khas IsdaratPDF - DOCTanzimVedio - Audio𐴀𐴝𐴓 𐴑𐴝𐴀𐴞𐴊𐴝 𐴁𐴡𐴌𐴧𐴠 𐴏𐴡𐴒𐴞𐴌đ´ĸ (AQS)

𐴌𐴟𐴇đ´Ĩ𐴝𐴙𐴚𐴒𐴙𐴝𐴌 𐴅𐴞𐴇𐴝𐴊đ´ĸ 𐴏𐴝𐴙𐴌𐴀𐴡𐴔(𐴴) 𐴇đ´Ĩ𐴠𐴏𐴧𐴝||ØąŲˆÛŲ†Ú¯ÛŒØ§ÚŠØ§ØŦہاد||Rohingya Jihad

𐴌𐴟𐴇đ´Ĩ𐴝𐴙𐴚𐴒𐴙𐴝𐴌 𐴅𐴞𐴇𐴝𐴊đ´ĸ 𐴏𐴝𐴙𐴌𐴀𐴡𐴔(𐴴) 𐴇đ´Ĩ𐴠𐴏𐴧𐴝||ØąŲˆÛŲ†Ú¯ÛŒØ§ÚŠØ§ØŦہاد||Rohingya Jihad

𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
Ø§ØąØ§ÚŠØ§Ų† ڊا Ų…Ų†Ø¨Øą
arakan ka mimber

𐴎𐴝𐴇𐴠𐴌 𐴒𐴡𐴌𐴡𐴘𐴧𐴝
Ų†Ø§Ø´Øą
Presents

𐴌𐴟𐴇đ´Ĩ𐴝𐴚𐴒𐴙𐴝 𐴎𐴟𐴁𐴝𐴕𐴡𐴃đ´ĸ 𐴃𐴡𐴌𐴅𐴟𐴔𐴝
ØąŲˆÚžÛŒŲ†Ú¯Ø§ Ø˛Ø¨Ø§Ų† Ų…ÛŒÚē ØĒØąØŦŲ…ہ
Rohingya Translation

𐴏𐴟𐴌𐴈𐴞:
ØšŲ†ŲˆØ§Ų†:
Titled

𐴁𐴟𐴌𐴔𐴝 𐴔𐴟𐴏𐴓𐴞𐴔 𐴏𐴞𐴌𐴞𐴎!
Ø¨ØąŲ…ا Ų…ØŗŲ„Ų… ØŗÛŒØąÛŒØ˛!
Series Burma Muslim!

𐴏𐴝𐴙𐴌𐴀𐴡𐴔 𐴇đ´Ĩ𐴠𐴏𐴧𐴝
چŲˆØĒڞا Ų‚ØŗØˇ
Four Part

𐴌𐴟𐴇đ´Ĩ𐴝𐴙𐴚𐴒𐴙𐴝𐴌 𐴅𐴞𐴇𐴝𐴊đ´ĸ
ØąŲˆÛŲ†Ú¯ÛŒØ§ÚŠØ§ØŦہاد
Rohingya Jihad

𐴀𐴡𐴕𐴓𐴝𐴘𐴕 𐴉𐴡𐴌𐴡 𐴘đ´Ļ𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡

WORD (35.6 KB)

https://archive.ph/UnF5O
https://web.archive.org/web/20260211152807/https://noteshare.id/view/14fc21bf-ce5a-49fa-907f-7158565939be
https://noteshare.id/view/14fc21bf-ce5a-49fa-907f-7158565939be
https://archive.org/download/burmar-rohingya-musolmanor-jihad-part-04/Burmar%20Rohingya%20Musolmanor%20Jihad_Part-04.odt
https://files.fm/f/qwbdy6pqpd

AUDIO (23,1 MB)

https://archive.org/download/burma-muslim-jihad/Burma%20muslim%20jihad_1.mp3
https://mymegacloud.com/download/dXBsb2Fkca72e9686
https://mega.nz/file/MzhD2ZoY#VMMkqCz_K7ROGWzZNO2BwLPkwf0kuQI3ccDjSod5OxE
https://www.sendspace.com/file/fo0v88
https://files.fm/f/dcq4fakedy

VIDEO QUALITY 1920*1080 (918 MB)

https://archive.org/download/burma-muslim-jihad/Burma%20muslim%20jihad.mp4
https://mymegacloud.com/download/dXBsb2Fkcy9693ab5f4fa3
https://mega.nz/file/MqhjTLRT#DncqGTIubD1rKGWjSML-yNlEpdj-J-_A-2Z6p7r1qsQ
https://www.sendspace.com/file/h8ncvp
https://files.fm/f/5svr5zjjsa

VIDEO QUALITY 1280*720 (287 MB)

https://archive.org/download/burma-muslim-jihad/Burma%20muslim%20jihad-01.mp4
https://mymegacloud.com/download/dXBsb2Fkc4f751b80ab4
https://mega.nz/file/lqJSyLQL#gDxqfwUx38f5Siv10VdiIHKPGSWjakjh4npbcgDlORg
https://www.sendspace.com/file/9zw3c5
https://files.fm/f/838nycnyh4

VIDEO QUALITY 480*360 (168 MB)

https://archive.org/download/burma-muslim-jihad/Burma%20muslim%20jihad-02.mp4
https://mymegacloud.com/download/dXBsb2Fkcy5017f135f87
https://mega.nz/file/MvAxEaxT#_AyhIAepXL2ZpmTOkqelEX0e3N-trzy45AMjqUlIH2c
https://www.sendspace.com/file/3d1aw7
https://files.fm/f/uaf3wxf8za

BANNER

https://archive.org/download/burma-muslim-jihad/BANNER%20-04%20BURMA%20JIHAD-04.png
https://mymegacloud.com/download/dXBsb2Fkcy884ba4cc
https://mega.nz/file/ZuZxnJbL#aPbP6r2VfVbsF6fTQJaHEDpTbbJzUJyGHk_dldO8HVI
https://www.sendspace.com/file/pj5w8l
https://files.fm/f/racw9t6dw8

𐴔𐴟𐴏𐴓𐴞𐴔 𐴁𐴟𐴌𐴔𐴝

𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴅𐴞𐴇𐴝𐴊đ´ĸ

đ´ŗ– 𐴉𐴝𐴌𐴄đ´ĸ

𐴋𐴝𐴑𐴄𐴡𐴌 𐴃đ´Ĩ𐴡𐴓𐴇𐴝 𐴀𐴝𐴁𐴊𐴟𐴓đ´ĸ 𐴑𐴡𐴌𐴞𐴔

𐴉𐴡𐴗𐴏𐴡𐴌 𐴀𐴠𐴕𐴑𐴠𐴓𐴝𐴁đ´ĸ

𐴋𐴞𐴔𐴟𐴑𐴠𐴌𐴠𐴏𐴞 𐴇đ´Ĩ𐴡𐴑𐴟𐴔𐴡𐴃đ´ĸ

𐴲𐴡 𐴏𐴠𐴃𐴡𐴔𐴁𐴡𐴌 𐴲𐴰𐴰𐴡 𐴐đ´Ĩ𐴡𐴕𐴡𐴃đ´ĸ 𐴏𐴞𐴏đ´ĸ 𐴀𐴡𐴑𐴧𐴡𐴓𐴡𐴌 𐴑𐴞𐴔𐴡𐴃đ´ĸ 𐴁𐴝𐴌𐴞𐴎𐴡𐴕𐴡𐴌 𐴎𐴡𐴌𐴞𐴘𐴝 𐴄𐴟𐴖𐴡𐴌 𐴀𐴡𐴑𐴧𐴡𐴓𐴡𐴌 𐴔𐴞𐴏𐴞𐴓đ´ĸ 𐴐đ´Ĩ𐴟𐴌𐴟 𐴀𐴡𐴘𐴧𐴠 𐴎𐴞𐴁đ´Ĩ𐴝 𐴀đ´Ĩ𐴡𐴓𐴡𐴘𐴊𐴧𐴝 𐴌𐴡𐴚𐴡𐴌 𐴀𐴠𐴕𐴑𐴠𐴓𐴝𐴁đ´ĸ( ရá€Ŋှေဝá€Ģရေá€Ŧငá€ē တေá€Ŧá€ēလှနá€ēရေး) 𐴁𐴡𐴓𐴞𐴇𐴡𐴘 𐴔𐴡𐴐đ´Ļ𐴟𐴌 𐴀𐴡𐴘𐴧𐴠| 𐴃𐴝𐴌𐴝𐴌𐴠𐴘đ´Ĩ𐴥 𐴃𐴝𐴑𐴡𐴃𐴡𐴌 𐴎𐴟𐴌𐴠 𐴉𐴞𐴐𐴞𐴊𐴞𐴘𐴝 𐴒𐴞𐴘𐴧𐴠| 𐴀𐴝𐴑𐴡𐴏𐴃𐴡 𐴲𐴰𐴰𐴚 𐴐đ´Ĩ𐴡𐴕𐴡𐴃đ´ĸ 𐴑𐴡𐴗𐴔𐴞 𐴉𐴡𐴏𐴝𐴊đ´ĸ 𐴐đ´Ĩ𐴟𐴌𐴟 𐴀𐴡𐴘𐴧𐴠 𐴎𐴝𐴌𐴎𐴡𐴌𐴞𐴘𐴝 𐴎𐴝𐴓𐴠𐴔đ´ĸ 𐴔𐴠𐴓𐴠𐴄𐴞𐴌𐴞 𐴈𐴡𐴔đ´ĸ 𐴀𐴝𐴁𐴝𐴊𐴞 𐴆𐴞𐴕𐴝 𐴑𐴡𐴗𐴔𐴡𐴌 𐴏𐴝đ´Ŗ𐴃𐴠 𐴓𐴝𐴌đ´Ĩ𐴝𐴘 𐴒𐴡𐴌𐴝𐴃đ´ĸ 𐴀𐴝𐴙𐴐𐴧𐴞𐴓đ´ĸ 𐴀𐴝𐴌 𐴹𐴰 𐴇đ´Ĩ𐴝𐴎𐴝𐴌 𐴁𐴡𐴌𐴔𐴝𐴌 𐴊𐴠𐴐đ´Ĩ𐴡𐴙𐴃𐴧𐴝 𐴆𐴞𐴕𐴝𐴃đ´ĸ 𐴅𐴡𐴓𐴝 𐴖𐴡𐴃𐴡𐴕 𐴀đ´Ĩ𐴡𐴘𐴒𐴞𐴘𐴡𐴘| 𐴲𐴰𐴹𐴰 𐴐đ´Ĩ𐴡𐴕𐴡𐴃đ´ĸ 𐴉𐴟𐴌𐴝 𐴁𐴡𐴌𐴔𐴝𐴃đ´ĸ 𐴁đ´Ĩ𐴟𐴄 𐴀𐴡𐴘𐴧𐴠 𐴀đ´Ĩ𐴠𐴍𐴠 𐴔𐴠𐴓𐴞𐴄𐴌𐴞 𐴇𐴠𐴔𐴝𐴘𐴡𐴃đ´ĸ 𐴒𐴡𐴙𐴅𐴧𐴠𐴊𐴠 𐴉𐴝𐴄𐴞𐴘𐴠 𐴀𐴝𐴑𐴏𐴡𐴌𐴞𐴘𐴡𐴃đ´ĸ 𐴇𐴝𐴏𐴠𐴓đ´ĸ 𐴒𐴡𐴙𐴅𐴧𐴠| 𐴐đ´Ĩ𐴡𐴕 𐴲𐴰𐴹𐴲 𐴥𐴃đ´ĸ 𐴔𐴠𐴓𐴞𐴄𐴌𐴞 𐴏đ´Ĩ𐴝𐴘𐴀𐴝𐴕𐴝 𐴇𐴡𐴑𐴟𐴔𐴡𐴃đ´ĸ 𐴈𐴡𐴃𐴡𐴔đ´ĸ 𐴀𐴡𐴘𐴒𐴞𐴘𐴡𐴘||

𐴁𐴡𐴌𐴔𐴝𐴌 𐴔𐴠𐴓𐴞𐴄𐴌𐴞 𐴇𐴡𐴑𐴟𐴔𐴡𐴃đ´ĸ đ´ĩ𐴰 𐴁𐴡𐴏đ´Ĩ𐴡𐴌 𐴓𐴡𐴃𐴞 𐴁𐴡𐴌𐴔𐴝𐴌 𐴎𐴝𐴃𐴞𐴌𐴠 𐴁đ´Ĩ𐴡𐴋𐴝 𐴁𐴝𐴏𐴝𐴌 𐴏𐴝𐴀đ´Ŗ𐴃𐴠 𐴃𐴝𐴀𐴓𐴧𐴟𐴑 𐴓𐴝𐴒𐴝𐴘 𐴀𐴝𐴘𐴧𐴠𐴌 𐴃𐴝𐴑𐴠 𐴕𐴞𐴎𐴡𐴌 𐴇𐴡𐴑𐴟𐴔𐴡𐴃𐴡𐴌𐴠 𐴔𐴡𐴎𐴁𐴟𐴃đ´ĸ 𐴒𐴡𐴌𐴞 𐴉đ´Ļ𐴝𐴕| 𐴀𐴠𐴈𐴡𐴃𐴝𐴌 𐴎𐴡𐴌𐴞𐴘𐴝 𐴌𐴟𐴇đ´Ĩ𐴝𐴚𐴙𐴝 𐴀𐴝𐴊𐴧𐴠 𐴊𐴟𐴏𐴡𐴌𐴝 𐴈𐴡𐴔𐴀𐴝𐴁𐴝𐴊𐴞 𐴑𐴡𐴔𐴡𐴗𐴔𐴡𐴌 𐴈𐴠𐴓𐴝𐴉đ´ĸ 𐴉𐴡𐴌𐴡𐴑𐴡𐴌 𐴔𐴝𐴀𐴔𐴠𐴓𐴝 𐴒𐴡𐴌𐴞 𐴀𐴝𐴘𐴧𐴠𐴌| 𐴁𐴡𐴌𐴔𐴝𐴌 𐴔𐴠𐴓𐴞𐴄𐴌𐴞 𐴇𐴡𐴑𐴟𐴔𐴡𐴃𐴠 𐴄đ´Ĩ𐴟𐴖𐴡𐴌 𐴀đ´Ļ𐴡𐴓𐴡𐴌𐴠𐴘đ´Ĩ𐴥 𐴀𐴟𐴏𐴑𐴝𐴘 𐴊𐴞𐴘𐴝𐴃đ´ĸ 𐴀𐴝𐴏𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴈𐴡𐴔𐴀𐴝𐴁𐴝𐴊𐴞 𐴎𐴝𐴃𐴞𐴌 𐴈𐴠𐴓𐴝𐴉đ´ĸ 𐴅𐴡𐴒𐴡𐴍𐴝 𐴉𐴡𐴏𐴝𐴊đ´ĸ 𐴀𐴡𐴑𐴧𐴠𐴓đ´ĸ đ´’đ´Ąđ´Œđ´ ØŒ 𐴈đ´Ļ𐴝𐴏𐴒𐴡𐴌𐴞 𐴎𐴡𐴈𐴡𐴕 𐴐đ´Ĩ𐴡𐴕 𐴲𐴰𐴹𐴹 𐴥𐴃đ´ĸ 𐴔𐴠𐴓𐴞𐴄𐴌𐴞 𐴏đ´Ĩ𐴝𐴘𐴀𐴝𐴕 𐴈𐴡𐴃𐴡𐴔đ´ĸ 𐴀𐴡𐴘𐴒𐴞𐴘𐴡𐴘 𐴀𐴝𐴌 𐴔𐴠𐴓𐴞𐴄𐴌𐴞 𐴀đ´Ļ𐴡𐴓𐴠 𐴀𐴠𐴈𐴡𐴃𐴝 𐴇đ´Ĩ𐴞𐴏đ´ĸ 𐴒𐴡𐴌𐴞 𐴉𐴝𐴙𐴅𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠𐴈𐴡𐴕 𐴕𐴞𐴎𐴡𐴌 𐴀𐴝𐴇đ´Ĩ𐴝𐴔𐴞𐴘𐴡𐴃đ´ĸ 𐴂𐴝𐴁𐴓𐴞𐴑𐴡𐴌 𐴈𐴝đ´Ŗ𐴀𐴏𐴠 𐴎𐴝𐴇𐴠𐴌 𐴒𐴡𐴌𐴡𐴕 𐴏đ´Ļ𐴝||

𐴃𐴥𐴘 𐴐đ´Ĩ𐴡𐴕 𐴲𐴰𐴹𐴲 𐴥𐴃đ´ĸ 𐴀𐴟𐴃𐴧𐴡𐴌 𐴀𐴝𐴌𐴝𐴑𐴝𐴕𐴡𐴌 𐴁𐴠𐴐𐴀𐴝𐴁𐴝𐴊𐴞 𐴌𐴟𐴇đ´Ĩ𐴝𐴚𐴙𐴝 𐴀𐴝𐴊𐴧𐴠 𐴊𐴡𐴀𐴘𐴕 𐴀𐴝𐴌𐴝𐴑𐴝𐴕𐴡𐴌 𐴁𐴠𐴐𐴀𐴝𐴁𐴝𐴊𐴞 𐴔𐴡𐴒𐴤𐴡𐴌 𐴊𐴡𐴌𐴔𐴞𐴘𐴝𐴕 𐴅𐴡𐴒𐴡𐴍𐴝 𐴐đ´Ĩ𐴟𐴌𐴟 𐴀𐴡𐴘𐴧𐴠| 𐴀đ´Ĩ𐴠 𐴉𐴡𐴏𐴝𐴊𐴡𐴌 𐴀𐴝𐴒𐴠 𐴔𐴡𐴒𐴤𐴡𐴌 𐴁đ´Ĩ𐴟𐴃𐴡𐴌𐴠 𐴀𐴠 𐴅đ´Ĩ𐴟𐴄𐴝 𐴈𐴡𐴁𐴡𐴌𐴒𐴝𐴕 𐴉𐴤𐴡𐴙𐴓𐴝 𐴒𐴞𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴕𐴞𐴎𐴡𐴌 𐴊𐴠𐴐đ´Ĩ𐴥𐴃đ´ĸ 𐴈𐴡𐴔𐴀𐴝𐴁𐴝𐴊𐴞 𐴎𐴝𐴃𐴞 𐴁𐴡𐴕𐴞 𐴎𐴝𐴘𐴁𐴡𐴘| 𐴁𐴞𐴐𐴧𐴝𐴐đ´ĸ 𐴒𐴡𐴌𐴝 𐴕𐴡𐴎𐴝𐴊𐴠 𐴀đ´Ĩ𐴞𐴕𐴋𐴞𐴓𐴧𐴝 𐴀𐴠𐴑 𐴈𐴡𐴁𐴡𐴌𐴡𐴌 𐴔𐴡𐴃𐴝𐴁𐴠𐴑 𐴔𐴝𐴀𐴔𐴠𐴓𐴝 𐴘đ´Ļ𐴝𐴕 𐴐đ´Ĩ𐴟𐴌𐴟 𐴀𐴡𐴘𐴧𐴠 𐴀𐴠𐴑𐴎𐴡𐴕 𐴔𐴡𐴒𐴡𐴌 𐴔𐴝𐴘𐴧𐴝𐴉𐴟𐴖𐴝 𐴏𐴝đ´Ŗ𐴀𐴃𐴠 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴃𐴡𐴌𐴉𐴡𐴃𐴧𐴞 𐴎𐴟𐴓𐴟𐴔đ´ĸ 𐴒𐴡𐴌𐴡𐴕 𐴀𐴝𐴊𐴧𐴠 𐴘đ´Ļ𐴝𐴌𐴁𐴝𐴊𐴠 𐴹𐴰 𐴊𐴡𐴙𐴐𐴎𐴡𐴕 𐴔𐴟𐴏𐴡𐴓𐴔𐴝𐴕𐴡𐴌𐴠 𐴔𐴡𐴒𐴤𐴠 𐴀𐴠𐴐𐴃𐴠𐴔𐴝𐴘𐴞 𐴁𐴤𐴝𐴉𐴠 𐴑𐴡𐴃𐴡𐴓đ´ĸ 𐴒𐴡𐴌𐴡𐴕𐴡 𐴎𐴡𐴌𐴞𐴘𐴝||

𐴀đ´Ĩ𐴠 𐴉𐴡𐴏𐴝𐴊𐴡𐴌 𐴀𐴡𐴃𐴧𐴡𐴃đ´ĸ 𐴁𐴠𐴐đ´Ļ𐴝 𐴁𐴠𐴐đ´Ļ𐴞 𐴔𐴡𐴒𐴤đ´ĸ 𐴂𐴝𐴁𐴓𐴞𐴒đ´ĸ 𐴃𐴝𐴌𐴝𐴌 𐴈𐴡𐴃𐴝 𐴔𐴡𐴃𐴝𐴁𐴠𐴑 𐴇𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴈𐴡𐴗𐴝𐴒𐴞𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴕𐴞𐴎𐴡𐴌 𐴊𐴤𐴡𐴌𐴔𐴡 𐴀𐴝𐴊𐴧𐴠 𐴎𐴝𐴃𐴞𐴌 𐴇𐴠𐴉𐴝𐴎𐴡𐴃đ´ĸ 𐴒𐴡𐴌𐴞𐴁𐴡𐴓𐴧𐴝 𐴕𐴞𐴙𐴓𐴡| 𐴀𐴝𐴌 𐴃𐴝𐴌𐴝𐴌𐴠 𐴏đ´Ĩ𐴝𐴘𐴄𐴟𐴗𐴠𐴌 𐴔𐴝𐴎𐴠 𐴊đ´Ļđ´ĄØŒ 𐴏đ´Ĩ𐴟𐴌𐴞 𐴀𐴝𐴌 𐴒𐴝𐴌𐴞 𐴀𐴡𐴑𐴧𐴡𐴓đ´ĸ 𐴊𐴞𐴘𐴝𐴒𐴞𐴘𐴠 𐴃𐴝𐴑𐴠 𐴃𐴝𐴌𐴝𐴌 𐴀𐴟𐴃𐴧𐴡𐴌 𐴀𐴝𐴌𐴝𐴑𐴝𐴕𐴡𐴃đ´ĸ 𐴎𐴝𐴘 𐴌𐴟𐴇đ´Ĩ𐴝𐴙𐴒𐴝 𐴀𐴡𐴑𐴧𐴡𐴓𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴠| 𐴀𐴠𐴃𐴡𐴁𐴡𐴌𐴡 𐴅𐴡𐴒𐴡𐴍𐴝 𐴉𐴡𐴏𐴝𐴊đ´ĸ 𐴊𐴟𐴕𐴞𐴘𐴝𐴌 𐴏𐴝𐴔𐴧𐴠 𐴀𐴝𐴘𐴡𐴕𐴡𐴌 𐴁𐴝𐴊𐴠𐴘đ´Ĩ𐴥 𐴀𐴠𐴈𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴝𐴌 𐴔𐴠𐴓𐴞𐴄𐴌𐴞𐴌 𐴇𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴀đ´Ĩ𐴠 𐴉𐴡𐴏𐴝𐴊đ´ĸ 𐴒𐴡𐴌𐴡𐴘𐴝 𐴀đ´Ļ𐴡𐴓𐴡𐴌𐴠 𐴎𐴠𐴌đ´Ĩ𐴝 𐴀𐴝𐴌 𐴒𐴠𐴌𐴡𐴉𐴃𐴝𐴌𐴞 𐴕𐴡𐴀𐴒𐴡𐴌𐴠| 𐴁𐴠𐴐𐴀đ´Ĩ𐴞𐴏𐴧𐴝 𐴄đ´Ĩ𐴟𐴖𐴡𐴌𐴡𐴌 𐴃𐴡𐴕𐴎𐴞𐴔đ´ĸ 𐴀𐴡𐴑𐴧𐴡𐴓𐴠𐴘đ´Ĩ𐴥 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴈𐴝đ´Ŗ𐴀𐴏𐴠 𐴈𐴡𐴕đ´Ĩ𐴥 𐴑𐴞𐴏𐴞𐴔𐴡𐴌 𐴀𐴞𐴕𐴏𐴝𐴕𐴞 𐴔𐴡𐴊𐴡𐴃đ´ĸ 𐴕𐴡𐴉𐴤𐴡𐴏𐴞𐴁𐴞𐴌 𐴑𐴟𐴐𐴞𐴐đ´ĸ 𐴒𐴡𐴙𐴅𐴧𐴠| 𐴀đ´Ĩ𐴠 𐴉𐴡𐴏𐴝𐴊𐴡𐴔𐴧𐴝𐴎𐴠 𐴉𐴡𐴃𐴧𐴞 𐴉𐴝𐴌𐴝 𐴉𐴝𐴌𐴝 𐴀𐴝𐴀𐴐𐴝𐴌(Ø§ØšØ´Ø§ØąÛŒ) 𐴑𐴡𐴃𐴡𐴓𐴠 𐴀𐴝𐴀𐴔đ´ĸ 𐴀𐴡𐴘𐴧𐴠| 𐴘đ´Ļ𐴝𐴕𐴞 𐴉𐴡𐴃𐴧𐴞 𐴊𐴡𐴙𐴐𐴎𐴡𐴃đ´ĸ 𐴏𐴞𐴌đ´Ĩ𐴞𐴉đ´ĸ 𐴀𐴠𐴑𐴎𐴡𐴕 𐴎𐴞𐴕𐴊𐴝 𐴁𐴝𐴏𐴞 𐴀𐴝𐴙𐴐𐴧𐴠| 𐴇𐴡𐴑𐴟𐴔𐴡𐴃𐴡𐴌 𐴈𐴡𐴗𐴝 𐴔𐴡𐴗𐴎𐴞𐴕 𐴏𐴞𐴌đ´Ĩ𐴞𐴉đ´ĸ 𐴡𐴸 𐴀𐴝đ´Ŗ𐴍𐴇đ´Ĩ𐴡𐴙𐴃𐴧𐴡𐴌 𐴎𐴡𐴕 𐴔𐴝𐴕đ´Ĩ𐴟𐴙𐴐đ´ĸ 𐴔𐴝𐴌𐴝 đ´’đ´žđ´˜đ´§đ´ ØŒ 𐴸𐴡 𐴇đ´Ĩ𐴝đ´Ŗ𐴃𐴀𐴝𐴐đ´Ĩ𐴞 𐴎𐴡𐴕 𐴒𐴤𐴝𐴙𐴓đ´ĸ 𐴀𐴡𐴘𐴧𐴠 𐴀𐴝𐴌 𐴱𐴴𐴰𐴰𐴰𐴀𐴠𐴑 𐴓𐴝𐴑𐴤 𐴏đ´Ĩ𐴡𐴓𐴧𐴞𐴐đ´ĸ 𐴀đ´Ĩ𐴝𐴎𐴝𐴌 𐴒𐴤𐴡𐴌𐴏đ´Ĩ𐴝𐴌 𐴀𐴡𐴘𐴧𐴠 𐴎𐴝𐴌𐴝𐴌𐴠 𐴁𐴝𐴊𐴡𐴃𐴧𐴞 𐴇𐴡𐴑𐴟𐴔𐴡𐴃𐴠 𐴌𐴠𐴉𐴟𐴎𐴞 𐴑𐴠𐴀𐴔𐴡𐴃đ´ĸ 𐴒𐴡𐴓𐴝𐴘 𐴌𐴝𐴙𐴑𐴧𐴠| 𐴑𐴞𐴕𐴃𐴟 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴈𐴝𐴗𐴝 𐴔𐴡𐴃𐴝𐴁𐴠𐴑 đ´ļđ´ĩ𐴰 𐴏đ´Ĩ𐴥𐴐𐴥 𐴉𐴡𐴕𐴎𐴝𐴐đ´ĸ 𐴎𐴡𐴕 𐴔𐴝𐴌𐴝 𐴒𐴞𐴘𐴧𐴠 𐴀𐴝𐴌 𐴹𐴲𐴰𐴰 𐴁𐴝𐴌đ´Ĩ𐴥 𐴐đ´Ĩ𐴥𐴃đ´ĸ 𐴔𐴝𐴕đ´Ĩ𐴟𐴙𐴐đ´ĸ 𐴀đ´Ĩ𐴝đ´Ŗ𐴎𐴞 𐴒𐴞𐴘𐴡𐴘||

𐴉𐴡𐴏𐴝𐴊𐴡𐴌𐴠 𐴑𐴡𐴕𐴄𐴌𐴟𐴓đ´ĸ 𐴒𐴡𐴌𐴞𐴁𐴡𐴓𐴧𐴝 𐴇𐴡𐴑𐴟𐴔𐴡𐴃𐴠 𐴏𐴞𐴌đ´Ĩ𐴞𐴉đ´ĸ 𐴑𐴝𐴌𐴉𐴞𐴘𐴟 𐴅𐴝𐴌𐴞 𐴒𐴡𐴙𐴅𐴧𐴠 𐴀𐴝𐴌 𐴔𐴠𐴓𐴞𐴄𐴌𐴞 𐴊𐴠𐴉𐴠𐴍𐴝𐴘𐴧𐴠 𐴑𐴞𐴕𐴃𐴟 𐴃𐴝𐴌𐴝 𐴔𐴝𐴙𐴕𐴐đ´Ĩ𐴡𐴌𐴠 𐴇𐴠𐴉𐴝𐴎𐴡𐴃đ´ĸ 𐴒𐴡𐴌𐴝𐴌 𐴎𐴝𐴒𐴝𐴃đ´ĸ 𐴉𐴡𐴏đ´Ĩ𐴞𐴔𐴧𐴝 𐴔𐴞𐴋𐴞𐴘𐴝 𐴀𐴡𐴑𐴧𐴡𐴓𐴡𐴌 𐴈𐴡𐴁𐴡𐴌 𐴔𐴡𐴃𐴝𐴁𐴠𐴑 𐴔𐴠𐴓𐴞𐴄𐴌𐴞 𐴀𐴡𐴑𐴧𐴡𐴓đ´ĸ 𐴕𐴞𐴎𐴠 𐴎𐴟𐴓𐴟𐴔đ´ĸ 𐴒𐴡𐴌𐴝 𐴐đ´Ĩ𐴟𐴌𐴟 𐴒𐴡𐴙𐴅𐴧𐴠||

𐴅𐴟𐴕 𐴲𐴰𐴹𐴲 𐴐đ´Ĩ𐴡𐴕𐴡𐴃đ´ĸ 𐴀𐴝𐴌𐴝𐴑𐴝𐴕 𐴋𐴠𐴏𐴄𐴞𐴑𐴡𐴃đ´ĸ 𐴀𐴠𐴔𐴝𐴌𐴅𐴠𐴕𐴏𐴞 𐴑𐴝𐴕𐴟𐴕 𐴅𐴝𐴌𐴞 𐴒𐴡𐴌𐴞𐴊𐴞𐴘𐴝 𐴒𐴞𐴘𐴧𐴠| 𐴉𐴡𐴏𐴝𐴊𐴡𐴌 𐴁𐴝𐴊𐴠 𐴁đ´Ļ𐴡𐴗𐴃đ´ĸ 𐴄đ´Ĩ𐴟𐴖𐴡𐴌𐴡𐴌 𐴕𐴡𐴕𐴎𐴞𐴔đ´ĸ 𐴀𐴡𐴑𐴧𐴡𐴓𐴠 𐴀𐴠𐴕 𐴅𐴞 𐴀𐴡 𐴎𐴝𐴌𐴝 𐴌𐴟𐴇đ´Ĩ𐴝𐴚𐴙𐴝 𐴀𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃đ´ĸ 𐴒𐴡𐴙𐴃𐴧𐴡 𐴁𐴡𐴘𐴑𐴡𐴄 𐴒𐴡𐴌𐴞𐴊𐴞𐴘𐴧𐴠| 𐴹𐴚𐴸𐴲 𐴘𐴡𐴌 𐴑𐴝𐴕𐴟𐴕 𐴔𐴡𐴃𐴝𐴁𐴠𐴑 𐴲𐴰𐴹𐴲 𐴐đ´Ĩ𐴡𐴕𐴡𐴌 𐴂𐴝𐴁𐴓𐴞𐴑𐴡𐴌 𐴒𐴡𐴕𐴃𐴞𐴃𐴧𐴞 𐴌𐴟𐴇đ´Ĩ𐴝𐴚𐴙𐴝𐴌𐴠 𐴁𐴝𐴘𐴌𐴒𐴡𐴌𐴞 𐴊𐴞𐴘𐴧𐴠||

𐴐đ´Ĩ𐴡𐴕 𐴲𐴰𐴹đ´ĩ 𐴥𐴃đ´ĸ 𐴀𐴠𐴐𐴃𐴠𐴔𐴀𐴞 𐴇𐴞𐴅𐴌𐴡𐴃đ´ĸ

𐴐đ´Ĩ𐴡𐴕 𐴲𐴰𐴹𐴲 𐴡𐴃𐴧𐴞 𐴓𐴡𐴃𐴞 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴖𐴡𐴌𐴠 𐴇𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴀𐴝𐴌đ´Ĩ𐴥 𐴁𐴠𐴐đ´Ĩ𐴞 𐴎𐴟𐴓𐴟𐴔𐴡𐴌 𐴈𐴡𐴃𐴡𐴌𐴝 𐴀𐴝𐴙𐴐𐴧𐴞𐴓đ´ĸ| 𐴀𐴝𐴌 𐴎𐴡𐴈𐴡𐴕 𐴐đ´Ĩ𐴡𐴕 𐴲𐴰𐴹𐴴 𐴥𐴃đ´ĸ 𐴉𐴝𐴁𐴓𐴞𐴑𐴡𐴌 𐴒𐴡𐴕𐴃𐴞𐴔𐴧𐴝𐴎𐴠 𐴌𐴟𐴇đ´Ĩ𐴝𐴚𐴙𐴝 𐴓𐴡𐴉𐴎𐴡𐴌 𐴖𐴡𐴌𐴠 𐴁𐴡𐴌𐴔𐴝𐴌 𐴇đ´Ĩ𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴉𐴝𐴁𐴡𐴕𐴊𐴞 𐴓𐴝𐴒𐴝𐴘 𐴊𐴞𐴘𐴧𐴠 𐴀𐴝𐴌 𐴃𐴝𐴌𐴁𐴡𐴊𐴡𐴓𐴝𐴃đ´ĸ 𐴏𐴞𐴌đ´Ĩ𐴞𐴉đ´ĸ 𐴁𐴝𐴚𐴝𐴓𐴞 𐴓𐴡𐴉𐴎𐴡 𐴀𐴠𐴏𐴃𐴠𐴔𐴝𐴓đ´ĸ 𐴒𐴡𐴌𐴝 𐴐đ´Ĩ𐴟𐴌 𐴒𐴡𐴙𐴅𐴧𐴠 𐴃𐴡𐴈𐴡𐴕 𐴀đ´Ĩ𐴠 𐴈𐴡𐴃𐴡𐴌𐴝𐴌 𐴘𐴠𐴑𐴞𐴕 𐴀𐴝𐴌đ´Ĩ𐴥 𐴁𐴠𐴐đ´Ĩ𐴞 𐴀đ´Ĩ𐴡𐴘𐴒𐴞𐴘𐴡𐴘||

𐴐đ´Ĩ𐴡𐴕 𐴲𐴰𐴹đ´ĩ 𐴌𐴡𐴌 𐴌𐴠𐴂𐴟𐴄đ´ĸ 𐴔𐴡𐴃𐴝𐴁𐴠𐴑 𐴊𐴟𐴘 𐴁𐴡𐴏𐴡𐴌𐴡𐴌 𐴁đ´Ĩ𐴟𐴃𐴡𐴌𐴠 𐴎𐴟𐴓𐴟𐴔 𐴏𐴠𐴃𐴟𐴔𐴡𐴌 𐴋đ´Ļ𐴡𐴗𐴌𐴠 𐴀𐴝𐴊𐴧𐴠 𐴌𐴟𐴎𐴞 𐴇𐴝𐴔𐴝𐴘𐴁𐴝𐴌 𐴈𐴝𐴃𐴠𐴌𐴠 𐴀𐴠𐴑 𐴓𐴝𐴑𐴤𐴡𐴃𐴧𐴞 𐴁𐴠𐴙𐴐𐴞 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕 𐴒𐴟𐴌𐴝 𐴒𐴟𐴌𐴝 𐴁𐴟𐴄 𐴀𐴡𐴑𐴧𐴡𐴓𐴡𐴌 𐴏𐴝đ´Ŗ𐴃𐴠 𐴁𐴡𐴌𐴔𐴝𐴃𐴧𐴞 𐴇𐴞𐴅𐴌𐴡𐴃đ´ĸ 𐴒𐴡𐴌𐴞 𐴒𐴞𐴘𐴠𐴒𐴡𐴘| 𐴑𐴞𐴕𐴃𐴟 𐴁𐴡𐴌𐴡 𐴇𐴞𐴅𐴌𐴡𐴃đ´ĸ 𐴐đ´Ĩ𐴡𐴕 𐴲𐴰𐴹đ´ĩ 𐴌𐴡𐴃đ´ĸ 𐴀đ´Ĩ𐴥𐴘𐴧𐴠| 𐴑𐴞𐴘𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴃𐴡𐴈𐴡𐴕 𐴁𐴠𐴙𐴐đ´Ļ𐴝 𐴁𐴠𐴙𐴐𐴞 𐴔𐴝𐴕đ´Ĩ𐴟𐴙𐴐đ´ĸ 𐴁𐴟𐴄𐴓𐴡𐴘 𐴏𐴡𐴉𐴡𐴌 𐴒𐴡𐴙𐴅𐴧𐴠 𐴎𐴝𐴌𐴎𐴡𐴌𐴞𐴘𐴝 𐴀𐴝𐴓𐴡𐴔𐴞 𐴔𐴞𐴋𐴞𐴘𐴝 𐴆𐴠𐴕𐴠𐴓đ´ĸ 𐴀𐴡𐴑𐴧𐴡𐴓𐴡𐴃đ´ĸ 𐴃𐴝𐴌𐴝𐴌 𐴕𐴝𐴔 (𐴑𐴞𐴐𐴄𐴞 𐴀𐴡𐴓𐴝) 𐴁𐴡𐴓𐴞 𐴈𐴥𐴘 𐴕𐴝𐴔đ´ĸ 𐴉𐴝𐴍𐴞 𐴒𐴞𐴘𐴡𐴘||

𐴀𐴠𐴑 𐴌𐴠𐴉𐴟𐴄 𐴔𐴡𐴃𐴝𐴁𐴠𐴑 𐴅𐴝𐴕𐴖𐴝𐴌𐴞𐴃𐴧𐴞 𐴔𐴝𐴌𐴠𐴆 𐴉𐴡𐴙𐴅𐴧𐴡𐴕𐴃𐴡 𐴲đ´ĩ 𐴇đ´Ĩ𐴝𐴎𐴝𐴌 𐴉𐴡𐴙𐴅𐴧𐴡𐴕𐴃𐴡 𐴔𐴝𐴕đ´Ĩ𐴟𐴙𐴐đ´ĸ 𐴁𐴟𐴄𐴓𐴡𐴘 𐴏𐴡𐴉𐴡𐴌 đ´’đ´Ąđ´™đ´…đ´§đ´ ØŒ 𐴎𐴞𐴕𐴃𐴞 𐴹𐴰𐴰 𐴐đ´Ĩ𐴥𐴃đ´ĸ 𐴔𐴝𐴕đ´Ĩ𐴟𐴙𐴐đ´ĸ 𐴀𐴞𐴕𐴋𐴟𐴕𐴞𐴐𐴞𐴘𐴝𐴃đ´ĸ 𐴎𐴝𐴘𐴃𐴠 𐴔𐴝𐴌𐴝 đ´’đ´žđ´˜đ´§đ´ ØŒ 𐴲𐴰𐴰 𐴐đ´Ĩ𐴥𐴃đ´ĸ 𐴔𐴝𐴓𐴞𐴐𐴞𐴘𐴝 𐴀𐴝𐴌 𐴹𐴰 𐴎𐴡𐴕 𐴄𐴝𐴘𐴓𐴠đ´Ŗ𐴕𐴡𐴃đ´ĸ| đ´ŗ𐴰𐴰𐴰 𐴃𐴞𐴕 𐴇đ´Ĩ𐴝𐴎𐴝𐴌 𐴔𐴝𐴙𐴕𐴐đ´Ĩ𐴡𐴌𐴠 𐴁𐴟𐴍𐴡𐴃𐴧𐴞 𐴀𐴟𐴊𐴧𐴟𐴌𐴝 𐴒𐴡𐴌𐴝 đ´’đ´žđ´˜đ´§đ´ ØŒ 𐴁đ´Ļ𐴡𐴃𐴑𐴞𐴘𐴝 𐴕𐴞𐴎𐴠𐴁𐴝𐴎𐴠 𐴇đ´Ĩ𐴝đ´Ŗ𐴏𐴟𐴌𐴞 𐴀𐴡𐴙𐴕𐴧𐴡 𐴎𐴝𐴒𐴝𐴃đ´ĸ 𐴇𐴤𐴡đ´Ŗ𐴏𐴞 𐴒𐴞𐴘𐴡𐴘 | 𐴀𐴝𐴌đ´Ĩ𐴥 𐴁𐴠𐴙𐴐𐴞 𐴔𐴝𐴕đ´Ĩ𐴟𐴙𐴐đ´ĸ 𐴔𐴡𐴗𐴃đ´ĸ 𐴉𐴡𐴙𐴅𐴧𐴡𐴕𐴃𐴡 𐴁𐴟𐴍𐴡𐴔𐴧𐴝𐴎𐴠 𐴉đ´Ĩ𐴝đ´Ŗ𐴐𐴞 𐴀𐴝𐴙𐴐𐴧𐴞𐴓đ´ĸ| 𐴁𐴝𐴏𐴞𐴒𐴞𐴘𐴡𐴘𐴊𐴠 𐴁đ´Ĩ𐴟𐴃𐴡𐴌𐴠 𐴡 𐴇đ´Ĩ𐴝đ´Ŗ𐴃đ´ĸ 𐴀đ´Ĩ𐴝𐴎𐴝𐴌𐴡𐴌 𐴁𐴠𐴙𐴐𐴞 𐴕𐴡𐴎𐴡𐴌 𐴁𐴡𐴕𐴊𐴞 𐴎𐴞𐴘𐴡𐴓đ´ĸ 𐴀𐴡𐴑𐴧𐴡𐴓𐴡𐴃đ´ĸ 𐴎𐴞𐴕𐴊𐴞𐴒𐴞 𐴒𐴟𐴎𐴝𐴌𐴠𐴌| 𐴄đ´Ĩ𐴝𐴘𐴓𐴠𐴚𐴋 𐴇𐴤𐴡𐴏𐴡𐴘𐴝 𐴀𐴡𐴑𐴧𐴡𐴓𐴡𐴌𐴠 𐴀đ´Ĩ𐴞𐴍𐴞𐴘𐴝𐴌 𐴇𐴡𐴑𐴟𐴔𐴡𐴃𐴠 𐴃𐴝𐴌𐴝𐴌𐴠 𐴊𐴟𐴁𐴝𐴌𐴝 𐴁𐴟𐴍𐴡𐴃đ´ĸ 𐴁𐴝đ´Ŗ𐴊𐴞𐴘𐴡𐴌𐴠 𐴊𐴡𐴌𐴞𐴘𐴝𐴌 𐴔𐴞𐴑𐴧𐴝 𐴄đ´Ĩ𐴞𐴓𐴞𐴊𐴞𐴘𐴧𐴠| 𐴁𐴝𐴚𐴓𐴝 𐴊𐴠𐴐đ´Ĩ𐴡𐴌 𐴇𐴡𐴑𐴟𐴃𐴠 𐴔𐴟𐴇𐴝𐴅𐴠𐴌 𐴀𐴡𐴑𐴧𐴡𐴓𐴡𐴌 𐴏𐴝đ´Ŗ𐴀𐴃𐴠 𐴀𐴠𐴔𐴊𐴝𐴃đ´ĸ 𐴈𐴡𐴔𐴒𐴡𐴙𐴅𐴧𐴠 𐴃𐴝𐴑𐴠 𐴀𐴝𐴌đ´Ĩ𐴡𐴁𐴙𐴐𐴞 𐴀đ´Ļ𐴝𐴘𐴕𐴡𐴉𐴝𐴌𐴠𐴉𐴝𐴕| 𐴀𐴝𐴌 𐴀đ´Ĩ𐴝𐴎𐴝𐴌 𐴀đ´Ĩ𐴝𐴎𐴝𐴌 𐴌đ´Ĩ𐴠𐴉𐴟𐴎𐴞 𐴀𐴡𐴑𐴧𐴡𐴓𐴡𐴌𐴠 𐴁𐴡𐴓𐴝𐴎𐴟𐴌𐴞 𐴀𐴠𐴑𐴒𐴟𐴗𐴝 𐴋𐴞𐴔𐴧𐴝𐴎𐴠 𐴀𐴝𐴁𐴝𐴊đ´ĸ 𐴒𐴡𐴌𐴞𐴁𐴝𐴌 𐴉𐴠𐴓𐴝𐴚 𐴐đ´Ĩ𐴟𐴌𐴟 𐴒𐴡𐴙𐴅𐴧𐴠 𐴎𐴠𐴍𐴠 𐴎𐴞𐴕𐴊𐴞𐴒𐴞 𐴒𐴟𐴎𐴝𐴌𐴡𐴕 𐴏𐴡𐴌𐴟𐴏𐴝𐴔𐴝𐴕 𐴕𐴡𐴃𐴝𐴑𐴝𐴌 𐴁𐴡𐴌𐴝𐴁𐴡𐴌||

𐴎𐴡𐴊𐴞𐴘đ´Ĩ𐴥 𐴲𐴰𐴹đ´ĩ 𐴐đ´Ĩ𐴡𐴕𐴡𐴌 𐴁đ´Ĩ𐴟𐴄𐴡𐴔𐴧𐴝𐴎𐴠 𐴀𐴡𐴚𐴏đ´Ĩ𐴠đ´Ŗ 𐴏𐴟𐴆𐴞𐴌 𐴀𐴠𐴕 𐴀𐴠𐴓đ´ĸ 𐴋𐴞 𐴉𐴝𐴄𐴞𐴘𐴠 𐴀𐴝𐴑𐴏𐴡𐴌𐴞𐴘𐴡𐴃đ´ĸ 𐴇𐴝𐴏𐴠𐴓đ´ĸ 𐴒𐴡𐴙𐴅𐴧𐴠 𐴀𐴝𐴌 𐴀𐴡𐴚𐴏đ´Ĩ𐴠đ´Ŗ 𐴏𐴟𐴆𐴞 𐴖𐴡𐴎𐴞𐴌𐴠 𐴀𐴝𐴀𐴎𐴡𐴔đ´ĸ 𐴁𐴡𐴙𐴕𐴧𐴠 𐴑𐴞𐴕𐴃𐴟 𐴀đ´Ĩ𐴞𐴁𐴝 𐴑𐴝𐴕𐴟𐴕 𐴔𐴡𐴃𐴝𐴁𐴠𐴑 𐴌𐴝𐴎𐴝 𐴁𐴡𐴕𐴞 𐴕𐴡𐴉𐴝𐴌𐴠𐴌| 𐴀đ´Ĩ𐴠 𐴈𐴡𐴃𐴝𐴓𐴧𐴝 𐴕𐴡 𐴔𐴠𐴓𐴠𐴄𐴌𐴞 𐴇𐴡𐴔𐴡𐴃𐴡𐴃đ´ĸ 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴠 𐴀𐴞𐴕𐴏𐴝𐴉đ´ĸ 𐴉𐴝𐴘𐴧𐴠 𐴀𐴝𐴌 𐴕𐴡 𐴋𐴠𐴔𐴟𐴑𐴄𐴠𐴏𐴞 𐴇𐴡𐴑𐴟𐴔𐴡𐴃𐴡𐴃đ´ĸ||

𐴐đ´Ĩ𐴡𐴕 𐴲𐴰𐴹đ´ļ 𐴔𐴧𐴝𐴎𐴠 𐴁𐴟𐴌𐴔𐴝𐴌 𐴉𐴡𐴗𐴏đ´ĸ 𐴀𐴝𐴊𐴧𐴠 𐴄𐴠𐴌𐴠𐴌𐴠𐴏đ´ĸ 𐴁𐴡𐴊𐴧𐴟 𐴀𐴡𐴑𐴧𐴡𐴓đ´ĸ 𐴔𐴞𐴓𐴞 𐴔𐴟𐴏𐴡𐴓𐴔𐴝𐴕𐴡𐴌 𐴖𐴡𐴌𐴠 𐴁𐴡𐴌𐴡 𐴀𐴝𐴕𐴊𐴝𐴎𐴓𐴡𐴘 𐴇𐴝𐴔𐴓𐴝 𐴒𐴡𐴙𐴅𐴧𐴠| 𐴀𐴠 𐴇đ´Ĩ𐴝𐴚𐴒𐴝𐴔𐴝 𐴐đ´Ĩ𐴟𐴌𐴟 𐴀𐴡𐴘𐴧𐴠 𐴉𐴝𐴌𐴝𐴊𐴝𐴌 𐴉𐴟𐴓𐴞𐴐đ´ĸ 𐴏𐴠𐴑𐴝𐴚𐴡𐴃đ´ĸ 𐴀𐴡𐴎𐴝𐴕𐴝 𐴀đ´Ĩ𐴞𐴃𐴞𐴘𐴝𐴌 𐴀𐴡𐴓𐴝 𐴒𐴟𐴌𐴟𐴉𐴠 𐴇𐴝𐴔𐴓𐴝 𐴒𐴡𐴌𐴝𐴌𐴁𐴝𐴊𐴠| 𐴀𐴠 𐴉𐴡𐴗𐴅𐴞 𐴀𐴡𐴉𐴝𐴌𐴠𐴐𐴡𐴕𐴡𐴃đ´ĸ 𐴁𐴡𐴌𐴡 𐴀𐴝𐴕𐴊𐴝𐴎𐴠 𐴀𐴞𐴕𐴏𐴝𐴕𐴞 𐴇𐴡𐴑𐴧𐴡𐴌 𐴈𐴠𐴓𐴉đ´ĸ 𐴖𐴡𐴌𐴎𐴞 𐴀𐴡𐴑𐴧𐴡𐴓đ´ĸ 𐴀𐴡𐴘𐴧𐴠 𐴎𐴠𐴍𐴠 𐴁𐴞𐴏𐴝𐴌 𐴏đ´Ĩ𐴝𐴌 𐴑𐴡𐴃𐴡𐴓đ´ĸ، 𐴀𐴠𐴅𐴃𐴠𐴔𐴝𐴘𐴞 𐴃𐴡𐴌𐴡𐴌 𐴖𐴡𐴌𐴠 đ´Žđ´Ÿđ´“đ´Ÿđ´”ØŒ 𐴀𐴡𐴙𐴕𐴡𐴃đ´ĸ 𐴉𐴟𐴌𐴝𐴊𐴡𐴕 𐴀𐴝𐴊𐴧𐴠 𐴔𐴝𐴌𐴊𐴤𐴡𐴌𐴡𐴌 𐴔𐴝𐴀𐴔𐴠𐴓𐴝 𐴀𐴡𐴑𐴧𐴡𐴓đ´ĸ 𐴐𐴝𐴔𐴠𐴓đ´ĸ 𐴀𐴝𐴏𐴠| 𐴀đ´Ĩ𐴠 𐴀𐴡𐴃𐴧𐴡𐴌 𐴇𐴟𐴑𐴔𐴡𐴌𐴝𐴕 𐴀𐴡𐴑𐴧𐴡𐴓𐴡𐴌 𐴖𐴡𐴌𐴠 𐴁𐴠𐴙𐴐𐴝 𐴁𐴠𐴙𐴐𐴞 𐴊đ´Ĩ𐴝𐴁𐴤𐴝 𐴀𐴡𐴑𐴧𐴡𐴓đ´ĸ 𐴓𐴝𐴒𐴝𐴘𐴧𐴠 𐴑𐴞𐴘𐴡𐴓𐴧𐴝 𐴃𐴝𐴌𐴝 𐴆𐴟𐴉𐴔𐴝𐴌𐴞 𐴀𐴝𐴏𐴠 𐴀𐴝𐴌 𐴃𐴝𐴌𐴝 𐴈𐴡𐴕đ´Ĩ𐴥 𐴑𐴞𐴏𐴞𐴔𐴡𐴌 𐴑𐴝𐴌𐴖𐴝𐴘 𐴕𐴡𐴒𐴡𐴌𐴠| 𐴓đ´Ļ𐴝𐴏𐴡𐴃đ´ĸ 𐴘𐴟 𐴀𐴠𐴕𐴡𐴌 𐴇đ´Ļ𐴝𐴘 𐴑𐴡𐴔𐴞𐴐𐴠𐴕𐴝𐴌𐴠 𐴁𐴟𐴌𐴔𐴝𐴌 𐴖𐴡𐴌𐴠 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴝𐴔𐴝𐴕𐴡𐴌𐴠 𐴑𐴡𐴃𐴡𐴓𐴠 𐴀đ´Ļ𐴝𐴔𐴡𐴌 𐴀𐴠𐴓𐴎𐴝𐴔 𐴓𐴝𐴒𐴝𐴘𐴧𐴠| 𐴘𐴟 𐴀𐴠𐴕𐴡𐴌 𐴃𐴝𐴇𐴑𐴞𐴑 𐴔𐴡𐴃𐴝𐴁𐴠𐴑 𐴑𐴡𐴗𐴔đ´ĸ 𐴉𐴟𐴎𐴝𐴌𐴞 𐴁𐴡𐴊𐴧𐴟 𐴀𐴡𐴑𐴧𐴡𐴓𐴡𐴃𐴧𐴞 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴝𐴔𐴝𐴕𐴡𐴌 𐴈𐴠𐴓𐴝𐴉đ´ĸ 𐴕𐴝𐴉𐴡𐴌𐴡𐴃đ´ĸ 𐴊𐴤𐴡𐴌𐴔𐴞𐴘𐴡 𐴇đ´Ĩ𐴞đ´Ŗ𐴚𐴐𐴝 𐴉đ´Ļ𐴝𐴎𐴝| 𐴀𐴠𐴌𐴠𐴑 𐴔𐴞𐴑𐴧𐴝𐴃𐴧𐴞 𐴓𐴟đ´Ŗ𐴚 𐴆𐴟𐴌đ´Ĩ𐴠 𐴀𐴝𐴌𐴔𐴞 𐴀𐴡𐴑𐴧𐴡𐴓𐴠 𐴁𐴠𐴏𐴝𐴌 𐴏đ´Ĩ𐴝𐴌 𐴑𐴡𐴃𐴡𐴓đ´ĸ، 𐴎𐴡𐴁𐴡𐴌𐴊𐴡𐴏𐴃𐴞 đ´’đ´Ÿđ´”đ´’đ´Ąđ´Œđ´žđ´‰đ´ đ´“đ´Ąđ´•ØŒ 𐴑𐴡𐴘𐴊đ´ĸ đ´’đ´Ąđ´Œđ´Ąđ´•ØŒ 𐴕𐴡𐴎𐴡𐴌 𐴁𐴡𐴕𐴊𐴞 đ´’đ´Ąđ´Œđ´Ąđ´•ØŒ 𐴎𐴟𐴓𐴟𐴔đ´ĸ đ´đ´ đ´ƒđ´Ÿđ´”ØŒ 𐴁𐴠𐴙𐴎𐴧𐴡𐴃𐴞 𐴏𐴟𐴓𐴟𐴑 𐴀𐴝𐴊𐴧𐴠 𐴎𐴡𐴁𐴡𐴌 𐴊𐴡𐴏𐴃𐴞 𐴃𐴝𐴌𐴝𐴌 𐴑𐴟𐴓𐴞𐴒𐴌𐴞 𐴒𐴡𐴌𐴝𐴕𐴡𐴃đ´ĸ 𐴓𐴝𐴒𐴞𐴀𐴝𐴏𐴠||

𐴎𐴟𐴓𐴟𐴔𐴡𐴌 𐴏𐴠𐴌𐴝𐴚

= 𐴀𐴠𐴑 𐴏𐴡𐴓𐴧𐴞𐴐đ´ĸ 𐴀đ´Ĩ𐴝𐴎𐴝𐴌𐴡𐴃𐴧𐴞 𐴁𐴠𐴙𐴐𐴞 𐴁𐴟𐴌𐴔𐴝𐴌 𐴁đ´Ĩ𐴟𐴃𐴡𐴌𐴠 𐴌𐴠𐴉𐴟𐴎𐴞 𐴑𐴠𐴀𐴠𐴔 𐴀𐴡𐴑𐴧𐴡𐴓𐴡𐴃đ´ĸ 𐴁𐴡𐴕𐴀𐴝𐴏𐴠 𐴎𐴠𐴒𐴞𐴕𐴡𐴌 𐴔𐴠𐴏𐴝𐴓đ´ĸ 𐴀𐴠𐴑𐴧𐴝𐴕 𐴁𐴡𐴌𐴡 𐴎𐴞𐴘𐴡𐴓𐴡𐴌 𐴋đ´Ļ𐴡𐴘𐴓𐴧𐴝| 𐴎𐴠𐴍𐴠 𐴕𐴡 𐴇𐴝𐴔𐴝𐴘𐴞 𐴀𐴝𐴏𐴠 𐴀𐴝𐴌 𐴕𐴡 𐴀đ´Ĩ𐴞𐴕𐴃𐴞 𐴕𐴠𐴙𐴓𐴞𐴁𐴝𐴌 𐴀𐴠𐴅𐴝𐴎𐴡𐴃đ´ĸ||

= 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴝𐴔𐴝𐴕 𐴃𐴡𐴑𐴌𐴞𐴁𐴝𐴕 𐴀𐴡𐴊𐴧𐴡𐴑 𐴁𐴤𐴝𐴐𐴞𐴕𐴊𐴝𐴌𐴠 𐴎𐴡𐴁𐴡𐴌𐴊𐴡𐴏𐴃𐴞 𐴊𐴠𐴐đ´Ĩ𐴡𐴃𐴧𐴞 𐴁𐴝𐴘𐴌 𐴒𐴡𐴌𐴞 𐴊𐴞𐴘𐴧𐴠||

= 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴝𐴔𐴝𐴕𐴡𐴃𐴧𐴞 𐴊𐴟𐴕𐴞𐴘𐴝 𐴈𐴡𐴕đ´Ĩ𐴥 𐴊𐴠𐴐đ´Ĩ𐴡𐴌 𐴕𐴠𐴐𐴕𐴠𐴓𐴠𐴄𐴞 𐴕đ´Ĩ𐴝𐴘 𐴀𐴠𐴈𐴡𐴃𐴝𐴓𐴧𐴝 𐴃𐴝𐴌𐴝 𐴀𐴞𐴕𐴏𐴝𐴕𐴞 𐴁𐴟𐴕𐴞𐴘𐴝𐴊𐴞 𐴇𐴡𐴑𐴡𐴃𐴧𐴞 𐴔𐴝𐴀𐴌𐴟𐴔𐴀𐴝𐴏𐴠| 𐴕𐴠𐴐𐴕𐴠𐴓𐴠𐴄𐴞𐴌 đ´‡đ´Ąđ´‘ØŒ 𐴒𐴞𐴌𐴡𐴏𐴧𐴞𐴌 đ´‡đ´Ąđ´‘ØŒ 𐴇𐴝𐴔𐴝𐴘 𐴒𐴡𐴌𐴝𐴌 đ´‡đ´Ąđ´‘ØŒ 𐴃𐴝𐴀𐴓𐴞𐴔𐴡𐴌 đ´‡đ´Ąđ´‘ØŒ 𐴀𐴝𐴎𐴝𐴊𐴞𐴌 đ´‡đ´Ąđ´‘Û”Û”Û”Û” 𐴀𐴠𐴒𐴞𐴕 𐴁𐴠𐴙𐴒𐴧𐴞𐴕𐴡𐴃𐴧𐴞 𐴔𐴝𐴀𐴌𐴟𐴔𐴀𐴝𐴏𐴠 𐴃𐴝𐴌𐴝||

= 𐴃𐴝𐴌𐴝𐴓𐴧𐴝𐴘𐴁𐴡𐴓𐴞 𐴏đ´Ĩ𐴡𐴉𐴡𐴌 𐴒𐴡𐴌𐴝𐴌 𐴀𐴠𐴅𐴝𐴎𐴡𐴃đ´ĸ 𐴕đ´Ĩ𐴝𐴘||

= 𐴃𐴝𐴌𐴝𐴓𐴧𐴝𐴘𐴁𐴡𐴓𐴞 𐴎𐴝𐴒𐴝 𐴎𐴡𐴁𐴞𐴕𐴡𐴌 𐴒𐴞𐴌𐴡𐴏đ´ĸ 𐴁𐴡𐴕𐴞𐴁𐴝𐴌 𐴀𐴠𐴅𐴝𐴎𐴡𐴃đ´ĸ 𐴕đ´Ĩ𐴝𐴘||

= 𐴃𐴝𐴌𐴝𐴌 𐴐đ´Ĩ𐴟𐴕𐴝𐴓𐴞 𐴎𐴡𐴁𐴞𐴕𐴡𐴌𐴠 𐴀đ´Ĩ𐴝𐴊𐴡𐴔𐴝𐴘 𐴒𐴡𐴌𐴞𐴓𐴡𐴘 𐴁𐴟𐴌𐴔𐴝𐴌 𐴀𐴡𐴙𐴕𐴧𐴡 𐴀𐴠𐴓𐴝𐴑𐴝 𐴀𐴡𐴑𐴧𐴡𐴓𐴡𐴃𐴧𐴞 𐴀𐴝𐴙𐴐𐴧𐴠𐴊𐴠 𐴁𐴡𐴊𐴧𐴟 𐴁𐴤𐴝𐴐𐴞𐴕𐴊𐴝 𐴀𐴡𐴑𐴧𐴡𐴓𐴡𐴌𐴠 𐴊𐴞𐴉𐴠𐴓𐴝𐴘𐴧𐴠||

= 𐴉𐴡𐴙𐴃𐴧𐴡 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴝𐴔𐴝𐴕𐴡𐴌 𐴖𐴡𐴌𐴠 𐴎𐴡𐴌𐴟𐴌𐴞 𐴀𐴡𐴘𐴓𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴀𐴡 𐴏𐴝𐴐đ´Ĩ𐴡𐴑𐴡𐴌 𐴖𐴡𐴌𐴠 𐴏đ´Ĩ𐴝𐴘𐴕 𐴒𐴡𐴌𐴡𐴕 𐴎𐴠𐴍𐴠 𐴓𐴠𐴑𐴤𐴝 𐴀𐴝𐴏𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴊𐴟𐴘𐴎𐴡𐴕𐴡𐴃𐴧𐴞 𐴁𐴠𐴙𐴐𐴞 𐴉𐴟𐴖𐴝𐴘𐴕 𐴕𐴡𐴀𐴡𐴘𐴁𐴡||

= 𐴌𐴟𐴇đ´Ĩ𐴝𐴚𐴙𐴝 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴇đ´Ĩ𐴡𐴑𐴟𐴔𐴡𐴃𐴠 𐴁𐴡𐴓𐴝𐴎𐴟𐴌𐴞 𐴔𐴡𐴎𐴊𐴟𐴌𐴞 𐴒𐴝𐴌𐴝𐴁𐴝| 𐴇đ´Ĩ𐴝𐴉𐴃𐴝𐴔𐴧𐴝𐴎𐴠 𐴀𐴠𐴑𐴊𐴞𐴕 𐴉𐴡𐴗𐴏𐴡𐴌 𐴀𐴝𐴊𐴧𐴠 𐴇𐴡𐴑𐴟𐴔𐴡𐴃𐴞 𐴂𐴌𐴡𐴅𐴠𐴑𐴄𐴡𐴌 𐴖𐴡𐴌𐴠 𐴇𐴝𐴔𐴒𐴡𐴌𐴝𐴉𐴡𐴌𐴠 𐴀𐴝𐴌 𐴀𐴠𐴑 𐴌𐴝𐴙𐴃đ´ĸ 𐴏đ´Ļ𐴥đ´Ŗ𐴘𐴊𐴝𐴌 𐴃𐴝𐴑𐴝𐴉𐴡𐴌𐴠||

= 𐴁𐴟𐴌𐴔𐴝𐴌 𐴓𐴟đ´Ŗ𐴚𐴆𐴟𐴌đ´Ĩ𐴠 𐴀𐴝𐴌𐴔𐴞 𐴀𐴝𐴊𐴧𐴠 𐴄𐴠𐴌𐴠𐴌𐴠𐴏đ´ĸ 𐴁𐴡𐴊𐴧𐴟 𐴀𐴡𐴑𐴧𐴡𐴓𐴠 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴁𐴠𐴏𐴝𐴌 𐴏đ´Ĩ𐴝𐴌 𐴑𐴡𐴃𐴡𐴓đ´ĸ، 𐴎𐴡𐴁𐴡𐴌𐴊𐴡𐴏𐴃𐴞 đ´’đ´Ÿđ´”đ´’đ´Ąđ´Œđ´žđ´‰đ´ đ´“đ´Ąđ´•ØŒ 𐴑𐴡𐴘𐴊đ´ĸ đ´’đ´Ąđ´Œđ´Ąđ´•ØŒ 𐴕𐴡𐴎𐴡𐴌 𐴁𐴡𐴕𐴊𐴞 đ´’đ´Ąđ´Œđ´Ąđ´•ØŒ 𐴒𐴤𐴡𐴌 𐴀𐴡𐴑𐴧𐴡𐴓đ´ĸ đ´‰đ´Ÿđ´Œđ´đ´Šđ´Ąđ´•ØŒ 𐴅𐴞𐴏𐴔𐴝𐴕𐴞 𐴎𐴟𐴓𐴟𐴔 đ´đ´ đ´ƒđ´Ÿđ´”ØŒ 𐴔𐴡𐴌𐴊𐴝𐴕𐴞 đ´Žđ´Ÿđ´“đ´Ÿđ´”ØŒ 𐴁𐴠𐴙𐴎𐴧𐴡𐴃𐴞 𐴏𐴟𐴓𐴟𐴑 𐴀𐴝𐴊𐴧𐴠 𐴎𐴡𐴁𐴡𐴌 𐴊𐴡𐴏𐴃𐴞 𐴃𐴝𐴌𐴝𐴌 𐴑𐴟𐴓𐴞𐴒𐴌𐴞𐴌 𐴏𐴝𐴔𐴕𐴠 𐴖𐴝𐴉𐴡𐴌𐴠𐴌||

= 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓đ´ĸ” 𐴊𐴟𐴕𐴞𐴘𐴝𐴔𐴧𐴝𐴎𐴠 𐴁𐴠𐴙𐴒𐴧𐴞𐴕𐴡𐴃𐴧𐴞 𐴁đ´Ĩ𐴝𐴌𐴡 𐴁𐴠𐴎𐴡𐴃𐴧𐴡𐴕 𐴑𐴡𐴗𐴔” 𐴀𐴝𐴌 ” 𐴊𐴟𐴕𐴞𐴘𐴝𐴔𐴧𐴝𐴎𐴠 𐴁𐴠𐴙𐴒𐴧𐴞𐴕𐴡𐴃𐴧𐴞 𐴁𐴠𐴐đ´Ĩ𐴞 𐴔𐴡𐴎𐴓𐴟𐴔 𐴈𐴡𐴔𐴀𐴝𐴁𐴝𐴊𐴞 ” 𐴁𐴡𐴓𐴞 𐴑𐴠𐴌𐴝𐴌 𐴊𐴞𐴘𐴝𐴒𐴞𐴘𐴧𐴠||

đ´ˆđ´Ÿđ´“đ´đ´đ´Û”Û”Û”

𐴀𐴠 𐴔𐴡𐴈𐴃𐴡𐴏𐴡𐴌 𐴃𐴝𐴌𐴞𐴑𐴡𐴌 𐴖𐴡𐴌𐴠 𐴕𐴡𐴎𐴡𐴌 𐴒𐴡𐴌𐴡𐴕𐴡𐴌 𐴁𐴝𐴊𐴠 𐴔𐴡𐴕𐴡𐴌 𐴁đ´Ĩ𐴟𐴃𐴡𐴌𐴠 𐴁đ´Ļ𐴡𐴗𐴃đ´ĸ 𐴏𐴟𐴖𐴝𐴓đ´ĸ 𐴀𐴡𐴑𐴧𐴡𐴓đ´ĸ 𐴀𐴟𐴍𐴞𐴀𐴝𐴘𐴧𐴠𐴌:

+ 𐴁𐴟𐴌𐴔𐴝 𐴑𐴡𐴗𐴔đ´ĸ 𐴃𐴥𐴁𐴧𐴥𐴃đ´ĸ 𐴊𐴠𐴐đ´Ĩ𐴡𐴃𐴧𐴞 𐴇𐴞𐴅𐴌𐴡𐴃đ´ĸ 𐴒𐴡𐴌𐴞 𐴕𐴞𐴎𐴡𐴌 𐴏𐴝đ´Ŗ𐴀𐴃𐴠 𐴁𐴡𐴊𐴧𐴟 𐴊𐴤𐴡𐴌𐴔𐴡𐴌𐴠 𐴀đ´Ĩ𐴠 𐴀𐴠𐴓𐴝𐴑𐴝𐴃đ´ĸ 𐴀𐴝𐴙𐴕𐴧𐴠𐴊𐴠 đ´•đ´Ąđ´€đ´Ąđ´•đ´žđ´‘đ´žØŸ 𐴃𐴡𐴘𐴓𐴠 𐴘đ´Ļ𐴝𐴕 𐴈𐴡𐴗𐴝 𐴕𐴡𐴎𐴝𐴁𐴡𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠𐴈𐴡𐴘𐴓𐴠 𐴀đ´Ĩ𐴠𐴊𐴠𐴐đ´Ĩ𐴡𐴌 𐴕𐴠𐴐𐴕𐴠𐴓𐴞𐴄𐴞 𐴀𐴡𐴔𐴝𐴙𐴕𐴐đ´Ĩ𐴡𐴃𐴧𐴞 𐴉đ´Ļ𐴡𐴕𐴏𐴝 𐴎𐴝𐴌𐴝 𐴔𐴟𐴌𐴔𐴞 𐴀đ´Ļ𐴡𐴓đ´ĸ 𐴇𐴞𐴅𐴌𐴡𐴃đ´ĸ 𐴒𐴡𐴌𐴝𐴌 𐴀𐴝𐴒𐴠𐴓𐴡𐴃𐴞 𐴀𐴠𐴍𐴠 𐴁𐴡𐴐𐴡𐴃𐴞 đ´’đ´Ąđ´Œđ´ đ´ŒØŸ

+ 𐴀𐴠𐴈𐴡𐴕 𐴏𐴡𐴓𐴠𐴊𐴧𐴠 𐴀𐴝𐴀𐴓𐴡𐴔𐴞 𐴕𐴠𐴎𐴝𐴔đ´ĸ 𐴀𐴝𐴊𐴧𐴠 𐴀𐴝𐴑𐴖𐴝𐴔𐴠 𐴔𐴟𐴃𐴧𐴡𐴇𐴞𐴊𐴝 𐴀𐴠𐴈𐴡𐴕 𐴀𐴝𐴔𐴠𐴌𐴞𐴑𐴝𐴌 𐴀𐴝𐴏𐴡𐴓𐴞 𐴁𐴤𐴝𐴐𐴞𐴕𐴊𐴝𐴌𐴠 𐴀𐴠 𐴇𐴡𐴑𐴧𐴝𐴕 𐴊𐴞𐴁𐴡𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴕𐴞𐴎𐴡𐴌𐴠 𐴕𐴞𐴎𐴠 𐴀𐴝𐴔𐴠𐴌𐴞𐴑𐴝𐴌 𐴀𐴝𐴏𐴡𐴓𐴞 𐴁𐴤𐴝𐴐𐴞𐴕𐴊𐴝 𐴀𐴝𐴌 𐴁𐴞𐴌𐴞𐴄𐴞𐴐đ´ĸ 𐴇𐴝𐴔𐴓𐴝 𐴒𐴡𐴌𐴡𐴘𐴝 𐴀𐴝𐴌 𐴁𐴡𐴐𐴡𐴃𐴞 𐴒𐴡𐴌𐴡𐴘𐴝 𐴀đ´Ļ𐴡𐴓𐴡𐴌𐴠( 𐴁𐴠𐴑𐴝𐴕𐴟𐴕𐴞 𐴁𐴤𐴝𐴉𐴠 𐴇𐴞𐴅𐴌𐴡𐴃đ´ĸ 𐴒𐴡𐴌𐴞 𐴀𐴝𐴙𐴐𐴧𐴠𐴊𐴠 𐴀đ´Ļ𐴞𐴏𐴝𐴘𐴞) 𐴁𐴡𐴓𐴞𐴈𐴡𐴘 𐴃𐴝𐴌𐴝𐴌 𐴇𐴡𐴑𐴡𐴌𐴠 𐴖𐴝𐴉𐴠𐴏đ´ĸ 𐴓𐴡𐴘𐴉𐴠𐴓𐴡𐴕 𐴀𐴝𐴌 𐴕𐴡𐴘𐴝 𐴁𐴡𐴐𐴡𐴃𐴞 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴌𐴠 𐴒𐴠𐴌𐴒𐴟𐴗𐴓đ´ĸ 𐴒𐴡𐴙𐴅𐴧𐴝 𐴌𐴠𐴉𐴟𐴎𐴞 𐴑đ´Ļ𐴠𐴔𐴡𐴃đ´ĸ 𐴁𐴡𐴕𐴒𐴡𐴌𐴞 đ´Œđ´đ´‘đ´žđ´đ´ĄØŸ

+ 𐴁𐴟𐴌𐴔𐴝𐴌 𐴁𐴡𐴊𐴧𐴟 𐴑𐴡𐴗𐴔đ´ĸ 𐴀𐴡𐴑𐴧𐴡𐴓𐴠 𐴕𐴞𐴎𐴡𐴌 𐴊𐴤𐴡𐴌𐴔𐴡 𐴔𐴝𐴕𐴡𐴘𐴝 𐴀𐴝𐴌𐴝𐴑𐴝𐴕𐴞 𐴌𐴝𐴎𐴝𐴒𐴞𐴌𐴞𐴌𐴠 𐴈𐴡𐴃𐴡𐴔đ´ĸ 𐴒𐴡𐴌𐴞 𐴎𐴡𐴁𐴡𐴌𐴊𐴡𐴏𐴃𐴞 𐴀𐴝𐴌𐴝𐴑𐴝𐴕𐴡𐴌𐴠 𐴊𐴡𐴈𐴡𐴓đ´ĸ đ´•đ´Ąđ´€đ´Ąđ´’đ´Ąđ´Œđ´ ØŸ 𐴀𐴝𐴌 𐴘đ´Ļ𐴝𐴕 𐴁𐴟𐴌𐴔𐴝𐴌 𐴇𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴃𐴧𐴞 𐴀𐴝𐴌𐴝𐴑𐴝𐴕𐴞 𐴀đ´Ļ𐴡𐴓𐴡𐴌 𐴈𐴠𐴓𐴝𐴉đ´ĸ 𐴉đ´Ļ𐴡𐴘𐴓𐴝 𐴀𐴡𐴉𐴝𐴌𐴠𐴐𐴡𐴕 𐴀𐴝𐴙𐴐𐴧𐴞𐴓𐴊𐴠 đ´•đ´Ąđ´€ØŸ

+ 𐴁𐴠𐴕𐴒𐴝𐴓𐴡𐴌 𐴔𐴟𐴏𐴡𐴓𐴔𐴝𐴕 𐴌𐴝𐴎𐴝𐴘𐴠 𐴀𐴝𐴌𐴝𐴑𐴝𐴕𐴞 𐴁𐴡𐴊𐴧𐴟 𐴌𐴝𐴎𐴝 𐴀𐴝𐴊𐴧𐴠 𐴀𐴡𐴒𐴡𐴕𐴝 𐴁𐴟𐴋𐴧𐴞𐴏đ´ĸ 𐴀đ´Ļ𐴡𐴓𐴡𐴌𐴠 𐴉𐴝𐴕𐴤𐴝 𐴊𐴞𐴘𐴡𐴌𐴠 𐴁𐴝𐴊𐴡𐴃𐴧𐴞 𐴀𐴝𐴌𐴠𐴑𐴁𐴝𐴌 𐴃𐴝𐴌𐴝𐴌𐴠 𐴇𐴡𐴑𐴟𐴔𐴡𐴃𐴡𐴌 𐴔𐴡𐴏𐴕𐴡𐴊𐴡𐴃đ´ĸ 𐴁𐴟𐴖𐴝𐴘𐴧𐴡𐴌𐴠 𐴁𐴟𐴋𐴧𐴞𐴏đ´ĸ 𐴀𐴡𐴑𐴧𐴡𐴓𐴡𐴌 𐴏𐴝đ´Ŗ𐴀𐴃𐴠 𐴎𐴟𐴓𐴟𐴔đ´ĸ 𐴒𐴡𐴙𐴅𐴧𐴠 𐴕𐴝𐴑𐴞 𐴀𐴠𐴇𐴏𐴝𐴕 đ´’đ´Ąđ´™đ´…đ´§đ´ ØŸ

+ 𐴁𐴠𐴚𐴒𐴝𐴓𐴡𐴌 𐴔𐴝𐴃𐴝𐴇𐴝𐴃đ´ĸ 𐴀𐴝𐴌 𐴔𐴟𐴏𐴡𐴓𐴔𐴝𐴕𐴡𐴌 đ´–đ´Ąđ´Žđ´žđ´ŒØŒ 𐴑𐴡𐴔𐴝𐴕𐴋𐴝𐴌 𐴀𐴝𐴌 𐴀𐴝𐴇𐴓𐴠 𐴀𐴠𐴓𐴡𐴔đ´ĸ 𐴀𐴝𐴊𐴧𐴠 𐴉𐴠𐴐𐴝 𐴀𐴡𐴓𐴝𐴌 𐴔𐴡𐴊𐴡𐴃𐴓𐴡𐴘 𐴀𐴝𐴌𐴝𐴑𐴝𐴕𐴞 𐴁𐴝𐴊𐴐𐴝𐴤𐴌 𐴀𐴝𐴌 𐴑𐴡𐴗𐴔đ´ĸ 𐴕𐴞𐴎𐴡𐴌 𐴃𐴝𐴌𐴞𐴑𐴡𐴌 𐴐đ´Ĩ𐴟𐴕𐴝𐴓𐴞 𐴎𐴡𐴁𐴝𐴕𐴝 𐴕𐴡𐴀𐴒𐴟𐴎𐴡𐴌𐴠 đ´•đ´žđ´‘đ´žØŸ

+ 𐴀𐴝𐴌𐴝𐴑𐴝𐴕𐴞 𐴁𐴟𐴋𐴧𐴞𐴏đ´ĸ 𐴀𐴡𐴑𐴧𐴡𐴓𐴠 𐴔𐴡𐴒𐴡𐴓đ´ĸ 𐴐𐴠𐴇𐴎𐴝𐴊𐴝 𐴀𐴡𐴑𐴧𐴡𐴓𐴡𐴌 𐴏𐴝đ´Ŗ𐴀𐴃𐴠 𐴒𐴡𐴊𐴧𐴝𐴌 𐴕𐴡𐴒𐴡𐴌𐴠 𐴀𐴝𐴌 𐴀đ´Ĩ𐴠 𐴁𐴝𐴊𐴠𐴐𐴝 𐴀𐴡𐴑𐴧𐴡𐴓𐴠 𐴔𐴟𐴏𐴡𐴓𐴔𐴝𐴕𐴡𐴌 𐴀𐴞𐴎𐴧𐴡𐴃𐴡𐴌 𐴏𐴝đ´Ŗ𐴀𐴃𐴠 𐴕𐴡𐴀𐴑𐴠𐴓𐴝 đ´•đ´žđ´‘đ´žØŸ

+ 𐴀𐴝𐴌𐴝𐴑𐴝𐴕𐴞 𐴁𐴟𐴋𐴧𐴞𐴏đ´ĸ 𐴀𐴡𐴑𐴧𐴡𐴓𐴠 𐴀𐴠𐴑𐴐đ´Ĩ𐴥𐴃đ´ĸ 𐴁𐴡𐴏đ´Ĩ𐴡𐴌𐴁𐴝𐴊𐴠 𐴕𐴞𐴎𐴡𐴌 𐴊𐴟𐴐𐴧𐴡𐴕 𐴁𐴟𐴌𐴔𐴝𐴌 𐴁𐴡𐴊𐴡𐴓𐴝𐴃đ´ĸ 𐴕𐴞𐴎𐴡𐴌 𐴔𐴟𐴇𐴏𐴠𐴕 𐴁𐴠𐴚𐴒𐴝𐴓𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴞 𐴁𐴠𐴚𐴒𐴝𐴓𐴡𐴌 𐴀𐴠𐴓𐴝𐴑𐴝𐴌 𐴖𐴡𐴌𐴠 𐴑𐴡𐴁𐴎𐴝 𐴒𐴡𐴌𐴞 𐴕𐴡𐴉𐴠𐴓𐴝 đ´•đ´žđ´‘đ´žØŸ

+ 𐴀𐴝𐴌𐴝𐴑𐴝𐴕𐴞 𐴁𐴟𐴋𐴧𐴞𐴏đ´ĸ 𐴁𐴝𐴊𐴐𐴝 𐴀𐴡𐴑𐴧𐴡𐴓𐴡𐴌 𐴃𐴡𐴌𐴉𐴡𐴃𐴧𐴞 𐴔𐴡𐴒𐴓𐴞𐴘𐴝 𐴔𐴟𐴏𐴡𐴓𐴔𐴝𐴕𐴡𐴌 𐴏𐴝đ´Ŗ𐴀𐴃𐴠 𐴒𐴡𐴊𐴧𐴝𐴌𐴞 𐴀𐴝𐴌 𐴁𐴠𐴚𐴒𐴝𐴓𐴡𐴌 𐴎𐴡𐴁𐴞𐴕𐴡𐴌 𐴖𐴡𐴌𐴠 𐴇𐴝𐴔𐴓𐴝 𐴒𐴡𐴌𐴡𐴕𐴡𐴌 𐴁𐴝𐴊𐴠 𐴎𐴡𐴊𐴞 𐴔𐴡𐴒𐴓𐴞𐴘𐴝 𐴇𐴡𐴑𐴟𐴔𐴡𐴃𐴠 𐴀𐴝𐴌𐴝𐴑𐴝𐴕𐴞 𐴀đ´Ļ𐴡𐴓𐴡𐴃𐴧𐴞 𐴀đ´Ĩ𐴠 𐴎𐴡𐴁𐴞𐴕 𐴖𐴝𐴉𐴠𐴏đ´ĸ 𐴏đ´Ĩ𐴟𐴌𐴝𐴘𐴓𐴡𐴕 𐴀𐴝𐴊𐴧𐴠 𐴈𐴡𐴕đ´Ĩ𐴥 𐴑𐴞𐴏𐴞𐴔𐴡𐴌 𐴀𐴠𐴑𐴊𐴝𐴔𐴞 𐴑𐴝𐴌𐴖𐴝𐴘 𐴒𐴡𐴘𐴓𐴧𐴠 𐴃𐴡𐴈𐴡𐴕 𐴘đ´Ĩ𐴝𐴕𐴡𐴌 𐴑𐴞 𐴃𐴝𐴌𐴝 𐴇𐴡𐴑𐴊𐴝𐴌 𐴕𐴡𐴀𐴝𐴐𐴧𐴞𐴓đ´ĸ đ´•đ´žđ´‘đ´žØŸ

+ 𐴀𐴝𐴌𐴝𐴑𐴝𐴕𐴡𐴃𐴧𐴞 𐴔𐴟𐴏𐴡𐴓𐴔𐴝𐴕𐴡𐴌 𐴇𐴞𐴅𐴌𐴡𐴃đ´ĸ 𐴀𐴡𐴑𐴧𐴡𐴓đ´ĸ 𐴎𐴡𐴁𐴡𐴌 𐴊𐴡𐴏𐴃𐴞 𐴀𐴡𐴘𐴧𐴠 𐴕𐴝𐴑𐴞 𐴉𐴡𐴘𐴓𐴝 𐴀𐴝𐴌𐴝𐴑𐴝𐴕𐴞 𐴁𐴝𐴊𐴐𐴝 𐴀𐴡𐴑𐴧𐴡𐴓𐴡𐴌 𐴀𐴠𐴅𐴝𐴎𐴡𐴃đ´ĸ đ´“đ´Ąđ´˜đ´€đ´Ąđ´˜đ´§đ´ ØŒ 𐴀𐴝𐴌𐴝𐴑𐴝𐴕𐴞 𐴁𐴟𐴋𐴧𐴞𐴏đ´ĸ 𐴁𐴝𐴊𐴐𐴝 𐴀đ´Ļ𐴡𐴓𐴠 𐴔𐴡𐴒𐴓𐴞𐴘𐴝 𐴃𐴞𐴌𐴀𐴝𐴕𐴊𐴝𐴎𐴞 𐴉𐴡𐴗𐴏đ´ĸ 𐴀𐴡𐴑𐴧𐴡𐴓𐴡𐴌𐴠 𐴎𐴡𐴁𐴡𐴌𐴊𐴡𐴏𐴃𐴞 𐴁đ´Ĩ𐴡𐴃𐴧𐴞 𐴒𐴡𐴌𐴡𐴕 𐴀𐴝𐴌 𐴁𐴝𐴊𐴡𐴃𐴧𐴞 𐴁𐴞𐴌𐴄𐴞𐴐đ´ĸ 𐴇𐴟𐴑𐴔𐴡𐴌𐴝𐴕 𐴀đ´Ļ𐴡𐴓𐴡𐴌 𐴀𐴠𐴅𐴝𐴎𐴡𐴃đ´ĸ 𐴀𐴝𐴊𐴧𐴠 𐴈𐴝𐴇𐴠𐴐𐴓𐴡𐴘 𐴀𐴝𐴌𐴝𐴑𐴝𐴕𐴡𐴌𐴠 𐴃𐴝𐴀𐴔𐴞𐴌 𐴀𐴝𐴊𐴧𐴠 𐴃𐴡𐴌𐴡𐴑𐴧𐴞 𐴒𐴡𐴌𐴞𐴁𐴡𐴓𐴧𐴝 đ´€đ´Ąđ´˜đ´§đ´ đ´Šđ´ ØŸ

+ 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴀𐴠𐴀𐴃𐴠𐴊𐴝𐴓đ´ĸ 𐴔𐴡𐴎𐴇𐴝𐴁𐴡 𐴔𐴧𐴝𐴎𐴠 𐴁𐴞𐴘𐴝𐴐𐴤𐴝𐴊𐴞 𐴀𐴝𐴌 𐴕𐴡𐴏𐴡𐴓𐴡𐴌𐴠 𐴀𐴝𐴒𐴠𐴁𐴝𐴌𐴡𐴕𐴡𐴌 𐴉𐴞𐴃𐴌𐴞 𐴀𐴟𐴏𐴟𐴓𐴡𐴌 𐴖𐴡𐴌𐴠 𐴀𐴝𐴔𐴡𐴓đ´ĸ 𐴒𐴡𐴌𐴡𐴕 𐴀𐴝𐴌 𐴃𐴝𐴌𐴈𐴠𐴓𐴝𐴉đ´ĸ 𐴌𐴠𐴑𐴧𐴝𐴛 𐴁𐴡𐴊𐴧𐴟 𐴀đ´Ļ𐴡𐴓𐴡𐴌 𐴁𐴠 𐴀𐴠𐴀𐴃𐴠𐴊𐴝𐴓đ´ĸ 𐴊𐴤𐴡𐴌𐴔𐴡𐴃đ´ĸ 𐴉𐴞𐴃𐴌𐴞 𐴀𐴝𐴌 𐴁𐴞𐴘𐴝 𐴐𐴤𐴝𐴊𐴞𐴌 𐴎𐴞𐴕𐴊𐴞𐴒𐴞𐴃𐴧𐴞 𐴊𐴟𐴌𐴠𐴃𐴝𐴑𐴝 𐴀𐴝𐴌 𐴕𐴡𐴏𐴡𐴓𐴡𐴌𐴠 𐴕𐴡𐴁𐴝𐴌𐴡𐴕𐴡 𐴔𐴧𐴝𐴎𐴠 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴈𐴡𐴏𐴟𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌 𐴁𐴥𐴐đ´Ĩ𐴡𐴃𐴞 𐴔𐴞𐴑𐴊𐴝𐴌 𐴌𐴠𐴑𐴧𐴝𐴛 𐴁𐴡𐴊𐴧𐴟 𐴀𐴡𐴑𐴧𐴡𐴓𐴡𐴃𐴧𐴞 𐴁𐴠𐴐đ´Ĩ𐴞 𐴁𐴝𐴌𐴞𐴒𐴞𐴘𐴡𐴘 𐴀𐴝𐴌 𐴀𐴠𐴈𐴡𐴕 𐴃𐴝𐴌𐴝𐴌 𐴖𐴡𐴌𐴠 𐴎𐴡𐴁𐴡𐴌𐴊𐴡𐴏𐴃𐴞 𐴉𐴟𐴖𐴝𐴘𐴕 𐴇𐴡𐴔 𐴉𐴡𐴘𐴊𐴝 𐴒𐴡𐴌𐴡𐴕𐴡𐴌 𐴖𐴡𐴌𐴠 𐴔𐴡𐴅𐴁𐴟𐴌 𐴒𐴡𐴌𐴝𐴌 𐴑𐴝𐴕𐴟𐴕 𐴕𐴝𐴉𐴠𐴎 đ´’đ´Ąđ´Œđ´đ´Žđ´đ´ŒØŸ 𐴀𐴠𐴒𐴞𐴕 𐴑𐴞 𐴑𐴡𐴗𐴔 𐴉𐴡𐴌𐴡𐴑 𐴀𐴝𐴌 𐴕𐴡𐴏𐴡𐴓đ´ĸ 𐴉đ´Ĩ𐴟𐴌𐴝𐴘𐴉𐴠𐴓𐴡𐴕 đ´•đ´Ąđ´€đ´•đ´žđ´‘đ´žØŸ

+ 𐴂𐴡𐴚𐴓𐴟𐴚 𐴔𐴟𐴀𐴝𐴇𐴠𐴊𐴝(ပငá€ēလုá€ļစá€Ŧခá€ģုပá€ē) 𐴔𐴧𐴝𐴎𐴠 𐴏𐴠𐴌𐴡𐴉đ´ĸ đ´đ´Ÿđ´Œđ´”đ´ØŒ 𐴐đ´Ĩđ´ đ´›ØŒ 𐴑𐴝𐴐𐴧𐴞𐴚 𐴐đ´Ĩ𐴡𐴚 𐴁𐴤𐴝𐴐𐴞𐴕𐴊𐴝 𐴀đ´Ļ𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴀𐴠𐴃𐴧𐴠𐴇𐴝𐴊đ´ĸ 𐴑𐴝𐴘𐴠𐴔đ´ĸ đ´•đ´Ąđ´€đ´Ąđ´•đ´žđ´‘đ´žØŸ 𐴃𐴡𐴘𐴓𐴠 𐴀đ´Ĩ𐴠𐴍𐴠 𐴀𐴝𐴌𐴝𐴑𐴝𐴕 𐴐𐴤𐴡𐴀𐴡 𐴊𐴟𐴏𐴡𐴌𐴝 𐴈𐴡𐴔đ´ĸ 𐴀𐴝𐴁𐴝𐴊𐴞 𐴔𐴝𐴙𐴕𐴐đ´Ĩ𐴡𐴌 𐴎𐴡𐴁𐴡𐴌𐴊𐴡𐴏𐴃𐴞 𐴑𐴞𐴘𐴡𐴓𐴧𐴝 𐴐𐴝𐴔𐴠𐴓đ´ĸ đ´’đ´Ąđ´Œđ´đ´’đ´žđ´˜đ´§đ´ ØŸ

+ 𐴀𐴝𐴌𐴝𐴑𐴝𐴕 𐴕𐴞𐴎𐴡𐴌 𐴅𐴞𐴘𐴡𐴒𐴌𐴝𐴉𐴞 𐴀𐴝𐴌 𐴃𐴝𐴀𐴓𐴧𐴟𐴑 𐴀𐴡𐴑𐴧𐴡𐴓𐴡𐴌 𐴁𐴠𐴕𐴝𐴌 𐴖𐴡𐴌𐴠 𐴁𐴝𐴚𐴓𐴝𐴊𐴠𐴐đ´ĸ 𐴓𐴡𐴘 𐴁𐴠𐴙𐴐𐴞 𐴑𐴡𐴌𐴞𐴁đ´ĸ 𐴕𐴡𐴀𐴡𐴕𐴞𐴑 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴘đ´Ĩ𐴝𐴕𐴡𐴌𐴠 𐴁𐴟𐴌𐴔𐴝𐴌 𐴁𐴡𐴊𐴡𐴓𐴝𐴃đ´ĸ 𐴁𐴝𐴚𐴓𐴝𐴊𐴠𐴐đ´Ĩ𐴡𐴌 𐴏𐴝đ´Ŗ𐴀𐴃𐴠 𐴔𐴞𐴓𐴝𐴘𐴊𐴞𐴘𐴝 đ´Žđ´đ´˜đ´ƒđ´ĄØŸ

+ 𐴉𐴟𐴌𐴝 𐴀𐴝𐴌𐴝𐴑𐴝𐴕 𐴕𐴡𐴀𐴡𐴘𐴓𐴠𐴘đ´Ĩ𐴥 𐴑𐴞𐴕𐴃𐴟 𐴃𐴝𐴌 𐴀𐴟𐴃𐴧𐴡𐴌𐴡𐴌 𐴁𐴠𐴙𐴐đ´ĸ 𐴀𐴞𐴏𐴧𐴝 𐴁𐴥𐴐đ´Ĩ𐴡𐴃𐴞 𐴒𐴡𐴌𐴡𐴘𐴝 𐴀𐴠𐴓𐴝𐴑𐴝𐴌 𐴘đ´Ļ𐴝𐴕 𐴇𐴡𐴑 𐴕𐴡𐴀𐴡𐴕𐴞𐴑𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝𐴌𐴠 𐴕𐴞𐴎𐴡𐴌 𐴀𐴠𐴑 𐴔𐴡𐴎𐴇𐴝𐴁đ´ĸ 𐴀𐴝𐴌 𐴀𐴠𐴑 𐴎𐴟𐴁𐴝𐴕 𐴐𐴞𐴄𐴝𐴚𐴡𐴌 𐴏đ´Ĩ𐴝đ´Ŗ𐴃𐴠 𐴔𐴞𐴓𐴝𐴘𐴊𐴞𐴘𐴝 đ´Žđ´đ´˜đ´ƒđ´ĄØŸ 𐴎𐴡𐴊𐴞 𐴕𐴡𐴘𐴝 𐴊𐴟𐴕𐴞𐴘𐴝 𐴔𐴡𐴐𐴌𐴞𐴑𐴞 𐴃𐴝𐴘𐴉𐴟𐴌 𐴀𐴝𐴌 𐴊đ´Ļ𐴡𐴘𐴕 𐴏𐴡𐴗𐴊𐴝𐴕𐴡𐴌𐴠 𐴊𐴤𐴡𐴌𐴔𐴡𐴌 𐴁𐴟𐴕𐴞𐴘𐴝𐴊𐴓𐴡𐴘 𐴁𐴠𐴙𐴐đ´ĸ 𐴔𐴟𐴏𐴓𐴞𐴔đ´ĸ 𐴀𐴝𐴁𐴝𐴊𐴞𐴃𐴧𐴞 𐴃𐴡𐴑𐴏𐴞𐴔đ´ĸ 𐴒𐴡𐴌𐴝𐴎𐴝 𐴃𐴡𐴘𐴓𐴠 𐴌𐴟𐴇đ´Ĩ𐴝𐴚𐴙𐴝 𐴑𐴡𐴗𐴔 𐴐𐴤𐴡𐴀𐴡 𐴊𐴟𐴏𐴡𐴌𐴝 𐴀𐴝𐴓𐴡𐴑 𐴀𐴝𐴌 𐴀𐴝𐴎𐴝𐴊𐴞 𐴏đ´Ļ𐴡𐴘𐴝 𐴔𐴟𐴏𐴓𐴞𐴔đ´ĸ 𐴑𐴡𐴗𐴔𐴡𐴌 𐴏𐴝đ´Ŗ𐴀𐴃𐴠 𐴀𐴠𐴑𐴃𐴡𐴌𐴉𐴝 𐴏𐴟𐴓𐴟𐴑 𐴑𐴞𐴘𐴡𐴓𐴧𐴝 đ´’đ´Ąđ´Œđ´đ´Žđ´đ´ŒØŸ

+ 𐴀𐴠𐴈𐴡𐴕đ´Ĩ𐴥 𐴁𐴟𐴌𐴔𐴞 𐴑𐴡𐴗𐴔đ´ĸ 𐴊𐴟𐴏𐴡𐴌𐴝 𐴈𐴡𐴔đ´ĸ 𐴀𐴝𐴁𐴝𐴊𐴞 𐴕𐴡𐴏𐴡𐴓𐴡𐴌 𐴖𐴡𐴌𐴠 𐴎𐴡𐴁𐴡𐴌𐴊𐴡𐴏𐴃𐴞 𐴔𐴡𐴏𐴡𐴓𐴧𐴡𐴃đ´ĸ 𐴕đ´Ĩ𐴝𐴘| 𐴀𐴝𐴌 𐴃𐴝𐴌𐴝 𐴀𐴠𐴈𐴡𐴃𐴝 𐴁𐴤𐴝𐴓𐴝𐴒𐴡𐴌𐴞 𐴎𐴝𐴕𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴃𐴝𐴌𐴝 𐴔𐴠𐴓𐴠𐴄𐴞𐴌𐴞 𐴃𐴝𐴑𐴡𐴃đ´ĸ 𐴀𐴠𐴏𐴃𐴠𐴔𐴝𐴓đ´ĸ 𐴕𐴡𐴒𐴡𐴌𐴠 𐴃𐴡𐴘𐴓𐴠 𐴃𐴝𐴌𐴝𐴌 𐴊𐴠𐴐đ´ĸ 𐴄𐴟𐴍𐴝 𐴄𐴟𐴍𐴝 𐴀đ´Ĩ𐴡𐴘𐴎𐴝𐴘𐴁𐴡𐴘 𐴑𐴞𐴘𐴡𐴓𐴧𐴝 𐴁𐴡𐴓𐴞𐴈𐴡𐴘𐴓𐴠 𐴁𐴟𐴌𐴔𐴝𐴌 𐴊𐴠𐴐đ´ĸ 𐴀𐴠𐴑 𐴊𐴤𐴡𐴌𐴔𐴡 𐴘đ´Ĩ𐴝𐴃𐴡 𐴀𐴠𐴑𐴒đ´Ĩ𐴟𐴙𐴓𐴧𐴝 𐴕𐴡𐴀𐴡 𐴃𐴡𐴘𐴓𐴠 𐴘đ´Ļ𐴝𐴕𐴡𐴌𐴠 𐴁𐴡𐴓𐴝𐴎𐴟𐴌𐴞 𐴑𐴡𐴗𐴔𐴞𐴘𐴡𐴃𐴞 𐴌𐴞𐴘𐴝𐴏𐴡𐴃đ´ĸ (𐴕𐴠𐴐𐴡𐴕 𐴀𐴠𐴏𐴄𐴞𐴄) 𐴑𐴞𐴘𐴡𐴓𐴧𐴝 𐴑𐴠𐴌𐴝𐴌 𐴊𐴞𐴘𐴝𐴎𐴝𐴌|

+ 𐴁𐴟𐴌𐴔𐴝 𐴔𐴧𐴝𐴎𐴠 𐴏𐴞𐴌𐴞𐴉đ´ĸ 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕 𐴇𐴞𐴅𐴌𐴡𐴃đ´ĸ 𐴒𐴡𐴌𐴞 𐴀𐴝𐴙𐴐𐴧𐴠𐴊𐴠 𐴕𐴡𐴀| 𐴁𐴤𐴡𐴓𐴑𐴠 𐴂𐴝𐴕𐴃đ´Ĩ𐴞 𐴔𐴟𐴏𐴡𐴓𐴔𐴝𐴕 𐴆𐴞𐴕𐴝𐴃𐴧𐴞 𐴀𐴝𐴌 𐴑𐴝𐴔𐴧𐴠đ´Ŗ 𐴔𐴟𐴏𐴡𐴓𐴔𐴝𐴕 𐴀𐴞𐴕𐴋𐴞𐴘𐴝𐴃𐴧𐴞 𐴇𐴞𐴅𐴌𐴡𐴃đ´ĸ 𐴒𐴡𐴌𐴞 𐴀𐴝𐴙𐴐𐴧𐴠| 𐴀đ´Ĩ𐴞𐴕𐴋𐴞𐴓𐴧𐴝 𐴀𐴡𐴘𐴓𐴠 𐴏𐴞𐴌𐴞𐴉đ´ĸ 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴏𐴞𐴄𐴞𐴎𐴠𐴕𐴐đ´Ĩ𐴞𐴉đ´ĸ 𐴑𐴞𐴘𐴡𐴓𐴧𐴝 đ´Šđ´žđ´˜đ´đ´•đ´Ąđ´Žđ´ØŸ 𐴕𐴝𐴑𐴞 𐴘đ´Ļ𐴝𐴕 𐴉đ´Ļ𐴡𐴘𐴓𐴝 𐴑𐴝𐴌𐴖𐴝𐴘 𐴎𐴡𐴊𐴞 𐴑𐴝𐴔𐴞𐴘𐴝𐴁đ´ĸ 𐴀đ´Ĩ𐴥 𐴃𐴡𐴘𐴓𐴠 𐴂𐴝𐴕𐴃đ´Ĩ𐴞 𐴔𐴟𐴏𐴡𐴓𐴔𐴝𐴕 𐴀𐴝𐴊𐴧𐴠 𐴑𐴝𐴔𐴧𐴠đ´Ŗ 𐴔𐴟𐴏𐴡𐴓𐴔𐴝𐴕𐴡𐴌 𐴏đ´Ĩ𐴝đ´Ŗ𐴃𐴠𐴘đ´Ĩ𐴥 𐴑𐴝𐴌𐴖𐴝𐴘 đ´’đ´Ąđ´Œđ´đ´Žđ´đ´˜đ´đ´ĄØŸ 𐴕𐴝𐴑𐴞 𐴂𐴝𐴕𐴃đ´Ĩ𐴞 𐴀𐴝𐴊𐴧𐴠 𐴑𐴝𐴔𐴧𐴠đ´Ŗ 𐴀đ´Ļ𐴠𐴕 𐴇𐴡𐴔 𐴀𐴝𐴁𐴝𐴊𐴞 𐴔𐴟𐴏𐴓𐴞𐴔 𐴎𐴝𐴌𐴝 𐴁𐴡𐴋𐴧𐴞𐴏đ´ĸ 𐴊𐴤𐴡𐴌𐴔𐴡𐴌𐴠 𐴀𐴝𐴀𐴓𐴝 𐴁𐴡𐴓𐴞𐴈𐴡𐴘 𐴑𐴡𐴁𐴟𐴓đ´ĸ 𐴒𐴡𐴌𐴞 đ´‰đ´ đ´“đ´đ´˜đ´§đ´ ØŸ

+ 𐴎𐴡𐴊𐴞 𐴁𐴞𐴌𐴄𐴞𐴐𐴧𐴝 𐴀𐴡𐴑𐴧𐴡𐴓𐴠 𐴕𐴞𐴎𐴡𐴌 𐴉𐴝𐴘𐴊𐴝𐴓𐴧𐴝 𐴁𐴡𐴓𐴞 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌𐴠 𐴔𐴟𐴏𐴡𐴓𐴧𐴝𐴇(𐴀đ´Ĩ𐴝𐴃𐴞𐴘𐴝𐴌𐴓𐴡𐴘 𐴓𐴝𐴌đ´Ĩ𐴝𐴘𐴓𐴧𐴝 𐴃𐴡𐴘𐴧𐴝 𐴀𐴡𐴀𐴕) 𐴀𐴝𐴌 𐴅𐴝𐴉𐴝𐴕𐴠 𐴕𐴞𐴎𐴡𐴌 𐴉𐴝𐴘𐴊𐴝𐴓𐴧𐴝 𐴌𐴠𐴑𐴧𐴝𐴛 𐴁𐴡𐴊𐴧𐴟𐴓𐴧𐴝𐴘 𐴈𐴝𐴔𐴒𐴡𐴙𐴅𐴧𐴠 𐴃𐴡𐴘𐴓𐴠 𐴀𐴠𐴍𐴠 𐴏𐴞𐴌𐴞𐴉đ´ĸ 𐴌𐴟𐴇đ´Ĩ𐴝𐴚𐴙𐴝 𐴀𐴡𐴑𐴧𐴡𐴓𐴡𐴌 𐴇𐴡𐴏𐴟𐴌𐴞 đ´‘đ´žđ´€đ´đ´đ´ ØŸ 𐴎𐴠𐴃𐴧𐴡𐴃đ´ĸ 𐴅𐴡𐴚𐴒𐴠 𐴀𐴝𐴎𐴝𐴊𐴞(လá€Ŋတá€ēလပá€ēá€›á€ąá€¸á€á€­á€¯á€€á€ēပá€Ŋဲ) 𐴔𐴧𐴝𐴎𐴠 𐴁𐴟𐴌𐴔𐴝𐴌 𐴕𐴠𐴐𐴕𐴠𐴓đ´ĸ 𐴀𐴝𐴌𐴔𐴞 𐴕𐴞𐴎𐴠𐴁𐴝𐴎𐴠 𐴉đ´Ļ𐴡𐴘𐴓𐴝 𐴅𐴝𐴉𐴝𐴕𐴡𐴌 𐴖𐴡𐴉𐴝𐴊𐴝𐴌𐴞 𐴒𐴡𐴙𐴅𐴧𐴞𐴓đ´ĸ 𐴑𐴞𐴕𐴃𐴟 𐴎𐴡𐴈𐴡𐴕 𐴀𐴝𐴓𐴡𐴔𐴞 𐴓𐴝𐴌đ´Ĩ𐴝𐴘𐴌(ကမ္ဘá€Ŧစစá€ē) 𐴉𐴝𐴓𐴊𐴝 𐴁𐴡𐴊𐴡𐴓𐴞 𐴒𐴞𐴘𐴡𐴘 𐴁𐴞𐴌𐴄𐴞𐴐𐴧𐴝 𐴀𐴠𐴃𐴧𐴠𐴇𐴝𐴊𐴞 𐴀𐴡𐴑𐴧𐴡𐴓𐴡𐴌 𐴏đ´Ĩ𐴝đ´Ŗ𐴃𐴠 𐴔𐴞𐴓𐴞𐴒𐴞𐴘𐴡𐴘| 𐴎𐴝𐴌𐴠 𐴀𐴝𐴒𐴠 𐴋𐴝𐴇𐴝𐴛𐴄đ´ĸ 𐴁𐴡𐴓𐴞 đ´ˆđ´Ąđ´˜đ´ƒđ´ĄØŸ 𐴀𐴠𐴈𐴡𐴕 𐴑𐴞 𐴁𐴟𐴌𐴞𐴔𐴞 𐴑𐴡𐴗𐴔𐴡𐴌 𐴖𐴡𐴌𐴠 𐴀𐴠𐴓𐴎𐴝𐴔 𐴘đ´Ļ𐴝𐴕 𐴕𐴡𐴀𐴝𐴘𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴕𐴞𐴎𐴠 𐴁𐴟𐴌𐴔𐴝𐴌 𐴖𐴡𐴌𐴠 𐴎𐴟𐴓𐴟𐴔 𐴒𐴡𐴌𐴡𐴘𐴝 𐴃𐴝𐴑𐴡𐴃𐴡𐴌 𐴏đ´Ĩ𐴝đ´Ŗ𐴃𐴠 𐴀𐴠𐴃𐴧𐴠𐴇𐴝𐴊đ´ĸ đ´’đ´Ąđ´™đ´…đ´§đ´ ØŸ

+ 𐴌𐴟𐴇đ´Ĩ𐴝𐴚𐴙𐴝𐴌 𐴏𐴞𐴘𐴝𐴏𐴞 𐴅𐴡𐴔𐴝𐴃𐴡𐴌 𐴃𐴝𐴇𐴌𐴞𐴑𐴡𐴌 𐴁đ´Ļ𐴝𐴊𐴠 𐴁𐴟𐴌𐴔𐴝𐴌 𐴇𐴡𐴑𐴟𐴔𐴡𐴃𐴠 𐴃𐴝𐴌𐴝𐴌 𐴏đ´Ĩ𐴝đ´Ŗ𐴃𐴠 𐴑𐴞 𐴈𐴡𐴕đ´Ĩ𐴥 𐴑𐴞𐴏𐴞𐴔𐴧𐴝 𐴔𐴟𐴎𐴝𐴑𐴝𐴌𐴝 𐴐đ´Ĩ𐴟𐴌𐴟 𐴒𐴡𐴙𐴅𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠𐴈𐴡𐴕 𐴀𐴠𐴈𐴡𐴃đ´Ĩ𐴝𐴌 𐴊𐴝𐴁𐴞 𐴒𐴡𐴌𐴉𐴝𐴌𐴞𐴁𐴡 𐴀đ´Ĩ𐴝𐴃𐴞𐴘𐴝 𐴊𐴤𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴔𐴝𐴇𐴡𐴓đ´ĸ 𐴈𐴡𐴌𐴝𐴉đ´ĸ 𐴀đ´Ĩđ´Ąđ´˜đ´’đ´žđ´˜đ´Ąđ´˜ØŸ

+ 𐴎𐴡𐴊𐴞 𐴊𐴟𐴕𐴞𐴘𐴝 𐴕𐴡𐴎𐴡𐴌𐴡𐴃đ´ĸ (𐴔𐴟𐴏𐴡𐴓𐴧𐴝 𐴒𐴟𐴌𐴟𐴉𐴡𐴌) 𐴃𐴝𐴇𐴌𐴞𐴑 𐴀𐴡𐴑𐴧𐴏𐴡𐴓đ´ĸ 𐴀𐴠𐴃đ´Ĩ𐴥 𐴈𐴡𐴌𐴝𐴁đ´ĸ 𐴃𐴡𐴘𐴓𐴠 𐴀𐴝𐴑𐴖𐴝𐴔𐴠 𐴔𐴟𐴃𐴧𐴡𐴇𐴠𐴊𐴝𐴓𐴧𐴝𐴘 𐴀𐴠𐴈𐴝𐴔𐴧𐴝𐴕 𐴕𐴡𐴒𐴡𐴌𐴡𐴕 𐴏đ´Ļ𐴝𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴃𐴝𐴔đ´Ļ𐴝𐴔 𐴊𐴠𐴐đ´ĸ 𐴀𐴡𐴑𐴧𐴡𐴓𐴡𐴌(𐴔𐴟𐴏𐴡𐴓𐴧𐴝) 𐴉𐴡𐴗𐴏𐴡𐴌𐴠 𐴈𐴡𐴃𐴡𐴔 đ´’đ´Ąđ´Œđ´žđ´Šđ´Ąđ´•ØŸ

+ 𐴁𐴟𐴌𐴔𐴝𐴌 𐴇𐴡𐴑𐴟𐴔𐴡𐴃𐴡𐴌 𐴁𐴡𐴌𐴔𐴝 𐴀𐴝𐴎𐴝𐴊𐴞𐴌 đ´ŗđ´ĩ 𐴁𐴡𐴏đ´Ĩ𐴡𐴌 𐴁𐴝𐴊𐴠 𐴑𐴞𐴘𐴡𐴓𐴧𐴝 𐴈𐴞𐴘𐴝𐴓đ´ĸ 𐴀𐴝𐴙𐴐𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴌𐴟𐴇đ´Ĩ𐴝𐴚𐴙𐴝 𐴀𐴡𐴑𐴧𐴡𐴓đ´ĸ 𐴁𐴟𐴌𐴔𐴝𐴌 𐴏𐴞𐴄𐴞𐴅𐴠𐴕𐴐đ´Ĩ𐴞𐴉đ´ĸ(𐴊𐴠𐴐đ´Ĩ𐴡𐴙𐴃𐴧𐴝) đ´•đ´Ąđ´€đ´ĄØŸ 𐴀𐴠𐴈𐴡𐴃𐴝𐴓𐴧𐴝𐴘 𐴑𐴞𐴁𐴡𐴓𐴞𐴈𐴡𐴘𐴓𐴠 𐴇𐴡𐴑𐴟𐴔𐴡𐴃𐴡𐴌 𐴇𐴝đ´Ŗ𐴏đ´Ĩ𐴠 𐴌𐴟𐴇đ´Ĩ𐴝𐴚𐴙𐴝 𐴀đ´Ļ𐴡𐴓𐴡𐴌 𐴀𐴝𐴎𐴝𐴊𐴞𐴌 𐴇𐴡𐴑 𐴀𐴝𐴊𐴠 𐴈𐴟𐴊𐴔𐴟𐴈𐴃𐴝𐴌𐴞𐴌 𐴏𐴝𐴔𐴧𐴠 𐴀𐴝𐴌𐴈𐴡𐴕đ´Ĩ𐴥 𐴌𐴝𐴏𐴧𐴝 𐴕𐴡𐴀𐴝𐴙𐴐𐴧𐴞𐴓đ´ĸ đ´•đ´žđ´‘đ´žØŸ 𐴕𐴝𐴑𐴞 𐴀𐴠𐴈𐴡𐴃𐴝𐴓𐴧𐴝 𐴑𐴞𐴁𐴡𐴓𐴞𐴈𐴡𐴘𐴓𐴠 𐴃𐴝𐴌𐴝 𐴕𐴞𐴎𐴡𐴌 𐴇𐴡𐴑 𐴇𐴝𐴏𐴠𐴓đ´ĸ 𐴒𐴡𐴌𐴞𐴁𐴡𐴓𐴧𐴝 𐴀đ´Ĩ𐴝𐴃𐴞𐴘𐴝𐴌𐴡𐴌 𐴌𐴝𐴏𐴧𐴝 𐴀𐴠𐴈𐴃𐴠𐴘𐴝𐴌 đ´’đ´Ąđ´™đ´…đ´§đ´ ØŸ

+ 𐴎𐴡𐴊𐴞 𐴊𐴟𐴕𐴞𐴘𐴝𐴌 𐴉𐴡𐴙𐴃𐴧𐴡 𐴊𐴠𐴐đ´Ĩ𐴠 𐴀đ´Ĩ𐴠𐴍𐴠 𐴁𐴡𐴐𐴡𐴃𐴞 𐴒𐴡𐴌𐴡𐴘𐴝 𐴈𐴡𐴔đ´ĸ 𐴀𐴝𐴁𐴝𐴊𐴞 𐴀đ´Ļ𐴡𐴓𐴡𐴌𐴠 𐴊𐴠𐴐đ´Ĩ𐴡𐴙𐴃𐴧𐴝 𐴊𐴡𐴕𐴡𐴃𐴧𐴞 𐴀𐴞𐴕𐴑𐴝𐴌 𐴒𐴡𐴌𐴠 𐴃𐴡𐴈𐴡𐴕 𐴊𐴟𐴕𐴞𐴘𐴝𐴌 𐴁𐴠𐴐đ´Ĩ𐴝 𐴁𐴠𐴐đ´Ĩ𐴞 𐴀𐴝𐴁𐴝𐴊𐴞 𐴊𐴠𐴐đ´Ĩ𐴡𐴙𐴃𐴧𐴝 𐴀𐴡𐴕𐴡𐴃𐴧𐴞 𐴔𐴝𐴀𐴌𐴟𐴔 𐴀𐴡𐴘𐴎𐴝𐴘𐴁𐴡𐴘| 𐴀𐴠𐴑𐴧𐴝𐴕𐴝 𐴏𐴞𐴕𐴃𐴝 𐴒𐴡𐴌𐴞𐴏𐴡 𐴎𐴡𐴊𐴞 𐴀𐴞𐴕𐴋𐴞𐴘𐴝 𐴀đ´Ĩ𐴠𐴍𐴞𐴘𐴝𐴌 𐴔𐴟𐴏𐴡𐴓𐴔𐴝𐴕𐴡𐴌𐴠 𐴊𐴠𐴐đ´Ĩ𐴡𐴙𐴃𐴧𐴝 𐴀𐴡𐴕𐴡𐴃𐴧𐴞 𐴀𐴞𐴕𐴑𐴝𐴌 𐴒𐴡𐴌𐴠 𐴎đ´Ļ𐴠𐴕 𐴘đ´Ļ𐴝𐴕𐴡𐴌 𐴑𐴟𐴐𐴞𐴐𐴡𐴃đ´ĸ 𐴓𐴝𐴒𐴞𐴀𐴝𐴏𐴠| 𐴃𐴡𐴘𐴓𐴠 𐴇𐴝𐴓𐴡𐴃đ´ĸ 𐴈𐴡𐴕𐴋𐴞𐴓𐴧𐴝 𐴀đ´Ĩđ´Ąđ´˜đ´đ´ĄØŸ

+ 𐴉𐴟𐴌𐴝 𐴊𐴟𐴕𐴞𐴘𐴝𐴃đ´ĸ 𐴁𐴠𐴐đ´Ĩđ´ĸ 𐴀đ´Ĩ𐴞𐴏𐴧𐴝 𐴀𐴠𐴈𐴃𐴠𐴓𐴝𐴉𐴡𐴌 𐴔𐴞𐴑𐴧𐴝 𐴊𐴠𐴑𐴞𐴓𐴠 𐴃𐴡𐴈𐴡𐴕 𐴃𐴝𐴌𐴉𐴞𐴏𐴠 𐴑𐴡𐴗𐴔𐴞𐴘𐴡𐴃đ´ĸ 𐴘đ´Ĩ𐴝𐴃𐴡 𐴊𐴤𐴡𐴌𐴔𐴡𐴌 𐴏𐴡𐴁𐴡𐴁đ´ĸ 𐴉đ´Ļ𐴝𐴀𐴎𐴝| 𐴃𐴡𐴘𐴓𐴠 𐴊𐴟𐴕𐴞𐴘𐴝𐴘𐴠 𐴑𐴡𐴗𐴔𐴞(𐴕𐴠𐴐𐴕𐴠𐴓đ´ĸ) 𐴕𐴡𐴎𐴡𐴌𐴞𐴘𐴝𐴌𐴠 𐴎𐴡𐴊𐴞 𐴔𐴝𐴕𐴞𐴉𐴝𐴌𐴠 𐴃𐴡𐴘𐴓𐴠 𐴊𐴤𐴡𐴌𐴔𐴞(ဘá€Ŧသá€Ŧရေး) 𐴕𐴡𐴎𐴡𐴌𐴞𐴘𐴝𐴌 𐴖𐴡𐴌𐴠 𐴌𐴞𐴘𐴝𐴏𐴡𐴃đ´ĸ 𐴑𐴝𐴘𐴠𐴔 𐴒𐴡𐴌𐴡𐴕𐴡𐴌𐴠 𐴑𐴞𐴘𐴡𐴓𐴧𐴝 𐴃𐴡𐴏𐴓𐴞𐴔 đ´•đ´Ąđ´’đ´Ąđ´Œđ´ đ´ŒØŸ

+ 𐴌𐴟𐴇đ´Ĩ𐴝𐴚𐴙𐴝 𐴔𐴟𐴏𐴡𐴓𐴔𐴝𐴕𐴡𐴌 𐴔𐴟𐴏𐴓𐴞𐴔 𐴊𐴠𐴐𐴡𐴌 𐴏𐴝đ´Ŗ𐴀𐴃𐴠 𐴔𐴞𐴓𐴞𐴎𐴡𐴕𐴡𐴌 𐴀𐴝𐴎𐴧𐴟 𐴀𐴝𐴊𐴧𐴠 𐴀𐴠𐴈𐴡𐴕 𐴀𐴝𐴎𐴝𐴊đ´ĸ 𐴔𐴟𐴏𐴃𐴡𐴑𐴞𐴓đ´ĸ 𐴌𐴞𐴘𐴝𐴏𐴡𐴃đ´ĸ 𐴁𐴝𐴕𐴝𐴘𐴁𐴝𐴌 𐴑𐴟𐴐𐴞𐴐𐴡𐴃𐴧𐴞 𐴎𐴝𐴕𐴎𐴝𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴤𐴡𐴌𐴔𐴡𐴌 𐴃𐴝𐴀𐴓𐴧𐴟𐴑 𐴖𐴡𐴃𐴡𐴕 𐴀𐴝𐴌 𐴑𐴡𐴗𐴔𐴞 𐴃𐴝𐴀𐴓𐴧𐴟𐴑𐴡𐴃𐴧𐴞 𐴁đ´Ĩ𐴝𐴌𐴡 𐴁𐴠𐴙𐴐𐴞 𐴔𐴡𐴎𐴁𐴟𐴃đ´ĸ| 𐴃𐴡𐴘𐴓𐴠 𐴔𐴡𐴎𐴇𐴝𐴁𐴡𐴌 𐴁𐴟𐴕𐴞𐴘𐴝𐴊𐴡𐴌 𐴖𐴡𐴌𐴠 𐴌𐴞𐴘𐴝𐴏𐴡𐴃đ´ĸ 𐴁𐴝𐴕𐴡𐴕𐴡𐴃đ´ĸ 𐴊𐴟𐴕𐴞𐴘𐴝 𐴑𐴞𐴘𐴡𐴓𐴧𐴝 𐴀𐴠𐴃𐴠𐴌𐴝𐴎 đ´’đ´Ąđ´Œđ´ ØŸ

+ 𐴎𐴡𐴊𐴞 𐴊𐴟𐴕𐴞𐴘𐴝 𐴕𐴞𐴎𐴠 𐴀đ´Ļ𐴝𐴔 𐴁𐴝𐴐𐴤𐴞𐴕𐴊𐴝(𐴒𐴝𐴘𐴌𐴠 𐴔𐴟𐴏𐴡𐴓𐴧𐴝) 𐴀𐴝𐴊𐴧𐴠 𐴀𐴝𐴌𐴔𐴞(𐴀𐴝𐴏𐴑𐴡𐴌𐴞 𐴘đ´Ĩ𐴝𐴃𐴡 𐴓𐴝𐴌đ´Ĩ𐴝𐴘 𐴒𐴡𐴌𐴡𐴘𐴝) 𐴀𐴡𐴑𐴧𐴡𐴓𐴡𐴌 𐴊𐴡𐴌𐴔𐴞𐴘𐴝𐴕 𐴉𐴡𐴌𐴡𐴑𐴡𐴌 𐴊𐴝𐴁𐴞𐴒𐴡𐴌𐴠 𐴀𐴝𐴌 𐴀đ´Ĩ𐴝𐴃𐴞𐴘𐴝𐴌 𐴏đ´Ĩ𐴝𐴌𐴝 𐴀đ´Ļ𐴝𐴔 𐴁𐴝𐴐𐴞𐴕𐴊𐴝𐴌 𐴖𐴡𐴌𐴠 𐴓𐴝𐴌đ´Ĩ𐴝𐴘 𐴔𐴡𐴏𐴡𐴓𐴧𐴡𐴃đ´ĸ 𐴒𐴡𐴌𐴡𐴕𐴡𐴌𐴠 𐴕𐴝𐴅𐴝𐴘𐴠𐴎 𐴁𐴡𐴓𐴞𐴈đ´Ļ𐴥 𐴃𐴡𐴘𐴓𐴠 𐴁𐴟𐴌𐴔𐴝𐴌 𐴇𐴡𐴑𐴟𐴔𐴡𐴃𐴠 𐴏𐴞𐴌𐴞𐴉đ´ĸ 𐴌𐴟𐴇đ´Ĩ𐴝𐴚𐴙𐴝 𐴀đ´Ĩ𐴝𐴃𐴞𐴘𐴝𐴌 𐴊𐴤𐴡𐴌𐴡𐴘𐴝 𐴔𐴟𐴅𐴝𐴇𐴞𐴊𐴞𐴕𐴡𐴌 𐴁𐴡𐴊𐴡𐴓𐴝𐴃đ´ĸ 𐴉𐴟𐴌𐴝 𐴑𐴡𐴗𐴔𐴡𐴌 𐴈𐴠𐴓𐴝𐴉đ´ĸ 𐴑𐴞𐴘𐴡𐴓𐴧𐴝 𐴓𐴝𐴌đ´Ĩ𐴝𐴘 𐴐đ´Ĩ𐴟𐴌𐴟 đ´’đ´Ąđ´™đ´…đ´§đ´ ØŸ

𐴎𐴡𐴊𐴞 𐴊𐴟𐴕𐴞𐴘𐴝 𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝𐴌𐴠 (𐴔𐴝𐴇𐴊𐴟𐴊đ´ĸ 𐴇𐴡𐴑𐴟𐴔𐴡𐴃đ´ĸ) 𐴇𐴡𐴔 𐴀𐴠𐴈𐴃𐴠𐴘𐴝𐴌 𐴀𐴡𐴓𐴝 𐴇𐴡𐴑𐴟𐴔𐴡𐴃đ´ĸ 𐴀𐴝𐴌 (𐴇𐴟𐴑𐴟𐴑 𐴀𐴡𐴑𐴧𐴡𐴓𐴡𐴌 𐴁𐴠𐴈𐴠𐴘𐴝𐴓𐴞)𐴌 𐴎𐴡𐴌𐴞𐴘𐴝 𐴉𐴟𐴌𐴝 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌𐴠 𐴃𐴡𐴏𐴓𐴞𐴔 𐴒𐴡𐴌𐴝𐴕𐴡𐴎𐴝𐴌 𐴃𐴡𐴘𐴓𐴠 𐴁𐴟𐴌𐴔𐴝𐴌 (𐴈đ´Ļ𐴝𐴏đ´ĸ 𐴁𐴡𐴌𐴔𐴝𐴌 𐴕𐴡𐴏𐴡𐴓đ´ĸ) 𐴀𐴝𐴌 ( 𐴇𐴟𐴑𐴟𐴑 𐴀𐴡𐴑𐴧𐴡𐴓𐴡𐴌 𐴁𐴠𐴈𐴠𐴘𐴝𐴓𐴞) 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴌𐴞𐴘𐴝𐴏𐴡𐴃𐴞 𐴕𐴝𐴔 𐴑𐴞𐴘𐴡𐴓𐴧𐴝 𐴔𐴡𐴕𐴏𐴟𐴈đ´ĸ đ´•đ´Ąđ´’đ´Ąđ´Œđ´ đ´ŒØŸ

+ 𐴁𐴟𐴌𐴔𐴝𐴌 𐴇đ´Ĩ𐴡𐴑𐴟𐴔𐴡𐴃𐴠 𐴌𐴟𐴇đ´Ĩ𐴝𐴚𐴙𐴝 𐴀𐴡𐴑𐴧𐴡𐴓𐴌𐴠 𐴊𐴠𐴐𐴡𐴙𐴃𐴧𐴝 𐴔𐴝𐴕𐴞𐴓𐴡𐴕𐴡𐴌𐴠 𐴀𐴞𐴕𐴑𐴝𐴌 𐴒𐴡𐴌𐴡𐴕 𐴀𐴝𐴉𐴒𐴝𐴕𐴞𐴏𐴃𐴝𐴕𐴡𐴌𐴠 𐴊𐴟𐴕𐴞𐴘𐴝𐴌 𐴀𐴡𐴙𐴕𐴧𐴡 𐴑𐴡𐴗𐴔𐴡𐴌 𐴓𐴠𐴙𐴏𐴄𐴞𐴃đ´ĸ 𐴃𐴟𐴓𐴡𐴕𐴡𐴃𐴧𐴞 𐴀𐴞𐴕𐴑𐴝𐴌 𐴒𐴡𐴌𐴡𐴕(𐴕𐴡𐴘𐴝 𐴑𐴟𐴉𐴡𐴌𐴞 𐴀𐴝𐴓𐴡𐴔𐴞 𐴕𐴠𐴎𐴝𐴔𐴡𐴌) 𐴀𐴠𐴑 𐴕𐴡𐴎𐴡𐴌𐴞𐴘𐴝𐴌 𐴊𐴟𐴘 𐴔đ´Ļ𐴝𐴕𐴞 đ´•đ´Ąđ´•đ´žđ´‘đ´žØŸ

𐴀𐴠 𐴏đ´Ĩ𐴟𐴖𐴝𐴓𐴒𐴞𐴕𐴡𐴌 𐴅𐴡𐴖𐴝𐴁đ´ĸ 𐴊𐴞𐴃𐴠 𐴊𐴞𐴃𐴠 𐴁đ´Ļ𐴡𐴗𐴃đ´ĸ 𐴀𐴡𐴃𐴧𐴡 𐴓𐴝𐴒𐴞𐴎𐴝𐴘𐴁𐴡𐴘| 𐴀𐴝𐴌 𐴉đ´Ĩ𐴃𐴞𐴕 𐴀𐴞𐴕𐴏𐴝𐴉đ´ĸ 𐴇𐴝𐴏𐴠𐴓đ´ĸ 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴠 (𐴎𐴝𐴓𐴠𐴔 𐴀𐴝𐴌 𐴀𐴠𐴑𐴃𐴡𐴌𐴉𐴝 𐴏𐴟𐴓𐴟𐴑) 𐴒𐴡𐴌𐴡𐴘𐴝 (𐴀𐴝𐴑𐴖𐴝𐴔𐴠 𐴔𐴟𐴃𐴧𐴡𐴇𐴠𐴊𐴝) 𐴌 𐴈𐴝đ´Ŗ𐴏𐴝𐴌𐴞𐴌 𐴔𐴞𐴑𐴧𐴝 𐴑𐴞𐴁𐴤𐴝𐴉𐴠 𐴕𐴞𐴎𐴡𐴌 𐴔𐴡𐴏𐴝𐴓𐴝 𐴓𐴡𐴘𐴎𐴝𐴘𐴁𐴡 𐴎𐴠𐴕𐴞𐴑𐴞 𐴕𐴞𐴎𐴠 𐴀𐴠 𐴃𐴝𐴔đ´Ļ𐴝𐴔đ´ĸ 𐴔𐴡𐴏𐴝𐴓𐴝 𐴀𐴡𐴑𐴧𐴡𐴓𐴡𐴌𐴠 𐴉𐴡𐴙𐴊𐴝 𐴒𐴡𐴌𐴡𐴙𐴕𐴧𐴝| 𐴉𐴡𐴌𐴡𐴙𐴕𐴧𐴝 𐴀𐴝𐴊𐴧𐴠 𐴉đ´Ĩ𐴟𐴕𐴡𐴙𐴕𐴧𐴝 𐴀𐴡𐴑𐴧𐴡𐴓𐴡𐴃𐴧𐴞 𐴓đ´Ļ𐴝𐴏𐴡𐴃đ´ĸ 𐴎𐴞𐴑𐴞𐴌 𐴒𐴡𐴌𐴝𐴒𐴞𐴘𐴠𐴊𐴠 𐴑𐴟𐴌𐴞𐴘𐴝𐴕 𐴏𐴟𐴖𐴝𐴓𐴡𐴌 𐴁𐴡𐴊𐴡𐴓𐴝𐴃đ´ĸ 𐴏𐴞𐴌𐴞𐴉đ´ĸ 𐴀𐴠𐴑𐴧𐴝 𐴏𐴟𐴖𐴝𐴓đ´ĸ 𐴒𐴡𐴌𐴞𐴌:

𐴀𐴠𐴔𐴝𐴌𐴡𐴃𐴠 𐴀𐴞𐴏𐴓𐴝𐴔𐴞𐴘𐴝𐴌 𐴋đ´Ļ𐴡𐴘𐴓𐴧𐴝 𐴕𐴞𐴎𐴡𐴌 𐴃𐴝𐴑𐴡𐴃đ´ĸ 𐴀𐴝𐴊𐴧𐴠 𐴐đ´Ĩ𐴑𐴃𐴞𐴓𐴡𐴘 𐴕𐴞𐴎𐴡𐴌 𐴇𐴡𐴑 𐴀𐴡𐴑𐴧𐴡𐴓𐴡𐴓𐴧𐴝 𐴀𐴠𐴕𐴃𐴠𐴇𐴝𐴘𐴞 𐴇𐴠𐴑𐴔𐴡𐴃𐴠 𐴀𐴝𐴔𐴡𐴓𐴞𐴌 𐴏𐴝đ´Ŗ𐴀𐴃𐴠 𐴓𐴝𐴌đ´Ĩ𐴝𐴘 𐴒𐴡𐴌𐴡𐴕 𐴔𐴡𐴈𐴃𐴡𐴏𐴡𐴌 𐴀𐴝𐴌 𐴏đ´Ĩ𐴡𐴀𐴞 𐴌𐴝𐴏𐴧𐴝 đ´•đ´Ąđ´€đ´Ąđ´•đ´žđ´‘đ´žØŸ

Ų­Ų­Ų­Ų­Ų­Ų­

Tags

Related Articles

اŲ„ظŲ„Ų… || ظŲ„Ų… || 𐴎𐴟𐴓𐴟𐴔đ´ĸ || Injustice

اŲ„ظŲ„Ų… || ظŲ„Ų… || 𐴎𐴟𐴓𐴟𐴔đ´ĸ || Injustice

April 13, 2023
Ų…ŲˆŲ…Ų†ŲˆÚē ÚŠÛ’ ØŗاØĒÚž Ų†ØąŲ…ÛŒ اŲˆØą ڊاŲØąŲˆÚē ÚŠÛ’ ØŗاØĒÚž ØŗØŽØĒی ØŗŲ„ŲˆÚŠ ÚŠØąŲ†Ø§ || 𐴔đ´Ļ𐴟𐴔𐴞𐴕𐴡𐴌 𐴏𐴝đ´Ŗ𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝đ´Ŗ𐴃𐴠 𐴏đ´Ĩ𐴡𐴈𐴃𐴞 𐴏𐴟𐴓𐴟𐴑 𐴒𐴡𐴌𐴡𐴕 || Treating believers politely and disbelievers harshly

Ų…ŲˆŲ…Ų†ŲˆÚē ÚŠÛ’ ØŗاØĒÚž Ų†ØąŲ…ÛŒ اŲˆØą ڊاŲØąŲˆÚē ÚŠÛ’ ØŗاØĒÚž ØŗØŽØĒی ØŗŲ„ŲˆÚŠ ÚŠØąŲ†Ø§ || 𐴔đ´Ļ𐴟𐴔𐴞𐴕𐴡𐴌 𐴏𐴝đ´Ŗ𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝đ´Ŗ𐴃𐴠 𐴏đ´Ĩ𐴡𐴈𐴃𐴞 𐴏𐴟𐴓𐴟𐴑 𐴒𐴡𐴌𐴡𐴕 || Treating believers politely and disbelievers harshly

November 23, 2022
𐴀𐴞𐴔𐴝𐴕𐴡𐴌𐴠 𐴃𐴝𐴎𐴝 𐴒𐴡𐴌𐴡||اŲžŲ†Û’ ایŲ…اŲ† ÚŠŲˆ ØĒØ§Ø˛Û ÚŠØąÛŒÚē||Renew your faith

𐴀𐴞𐴔𐴝𐴕𐴡𐴌𐴠 𐴃𐴝𐴎𐴝 𐴒𐴡𐴌𐴡||اŲžŲ†Û’ ایŲ…اŲ† ÚŠŲˆ ØĒØ§Ø˛Û ÚŠØąÛŒÚē||Renew your faith

September 27, 2025
𐴔𐴟𐴅𐴝𐴇𐴞𐴊𐴞𐴕 𐴀đ´Ļ𐴡𐴓𐴡𐴓𐴧𐴝 𐴅𐴡𐴔𐴝𐴃𐴡𐴔𐴧𐴝𐴎𐴠 𐴀𐴝𐴏𐴡𐴁𐴞𐴘𐴡𐴌 𐴀𐴟𐴏𐴑𐴝𐴘 𐴊𐴡𐴙𐴘𐴝 𐴉𐴌𐴟𐴉𐴝𐴒𐴝𐴕𐴋𐴝𐴃𐴧𐴠 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕! || vŲ…ØŦاڞدیŲ† ÚŠŲˆ اŲžŲ†ÛŒ ØĩŲŲˆÚē Ų…ÛŒÚē Ų…ØŗŲ„ÚŠÛŒ ØĒØšØĩباØĒ ÚŠŲˆÛŲˆØ§ دیŲ†Û’ŲˆØ§Ų„ÛŒ ØŗØ§Ø˛Ø´ŲˆÚē ØŗÛ’ÛØ´ÛŒØ§ØąØąÛŲ†Ø§!

𐴔𐴟𐴅𐴝𐴇𐴞𐴊𐴞𐴕 𐴀đ´Ļ𐴡𐴓𐴡𐴓𐴧𐴝 𐴅𐴡𐴔𐴝𐴃𐴡𐴔𐴧𐴝𐴎𐴠 𐴀𐴝𐴏𐴡𐴁𐴞𐴘𐴡𐴌 𐴀𐴟𐴏𐴑𐴝𐴘 𐴊𐴡𐴙𐴘𐴝 𐴉𐴌𐴟𐴉𐴝𐴒𐴝𐴕𐴋𐴝𐴃𐴧𐴠 𐴇𐴟𐴐𐴞𐴘𐴝𐴌 𐴃𐴝𐴑𐴡𐴕! || vŲ…ØŦاڞدیŲ† ÚŠŲˆ اŲžŲ†ÛŒ ØĩŲŲˆÚē Ų…ÛŒÚē Ų…ØŗŲ„ÚŠÛŒ ØĒØšØĩباØĒ ÚŠŲˆÛŲˆØ§ دیŲ†Û’ŲˆØ§Ų„ÛŒ ØŗØ§Ø˛Ø´ŲˆÚē ØŗÛ’ÛØ´ÛŒØ§ØąØąÛŲ†Ø§!

August 9, 2023

Leave a Reply

Your email address will not be published. Required fields are marked *

four × 3 =

Back to top button