𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴏𐴟𐴓𐴟𐴑||مداراة الناس||لوگوں کے ساتھ نرمی سلوک||Treating people gently

𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
اراکان کا منبر
اراکان کا منبر
arakan ka mimber

𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
تقدم
ناشر
Presents

𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
الترجمة الروهينجية
روھینگا زبان میں ترجمۃ
Rohingya Translation

𐴏𐴟𐴌𐴈𐴞:
بعنوان:
عنوان:
Titled:

𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢
التذاكر الجياد
اچھی نصیحت
Good advice

𐴐𐴥𐴟𐴓𐴧𐴡 𐴓𐴡𐴔𐴁𐴝𐴌 𐴇𐴠𐴏𐴧𐴝
الجزء السادس عشر
سولہویں حصہ
The SixteenPart

𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴏𐴟𐴓𐴟𐴑
مداراة الناس
لوگوں کے ساتھ نرمی سلوک
Treating people gently

𐴖𐴝𐴕𐴓𐴝𐴙𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡

WORD QUALITY ( 2.22 MB )

https://archive.ph/Y2k3m
https://justpaste.it/fvl5i
https://web.archive.org/web/20250209155309/https://justpaste.it/fvl5i
https://archive.org/download/un-16-hq/Bhala%20Nasiha-16.odt
https://mymegacloud.com/downloa7a4a33a06
https://files.fm/f/ntrd3jfmvm

PDF QUALITY ( 9.36 MB )

https://archive.org/download/un-16-hq/UN-16%20%28RHG%29.pdf
https://mymegacloud.com/downloade9f2d66c14e3a53
https://www.mediafire.com/file/mx8rop88cl0hodf/UN-16_%2528RHG%2529.pdf/file
https://mega.nz/file/sqEyUApb#PL-OfG4xo6yr1f40PXpUP5sQM6_dCkzjDWrXhFOYDck
https://files.fm/f/37d6k4j7u4

VIDEO QUALITY 1920*1080 ( 220.37 MB )

https://archive.org/download/un-16-hq/UN-16%20%28HQ%29.mp4
https://mymegacloud.com/download/dXBsb2Fkcy96e72d9c
https://www.mediafire.com/file/ke2rtr31d4oobf4/UN-16_%2528HQ%2529.mp4/file
https://mega.nz/file/onERjKwY#zPb823j5C5wPgXVwE7UyUmn1xcA169b6xIPsDIoLOTU
https://files.fm/f/nxezyggc8h

VIDEO QUALITY 1280*720 ( 167.95 MB )

https://archive.org/download/un-16-hq/UN-16%20%28MQ%29.mp4
https://mymegacloud.com/downloa1ac546cdd4bb9e
https://www.mediafire.com/file/ke2rtr31d4oobf4/UN-16_%2528HQ%2529.mp4/file
https://mega.nz/file/IyFmmSjQ#TNnxCTiBg4cn17V-4rbaKwdA-B6_ijXnhgqqbkHEJas
https://files.fm/f/s5qg3p8fad

VIDEO QUALITY 480*360 ( 37.67 MB )

https://archive.org/download/un-16-hq/UN-16%20%28LQ%29.mp4
https://mymegacloud.com/downloafddb4969
https://www.mediafire.com/file/8fm6v2vuzdmq8hz/UN-16_%2528LQ%2529.mp4/file
https://mega.nz/file/IyFmmSjQ#TNnxCTiBg4cn17V-4rbaKwdA-B6_ijXnhgqqbkHEJas
https://files.fm/f/5v8asjrpnw

BANNER QUALITY ( 612.26 KB )

https://archive.org/download/un-16-hq/Banner-%20UN-16.png
https://mymegacloud.com/downloa77cfbca7e64b9124
https://www.mediafire.com/view/kxkvxq462h2cs1s/Banner-_UN-16.png/file
https://mega.nz/file/9j8RVRLD#T37dNRjdLUP8RyRYohzZ-kHTbaoHyP_Fi1KtdrdcwJw
https://files.fm/f/93nwbh36vk

𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢

𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴔𐴠𐴇𐴠𐴌𐴁𐴝𐴕𐴞

𐴐𐴥𐴟𐴓𐴧𐴡 𐴓𐴡𐴔𐴁𐴝𐴌 𐴇𐴥𐴠𐴏𐴧𐴝 (𐴱𐴶)

السلام عليكم ورحمة الله وبركاته

الحمد لله رب العالمين، اللهم صلُّ على محمد وآله وسلم وبارك

𐴇𐴝𐴔𐴊𐴡 𐴏𐴡𐴓𐴝𐴃𐴡𐴌 𐴁𐴝𐴊𐴠 𐴈𐴡𐴃𐴝 𐴀𐴥𐴡𐴘𐴓𐴊𐴠-

𐴀𐴞𐴔𐴝𐴔𐴢 𐴁𐴟𐴈𐴝𐴌𐴞 (𐴌𐴇) 𐴃𐴝𐴌 𐴏𐴥𐴡𐴀𐴞 𐴁𐴟𐴈𐴝𐴌𐴞 𐴑𐴞𐴃𐴝𐴁𐴡𐴃𐴢 باب المُداراة مع الناس (𐴔𐴝𐴙𐴕𐴐𐴥𐴡𐴌 𐴖𐴡𐴌𐴠 𐴔𐴠𐴇𐴠𐴌𐴁𐴝𐴕𐴞 𐴀𐴡𐴊𐴧𐴝 𐴕𐴡𐴌𐴔𐴞𐴌 𐴁𐴝𐴁𐴡𐴃𐴠 𐴀𐴟𐴒𐴧𐴗𐴝 𐴁𐴝𐴁𐴢 𐴑𐴝𐴘𐴠𐴔𐴢 𐴒𐴡𐴙𐴅𐴧𐴠|) 𐴀𐴥𐴠 𐴁𐴝𐴁𐴡𐴃𐴢 𐴃𐴝𐴀𐴛 𐴀𐴟𐴒𐴧𐴗𐴝 𐴇𐴝𐴊𐴞𐴏𐴢 𐴎𐴠𐴑𐴠𐴌 𐴒𐴡𐴙𐴅𐴧𐴠𐴊𐴠-

ان عائشة اخبرته، ان رجلا استاذن على النبي صلى الله عليه وسلم، فقال:” ائذنوا له، فبئس ابن العشيرة، او بئس اخو العشيرة”، وقال مرة:” رجل”، فلما دخل عليه، الان له القول، فلما خرج، قالت عائشة: قلت له الذي قلت، ثم النت له القول! فقال:” اي عائشة، شر الناس منزلة عند الله يوم القيامة من ودعه الناس، او تركه الناس اتقاء فحشه

𐴇𐴡𐴎𐴌𐴡𐴃𐴢 𐴀𐴝𐴘𐴠𐴐𐴝𐴤 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴝𐴃𐴧𐴟𐴕 𐴌𐴠𐴖𐴝𐴘𐴡𐴃𐴢- 𐴀𐴟𐴒𐴧𐴟𐴗𐴝 𐴔𐴝𐴕𐴥𐴟𐴙𐴐𐴢 𐴕𐴡𐴁𐴞 𐴑𐴡𐴌𐴞𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴒𐴤𐴡𐴌𐴡𐴃𐴢 𐴊𐴝𐴈𐴠𐴓𐴢 𐴀𐴦𐴡𐴕𐴡𐴌 𐴀𐴠𐴅𐴝𐴎𐴡𐴃𐴢 𐴏𐴝𐴘𐴧𐴠 𐴀𐴦𐴠𐴣𐴃𐴧𐴠 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴈𐴡𐴘𐴧𐴠𐴊𐴠- ” ائذنوا له، فبئس ابن العشيرة، اوقال بئس اخو العشيرة” 𐴃𐴝𐴌𐴠 𐴀𐴠𐴅𐴝𐴎𐴡𐴃𐴢 𐴊𐴡𐴀| 𐴀𐴥𐴞𐴃𐴠 𐴃𐴝𐴌 𐴑𐴡𐴁𐴞𐴓𐴝𐴌 𐴈𐴡𐴃𐴦𐴡𐴕 𐴈𐴡𐴌𐴝𐴂𐴢 𐴉𐴟𐴗𐴝| 𐴘𐴥𐴝𐴃𐴡 𐴃𐴝𐴀𐴛 (𐴏𐴓𐴢) 𐴈𐴡𐴘𐴧𐴠𐴊𐴠- 𐴀𐴥𐴞𐴃𐴠 𐴃𐴝𐴌 𐴑𐴡𐴁𐴞𐴓𐴝𐴌 𐴈𐴡𐴃𐴦𐴡𐴕 𐴈𐴡𐴌𐴝𐴉𐴢 𐴔𐴝𐴕𐴥𐴟𐴙𐴐𐴢| 𐴎𐴦𐴠𐴣𐴃𐴧𐴠 𐴀𐴥𐴠 𐴔𐴝𐴕𐴥𐴟𐴙𐴐𐴧𐴟𐴖𐴝 𐴊𐴝𐴈𐴠𐴓𐴢 𐴀𐴡𐴘𐴧𐴠, 𐴀𐴦𐴠𐴣𐴃𐴧𐴠 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢 𐴃𐴝𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞𐴌 𐴏𐴟𐴓𐴟𐴑 𐴒𐴡𐴙𐴅𐴧𐴠| 𐴇𐴡𐴎𐴌𐴡𐴃𐴢 𐴀𐴝𐴘𐴠𐴐𐴝𐴤 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴝 𐴈𐴦𐴡𐴊𐴧𐴠, 𐴀𐴝𐴀𐴛 𐴈𐴡𐴘𐴓𐴝𐴔𐴢- 𐴀𐴦𐴡 𐴀𐴝𐴓𐴧𐴝𐴇𐴌 𐴌𐴝𐴏𐴟𐴓𐴢! 𐴀𐴡𐴕𐴠 𐴃𐴝𐴌 𐴁𐴝𐴁𐴡𐴃𐴞 𐴀𐴞𐴕𐴋𐴞𐴓𐴧𐴝 𐴀𐴞𐴕𐴋𐴞𐴓𐴧𐴝 𐴈𐴡𐴘𐴧𐴡| 𐴑𐴞𐴕𐴃𐴟 𐴀𐴠𐴈𐴡𐴕 𐴀𐴡𐴕𐴠 𐴀𐴝𐴁𐴝𐴌 𐴃𐴝𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴏𐴟𐴓𐴟𐴑 𐴑𐴞𐴘𐴡𐴓𐴧𐴝 𐴒𐴡𐴙𐴅𐴧𐴡⸮ 𐴀𐴦𐴠𐴣𐴃𐴧𐴠 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴅𐴟𐴖𐴝𐴁𐴢 𐴊𐴞𐴘𐴧𐴠𐴊𐴠- 𐴀𐴦𐴡 𐴀𐴝𐴘𐴠𐴐𐴝𐴤! 𐴀𐴝𐴓𐴧𐴝𐴇𐴌 𐴈𐴝𐴣𐴀𐴏𐴠 𐴀𐴡 𐴔𐴝𐴕𐴥𐴟𐴙𐴐𐴧𐴟𐴗𐴝 𐴁𐴠𐴐𐴞 𐴈𐴡𐴌𐴝𐴉𐴢 𐴎𐴝𐴌 𐴁𐴟𐴌𐴝𐴀𐴞𐴃𐴧𐴟 𐴁𐴝𐴏𐴞𐴁𐴡𐴓𐴧𐴝 𐴔𐴝𐴕𐴥𐴟𐴙𐴐𐴢 𐴃𐴝𐴌𐴠 𐴏𐴥𐴝𐴌𐴞 𐴊𐴞𐴘𐴧𐴠|| (𐴏𐴥𐴡𐴀𐴞 𐴁𐴟𐴈𐴝𐴌𐴞)

𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴏𐴟𐴓𐴟𐴑 𐴒𐴡𐴌𐴡𐴕𐴡𐴌 𐴁𐴝𐴁𐴡𐴃𐴠 𐴇𐴝𐴊𐴞𐴏𐴢 𐴀𐴞𐴁𐴥𐴝 𐴁𐴦𐴦𐴡𐴗𐴃𐴢 𐴀𐴝𐴇𐴥𐴝𐴔𐴢 𐴇𐴝𐴏𐴞𐴊𐴢| 𐴀𐴦𐴠𐴕 𐴀𐴟𐴒𐴧𐴟𐴗𐴝 𐴔𐴝𐴕𐴥𐴟𐴙𐴐𐴧𐴢 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴊𐴡𐴌𐴁𐴝𐴌𐴡𐴃𐴢 𐴀𐴝𐴙𐴐𐴧𐴞𐴓𐴢| 𐴎𐴝𐴌 𐴈𐴡𐴌𐴝𐴂𐴢 𐴈𐴝𐴏𐴓𐴡𐴃𐴡𐴌 𐴈𐴡𐴃𐴝 𐴎𐴞𐴑𐴞𐴌 𐴒𐴡𐴌𐴞 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴈𐴡𐴘𐴧𐴠𐴊𐴠- 𐴃𐴝𐴌 𐴏𐴡𐴓𐴝𐴏𐴡𐴓𐴢 𐴀𐴝𐴊𐴧𐴠 𐴈𐴝𐴏𐴡𐴓𐴡𐴃𐴢 𐴀𐴞𐴕𐴋𐴞𐴓𐴧𐴝 𐴀𐴞𐴕𐴋𐴞𐴓𐴧𐴝,𐴘𐴝𐴇𐴝𐴃𐴡𐴑𐴧𐴠 𐴀𐴥𐴞𐴃𐴠 𐴃𐴝𐴌 𐴑𐴡𐴁𐴞𐴓𐴝𐴌 𐴈𐴡𐴌𐴝𐴂𐴢 𐴔𐴝𐴕𐴥𐴟𐴙𐴐𐴢| 𐴑𐴞𐴕𐴃𐴟 𐴘𐴦𐴝𐴌𐴁𐴝𐴊𐴠𐴘𐴥𐴡 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢 𐴃𐴝𐴌 𐴏𐴝𐴣𐴀𐴃𐴠 𐴇𐴡𐴕𐴋𐴞𐴓𐴧𐴝 𐴏𐴟𐴓𐴟𐴑 𐴒𐴡𐴙𐴅𐴧𐴞𐴓𐴢⸮ 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴈𐴝𐴔𐴢 𐴀𐴥𐴡𐴘𐴓𐴊𐴠 𐴀𐴞𐴏𐴓𐴝𐴔𐴡𐴌 𐴌𐴝𐴏𐴧𐴝 𐴀𐴝𐴌 𐴃𐴝𐴌 𐴈𐴝𐴏𐴡𐴓𐴡𐴃𐴢 𐴀𐴥𐴡𐴘𐴓𐴊𐴠 𐴑𐴟𐴌𐴀𐴝𐴕| 𐴃𐴝𐴌 𐴀𐴝𐴈𐴓𐴝𐴑𐴡𐴃𐴢 𐴈𐴡𐴕𐴥𐴡 𐴈𐴝𐴙𐴅𐴧𐴝 𐴘𐴥𐴝𐴃𐴡 𐴔𐴟𐴈𐴝𐴓𐴠𐴉𐴞 𐴈𐴝𐴏𐴡𐴓𐴡𐴃𐴢 𐴕𐴡 𐴀𐴝𐴙𐴐𐴧𐴞𐴓𐴢| 𐴀𐴥𐴞𐴃𐴠 𐴃𐴝𐴌 𐴑𐴡𐴁𐴞𐴓𐴝𐴌 𐴈𐴤𐴡𐴌𐴝𐴂𐴢 𐴔𐴝𐴕𐴟𐴙𐴐𐴢 𐴄𐴞𐴑, 𐴑𐴞𐴕𐴃𐴟 𐴀𐴝𐴀𐴛 𐴑𐴞 𐴀𐴝𐴣𐴀𐴌 𐴈𐴝𐴏𐴡𐴓𐴡𐴃𐴢 𐴕𐴡 𐴊𐴠𐴈𐴝𐴘𐴧𐴟𐴔𐴢⸮ 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴝𐴔𐴡𐴓𐴢 𐴀𐴥𐴡𐴘𐴓𐴊𐴠 𐴀𐴞𐴏𐴓𐴝𐴔𐴡𐴌 𐴀𐴝𐴊𐴡𐴁𐴢-𐴑𐴝𐴘𐴊𐴝| 𐴀𐴥𐴠𐴃𐴡𐴓𐴧𐴝 𐴀𐴝𐴓𐴠𐴔𐴢 𐴀𐴦𐴡𐴓𐴠 𐴘𐴝𐴕𐴡𐴌𐴠 ” 𐴀𐴝𐴓𐴢 𐴔𐴟𐴊𐴝𐴌𐴡𐴃𐴢” 𐴁𐴡𐴓𐴞 𐴕𐴝𐴔𐴢 𐴌𐴝𐴙𐴑𐴧𐴠| 𐴃𐴡𐴘𐴓𐴠 𐴔𐴟𐴊𐴝𐴌𐴡𐴃𐴢 𐴑𐴞 𐴏𐴞𐴏𐴢⸮

𐴔𐴟𐴊𐴝𐴌𐴡𐴃𐴢 𐴀𐴥𐴡𐴘𐴓𐴊𐴠- 𐴅𐴝𐴇𐴠𐴓𐴢 𐴔𐴝𐴙𐴕𐴐𐴥𐴡𐴌𐴠 𐴃𐴡𐴌𐴞𐴁𐴞𐴘𐴡𐴃𐴢 𐴊𐴞𐴁𐴡𐴓𐴧𐴝 𐴕𐴡𐴌𐴔𐴞 𐴏𐴟𐴓𐴟𐴑 𐴒𐴡𐴌𐴡𐴕 𐴀𐴝𐴊𐴧𐴠 𐴉𐴝𐴏𐴠𐴑𐴡𐴌 𐴖𐴡𐴌𐴠 𐴔𐴠𐴇𐴠𐴌𐴁𐴝𐴕𐴞 𐴒𐴡𐴌𐴡𐴕| 𐴑𐴞𐴕𐴃𐴟 𐴔𐴟𐴊𐴝𐴇𐴝𐴕𐴡𐴃𐴢 𐴘𐴦𐴝𐴕𐴡𐴌 𐴔𐴟𐴈𐴝𐴓𐴠𐴉𐴢| 𐴔𐴟𐴊𐴝𐴇𐴝𐴕𐴡𐴃𐴢 𐴀𐴥𐴡𐴘𐴓𐴊𐴠- 𐴉𐴝𐴏𐴠𐴑𐴡𐴌 𐴉𐴝𐴏𐴠𐴑𐴞 𐴈𐴔𐴡𐴌 𐴖𐴡𐴌𐴠 𐴌𐴝𐴎𐴞 𐴃𐴝𐴑𐴡𐴕| 𐴀𐴝𐴓𐴧𐴝𐴇 𐴏𐴟𐴁𐴝𐴇𐴝𐴕𐴝𐴇𐴟 𐴖𐴡𐴃𐴝𐴀𐴝𐴓𐴝 𐴀𐴠𐴌𐴠𐴐𐴝𐴊𐴢 𐴒𐴡𐴌𐴠𐴌-

{وَدُّوا لَوْ تُدْهِنُ فَيُدْهِنُونَ (9)} [القلم: 9]

𐴃𐴝𐴌𐴝 𐴏𐴦𐴝𐴊𐴠 𐴑𐴞 𐴎𐴡𐴊𐴞 𐴀𐴡𐴕𐴠 𐴕𐴡𐴌𐴡𐴔𐴢 𐴀𐴥𐴡 𐴃𐴡𐴘𐴓𐴠 𐴃𐴝𐴌𐴝𐴘𐴥𐴡 𐴕𐴡𐴌𐴡𐴔𐴢 𐴀𐴥𐴡𐴘𐴁𐴡| (𐴏𐴟𐴌𐴝 𐴑𐴡𐴓𐴝𐴔𐴢:𐴹 )

𐴔𐴟𐴊𐴝𐴌𐴡𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴡𐴃𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴀𐴥𐴡𐴘𐴓𐴊𐴠– 𐴔𐴟𐴊𐴝𐴌𐴡𐴃𐴢 𐴈𐴦𐴡𐴊𐴠– 𐴔𐴝𐴙𐴕𐴐𐴥𐴡𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴏𐴟𐴓𐴟𐴑 𐴒𐴡𐴌𐴡𐴕| 𐴀𐴝𐴌 𐴔𐴟𐴊𐴝𐴇𐴝𐴕𐴡𐴃𐴢 𐴈𐴦𐴡𐴊𐴠– 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴎𐴡𐴊𐴞 𐴒𐴡𐴓𐴃𐴞 𐴔𐴧𐴝𐴎𐴠 𐴃𐴝𐴑𐴠, 𐴇𐴥𐴡𐴊𐴢 𐴃𐴠𐴅𐴝𐴖𐴡𐴎𐴞 𐴘𐴥𐴝𐴃𐴡 𐴒𐴟𐴕𐴤𐴝 𐴔𐴧𐴝𐴎𐴠 𐴔𐴡𐴐𐴒𐴟𐴓𐴢 𐴃𐴝𐴑𐴡𐴕𐴡𐴌 𐴁𐴦𐴝𐴊𐴠𐴘𐴥𐴡 𐴃𐴝𐴌 𐴖𐴡𐴌𐴠 𐴌𐴝𐴎𐴞–𐴈𐴤𐴟𐴐𐴞 𐴃𐴝𐴑𐴡𐴕||

𐴀𐴝𐴌𐴥𐴡 𐴀𐴝𐴏𐴦𐴝𐴕 𐴒𐴡𐴌𐴞 𐴈𐴡𐴘𐴓𐴠–

𐴊𐴦𐴞𐴕𐴡𐴌 𐴇𐴠𐴉𐴝𐴎𐴡𐴃𐴡𐴓𐴧𐴝 𐴊𐴟𐴕𐴞𐴘𐴝𐴌𐴠 𐴏𐴥𐴝𐴌𐴞 𐴊𐴦𐴡𐴕 , 𐴊𐴦𐴞𐴕𐴡𐴓𐴧𐴝 𐴘𐴥𐴝𐴃𐴡 𐴊𐴟𐴕𐴞𐴘𐴝𐴁𐴞 𐴈𐴡𐴕𐴥𐴡 𐴉𐴝𐴘𐴊𐴝𐴓𐴧𐴝 𐴊𐴟𐴕𐴞𐴘𐴝𐴌𐴠 𐴏𐴥𐴝𐴌𐴞 𐴊𐴡𐴀𐴕 𐴀𐴥𐴡𐴘𐴓𐴊𐴠 𐴔𐴟𐴊𐴝𐴌𐴡𐴃𐴢| 𐴀𐴝𐴌 𐴔𐴟𐴊𐴝𐴇𐴝𐴕𐴡𐴃𐴢 𐴀𐴥𐴡𐴘𐴓𐴊𐴠 𐴊𐴟𐴕𐴞𐴘𐴝𐴁𐴞 𐴈𐴡𐴕𐴥𐴡 𐴉𐴝𐴘𐴊𐴝𐴓𐴧𐴝 𐴊𐴦𐴞𐴕 𐴏𐴥𐴝𐴌𐴞 𐴊𐴦𐴡𐴕||

𐴊𐴟𐴕𐴞𐴘𐴝𐴕𐴡𐴌 𐴇𐴡𐴑𐴟𐴔𐴢 𐴀𐴥𐴡𐴘𐴓𐴊𐴠:

𐴉𐴦𐴡𐴘𐴓𐴝𐴒𐴝𐴕 𐴔𐴦𐴝𐴕𐴞 𐴔𐴟𐴊𐴝𐴌𐴡𐴃𐴢 𐴅𐴝𐴘𐴠𐴎 𐴀𐴝𐴌 𐴔𐴟𐴊𐴝𐴇𐴝𐴕𐴡𐴃𐴢 𐴀𐴥𐴡𐴘𐴓𐴊𐴠 𐴇𐴝𐴌𐴝𐴔𐴢𐴢||

𐴘𐴦𐴝𐴕𐴡𐴌 𐴁𐴝𐴁𐴡𐴃𐴠𐴘𐴥𐴡 𐴀𐴟𐴏𐴃𐴝𐴊𐴢 𐴀𐴝𐴁𐴊𐴟𐴓𐴧𐴝𐴇 𐴀𐴝𐴓𐴢-𐴀𐴝𐴊𐴡𐴔𐴢 𐴌𐴡𐴇𐴞𐴔𐴝𐴇𐴟𐴓𐴧𐴝𐴘𐴠 𐴈𐴡𐴘𐴧𐴠𐴊𐴠– 𐴀𐴡 𐴃𐴝𐴔𐴦𐴝𐴢 𐴔𐴝𐴕𐴥𐴟𐴙𐴐𐴢 𐴀𐴡𐴘𐴓𐴊𐴠 𐴁𐴤𐴝𐴓𐴝 𐴀𐴝𐴊𐴧𐴠 𐴀𐴝𐴖𐴓𐴝، 𐴎𐴝𐴌𐴝 𐴀𐴠 𐴏𐴟𐴕𐴧𐴡𐴃𐴢 𐴔𐴟𐴊𐴝𐴌𐴡𐴃𐴢 𐴔𐴦𐴝𐴕𐴞 𐴅𐴝𐴇𐴠𐴓𐴢 𐴀𐴝𐴊𐴧𐴠 𐴀𐴦𐴝𐴔𐴢 𐴔𐴝𐴙𐴕𐴐𐴥𐴡𐴌 𐴉𐴤𐴟𐴖𐴥𐴝𐴣𐴀𐴃𐴞 𐴔𐴠𐴇𐴠𐴌𐴁𐴝𐴕 𐴀𐴝𐴊𐴧𐴠 𐴕𐴡𐴌𐴡𐴔𐴞𐴌 𐴏𐴟𐴓𐴟𐴑 𐴒𐴡𐴌𐴠 𐴀𐴝𐴌 𐴀𐴠 𐴈𐴝𐴏𐴡𐴓𐴡𐴃𐴢 𐴀𐴦𐴡𐴓𐴝 𐴀𐴥𐴡𐴘𐴧𐴠| 𐴔𐴟𐴅𐴝𐴇𐴞𐴊𐴞𐴕 𐴀𐴦𐴡𐴓𐴡𐴌 𐴁𐴥𐴟𐴃𐴡𐴌𐴃𐴞 𐴎𐴝𐴌𐴝 𐴀𐴝𐴓𐴧𐴝𐴇𐴌 𐴌𐴝𐴏𐴧𐴝𐴃𐴢 𐴊𐴝𐴖𐴡𐴃𐴢 𐴀𐴝𐴊𐴧𐴠 𐴅𐴞𐴇𐴝𐴊𐴡𐴌 𐴐𐴥𐴡𐴔𐴡𐴔𐴧𐴝𐴎𐴠 𐴀𐴦𐴞𐴕𐴡𐴌 𐴀𐴝𐴔𐴧𐴠 𐴏𐴝𐴔𐴧𐴠 𐴀𐴥𐴡𐴘𐴁𐴡 𐴀𐴦𐴠𐴣𐴃𐴧𐴠 𐴎𐴞𐴁𐴝𐴘𐴠 𐴔𐴟𐴊𐴝𐴌𐴡𐴃𐴡𐴌 𐴏𐴟𐴕𐴧𐴡𐴃𐴢 𐴓𐴡𐴘 𐴀𐴝𐴒𐴝𐴘 𐴎𐴝𐴘𐴁𐴡 𐴁𐴠𐴐𐴥𐴡𐴑 𐴀𐴞𐴁𐴥𐴝 𐴀𐴥𐴡𐴘𐴓𐴊𐴠 𐴁𐴤𐴝𐴓𐴝𐴘𐴞𐴌𐴠 𐴑𐴝𐴘𐴠𐴔𐴢 𐴒𐴡𐴌𐴡𐴘𐴝 𐴀𐴝𐴌 𐴁𐴝𐴌𐴝𐴘𐴞𐴌𐴠 𐴊𐴟𐴌 𐴒𐴡𐴌𐴡𐴘𐴝| 𐴘𐴝𐴕𐴡 𐴎𐴧𐴡𐴌𐴞𐴘𐴝 𐴔𐴝𐴙𐴕𐴐𐴥𐴡𐴌 𐴊𐴞𐴓𐴡𐴃𐴢 𐴔𐴟𐴇𐴝𐴁𐴧𐴡𐴃𐴢 𐴉𐴡𐴘𐴊𐴝 𐴀𐴥𐴡 𐴀𐴝𐴌 𐴃𐴝𐴌𐴝𐴌𐴠 𐴇𐴡𐴑𐴡𐴌 𐴃𐴡𐴌𐴡𐴉𐴢 𐴄𐴝𐴕𐴞 𐴀𐴝𐴕𐴠| 𐴀𐴝𐴌 𐴀𐴡 𐴀𐴡𐴃𐴧𐴡 𐴔𐴧𐴝𐴎𐴠 𐴁𐴠𐴐𐴡𐴑 𐴃𐴝𐴌𐴝 𐴀𐴥𐴡𐴘𐴓𐴊𐴠 𐴑𐴝𐴔𐴞𐴘𐴝𐴁𐴢 𐴎𐴠 𐴀𐴡𐴃𐴧𐴡𐴃𐴢 𐴈𐴡𐴃𐴝 𐴀𐴝𐴊𐴧𐴠 𐴈𐴝𐴔𐴡𐴔𐴧𐴝𐴎𐴠 𐴔𐴟𐴇𐴝𐴔𐴧𐴝𐴊𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴏𐴟𐴕𐴧𐴝𐴃𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴁𐴦𐴡𐴃𐴢 𐴈𐴡𐴔𐴢 𐴔𐴝𐴕𐴥𐴟𐴙𐴐𐴢 𐴉𐴦𐴝 𐴎𐴝𐴘𐴁𐴡𐴊𐴠 𐴀𐴦𐴠𐴣𐴃𐴧𐴠 𐴎𐴝𐴌𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴃𐴡𐴗𐴉𐴞𐴑𐴓𐴡𐴘 𐴀𐴠 𐴏𐴠𐴉𐴡𐴃𐴢 𐴇𐴝𐴏𐴞𐴓𐴢 𐴒𐴡𐴌𐴞 𐴔𐴟𐴏𐴡𐴓𐴔𐴝𐴕 𐴀𐴡𐴑𐴧𐴡𐴓𐴡𐴌𐴠 𐴔𐴡𐴇𐴝𐴁𐴧𐴡𐴃𐴢 𐴒𐴡𐴌𐴞 𐴉𐴝𐴌𐴞𐴁𐴡| 𐴀𐴝𐴌 𐴁𐴠𐴐𐴥𐴡𐴑 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴥𐴡𐴘𐴓𐴊𐴠 𐴃𐴝𐴗𐴉𐴞𐴑 𐴊𐴝𐴕 𐴒𐴡𐴌𐴡𐴘𐴧𐴝||

𐴐𐴝𐴘𐴈𐴢 𐴀𐴝𐴁𐴟 𐴔𐴟𐴇𐴝𐴔𐴧𐴡𐴊𐴢 𐴀𐴝𐴓𐴢-𐴔𐴡𐴑𐴊𐴞𐴏𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴇 𐴃𐴝𐴌 ” 𐴀𐴝𐴌 𐴌𐴞𐴏𐴝𐴓𐴝𐴃𐴟𐴏𐴢 𐴏𐴟𐴓𐴝𐴏𐴝𐴕𐴞𐴘𐴧𐴝𐴤 ” 𐴑𐴞𐴃𐴝𐴁𐴡 𐴔𐴧𐴝𐴎𐴠 𐴀𐴠 𐴔𐴡𐴗𐴎𐴟𐴌 𐴖𐴡𐴌𐴠 𐴁𐴡𐴘𐴝𐴕 𐴒𐴡𐴙𐴅𐴧𐴠𐴊𐴠 𐴀𐴥𐴠𐴍𐴠 𐴃𐴝𐴀𐴛 𐴈𐴡𐴘𐴧𐴠𐴊𐴠– 𐴎𐴝𐴌𐴝 𐴀𐴝𐴓𐴧𐴝𐴇𐴌 𐴊𐴟𐴐𐴧𐴡𐴕𐴡𐴌 𐴏𐴝𐴣𐴀𐴃𐴠 𐴇𐴟𐴏𐴕𐴠 𐴏𐴟𐴓𐴟𐴑 𐴒𐴡𐴌𐴞𐴁𐴡𐴓𐴧𐴝 𐴔𐴟𐴏𐴡𐴓𐴔𐴝𐴕 𐴀𐴦𐴡𐴓𐴡𐴌𐴠 𐴑𐴝𐴉𐴠𐴌 𐴈𐴦𐴡𐴀 𐴃𐴝𐴌𐴝 𐴇𐴝𐴑𐴞𐴑𐴡𐴃𐴡 𐴔𐴧𐴝𐴎𐴠 𐴘𐴦𐴝𐴕𐴡𐴃𐴢 𐴈𐴡𐴓𐴡𐴃𐴢–𐴔𐴡𐴓𐴡𐴃𐴢 𐴒𐴡𐴌𐴞 𐴉𐴠𐴓𐴝𐴘𐴧𐴠𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴌𐴝 𐴔𐴟𐴊𐴝𐴌𐴡𐴃𐴢 𐴀𐴝𐴊𐴧𐴠 𐴔𐴟𐴊𐴝𐴇𐴝𐴕𐴡𐴃𐴡 𐴔𐴧𐴝𐴎𐴠 𐴉𐴡𐴌𐴡𐴑 𐴒𐴡𐴌𐴠 𐴕𐴡𐴉𐴝𐴌𐴠| 𐴃𐴡𐴘 𐴃𐴝𐴌𐴝 𐴔𐴟𐴊𐴝𐴌𐴡𐴃𐴡𐴌𐴠 𐴑𐴟𐴉𐴟𐴌𐴞 𐴀𐴥𐴞𐴏𐴝𐴉𐴠 𐴒𐴟𐴔𐴝𐴕 𐴒𐴡𐴙𐴅𐴧𐴠 𐴀𐴝𐴌 𐴔𐴟𐴊𐴝𐴇𐴝𐴕𐴡𐴃𐴢 𐴎𐴞𐴘𐴝𐴕 𐴇𐴝𐴑𐴞𐴑𐴞 𐴑𐴟𐴉𐴟𐴌𐴞 𐴇𐴞𐴘𐴝𐴕𐴡 𐴑𐴟𐴉𐴟𐴌𐴞 𐴁𐴡𐴓𐴞 𐴈𐴡𐴘||

𐴃𐴝𐴀𐴛 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠 𐴀𐴡𐴕𐴠 𐴊𐴠𐴈𐴞𐴁𐴝𐴊𐴠 𐴑𐴞 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴀𐴞𐴕𐴋𐴞𐴓𐴧𐴝 𐴑𐴞𐴏𐴧𐴟 𐴔𐴝𐴕𐴥𐴟𐴙𐴐𐴢 𐴀𐴝𐴏𐴠 𐴎𐴝𐴌𐴝 𐴀𐴡𐴙𐴕𐴧𐴡 𐴔𐴝𐴙𐴕𐴐𐴥𐴡𐴌𐴠 𐴁𐴠𐴊𐴝𐴀𐴝𐴃𐴞 𐴁𐴡𐴓𐴞 𐴈𐴡𐴘𐴧𐴡𐴌𐴠 𐴃𐴟𐴇𐴟𐴔𐴡𐴃𐴢 𐴊𐴠𐴘| 𐴃𐴝𐴌𐴝 𐴕𐴞𐴎𐴡𐴌 𐴔𐴟𐴈𐴝𐴓𐴠𐴉𐴡𐴃𐴢 𐴒𐴡𐴌𐴡𐴘𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴦𐴠𐴕 𐴔𐴡𐴖𐴎𐴟𐴌 𐴁𐴝𐴁𐴡𐴃𐴠 𐴑𐴝𐴉𐴠𐴌 𐴁𐴡𐴓𐴞 𐴇𐴡𐴑𐴟𐴔𐴢 𐴓𐴝𐴒𐴝, 𐴎𐴞𐴘𐴝𐴕 𐴊𐴦𐴞𐴕𐴡𐴔𐴧𐴝𐴎𐴠 𐴑𐴟𐴉𐴟𐴌𐴞𐴌 𐴏𐴡𐴁𐴝𐴁𐴢 𐴕𐴡𐴀| 𐴃𐴝𐴌𐴝 𐴘𐴦𐴝𐴕𐴡𐴌𐴠 𐴈𐴟𐴉𐴡𐴌𐴞 𐴁𐴡𐴓𐴞 𐴈𐴡𐴘𐴧𐴠 𐴃𐴡𐴘 𐴀𐴥𐴠𐴃𐴝𐴌𐴝 𐴀𐴦𐴞𐴕𐴡𐴌 𐴈𐴠𐴘𐴝𐴓𐴡𐴌 𐴖𐴡𐴌𐴠 𐴀𐴠𐴃𐴠𐴔𐴝𐴊𐴢 𐴒𐴡𐴌𐴞 𐴑𐴟𐴉𐴡𐴌𐴞𐴌 𐴇𐴡𐴑𐴟𐴔𐴢 𐴓𐴝𐴒𐴝𐴘 𐴊𐴞𐴘𐴧𐴠| 𐴑𐴞𐴕𐴃𐴟 𐴔𐴟𐴌𐴝𐴊𐴝𐴌𐴡𐴃𐴡𐴌 𐴋𐴦𐴡𐴘𐴓𐴧𐴝 𐴀𐴞𐴕𐴋𐴞𐴓𐴧𐴝 𐴑𐴞𐴏𐴧𐴟 𐴁𐴤𐴝𐴓𐴝 𐴈𐴝𐴔𐴢 𐴀𐴡𐴑𐴧𐴡𐴓𐴢 𐴀𐴝𐴏𐴠 𐴎𐴦𐴞𐴕 𐴐𐴡𐴌𐴞𐴘𐴡𐴃𐴡 𐴔𐴧𐴝𐴎𐴠 𐴅𐴝𐴘𐴠𐴎 𐴀𐴝𐴏𐴠𐴊𐴠 𐴀𐴠 𐴈𐴡𐴃𐴝 𐴘𐴦𐴝𐴕 𐴃𐴝𐴌𐴝𐴌 𐴈𐴡𐴔𐴎𐴟𐴌 𐴀𐴝𐴑𐴡𐴓𐴢 𐴓𐴡𐴘 𐴁𐴟𐴎𐴠𐴃𐴢 𐴕𐴡𐴉𐴝𐴌𐴠||

𐴐𐴝𐴘𐴈𐴢 𐴀𐴝𐴓𐴢-𐴔𐴡𐴑𐴊𐴞𐴏𐴞 𐴇𐴝𐴉𐴞𐴎𐴝𐴇𐴟𐴓𐴧𐴝𐴇 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠– 𐴃𐴝𐴌𐴝 𐴀𐴦𐴠𐴕 𐴔𐴝𐴙𐴕𐴐𐴥𐴡𐴌𐴠 𐴑𐴝𐴉𐴠𐴌 𐴁𐴡𐴓𐴞𐴈𐴦𐴡𐴘 𐴇𐴡𐴑𐴟𐴔𐴢 𐴓𐴝𐴒𐴝 𐴎𐴝𐴌𐴝 𐴑𐴝𐴉𐴠𐴌 𐴀𐴦𐴡𐴓𐴡𐴌 𐴏𐴝𐴣𐴀𐴃𐴠 𐴁𐴡𐴘𐴧𐴠, 𐴀𐴝𐴐𐴥𐴝 𐴎𐴝𐴖𐴝 𐴒𐴡𐴌𐴥𐴠 𐴀𐴝𐴊𐴧𐴠 𐴃𐴝𐴌𐴝𐴌 𐴏𐴝𐴣𐴀𐴃𐴠 𐴕𐴡𐴌𐴔𐴞 𐴀𐴝𐴌 𐴇𐴥𐴣𐴐𐴞–𐴈𐴤𐴟𐴐𐴞 𐴈𐴡𐴃𐴝 𐴈𐴦𐴡𐴀| 𐴀𐴝𐴁𐴝𐴌 𐴎𐴝𐴌𐴝 𐴑𐴝𐴉𐴠𐴌 𐴀𐴦𐴡𐴓𐴡 𐴏𐴧𐴝𐴣𐴀𐴃𐴠 𐴊𐴟𐴏𐴃𐴞𐴘𐴝𐴓𐴞 𐴒𐴡𐴌𐴠, 𐴈𐴤𐴠𐴓𐴢 𐴃𐴡𐴣𐴐𐴝 𐴀𐴝𐴌 𐴕𐴡𐴌𐴡𐴔𐴞 𐴏𐴟𐴓𐴟𐴑 𐴒𐴡𐴌𐴠 𐴃𐴝𐴌𐴝𐴌𐴠𐴘𐴥𐴡 𐴑𐴝𐴉𐴠𐴌 𐴁𐴡𐴓𐴞𐴈𐴦𐴡𐴘 𐴇𐴡𐴑𐴟𐴔𐴢 𐴊𐴠𐴀||

𐴀𐴝𐴏𐴡𐴓𐴢 𐴈𐴡𐴃𐴝 𐴀𐴥𐴡𐴘𐴓𐴊𐴠 𐴀𐴠 𐴃𐴝𐴔𐴦𐴝𐴔𐴢 𐴈𐴝𐴔𐴡𐴌 𐴁𐴝𐴁𐴡𐴃𐴠 𐴀𐴠𐴑 𐴁𐴡𐴌𐴝𐴁𐴡𐴌 𐴇𐴡𐴑𐴟𐴔𐴢 𐴊𐴦𐴡𐴕 𐴄𐴞𐴑 𐴕𐴡𐴀 𐴀𐴝𐴌 𐴏𐴠𐴌𐴞𐴉𐴢 𐴀𐴠 𐴀𐴠 𐴈𐴝𐴔𐴢 𐴒𐴞𐴕𐴡𐴌 𐴎𐴡𐴌𐴞𐴘𐴝 𐴃𐴡𐴑𐴉𐴞𐴌 𐴒𐴡𐴌𐴡𐴕 𐴅𐴝𐴘𐴠𐴎 𐴕𐴥𐴝𐴘| 𐴀𐴦𐴞𐴕𐴡𐴌 𐴁𐴥𐴟𐴃𐴡𐴌𐴠 𐴑𐴞𐴏𐴧𐴟 𐴈𐴝𐴔𐴢 𐴐𐴡𐴌𐴞𐴘𐴡𐴃𐴡𐴃𐴢 𐴅𐴝𐴘𐴠𐴎 𐴀𐴝𐴏𐴠 𐴎𐴠𐴒𐴞𐴕 𐴀𐴝𐴣𐴀𐴌𐴝 𐴉𐴦𐴡𐴘𐴓𐴝 𐴎𐴞𐴑𐴞𐴌 𐴒𐴡𐴙𐴅𐴧𐴞||

𐴎𐴦𐴞𐴕 𐴐𐴡𐴌𐴞𐴘𐴡𐴃𐴡𐴃𐴢 𐴅𐴝𐴘𐴠𐴎 𐴀𐴝𐴏𐴠 𐴀𐴦𐴞𐴕 𐴀𐴥𐴡𐴘𐴓𐴊𐴠 𐴑𐴝𐴉𐴠𐴌𐴡 𐴏𐴝𐴧𐴣𐴀𐴃𐴠 𐴁𐴡𐴘𐴧𐴡𐴕, 𐴊𐴝𐴖𐴝𐴃𐴢 𐴊𐴞𐴁𐴡𐴓𐴧𐴝 𐴃𐴝𐴌𐴝𐴌 𐴈𐴝𐴣𐴀𐴏𐴠 𐴀𐴝𐴐𐴥𐴝–𐴎𐴝𐴖𐴝 𐴒𐴡𐴌𐴡𐴕, 𐴊𐴝𐴖𐴝𐴃𐴡𐴌 𐴔𐴡𐴑𐴏𐴟𐴊𐴢 𐴓𐴡𐴘 𐴃𐴝𐴌𐴝 𐴏𐴧𐴝𐴣𐴀𐴃𐴠 𐴈𐴡𐴃𐴝-𐴁𐴝𐴃𐴧𐴝𐴌𐴝 𐴈𐴡𐴀𐴕 𐴀𐴝𐴌 𐴊𐴝𐴖𐴝𐴃𐴢 𐴊𐴞𐴁𐴡𐴓𐴧𐴝 𐴘𐴦𐴝𐴀𐴝𐴕 𐴀𐴡𐴘𐴓𐴊𐴠 𐴀𐴝𐴖𐴓𐴝 𐴃𐴡𐴌𐴞𐴑𐴝||

𐴃𐴝𐴀𐴛 𐴀𐴝𐴌𐴥𐴡 𐴈𐴡𐴘𐴧𐴠𐴊𐴠– 𐴀𐴝𐴣𐴀𐴌𐴝 𐴀𐴡𐴕𐴡 𐴏𐴝𐴔𐴧𐴠 𐴏𐴥𐴡𐴀𐴞 𐴁𐴟𐴈𐴝𐴌𐴞𐴃𐴧𐴟 𐴀𐴠𐴑𐴧𐴝𐴕 𐴖𐴝𐴑𐴠𐴘𐴝 𐴁𐴡𐴘𐴝𐴕 𐴒𐴡𐴌𐴞𐴌| 𐴀𐴠𐴑𐴊𐴞𐴕 𐴕𐴡𐴁𐴞 𐴑𐴡𐴌𐴞𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴢 𐴀𐴠𐴑 𐴘𐴟𐴇𐴟𐴊𐴞𐴌 𐴉𐴟𐴗𐴝𐴌𐴠 𐴃𐴝𐴌 𐴁𐴞𐴘𐴝𐴌𐴝𐴙𐴔𐴧𐴝 𐴇𐴝𐴓𐴡𐴃𐴡𐴃𐴢 𐴏𐴝𐴘𐴃𐴡 𐴒𐴞𐴘𐴧𐴠| 𐴀𐴥𐴠𐴎𐴝𐴒𐴝𐴃𐴢 𐴇𐴥𐴞𐴃𐴝𐴌𐴠 𐴀𐴞𐴏𐴓𐴝𐴔𐴡𐴌 𐴊𐴝𐴖𐴡𐴊𐴢 𐴊𐴞𐴘𐴧𐴠| 𐴘𐴦𐴝𐴌 𐴁𐴦𐴝𐴊𐴠 𐴀𐴠 𐴘𐴟𐴇𐴟𐴊𐴞 𐴅𐴟𐴖𐴝𐴕 𐴀𐴞𐴏𐴓𐴝𐴔𐴢 𐴑𐴡𐴁𐴟𐴓𐴢 𐴒𐴡𐴙𐴅𐴧𐴠||

𐴃𐴡𐴘𐴓𐴠 𐴁𐴟𐴎𐴝 𐴒𐴞𐴘𐴠𐴊𐴠 𐴑𐴞 𐴔𐴟𐴏𐴡𐴓𐴔𐴝𐴕𐴡𐴓𐴧𐴝 𐴑𐴝𐴉𐴠𐴌𐴡𐴌𐴠 𐴃𐴝𐴌 𐴁𐴞𐴘𐴝𐴌𐴝𐴔𐴡𐴌 𐴇𐴝𐴓𐴡𐴃𐴡𐴃𐴢 𐴏𐴝𐴘𐴃𐴡 𐴎𐴦𐴡𐴕 𐴀𐴝𐴌 𐴃𐴝𐴏𐴧𐴝𐴣𐴀𐴃𐴞 𐴁𐴤𐴝𐴓𐴝 𐴏𐴟𐴓𐴟𐴑 𐴒𐴡𐴌𐴡𐴕 𐴅𐴝𐴘𐴠𐴎 𐴀𐴝𐴏𐴠| 𐴀𐴥𐴡𐴘𐴃𐴢 𐴉𐴝𐴌𐴠 𐴇𐴥𐴞𐴃𐴠 𐴀𐴞𐴏𐴓𐴝𐴔𐴢 𐴑𐴡𐴁𐴟𐴓𐴢 𐴒𐴡𐴌𐴞𐴁𐴡||

𐴈𐴟𐴓𐴝𐴏𐴝 𐴈𐴡𐴃𐴝 𐴀𐴥𐴡𐴘𐴓𐴊𐴠– 𐴔𐴟𐴊𐴝𐴌𐴡𐴃𐴢 𐴏𐴟𐴕𐴧𐴡𐴃𐴢 𐴀𐴝𐴌 𐴌𐴝𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴝𐴈𐴓𐴝𐴑| 𐴀𐴝𐴌 𐴔𐴟𐴊𐴝𐴇𐴝𐴕𐴡𐴃𐴢 𐴀𐴥𐴡𐴘𐴓𐴊𐴠 𐴀𐴡𐴉𐴡𐴏𐴡𐴕𐴡𐴌 𐴏𐴞𐴏𐴢 𐴎𐴞𐴘𐴝𐴕 𐴏𐴥𐴝𐴌𐴞 𐴊𐴡𐴀𐴕 𐴎𐴡𐴌𐴟𐴌𐴞| 𐴔𐴟𐴊𐴝𐴌𐴡𐴃𐴢 𐴀𐴥𐴡𐴘𐴓𐴊𐴠 𐴀𐴞𐴁𐴝𐴊𐴡𐴃𐴢 𐴎𐴞𐴘𐴝𐴕 𐴔𐴝𐴕𐴥𐴟𐴙𐴐𐴢 𐴏𐴥𐴡𐴀𐴞 𐴀𐴡𐴃𐴧𐴡𐴔𐴧𐴝𐴎𐴠 𐴒𐴡𐴌𐴞𐴁𐴡| 𐴏𐴡𐴈𐴃𐴞 𐴏𐴟𐴓𐴟𐴑𐴡𐴌𐴥𐴡 𐴀𐴡𐴃𐴧𐴡 𐴀𐴝𐴏𐴠 𐴀𐴝𐴌 𐴕𐴡𐴌𐴔𐴞 𐴏𐴟𐴓𐴟𐴑𐴡𐴌𐴥 𐴐𐴡𐴔𐴡𐴘 𐴀𐴝𐴏𐴠| 𐴀𐴝𐴌 𐴇𐴦𐴝𐴌 𐴏𐴞𐴏𐴡𐴌𐴠 𐴃𐴝𐴌 𐴄𐴞𐴑 𐴄𐴝𐴘𐴔𐴡𐴃𐴢 𐴒𐴡𐴌𐴡𐴕 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴇𐴞𐴑𐴔𐴡𐴃𐴢||

𐴀𐴝𐴣𐴀𐴌𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴀𐴏𐴠 𐴊𐴟𐴖𐴝 𐴒𐴡𐴌𐴞 𐴃𐴝𐴀𐴛 𐴀𐴝𐴣𐴀𐴌𐴝𐴌𐴠 𐴈𐴡𐴃𐴝𐴃𐴢 𐴀𐴝𐴊𐴧𐴠 𐴈𐴝𐴔𐴡𐴃𐴢 𐴇𐴠𐴑𐴔𐴡𐴃𐴢 𐴊𐴝𐴕 𐴒𐴡𐴌𐴡𐴑||

𐴀𐴝𐴔𐴞𐴕

جزاكم الله خيرًا
والسلام عليكم ورحمة الله وبركاته