#arakan_ka_mimber
#rohingya_Muslims

اراکان کا منبر
اراکان کا منبر
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
arakan ka mimber

تـُــقدم
ناشر
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
Presents

الترجمة الروهينجية
روھینگا زبان میں ترجمۃ
𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
Rohingya Translation

بعنوان:
عنوان:
𐴏𐴟𐴌𐴈𐴞:
Titled:

نحو وعي صحيح-۴
سچائی بیداری کی طرف-۴
𐴈𐴝𐴓𐴠𐴏 𐴏𐴞𐴕𐴃𐴝 𐴁𐴤𐴝𐴉𐴡𐴕𐴡𐴌 𐴔𐴞𐴑𐴧𐴝-𐴴
Towards true awareness-4

للروية المباشرة والتحميل
دیکھیں یا ڈؤنلوڈ کریں
𐴖𐴝𐴕𐴓𐴝𐴙𐴕 𐴊𐴠𐴈𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
For Direct seeing or Downloading

Video Quality 1080 (317 MB)
https://archive.org/download/lesawa-04rohingya-1080/lesawa-04rohingya-1080.mp4
https://mega.nz/file/mS4kgawR#Fzvj-JnY-oAJ4Uyb7jW9PhQJFCerMZa_fK55hAEiQZA
https://cloud.degoo.com/share/E8uvufbwYsV0-GT_ZRSZTg
https://mymegacloud.com/download/dXBsb2Fkcy92ZmJkemdiL2xlc2F3YS0wNHJvaGluZ3lhLTEwODAubXA0/h/2ae3100a2831bf3c777f787001445401
https://store3.gofile.io/download/55ae2584-5475-4293-b70b-9543196d0c80/lesawa-04rohingya-1080.mp4
https://file.fm/f/qscpaw2b3
https://www70.zippyshare.com/v/zHNI8YWY/file.html

Video Quality 720(105 MB)
https://archive.org/download/lesawa-04-rohingya-720/Lesawa-04Rohingya-720.m4v
https://mega.nz/file/PWxEiIIS#cQ8DmOY-cdgfIghor8bK5P41Xi_M2oYxBPb4Thq4pgM
https://cloud.degoo.com/share/Lr0L4YFysqkzvSTXYZhWQQ
https://mymegacloud.com/download/dXBsb2Fkcy92ZmJkemdiL0xlc2F3YS0wNFJvaGluZ3lhLTcyMC5tNHY=/h/56f599ffbf054e90f5edc16739f38ef1
https://store3.gofile.io/download/6c2946f7-55e6-4e80-a516-5e56476b74ae/Lesawa-04Rohingya-720.m4v
https://file.fm/f/jqk8m3gx5
https://www9.zippyshare.com/v/nne8G0JC/file.html

Video Quality 360 (44.5 MB)
https://archive.org/download/lesawa-04-rohingya-720/Lesawa-04Rohingya-360.m4v
https://mega.nz/file/jfxQWQKb#cnmbdi90S-ZqJTBfSO_TP1q_Qf4brRh_JH-RUXwWMOw
https://cloud.degoo.com/share/qk78I0UgTxrif5zgktlY4w
https://mymegacloud.com/download/dXBsb2Fkcy92ZmJkemdiL0xlc2F3YS0wNFJvaGluZ3lhLTM2MC5tNHY=/h/1c19d8fa6cda085227edacd63851a1b9
https://store3.gofile.io/download/a80883d8-2281-4a0c-b439-484a825213d5/Lesawa-04Rohingya-360.m4v
https://file.fm/f/yqr83vtdw
https://www9.zippyshare.com/v/YUL9dbKj/file.html

Video Quality 3gp (23.3 MB)
https://archive.org/download/lesawa-04-rohingya-720/Lesawa-04Rohingya-3gp.m4v
https://mymegacloud.com/download/dXBsb2Fkcy92ZmJkemdiL0xlc2F3YS0wNFJvaGluZ3lhLTNncC5tNHY=/h/4819fcf310064129f7da4c31b9bdc71a
https://mega.nz/file/rXhmGAJb#N_0nUJSD-Fo5lmmPFRw_1-orlv1vYoBiebjGKAkffCY
https://cloud.degoo.com/share/r1QhC_QU_Ldv1ZTXb7p1WA
https://store3.gofile.io/download/997eba2d-beb4-46d1-a725-71c7e0b9b7ae/Lesawa-04Rohingya-3gp.m4v
https://file.fm/f/ehefwmqjh
https://www9.zippyshare.com/v/DznaMvex/file.html

PDF (23.7 MB)
https://archive.org/download/khalis-chinta-bafnar-torof/khalis%20chinta%20bafnar%20torof.pdf
https://cloud.degoo.com/share/FFDZaVCNFR_N42DsVDew7Q
https://mega.nz/file/WKhU2SBT#G-7UBB14_UwtIZTE8t3J_G9iApg9p_Nr996jjdBqLak
https://mymegacloud.com/download/dXBsb2Fkcy92ZmJkemdiL2toYWxpcy1jaGludGEtYmFmbmFyLXRvcm9mLnBkZg==/h/46931f461d7604392f09e8765c5024f6
https://file.fm/u/469nwux3y
https://store3.gofile.io/download/a47c5b6e-95e0-4a73-b471-269324a774d5/khalis%20chinta%20bafnar%20torof.pdf
https://www9.zippyshare.com/v/QDCCouQV/file.html

2nd PDF
https://justpaste.it/77xuw/pdf

Word
https://justpaste.it/77xuw
http://web.archive.org/web/20220109054154/https://justpaste.it/77xuw

Banner
https://archive.org/download/lesawa-04-rohingya-720/leswah-04.jpg
https://mega.nz/file/2H5yzY6R#vKBBZOJO7v9cZAFhfurqAuA6udZQqRYUVR_N6q1OyOg
https://cloud.degoo.com/share/bEb-FumcKMfiyFf56A7B2A
https://mymegacloud.com/download/dXBsb2Fkcy92ZmJkemdiL2xlc3dhaC0wNC5qcGc=/h/29da2e8fc0bce122ed7f895e361822e8
https://store3.gofile.io/download/be4d600c-1fcd-4d50-a590-941cfbd4dd09/leswah-04.jpg
https://file.fm/f/67wmpagpn

𐴓𐴝𐴒𐴝𐴃𐴝𐴌 𐴊𐴡𐴌𐴡𐴏

𐴈𐴝𐴓𐴠𐴏 𐴏𐴞𐴕𐴃𐴝 𐴁𐴤𐴝𐴉𐴡𐴕𐴡𐴌 𐴔𐴞𐴑𐴧𐴝

‫𐴏𐴝𐴙𐴌𐴡𐴔 𐴁𐴝𐴑: 𐴀𐴝𐴓𐴧𐴝𐴤 𐴀𐴡𐴓𐴝 𐴀𐴥𐴡

𐴐𐴝𐴘𐴈𐴢 𐴈𐴝𐴓𐴠𐴊𐴢 𐴁𐴝𐴃𐴡𐴌𐴉𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴤

𐴃𐴝𐴔𐴦𐴝𐴔 𐴃𐴝𐴌𐴞𐴉 𐴀𐴡 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴓𐴧𐴝 𐴎𐴞𐴁𐴝𐴌 𐴔𐴡𐴌𐴃𐴡𐴁𐴝 𐴁𐴠𐴙𐴒𐴧𐴞𐴕𐴡𐴃𐴧𐴟 𐴖𐴡𐴌𐴞 𐴀𐴝𐴌 𐴁𐴠𐴙𐴒𐴧𐴞𐴕𐴡𐴃𐴧𐴟 𐴁𐴡𐴌𐴡| 𐴊𐴟𐴌𐴟𐴊 𐴀𐴝𐴌 𐴏𐴝𐴓𐴝𐴔 𐴕𐴝𐴎𐴠𐴓 𐴀𐴥𐴡𐴑 𐴀𐴝𐴣𐴀𐴌𐴝𐴌 𐴕𐴡𐴁𐴞 𐴔𐴟𐴇𐴝𐴔𐴧𐴝𐴊 ﷺ𐴔𐴡𐴌 𐴖𐴝𐴌𐴠 𐴀𐴝𐴌 𐴃𐴝𐴌 𐴀𐴝𐴇𐴓𐴠 𐴁𐴝𐴙𐴃 𐴀𐴝𐴊𐴧𐴠 𐴏𐴝𐴇𐴝𐴁𐴞 (𐴌𐴡) 𐴔𐴡𐴌 𐴖𐴝𐴌𐴠|

 𐴇𐴥𐴝𐴔𐴊𐴡 𐴏𐴥𐴡𐴓𐴝𐴃𐴡𐴌  𐴁𐴦𐴝𐴊𐴠 𐴈𐴡𐴃𐴝 𐴀𐴡𐴘𐴓𐴊𐴠|- 𐴀𐴞𐴔𐴝𐴔 𐴀𐴞𐴁𐴕𐴟𐴓 𐴑𐴝𐴘𐴧𐴟𐴔 (𐴌𐴇) 𐴈𐴡𐴘𐴧𐴠𐴊𐴠- 𐴕𐴡𐴉𐴏𐴥𐴡𐴌 𐴅𐴞𐴇𐴝𐴊𐴡𐴌 𐴏𐴝𐴙𐴌 𐴒𐴝𐴕 𐴔𐴡𐴌𐴃𐴡𐴁𐴝-

(𐴱) 𐴀𐴥𐴞𐴀𐴕 𐴇𐴠𐴊𐴝𐴘𐴝𐴃 𐴀𐴝𐴊𐴧𐴠 𐴇𐴥𐴡𐴑 𐴊𐴞𐴕 𐴐𐴞𐴑𐴞𐴁𐴡𐴓𐴧𐴝 𐴕𐴡𐴉𐴏𐴥𐴡𐴌 𐴏𐴝𐴣𐴀𐴃𐴠 𐴔𐴠𐴇𐴥𐴠𐴕𐴡𐴃 𐴒𐴡𐴌𐴡𐴕 𐴎𐴞𐴘𐴝𐴕 𐴏𐴥𐴝𐴌𐴝 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴀𐴝𐴈𐴠𐴌𐴡𐴃𐴡𐴃 𐴈𐴡𐴕𐴥𐴡 𐴑𐴝𐴔𐴞𐴘𐴝𐴁𐴞 𐴘𐴦𐴝 𐴑𐴟𐴐𐴥𐴞 𐴕𐴡 𐴉𐴝𐴘𐴁𐴡| 𐴀𐴝𐴌 𐴎𐴠𐴈𐴥𐴡𐴕 𐴃𐴝𐴌 𐴈𐴝𐴣𐴏𐴠 𐴀𐴥𐴞𐴀𐴕 𐴀𐴞𐴓𐴡𐴔 𐴕𐴡𐴃𐴥𐴝𐴑𐴞𐴁𐴡 𐴃𐴡𐴘𐴓𐴠 𐴇𐴥𐴞𐴃𐴠 𐴊𐴟𐴕𐴟 𐴅𐴝𐴇𐴝𐴕𐴡𐴃 𐴕𐴝 𐴑𐴝𐴔𐴞𐴘𐴝𐴁𐴞 𐴀𐴥𐴡𐴘𐴁𐴡|𐴱

(𐴲) 𐴎𐴝𐴕𐴝𐴌 𐴁𐴦𐴝𐴊𐴠 𐴇𐴞 𐴀𐴞𐴓𐴡𐴔𐴡𐴌 𐴖𐴝𐴌𐴠 𐴀𐴝𐴔𐴡𐴓 𐴒𐴡𐴌𐴡𐴕𐴡𐴌 𐴁𐴝𐴁𐴡𐴃𐴠 𐴕𐴡𐴉𐴏𐴥𐴡𐴌 𐴏𐴝𐴣𐴀𐴃𐴠 𐴑𐴟𐴐𐴞𐴐 𐴒𐴡𐴌𐴡𐴕| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴀𐴝𐴔𐴡𐴓 𐴏𐴥𐴝𐴌𐴝 𐴐𐴥𐴟𐴊𐴟 𐴀𐴞𐴓𐴡𐴔𐴡𐴌 𐴊𐴦𐴝𐴌𐴝𐴘 𐴎𐴡𐴊𐴞 𐴕𐴟𐴑𐴏𐴝𐴕 𐴕𐴡𐴒𐴡𐴌𐴞𐴓𐴠𐴘𐴡 𐴀𐴥𐴠𐴁𐴝𐴌𐴠 𐴉𐴝𐴙𐴊𐴝 𐴀𐴥𐴡𐴕𐴡𐴊𐴞𐴁𐴡𐴱

(𐴳) 𐴊𐴞𐴕𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃 𐴊𐴡𐴕𐴡𐴌 𐴁𐴝𐴁𐴡𐴃𐴠 𐴀𐴝𐴌 𐴎𐴞𐴁𐴥𐴝 𐴊𐴞𐴕 𐴕𐴡 𐴎𐴝𐴕𐴞 𐴇𐴥𐴞𐴁𐴝𐴌𐴠 𐴊𐴞𐴕 𐴐𐴥𐴞𐴑𐴡𐴕𐴡𐴌 𐴁𐴝𐴁𐴡𐴃𐴠 𐴕𐴞𐴎𐴡𐴌 𐴕𐴡𐴉𐴏𐴥𐴡 𐴓𐴧𐴡𐴘 𐴔𐴠𐴇𐴥𐴠𐴕𐴡𐴃 𐴒𐴡𐴌𐴡𐴕| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴎𐴡𐴊𐴞 𐴇𐴥𐴞𐴃𐴠 𐴃𐴝𐴌𐴝𐴌𐴠 𐴊𐴞𐴕𐴡𐴌 𐴔𐴞𐴑𐴧𐴝 𐴊𐴝𐴖𐴡𐴃 𐴀𐴝𐴊𐴧𐴠 𐴃𐴝𐴌𐴝𐴌𐴠 𐴊𐴞𐴕𐴞 𐴐𐴞𐴑𐴧𐴝 𐴕𐴡 𐴊𐴠 𐴃𐴡𐴀𐴡𐴘𐴓𐴠 𐴇𐴥𐴞𐴃𐴠 𐴀𐴡 𐴔𐴝𐴙𐴕𐴐𐴥𐴡 𐴔𐴧𐴝𐴎𐴠 𐴐𐴥𐴝𐴔𐴠𐴓 𐴀𐴥𐴡𐴘𐴁𐴡 𐴎𐴝𐴌𐴝   𐴀𐴝𐴓𐴧𐴝𐴤 𐴃𐴝𐴓𐴝 𐴘𐴠 𐴕𐴝𐴎𐴞𐴓 𐴒𐴡𐴙𐴅𐴧𐴠 𐴊𐴞 𐴊𐴡𐴓𐴞𐴓 𐴀𐴝𐴊𐴧𐴠 𐴇𐴠𐴊𐴝𐴘𐴡𐴃 𐴀𐴡𐴑𐴧𐴡𐴓𐴡𐴌𐴠 𐴓𐴟𐴗𐴝𐴘 𐴌𐴝𐴑𐴠| 𐴃𐴝𐴌 𐴀𐴥𐴠 𐴀𐴠𐴓𐴡𐴔 𐴃𐴝𐴌𐴠 𐴈𐴡𐴕𐴡 𐴉𐴝𐴘𐴊𐴝 𐴕𐴡 𐴒𐴡𐴌𐴞𐴁𐴡 𐴁𐴡𐴓𐴑𐴠 𐴃𐴝𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴀𐴝𐴎𐴝𐴁𐴡𐴃𐴧𐴟 𐴕𐴥𐴡 𐴁𐴝𐴏𐴝𐴘 𐴀𐴥𐴡 𐴕𐴡 𐴉𐴝𐴌𐴞𐴁𐴡|𐴱

(𐴴) 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴌𐴝𐴏𐴧𐴝𐴃 𐴊𐴝𐴖𐴡𐴃 𐴊𐴡𐴕𐴡𐴔𐴧𐴝𐴎𐴠 𐴔𐴡𐴏𐴠𐴁𐴡𐴊𐴃 𐴀𐴝𐴊𐴧𐴠 𐴔𐴝𐴕𐴟𐴙𐴐𐴥𐴡𐴌 𐴎𐴟𐴓𐴟𐴔𐴡𐴌 𐴖𐴝𐴌𐴠 𐴏𐴡𐴁𐴡𐴌 𐴒𐴡𐴌𐴕𐴡𐴌 𐴏𐴝𐴣𐴃𐴠 𐴕𐴡𐴉𐴏𐴥𐴡𐴓𐴡𐴘 𐴅𐴞𐴇𐴝𐴊 𐴒𐴡𐴌𐴡𐴕 𐴀𐴝𐴌 𐴀𐴞𐴀𐴕 𐴁𐴞𐴙𐴒𐴧𐴞𐴕 𐴀𐴝𐴓𐴧𐴝𐴤 𐴌 𐴖𐴝𐴏𐴃𐴠 𐴒𐴡𐴌𐴡𐴕|𐴱

𐴈𐴡𐴕𐴡 𐴔𐴝𐴕𐴟𐴙𐴐 𐴎𐴠𐴈𐴡𐴕 𐴀𐴠𐴙 𐴏𐴦𐴝𐴙𐴌 𐴑𐴞𐴏𐴠𐴔𐴧𐴝 𐴃𐴡𐴌𐴞𐴑𐴝𐴌𐴠 𐴉𐴟𐴌𐴝 𐴒𐴡𐴌𐴞𐴁𐴡 𐴃𐴡𐴀𐴡𐴘𐴓𐴠 𐴇𐴥𐴞𐴃𐴞 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴔𐴝𐴕𐴟𐴙𐴐𐴥𐴡𐴌  𐴁𐴥𐴟𐴃𐴡𐴌𐴞 𐴐𐴝𐴔𐴞𐴓 𐴀𐴥𐴡𐴘𐴁𐴡| 𐴃𐴝𐴔𐴦𐴝𐴔 𐴀𐴟𐴓𐴝𐴔𐴝𐴀𐴠 𐴏𐴡𐴓𐴡𐴉 𐴀𐴠𐴅𐴔𐴝 𐴀𐴡𐴘𐴧𐴠𐴊𐴠  𐴑𐴞- 𐴈𐴡𐴕𐴡 𐴀𐴝𐴓𐴠𐴔 𐴎𐴡𐴊𐴞  𐴇𐴥𐴡𐴑 𐴕𐴡 𐴏𐴞𐴕𐴠 𐴀𐴝𐴌 𐴇𐴥𐴡𐴑 𐴔𐴡𐴎𐴠𐴕 𐴀𐴝𐴔𐴡𐴓 𐴕𐴡 𐴒𐴡𐴌𐴠 𐴀𐴝𐴌 𐴀𐴡𐴙𐴕𐴧𐴡 𐴔𐴝𐴕𐴟𐴙𐴐𐴥𐴡𐴌𐴠  𐴇𐴥𐴡𐴑𐴧𐴡𐴌 𐴐𐴥𐴞𐴑𐴧𐴝 𐴕𐴡 𐴊𐴠 𐴃𐴡𐴀𐴡𐴘𐴓𐴠 𐴀𐴥𐴞𐴁𐴝𐴌𐴞 𐴀𐴡𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴈𐴡𐴦𐴕𐴡𐴌 𐴓𐴝𐴘𐴠𐴑 𐴕𐴡𐴀𐴡| 𐴀𐴥𐴠𐴈𐴡𐴃𐴝𐴓𐴧𐴝𐴘 𐴎𐴠𐴃𐴟𐴑𐴑𐴧𐴕  𐴉𐴡𐴙𐴅𐴧𐴡𐴕𐴃𐴡 𐴕𐴞𐴎𐴠 𐴐𐴞𐴑𐴞𐴁𐴡  𐴀𐴝𐴔𐴡𐴓 𐴒𐴡𐴌𐴞𐴁𐴡 𐴀𐴡𐴙𐴕𐴧𐴡 𐴔𐴝𐴕𐴟𐴙𐴐𐴥𐴡𐴌𐴠 𐴐𐴞𐴑𐴧𐴝 𐴊𐴞𐴁𐴡 𐴇𐴥𐴞𐴁𐴝𐴌𐴠 𐴊𐴟𐴕𐴟 𐴅𐴝𐴇𐴝𐴕𐴡𐴌 𐴀𐴞𐴅𐴧𐴡𐴃𐴡𐴌 𐴏𐴝𐴣𐴃𐴠 𐴋𐴝𐴑𐴝 𐴀𐴡𐴘𐴁𐴡|𐴱

𐴀𐴠𐴎𐴡𐴔𐴝𐴕𐴝𐴃 𐴀𐴝𐴣𐴀𐴌𐴝𐴌 𐴔𐴟𐴏𐴓𐴞𐴔 𐴎𐴝𐴃𐴞 𐴎𐴠 𐴏𐴡𐴑𐴃𐴡 𐴉𐴞𐴃𐴕𐴝 𐴀𐴝𐴊𐴧𐴠 𐴉𐴥𐴡𐴏𐴝𐴊𐴡𐴃 𐴊𐴞𐴕 𐴈𐴝𐴣𐴍𐴝𐴌 𐴀𐴥𐴞 𐴀𐴥𐴡𐴑𐴃𐴡 𐴔𐴧𐴝𐴎𐴠 𐴀𐴝𐴣𐴀𐴌𐴝𐴌  𐴇𐴥𐴝𐴌 𐴅𐴞𐴕𐴞𐴐𐴥𐴡𐴌 𐴖𐴝𐴌𐴠 𐴏𐴡𐴀𐴞 𐴊𐴡𐴓𐴞𐴓 𐴀𐴝𐴊𐴧𐴠 𐴇𐴥𐴡𐴑𐴧𐴡𐴌 𐴖𐴡𐴌𐴠 𐴃𐴝𐴑𐴡𐴕/ 𐴇𐴥𐴝𐴑𐴞𐴑𐴡𐴃𐴡𐴌  𐴏𐴝𐴣𐴀𐴃𐴠 𐴀𐴝𐴣𐴀𐴌𐴝 𐴕𐴞𐴎𐴡𐴌𐴠 𐴕𐴞𐴎𐴠  𐴔𐴞𐴓𐴝𐴘 𐴓𐴡𐴕 𐴀𐴝𐴌 𐴀𐴝𐴣𐴀𐴌𐴝𐴌 𐴔𐴡𐴐𐴑𐴞𐴓𐴝𐴃𐴡𐴌𐴠 𐴇𐴥𐴡𐴓 𐴒𐴡𐴌𐴡𐴕 𐴀𐴝𐴣𐴀𐴌𐴝𐴌 𐴖𐴝𐴌𐴠 𐴁𐴞𐴐𐴦𐴞 𐴎𐴡𐴌𐴟𐴌𐴞𐴱 𐴀𐴝𐴌 𐴀𐴝𐴣𐴀𐴌𐴝𐴌 𐴀𐴠 𐴔𐴡𐴑𐴏𐴟𐴊 𐴘𐴝𐴕𐴡𐴌 𐴇𐴥𐴡𐴓 𐴊𐴞𐴕𐴡𐴌 𐴔𐴡𐴖𐴎𐴟 𐴌𐴠 𐴁𐴟𐴎𐴡𐴕 𐴀𐴝𐴊𐴧𐴠  𐴀𐴥𐴠 𐴔𐴡𐴖𐴎𐴟𐴌 𐴖𐴡𐴌𐴠 𐴔𐴝𐴇𐴠𐴌 𐴀𐴡𐴀𐴕 𐴀𐴝𐴌 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴐𐴡𐴌𐴞𐴀𐴝𐴃𐴡𐴌 𐴇𐴡𐴑𐴟𐴔 𐴀𐴝𐴌 𐴊𐴟𐴕𐴞𐴘𐴝𐴌 𐴑𐴝𐴕𐴟𐴕 𐴎𐴝𐴕𐴝 𐴏𐴥𐴝𐴌𐴝 𐴈𐴡𐴕𐴡𐴊𐴦𐴞𐴕 𐴇𐴥𐴝𐴏𐴠𐴓 𐴕𐴡 𐴀𐴥𐴡𐴘𐴁𐴡| 𐴀𐴞 𐴔𐴡𐴑𐴏𐴟𐴊𐴡𐴓𐴧𐴝 𐴐𐴥𐴟𐴊𐴟 𐴀𐴞𐴓𐴡𐴔 𐴇𐴝𐴏𐴠𐴓 𐴒𐴡𐴌𐴡𐴕𐴡 𐴎𐴧𐴡𐴌𐴞𐴘𐴝  𐴕𐴡 𐴀𐴥𐴡𐴘𐴁𐴡| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴁𐴦𐴡𐴃 𐴃𐴝𐴓𐴠𐴁𐴟𐴓 𐴀𐴠𐴓𐴡𐴔 𐴀𐴝𐴏𐴠 𐴎𐴝𐴌𐴝 𐴕𐴠𐴑𐴞 𐴇𐴥𐴡𐴑 𐴌𐴝𐴏𐴧𐴝 𐴕𐴡 𐴉𐴝| 𐴁𐴥𐴡𐴓𐴑𐴠 𐴀𐴥𐴠 𐴀𐴠𐴓𐴡𐴔 𐴃𐴝𐴌𐴝𐴌 𐴓𐴧𐴝 𐴔𐴡𐴏𐴞𐴁𐴡𐴃𐴡𐴌 𐴎𐴡𐴌𐴞𐴘𐴝 𐴀𐴡𐴘𐴧𐴠 | 𐴀𐴞 𐴑𐴞𐴏𐴥𐴞𐴔𐴧𐴝 𐴀𐴠𐴓𐴡𐴔𐴡 𐴊𐴧𐴝𐴌𐴝𐴘 𐴈𐴡𐴕𐴡 𐴉𐴝𐴘𐴊𐴝 𐴕𐴡 𐴀𐴥𐴡| 𐴁𐴦𐴡𐴃 𐴀𐴝𐴓𐴠𐴔 𐴀𐴥𐴞𐴀𐴕 𐴀𐴝𐴏𐴠 𐴎𐴝𐴌𐴝 𐴕𐴞𐴎𐴡𐴌 𐴀𐴠𐴓𐴡𐴔 𐴓𐴡𐴘 𐴊𐴟𐴕𐴞𐴘𐴝𐴌 𐴔𐴡𐴑𐴏𐴟𐴊𐴡𐴌𐴠 𐴉𐴡𐴀𐴕𐴡𐴌 𐴎𐴡𐴌𐴞𐴘𐴝 𐴁𐴝𐴕𐴝𐴘𐴧𐴠|𐴱

𐴎𐴠 𐴏𐴦𐴞𐴏𐴧𐴝𐴕 𐴁𐴠𐴐𐴦𐴝 𐴁𐴠𐴐𐴦𐴞 𐴎𐴡𐴌𐴟𐴌𐴞 𐴇𐴥𐴞𐴘𐴝𐴕 𐴀𐴡𐴘𐴓𐴊𐴠 𐴑𐴞  𐴀𐴝𐴣𐴀𐴌𐴝𐴃𐴧𐴞 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴥𐴡𐴀𐴕 𐴉𐴡𐴌𐴞𐴁𐴡| 𐴀𐴝𐴣𐴀𐴌𐴝 𐴀𐴠𐴓𐴡𐴔 𐴐𐴥𐴞𐴑𐴞𐴘𐴧𐴟𐴔 𐴊𐴦𐴠 𐴇𐴠𐴣 𐴔𐴡𐴎𐴠𐴕 𐴀𐴝𐴔𐴡𐴓 𐴒𐴡𐴌𐴞𐴁𐴡𐴓𐴧𐴝| 𐴀𐴞𐴘𐴝𐴌 𐴁𐴦𐴝𐴊𐴠 𐴔𐴝𐴕𐴟𐴙𐴐𐴥𐴡𐴌𐴠 𐴇𐴞𐴣 𐴀𐴞𐴓𐴡𐴔𐴡𐴌 𐴖𐴝𐴌𐴠 𐴀𐴝𐴔𐴡𐴓 𐴒𐴡𐴌𐴞𐴁𐴡𐴓𐴧𐴝 𐴊𐴝𐴖𐴡𐴃 𐴊𐴞𐴘𐴧𐴟𐴔|  𐴀𐴝𐴌 𐴀𐴞𐴣 𐴊𐴝𐴖𐴡𐴃 𐴀𐴝𐴊𐴧𐴠 𐴀𐴡𐴔𐴡𐴓 𐴒𐴡𐴌𐴡𐴕𐴡 𐴎𐴧𐴡𐴌𐴞𐴘𐴝 𐴀𐴝𐴣𐴀𐴌𐴝𐴌 𐴖𐴝𐴌𐴠 𐴎𐴠 𐴔𐴡𐴏𐴞𐴁𐴡𐴃 𐴀𐴝𐴘𐴁𐴡 𐴀𐴥𐴞𐴕𐴡𐴌𐴠 𐴏𐴡𐴁𐴡𐴌 𐴒𐴡𐴙𐴅𐴧𐴟𐴔| 𐴀𐴠 𐴎𐴡𐴔𐴝𐴕𐴡𐴃 𐴀𐴝𐴣𐴀𐴌𐴝𐴌 𐴁𐴦𐴡𐴃 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴠  𐴎𐴞 𐴅𐴞𐴕𐴞𐴐𐴧𐴝𐴕𐴡𐴌𐴠 𐴀𐴝𐴇𐴥𐴝𐴔 𐴕𐴡 𐴁𐴟𐴎𐴠 𐴇𐴞𐴘𐴝𐴕 𐴀𐴡𐴘𐴓𐴊𐴠  𐴀𐴝𐴣𐴀𐴌𐴝𐴌 𐴌𐴥𐴡𐴁𐴡𐴌 𐴑𐴞𐴃𐴝𐴁 𐴀𐴝𐴊𐴧𐴠 𐴀𐴝𐴣𐴌𐴝𐴌 𐴕𐴡𐴁𐴞ﷺ𐴔𐴡𐴌 𐴏𐴟𐴕𐴧𐴡𐴃𐴧𐴡 𐴃𐴧𐴟 𐴎𐴠 𐴐𐴡𐴌𐴞𐴀𐴞 𐴀𐴞𐴓𐴡𐴔 𐴕𐴠𐴘𐴓𐴝𐴘𐴧𐴠 𐴇𐴞𐴘𐴝𐴕| 𐴎𐴠𐴒𐴞𐴕 𐴀𐴝𐴣𐴀𐴌𐴝𐴌 𐴏𐴡𐴓𐴉𐴠 𐴏𐴝𐴓𐴠𐴇𐴦𐴞𐴕𐴡𐴌 𐴁𐴟𐴎𐴝 𐴔𐴡𐴎𐴠𐴕 𐴀𐴥𐴡𐴘𐴁𐴡| 𐴀𐴝𐴁𐴝𐴌 𐴀𐴝𐴣𐴀𐴌𐴝𐴌 𐴁𐴥𐴟𐴃𐴡𐴌𐴠 𐴁𐴦𐴡𐴃 𐴃𐴝𐴓𐴞𐴁𐴟𐴓 𐴀𐴞𐴓𐴡𐴔 𐴀𐴝𐴏𐴠 𐴎𐴝𐴌𐴝 𐴀𐴞𐴓𐴡𐴔 𐴇𐴝𐴏𐴞𐴓𐴡𐴌 𐴁𐴝𐴁𐴡𐴃𐴠 𐴏𐴥𐴡𐴀𐴞 𐴕𐴞𐴘𐴧𐴡𐴃 𐴕𐴥𐴝𐴘|𐴀𐴝𐴌 𐴏𐴥𐴡𐴀𐴞 𐴕𐴞𐴘𐴧𐴡𐴃 𐴀𐴡𐴘𐴓𐴊𐴠 𐴑𐴞 𐴀𐴞𐴓𐴡𐴔 𐴔𐴡𐴎𐴠𐴕 𐴀𐴝𐴔𐴡𐴓 𐴒𐴡𐴌𐴡𐴕|𐴱

𐴀𐴠 𐴅𐴞𐴕𐴞𐴐𐴧𐴞𐴕 𐴔𐴟𐴏𐴓𐴞𐴔 𐴎𐴝𐴃𐴞𐴌 𐴁𐴥𐴟𐴃𐴡𐴌𐴠 𐴃𐴝𐴑𐴞𐴓𐴠 𐴃𐴡𐴀𐴥𐴡𐴘𐴓𐴠 𐴁𐴥𐴝𐴓𐴝 𐴎𐴝𐴃𐴞 𐴃𐴡𐴘𐴧𐴝𐴌 𐴀𐴥𐴡𐴘𐴁𐴡 𐴎𐴝𐴌𐴝 𐴁𐴝𐴓𐴝 𐴈𐴝𐴔𐴡𐴌 𐴇𐴡𐴑𐴥𐴟𐴔 𐴊𐴞𐴁𐴡 𐴀𐴝𐴌 𐴈𐴡𐴌𐴝𐴁 𐴈𐴝𐴔𐴡𐴃𐴧𐴟 𐴔𐴝𐴕𐴥𐴝 𐴒𐴡𐴌𐴞𐴁𐴡 𐴀𐴝𐴌 𐴉𐴡𐴏𐴝𐴊 𐴒𐴡𐴌𐴡𐴘𐴧𐴝 𐴀𐴥𐴡𐴑𐴧𐴡𐴓𐴠 𐴎𐴦𐴞𐴕 𐴊𐴥𐴡𐴚𐴐𐴡 𐴒𐴡𐴌𐴞 𐴊𐴞𐴘𐴧𐴠 𐴇𐴥𐴞𐴒𐴞𐴕 𐴀𐴝𐴁𐴝𐴌 𐴁𐴥𐴝𐴓𐴝 𐴒𐴡𐴌𐴞  𐴄𐴥𐴠𐴑 𐴒𐴡𐴌𐴞𐴁𐴡| 𐴀𐴝𐴌 𐴀𐴞 𐴌𐴝𐴏𐴧𐴝 𐴔𐴧𐴝𐴎𐴠 𐴎𐴡𐴊𐴞 𐴃𐴝𐴌𐴝𐴌 𐴏𐴥𐴝𐴔𐴧𐴠 𐴈𐴡𐴕𐴡 𐴌𐴠𐴑𐴝𐴖𐴝𐴄 𐴀𐴝𐴘𐴧𐴠 𐴃𐴡𐴀𐴡𐴘𐴓𐴠 𐴃𐴝𐴌𐴝  𐴉𐴝𐴀𐴌𐴡𐴌 𐴋𐴦𐴡𐴙𐴓𐴧𐴝 𐴏𐴝𐴁𐴠𐴃 𐴑𐴡𐴊𐴡𐴔 𐴃𐴥𐴝𐴑𐴞𐴁𐴡| 𐴈𐴡𐴕𐴥𐴡 𐴔𐴡𐴏𐴞𐴁𐴡𐴃 𐴃𐴝𐴌𐴝𐴌𐴠 𐴀𐴥𐴠𐴓𐴝𐴘 𐴕𐴡 𐴉𐴝𐴌𐴞𐴁𐴡| 𐴀𐴝𐴌 𐴃𐴟𐴖𐴥𐴝𐴕𐴡𐴌 𐴁𐴡𐴘𐴧𐴝𐴌𐴠 𐴀𐴥𐴡 𐴀𐴥𐴞𐴁𐴝𐴌 𐴑𐴡𐴊𐴡𐴔𐴡𐴌𐴠 𐴓𐴡𐴌𐴝𐴘 𐴕𐴡 𐴉𐴝𐴌𐴞𐴁𐴡|𐴱

𐴇𐴥𐴡𐴎𐴌𐴡𐴃 𐴀𐴝𐴁𐴟 𐴇𐴟𐴌𐴝𐴘𐴌𐴝𐴤 (𐴌𐴡) 𐴘𐴠 𐴈𐴦𐴡𐴊𐴧𐴠- 𐴌𐴝𐴏𐴟𐴓ﷺ𐴔𐴠 𐴈𐴡𐴘𐴧𐴠𐴊𐴠- ‏الْمُؤْمِنُ الْقَوِيُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ وَفِي كُلٍّ خَيْرٌ احْرِصْ عَلَى مَا يَنْفَعُكَ وَاسْتَعِنْ بِاللَّهِ وَلاَ تَعْجِزْ وَإِنْ أَصَابَكَ شَىْءٌ فَلاَ تَقُلْ لَوْ أَنِّي فَعَلْتُ كَانَ كَذَا وَكَذَا ‏.‏ وَلَكِنْ قُلْ قَدَرُ اللَّهِ وَمَا شَاءَ فَعَلَ فَإِنَّ لَوْ تَفْتَحُ عَمَلَ الشَّيْطَانِ

“𐴀𐴝𐴓𐴧𐴝𐴤 𐴃𐴝𐴓𐴝𐴌 𐴈𐴝𐴣𐴏𐴠  𐴈𐴡𐴔𐴎𐴟𐴌 𐴔𐴟𐴀𐴔𐴞𐴕𐴡𐴃𐴧𐴟 𐴃𐴝𐴑𐴡𐴃 𐴀𐴦𐴡𐴓𐴝 𐴔𐴟𐴀𐴔𐴞𐴕 𐴁𐴠𐴐𐴦𐴞 𐴔𐴟𐴇𐴥𐴝𐴁𐴧𐴝𐴃|  𐴑𐴞𐴕𐴃𐴟 𐴇𐴥𐴝𐴌 𐴀𐴠𐴑 𐴎𐴡𐴕𐴡 𐴔𐴧𐴝𐴎𐴠 𐴁𐴥𐴝𐴓𐴝𐴘𐴞 𐴀𐴝𐴏𐴠| 𐴃𐴟𐴣𐴖𐴝𐴣𐴌𐴝 𐴉𐴝𐴘𐴊𐴝 𐴀𐴦𐴡𐴓𐴝 𐴏𐴦𐴞𐴏 𐴇𐴝𐴏𐴞𐴓 𐴒𐴡𐴌𐴞𐴁𐴡𐴓𐴧𐴝 𐴑𐴟𐴐𐴥𐴞𐴐 𐴒𐴡𐴌𐴡| 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴈𐴝𐴣𐴏𐴠 𐴔𐴡𐴊𐴡𐴊 𐴏𐴡𐴀𐴥𐴡  𐴀𐴝𐴌 𐴈𐴡𐴔𐴎𐴟𐴌 𐴕𐴡 𐴀𐴡𐴘𐴧𐴡| 𐴎𐴡𐴊𐴞 𐴃𐴟𐴣𐴖𐴝𐴣𐴌𐴝 𐴈𐴡𐴕𐴡 𐴔𐴡𐴏𐴞𐴁𐴡𐴃𐴡𐴃 𐴉𐴡𐴌𐴡 𐴃𐴡𐴘𐴓𐴠  𐴀𐴥𐴞𐴀𐴕 𐴕𐴡 𐴈𐴡𐴘𐴧𐴡 𐴑𐴞 𐴀𐴝𐴛 𐴎𐴡𐴊𐴞  𐴀𐴥𐴞𐴀𐴕 𐴒𐴡𐴙𐴃𐴧𐴝𐴔 𐴃𐴡𐴘𐴓𐴠 𐴀𐴥𐴞𐴀𐴕 𐴀𐴥𐴡𐴘𐴃𐴡| 𐴁𐴥𐴡𐴓𐴑𐴠 𐴃𐴟𐴖𐴝𐴣𐴌𐴝 𐴀𐴥𐴞𐴀𐴕 𐴈𐴡𐴀𐴥𐴡 𐴑𐴞 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝  𐴘𐴝𐴕 𐴀𐴝𐴣𐴀𐴌 𐴃𐴡𐴑𐴊𐴞𐴌𐴡𐴃 𐴌𐴝𐴙𐴑𐴧𐴠| 𐴃𐴝𐴀𐴛 𐴎𐴝 𐴏𐴝𐴘 𐴇𐴥𐴞𐴘𐴝𐴕 𐴉𐴝𐴌𐴠| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴎𐴡𐴊𐴞 𐴈𐴦𐴝𐴃𐴥𐴝 𐴒𐴝𐴕 𐴐𐴥𐴡𐴘𐴃𐴝𐴕𐴡 𐴓𐴧𐴝𐴘 𐴁𐴥𐴡𐴓𐴞 𐴊𐴟𐴖𐴝𐴌 𐴈𐴟𐴓𐴞 𐴊𐴠𐴘”| (𐴏𐴥𐴡𐴀𐴞 𐴔𐴟𐴏𐴓𐴞𐴔)

𐴇𐴡𐴥𐴎𐴌𐴡𐴃 𐴇𐴝𐴏𐴝𐴕 𐴁𐴡𐴏𐴌𐴞 (𐴌𐴇)𐴈𐴡𐴘𐴧𐴠𐴊𐴠- 𐴎𐴡𐴊𐴞 𐴃𐴟𐴣𐴀 𐴈𐴡𐴕𐴡 𐴁𐴟𐴊𐴧𐴠𐴀𐴦𐴡𐴓𐴝 𐴔𐴝𐴕𐴟𐴙𐴐 𐴊𐴠𐴈𐴞𐴃𐴡 𐴏𐴡𐴀𐴡 𐴎𐴝𐴌𐴝𐴃𐴧𐴞 𐴏𐴡𐴁𐴡𐴌 𐴕𐴝𐴘 𐴃𐴡𐴀𐴡𐴘𐴓𐴠 𐴀𐴞𐴕𐴋𐴞𐴓𐴧𐴝 𐴔𐴝𐴕𐴟𐴙𐴐 𐴁𐴞𐴐𐴦𐴞 𐴊𐴠𐴑𐴞𐴁𐴝| 𐴀𐴝𐴁𐴝𐴌 𐴀𐴡𐴕𐴞 𐴎𐴡𐴊𐴞 𐴀𐴥𐴞𐴀𐴕 𐴔𐴝𐴕𐴟𐴙𐴐𐴥 𐴊𐴠𐴈𐴞𐴃𐴡 𐴏𐴡𐴀𐴡 𐴎𐴝𐴌 𐴔𐴝𐴎𐴠 𐴏𐴡𐴁𐴡𐴌 𐴀𐴝𐴏𐴠 𐴑𐴞𐴕𐴃𐴟 𐴁𐴟𐴊𐴧𐴠  𐴕𐴝𐴘 𐴃𐴡𐴀𐴡𐴘𐴓𐴠 𐴀𐴥𐴡 𐴁𐴦𐴡𐴃 𐴔𐴝𐴕𐴟𐴙𐴐𐴥 𐴊𐴠𐴈𐴞 𐴁𐴝|𐴑𐴞𐴕𐴃𐴟 𐴃𐴟𐴣𐴀 𐴎𐴡𐴊𐴞 𐴀𐴝𐴈𐴡𐴓𐴁𐴡𐴕 𐴀𐴝𐴊𐴧𐴠 𐴏𐴡𐴁𐴡𐴌 𐴀𐴦𐴡𐴓𐴝 𐴊𐴟𐴘 𐴏𐴠𐴉𐴝𐴃 𐴀𐴡𐴓𐴦𐴝 𐴔𐴝𐴕𐴟𐴙𐴐𐴥 𐴊𐴠𐴈𐴡𐴃 𐴡𐴏𐴡𐴀𐴡 𐴃𐴡𐴀𐴡𐴘𐴓𐴠 𐴀𐴥𐴞𐴀𐴕 𐴔𐴝𐴕𐴟𐴙𐴐𐴥 𐴁𐴠𐴐𐴦𐴞 𐴈𐴡𐴔𐴉𐴝𐴙𐴁𐴝| 𐴀𐴝𐴓𐴧𐴝𐴤 𐴃𐴝𐴓𐴝 𐴘𐴠 𐴈𐴡𐴘𐴧𐴠𐴊𐴠- وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآيَاتِنَا يُوقِنُونَ  

“𐴀𐴝𐴌 𐴀𐴝𐴀𐴛 𐴃𐴝𐴌𐴝𐴌 𐴁𐴥𐴟𐴃𐴡𐴃𐴧𐴟 𐴑𐴞𐴏𐴧𐴟 𐴔𐴝𐴕𐴟𐴙𐴐𐴡𐴌𐴠  𐴎𐴡𐴈𐴡𐴕 𐴃𐴝𐴌𐴝 𐴏𐴡𐴁𐴡𐴌 𐴒𐴡𐴙𐴓𐴧𐴡 𐴀𐴥𐴞𐴀𐴕 𐴀𐴝𐴔𐴞𐴌 𐴁𐴝𐴕𐴝𐴘 𐴊𐴞𐴘𐴧𐴞 𐴎𐴝𐴌𐴝 𐴀𐴝𐴣𐴀𐴌 𐴇𐴡𐴑𐴟𐴔 𐴔𐴡𐴎𐴠𐴕 𐴔𐴝𐴕𐴟𐴐𐴥𐴡𐴌𐴠 𐴌𐴝𐴏𐴧𐴝 𐴊𐴠𐴈𐴝 | 𐴀𐴝𐴌 𐴃𐴝𐴌𐴝 𐴀𐴝𐴣𐴀𐴌 𐴀𐴦𐴝𐴘𐴝𐴃𐴡𐴌𐴠 𐴁𐴞𐴐𐴧𐴝𐴐 𐴒𐴡𐴌𐴠”| (𐴏𐴟𐴌𐴝 𐴏𐴝𐴅𐴊𐴝)

𐴀𐴥𐴞 𐴃𐴡𐴓𐴧𐴝𐴘 𐴁𐴡𐴓𐴞 𐴃𐴝𐴑𐴡𐴃 𐴀𐴝𐴊𐴧𐴠 𐴁𐴟𐴊𐴧𐴞𐴌 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴡𐴕 𐴘𐴝𐴕 𐴀𐴡𐴘𐴓𐴊𐴠 𐴔𐴡𐴎𐴁𐴟𐴃 𐴀𐴞𐴔𐴝𐴕𐴡𐴌 𐴇𐴥𐴞𐴏𐴧𐴝 𐴀𐴝𐴌 𐴊𐴟𐴕𐴞𐴘𐴝 𐴔𐴧𐴝𐴎𐴠 𐴃𐴡𐴔𐴑𐴞𐴕 𐴀𐴝𐴊𐴧𐴠 𐴀𐴝𐴈𐴡𐴌𐴡𐴃𐴡𐴌 𐴊𐴝𐴘𐴔𐴞 𐴕𐴞𐴘𐴝𐴔𐴡𐴃𐴡𐴌 𐴖𐴝𐴊𐴝 𐴖𐴡𐴌𐴠 𐴉𐴝𐴑𐴧𐴝 𐴘𐴞𐴑𐴞𐴕𐴡𐴌 𐴇𐴥𐴞𐴏𐴧𐴝|𐴱

𐴔𐴟𐴇𐴝𐴑𐴧𐴠𐴑 𐴀𐴝𐴑𐴡𐴓 𐴁𐴡𐴕 𐴔𐴝𐴇𐴥𐴠𐴌 𐴀𐴝𐴓𐴠𐴔 𐴀𐴞𐴁𐴕𐴟𐴓 𐴑𐴡𐴘𐴧𐴟𐴔 𐴀𐴝𐴓  𐴅𐴡𐴗𐴎𐴞𐴘𐴧𐴝𐴤 (𐴌𐴇) 𐴌 𐴖𐴡𐴌𐴡 𐴈𐴡𐴃𐴥𐴝 𐴎𐴞𐴘𐴝𐴕 𐴀𐴝𐴒𐴠 𐴁𐴡𐴘𐴝𐴕 𐴒𐴡𐴌𐴝 𐴒𐴞𐴘𐴧𐴠 𐴇𐴞𐴘𐴝𐴕 𐴀𐴡𐴘𐴓𐴊𐴠 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴡𐴀𐴕𐴡𐴌 𐴃𐴡𐴌𐴞𐴑𐴝𐴌 𐴁𐴝𐴁𐴡𐴃𐴠 𐴀𐴟𐴒𐴧𐴗𐴝 𐴊𐴞𐴓 𐴆𐴟𐴏𐴂𐴞 𐴀𐴡𐴓𐴝 𐴀𐴝𐴌 𐴔𐴡𐴑𐴝𐴔𐴧𐴝𐴓 𐴁𐴡𐴘𐴝𐴕| 𐴀𐴝𐴌 𐴀𐴞 𐴁𐴡𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴠𐴑𐴎𐴡𐴕 𐴔𐴝𐴕𐴟𐴙𐴐𐴥 𐴏𐴥𐴝𐴉𐴒𐴡𐴌𐴞 𐴉𐴝𐴦𐴝𐴘𐴏𐴝𐴓𐴝 𐴓𐴡𐴘𐴃 𐴉𐴝𐴌𐴠 𐴑𐴞 𐴎𐴡𐴊𐴞 𐴀𐴝𐴓𐴧𐴝𐴤 𐴃𐴝𐴓𐴝 𐴏𐴦𐴝 𐴃𐴡𐴘𐴓𐴠 𐴇𐴥𐴞𐴁𐴝 𐴊𐴝𐴖𐴝𐴃𐴡𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴊𐴝𐴘 𐴒𐴡𐴌𐴞𐴃 𐴉𐴝𐴌𐴞𐴁𐴡 𐴀𐴝𐴌 𐴕𐴞𐴎𐴡𐴌 𐴕𐴡𐴉𐴏𐴡𐴓𐴧𐴝 𐴀𐴝𐴊𐴧𐴠 𐴀𐴟𐴔𐴧𐴝𐴃𐴡 𐴓𐴧𐴝𐴘 𐴁𐴡𐴓𐴞 𐴉𐴝𐴘𐴊𐴝 𐴀𐴦𐴡𐴓𐴝 𐴀𐴠𐴑𐴎𐴡𐴕 𐴔𐴝𐴕𐴟𐴙𐴐𐴥 𐴀𐴡𐴘𐴃 𐴉𐴝𐴌𐴞𐴁𐴡|𐴱 𐴀𐴞 𐴎𐴡𐴔𐴝𐴕𐴝𐴃 𐴀𐴥𐴡 𐴀𐴝𐴣𐴀𐴌𐴝 𐴁𐴦𐴡𐴃 𐴔𐴝𐴕𐴟𐴙𐴐𐴥𐴡𐴌 𐴈𐴝𐴣𐴏𐴠 𐴀𐴠𐴑𐴧𐴝𐴕 𐴈𐴡𐴃𐴝 𐴁𐴦𐴡𐴃𐴁𐴝𐴌 𐴉𐴟𐴙𐴕𐴧𐴞 𐴑𐴞 𐴀𐴠𐴈𐴡𐴕  𐴀𐴝𐴣𐴀𐴌𐴝 𐴕𐴡 𐴎𐴝𐴕𐴞𐴃 𐴑𐴞 𐴇𐴥𐴡𐴑  𐴈𐴡𐴍𐴥𐴠 𐴀𐴝𐴌 𐴈𐴝𐴌 𐴈𐴝𐴣𐴏𐴠⸮ 𐴀𐴞 𐴃𐴝𐴀𐴅𐴧𐴟𐴁𐴡𐴌 𐴈𐴡𐴃𐴝𐴘𐴝𐴕  𐴇𐴥𐴡𐴑 𐴕𐴝 𐴉𐴡𐴕𐴡𐴌 𐴏𐴥𐴡𐴁𐴝𐴁 𐴇𐴥𐴡𐴑  𐴏𐴦𐴝𐴉 𐴀𐴝𐴊𐴧𐴠 𐴎𐴡𐴇𐴠𐴌 𐴕𐴡𐴀𐴡𐴊 𐴀𐴥𐴠𐴃𐴡𐴓𐴧𐴝𐴘 𐴕𐴡 𐴁𐴥𐴡𐴓𐴑𐴠 𐴏𐴡𐴁𐴝𐴁 𐴀𐴡𐴘𐴓𐴊𐴠 𐴀𐴝𐴣𐴀𐴌𐴝𐴌 𐴃𐴝𐴓𐴞𐴔 𐴀𐴝𐴊𐴧𐴠 𐴐𐴥𐴞𐴑𐴧𐴝 𐴇𐴝𐴏𐴞𐴓 𐴒𐴡𐴌𐴡𐴕𐴡𐴌  𐴀𐴝𐴏𐴡𐴓 𐴒𐴟𐴙𐴅𐴧𐴝 𐴏𐴥𐴡𐴀𐴞 𐴕𐴡𐴌 𐴀𐴞𐴃𐴡𐴓𐴧𐴝|𐴱

𐴀𐴝𐴣𐴀𐴌𐴝 𐴊𐴞𐴕 𐴀𐴝𐴊𐴧𐴠 𐴊𐴞𐴕𐴡𐴌 𐴇𐴥𐴡𐴑𐴟𐴔 𐴀𐴝𐴇𐴑𐴝𐴔 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴑𐴞𐴃𐴝𐴁 𐴀𐴝𐴊𐴧𐴠 𐴌𐴝𐴏𐴟𐴓 ﷺ𐴔𐴡𐴌 𐴏𐴟𐴕𐴧𐴡𐴃𐴡 𐴃𐴧𐴟 𐴀𐴠𐴈𐴃𐴞𐴘𐴝𐴌 𐴕𐴡 𐴒𐴡𐴌𐴞| 𐴀𐴝𐴌 𐴑𐴟𐴌𐴀𐴦𐴝𐴕 𐴀𐴝𐴊𐴧𐴠 𐴏𐴟𐴕𐴧𐴡𐴃𐴡𐴌 𐴁𐴝𐴁𐴡𐴃𐴠 𐴀𐴝𐴣𐴀𐴌𐴝𐴌 𐴎𐴝𐴌𐴝𐴃𐴧𐴟 𐴀𐴠𐴓𐴡𐴔 𐴐𐴥𐴞𐴑𐴧𐴟𐴔 𐴃𐴝𐴌𐴝 𐴀𐴡𐴘𐴓𐴊𐴠 𐴀𐴝𐴣𐴀𐴌𐴝𐴌 𐴏𐴡𐴓𐴉𐴠 𐴏𐴝𐴓𐴠𐴇𐴞𐴕 𐴀𐴝𐴊𐴧𐴠 𐴀𐴝𐴣𐴀𐴌𐴝𐴌 𐴔𐴝𐴎𐴠 𐴀𐴝𐴏𐴠 𐴊𐴠 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴦𐴝𐴓𐴠𐴔 𐴀𐴥𐴡𐴑𐴧𐴡𐴓  𐴎𐴝𐴌𐴝 𐴕𐴠𐴑𐴞 𐴏𐴡𐴓𐴉𐴠 𐴏𐴝𐴓𐴠𐴇𐴞𐴕 𐴀𐴦𐴡𐴓𐴡𐴌 𐴁𐴟𐴎𐴡𐴌 𐴋𐴦𐴡𐴙𐴓𐴧𐴝 𐴁𐴟𐴎𐴞  𐴀𐴝𐴌 𐴀𐴠𐴓𐴡𐴔 𐴐𐴞𐴑𐴝𐴌 𐴉𐴥𐴟𐴣𐴖𐴝𐴣𐴃𐴞 𐴉𐴥𐴟𐴣𐴖𐴝𐴣𐴃𐴞 𐴀𐴝𐴔𐴡𐴓  𐴀𐴡𐴥 𐴒𐴡𐴌𐴠 𐴀𐴝𐴌 𐴎𐴞𐴕𐴋𐴦𐴡𐴙𐴓𐴧𐴝 𐴕𐴞𐴎𐴠 𐴐𐴥𐴞𐴑𐴧𐴠 𐴇𐴥𐴞𐴕𐴋𐴦𐴡𐴙𐴓𐴧𐴝 𐴀𐴡𐴙𐴕𐴧𐴡 𐴔𐴝𐴕𐴟𐴙𐴐𐴥𐴡𐴌𐴠 𐴐𐴥𐴞𐴑𐴧𐴝 𐴊𐴠𐴌 𐴀𐴝𐴌 𐴀𐴥𐴞 𐴀𐴞𐴓𐴡𐴔 𐴀𐴡𐴙𐴕𐴧𐴡 𐴔𐴝𐴕𐴟𐴙𐴐𐴥𐴡𐴌 𐴈𐴝𐴣𐴏𐴠 𐴉𐴡𐴏𐴝𐴘 𐴊𐴞𐴁𐴡𐴓𐴧𐴝 𐴎𐴡𐴊𐴞 𐴃𐴝𐴌𐴝 𐴔𐴡𐴏𐴞𐴁𐴡𐴃𐴡𐴃 𐴉𐴡𐴌𐴠 𐴃𐴡𐴘𐴓𐴠 𐴀𐴥𐴞𐴕𐴡𐴌 𐴖𐴡𐴌𐴠𐴀𐴥𐴡 𐴏𐴡𐴁𐴡𐴌 𐴒𐴡𐴌𐴞|𐴱

𐴀𐴝𐴉𐴏𐴥𐴡𐴏𐴡𐴌 𐴈𐴡𐴃𐴝 𐴀𐴡𐴘𐴓𐴊𐴠 𐴀𐴠𐴈𐴥𐴡𐴕 𐴀𐴝𐴣𐴀𐴌𐴝 𐴀𐴞𐴓𐴡𐴔 𐴇𐴥𐴝𐴏𐴠𐴓 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝  𐴄𐴠𐴓𐴞𐴁𐴞𐴐𐴥𐴡𐴕 𐴀𐴝𐴌 𐴁𐴦𐴡𐴃 𐴋𐴦𐴡𐴙𐴓𐴧𐴝 𐴆𐴠𐴙𐴕𐴠𐴓 𐴀𐴝𐴌 𐴀𐴥𐴞𐴕𐴡𐴔𐴧𐴝𐴎𐴠 𐴈𐴡𐴃𐴝 𐴈𐴡𐴀𐴘𐴧𐴝 𐴀𐴦𐴡𐴓| 𐴀𐴥𐴞𐴕𐴄𐴥𐴝𐴌𐴕𐴠𐴄𐴡𐴌 𐴂𐴠𐴙𐴅 𐴀𐴝𐴌 𐴐𐴟𐴐𐴝𐴓 𐴔𐴞𐴋𐴞𐴘𐴝| 𐴔𐴠𐴏𐴝𐴓𐴝𐴕- 𐴄𐴟𐴘𐴄𐴥𐴝𐴌/ 𐴉𐴠𐴏𐴁𐴟𐴑/ 𐴖𐴡𐴄𐴥𐴏𐴀𐴠𐴂/ 𐴄𐴠𐴓𐴞𐴒𐴠𐴌𐴀𐴔 𐴀𐴝𐴌𐴥𐴡 𐴀𐴝𐴌𐴡 𐴀𐴝𐴏𐴠|  𐴑𐴞𐴕𐴃𐴟  𐴀𐴠𐴒𐴞𐴕𐴡 𐴔𐴧𐴝𐴎𐴠 𐴎𐴝𐴌𐴝 𐴁𐴦𐴝𐴙𐴌 𐴀𐴥𐴡𐴘𐴧𐴝𐴌 𐴘𐴦𐴝 𐴃𐴡 𐴉𐴡𐴄𐴟 𐴘𐴦𐴝 𐴕𐴝𐴔 𐴊𐴠𐴑𐴝 𐴎𐴝𐴌 𐴀𐴞  𐴔𐴝𐴕𐴟𐴙𐴐𐴥𐴡 𐴀𐴠𐴒𐴞𐴕𐴡𐴌 𐴊𐴞𐴕𐴞 𐴀𐴝𐴊𐴧𐴠 𐴀𐴝𐴈𐴓𐴝𐴑𐴡𐴌 𐴁𐴝𐴁𐴡𐴃𐴠 𐴀𐴝𐴣𐴀𐴌𐴝 𐴑𐴞𐴏𐴧𐴟 𐴕𐴡 𐴎𐴝𐴕𐴞| 𐴑𐴞𐴕𐴃𐴟 𐴀𐴟𐴁𐴥𐴝𐴓𐴧𐴝𐴘 𐴈𐴡𐴕𐴡 𐴕𐴟𐴏𐴧𐴝𐴕 𐴕𐴥𐴝𐴘 𐴎𐴞𐴁𐴥𐴝  𐴕𐴞𐴎𐴡𐴌 𐴀𐴝𐴏𐴥𐴡𐴓 𐴄𐴠𐴑 𐴒𐴡𐴌𐴞 𐴓𐴡𐴘𐴧𐴠 𐴀𐴝𐴌 𐴈𐴡𐴕𐴧𐴝𐴕 𐴇𐴥𐴡𐴑 𐴀𐴝𐴌 𐴈𐴡𐴕𐴧𐴝𐴕 𐴁𐴝𐴃𐴠𐴓 𐴇𐴥𐴞𐴘𐴝𐴕 𐴁𐴟𐴎𐴞𐴃 𐴉𐴝𐴌𐴠| 𐴏𐴥𐴡𐴀𐴞 𐴀𐴝𐴌 𐴒𐴡𐴓𐴡𐴃𐴡 𐴔𐴧𐴝𐴎𐴠 𐴉𐴡𐴌𐴥𐴡𐴑 𐴒𐴡𐴌𐴞𐴃 𐴉𐴝𐴌𐴠 𐴇𐴥𐴞𐴃𐴡𐴓𐴧𐴝 𐴐𐴟𐴐𐴥𐴝𐴓 𐴔𐴞𐴋𐴞𐴘𐴝𐴃𐴧𐴟  𐴉𐴝𐴘𐴊𐴝 𐴓𐴡𐴕𐴡𐴌 𐴊𐴝𐴌𐴝𐴘 𐴈𐴡𐴕𐴡  𐴕𐴡𐴑𐴏𐴝𐴕 𐴕𐴝𐴘| 𐴑𐴞𐴕𐴃𐴟 𐴀𐴠𐴒𐴞𐴕𐴡𐴌𐴠 𐴀𐴞𐴓𐴡𐴔 𐴇𐴝𐴏𐴞𐴓𐴡𐴌 𐴀𐴝𐴏𐴡𐴓 𐴀𐴝𐴌 𐴔𐴟𐴓 𐴁𐴝𐴕𐴝𐴘 𐴉𐴥𐴠𐴓𐴡𐴕 𐴒𐴡𐴔𐴌𐴝𐴇𐴞| 𐴀𐴝𐴓𐴧𐴝𐴤 𐴃𐴝𐴓𐴝 𐴔𐴟𐴀𐴔𐴞𐴕 𐴀𐴦𐴡𐴓𐴡𐴌 𐴀𐴠𐴓𐴡𐴔 𐴇𐴥𐴝𐴏𐴞𐴓𐴡𐴌 𐴀𐴝𐴏𐴥𐴡𐴓 𐴁𐴡𐴘𐴝𐴕 𐴒𐴡𐴌𐴞 𐴑𐴟𐴌𐴀𐴦𐴝𐴕𐴟𐴓 𐴑𐴝𐴌𐴞𐴔𐴡𐴃 𐴈𐴡𐴘𐴧𐴠𐴊𐴠- يَا أَيُّهَا الَّذِينَ آمَنُوا لَا تُقَدِّمُوا بَيْنَ يَدَيِ اللَّهِ وَرَسُولِهِ وَاتَّقُوا اللَّهَ إِنَّ اللَّهَ سَمِيعٌ عَلِيمٌ  

“𐴀𐴥𐴡 𐴔𐴟𐴔𐴞𐴕 𐴀𐴥𐴡𐴑𐴧𐴡𐴓! 𐴃𐴟𐴣𐴖𐴝𐴣𐴌𐴝 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴊𐴧𐴠 𐴃𐴝𐴌 𐴌𐴡𐴏𐴟𐴓 ﷺ𐴔𐴡 𐴃𐴧𐴟 𐴈𐴡𐴕𐴡 𐴅𐴞𐴕𐴞𐴐𐴥𐴡𐴃 𐴁𐴠𐴐𐴥𐴞 𐴕𐴡 𐴁𐴟𐴙𐴅𐴧𐴡| 𐴀𐴝𐴌 𐴀𐴝𐴓𐴧𐴝𐴤  𐴃𐴝𐴓𐴝 𐴌𐴠 𐴋𐴡𐴌𐴡| 𐴁𐴠𐴐𐴥𐴡𐴑 𐴀𐴝𐴓𐴧𐴝𐴤 𐴃𐴝𐴓𐴝 𐴁𐴠𐴙𐴒𐴧𐴟𐴕 𐴉𐴥𐴟𐴕𐴠 𐴀𐴝𐴌 𐴎𐴝𐴕𐴠”|𐴱

𐴇𐴥𐴡𐴎𐴌𐴡𐴃 𐴀𐴞𐴁𐴕𐴠 𐴀𐴝𐴁𐴧𐴝𐴏 (𐴌𐴡)𐴈𐴡𐴘𐴧𐴠𐴊𐴠 𐴀𐴝𐴓𐴧𐴝𐴤 𐴀𐴝𐴊𐴧𐴠 𐴃𐴝𐴌 𐴌𐴡𐴏𐴟𐴓–𐴔𐴡 𐴃𐴧𐴟 𐴀𐴝𐴒𐴠 𐴁𐴝𐴍𐴞 𐴎𐴡𐴕 𐴘𐴦𐴝 𐴃𐴡 𐴁𐴠𐴐𐴥𐴞 𐴁𐴟𐴎𐴡𐴕𐴡𐴌 𐴔𐴦𐴝𐴕𐴞 𐴀𐴡𐴘𐴓𐴊𐴠 𐴑𐴞𐴃𐴝𐴁𐴟𐴓𐴧𐴝𐴤 𐴀𐴝𐴊𐴧𐴠 𐴏𐴟𐴕𐴧𐴡𐴃𐴠  𐴌𐴧𐴡𐴏𐴟𐴓𐴡𐴌 𐴈𐴠𐴓𐴝𐴉 𐴈𐴡𐴕𐴡 𐴈𐴡𐴃𐴝 𐴈𐴡𐴀𐴕|𐴱

𐴀𐴝𐴌 𐴐𐴡𐴌𐴞𐴘𐴡𐴃𐴡𐴌  𐴌𐴠𐴖𐴝𐴘𐴝𐴃𐴡𐴌𐴠 𐴁𐴟𐴎𐴡𐴕𐴡 𐴔𐴟𐴓 𐴁𐴡𐴘𐴝𐴕 𐴒𐴡𐴌𐴞 𐴀𐴝𐴓𐴧𐴝𐴤 𐴃𐴝𐴓𐴝 𐴘𐴠 𐴈𐴡𐴘𐴧𐴠𐴊𐴠- فَإِنْ آمَنُوا بِمِثْلِ مَا آمَنْتُمْ بِهِ فَقَدِ اهْتَدَوْا وَإِنْ تَوَلَّوْا فَإِنَّمَا هُمْ فِي شِقَاقٍ

“𐴀𐴝𐴌 𐴃𐴝𐴌𐴝 𐴎𐴡𐴊𐴞 𐴃𐴟𐴣𐴖𐴝𐴌𐴝𐴌 𐴋𐴦𐴡𐴙𐴓𐴧𐴝 𐴇𐴥𐴠𐴏𐴦𐴞𐴏𐴡𐴌 𐴖𐴝𐴌𐴠 𐴀𐴞𐴔𐴝𐴕 𐴀𐴝𐴕𐴠 𐴃𐴡𐴘𐴓𐴠 𐴃𐴝𐴌𐴝 𐴘𐴥𐴡 𐴇𐴥𐴠𐴊𐴝𐴘𐴝𐴃 𐴉𐴝𐴙𐴁𐴡 𐴀𐴝𐴌 𐴃𐴝𐴌𐴝 𐴎𐴡𐴊𐴞 𐴀𐴠𐴕𐴑𐴝𐴌 𐴒𐴡𐴌𐴠 𐴃𐴡𐴘𐴓𐴠 𐴃𐴝𐴌𐴝 𐴊𐴟𐴐𐴔𐴡𐴕𐴞 𐴔𐴧𐴝𐴎𐴠 𐴔𐴡𐴐𐴒𐴟𐴓 𐴀𐴝𐴏𐴠”|  (𐴏𐴟𐴌𐴝 𐴁𐴝𐴑𐴝𐴌𐴝𐴤)

𐴀𐴝𐴓𐴧𐴝𐴤 𐴃𐴝𐴓𐴝 𐴘𐴠 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠- وَمَنْ يُشَاقِقِ الرَّسُولَ مِنْ بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءَتْ مَصِيرًا  

“𐴀𐴝𐴌 𐴎𐴠 𐴃𐴝𐴌 𐴔𐴟𐴀𐴕𐴃𐴟 𐴇𐴠𐴊𐴝𐴘𐴝𐴃 𐴀𐴝𐴊𐴧𐴠 𐴇𐴥𐴡𐴑 𐴏𐴦𐴝𐴉 𐴀𐴥𐴡𐴘 𐴎𐴡𐴕𐴡𐴌 𐴁𐴦𐴝𐴊𐴠𐴀𐴥𐴡 𐴌𐴡𐴏𐴟𐴓 –𐴔𐴡𐴌 𐴔𐴟𐴈𐴝𐴓𐴡𐴉𐴡𐴃𐴞 𐴒𐴡𐴌𐴞𐴁𐴡 𐴀𐴝𐴌 𐴔𐴟𐴀𐴔𐴞𐴕 𐴀𐴦𐴡𐴓𐴡𐴌 𐴃𐴡𐴌𐴞𐴑𐴝 𐴏𐴥𐴝𐴌𐴝 𐴀𐴡𐴙𐴕𐴧𐴡 𐴃𐴡𐴌𐴞𐴑𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴞𐴁𐴡| 𐴀𐴝𐴀𐴛 𐴃𐴝𐴌𐴠 𐴃𐴝𐴌 𐴌𐴝𐴏𐴧𐴝 𐴏𐴥𐴝𐴌𐴞 𐴊𐴞𐴘𐴧𐴟𐴔 𐴀𐴝𐴌 𐴃𐴝𐴌𐴠 𐴊𐴟𐴎𐴟𐴈𐴡𐴃 𐴉𐴡𐴏𐴝𐴘𐴊𐴞𐴘𐴧𐴟𐴔 𐴀𐴝𐴌 𐴊𐴟𐴎𐴟𐴈 𐴁𐴠𐴐𐴦𐴞 𐴈𐴡𐴌𐴝𐴁 𐴎𐴝𐴒𐴝”|(𐴏𐴟𐴌𐴝 𐴕𐴞𐴏𐴝)

𐴀𐴞 𐴃𐴝𐴔𐴦𐴝𐴔 𐴀𐴝𐴘𐴝𐴃 𐴏𐴦𐴝𐴉 𐴁𐴡𐴘𐴝𐴕 𐴒𐴡𐴌𐴠𐴌 𐴑𐴞 𐴇𐴥𐴞𐴊𐴝𐴘𐴝𐴃 𐴀𐴝𐴊𐴧𐴠 𐴏𐴥𐴡𐴀𐴞 𐴌𐴝𐴏𐴧𐴝 𐴀𐴡𐴘𐴓𐴊𐴠 𐴑𐴟𐴌𐴀𐴦𐴝𐴕 𐴀𐴝𐴊𐴧𐴠 𐴏𐴟𐴕𐴧𐴡𐴃𐴡𐴌𐴠 𐴁𐴟𐴎𐴟𐴕𐴡𐴌 𐴁𐴦𐴝𐴊𐴠 𐴏𐴡𐴓𐴉𐴠 𐴏𐴝𐴓𐴠𐴇𐴞𐴕 𐴀𐴦𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴝𐴕| 𐴀𐴝𐴌 𐴃𐴝𐴌𐴝𐴌 𐴃𐴡𐴌𐴞𐴑𐴝 𐴏𐴥𐴝𐴌𐴞 𐴀𐴡𐴙𐴕𐴧𐴡 𐴃𐴡𐴌𐴞𐴑𐴝𐴃 𐴕𐴡 𐴎𐴝𐴀𐴕𐴡𐴌 𐴔𐴝𐴎𐴠| 𐴎𐴡𐴊𐴞𐴀𐴥𐴡 𐴀𐴡𐴙𐴕𐴧𐴡𐴑𐴞𐴘𐴥𐴡 𐴁𐴡𐴌𐴡 𐴁𐴡𐴌𐴡 𐴀𐴝𐴁𐴠𐴊 𐴀𐴝𐴊𐴧𐴠 𐴎𐴝𐴇𐴠𐴊 𐴀𐴥𐴡𐴑|𐴱

𐴀𐴞𐴔𐴝𐴔 𐴀𐴞𐴁𐴕𐴟𐴓 𐴑𐴡𐴘𐴧𐴟𐴔 (𐴌𐴇) 𐴈𐴡𐴘𐴧𐴠𐴊𐴠- 𐴀𐴞𐴓𐴡𐴔 𐴀𐴡𐴘𐴓𐴊𐴠- 𐴀𐴝𐴓𐴧𐴝𐴤 𐴃𐴝𐴓𐴝𐴘𐴠 𐴎𐴞𐴕 𐴈𐴡𐴘𐴧𐴠 / 𐴌𐴡𐴏𐴟𐴓 ﷺ𐴔𐴠 𐴎𐴞𐴕 𐴈𐴡𐴘𐴧𐴠 𐴀𐴝𐴌 𐴏𐴝𐴇𐴝𐴁𐴝 (𐴌𐴡) 𐴎𐴞𐴕 𐴈𐴡𐴘𐴧𐴠| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴃𐴝𐴌𐴝 𐴀𐴡𐴘𐴓𐴊𐴠 𐴒𐴥𐴠𐴌𐴝𐴘𐴞 𐴀𐴠𐴓𐴡𐴔 𐴀𐴝𐴊𐴧𐴠 𐴁𐴟𐴎𐴡𐴕𐴡𐴌 𐴓𐴝𐴘𐴠𐴑| 𐴈𐴡𐴕 𐴀𐴠𐴓𐴡𐴔 𐴀𐴝𐴙𐴅𐴧𐴝 𐴀𐴡𐴕𐴡𐴌𐴠 𐴅𐴝𐴇𐴝𐴓𐴝𐴃𐴡𐴌 𐴎𐴡𐴌𐴞𐴘𐴝 𐴀𐴠𐴑 𐴔𐴝𐴔𐴟𐴓𐴞 𐴔𐴝𐴕𐴟𐴙𐴐𐴥𐴡𐴌  𐴈𐴡𐴃𐴝 𐴊𐴝𐴌𐴝𐴘 𐴌𐴡𐴏𐴟𐴓ﷺ𐴔𐴡𐴌 𐴈𐴡𐴃𐴝𐴌 𐴈𐴠𐴓𐴝𐴉 𐴃𐴞𐴘𐴝𐴒𐴝𐴌𐴝𐴘 𐴊𐴞𐴘𐴧𐴠⸮

𐴀𐴞𐴇𐴥𐴞𐴏𐴝𐴁𐴠 𐴔𐴝𐴕𐴟𐴙𐴐𐴥 𐴃𐴞𐴕 𐴋𐴡𐴙𐴓𐴧𐴝- 
(𐴱) 𐴀𐴡 𐴀𐴝𐴓𐴠𐴔 𐴎𐴞𐴁𐴝 𐴃𐴝𐴌 𐴀𐴠𐴓𐴡𐴔 𐴔𐴦𐴡𐴎𐴠𐴕 𐴀𐴝𐴔𐴡𐴓 𐴒𐴡𐴌𐴠 𐴀𐴝𐴌 𐴊𐴡𐴓𐴞𐴓  𐴀𐴝𐴊𐴞𐴓𐴧𐴝 𐴏𐴧𐴝𐴣𐴃𐴠 𐴔𐴝𐴕𐴟𐴙𐴐𐴥𐴡𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴌𐴝𐴏𐴧𐴝 𐴌𐴃𐴡𐴌𐴡𐴉 𐴊𐴝𐴖𐴡𐴃 𐴊𐴠 𐴀𐴝𐴌 𐴀𐴦𐴞𐴕𐴡  𐴎𐴡𐴌𐴞𐴘𐴝 𐴎𐴠 𐴊𐴟𐴑𐴡 𐴔𐴡𐴏𐴞𐴁𐴡𐴃𐴡𐴃 𐴉𐴡𐴣𐴏𐴠 𐴇𐴥𐴠𐴒𐴞𐴕𐴡𐴌 𐴖𐴝𐴌𐴠 𐴏𐴡𐴁𐴡𐴌 𐴒𐴡𐴌𐴠|𐴱

(𐴲) 𐴀𐴥𐴞𐴀𐴕 𐴃𐴝𐴓𐴠𐴁𐴟𐴓 𐴀𐴠𐴓𐴡𐴔 𐴎𐴞𐴁𐴥𐴝 𐴇𐴥𐴡𐴑 𐴃𐴝𐴓𐴝𐴙𐴐 𐴒𐴡𐴌𐴠| 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴑𐴞𐴃𐴝𐴁 𐴀𐴝𐴌 𐴌𐴡𐴏𐴟𐴓 ﷺ𐴔𐴡𐴌 𐴏𐴟𐴕𐴧𐴝𐴃 𐴏𐴥𐴝𐴌𐴝 𐴀𐴡𐴙𐴕𐴧𐴡 𐴈𐴡𐴕𐴡 𐴑𐴞𐴘𐴡𐴌 𐴈𐴡𐴃𐴥𐴝 𐴀𐴠𐴈𐴃𐴞𐴘𐴝𐴌 𐴕𐴡 𐴒𐴡𐴌𐴠|𐴱

(𐴳) 𐴅𐴝𐴇𐴠𐴓 𐴔𐴟𐴑𐴡𐴓𐴧𐴠𐴊| 𐴀𐴞𐴃𐴝𐴌𐴝𐴃𐴧𐴟 𐴎𐴝𐴌𐴠 𐴀𐴝𐴓𐴧𐴝𐴤 𐴃𐴡𐴖𐴉𐴠𐴑 𐴊𐴞𐴘𐴧𐴠 𐴃𐴝𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴓𐴧𐴝𐴤 𐴀𐴦𐴡𐴓𐴝  𐴀𐴝𐴓𐴠𐴔 𐴀𐴦𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴁𐴝𐴕𐴝𐴘 𐴊𐴠| 𐴀𐴝𐴌 𐴎𐴞𐴁𐴝 𐴔𐴝𐴇𐴌𐴟𐴔 𐴀𐴥𐴡𐴘 𐴎𐴝𐴒𐴡𐴘 𐴇𐴥𐴞𐴁𐴝 𐴊𐴟𐴎𐴟𐴈𐴡𐴌 𐴔𐴞𐴑𐴧𐴝 𐴋𐴝𐴑𐴡𐴘𐴧𐴝 𐴀𐴦𐴡𐴓𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴌 𐴁𐴥𐴟𐴃𐴡𐴃𐴧𐴞 𐴀𐴥𐴡𐴘𐴎𐴝𐴒𐴡𐴘| 𐴀𐴝𐴓𐴧𐴝𐴤 𐴃𐴝𐴓𐴝 𐴀𐴝𐴣𐴀𐴌𐴝𐴌𐴠 𐴀𐴝𐴊𐴧𐴠 𐴃𐴝𐴔𐴦𐴝𐴔  𐴔𐴟𐴏𐴥𐴡𐴓𐴔𐴝𐴕𐴡𐴌𐴠  𐴀𐴠𐴅𐴡𐴔𐴝 𐴃𐴡𐴃𐴧𐴞 𐴇𐴥𐴠𐴉𐴝𐴎𐴡𐴃 𐴒𐴡𐴌𐴥𐴡𐴑|𐴱

𐴎𐴦𐴠𐴕𐴧𐴝𐴑𐴞 𐴇𐴥𐴡𐴎𐴌𐴡𐴃 𐴀𐴝𐴓𐴞 𐴀𐴞𐴁𐴕𐴠 𐴀𐴝𐴁𐴞 𐴃𐴝𐴓𐴠𐴁 (𐴌𐴡) 𐴈𐴡𐴘𐴧𐴠𐴊𐴠- 𐴔𐴝𐴕𐴥𐴟𐴙𐴐 𐴃𐴞𐴕 𐴑𐴠𐴏𐴞𐴔𐴧𐴝- (𐴱) 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴝𐴓𐴠𐴔 (𐴲) 𐴕𐴝𐴅𐴝𐴃𐴡𐴌 𐴌𐴝𐴏𐴧𐴝𐴃 𐴀𐴝𐴏𐴠𐴊𐴞 𐴃𐴝𐴓𐴠𐴁𐴟𐴓 𐴀𐴞𐴓𐴡𐴔 (𐴳) 𐴅𐴝𐴇𐴠𐴓- 𐴃𐴝𐴌𐴠 𐴎𐴦𐴞𐴀𐴑𐴧𐴝 𐴋𐴝𐴑𐴠 𐴎𐴝𐴒𐴡𐴘| 𐴃𐴝𐴓𐴠 𐴃𐴝𐴓𐴠 𐴃𐴝𐴓 𐴔𐴞𐴓𐴝𐴘 𐴏𐴡𐴓𐴠| 𐴀𐴞𐴓𐴡𐴔𐴡𐴌 𐴕𐴟𐴌𐴡𐴌 𐴊𐴝𐴌𐴝𐴘 𐴕𐴟𐴌 𐴀𐴦𐴡𐴓𐴝 𐴘𐴡 𐴕𐴡𐴀𐴡 𐴀𐴝𐴌 𐴈𐴡𐴕𐴡 𐴔𐴡𐴎𐴁𐴟𐴃 𐴄𐴟𐴣𐴕𐴞 𐴘𐴥𐴡 𐴕𐴡 𐴊𐴥𐴡𐴌𐴠|𐴱

 𐴀𐴡𐴥 𐴔𐴟𐴏𐴓𐴞𐴔 𐴔𐴟𐴅𐴝𐴇𐴞𐴊 𐴁𐴝𐴘𐴧𐴝𐴙𐴕! 
𐴀𐴡𐴀𐴕𐴠 𐴀𐴠𐴓𐴡𐴔 𐴇𐴝𐴏𐴥𐴞𐴓 𐴀𐴝𐴌 𐴀𐴠𐴓𐴡𐴔𐴡𐴌 𐴀𐴝𐴏𐴥𐴡𐴓 𐴒𐴟𐴌𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴡𐴕𐴡𐴌 𐴁𐴝𐴁𐴡𐴃𐴠 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴥𐴡𐴘 𐴎𐴡| 𐴀𐴝𐴌 𐴎𐴡𐴊𐴞 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴡𐴘𐴃 𐴕𐴡 𐴉𐴝𐴌𐴡 𐴃𐴡𐴀𐴡𐴘𐴓𐴠 𐴀𐴝𐴓𐴧𐴝𐴤 𐴀𐴦𐴡𐴓𐴝 𐴀𐴝𐴓𐴠𐴔 𐴀𐴦𐴡𐴓𐴡𐴌 𐴀𐴞𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴀𐴥𐴡𐴘 𐴎𐴡| 𐴑𐴞𐴕𐴃𐴟 𐴇𐴥𐴠 𐴀𐴝𐴓𐴠𐴔𐴡𐴌 𐴀𐴠𐴃𐴧𐴝𐴁𐴝 𐴒𐴡𐴌𐴝𐴃𐴧𐴟 𐴇𐴥𐴟𐴣𐴐𐴞𐴘𐴝𐴌𐴞 𐴀𐴠𐴈𐴃𐴞𐴘𐴝𐴌 𐴒𐴡𐴌𐴡 𐴎𐴝𐴌𐴝 𐴉𐴝𐴏𐴝𐴊 𐴃𐴡𐴘𐴧𐴝𐴌 𐴒𐴡𐴌𐴠 | 𐴃𐴝𐴌𐴝 𐴕𐴞𐴎𐴠 𐴁𐴟𐴎𐴠 𐴊𐴠𐴑𐴞 𐴃𐴝𐴌𐴝 𐴏𐴥𐴡𐴀𐴞 𐴌𐴝𐴏𐴧𐴝𐴃 𐴀𐴝𐴏𐴠 𐴀𐴝𐴌 𐴔𐴝𐴕𐴟𐴐𐴥𐴡𐴌𐴠 𐴀𐴠𐴏𐴓𐴝𐴇 𐴒𐴡𐴌𐴠𐴌|𐴱

 𐴀𐴞𐴔𐴝𐴔 𐴔𐴟𐴇𐴝𐴔𐴧𐴝𐴊 𐴀𐴞𐴁𐴕𐴠 𐴏𐴞𐴌𐴦𐴞𐴕 (𐴌𐴇) 𐴈𐴡𐴘𐴧𐴠𐴊𐴠 𐴀𐴞 𐴀𐴠𐴓𐴡𐴔 𐴀𐴡𐴘𐴓𐴊𐴠 𐴊𐴞𐴕| 𐴀𐴥𐴞𐴃𐴡𐴓𐴧𐴝 𐴁𐴝𐴓𐴝 𐴒𐴡𐴌𐴞 𐴈𐴥𐴠𐴘𐴝𐴓 𐴒𐴡𐴌𐴡

𐴈𐴝𐴃𐴧𐴟𐴕 𐴀𐴡𐴀𐴕𐴞 𐴊𐴞𐴕 𐴇𐴥𐴝𐴏𐴞𐴓 𐴒𐴡𐴌𐴡𐴌|𐴱

 𐴀𐴝𐴌 𐴀𐴝𐴣𐴀𐴌𐴝𐴌 𐴀𐴝𐴈𐴠𐴌𐴞 𐴈𐴡𐴃𐴝 𐴀𐴡𐴘𐴓𐴊𐴠-

𐴃𐴝𐴔𐴦𐴝𐴔 𐴃𐴝𐴌𐴞𐴉 𐴀𐴡 𐴀𐴝𐴓𐴧𐴝𐴤 𐴃𐴝𐴓𐴝 𐴓𐴧𐴝 𐴎𐴞𐴁𐴝  𐴃𐴝𐴔𐴦𐴝𐴔 𐴅𐴝𐴇𐴝𐴕𐴡𐴌 𐴌𐴥𐴡𐴁𐴢