𐴊𐴟𐴏𐴡𐴌𐴝 𐴇𐴥𐴠𐴏𐴧𐴝(𐴲) 𐴌𐴟𐴇𐴥𐴝𐴙𐴚𐴒𐴙𐴝𐴌 𐴅𐴞𐴇𐴝𐴊𐴢||جهاد الروهينجا||روہنگیاکاجہاد||Rohingya Jihad
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴔𐴁𐴝𐴌
عضو في أراكان
اراکان کا ممبر
Member of Arakan
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
تقدم
ناشر
Presents
𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
الترجمة الروهينجية
روھینگا زبان میں ترجمۃ
Rohingya Translation
𐴏𐴟𐴌𐴈𐴞:
بعنوان:
عنوان:
Titled:
𐴁𐴟𐴌𐴔𐴝 𐴔𐴟𐴏𐴓𐴞𐴔𐴢 𐴏𐴞𐴌𐴞𐴎!
مسلسل بورما مسلم!
برما مسلم سیریز!
Series Burma Muslim!
𐴊𐴟𐴏𐴡𐴌𐴝 𐴇𐴥𐴠𐴏𐴧𐴝
الحلقة الثانية
دوسری قسط
Second part
𐴌𐴟𐴇𐴥𐴝𐴙𐴚𐴒𐴙𐴝𐴌 𐴅𐴞𐴇𐴝𐴊𐴢
جهاد الروهينجا
روہنگیاکاجہاد
Rohingya Jihad
𐴀𐴡𐴕𐴓𐴝𐴘𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
للقرائة المباشرة والتحميل
پڑھيں یا ڈؤنلوڈ کریں
For Direct Reading and Downloading
WORD (40.3 KB )
https://archive.ph/dtXD7
https://justpaste.it/atjmr
https://archive.org/download/burma-jihad-02-hq/BJM.2.odt
https://www.sendspace.com/file/e2x75l
https://files.fm/f/3yzwk9xtqk
VIDEO QUALITY 2560*1440 ( 259.9 MB )
https://archive.org/download/burma-jihad-02-hq/burma%20jihad-02%20HQ.mp4
https://mega.nz/file/fIM1iJQI#57txFRXNeRZkOTGhWotcv-dCyezgWSFXPwTTNjNfEDE
https://www.sendspace.com/file/1nkim3
https://mymegacloud.com/downloadfc828659670460
https://files.fm/f/h26khtaey9
VIDEO QUALITY 1920*1080 ( 104.8 MB )
https://archive.org/download/burma-jihad-02-hq/burma%20jihad-02%20MQ.mp4
https://mega.nz/file/2AFBDITI#zgCBRosbv5wSiIsDd1F-kLyV_msSG2Hp0dtyYvZLfws
https://www.sendspace.com/file/52gcuq
https://mymegacloud.com/download/dXB4e570efb922e
https://files.fm/f/6n259y89tq
VIDEO QUALITY 1280*720 (84.3MB)
https://archive.org/download/burma-jihad-02-hq/burma%20jihad-02%20LQ.mp4
https://mega.nz/file/6IMGCACK#OOdEuih8AacOJUABgBO-smr6HGeQxN4CeAdToRFxWOE
https://www.sendspace.com/file/0ppqka
https://mymegacloud.com/download/dXB4397e0e758
https://files.fm/f/s9r6wbx8nb
BANNER (1.6M )
https://archive.org/download/burma-jihad-02-hq/BANNER%20-02%20BURMA%20JIHAD-02.png
https://mega.nz/file/GRkE1A4Q#ZzCnMvcHtR7Rgk535cYxdbdygWVF9Bg5G48EOiPhrgs
https://www.sendspace.com/file/rfh1jf
https://mymegacloud.com/download/dbe80363e
https://files.fm/f/svbwew9cg5
𐴔𐴟𐴏𐴓𐴞𐴔𐴠 𐴁𐴟𐴌𐴔𐴝
𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴅𐴞𐴇𐴝𐴊𐴢
𐴲–𐴉𐴝𐴌𐴄𐴢
𐴋𐴝𐴑𐴄𐴡𐴌 𐴃𐴥𐴡𐴓𐴇𐴝 𐴀𐴝𐴁𐴊𐴟𐴓𐴢 𐴑𐴡𐴌𐴞𐴔𐴢
𐴁𐴡𐴌𐴔𐴥𐴝𐴌 𐴉𐴡𐴗𐴏𐴢
𐴁𐴡𐴌𐴔𐴥𐴝𐴌 𐴉𐴡𐴗𐴏𐴡𐴌𐴠 𐴀𐴡𐴉𐴞𐴐𐴞𐴘𐴝𐴓𐴢 𐴀𐴥𐴞𐴏𐴝𐴉𐴠 𐴄𐴠𐴔𐴡𐴋𐴧𐴡 𐴁𐴡𐴓𐴞 𐴈𐴡𐴗𐴝𐴎𐴝 𐴎𐴞𐴘𐴝𐴕 𐴁𐴡𐴌𐴔𐴥𐴝𐴌 𐴇𐴥𐴝𐴖𐴝𐴘𐴞، 𐴎𐴡𐴁𐴞𐴕𐴞 𐴀𐴝𐴊𐴧𐴠 𐴊𐴡𐴌𐴞𐴘𐴝𐴌 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴁𐴝𐴙𐴄𐴧𐴝 𐴕𐴝𐴔𐴢| 𐴀𐴠 𐴋𐴞𐴂𐴝𐴌𐴔𐴠𐴣𐴄𐴡𐴌 𐴔𐴝𐴃𐴝𐴇𐴝𐴃𐴡𐴃𐴢 𐴀𐴝𐴌𐴥𐴡 𐴁𐴦𐴡𐴗𐴃𐴢 𐴋𐴞𐴂𐴝𐴌𐴔𐴠𐴣𐴄 𐴀𐴡𐴑𐴧𐴡𐴓𐴠 𐴈𐴝𐴔𐴒𐴡𐴌𐴠| 𐴎𐴠𐴍𐴠𐴁𐴥𐴟𐴃𐴡𐴌𐴠 𐴉𐴟𐴓𐴞𐴆، 𐴀𐴦𐴝𐴔𐴢 𐴀𐴥𐴝𐴣𐴃𐴞𐴘𐴝𐴌 𐴊𐴤𐴡𐴌𐴡𐴘𐴝 𐴀𐴝𐴊𐴧𐴠 𐴁𐴡𐴗𐴋𐴝𐴌 𐴒𐴝𐴌𐴋 𐴋𐴞𐴂𐴝𐴌𐴔𐴠𐴣𐴄𐴥𐴡 𐴐𐴝𐴔𐴠𐴓𐴢 𐴀𐴝𐴏𐴠| 𐴀𐴥𐴠 𐴁𐴡𐴗𐴋𐴝𐴌 𐴒𐴝𐴌𐴋𐴡𐴌𐴠 𐴊𐴠𐴐𐴥𐴡𐴙𐴃𐴧𐴝 𐴔𐴝𐴙𐴕𐴐𐴥𐴠 𐴕𐴝𐴏𐴝𐴒𐴝 𐴁𐴡𐴓𐴞𐴈𐴡𐴘 𐴋𐴝𐴑𐴠| 𐴎𐴠𐴃𐴧𐴡𐴃𐴢 𐴀𐴠𐴈𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴥𐴝𐴃𐴢 𐴈𐴡𐴕𐴥𐴡 𐴀𐴝𐴏𐴑𐴡𐴌𐴞 𐴑𐴝𐴕𐴟𐴕 𐴃𐴡𐴐𐴑𐴞𐴓𐴢 𐴊𐴞𐴘𐴝𐴕𐴡𐴎𐴝 𐴀𐴥𐴠𐴈𐴡𐴃𐴝𐴓𐴧𐴝 𐴒𐴟𐴔𐴝𐴕 𐴔𐴡𐴃𐴝𐴁𐴠𐴑 𐴃𐴝𐴔𐴦𐴝𐴔𐴢 𐴏𐴦𐴡𐴙𐴅𐴧𐴝 𐴀𐴡𐴑𐴧𐴡𐴓𐴡𐴌𐴠 𐴌𐴠𐴎𐴝𐴑𐴝𐴌 𐴁𐴡𐴓𐴞 𐴒𐴟𐴔𐴝𐴕 𐴒𐴡𐴌𐴝𐴎𐴝| 𐴀𐴝𐴏𐴑𐴡𐴌𐴞 𐴑𐴝𐴕𐴟𐴕 𐴕𐴡𐴃𐴝𐴑𐴡𐴕𐴡𐴌 𐴎𐴡𐴌𐴞𐴘𐴝 𐴉𐴡𐴗𐴏𐴢 𐴀𐴦𐴡𐴓𐴠 𐴉𐴝𐴁𐴓𐴞𐴑 𐴀𐴡𐴑𐴧𐴡𐴓𐴡𐴌𐴠 𐴎𐴡𐴁𐴡𐴌𐴊𐴡𐴏𐴁𐴞 𐴒𐴡𐴌𐴞 𐴑𐴥𐴟𐴓𐴞𐴈𐴝𐴔𐴢 𐴒𐴡𐴌𐴝، 𐴀𐴞𐴇𐴝𐴣𐴃𐴡𐴑𐴧𐴠 𐴃𐴝𐴌𐴝𐴌𐴠 𐴔𐴦𐴝𐴘𐴕 𐴏𐴟𐴗𐴞𐴂𐴝𐴌 𐴀𐴥𐴞𐴏𐴝𐴉𐴠𐴘𐴡 𐴀𐴠𐴏𐴃𐴠𐴔𐴝𐴓𐴢 𐴒𐴥𐴡𐴌𐴠|𐴀𐴥𐴞𐴕𐴋𐴞𐴓𐴧𐴝 𐴀𐴞𐴕𐴋𐴞𐴂𐴠𐴕𐴋𐴠𐴣𐴄 𐴐𐴠𐴕𐴠𐴓𐴡𐴌 𐴈𐴡𐴁𐴡𐴌 𐴔𐴡𐴗𐴃𐴝𐴁𐴠𐴑 ” 𐴁𐴡𐴌𐴔𐴥𐴝𐴃𐴢 𐴒𐴟𐴌𐴝 𐴉𐴟𐴖𐴝𐴙𐴕 𐴀𐴡𐴑𐴧𐴡𐴓𐴡𐴌 𐴁𐴠𐴏𐴝𐴑𐴞𐴕𐴝 𐴀𐴥𐴡 𐴀𐴝𐴌 𐴁𐴠𐴙𐴒𐴧𐴞𐴕𐴡𐴃𐴧𐴞 𐴁𐴠𐴙𐴐𐴞 𐴑𐴞𐴕𐴡𐴘𐴝 𐴀𐴡𐴘𐴓𐴊𐴠 𐴉𐴡𐴗𐴏𐴢 𐴀𐴡𐴑𐴧𐴡𐴓𐴢 𐴎𐴞𐴕𐴡𐴌𐴠 𐴃𐴝𐴌𐴝 𐴏𐴞𐴌𐴞𐴉𐴢 𐴐𐴦𐴝𐴓𐴧𐴞𐴆𐴢 𐴋𐴦𐴡𐴓𐴝𐴌 𐴘𐴥𐴝𐴃𐴡 𐴀𐴠𐴑 𐴒𐴠𐴓𐴠𐴚 𐴉𐴞𐴄𐴟𐴓𐴡𐴌 𐴁𐴡𐴊𐴡𐴓𐴝𐴃𐴢 𐴁𐴡𐴃𐴧𐴞𐴒𐴡𐴌𐴝𐴘 𐴓𐴥𐴡| 𐴎𐴡𐴊𐴞𐴘𐴥𐴡 𐴁𐴡𐴌𐴔𐴥𐴝𐴃𐴢 𐴀𐴝𐴏𐴑𐴡𐴌𐴞 𐴑𐴝𐴕𐴟𐴕 𐴕𐴥𐴝𐴘 𐴑𐴞𐴕𐴃𐴟 𐴀𐴦𐴝𐴔𐴢 𐴀𐴥𐴝𐴃𐴞𐴘𐴝𐴌 𐴊𐴤𐴡𐴌𐴡𐴘𐴝 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴑𐴦𐴝𐴕𐴟𐴕 𐴔𐴡𐴗𐴎𐴞𐴕 𐴊𐴠𐴙𐴐𐴡𐴌 𐴉𐴠𐴏𐴞𐴋𐴠𐴕𐴡𐴓𐴧𐴝 𐴀𐴠𐴈𐴡𐴃𐴝𐴌 𐴀𐴠𐴅𐴝𐴎𐴡𐴃𐴢 𐴃𐴝𐴑𐴞𐴁𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴡𐴌𐴔𐴥𐴝𐴌 𐴇𐴠𐴉𐴝𐴎𐴡𐴃𐴡𐴓𐴧𐴝 𐴀𐴥𐴠𐴍𐴠 𐴎𐴡𐴁𐴡𐴌𐴊𐴡𐴏𐴃𐴞 𐴒𐴡𐴌𐴞 𐴁𐴡𐴃𐴧𐴞 𐴒𐴡𐴌𐴝𐴘𐴉𐴝𐴌𐴞𐴁𐴡||
𐴁𐴌𐴞𐴄𐴞𐴐𐴡𐴃𐴧𐴞 𐴀𐴝𐴎𐴝𐴊𐴞 𐴉𐴦𐴡𐴕𐴡𐴌 𐴁𐴝𐴊𐴠 𐴓𐴡𐴃𐴞 𐴀𐴠𐴈𐴡𐴕 𐴉𐴡𐴙𐴅𐴧𐴡𐴕𐴃𐴡 𐴄𐴠𐴔𐴡𐴋𐴧𐴡 𐴊𐴠𐴐𐴥𐴡𐴙𐴃𐴧𐴝 𐴀𐴝𐴑𐴏𐴡𐴌 𐴁𐴝𐴒𐴞 𐴒𐴟𐴌𐴟𐴂𐴢 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴓𐴝𐴌𐴥𐴝𐴘𐴒𐴡𐴌𐴞 𐴀𐴝𐴘𐴧𐴠𐴌| 𐴎𐴡𐴊𐴞𐴘𐴥𐴡 𐴈𐴡𐴔𐴐𐴤𐴡𐴚𐴑𐴝 𐴔𐴟𐴏𐴓𐴞𐴔𐴡𐴌 𐴀𐴠𐴓𐴝𐴖𐴝 𐴀𐴡𐴙𐴕𐴧𐴡 𐴈𐴡𐴔𐴐𐴤𐴡𐴚𐴑𐴝 𐴎𐴝𐴃𐴞 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴃𐴝𐴌𐴝𐴌 𐴓𐴝𐴌𐴥𐴝𐴘 𐴁𐴠𐴙𐴐𐴞 𐴏𐴡𐴙𐴓𐴧𐴠 𐴑𐴞𐴕𐴃𐴟 𐴁𐴠𐴙𐴒𐴧𐴞𐴕𐴡𐴃𐴧𐴞 𐴁𐴠𐴙𐴐𐴞 𐴎𐴟𐴓𐴟𐴔𐴢 𐴔𐴟𐴏𐴓𐴞𐴔𐴢 𐴈𐴡𐴔𐴐𐴤𐴡𐴚𐴑𐴝 𐴎𐴝𐴃𐴞𐴌 𐴈𐴠𐴓𐴝𐴉𐴢 𐴓𐴝𐴌𐴥𐴝𐴘 𐴀𐴡𐴑𐴧𐴡𐴓𐴢 𐴏𐴡𐴓𐴝𐴌 𐴀𐴡𐴃𐴧𐴡𐴃𐴢 𐴒𐴡𐴌𐴝𐴒𐴞𐴘𐴧𐴠|𐴀𐴞𐴇𐴝𐴣𐴃𐴡𐴑𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴝𐴘𐴕𐴡𐴓𐴢 𐴀𐴝𐴑𐴖𐴝𐴔𐴞 𐴉𐴡𐴙𐴅𐴧𐴡𐴕𐴃𐴡 ” 𐴀𐴞𐴕𐴏𐴝𐴕𐴞 𐴁𐴟𐴕𐴞𐴘𐴝𐴊𐴞 𐴇𐴡𐴑𐴧𐴡𐴌 𐴓𐴝𐴒𐴝𐴃𐴝𐴌 𐴔𐴡𐴕𐴏𐴟𐴁𐴝𐴌 𐴏𐴝𐴣𐴀𐴃𐴠 𐴔𐴟𐴈𐴝𐴓𐴡𐴉𐴞𐴌 𐴖𐴡𐴌𐴠 𐴏𐴡𐴈𐴃𐴡 𐴔𐴟𐴎𐴡𐴔𐴧𐴡𐴃𐴢 𐴒𐴡𐴙𐴅𐴧𐴠“| 𐴑𐴞𐴕𐴃𐴟 𐴀𐴠𐴃𐴝𐴔𐴦𐴝𐴔𐴢 𐴎𐴟𐴓𐴟𐴔𐴢 𐴏𐴠𐴃𐴟𐴔𐴡𐴌 𐴁𐴝𐴊𐴠𐴘𐴥𐴡 𐴀𐴠 𐴀𐴦𐴝𐴓𐴡𐴔𐴞 𐴃𐴝𐴇𐴑𐴞𐴑𐴡𐴌 𐴔𐴡𐴃𐴝𐴁𐴠𐴑 𐴄𐴠𐴔𐴡𐴋𐴧𐴡 𐴁𐴡𐴌𐴔𐴥𐴝𐴌 𐴀𐴦𐴝𐴔𐴢 𐴉𐴝𐴁𐴓𐴞𐴑𐴡𐴌 𐴕𐴡𐴎𐴊𐴞𐴑 𐴁𐴠𐴙𐴐𐴞 𐴔𐴡𐴑𐴁𐴟𐴓𐴢| 𐴁𐴡𐴌𐴔𐴥𐴝𐴌 𐴀𐴝𐴏𐴑𐴡𐴌𐴞 𐴑𐴝𐴁𐴠𐴓𐴞𐴘𐴡𐴃𐴢 𐴆𐴞𐴕𐴝𐴌 𐴖𐴡𐴌𐴠 𐴊𐴝𐴌𐴔𐴡𐴊𐴝𐴌| 𐴀𐴠𐴈𐴡𐴕 𐴁𐴡𐴌𐴔𐴥𐴝 𐴌𐴝𐴐𐴞𐴘𐴝𐴌 𐴃𐴡𐴌𐴉𐴡𐴃𐴧𐴞 𐴕𐴞𐴘𐴟𐴑𐴓𐴞𐴘𐴝𐴌 𐴃𐴝𐴑𐴡𐴃𐴥𐴡 𐴇𐴝𐴏𐴠𐴓𐴢 𐴒𐴡𐴌𐴠𐴌||
𐴀𐴝𐴌𐴝𐴑𐴝𐴕𐴡𐴌 𐴌𐴟𐴇𐴝𐴙𐴚𐴒𐴙𐴝𐴌 𐴃𐴝𐴌𐴞𐴑
𐴀𐴝𐴌𐴝𐴑𐴝𐴕𐴞 𐴃𐴝𐴌𐴞𐴈𐴢 𐴓𐴠𐴙𐴑𐴡𐴘𐴝𐴌 𐴔𐴡𐴃𐴝𐴁𐴠𐴑 𐴃𐴝𐴌𐴝𐴌 𐴊𐴠𐴙𐴐𐴢 𐴀𐴞𐴏𐴡𐴖𐴞 𐴐𐴡𐴕𐴡𐴌 𐴃𐴞𐴕 𐴀𐴥𐴝𐴎𐴝𐴌 𐴁𐴡𐴏𐴥𐴡𐴌 𐴀𐴝𐴒𐴠𐴓𐴡𐴃𐴞 𐴱𐴷𐴸𐴴 𐴐𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴀𐴠𐴑𐴧𐴝𐴕 𐴔𐴟𐴏𐴃𐴡𐴑𐴞𐴓𐴢 𐴀𐴝𐴎𐴝𐴊𐴢 𐴇𐴡𐴑𐴟𐴔𐴡𐴃𐴢 𐴀𐴝𐴙𐴐𐴧𐴞𐴓𐴢| 𐴐𐴥𐴡𐴕 𐴱𐴷𐴸𐴴 𐴡𐴃𐴢 𐴉𐴦𐴡𐴙𐴓𐴝𐴐𐴧𐴟𐴌𐴟𐴃𐴢 𐴃𐴝𐴌𐴝𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞 𐴁𐴝𐴔𐴝𐴌 𐴑𐴡𐴗𐴔𐴢 𐴀𐴡𐴑𐴧𐴡𐴓𐴠 𐴃𐴝𐴌𐴝𐴌 𐴀𐴝𐴎𐴝𐴊𐴞𐴌𐴠 𐴇𐴝𐴌𐴞 𐴓𐴡𐴘𐴠| 𐴑𐴞𐴕𐴃𐴟 𐴃𐴝𐴌𐴞𐴈𐴢 𐴓𐴠𐴙𐴑𐴡𐴘𐴝 𐴀𐴡𐴑𐴧𐴡𐴓𐴠 𐴀𐴠𐴈𐴡𐴃𐴝𐴌 𐴀𐴠𐴑𐴌𐴝𐴌 𐴒𐴡𐴌𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠 𐴓𐴝𐴔𐴁𐴦𐴝 𐴎𐴡𐴁𐴝𐴕𐴝𐴃𐴢 𐴀𐴝𐴌𐴝𐴑𐴝𐴕𐴡𐴌 𐴐𐴥𐴟𐴕𐴝𐴓𐴞 𐴎𐴡𐴁𐴝𐴕𐴝 𐴱𐴴𐴳𐴰 𐴐𐴥𐴡𐴕𐴡𐴃𐴧𐴞 𐴐𐴥𐴟𐴌𐴟 𐴀𐴡𐴘𐴧𐴠 𐴎𐴦𐴠𐴣𐴃𐴧𐴠 𐴀𐴝𐴌𐴝𐴑𐴝𐴕𐴡𐴌 𐴌𐴝𐴎𐴝 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝 𐴔𐴞𐴚 𐴏𐴥𐴟 𐴔𐴡𐴚𐴠 𐴔𐴟𐴏𐴡𐴓𐴔𐴝𐴕𐴡𐴌 𐴔𐴡𐴊𐴡𐴃𐴓𐴡𐴘 𐴔𐴌𐴡𐴑 𐴀𐴥𐴟 𐴌𐴞𐴘𐴝𐴏𐴡𐴃𐴡𐴌𐴠 𐴑𐴝𐴘𐴠𐴔𐴢 𐴒𐴡𐴙𐴅𐴧𐴠||
𐴐𐴥𐴡𐴕 𐴱𐴴𐴳𐴰 𐴡𐴃𐴢 𐴀𐴝𐴌𐴝𐴑𐴝𐴕𐴡𐴃𐴢 𐴔𐴟𐴏𐴡𐴓𐴔𐴝𐴕𐴡𐴌 𐴒𐴡𐴓𐴁𐴝𐴘𐴞
𐴐𐴥𐴡𐴕 𐴱𐴴𐴰𐴴 𐴡𐴃𐴢 𐴁𐴡𐴌𐴔𐴥𐴝𐴌 𐴀𐴝𐴁𐴝 𐴌𐴝𐴎𐴝𐴘𐴠 𐴀𐴝𐴌𐴝𐴑𐴝𐴕𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴙𐴅𐴧𐴠 𐴀𐴝𐴌 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝𐴌𐴠 𐴐𐴞𐴑𐴡𐴏𐴃𐴡 𐴊𐴞𐴘𐴧𐴠| 𐴑𐴞𐴕𐴃𐴟 𐴀𐴥𐴠 𐴇𐴥𐴝𐴔𐴓𐴝𐴌 𐴎𐴡𐴌𐴞𐴘𐴝 𐴱𐴴𐴳𐴰 𐴓𐴡𐴃𐴞 𐴱𐴵𐴳𐴰 𐴉𐴟𐴌𐴝 𐴀𐴠𐴑 𐴐𐴥𐴡𐴃𐴢 𐴁𐴡𐴏𐴥𐴡𐴌 𐴉𐴡𐴙𐴅𐴧𐴡𐴕𐴃𐴡𐴓𐴧𐴝 𐴀𐴝𐴌𐴝𐴑𐴝𐴕𐴡𐴌 𐴖𐴡𐴌𐴠 𐴔𐴟𐴏𐴡𐴓𐴔𐴝𐴕𐴡𐴌 𐴒𐴡𐴓𐴁𐴝𐴘𐴞𐴌 𐴌𐴝𐴏𐴧𐴝 𐴏𐴥𐴝𐴉𐴢 𐴀𐴥𐴡𐴘𐴒𐴞𐴘𐴡𐴘|𐴇𐴦𐴝𐴓𐴡𐴃𐴢 𐴀𐴞𐴕𐴋𐴞𐴓𐴧𐴝 𐴕𐴝𐴦𐴎𐴟𐴑 𐴀𐴡𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴌𐴝𐴎𐴝 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝 𐴐𐴞𐴑𐴡𐴏𐴃𐴡 𐴀𐴦𐴡𐴕𐴡𐴌𐴁𐴝𐴊𐴠 𐴁𐴠𐴚𐴒𐴝𐴓𐴡𐴌 𐴏𐴟𐴓𐴃𐴝𐴕 𐴅𐴡𐴓𐴝𐴓𐴟 𐴊𐴧𐴞𐴕 𐴔𐴟𐴇𐴝𐴔𐴧𐴡𐴊𐴢 𐴐𐴝𐴦𐴇𐴌 𐴈𐴝𐴣𐴀𐴏𐴠 𐴉𐴝𐴕𐴝𐴓𐴡𐴘𐴧𐴠| 𐴀𐴝𐴌 𐴱𐴴𐴳𐴰 𐴐𐴥𐴡𐴕𐴡𐴃𐴢 𐴌𐴝𐴎𐴝 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝 𐴏𐴟𐴓𐴃𐴝𐴕𐴡𐴌 𐴔𐴡𐴊𐴡𐴃𐴓𐴡𐴘 𐴊𐴟𐴁𐴝𐴌𐴝 𐴀𐴝𐴌𐴝𐴑𐴝𐴕𐴡𐴌 𐴀𐴠𐴑𐴃𐴠𐴊𐴝𐴌 𐴇𐴝𐴏𐴠𐴓𐴢 𐴒𐴡𐴙𐴅𐴧𐴠||
𐴔𐴟𐴏𐴓𐴞𐴔𐴢 𐴏𐴟𐴓𐴃𐴝𐴕𐴠 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝𐴌 𐴏𐴝𐴣𐴀𐴃𐴠 𐴁𐴠𐴚𐴒𐴝𐴓𐴡𐴌 𐴓𐴡𐴐𐴑𐴡𐴌𐴥𐴡 𐴊𐴞𐴉𐴠𐴍𐴥𐴝𐴘𐴧𐴠 𐴎𐴠𐴍𐴠 𐴁𐴠𐴙𐴐𐴦𐴝 𐴁𐴠𐴙𐴐𐴞 𐴀𐴝𐴉𐴒𐴝𐴕𐴞 𐴉𐴡𐴗𐴏𐴡 𐴀𐴝𐴙𐴐𐴧𐴞𐴓𐴢| 𐴀𐴥𐴠 𐴌𐴝𐴎𐴝𐴘𐴧𐴠 𐴔𐴡𐴌𐴡𐴑𐴀𐴥𐴟 𐴐𐴦𐴡𐴀𐴌𐴡𐴌𐴠 𐴕𐴡𐴘𐴝𐴒𐴡𐴌𐴞 𐴌𐴝𐴎𐴊𐴤𐴝𐴕𐴞 𐴁𐴝𐴕𐴝𐴘𐴧𐴠 𐴀𐴝𐴌 𐴀𐴥𐴠𐴍𐴠 𐴃𐴝𐴌𐴏𐴝𐴣𐴀𐴃𐴠 𐴀𐴝𐴙𐴐𐴧𐴠𐴊𐴠 𐴔𐴟𐴏𐴓𐴞𐴔𐴢 𐴉𐴡𐴗𐴏𐴢 𐴀𐴡𐴑𐴧𐴡𐴓𐴢 𐴀𐴝𐴁𐴝𐴊𐴢 𐴀𐴡𐴘𐴧𐴠| 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴠 𐴐𐴥𐴟𐴌𐴟𐴔𐴧𐴝𐴎𐴠 𐴑𐴝𐴖𐴝𐴓𐴡𐴚 𐴉𐴝𐴌𐴝𐴃𐴢 𐴏𐴝𐴕𐴊𐴞 𐴈𐴝𐴕 𐴔𐴡𐴏𐴡𐴙𐴃𐴢 𐴁𐴠𐴕𐴝 𐴒𐴡𐴙𐴅𐴧𐴠||
𐴀𐴝𐴌𐴝𐴑𐴝𐴕𐴡𐴌𐴠 𐴊𐴡𐴈𐴡𐴓𐴢 𐴒𐴡𐴌𐴝𐴃𐴢 𐴔𐴡𐴊𐴡𐴃𐴢 𐴒𐴡𐴌𐴡𐴕𐴡𐴌 𐴁𐴡𐴊𐴡𐴓𐴝𐴃𐴢 𐴌𐴝𐴎𐴝𐴘𐴠 𐴀𐴝𐴌𐴝𐴑𐴝𐴕𐴡𐴌 𐴁𐴤𐴝𐴚𐴒𐴝 𐴀𐴠𐴓𐴝𐴑𐴝𐴌 𐴁𐴝𐴌𐴥𐴡𐴗𐴝𐴕 𐴁𐴡𐴏𐴃𐴞 𐴁𐴠𐴚𐴒𐴝𐴓𐴡𐴌 𐴔𐴝𐴃𐴝𐴇𐴝𐴃𐴢 𐴒𐴡𐴌𐴞𐴊𐴞𐴘𐴧𐴠 𐴀𐴝𐴌 𐴀𐴠𐴈𐴃𐴝𐴘𐴥𐴡 𐴔𐴝𐴕𐴞 𐴓𐴡𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴞𐴁𐴝𐴘𐴥𐴡 𐴁𐴠𐴚𐴒𐴝𐴓𐴡𐴌 𐴃𐴝𐴁𐴠𐴊𐴝𐴌𐴞 𐴒𐴡𐴌𐴞𐴁𐴡| 𐴀𐴥𐴠 𐴈𐴡𐴃𐴝𐴓𐴧𐴝 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝 𐴀𐴦𐴡𐴓𐴡𐴌 𐴓𐴡𐴑𐴡𐴁𐴢 𐴀𐴡𐴑𐴧𐴡𐴓𐴢 𐴀𐴞𐴏𐴓𐴝𐴔𐴞 𐴀𐴝𐴙𐴐𐴧𐴞𐴓𐴢 𐴀𐴝𐴌 𐴀𐴝𐴌𐴝𐴑𐴝𐴕𐴡𐴃𐴢 𐴁𐴠𐴚𐴒𐴝𐴓𐴡𐴌 𐴉𐴡𐴙𐴐𐴤𐴝 𐴀𐴡𐴑𐴧𐴡𐴓𐴢 𐴏𐴡𐴙𐴓𐴃𐴡 𐴎𐴞𐴕𐴡𐴌 𐴖𐴡𐴌𐴠 𐴑𐴝𐴓𐴞𐴔𐴝𐴌 𐴏𐴝𐴙𐴌𐴦𐴡 𐴃𐴡𐴌𐴡𐴉𐴢 𐴈𐴟𐴓𐴝𐴉𐴝𐴘𐴠 𐴌𐴝𐴐𐴠𐴊𐴞𐴕𐴡𐴌 𐴕𐴝𐴔𐴡 𐴕𐴡𐴑𐴐𐴤𐴝 𐴒𐴡𐴙𐴅𐴧𐴝 𐴀𐴝𐴙𐴐𐴧𐴞𐴓𐴢| 𐴀𐴝𐴌 𐴀𐴥𐴠 𐴉𐴡𐴙𐴐𐴥𐴝𐴌 𐴏𐴦𐴟𐴌𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴑𐴡𐴗𐴔𐴞 𐴕𐴞𐴐𐴝𐴕𐴝 𐴁𐴡𐴕𐴞𐴒𐴞𐴘𐴡𐴘| 𐴐𐴥𐴡𐴕 𐴱𐴴𐴳𐴳 𐴡𐴃𐴢 𐴏𐴟𐴓𐴃𐴝𐴕 𐴅𐴝𐴓𐴝𐴓𐴟 𐴊𐴧𐴞𐴕 𐴔𐴟𐴇𐴝𐴔𐴧𐴡𐴊𐴢 𐴐𐴦𐴝𐴇𐴌 𐴀𐴠𐴕𐴃𐴠𐴑𐴝𐴓𐴡𐴌 𐴉𐴤𐴟𐴖𐴝𐴣𐴀𐴃𐴞 𐴉𐴤𐴟𐴖𐴝𐴣𐴀𐴃𐴞 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝𐴘𐴥𐴡 𐴔𐴡𐴌𐴞𐴒𐴞𐴘𐴡𐴘| 𐴑𐴞𐴕𐴃𐴟 𐴀𐴝𐴌𐴝𐴑𐴝𐴕 𐴱𐴵𐴳𐴰 𐴐𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴠𐴚𐴒𐴝𐴓𐴢 𐴌𐴞𐴘𐴝𐴏𐴡𐴃𐴡𐴌 𐴃𐴝𐴁𐴠 𐴀𐴝𐴙𐴐𐴧𐴞𐴓𐴢||
𐴉𐴥𐴞𐴃𐴞𐴕 𐴱𐴵𐴵𐴹 𐴐𐴥𐴡𐴕𐴡𐴃𐴢 𐴕𐴝𐴌𐴝𐴔𐴞 𐴑𐴤𐴡𐴓𐴤𐴝𐴌 𐴀𐴠𐴑𐴎𐴡𐴕 𐴖𐴝𐴌𐴠𐴏𐴢 𐴀𐴟𐴓𐴊𐴝 𐴁𐴠𐴚𐴒𐴝𐴓𐴡𐴌 𐴀𐴠𐴓𐴝𐴑𐴝 𐴆𐴞𐴄𐴝𐴒𐴝𐴚𐴡𐴌 𐴖𐴡𐴌𐴠 𐴇𐴝𐴔𐴓𐴝𐴒𐴡𐴌𐴞 𐴕𐴞𐴎𐴡𐴌 𐴃𐴝𐴁𐴠 𐴒𐴡𐴌𐴞𐴓𐴡𐴘 𐴉𐴠𐴓𐴝𐴘𐴧𐴠 𐴀𐴝𐴌 𐴀𐴠 𐴇𐴝𐴓𐴡𐴃𐴢 𐴱𐴶𐴶𐴶 𐴉𐴡𐴙𐴅𐴧𐴡𐴕𐴃𐴡 𐴏𐴡𐴓𐴝𐴃𐴢 𐴀𐴝𐴙𐴐𐴧𐴞𐴓𐴢 𐴎𐴠𐴃𐴧𐴡𐴃𐴢 𐴀𐴟𐴌𐴡𐴚𐴎𐴞𐴁𐴢 𐴁𐴝𐴐𐴧𐴝 𐴀𐴝𐴓𐴡𐴔𐴒𐴞𐴌𐴡𐴌 𐴎𐴡𐴁𐴝𐴕𐴝𐴃𐴢 𐴔𐴟𐴒𐴡𐴓𐴢 𐴇𐴡𐴑𐴟𐴔𐴡𐴃𐴠 𐴊𐴟𐴁𐴝𐴌𐴝 𐴆𐴞𐴄𐴝𐴒𐴝𐴚𐴡𐴌𐴠 𐴀𐴝𐴎𐴝𐴊𐴢 𐴒𐴡𐴙𐴅𐴧𐴠| 𐴔𐴡𐴌𐴡𐴑 𐴀𐴥𐴟𐴌 𐴌𐴝𐴎𐴝𐴌 𐴀𐴥𐴠 𐴎𐴡𐴁𐴝𐴕𐴝𐴌𐴠 𐴆𐴞𐴄𐴝𐴒𐴝𐴚 𐴀𐴝𐴌𐴝𐴑𐴝𐴕 𐴇𐴡𐴑𐴟𐴔𐴡𐴃𐴢 𐴁𐴡𐴓𐴞𐴈𐴡𐴘 𐴎𐴝𐴕𐴝𐴎𐴝| 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝 𐴌𐴞𐴘𐴝𐴏𐴡𐴃𐴠 𐴁𐴠𐴚𐴒𐴝𐴓𐴡𐴃𐴢 𐴀𐴝𐴎𐴝𐴊𐴞 𐴇𐴝𐴏𐴠𐴓𐴢 𐴒𐴡𐴌𐴝𐴌 𐴁𐴝𐴊𐴠𐴘𐴥𐴡 𐴀𐴞𐴏𐴓𐴝𐴔𐴞 𐴓𐴡𐴑𐴡𐴁𐴢 𐴀𐴡𐴑𐴧𐴡𐴓𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴙𐴃𐴧𐴡 𐴀𐴝𐴌 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴢 𐴖𐴡𐴌𐴡𐴌 𐴃𐴡𐴁𐴑𐴝𐴌 𐴎𐴞𐴔𐴧𐴝𐴊𐴝𐴌𐴞 𐴔𐴧𐴝𐴎𐴠 𐴑𐴝𐴘𐴠𐴔𐴢 𐴀𐴝𐴙𐴐𐴧𐴞𐴓𐴢 𐴀𐴝𐴌 𐴐𐴤𐴡𐴔𐴝𐴎𐴡𐴃𐴢 𐴃𐴝𐴌𐴝 𐴑𐴝𐴁𐴠𐴓𐴠 𐴑𐴡𐴊𐴡𐴌 𐴔𐴝𐴕𐴥𐴟𐴙𐴐𐴢 𐴀𐴥𐴞𐴏𐴝𐴉𐴠 𐴀𐴝𐴙𐴐𐴧𐴞𐴓𐴢| 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴀𐴝𐴌𐴝𐴑𐴝𐴕𐴡𐴌 𐴔𐴟𐴏𐴓𐴞𐴔𐴢 𐴁𐴡𐴐𐴥𐴡𐴃𐴞 𐴱𐴷𐴰𐴰𐴐𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴝𐴌𐴥𐴝𐴃𐴢 𐴀𐴝𐴙𐴐𐴧𐴞𐴓𐴢||
𐴱𐴶𐴶𐴰–𐴑𐴝𐴔𐴧𐴠𐴣𐴌 𐴕𐴡𐴏𐴡𐴓𐴢
𐴔𐴟𐴒𐴡𐴓𐴢 𐴂𐴌𐴠𐴣𐴏𐴢 𐴐𐴝𐴇 𐴐𐴟𐴅𐴝𐴀 𐴕𐴞𐴎𐴡𐴌 𐴁𐴝𐴉𐴡𐴌 𐴃𐴡𐴌𐴡𐴉𐴡𐴃𐴧𐴞 𐴁𐴠𐴚𐴒𐴝𐴓𐴢 𐴀𐴠𐴏𐴄𐴠𐴄𐴡𐴌 𐴒𐴡𐴖𐴡𐴌𐴕𐴡𐴌 𐴀𐴝𐴙𐴐𐴧𐴞𐴓𐴢| 𐴏𐴟𐴓𐴃𐴝𐴕𐴡𐴌 𐴁𐴞𐴙𐴌𐴝𐴔𐴡𐴌 𐴁𐴝𐴊𐴠 𐴎𐴡𐴈𐴡𐴕 𐴀𐴥𐴞𐴁𐴝 𐴕𐴞𐴎𐴡𐴌 𐴁𐴤𐴝𐴘 𐴀𐴟𐴌𐴡𐴚𐴎𐴞𐴁𐴢 𐴀𐴝𐴓𐴡𐴔𐴒𐴞𐴌𐴡𐴌 𐴃𐴡𐴌𐴉𐴡𐴃𐴧𐴟 𐴐𐴠𐴑𐴡𐴏𐴃𐴡 𐴀𐴥𐴡𐴘𐴧𐴠 𐴀𐴦𐴠𐴣𐴃𐴧𐴠 𐴀𐴥𐴞𐴁𐴝𐴘𐴠 𐴀𐴝𐴌𐴝𐴑𐴝𐴕𐴡𐴃𐴢 𐴉𐴝𐴕𐴤𐴝 𐴓𐴡𐴘𐴁𐴝𐴌 𐴉𐴝𐴘𐴏𐴝𐴓𐴝 𐴒𐴡𐴙𐴅𐴧𐴠| 𐴀𐴥𐴠𐴈𐴡𐴃𐴝𐴓𐴧𐴝 𐴀𐴥𐴞𐴁𐴝𐴘𐴧𐴠 𐴱𐴶𐴶𐴰 𐴐𐴥𐴡𐴕𐴡𐴃𐴢 𐴀𐴝𐴌𐴝𐴑𐴝𐴕𐴡𐴌 𐴌𐴝𐴎𐴝 𐴏𐴝𐴕𐴊𐴝 𐴃𐴤𐴟𐴊𐴔𐴝𐴌 𐴀𐴥𐴠𐴍𐴠𐴎𐴝𐴘 𐴉𐴝𐴕𐴤𐴝 𐴓𐴡𐴘𐴧𐴠 𐴎𐴞𐴁𐴝𐴘𐴠 𐴀𐴥𐴞𐴁𐴝𐴌 𐴏𐴝𐴣𐴀𐴃𐴠 𐴖𐴝𐴊𐴝 𐴒𐴡𐴙𐴅𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴞𐴃𐴠 𐴃𐴝𐴌𐴝𐴌𐴥𐴠 𐴇𐴡𐴅𐴡𐴃𐴢 𐴎𐴝𐴘𐴁𐴡𐴓𐴧𐴝 𐴎𐴝𐴣𐴀𐴏𐴢 𐴄𐴞𐴑𐴒𐴡𐴌𐴞𐴊𐴞𐴁𐴡| 𐴑𐴞𐴕𐴃𐴟 𐴀𐴥𐴞𐴃𐴠 𐴖𐴝𐴊𐴝𐴈𐴠𐴓𐴝𐴉𐴞 𐴒𐴡𐴌𐴞 𐴐𐴝𐴇 𐴐𐴟𐴅𐴝𐴌 𐴐𐴤𐴟𐴕𐴝–𐴐𐴝𐴣𐴊𐴞 𐴀𐴝𐴌 𐴑𐴞𐴔𐴡𐴃𐴞 𐴉𐴝𐴃𐴧𐴡𐴌 𐴀𐴡𐴑𐴧𐴡𐴓𐴢 𐴊𐴡𐴈𐴡𐴓𐴢 𐴒𐴡𐴌𐴞 𐴓𐴡𐴘𐴉𐴠𐴓𐴝𐴘𐴧𐴠| 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴐𐴝𐴇 𐴐𐴟𐴅𐴝𐴀 𐴕𐴞𐴎𐴡𐴌 𐴲𐴰𐴰 𐴏𐴝𐴣𐴀𐴃𐴞 𐴀𐴝𐴌 𐴊𐴠𐴐𐴥𐴡𐴙𐴃𐴧𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴞𐴓𐴞 𐴉𐴝𐴘𐴏𐴝𐴓𐴝 𐴒𐴡𐴙𐴅𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴀𐴝𐴌𐴝𐴑𐴝𐴕𐴡𐴌 𐴌𐴝𐴎𐴝𐴌 𐴀𐴠𐴑𐴃𐴠𐴊𐴝𐴌 𐴊𐴡𐴈𐴡𐴓𐴢 𐴒𐴡𐴌𐴞𐴉𐴠𐴓𐴝𐴘𐴁𐴡 𐴑𐴞𐴘𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴀𐴥𐴞𐴃𐴠 𐴖𐴝𐴊𐴝 𐴈𐴠𐴓𐴝𐴉𐴞 𐴒𐴡𐴙𐴅𐴧𐴠| 𐴀𐴥𐴠𐴈𐴡𐴃𐴝𐴓𐴧𐴝 𐴐𐴝𐴇 𐴐𐴟𐴅𐴝𐴀𐴌 𐴓𐴡𐴐𐴑𐴡𐴌𐴠 𐴃𐴤𐴟𐴊𐴔𐴝𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞𐴊𐴞𐴘𐴧𐴠 𐴀𐴝𐴌 𐴌𐴝𐴎𐴝𐴌 𐴒𐴤𐴡𐴌𐴡𐴃𐴢 𐴀𐴡𐴙𐴕 𐴊𐴞𐴁𐴝𐴌 𐴑𐴡𐴌𐴞𐴁𐴢 𐴑𐴡𐴌𐴞𐴁𐴢 𐴀𐴡𐴘𐴧𐴠| 𐴀𐴥𐴠 𐴇𐴝𐴔𐴓𐴝 𐴔𐴧𐴝𐴎𐴠 𐴀𐴡𐴒𐴡𐴕𐴝 𐴔𐴟𐴒𐴡𐴓𐴢 𐴉𐴡𐴗𐴏𐴢 𐴀𐴡𐴑𐴧𐴡𐴓𐴢 𐴔𐴝𐴌𐴝 𐴒𐴞𐴘𐴧𐴠 𐴀𐴝𐴌 𐴁𐴠𐴙𐴐𐴢 𐴀𐴥𐴞𐴏𐴧𐴝𐴌𐴠 𐴒𐴠𐴌𐴡𐴉𐴃𐴝𐴌 𐴒𐴡𐴌𐴞𐴉𐴠𐴓𐴝𐴘𐴧𐴠| 𐴐𐴥𐴡𐴕 𐴱𐴶𐴶𐴱 𐴡𐴃𐴢 𐴐𐴝𐴇 𐴐𐴟𐴅𐴝𐴀 𐴀𐴝𐴌 𐴃𐴝𐴌 𐴁𐴦𐴡𐴗𐴃𐴢 𐴏𐴝𐴣𐴀𐴃𐴞 𐴀𐴝𐴌𐴝𐴑𐴝𐴕𐴞 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴀𐴥𐴝𐴃𐴡𐴃𐴢 𐴔𐴝𐴌𐴝𐴒𐴞𐴘𐴧𐴠| 𐴐𐴥𐴡𐴕 𐴱𐴶𐴶𐴳 𐴡𐴃𐴢 𐴐𐴝𐴇 𐴐𐴟𐴅𐴝𐴀𐴌 𐴉𐴟𐴖𐴝𐴘𐴕𐴊𐴥𐴡𐴌𐴠 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝𐴘𐴠 𐴒𐴟𐴓𐴝𐴔𐴢 𐴁𐴝𐴕𐴝𐴘 𐴉𐴠𐴓𐴝𐴘𐴧𐴠، 𐴎𐴤𐴞𐴘𐴡𐴌 𐴏𐴝𐴣𐴀𐴃𐴠 𐴎𐴞𐴘𐴝𐴊𐴡𐴃𐴞 𐴒𐴡𐴙𐴅𐴧𐴠 𐴘𐴦𐴝𐴌𐴁𐴝𐴊𐴠 𐴑𐴡𐴃𐴡𐴓𐴢 𐴒𐴡𐴌𐴞𐴊𐴞𐴘𐴧𐴠||
𐴐𐴝𐴇 𐴐𐴟𐴅𐴝𐴀𐴌 𐴏𐴝𐴣𐴀𐴃𐴠 𐴀𐴝𐴙𐴐𐴧𐴠𐴊𐴠 𐴁𐴝𐴑𐴞 𐴔𐴝𐴙𐴕𐴐𐴥𐴡𐴌𐴠 𐴃𐴝𐴁𐴠𐴊𐴝𐴌 𐴁𐴝𐴕𐴝𐴘 𐴃𐴝𐴌𐴝𐴌 𐴑𐴝𐴔𐴝𐴕 𐴀𐴡𐴓𐴝 𐴒𐴟𐴌𐴟𐴉𐴡𐴃𐴢 𐴐𐴝𐴔𐴠𐴓𐴢 𐴒𐴡𐴌𐴞𐴊𐴞𐴘𐴧𐴠 𐴎𐴠𐴕𐴃𐴞 𐴃𐴝𐴌𐴝𐴌 𐴕𐴝𐴔𐴢 𐴑𐴝𐴔𐴝𐴕 𐴀𐴥𐴡𐴘𐴒𐴞𐴘𐴡𐴘| 𐴀𐴥𐴠 𐴔𐴝𐴕𐴥𐴟𐴙𐴐𐴢 𐴒𐴞𐴕 𐴀𐴥𐴡𐴘𐴓𐴊𐴠 𐴀𐴠𐴈𐴡𐴕 𐴀𐴝𐴏𐴠𐴊𐴠 𐴑𐴝𐴔𐴧𐴠𐴣 𐴔𐴟𐴏𐴡𐴓𐴔𐴝𐴕𐴡𐴌 𐴁𐴝𐴉𐴢–𐴊𐴝𐴊𐴝 𐴀𐴡𐴑𐴧𐴡𐴓𐴢| 𐴀𐴝𐴌𐴠𐴑 𐴋𐴥𐴝𐴇𐴡𐴃𐴧𐴞 𐴀𐴟𐴌𐴡𐴚𐴎𐴞𐴁𐴡𐴌 𐴃𐴡𐴌𐴉𐴡𐴃𐴧𐴞 𐴁𐴝𐴕𐴝 𐴒𐴞𐴘𐴠𐴊𐴠 𐴁𐴠𐴚𐴒𐴝𐴓𐴡𐴌 𐴕𐴡𐴘𐴝 𐴒𐴡𐴖𐴡𐴌𐴕𐴡𐴌 𐴐𐴝𐴘𐴏𐴃𐴝𐴤 𐴈𐴝𐴕𐴠 𐴇𐴥𐴝𐴔𐴓𐴝 𐴒𐴡𐴌𐴞 𐴀𐴝𐴌𐴝𐴑𐴝𐴕𐴡𐴃𐴧𐴞 𐴆𐴞𐴄𐴝𐴒𐴝𐴚، 𐴌𐴝𐴔𐴟، 𐴉𐴟𐴑 𐴁𐴠𐴚𐴒𐴝𐴓𐴢، 𐴏𐴞𐴕𐴋𐴟𐴁𐴢، 𐴋𐴞𐴘𐴝𐴚𐴒𐴝𐴌𐴠 𐴕𐴞𐴎𐴡𐴌 𐴊𐴡𐴈𐴡𐴓𐴡𐴃𐴢 𐴓𐴡𐴘𐴉𐴠𐴓𐴝𐴘𐴧𐴠 𐴀𐴝𐴌 𐴕𐴝𐴉𐴢 𐴊𐴡𐴌𐴞𐴘𐴝 𐴉𐴡𐴙𐴅𐴧𐴡𐴕𐴃𐴡 𐴀𐴠𐴓𐴝𐴑𐴝 𐴀𐴡𐴑𐴧𐴡𐴓𐴡𐴌𐴠 𐴁𐴠𐴚𐴒𐴝𐴓𐴡𐴃𐴢 𐴐𐴝𐴔𐴠𐴓𐴢 𐴒𐴡𐴌𐴞 𐴉𐴠𐴓𐴝𐴘𐴧𐴠| 𐴏𐴞𐴕𐴊𐴝 𐴃𐴤𐴟𐴊𐴔𐴝 𐴱𐴶𐴸𐴴 𐴐𐴥𐴡𐴕𐴡𐴃𐴢 𐴔𐴝𐴌𐴝𐴎𐴡𐴕𐴡𐴌 𐴁𐴝𐴊𐴠 (𐴑𐴝𐴔𐴧𐴠𐴣) 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴢 𐴀𐴟𐴃𐴧𐴡𐴌 𐴇𐴞𐴕𐴊𐴟𐴏𐴃𐴝𐴕𐴡𐴃𐴧𐴞 𐴀𐴝𐴙𐴐𐴧𐴠𐴊𐴠 𐴀𐴝𐴉𐴒𐴝𐴕 𐴃𐴝𐴅𐴠𐴌 𐴀𐴡𐴑𐴧𐴡𐴓𐴡𐴌 𐴏𐴝𐴣𐴀𐴃𐴠 𐴔𐴞𐴓𐴞 𐴏𐴡𐴈𐴃𐴡 𐴃𐴝𐴑𐴡𐴃𐴢 𐴀𐴡𐴓𐴝 𐴀𐴥𐴡𐴘𐴒𐴞𐴘𐴡𐴘 𐴀𐴝𐴌 𐴀𐴝𐴌𐴝𐴑𐴝𐴕𐴡𐴌 𐴀𐴠𐴑𐴃𐴠𐴊𐴝𐴌 (𐴁𐴦𐴝𐴐𐴧𐴝) 𐴁𐴡𐴕𐴞𐴒𐴞𐴘𐴡𐴘| 𐴇𐴞𐴕𐴊𐴟𐴏𐴃𐴝𐴕𐴡𐴃𐴧𐴞 𐴀𐴝𐴙𐴐𐴧𐴠𐴊𐴠 𐴀𐴝𐴌𐴥𐴡 𐴉𐴡𐴗𐴏𐴢 𐴀𐴡𐴑𐴧𐴡𐴓𐴠 𐴃𐴝𐴌𐴝𐴌𐴠 𐴔𐴡𐴊𐴡𐴃𐴢 𐴒𐴡𐴙𐴅𐴧𐴠| 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴑𐴝𐴔𐴧𐴠𐴣 𐴀𐴝𐴌𐴝𐴑𐴝𐴕𐴡𐴌 𐴖𐴡𐴌𐴠 𐴱𐴶𐴸𐴴 𐴐𐴥𐴡𐴕𐴡𐴃𐴧𐴞 𐴱𐴷𐴱𐴰 𐴐𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴒𐴝𐴓𐴠𐴁𐴢 𐴀𐴝𐴙𐴐𐴧𐴞𐴓𐴢 𐴀𐴞𐴇𐴝𐴣𐴃𐴡𐴑𐴧𐴠 𐴌𐴝𐴎𐴝 𐴏𐴞𐴕𐴊𐴝 𐴖𐴞𐴎𐴝𐴘𐴝𐴘𐴠 𐴃𐴝𐴌𐴝𐴌𐴠 𐴏𐴝𐴁𐴊𐴞𐴘𐴧𐴠 𐴀𐴝𐴌 𐴀𐴝𐴑𐴏𐴡𐴌 𐴑𐴝𐴔𐴧𐴠𐴣 𐴀𐴡𐴑𐴧𐴡𐴓𐴡𐴌𐴠 𐴀𐴝𐴌𐴝𐴑𐴝𐴕𐴡𐴌 𐴀𐴠𐴑 𐴋𐴞𐴘𐴝( 𐴌𐴝𐴔𐴁𐴠𐴌𐴞) 𐴀𐴝𐴌 𐴀𐴝𐴑𐴞𐴘𐴝𐴁𐴢 𐴐𐴦𐴡𐴌𐴡𐴌 𐴈𐴝𐴣𐴏𐴠 𐴀𐴠𐴑 𐴒𐴝𐴚𐴡𐴃𐴢 𐴅𐴡𐴓𐴝𐴖𐴡𐴃𐴡𐴕 𐴒𐴡𐴌𐴞𐴊𐴞𐴘𐴧𐴠||
𐴀𐴠𐴈𐴡𐴕 𐴑𐴝𐴔𐴧𐴠𐴣 𐴎𐴝𐴃𐴞𐴌𐴠 𐴀𐴡𐴉𐴞𐴐𐴞𐴘𐴝𐴓𐴢 𐴁𐴤𐴝𐴉𐴠 𐴁𐴡𐴌𐴔𐴥𐴝𐴌 𐴀𐴠𐴑𐴐𐴥𐴡 𐴉𐴝𐴣𐴃𐴧𐴞𐴌𐴞𐴐𐴢 𐴓𐴡𐴔𐴁𐴡𐴌(𐴱𐴳𐴵)𐴈𐴡𐴔 𐴀𐴝𐴁𐴝𐴊𐴞 𐴑𐴡𐴗𐴔𐴢 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴀𐴠𐴑𐴒𐴟𐴗𐴝 𐴔𐴟𐴏𐴓𐴞𐴔𐴢 𐴈𐴡𐴔𐴀𐴝𐴁𐴝𐴊𐴞 𐴎𐴝𐴃𐴞 𐴀𐴥𐴞𐴏𐴝𐴉𐴠 𐴒𐴡𐴕𐴝𐴎𐴝| 𐴀𐴝𐴌 𐴃𐴝𐴌𐴝𐴌 𐴀𐴝𐴁𐴝𐴊𐴞 𐴵𐴰 𐴉𐴡𐴕𐴎𐴝𐴐𐴢 𐴀𐴥𐴝𐴎𐴝𐴌𐴡𐴌 𐴇𐴝𐴣𐴏𐴝 𐴇𐴝𐴣𐴏𐴞| 𐴏𐴞𐴕𐴊𐴝 𐴃𐴤𐴟𐴊𐴔𐴝 𐴔𐴝𐴌𐴝𐴑 𐴀𐴥𐴟𐴌 𐴌𐴝𐴎𐴝 𐴀𐴡𐴑𐴧𐴡𐴓𐴡𐴌 𐴀𐴝𐴈𐴠𐴌𐴞 𐴃𐴝𐴑𐴡𐴃𐴢 𐴀𐴡𐴓𐴝 𐴌𐴝𐴎𐴝 𐴀𐴝𐴙𐴐𐴧𐴞𐴓𐴢| 𐴘𐴦𐴝𐴌𐴁𐴝𐴊𐴠 𐴱𐴰𐴰 𐴁𐴡𐴏𐴥𐴡𐴌 𐴉𐴡𐴙𐴅𐴧𐴡𐴕𐴃𐴡 𐴔𐴝𐴌𐴝𐴑 𐴀𐴥𐴟 𐴌𐴞𐴘𐴝𐴏𐴡𐴃𐴢 𐴏𐴡𐴓𐴝𐴃𐴢 𐴀𐴝𐴙𐴐𐴧𐴞𐴓𐴢 𐴑𐴞𐴕𐴃𐴟 𐴁𐴠𐴙𐴐𐴞 𐴑𐴡𐴔𐴎𐴟𐴌 𐴇𐴦𐴝𐴓𐴡𐴃𐴡𐴃𐴢 𐴀𐴝𐴐𐴧𐴞𐴓𐴊𐴠 𐴀𐴥𐴠𐴈𐴡𐴃𐴝𐴓𐴧𐴝 𐴁𐴝𐴔𐴝𐴌 𐴑𐴡𐴗𐴔𐴠 𐴀𐴝𐴌𐴝𐴑𐴝𐴕𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞 𐴃𐴝𐴌𐴝𐴌 𐴇𐴡𐴑𐴟𐴔𐴡𐴃𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞𐴊𐴞𐴘𐴧𐴠||
𐴐𐴥𐴡𐴕 𐴱𐴷𐴸𐴵 𐴁𐴝𐴔𐴝𐴌𐴡𐴌 𐴀𐴝𐴌𐴝𐴑𐴝𐴕𐴡𐴃𐴢 𐴇𐴥𐴝𐴔𐴓𐴝
𐴐𐴥𐴡𐴕 𐴱𐴷𐴸𐴵 𐴡𐴃𐴢 𐴁𐴡𐴌𐴔𐴥𐴝𐴌 𐴌𐴝𐴎𐴝 𐴁𐴟𐴊𐴟𐴇𐴂𐴝𐴘𐴝𐴘𐴠 𐴀𐴝𐴌𐴝𐴑𐴝𐴕𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞 𐴔𐴝𐴌𐴝𐴑 𐴀𐴥𐴟𐴌 𐴀𐴠𐴑𐴃𐴠𐴊𐴝𐴌𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞 𐴊𐴞𐴘𐴧𐴠| 𐴘𐴦𐴝𐴌𐴀𐴝𐴒𐴠 𐴉𐴡𐴙𐴅𐴧𐴡𐴕𐴃𐴡 𐴀𐴝𐴌𐴝𐴑𐴝𐴕 𐴀𐴠𐴑𐴧𐴝𐴕 𐴀𐴝𐴎𐴝𐴊𐴢 𐴌𐴞𐴘𐴝𐴏𐴡𐴃𐴢 𐴀𐴝𐴙𐴐𐴧𐴞𐴓𐴢| 𐴱𐴷𐴹𐴹 𐴐𐴥𐴡𐴕𐴡𐴃𐴢 𐴳𐴵 𐴀𐴥𐴝𐴎𐴝𐴌 𐴀𐴝𐴌𐴝𐴑𐴝𐴕𐴞 𐴁𐴝𐴔𐴝𐴌 𐴑𐴡𐴗𐴔𐴡𐴌 𐴎𐴟𐴓𐴟𐴔𐴡𐴃𐴧𐴞 𐴁𐴝𐴏𐴞𐴁𐴝𐴌 𐴀𐴝𐴐𐴤𐴝𐴓𐴡𐴘 𐴀𐴥𐴠 𐴎𐴡𐴁𐴝𐴕𐴝𐴌 𐴁𐴞𐴌𐴞𐴄𐴞𐴐𐴢 𐴁𐴠𐴚𐴒𐴝𐴓𐴡𐴌 𐴔𐴝𐴃𐴝𐴇𐴝𐴃𐴞 𐴆𐴞𐴄𐴝𐴒𐴝𐴚𐴡𐴃𐴢 𐴉𐴝𐴕𐴤𐴝𐴓𐴡𐴘𐴧𐴠| 𐴁𐴝𐴔𐴝𐴌 𐴑𐴡𐴀𐴔𐴠 𐴀𐴝𐴌𐴝𐴑𐴝𐴕𐴡𐴌 𐴀𐴥𐴝𐴎𐴝𐴌 𐴀𐴥𐴝𐴎𐴝𐴌 𐴔𐴟𐴏𐴡𐴓𐴔𐴝𐴕𐴡𐴌𐴠 𐴑𐴡𐴃𐴡𐴓𐴢 𐴒𐴡𐴙𐴅𐴧𐴠 𐴀𐴝𐴌 𐴁𐴠𐴙𐴐𐴢 𐴀𐴥𐴞𐴏𐴧𐴝𐴌𐴠 𐴔𐴡𐴊𐴧𐴡 𐴁𐴡𐴌𐴔𐴥𐴝𐴃𐴢 𐴓𐴡𐴘𐴒𐴞𐴘𐴡𐴘|𐴀𐴞𐴇𐴝𐴣𐴃𐴡𐴑𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴞𐴌𐴞𐴄𐴞𐴐𐴠 𐴎𐴠𐴣𐴃𐴧𐴠 𐴀𐴝𐴌𐴝𐴑𐴝𐴕𐴡𐴌𐴠 𐴊𐴡𐴈𐴡𐴓𐴢 𐴒𐴡𐴙𐴅𐴧𐴠 𐴀𐴥𐴠𐴣𐴃𐴧𐴠 𐴀𐴥𐴠𐴍𐴞𐴘𐴝𐴌 𐴁𐴡𐴐𐴤𐴡𐴃𐴞 𐴁𐴠𐴙𐴐𐴞 𐴈𐴡𐴔𐴢 𐴀𐴝𐴙𐴐𐴧𐴞𐴓𐴢| 𐴌𐴝𐴎𐴝 𐴀𐴥𐴞𐴃𐴠 𐴀𐴝𐴌𐴝𐴑𐴝𐴕 𐴁𐴝𐴊𐴠 𐴔𐴡𐴕𐴞𐴉𐴟𐴌 𐴀𐴝𐴌 𐴀𐴦𐴝𐴏𐴝𐴔𐴡𐴌𐴠𐴘𐴥𐴡 𐴊𐴡𐴈𐴡𐴓𐴢 𐴒𐴡𐴌𐴞𐴉𐴠𐴓𐴝𐴘𐴧𐴠 𐴎𐴞𐴒𐴞𐴕 𐴀𐴠𐴈𐴡𐴕 𐴀𐴞𐴕𐴋𐴞𐴘𐴝 𐴔𐴧𐴝𐴎𐴠 𐴀𐴝𐴏𐴠||
𐴐𐴥𐴡𐴕 𐴱𐴸𐴲𐴶 𐴡𐴃𐴢 𐴁𐴡𐴌𐴃𐴝𐴕𐴞𐴘𐴝 𐴏𐴡𐴓𐴃𐴝𐴕𐴝𐴃𐴡𐴌 𐴔𐴝𐴃𐴝𐴇𐴝𐴃𐴢
𐴐𐴥𐴡𐴕 𐴱𐴸𐴲𐴶 𐴡𐴃𐴢 𐴉𐴦𐴡𐴘𐴓𐴝 𐴀𐴟𐴚𐴒𐴟𐴓𐴟 𐴁𐴡𐴌𐴔𐴥𐴞𐴌 𐴓𐴝𐴌𐴥𐴝𐴘𐴌 𐴁𐴝𐴊𐴠 𐴁𐴡𐴌𐴃𐴝𐴕𐴞𐴘𐴝 𐴀𐴝𐴌𐴝𐴑𐴝𐴕 𐴀𐴝𐴊𐴧𐴠 𐴄𐴝𐴕𐴧𐴡𐴎𐴝𐴌𐴞𐴌𐴠 𐴁𐴡𐴌𐴃𐴝𐴕𐴡𐴖𐴝 𐴁𐴠𐴚𐴒𐴝𐴓𐴡𐴃𐴢 𐴐𐴝𐴔𐴠𐴓𐴢 𐴒𐴡𐴌𐴞 𐴉𐴠𐴓𐴝𐴘𐴧𐴠| 𐴀𐴝𐴌 𐴁𐴠𐴚𐴒𐴝𐴓𐴞 𐴀𐴡𐴑𐴧𐴡𐴓𐴡𐴌𐴠 𐴀𐴟𐴏𐴑𐴝𐴘𐴊𐴞𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴦𐴝𐴃𐴠 𐴃𐴝𐴌𐴝 𐴀𐴝𐴌𐴝𐴑𐴕𐴡𐴌 𐴐𐴤𐴟𐴕𐴝𐴓𐴞 𐴎𐴡𐴁𐴞𐴕𐴡 𐴔𐴧𐴝𐴎𐴠 𐴑𐴤𐴠𐴃𐴞–𐴈𐴡𐴓𐴝 𐴀𐴡𐴑𐴧𐴡𐴓𐴢 𐴒𐴡𐴌𐴠 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠𐴃𐴧𐴡𐴃𐴢𐴀𐴝𐴌𐴝𐴑𐴝𐴕𐴡 𐴔𐴧𐴝𐴎𐴠 𐴁𐴡𐴐𐴤𐴡𐴃𐴞 𐴁𐴠𐴙𐴐𐴞 𐴈𐴡𐴔𐴢 𐴀𐴝𐴙𐴐𐴧𐴞𐴓𐴢| 𐴀𐴞𐴕𐴋𐴞𐴓𐴧𐴝𐴒𐴡𐴌𐴞 𐴁𐴠𐴙𐴐𐴝 𐴁𐴠𐴙𐴐𐴞 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴢 𐴆𐴞𐴄𐴝𐴒𐴝𐴚𐴡𐴌 𐴀𐴠𐴓𐴝𐴑𐴝𐴃𐴧𐴞 𐴀𐴝𐴙𐴐𐴧𐴠 𐴀𐴝𐴌 𐴀𐴝𐴌𐴝𐴑𐴝𐴕𐴡𐴌 𐴉𐴡𐴏𐴞𐴔𐴡𐴌 𐴒𐴝𐴚 𐴀𐴠𐴓𐴝𐴑𐴝 𐴀𐴡𐴑𐴧𐴡𐴓𐴡𐴃𐴢 𐴀𐴝𐴁𐴝𐴊𐴢 𐴀𐴡𐴘𐴒𐴞𐴘𐴡𐴘| 𐴘𐴦𐴝𐴌𐴁𐴝𐴊𐴠 𐴱𐴸𐴵𐴲 𐴐𐴥𐴡𐴕𐴡𐴃𐴢 𐴊𐴟𐴏𐴡𐴌𐴝 𐴀𐴟𐴚𐴒𐴟𐴓𐴟 𐴁𐴡𐴌𐴔𐴥𐴞𐴌 𐴓𐴝𐴌𐴥𐴝𐴘𐴃𐴢 𐴔𐴡𐴊𐴧𐴡 𐴁𐴡𐴌𐴔𐴥𐴝 𐴀𐴝𐴌 𐴱𐴸𐴵𐴸 𐴐𐴥𐴡𐴕𐴡𐴃𐴢 𐴃𐴠𐴏𐴝𐴌𐴝 𐴀𐴟𐴚𐴒𐴟𐴓𐴟 𐴁𐴡𐴌𐴔𐴥𐴞𐴌 𐴓𐴝𐴌𐴥𐴝𐴘𐴃𐴢 𐴖𐴡𐴌𐴡𐴌 𐴁𐴡𐴌𐴔𐴥𐴝 𐴀𐴝𐴌 𐴱𐴸𐴹𐴰 𐴐𐴥𐴡𐴕𐴡𐴃𐴢 𐴐𐴝𐴕 𐴀𐴠𐴏𐴄𐴠𐴋 𐴐𐴤𐴡𐴀𐴡 𐴁𐴡𐴌𐴃𐴝𐴕𐴞𐴘𐴝𐴌 𐴊𐴡𐴈𐴡𐴓𐴡𐴃𐴢 𐴀𐴦𐴝𐴘𐴒𐴞𐴘𐴡𐴘||
𐴑𐴞𐴕𐴃𐴟 𐴇𐴞𐴕𐴊𐴟𐴏𐴃𐴝𐴕𐴡𐴃𐴧𐴞 𐴁𐴡𐴌𐴔𐴥𐴝𐴌 𐴃𐴡𐴌𐴡𐴉𐴢 𐴇𐴞𐴅𐴌𐴡𐴃𐴡𐴌 𐴐𐴥𐴞𐴔𐴝𐴕𐴝 𐴏𐴞𐴌𐴞𐴉𐴢 𐴀𐴝𐴌𐴝𐴑𐴝𐴕 𐴉𐴡𐴙𐴅𐴧𐴡𐴕𐴃𐴡 𐴕𐴡 𐴀𐴝𐴙𐴐𐴧𐴞𐴓𐴢 𐴁𐴤𐴡𐴓𐴑𐴠 𐴉𐴟𐴌𐴝 𐴁𐴡𐴌𐴔𐴥𐴝 𐴔𐴧𐴝𐴎𐴠 𐴀𐴥𐴡𐴘𐴧𐴠| 𐴀𐴞𐴕𐴋𐴞𐴘𐴝𐴃𐴧𐴞 𐴇𐴞𐴅𐴌𐴡𐴃𐴢 𐴀𐴥𐴞𐴁𐴝 𐴱𐴹𐴲𐴷 𐴐𐴥𐴡𐴕𐴡𐴃𐴢 𐴀𐴠𐴕𐴃𐴠𐴇𐴝𐴘𐴞 𐴊𐴡𐴌𐴡𐴅𐴝 𐴉𐴡𐴙𐴅𐴧𐴡𐴕𐴃𐴡 𐴉𐴡𐴣𐴀𐴐𐴧𐴠𐴒𐴡𐴘 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠𐴀𐴡𐴃𐴧𐴡𐴃𐴢 𐴌𐴠𐴚𐴒𐴟𐴕 𐴐𐴦𐴡𐴀𐴌 𐴔𐴟𐴇𐴝𐴅𐴠𐴌 𐴀𐴡𐴑𐴧𐴡𐴓𐴡𐴌 𐴀𐴠𐴃𐴠𐴁𐴝𐴌𐴠 𐴊𐴟𐴕𐴞𐴘𐴝𐴌 𐴁𐴠𐴙𐴒𐴧𐴞𐴕𐴡𐴃𐴧𐴞 𐴁𐴡𐴌𐴡 𐴐𐴦𐴡𐴀𐴌 𐴁𐴡𐴕𐴞𐴒𐴞𐴘𐴡𐴘| 𐴀𐴝𐴌 𐴁𐴡𐴌𐴔𐴥𐴝𐴌 𐴁𐴡𐴌𐴡 𐴁𐴡𐴌𐴡 𐴐𐴦𐴡𐴀𐴌 𐴀𐴡𐴑𐴧𐴡𐴓𐴡𐴃𐴢 𐴇𐴞𐴕𐴊𐴟𐴏𐴃𐴝𐴕𐴡𐴌 𐴔𐴟𐴇𐴝𐴅𐴞𐴌 𐴀𐴦𐴡𐴓𐴢 𐴀𐴝𐴑𐴏𐴡𐴌 𐴀𐴝𐴁𐴝𐴊𐴞 𐴀𐴦𐴡𐴓𐴝 𐴁𐴡𐴕𐴞𐴒𐴞𐴘𐴡𐴘||
𐴐𐴥𐴡𐴕 𐴱𐴹𐴳𐴷 𐴡𐴃𐴢 𐴁𐴡𐴌𐴃𐴝𐴕𐴞𐴘𐴝𐴃𐴧𐴞 𐴀𐴝𐴎𐴝𐴊𐴞𐴌 𐴑𐴟𐴐𐴞𐴐𐴢
𐴁𐴡𐴌𐴃𐴝𐴕𐴞𐴘𐴝𐴌 𐴊𐴡𐴈𐴡𐴓𐴡𐴌 𐴎𐴡𐴌𐴞𐴘𐴝 𐴁𐴡𐴌𐴔𐴥𐴝𐴌 𐴑𐴡𐴗𐴔𐴢 𐴀𐴡𐴑𐴧𐴡𐴓𐴡𐴌 𐴁𐴥𐴟𐴃𐴡𐴌𐴠 𐴁𐴡𐴌𐴃𐴝𐴕𐴞𐴘𐴝𐴌 𐴖𐴡𐴌𐴠 𐴕𐴝𐴉𐴡𐴌𐴡𐴃𐴞𐴌 𐴉𐴟𐴗𐴝𐴣𐴃𐴞 𐴉𐴟𐴗𐴝𐴣𐴃𐴞 𐴁𐴠𐴚𐴒𐴝𐴓𐴞 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠𐴘𐴥𐴡 𐴕𐴝𐴉𐴡𐴌𐴡𐴃𐴢 𐴉𐴡𐴙𐴊𐴝𐴖𐴝 𐴐𐴥𐴟𐴌𐴟 𐴀𐴥𐴡𐴘𐴧𐴠 𐴎𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴁𐴡𐴌𐴃𐴝𐴕𐴞𐴘𐴝 𐴁𐴡𐴌𐴔𐴥𐴝𐴌𐴠 𐴊𐴡𐴈𐴡𐴓𐴢 𐴒𐴡𐴌𐴝𐴃𐴢 𐴀𐴝𐴐𐴧𐴞𐴓𐴢| 𐴀𐴥𐴠𐴈𐴡𐴃𐴝𐴓𐴧𐴝 𐴱𐴹𐴳𐴷 𐴐𐴥𐴡𐴕𐴡𐴃𐴢 𐴁𐴡𐴌𐴃𐴝𐴕𐴞𐴘𐴝𐴘𐴠 𐴁𐴡𐴌𐴔𐴥𐴝𐴌𐴠 𐴁𐴡𐴌𐴃𐴝𐴕𐴡𐴖𐴞 𐴀𐴞𐴕𐴋𐴞𐴘𐴝 𐴏𐴡𐴓𐴃𐴝𐴕𐴝𐴃𐴡𐴃𐴧𐴞 𐴀𐴝𐴓𐴝𐴊𐴝 𐴒𐴡𐴌𐴞 𐴁𐴟𐴋𐴧𐴞𐴏𐴢 𐴊𐴤𐴡𐴌𐴔𐴡𐴌 𐴁𐴡𐴌𐴡 𐴁𐴝𐴔𐴝𐴌𐴡𐴌𐴠 𐴁𐴡𐴌𐴡 𐴀𐴟𐴎𐴞𐴌 𐴁𐴝𐴕𐴝𐴘𐴢 𐴀𐴠𐴑𐴧𐴝𐴕 𐴔𐴟𐴏𐴃𐴡𐴑𐴞𐴓𐴢 𐴃𐴝𐴌𐴝𐴌 𐴑𐴟𐴓𐴟𐴕𐴞 𐴁𐴝𐴕𐴝𐴘 𐴊𐴞𐴘𐴧𐴠||
𐴑𐴞𐴕𐴃𐴟 𐴁𐴡𐴌𐴔𐴥𐴝𐴌 𐴁𐴤𐴝𐴐𐴞𐴕𐴊𐴝 𐴀𐴦𐴡𐴓𐴡𐴌 𐴀𐴝𐴎𐴝𐴊𐴞𐴌 𐴑𐴟𐴐𐴞𐴐𐴢 𐴅𐴝𐴌𐴞 𐴀𐴝𐴙𐴐𐴧𐴞𐴓𐴢| 𐴀𐴝𐴌 𐴱𐴹𐴴𐴰 𐴐𐴥𐴡𐴕𐴡 𐴔𐴧𐴝𐴎𐴠 𐴅𐴝𐴉𐴝𐴕𐴠 𐴋𐴦𐴟𐴋𐴞𐴘𐴝 𐴑𐴝𐴁𐴧𐴝𐴏𐴥𐴝𐴘(𐴘𐴝𐴕𐴞 𐴊𐴟𐴏𐴡𐴌𐴝 𐴀𐴦𐴝𐴓𐴡𐴔𐴞 𐴅𐴥𐴡𐴚𐴡𐴃𐴢) 𐴔𐴟𐴏𐴃𐴡𐴑𐴞𐴓𐴢 𐴊𐴝𐴈𐴠𐴓𐴢 𐴀𐴥𐴡𐴘𐴁𐴝𐴌 𐴀𐴝𐴒𐴡𐴃𐴧𐴞𐴓𐴡𐴃𐴞 𐴁𐴡𐴌𐴔𐴥𐴝𐴌 𐴔𐴡𐴐𐴦𐴟𐴌 𐴅𐴠𐴕𐴠𐴌𐴝𐴓𐴢 𐴀𐴡𐴚𐴏𐴝𐴚𐴠 𐴅𐴝𐴉𐴝𐴕𐴡 𐴔𐴧𐴝𐴎𐴠 𐴁𐴡𐴌𐴔𐴥𐴝 𐴕𐴠𐴐𐴕𐴝𐴓𐴢 𐴀𐴝𐴌𐴔𐴞 𐴑𐴝𐴗𐴕𐴏𐴠𐴓𐴢 𐴃𐴡𐴐𐴑𐴞𐴓𐴢 𐴊𐴞𐴘𐴧𐴠||
𐴀𐴠𐴑 𐴋𐴝𐴈𐴡𐴃𐴧𐴞 𐴱𐴹𐴳𐴹 𐴐𐴥𐴡𐴕𐴡 𐴔𐴧𐴝𐴎𐴠 𐴁𐴡𐴌𐴃𐴝𐴕𐴞𐴘𐴝 𐴇𐴡𐴑𐴟𐴔𐴡𐴃𐴠 𐴀𐴝𐴌𐴝𐴑𐴝𐴕𐴡𐴃𐴢 𐴁𐴡𐴐𐴤𐴡𐴃𐴞 𐴒𐴡𐴌𐴡𐴘𐴝 𐴌𐴝𐴑𐴧𐴝𐴙𐴚 𐴁𐴟𐴋𐴧𐴞𐴏𐴢 𐴀𐴝𐴊𐴧𐴠 𐴔𐴟𐴏𐴡𐴓𐴔𐴝𐴕𐴡𐴌 𐴊𐴡𐴌𐴔𐴞𐴘𐴝𐴕 𐴊𐴟𐴐𐴧𐴡𐴕𐴞𐴌𐴠 𐴀𐴠𐴇𐴏𐴝𐴏𐴢 𐴒𐴡𐴙𐴅𐴧𐴠 𐴎𐴞𐴘𐴝𐴕𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞𐴁𐴡𐴓𐴧𐴝 𐴁𐴡𐴌𐴃𐴝𐴕𐴞𐴘𐴝𐴘𐴠 𐴀𐴝𐴌𐴝𐴑𐴝𐴕𐴡𐴃𐴢 𐴔𐴟𐴏𐴡𐴓𐴔𐴝𐴕𐴡𐴌 𐴇𐴞𐴅𐴌𐴡𐴃𐴡𐴌 𐴁𐴝𐴁𐴡𐴃𐴠 𐴀𐴠𐴑𐴒𐴟𐴗𐴝 𐴑𐴡𐴔𐴞𐴐𐴝𐴕 𐴁𐴝𐴕𐴝𐴘𐴧𐴠| 𐴀𐴥𐴠 𐴑𐴡𐴔𐴞𐴐𐴝𐴕 𐴀𐴥𐴞𐴁𐴝𐴘𐴠 𐴐𐴤𐴟𐴖𐴝𐴌𐴞𐴐𐴢 𐴒𐴡𐴌𐴞𐴘𐴡𐴌𐴠 𐴀𐴝𐴌𐴡 𐴁𐴝𐴌𐴝𐴘𐴡𐴌𐴠 𐴇𐴞𐴅𐴌𐴡𐴃𐴢 𐴒𐴡𐴌𐴝𐴌𐴠 𐴌𐴟𐴑𐴞𐴁𐴡𐴓𐴧𐴝 𐴀𐴝𐴌𐴝𐴑𐴝𐴕𐴡𐴌 𐴀𐴝𐴊𐴧𐴠 𐴁𐴠𐴚𐴒𐴝𐴓𐴡𐴌 𐴊𐴡𐴌𐴔𐴞𐴘𐴝𐴕 𐴁𐴡𐴗𐴋𐴝𐴌𐴡𐴌𐴠 𐴁𐴡𐴕 𐴒𐴡𐴌𐴞 𐴊𐴞𐴘𐴧𐴠| 𐴎𐴞𐴘𐴝𐴕𐴧𐴞𐴑𐴞 𐴱𐴹𐴴𐴱 𐴐𐴥𐴡𐴕𐴡𐴃𐴢 𐴀𐴞𐴕𐴋𐴟 𐴁𐴡𐴌𐴔𐴞 𐴏𐴟𐴓𐴝𐴕𐴝𐴔𐴝𐴌 𐴁𐴝𐴊𐴠 𐴀𐴝𐴔𐴡𐴓𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴌𐴟𐴑𐴞 𐴒𐴞𐴘𐴡𐴘||
𐴀𐴝𐴌𐴠𐴑 𐴋𐴝𐴈𐴡𐴃𐴧𐴞( 𐴁𐴡𐴌𐴔𐴞 𐴁𐴡𐴌𐴃𐴝𐴕𐴞𐴘𐴝) 𐴀𐴝𐴌 ( 𐴁𐴟𐴋𐴧𐴞𐴏𐴢 𐴔𐴟𐴏𐴓𐴞𐴔𐴢) 𐴑𐴡𐴐𐴔𐴡𐴑𐴐𐴡𐴌𐴠 𐴊𐴠𐴑𐴤𐴞 𐴱𐴹𐴴𐴰 𐴊𐴡𐴐𐴤𐴡𐴑𐴡𐴃𐴢 𐴌𐴟𐴇𐴝𐴙𐴚𐴒𐴝 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴠 𐴕𐴞𐴎𐴡𐴌 𐴇𐴠𐴉𐴝𐴎𐴡𐴃𐴡𐴓𐴧𐴝 𐴀𐴝𐴓𐴡𐴑 𐴒𐴡𐴌𐴞𐴘𐴡𐴌𐴠 𐴃𐴝𐴇𐴌𐴞𐴑 𐴐𐴟𐴌𐴟 𐴒𐴡𐴅𐴧𐴠 𐴃𐴝𐴑𐴠 𐴀𐴥𐴠 𐴀𐴠𐴓𐴝𐴑𐴝𐴌𐴠 𐴔𐴦𐴟𐴔𐴧𐴞𐴑𐴧𐴝 𐴉𐴡𐴏𐴥𐴞𐴔𐴢 𐴉𐴝𐴑𐴞𐴃𐴝𐴕𐴡𐴌 𐴏𐴝𐴣𐴀𐴃𐴠 𐴓𐴝𐴇𐴠𐴑 𐴒𐴡𐴌𐴠𐴉𐴝𐴌𐴠||
𐴑𐴞𐴕𐴃𐴟 𐴃𐴡𐴈𐴡𐴕 𐴊𐴟𐴏𐴡𐴌𐴝 𐴀𐴝𐴓𐴡𐴔𐴞 𐴅𐴥𐴡𐴚 𐴐𐴥𐴟𐴌𐴡 𐴀𐴡𐴘𐴧𐴠 𐴀𐴝𐴌 𐴱𐴹𐴴𐴲 𐴐𐴥𐴡𐴕𐴡 𐴔𐴧𐴝𐴎𐴠 𐴅𐴝𐴉𐴝𐴕𐴞 𐴉𐴡𐴗𐴏𐴢 𐴀𐴡𐴑𐴧𐴡𐴓𐴠 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞 𐴊𐴞𐴘𐴧𐴠 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴁𐴡𐴌𐴃𐴝𐴕𐴞𐴘𐴝𐴌 𐴉𐴡𐴗𐴏𐴢 𐴀𐴡𐴑𐴧𐴡𐴓𐴢 𐴁𐴡𐴌𐴔𐴥𐴝 𐴀𐴝𐴌 𐴀𐴝𐴌𐴝𐴑𐴝𐴕𐴡𐴃𐴧𐴞𐴘𐴡 𐴉𐴞𐴏𐴧𐴝 𐴇𐴥𐴡𐴣𐴍𐴞 𐴒𐴞𐴘𐴡𐴘| 𐴑𐴞𐴕𐴃𐴟 𐴎𐴝𐴘𐴁𐴝𐴌 𐴀𐴡𐴃𐴧𐴡𐴃𐴢 𐴁𐴡𐴌𐴃𐴝𐴕𐴞𐴘𐴝 𐴕𐴞𐴎𐴡𐴌 𐴉𐴝𐴘𐴊𐴝𐴌 𐴈𐴝𐴃𐴠𐴌𐴠 𐴀𐴟𐴃𐴧𐴡𐴌 𐴀𐴝𐴌𐴝𐴑𐴝𐴕𐴡 𐴔𐴧𐴝𐴎𐴠 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴀𐴥𐴝𐴃𐴞𐴘𐴝𐴌 𐴊𐴞𐴘𐴧𐴠 𐴃𐴝𐴑𐴠 𐴀𐴥𐴠𐴃𐴝𐴌𐴝 𐴃𐴝𐴌𐴝 𐴀𐴝𐴊𐴧𐴠 𐴅𐴝𐴉𐴝𐴕𐴞 𐴉𐴡𐴗𐴏𐴢 𐴀𐴝𐴌 𐴃𐴝𐴌𐴝𐴌𐴠 𐴔𐴡𐴊𐴡𐴃𐴢 𐴒𐴡𐴌𐴡𐴘𐴝 𐴁𐴟𐴋𐴧𐴞𐴏𐴢 𐴔𐴡𐴑 𐴀𐴡𐴑𐴧𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴊𐴤𐴝𐴘𐴁𐴝𐴌 𐴌𐴝𐴏𐴧𐴝 𐴁𐴡𐴕𐴞 𐴎𐴝𐴒𐴡𐴘||
𐴉𐴞𐴃𐴞𐴕 𐴀𐴝𐴏𐴃𐴠 𐴀𐴝𐴏𐴃𐴠 𐴀𐴠𐴃𐴧𐴠𐴇𐴝𐴊𐴞 𐴊𐴠𐴙𐴐𐴢 𐴀𐴡𐴑𐴧𐴡𐴓𐴢 𐴊𐴟𐴁𐴝𐴌𐴝 𐴕𐴞𐴎𐴡𐴌𐴠 𐴕𐴞𐴎𐴠 𐴁𐴡𐴌𐴔𐴥𐴝 𐴔𐴧𐴝𐴎𐴠 𐴔𐴡𐴎𐴁𐴟𐴃𐴢 𐴒𐴡𐴙𐴅𐴧𐴠 𐴀𐴝𐴌 𐴱𐴹𐴴𐴵 𐴐𐴥𐴡𐴕𐴡𐴃𐴢 𐴅𐴝𐴉𐴝𐴕𐴞 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌𐴠 𐴐𐴞𐴑𐴡𐴏𐴃𐴡 𐴊𐴞𐴘𐴧𐴠| 𐴎𐴡𐴊𐴞𐴘𐴥𐴡 𐴐𐴥𐴟𐴌𐴟 𐴐𐴥𐴟𐴌𐴟 𐴁𐴠𐴙𐴐𐴝 𐴁𐴠𐴙𐴐𐴞 𐴁𐴡𐴌𐴔𐴥𐴞 𐴀𐴦𐴡𐴓𐴠 𐴁𐴡𐴌𐴔𐴥𐴝𐴌 𐴀𐴝𐴎𐴝𐴊𐴞𐴌 𐴈𐴝𐴃𐴠𐴌𐴠 𐴅𐴝𐴉𐴝𐴕𐴞 𐴉𐴡𐴗𐴏𐴢 𐴀𐴡𐴑𐴧𐴡𐴓𐴡𐴌 𐴃𐴡𐴌𐴡𐴉𐴊𐴝𐴌𐴞 𐴒𐴡𐴙𐴅𐴧𐴞𐴓𐴢 𐴑𐴞𐴕𐴃𐴟 𐴈𐴦𐴝𐴏𐴒𐴡𐴌𐴞 𐴁𐴡𐴌𐴔𐴥𐴝𐴌 𐴈𐴡𐴔𐴐𐴤𐴡𐴚𐴑𐴝 𐴀𐴝𐴁𐴝𐴊𐴞𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴡𐴘𐴝 𐴁𐴦𐴡𐴗𐴃𐴑𐴞𐴘𐴝 𐴀𐴞𐴕𐴋𐴞𐴓𐴧𐴝𐴘𐴥𐴡 𐴀𐴝𐴙𐴐𐴧𐴞𐴓𐴊𐴠 𐴎𐴝𐴌𐴝 𐴁𐴡𐴌𐴃𐴝𐴕𐴞𐴘𐴝𐴌 𐴁𐴡𐴌𐴔𐴥𐴞 𐴉𐴡𐴗𐴏𐴡𐴌 𐴋𐴦𐴝𐴘𐴡𐴃𐴢 𐴓𐴝𐴌𐴥𐴝𐴘𐴒𐴡𐴌𐴠𐴌| 𐴐𐴥𐴟𐴌𐴟 𐴔𐴧𐴝𐴎𐴠 𐴁𐴡𐴌𐴔𐴥𐴝𐴌 𐴕𐴠𐴐𐴕𐴝𐴓𐴢 𐴀𐴝𐴌𐴔𐴞 𐴀𐴝𐴌 𐴀𐴝𐴌𐴝𐴑𐴝𐴕 𐴕𐴠𐴐𐴕𐴝𐴓𐴢 𐴀𐴝𐴌𐴔𐴞 𐴅𐴝𐴉𐴝𐴕𐴡𐴌 𐴏𐴝𐴣𐴀𐴃𐴠 𐴔𐴞𐴓𐴞 𐴓𐴝𐴌𐴥𐴝𐴘 𐴒𐴡𐴙𐴅𐴧𐴞𐴓𐴢 𐴑𐴞𐴕𐴃𐴟 𐴱𐴹𐴴𐴵 𐴡𐴃𐴢 𐴅𐴝𐴉𐴝𐴕𐴡𐴌 𐴐𐴞𐴑𐴡𐴏𐴃𐴡 𐴊𐴠𐴑𐴞𐴘𐴡𐴌𐴠 𐴅𐴝𐴉𐴝𐴕𐴡𐴌𐴠 𐴏𐴥𐴝𐴌𐴞 𐴀𐴠𐴃𐴧𐴠𐴇𐴝𐴊𐴞 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴔𐴞𐴓𐴞 𐴒𐴞𐴘𐴡𐴘||
𐴐𐴥𐴡𐴕 𐴱𐴹𐴴𐴷 𐴡𐴔𐴧𐴝𐴎𐴠 𐴁𐴝𐴔𐴝𐴌 𐴑𐴡𐴗𐴔𐴡𐴌 𐴏𐴝𐴣𐴀𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴡𐴘𐴝 𐴀𐴡𐴚𐴏𐴠𐴣𐴚𐴠 𐴊𐴟𐴏𐴡𐴌𐴝 𐴈𐴡𐴔𐴐𐴤𐴡𐴚𐴑𐴝 𐴎𐴝𐴃𐴞 𐴀𐴡𐴑𐴧𐴡𐴓𐴡𐴌 𐴓𐴠𐴙𐴋𐴝𐴌 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴂𐴝𐴚𐴒𐴝𐴓𐴝𐴚 𐴔𐴟𐴎𐴝𐴑𐴝𐴌𐴝𐴃𐴢 𐴒𐴡𐴙𐴅𐴧𐴠 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴃𐴦𐴡𐴘𐴃𐴧𐴝 𐴇𐴡𐴑𐴟𐴔𐴡𐴃𐴢 𐴃𐴡𐴐𐴑𐴞𐴓𐴢 𐴊𐴡𐴕𐴡𐴃𐴢 𐴑𐴝𐴔𐴞𐴘𐴝𐴁𐴢 𐴀𐴡𐴘𐴧𐴠 𐴑𐴞𐴕𐴃𐴟 𐴃𐴝𐴌 𐴊𐴟𐴐𐴧𐴡𐴕 𐴀𐴡𐴑𐴧𐴡𐴓𐴠 𐴃𐴝𐴌𐴠 𐴃𐴡𐴌𐴝𐴃𐴡𐴌𐴞 𐴑𐴡𐴃𐴡𐴓𐴢 𐴒𐴡𐴌𐴞 𐴊𐴞𐴘𐴧𐴠||
𐴐𐴥𐴡𐴕 : 𐴱𐴹𐴴𐴲 𐴡𐴃𐴢 𐴔𐴟𐴏𐴓𐴞𐴔𐴢 𐴁𐴟𐴋𐴧𐴞𐴏𐴢 𐴅𐴥𐴡𐴒𐴡𐴍𐴝 𐴉𐴡𐴏𐴝𐴊𐴢 𐴀𐴝𐴌 𐴑𐴡𐴃𐴡𐴓𐴠 𐴀𐴦𐴝𐴔𐴢
𐴊𐴟𐴏𐴡𐴌𐴝 𐴀𐴝𐴓𐴡𐴔𐴞 𐴅𐴥𐴡𐴚𐴡𐴌(𐴋𐴟𐴋𐴞𐴘𐴝 𐴑𐴝𐴁𐴧𐴝𐴏𐴝𐴘𐴌) 𐴀𐴥𐴠 𐴑𐴡𐴐𐴔𐴡𐴑𐴡𐴐𐴡𐴌 𐴀𐴡𐴃𐴧𐴡𐴃𐴢 𐴱𐴹𐴴𐴲 𐴐𐴥𐴡𐴕𐴡𐴃𐴢 𐴔𐴡𐴐𐴦𐴟𐴌 𐴑𐴡𐴃𐴡𐴓𐴠 𐴀𐴦𐴝𐴔𐴢 𐴖𐴝𐴑𐴞 𐴀𐴡𐴘𐴧𐴠| 𐴎𐴠𐴍𐴠 𐴵 𐴀𐴥𐴝𐴎𐴝𐴌 𐴌𐴟𐴇𐴥𐴝𐴙𐴚𐴒𐴙𐴝 𐴀𐴝𐴌 𐴲𐴰 𐴀𐴥𐴝𐴎𐴝𐴌 𐴁𐴟𐴋𐴧𐴞𐴏𐴢 𐴑𐴡𐴃𐴡𐴓𐴢 𐴀𐴡𐴘𐴧𐴠| 𐴎𐴠𐴍𐴠 𐴁𐴡𐴌𐴃𐴝𐴕𐴞𐴘𐴝 𐴕𐴞𐴎𐴡𐴌 𐴔𐴡𐴏𐴧𐴟𐴊𐴡𐴌𐴠 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡𐴓𐴧𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌 𐴉𐴞𐴏𐴠 𐴉𐴞𐴏𐴠 𐴀𐴝𐴏𐴠 𐴀𐴥𐴠𐴍𐴠 𐴀𐴝𐴌𐴠𐴑 𐴋𐴝𐴈𐴡𐴃𐴧𐴞 𐴅𐴝𐴉𐴝𐴕𐴞 𐴀𐴡𐴑𐴧𐴡𐴓𐴢 𐴁𐴟𐴋𐴧𐴞𐴏𐴢 𐴀𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴠𐴌| 𐴀𐴥𐴠 𐴈𐴡𐴃𐴝𐴓𐴧𐴝 𐴅𐴝𐴉𐴝𐴕𐴞 𐴉𐴡𐴗𐴏𐴢 𐴀𐴦𐴡𐴓𐴠 𐴁𐴡𐴌𐴔𐴥𐴝𐴌 𐴀𐴡𐴙𐴕𐴧𐴡 𐴀𐴠𐴓𐴝𐴑𐴝 𐴀𐴡𐴑𐴧𐴡𐴓𐴡𐴌 𐴋𐴦𐴡𐴘𐴓𐴧𐴝 𐴀𐴝𐴌𐴝𐴑𐴝𐴕𐴡 𐴔𐴧𐴝𐴎𐴠𐴘𐴥𐴡 𐴔𐴟𐴏𐴡𐴓𐴔𐴝𐴕𐴡𐴌 𐴏𐴝𐴣𐴀𐴃𐴠 𐴁𐴡𐴊𐴉𐴠𐴓𐴞، 𐴑𐴡𐴃𐴡𐴓𐴢 𐴀𐴝𐴌 𐴎𐴟𐴓𐴟𐴔𐴢 𐴀𐴡𐴃𐴧𐴞𐴏𐴝𐴌 𐴀𐴡𐴑𐴧𐴡𐴓𐴢 𐴒𐴡𐴙𐴅𐴧𐴠| 𐴎𐴞𐴕𐴡𐴌 𐴎𐴡𐴌𐴞𐴘𐴝 𐴃𐴡𐴑𐴌𐴞𐴁𐴝𐴕 𐴲𐴲 𐴀𐴥𐴝𐴎𐴝𐴌 𐴉𐴡𐴙𐴅𐴧𐴡𐴕𐴃𐴡 𐴔𐴟𐴏𐴡𐴓𐴔𐴝𐴕 𐴀𐴝𐴌𐴝𐴑𐴝𐴕𐴡𐴃𐴧𐴞 𐴁𐴡𐴌𐴃𐴝𐴕𐴡𐴖𐴞 𐴁𐴠𐴚𐴒𐴝𐴓𐴡𐴌 𐴔𐴞𐴑𐴧𐴝 𐴇𐴞𐴅𐴌𐴡𐴃𐴢 𐴒𐴡𐴙𐴅𐴧𐴠| 𐴀𐴥𐴠 𐴀𐴡𐴃𐴧𐴡𐴃𐴢 𐴉𐴟𐴌𐴝 𐴁𐴡𐴌𐴔𐴥𐴝𐴃𐴧𐴞 𐴔𐴟𐴏𐴡𐴓𐴔𐴝𐴕 𐴏𐴥𐴝𐴌𐴝𐴘𐴥𐴡 𐴁𐴠𐴙𐴐𐴝 𐴁𐴠𐴙𐴐𐴞 𐴀𐴞𐴕𐴋𐴞𐴘𐴝 𐴀𐴡𐴓𐴝، 𐴀𐴞𐴚𐴒𐴟𐴓𐴟 𐴁𐴡𐴌𐴔𐴥𐴞 𐴀𐴝𐴌 𐴁𐴡𐴌𐴃𐴝𐴕𐴡𐴖𐴞𐴘𐴥𐴡 𐴇𐴞𐴅𐴌𐴡𐴃𐴢 𐴒𐴡𐴙𐴅𐴧𐴠| 𐴁𐴡𐴌𐴃𐴝𐴕𐴡𐴖𐴞 𐴉𐴡𐴗𐴏𐴢 𐴀𐴦𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴊𐴟𐴁𐴝𐴌𐴝 𐴀𐴝𐴌𐴝𐴑𐴝𐴕𐴡𐴃𐴢 𐴀𐴝𐴁𐴝𐴊𐴢 𐴒𐴡𐴌𐴞𐴁𐴡𐴓𐴧𐴝 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴦𐴡𐴓𐴡𐴌 𐴀𐴠𐴑𐴒𐴟𐴗𐴝 𐴌𐴝𐴎𐴝𐴑𐴝𐴌 𐴒𐴟𐴌𐴟𐴉𐴢 𐴁𐴝𐴕𐴝𐴘𐴧𐴠 𐴀𐴝𐴌 𐴃𐴝𐴌𐴝𐴌𐴠 𐴀𐴥𐴝𐴣𐴃𐴞𐴘𐴝𐴌 𐴀𐴡𐴑𐴧𐴡𐴓𐴢 𐴊𐴞𐴘𐴧𐴠| 𐴀𐴞𐴕𐴋𐴞𐴓𐴧𐴝 𐴒𐴡𐴌𐴞 𐴅𐴝𐴉𐴝𐴕 𐴀𐴝𐴌 𐴀𐴠𐴃𐴧𐴠𐴇𐴝𐴊𐴞 𐴀𐴦𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴃𐴞𐴕 𐴁𐴡𐴏𐴡𐴙𐴅𐴧𐴝 𐴓𐴝𐴌𐴥𐴝𐴘𐴌 𐴀𐴡𐴃𐴧𐴡𐴃𐴢 𐴀𐴝𐴌𐴝𐴑𐴝𐴕𐴡𐴃𐴡 𐴇𐴡𐴙𐴅𐴧𐴝 𐴉𐴡𐴏𐴝𐴊𐴢 𐴏𐴡𐴓𐴝𐴃𐴢 𐴀𐴝𐴙𐴐𐴧𐴞𐴓𐴢| 𐴀𐴥𐴠 𐴀𐴡𐴃𐴧𐴡𐴃𐴢 𐴓𐴡𐴃𐴞 𐴀𐴠𐴓𐴝𐴑𐴝 𐴘𐴦𐴝𐴕 𐴎𐴝𐴃𐴞 𐴃𐴡𐴗𐴌𐴡𐴌 𐴖𐴡𐴌𐴠 𐴃𐴡𐴑𐴏𐴞𐴔𐴢 𐴀𐴥𐴡𐴘𐴒𐴞𐴘𐴡𐴘| 𐴀𐴠𐴑𐴞𐴏𐴞𐴔𐴡𐴌 𐴇𐴡𐴙𐴅𐴧𐴝 𐴉𐴡𐴏𐴝𐴊𐴢 𐴏𐴞𐴌𐴞𐴉𐴢 𐴀𐴝𐴌𐴝𐴑𐴝𐴕𐴡𐴃𐴢 𐴀𐴥𐴡𐴘𐴧𐴠𐴊𐴠 𐴕𐴡𐴀𐴡 𐴁𐴤𐴡𐴓𐴑𐴠 𐴉𐴟𐴌𐴝 𐴁𐴡𐴌𐴔𐴥𐴝𐴃𐴢 𐴏𐴡𐴙𐴓𐴧𐴠||
𐴱𐴹𐴴𐴸𐴐𐴥𐴡𐴕𐴡𐴃𐴢 𐴉𐴝𐴑𐴞𐴏𐴃𐴝𐴕𐴡𐴌 𐴏𐴝𐴣𐴀𐴃𐴠 𐴓𐴝𐴇𐴠𐴑 𐴒𐴡𐴌𐴡𐴕𐴡𐴌 𐴊𐴡𐴌𐴈𐴝𐴏𐴡𐴌 𐴌𐴡𐴊𐴢
𐴴𐴅𐴝𐴕𐴟𐴖𐴝𐴌𐴞 𐴱𐴹𐴴𐴸 𐴐𐴥𐴡𐴕𐴡𐴃𐴢 𐴁𐴡𐴌𐴃𐴝𐴕𐴞𐴘𐴝𐴃𐴧𐴞 𐴁𐴡𐴌𐴔𐴥𐴝 𐴀𐴝𐴎𐴝𐴊𐴢 𐴀𐴥𐴡𐴘𐴧𐴠| 𐴁𐴡𐴌𐴃𐴝𐴕𐴘𐴝𐴃𐴧𐴞 𐴁𐴡𐴌𐴔𐴥𐴝 𐴀𐴝𐴎𐴝𐴊𐴢 𐴀𐴦𐴡𐴕𐴡𐴌 𐴀𐴝𐴒𐴠𐴓𐴡𐴃𐴞 𐴀𐴝𐴌𐴝𐴑𐴝𐴕𐴡𐴌 𐴔𐴟𐴏𐴡𐴓𐴔𐴝𐴕 𐴓𐴠𐴙𐴋𐴝𐴌 𐴀𐴦𐴡𐴓𐴠 𐴔𐴟𐴇𐴝𐴔𐴧𐴡𐴊𐴢 𐴀𐴝𐴓𐴞 𐴅𐴞𐴕𐴧𐴝𐴇𐴌 𐴏𐴝𐴣𐴀𐴃𐴠 𐴔𐴟𐴓𐴝𐴑𐴝𐴃𐴢 𐴒𐴡𐴙𐴅𐴧𐴠 𐴀𐴝𐴌 𐴔𐴝𐴘𐴟 𐴘𐴦𐴝𐴕𐴞 𐴉𐴡𐴏𐴥𐴞𐴔𐴢 𐴀𐴝𐴌𐴝𐴑𐴝𐴕𐴡𐴌 𐴀𐴠𐴓𐴝𐴑𐴝𐴌𐴠 𐴔𐴡𐴎𐴇𐴝𐴁𐴞 𐴀𐴝𐴊𐴧𐴠 𐴎𐴡𐴁𐴞𐴕𐴞 𐴃𐴝𐴀𐴓𐴧𐴟𐴑 𐴃𐴝𐴑𐴝𐴡𐴕𐴡𐴌 𐴎𐴡𐴌𐴞𐴘𐴝 𐴉𐴝𐴑𐴞𐴏𐴃𐴝𐴕𐴡𐴌 𐴁𐴥𐴟𐴃𐴡𐴌𐴠 𐴐𐴝𐴔𐴠𐴓𐴢 𐴒𐴡𐴌𐴞𐴓𐴡𐴘𐴁𐴝𐴌 𐴊𐴡𐴌𐴈𐴝𐴏𐴢 𐴒𐴡𐴙𐴅𐴧𐴠| 𐴘𐴦𐴝𐴌𐴁𐴝𐴊𐴠 𐴀𐴝𐴌𐴝𐴑𐴝𐴕𐴡𐴌 𐴌𐴝𐴎𐴊𐴤𐴝𐴕 𐴀𐴝𐴑𐴞𐴘𐴝𐴁𐴡𐴃𐴢(𐴀𐴠𐴈𐴡𐴕𐴡𐴌 𐴕𐴝𐴔𐴢 𐴏𐴥𐴝𐴘𐴄𐴟𐴗𐴠) 𐴔𐴧𐴝𐴎𐴠 𐴔𐴟𐴏𐴓𐴞𐴔𐴢 𐴓𐴞𐴒𐴢 𐴑𐴝𐴘𐴠𐴔𐴢 𐴒𐴡𐴌𐴞 𐴉𐴝𐴑𐴞𐴏𐴃𐴝𐴕𐴡𐴌 𐴁𐴥𐴟𐴃𐴡𐴌𐴠 𐴐𐴝𐴔𐴠𐴓𐴢 𐴀𐴥𐴡𐴘𐴁𐴝𐴌 𐴊𐴡𐴌𐴈𐴝𐴏𐴢 𐴒𐴡𐴙𐴅𐴧𐴠| 𐴑𐴞𐴕𐴃𐴟 𐴀𐴠 𐴊𐴡𐴌𐴈𐴝𐴏𐴡𐴌𐴠 𐴈𐴡𐴕𐴥𐴡 𐴀𐴡𐴃𐴧𐴡𐴃𐴥𐴡 𐴑𐴡𐴁𐴟𐴓𐴢 𐴒𐴡𐴌𐴝𐴕𐴡𐴎𐴝 𐴑𐴞𐴘𐴡𐴓𐴧𐴝𐴁𐴡𐴓𐴞𐴈𐴡𐴘 𐴔𐴟𐴇𐴝𐴔𐴧𐴡𐴊𐴢 𐴀𐴝𐴓𐴞 𐴅𐴞𐴕𐴧𐴝𐴇𐴘𐴠 𐴀𐴠𐴈𐴡𐴃𐴝 𐴈𐴦𐴡𐴘𐴡𐴌𐴠 𐴘𐴥𐴝𐴕𐴡𐴌 𐴎𐴝𐴇𐴠𐴌 𐴁𐴝𐴇𐴠𐴌 𐴔𐴟𐴈𐴝𐴓𐴠𐴉𐴞 𐴒𐴡𐴙𐴅𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 ” 𐴃𐴝𐴌𐴝 𐴁𐴡𐴌𐴔𐴥𐴝𐴌 𐴈𐴝𐴔𐴢 𐴀𐴡𐴑𐴧𐴡𐴓𐴡𐴃𐴢 𐴊𐴡𐴈𐴡𐴓𐴢 𐴊𐴞𐴁𐴝𐴌 𐴇𐴝𐴓𐴡𐴃𐴡𐴃𐴢 𐴕𐴥𐴝𐴘” | 𐴔𐴟𐴇𐴝𐴔𐴧𐴡𐴊𐴢 𐴀𐴝𐴓𐴞 𐴅𐴞𐴕𐴧𐴝𐴇𐴌 𐴀𐴞𐴕𐴑𐴝𐴌𐴡𐴌 𐴎𐴡𐴌𐴞𐴘𐴝 𐴌𐴟𐴇𐴝𐴙𐴚𐴒𐴙𐴝𐴌 𐴁𐴡𐴌𐴡 𐴀𐴡𐴑𐴧𐴡𐴓𐴠 𐴀𐴟𐴃𐴧𐴡𐴌 𐴀𐴝𐴌𐴝𐴑𐴝𐴕𐴡𐴃𐴢 (𐴔𐴟𐴅𐴝𐴇𐴠𐴊𐴢) 𐴒𐴟𐴌𐴉𐴢 𐴑𐴝𐴘𐴠𐴔𐴢 𐴒𐴡𐴙𐴅𐴧𐴠 𐴎𐴝𐴌 𐴔𐴡𐴏𐴧𐴟𐴊𐴢 𐴀𐴡𐴘𐴓𐴊𐴠 𐴀𐴝𐴌𐴝𐴑𐴝𐴕𐴡 𐴔𐴧𐴝𐴎𐴠 𐴔𐴟𐴏𐴓𐴞𐴔𐴢 𐴀𐴝𐴎𐴝𐴊𐴢 𐴌𐴞𐴘𐴝𐴏𐴡𐴃𐴢 𐴑𐴝𐴘𐴠𐴔𐴢 𐴒𐴡𐴌𐴡𐴕||
𐴱𐴹𐴴𐴸: 𐴔𐴟𐴅𐴝𐴇𐴠𐴊𐴢 𐴀𐴦𐴡𐴓𐴡𐴌 𐴃𐴝𐴇𐴌𐴞𐴑
𐴐𐴥𐴡𐴕 𐴱𐴹𐴴𐴸 𐴡𐴔𐴧𐴝𐴎𐴠 𐴀𐴠𐴑 𐴋𐴝𐴇𐴡𐴃𐴧𐴟 𐴁𐴡𐴌𐴔𐴥𐴝 𐴁𐴡𐴌𐴃𐴝𐴕𐴞𐴘𐴝𐴃𐴧𐴞 𐴀𐴝𐴎𐴝𐴊𐴢 𐴀𐴡𐴘𐴧𐴠 𐴀𐴝𐴌𐴠𐴑 𐴋𐴝𐴇𐴡𐴃𐴧𐴟 𐴁𐴡𐴌𐴔𐴥𐴝𐴌 𐴇𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴊𐴠𐴐𐴡𐴙𐴃𐴧𐴝 𐴔𐴝𐴕𐴞𐴓𐴡𐴕𐴡𐴃𐴧𐴞𐴘𐴥𐴡 𐴀𐴞𐴕𐴑𐴝𐴌 𐴒𐴡𐴌𐴞𐴊𐴞𐴘𐴧𐴠| 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴔𐴟𐴅𐴝𐴇𐴠𐴊𐴢 𐴀𐴡𐴑𐴧𐴡𐴓𐴡𐴌 𐴀𐴝𐴌𐴥𐴡 𐴁𐴠𐴙𐴐𐴞 𐴁𐴡𐴓𐴀𐴡𐴘𐴧𐴠| 𐴘𐴦𐴝𐴕 𐴔𐴡𐴕𐴡𐴃𐴢 𐴌𐴝𐴑𐴞𐴁𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴥𐴠𐴀𐴡𐴃𐴧𐴡𐴃𐴢 𐴀𐴝𐴌𐴝𐴑𐴝𐴕𐴡𐴃𐴢 𐴁𐴟𐴋𐴧𐴞𐴏𐴢 𐴔𐴡𐴒 𐴀𐴡𐴑𐴧𐴡𐴓𐴡𐴌𐴥𐴡 𐴀𐴝𐴓𐴡𐴒 𐴀𐴦𐴡𐴕𐴡𐴌 𐴃𐴝𐴇𐴌𐴞𐴑𐴥 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴏𐴡𐴓𐴝𐴃𐴢 𐴀𐴝𐴙𐴐𐴧𐴞𐴓𐴢| 𐴀𐴥𐴠 𐴊𐴟𐴘 𐴃𐴝𐴇𐴌𐴞𐴑𐴡𐴌 𐴎𐴡𐴌𐴞𐴘𐴝 𐴔𐴟𐴏𐴡𐴓𐴔𐴝𐴕 𐴀𐴝𐴊𐴧𐴠 𐴁𐴟𐴋𐴧𐴞𐴏𐴡𐴌 𐴊𐴡𐴌𐴔𐴞𐴘𐴝𐴕 𐴀𐴡𐴁𐴞𐴐𐴧𐴝𐴐𐴢 𐴀𐴝𐴌 𐴊𐴟𐴐𐴧𐴡𐴕𐴞𐴌 𐴀𐴠𐴑𐴧𐴝𐴕 𐴔𐴝𐴇𐴡𐴓𐴢 𐴁𐴡𐴕𐴞 𐴀𐴝𐴙𐴐𐴧𐴞𐴓𐴢| 𐴀𐴠 𐴀𐴥𐴞𐴏𐴝𐴉𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴏𐴝𐴔𐴧𐴠 𐴊𐴟𐴖𐴝 𐴊𐴟𐴐𐴧𐴡𐴕 𐴀𐴡𐴘𐴒𐴞𐴘𐴡𐴘𐴢|𐴉𐴡𐴘𐴓𐴝 𐴀𐴠𐴃𐴠𐴁𐴝𐴌𐴠 𐴁𐴝𐴔𐴝𐴌 𐴁𐴟𐴋𐴧𐴞𐴏𐴢 𐴊𐴟𐴏𐴡𐴌𐴝 𐴀𐴡𐴘𐴓𐴊𐴠 𐴔𐴡𐴒 𐴁𐴟𐴋𐴧𐴞𐴏𐴢| 𐴱𐴹𐴵𐴰 𐴊𐴡𐴐𐴥𐴡𐴑𐴡𐴌 𐴀𐴥𐴞𐴑𐴧𐴝 𐴀𐴝𐴌𐴝𐴑𐴝𐴕𐴞 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴠 𐴕𐴞𐴎𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴓𐴡𐴉𐴎𐴡 𐴀𐴞𐴁𐴝 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴐𐴥𐴟𐴌𐴟 𐴒𐴡𐴙𐴅𐴧𐴠 𐴃𐴝𐴑𐴠 𐴕𐴞𐴎𐴡𐴌𐴠 𐴕𐴞𐴎𐴠 𐴀𐴝𐴌𐴝𐴑𐴝𐴕𐴡𐴌 𐴀𐴝𐴏𐴡𐴓𐴞 𐴁𐴤𐴝𐴐𐴞𐴕𐴊𐴝 𐴁𐴡𐴓𐴞𐴈𐴦𐴡𐴘 𐴎𐴝𐴇𐴠𐴌 𐴒𐴡𐴌𐴞𐴉𐴝𐴌𐴠 𐴏𐴝𐴣𐴀𐴃𐴠 𐴏𐴝𐴣𐴀𐴃𐴠 𐴕𐴞𐴎𐴡𐴌 𐴀𐴝𐴓𐴡𐴒 𐴏𐴞𐴕𐴧𐴡𐴘𐴥𐴡 𐴇𐴠𐴉𐴝𐴎𐴡𐴃𐴢 𐴃𐴝𐴑𐴠||
𐴀𐴦𐴠𐴣𐴃𐴧𐴠 𐴊𐴟𐴏𐴡𐴌𐴝 𐴀𐴝𐴓𐴡𐴔𐴞 𐴅𐴥𐴡𐴚𐴡𐴌(𐴋𐴟𐴋𐴞𐴘𐴝 𐴑𐴝𐴁𐴧𐴝𐴏𐴝𐴘𐴌) 𐴀𐴡𐴃𐴧𐴡𐴃𐴢 𐴆𐴞𐴄𐴝𐴒𐴝𐴚𐴒𐴡𐴃𐴢 𐴉𐴝𐴕𐴥𐴝 𐴓𐴦𐴡𐴘𐴝 𐴌𐴟𐴇𐴝𐴙𐴚𐴒𐴙𐴝 𐴀𐴡𐴑𐴧𐴡𐴓𐴢 𐴓𐴝𐴒𐴝𐴃𐴝𐴌 𐴀𐴦𐴝𐴃𐴢 𐴀𐴝𐴙𐴐𐴧𐴞𐴓𐴢 𐴑𐴞𐴕𐴃𐴟 𐴁𐴡𐴌𐴔𐴥𐴝𐴌 𐴇𐴡𐴑𐴟𐴔𐴡𐴃𐴠 𐴃𐴝𐴌𐴝𐴌𐴠 𐴁𐴠𐴑𐴝𐴕𐴟𐴕𐴞 𐴁𐴡𐴓𐴞 𐴈𐴡𐴖𐴝𐴃𐴢 𐴀𐴝𐴙𐴐𐴧𐴞𐴓𐴢 𐴀𐴝𐴌 𐴁𐴦𐴡𐴗𐴃𐴎𐴡𐴕𐴡𐴌𐴠 𐴁𐴡𐴓𐴝𐴎𐴟𐴌𐴞 𐴖𐴝𐴉𐴠𐴏𐴢 𐴀𐴝𐴘𐴧𐴡𐴕𐴡𐴃𐴧𐴞 𐴌𐴟𐴙𐴑𐴧𐴞𐴓𐴥𐴡||
*******
