خبر… رسالة…|| ایک خبر … ایک پیغام … ||A news… a message… ||𐴀𐴠𐴑 𐴈𐴡𐴁𐴡𐴌 …𐴀𐴠𐴑 𐴉𐴡𐴘𐴒𐴝𐴔𐴢 …
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
اراکان کا منبر
اراکان کا منبر
arakan ka mimber
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
تـُقدم
ناشر
Presents
𐴌𐴟𐴒𐴇𐴝𐴙𐴚𐴒𐴙𐴝 𐴎𐴟𐴁𐴝𐴕𐴡𐴃𐴢 𐴃𐴡𐴌𐴅𐴟𐴔𐴝
الترجمة الروهينجية
روھینگا زبان میں ترجمۃ
Rohingya Translation
𐴏𐴟𐴌𐴈𐴞:
بعنوان:
عنوان:
Titled:
خبر.. رسالة..
ایک خبر … ایک پیغام …
A news… a message…
𐴀𐴠𐴑 𐴈𐴡𐴁𐴡𐴌 …𐴀𐴠𐴑 𐴉𐴡𐴘𐴒𐴝𐴔𐴢 …
𐴖𐴝𐴕𐴓𐴝𐴙𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
للقرائة المباشرة والتحميل
پڑھيں یا ڈؤنلوڈ کریں
For Direct Reading and Downloading
Word
https://justpaste.it/7ybj2
https://archive.ph/qZdXN
https://web.archive.org/web/20230914054233/https://justpaste.it/7ybj2
https://archive.org/download/ek-khobor-ek-poygam-rhg
https://cloud.degoo.com/share/OamyxGKTlpu7PJWymA6ObQ
https://mymegacloud.com/download/dXBsb2Fkcy92ZmJk
https://file.fm/f/mnygdvcn3
Cover
https://archive.org/download/ek-khobor-ek-poygam-rhg-aqs_202309/01.jpg
https://cloud.degoo.com/share/xP4UVYVMKI7Py3OxOOHFZQ
https://mymegacloud.com/download/dXBsb2Fkcy92ZmJkem
https://file.fm/f/w2kvzeqk4
Banner
https://archive.org/download/ek-khobor-ek-poygam-rhg
https://mymegacloud.com/download/dXBsb2Fkcy92ZmJke
https://file.fm/f/cnh27sm5t
𐴀𐴠𐴑 𐴈𐴡𐴁𐴡𐴌 …
𐴀𐴠𐴑 𐴉𐴡𐴘𐴒𐴝𐴔𐴢 …
𐴀𐴟𐴏𐴃𐴝𐴊𐴢 𐴀𐴟𐴏𐴝𐴔𐴝 𐴔𐴝𐴇𐴔𐴟𐴊𐴢 (𐴇𐴉𐴢)
بسم الله الرحمن الرحيم
الحمد لله رب العلمين والصلاة والسلام على رسوله الكريم، أما بعد
𐴈𐴡𐴤𐴁𐴡𐴌 𐴀𐴡𐴘𐴓𐴊𐴠 𐴘𐴝𐴀𐴝𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠… 𐴁𐴞𐴐𐴢 𐴁𐴡𐴏𐴡𐴌 𐴀𐴝𐴒𐴠 𐴑𐴡𐴌𐴝𐴆𐴞𐴃𐴧𐴟𐴕 𐴎𐴠 𐴁𐴡𐴙𐴕𐴧𐴗𐴝 𐴇𐴝𐴎𐴞 𐴒𐴞𐴦𐴓𐴒𐴡𐴘 ,𐴇𐴞𐴥𐴁𐴝 𐴀𐴡 𐴁𐴡𐴙𐴕 𐴎𐴞𐴁𐴝𐴌𐴠 𐴕𐴞𐴎𐴡𐴌 𐴊𐴠𐴐𐴡𐴙𐴃𐴧𐴝 𐴀𐴡𐴑𐴧𐴡𐴓𐴠 𐴒𐴝𐴙𐴌 𐴀𐴡𐴑𐴧𐴡𐴓𐴡𐴌 𐴀𐴝𐴃𐴡𐴃𐴢 𐴁𐴠𐴏𐴞 𐴊𐴞𐴘𐴠……𐴀𐴠𐴑𐴡𐴕 𐴊𐴟𐴁𐴝𐴌𐴝 𐴁𐴡𐴙𐴕 𐴇𐴞𐴥𐴁𐴝𐴌 𐴈𐴡𐴁𐴡𐴌 𐴉𐴝𐴀 𐴒𐴞𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴡𐴙𐴕 𐴇𐴞𐴥𐴁𐴝𐴘𐴠 𐴀𐴠𐴇𐴡𐴕𐴡 𐴀𐴝𐴥𐴃𐴡𐴔𐴧𐴝𐴎𐴠 𐴈𐴡𐴌𐴝 𐴀𐴝𐴌 𐴄𐴠𐴥𐴚𐴡𐴔𐴧𐴝𐴎𐴠 𐴏𐴞𐴘𐴡𐴓 𐴔𐴝𐴙𐴅𐴧𐴝… 𐴑𐴡𐴔𐴎𐴟𐴌 𐴅𐴞𐴏𐴞𐴔𐴢,𐴎𐴟𐴥𐴌𐴝𐴙𐴕𐴧𐴝 𐴏𐴡𐴗𐴑 , 𐴎𐴡𐴈𐴡𐴔𐴞 𐴆𐴠𐴇𐴠𐴌𐴝 , 𐴁𐴝𐴚𐴝 𐴊𐴝𐴃𐴢 𐴀𐴝𐴌 𐴏𐴞𐴌𐴝 𐴇𐴡𐴦𐴌 𐴓𐴡𐴘 𐴀𐴝𐴔𐴞𐴌𐴞𐴑𐴝𐴌 𐴀𐴠𐴑𐴧𐴝𐴕 𐴈𐴡𐴃𐴡𐴌𐴕𐴝𐴑 𐴎𐴞𐴙𐴓𐴡𐴃𐴢 𐴔𐴝𐴘𐴟𐴏𐴞𐴌 𐴎𐴞𐴕𐴊𐴠𐴒𐴞 𐴒𐴟𐴎𐴝𐴌𐴠𐴌| 𐴀𐴝𐴌 𐴀𐴠 𐴇𐴝𐴓𐴡𐴃𐴡𐴃𐴢 𐴉𐴟𐴃𐴧𐴠𐴑𐴧𐴝𐴕𐴊𐴞𐴕 𐴎𐴞𐴕𐴊𐴠𐴒𐴞 𐴀𐴝𐴊𐴧𐴠 𐴔𐴡𐴗𐴃𐴡𐴌 𐴔𐴧𐴝𐴎𐴠 𐴇𐴝𐴍𐴝𐴌||
𐴃𐴝𐴌 𐴁𐴡𐴙𐴕 𐴉𐴡𐴗𐴎𐴞𐴘𐴝 𐴏𐴞𐴊𐴧𐴞𐴑𐴞 𐴀𐴝𐴊𐴧𐴠 𐴅𐴡𐴕𐴝𐴁𐴢 𐴔𐴟𐴐𐴃𐴝𐴑 𐴀𐴝𐴇𐴔𐴡𐴊𐴢 𐴃𐴝𐴀𐴛𐴌 𐴀𐴠 𐴇𐴝𐴓𐴡𐴃𐴢 𐴕𐴞𐴎𐴠 𐴁𐴝𐴎𐴠 𐴊𐴞𐴑𐴧𐴠 𐴀𐴝𐴌 𐴉𐴡𐴌𐴘𐴝𐴊𐴒𐴞𐴕𐴡 𐴃𐴝𐴀𐴛𐴌 𐴎𐴡𐴁𐴝𐴕𐴡𐴃𐴧𐴟 𐴉𐴟𐴥𐴙𐴕𐴧𐴠| 𐴀𐴠𐴒𐴞𐴕 𐴇𐴝𐴌 𐴃𐴡𐴌𐴉𐴡𐴃𐴧𐴟 𐴀𐴝𐴌 𐴇𐴡𐴕𐴋𐴡𐴙𐴓𐴧𐴝 𐴉𐴡𐴌𐴞𐴘𐴝𐴊𐴢⸮! 𐴈𐴡𐴕 𐴈𐴡𐴕 𐴊𐴟𐴐𐴧𐴝𐴕𐴡𐴌 𐴈𐴠𐴓𐴝𐴉𐴢 𐴉𐴡𐴌𐴞𐴘𐴝𐴊𐴢| 𐴀𐴝𐴌 𐴈𐴡𐴕𐴃𐴝𐴌𐴝𐴓𐴧𐴝 𐴀𐴠 𐴉𐴡𐴌𐴞𐴘𐴝𐴊𐴒𐴞𐴕 𐴃𐴝𐴀𐴛 𐴒𐴡𐴙𐴅𐴧𐴠⸮! 𐴀𐴠 𐴏𐴟𐴖𐴝𐴦𐴓𐴒𐴞𐴕 𐴀𐴠𐴀𐴕 𐴏𐴟𐴖𐴝𐴓𐴢 𐴎𐴠𐴒𐴞𐴕𐴡𐴃𐴢 𐴊𐴞𐴓𐴢 𐴊𐴟𐴑 𐴉𐴝𐴀 𐴀𐴝𐴌 𐴓𐴡𐴖 𐴒𐴡𐴌𐴡𐴔𐴢 𐴀𐴡𐴀 𐴀𐴝𐴌 𐴌𐴟𐴦𐴇 𐴊𐴡𐴤𐴌𐴉𐴡𐴌𐴝𐴀||
𐴀𐴠𐴈𐴡𐴕 𐴀𐴝𐴣𐴀𐴌𐴝𐴌 𐴏𐴞𐴕𐴃𐴝-𐴉𐴞𐴑𐴞𐴌 𐴀𐴟𐴔𐴧𐴝𐴃𐴢 𐴇𐴞𐴏𐴝𐴉𐴠 𐴀𐴝𐴒𐴡𐴌 𐴋𐴡𐴙𐴓𐴧𐴝 𐴕𐴝𐴘 … 𐴀𐴝𐴣𐴀𐴌𐴝𐴌 𐴓𐴠𐴕 𐴊𐴠𐴕𐴡𐴔𐴧𐴝𐴎𐴠 𐴀𐴠𐴒𐴡𐴃𐴧𐴟𐴕𐴝𐴌𐴡 𐴃𐴡𐴌𐴥𐴑𐴞 𐴀𐴝𐴙𐴐𐴧𐴠 𐴑𐴞𐴕𐴃𐴟 𐴀𐴠𐴇𐴡𐴕 𐴀𐴞𐴎𐴧𐴡𐴃𐴢 𐴀𐴝𐴊𐴧𐴠 𐴎𐴞𐴓𐴧𐴡𐴃𐴡𐴌 𐴔𐴠𐴀𐴘𐴝𐴌 𐴀𐴝𐴒𐴡𐴌 𐴋𐴡𐴙𐴓𐴧𐴝𐴘𐴥𐴡 𐴕𐴝𐴘| 𐴕𐴡𐴘𐴓𐴠 𐴀𐴠 𐴉𐴡𐴌𐴘𐴝𐴦𐴊𐴢 𐴎𐴡𐴊𐴞 𐴀𐴡 𐴎𐴡𐴔𐴝𐴕𐴝𐴃𐴢 𐴊𐴠𐴉𐴠𐴍𐴝𐴘𐴃𐴡 𐴎𐴠𐴃𐴧𐴠 𐴀𐴞𐴔𐴝𐴕𐴞 𐴒𐴝𐴘𐴌𐴡𐴃𐴢 𐴀𐴝𐴌 𐴀𐴞𐴏𐴓𐴝𐴔𐴞 𐴀𐴝𐴈𐴓𐴝𐴦𐴑 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌 𐴀𐴝𐴓𐴝𐴔𐴡𐴃𐴢 𐴀𐴝𐴙𐴐𐴧𐴞𐴓𐴢 𐴃𐴡𐴘𐴓𐴠 𐴉𐴟𐴌𐴝 𐴀𐴟𐴔𐴧𐴡𐴃𐴢 𐴀𐴝𐴔𐴧𐴟𐴙𐴑𐴧𐴝 𐴀𐴡𐴘𐴎𐴝𐴃𐴡𐴒𐴡𐴘| 𐴁𐴝𐴉𐴢 𐴕𐴞𐴎𐴡𐴌 𐴎𐴠𐴌𐴉𐴟𐴖𐴝𐴙𐴕 𐴀𐴡𐴑𐴧𐴡𐴓𐴡𐴓𐴧𐴡𐴘 𐴀𐴝𐴌 𐴁𐴝𐴤𐴘𐴝𐴙𐴕 𐴁𐴡𐴥𐴘𐴕𐴝𐴙𐴕 𐴀𐴡𐴑𐴧𐴡𐴓𐴧𐴡𐴘 𐴕𐴡𐴎𐴡𐴌 𐴔𐴞𐴓𐴝𐴘 𐴕𐴡𐴉𐴡𐴙𐴃𐴧𐴡| 𐴀𐴝𐴌 𐴏𐴞𐴌𐴞𐴉𐴢 𐴀𐴠 𐴖𐴝𐴦𐴑𐴞𐴀𐴝𐴒𐴝𐴕 𐴀𐴟𐴔𐴧𐴡𐴃𐴡𐴌 𐴔𐴡𐴦𐴗𐴃𐴢 𐴀𐴝𐴊𐴧𐴠 𐴎𐴞𐴕𐴊𐴠𐴒𐴞𐴌 𐴎𐴡𐴌𐴞𐴘𐴝 𐴁𐴡𐴕𐴞 𐴎𐴝𐴘𐴃𐴡𐴒𐴡𐴘| 𐴃𐴡𐴘 𐴇𐴝𐴑𐴠𐴔𐴢 𐴀𐴡𐴗𐴑 𐴘𐴦𐴝 𐴈𐴡𐴕𐴡 𐴈𐴦𐴝𐴏𐴢 𐴔𐴝𐴕𐴥𐴟𐴙𐴐𐴢 𐴘𐴦𐴝𐴃𐴡 𐴂𐴝𐴂𐴓𐴞𐴑 𐴀𐴡𐴗𐴑 𐴁𐴠𐴒𐴧𐴟𐴕𐴠 𐴕𐴞𐴎𐴡𐴌 𐴁𐴡𐴘𐴕𐴡𐴌 𐴀𐴠𐴕𐴃𐴠𐴑𐴝𐴦𐴔𐴢 𐴓𐴡𐴘𐴁𐴡𐴓𐴧𐴝 𐴀𐴝𐴌 𐴇𐴞𐴥𐴁𐴝𐴌𐴠 𐴖𐴝𐴦𐴂𐴠𐴏𐴢 𐴀𐴝𐴕𐴞𐴁𐴡𐴓𐴧𐴝 𐴔𐴝𐴌𐴞𐴁𐴡𐴓𐴧𐴝 𐴀𐴝𐴊𐴧𐴠 𐴔𐴡𐴌𐴞𐴁𐴡𐴓𐴧𐴝 𐴃𐴡𐴘𐴧𐴝𐴌 𐴀𐴡𐴘 𐴎𐴝𐴘𐴃𐴡𐴒𐴡𐴘||
𐴎𐴠 𐴀𐴟𐴔𐴧𐴡𐴃𐴡𐴌 𐴕𐴡𐴁𐴞 (𐴏𐴓𐴢) 𐴕𐴞𐴎𐴡𐴌 𐴀𐴠𐴑𐴎𐴡𐴕 𐴏𐴝𐴇𐴝𐴁𐴞𐴌 𐴀𐴠𐴕𐴃𐴠𐴑𐴝𐴔𐴢 𐴓𐴡𐴘𐴁𐴡𐴓𐴧𐴝 𐴇𐴠𐴦𐴃𐴧𐴞𐴘𐴝𐴌 𐴃𐴝𐴔𐴦𐴝𐴔𐴢 𐴏𐴝𐴇𐴝𐴁𐴝𐴘𐴠 𐴑𐴠𐴌𐴝𐴔𐴡𐴃𐴧𐴞 𐴔𐴡𐴌𐴡𐴕𐴡𐴌 𐴁𐴝𐴘𐴀𐴝𐴃𐴢 𐴓𐴡𐴘𐴧𐴠 𐴀𐴝𐴌 𐴏𐴞𐴌𐴞𐴉𐴢 𐴀𐴠𐴊𐴧𐴟𐴌 𐴕𐴡𐴀𐴡 𐴉𐴞𐴥𐴃𐴞𐴕 𐴇𐴝𐴣𐴃𐴢 𐴀𐴝𐴏𐴔𐴝𐴕𐴡𐴌 𐴀𐴡𐴀𐴃𐴧𐴟𐴕 𐴈𐴟𐴥𐴊𐴢 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴘𐴠𐴘𐴡 𐴀𐴞𐴘𐴝𐴕𐴡𐴌 𐴃𐴝𐴀𐴝𐴌𐴞𐴉𐴢 𐴒𐴡𐴌𐴞𐴘𐴡𐴌𐴠 𐴀𐴝𐴘𐴝𐴃𐴢 𐴕𐴝𐴦𐴎𐴠𐴓𐴢 𐴒𐴡𐴙𐴅𐴧𐴠 ….. 𐴀𐴝𐴌 𐴘𐴝𐴀𐴕 𐴑𐴠𐴦𐴚𐴒𐴡𐴌𐴞 𐴀𐴡𐴘 𐴉𐴝𐴌𐴞𐴁𐴡𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴇𐴠𐴥 𐴕𐴡𐴁𐴞 (𐴏𐴓𐴢) 𐴔𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴢 𐴕𐴞𐴎𐴡𐴌 𐴁𐴡𐴙𐴕𐴡𐴌 𐴀𐴠 𐴉𐴡𐴌𐴘𐴝𐴦𐴊𐴒𐴞𐴕 𐴉𐴟𐴥𐴕𐴞𐴁𐴡 𐴀𐴝𐴌 𐴒𐴟𐴏𐴧𐴝𐴃𐴢 𐴈𐴟𐴕 𐴒𐴡𐴌𐴡𐴔𐴢 𐴕𐴡 𐴀𐴡𐴘𐴁𐴡!!
𐴕𐴞𐴎𐴡𐴕 𐴊𐴞𐴕𐴡𐴌 𐴀𐴡𐴦𐴌𐴠 𐴉𐴡𐴈𐴡𐴌 𐴒𐴡𐴌𐴡𐴘𐴝 𐴀𐴠 𐴔𐴟𐴏𐴓𐴞𐴔𐴢 𐴁𐴡𐴙𐴕𐴧𐴗𐴝𐴌𐴠 𐴓𐴡𐴘 𐴀𐴠𐴑𐴁𐴝𐴌 𐴁𐴤𐴝𐴉𐴞 𐴏𐴡𐴀𐴡, 𐴎𐴞𐴁𐴝 𐴑𐴟𐴌𐴝𐴕𐴡𐴌 𐴇𐴝𐴦𐴉𐴠𐴎𐴝𐴤 𐴀𐴝𐴊𐴧𐴠 𐴊𐴞𐴓𐴡𐴃𐴢 𐴀𐴟𐴔𐴧𐴡𐴃𐴡𐴌 𐴊𐴟𐴑 𐴌𐴝𐴑𐴡𐴘𐴝 𐴀𐴝𐴙𐴐𐴧𐴞𐴓𐴢… 𐴃𐴝𐴌 𐴀𐴡𐴦𐴌𐴠 𐴇𐴡𐴕𐴊𐴞𐴓𐴧𐴝 𐴇𐴡𐴕𐴊𐴞𐴓𐴧𐴝 𐴎𐴟𐴓𐴟𐴔𐴢 𐴀𐴡𐴑𐴧𐴡𐴓 𐴒𐴡𐴌𐴝 𐴎𐴝𐴌?! 𐴀𐴝𐴁𐴝𐴌 𐴀𐴠𐴑 𐴊𐴞𐴕 ، 𐴘𐴝𐴦𐴃𐴡 𐴀𐴠𐴑 𐴇𐴝𐴉𐴃𐴝𐴤 𐴀𐴝𐴊𐴧𐴠 𐴀𐴠𐴑 𐴔𐴝𐴐𐴡 𐴕𐴡𐴀𐴡, 𐴀𐴠𐴑 𐴊𐴟𐴘 𐴁𐴡𐴏𐴡𐴌𐴡 𐴕𐴡𐴀𐴡 𐴁𐴡𐴓𐴑𐴠 𐴁𐴞𐴐𐴢 𐴁𐴡𐴏𐴡𐴌 𐴓𐴡𐴃𐴞 𐴀𐴠 𐴎𐴟𐴓𐴟𐴔𐴢 𐴒𐴡𐴌𐴝𐴃𐴢 𐴀𐴝𐴏𐴠| 𐴀𐴠𐴃𐴡𐴊𐴞𐴕 𐴎𐴟𐴓𐴟𐴔𐴢 𐴏𐴠𐴃𐴡𐴔𐴢 𐴐𐴤𐴡𐴀𐴘𐴡𐴌𐴠 𐴕𐴞𐴎𐴡𐴌 𐴀𐴠 𐴉𐴡𐴌𐴘𐴝𐴦𐴊𐴒𐴝𐴕 𐴀𐴝𐴣𐴀𐴌𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌 𐴕𐴝𐴔𐴓𐴡𐴘 𐴊𐴠𐴉𐴠𐴍𐴥𐴝𐴘𐴡𐴌𐴠 𐴀𐴝𐴙𐴅𐴧𐴝𐴘𐴥𐴡 …. 𐴇𐴞𐴥𐴁𐴝 𐴔𐴇𐴉𐴟𐴦𐴎 𐴕𐴡 𐴀𐴡𐴀 , 𐴃𐴝𐴃𐴧𐴟𐴕 𐴐𐴝𐴕𐴃𐴞𐴘𐴡 𐴕𐴡𐴀 𐴔𐴞𐴓𐴠… 𐴁𐴡𐴓𐴑𐴠 𐴈𐴦𐴟𐴊𐴢 𐴀𐴝𐴔𐴠𐴌𐴞𐴑𐴝𐴕 𐴀𐴥𐴡𐴑𐴧𐴡𐴓𐴡𐴌 𐴁𐴟𐴃𐴥𐴡𐴌𐴠 𐴎𐴠 𐴎𐴞𐴘𐴤𐴡𐴓𐴒𐴝𐴕 𐴎𐴟𐴓𐴟𐴔𐴡𐴃𐴢 𐴔𐴡𐴐𐴟𐴌 𐴇𐴠 𐴎𐴞𐴘𐴤𐴡𐴓𐴡𐴃𐴢 𐴃𐴝𐴀𐴛𐴌𐴠 𐴊𐴡𐴌𐴥𐴊𐴢 𐴀𐴝𐴊𐴧𐴠 𐴊𐴟𐴑, 𐴏𐴡𐴗𐴑𐴡𐴌 𐴂𐴝𐴕𐴞 𐴀𐴝𐴊𐴧𐴠 𐴀𐴠𐴏𐴑𐴝𐴘 𐴀𐴠𐴏𐴑𐴝𐴘 𐴇𐴝𐴣𐴊𐴡𐴕𐴡𐴏𐴧𐴝𐴀𐴃𐴠 𐴀𐴝𐴌𐴠𐴑𐴁𐴝𐴌 𐴁𐴡𐴕 𐴒𐴡𐴌𐴞 𐴉𐴠𐴓𐴝𐴘𐴠||
𐴀𐴝𐴦𐴉𐴞𐴘𐴝𐴤 𐴏𐴞𐴊𐴧𐴞𐴑𐴞 𐴁𐴡𐴙𐴕𐴡𐴌 𐴀𐴠 𐴉𐴡𐴌𐴘𐴝𐴦𐴊𐴒𐴝𐴕 𐴀𐴝𐴙𐴅𐴧𐴝 𐴀𐴝𐴁𐴝𐴌 𐴔𐴝𐴕𐴥𐴟𐴙𐴐𐴡𐴌 𐴏𐴝𐴔𐴕𐴠 𐴀𐴝𐴘𐴡𐴕𐴧𐴝𐴕 𐴇𐴡𐴕𐴡 𐴖𐴡𐴅𐴝𐴤 𐴏𐴝𐴌𐴝 𐴕𐴡𐴀𐴡𐴘𐴁𐴡| 𐴀𐴝𐴓𐴧𐴝𐴤𐴌 𐴇𐴝𐴣𐴏𐴠 𐴇𐴞𐴥𐴘𐴝𐴕𐴡𐴌 𐴘𐴡𐴑𐴞𐴕𐴞 𐴁𐴝𐴉𐴠 𐴇𐴡𐴕𐴡 𐴀𐴝𐴇𐴝𐴔𐴞𐴘𐴡𐴃𐴢 𐴃𐴝𐴑𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴇𐴠𐴑𐴔𐴡𐴃𐴢 𐴖𐴝𐴦𐴓𐴝 𐴀𐴝𐴌 𐴑𐴟𐴊𐴌𐴡𐴃𐴢 𐴖𐴝𐴦𐴓𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴁𐴝𐴀𐴎 𐴖𐴡𐴑𐴃𐴡𐴃𐴢 𐴕𐴞𐴎𐴡𐴌 𐴀𐴟𐴒𐴧𐴗𐴝 𐴁𐴡𐴕𐴊𐴝𐴤𐴌𐴠 𐴀𐴠𐴔𐴃𐴝𐴦𐴕𐴡𐴃𐴢 𐴉𐴠𐴓𐴝𐴘𐴡𐴌𐴠 𐴃𐴝𐴔𐴝𐴦𐴔𐴢 𐴔𐴝𐴙𐴕𐴐𐴡𐴃𐴧𐴟𐴕 𐴀𐴠𐴔𐴃𐴝𐴀𐴕 𐴓𐴡𐴥| 𐴀𐴠𐴔𐴃𐴝𐴀𐴝𐴕 𐴓𐴡𐴊𐴧𐴠 𐴀𐴡 𐴁𐴡𐴕𐴊𐴝𐴤𐴗𐴝 𐴇𐴝𐴑𐴞𐴑𐴡𐴃𐴡𐴔𐴧𐴝𐴎𐴠 𐴀𐴝𐴓𐴧𐴝𐴤𐴌 𐴔𐴝𐴇𐴁𐴟𐴦𐴁𐴢 𐴀𐴝𐴌 𐴖𐴡𐴓𐴞 𐴀𐴡𐴥𐴀| 𐴇𐴠𐴥 𐴀𐴠𐴔𐴃𐴝𐴀𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴇𐴞𐴥𐴁𐴝𐴌𐴠 𐴕𐴞𐴎𐴡𐴌 𐴑𐴟𐴌𐴁𐴡𐴃𐴢 𐴀𐴝𐴊𐴧𐴠 𐴔𐴟𐴇𐴝𐴁𐴧𐴡𐴃𐴢 𐴁𐴡𐴈𐴐𐴞𐴆 𐴒𐴡𐴌𐴠| 𐴔𐴡𐴒𐴡𐴌 𐴀𐴝𐴣𐴀𐴌𐴝 𐴇𐴠𐴥 𐴔𐴡𐴎𐴓𐴟𐴔𐴡𐴌𐴠 𐴊𐴠𐴑𐴞𐴘𐴡𐴌𐴠 𐴑𐴞 𐴉𐴝𐴘𐴏𐴠𐴓𐴝𐴤 𐴓𐴡𐴘𐴧𐴞، 𐴀𐴝𐴌 𐴎𐴟𐴓𐴟𐴔𐴢 𐴌𐴟𐴑𐴞𐴁𐴡𐴓𐴧𐴝 𐴃𐴞𐴥𐴘𐴝𐴀𐴕𐴠 𐴀𐴝𐴌 𐴀𐴡 𐴀𐴝𐴏𐴁𐴝𐴦𐴁𐴢 𐴀𐴥𐴡𐴑𐴧𐴡𐴓𐴢 𐴀𐴠𐴏𐴃𐴠𐴔𐴝𐴦𐴓𐴢 𐴒𐴡𐴙𐴅𐴧𐴞𐴕𐴠 𐴎𐴞𐴦𐴕𐴡𐴌 𐴎𐴡𐴌𐴞𐴘𐴝 𐴖𐴝𐴦𐴑𐴠𐴀𐴞 𐴔𐴡𐴎𐴓𐴟𐴔𐴢 𐴀𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃 𐴒𐴡𐴌𐴝 𐴎𐴝⸮ 𐴕𐴝𐴑𐴞 𐴕𐴞𐴎𐴡𐴌 𐴎𐴞𐴕𐴊𐴠𐴒𐴞𐴌 𐴀𐴡𐴦𐴌𐴠 𐴔𐴡𐴐𐴒𐴟𐴓𐴢 𐴃𐴝𐴑𐴞𐴘𐴡𐴌𐴠 𐴏𐴞𐴌𐴞𐴉𐴢 𐴈𐴞𐴘𐴝𐴦𐴓𐴝𐴃𐴡𐴌 𐴀𐴡𐴦𐴌𐴠 𐴀𐴠𐴑𐴃𐴠𐴉𐴝 𐴒𐴡𐴌𐴞𐴃𐴤𐴝𐴑𐴠||
𐴀𐴡 𐴔𐴝𐴕𐴟𐴙𐴐𐴧𐴗𐴝𐴌 𐴎𐴡𐴌𐴞𐴘𐴝 𐴊𐴟𐴏𐴡𐴌𐴝 𐴔𐴝𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴓𐴧𐴝 𐴀𐴝𐴓𐴧𐴝𐴤𐴌 𐴃𐴡𐴌𐴉𐴡𐴃𐴧𐴞 𐴕𐴠𐴅𐴝𐴃𐴢 𐴘𐴦𐴝𐴃𐴡 𐴀𐴝𐴎𐴝𐴁𐴡𐴌 𐴉𐴝𐴘𐴏𐴠𐴓𐴝𐴤 𐴀𐴡𐴥𐴀| 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝 𐴀𐴡𐴘𐴓𐴠 𐴐𐴝𐴑𐴟𐴌 𐴀𐴝𐴊𐴧𐴠 𐴖𐴝𐴊𐴟𐴊𐴢 ( 𐴅𐴝𐴎𐴝 𐴊𐴠𐴘𐴡𐴘𐴝 𐴀𐴝𐴊𐴧𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴘𐴝( 𐴀𐴠𐴃𐴡𐴓𐴧𐴝 𐴃𐴝𐴀𐴛 𐴃𐴝𐴀𐴛𐴘𐴡 𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴀𐴠𐴈𐴓𐴝𐴏𐴢 𐴒𐴡𐴌𐴡𐴘𐴝 𐴀𐴝𐴌 𐴃𐴝𐴀𐴛𐴡𐴌 𐴈𐴝𐴦𐴃𐴠𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴘𐴝 𐴀𐴝𐴊𐴧𐴠 𐴑𐴟𐴌𐴁𐴝𐴕𐴞 𐴒𐴡𐴌𐴡𐴘𐴝𐴌 𐴑𐴟𐴌𐴁𐴝𐴕𐴞𐴌𐴠 𐴑𐴡𐴊𐴡𐴌 𐴒𐴡𐴌𐴠 𐴀𐴝𐴌 𐴇𐴞𐴦𐴕 𐴀𐴠𐴕𐴊𐴞𐴓𐴧𐴝 𐴒𐴡𐴌𐴞 𐴒𐴡𐴌𐴠𐴊𐴠𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴞𐴘𐴝𐴕𐴡𐴌 𐴃𐴡𐴏𐴡𐴖𐴧𐴟𐴌 𐴇𐴡𐴕𐴞𐴙𐴑𐴧𐴠 𐴒𐴡𐴌𐴞 𐴕𐴡𐴉𐴝𐴌𐴠||
𐴇𐴠𐴥𐴃𐴡𐴓𐴧𐴝 𐴀𐴝𐴦𐴉𐴞𐴘𐴝 𐴏𐴞𐴊𐴧𐴞𐴑𐴞 𐴑𐴝𐴦𐴔𐴞𐴘𐴝𐴦𐴁𐴢 𐴀𐴡𐴘 𐴒𐴞𐴘𐴡𐴘| 𐴀𐴞𐴕𐴐𐴝𐴦𐴀𐴝𐴓𐴧𐴝𐴤 𐴇𐴞𐴥𐴁𐴝𐴌𐴠 𐴊𐴟𐴕𐴞𐴘𐴝 𐴀𐴝𐴊𐴧𐴠 𐴀𐴝𐴦𐴈𐴠𐴌𐴡𐴃𐴡𐴃𐴢 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴘𐴠 𐴁𐴠𐴐𐴥𐴝𐴁𐴠𐴐𐴥𐴞 𐴅𐴝𐴎𐴝 𐴊𐴝𐴕 𐴒𐴡𐴌𐴞𐴁𐴡| 𐴀𐴞𐴘𐴝𐴕 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴖𐴝𐴦𐴊𐴝| 𐴇𐴝𐴊𐴞𐴏𐴢 𐴐𐴡𐴌𐴞𐴉𐴡𐴃𐴢 𐴀𐴝𐴙𐴐𐴧𐴠𐴊𐴠-
لَوْ أنَّ رَجُلًا يُجَرّ عَلَى وَجْهِهِ مِنْ يَوْمِ وُلِدَ إِلَى أَنْ يَمُوتَ هَرَمًا فِي مَرْضَاةِ اللهِ لَحَقّرَهُ يَوْمَ الْقِيَامَةِ
𐴎𐴡𐴊𐴞 𐴇𐴡𐴕𐴡 𐴔𐴟𐴔𐴞𐴕𐴡𐴌𐴠 𐴂𐴡𐴘𐴊𐴝𐴀𐴠𐴐𐴡𐴌 𐴊𐴞𐴕𐴡𐴃𐴧𐴟 𐴓𐴡𐴃𐴞 (𐴁𐴟𐴌𐴝 𐴀𐴡𐴦𐴕𐴡𐴌) 𐴀𐴝𐴦𐴈𐴠𐴌𐴞 𐴀𐴟𐴔𐴡𐴌 𐴉𐴡𐴘𐴅𐴧𐴡𐴕𐴃𐴡 𐴀𐴝𐴓𐴧𐴝𐴤𐴌 𐴀𐴠𐴃𐴝𐴀𐴝𐴃𐴡𐴌 𐴎𐴡𐴌𐴞𐴘𐴝 𐴌𐴝𐴏𐴧𐴝𐴔𐴧𐴝𐴎𐴠 𐴏𐴠𐴏𐴝𐴘𐴠𐴊𐴠 𐴇𐴠𐴥𐴕𐴊𐴞𐴓𐴧𐴝 𐴀𐴡𐴥𐴀 𐴃𐴡𐴘𐴓𐴠 𐴀𐴝𐴓𐴧𐴝𐴦𐴇𐴌 𐴃𐴡𐴌𐴉𐴡𐴃𐴧𐴞 𐴀𐴠𐴊𐴧𐴟𐴕 𐴀𐴞𐴎𐴧𐴡𐴃𐴢 𐴀𐴝𐴊𐴧𐴠 𐴅𐴝𐴎𐴝 𐴉𐴝𐴘𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴊𐴟𐴕𐴞𐴘𐴝𐴌 𐴁𐴝𐴓𐴝 𐴔𐴡𐴏𐴞𐴁𐴡𐴃𐴡𐴌𐴠 𐴑𐴞𐴏𐴧𐴟 𐴔𐴡𐴕𐴞 𐴕𐴡 𐴀𐴡𐴘𐴁𐴡| 𐴃𐴞𐴁𐴌𐴝𐴕𐴞𐴱𐴷/𐴱𐴱𐴲||
𐴀𐴝𐴏𐴡𐴓𐴢 𐴂𐴠𐴌𐴠𐴐𐴝𐴕𐴞 𐴑𐴞𐴕𐴃𐴟 𐴀𐴝𐴣𐴀𐴌𐴝𐴌 𐴖𐴝𐴌𐴠| 𐴘𐴝𐴀𐴝𐴕 𐴈𐴡𐴃𐴡𐴌𐴕𐴝𐴦𐴑 𐴀𐴠𐴔𐴃𐴝𐴀𐴕𐴒𐴝𐴕 𐴀𐴝𐴣𐴀𐴌𐴝 𐴊𐴠𐴌 𐴑𐴟𐴄𐴞 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴓𐴧𐴝| 𐴀𐴝𐴌 𐴀𐴞𐴘𐴝𐴕 𐴀𐴝𐴣𐴀𐴌𐴝𐴌 𐴀𐴞𐴔𐴝𐴕 𐴀𐴝𐴊𐴧𐴠 𐴀𐴠𐴈𐴓𐴝𐴦𐴏𐴡𐴌 𐴀𐴠𐴔𐴃𐴝𐴀𐴕| 𐴀𐴝𐴣𐴀𐴌𐴝𐴃𐴧𐴟 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴘𐴠 𐴎𐴠𐴃𐴧𐴠 𐴕𐴞𐴎𐴡𐴌 𐴀𐴠 𐴔𐴝𐴇𐴁𐴟𐴦𐴁𐴢 𐴁𐴡𐴕𐴊𐴞 𐴀𐴝𐴊𐴧𐴠 𐴕𐴞𐴎𐴡𐴌 𐴌𐴡𐴏𐴟𐴦𐴓𐴢 (𐴏𐴓𐴢) 𐴔𐴡𐴌 𐴀𐴠 𐴀𐴞𐴎𐴧𐴡𐴃𐴢 𐴖𐴝𐴦𐴓𐴞 𐴀𐴟𐴔𐴧𐴡𐴃𐴞𐴌 𐴔𐴟𐴃𐴝𐴀𐴝𐴓𐴧𐴠𐴑 𐴉𐴟𐴏𐴝𐴌 𐴒𐴡𐴌𐴞𐴁𐴡 𐴇𐴠𐴦𐴣𐴃𐴧𐴠 𐴀𐴝𐴣𐴀𐴌𐴝 𐴑𐴞 𐴅𐴟𐴖𐴝𐴦𐴁𐴢 𐴊𐴞𐴘𐴟𐴔𐴢⸮
𐴀𐴠𐴀𐴕 𐴘𐴥𐴡 𐴕𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴉𐴝𐴑𐴞𐴏𐴃𐴝𐴕𐴡𐴃𐴧𐴟𐴕 𐴀𐴝𐴦𐴉𐴞𐴘𐴝 𐴏𐴞𐴊𐴧𐴞𐴑𐴞 𐴁𐴡𐴙𐴕𐴡𐴌 𐴈𐴝𐴓𐴝𐴏𐴞𐴓𐴧𐴝 𐴈𐴡𐴕𐴡 𐴑𐴟𐴐𐴞𐴐𐴢 𐴒𐴡𐴌𐴝 𐴕𐴡𐴦𐴀𐴡𐴎𐴝 …… 𐴅𐴡𐴓𐴏𐴝𐴤 𐴀𐴝𐴊𐴧𐴠 𐴔𐴞𐴏𐴞𐴓𐴢 𐴀𐴡𐴑𐴧𐴡𐴓𐴢 𐴒𐴡𐴌𐴝 𐴒𐴞𐴘𐴠| 𐴁𐴞𐴤𐴓𐴡 𐴉𐴝𐴐𐴢 𐴒𐴡𐴌𐴝 𐴒𐴞𐴘𐴠| 𐴀𐴝𐴔𐴌𐴞𐴑𐴝𐴌 𐴇𐴡𐴑𐴟𐴔𐴡𐴃𐴢 𐴀𐴡𐴑𐴧𐴡𐴓𐴡𐴌 𐴇𐴝𐴣𐴏𐴠 𐴐𐴞𐴣𐴍𐴞𐴘𐴡 𐴊𐴠𐴉𐴠𐴍𐴝 𐴒𐴞𐴘𐴠| 𐴀𐴝𐴙𐴕𐴡𐴌 𐴓𐴝𐴌𐴥𐴝𐴘𐴡 𐴒𐴡𐴌𐴝 𐴒𐴞𐴘𐴠| 𐴔𐴦𐴝𐴕𐴞 𐴅𐴡𐴔𐴇𐴟𐴌𐴞 𐴀𐴠𐴕𐴃𐴞𐴎𐴝𐴔𐴡𐴌 𐴔𐴧𐴝𐴎𐴠 𐴀𐴠𐴀𐴕 𐴈𐴡𐴕𐴡 𐴃𐴡𐴌𐴞𐴑𐴤𐴝 𐴁𐴝𐴑𐴞 𐴕𐴝𐴘 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴔𐴠𐴌𐴞𐴑𐴝𐴕 𐴇𐴡𐴑𐴟𐴔𐴡𐴃𐴢 𐴉𐴡𐴙𐴅𐴧𐴡𐴕𐴃𐴡 𐴕𐴞𐴎𐴡𐴌 𐴉𐴠𐴌𐴠𐴐𐴝𐴕𐴞 𐴒𐴟𐴙𐴐𐴧𐴝 𐴉𐴡𐴦𐴣𐴏𐴝 𐴕𐴡𐴦𐴀𐴎𐴝 𐴓𐴠𐴦𐴑𐴞𐴕 𐴁𐴠𐴒𐴧𐴟𐴕 𐴁𐴠𐴉𐴝𐴦𐴘𐴊𐴝𐴤 𐴃𐴝𐴦𐴘 𐴒𐴞𐴘𐴠𐴒𐴡𐴘| 𐴇𐴞𐴥𐴘𐴝𐴕 𐴎𐴝𐴦𐴓𐴠𐴔𐴢 𐴀𐴡𐴑𐴧𐴡𐴓𐴡𐴌 𐴇𐴝𐴕 𐴉𐴡𐴙𐴅𐴧𐴡𐴕𐴃𐴡 𐴀𐴡𐴊𐴧𐴝𐴕𐴡 𐴕𐴡𐴣𐴦 𐴉𐴡𐴀𐴏𐴠| 𐴀𐴟𐴓𐴋𐴝 𐴇𐴞𐴥𐴁𐴝𐴌 𐴎𐴟𐴓𐴟𐴔𐴢 𐴏𐴠𐴃𐴡𐴔𐴢 𐴀𐴝𐴊𐴧𐴠 𐴇𐴞𐴥𐴃𐴝𐴌𐴝𐴌 𐴃𐴡𐴑𐴡𐴁𐴧𐴟𐴌𐴞 𐴁𐴝𐴌𐴞 𐴒𐴞𐴘𐴠𐴒𐴡𐴘||
𐴀𐴠𐴕𐴊𐴞𐴓𐴧𐴝 𐴀𐴡𐴘𐴓𐴠 𐴀𐴠𐴑𐴡𐴕 𐴀𐴝𐴣𐴀𐴌𐴝𐴃𐴧𐴟𐴕 𐴑𐴞 𐴒𐴡𐴌𐴝 𐴉𐴡𐴌𐴞𐴁𐴡 ? 𐴇𐴝𐴥𐴃𐴡𐴌 𐴀𐴡𐴦𐴌𐴠 𐴇𐴝𐴃𐴢 𐴌𐴝𐴑𐴞 𐴁𐴡𐴦𐴘 𐴃𐴝𐴑𐴞𐴘𐴟𐴔𐴊𐴠𐴕𐴠? 𐴎𐴠 𐴀𐴝𐴣𐴀𐴌𐴝𐴌𐴠 𐴎𐴠 𐴎𐴞𐴔𐴧𐴝𐴊𐴝𐴌𐴞 𐴊𐴞𐴘𐴝 𐴒𐴞𐴘𐴠 𐴇𐴞𐴦𐴕 𐴀𐴝𐴊𐴝𐴘 𐴒𐴡𐴌𐴞 𐴉𐴠𐴓𐴝𐴘𐴞, 𐴀𐴠𐴑𐴡𐴕 𐴀𐴝𐴣𐴀𐴌𐴝𐴃𐴧𐴟 𐴇𐴡𐴕𐴡 𐴎𐴞𐴔𐴧𐴝𐴊𐴝𐴌𐴞 𐴕𐴝𐴘! 𐴎𐴟𐴓𐴟𐴔𐴢 𐴖𐴝𐴦𐴃𐴧𐴝𐴑𐴡𐴑 𐴀𐴝𐴌 𐴀𐴝𐴣𐴀𐴌𐴝 𐴃𐴡 𐴀𐴠𐴃𐴔𐴞𐴕𐴝𐴕 𐴀𐴝𐴏𐴞 𐴀𐴝𐴣𐴀𐴌𐴝 𐴃𐴡 𐴕𐴞𐴎𐴡𐴌 𐴉𐴡𐴥𐴌𐴡𐴎 𐴀𐴝𐴊𐴝𐴘 𐴒𐴡𐴌𐴞 𐴉𐴠𐴓𐴝𐴘𐴞! 𐴀𐴝𐴅𐴞𐴘𐴝 𐴘𐴥𐴡 𐴑𐴞 𐴇𐴠 𐴀𐴡𐴃𐴧𐴡 𐴕𐴡 𐴀𐴝𐴘𐴧𐴠 𐴎𐴠𐴃𐴧𐴡𐴃𐴢 𐴀𐴝𐴣𐴀𐴌𐴝 𐴀𐴝𐴌𐴝𐴔𐴢 𐴀𐴝𐴊𐴧𐴠 𐴐𐴝𐴕𐴃𐴞𐴌 𐴎𐴞𐴕𐴊𐴠𐴒𐴞 𐴀𐴝𐴌 𐴔𐴝𐴕𐴥𐴟𐴐𐴡𐴌𐴠 𐴊𐴠𐴈𐴝𐴙𐴕𐴧𐴝 𐴁𐴤𐴝𐴓𐴝𐴀𐴠 𐴌𐴠 𐴀𐴠𐴑 𐴃𐴡𐴌𐴡𐴉𐴢 𐴌𐴝𐴑𐴞𐴘𐴝𐴌𐴠 𐴀𐴞𐴔𐴝𐴕𐴞 𐴅𐴡𐴎𐴁𐴝𐴌 𐴏𐴧𐴝𐴀𐴃𐴠 𐴋𐴡𐴣𐴀𐴌 𐴀𐴝𐴁𐴝𐴏𐴡𐴃𐴢 𐴈𐴡𐴘𐴁𐴡 𐴕𐴡𐴀! 𐴀𐴝𐴣𐴀𐴌𐴝𐴌 𐴀𐴝𐴏𐴡𐴓𐴢 𐴎𐴞𐴔𐴧𐴝𐴊𐴝𐴌𐴞 𐴀𐴝𐴙𐴅𐴧𐴝𐴘𐴥𐴡 𐴁𐴝𐴑𐴞 𐴃𐴝𐴀𐴘 𐴒𐴞𐴘𐴡𐴘||
𐴃𐴡𐴘 𐴎𐴝𐴦𐴓𐴠𐴔𐴢 𐴎𐴡𐴊𐴞 𐴏𐴞𐴌𐴞𐴉𐴢 𐴑𐴟𐴖𐴧𐴡𐴃𐴡𐴌 𐴎𐴟𐴁𐴝𐴕 𐴁𐴟𐴎𐴠, 𐴀𐴝𐴑𐴡𐴓𐴢 𐴀𐴝𐴊𐴧𐴠 𐴔𐴝𐴕𐴃𐴠𐴑𐴞 𐴈𐴡𐴃𐴝 𐴕𐴡𐴉𐴟𐴕𐴠 ، 𐴇𐴡𐴥𐴑𐴊𐴝𐴌𐴡𐴌𐴠 𐴃𐴝𐴌 𐴇𐴡𐴑 𐴕𐴡𐴊𐴠 𐴃𐴡𐴘𐴓𐴠 𐴇𐴞𐴥𐴁𐴝𐴌 𐴔𐴟𐴦𐴕𐴃𐴟𐴕 𐴌𐴠𐴑𐴟𐴀𐴠𐴏𐴄𐴢 𐴒𐴡𐴌𐴝𐴃𐴧𐴝𐴑𐴡𐴕, 𐴊𐴝𐴁𐴞𐴌𐴠 𐴁𐴝𐴌𐴁𐴝𐴌 𐴃𐴡𐴑𐴌𐴝𐴌 𐴒𐴡𐴌𐴡𐴕 𐴀𐴝𐴌 𐴀𐴝𐴊𐴡𐴓𐴢 𐴀𐴝𐴊𐴧𐴠 𐴀𐴞𐴕𐴏𐴝𐴉𐴡𐴌 𐴈𐴡𐴃𐴝𐴌 𐴎𐴡𐴌𐴞𐴘𐴝 𐴔𐴡𐴏𐴡𐴓𐴝𐴌 𐴇𐴡𐴓𐴢 𐴕𐴡 𐴀𐴡𐴘𐴁𐴡| 𐴁𐴡𐴓𐴑𐴠 𐴇𐴠𐴥 𐴎𐴝𐴦𐴓𐴠𐴔𐴡𐴌 𐴇𐴝𐴃𐴢 𐴁𐴝𐴚𐴞 𐴊𐴡𐴦𐴀𐴕, 𐴑𐴟𐴖𐴧𐴡𐴃𐴡𐴌 𐴇𐴝𐴃𐴢 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴞𐴘𐴡𐴌𐴠 𐴇𐴞𐴥𐴁𐴝𐴌 𐴃𐴡𐴑𐴡𐴁𐴧𐴟𐴌𐴞𐴌𐴠 𐴁𐴝𐴚𐴞 𐴉𐴠𐴓𐴡𐴕 𐴔𐴡𐴎𐴓𐴟𐴔𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴡𐴕𐴡𐴌 𐴀𐴝𐴏𐴡𐴓𐴢 𐴃𐴡𐴌𐴞𐴑𐴝 ! 𐴀𐴞𐴘𐴝𐴕 𐴀𐴡𐴘𐴓𐴊𐴠 𐴀𐴠 𐴊𐴟𐴕𐴞𐴘𐴝𐴌 𐴀𐴟𐴏𐴟𐴦𐴓𐴢 𐴀𐴞𐴘𐴝𐴕 𐴇𐴝𐴌 𐴀𐴡 𐴑𐴡𐴖𐴔𐴡𐴌𐴡 𐴀𐴟𐴏𐴟𐴦𐴓𐴢 𐴎𐴝𐴌𐴝𐴌 𐴁𐴟𐴃𐴥𐴡𐴌𐴠 𐴒𐴝𐴘𐴌𐴡𐴃𐴢 𐴈𐴡𐴀𐴊𐴠 𐴏𐴞𐴏𐴧𐴝𐴕 𐴀𐴝𐴏𐴠| 𐴀𐴝𐴌 𐴀𐴞𐴘𐴝𐴕 𐴀𐴡𐴘𐴠𐴊𐴠 𐴀𐴡 𐴃𐴡𐴌𐴞𐴑𐴝 𐴎𐴞𐴘𐴝𐴕𐴡𐴌 𐴀𐴡𐴦𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴕 𐴏𐴞𐴌𐴞𐴉𐴢 𐴔𐴟𐴏𐴃𐴝𐴇𐴝𐴁𐴢 𐴕𐴡𐴀𐴡 𐴎𐴠 𐴀𐴝𐴣𐴀𐴌𐴝 𐴇𐴞𐴥𐴘𐴝𐴕𐴡𐴌 𐴀𐴡𐴦𐴌𐴠 𐴏𐴡𐴓𐴞𐴓𐴠 𐴏𐴟𐴖𐴝𐴁𐴢 𐴉𐴝𐴘𐴟𐴔𐴢 𐴀𐴝𐴌 𐴕𐴡 𐴏𐴡𐴓𐴞𐴓𐴠 𐴀𐴝𐴎𐴝𐴁𐴢 𐴈𐴡𐴕𐴡 𐴕𐴟𐴏𐴧𐴝𐴕𐴞 𐴕𐴝𐴘| 𐴀𐴠𐴕𐴊𐴞𐴓𐴧𐴝 𐴕𐴡𐴀𐴡! 𐴁𐴡𐴓𐴑𐴤𐴠 𐴀𐴞𐴘𐴝𐴕 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴘𐴠 𐴕𐴞𐴎𐴡𐴌 𐴑𐴞𐴃𐴝𐴁𐴡𐴔𐴧𐴝𐴎𐴠 𐴉𐴡𐴥𐴌𐴡𐴏𐴢 𐴒𐴡𐴙𐴅𐴧𐴠| 𐴀𐴝𐴓𐴧𐴝𐴤𐴌 𐴇𐴟𐴣𐴐𐴞𐴘𐴝𐴌𐴞 𐴀𐴡𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴃𐴟𐴣𐴖𐴝𐴌𐴝 𐴔𐴡𐴎𐴓𐴟𐴔𐴢 𐴀𐴡𐴑𐴧𐴡𐴓𐴡𐴌 𐴔𐴡𐴊𐴡𐴃𐴢 𐴕𐴡 𐴒𐴡𐴌𐴡 , 𐴑𐴟𐴉𐴡𐴌 𐴀𐴝𐴊𐴧𐴠 𐴎𐴟𐴓𐴟𐴔𐴡𐴌 𐴌𐴝𐴏𐴧𐴝 𐴎𐴡𐴊𐴞 𐴀𐴞𐴔𐴝𐴕𐴡𐴌 𐴁𐴡𐴓𐴢 𐴓𐴡𐴘 𐴕𐴡𐴌𐴟𐴑𐴡 𐴃𐴡𐴘𐴓𐴠 𐴊𐴟𐴕𐴞𐴘𐴝 𐴉𐴞𐴃𐴕𐴝 𐴉𐴡𐴏𐴝𐴊𐴢 𐴓𐴡𐴘 𐴁𐴤𐴡𐴌𐴞 𐴎𐴝𐴘𐴁𐴡𐴦𐴘 𐴀𐴝𐴌 𐴊𐴟𐴕𐴞𐴘𐴝𐴌 𐴎𐴞𐴕𐴊𐴠𐴒𐴞 𐴀𐴝𐴎𐴝𐴁𐴡𐴌 𐴎𐴞𐴕𐴊𐴠𐴒𐴞 𐴀𐴡𐴘 𐴎𐴝𐴘𐴁𐴡𐴦𐴘||
𐴀𐴝𐴓𐴧𐴝𐴤 𐴌𐴡𐴁𐴧𐴟𐴓𐴢 𐴀𐴞𐴎𐴧𐴡𐴃𐴠 𐴀𐴠 𐴀𐴟𐴔𐴧𐴡𐴃𐴡𐴌 𐴀𐴡𐴦𐴌𐴠 𐴅𐴞𐴇𐴝𐴦𐴊𐴢 𐴀𐴝𐴊𐴧𐴠 𐴑𐴞𐴃𐴝𐴦𐴓𐴢 𐴒𐴡𐴌𐴡𐴕𐴡𐴌𐴠 𐴉𐴡𐴥𐴌𐴡𐴏𐴢 𐴒𐴡𐴌𐴞 𐴊𐴞𐴘𐴠| 𐴎𐴡𐴊𐴞 𐴘𐴥𐴡 𐴀𐴝𐴣𐴀𐴌𐴝𐴃𐴧𐴟 𐴀𐴞𐴘𐴝𐴕 𐴕𐴝𐴉𐴡𐴏𐴡𐴕 𐴑𐴞𐴕𐴃𐴟 𐴘𐴝𐴀𐴝𐴕 𐴁𐴠𐴐𐴥𐴡𐴑 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝𐴌 𐴇𐴡𐴑𐴟𐴔𐴢| 𐴎𐴟𐴌𐴟𐴌𐴞 𐴕𐴡𐴀𐴡 𐴎𐴞𐴘𐴝𐴕 𐴀𐴝𐴣𐴀𐴌𐴝𐴃𐴧𐴟 𐴕𐴝𐴉𐴡𐴏𐴡𐴕، 𐴇𐴞𐴥𐴘𐴝𐴕 𐴇𐴝𐴑𐴞𐴑𐴡𐴃𐴡𐴔𐴧𐴝𐴎𐴠𐴘𐴡 𐴈𐴝𐴦𐴙𐴌 𐴕𐴡𐴀𐴡𐴘𐴁𐴡, 𐴀𐴝𐴌 𐴎𐴞𐴘𐴝𐴕 𐴀𐴝𐴣𐴀𐴌𐴝𐴃𐴧𐴟 𐴁𐴤𐴝𐴓𐴝 𐴓𐴝𐴒𐴞𐴁𐴡 𐴇𐴞𐴥𐴘𐴝𐴕 𐴇𐴝𐴑𐴞𐴑𐴡𐴃𐴡𐴔𐴧𐴝𐴎𐴠𐴘𐴡 𐴁𐴝𐴤𐴓𐴝 𐴀𐴡𐴘𐴁𐴡, 𐴀𐴠𐴕𐴊𐴞𐴓𐴧𐴝 𐴕𐴡𐴀𐴡!
𐴊𐴟𐴕𐴞𐴘𐴝𐴃𐴧𐴟 𐴎𐴟𐴓𐴟𐴔𐴢 𐴀𐴝𐴊𐴧𐴠 𐴀𐴝𐴊𐴝𐴦𐴖𐴡𐴃𐴢 𐴈𐴡𐴃𐴡𐴔𐴢 𐴒𐴡𐴌𐴡𐴕 𐴀𐴝𐴌 𐴀𐴝𐴊𐴡𐴓𐴡 𐴀𐴞𐴕𐴏𐴝𐴦𐴉𐴢 𐴑𐴝𐴦𐴘𐴠𐴔𐴢 𐴒𐴡𐴌𐴡𐴕, 𐴒𐴝𐴘𐴌𐴟𐴓𐴧𐴝𐴌 𐴑𐴟𐴖𐴧𐴡𐴃𐴢 𐴀𐴝𐴊𐴧𐴠 𐴐𐴡𐴦𐴗𐴑 𐴁𐴝𐴚𐴞𐴘𐴡𐴌𐴠 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴑𐴡𐴓𐴞𐴔𐴝𐴌𐴠 𐴁𐴟𐴓𐴡𐴕 𐴒𐴡𐴌𐴡𐴕 𐴀𐴝𐴌 𐴐𐴡𐴘𐴃𐴝𐴕𐴡𐴌 𐴇𐴡𐴑𐴟𐴔𐴌𐴝𐴕𐴡𐴌 𐴔𐴟𐴑𐴝𐴦𐴁𐴡𐴓𐴝𐴃𐴢 𐴌𐴡𐴇𐴔𐴝𐴦𐴕𐴡𐴌 𐴇𐴡𐴑𐴟𐴔𐴡𐴌𐴠 𐴑𐴝𐴦𐴘𐴠𐴔𐴢 𐴒𐴡𐴌𐴡𐴕-𐴀𐴞𐴦𐴕 𐴁𐴠𐴒𐴧𐴟𐴕 𐴎𐴡𐴌𐴟𐴌𐴞 𐴀𐴝𐴊𐴧𐴠 𐴉𐴡𐴌𐴡𐴎𐴢| 𐴀𐴝𐴌 𐴀𐴠 𐴇𐴝𐴔𐴒𐴞𐴕 𐴁𐴝𐴦𐴃𐴠𐴓𐴢 𐴀𐴡𐴑𐴧𐴡𐴓𐴡𐴌 𐴊𐴝𐴃𐴢 𐴁𐴝𐴤𐴚𐴡𐴕 𐴏𐴝𐴌𐴝 𐴀𐴡𐴘 𐴕𐴡𐴉𐴝𐴌𐴠| 𐴇𐴡𐴑𐴡𐴌𐴠 𐴒𐴝𐴦𐴓𐴠𐴁𐴢 𐴒𐴡𐴌𐴞𐴁𐴡𐴓𐴧𐴝 𐴀𐴝𐴇𐴓𐴠 𐴇𐴡𐴑 𐴀𐴡𐴑𐴧𐴡𐴓𐴡𐴃𐴧𐴟 𐴁𐴝𐴦𐴃𐴠𐴓𐴡𐴌 𐴃𐴝𐴦𐴑𐴡𐴃𐴡𐴌 𐴈𐴠𐴓𐴝𐴦𐴉𐴢 𐴓𐴝𐴌𐴝𐴘 𐴒𐴡𐴌𐴝 𐴉𐴡𐴌𐴞𐴁𐴡| 𐴇𐴞𐴥𐴘𐴝𐴌 𐴁𐴝𐴀𐴝𐴊𐴠, 𐴏𐴟𐴁𐴇𐴝𐴦𐴕𐴡𐴓𐴧𐴝! 𐴀𐴝𐴓𐴧𐴝𐴤𐴌 𐴇𐴠𐴑𐴔𐴡𐴃𐴢 𐴊𐴠𐴑𐴞𐴘𐴡𐴦𐴕𐴝! 𐴎𐴠 𐴏𐴞𐴏𐴢 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴘𐴠 𐴐𐴡𐴌𐴀𐴞 𐴁𐴝𐴉𐴠 𐴉𐴡𐴥𐴌𐴡𐴎 𐴒𐴡𐴙𐴅𐴧𐴠 , 𐴑𐴟𐴊𐴌𐴡𐴃𐴞 𐴁𐴝𐴉𐴠 𐴘𐴡 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴘𐴠 𐴕𐴠𐴎𐴝𐴦𐴔𐴠 𐴇𐴝𐴘𐴝𐴃𐴡𐴌𐴠 𐴀𐴠𐴕𐴊𐴞𐴓𐴧𐴝 𐴁𐴝𐴕𐴝𐴘𐴠𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴡 𐴇𐴡𐴑𐴟𐴔𐴡𐴌 𐴀𐴡𐴦𐴌𐴠 𐴔𐴝𐴦𐴕𐴞 𐴅𐴞𐴇𐴝𐴦𐴊𐴡𐴌 𐴀𐴡𐴦𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴕 𐴏𐴝𐴌𐴝 𐴔𐴡𐴕𐴎𐴞𐴓𐴠 𐴔𐴡𐴑𐴏𐴡𐴊𐴢 𐴉𐴡𐴙𐴅𐴧𐴡𐴕𐴃𐴡 𐴉𐴡𐴦𐴏𐴞 𐴕𐴡𐴉𐴝𐴌𐴞𐴁𐴡| 𐴉𐴞𐴃𐴕𐴝 𐴉𐴡𐴏𐴝𐴊𐴢 𐴀𐴝𐴊𐴧𐴠 𐴎𐴟𐴓𐴟𐴔𐴢 𐴎𐴡𐴁𐴡𐴌𐴊𐴡𐴏𐴃𐴞 𐴈𐴡𐴃𐴡𐴔𐴢 𐴒𐴡𐴌𐴞𐴁𐴡𐴓𐴧𐴝 𐴁𐴡𐴓𐴞 𐴓𐴝𐴑𐴡 𐴓𐴝𐴑𐴡 𐴕𐴝𐴔𐴓𐴡𐴘𐴡𐴌𐴠 𐴐𐴝𐴕𐴃𐴞𐴌 𐴌𐴝𐴏𐴧𐴝𐴓𐴡𐴘 𐴑𐴟𐴉𐴟𐴌𐴞 𐴈𐴡𐴃𐴡𐴔𐴢 𐴒𐴡𐴙𐴃𐴧𐴡 𐴏𐴝𐴘𐴓𐴠𐴘𐴡 𐴈𐴡𐴃𐴡𐴔𐴢 𐴒𐴡𐴌𐴞 𐴕𐴡𐴉𐴝𐴌𐴞𐴁𐴡!
𐴃𐴤𐴝𐴌𐴞𐴑 𐴒𐴡𐴁𐴝 𐴀𐴝𐴏𐴠 𐴑𐴞 𐴁𐴡𐴓𐴞 𐴈𐴡𐴘𐴓𐴠, 𐴎𐴠𐴃𐴧𐴡𐴃𐴢 𐴀𐴝𐴓𐴧𐴝𐴤𐴌 𐴊𐴞𐴕 𐴒𐴝𐴦𐴓𐴠𐴁𐴢 𐴀𐴡𐴦𐴘𐴠 𐴀𐴝𐴌 𐴑𐴟𐴉𐴡𐴌 𐴀𐴝𐴊𐴧𐴠 𐴎𐴟𐴓𐴟𐴔𐴡𐴌 𐴑𐴞𐴓𐴝 𐴊𐴡𐴚𐴐𐴥𐴡 𐴀𐴡𐴘𐴧𐴠 𐴃𐴡𐴘𐴓𐴠 𐴇𐴞𐴦𐴕 𐴅𐴞𐴇𐴝𐴦𐴊𐴢 𐴀𐴝𐴊𐴧𐴠 𐴑𐴞𐴃𐴝𐴦𐴓𐴡𐴃𐴡𐴌 𐴎𐴡𐴌𐴞𐴘𐴝 𐴀𐴡𐴥𐴘𐴠𐴊𐴠| 𐴏𐴞𐴌𐴞𐴉𐴢 𐴊𐴝𐴀𐴖𐴡𐴃𐴢 𐴀𐴝𐴊𐴧𐴠 𐴃𐴡𐴁𐴓𐴞𐴒𐴡𐴌 𐴎𐴡𐴌𐴞𐴘𐴝 𐴀𐴠 𐴔𐴡𐴑𐴏𐴡𐴊𐴢 𐴇𐴝𐴦𐴏𐴠𐴓𐴢 𐴀𐴡𐴘 𐴕𐴡𐴉𐴝𐴌𐴠 𐴀𐴝𐴌 𐴅𐴞𐴇𐴝𐴦𐴊𐴢 𐴀𐴝𐴊𐴧𐴠 𐴑𐴞𐴃𐴝𐴦𐴓𐴡𐴌 𐴌𐴝𐴏𐴧𐴝 𐴏𐴝𐴌𐴝 𐴊𐴟𐴏𐴡𐴌𐴝 𐴀𐴝𐴔𐴡𐴕𐴞 𐴌𐴝𐴏𐴧𐴝 𐴊𐴞𐴘𐴡𐴌𐴠𐴘𐴡 𐴀𐴠 𐴔𐴡𐴑𐴏𐴡𐴊𐴢 𐴇𐴝𐴦𐴏𐴠𐴓 𐴒𐴡𐴌𐴞 𐴕𐴡𐴉𐴝𐴌𐴞𐴁𐴝| 𐴁𐴝𐴦𐴃𐴠𐴓𐴡𐴌 𐴈𐴠𐴓𐴝𐴦𐴉𐴢 𐴎𐴠𐴃𐴧𐴠 𐴇𐴡𐴑𐴡𐴌 𐴃𐴡𐴓𐴡𐴖𐴝𐴌 𐴏𐴡𐴓𐴞𐴁𐴡 𐴇𐴠𐴦𐴃𐴧𐴠 𐴎𐴝𐴘𐴡𐴌𐴠 𐴁𐴡𐴌𐴡 𐴁𐴡𐴌𐴡 𐴐𐴡𐴘𐴃𐴝𐴕 𐴔𐴝𐴌𐴝 𐴉𐴡𐴌𐴞𐴁𐴡| 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝𐴌 𐴀𐴠𐴌𐴐𐴝𐴊𐴢-
جاء الحق وزحق الباطل ان الباطل كان زهوقا
” 𐴎𐴠𐴃𐴧𐴠 𐴇𐴥𐴡𐴑 𐴀𐴝𐴙𐴐𐴧𐴠 𐴁𐴝𐴃𐴞𐴓𐴢 𐴊𐴡𐴚𐴐𐴥𐴡 𐴀𐴡𐴘𐴒𐴞𐴘𐴡𐴘| 𐴀𐴝𐴌 𐴁𐴠𐴐𐴥𐴡𐴑 𐴁𐴝𐴃𐴞𐴓𐴢 𐴊𐴡𐴚𐴐𐴥𐴡 𐴀𐴡𐴘𐴁𐴡”
𐴀𐴠 𐴀𐴟𐴏𐴟𐴓𐴒𐴝𐴕 𐴀𐴝𐴙𐴅𐴧𐴝 𐴀𐴝𐴦𐴉𐴞𐴘𐴝 𐴏𐴞𐴊𐴧𐴞𐴑𐴞 𐴁𐴡𐴙𐴕 𐴑𐴡𐴁𐴎𐴝 𐴃𐴝𐴑𐴡𐴕𐴡𐴌 𐴇𐴝𐴦𐴓𐴡𐴃𐴡𐴃𐴡 𐴀𐴝𐴓𐴧𐴝𐴤𐴇 𐴃𐴝𐴀𐴝𐴓𐴝𐴘𐴠 𐴀𐴝𐴣𐴀𐴌𐴝𐴌𐴠 𐴊𐴠𐴇𐴝𐴊𐴧𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴔𐴝𐴕𐴝𐴌 𐴑𐴟𐴉𐴧𐴝𐴌 𐴀𐴥𐴡𐴑𐴧𐴡𐴓𐴡𐴌 𐴓𐴞𐴋𐴝𐴌𐴠 𐴀𐴝𐴣𐴀𐴌𐴝𐴌 𐴁𐴡𐴙𐴕𐴡𐴌𐴠 𐴀𐴝𐴊𐴧𐴠 𐴎𐴠𐴌𐴉𐴟𐴖𐴝𐴌𐴠 𐴀𐴠𐴒𐴖𐴝 𐴒𐴡𐴌𐴞 𐴉𐴠𐴓𐴝𐴘𐴠| 𐴃𐴝𐴌𐴝 𐴀𐴝𐴈𐴞𐴌𐴞 𐴇𐴡𐴊𐴢 𐴉𐴡𐴙𐴅𐴧𐴡𐴕𐴃𐴡 𐴃𐴝𐴌 𐴀𐴡𐴦𐴌𐴠 𐴎𐴟𐴓𐴟𐴔𐴢 𐴏𐴡𐴓𐴝𐴘𐴠| 𐴀𐴝𐴌 𐴇𐴠𐴥 𐴎𐴟𐴓𐴟𐴔𐴢 𐴉𐴞𐴌𐴡𐴏𐴃𐴞 𐴈𐴡𐴕𐴡𐴑𐴞𐴙𐴝𐴃𐴧𐴟 𐴏𐴟𐴉𐴝𐴘𐴧𐴝 𐴘𐴥𐴡 𐴕𐴡𐴀𐴡| 𐴁𐴡𐴓𐴑𐴠 𐴃𐴝𐴔𐴝𐴦𐴔𐴢 𐴀𐴟𐴔𐴧𐴡𐴃𐴡𐴌 𐴇𐴝𐴣𐴏𐴠 𐴉𐴡𐴦𐴣𐴏𐴠𐴒𐴞𐴘𐴡𐴘 𐴉𐴞𐴃𐴞𐴕 𐴀𐴟𐴔𐴧𐴡𐴃𐴡𐴌 𐴃𐴡𐴌𐴉𐴡𐴃𐴧𐴟 𐴇𐴞𐴥𐴁𐴝𐴌𐴠 𐴈𐴝𐴓𐴝𐴏𐴞 𐴒𐴡𐴌𐴞𐴁𐴡𐴓𐴧𐴝𐴘𐴡 𐴑𐴟𐴐𐴞𐴐𐴢 𐴀𐴡𐴑𐴧𐴡𐴓𐴢 𐴒𐴡𐴌𐴝 𐴒𐴞𐴘𐴡𐴘| 𐴔𐴡𐴒𐴡𐴌 𐴎𐴠 𐴑𐴟𐴦𐴐𐴞𐴐𐴒𐴝𐴕 𐴑𐴡𐴔𐴝 𐴇𐴡𐴑𐴧𐴡𐴇𐴟 𐴒𐴡𐴌𐴝 𐴎𐴡𐴌𐴟𐴦𐴌𐴞, 𐴎𐴞𐴘𐴝𐴕 𐴉𐴡𐴌𐴊𐴡 𐴇𐴞𐴏𐴝𐴉𐴠𐴘𐴡 𐴀𐴝𐴌 𐴀𐴟𐴔𐴧𐴡𐴃𐴢 𐴇𐴞𐴏𐴝𐴉𐴠𐴘𐴡 𐴀𐴝𐴣𐴀𐴌𐴝𐴌 𐴀𐴡𐴦𐴌𐴠 𐴉𐴡𐴥𐴌𐴡𐴎, 𐴎𐴞𐴘𐴝𐴕 𐴑𐴟𐴌𐴝𐴕𐴡𐴔𐴧𐴝𐴎𐴠 𐴁𐴝𐴦𐴑𐴝𐴀𐴞𐴊𐴝 𐴕𐴝𐴔𐴢 𐴐𐴡𐴥𐴀𐴡 𐴎𐴞𐴑𐴞𐴌 𐴒𐴡𐴌𐴝 𐴒𐴞𐴘𐴧𐴠, 𐴇𐴞𐴘𐴝𐴕 𐴒𐴡𐴌𐴝 𐴕𐴡 𐴀𐴡𐴀| 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝 𐴀𐴞𐴔𐴝𐴕𐴊𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴕𐴡𐴏𐴁𐴡𐴃𐴢 𐴒𐴡𐴌𐴞𐴘𐴝𐴌𐴠 𐴈𐴡𐴘𐴧𐴠𐴊𐴠-
وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا
” 𐴀𐴝𐴌 𐴃𐴟𐴖𐴝𐴣𐴌𐴝𐴌 𐴑𐴞 𐴀𐴡𐴘𐴧𐴠 𐴃𐴟𐴖𐴝𐴣𐴌𐴝 𐴀𐴝𐴓𐴧𐴝𐴦𐴇𐴌 𐴌𐴝𐴏𐴧𐴝𐴃𐴢 𐴓𐴝𐴌𐴥𐴝𐴘 𐴕𐴡 𐴒𐴡𐴌𐴡⸮ 𐴑𐴞𐴕𐴃𐴟 𐴔𐴝𐴘𐴧𐴝𐴉𐴟𐴗𐴝 𐴀𐴝𐴊𐴧𐴝 𐴔𐴡𐴌𐴡𐴃𐴢 𐴉𐴡𐴗𐴝𐴣𐴃𐴧𐴟𐴕 𐴎𐴝𐴌𐴝 𐴈𐴡𐴔𐴎𐴡𐴌 𐴃𐴝𐴌𐴝 𐴀𐴝𐴊𐴧𐴠 𐴁𐴝𐴚𐴧𐴝 𐴀𐴦𐴡𐴓𐴠 𐴈𐴡𐴊𐴧𐴠 𐴀𐴡 𐴀𐴝𐴣𐴀𐴌𐴝𐴌 𐴌𐴡𐴁𐴢 𐴀𐴝𐴣𐴀𐴌𐴝𐴌𐴠 𐴀𐴠 𐴀𐴠𐴓𐴝𐴑𐴝𐴃𐴧𐴟𐴕 𐴕𐴠𐴘𐴓𐴝 𐴊𐴡 𐴎𐴠𐴍𐴠𐴤𐴌 𐴁𐴝𐴐𐴞𐴕𐴊𐴝𐴤 𐴀𐴦𐴡𐴓𐴢 𐴎𐴝𐴓𐴠𐴔𐴢| 𐴀𐴝𐴌 𐴀𐴝𐴣𐴀𐴌𐴝𐴓𐴧𐴝 𐴀𐴡𐴕𐴡𐴌 𐴃𐴡𐴌𐴉𐴡𐴃𐴧𐴟 𐴀𐴠𐴑𐴎𐴡𐴕 𐴖𐴝𐴓𐴞 𐴁𐴝𐴕𐴝𐴘 𐴊𐴡| 𐴀𐴝𐴌 𐴀𐴝𐴣𐴀𐴌𐴝𐴓𐴧𐴝 𐴃𐴟𐴖𐴝𐴣𐴌 𐴃𐴡𐴌𐴉𐴡𐴃𐴧𐴟 𐴀𐴠𐴑𐴎𐴡𐴕 𐴔𐴡𐴊𐴡𐴃𐴒𐴝𐴌 𐴁𐴝𐴕𐴝𐴘 𐴊𐴡𐴀| (𐴏𐴟𐴌𐴝 𐴕𐴞𐴏𐴝𐴦-𐴷𐴵)
𐴀𐴝𐴉𐴏𐴟𐴦𐴏𐴢! 𐴀𐴠 𐴉𐴡𐴥𐴌𐴡𐴏𐴡𐴌 𐴔𐴞𐴙𐴑𐴧𐴙𐴝 𐴏𐴞𐴌𐴞𐴉𐴢 𐴀𐴝𐴣𐴀𐴌𐴝 𐴔𐴟𐴃𐴡𐴖𐴝𐴅𐴧𐴟 𐴕𐴡𐴦𐴣𐴊𐴠 𐴀𐴠𐴀𐴕 𐴕𐴡𐴀𐴡 𐴁𐴡𐴓𐴑𐴠 𐴇𐴞𐴥𐴘𐴝𐴕𐴡𐴌𐴠 𐴀𐴞𐴕𐴑𐴝𐴌 𐴒𐴡𐴌𐴞𐴘𐴡𐴌𐴠 𐴀𐴠𐴦𐴕 𐴇𐴡𐴊𐴟𐴕 𐴌𐴝𐴏𐴧𐴝𐴌𐴠 𐴔𐴡𐴏𐴡𐴓𐴝 𐴇𐴡𐴓𐴡𐴌 𐴌𐴝𐴏𐴧𐴝 𐴁𐴟𐴎𐴝 𐴐𐴟𐴥𐴌𐴟 𐴒𐴡𐴙𐴅𐴧𐴞 𐴎𐴞𐴦𐴕𐴡𐴌 𐴎𐴡𐴌𐴞𐴘𐴝 𐴔𐴡𐴎𐴓𐴟𐴔𐴢 𐴀𐴡𐴑𐴧𐴡𐴓𐴡𐴌 𐴎𐴟𐴓𐴟𐴔𐴡𐴔𐴧𐴝𐴎𐴠 𐴀𐴠𐴎𐴝𐴉𐴝𐴤 𐴀𐴡𐴥 𐴀𐴝𐴌 𐴎𐴝𐴦𐴓𐴠𐴔𐴢 𐴀𐴡𐴑𐴧𐴡𐴓𐴡 𐴁𐴠𐴐𐴞 𐴃𐴝𐴦𐴑𐴡𐴃𐴖𐴝𐴦𐴌 𐴀𐴡𐴥!
𐴊𐴟𐴑 𐴃𐴡 𐴀𐴞𐴘𐴝𐴕𐴡𐴌 𐴀𐴡𐴦𐴌𐴠𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴉𐴡𐴥𐴌𐴡𐴏𐴡𐴌 𐴔𐴞𐴑𐴧𐴙𐴝 𐴎𐴠𐴦𐴣𐴃𐴧𐴠 𐴋𐴝𐴇𐴝 𐴎𐴝 𐴀𐴝𐴌 𐴀𐴝𐴌𐴡𐴏𐴢 𐴒𐴡𐴌𐴝 𐴎𐴝𐴊𐴠 𐴑𐴞𐴁𐴡 𐴈𐴡𐴘𐴓𐴠 𐴀𐴠 𐴌𐴝𐴏𐴧𐴝 𐴀𐴠𐴈𐴃𐴞𐴘𐴝𐴌 𐴒𐴡𐴌𐴡𐴕 𐴏𐴝𐴌𐴝 𐴎𐴝𐴦𐴓𐴠𐴔𐴡𐴌𐴠 𐴎𐴟𐴓𐴟𐴔𐴡𐴃𐴧𐴟 𐴌𐴟𐴑𐴝 𐴕𐴡𐴎𐴝𐴘𐴁𐴡, 𐴀𐴝𐴓𐴧𐴝𐴤𐴌 𐴊𐴞𐴕 𐴎𐴡𐴔𐴞𐴕𐴡𐴃𐴢 𐴑𐴝𐴀𐴠𐴔𐴢 𐴀𐴡𐴘 𐴕𐴡𐴉𐴝𐴌𐴞𐴁𐴡 𐴀𐴝𐴌 𐴊𐴟𐴏𐴡𐴌𐴝 𐴔𐴝𐴕𐴟𐴙𐴐𐴢 𐴀𐴡𐴑𐴧𐴡𐴓𐴡𐴌𐴠 𐴈𐴝𐴦𐴙𐴌 𐴀𐴝𐴌 𐴑𐴝𐴦𐴔𐴞𐴘𐴝𐴁𐴢 𐴒𐴡𐴌𐴡𐴕𐴡𐴌 𐴎𐴞𐴔𐴧𐴝𐴊𐴝𐴌𐴞 𐴉𐴟𐴌𐴝 𐴒𐴡𐴌𐴡𐴕 𐴃𐴡 𐴊𐴟𐴌𐴡𐴌 𐴈𐴡𐴃𐴝 𐴈𐴟𐴦𐴊𐴢 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴃𐴧𐴟 𐴔𐴟𐴏𐴡𐴓𐴔𐴝𐴕 𐴇𐴞𐴏𐴝𐴉𐴠 𐴁𐴝𐴏𐴞 𐴃𐴝𐴑𐴡𐴕 𐴔𐴡𐴐𐴑𐴞𐴓𐴢 𐴀𐴡𐴘 𐴎𐴝𐴘𐴁𐴡𐴘||
𐴀𐴝𐴌 𐴀𐴠 𐴈𐴡𐴃𐴝𐴒𐴞𐴕 𐴇𐴡𐴕𐴞𐴑𐴧𐴡𐴌𐴠 𐴈𐴡𐴘𐴁𐴝𐴌𐴡 𐴀𐴝𐴒𐴠… 𐴐𐴡𐴌𐴞𐴘𐴡𐴃𐴡𐴌 𐴇𐴡𐴑𐴟𐴔𐴢, 𐴀𐴝𐴓𐴧𐴝𐴤𐴌 𐴑𐴞𐴃𐴝𐴁𐴢, 𐴌𐴡𐴏𐴟𐴦𐴓𐴢 (𐴏𐴓𐴢) 𐴔𐴡𐴌 𐴏𐴞𐴦𐴌𐴡𐴃𐴢 𐴀𐴝𐴌 𐴉𐴟𐴑𐴝𐴇𐴝𐴦𐴘𐴠 𐴑𐴠𐴌𐴝𐴔𐴡𐴌 𐴐𐴡𐴃𐴡 𐴐𐴡𐴃𐴡 𐴁𐴡𐴏𐴡𐴌𐴡𐴌 𐴀𐴠𐴓𐴡𐴤𐴔𐴡𐴌 𐴁𐴝𐴕𐴋𐴝𐴌𐴡𐴃𐴧𐴞 𐴀𐴞𐴎𐴧𐴡𐴃𐴡𐴌 𐴏𐴧𐴝𐴀𐴃𐴠 𐴔𐴠𐴏𐴝𐴓𐴢 𐴂𐴠𐴐𐴢 𐴒𐴡𐴌𐴝 𐴒𐴞𐴘𐴠| 𐴇𐴞𐴘𐴝𐴃𐴧𐴟𐴕𐴡 𐴘𐴝𐴀𐴝𐴕 𐴏𐴝𐴁𐴠𐴃𐴢 𐴀𐴡𐴀 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴕𐴠𐴎𐴝𐴦𐴔𐴠 𐴎𐴟𐴓𐴟𐴔𐴢 𐴀𐴝𐴌 𐴇𐴞𐴦𐴕𐴡𐴌𐴠 𐴏𐴝𐴓𐴡𐴘𐴝 𐴀𐴝𐴘𐴞𐴔𐴧𐴡𐴃𐴟𐴓𐴢 𐴑𐴟𐴉𐴡𐴌𐴡𐴌 𐴔𐴟𐴈𐴝𐴦𐴓𐴠𐴉𐴢 𐴅𐴞𐴇𐴝𐴦𐴊𐴢 𐴒𐴡𐴌𐴡𐴕 𐴉𐴡𐴥𐴌𐴡𐴏𐴢 𐴀𐴝𐴌 𐴀𐴠 𐴉𐴡𐴥𐴌𐴡𐴏𐴡𐴌𐴠 𐴃𐴡𐴌𐴡𐴑 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴃𐴧𐴟 𐴒𐴟𐴓𐴝𐴔𐴞 𐴒𐴡𐴌𐴡𐴕, 𐴌𐴞𐴏𐴖𐴝𐴀𐴞 𐴀𐴡𐴦𐴕 𐴀𐴝𐴌 𐴒𐴟𐴔𐴌𐴝𐴇𐴞 𐴓𐴝𐴦𐴎𐴠𐴔𐴢 𐴀𐴝𐴘𐴠||
𐴑𐴞𐴕𐴃𐴟 𐴀𐴝𐴉𐴏𐴦𐴡𐴏𐴡𐴌 𐴈𐴡𐴃𐴝 𐴀𐴡𐴘𐴓𐴠- 𐴀𐴠 𐴐𐴡𐴌𐴀𐴞𐴦، 𐴀𐴝𐴑𐴡𐴓𐴞 𐴀𐴝𐴊𐴧𐴠 𐴃𐴝𐴦𐴌𐴞𐴈𐴞 𐴇𐴝𐴑𐴞𐴑𐴡𐴃𐴡𐴌𐴠 𐴘𐴥𐴡 𐴅𐴡𐴎𐴁𐴝𐴃𐴞 𐴇𐴡𐴦𐴘𐴡𐴌𐴠 𐴁𐴦𐴡𐴃𐴢 𐴔𐴝𐴙𐴕𐴐𐴥𐴠 𐴌𐴡𐴊𐴢 𐴒𐴡𐴌𐴞𐴊𐴠𐴘| 𐴃𐴝𐴌𐴝 𐴇𐴡𐴦𐴀𐴊𐴠 𐴅𐴞𐴇𐴝𐴦𐴊𐴢 𐴃𐴡 𐴘𐴡𐴑𐴞𐴕𐴞 𐴁𐴝𐴉𐴠 𐴉𐴡𐴥𐴌𐴡𐴏𐴢, 𐴑𐴞𐴃𐴝𐴁𐴟𐴓𐴧𐴝 𐴀𐴝𐴌 𐴏𐴟𐴕𐴧𐴡𐴃𐴠 𐴌𐴡𐴏𐴟𐴦𐴓𐴞𐴓𐴧𐴝𐴌 𐴔𐴝𐴎𐴠 𐴅𐴞𐴇𐴝𐴦𐴊𐴡𐴌 𐴀𐴝𐴇𐴑𐴝𐴦𐴔𐴢 𐴀𐴡𐴑𐴧𐴡𐴓𐴢 𐴔𐴡𐴀𐴅𐴟𐴊𐴢 𐴀𐴝𐴏𐴠| 𐴇𐴡𐴕𐴡 𐴐𐴡𐴑 𐴐𐴟𐴁𐴝 𐴕𐴝𐴘| 𐴀𐴞𐴦𐴕𐴡𐴌𐴠 𐴇𐴡𐴕𐴠 𐴀𐴞𐴕𐴑𐴝𐴌 𐴒𐴡𐴌𐴞? 𐴑𐴞𐴕𐴃𐴟 𐴀𐴠𐴇𐴡𐴕𐴡𐴌 𐴎𐴡𐴔𐴝𐴕𐴝 𐴁𐴡𐴊𐴡𐴓𐴞 𐴒𐴞𐴘𐴡𐴘 𐴀𐴠𐴇𐴡𐴕 𐴔𐴝𐴃𐴝𐴤 𐴇𐴝𐴍𐴡𐴕𐴡𐴌 𐴎𐴡𐴔𐴝𐴕𐴝 𐴕𐴡𐴀𐴡 𐴁𐴡𐴓𐴑𐴤𐴠 𐴔𐴝𐴃𐴝𐴃𐴢 𐴀𐴝𐴀𐴝𐴃𐴢 𐴁𐴟𐴓𐴝𐴘 𐴊𐴠𐴀𐴕𐴡𐴌 𐴊𐴡𐴦𐴗𐴌| 𐴀𐴠𐴇𐴡𐴕 𐴔𐴡𐴏𐴡𐴓𐴝 𐴅𐴞𐴇𐴝𐴦𐴊𐴡𐴌 𐴎𐴡𐴌𐴞𐴘𐴝 𐴕𐴡𐴀𐴡 𐴔𐴟𐴎𐴝𐴑𐴡𐴌𐴝𐴦𐴃𐴢 𐴀𐴝𐴌 𐴔𐴞𐴄𐴞𐴚 𐴀𐴝𐴊𐴧𐴠 𐴐𐴝𐴕𐴃𐴞 𐴔𐴡𐴅𐴓𐴞𐴏𐴡𐴌 𐴎𐴡𐴌𐴞𐴘𐴝 𐴇𐴡𐴓𐴢 𐴀𐴡𐴥𐴊𐴠| 𐴀𐴠𐴇𐴡𐴕 𐴕𐴞𐴎𐴡𐴌 𐴇𐴟𐴑𐴟𐴑 𐴋𐴠𐴔𐴟𐴑𐴟𐴌𐴞𐴏𐴞𐴌 𐴑𐴝𐴦𐴕𐴟𐴕 𐴔𐴡𐴎𐴠𐴕 𐴀𐴝𐴊𐴝𐴘 𐴒𐴡𐴌𐴝 𐴎𐴝𐴊𐴠| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴓𐴝𐴌𐴝𐴘 𐴀𐴝𐴊𐴧𐴠 𐴇𐴡𐴅𐴧𐴙𐴝𐴌 𐴈𐴡𐴃𐴝 𐴉𐴟𐴌𐴝𐴕𐴝 𐴀𐴡𐴘 𐴒𐴞𐴘𐴡𐴘 ، 𐴀𐴠𐴃𐴡𐴓𐴧𐴝 𐴀𐴠𐴒𐴞𐴕𐴡𐴌𐴠 𐴅𐴝𐴇𐴝𐴊𐴢 𐴕𐴡𐴀𐴡 𐴁𐴡𐴓𐴑𐴤𐴠 𐴀𐴝𐴃𐴡𐴚𐴁𐴝𐴊𐴞 𐴈𐴡𐴘𐴝𐴌𐴠 𐴕𐴝𐴔𐴢 𐴊𐴞𐴘𐴠||
𐴀𐴞𐴀𐴕 𐴉𐴟𐴕𐴞𐴘𐴡𐴌𐴠 𐴀𐴝𐴣𐴀𐴌𐴝𐴃𐴧𐴟 𐴀𐴞𐴘𐴝𐴕 𐴈𐴡𐴦𐴕𐴡𐴔𐴧𐴝𐴎𐴠 𐴇𐴡𐴕𐴡 𐴃𐴡𐴌𐴡𐴊𐴧𐴟𐴊𐴢 𐴕𐴡𐴃𐴝𐴑𐴠𐴘𐴝 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴀𐴝𐴕𐴊𐴝𐴎𐴓𐴡𐴘 𐴉𐴡𐴥𐴌𐴡𐴏𐴢 𐴅𐴞𐴇𐴝𐴦𐴊𐴡𐴃𐴢 𐴃𐴝𐴖𐴞𐴓𐴢 𐴒𐴡𐴌𐴞𐴁𐴡𐴓𐴧𐴝 𐴘𐴦𐴝𐴃𐴡 𐴁𐴡𐴓𐴑𐴠 𐴔𐴟𐴈𐴝𐴦𐴓𐴠𐴉𐴡𐴃𐴢 𐴒𐴡𐴌𐴡𐴕𐴡𐴔𐴧𐴝𐴎𐴠 𐴈𐴟𐴦𐴊𐴢 𐴀𐴠 𐴀𐴠𐴈𐴃𐴠𐴓𐴝𐴦𐴉𐴢 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴠 𐴅𐴡𐴎𐴁𐴝𐴃𐴞 𐴀𐴡𐴘𐴝𐴌𐴠 𐴈𐴡𐴔𐴢 𐴒𐴡𐴌𐴞𐴌| 𐴀𐴞𐴃𐴝𐴌𐴝 𐴀𐴠𐴑𐴁𐴝𐴌 𐴄𐴝𐴤𐴕𐴋𐴝 𐴊𐴞𐴓𐴡 𐴊𐴠𐴔𐴝𐴒𐴢 𐴓𐴡𐴘𐴡𐴌𐴠 𐴕𐴡𐴁𐴝𐴉𐴠𐴌 ، 𐴃𐴝𐴇𐴑𐴞𐴑 𐴀𐴝𐴊𐴧𐴠 𐴀𐴝𐴔𐴡𐴓𐴡𐴌 𐴕𐴞𐴘𐴡𐴃𐴢 𐴓𐴡𐴘 𐴕𐴡 𐴉𐴡𐴌𐴠𐴌| 𐴀𐴝𐴌 𐴔𐴝𐴃𐴝𐴌 𐴏𐴟𐴑 𐴓𐴡𐴘 𐴕𐴠𐴎𐴝𐴦𐴔𐴠 𐴊𐴟𐴕𐴞𐴘𐴝 𐴔𐴟𐴐𐴝𐴦𐴇𐴝𐴊𐴝 𐴘𐴥𐴡 𐴕𐴡 𐴒𐴡𐴌𐴠𐴌، 𐴘𐴝𐴦𐴃𐴡 𐴁𐴠𐴒𐴧𐴟𐴕 𐴎𐴝𐴕𐴝 𐴉𐴟𐴕𐴡𐴕𐴠𐴌 𐴁𐴦𐴝𐴊𐴠𐴘𐴥𐴡 𐴏𐴟𐴑 𐴁𐴡𐴕 𐴒𐴡𐴌𐴞𐴘𐴝𐴌𐴠 𐴕𐴝𐴊𐴠𐴈𐴞𐴁𐴝𐴌 𐴁𐴝𐴇𐴤𐴝𐴕𐴝 𐴒𐴡𐴌𐴠𐴌||
𐴀𐴞𐴃𐴝𐴌𐴝 𐴀𐴠𐴦𐴕 𐴀𐴠𐴑𐴧𐴝𐴕 𐴌𐴝𐴏𐴧𐴝𐴌 𐴀𐴡𐴦𐴌𐴠 𐴀𐴠𐴏𐴌𐴝𐴌 𐴒𐴡𐴌𐴠 𐴎𐴞𐴁𐴝𐴌 𐴁𐴝𐴁𐴡𐴃𐴞 𐴈𐴦𐴟𐴊𐴢 𐴇𐴞𐴃𐴝𐴌𐴝 𐴘𐴥𐴡 𐴎𐴝𐴕𐴠 𐴀𐴝𐴊𐴧𐴠 𐴈𐴡𐴀𐴊𐴠 𐴑𐴞 𐴀𐴞𐴁𐴝𐴌 𐴎𐴡𐴌𐴞𐴘𐴝 𐴀𐴞𐴏𐴓𐴝𐴔𐴡𐴌 𐴒𐴡𐴓𐴁𐴝𐴀𐴞 𐴀𐴝𐴊𐴧𐴠 𐴎𐴟𐴓𐴟𐴔𐴡𐴌 𐴈𐴡𐴃𐴡𐴔𐴢 𐴔𐴟𐴔𐴑𐴠𐴕 𐴕𐴡𐴀𐴡 𐴀𐴡𐴘𐴁𐴡| 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 𐴐𐴡𐴌𐴀𐴞 𐴊𐴡𐴓𐴞𐴓𐴢, 𐴀𐴝𐴑𐴡𐴓𐴞 𐴁𐴝𐴉𐴠 𐴘𐴦𐴝𐴃𐴡 𐴃𐴝𐴤𐴌𐴞𐴈 𐴔𐴟𐴃𐴝𐴦𐴁𐴠𐴑 𐴇𐴡𐴕𐴡 𐴏𐴟𐴦𐴌𐴡𐴃𐴠 𐴀𐴠 𐴈𐴡𐴃𐴝 𐴔𐴟𐴃𐴝𐴁𐴠𐴌 𐴕𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴞𐴏𐴓𐴝𐴔𐴢 𐴑𐴟𐴉𐴡𐴌𐴡𐴌 𐴌𐴠𐴅𐴞𐴏𐴄𐴡𐴌𐴞 𐴃𐴡𐴌𐴞𐴑𐴤𐴝 𐴀𐴝𐴊𐴧𐴠 𐴊𐴟𐴕𐴞𐴘𐴝𐴌 𐴃𐴝𐴦𐴒𐴟𐴃𐴢 𐴀𐴡𐴑𐴧𐴡𐴓𐴡𐴌 𐴔𐴡𐴕𐴎𐴟𐴌 𐴒𐴡𐴙𐴅𐴧𐴝 𐴌𐴝𐴏𐴧𐴝𐴓𐴡𐴘 𐴏𐴡𐴓𐴞 𐴒𐴝𐴦𐴓𐴠𐴁𐴢 𐴀𐴡𐴘𐴎𐴝𐴘𐴁𐴡𐴘| 𐴁𐴡𐴓𐴑𐴤𐴠 𐴎𐴝𐴦𐴓𐴠𐴔𐴢 𐴀𐴡𐴑𐴧𐴡𐴓𐴡𐴌 𐴃𐴡𐴌𐴞𐴑𐴥𐴝 𐴓𐴡𐴘 𐴏𐴡𐴓𐴞𐴘𐴡𐴌𐴠 𐴈𐴡𐴕𐴡𐴊𐴞𐴕𐴡 𐴎𐴟𐴓𐴟𐴔𐴡𐴃𐴧𐴞 𐴕𐴠𐴅𐴝𐴕 𐴉𐴝𐴀 𐴕𐴡 𐴎𐴝| 𐴎𐴠 𐴌𐴝𐴏𐴧𐴝 𐴀𐴡𐴑𐴧𐴡𐴓𐴡𐴃𐴧𐴟 𐴀𐴞𐴃𐴝𐴌𐴝 𐴀𐴞𐴏𐴓𐴝𐴔𐴢 𐴀𐴝𐴊𐴧𐴠 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌 𐴈𐴝𐴦𐴙𐴌 𐴀𐴝𐴕𐴞𐴁𐴝𐴌 𐴈𐴡𐴃𐴝 𐴇𐴡𐴘𐴧𐴠 𐴀𐴝𐴌 𐴐𐴡𐴥𐴌𐴀𐴞 𐴕𐴡𐴏𐴡𐴌𐴠 𐴃𐴝𐴦𐴖𐴞𐴦𐴓𐴢 𐴒𐴡𐴌𐴞𐴘𐴡𐴌𐴠 𐴇𐴞𐴦𐴕𐴡𐴌𐴠 𐴐𐴡𐴌𐴞𐴘𐴡𐴃𐴢 𐴔𐴟𐴃𐴝𐴦𐴁𐴠𐴑 𐴏𐴝𐴦𐴁𐴠𐴃𐴢 𐴒𐴡𐴌𐴠𐴌 𐴀𐴠 𐴌𐴝𐴏𐴧𐴝𐴌 𐴖𐴝𐴌𐴠 𐴏𐴡𐴓𐴞𐴁𐴡𐴓𐴧𐴝 𐴁𐴤𐴝𐴓𐴝𐴀𐴞 𐴀𐴝𐴊𐴧𐴠 𐴁𐴟𐴌𐴝𐴀𐴞𐴌 𐴇𐴝𐴑𐴞𐴑𐴡𐴃𐴢 𐴁𐴡𐴊𐴓𐴞 𐴎𐴝𐴒𐴡𐴘| 𐴊𐴦𐴞𐴕𐴡𐴌 𐴇𐴝𐴑𐴞𐴑𐴡𐴃𐴢 𐴀𐴝𐴊𐴧𐴠 𐴐𐴡𐴌𐴞𐴀𐴝𐴃𐴡𐴌 𐴃𐴝𐴇𐴎𐴞𐴁𐴢 𐴃𐴡𐴔𐴝𐴊𐴧𐴟𐴕 𐴑𐴟𐴌𐴁𐴝𐴕𐴞 𐴒𐴡𐴌𐴝 𐴉𐴡𐴌𐴠| 𐴀𐴠𐴀𐴕 𐴌𐴝𐴏𐴧𐴝 𐴐𐴡𐴌𐴞𐴀𐴝𐴃𐴡𐴃𐴢 𐴑𐴠𐴀𐴚 𐴒𐴡𐴌𐴞 𐴅𐴝𐴀𐴠𐴎 𐴀𐴡𐴘𐴉𐴝𐴌𐴠⸮
𐴀𐴝𐴣𐴀𐴌𐴝 𐴃𐴡𐴏𐴓𐴞𐴔𐴢 𐴒𐴡𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴓𐴧𐴝𐴤𐴌 𐴀𐴠 𐴊𐴦𐴞𐴕 𐴒𐴡𐴓𐴁𐴝𐴀𐴞 𐴏𐴝𐴦𐴌| 𐴀𐴝𐴣𐴀𐴌𐴝 𐴕𐴞𐴎𐴡𐴌 𐴅𐴝𐴕, 𐴉𐴟𐴖𐴝𐴙𐴕 𐴀𐴝𐴌 𐴅𐴡𐴔𐴝𐴃𐴡𐴌 𐴀𐴡𐴦𐴌𐴠𐴘𐴡 𐴊𐴞𐴕𐴡𐴌𐴠 𐴀𐴟𐴎𐴝 𐴊𐴞𐴘𐴟𐴔𐴢| 𐴇𐴞𐴥𐴘𐴝𐴌 𐴁𐴦𐴝𐴊𐴠 𐴀𐴝𐴓𐴧𐴝𐴤𐴌 𐴁𐴡𐴕𐴊𐴝𐴤 𐴀𐴡𐴑𐴧𐴡𐴓𐴡𐴌𐴠 𐴀𐴝𐴓𐴧𐴝𐴤𐴓𐴧𐴡𐴘 𐴎𐴟𐴌𐴝𐴘 𐴊𐴞𐴁𐴡𐴓𐴧𐴝 𐴀𐴝𐴌 𐴒𐴡𐴙𐴌𐴟𐴓𐴧𐴝𐴦𐴌 𐴇𐴡𐴑𐴟𐴔𐴡𐴃𐴡𐴌𐴠 𐴈𐴡𐴃𐴡𐴔𐴢 𐴒𐴡𐴌𐴞𐴁𐴡𐴓𐴧𐴝 𐴊𐴦𐴞𐴕𐴡𐴌 𐴊𐴟𐴐𐴧𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴘𐴥𐴡 𐴈𐴡𐴃𐴡𐴔𐴢 𐴒𐴡𐴌𐴡𐴕𐴡𐴌𐴠 𐴕𐴞𐴎𐴡𐴌 𐴀𐴡𐴌𐴠 𐴓𐴝𐴎𐴠𐴔𐴢 𐴒𐴡𐴌𐴞 𐴓𐴡𐴘𐴟𐴔𐴢| 𐴀𐴝𐴌 𐴀𐴞𐴘𐴝𐴕 𐴀𐴡 𐴔𐴡𐴑𐴏𐴡𐴊𐴢 𐴎𐴞𐴘𐴝𐴕𐴡𐴓𐴧𐴝 𐴅𐴞𐴇𐴝𐴊𐴢 𐴒𐴡𐴌𐴡𐴕𐴡𐴌𐴠 𐴐𐴡𐴌𐴞𐴘𐴡𐴃𐴡𐴃𐴢 𐴉𐴡𐴥𐴌𐴡𐴏𐴢 𐴒𐴡𐴌𐴝 𐴒𐴞𐴘𐴠| 𐴀𐴝𐴌 𐴀𐴝𐴣𐴀𐴌𐴝 𐴉𐴡𐴥𐴌𐴡𐴏𐴢 𐴇𐴞𐴥𐴘𐴝𐴕𐴡𐴌𐴠 𐴎𐴠𐴇𐴡𐴕𐴡 𐴏𐴟𐴦𐴌𐴡𐴃𐴢 𐴓𐴡𐴘 𐴀𐴝𐴊𐴝𐴘 𐴒𐴡𐴘𐴅𐴧𐴟𐴔𐴢||
𐴀𐴝𐴣𐴀𐴌𐴝 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴀𐴞𐴕𐴑𐴞𐴓𐴝𐴁𐴡𐴌 𐴎𐴡𐴌𐴞𐴘𐴝 𐴔𐴟𐴅𐴝𐴇𐴞𐴊𐴞𐴕 𐴀𐴥𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴞𐴘𐴝𐴌𐴠 𐴅𐴞𐴇𐴝𐴊𐴞 𐴈𐴝𐴔𐴡𐴃𐴢 𐴃𐴝𐴦𐴘𐴞𐴦𐴊𐴢 𐴒𐴡𐴌𐴞𐴘𐴟𐴔𐴢| 𐴑𐴞𐴕𐴃𐴟 𐴉𐴡𐴥𐴌𐴡𐴏𐴢 𐴇𐴞𐴥𐴘𐴝𐴕𐴡𐴌𐴠 𐴕𐴝𐴑𐴝𐴁𐴠𐴓𐴠 𐴀𐴝𐴔𐴡𐴓 𐴁𐴝𐴕𐴝𐴘𐴡𐴌𐴠 𐴀𐴠𐴀𐴕 𐴊𐴟𐴏𐴌𐴝 𐴌𐴝𐴏𐴧𐴝 𐴕𐴡 𐴊𐴠𐴈𐴝𐴘𐴟𐴔𐴢 𐴎𐴞𐴘𐴝𐴕𐴠 𐴁𐴝𐴃𐴠𐴓𐴡𐴌 𐴔𐴟𐴑𐴝𐴦𐴁𐴠𐴓𐴝𐴃𐴢 𐴀𐴝𐴇𐴓𐴠 𐴇𐴡𐴑𐴡𐴌𐴠 𐴑𐴡𐴔𐴎𐴟𐴌 𐴒𐴡𐴌𐴠 𐴀𐴝𐴌 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴑𐴡𐴊𐴡𐴔𐴠 𐴑𐴡𐴊𐴡𐴔𐴠 𐴐𐴡𐴌𐴀𐴞 𐴀𐴝𐴇𐴑𐴝𐴦𐴔𐴢 𐴆𐴟𐴍𐴞 𐴊𐴞𐴁𐴡𐴓𐴧𐴝 𐴔𐴡𐴅𐴁𐴟𐴌 𐴒𐴡𐴌𐴠| 𐴉𐴡𐴏𐴞𐴔𐴧𐴝 𐴏𐴞𐴁𐴞𐴓𐴝𐴙𐴅𐴠𐴐𐴡𐴕𐴢 𐴀𐴝𐴀𐴕𐴡𐴌 𐴀𐴝𐴒𐴠 𐴀𐴠𐴏𐴓𐴝𐴔𐴡𐴌 𐴃𐴤𐴝𐴌𐴞𐴑𐴠 𐴀𐴠𐴀𐴕 𐴈𐴡𐴕𐴡 𐴌𐴝𐴏𐴧𐴝 𐴃𐴟𐴖𐴝𐴘𐴡 𐴕𐴡 𐴉𐴝 𐴎𐴝𐴘𐴃𐴡||
𐴀𐴝𐴣𐴀𐴌𐴝 𐴀𐴠 𐴈𐴡𐴃𐴝𐴌 𐴖𐴝𐴌𐴠 𐴁𐴞𐴐𐴧𐴝𐴐𐴢 𐴌𐴝𐴑𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴁𐴡𐴙𐴕 𐴀𐴝𐴦𐴉𐴞𐴘𐴝𐴤 𐴏𐴞𐴊𐴧𐴞𐴑𐴞𐴌 𐴋𐴡𐴙𐴓𐴧𐴝 𐴔𐴡𐴎𐴓𐴟𐴔𐴢 𐴀𐴡𐴑𐴧𐴡𐴓𐴡𐴌 𐴌𐴠𐴇𐴝𐴀𐴞𐴌 𐴉𐴡𐴥𐴌𐴡𐴏𐴢 𐴏𐴞𐴌𐴞𐴉𐴢 𐴀𐴡 𐴀𐴡𐴑𐴃𐴡𐴃𐴢 𐴀𐴝𐴊𐴝𐴘 𐴒𐴡𐴌𐴝 𐴎𐴝𐴘𐴁𐴡 𐴎𐴠𐴃𐴧𐴠 𐴀𐴝𐴔𐴠𐴌𐴞𐴑𐴝𐴌 𐴏𐴝𐴦𐴣𐴃𐴠 𐴀𐴡 𐴎𐴟𐴁𐴝𐴕 𐴓𐴡𐴘 𐴇𐴡𐴃𐴝 𐴇𐴡𐴗𐴝 𐴎𐴝𐴘𐴁𐴡 𐴎𐴞𐴘𐴝𐴕 𐴇𐴞𐴁𐴤𐴝𐴘𐴠 𐴁𐴟𐴎𐴠| 𐴀𐴡 𐴎𐴟𐴁𐴝𐴕 𐴓𐴡𐴘 𐴈𐴡𐴀 𐴎𐴝𐴘𐴁𐴡 𐴎𐴞𐴁𐴝𐴌 𐴀𐴡𐴦𐴌𐴠 𐴀𐴝𐴔𐴡𐴓𐴢 𐴒𐴡𐴙𐴓𐴧𐴠 ” فكواالعاني” (𐴑𐴡𐴘𐴊𐴞 𐴀𐴥𐴡𐴑𐴧𐴡𐴓𐴡𐴌𐴠 𐴌𐴠𐴇𐴝𐴀𐴞 𐴒𐴡𐴌𐴡) 𐴇𐴡𐴑𐴟𐴔𐴡𐴌 𐴀𐴡𐴦𐴌𐴠 𐴀𐴝𐴔𐴡𐴓𐴢 𐴒𐴡𐴌𐴝 𐴀𐴡𐴘𐴎𐴝𐴘𐴁𐴡𐴘| 𐴃𐴡𐴘𐴓𐴠 𐴀𐴝𐴣𐴀𐴌𐴝 𐴔𐴟𐴏𐴡𐴓𐴔𐴝𐴕 𐴑𐴡𐴘𐴊𐴞 𐴀𐴥𐴡𐴑𐴧𐴡𐴓𐴡𐴌 𐴏𐴞𐴘𐴡𐴓𐴢 𐴁𐴝𐴚𐴒𐴞 𐴎𐴝𐴘𐴁𐴡||
𐴁𐴠𐴐𐴥𐴡𐴑 𐴎𐴡𐴔𐴝𐴕𐴝𐴌 𐴉𐴠𐴌𐴝𐴀𐴟𐴕 𐴀𐴥𐴡𐴑𐴧𐴡𐴓𐴢 𐴃𐴝𐴑𐴡𐴃𐴢 𐴀𐴦𐴡𐴓𐴝 𐴀𐴝𐴌 𐴀𐴟𐴔𐴧𐴝𐴃𐴠 𐴔𐴟𐴏𐴓𐴞𐴔𐴝 𐴈𐴡𐴔𐴎𐴟𐴌| 𐴀𐴟𐴔𐴧𐴝𐴃𐴡𐴌 𐴔𐴟𐴅𐴝𐴦𐴇𐴞𐴊𐴞𐴕𐴡 𐴇𐴞𐴃𐴝𐴌𐴝𐴃𐴧𐴟 𐴑𐴡𐴔𐴎𐴟𐴌 𐴔𐴡𐴒𐴡𐴌 𐴇𐴞𐴥𐴘𐴝𐴕𐴡𐴔𐴧𐴝𐴎𐴠 𐴀𐴝𐴓𐴧𐴝𐴦𐴇𐴌 𐴀𐴞𐴔𐴃𐴝𐴀𐴕 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴞𐴥𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴏𐴝𐴃𐴝𐴏𐴟𐴃𐴝𐴃𐴧𐴟 𐴏𐴡𐴕𐴝-𐴆𐴝𐴕𐴊𐴞𐴌𐴠 𐴀𐴝𐴓𐴡𐴑 𐴒𐴡𐴌𐴞𐴁𐴡| 𐴀𐴝𐴓𐴧𐴝𐴤 𐴌𐴡𐴁𐴧𐴟𐴓𐴢 𐴀𐴞𐴎𐴧𐴡𐴃𐴠 𐴑𐴝𐴦𐴉𐴠𐴌 𐴀𐴡𐴑𐴧𐴡𐴓𐴡𐴌 𐴃𐴝𐴦𐴑𐴡𐴃𐴡𐴌 𐴎𐴟𐴌 𐴁𐴝𐴚𐴞𐴁𐴡𐴓𐴧𐴝 𐴀𐴞𐴔𐴝𐴕𐴊𐴝𐴌 𐴀𐴡𐴑𐴧𐴡𐴓𐴡𐴌𐴠 𐴓𐴝𐴌𐴝𐴘 𐴒𐴡𐴌𐴡𐴕𐴡𐴌 𐴇𐴡𐴑𐴟𐴔𐴢 𐴊𐴞𐴘𐴧𐴠 𐴀𐴝𐴌 𐴊𐴞𐴓𐴝𐴏𐴝 𐴊𐴞𐴓𐴝𐴘𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴎𐴡𐴊𐴞 𐴃𐴟𐴣𐴖𐴝𐴌𐴝 𐴔𐴡𐴘𐴊𐴝𐴕𐴡𐴃𐴢 𐴕𐴝𐴔𐴡 𐴀𐴝𐴌 𐴅𐴞𐴇𐴝𐴊𐴡𐴌 𐴔𐴡𐴏𐴞𐴁𐴡𐴃𐴢 𐴀𐴡𐴑𐴧𐴡𐴓𐴡𐴔𐴧𐴝𐴎𐴠 𐴏𐴡𐴁𐴡𐴌 𐴒𐴡𐴌𐴡 𐴃𐴡𐴘𐴓𐴠 𐴃𐴡𐴑𐴡𐴁𐴧𐴟𐴌 𐴒𐴡𐴌𐴡𐴘𐴝 𐴀𐴡𐴑𐴧𐴡𐴓𐴡𐴌 𐴃𐴡𐴑𐴡𐴁𐴧𐴟𐴌𐴞 𐴀𐴝𐴊𐴧𐴠 𐴁𐴡𐴍𐴝𐴥𐴀𐴞 𐴊𐴟𐴌 𐴒𐴡𐴌𐴡𐴕 𐴀𐴝𐴣𐴀𐴌 𐴇𐴝𐴔𐴢| 𐴀𐴝𐴀𐴛 𐴁𐴠𐴐𐴞 𐴑𐴟𐴖𐴧𐴡𐴃𐴢 𐴖𐴝𐴓𐴝 𐴀𐴝𐴌 𐴁𐴤𐴝𐴓𐴝 𐴁𐴡𐴊𐴓𐴝 𐴓𐴡𐴘𐴡𐴘𐴝| 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝 𐴀𐴠𐴌𐴐𐴦𐴝𐴊𐴢 𐴒𐴡𐴙𐴅𐴧𐴠-
فَقَاتِلۡ فِىۡ سَبِيۡلِ اللّٰهِ ۚ لَا تُكَلَّفُ اِلَّا نَفۡسَكَ وَحَرِّضِ الۡمُؤۡمِنِيۡنَ ۚ عَسَے اللّٰهُ اَنۡ يَّكُفَّ بَاۡسَ الَّذِيۡنَ كَفَرُوۡا ؕ وَاللّٰهُ اَشَدُّ بَاۡسًا وَّاَشَدُّ تَنۡكِيۡلًا
𐴃𐴟𐴀𐴛 𐴀𐴝𐴓𐴧𐴝𐴤𐴌 𐴌𐴝𐴏𐴧𐴝𐴃𐴢 𐴑𐴞𐴃𐴝𐴓𐴢 𐴒𐴡𐴌𐴡! 𐴃𐴟𐴣𐴖𐴝𐴌 𐴀𐴡𐴦𐴌𐴠 𐴕𐴞𐴎𐴡𐴌𐴠 𐴁𐴝𐴀𐴊𐴠 𐴀𐴡𐴙𐴕𐴧𐴡 𐴇𐴡𐴕𐴞𐴑𐴧𐴡𐴌 𐴎𐴞𐴔𐴧𐴝𐴊𐴝𐴌𐴞 𐴕𐴝𐴘| 𐴀𐴝𐴌 𐴀𐴡𐴕𐴠 𐴔𐴟𐴔𐴞𐴕 𐴀𐴡𐴑𐴧𐴡𐴓𐴡𐴌𐴠 𐴃𐴡𐴌𐴒𐴞𐴁𐴢 𐴊𐴞𐴘𐴝𐴃𐴧𐴝𐴑𐴡| 𐴅𐴡𐴓𐴊𐴞 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝 𐴑𐴝𐴦𐴉𐴠𐴌 𐴀𐴡𐴑𐴧𐴡𐴓𐴡𐴌 𐴃𐴡𐴑𐴡𐴁𐴧𐴟𐴌𐴞 𐴁𐴝𐴚𐴞 𐴉𐴠𐴓𐴝𐴘𐴁𐴡| 𐴀𐴝𐴌 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝 𐴁𐴠𐴐𐴞 𐴎𐴡𐴁𐴡𐴌𐴊𐴡𐴏𐴃𐴢 𐴀𐴝𐴌 𐴃𐴝𐴌 𐴀𐴝𐴎𐴝𐴁𐴡 𐴁𐴠𐴐𐴞 𐴏𐴡𐴈𐴃𐴡| ( 𐴏𐴟𐴦𐴌𐴝 𐴕𐴞𐴏𐴝 𐴸𐴴 )
𐴇𐴡𐴌𐴡𐴃𐴝𐴓𐴢 𐴀𐴝𐴊𐴧𐴠 𐴔𐴞𐴏𐴞𐴓𐴢 𐴒𐴡𐴌𐴡𐴕𐴡𐴌 𐴀𐴝𐴣𐴀𐴌𐴝 𐴔𐴟𐴈𐴝𐴦𐴓𐴠𐴉𐴢 𐴕𐴡𐴀𐴡| 𐴈𐴝𐴦𐴏𐴢 𐴒𐴡𐴌𐴞 𐴀𐴞𐴒𐴞𐴕 𐴎𐴠𐴃𐴧𐴠 𐴎𐴝𐴦𐴓𐴠𐴔𐴢 𐴀𐴡𐴑𐴧𐴡𐴓𐴡𐴌 𐴈𐴠𐴓𐴝𐴦𐴉𐴢 𐴔𐴟𐴎𐴝𐴦𐴇𐴠𐴔𐴡𐴃𐴢 𐴒𐴡𐴌𐴞𐴁𐴝𐴌 𐴀𐴟𐴒𐴧𐴗𐴝 𐴀𐴟𐴏𐴞𐴓𐴝 𐴀𐴝𐴊𐴧𐴠 𐴀𐴞𐴕𐴑𐴞𐴓𐴝𐴁𐴡𐴌𐴠 𐴀𐴝𐴌𐴡 𐴔𐴡𐴎𐴁𐴟𐴃𐴢 𐴒𐴡𐴌𐴞𐴁𐴡𐴓𐴧𐴝 𐴀𐴡𐴘𐴁𐴡| 𐴑𐴞𐴕𐴃𐴟 𐴎𐴡𐴌𐴟𐴌𐴞𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴇𐴠𐴥 𐴔𐴞𐴏𐴞𐴓𐴒𐴞𐴕 𐴓𐴡𐴘 𐴑𐴡𐴗𐴔𐴡𐴌𐴠 𐴒𐴟𐴔𐴡𐴃𐴧𐴟 𐴃𐴟𐴓𐴞 𐴁𐴡𐴓𐴧𐴝 𐴀𐴠𐴏𐴃𐴠𐴀𐴔𐴝𐴓𐴢 𐴒𐴡𐴌𐴝𐴀𐴡𐴘𐴁𐴡| 𐴀𐴟𐴓𐴊𐴝 𐴀𐴠𐴒𐴞𐴕𐴡𐴌 𐴎𐴡𐴌𐴞𐴘𐴝 𐴀𐴟𐴔𐴧𐴝𐴃𐴡𐴌 𐴕𐴡𐴎𐴡𐴌 𐴀𐴡𐴙𐴕𐴧𐴡 𐴔𐴞𐴙𐴑𐴧𐴝 𐴉𐴠𐴌𐴝𐴘 𐴊𐴠𐴀𐴕 𐴕𐴡 𐴎𐴝𐴘𐴁𐴡| 𐴀𐴦𐴝𐴔𐴢 𐴂𐴝𐴂𐴓𐴞𐴑𐴡𐴌𐴠 𐴓𐴞𐴋𐴝𐴌 𐴀𐴥𐴡𐴑𐴧𐴡𐴓𐴡𐴌 𐴉𐴞𐴏𐴠 𐴓𐴝𐴒𐴝𐴘 𐴊𐴞𐴘𐴡𐴌𐴠 𐴀𐴝𐴌𐴠𐴑𐴧𐴝𐴕 𐴎𐴟𐴓𐴟𐴔𐴡𐴃𐴢 𐴃𐴝𐴌𐴝𐴌𐴠 𐴐𐴝𐴔𐴞𐴓𐴢 𐴒𐴡𐴌𐴡𐴕𐴡𐴌 𐴈𐴝𐴔𐴡𐴃𐴢 𐴀𐴠 𐴈𐴝𐴌𐴖𐴝𐴘𐴒𐴞𐴕 𐴀𐴠𐴏𐴃𐴠𐴔𐴝𐴓𐴢 𐴒𐴡𐴌𐴝 𐴕𐴡 𐴎𐴝𐴘𐴁𐴡||
𐴑𐴡𐴦𐴗𐴔𐴡𐴌𐴠 𐴈𐴡𐴘𐴁𐴝𐴌 𐴎𐴡𐴌𐴟𐴌𐴡𐴃𐴢 𐴀𐴡𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝𐴌 𐴊𐴠𐴐𐴢 𐴀𐴝𐴎𐴝𐴊𐴢 𐴕𐴡𐴀𐴡 𐴁𐴡𐴓𐴑𐴠 𐴀𐴝𐴅𐴞𐴘𐴝 𐴘𐴥𐴡 𐴊𐴠𐴐𐴢 𐴀𐴡 𐴃𐴝𐴔𐴦𐴝𐴔𐴢 𐴅𐴠𐴕𐴝𐴌𐴠𐴓𐴢 𐴀𐴥𐴡𐴑𐴧𐴡𐴓𐴡𐴌 𐴀𐴝𐴀𐴝𐴃𐴡𐴢 𐴈𐴠𐴓𐴝𐴌 𐴉𐴟𐴃𐴟𐴓𐴢 𐴎𐴝𐴌𐴝 𐴀𐴠 𐴀𐴟𐴔𐴧𐴝𐴃𐴡𐴌 𐴇𐴠𐴉𐴝𐴎𐴡𐴃𐴢 𐴒𐴡𐴌𐴡𐴘𐴝 𐴘𐴦𐴝𐴃𐴡 𐴈𐴤𐴝𐴇𐴠𐴌𐴈𐴤𐴝𐴇𐴞 𐴕𐴡| 𐴁𐴡𐴓𐴑𐴠 𐴇𐴝𐴣𐴃𐴢 𐴊𐴡𐴌𐴞𐴘𐴝 𐴉𐴝𐴌𐴝𐴘 𐴀𐴝𐴘𐴞𐴔𐴧𐴝𐴃𐴟𐴓𐴢 𐴑𐴟𐴉𐴡𐴌𐴡𐴌 𐴀𐴝𐴔𐴠𐴌𐴞𐴑𐴝𐴌 𐴒𐴟𐴓𐴝𐴔𐴢| 𐴀𐴝𐴌 𐴇𐴞𐴥𐴃𐴝𐴌𐴝𐴌 𐴀𐴠 𐴒𐴟𐴓𐴝𐴔𐴞𐴌 𐴎𐴡𐴌𐴞𐴘𐴝 𐴀𐴝𐴣𐴀𐴌𐴝𐴌 𐴁𐴡𐴙𐴕 𐴀𐴝𐴊𐴧𐴠 𐴎𐴞𐴌𐴉𐴟𐴖𐴝𐴙𐴕 𐴀𐴝𐴙𐴅𐴧𐴝 𐴀𐴝𐴔𐴞𐴌𐴞𐴑𐴝𐴌 𐴈𐴡𐴃𐴡𐴌𐴕𐴝𐴦𐴑 𐴎𐴞𐴘𐴤𐴡𐴓𐴡𐴌 𐴎𐴟𐴓𐴟𐴔𐴡𐴌 𐴐𐴤𐴞𐴑𐴝𐴌 𐴀𐴡𐴀𐴝𐴃𐴢 𐴀𐴝𐴏𐴠||
𐴀𐴝𐴣𐴀𐴌𐴝𐴃𐴧𐴟 𐴎𐴝𐴕𐴞 𐴌𐴝𐴑𐴡𐴌 𐴊𐴥𐴡𐴌𐴈𐴝𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴟𐴔𐴧𐴝𐴃𐴠 𐴀𐴡 𐴀𐴡𐴃𐴧𐴡𐴃𐴢 𐴁𐴠𐴊𐴦𐴝𐴌 𐴀𐴡𐴘𐴁𐴡 𐴎𐴠𐴃𐴧𐴠 𐴊𐴟𐴏𐴃𐴡-𐴊𐴟𐴐𐴧𐴝𐴕 𐴀𐴝𐴊𐴧𐴠 𐴈𐴤𐴝𐴇𐴠𐴌𐴈𐴤𐴝𐴇𐴞 𐴀𐴝𐴊𐴧𐴠 𐴒𐴡𐴊𐴧𐴝𐴌𐴡𐴌𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴒𐴡𐴌𐴞 𐴉𐴝𐴌𐴠| 𐴎𐴡𐴊𐴞 𐴀𐴠𐴇𐴡𐴕𐴡 𐴉𐴡𐴙𐴅𐴧𐴡𐴕𐴃𐴡 𐴀𐴝𐴣𐴀𐴌𐴝 𐴀𐴠 𐴕𐴠𐴎𐴝𐴔𐴡𐴌 𐴒𐴡𐴊𐴧𐴝𐴌𐴞 𐴀𐴝𐴊𐴧𐴠 𐴉𐴡𐴏𐴝𐴦𐴊𐴢 𐴁𐴟𐴎𐴞 𐴕𐴡𐴉𐴝𐴌𐴞 𐴀𐴝𐴌 𐴕𐴠𐴎𐴝𐴔𐴡𐴌 𐴇𐴝𐴑𐴞𐴑𐴡𐴃𐴢 𐴃𐴡𐴁𐴊𐴞𐴓𐴡𐴌 𐴎𐴝𐴒𐴝𐴃𐴢 𐴏𐴞𐴌𐴠𐴉𐴢 𐴎𐴡𐴇𐴠𐴌𐴞 𐴆𐴠𐴇𐴝𐴌𐴝 𐴁𐴡𐴊𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 𐴎𐴡𐴊𐴞 𐴊𐴟𐴑𐴝𐴤 𐴈𐴝𐴘 𐴃𐴡𐴘𐴓𐴠 𐴇𐴞𐴥𐴘𐴝𐴕 𐴀𐴠 𐴈𐴡𐴃𐴝𐴌 𐴀𐴞𐴐𐴝𐴌𐴝 𐴀𐴡𐴘𐴁𐴡𐴘𐴝 𐴑𐴞𐴁𐴡𐴓𐴞 𐴇𐴡𐴘𐴓𐴠 𐴀𐴠 𐴑𐴡𐴦𐴗𐴔𐴡𐴌 𐴑𐴞𐴏𐴔𐴡𐴃𐴡𐴔𐴧𐴝𐴎𐴠 𐴀𐴝𐴙𐴅𐴧𐴡 𐴊𐴟𐴤𐴑𐴝 𐴊𐴡𐴦𐴗𐴘𐴝 𐴀𐴝𐴌 𐴎𐴟𐴓𐴟𐴔𐴢 𐴒𐴡𐴌𐴡𐴘𐴝 𐴀𐴝𐴏𐴠 ، 𐴀𐴠𐴃𐴡𐴓𐴧𐴝 𐴁𐴡𐴓𐴞 𐴀𐴝𐴣𐴀𐴌𐴝 𐴁𐴠𐴊𐴝𐴦𐴌 𐴕𐴡 𐴀𐴡𐴘𐴌| 𐴁𐴡𐴓𐴑𐴠 𐴁𐴠𐴊𐴦𐴝𐴌 𐴀𐴡𐴀𐴕𐴡𐴌 𐴑𐴟𐴐𐴠𐴐𐴢 𐴉𐴡𐴙𐴅𐴧𐴡𐴕𐴃𐴡 𐴕𐴡 𐴒𐴡𐴌𐴞||
𐴀𐴝𐴓𐴧𐴝𐴤𐴌 𐴇𐴝𐴣𐴏𐴠 𐴊𐴟𐴖𐴝 𐴒𐴡𐴌𐴞 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴀𐴠 𐴇𐴝𐴑𐴞𐴦𐴌, 𐴊𐴟𐴥𐴑𐴝𐴁𐴝𐴎 𐴊𐴟𐴕𐴞𐴘𐴝𐴌𐴠 𐴀𐴠𐴕𐴊𐴞𐴓𐴧𐴝 𐴒𐴡𐴌𐴞 𐴊𐴠𐴇𐴡𐴑 𐴎𐴠𐴕𐴊𐴞𐴓𐴧𐴝 𐴊𐴟𐴕𐴞𐴘𐴝𐴌 𐴀𐴝𐴏𐴡𐴓𐴢 𐴇𐴝𐴑𐴞𐴑𐴡𐴃𐴢 𐴀𐴝𐴌 𐴊𐴟𐴕𐴞𐴘𐴝𐴌 𐴈𐴡𐴦𐴗𐴉𐴢 𐴀𐴝𐴊𐴧𐴠 𐴔𐴟𐴇𐴝𐴁𐴧𐴡𐴃𐴢 𐴀𐴝𐴣𐴀𐴌𐴝𐴌 𐴊𐴞𐴓𐴡𐴃𐴧𐴟 𐴕𐴞𐴘𐴝𐴓𐴝𐴘 𐴊𐴡𐴥| 𐴀𐴝𐴣𐴀𐴌𐴝𐴌𐴠 𐴀𐴡𐴦𐴕𐴡𐴌 𐴉𐴡𐴦𐴗𐴏𐴡𐴃𐴢 𐴐𐴝𐴦𐴔𐴠𐴓𐴢 𐴒𐴡𐴌𐴞 𐴓𐴡 𐴀𐴝𐴌 𐴊𐴟𐴐𐴧𐴡𐴕𐴡𐴌𐴠 𐴕𐴞𐴐𐴝𐴦𐴕𐴠 𐴀𐴞𐴁𐴌𐴡𐴃𐴢 𐴁𐴝𐴕𐴝𐴘𐴁𐴡𐴓𐴧𐴝 𐴀𐴝𐴣𐴀𐴌𐴝𐴌𐴠 𐴀𐴠𐴏𐴃𐴠𐴔𐴝𐴦𐴓𐴢 𐴒𐴡𐴌𐴡| 𐴀𐴡𐴦 𐴀𐴝𐴓𐴧𐴝𐴤 𐴀𐴠 𐴀𐴟𐴔𐴧𐴡𐴃𐴡𐴌 𐴃𐴝𐴔𐴝𐴦𐴔𐴢 𐴑𐴡𐴘𐴊𐴞 𐴉𐴟𐴖𐴝𐴙𐴕𐴊𐴡𐴌𐴠 𐴌𐴠𐴇𐴝𐴀𐴞 𐴒𐴡𐴌𐴞𐴊𐴡 𐴀𐴝𐴌 𐴔𐴟𐴅𐴝𐴦𐴇𐴞𐴊𐴞𐴦𐴕 𐴀𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴡 𐴀𐴝𐴌 𐴀𐴡𐴦𐴕𐴡𐴌 𐴕𐴡𐴁𐴞 𐴔𐴟𐴇𐴝𐴔𐴧𐴡𐴊𐴢 (𐴏𐴓𐴢) 𐴔𐴡𐴌 𐴑𐴡𐴔𐴎𐴟𐴌 𐴀𐴝𐴌 𐴔𐴡𐴎𐴓𐴟𐴔𐴢 𐴀𐴟𐴔𐴧𐴡𐴃𐴡𐴌𐴠 𐴔𐴡𐴊𐴡𐴃𐴢 𐴃𐴟𐴦𐴀𐴛 𐴒𐴡𐴌𐴞 𐴉𐴝𐴌𐴞𐴁𐴝𐴊𐴠| امين يا رب العلمين !
وآخر دعوانا أن الحمد لله رب العلمين
