞 𐴇𐴝𐴉𐴝𐴎𐴡𐴃𐴢 𐴃𐴝𐴑𐴞𐴁𐴡| 𐴀𐴠𐴑𐴎𐴡𐴕 𐴁𐴟𐴎𐴟𐴌𐴒𐴡 𐴅𐴞𐴇𐴝𐴊𐴞 𐴀𐴝𐴓𐴠𐴔𐴠 𐴈𐴡𐴘𐴧𐴠𐴊𐴠-

“𐴔𐴝𐴕𐴥𐴟𐴙𐴐𐴢 𐴀𐴟𐴁𐴥𐴝 𐴅𐴞𐴇𐴝𐴊𐴡𐴌 𐴑𐴞𐴘𐴝𐴊𐴡𐴃𐴢 𐴒𐴡𐴌𐴝𐴌 𐴑𐴝𐴁𐴠𐴓𐴢 𐴕𐴡𐴀 𐴎𐴞𐴁𐴥𐴝 𐴃𐴝𐴌𐴞𐴈𐴡𐴌 𐴀𐴠𐴓𐴡𐴔𐴢 𐴕𐴡𐴌𐴝𐴑𐴠”

𐴑𐴞𐴘𐴝𐴊𐴡𐴃𐴢 𐴀𐴝𐴊𐴧𐴠 𐴊𐴝𐴖𐴡𐴃𐴢 𐴁𐴠𐴙𐴐𐴡𐴑 𐴀𐴝𐴓𐴡𐴑 𐴀𐴝𐴓𐴡𐴑 𐴔𐴡𐴗𐴎𐴟 𐴑𐴞𐴕𐴃𐴟 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌𐴠 𐴃𐴡𐴌𐴡𐴑𐴧𐴞𐴌 𐴔𐴞𐴑𐴧𐴝 𐴏𐴡𐴉𐴡𐴌 𐴒𐴡𐴌𐴡𐴕𐴡𐴌 𐴀𐴠𐴃𐴠𐴁𐴝𐴌𐴠 𐴉𐴟𐴌𐴝𐴉𐴟𐴌𐴞 𐴅𐴟𐴊𐴝𐴘𐴥𐴡 𐴕𐴡𐴀||

𐴀𐴞𐴔𐴝𐴔𐴢 𐴀𐴞𐴁𐴕𐴞 𐴃𐴝𐴘𐴔𐴞𐴘𐴝 𐴌𐴡𐴇𐴞𐴔𐴝𐴇𐴟𐴓𐴧𐴝𐴇 𐴈𐴦𐴡𐴊𐴧𐴠-

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴈𐴡𐴕𐴥𐴡 𐴔𐴝𐴙𐴕𐴐𐴥𐴡𐴌𐴠 𐴕𐴠𐴑𐴧𐴝𐴌 𐴁𐴝𐴕𐴝𐴘𐴁𐴝𐴌 𐴀𐴠𐴌𐴝𐴊𐴝 𐴒𐴡𐴌𐴞𐴓𐴠 𐴃𐴡𐴈𐴡𐴕 𐴀𐴥𐴞𐴁𐴝𐴌𐴠 𐴀𐴝𐴌𐴠𐴑𐴎𐴡𐴕𐴡𐴃𐴧𐴞 𐴀𐴞𐴁𐴡𐴌𐴡𐴃𐴢 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴃𐴡𐴗𐴉𐴞𐴑 𐴊𐴝𐴕 𐴒𐴡𐴌𐴠، 𐴉𐴞𐴃𐴞𐴕 𐴀𐴥𐴞𐴁𐴝 𐴈𐴦𐴝𐴏𐴢 𐴀𐴡 𐴌𐴝𐴏𐴧𐴝𐴌 𐴖𐴡𐴌𐴠 𐴏𐴡𐴓𐴞𐴁𐴡 𐴎𐴝𐴌 𐴖𐴡𐴌𐴠 𐴘𐴦𐴝𐴌 𐴀𐴝𐴒𐴠 𐴏𐴡𐴓𐴡𐴘𐴝 𐴀𐴦𐴡𐴓𐴡𐴌𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴔𐴡𐴊𐴡𐴃𐴢 𐴀𐴝𐴊𐴧𐴠 𐴕𐴟𐴏𐴟𐴌𐴡𐴃𐴢 𐴒𐴡𐴙𐴅𐴧𐴞𐴓𐴢| 𐴀𐴝𐴌 𐴀𐴡 𐴌𐴝𐴏𐴧𐴝𐴌 𐴖𐴡𐴌𐴠 𐴏𐴡𐴓𐴡𐴕𐴡𐴃𐴧𐴞 𐴁𐴝𐴏𐴝𐴘𐴓𐴡 𐴎𐴝𐴌 𐴖𐴡𐴌𐴠 𐴔𐴝𐴎𐴞𐴃𐴢 𐴏𐴦𐴡𐴓𐴡𐴘𐴝 𐴀𐴦𐴡𐴓𐴡𐴌𐴠 𐴕𐴝𐴑𐴝𐴔𐴢 𐴒𐴡𐴙𐴅𐴧𐴠”||

(𐴕𐴟𐴄: ومن أراد اللهُ سعادتَه جَعَله يعتبِرُ بما أصاب غيرَه، فيَسلُكُ مَسْلَكَ من أيَّده اللهُ ونَصَره، ويجتَنِبُ مَسلَكَ من خذَلَه اللهُ وأهانه (مجموع الفتاوى)

𐴔𐴝𐴎𐴞 𐴔𐴝𐴎𐴠 𐴅𐴞𐴇𐴝𐴊𐴡𐴌 𐴑𐴝𐴉𐴠𐴓𐴝 𐴎𐴠𐴍𐴠 𐴀𐴝𐴌 𐴎𐴠 𐴌𐴝𐴏𐴧𐴝𐴃𐴧𐴞 𐴒𐴟𐴎𐴡𐴙𐴅𐴧𐴠، 𐴀𐴥𐴠 𐴌𐴝𐴏𐴧𐴝 𐴒𐴞𐴕𐴡𐴌 𐴇𐴦𐴝𐴌 𐴀𐴠𐴃𐴠𐴁𐴝𐴌𐴠 𐴅𐴞𐴇𐴝𐴊𐴞 𐴊𐴝𐴀𐴞 𐴀𐴦𐴡𐴓𐴡𐴌 𐴀𐴠𐴓𐴡𐴔𐴡𐴃𐴢 𐴃𐴝𐴑𐴡𐴕 𐴏𐴦𐴝𐴀| 𐴃𐴝𐴌𐴝𐴃𐴧𐴞 𐴀𐴠𐴈𐴡𐴃𐴝𐴌 𐴀𐴠𐴓𐴡𐴔𐴢 𐴃𐴝𐴑𐴝 𐴉𐴡𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴑𐴞𐴃𐴝𐴓𐴡𐴃𐴢 𐴈𐴡𐴕 𐴈𐴝𐴔𐴢 𐴘𐴥𐴝 𐴈𐴡𐴃𐴝 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴑𐴝𐴔𐴞𐴘𐴝𐴁𐴞 𐴀𐴝𐴊𐴧𐴠 𐴉𐴡𐴃𐴝𐴇 𐴇𐴝𐴏𐴠𐴓𐴢 𐴒𐴡𐴌𐴝𐴎𐴝، 𐴀𐴝𐴌 𐴀𐴡 𐴒𐴡𐴉𐴡𐴓𐴡𐴃𐴞 𐴒𐴞𐴕 𐴑𐴞 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴊𐴟𐴐𐴧𐴡𐴕𐴡𐴌 𐴏𐴝𐴔𐴧𐴠 𐴅𐴞𐴇𐴝𐴊𐴞 𐴑𐴝𐴉𐴠𐴓𐴝 𐴕𐴟𐴏𐴧𐴝𐴕𐴞 𐴀𐴟𐴄𐴝𐴘𐴧𐴠 𐴀𐴝𐴌 𐴔𐴟𐴅𐴝𐴇𐴞𐴊𐴞𐴕 𐴀𐴦𐴡𐴓𐴢 𐴀𐴦𐴝𐴔𐴢 𐴔𐴟𐴏𐴡𐴓𐴔𐴝𐴕𐴡𐴌 𐴕𐴟𐴏𐴌𐴡𐴃𐴢 𐴀𐴝𐴊𐴧𐴠 𐴏𐴝𐴉𐴌𐴟𐴄𐴡𐴃𐴧𐴞 𐴔𐴝𐴀𐴌𐴟𐴔𐴢 𐴀𐴥𐴡𐴘𐴒𐴞𐴘𐴡| 𐴀𐴠𐴒𐴞𐴕 𐴎𐴝𐴕𐴡𐴕 𐴀𐴠𐴈𐴡𐴃𐴝𐴓𐴧𐴝 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴒𐴡𐴃𐴡 𐴇𐴝𐴙𐴓𐴡𐴌 𐴕𐴝𐴑𐴝𐴔𐴞 𐴀𐴝𐴙𐴅𐴧𐴝 𐴈𐴡𐴕𐴥𐴡 𐴀𐴡𐴃𐴧𐴠 𐴉𐴡𐴃𐴝𐴇𐴌 𐴎𐴡𐴌𐴞𐴘𐴝 𐴁𐴡𐴕𐴞 𐴕𐴡𐴉𐴝𐴌𐴠، 𐴊𐴝𐴖𐴡𐴃𐴡𐴌 𐴎𐴠 𐴃𐴡𐴌𐴞𐴑𐴝𐴌 𐴎𐴡𐴌𐴞𐴘𐴝 𐴀𐴝𐴌 𐴑𐴠𐴃𐴝𐴓𐴡𐴌 𐴎𐴠 𐴕𐴞𐴘𐴡𐴔𐴡𐴌 𐴎𐴡𐴌𐴞𐴘𐴝 𐴔𐴝𐴎𐴞 𐴔𐴧𐴝𐴎𐴠 𐴕𐴟𐴏𐴧𐴝𐴕𐴞 𐴀𐴟𐴄𐴝 𐴉𐴡𐴙𐴅𐴧𐴠، 𐴀𐴝𐴙𐴅𐴧𐴝𐴘𐴥𐴡 𐴎𐴡𐴊𐴞 𐴀𐴥𐴠 𐴀𐴟𐴏𐴟𐴓𐴡𐴌 𐴖𐴡𐴌𐴠 𐴏𐴡𐴉𐴡𐴌 𐴒𐴡𐴌𐴠 𐴃𐴡𐴘𐴓𐴠 𐴕𐴡𐴃𐴞𐴅𐴝 𐴀𐴥𐴞𐴏𐴝𐴉𐴠 𐴑𐴝𐴔𐴞𐴘𐴝𐴁𐴞 𐴕𐴡 𐴔𐴞𐴓𐴞𐴁𐴡||

𐴀𐴝𐴙𐴅𐴧𐴝 𐴎𐴠 𐴔𐴡𐴐𐴑𐴞𐴓𐴝𐴃𐴢 𐴀𐴡𐴑𐴧𐴡𐴓𐴢 𐴀𐴝𐴣𐴀𐴌𐴝𐴌 𐴏𐴝𐴔𐴧𐴠 𐴉𐴠𐴙𐴐𐴢 𐴀𐴝𐴘𐴧𐴠𐴌، 𐴁𐴠𐴒𐴧𐴞𐴕 𐴕𐴡𐴘𐴓𐴠𐴘𐴥𐴡 𐴀𐴝𐴑𐴏𐴥𐴡𐴌𐴡𐴌 𐴔𐴟𐴑𐴝𐴁𐴠𐴓𐴝 𐴒𐴡𐴙𐴅𐴧𐴠 𐴀𐴝𐴣𐴀𐴌𐴝𐴌 𐴀𐴝𐴒𐴡𐴌 𐴒𐴞𐴕𐴠، 𐴉𐴞𐴃𐴞𐴕 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴃𐴧𐴞 𐴘𐴡𐴔𐴡𐴕، 𐴔𐴝𐴓𐴞 𐴀𐴝𐴌 𐴀𐴝𐴓𐴢-𐴅𐴡𐴎𐴝𐴘𐴠𐴌 𐴓𐴡𐴃𐴞 𐴐𐴦𐴝𐴔𐴢 𐴀𐴞𐴌𐴝𐴑 𐴉𐴡𐴅𐴧𐴡𐴕𐴃𐴡 𐴉𐴤𐴡𐴙𐴓𐴝𐴘𐴧𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴃𐴡𐴅𐴡𐴌𐴟𐴁𐴝𐴘𐴥𐴡 𐴈𐴡𐴔𐴢 𐴕𐴡𐴀| 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴎𐴡𐴊𐴞 𐴇𐴡𐴑𐴡𐴌𐴠 𐴑𐴡𐴁𐴟𐴓𐴢 𐴒𐴡𐴌𐴝𐴌 𐴃𐴡𐴍𐴡𐴂𐴢 𐴃𐴝𐴑𐴠 𐴀𐴝𐴌 𐴊𐴞𐴓𐴡𐴌 𐴁𐴥𐴟𐴃𐴡𐴌𐴠 𐴃𐴝𐴀𐴏𐴧𐴟𐴁𐴞𐴌 𐴊𐴝𐴒𐴢 𐴉𐴡𐴙𐴃𐴧𐴡 𐴕𐴡𐴀𐴊𐴠 𐴃𐴡𐴘𐴓𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴀𐴝𐴐𐴥𐴝 𐴀𐴝𐴏𐴠 𐴃𐴝𐴓𐴧𐴝𐴘 𐴁𐴡𐴓𐴞 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴃𐴝𐴌𐴞𐴈𐴢 𐴀𐴝𐴊𐴧𐴠 𐴃𐴡𐴅𐴡𐴌𐴟𐴁𐴝 𐴀𐴝𐴑𐴧𐴡𐴓𐴡𐴃𐴢 𐴁𐴠𐴐𐴝 𐴁𐴠𐴐𐴞 𐴏𐴡𐴁𐴡𐴑 𐴀𐴝𐴌 𐴀𐴞𐴁𐴞𐴌𐴡𐴃𐴢 𐴀𐴡𐴑𐴧𐴡𐴓𐴢 𐴀𐴝𐴏𐴠 𐴀𐴝𐴌 𐴀𐴠 𐴀𐴠𐴓𐴡𐴔𐴡𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴌 𐴕𐴡𐴉𐴝 𐴀𐴥𐴡𐴘𐴁𐴡 𐴀𐴞𐴚 𐴐𐴦𐴝 𐴀𐴝𐴓𐴧𐴝𐴇||

𐴳𐴲) 𐴕𐴞𐴎𐴡𐴌 𐴀𐴠𐴕𐴄𐴝𐴌𐴕𐴠𐴄 𐴂𐴠𐴙𐴅 𐴀𐴡𐴑𐴧𐴡𐴓𐴡𐴃𐴢 𐴏𐴞𐴌𐴞𐴉𐴢 𐴀𐴡 𐴈𐴡𐴁𐴡𐴌𐴒𐴞𐴕 𐴕𐴡𐴐𐴡𐴌 𐴒𐴡𐴌𐴝 𐴎𐴝𐴘𐴁𐴡 𐴎𐴠𐴒𐴞𐴕 𐴅𐴝𐴘𐴠𐴎 𐴀𐴦𐴡𐴕𐴡𐴌 𐴁𐴝𐴁𐴡𐴃𐴠 𐴀𐴟𐴓𐴝𐴔𐴝𐴘𐴠 𐴅𐴞𐴇𐴝𐴊𐴢 𐴀𐴠𐴃𐴧𐴠𐴉𐴝𐴑| 𐴀𐴦𐴠𐴕 𐴈𐴡𐴕𐴥𐴡 𐴈𐴡𐴁𐴡𐴌 𐴕𐴡𐴐𐴡𐴌 𐴒𐴡𐴌𐴝 𐴕𐴡𐴎𐴝𐴘𐴁𐴡 𐴎𐴠𐴒𐴞𐴕𐴡𐴌 𐴁𐴝𐴁𐴡𐴃𐴠 𐴅𐴞𐴇𐴝𐴊𐴞 𐴀𐴟𐴓𐴝𐴔𐴝 𐴀𐴠𐴃𐴧𐴠𐴉𐴝𐴑 𐴕𐴡𐴀||

𐴳𐴳) 𐴐𐴡𐴌𐴞𐴘𐴡𐴃𐴡𐴌 𐴈𐴠𐴓𐴝𐴉𐴢 𐴈𐴝𐴔𐴡𐴌 𐴁𐴝𐴁𐴡𐴃𐴠 𐴆𐴟𐴉𐴢 𐴃𐴝𐴑𐴝 𐴕𐴡𐴎𐴝𐴘𐴁𐴡| 𐴁𐴤𐴡𐴓𐴑𐴠 𐴀𐴥𐴞𐴕𐴋𐴞𐴓𐴧𐴝 𐴈𐴝𐴔𐴡𐴌 𐴎𐴝𐴇𐴠𐴌 𐴁𐴝𐴇𐴠𐴌 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴡𐴕 𐴎𐴡𐴌𐴟𐴌𐴞| 𐴎𐴡𐴊𐴞 𐴈𐴡𐴕𐴥𐴡 𐴅𐴞𐴇𐴝𐴊𐴞 𐴅𐴡𐴔𐴝𐴃𐴡𐴃𐴧𐴞 𐴀𐴠𐴈𐴝𐴔𐴢 𐴀𐴝𐴕𐴅𐴝𐴔𐴢 𐴉𐴦𐴝𐴀 𐴃𐴡𐴘𐴓𐴠 𐴅𐴡𐴔𐴝𐴃𐴡𐴌 𐴕𐴝𐴔𐴢 𐴊𐴤𐴡𐴌𐴡𐴕 𐴏𐴥𐴝𐴌𐴝 𐴏𐴞𐴌𐴞𐴉𐴢 𐴈𐴝𐴔𐴢 𐴒𐴝𐴕𐴡𐴌 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴡𐴕 𐴀𐴝𐴊𐴧𐴠 𐴕𐴞𐴎𐴡𐴌𐴠 𐴀𐴥𐴞𐴕𐴃𐴧𐴞 𐴁𐴡𐴌𐴝𐴃𐴡𐴌 𐴀𐴠𐴓𐴝𐴕 𐴒𐴡𐴌𐴝 𐴉𐴡𐴌𐴞𐴁𐴡||

𐴀𐴝𐴣𐴀𐴌𐴝𐴓𐴧𐴝 𐴁𐴡𐴓𐴞 𐴌𐴡𐴏𐴥𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢 𐴕𐴡𐴔𐴟𐴕𐴝𐴘𐴠 𐴀𐴝𐴔𐴡𐴓𐴢، 𐴎𐴡𐴈𐴡𐴕 𐴇𐴡𐴎𐴌𐴡𐴃𐴢 𐴈𐴝𐴓𐴠𐴊𐴢 𐴁𐴞𐴕 𐴖𐴡𐴓𐴞𐴊𐴢 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴌 𐴋𐴦𐴡𐴘𐴓𐴧𐴝 𐴎𐴝𐴃𐴡𐴃𐴧𐴞 𐴒𐴡𐴓𐴃𐴞 𐴎𐴝𐴇𐴠𐴌 𐴀𐴥𐴡𐴘𐴧𐴠 𐴃𐴡𐴈𐴡𐴕 𐴌𐴡𐴏𐴥𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴆𐴟𐴉𐴢 𐴕𐴡𐴃𐴝𐴑𐴠; 𐴁𐴤𐴡𐴓𐴑𐴠 𐴃𐴝𐴀𐴛 𐴈𐴝𐴓𐴠𐴑 𐴀𐴝𐴊𐴧𐴠 𐴔𐴡𐴈𐴓𐴟𐴑𐴡𐴌 𐴏𐴝𐴔𐴧𐴠 𐴀𐴠𐴈𐴡𐴃𐴝𐴌 𐴀𐴠𐴓𐴝𐴕 𐴒𐴡𐴌𐴞 𐴈𐴡𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 –

اللَّهُمَّ إنِّي أبْرَأُ إلَيْكَ ممَّا صَنَعَ خَالِدٌ

“𐴀𐴝𐴘 𐴀𐴝𐴓𐴧𐴝𐴇 𐴎𐴠𐴈𐴝𐴔𐴢 𐴈𐴝𐴓𐴠𐴊𐴠 (𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟) 𐴘𐴠 𐴒𐴡𐴙𐴅𐴧𐴠 𐴀𐴥𐴠𐴒𐴞𐴕𐴡𐴃𐴧𐴞 𐴀𐴝𐴀𐴛 𐴀𐴡𐴕𐴡𐴌 𐴏𐴝𐴔𐴧𐴠 𐴁𐴡𐴌𐴞 𐴀𐴦𐴡𐴕𐴡𐴌 𐴀𐴠𐴓𐴝𐴕 𐴒𐴡𐴌𐴞𐴌”|| (𐴏𐴡𐴀𐴞 𐴁𐴟𐴈𐴝𐴌𐴞)

𐴀𐴝𐴣𐴀𐴌𐴝𐴃𐴧𐴞 𐴀𐴠𐴈𐴡𐴃𐴝 𐴘𐴦𐴝𐴊𐴢 𐴌𐴝𐴑𐴡𐴕 𐴏𐴦𐴝𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴒𐴝𐴘𐴌𐴠 𐴐𐴡𐴌𐴀𐴞 𐴈𐴝𐴔𐴡𐴌𐴠 𐴐𐴡𐴌𐴀𐴞 𐴀𐴥𐴞𐴏𐴝𐴉𐴠 𐴏𐴝𐴁𐴠𐴃𐴢 𐴒𐴡𐴌𐴡𐴕 𐴀𐴝𐴌 𐴘𐴦𐴝𐴕𐴡𐴌 𐴎𐴞𐴔𐴧𐴝𐴊𐴝𐴌𐴞 𐴑𐴡𐴁𐴟𐴓𐴢 𐴒𐴡𐴌𐴞 𐴘𐴦𐴝𐴕𐴡𐴌𐴠 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴞𐴕𐴡𐴌 𐴔𐴞𐴑𐴧𐴝 𐴕𐴞𐴏𐴁𐴡𐴃𐴢 𐴒𐴡𐴌𐴡𐴕 𐴐𐴡𐴌𐴞𐴘𐴡𐴃𐴡𐴌 𐴈𐴠𐴓𐴝𐴉𐴢 𐴀𐴠𐴕𐴃𐴠𐴇𐴝𐴘𐴞 𐴁𐴡𐴌𐴡 𐴅𐴟𐴌𐴟𐴔𐴢| 𐴀𐴝𐴌 𐴀𐴠𐴒𐴞𐴕𐴡𐴌 𐴁𐴝𐴁𐴡𐴃𐴠 𐴆𐴟𐴉𐴢 𐴃𐴝𐴑𐴡𐴕 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴀𐴝𐴎𐴝𐴁𐴢 𐴀𐴝𐴘𐴧𐴡𐴕𐴡𐴌 𐴎𐴡𐴌𐴞𐴘𐴝 𐴁𐴡𐴕𐴠| 𐴃𐴝𐴌 𐴎𐴡𐴌𐴞𐴘𐴝 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴘𐴞𐴑𐴞𐴕𐴞 𐴁𐴤𐴝𐴉𐴠 𐴁𐴡𐴌𐴁𐴝𐴊𐴢 𐴀𐴥𐴡𐴘𐴎𐴝𐴘𐴁𐴡𐴘| 𐴎𐴡𐴊𐴞 𐴀𐴠 𐴈𐴝𐴔𐴢 𐴔𐴟𐴅𐴝𐴇𐴞𐴊𐴞𐴕 𐴀𐴦𐴡𐴓𐴠 𐴕𐴡𐴒𐴡𐴌𐴠 𐴃𐴡𐴘𐴓𐴠 𐴘𐴦𐴝𐴕𐴃𐴡 𐴀𐴠𐴅𐴠𐴕𐴏𐴞 𐴀𐴦𐴡𐴓𐴡𐴌 𐴈𐴝𐴔𐴢، 𐴀𐴠𐴇𐴝𐴓𐴡𐴃𐴡𐴃𐴢 𐴃𐴝𐴌 𐴔𐴟𐴈𐴝𐴓𐴡𐴉𐴡𐴃𐴞 𐴀𐴝𐴊𐴧𐴠 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝 𐴀𐴠𐴈𐴡𐴃𐴝𐴓𐴧𐴝 𐴀𐴝𐴌𐴥𐴡 𐴁𐴠𐴐𐴞 𐴎𐴡𐴌𐴟𐴌𐴞𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴃𐴝𐴌 𐴎𐴡𐴌𐴞𐴘𐴝 𐴀𐴠𐴅𐴠𐴕𐴏𐴞 𐴀𐴡𐴑𐴧𐴡𐴓𐴡𐴌 𐴉𐴌𐴟𐴉𐴝𐴒𐴞𐴚𐴋𐴝 𐴕𐴝𐴑𐴝𐴔𐴢 𐴀𐴥𐴡𐴘 𐴎𐴝𐴘𐴁𐴡𐴘| 𐴀𐴠𐴁𐴤𐴝𐴉𐴠 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝𐴌 𐴎𐴡𐴌𐴞𐴘𐴝 𐴃𐴝𐴇𐴌𐴞𐴑𐴠 𐴅𐴞𐴇𐴝𐴊𐴢 𐴁𐴡𐴊𐴢 𐴕𐴝𐴔𐴞𐴃𐴧𐴞𐴘𐴥𐴡 𐴁𐴝𐴏𐴞𐴁𐴡 𐴀𐴝𐴌 𐴅𐴞𐴇𐴝𐴊𐴡𐴌 𐴔𐴡𐴕𐴇𐴝𐴅𐴡 𐴄𐴞𐴑 𐴃𐴝𐴑𐴞𐴁𐴡||

𐴳𐴴) 𐴀𐴠𐴕𐴄𐴝𐴌𐴕𐴠𐴄𐴡𐴌 𐴖𐴡𐴌𐴠 𐴒𐴟𐴓𐴟𐴃𐴢 𐴐𐴞𐴑𐴝𐴌 𐴏𐴞𐴕𐴃𐴝-𐴉𐴞𐴑𐴞𐴌 𐴉𐴤𐴡𐴙𐴓𐴡𐴘𐴝 𐴀𐴡𐴑𐴧𐴡𐴓𐴡𐴌𐴠 𐴀𐴠𐴏𐴓𐴝𐴇 𐴒𐴡𐴌𐴡𐴕| 𐴎𐴡𐴊𐴞 𐴀𐴠𐴏𐴓𐴝𐴇 𐴒𐴡𐴌𐴝 𐴔𐴟𐴔𐴑𐴞𐴕 𐴕𐴡𐴀 𐴃𐴡𐴘𐴓𐴠 𐴃𐴝𐴌𐴝𐴌𐴠 𐴕𐴞𐴎𐴡𐴌 𐴈𐴡𐴁𐴡𐴌 𐴀𐴡𐴑𐴧𐴡𐴓𐴡𐴃𐴢 𐴎𐴝𐴒𐴝 𐴊𐴦𐴡𐴕𐴡𐴃𐴧𐴞 𐴁𐴝𐴏𐴞 𐴃𐴝𐴑𐴝 𐴉𐴡𐴌𐴞𐴁𐴡 𐴀𐴝𐴌 𐴊𐴟𐴏𐴡𐴌𐴝 𐴎𐴡𐴕𐴡𐴌𐴠𐴘𐴥𐴡 𐴀𐴥𐴠𐴒𐴞𐴕𐴡𐴃𐴧𐴞 𐴊𐴟𐴌𐴞 𐴌𐴝𐴑𐴞𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴀𐴠 𐴔𐴡𐴏𐴧𐴟𐴊𐴡𐴌 𐴈𐴝𐴃𐴠𐴌𐴠 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴅𐴞𐴇𐴞𐴊𐴞 𐴊𐴝𐴖𐴡𐴃𐴢 𐴊𐴡𐴘𐴝 𐴀𐴡𐴑𐴧𐴡𐴓𐴢 𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕 𐴓𐴡𐴘 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴃𐴝𐴀𐴓𐴧𐴟𐴑 𐴌𐴝𐴑𐴞𐴁𐴡| 𐴁𐴟𐴌𐴝𐴘𐴞 𐴎𐴠 𐴃𐴡𐴌𐴉𐴡𐴃𐴧𐴞 𐴀𐴝𐴘𐴁𐴡-𐴀𐴝𐴘𐴧𐴡𐴑، 𐴃𐴝𐴌𐴠 𐴁𐴡𐴕𐴊𐴡 𐴒𐴡𐴌𐴝 𐴀𐴡 𐴀𐴡𐴃𐴧𐴡𐴃𐴢 𐴔𐴟𐴔𐴑𐴞𐴕 𐴎𐴡𐴈𐴡𐴕 𐴊𐴝𐴖𐴡𐴃𐴡𐴌 𐴈𐴝𐴔𐴡𐴃𐴢 𐴔𐴡𐴐𐴒𐴟𐴓𐴢 𐴀𐴝𐴏𐴠𐴊𐴠 𐴏𐴝𐴣𐴀𐴃𐴞 𐴀𐴦𐴡𐴓𐴢 𐴀𐴝𐴉𐴡𐴏𐴡𐴃𐴢 𐴃𐴝𐴀𐴓𐴧𐴟𐴑 𐴌𐴝𐴑𐴞𐴁𐴡||

𐴳𐴵) 𐴊𐴝𐴖𐴡𐴃𐴡𐴃𐴢 𐴅𐴡𐴔𐴝𐴃𐴞 𐴃𐴝𐴀𐴏𐴧𐴟𐴁𐴞𐴌𐴠 𐴈𐴡𐴃𐴡𐴔𐴢 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴀𐴝𐴌 𐴀𐴠𐴈𐴡𐴃𐴝𐴌 𐴔𐴞𐴑𐴧𐴝 𐴇𐴟𐴐𐴞𐴘𐴝𐴌𐴞 𐴒𐴡𐴌𐴝 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴅𐴡𐴔𐴝𐴃𐴢 𐴀𐴝𐴏𐴡𐴓𐴢 𐴔𐴡𐴕𐴎𐴞𐴓𐴠 𐴔𐴡𐴏𐴧𐴟𐴊𐴢 𐴕𐴡𐴀، 𐴁𐴤𐴡𐴓𐴑𐴠 𐴅𐴡𐴔𐴝𐴃𐴢 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴉𐴡𐴙𐴅𐴧𐴡𐴕𐴃𐴡 𐴉𐴤𐴡𐴣𐴏𐴞𐴁𐴝𐴌 𐴀𐴠𐴑𐴧𐴝𐴕 𐴎𐴡𐴌𐴞𐴘𐴝 𐴀𐴝𐴌 𐴖𐴡𐴏𐴞𐴓𐴝| 𐴀𐴝𐴣𐴀𐴌𐴝𐴌 𐴔𐴡𐴏𐴧𐴟𐴊𐴢 𐴀𐴥𐴡𐴘𐴓𐴊𐴠 𐴐𐴡𐴌𐴞𐴘𐴡𐴃𐴡𐴌 𐴀𐴠𐴃𐴧𐴠𐴁𐴝 𐴀𐴝𐴊𐴧𐴠 𐴐𐴡𐴌𐴞𐴘𐴡𐴃𐴡𐴌𐴠 𐴕𐴝𐴉𐴠𐴎 𐴒𐴡𐴌𐴡𐴕||

𐴀𐴝𐴣𐴀𐴌𐴝𐴌 𐴅𐴡𐴔𐴝𐴃𐴢 𐴎𐴡𐴊𐴞 𐴀𐴥𐴠 𐴔𐴡𐴏𐴧𐴟𐴊𐴢 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡𐴓𐴧𐴝 𐴔𐴡𐴊𐴡𐴃𐴢 𐴒𐴝𐴌 𐴁𐴡𐴕𐴠 𐴃𐴡𐴘𐴓𐴠 𐴅𐴡𐴔𐴝𐴃𐴢 𐴀𐴥𐴞𐴁𐴝 𐴉𐴡𐴏𐴡𐴕𐴊𐴡 𐴀𐴝𐴌 𐴔𐴝𐴇𐴁𐴟𐴁𐴢، 𐴑𐴞𐴕𐴃𐴟 𐴎𐴡𐴊𐴞 𐴀𐴠 𐴅𐴡𐴔𐴝𐴃𐴠 𐴀𐴝𐴣𐴀𐴌𐴠 𐴀𐴝𐴣𐴀𐴌 𐴔𐴡𐴏𐴧𐴟𐴊𐴡𐴃𐴧𐴞 𐴊𐴟𐴌𐴠 𐴇𐴡𐴄𐴝𐴘𐴊𐴠 𐴃𐴡𐴘𐴓𐴠 𐴀𐴥𐴠 𐴅𐴡𐴔𐴝𐴃𐴡𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴝، 𐴃𐴝𐴌 𐴃𐴡𐴌𐴡𐴉𐴊𐴝𐴌𐴞 𐴒𐴡𐴌𐴝 𐴀𐴝𐴌 𐴃𐴝𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴝𐴌 𐴈𐴡𐴕𐴥𐴡 𐴖𐴡𐴅𐴝 𐴕𐴥𐴝𐴘||

𐴈𐴟𐴓𐴝𐴏𐴝 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴅𐴡𐴔𐴝𐴃𐴡𐴌 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴡𐴌𐴠 𐴕𐴞𐴎𐴠𐴘𐴥𐴡 𐴁𐴟𐴎𐴡𐴕 𐴀𐴝𐴌 𐴀𐴝𐴌𐴠𐴑𐴎𐴡 𐴕𐴡𐴌𐴠𐴘𐴥𐴡 𐴁𐴟𐴎𐴝𐴘 𐴊𐴡𐴕𐴏𐴦𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴦𐴝𐴑𐴠 𐴅𐴡𐴔𐴝𐴃𐴡𐴌 𐴅𐴝𐴘𐴠𐴎 𐴔𐴡𐴌𐴃𐴡𐴁𐴝𐴘𐴥𐴡 𐴈𐴡𐴃𐴡𐴔𐴢 𐴀𐴥𐴡𐴘 𐴕𐴡𐴎𐴝𐴉𐴝𐴕 𐴀𐴝𐴌 𐴀𐴠𐴊𐴧𐴟𐴌 𐴔𐴡𐴌𐴃𐴡𐴁𐴘𐴥𐴡 𐴊𐴞𐴘𐴝 𐴕𐴡𐴎𐴝𐴉𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴦𐴝𐴑𐴠 𐴅𐴡𐴔𐴝𐴃𐴡𐴌𐴠 𐴀𐴝𐴏𐴡𐴓𐴢 𐴔𐴡𐴏𐴧𐴟𐴊𐴢 𐴀𐴥𐴞𐴏𐴝𐴉𐴠 𐴁𐴟𐴎𐴞 𐴀𐴝𐴌 𐴅𐴡𐴔𐴝𐴃𐴡𐴌 𐴈𐴝𐴃𐴠𐴌𐴠 𐴐𐴡𐴌𐴞𐴘𐴡𐴃𐴡𐴌 𐴔𐴡𐴏𐴧𐴟𐴊𐴡𐴌𐴠 𐴑𐴟𐴌𐴁𐴝𐴕𐴞 𐴒𐴡𐴌𐴞 𐴕𐴞𐴎𐴡𐴌 𐴕𐴞𐴎𐴡𐴌 𐴅𐴡𐴔𐴝𐴃𐴡𐴌𐴠 𐴀𐴝𐴉𐴎𐴡𐴓𐴢 𐴁𐴡𐴓𐴞 𐴏𐴝𐴁𐴠𐴃𐴢 𐴒𐴡𐴌𐴡𐴕 𐴇𐴝𐴊𐴡𐴉𐴢 𐴁𐴡𐴕𐴞 𐴎𐴝𐴒𐴡𐴘||

𐴳𐴶) 𐴎𐴠𐴃𐴧𐴡𐴃𐴢 𐴉𐴞𐴃𐴕𐴝 𐴉𐴡𐴏𐴝𐴊𐴢 𐴀𐴝𐴌 𐴎𐴟𐴓𐴟𐴔𐴢 𐴀𐴝𐴊𐴧𐴠 𐴇𐴡𐴊𐴢-𐴃𐴠𐴅𐴝𐴖𐴡𐴎𐴞𐴌 𐴀𐴝𐴏𐴡𐴓𐴢 𐴒𐴟𐴙𐴅𐴧𐴝 𐴀𐴥𐴡𐴘𐴓𐴊𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢| 𐴀𐴠 𐴕𐴠𐴎𐴝𐴔𐴢 𐴃𐴝𐴔𐴦𐴝𐴔𐴢 𐴁𐴤𐴝𐴓𐴝 𐴈𐴝𐴔𐴡𐴌 𐴃𐴝𐴑𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴑𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴠| 𐴀𐴝𐴌 𐴈𐴡𐴌𐴝𐴁𐴢 𐴈𐴝𐴔𐴡𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴠| 𐴀𐴥𐴠𐴒𐴞𐴕𐴡𐴌𐴠 𐴉𐴤𐴡𐴙𐴓𐴝 𐴀𐴝𐴌 𐴀𐴦𐴝𐴔𐴢 𐴒𐴡𐴌𐴠، 𐴀𐴥𐴠𐴈𐴡𐴃𐴝𐴓𐴧𐴝 𐴀𐴝𐴣𐴀𐴌𐴝𐴌 𐴕𐴝𐴉𐴡𐴌𐴡𐴃𐴞 𐴀𐴝𐴊𐴧𐴠 𐴊𐴟𐴐𐴧𐴡𐴕𐴞𐴌 𐴀𐴝𐴏𐴡𐴓𐴢 𐴃𐴝𐴌𐴒𐴠𐴄 𐴀𐴥𐴞𐴏𐴝𐴉𐴠 𐴀𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌𐴠 𐴌𐴝𐴑𐴝 𐴎𐴝𐴘𐴁𐴡||

𐴀𐴝𐴌 𐴃𐴝𐴔𐴦𐴝𐴔𐴢 𐴀𐴝𐴖𐴝𐴔𐴢 𐴀𐴝𐴊𐴧𐴠 𐴊𐴦𐴞𐴕𐴊𐴝𐴌 𐴀𐴦𐴡𐴓𐴡𐴌 𐴑𐴡𐴓𐴡𐴔𐴢، 𐴃𐴞𐴀𐴌 𐴀𐴝𐴌 𐴎𐴟𐴁𐴝𐴕𐴡𐴌 𐴌𐴟𐴈𐴡𐴌𐴠 𐴘𐴦𐴝𐴕𐴡𐴌 𐴓𐴠𐴙𐴋𐴝𐴌 𐴀𐴝𐴊𐴧𐴠 𐴉𐴦𐴝𐴌𐴝𐴊𐴝𐴌 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴡𐴕، 𐴘𐴦𐴝𐴕 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴡𐴌 𐴔𐴡𐴏𐴧𐴟𐴊𐴢 𐴀𐴝𐴊𐴧𐴠 𐴃𐴝𐴌𐴒𐴠𐴄 𐴖𐴦𐴝𐴉𐴡𐴌𐴞𐴁𐴡| 𐴀𐴠𐴒𐴞𐴕 𐴀𐴡 𐴀𐴡𐴃𐴧𐴡𐴃𐴢 𐴔𐴟𐴔𐴑𐴞𐴕 𐴀𐴥𐴡𐴘𐴁𐴡 𐴎𐴡𐴈𐴡𐴕 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴢 𐴇𐴦𐴝𐴌 𐴑𐴞𐴏𐴞𐴔𐴡𐴌 𐴔𐴡𐴎𐴇𐴝𐴁𐴞 𐴀𐴝𐴌 𐴅𐴡𐴔𐴝𐴃𐴞 𐴃𐴝𐴀𐴏𐴧𐴟𐴁𐴞𐴃𐴧𐴞 𐴀𐴝𐴎𐴝𐴊𐴢 𐴀𐴥𐴡𐴘𐴁𐴡 𐴀𐴝𐴌 𐴊𐴝𐴖𐴡𐴃𐴡𐴃𐴢 𐴀𐴝𐴣𐴀𐴌𐴝 𐴉𐴟𐴌𐴟𐴀𐴞 𐴀𐴠𐴈𐴃𐴠𐴓𐴝𐴉𐴡𐴌𐴠 𐴁𐴞𐴓𐴑𐴟𐴓𐴢 𐴎𐴝𐴒𐴝 𐴕𐴡𐴊𐴞𐴘𐴧𐴟𐴔𐴢| 𐴀𐴝𐴣𐴀𐴌𐴝𐴃𐴧𐴞 𐴈𐴞𐴘𐴝𐴓𐴢 𐴌𐴝𐴑𐴝 𐴉𐴡𐴌𐴞𐴁𐴡𐴊𐴠 𐴎𐴞𐴕𐴋𐴞𐴓𐴧𐴝 𐴔𐴡𐴎𐴇𐴝𐴁𐴞 𐴀𐴝𐴌 𐴅𐴡𐴔𐴝𐴃𐴞 𐴃𐴝𐴀𐴏𐴧𐴟𐴁𐴞 𐴑𐴟𐴉𐴡𐴌𐴞 𐴃𐴝𐴑𐴡𐴃𐴡𐴌𐴠 𐴀𐴝𐴌𐴥𐴡 𐴔𐴡𐴎𐴁𐴟𐴃𐴢 𐴒𐴡𐴌𐴞𐴊𐴠 𐴀𐴥𐴞𐴕𐴋𐴞𐴓𐴧𐴝 𐴀𐴠𐴒𐴞𐴕 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴓𐴝𐴘𐴥𐴡 𐴁𐴡𐴌𐴁𐴝𐴊𐴞𐴌 𐴏𐴡𐴁𐴡𐴁𐴢 𐴁𐴡𐴕𐴠||

𐴳𐴷) 𐴀𐴠𐴕𐴄𐴝𐴌𐴕𐴠𐴄𐴡𐴌 𐴖𐴡𐴌𐴠 𐴎𐴠 𐴂𐴠𐴙𐴅 𐴀𐴡𐴑𐴧𐴡𐴓𐴠 𐴔𐴡𐴎𐴇𐴝𐴁𐴞 𐴀𐴝𐴌 𐴅𐴡𐴔𐴝𐴃𐴞 𐴃𐴝𐴀𐴏𐴧𐴟𐴁𐴞𐴌𐴠 𐴀𐴟𐴏𐴑𐴝𐴘𐴊𐴠، 𐴀𐴠𐴒𐴞𐴕𐴡𐴃𐴧𐴞 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴊𐴟𐴌𐴠 𐴃𐴝𐴑𐴡𐴕 𐴀𐴝𐴌 𐴔𐴝𐴙𐴕𐴐𐴥𐴡𐴌𐴠𐴘𐴥𐴡 𐴊𐴟𐴌𐴠 𐴌𐴝𐴑𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕||

𐴳𐴸) 𐴔𐴞𐴋𐴞𐴘𐴝𐴌 𐴖𐴡𐴌𐴠 𐴈𐴦𐴝𐴏𐴢 𐴁𐴝𐴉𐴠 𐴅𐴞𐴇𐴝𐴊𐴞 𐴊𐴝𐴖𐴡𐴃𐴡𐴌 𐴔𐴡𐴗𐴎𐴟𐴌 𐴔𐴞𐴑𐴧𐴝 𐴃𐴡𐴖𐴝𐴅𐴧𐴡 𐴊𐴡𐴀𐴕، 𐴑𐴞𐴕𐴃𐴟 𐴇𐴝𐴑𐴞𐴑𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴀𐴥𐴠𐴍𐴠 𐴉𐴟𐴌𐴝 𐴊𐴦𐴞𐴕𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴃𐴝𐴑𐴞𐴁𐴡| 𐴉𐴞𐴃𐴞𐴕 𐴎𐴠 𐴃𐴝𐴔𐴦𐴝𐴔𐴢 𐴊𐴦𐴞𐴕𐴞 𐴔𐴡𐴗𐴎𐴟𐴌 𐴖𐴡𐴌𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴃𐴡𐴌𐴉𐴡𐴃𐴧𐴞 𐴔𐴟𐴏𐴃𐴡𐴑𐴞𐴓𐴢 𐴁𐴤𐴝𐴉𐴠 𐴇𐴝𐴔𐴓𐴝 𐴒𐴡𐴌𐴝𐴎𐴝، 𐴎𐴦𐴞𐴕 𐴕𐴞𐴑𐴞 𐴉𐴡𐴌𐴊𐴝، 𐴀𐴞𐴎𐴧𐴡𐴃𐴢 𐴐𐴥𐴡𐴌𐴡𐴔𐴢، 𐴀𐴞𐴏𐴓𐴝𐴔𐴞 𐴐𐴡𐴔𐴝𐴎| 𐴀𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴔𐴞𐴋𐴞𐴘𐴝𐴃𐴢 𐴁𐴠𐴐𐴞 𐴃𐴡𐴖𐴝𐴅𐴧𐴡 𐴊𐴞𐴘𐴝 𐴎𐴝𐴘𐴁𐴡||

𐴀𐴥𐴞𐴕𐴋𐴞𐴓𐴧𐴝 𐴑𐴟𐴉𐴡𐴌𐴞 𐴕𐴠𐴎𐴝𐴔𐴡𐴌 𐴉𐴡𐴃𐴧𐴞 𐴐𐴝𐴈𐴝، 𐴎𐴠𐴕𐴧𐴠𐴑𐴞 𐴋𐴠𐴔𐴟𐴑𐴌𐴠𐴏𐴞، 𐴏𐴞𐴑𐴟𐴓𐴝𐴌𐴞𐴎𐴡𐴔𐴢، 𐴁𐴠𐴇𐴝𐴘𐴝 𐴀𐴝𐴌 𐴓𐴠𐴙𐴕𐴋𐴝 𐴁𐴝𐴎𐴞، 𐴒𐴤𐴡𐴌 𐴒𐴟𐴙𐴐𐴧𐴞𐴌 𐴕𐴠𐴎𐴝𐴔𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴝، 𐴉𐴡𐴗𐴏𐴢 𐴀𐴦𐴡𐴓𐴡𐴌 𐴎𐴟𐴓𐴟𐴔𐴢, 𐴀𐴠𐴑𐴃𐴠𐴏𐴝𐴊𐴞 𐴕𐴠𐴎𐴝𐴔𐴡𐴌 𐴖𐴡𐴌𐴠 𐴊𐴡𐴈𐴡𐴓𐴊𐴝𐴌𐴞 𐴖𐴡𐴒𐴝𐴘𐴌𐴝 𐴁𐴠𐴒𐴧𐴞𐴕𐴡𐴌 𐴖𐴡𐴌𐴠 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝 𐴎𐴝𐴘𐴁𐴡| 𐴀𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢 𐴃𐴝𐴔𐴦𐴝𐴔𐴢 𐴈𐴡𐴌𐴝𐴁𐴞𐴌 𐴒𐴟𐴙𐴅𐴧𐴝 𐴀𐴠𐴈𐴡𐴃𐴝 𐴎𐴝𐴇𐴠𐴌 𐴁𐴤𐴝𐴉𐴠 𐴁𐴡𐴘𐴝𐴕 𐴒𐴡𐴌𐴝𐴌 𐴑𐴟𐴐𐴞𐴐𐴢 𐴒𐴡𐴌𐴝 𐴎𐴝𐴘𐴁𐴡| 𐴃𐴝𐴌 𐴔𐴟𐴑𐴝𐴁𐴠𐴓𐴢 𐴐𐴡𐴌𐴀𐴞 𐴕𐴠𐴎𐴝𐴔𐴡𐴌 𐴐𐴥𐴟𐴕𐴊𐴤𐴡𐴙𐴅𐴧𐴝، 𐴁𐴤𐴝𐴓𐴝، 𐴉𐴝𐴘𐴊𐴝 𐴀𐴝𐴊𐴧𐴠 𐴃𐴝𐴌 𐴇𐴟𐴑𐴟𐴔𐴡𐴌𐴠 𐴁𐴡𐴘𐴝𐴕 𐴒𐴡𐴌𐴝 𐴎𐴝𐴘𐴁𐴡||

(𐴕𐴟𐴄: 𐴀𐴠 𐴔𐴡𐴗𐴎𐴟𐴌 𐴖𐴡𐴌𐴠 𐴀𐴝𐴣𐴀𐴌𐴝𐴌 (𐴁𐴤𐴝𐴘) 𐴐𐴝𐴘𐴈𐴢 𐴀𐴟𐴏𐴃𐴝𐴊𐴢 𐴀𐴝𐴇𐴝𐴔𐴡𐴊𐴢 𐴉𐴝𐴌𐴟𐴑 𐴌𐴡𐴇𐴞𐴔𐴝𐴇𐴟𐴓𐴧𐴝𐴇𐴌”𐴀𐴝𐴇𐴓𐴠 𐴉𐴝𐴑𐴞𐴏𐴃𐴝𐴕 𐴀𐴠𐴑𐴧𐴝𐴕 𐴀𐴝𐴇𐴥𐴝𐴔𐴢 𐴉𐴝𐴘𐴏𐴝𐴓𐴝𐴌 𐴔𐴡𐴌𐴇𐴝𐴓𐴝𐴌 𐴖𐴡𐴌𐴠”𐴀𐴠 𐴌𐴠𐴏𐴝𐴓𐴝𐴖𐴝 𐴉𐴡𐴌𐴞𐴁𐴝𐴌 𐴀𐴝𐴌𐴡𐴎 𐴒𐴡𐴌𐴝 𐴎𐴝𐴌||)

𐴳𐴹) 𐴊𐴦𐴞𐴕𐴞 𐴀𐴠𐴓𐴡𐴔𐴡𐴌 𐴔𐴞𐴑𐴧𐴝 𐴕𐴞𐴎𐴡𐴌𐴠 𐴕𐴞𐴏𐴁𐴡𐴃𐴢 𐴒𐴡𐴌𐴡𐴘𐴝 𐴀𐴡 𐴁𐴡𐴊𐴢 𐴑𐴞𐴏𐴔𐴡𐴃𐴢 𐴔𐴝𐴕𐴥𐴟𐴙𐴐𐴢 𐴎𐴞𐴁𐴥𐴝 𐴇𐴝𐴑𐴞𐴑𐴡𐴃𐴡𐴃𐴢 𐴊𐴟𐴕𐴞𐴘𐴝𐴌 𐴁𐴡𐴊𐴡𐴓𐴝𐴃𐴢 𐴕𐴞𐴎𐴡𐴌 𐴀𐴞𐴔𐴝𐴕 𐴀𐴝𐴊𐴧𐴠 𐴊𐴦𐴞𐴕𐴡𐴌𐴠 𐴁𐴠𐴏𐴞 𐴉𐴥𐴠𐴓𐴝𐴘𐴧𐴠، 𐴃𐴝𐴌𐴝𐴌 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝 𐴎𐴡𐴌𐴟𐴌𐴞 𐴀𐴥𐴡𐴘𐴓𐴠 𐴃𐴡𐴈𐴡𐴕 𐴔𐴡𐴈𐴃𐴡𐴏𐴡𐴌 𐴁𐴤𐴝𐴉𐴠 𐴐𐴥𐴟𐴕𐴊𐴤𐴡𐴌 𐴈𐴡𐴃𐴝𐴓𐴡𐴘 𐴔𐴟𐴎𐴡𐴔𐴧𐴡𐴃𐴢 𐴒𐴡𐴌𐴝 𐴎𐴝𐴘𐴁𐴡| 𐴀𐴠 𐴎𐴝𐴒𐴝𐴃𐴢 𐴀𐴠𐴈𐴃𐴠𐴓𐴝𐴉𐴢 𐴒𐴡𐴌𐴡𐴘𐴝 𐴔𐴟𐴇𐴃𐴡𐴌𐴡𐴔𐴢 𐴀𐴟𐴓𐴝𐴔𐴝 𐴑𐴠𐴌𐴝𐴔𐴢 𐴀𐴝𐴊𐴧𐴠 𐴊𐴦𐴞𐴕𐴊𐴝𐴌 𐴔𐴝𐴕𐴥𐴟𐴙𐴐𐴢 𐴔𐴟𐴌𐴝𐴊𐴢 𐴕𐴡𐴀| 𐴃𐴝𐴌𐴝𐴌 𐴔𐴟𐴃𐴝𐴀𐴓𐴧𐴠𐴑 𐴖𐴡𐴌𐴠 𐴎𐴞𐴑𐴞𐴌 𐴀𐴥𐴡𐴘𐴧𐴠| 𐴀𐴠𐴎𐴝𐴒𐴝𐴃𐴢 𐴀𐴡 𐴀𐴟𐴓𐴝𐴔𐴝𐴘𐴠𐴏𐴦𐴟 𐴔𐴟𐴌𐴝𐴊𐴢 𐴎𐴝𐴌𐴝 𐴕𐴞𐴎𐴡𐴌 𐴊𐴟𐴕𐴞𐴘𐴝 𐴉𐴟𐴣𐴎𐴝𐴌𐴞 𐴀𐴝𐴌 𐴊𐴡𐴌𐴁𐴝𐴌𐴞 𐴀𐴦𐴡𐴕 𐴀𐴝𐴊𐴧𐴠 𐴁𐴟𐴌𐴝 𐴑𐴞𐴌𐴊𐴝𐴌𐴡𐴌 𐴎𐴡𐴌𐴞𐴘𐴝 𐴔𐴡𐴐𐴦𐴟𐴌||

(𐴕𐴟𐴄: 𐴀𐴝𐴣𐴀𐴌𐴝𐴌 𐴔𐴟𐴇𐴃𐴡𐴌𐴡𐴔𐴢 𐴐𐴝𐴘𐴈𐴢 𐴔𐴡𐴗𐴓𐴝𐴕𐴝 𐴔𐴟𐴏𐴡𐴕𐴧𐴝 𐴇𐴝𐴏𐴧𐴝𐴕 𐴇𐴝𐴉𐴞𐴎𐴝𐴇𐴟𐴓𐴧𐴝𐴇𐴌 𐴌𐴠𐴏𐴝𐴓𐴝 “𐴀𐴟𐴓𐴝𐴔𐴝 𐴑𐴠𐴌𐴝𐴔𐴡𐴌 𐴏𐴝𐴣𐴀𐴃𐴠 𐴏𐴟𐴓𐴟𐴑 𐴒𐴡𐴌𐴝𐴌 𐴀𐴟𐴏𐴟𐴓𐴢” 𐴀𐴞𐴁𐴥𐴝𐴌𐴠 𐴉𐴡𐴌𐴡𐴘𐴝 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴊𐴝𐴀𐴞 𐴀𐴡𐴑𐴧𐴡𐴓𐴡𐴓𐴧𐴝 𐴉𐴝𐴘𐴊𐴝 𐴏𐴝𐴁𐴠𐴃𐴢 𐴀𐴥𐴡𐴘𐴁𐴡 𐴀𐴞𐴚 𐴐𐴦𐴝 𐴀𐴝𐴓𐴧𐴝𐴇||)

𐴴𐴰) 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴎𐴡𐴊𐴞 𐴊𐴦𐴞𐴕 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴓𐴧𐴝 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴁𐴡𐴕𐴠 𐴑𐴞𐴕𐴃𐴟 𐴀𐴝𐴖𐴝𐴔𐴡𐴌 𐴈𐴝𐴣𐴀𐴏𐴠 𐴀𐴥𐴞𐴁𐴝𐴌 𐴔𐴡𐴌𐴃𐴡𐴁𐴝 𐴁𐴤𐴝𐴓𐴝 𐴀𐴝𐴌 𐴀𐴥𐴞𐴁𐴝 𐴊𐴦𐴞𐴕𐴡𐴌 𐴈𐴠𐴊𐴔𐴡𐴃𐴡𐴃𐴢 𐴔𐴡𐴐𐴦𐴟𐴌، 𐴃𐴡𐴈𐴡𐴕 𐴅𐴞𐴇𐴝𐴊𐴞 𐴔𐴞𐴋𐴞𐴘𐴝𐴌 𐴖𐴡𐴌𐴠 𐴃𐴝𐴌 𐴕𐴝𐴔𐴢 𐴎𐴞𐴑𐴞𐴌 𐴒𐴡𐴌𐴡𐴕 𐴏𐴥𐴝𐴌𐴝 𐴀𐴥𐴞𐴁𐴝𐴌 𐴈𐴝𐴔𐴡𐴌 𐴈𐴡𐴌𐴝𐴁𐴞𐴌𐴠 𐴁𐴡𐴘𐴝𐴕 𐴒𐴡𐴌𐴝 𐴉𐴡𐴌𐴞𐴁𐴡| 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴓𐴦𐴝𐴏𐴡𐴃𐴢 𐴔𐴝𐴙𐴕𐴐𐴥𐴠 𐴀𐴥𐴞𐴁𐴝𐴌 𐴕𐴟𐴏𐴧𐴝𐴕𐴞𐴌𐴠 𐴁𐴟𐴎𐴞 𐴉𐴝𐴌𐴞𐴁𐴡، 𐴃𐴝𐴌 𐴔𐴟𐴃𐴝𐴀𐴓𐴧𐴠𐴑 𐴔𐴝𐴙𐴕𐴐𐴥𐴡𐴌 𐴕𐴡𐴎𐴡𐴌𐴞𐴘𐴝 𐴁𐴡𐴊𐴡𐴓𐴞 𐴎𐴝𐴘𐴁𐴡𐴘||

𐴑𐴞𐴕𐴃𐴟 𐴃𐴝𐴌 𐴀𐴟𐴓𐴊𐴝 𐴎𐴡𐴊𐴞 𐴔𐴝𐴕𐴥𐴟𐴙𐴐𐴢 𐴃𐴝𐴌 𐴈𐴝𐴔𐴢 𐴀𐴝𐴊𐴧𐴠 𐴎𐴝𐴇𐴠𐴌𐴞 𐴑𐴞𐴌𐴊𐴝𐴌𐴡𐴌 𐴀𐴠𐴃𐴠𐴁𐴝𐴌𐴠 𐴃𐴝𐴌𐴠 𐴁𐴤𐴝𐴓𐴝 𐴁𐴟𐴎𐴠 𐴀𐴝𐴌 𐴀𐴝𐴣𐴀𐴌𐴝 𐴀𐴥𐴞𐴁𐴝𐴌 𐴕𐴝𐴔𐴢 𐴓𐴡𐴘 (𐴉𐴡𐴄𐴟 𐴎𐴝𐴇𐴠𐴌 𐴒𐴡𐴌𐴞) 𐴃𐴝𐴌 𐴔𐴟𐴎𐴡𐴔𐴧𐴡𐴃𐴢 𐴁𐴡𐴘𐴝𐴕 𐴒𐴡𐴌𐴞 𐴃𐴡𐴘𐴓𐴠 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝𐴌 𐴃𐴡𐴌𐴡𐴉𐴊𐴝𐴌𐴞 𐴒𐴡𐴌𐴞𐴁𐴡 𐴀𐴝𐴌 𐴀𐴝𐴣𐴀𐴌𐴝𐴌 𐴊𐴝𐴖𐴡𐴃𐴡𐴌 𐴔𐴞𐴑𐴧𐴝 𐴈𐴝𐴕 𐴕𐴡𐴊𐴞𐴁𐴡||

𐴴𐴱) 𐴊𐴝𐴖𐴡𐴃𐴡𐴃𐴢 𐴇𐴝𐴔𐴞𐴐𐴝 𐴀𐴝𐴉𐴡𐴏𐴡𐴌 𐴅𐴡𐴒𐴡𐴍𐴝𐴃𐴧𐴞 𐴁𐴝𐴏𐴞 𐴃𐴝𐴑𐴞𐴁𐴡 (𐴎𐴦𐴠𐴕 𐴕𐴠𐴎𐴝𐴔𐴠 𐴑𐴟𐴉𐴡𐴌 𐴀𐴝𐴊𐴧𐴠 𐴃𐴝𐴌 𐴉𐴦𐴝𐴌𐴝𐴊𐴝𐴌 𐴀𐴦𐴡𐴓𐴡𐴌𐴠 𐴏𐴥𐴝𐴌𐴞 𐴊𐴟𐴏𐴡𐴌𐴝 𐴊𐴟𐴐𐴧𐴡𐴕 𐴎𐴞𐴕𐴋𐴞𐴓𐴧𐴝 𐴌𐴝𐴉𐴠𐴎𐴞 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴉𐴢 𐴀𐴥𐴝𐴃𐴞𐴘𐴝𐴌 𐴓𐴡𐴘 𐴓𐴝𐴌𐴥𐴝𐴘 𐴒𐴡𐴌𐴝𐴌 𐴔𐴞𐴑𐴧𐴝 𐴀𐴟𐴏𐴑𐴝𐴘𐴊𐴡𐴕)| 𐴇𐴝𐴑𐴞𐴑𐴞 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴘𐴦𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴀𐴝𐴉𐴡𐴏𐴡𐴌 𐴊𐴟𐴐𐴧𐴡𐴕𐴞 𐴐𐴥𐴡𐴀𐴡 𐴃𐴝𐴔𐴦𐴝𐴔𐴢 𐴉𐴞𐴃𐴕𐴝𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴐𐴡𐴌𐴞𐴘𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕𐴡𐴃𐴢 𐴌𐴠𐴑𐴝𐴖𐴡𐴄 𐴀𐴥𐴡𐴘𐴓𐴊𐴠 𐴈𐴡𐴁𐴞𐴏𐴡𐴌 𐴒𐴟𐴙𐴅𐴧𐴝 𐴀𐴠 𐴑𐴟𐴉𐴡𐴌𐴞 𐴕𐴠𐴎𐴝𐴔𐴢||

𐴀𐴠 𐴕𐴠𐴎𐴝𐴔𐴡𐴌 𐴑𐴞𐴘𐴝𐴊𐴡𐴃𐴢 𐴒𐴡𐴌𐴡𐴘𐴝 (𐴉𐴡𐴗𐴏𐴞 𐴇𐴟𐴑𐴔𐴡𐴌𐴝𐴕 𐴀𐴦𐴡𐴓𐴡𐴌) 𐴇𐴝𐴔𐴞𐴐𐴝 𐴑𐴟𐴐𐴞𐴐𐴢 𐴘𐴦𐴝𐴕 𐴀𐴝𐴙𐴐𐴧𐴞𐴓𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴇𐴓𐴠 𐴊𐴦𐴞𐴕𐴡𐴌 𐴁𐴡𐴕𐴊𐴟𐴑𐴡𐴌 𐴔𐴝𐴃𐴝 𐴃𐴝𐴌𐴝𐴌 𐴔𐴞𐴑𐴧𐴝 𐴕𐴡𐴉𐴞𐴌𐴡𐴑| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴝𐴔𐴠𐴌𐴞𐴑𐴝 𐴀𐴥𐴡𐴑 𐴘𐴥𐴝 𐴖𐴡𐴃𐴡𐴕𐴞 𐴃𐴝𐴒𐴟𐴃𐴢 𐴃𐴝𐴌𐴝 𐴇𐴝𐴔𐴞𐴐𐴝 𐴑𐴟𐴐𐴞𐴐𐴢 𐴒𐴡𐴌𐴠 𐴃𐴝𐴑𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴢 𐴀𐴝𐴉𐴡𐴏𐴡𐴌 𐴓𐴝𐴌𐴥𐴝𐴘𐴃𐴢 𐴔𐴡𐴐𐴒𐴟𐴓𐴢 𐴃𐴝𐴑𐴡𐴑، 𐴀𐴝𐴌 𐴕𐴞𐴎𐴠 𐴁𐴝𐴏𐴞 𐴎𐴡𐴑||

𐴅𐴞𐴇𐴝𐴊𐴞 𐴃𐴝𐴇𐴝𐴌𐴞𐴑 𐴀𐴡𐴑𐴧𐴡𐴓𐴢 𐴀𐴠𐴃𐴧𐴠𐴇𐴝𐴊𐴢 𐴀𐴥𐴡𐴘 𐴎𐴡𐴊𐴞 𐴃𐴝𐴔𐴦𐴝𐴔𐴢 𐴃𐴝𐴑𐴡𐴃𐴢 𐴀𐴝𐴊𐴧𐴠 𐴈𐴦𐴝𐴏𐴢 𐴖𐴡𐴏𐴝𐴘𐴠𐴓𐴢 𐴀𐴡𐴑𐴧𐴡𐴓𐴡𐴌𐴠 𐴀𐴠 𐴕𐴠𐴎𐴝𐴔𐴢 𐴀𐴝𐴊𐴧𐴠 𐴃𐴝𐴌 𐴓𐴠𐴙𐴋𐴝𐴌 𐴀𐴦𐴡𐴓𐴡𐴌𐴠 𐴊𐴥𐴡𐴚𐴐𐴡 𐴒𐴡𐴌𐴞𐴁𐴡𐴓𐴧𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴠، 𐴃𐴡𐴘𐴓𐴠 𐴏𐴞𐴌𐴞𐴉𐴢 𐴀𐴠 𐴏𐴦𐴟𐴌𐴡𐴃𐴡𐴃𐴢 𐴊𐴦𐴞𐴕 𐴀𐴝𐴊𐴧𐴠 𐴀𐴟𐴔𐴧𐴡𐴃𐴡𐴌 𐴉𐴝𐴘𐴊𐴝 𐴀𐴥𐴡𐴘𐴁𐴡𐴊𐴠| 𐴎𐴠𐴊𐴞𐴕 𐴀𐴠 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴑𐴞𐴘𐴝𐴊𐴡𐴃𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴉𐴡𐴗𐴏𐴢 𐴀𐴦𐴡𐴓𐴢 𐴈𐴡𐴃𐴡𐴔𐴢 𐴀𐴥𐴡𐴘𐴁𐴡، 𐴃𐴡𐴈𐴡𐴕 𐴁𐴡𐴌𐴡𐴃𐴧𐴞 𐴁𐴡𐴌𐴡 𐴀𐴝𐴉𐴡𐴏𐴡𐴌 𐴊𐴟𐴐𐴧𐴡𐴕 𐴔𐴝𐴃𐴝 𐴃𐴟𐴓𐴞 𐴕𐴡𐴉𐴝𐴌𐴞𐴁𐴡، 𐴁𐴤𐴡𐴓𐴑𐴠 𐴃𐴝𐴌𐴝 𐴏𐴠𐴓𐴠𐴕𐴋𐴝𐴌 𐴀𐴥𐴡𐴘 𐴕𐴞𐴎𐴡𐴌𐴠 𐴀𐴠𐴏𐴓𐴝𐴇 𐴒𐴡𐴌𐴝𐴌 𐴘𐴥𐴝 𐴕𐴞𐴎𐴡𐴌 𐴊𐴟𐴐𐴧𐴡𐴕𐴞𐴌𐴠 𐴆𐴟𐴉𐴝𐴘 𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡||

𐴀𐴥𐴠 𐴈𐴡𐴃𐴝𐴓𐴧𐴝 𐴊𐴝𐴖𐴡𐴃𐴡 𐴔𐴧𐴝𐴎𐴠 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴔𐴞𐴑𐴧𐴝 𐴔𐴟𐴑𐴡𐴔𐴧𐴡𐴓𐴢 𐴁𐴤𐴝𐴉𐴠 𐴃𐴡𐴖𐴝𐴅𐴧𐴟 𐴊𐴡𐴕, 𐴀𐴝𐴌 𐴎𐴡𐴊𐴞 𐴀𐴝𐴉𐴡𐴏𐴡𐴌 𐴊𐴟𐴐𐴧𐴡𐴕𐴠 𐴇𐴝𐴔𐴓𐴝 𐴒𐴡𐴌𐴠 𐴃𐴡𐴘𐴓𐴠 𐴀𐴥𐴠𐴍𐴠 𐴓𐴝𐴌𐴥𐴝𐴘 𐴒𐴡𐴌𐴝 𐴎𐴝𐴘𐴁𐴡 𐴑𐴞𐴕𐴃𐴟 𐴏𐴞𐴌𐴞𐴉𐴢 𐴊𐴠𐴉𐴝𐴀𐴞 𐴓𐴝𐴌𐴥𐴝𐴘 𐴉𐴡𐴙𐴅𐴧𐴡𐴕𐴃𐴡 𐴁𐴡𐴏𐴢 𐴒𐴡𐴌𐴞𐴁𐴡،

(𐴕𐴟𐴄: 𐴔𐴡𐴏𐴝𐴓𐴝 𐴀𐴥𐴡𐴘𐴓𐴠: 𐴌𐴡𐴖𐴝𐴉𐴠𐴎، 𐴑𐴝𐴊𐴞𐴘𐴝𐴕𐴞 𐴀𐴝𐴊𐴧𐴠 𐴀𐴞𐴏𐴔𐴝𐴀𐴞𐴓𐴞𐴌 𐴋𐴦𐴡𐴘𐴓𐴧𐴝 𐴊𐴟𐴐𐴧𐴡𐴕 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠، 𐴎𐴡𐴊𐴞 𐴃𐴝𐴌𐴝 𐴕𐴞𐴎𐴡𐴌 𐴃𐴡𐴌𐴉𐴡𐴃𐴧𐴞 𐴀𐴝𐴒𐴠 𐴓𐴝𐴌𐴥𐴝𐴘 𐴐𐴟𐴌𐴟 𐴕𐴡𐴒𐴡𐴌𐴞 𐴃𐴡𐴈𐴡𐴕 𐴀𐴥𐴠𐴍𐴠 𐴀𐴝𐴣𐴀𐴌𐴝𐴌 𐴃𐴡𐴌𐴉𐴡𐴃𐴧𐴞 𐴓𐴝𐴌𐴥𐴝𐴘𐴃𐴢 𐴔𐴡𐴐𐴒𐴟𐴓𐴢 𐴀𐴦𐴡𐴕𐴡𐴃𐴧𐴞 𐴁𐴝𐴏𐴞 𐴃𐴥𐴝𐴑𐴝 𐴉𐴡𐴌𐴞𐴁𐴡||

𐴀𐴝𐴌 𐴀𐴠𐴑𐴞𐴏𐴞𐴔𐴡𐴌 𐴓𐴝𐴌𐴥𐴝𐴘𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴝𐴇𐴌𐴞𐴎 𐴒𐴡𐴌𐴝 𐴕𐴡𐴎𐴝𐴘𐴁𐴡| 𐴔𐴡𐴒𐴡𐴌 𐴃𐴝𐴌𐴝𐴌 𐴀𐴝𐴑𐴝𐴘𐴠𐴊𐴢 𐴀𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴔𐴡𐴏𐴝𐴓𐴝 𐴀𐴥𐴡𐴘𐴓𐴊𐴠، 𐴇𐴦𐴝𐴌 𐴇𐴝𐴓𐴡𐴃𐴡𐴃𐴢 𐴀𐴥𐴠𐴒𐴞𐴕𐴡𐴌𐴠 𐴌𐴡𐴊𐴢 𐴒𐴡𐴌𐴝 𐴉𐴡𐴌𐴞𐴁𐴡، 𐴃𐴝𐴌 𐴎𐴡𐴌𐴞𐴘𐴝 𐴃𐴝𐴔𐴦𐴝𐴔𐴢 𐴔𐴟𐴏𐴓𐴞𐴔𐴢 𐴀𐴟𐴔𐴧𐴝𐴌 𐴈𐴝𐴣𐴀𐴏𐴠 𐴃𐴝𐴌 𐴈𐴡𐴁𐴝𐴏𐴡𐴃𐴞 𐴎𐴝𐴇𐴠𐴌 𐴀𐴥𐴡𐴘 𐴎𐴝𐴘𐴁𐴡𐴘| 𐴀𐴠 𐴔𐴡𐴗𐴎𐴟𐴌 𐴁𐴝𐴁𐴡𐴃𐴠 𐴎𐴡𐴊𐴞 𐴆𐴟𐴉𐴢 𐴃𐴝𐴑𐴝𐴎𐴝 𐴃𐴡𐴘𐴓𐴠 𐴁𐴦𐴡𐴗𐴃𐴢 𐴁𐴡𐴌𐴡 𐴕𐴟𐴏𐴧𐴝𐴕𐴞 𐴀𐴟𐴄𐴝 𐴉𐴡𐴌𐴞𐴁𐴡||)

𐴉𐴞𐴃𐴞𐴕 𐴎𐴡𐴃𐴡 𐴔𐴟𐴔𐴑𐴞𐴕 𐴅𐴡𐴓𐴊𐴞 𐴒𐴡𐴌𐴞 𐴀𐴝𐴏𐴡𐴓𐴢 𐴓𐴝𐴌𐴥𐴝𐴘𐴌 𐴔𐴞𐴑𐴧𐴝 𐴓𐴟𐴄𐴝 𐴉𐴡𐴌𐴞𐴁𐴡، 𐴘𐴦𐴝𐴕𐴞 𐴁𐴝𐴃𐴠𐴓𐴢 𐴕𐴠𐴎𐴝𐴔𐴡𐴌 𐴈𐴠𐴓𐴝𐴉𐴢 𐴔𐴡𐴙𐴊𐴝𐴕𐴡𐴃𐴢 𐴖𐴝𐴉𐴠𐴏𐴢 𐴎𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕| 𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝 𐴀𐴝𐴉𐴒𐴝𐴕𐴞𐴏𐴃𐴝𐴕𐴥𐴡 𐴐𐴟𐴌𐴟𐴃𐴢 𐴀𐴠 𐴇𐴠𐴑𐴔𐴡𐴃𐴡𐴌𐴠 𐴏𐴝𐴔𐴧𐴠 𐴌𐴝𐴑𐴞 𐴏𐴡𐴘𐴓𐴧𐴠 𐴀𐴝𐴌 𐴀𐴝𐴓𐴢-𐴇𐴝𐴔𐴊𐴟𐴓𐴞𐴓𐴧𐴝 𐴃𐴝𐴌 𐴕𐴡𐴃𐴞𐴅𐴝𐴘𐴥𐴡 𐴁𐴤𐴝𐴓𐴝 𐴏𐴝𐴁𐴠𐴃𐴢 𐴀𐴥𐴡𐴘𐴧𐴠||

𐴴𐴲) 𐴀𐴝𐴣𐴀𐴌𐴝 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴓𐴧𐴝 𐴅𐴞𐴇𐴝𐴊𐴞 𐴃𐴝𐴇𐴝𐴌𐴞𐴑𐴡𐴃𐴢 𐴐𐴝𐴔𐴠𐴓𐴢 𐴀𐴦𐴡𐴕𐴡𐴌𐴠 𐴀𐴦𐴝𐴏𐴝𐴕 𐴒𐴡𐴌𐴞𐴘𐴟𐴔𐴢| 𐴎𐴡𐴊𐴞 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴅𐴞𐴇𐴝𐴊𐴡𐴌 𐴀𐴝𐴏𐴡𐴓𐴢 𐴔𐴟𐴏𐴧𐴟𐴊𐴢 𐴀𐴝𐴊𐴧𐴠 𐴀𐴟𐴏𐴟𐴓𐴡𐴌 𐴏𐴝𐴣𐴀𐴃𐴠 𐴀𐴠𐴃𐴧𐴠𐴉𐴝𐴑 𐴀𐴡𐴀 𐴀𐴝𐴌 𐴀𐴥𐴞𐴁𐴝 𐴕𐴞𐴎𐴡𐴌𐴠 𐴈𐴦𐴝𐴏𐴢 𐴀𐴠𐴑𐴧𐴝𐴕 𐴈𐴝𐴔𐴡𐴓𐴧𐴝 𐴏𐴡𐴉𐴟𐴌𐴊𐴡 𐴒𐴡𐴌𐴠 𐴃𐴡𐴘𐴓𐴠 𐴃𐴝𐴌 𐴖𐴡𐴌𐴠 𐴁𐴡𐴏𐴢 𐴀𐴡𐴊𐴧𐴟𐴌 𐴉𐴟𐴣𐴎𐴝 𐴃𐴟𐴓𐴝 𐴎𐴝𐴘𐴁𐴡 𐴎𐴠𐴊𐴧𐴟𐴌 𐴀𐴥𐴞𐴁𐴝 𐴃𐴟𐴓𐴡𐴕𐴡𐴃𐴢 𐴌𐴝𐴎𐴞 𐴀𐴥𐴡| 𐴁𐴠𐴐𐴞 𐴃𐴟𐴓𐴞𐴁𐴝𐴌 𐴀𐴝𐴎𐴧𐴟 𐴌𐴝𐴑𐴞𐴓𐴠 𐴃𐴡𐴈𐴡𐴕 𐴁𐴤𐴝𐴓𐴝 𐴒𐴡𐴌𐴞 𐴌𐴡𐴒𐴁𐴡𐴃𐴢 𐴊𐴦𐴡𐴀𐴕 𐴏𐴦𐴝𐴀||

𐴘𐴦𐴝𐴕 𐴁𐴞𐴓𐴑𐴟𐴓𐴢 𐴔𐴟𐴕𐴝𐴏𐴠𐴁𐴢 𐴕𐴡𐴀𐴡𐴘𐴁𐴡 𐴎𐴡𐴊𐴞 𐴔𐴝𐴕𐴥𐴟𐴙𐴐𐴢 𐴀𐴝𐴣𐴀𐴌𐴝𐴌 𐴃𐴡𐴌𐴉𐴡𐴃𐴧𐴞 𐴀𐴠𐴈𐴡𐴃𐴝𐴌 𐴂𐴡𐴘𐴒𐴝𐴔𐴢 𐴉𐴦𐴝𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑𐴡𐴃𐴢 𐴏𐴞𐴌𐴞𐴉𐴢 𐴀𐴟𐴁𐴥𐴝𐴌𐴠 𐴑𐴡𐴁𐴟𐴓𐴢 𐴒𐴡𐴌𐴠، 𐴎𐴞𐴁𐴥𐴝 𐴁𐴠𐴒𐴧𐴞𐴕𐴡𐴌𐴠 𐴑𐴟𐴌𐴁𐴝𐴕 𐴒𐴡𐴌𐴞 𐴉𐴝𐴌𐴠 𐴀𐴝𐴌 𐴎𐴠𐴕𐴠𐴑𐴞 𐴀𐴠 𐴈𐴝𐴔𐴢 𐴒𐴡𐴌𐴞 𐴕𐴡𐴉𐴝𐴌𐴠 𐴀𐴥𐴞𐴁𐴝𐴓𐴧𐴝 𐴀𐴠𐴍𐴠 𐴈𐴡𐴕𐴥𐴡 𐴎𐴝𐴒𐴝 𐴕𐴥𐴝𐴘| 𐴁𐴤𐴡𐴓𐴑𐴠 𐴎𐴠 𐴎𐴠𐴊𐴧𐴟𐴌 𐴏𐴝𐴣𐴀𐴃𐴢 𐴊𐴞𐴉𐴝𐴌𐴠 𐴐𐴟𐴑𐴟𐴌𐴞𐴘𐴝𐴌 𐴏𐴝𐴣𐴀𐴃𐴠 𐴑𐴡𐴁𐴟𐴓𐴢 𐴒𐴡𐴌𐴡𐴕 𐴏𐴦𐴝𐴀| 𐴀𐴝𐴓𐴧𐴝𐴇𐴌 𐴈𐴝𐴃𐴠𐴌𐴠 𐴁𐴠𐴙𐴒𐴧𐴞𐴕 𐴑𐴟𐴌𐴁𐴝𐴕 𐴒𐴡𐴌𐴝 𐴀𐴠𐴑 𐴔𐴡𐴗𐴎𐴟| 𐴀𐴝𐴌 𐴘𐴦𐴝𐴕 𐴒𐴡𐴌𐴡𐴕𐴥𐴡 𐴏𐴦𐴝| 𐴑𐴞𐴕𐴃𐴟 𐴎𐴞𐴁𐴥𐴝 𐴃𐴥𐴟𐴌𐴝 𐴃𐴥𐴟𐴌𐴝 𐴏𐴝𐴣𐴀𐴃𐴢 𐴊𐴠𐴀 𐴀𐴥𐴞𐴁𐴝𐴌𐴠 𐴀𐴝𐴌𐴥𐴡 𐴁𐴠𐴐𐴞 𐴏𐴝𐴣𐴀𐴃𐴢 𐴊𐴦𐴡𐴀𐴕𐴡𐴌 𐴖𐴡𐴌𐴠 𐴔𐴡𐴅𐴁𐴟𐴌 𐴒𐴡𐴌𐴝 𐴀𐴝𐴌𐴠𐴑 𐴔𐴡𐴗𐴎𐴟 𐴎𐴞𐴘𐴝𐴕 𐴁𐴞𐴓𐴑𐴟𐴓𐴢 𐴄𐴞𐴑 𐴕𐴡𐴀||

𐴴𐴳) 𐴊𐴝𐴖𐴡𐴃𐴞 𐴔𐴡𐴙𐴊𐴝𐴕𐴡𐴌 𐴁𐴤𐴝𐴘 𐴀𐴡𐴑𐴧𐴡𐴓𐴢 𐴏𐴞𐴌𐴞𐴉𐴢 𐴊𐴝𐴖𐴡𐴃𐴡𐴌𐴠 𐴀𐴝𐴏𐴡𐴓𐴢 𐴅𐴞𐴇𐴝𐴊𐴢 𐴕𐴡𐴁𐴟𐴎𐴞𐴁𐴝 𐴀𐴝𐴌 𐴘𐴦𐴝𐴕𐴡𐴌 𐴖𐴡𐴌𐴠 𐴁𐴡𐴏𐴢 𐴒𐴡𐴌𐴞 𐴁𐴦𐴡𐴘 𐴕𐴡𐴃𐴝𐴑𐴞𐴁𐴝| 𐴃𐴝𐴌𐴝𐴃𐴧𐴞 𐴓𐴝𐴌𐴥𐴝𐴘 𐴀𐴝𐴊𐴧𐴠 𐴐𐴝𐴇𐴝𐴊𐴡𐴃𐴡𐴌 𐴉𐴡𐴎𐴞𐴓𐴡𐴃𐴢 𐴀𐴝𐴌 𐴀𐴝𐴇𐴥𐴝𐴔𐴞𐴘𐴡𐴃𐴡𐴌 𐴈𐴡𐴃𐴝 𐴘𐴦𐴝𐴊𐴢 𐴌𐴝𐴑𐴝 𐴀𐴝𐴌 𐴅𐴞𐴇𐴝𐴊𐴞 𐴔𐴡𐴙𐴊𐴝𐴕𐴡𐴃𐴢 𐴇𐴝𐴎𐴠𐴌 𐴀𐴡𐴘𐴁𐴡𐴓𐴧𐴝 𐴏𐴡𐴆𐴧𐴝 𐴊𐴞𐴓𐴠 𐴀𐴝𐴎𐴧𐴟 𐴀𐴝𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕 𐴎𐴡𐴌𐴟𐴌𐴞||

𐴴𐴴) 𐴊𐴝𐴖𐴡𐴃𐴢 𐴀𐴥𐴡𐴑، 𐴑𐴞𐴃𐴝𐴓𐴢 𐴀𐴥𐴡𐴑، 𐴘𐴥𐴝 𐴊𐴝𐴀𐴞𐴌 𐴕𐴞𐴎𐴡𐴌 𐴃𐴡𐴌𐴁𐴞𐴘𐴡𐴃𐴡𐴌 𐴔𐴝𐴀𐴔𐴠𐴓𐴝 𐴀𐴥𐴡𐴑، 𐴈𐴡𐴕𐴥𐴡 𐴀𐴠𐴑 𐴁𐴤𐴝𐴓𐴝 𐴅𐴡𐴔𐴝𐴃𐴡𐴌 𐴏𐴝𐴣𐴀𐴃𐴠 𐴀𐴠𐴃𐴧𐴠𐴇𐴝𐴊𐴢 𐴀𐴥𐴡𐴘 𐴃𐴝𐴌 𐴀𐴠𐴃𐴝𐴀𐴝𐴃𐴢 𐴒𐴡𐴌𐴝 𐴎𐴡𐴌𐴟𐴌𐴞| 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴅𐴞𐴇𐴝𐴊𐴞 𐴊𐴝𐴖𐴡𐴃𐴢 𐴊𐴡𐴘𐴝 𐴕𐴞𐴎𐴠𐴘𐴥𐴡 𐴅𐴞𐴇𐴝𐴊𐴞 𐴃𐴝𐴇𐴌𐴞𐴑 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴎𐴞𐴔𐴧𐴝𐴊𐴝𐴌 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴀𐴝𐴔𐴡𐴓𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴅𐴟𐴍𐴞 𐴃𐴝𐴑𐴞𐴁𐴡 𐴀𐴝𐴌𐴠𐴑 𐴎𐴡𐴕𐴡𐴌𐴠𐴘𐴥𐴡 𐴅𐴟𐴍𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡| 𐴅𐴡𐴔𐴝𐴃𐴢 𐴁𐴡𐴕𐴊𐴞 𐴀𐴦𐴡𐴕𐴡𐴃𐴧𐴞 𐴀𐴝𐴎𐴝𐴊𐴢 𐴀𐴥𐴡𐴘 𐴈𐴝𐴔𐴢 𐴒𐴡𐴌𐴡𐴕𐴡𐴃𐴢 𐴁𐴠𐴐𐴝 𐴁𐴠𐴐𐴞 𐴕𐴟𐴏𐴧𐴝𐴕𐴞 𐴀𐴡𐴑𐴧𐴡𐴓𐴢 𐴀𐴝𐴏𐴠| 𐴀𐴝𐴌 𐴘𐴦𐴝𐴕 𐴁𐴞𐴓𐴑𐴟𐴓𐴢 𐴁𐴤𐴝𐴓𐴝 𐴕𐴡𐴀||

𐴴𐴵) 𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴝𐴖𐴡𐴃𐴡𐴌 𐴔𐴡𐴙𐴊𐴝𐴕 𐴅𐴞𐴇𐴝𐴊𐴢 𐴀𐴝𐴊𐴧𐴠 𐴔𐴟𐴅𐴝𐴇𐴞𐴊𐴢 𐴀𐴡𐴑𐴧𐴡𐴓𐴡𐴌 𐴕𐴟𐴏𐴧𐴝𐴕 𐴉𐴤𐴡𐴣𐴏𐴝𐴘𐴁𐴝𐴌 𐴀𐴠𐴑𐴧𐴝𐴕 𐴀𐴦𐴝𐴏𐴝𐴕 𐴔𐴡𐴙𐴊𐴝𐴕| 𐴀𐴠𐴍𐴠 𐴅𐴞𐴇𐴝𐴊𐴡𐴌 𐴊𐴝𐴀𐴞𐴌 𐴏𐴥𐴡𐴕𐴧𐴝 𐴊𐴡𐴌𐴞 𐴅𐴝𐴏𐴟𐴏𐴢 𐴀𐴡𐴑𐴧𐴡𐴓𐴠 𐴊𐴝𐴖𐴡𐴃𐴡𐴌𐴠 𐴁𐴡𐴌𐴁𐴝𐴊𐴢 𐴒𐴡𐴌𐴝، 𐴅𐴞𐴇𐴝𐴊𐴞 𐴅𐴡𐴔𐴝𐴃𐴡𐴌 𐴁𐴥𐴟𐴃𐴡𐴌𐴠 𐴕𐴞𐴎𐴡𐴌 𐴅𐴝𐴏𐴟𐴏𐴢 𐴊𐴝𐴈𐴠𐴓𐴢 𐴒𐴡𐴌𐴝 𐴀𐴝𐴌 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌𐴠 𐴒𐴠𐴌𐴡𐴉𐴃𐴝𐴌 𐴒𐴡𐴌𐴞𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴠||

𐴀𐴥𐴠 𐴈𐴡𐴃𐴝𐴓𐴧𐴝 𐴉𐴦𐴡𐴘𐴓𐴝 𐴕𐴞𐴎𐴠 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕، 𐴀𐴝𐴌 𐴀𐴡𐴙𐴕𐴧𐴡 𐴁𐴤𐴝𐴘 𐴀𐴦𐴡𐴓𐴡𐴌𐴠𐴘𐴡 𐴇𐴟𐴐𐴞𐴘𐴝𐴌𐴞 𐴒𐴡𐴌𐴝 𐴎𐴡𐴌𐴟𐴌𐴞| 𐴅𐴞𐴇𐴝𐴊𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃𐴢 𐴊𐴡𐴘𐴝 𐴉𐴡𐴃𐴧𐴞 𐴎𐴡𐴕𐴡𐴌 𐴖𐴡𐴌𐴠 𐴀𐴠𐴃𐴠𐴔𐴝𐴊𐴢 𐴕𐴡𐴒𐴡𐴌𐴡𐴕 𐴏𐴦𐴝𐴀||

𐴊𐴟𐴏𐴡𐴌𐴝 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴊𐴟𐴐𐴧𐴡𐴕𐴡𐴌 𐴀𐴠 𐴉𐴌𐴟𐴉𐴝𐴒𐴞𐴚𐴋𐴝𐴌𐴠 𐴊𐴥𐴡𐴚𐴐𐴡 𐴒𐴡𐴌𐴞𐴁𐴡𐴓𐴧𐴝 𐴅𐴞𐴇𐴝𐴊𐴞 𐴔𐴡𐴙𐴊𐴝𐴕𐴡𐴌 𐴔𐴟𐴏𐴃𐴡𐴑𐴞𐴓𐴢 𐴕𐴡𐴔𐴝𐴘𐴞𐴕𐴊𐴝 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴌𐴝𐴁𐴠𐴃𐴝 𐴌𐴝𐴑𐴞𐴁𐴡| 𐴔𐴟𐴀𐴃𐴡𐴁𐴡𐴌 𐴕𐴠𐴎𐴝𐴔𐴡𐴌 𐴏𐴝𐴣𐴀𐴃𐴠 𐴃𐴡𐴎𐴑𐴞𐴘𐴝𐴌 𐴃𐴡𐴌𐴞𐴑𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴞𐴁𐴡 𐴀𐴝𐴌 𐴕𐴞𐴎𐴠𐴘𐴥𐴡 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴁𐴝𐴁𐴡𐴃𐴠 𐴒𐴤𐴠𐴌𐴝𐴘𐴞 𐴀𐴠𐴓𐴡𐴔𐴢 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡| 𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴟𐴕𐴞𐴘𐴝𐴃𐴢 𐴈𐴡𐴕𐴥𐴡 𐴑𐴞𐴘𐴝𐴌𐴠 𐴀𐴝𐴣𐴊𐴝 𐴁𐴞𐴐𐴧𐴝𐴐𐴢 𐴕𐴡𐴒𐴡𐴌𐴞𐴁𐴡||

𐴕𐴠𐴄𐴡𐴃𐴢 𐴀𐴡𐴕𐴡𐴌 𐴏𐴝𐴣𐴀𐴃𐴞𐴌 𐴃𐴡𐴌𐴞𐴑𐴝 𐴕𐴡𐴑𐴡𐴓𐴢 𐴒𐴡𐴌𐴝𐴘𐴥𐴡 𐴈𐴡𐴕𐴥𐴡 𐴔𐴡𐴐𐴑𐴞𐴓𐴢 𐴕𐴡𐴀| 𐴀𐴠𐴈𐴡𐴃𐴝𐴌 𐴀𐴠𐴔𐴑𐴝𐴕 𐴇𐴝𐴔𐴞𐴐𐴝 𐴃𐴝𐴑𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠، 𐴅𐴝𐴏𐴟𐴏𐴢 𐴀𐴦𐴡𐴓𐴡𐴌 𐴁𐴥𐴟𐴃𐴡𐴃𐴧𐴞 𐴈𐴡𐴕𐴥𐴡 𐴀𐴠𐴑𐴎𐴡𐴕 𐴀𐴡𐴕𐴡𐴌 𐴏𐴝𐴣𐴀𐴃𐴞𐴌 𐴓𐴠𐴙𐴑𐴤𐴝𐴌 𐴃𐴡𐴌𐴞𐴑𐴝 𐴕𐴡𐴑𐴡𐴓𐴢 𐴒𐴡𐴌𐴞𐴁𐴡| 𐴀𐴥𐴠 𐴈𐴡𐴃𐴝𐴓𐴧𐴝 𐴕𐴞𐴎𐴡𐴌 𐴏𐴝𐴣𐴀𐴃𐴞 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠𐴘𐴥𐴡 𐴌𐴝𐴁𐴠𐴃𐴝 𐴒𐴡𐴌𐴝𐴌 𐴁𐴝𐴁𐴡𐴃𐴠 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕 𐴎𐴡𐴌𐴟𐴌𐴞 𐴀𐴝𐴌 𐴀𐴦𐴡𐴉𐴓𐴝𐴘𐴕 𐴀𐴝𐴊𐴧𐴠 𐴀𐴡𐴙𐴕𐴧𐴡 𐴀𐴡𐴙𐴕𐴧𐴡 𐴃𐴝𐴔𐴦𐴝𐴔𐴢 𐴎𐴡𐴌𐴞𐴘𐴝 𐴀𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴘𐴠𐴑𐴞𐴕 𐴇𐴝𐴏𐴠𐴓𐴢 𐴒𐴡𐴌𐴡𐴕 𐴏𐴦𐴝𐴀||

𐴴𐴶) 𐴀𐴡𐴃𐴧𐴡 𐴈𐴦𐴡𐴊𐴠 𐴘𐴦𐴝𐴕 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴃𐴡𐴌𐴉𐴡𐴃𐴧𐴞 𐴔𐴟𐴔𐴞𐴕𐴡𐴌 𐴈𐴝𐴣𐴀𐴏𐴠 𐴀𐴝𐴔𐴝𐴕𐴡𐴃𐴢| 𐴃𐴡𐴘 𐴕𐴞𐴄𐴡𐴌 𐴊𐴝𐴀𐴞 𐴕𐴠𐴄𐴡𐴃𐴢 𐴁𐴦𐴡𐴘𐴁𐴝𐴌 𐴀𐴝𐴒𐴠 𐴕𐴞𐴎𐴡𐴌 𐴈𐴝𐴔𐴢 𐴃𐴝𐴀𐴞𐴕 𐴒𐴡𐴌𐴞 𐴓𐴡𐴘𐴁𐴡| 𐴃𐴝𐴀𐴞𐴕 𐴒𐴡𐴌𐴝 𐴈𐴝𐴔𐴢 𐴏𐴥𐴝𐴌𐴝 𐴀𐴝𐴒𐴠-𐴉𐴞𐴏𐴠 𐴀𐴝𐴌 𐴈𐴡𐴕𐴥𐴡 𐴈𐴝𐴔𐴢 𐴕𐴡𐴒𐴡𐴌𐴞𐴁𐴡| 𐴀𐴠 𐴁𐴤𐴝𐴉𐴠 𐴀𐴠𐴇𐴃𐴠𐴘𐴝𐴃𐴢 𐴕𐴡𐴒𐴡𐴌𐴞𐴓𐴠 𐴀𐴡𐴃𐴧𐴡 𐴁𐴠𐴙𐴑𐴝𐴌 𐴀𐴝𐴊𐴧𐴠 𐴁𐴠𐴇𐴟𐴊𐴝 𐴈𐴝𐴔𐴡𐴃𐴢 𐴎𐴦𐴝𐴘𐴠 𐴀𐴦𐴡𐴕𐴡𐴌 𐴈𐴡𐴃𐴡𐴌𐴝 𐴃𐴝𐴑𐴠||

𐴴𐴷) 𐴏𐴞𐴌𐴞𐴉𐴢 𐴀𐴠𐴕𐴄𐴝𐴌𐴕𐴠𐴄𐴡𐴌 𐴊𐴝𐴖𐴡𐴃𐴡𐴌𐴠 𐴀𐴝𐴏𐴡𐴓𐴢 𐴈𐴞𐴘𐴝𐴓𐴢 𐴕𐴡𐴒𐴡𐴌𐴝| 𐴊𐴝𐴀𐴞 𐴇𐴡𐴎𐴡𐴌𐴝𐴃𐴢 𐴀𐴦𐴡𐴓𐴢 𐴀𐴦𐴡𐴉𐴓𐴝𐴘𐴕𐴡𐴃𐴢 𐴏𐴥𐴞𐴕𐴝 𐴁𐴡 𐴏𐴥𐴞𐴕𐴝𐴘𐴥𐴡 𐴊𐴝𐴖𐴡𐴃𐴢 𐴉𐴤𐴡𐴙𐴓𐴝𐴘𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡| 𐴀𐴠 𐴃𐴡𐴌𐴞𐴑𐴝 𐴀𐴥𐴡𐴘𐴓𐴊𐴠 𐴁𐴠𐴐𐴞 𐴉𐴝𐴘𐴊𐴝 𐴀𐴡𐴓𐴝 𐴀𐴝𐴊𐴧𐴠 𐴔𐴝𐴇𐴉𐴟𐴎||

𐴴𐴸) 𐴊𐴝𐴖𐴡𐴃𐴡𐴌 𐴊𐴡𐴓𐴞𐴓𐴢-𐴊𐴡𐴏𐴃𐴝𐴖𐴞𐴎 𐴃𐴡𐴘𐴧𐴝𐴌 𐴒𐴡𐴌𐴡𐴕𐴡𐴃𐴢 𐴔𐴟𐴈𐴃𐴡𐴓𐴞𐴉𐴢 𐴑𐴞𐴏𐴔𐴡𐴌 𐴁𐴝𐴕𐴡𐴕 𐴃𐴦𐴝𐴑𐴠 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴔𐴡𐴑𐴃𐴡𐴁𐴝 𐴀𐴡𐴑𐴧𐴡𐴓𐴡𐴃𐴢 𐴒𐴡𐴕𐴃𐴞𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴔𐴡𐴗𐴎𐴟 𐴀𐴡𐴑𐴧𐴡𐴓𐴥𐴡 𐴁𐴝𐴌𐴞𐴎𐴝𐴉𐴝𐴕| 𐴀𐴥𐴞𐴕𐴋𐴞𐴓𐴧𐴝 𐴅𐴡𐴔𐴝 𐴒𐴡𐴌𐴝 𐴊𐴡𐴓𐴞𐴓𐴢-𐴊𐴡𐴏𐴃𐴝𐴖𐴞𐴎 𐴃𐴡𐴌𐴃𐴞𐴁𐴡𐴌 𐴏𐴝𐴣𐴀𐴃𐴠 𐴇𐴠𐴉𐴝𐴎𐴡𐴃𐴢 𐴌𐴝𐴑𐴝𐴌 𐴀𐴠𐴇𐴃𐴠𐴔𐴝𐴔𐴢 𐴒𐴡𐴌𐴝 𐴉𐴡𐴌𐴞𐴁𐴡| 𐴀𐴝𐴌 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴀𐴝𐴣𐴀𐴌𐴝𐴌 𐴃𐴝𐴔𐴦𐴝𐴔𐴢 𐴏𐴝𐴔𐴝𐴕 𐴃𐴡𐴌𐴃𐴞𐴁𐴡𐴌 𐴏𐴝𐴣𐴀𐴃𐴠 𐴔𐴡𐴗𐴅𐴟𐴊𐴢 𐴃𐴝𐴑𐴡𐴕 𐴎𐴡𐴌𐴟𐴌𐴞| 𐴃𐴝𐴑𐴠 𐴀𐴠𐴁𐴃𐴠𐴊𐴝 𐴓𐴡𐴃𐴞 𐴀𐴝𐴀𐴓𐴝 𐴉𐴡𐴙𐴅𐴧𐴡𐴕𐴃𐴡 𐴁𐴠𐴒𐴧𐴞𐴕𐴠 𐴊𐴡𐴌𐴑𐴝𐴌𐴞 𐴔𐴡𐴗𐴎𐴟 𐴀𐴡𐴑𐴧𐴡𐴓𐴢 𐴀𐴦𐴝𐴏𐴝𐴕𐴡𐴌 𐴏𐴝𐴣𐴀𐴃𐴠 𐴇𐴝𐴏𐴠𐴓𐴢 𐴒𐴡𐴌𐴞 𐴉𐴝𐴌𐴠||

𐴴𐴹) 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴀𐴝𐴏𐴠𐴊𐴠 𐴉𐴠𐴙𐴅 𐴀𐴡𐴑𐴧𐴡𐴓𐴡𐴌 𐴖𐴡𐴌𐴠 𐴊𐴟𐴏𐴃𐴡 𐴀𐴡𐴑𐴧𐴡𐴓𐴡𐴌 𐴔𐴡𐴅𐴔𐴝 𐴁𐴡𐴕𐴞 𐴎𐴝𐴒𐴡𐴘 𐴀𐴝𐴌 𐴏𐴞𐴌𐴞𐴉𐴢 𐴀𐴠 𐴔𐴡𐴅𐴔𐴝𐴘𐴠 𐴀𐴝𐴣𐴀𐴌𐴝𐴌 𐴔𐴡𐴗𐴎𐴟 𐴀𐴡𐴑𐴧𐴡𐴓𐴡𐴌𐴠 𐴉𐴡𐴌𐴝𐴃𐴧𐴝𐴑𐴠| 𐴀𐴠 𐴔𐴡𐴅𐴔𐴝𐴌 𐴖𐴡𐴌𐴠 𐴁𐴡𐴏𐴢 𐴒𐴡𐴌𐴝 𐴕𐴡𐴎𐴝𐴘𐴁𐴡 𐴁𐴤𐴡𐴓𐴑𐴠 𐴀𐴥𐴠𐴍𐴠 𐴀𐴝𐴌𐴥𐴡 𐴔𐴡𐴅𐴔𐴝 𐴁𐴝𐴌𐴝𐴘𐴁𐴝𐴌 𐴉𐴞𐴑𐴞𐴌 𐴒𐴡𐴌𐴡𐴕| 𐴀𐴝𐴌 𐴀𐴝𐴣𐴀𐴌𐴝𐴌 𐴐𐴟𐴌𐴟𐴌 𐴔𐴡𐴗𐴎𐴟 𐴀𐴡𐴑𐴧𐴡𐴓𐴡𐴌𐴠 𐴁𐴠𐴐𐴞 𐴁𐴠𐴐𐴞 𐴔𐴝𐴙𐴕𐴐𐴥𐴠 𐴉𐴡𐴌𐴞𐴉𐴝𐴌𐴠𐴊𐴠 𐴀𐴥𐴞𐴕𐴋𐴞𐴓𐴧𐴝 𐴏𐴦𐴟𐴌𐴡𐴃𐴢 𐴀𐴡𐴑𐴧𐴡𐴓𐴢 𐴃𐴝𐴓𐴝𐴐𐴢 𐴒𐴡𐴌𐴡𐴕||

𐴵𐴰) 𐴀𐴠𐴕𐴄𐴝𐴌𐴕𐴠𐴄𐴡𐴃𐴢 𐴊𐴝𐴖𐴡𐴃𐴢 𐴊𐴡𐴘𐴝 𐴁𐴤𐴝𐴘 𐴀𐴡𐴑𐴧𐴡𐴓𐴡𐴃𐴧𐴞 𐴀𐴦𐴡𐴉𐴓𐴝𐴘𐴕𐴡𐴃𐴢 𐴕𐴠𐴑𐴧𐴝𐴌 𐴔𐴝𐴕𐴥𐴟𐴙𐴐𐴡𐴌 𐴏𐴟𐴇𐴁𐴡𐴃𐴢 𐴀𐴠𐴈𐴃𐴠𐴘𐴝𐴌 𐴒𐴡𐴌𐴝 𐴎𐴡𐴌𐴟𐴌𐴞| 𐴃𐴝𐴑𐴠 𐴉𐴞𐴃𐴕𐴝 𐴀𐴡𐴑𐴧𐴡𐴓𐴡𐴃𐴧𐴞 𐴇𐴠𐴉𐴝𐴎𐴡𐴃𐴢 𐴃𐴝𐴑𐴡𐴕 𐴀𐴦𐴝𐴏𐴝𐴕 𐴀𐴥𐴡𐴉𐴝𐴕|𐴀𐴠𐴈𐴡𐴃𐴝𐴌𐴥𐴡 𐴀𐴠𐴇𐴃𐴠𐴔𐴝𐴔𐴢 𐴎𐴡𐴌𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴉𐴞𐴑𐴞𐴌𐴡𐴌 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴕𐴡𐴎𐴡𐴌𐴡𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴕| 𐴃𐴝𐴌 𐴎𐴡𐴌𐴞𐴘𐴝 𐴑𐴡𐴓𐴡𐴁𐴢 𐴏𐴝𐴉𐴢 𐴃𐴝𐴑𐴠 𐴀𐴝𐴌 𐴈𐴝𐴔𐴡𐴃𐴢 𐴀𐴠𐴑𐴏𐴟𐴘𐴞 𐴉𐴡𐴙𐴊𐴝 𐴀𐴥𐴡𐴀||

𐴵𐴱) 𐴀𐴠𐴈𐴠𐴌𐴞 𐴀𐴝𐴌𐴡𐴎! 𐴕𐴞𐴎𐴡𐴌 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴃𐴡𐴌𐴞𐴑𐴝𐴌 𐴇𐴝𐴔𐴞𐴐𐴝 𐴔𐴟𐴇𐴝𐴏𐴝𐴁𐴝 𐴒𐴡𐴌𐴝𐴃𐴢 𐴃𐴝𐴑𐴞𐴁𐴝 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴁𐴠𐴐𐴞 𐴁𐴠𐴐𐴞 𐴔𐴡𐴒𐴉𐴠𐴌𐴡𐴃𐴢 𐴃𐴡𐴓𐴡𐴁𐴢 𐴒𐴡𐴌𐴡𐴕 𐴏𐴦𐴝𐴀||

𐴀𐴠 𐴈𐴡𐴘𐴠𐴑𐴧𐴝𐴕 𐴈𐴡𐴃𐴝 𐴊𐴝𐴖𐴡𐴃𐴡𐴌 𐴃𐴡𐴌𐴞𐴑𐴝 𐴀𐴝𐴊𐴧𐴠 𐴅𐴞𐴇𐴝𐴊𐴞 𐴔𐴡𐴕𐴇𐴝𐴅𐴡𐴌 𐴁𐴝𐴁𐴡𐴃𐴠 𐴀𐴝𐴌𐴡𐴎 𐴒𐴡𐴌𐴝𐴌 𐴀𐴝𐴙𐴐𐴧𐴞𐴓𐴢| 𐴀𐴠 𐴔𐴡𐴗𐴎𐴟𐴌 𐴖𐴡𐴌𐴠 𐴀𐴠𐴈𐴡𐴕 𐴓𐴠𐴙𐴑𐴤𐴝 𐴈𐴡𐴃𐴡𐴔𐴢 𐴒𐴡𐴌𐴞𐴌| 𐴀𐴝𐴓𐴧𐴝𐴇 𐴏𐴟𐴁𐴇𐴝𐴕𐴝𐴇𐴟 𐴖𐴝𐴃𐴝𐴀𐴝𐴓𐴝 𐴈𐴝𐴣𐴀𐴏𐴠 𐴊𐴟𐴖𐴝 𐴒𐴡𐴌𐴞𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴀𐴛 𐴀𐴝𐴣𐴀𐴌𐴝𐴌𐴠 𐴀𐴠𐴈𐴓𐴝𐴏𐴢 𐴊𐴝𐴕 𐴒𐴡𐴌𐴡𐴑، 𐴀𐴝𐴣𐴀𐴌𐴝𐴌 𐴈𐴝𐴔𐴢 𐴀𐴝𐴊𐴧𐴠 𐴈𐴡𐴃𐴝 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌 𐴊𐴦𐴞𐴕 𐴀𐴝𐴊𐴧𐴠 𐴀𐴟𐴔𐴧𐴡𐴃𐴡𐴌 𐴔𐴡𐴊𐴡𐴃𐴢 𐴒𐴡𐴌𐴡𐴑، 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴑𐴞𐴃𐴝𐴓𐴡𐴌 𐴉𐴡𐴃𐴧𐴞 𐴈𐴡𐴃𐴝 𐴀𐴝𐴌 𐴈𐴝𐴔𐴡𐴃𐴢 𐴀𐴝𐴣𐴀𐴌𐴝𐴌𐴠 𐴌𐴝𐴇𐴕𐴟𐴔𐴝𐴘𐴞 𐴉𐴡𐴌𐴔𐴡𐴑| 𐴊𐴦𐴞𐴕 𐴀𐴝𐴌 𐴅𐴞𐴇𐴝𐴊𐴡𐴌 𐴏𐴝𐴆𐴧𐴝 𐴈𐴠𐴊𐴔𐴡𐴃𐴢 𐴒𐴡𐴌𐴞𐴁𐴝𐴌 𐴃𐴡𐴉𐴞𐴑 𐴊𐴝𐴕 𐴒𐴡𐴌𐴡𐴑| 𐴀𐴝𐴓𐴧𐴝𐴇 𐴀𐴝𐴣𐴀𐴌𐴝𐴌 𐴃𐴝𐴔𐴦𐴝𐴔𐴢 𐴑𐴟𐴐𐴞𐴐𐴡𐴌𐴠 𐴑𐴡𐴁𐴟𐴓𐴢 𐴒𐴡𐴌𐴡𐴑| 𐴀𐴝𐴣𐴀𐴌𐴝𐴌𐴠 𐴃𐴝𐴀𐴛𐴌 𐴊𐴞𐴊𐴝𐴌 𐴀𐴝𐴊𐴧𐴠 𐴌𐴡𐴏T𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴝𐴣𐴀𐴃𐴞 𐴀𐴦𐴡𐴕𐴡𐴃𐴧𐴞 𐴔𐴝𐴀𐴌𐴟𐴔𐴢 𐴕𐴡𐴒𐴡𐴌𐴡𐴑||𐴀𐴝𐴔𐴞𐴕!

**************