مراكش اور لیبیا مین انے ولے زلزلوں اور سیلابوں كی بابت|| 𐴔𐴡𐴌𐴡𐴑𐴧𐴡 𐴀𐴝𐴊𐴧𐴠 𐴓𐴞𐴁𐴞𐴘𐴝 𐴔𐴧𐴝𐴎𐴠 𐴀𐴥𐴡𐴘𐴧𐴠 𐴁𐴥𐴟𐴏𐴝𐴓𐴢 𐴀𐴝𐴌 𐴉𐴝𐴕𐴞𐴌 𐴊𐴤𐴡𐴓𐴡𐴌 𐴁𐴝𐴁𐴡𐴃𐴠 𐴂𐴡𐴘𐴒𐴝𐴔𐴢|| In context of the natural disasters that have hit Morocco and Libya

𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
اراکان کا منبر
اراکان کا منبر
arakan ka mimber

𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
تـُــقدم
ناشر
Presents

𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
الترجمة الروهينجية
روھینگا زبان میں ترجمۃ
Rohingya Translation

𐴏𐴟𐴌𐴈𐴞:
بعنوان:
عنوان:
Titled:

مراكش اور لیبیا مین انے ولے زلزلوں اور سیلابوں كی بابت
𐴔𐴡𐴌𐴡𐴑𐴧𐴡 𐴀𐴝𐴊𐴧𐴠 𐴓𐴞𐴁𐴞𐴘𐴝 𐴔𐴧𐴝𐴎𐴠 𐴀𐴥𐴡𐴘𐴧𐴠 𐴁𐴥𐴟𐴏𐴝𐴓𐴢 𐴀𐴝𐴌 𐴉𐴝𐴕𐴞𐴌 𐴊𐴤𐴡𐴓𐴡𐴌 𐴁𐴝𐴁𐴡𐴃𐴠 𐴂𐴡𐴘𐴒𐴝𐴔𐴢
In context of the natural disasters that have hit Morocco and Libya

𐴖𐴝𐴕𐴓𐴝𐴙𐴕 𐴉𐴡𐴌𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
للقرائة المباشرة والتحميل
پڑھيں یا ڈؤنلوڈ کریں
For Direct Reading and Downloading

Word
https://justpaste.it/akl7o
https://web.archive.org/web/20230916140738/https://justpaste.it/akl7o

PDF
https://archive.org/download/lybia-moroccho-rhg/lybia%2B%20moroccho%20Rhg-%20Banner.jpg
https://file.fm/f/fhutn6rub
https://www.mediafire.com/file/gtb0c4spfmfsbm3/lybia++moroccho+Rhg-+Banner.jpg/file
https://store3.gofile.io/download/2b860336-acf0-4caa-95d3-d515add
https://mymegacloud.com/download/dXBsb2Fkcy92ZmJkemdiL2x5YmlhJTJ

Banner
https://archive.org/download/lybia-moroccho-rhg/lybia%2B%20moroccho%20Rhg.pdf
https://file.fm/f/ehpuqgefa
https://www.mediafire.com/file/5nnsud5m1rdicte/lybia++moroccho+Rhg.pdf/file
https://store3.gofile.io/download/33f5b99d-37eb-4f06-87
https://mymegacloud.com/download/dXBsb2Fkcy92ZmJkemdiL2x

𐴀𐴝𐴓𐴢 𐴑𐴝𐴀𐴞𐴊𐴤𐴝 𐴁𐴡𐴌𐴧𐴠 𐴏𐴡𐴒𐴞𐴌
𐴅𐴡𐴔𐴝𐴃𐴢 𐴑𐴡𐴀𐴞𐴊𐴝𐴃𐴟𐴓𐴢 𐴅𐴞𐴇𐴝𐴊𐴢 𐴁𐴡𐴌𐴧𐴠 𐴏𐴡𐴒𐴞𐴌

PR_116_AQS
𐴃𐴤𐴝𐴌𐴞𐴑: 𐴲𐴷 𐴏𐴡𐴉𐴡𐴌 𐴱𐴴𐴴𐴵 𐴇𐴞𐴅𐴌𐴞 / 𐴱𐴳 𐴏𐴠𐴂𐴄𐴠𐴔𐴁𐴝𐴌 𐴲𐴰𐴲𐴳 𐴀𐴞𐴏𐴝𐴀𐴞

𐴎𐴞𐴁𐴝 𐴕𐴞𐴎𐴡𐴌 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘𐴡𐴌 𐴇𐴝𐴅𐴡𐴃𐴢 𐴉𐴟𐴌𐴝 𐴒𐴡𐴌𐴞𐴁𐴡,

𐴀𐴝𐴓𐴧𐴝𐴇 𐴌𐴡𐴁𐴧𐴟𐴓𐴢 𐴀𐴝𐴓𐴡𐴔𐴞𐴕 𐴃𐴝𐴌 𐴇𐴝𐴅𐴡𐴃𐴡𐴌𐴠 𐴉𐴟𐴌𐴝 𐴒𐴡𐴌𐴞𐴊𐴞𐴁𐴡!

𐴔𐴡𐴌𐴡𐴑𐴧𐴡 𐴀𐴝𐴊𐴧𐴠 𐴓𐴞𐴁𐴞𐴘𐴝 𐴔𐴧𐴝𐴎𐴠 𐴀𐴥𐴡𐴘𐴧𐴠 𐴁𐴥𐴟𐴏𐴝𐴓𐴢 𐴀𐴝𐴌 𐴉𐴝𐴕𐴞𐴌 𐴊𐴤𐴡𐴓𐴡𐴌 𐴁𐴝𐴁𐴡𐴃𐴠 𐴂𐴡𐴘𐴒𐴝𐴔𐴢

الحمد لله رب العالمين والصلاة والسلام على سيد الأنبياء والمرسلين وعلى آله وصحبه ومن تبعهم بإحسان إلى يوم الدين، امابعد

𐴀𐴝𐴓𐴧𐴝𐴇 𐴅𐴡𐴓𐴧𐴝 𐴐𐴝𐴕𐴝𐴇𐴟 𐴀𐴠𐴌𐴐𐴝𐴊𐴢 𐴒𐴡𐴌𐴠𐴌:

مَآ اَصَابَ مِنْ مُّصِيْبَةٍ اِلَّا بِاِذْنِ اللّـهِ وَمَنْ يُّؤْمِنْ بِاللّـٰهِ يَهْدِ قَلْبَهٝ وَاللّـٰهُ بِكُلِّ شَىْءٍ عَلِيْمٌ

𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴇𐴡𐴑𐴟𐴔𐴢 𐴏𐴥𐴝𐴌𐴝 𐴈𐴡𐴕𐴡 𐴔𐴡𐴏𐴞𐴁𐴡𐴃𐴢 𐴕𐴡𐴀𐴝𐴘𐴧𐴠، 𐴀𐴝𐴌 𐴎𐴝𐴌𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴖𐴡𐴌𐴠 𐴀𐴞𐴔𐴝𐴕 𐴌𐴝𐴑𐴠، 𐴀𐴝𐴓𐴧𐴝𐴇 𐴃𐴝𐴌𐴝𐴌 𐴊𐴞𐴓𐴡𐴃𐴢 𐴇𐴠𐴊𐴝𐴘𐴡𐴃𐴢 𐴊𐴝𐴕𐴒𐴡𐴌𐴠، 𐴀𐴝𐴌 𐴀𐴝𐴓𐴧𐴝𐴇 𐴇𐴥𐴝𐴌 𐴏𐴞𐴏𐴡𐴌 𐴁𐴝𐴁𐴡𐴃𐴠 𐴉𐴟𐴌𐴝𐴉𐴟𐴌𐴞 𐴀𐴠𐴓𐴡𐴔𐴢 𐴌𐴝𐴑𐴠| (𐴏𐴟𐴌𐴝 𐴃𐴡𐴒𐴝𐴁𐴟𐴕:𐴱𐴱)

𐴀𐴠𐴈𐴡𐴃𐴝𐴌 𐴖𐴡𐴌𐴠 𐴈𐴡𐴕𐴡 𐴑𐴞𐴏𐴞𐴔𐴡𐴌 𐴐𐴥𐴡𐴑 𐴕𐴥𐴝𐴘 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴅𐴝𐴇𐴝𐴕𐴡𐴃𐴢 𐴈𐴡𐴕𐴡 𐴇𐴝𐴔𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴀𐴠𐴌𐴝𐴊𐴝 𐴏𐴥𐴝𐴌𐴝𐴕𐴡𐴀𐴡| 𐴕𐴞𐴎𐴡𐴌 𐴁𐴡𐴕𐴊𐴝𐴌𐴠 𐴊𐴤𐴟𐴑، 𐴔𐴡𐴏𐴞𐴁𐴡𐴃𐴢 𐴀𐴝𐴌 𐴔𐴡𐴐𐴑𐴞𐴓𐴢 𐴀𐴡𐴑𐴧𐴡𐴓𐴡 𐴔𐴧𐴝𐴎𐴠 𐴉𐴠𐴓𐴡𐴕𐴡𐴃𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴁𐴠𐴐𐴝 𐴁𐴠𐴙𐴐𐴞 𐴇𐴠𐴑𐴔𐴡𐴃𐴢 𐴀𐴝𐴏𐴠| 𐴀𐴠𐴈𐴡𐴃𐴝𐴓𐴧𐴝𐴇 𐴋𐴦𐴡𐴘𐴓𐴧𐴝 𐴁𐴡 𐴋𐴦𐴡𐴘𐴓𐴧𐴝 𐴔𐴡𐴏𐴞𐴁𐴡𐴃𐴢 𐴀𐴡𐴑𐴧𐴡𐴓𐴢 𐴊𐴞𐴉𐴠𐴍𐴝𐴘 𐴀𐴝𐴔𐴁𐴤𐴝𐴉𐴠 𐴉𐴟𐴌𐴝 𐴀𐴞𐴕𐴏𐴝𐴕𐴡𐴌𐴠 𐴈𐴦𐴝𐴏𐴢 𐴁𐴝𐴉𐴠 𐴀𐴞𐴔𐴝𐴕𐴊𐴝𐴌 𐴀𐴦𐴡𐴓𐴡𐴌𐴠 𐴀𐴠𐴔𐴃𐴝𐴕 𐴒𐴡𐴌𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴈𐴡𐴕 𐴔𐴝𐴕𐴥𐴟𐴙𐴐𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴕𐴞𐴐𐴝𐴕𐴝 𐴀𐴡𐴑𐴧𐴡𐴓𐴢 𐴊𐴠𐴑𐴞𐴘𐴡𐴌𐴠 𐴀𐴞𐴔𐴝𐴕 𐴀𐴝𐴕𐴠 𐴀𐴝𐴌 𐴇𐴡𐴕𐴠 𐴀𐴞𐴔𐴝𐴕 𐴀𐴝𐴕𐴝𐴌 𐴁𐴝𐴊𐴠 𐴀𐴝𐴘𐴧𐴠𐴊𐴠 𐴔𐴡𐴏𐴞𐴁𐴡𐴃𐴢، 𐴊𐴤𐴟𐴑 𐴀𐴝𐴌 𐴔𐴡𐴐𐴑𐴞𐴓𐴢 𐴀𐴡𐴑𐴧𐴡𐴓𐴡𐴌 𐴖𐴡𐴌𐴠 𐴏𐴡𐴁𐴡𐴌 𐴒𐴡𐴌𐴠| 𐴀𐴝𐴌 𐴕𐴞𐴎𐴡𐴌 𐴀𐴞𐴔𐴝𐴕 𐴀𐴝𐴑𐴞𐴊𐴝𐴌 𐴖𐴡𐴌𐴠 𐴀𐴡𐴄𐴡𐴓𐴢 𐴃𐴤𐴝𐴑𐴠| 𐴀𐴠𐴑𐴞𐴏𐴞𐴔𐴧𐴝 𐴔𐴟𐴕𐴥𐴟𐴙𐴐𐴢 𐴀𐴡𐴑𐴧𐴡𐴓𐴡𐴓𐴧𐴝𐴘 𐴁𐴡𐴓𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴌𐴝𐴎𐴞-𐴈𐴟𐴐𐴞𐴌 𐴀𐴠𐴓𐴝𐴕| 𐴑𐴝𐴓𐴝𐴔𐴠 𐴔𐴡𐴅𐴞𐴊𐴡𐴃𐴢 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴀𐴝𐴌𐴠𐴑 𐴎𐴝𐴒𐴝𐴃𐴢 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴌:

وَلَنَـْلُوَنَّكُمْ بِشَىْءٍ مِّنَ الْخَوْفِ وَالْجُوْعِ وَنَقْصٍ مِّنَ الْاَمْوَالِ وَالْاَنْفُسِ وَالثَّمَرَاتِ ۗ وَبَشِّرِ الصَّابِرِيْنَ ۝ اَلَّذِيْنَ اِذَآ اَصَابَتْهُمْ مُّصِيْبَةٌ قَالُوْآ اِنَّا لِلّهِ وَاِنَّآ اِلَيْهِ رَاجِعُوْنَ ۝ اُولٰٓئِكَ عَلَيْهِمْ صَلَوَاتٌ مِّنْ رَّبِّهِمْ وَرَحْمَةٌ ۖ وَاُولٰٓئِكَ هُمُ الْمُهْتَدُوْنَ

𐴀𐴝𐴌 𐴃𐴟𐴖𐴝𐴣𐴀𐴌𐴝𐴌𐴠 𐴈𐴥𐴝𐴔𐴡𐴈𐴥𐴝 𐴀𐴠𐴔𐴃𐴝𐴕 𐴒𐴡𐴌𐴝 𐴎𐴝𐴘𐴁𐴡، 𐴈𐴡𐴕𐴡 𐴀𐴡𐴃𐴧𐴡𐴃𐴢 𐴋𐴦𐴡𐴌 𐴓𐴡𐴘 𐴀𐴝𐴁𐴝𐴌 𐴈𐴡𐴕𐴡 𐴀𐴡𐴃𐴧𐴡𐴃𐴢 𐴁𐴥𐴟𐴑𐴝 𐴓𐴡𐴘 𐴀𐴝𐴁𐴝𐴌 𐴈𐴡𐴕𐴡 𐴀𐴡𐴃𐴧𐴡𐴃𐴢 𐴔𐴝𐴓𐴢 𐴀𐴝𐴊𐴧𐴠 𐴅𐴝𐴕 𐴓𐴡𐴘 𐴀𐴝𐴁𐴝𐴌 𐴈𐴡𐴕𐴡 𐴀𐴡𐴃𐴧𐴡𐴃𐴢 𐴑𐴥𐴠𐴃𐴢-𐴉𐴡𐴐𐴡𐴓𐴡𐴌𐴠 𐴈𐴡𐴔𐴢 𐴒𐴡𐴌𐴡𐴕𐴡𐴌 𐴎𐴡𐴌𐴞𐴘𐴝| 𐴀𐴝𐴌 𐴎𐴠 𐴔𐴝𐴕𐴥𐴟𐴙𐴐𐴢 𐴀𐴥𐴠 𐴇𐴝𐴓𐴡𐴃𐴡𐴃𐴢 𐴏𐴡𐴁𐴡𐴌 𐴒𐴡𐴌𐴞𐴁𐴡 𐴀𐴡𐴕𐴠 𐴃𐴝𐴌𐴝𐴌𐴠 𐴈𐴥𐴟𐴐𐴢 𐴈𐴡𐴁𐴡𐴌𐴞 𐴉𐴥𐴟𐴕𐴝𐴘𐴊𐴡| 𐴃𐴝𐴌𐴝 𐴀𐴡𐴘𐴓𐴊𐴠 𐴀𐴡 𐴔𐴝𐴕𐴥𐴟𐴙𐴐𐴢 𐴎𐴝𐴌𐴝𐴌 𐴈𐴝𐴣𐴏𐴠 𐴎𐴡𐴊𐴞 𐴈𐴡𐴕𐴡 𐴔𐴡𐴏𐴞𐴁𐴡𐴃𐴢 𐴀𐴝𐴘𐴧𐴠 𐴃𐴡𐴈𐴡𐴕 𐴃𐴝𐴌𐴝 𐴈𐴦𐴡𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴝𐴣𐴀𐴌𐴝 𐴁𐴠𐴙𐴒𐴧𐴞𐴕 𐴀𐴝𐴓𐴧𐴝𐴇𐴌 𐴀𐴝𐴌 𐴀𐴝𐴣𐴀𐴌𐴝 𐴁𐴠𐴙𐴒𐴧𐴞𐴕𐴡𐴌𐴠 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴏𐴠 𐴉𐴥𐴞𐴌𐴞 𐴎𐴡𐴕 𐴉𐴡𐴌𐴞𐴁𐴡| 𐴀𐴠𐴃𐴝𐴌𐴝 𐴀𐴡𐴘𐴓𐴊𐴠 𐴀𐴡 𐴔𐴝𐴕𐴥𐴟𐴙𐴐𐴢 𐴎𐴝𐴌𐴝𐴌 𐴖𐴡𐴌𐴠 𐴃𐴝𐴌𐴝𐴌 𐴉𐴡𐴌𐴖𐴝𐴌 𐴊𐴠𐴒𐴝𐴌𐴡𐴌𐴡 𐴃𐴡𐴌𐴉𐴡𐴃𐴧𐴞 𐴈𐴦𐴝𐴏𐴢 𐴌𐴝𐴇𐴝𐴔𐴡𐴃𐴢 𐴀𐴝𐴌 𐴀𐴠𐴕𐴝𐴔𐴢 𐴀𐴡𐴑𐴧𐴡𐴓𐴢 𐴕𐴝𐴎𐴠𐴓𐴢 𐴀𐴥𐴡| 𐴀𐴝𐴌 𐴀𐴠 𐴔𐴝𐴕𐴥𐴟𐴙𐴐𐴢 𐴀𐴠𐴒𐴞𐴕 𐴀𐴡𐴘𐴓𐴊𐴠 𐴇𐴠𐴊𐴝𐴘𐴡𐴃𐴢 𐴀𐴡𐴓𐴝| (𐴏𐴟𐴌𐴝 𐴁𐴡𐴑𐴡𐴌𐴝:𐴱𐴵𐴵-𐴱𐴵𐴷) 

𐴀𐴠𐴈𐴡𐴕 𐴉𐴡𐴙𐴅𐴧𐴡𐴕𐴃𐴡𐴌 𐴉𐴝𐴀 𐴈𐴡𐴁𐴡𐴌 𐴔𐴡𐴃𐴝𐴁𐴠𐴑 𐴔𐴡𐴌𐴡𐴑𐴧𐴡 𐴀𐴝𐴌 𐴓𐴞𐴁𐴞𐴘𐴝𐴃𐴢 𐴀𐴝𐴘𐴐𐴧𐴠𐴊𐴠 𐴀𐴠𐴈𐴡𐴕𐴡𐴌 𐴁𐴥𐴟𐴏𐴝𐴓𐴢 𐴀𐴝𐴌 𐴉𐴝𐴕𐴞𐴌 𐴊𐴤𐴡𐴓𐴡𐴌 𐴎𐴡𐴌𐴞𐴘𐴝 𐴁𐴠𐴙𐴒𐴧𐴞𐴕 𐴔𐴞𐴓𐴝𐴘 𐴃𐴡𐴑𐴌𐴞𐴁𐴝𐴕 𐴕𐴡 𐴀𐴥𐴝𐴎𐴝𐴌(𐴹𐴰𐴰𐴰) 𐴔𐴟𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴡𐴘| 𐴃𐴡𐴑𐴌𐴞𐴁𐴝𐴕 𐴃𐴞𐴕 𐴀𐴥𐴝𐴎𐴝𐴌(𐴳𐴰𐴰𐴰) 𐴔𐴡𐴗𐴃𐴡𐴌 𐴈𐴡𐴁𐴡𐴌 𐴉𐴦𐴝 𐴒𐴞𐴘𐴧𐴠 𐴔𐴡𐴌𐴡𐴑𐴧𐴡𐴃𐴧𐴟𐴕 𐴀𐴝𐴌 𐴏𐴥𐴡 𐴀𐴥𐴝𐴎𐴝𐴌 𐴔𐴡𐴗𐴃𐴡𐴌 𐴈𐴡𐴁𐴡𐴌 𐴓𐴞𐴁𐴞𐴘𐴝 𐴔𐴧𐴝𐴎𐴠| 𐴁𐴦𐴡𐴗𐴃𐴢 𐴀𐴥𐴝𐴎𐴝𐴌 𐴒𐴥𐴝𐴘𐴓𐴢 𐴀𐴡𐴘𐴧𐴠 𐴀𐴝𐴌 𐴓𐴝𐴑 𐴓𐴝𐴑 𐴔𐴝𐴕𐴥𐴟𐴙𐴐𐴢 𐴀𐴥𐴠 𐴔𐴡𐴏𐴞𐴁𐴡𐴃𐴡𐴌 𐴎𐴡𐴌𐴞𐴘𐴝 𐴒𐴤𐴡𐴌-𐴁𐴥𐴝𐴌𐴞 𐴏𐴥𐴝𐴌𐴝 𐴀𐴡𐴘𐴒𐴞𐴘𐴡𐴘| 𐴀𐴝𐴁𐴝𐴌 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴊𐴟𐴏𐴡𐴌𐴝 𐴔𐴡𐴏𐴞𐴁𐴡𐴃𐴡𐴌𐴡 𐴐𐴞𐴑𐴝𐴌 𐴀𐴡𐴘𐴧𐴠| 𐴏𐴞𐴌𐴥𐴞𐴉𐴢 𐴔𐴡𐴌𐴡𐴑𐴧𐴡𐴃𐴢 𐴔𐴡𐴏𐴞𐴁𐴡𐴃𐴡𐴃𐴢 𐴉𐴡𐴙𐴅𐴧𐴠𐴊𐴠 𐴒𐴟𐴌𐴝𐴉𐴟𐴖𐴝𐴙𐴕𐴊𐴡𐴌 𐴐𐴥𐴟𐴔𐴝𐴌 𐴀𐴡𐴓𐴊𐴠 𐴀𐴠𐴑 𐴓𐴝𐴑𐴡(𐴱𐴰𐴰𐴰𐴰𐴰) 𐴃𐴧𐴞 𐴁𐴠𐴙𐴐𐴞| فحسبنا الله ونعم الوكيل وانالله واناالیه راجعون 

𐴀𐴠 𐴔𐴡𐴏𐴞𐴁𐴡𐴌 𐴀𐴡𐴃𐴧𐴡𐴃𐴢 𐴀𐴝𐴣𐴀𐴌𐴝 𐴀𐴟𐴔𐴧𐴝𐴃𐴠 𐴔𐴟𐴏𐴓𐴞𐴔𐴝𐴌 𐴕𐴠𐴑 𐴊𐴞𐴓𐴢 𐴀𐴔𐴝𐴕𐴥𐴟𐴐𐴢 𐴀𐴥𐴡𐴑𐴧𐴡𐴓𐴢, 𐴈𐴤𐴝𐴇𐴠𐴌𐴈𐴝𐴇𐴞,𐴀𐴠𐴔𐴊𐴝𐴃𐴞 𐴔𐴡𐴊𐴡𐴃𐴢 𐴒𐴡𐴌𐴡𐴘𐴧𐴝 𐴋𐴝𐴀𐴛 𐴀𐴝𐴊𐴧𐴠 𐴊𐴝𐴖𐴝𐴃𐴡 𐴃𐴝𐴁𐴓𐴞𐴒𐴡𐴌 𐴁𐴥𐴝𐴘𐴝𐴙𐴕𐴊𐴡𐴌 𐴈𐴝𐴣𐴏𐴠 𐴊𐴥𐴡𐴌𐴈𐴤𐴝𐴏𐴃𐴢 𐴒𐴡𐴌𐴞 𐴑𐴞 𐴁𐴡𐴓𐴞 𐴈𐴡𐴘𐴓𐴠 𐴀𐴞𐴃𐴝𐴌𐴝 𐴕𐴞𐴎𐴡𐴌 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘, 𐴁𐴡𐴙𐴕, 𐴁𐴝𐴚𐴧𐴝 𐴀𐴝𐴊𐴧𐴠 𐴁𐴟𐴌𐴝 𐴔𐴝𐴙𐴕𐴐𐴥𐴡𐴓𐴧𐴝 𐴁𐴠𐴐𐴥𐴝𐴁𐴠𐴐𐴥𐴞 𐴔𐴡𐴊𐴡𐴃𐴢 𐴒𐴡𐴌𐴡| 𐴕𐴞𐴎𐴡𐴌 𐴔𐴝𐴓𐴢-𐴏𐴝𐴔𐴝𐴕𐴝 𐴀𐴝𐴊𐴧𐴠 𐴃𐴡𐴅𐴌𐴠𐴁𐴝 𐴎𐴠𐴀𐴕 𐴕𐴠𐴑𐴞 𐴋𐴡𐴑𐴄𐴡𐴌, 𐴀𐴟𐴊𐴤𐴝𐴌 𐴒𐴡𐴌𐴡𐴘𐴝 𐴃𐴡𐴅𐴌𐴠𐴁𐴝 𐴀𐴝𐴊𐴧𐴠 𐴀𐴞𐴕𐴅𐴞𐴕𐴞𐴘𐴝𐴌𐴞𐴚 𐴃𐴡𐴅𐴌𐴠𐴁𐴝 𐴀𐴡𐴒𐴡𐴘𐴌𐴝 𐴀𐴡𐴒𐴡𐴘𐴌𐴝 𐴓𐴡𐴘 𐴔𐴡𐴏𐴞𐴁𐴡𐴃𐴢 𐴀𐴝𐴏𐴠𐴊𐴞 𐴀𐴞𐴔𐴝𐴕𐴊𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴡| 𐴀𐴝𐴌 𐴀𐴞𐴃𐴝𐴌𐴝𐴌 𐴔𐴡𐴏𐴞𐴁𐴡𐴃𐴡𐴔𐴧𐴝𐴎𐴠 𐴀𐴞𐴃𐴝𐴌𐴝𐴌 𐴏𐴝𐴇𐴝𐴌𐴝 𐴁𐴡𐴕𐴞 𐴎𐴡𐴀||

𐴃𐴝𐴔𐴦𐴝𐴔𐴢 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴓𐴧𐴝 𐴀𐴝𐴣𐴀𐴝𐴌𐴝𐴌 𐴊𐴥𐴡𐴌𐴈𐴤𐴝𐴏𐴃𐴢 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴘𐴟𐴀𐴠𐴕 𐴀𐴝𐴊𐴧𐴠 𐴉𐴡𐴏𐴞𐴔𐴧𐴝 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌 𐴘𐴦𐴝𐴃𐴡 𐴀𐴞𐴃𐴝𐴌𐴝𐴌 𐴉𐴟𐴣𐴖𐴝𐴣𐴃𐴞 𐴃𐴝𐴓𐴧𐴟𐴑 𐴌𐴝𐴑𐴡𐴘𐴧𐴝 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴔𐴡𐴊𐴡𐴃𐴢 𐴊𐴞𐴉𐴠𐴍𐴡𐴕𐴡𐴌 𐴁𐴡𐴊𐴓𐴝𐴃𐴢 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴋𐴝𐴀𐴛 𐴀𐴝𐴊𐴧𐴠 𐴃𐴝𐴕𐴎𐴞𐴔𐴡𐴌 𐴎𐴡𐴌𐴞𐴘𐴝 𐴕𐴞𐴎𐴡𐴌 𐴔𐴡𐴊𐴡𐴃𐴞 𐴔𐴝𐴓𐴢-𐴏𐴝𐴔𐴝𐴕 𐴊𐴞𐴉𐴠𐴍𐴡| 𐴀𐴠 𐴀𐴡𐴃𐴧𐴡𐴒𐴝𐴕 𐴔𐴟𐴏𐴡𐴓𐴔𐴝𐴕 𐴊𐴝𐴀𐴞 𐴀𐴥𐴡𐴑𐴧𐴡𐴓𐴡𐴓𐴧𐴝 𐴘𐴥𐴡 𐴁𐴠𐴐𐴥𐴝𐴁𐴠𐴐𐴥𐴞 𐴀𐴝𐴇𐴝𐴔𐴢 𐴀𐴥𐴡𐴃𐴧𐴡 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴃𐴝𐴌𐴝 𐴏𐴞𐴌𐴠𐴉𐴢 𐴀𐴝𐴓𐴧𐴝𐴦𐴇 𐴃𐴝𐴀𐴝𐴓𐴝𐴌 𐴌𐴠𐴎𐴝𐴔𐴡𐴕𐴊𐴞𐴓𐴧𐴝 𐴔𐴡𐴏𐴞𐴔𐴡𐴃𐴢 𐴀𐴝𐴏𐴠𐴊𐴞 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴀𐴞𐴔𐴊𐴝𐴊𐴞 𐴔𐴡𐴊𐴡𐴃𐴢 𐴒𐴡𐴌𐴞𐴁𐴡 𐴀𐴝𐴌 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴏𐴡𐴁𐴡𐴌 𐴀𐴝𐴊𐴧𐴠 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴃𐴡𐴌𐴉𐴡𐴃𐴧𐴠 𐴀𐴝𐴙𐴐𐴧𐴠𐴊𐴠 𐴔𐴡𐴏𐴞𐴁𐴡𐴃𐴡𐴔𐴧𐴝𐴎𐴠𐴘𐴥𐴡 𐴃𐴝𐴀𐴛𐴌 𐴖𐴝𐴌𐴠 𐴌𐴝𐴎𐴞 𐴑𐴤𐴟𐴐𐴞 𐴃𐴤𐴝𐴑𐴞𐴁𐴝𐴌 𐴃𐴝𐴓𐴞𐴔𐴢 𐴊𐴞𐴁𐴡||

𐴀𐴠 𐴑𐴡𐴄𐴞𐴕 𐴔𐴡𐴏𐴞𐴁𐴡𐴃𐴡𐴌 𐴀𐴡𐴃𐴧𐴡𐴃𐴢 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴌𐴠𐴎𐴝𐴔𐴡𐴕𐴊𐴞 𐴇𐴝𐴔𐴢 𐴒𐴡𐴌𐴡𐴘𐴧𐴝 𐴀𐴝𐴊𐴧𐴠 𐴊𐴝𐴀𐴞 𐴁𐴥𐴝𐴘 𐴀𐴥𐴡𐴑𐴧𐴡𐴓𐴡 𐴈𐴠𐴘𐴝𐴓𐴢 𐴌𐴝𐴑𐴝 𐴊𐴥𐴡𐴌𐴈𐴝𐴌 𐴑𐴞 𐴁𐴡𐴓𐴞 𐴈𐴡𐴘𐴓𐴠 𐴀𐴠𐴔𐴊𐴝𐴃𐴞 𐴔𐴡𐴊𐴡𐴌 𐴏𐴧𐴝𐴀𐴃𐴠 𐴏𐴝𐴀𐴃𐴠 𐴈𐴝𐴕𐴝-𐴂𐴞𐴕𐴝𐴌 𐴏𐴝𐴔𐴝𐴕𐴝 𐴀𐴝𐴊𐴧𐴞 𐴔𐴡𐴗𐴏𐴟𐴔𐴞 𐴐𐴦𐴞𐴃𐴢 𐴒𐴡𐴌𐴡𐴔𐴡𐴌 𐴁𐴞𐴉𐴡𐴃𐴡𐴃𐴧𐴠 𐴃𐴝𐴌𐴝𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴞 𐴉𐴝𐴌𐴠| 𐴎𐴠𐴃𐴡 𐴅𐴡𐴓𐴊𐴞 𐴔𐴟𐴔𐴑𐴠𐴕 𐴃𐴝𐴌𐴝𐴓𐴧𐴝 𐴒𐴥𐴡𐴌𐴡𐴌𐴡 𐴀𐴠𐴕𐴎𐴝𐴔𐴢 𐴒𐴡𐴌𐴡| 𐴀𐴠𐴒𐴞𐴕𐴡𐴌 𐴉𐴟𐴖𐴝𐴣𐴃𐴞 𐴉𐴟𐴖𐴝𐴣𐴃𐴞 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴀𐴦𐴞𐴔𐴝𐴕 𐴀𐴝𐴊𐴧𐴠 𐴀𐴝𐴑𐴞𐴊𐴤𐴝𐴌𐴠 𐴇𐴠𐴉𐴝𐴎𐴡𐴃𐴢 𐴒𐴡𐴌𐴞𐴁𐴝𐴌 𐴎𐴞𐴔𐴧𐴝𐴊𐴝𐴌𐴞𐴘𐴥𐴡 𐴉𐴟𐴌𐴝 𐴒𐴡𐴌𐴝 𐴉𐴡𐴌𐴞𐴁𐴡 𐴑𐴞𐴘𐴡𐴓𐴧𐴝 𐴁𐴡𐴓𐴞 𐴀𐴠 𐴑𐴡𐴄𐴞𐴕 𐴇𐴥𐴝𐴓𐴡𐴃𐴡𐴃𐴢 𐴉𐴡𐴏𐴞𐴔𐴧𐴝 𐴋𐴝𐴀𐴛 𐴀𐴦𐴡𐴓𐴠 𐴃𐴝𐴌𐴝𐴌 𐴀𐴠𐴔𐴊𐴝𐴃𐴞 𐴔𐴡𐴊𐴡𐴃𐴌 𐴏𐴧𐴝𐴀𐴃𐴠 𐴃𐴝𐴌𐴝𐴌 𐴁𐴟𐴌𐴝𐴀𐴞𐴌𐴠 𐴘𐴥𐴡 𐴉𐴡𐴘𐴓𐴝 𐴊𐴠𐴀𐴕𐴡𐴌 𐴑𐴟𐴐𐴠𐴐𐴢 𐴒𐴡𐴌𐴠𐴌| 𐴀𐴝𐴌 𐴀𐴠𐴎𐴡𐴔𐴝𐴕𐴃𐴢 𐴃𐴝𐴌𐴝𐴌 𐴁𐴟𐴌𐴝𐴀𐴞 𐴉𐴡𐴘𐴓𐴝𐴕𐴡𐴌 𐴀𐴠𐴑 𐴕𐴡𐴘𐴝 𐴃𐴤𐴡𐴌𐴞𐴑𐴝 𐴀𐴡𐴘𐴓𐴊𐴠 𐴑𐴞 𐴃𐴝𐴌𐴝 𐴀𐴠𐴑 𐴊𐴤𐴡𐴌𐴔𐴡𐴃𐴧𐴠 𐴀𐴝𐴌𐴠𐴑 𐴊𐴤𐴡𐴌𐴔𐴡𐴌 𐴔𐴞𐴙𐴑𐴧𐴝 𐴊𐴝𐴖𐴝𐴃𐴢 𐴊𐴠𐴀𐴕𐴡𐴌 𐴁𐴡𐴊𐴓𐴝𐴢𐴃 𐴓𐴦𐴝𐴊𐴞𐴕𐴞𐴘𐴡𐴃𐴡𐴌 𐴔𐴞𐴙𐴑𐴧𐴝 𐴊𐴝𐴖𐴝𐴃𐴢 𐴊𐴠𐴀||

𐴀𐴞𐴔𐴝𐴕𐴊𐴝𐴌 𐴀𐴦𐴡𐴓𐴡𐴌 𐴈𐴠𐴓𐴝𐴉𐴢 𐴉𐴟𐴌𐴝 𐴊𐴟𐴕𐴞𐴘𐴝𐴃𐴢 𐴏𐴡𐴓𐴠𐴊𐴧𐴠 𐴓𐴝𐴌𐴥𐴝𐴘𐴌 𐴉𐴡𐴘𐴓𐴝 𐴇𐴝𐴃𐴝𐴌𐴡𐴃𐴢 𐴓𐴝𐴌𐴥𐴝𐴘 𐴒𐴡𐴌𐴠𐴊𐴧𐴠 𐴔𐴟𐴅𐴝𐴇𐴞𐴊𐴞𐴕𐴠 𐴀𐴞𐴏𐴓𐴝𐴔𐴢 𐴅𐴞𐴇𐴝𐴊𐴡𐴌 𐴉𐴡𐴌𐴡𐴎𐴡𐴌𐴠 𐴀𐴝𐴊𐴝𐴘 𐴒𐴡𐴌𐴡𐴕 𐴀𐴝𐴊𐴧𐴠 𐴀𐴝𐴌 𐴊𐴟𐴐𐴧𐴡𐴕𐴡𐴌 𐴃𐴡𐴌𐴉𐴡𐴃𐴧𐴞 𐴓𐴝𐴒𐴝𐴒𐴞𐴘𐴠𐴊𐴠 𐴉𐴝𐴁𐴡𐴕𐴊𐴞 𐴀𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴔𐴡𐴊𐴡𐴊𐴡𐴌 𐴑𐴝𐴌𐴖𐴝𐴘𐴞 𐴔𐴧𐴝𐴎𐴠 𐴀𐴥𐴞𐴏𐴧𐴝 𐴓𐴡𐴘𐴕𐴡𐴉𐴝𐴌𐴠𐴌، 𐴀𐴝𐴌𐴕𐴡𐴘𐴓𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴢 𐴀𐴟𐴔𐴧𐴡𐴃𐴡𐴌 𐴀𐴠𐴑 𐴔𐴡𐴅𐴔𐴟𐴀𐴝 𐴔𐴡𐴏𐴞𐴁𐴡𐴃𐴡𐴃𐴢 𐴉𐴡𐴌𐴡𐴕𐴡𐴌 𐴁𐴝𐴊𐴠 𐴈𐴥𐴝𐴔𐴡𐴈𐴥𐴝 𐴃𐴝𐴌𐴝 𐴕𐴞𐴎𐴡𐴌 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘-𐴁𐴥𐴡𐴘𐴕 𐴀𐴡𐴑𐴧𐴡𐴓𐴡𐴌 𐴔𐴡𐴊𐴡𐴃𐴢 𐴀𐴝𐴌 𐴕𐴟𐴏𐴌𐴡𐴃𐴢 𐴒𐴡𐴌𐴞𐴁𐴡𐴓𐴧𐴝 𐴉𐴡𐴣𐴏𐴞𐴎𐴝𐴘𐴃𐴡| 𐴀𐴠𐴈𐴡𐴃𐴝 𐴔𐴧𐴝𐴎𐴠 𐴐𐴥𐴡𐴑𐴕𐴥𐴝𐴘𐴊𐴠 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴢 𐴀𐴠 𐴀𐴟𐴔𐴧𐴡𐴃𐴡𐴌 𐴉𐴟𐴖𐴝𐴙𐴕، 𐴔𐴟𐴇𐴝𐴉𐴠𐴎 𐴀𐴝𐴌 𐴈𐴝𐴊𐴠𐴔𐴢||

𐴀𐴝𐴣𐴀𐴌𐴝 𐴀𐴠𐴔𐴊𐴝𐴊𐴞 𐴈𐴝𐴔𐴡𐴃𐴢 𐴐𐴡𐴌𐴞𐴑 𐴀𐴡𐴘𐴧𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴦𐴡𐴓𐴡𐴌𐴠 𐴌𐴡𐴏𐴟𐴓𐴠 𐴀𐴝𐴑𐴌𐴡𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴠 𐴔𐴟𐴁𐴝𐴌𐴡𐴑 𐴀𐴠𐴌𐴐𐴝𐴊𐴡𐴌 𐴎𐴡𐴌𐴞𐴘𐴝 𐴈𐴟𐴐𐴈𐴡𐴁𐴡𐴌𐴞 𐴊𐴞𐴀𐴌:

وعن ابن عمرَ رضي اللَّهُ عنهما: أَن رسولَ اللَّه ﷺ قَالَ: المسلمُ أَخو المسلم، لا يَظلِمُه، ولا يُسْلِمُهُ، ومَنْ كَانَ فِي حاجةِ أَخِيهِ كانَ اللَّهُ فِي حاجتِهِ، ومَنْ فَرَّجَ عَنْ مُسلمٍ كُرْبةً فَرَّجَ اللَّهُ عَنْهُ بها كُرْبةً مِنْ كُرَبِ يوم القيامةِ، وَمَنْ سَتَرَ مُسْلمًا سَتَرَهُ اللَّهُ يَومَ الْقِيامَةِ (مُتَّفَقٌ عَلَيهِ)
𐴇𐴡𐴎𐴌𐴡𐴃𐴢 𐴀𐴞𐴁𐴕𐴞 𐴀𐴟𐴔𐴡𐴌 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴝𐴕𐴇𐴟𐴔𐴝 𐴃𐴧𐴞 𐴌𐴠𐴖𐴝𐴘𐴡𐴃𐴢 𐴕𐴡𐴁𐴞 𐴑𐴡𐴌𐴞𐴔𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴠 𐴀𐴠𐴌𐴐𐴝𐴊𐴢 𐴒𐴡𐴙𐴅𐴧𐴠: 𐴇𐴥𐴝𐴌 𐴔𐴟𐴏𐴡𐴓𐴔𐴝𐴕 𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕𐴡𐴌 𐴁𐴥𐴝𐴘، 𐴕𐴡 𐴀𐴥𐴞𐴁𐴝𐴌 𐴖𐴡𐴌𐴠 𐴎𐴟𐴓𐴟𐴔𐴢 𐴒𐴡𐴌𐴠 𐴀𐴝𐴌 𐴕𐴡 𐴃𐴝𐴌𐴠 𐴊𐴟𐴐𐴧𐴡𐴕𐴡𐴌𐴠 𐴇𐴝𐴖𐴝𐴓𐴝 𐴒𐴡𐴌𐴞𐴊𐴠، 𐴎𐴞𐴑𐴞𐴘𐴠 𐴕𐴞𐴎𐴡𐴌 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘𐴡𐴌 𐴇𐴝𐴅𐴡𐴃𐴢 𐴉𐴟𐴌𐴝𐴒𐴡𐴌𐴞 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴃𐴝𐴌 𐴇𐴝𐴅𐴡𐴃𐴡𐴌𐴠 𐴉𐴟𐴌𐴝 𐴒𐴡𐴌𐴞𐴊𐴞𐴁𐴡| 𐴀𐴝𐴌 𐴎𐴠𐴔𐴝𐴕𐴥𐴟𐴙𐴐𐴢 𐴈𐴡𐴕𐴡 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘𐴡𐴌 𐴉𐴠𐴌𐴠𐴐𐴝𐴕𐴞 𐴊𐴟𐴌𐴒𐴡𐴌𐴞𐴁𐴡 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴑𐴞𐴘𐴔𐴡𐴃𐴡𐴌 𐴊𐴞𐴕 𐴃𐴝𐴌 𐴉𐴠𐴌𐴠𐴐𐴝𐴕𐴞 𐴌𐴥𐴠𐴘𐴥𐴡 𐴊𐴟𐴌 𐴒𐴡𐴌𐴞𐴊𐴞𐴁𐴡| 𐴀𐴝𐴌 𐴎𐴠 𐴑𐴞𐴘𐴠 𐴈𐴡𐴕𐴡 𐴔𐴟𐴏𐴡𐴓𐴔𐴝𐴕𐴡𐴌 𐴀𐴝𐴁𐴡𐴌𐴠 𐴓𐴟𐴑𐴝𐴘 𐴌𐴝𐴑𐴞𐴁𐴡 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴑𐴞𐴘𐴝𐴔𐴡𐴃𐴡𐴌 𐴊𐴞𐴕 𐴃𐴝𐴌 𐴀𐴝𐴘𐴁𐴡𐴌𐴠 𐴓𐴟𐴑𐴝𐴘 𐴌𐴝𐴑𐴞𐴁𐴡| ( 𐴔𐴟𐴃𐴧𐴡𐴉𐴡𐴑𐴟𐴕 𐴀𐴝𐴓𐴝𐴘𐴇)

𐴀𐴝𐴣𐴀𐴌𐴝 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴏𐴠 𐴊𐴟𐴖𐴝𐴒𐴡𐴌𐴞𐴌 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴃𐴝𐴛 𐴀𐴥𐴠 𐴔𐴡𐴏𐴞𐴁𐴡𐴃𐴡𐴃𐴢 𐴉𐴡𐴗𐴃𐴢 𐴀𐴡𐴘𐴧𐴠𐴊𐴠 𐴀𐴝𐴣𐴀𐴌𐴝𐴌 𐴔𐴟𐴏𐴡𐴓𐴔𐴝𐴕 𐴁𐴥𐴝𐴘-𐴁𐴥𐴡𐴘𐴕 𐴀𐴡𐴑𐴧𐴡𐴓𐴡𐴌𐴠 𐴔𐴝𐴉𐴢 𐴒𐴡𐴌𐴞𐴊𐴡𐴑| 𐴀𐴝𐴌 𐴐𐴡𐴇𐴞𐴊𐴢 𐴀𐴦𐴡𐴓𐴡𐴌 𐴏𐴝𐴣𐴃𐴠 𐴃𐴝𐴌𐴝𐴌 𐴔𐴝𐴔𐴠𐴓𐴝 𐴒𐴡𐴌𐴡𐴑، 𐴃𐴝𐴌𐴝𐴌 𐴖𐴡𐴌𐴠 𐴌𐴝𐴇𐴝𐴔𐴢 𐴒𐴡𐴌𐴡𐴑، 𐴅𐴡𐴕𐴧𐴡𐴃𐴡𐴌𐴠 𐴃𐴝𐴌𐴝𐴌 𐴄𐴞𐴑𐴝𐴕𐴝 𐴁𐴝𐴕𐴝𐴘 𐴊𐴡𐴑| 𐴀𐴝𐴓𐴧𐴝𐴇 𐴉𐴝𐴑 𐴒𐴥𐴝𐴙𐴓𐴢 𐴀𐴡𐴘𐴧𐴠𐴊𐴠 𐴔𐴝𐴕𐴥𐴟𐴙𐴐𐴡𐴌𐴠 𐴐𐴠𐴉𐴝𐴊𐴡𐴑 𐴀𐴝𐴌 𐴁𐴠𐴏𐴝𐴀𐴝𐴌𐴝 𐴀𐴡𐴘𐴧𐴠𐴊𐴠 𐴃𐴝𐴌𐴝𐴌𐴠 𐴔𐴡𐴊𐴡𐴃𐴢 𐴀𐴝𐴌 𐴕𐴟𐴏𐴌𐴡𐴃𐴢 𐴉𐴡𐴌𐴔𐴡𐴑 𐴀𐴝𐴌 𐴏𐴡𐴁𐴡𐴌𐴡𐴌 𐴃𐴡𐴉𐴞𐴑𐴡𐴌 𐴏𐴝𐴣𐴃𐴠 𐴏𐴝𐴣𐴃𐴠 𐴃𐴝𐴌𐴝𐴌𐴠 𐴀𐴝𐴅𐴡𐴌𐴠 𐴀𐴝𐴎𐴞𐴔𐴡𐴃𐴧𐴞𐴘𐴥𐴡 𐴔𐴦𐴝𐴌𐴟𐴔𐴢 𐴕𐴡𐴒𐴡𐴌𐴡𐴑||

𐴀𐴝𐴣𐴀𐴌𐴝 𐴃𐴡𐴏𐴡𐴓𐴧𐴞 𐴀𐴝𐴊𐴧𐴠 𐴉𐴠𐴄𐴉𐴟𐴌𐴝𐴕𐴞 𐴊𐴠𐴈𐴝𐴘𐴁𐴡𐴓𐴧𐴝 𐴔𐴡𐴌𐴝𐴑𐴠𐴐𐴢 𐴀𐴝𐴌 𐴓𐴞𐴁𐴞𐴘𐴝𐴃𐴢 𐴔𐴡𐴏𐴞𐴁𐴡𐴃𐴡𐴃𐴢 𐴉𐴡𐴙𐴅𐴧𐴠𐴊𐴠 𐴃𐴝𐴌𐴝𐴌𐴠 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴡𐴓𐴧𐴡𐴔𐴡𐴌 𐴀𐴠 𐴔𐴟𐴁𐴝𐴌𐴡𐴑 𐴀𐴠𐴌𐴐𐴝𐴊𐴡𐴌𐴠 𐴘𐴦𐴝𐴊𐴢 𐴒𐴡𐴌𐴝𐴘𐴊𐴞𐴌: 

الشهداء خمسة المطعون والمبطون، والغريق، وصاحب الهَدْمِ، والشهداء في سبيل الله
𐴐𐴡𐴇𐴞𐴊𐴢 𐴉𐴝𐴣𐴏𐴢 𐴑𐴞𐴏𐴞𐴔𐴡𐴌: 𐴖𐴡𐴁𐴝 𐴁𐴞𐴙𐴌𐴝𐴔𐴢 𐴓𐴡𐴘 𐴔𐴡𐴌𐴡𐴘𐴝، 𐴉𐴠𐴍𐴡𐴌 𐴁𐴞𐴙𐴌𐴝𐴔𐴢 𐴓𐴡𐴘 𐴔𐴡𐴌𐴡𐴘𐴝، 𐴉𐴝𐴕𐴞𐴃𐴢 𐴋𐴟𐴉𐴞 𐴔𐴡𐴌𐴡𐴘𐴝، 𐴈𐴡𐴕𐴡 𐴏𐴞𐴏𐴡𐴌 𐴏𐴝𐴉𐴡𐴃𐴉𐴡𐴌𐴞 𐴔𐴡𐴌𐴡𐴘𐴝، 𐴀𐴝𐴌 𐴎𐴠𐴕𐴞𐴑𐴞 𐴀𐴝𐴓𐴧𐴝𐴇 𐴌𐴡𐴁𐴧𐴟𐴓𐴢 𐴀𐴝𐴓𐴡𐴔𐴞𐴕𐴡𐴌 𐴌𐴝𐴏𐴧𐴝𐴃𐴢 𐴓𐴝𐴌𐴥𐴝𐴘 𐴒𐴡𐴌𐴞 𐴐𐴡𐴇𐴞𐴊𐴢 𐴀𐴡𐴘𐴝|

اخر دعواناان الحمدلله رب العالمين وصلي الله تعلي علي نبينا الأمين!