اراکان کا منبر
اراکان کا منبر
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
arakan ka mimber

تـقدم
ناشر
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
Presents

الترجمة الروهينجية
روھینگا زبان میں ترجمۃ
𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
Rohingya Translation

بعنوان:
عنوان:
𐴏𐴟𐴌𐴈𐴞:
Titled:

التذاكر الجياد
اچھی نصیحت
𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴢
Good advice

الجزء الخامس
پانچواں حصہ
𐴉𐴝𐴣𐴏𐴀𐴡𐴔𐴢 𐴁𐴤𐴝𐴑
Fifth part

أذلة على المؤمنين أعزة على الكافرين
مومنوں کے ساتھ نرمی اور کافروں کے ساتھ سختی سلوک کرنا
𐴔𐴦𐴟𐴔𐴞𐴕𐴡𐴌 𐴏𐴝𐴣𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠 𐴏𐴥𐴡𐴈𐴃𐴞 𐴏𐴟𐴓𐴟𐴑 𐴒𐴡𐴌𐴡𐴕
Treating believers politely and disbelievers harshly

للرؤية المباشرة والتحميل
دیکھيے یا ڈؤنلوڈ کریں
𐴖𐴝𐴕𐴓𐴝𐴙𐴕 𐴊𐴠𐴑𐴡 𐴀𐴡𐴃𐴡𐴁𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
See Online Or Download

 

Video Quality (640*360) 180MB
https://archive.org/download/uttom-nosiha-05-rhg/uttom%20nosiha-05%20rhg.mp4
https://archive.org/download/uttom-nosiha-05-rhg_202211/uttom%20nosiha-05%20rhg.mp4
https://mymegacloud.com/download/dXBsb2Fkcy92ZmJkemdiL3V0dG9tLW5vc2loYS0wNS1yaGcubXA0/h/a9bec872b07304284966836307e94d11
https://file.fm/u/fees35mah

Video Quality (640*360) 64MB
https://archive.org/download/uttom-nosiha-05-rhg/uttom%20nosiha-05%20rhg-MQ.mp4
https://mymegacloud.com/download/dXBsb2Fkcy92ZmJkemdiL3V0dG9tLW5vc2loYS0wNS1yaGctTVEubXA0/h/58cd7b44b909b7715514bcf727b98ed3
https://file.fm/f/c2z2arnb2
https://cloud.degoo.com/share/FIUjOgR57Mogz3R27hNSrQ

Video Quality (640*360) 30MB
https://archive.org/download/uttom-nosiha-05-rhg/uttom%20nosiha-05%20rhg-LQ.mp4
https://mymegacloud.com/download/dXBsb2Fkcy92ZmJkemdiL3V0dG9tLW5vc2loYS0wNS1yaGctTFEubXA0/h/6e7a954c5aeae4fe408540d0ba4a4646
https://file.fm/f/h2aen888u
https://cloud.degoo.com/share/70oqCzUaAzsR-hQeNirgVg

Video Quality (480*360) 15MB
https://archive.org/download/uttom-nosiha-05-rhg-mq/Uttom%20Nosiha-05%20Rhg-Mq-mobail.m4v
https://www.mediafire.com/file/br2vbih1xvzgjs5/Uttom_Nosiha-05_Rhg-Mq-mobail.m4v/file
https://mymegacloud.com/download/dXBsb2Fkcy92ZmJkemdiL1V0dG9tLU5vc2loYS0wNS1SaGctTXEtbW9iYWlsLm00dg==/h/6bde17871436dcbf22c37ee350a63d5a
https://file.fm/f/xwqr7d9qp
https://cloud.degoo.com/share/70oqCzUaAzsR-hQeNirgVg

Word
https://justpaste.it/aon6g
https://web.archive.org/web/20221123044221/https://justpaste.it/aon6g

PDF
https://archive.org/download/vala-nosihot-05-rohingya/Vala%20nosihot-05%20Rohingya.pdf
https://www.mediafire.com/file/trytwqxt28gpyoy/Vala+nosihot-05+Rohingya.pdf/file
https://mymegacloud.com/download/dXBsb2Fkcy92ZmJkemdiL1ZhbGEtbm9zaWhvdC0wNS1Sb2hpbmd5YS5wZGY=/h/e5c6d9f03cb08e9c2bc72e1487ec50b0
https://file.fm/f/x3mgajnvx
https://da3ut87qegdc7q1awr.herokuapp.com

Cover
https://archive.org/download/uttom-nosiha-05-rhg/Bhala%20nosihot-05.jpg
https://mymegacloud.com/download/dXBsb2Fkcy92ZmJkemdiL0JoYWxhLW5vc2lob3QtMDUuanBn/h/5a34e183673b1b5c7cf6d48ae00eb82c
https://file.fm/f/b32seg4fj

Banner
https://archive.org/download/vala-nosihot-05-rohingya/-bannerBhala%20nosihot-05.jpg
https://www.mediafire.com/view/0cjgshcdqo1y4qt/Bhala_nosihot-05.jpg/file
https://file.fm/f/rzfqk3xwk

 

 

𐴁𐴝𐴤𐴓𐴝 𐴕𐴡𐴏𐴞𐴘𐴡𐴃𐴢

𐴉𐴝𐴣𐴏𐴀𐴡𐴔𐴢 𐴁𐴤𐴝𐴑 (𐴵)

𐴔𐴦𐴟𐴔𐴞𐴕𐴡𐴌 𐴏𐴝𐴣𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠 𐴏𐴥𐴡𐴈𐴃𐴞 𐴏𐴟𐴓𐴟𐴑 𐴒𐴡𐴌𐴡𐴕

𐴐𐴝𐴘𐴈𐴢 𐴀𐴝𐴓𐴢 𐴔𐴟𐴅𐴝𐴇𐴞𐴊𐴢 𐴇𐴝𐴌𐴠𐴏𐴢 𐴁𐴞𐴕 𐴒𐴝𐴎𐴞 𐴀𐴝𐴕 𐴕𐴡𐴎𐴧𐴝𐴌𐴞 (𐴌𐴇)

𐴃𐴔𐴝𐴦𐴔𐴢 𐴃𐴝𐴌𐴞𐴉𐴢 𐴀𐴡 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴓𐴧𐴝𐴘 𐴎𐴞𐴁𐴝 𐴃𐴝𐴔𐴝𐴦𐴔𐴢 𐴅𐴝𐴇𐴝𐴕𐴡𐴌 𐴔𐴝𐴓𐴠𐴑 ، 𐴌𐴝𐴇𐴝𐴔𐴡𐴃𐴢  𐴀𐴝𐴊𐴧𐴠 𐴏𐴡𐴓𐴝𐴔𐴡𐴃𐴢 𐴕𐴝𐴎𐴠𐴓𐴢 𐴀𐴥𐴡𐴗𐴑 𐴀𐴝𐴣𐴀𐴌𐴝𐴌 𐴕𐴡𐴁𐴞 𐴔𐴟𐴇𐴝𐴔𐴧𐴡𐴊𐴢 (𐴏𐴓𐴢) 𐴔𐴡𐴌 𐴖𐴡𐴌𐴠 ، 𐴃𐴝𐴌 𐴀𐴝𐴇𐴓𐴡 𐴀𐴝𐴘𐴝𐴓𐴡𐴌 𐴖𐴡𐴌𐴠 𐴀𐴝𐴌 𐴃𐴝𐴌 𐴏𐴝𐴇𐴝𐴁𐴝 𐴑𐴠𐴌𐴝𐴔𐴢 𐴀𐴝𐴅𐴔𐴝𐴀𐴦𐴞𐴕𐴡𐴌 𐴖𐴡𐴌𐴠|

𐴔𐴦𐴟𐴔𐴞𐴕𐴡𐴌 𐴏𐴝𐴣𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠 𐴏𐴡𐴑𐴃𐴡 𐴏𐴟𐴓𐴟𐴑 𐴒𐴡𐴌𐴡𐴕| 𐴘𐴦𐴝𐴕𐴀𐴡𐴘𐴓𐴊𐴠 𐴁𐴡𐴕𐴊𐴝𐴘𐴠 𐴀𐴝𐴓𐴧𐴝𐴤𐴌𐴞 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴕𐴡𐴌 𐴊𐴡𐴓𐴞𐴓𐴢| 𐴑𐴞𐴘𐴡𐴓𐴧𐴝𐴘 𐴁𐴡𐴕𐴊𐴝 𐴎𐴠𐴈𐴡𐴕 𐴀𐴝𐴓𐴧𐴝𐴤 𐴃𐴝𐴀𐴝𐴌𐴞 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴠 𐴃𐴡𐴈𐴡𐴕 𐴀𐴥𐴞𐴁𐴝 𐴏𐴞𐴌𐴥𐴉𐴢 𐴀𐴡 𐴈𐴝𐴔𐴢 𐴒𐴡𐴌𐴡𐴕𐴡𐴌 𐴑𐴟𐴐𐴥𐴞𐴐𐴢 𐴒𐴡𐴌𐴞𐴁𐴡 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴓𐴧𐴝𐴤 𐴌𐴝𐴎𐴞 𐴀𐴥𐴡| 𐴎𐴠 𐴏𐴞𐴏𐴡𐴌𐴠 𐴀𐴝𐴓𐴧𐴝𐴤 𐴉𐴡𐴏𐴥𐴡𐴕 𐴒𐴡𐴌𐴠 𐴔𐴦𐴟𐴀𐴔𐴞𐴕 𐴀𐴦𐴡𐴓𐴢 𐴃𐴝𐴌 𐴔𐴞𐴑𐴧𐴝 𐴊𐴟𐴦𐴣𐴌𐴠|

𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴕𐴞𐴎𐴠𐴀 𐴀𐴝𐴣𐴌𐴝𐴌𐴠 𐴈𐴡𐴁𐴥𐴡𐴌 𐴊𐴞𐴘𐴠 ، 𐴎𐴠𐴔𐴝𐴕𐴥𐴟𐴙𐴐𐴢 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴠 𐴀𐴥𐴞𐴁𐴝 𐴔𐴦𐴟𐴔𐴀𐴞𐴕𐴡𐴌 𐴏𐴝𐴣𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠 𐴏𐴡𐴈𐴃𐴡| 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴁𐴡𐴕𐴊𐴝𐴌 𐴃𐴡𐴌𐴉𐴡𐴃𐴧𐴞 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴕𐴡𐴌 𐴀𐴝𐴓𐴝𐴔𐴡𐴃𐴢| 𐴀𐴠𐴏𐴞𐴉𐴡𐴃𐴢 𐴘𐴦𐴝𐴕𐴞 ” 𐴔𐴦𐴟𐴔𐴞𐴕𐴡𐴌 𐴏𐴝𐴣𐴃𐴠 𐴕𐴡𐴌𐴔𐴞 𐴀𐴝𐴌 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠 𐴏𐴡𐴑𐴃𐴡” 𐴘𐴦𐴝𐴕𐴡𐴌 𐴎𐴡𐴌𐴞𐴘𐴝 𐴁𐴡𐴕𐴊𐴝 𐴀𐴝𐴓𐴝𐴤𐴌 𐴔𐴟𐴇𐴝𐴁𐴧𐴡𐴃𐴢 𐴉𐴝𐴘𐴃𐴉𐴝𐴌𐴠 |𐴀𐴥𐴠𐴈𐴡𐴃𐴝𐴓𐴧𐴝𐴘 𐴘𐴦𐴝𐴕𐴡𐴃𐴢 𐴎𐴞𐴕𐴋𐴞𐴓𐴧𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴕𐴡𐴌 𐴀𐴝𐴓𐴝𐴔𐴡𐴃𐴢 𐴉𐴝𐴎𐴝𐴘 ، 𐴀𐴥𐴞𐴕𐴋𐴞𐴓𐴧𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴞𐴁𐴝𐴌 𐴎𐴡𐴌𐴞𐴘𐴝 𐴘𐴥𐴡 𐴘𐴦𐴝𐴕|

𐴀𐴝𐴓𐴧𐴝𐴔𐴝 𐴀𐴞𐴁𐴕𐴞 𐴌𐴡𐴅𐴡𐴁𐴢 𐴇𐴝𐴔𐴁𐴡𐴓𐴞 ( 𐴌𐴇) ” 𐴀𐴝𐴓𐴢 𐴅𐴝𐴔𐴠𐴀𐴟𐴓𐴢 𐴀𐴟𐴓𐴟𐴔𐴢 𐴖𐴡𐴓𐴢 𐴇𐴞𐴑𐴝𐴔𐴢 ” 𐴑𐴞𐴃𐴝𐴁𐴡𐴃𐴢 (أَذِلَّةٍ عَلَى ٱلْمُؤْمِنِينَ أَعِزَّةٍ عَلَى ٱلْكَٰفِرِينَ )𐴀𐴠 𐴀𐴝𐴘𐴝𐴃𐴢 𐴓𐴡𐴘 𐴔𐴟𐴎𐴝𐴑𐴝𐴌𐴝 𐴒𐴡𐴌𐴞𐴘𐴡𐴌𐴠 𐴈𐴦𐴡𐴊𐴧𐴠 : “𐴎𐴠𐴃𐴧𐴡𐴃𐴢 𐴃𐴝𐴌𐴝 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝 𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴞𐴁𐴡 ،𐴃𐴡𐴈𐴥𐴡𐴕 𐴀𐴝𐴓𐴧𐴝𐴤𐴌 𐴊𐴟𐴏𐴃𐴡 𐴀𐴥𐴡𐴑𐴧𐴡𐴓𐴡𐴌𐴠 𐴘𐴥𐴡 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴞𐴁𐴡 ، 𐴃𐴝𐴌𐴝𐴌 𐴑𐴟𐴌𐴁𐴡𐴃𐴢 𐴇𐴝𐴏𐴠𐴓𐴢 𐴒𐴡𐴌𐴞𐴁𐴡 ،𐴃𐴝𐴌𐴝𐴌 𐴓𐴡𐴘 𐴔𐴟𐴇𐴝𐴁𐴧𐴡𐴃𐴢 ، 𐴀𐴝𐴊𐴡𐴌 𐴀𐴝𐴌 𐴊𐴡𐴘𐴧𐴝𐴌 𐴏𐴝𐴣𐴃𐴠 𐴔𐴟𐴀𐴝𐴔𐴠𐴓𐴝 𐴒𐴡𐴌𐴞𐴁𐴡|𐴀𐴝𐴌 𐴀𐴝𐴓𐴧𐴝𐴤𐴌 𐴊𐴟𐴐𐴧𐴡𐴕 𐴓𐴡𐴘 𐴁𐴟𐴒𐴎𐴡 𐴒𐴡𐴌𐴞𐴁𐴡 ، 𐴃𐴝𐴌𐴝𐴌 𐴏𐴝𐴣𐴃𐴠 𐴏𐴡𐴑𐴃𐴡 𐴀𐴝𐴌  𐴇𐴡𐴌𐴝 𐴔𐴟𐴀𐴝𐴔𐴠𐴓𐴝 𐴒𐴡𐴌𐴞𐴁𐴡 ، 𐴀𐴥𐴠𐴃𐴡𐴓𐴧𐴝 𐴔𐴝𐴇𐴁𐴟𐴁𐴡𐴌 𐴊𐴟𐴐𐴧𐴡𐴕𐴡𐴌 𐴏𐴝𐴣𐴃𐴠 𐴅𐴞𐴇𐴝𐴊𐴢 𐴒𐴡𐴌𐴥𐴡𐴕 𐴀𐴥𐴡𐴘𐴓𐴊𐴠 𐴉𐴟𐴌𐴝𐴉𐴟𐴌𐴞 𐴔𐴟𐴇𐴝𐴁𐴧𐴡𐴃𐴡𐴌 𐴀𐴝𐴓𐴝𐴔𐴡𐴃𐴢|”

𐴔𐴟𐴉𐴡𐴏𐴧𐴞𐴌𐴞𐴕 𐴀𐴦𐴡𐴓𐴠 𐴇𐴝𐴏𐴡𐴕 𐴁𐴡𐴏𐴡𐴌𐴞 (𐴌𐴇) 𐴃𐴧𐴞 𐴕𐴡𐴑𐴡𐴓𐴢 𐴒𐴡𐴌𐴠𐴌 ، 𐴏𐴡𐴓𐴡𐴉𐴢 𐴀𐴦𐴡𐴓𐴠 𐴑𐴝𐴉𐴠𐴌 𐴀𐴥𐴡𐴑𐴧𐴡𐴓𐴡𐴃𐴧𐴞 𐴇𐴡𐴕𐴋𐴞𐴓𐴧𐴝 𐴒𐴡𐴌𐴞 𐴁𐴡𐴌𐴝𐴀𐴝𐴃𐴢 𐴎𐴝𐴇𐴠𐴌 𐴒𐴡𐴙𐴃𐴧𐴡 ، 𐴃𐴝𐴛 𐴈𐴦𐴡𐴊𐴧𐴠 : “𐴃𐴝𐴌𐴝 𐴕𐴞𐴎𐴡𐴌 𐴇𐴦𐴡𐴌𐴡𐴌 𐴁𐴝𐴁𐴡𐴃𐴠 𐴀𐴞𐴕𐴋𐴞𐴓𐴧𐴝 𐴀𐴠𐴇𐴃𐴞𐴘𐴝𐴃𐴢 𐴒𐴡𐴙𐴃𐴧𐴡𐴊𐴠 𐴑𐴞، 𐴃𐴝𐴌𐴝𐴌 𐴇𐴦𐴡𐴌 𐴀𐴦𐴞𐴕 𐴑𐴝𐴉𐴠𐴌𐴡𐴌 𐴇𐴡𐴦𐴌𐴡𐴌 𐴏𐴝𐴣𐴃𐴠 𐴔𐴞𐴓𐴞 𐴎𐴝𐴕𐴧𐴠 𐴈𐴡𐴕𐴡|𐴃𐴝𐴌𐴝𐴌 𐴅𐴞𐴏𐴞𐴔𐴢 𐴑𐴝𐴉𐴠𐴌𐴡𐴌 𐴅𐴞𐴏𐴞𐴔𐴢 𐴏𐴝𐴣𐴃𐴠 𐴔𐴞𐴓𐴞 𐴎𐴝𐴕𐴧𐴠 𐴈𐴡𐴕𐴡| 𐴀𐴝𐴌 𐴃𐴝𐴌𐴝𐴌  𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕 𐴀𐴝𐴉𐴡𐴏𐴡 𐴔𐴧𐴝𐴎𐴠 𐴇𐴝𐴔𐴊𐴡𐴌𐴊𐴞𐴌 𐴁𐴝𐴁𐴡𐴃𐴠 𐴕𐴡𐴑𐴡𐴓𐴢 𐴒𐴡𐴙𐴅𐴧𐴠𐴊𐴠 𐴑𐴞 ، 𐴃𐴝𐴌𐴝 𐴎𐴠𐴈𐴡𐴕𐴥𐴡 𐴔𐴟𐴔𐴞𐴕𐴡𐴌𐴠 𐴊𐴠𐴑𐴞𐴓𐴠 𐴃𐴝𐴌𐴝𐴌 𐴏𐴝𐴣𐴃𐴠 𐴔𐴟𐴏𐴝𐴉𐴝 𐴀𐴝𐴊𐴧𐴠 𐴔𐴟𐴀𐴝𐴕𐴝𐴑𐴝 𐴒𐴡𐴙𐴃𐴧𐴡|𐴀𐴠 𐴖𐴝𐴑𐴞𐴘𐴝 𐴔𐴟𐴉𐴡𐴏𐴧𐴞𐴌𐴞𐴕 𐴀𐴥𐴡𐴑𐴧𐴡𐴓𐴠 𐴁𐴡𐴘𐴝𐴕 𐴒𐴡𐴙𐴅𐴧𐴠|”

𐴀𐴝𐴓𐴧𐴝𐴤𐴌 𐴌𐴝𐴏𐴧𐴝𐴃𐴢 𐴅𐴞𐴇𐴝𐴊𐴢 𐴀𐴝𐴔𐴡𐴓𐴢 𐴘𐴦𐴝𐴕𐴠 𐴁𐴠𐴙𐴐𐴦𐴞 𐴎𐴝𐴒𐴝𐴌 𐴔𐴝𐴙𐴕𐴐𐴥𐴡𐴌𐴠 𐴀𐴠𐴑𐴎𐴝𐴒𐴝 𐴔𐴧𐴝𐴎𐴠 𐴅𐴡𐴔𐴝 𐴒𐴡𐴌𐴠|𐴇𐴥𐴡𐴅𐴡𐴌 𐴋𐴦𐴡𐴘𐴓𐴧𐴝| 𐴇𐴥𐴡𐴅𐴡𐴔𐴧𐴝𐴎𐴠 𐴎𐴞𐴕𐴋𐴞𐴓𐴧𐴝 𐴔𐴟𐴈𐴃𐴡𐴓𐴞𐴉𐴢 𐴎𐴝𐴒𐴝𐴌 𐴇𐴥𐴝𐴅𐴞 𐴀𐴦𐴡𐴓𐴡𐴌𐴠 𐴀𐴠𐴑𐴎𐴝𐴒𐴝𐴃𐴢 𐴅𐴡𐴔𐴝 𐴒𐴡𐴌𐴠|𐴀𐴥𐴞𐴕𐴋𐴞𐴓𐴧𐴝 𐴅𐴞𐴇𐴝𐴊𐴠 𐴘𐴥𐴡 | 𐴘𐴝𐴀𐴝𐴕𐴡 𐴔𐴧𐴝𐴎𐴠 𐴔𐴟𐴈𐴃𐴡𐴓𐴞𐴉𐴢 𐴎𐴝𐴒𐴝 ، 𐴔𐴟𐴈𐴃𐴡𐴓𐴞𐴉𐴢 𐴔𐴝𐴇𐴡𐴗𐴓𐴢 ، 𐴔𐴟𐴈𐴃𐴡𐴓𐴞𐴉𐴢 𐴒𐴟𐴙𐴐𐴧𐴞 ،𐴔𐴟𐴈𐴃𐴡𐴓𐴞𐴉𐴢 𐴐𐴡𐴔𐴝𐴎𐴡𐴌 𐴔𐴝𐴕𐴥𐴙𐴐𐴢 𐴀𐴥𐴡𐴑𐴧𐴡𐴓𐴢 𐴀𐴠𐴑 𐴎𐴝𐴒𐴝𐴃𐴢 𐴅𐴡𐴔𐴝 𐴀𐴥𐴡 𐴈𐴦𐴝𐴏𐴢 𐴀𐴠𐴑𐴧𐴝𐴕 𐴀𐴠𐴁𐴝𐴊𐴡𐴃𐴢 𐴒𐴡𐴌𐴞𐴁𐴡𐴓𐴧𐴝|

𐴃𐴡𐴘 𐴘𐴝𐴀𐴝𐴕 𐴀𐴠𐴑𐴧𐴝𐴕 𐴀𐴠𐴅𐴃𐴠𐴔𐴝𐴀𐴞 𐴀𐴠𐴁𐴝𐴊𐴡𐴃𐴢 ، 𐴎𐴠𐴍𐴠 𐴁𐴦𐴡𐴗𐴃𐴢 𐴌𐴠𐴖𐴝𐴅𐴢 𐴀𐴥𐴡𐴑𐴧𐴡𐴓𐴢 𐴀𐴝𐴊𐴧𐴠 𐴕𐴞𐴘𐴡𐴔𐴢 𐴎𐴝𐴁𐴠𐴃𐴝 𐴃𐴝𐴑𐴠| 𐴀𐴞𐴕𐴋𐴞𐴓𐴧𐴝 𐴅𐴡𐴔𐴞𐴘𐴡𐴃𐴧𐴡𐴓𐴧𐴝 𐴎𐴡𐴌𐴟𐴌𐴞𐴊𐴠 𐴀𐴝𐴉𐴡𐴏𐴡𐴃𐴢 𐴕𐴡𐴌𐴔𐴞 𐴀𐴡𐴀𐴕 ، 𐴌𐴝𐴇𐴝𐴔𐴢 𐴒𐴡𐴌𐴡𐴘𐴧𐴝 𐴀𐴡𐴀𐴕 ، 𐴔𐴝𐴀𐴝𐴉𐴢 𐴒𐴡𐴌𐴡𐴘𐴧𐴝 𐴁𐴡𐴕𐴡𐴕 𐴀𐴝𐴌 𐴔𐴟𐴕𐴝𐴏𐴠𐴁𐴢 𐴕𐴡𐴀𐴊𐴠 𐴀𐴥𐴞𐴕𐴋𐴞𐴓𐴧𐴝 𐴈𐴝𐴔𐴡𐴃𐴧𐴞 𐴊𐴟𐴌𐴥𐴠 𐴃𐴝𐴑𐴡𐴕|

لَيْسَ الغَبِيُّ بِسَيد في قَوْمِهِ *** لكنَّ سيِّد قومهِ المُتغابي
𐴎𐴦𐴠𐴕 𐴈𐴦𐴡𐴗𐴝𐴎𐴝𐴊𐴧𐴠 ، 𐴑𐴡𐴗𐴔𐴡𐴌 𐴁𐴠𐴑𐴟𐴉𐴢 𐴔𐴝𐴕𐴥𐴟𐴙𐴐𐴢 𐴑𐴡𐴗𐴔𐴡𐴌 𐴏𐴥𐴡𐴊𐴧𐴝𐴌 𐴕𐴡𐴀  𐴀𐴡𐴘𐴃𐴡 𐴉𐴝𐴌𐴠, 𐴁𐴤𐴡𐴓𐴑𐴠 𐴑𐴡𐴗𐴔𐴡𐴌 𐴎𐴠𐴕𐴞𐴑𐴞 𐴕𐴞𐴎𐴡𐴌𐴠 𐴁𐴡𐴓𐴝𐴎𐴟𐴌𐴞 𐴁𐴠𐴑𐴟𐴉𐴢 𐴁𐴝𐴕𐴝 𐴀𐴥𐴞𐴁𐴝 𐴑𐴡𐴗𐴔𐴡𐴌 𐴏𐴥𐴡𐴊𐴧𐴝𐴌 𐴀𐴡𐴊𐴠 |

𐴐𐴝𐴘𐴈𐴢 𐴀𐴝𐴁𐴊𐴟𐴓𐴧𐴝 𐴀𐴝𐴎𐴧𐴡𐴔𐴢(𐴌𐴇) 𐴈𐴦𐴡𐴊𐴧𐴠- (𐴈𐴦𐴟𐴁𐴢 𐴊𐴝𐴔𐴞  𐴀𐴟𐴒𐴧𐴗𐴝 𐴈𐴡𐴃𐴝!)

“𐴅𐴞𐴇𐴝𐴊𐴢 𐴕𐴡𐴌𐴞𐴔𐴞 𐴀𐴝𐴌 𐴏𐴡𐴑𐴃𐴡 𐴊𐴟𐴕𐴞𐴘𐴝𐴕𐴡𐴌𐴠 𐴏𐴦𐴝| 𐴕𐴡𐴌𐴔𐴞 𐴀𐴥𐴡𐴘𐴓𐴊𐴠 𐴔𐴟𐴀𐴔𐴞𐴕𐴡𐴌 𐴏𐴝𐴣𐴃𐴠 ،  𐴀𐴝𐴌 𐴏𐴡𐴑𐴃𐴡 𐴀𐴥𐴡𐴘𐴓𐴊𐴠 𐴑𐴝𐴉𐴠𐴌𐴡𐴌 𐴏𐴝𐴣𐴃𐴠| 𐴘𐴝𐴀𐴝𐴕 𐴀𐴠𐴑𐴧𐴝𐴕 𐴀𐴠𐴅𐴃𐴠𐴔𐴝𐴀𐴞 𐴀𐴠𐴁𐴝𐴊𐴡𐴃𐴢| 𐴀𐴡𐴀𐴕𐴠 𐴀𐴠𐴑𐴥𐴠𐴓𐴝 𐴀𐴠𐴑𐴥𐴠𐴓𐴝 𐴅𐴞𐴇𐴝𐴊𐴢 𐴒𐴡𐴌𐴞𐴃𐴢 𐴕𐴡𐴉𐴝𐴌𐴥𐴞𐴁𐴝| 𐴁𐴤𐴡𐴓𐴑𐴠 𐴀𐴡𐴀𐴕𐴡𐴃𐴧𐴞 𐴈𐴤𐴝𐴔𐴡𐴈𐴤𐴝 𐴀𐴠𐴒𐴧𐴗𐴝 𐴅𐴡𐴔𐴝𐴃𐴡𐴃𐴢 𐴐𐴝𐴔𐴠𐴓𐴢 𐴖𐴝𐴉𐴡𐴌𐴞𐴁𐴡|

𐴀𐴝𐴌 𐴀𐴥𐴠 𐴅𐴡𐴔𐴝𐴃𐴢 𐴀𐴥𐴞𐴁𐴝 𐴀𐴡𐴕𐴡𐴌 𐴈𐴥𐴡𐴏𐴓𐴝𐴃𐴡𐴌 𐴀𐴟𐴓𐴊𐴝 𐴀𐴡𐴘𐴁𐴡| 𐴃𐴝𐴌𐴝𐴌 𐴃𐴡𐴁𐴞𐴘𐴡𐴃𐴢 ، 𐴃𐴝𐴌𐴝𐴌 𐴀𐴦𐴝𐴊𐴡𐴃𐴢 ، 𐴃𐴝𐴌𐴝𐴌 𐴈𐴦𐴡𐴃𐴝𐴌 𐴃𐴡𐴌𐴞𐴑𐴝 ،𐴀𐴠𐴑𐴎𐴡𐴕𐴠 𐴒𐴥𐴟𐴔𐴡𐴃𐴢 𐴕𐴝𐴑 𐴋𐴝𐴑𐴞𐴁𐴡 ، 𐴀𐴝𐴌𐴠𐴑𐴎𐴡𐴕𐴠 𐴕𐴡 𐴋𐴝𐴑𐴞𐴁𐴡 ، 𐴀𐴠𐴑𐴎𐴡𐴕𐴡𐴌 𐴒𐴡𐴌𐴥𐴝𐴙𐴐𐴢 𐴁𐴡𐴌𐴡 ،𐴀𐴝𐴌𐴠𐴑 𐴎𐴡𐴕𐴡𐴌 𐴒𐴡𐴌𐴥𐴝𐴙𐴐𐴢 𐴐𐴥𐴡𐴣𐴍𐴡|

𐴀𐴠 𐴃𐴝𐴔𐴦𐴝𐴔𐴢 𐴇𐴝𐴓𐴡𐴃𐴡𐴃𐴢 𐴀𐴡𐴕𐴡𐴃𐴧𐴞 𐴈𐴤𐴝𐴔𐴡𐴈𐴤𐴝 𐴀𐴝𐴣𐴊𐴝𐴤 ،𐴕𐴦𐴝𐴉𐴝𐴤𐴚 𐴀𐴝𐴌 𐴁𐴟𐴑 𐴀𐴥𐴡𐴘 𐴃𐴝𐴑𐴝 𐴉𐴡𐴌𐴞𐴁𐴡|𐴈𐴡𐴕𐴥𐴡 𐴀𐴝𐴘𐴁𐴡𐴌 𐴔𐴞𐴑𐴧𐴝 𐴏𐴦𐴝𐴘 𐴕𐴡𐴉𐴝𐴌𐴞𐴁𐴝|𐴏𐴞𐴌𐴥𐴞𐴉𐴢 𐴁𐴤𐴝𐴓𐴝 𐴈𐴝𐴔𐴡𐴌 𐴔𐴞𐴑𐴧𐴝 𐴕𐴡𐴎𐴡𐴌 𐴊𐴞𐴁𐴝 ،𐴎𐴠𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴈𐴡𐴕𐴥𐴡 𐴑𐴡𐴏𐴟𐴌𐴞 𐴊𐴠𐴑𐴤𐴝 𐴕𐴡𐴎𐴝𐴘| 𐴔𐴦𐴝𐴕𐴞 𐴎𐴠𐴃𐴡 𐴀𐴡𐴕𐴡𐴌 𐴀𐴝𐴊𐴡𐴃𐴡𐴌 𐴀𐴟𐴓𐴊𐴝 𐴀𐴥𐴡𐴘𐴁𐴡 𐴀𐴥𐴡𐴗𐴑| 𐴑𐴞𐴕𐴃𐴟 𐴎𐴡𐴊𐴞 𐴘𐴥𐴝𐴕 𐴕𐴝𐴀𐴞𐴕𐴏𐴝𐴉𐴞 𐴀𐴥𐴡𐴘 𐴃𐴡𐴘𐴓𐴠 ، 𐴃𐴡𐴈𐴡𐴕 𐴁𐴤𐴝𐴓𐴝 𐴈𐴝𐴔𐴡𐴌 𐴇𐴡𐴑𐴟𐴔𐴢 𐴀𐴝𐴌 𐴁𐴟𐴌𐴝 𐴈𐴝𐴔𐴡𐴃𐴧𐴞 𐴔𐴝𐴕𐴥𐴝 𐴒𐴡𐴌𐴥𐴞𐴃𐴢 𐴉𐴝𐴌𐴞𐴁𐴝|”

𐴀𐴥𐴠𐴈𐴡𐴃𐴝𐴌 𐴓𐴥𐴝𐴘 𐴔𐴝𐴀𐴉𐴢 𐴒𐴡𐴌𐴡𐴕 ، 𐴕𐴡𐴎𐴡𐴌 𐴕𐴞𐴏𐴠 𐴌𐴝𐴑𐴡𐴕 ، 𐴌𐴝𐴇𐴥𐴝𐴔𐴢 𐴒𐴡𐴌𐴡𐴕 𐴀𐴝𐴌 𐴕𐴡𐴌𐴡𐴔𐴞𐴌 𐴏𐴝𐴣𐴃𐴠 𐴔𐴟𐴀𐴝𐴔𐴠𐴓𐴝 𐴒𐴡𐴌𐴥𐴡𐴕 𐴀𐴝𐴏𐴥𐴡𐴓𐴢 𐴔𐴡𐴏𐴧𐴟𐴊𐴢| 𐴀𐴞𐴎𐴧𐴡𐴃𐴢 𐴀𐴡𐴓𐴝 𐴔𐴝𐴙𐴕𐴐𐴥𐴡𐴌 𐴏𐴟𐴉𐴤𐴝𐴘𐴧𐴝 𐴈𐴡𐴏𐴟𐴌𐴞𐴌𐴠 𐴔𐴝𐴀𐴉𐴢 𐴒𐴡𐴌𐴞𐴊𐴡 ، 𐴀𐴝𐴌 𐴐𐴥𐴡𐴣𐴍𐴡 𐴔𐴝𐴙𐴕𐴐𐴥𐴡𐴌 𐴒𐴝𐴓𐴞𐴒𐴝𐴓𐴡𐴏𐴡𐴌𐴠 𐴏𐴥𐴝𐴌𐴞 𐴊𐴡 𐴀𐴞𐴎𐴧𐴡𐴃𐴢 𐴀𐴡𐴓𐴝 𐴔𐴝𐴙𐴕𐴐𐴥𐴡𐴌 𐴋𐴦𐴡𐴘𐴓𐴧𐴝|

𐴎𐴠𐴃𐴧𐴡𐴃𐴢 𐴀𐴞𐴕𐴋𐴞𐴓𐴧𐴝 𐴕𐴡𐴀𐴥𐴡𐴘𐴁𐴡 𐴀𐴥𐴠𐴃𐴧𐴡𐴃𐴢 𐴉𐴤𐴡𐴘𐴊𐴝 𐴀𐴥𐴡𐴁𐴡 𐴕𐴝𐴉𐴡𐴌𐴡𐴃𐴞| 𐴎𐴞𐴘𐴦𐴝𐴕 𐴀𐴥𐴡𐴘𐴓𐴊𐴠 𐴐𐴥𐴡𐴘𐴃𐴝𐴕𐴡𐴌 𐴉𐴥𐴝𐴕|𐴀𐴥𐴠𐴍𐴠 𐴇𐴥𐴞𐴚𐴐𐴝 𐴇𐴡𐴙𐴅𐴧𐴝 𐴉𐴤𐴡𐴘𐴊𐴝 𐴀𐴥𐴡𐴘𐴁𐴡| 𐴀𐴦𐴞𐴕 𐴀𐴥𐴡𐴘𐴓𐴊𐴠 𐴁𐴠𐴙𐴐𐴦𐴞 𐴈𐴡𐴌𐴝𐴁𐴢 𐴈𐴝𐴔𐴢| 𐴎𐴦𐴞𐴕𐴡𐴃𐴧𐴞 𐴌𐴡𐴏𐴟𐴓𐴢(𐴏𐴓𐴢)𐴔𐴠 𐴇𐴤𐴟𐴣𐴐𐴙𐴝𐴌 𐴒𐴡𐴙𐴅𐴧𐴠|

𐴁𐴝𐴎𐴠 𐴀𐴡𐴑𐴃𐴡𐴃𐴢 𐴔𐴝𐴙𐴕𐴐𐴥𐴡𐴌 𐴈𐴡𐴕𐴥𐴡 𐴀𐴠𐴑𐴧𐴝𐴕 𐴈𐴝𐴏𐴓𐴡𐴃𐴡𐴌 𐴎𐴡𐴌𐴞𐴘𐴝 𐴁𐴟𐴒𐴎𐴡 𐴉𐴡𐴙𐴊𐴝 𐴀𐴥𐴡|𐴘𐴝𐴀𐴝𐴌 𐴁𐴦𐴝𐴊𐴠 𐴈𐴦𐴡𐴊𐴠 𐴉𐴥𐴡𐴓𐴝𐴕𐴝 𐴐𐴦𐴡𐴌𐴡𐴌 𐴔𐴝𐴕𐴥𐴟𐴙𐴐𐴢 𐴀𐴞𐴕𐴋𐴞𐴓𐴧𐴝 ، 𐴉𐴥𐴡𐴓𐴝𐴕𐴝 𐴀𐴠𐴓𐴝𐴑𐴝𐴌 𐴔𐴝𐴕𐴥𐴟𐴙𐴐𐴢 𐴀𐴞𐴕𐴋𐴞𐴓𐴧𐴝 ، 𐴉𐴥𐴡𐴓𐴝𐴕𐴝 𐴒𐴟𐴐𐴧𐴞𐴌 𐴔𐴝𐴕𐴥𐴟𐴙𐴐𐴢 𐴀𐴞𐴕𐴋𐴞𐴓𐴧𐴝 ۔۔۔۔  𐴀𐴦𐴠𐴕𐴠 𐴀𐴦𐴠𐴕𐴠 𐴁𐴦𐴡𐴗𐴃𐴢 𐴈𐴡𐴃𐴝 𐴀𐴥𐴡𐴘𐴎𐴝𐴒𐴡𐴘|

𐴀𐴞𐴔𐴝𐴔𐴢 𐴃𐴞𐴌𐴔𐴞𐴎𐴞(𐴌𐴇) 𐴎𐴟𐴁𐴝𐴙𐴌 𐴀𐴞𐴁𐴕𐴟𐴓𐴢 𐴀𐴝𐴖𐴧𐴝𐴔𐴢(𐴌𐴡𐴎) 𐴃𐴧𐴞 𐴕𐴡𐴑𐴡𐴓𐴢 𐴒𐴡𐴌𐴠𐴌 ،𐴌𐴡𐴏𐴟𐴓𐴢 (𐴏𐴓𐴢)𐴔𐴠 𐴀𐴠𐴌𐴐𐴝𐴊𐴢 𐴒𐴡𐴌𐴥𐴠𐴌 :

(دَبّ إليكم داء الأمم قبلكم، الحسد والبغضاء)

“𐴃𐴟𐴖𐴝𐴣𐴌𐴝𐴌 𐴁𐴥𐴟𐴃𐴡𐴌𐴠 𐴃𐴟𐴖𐴝𐴣𐴌𐴝𐴌 𐴀𐴝𐴒𐴡𐴌 𐴑𐴡𐴗𐴔𐴡𐴌 𐴁𐴞𐴙𐴌𐴝𐴔𐴢 𐴉𐴡𐴘𐴓𐴞 𐴒𐴞𐴘𐴡𐴘|𐴇𐴡𐴏𐴌𐴡𐴊𐴢 𐴀𐴝𐴊𐴧𐴠 𐴕𐴝𐴉𐴡𐴌𐴡𐴃𐴢|”

(𐴎𐴠𐴕𐴞𐴑𐴞 𐴀𐴠 𐴇𐴝𐴊𐴞𐴏𐴧𐴗𐴝 𐴔𐴧𐴝𐴎𐴠 𐴔𐴥𐴟𐴌𐴇𐴝𐴘 𐴕𐴡𐴎𐴡𐴌 𐴊𐴞𐴁𐴡 ،𐴀𐴥𐴞𐴁𐴝 𐴒𐴝𐴓𐴠𐴁𐴝𐴕 𐴁𐴟𐴎𐴞𐴃𐴢 𐴉𐴝𐴌𐴞𐴁𐴡 𐴑𐴞𐴁𐴡𐴓𐴞 𐴈𐴡𐴘𐴓𐴠 𐴀𐴠 𐴇𐴝𐴊𐴞𐴏𐴡𐴌 𐴔𐴡𐴗𐴎𐴟 𐴀𐴥𐴡𐴘𐴓𐴊𐴠 𐴀𐴥𐴞𐴚𐴐𐴝|𐴀𐴠 𐴇𐴝𐴊𐴞𐴏𐴡 𐴔𐴧𐴝𐴎𐴠 𐴀𐴥𐴞𐴚𐴝𐴐𐴝 𐴒𐴡𐴌𐴥𐴡𐴕𐴡𐴃𐴧𐴞 𐴇𐴤𐴟𐴣𐴐𐴞𐴘𐴝𐴌𐴞 𐴒𐴡𐴙𐴅𐴧𐴠)|

𐴌𐴡𐴏𐴟𐴓𐴢 (𐴏𐴓𐴢)𐴔𐴠 𐴊𐴟𐴘𐴧𐴝𐴕 𐴏𐴦𐴞𐴏𐴡𐴌 𐴈𐴡𐴃𐴝 𐴎𐴞𐴑𐴞𐴌 𐴒𐴡𐴙𐴅𐴧𐴠 -𐴇𐴝𐴏𐴌𐴡𐴃𐴢 𐴀𐴝𐴊𐴧𐴠 𐴁𐴟𐴒𐴎𐴡|

(وهي الحالقة، أمَا إنِّي لا أقول تحلق الشِّعر، ولكن تحلق الدِّين، والذي نفسي بيده لا تدخلوا الجنَّة حتى تؤمنوا، ولا تؤمنوا حتى تحابُّوا، أفلا أدلكم على شيء إذا فعلتموه تحاببتم؟ -أو قال: ألا أدلكم على ما تتحابون به- أفشوا السَّلام بينكم)

“𐴀𐴠𐴒𐴞𐴕 𐴀𐴦𐴠𐴕 𐴈𐴦𐴡𐴊𐴧𐴟𐴕 𐴈𐴝𐴔𐴢 𐴎𐴠𐴒𐴞𐴕𐴠 𐴀𐴝𐴣𐴏𐴞 𐴉𐴠𐴓𐴠| 𐴀𐴝𐴛 𐴔𐴝𐴃𐴝 𐴀𐴝𐴣𐴏𐴞 𐴉𐴠𐴓𐴝𐴌 𐴈𐴡𐴃𐴝 𐴈𐴦𐴡𐴘𐴊𐴧𐴠 𐴕𐴡𐴀𐴡|𐴁𐴤𐴡𐴓𐴑𐴠 𐴊𐴦𐴞𐴕𐴡𐴌𐴠 𐴀𐴝𐴣𐴏𐴞 𐴉𐴠𐴓𐴠𐴊𐴠| 𐴑𐴡𐴏𐴥𐴡𐴔𐴢 𐴀𐴥𐴡 𐴎𐴝𐴃𐴡𐴌 𐴎𐴝𐴌 𐴑𐴡𐴁𐴎𐴝𐴃𐴢 𐴀𐴝𐴣𐴀𐴌 𐴅𐴝𐴕! 𐴃𐴟𐴖𐴝𐴣𐴌𐴝 𐴀𐴡𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴅𐴡𐴕𐴧𐴡𐴃𐴡𐴃𐴢 𐴊𐴝𐴈𐴠𐴓𐴢 𐴀𐴥𐴡𐴘 𐴕𐴡𐴉𐴝𐴌𐴞𐴁𐴝 𐴎𐴠𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴃𐴟𐴖𐴝𐴣𐴌𐴝 𐴔𐴟𐴀𐴔𐴞𐴕 𐴀𐴥𐴡𐴘 𐴕𐴡𐴎𐴝𐴘𐴁𐴝| 𐴀𐴝𐴌 𐴀𐴡𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴔𐴟𐴀𐴔𐴞𐴕 𐴀𐴥𐴡𐴘 𐴕𐴡𐴉𐴝𐴌𐴞𐴁𐴝 𐴎𐴠𐴃𐴟𐴑𐴧𐴟𐴕 𐴉𐴡𐴙𐴅𐴧𐴡𐴕𐴃𐴡 𐴀𐴝𐴉𐴡𐴏𐴡𐴃𐴢 𐴔𐴟𐴇𐴝𐴁𐴧𐴡𐴃𐴢 𐴕𐴡 𐴒𐴡𐴌𐴞𐴁𐴝| 𐴀𐴝𐴛 𐴃𐴟𐴖𐴝𐴣𐴌𐴝𐴌𐴠 𐴀𐴦𐴠𐴕 𐴀𐴠𐴑𐴧𐴝𐴕 𐴈𐴡𐴔𐴡𐴌 𐴈𐴡𐴃𐴝 𐴕𐴡 𐴈𐴦𐴡𐴘𐴧𐴟𐴔𐴕𐴠، 𐴎𐴞𐴘𐴝𐴕𐴠 𐴃𐴟𐴖𐴝𐴣𐴌𐴝𐴌 𐴀𐴝𐴉𐴡𐴏𐴡𐴃𐴢 𐴔𐴟𐴇𐴝𐴁𐴧𐴡𐴃𐴢 𐴉𐴡𐴘𐴊𐴝 𐴒𐴡𐴌𐴞𐴁𐴡𐴎| 𐴀𐴡𐴃𐴡𐴁𐴝 𐴈𐴡𐴘𐴧𐴠-“” 𐴀𐴝𐴛 𐴃𐴟𐴖𐴝𐴣𐴌𐴝𐴌𐴠 𐴀𐴦𐴠𐴕 𐴀𐴠𐴑𐴧𐴝𐴕 𐴈𐴝𐴔𐴢 𐴊𐴠𐴈𐴝𐴘 𐴕𐴡𐴊𐴞𐴘𐴧𐴟𐴔𐴕𐴠 ، 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴃𐴟𐴖𐴝𐴣𐴌𐴝𐴌 𐴀𐴝𐴉𐴡𐴏𐴡𐴃𐴢 𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕𐴡𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴞𐴃𐴢 𐴉𐴝𐴌𐴞𐴁𐴝⸮ 𐴘𐴦𐴝𐴕 𐴀𐴥𐴡𐴘𐴓𐴊𐴠 𐴃𐴟𐴖𐴝𐴣𐴌𐴝 𐴀𐴝𐴉𐴡𐴏𐴡𐴃𐴢𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕𐴡𐴌𐴠 𐴁𐴞𐴙𐴐𐴦𐴞 𐴁𐴞𐴙𐴐𐴦𐴞 𐴏𐴡𐴓𐴝𐴔𐴢 𐴊𐴡𐴕|”

𐴎𐴠𐴈𐴡𐴕 𐴀𐴡𐴀𐴕𐴠 𐴀𐴝𐴊𐴧𐴠 𐴀𐴝𐴌𐴠𐴑 𐴔𐴝𐴙𐴕𐴐𐴥𐴡𐴌 𐴊𐴡𐴌𐴔𐴞𐴘𐴝𐴕 𐴈𐴡𐴕𐴡 𐴑𐴠𐴏𐴞𐴙𐴔𐴧𐴝 𐴊𐴥𐴟𐴌𐴞 𐴉𐴤𐴡𐴘𐴊𐴝 𐴀𐴡𐴘𐴁𐴡, 𐴏𐴝𐴓𐴝𐴔 𐴘𐴥𐴝𐴕𐴡𐴌 𐴐𐴥𐴠𐴉𐴝 𐴊𐴠𐴘𐴡𐴘𐴧𐴝 𐴀𐴥𐴞𐴏𐴝𐴉𐴠 𐴈𐴝𐴔𐴢 𐴒𐴡𐴌𐴞𐴁𐴡| 𐴉𐴦𐴡𐴘𐴓𐴝 𐴉𐴦𐴡𐴘𐴓𐴝 𐴘𐴥𐴝𐴕 𐴑𐴡𐴄𐴞𐴕 𐴓𐴝𐴒𐴞𐴁𐴡|𐴑𐴞𐴕𐴃𐴟 𐴕𐴡𐴉𐴏𐴡𐴌𐴠 𐴊𐴡𐴔𐴡𐴕 𐴒𐴡𐴌𐴡𐴘𐴧𐴝 𐴀𐴝𐴊𐴧𐴠 𐴐𐴥𐴡𐴘𐴃𐴝𐴕𐴡𐴌𐴠 𐴐𐴥𐴞𐴑𐴡𐴏𐴢 𐴊𐴦𐴡𐴘𐴧𐴝 𐴀𐴥𐴡𐴘𐴓𐴊𐴠 𐴀𐴥𐴠 𐴏𐴡𐴓𐴝𐴔𐴢 𐴀𐴝𐴊𐴧𐴠 𐴔𐴟𐴏𐴝𐴉𐴝𐴇| 𐴘𐴦𐴝𐴕 𐴃𐴡𐴅𐴌𐴟𐴁𐴝𐴌 𐴈𐴡𐴃𐴝 𐴀𐴝𐴌 𐴁𐴠𐴙𐴒𐴧𐴞𐴕𐴡𐴌 𐴎𐴝𐴕𐴝 𐴉𐴥𐴟𐴕𐴝 𐴈𐴡𐴃𐴝|

𐴎𐴞𐴕𐴋𐴞𐴓𐴧𐴝 𐴕𐴞𐴑𐴞 𐴌𐴡𐴏𐴟𐴓𐴢(𐴏𐴓𐴢)𐴔𐴟 𐴀𐴝𐴌𐴠𐴑 𐴇𐴝𐴊𐴞𐴏𐴡𐴃𐴢 𐴀𐴠𐴌𐴐𐴝𐴊𐴢 𐴀𐴝𐴏𐴠 :” تنشر المحبة “” 𐴘𐴥𐴝𐴕𐴠 𐴔𐴟𐴇𐴝𐴁𐴧𐴡𐴃𐴢 𐴉𐴥𐴡𐴓𐴝|”

𐴔𐴞𐴣𐴓𐴝 𐴔𐴞𐴣𐴐𐴥𐴞 𐴐𐴥𐴟𐴌𐴟 𐴀𐴥𐴡 𐴑𐴞𐴘𐴡𐴌 𐴎𐴡𐴌𐴞𐴘𐴝⸮ 𐴏𐴡𐴓𐴝𐴔𐴡𐴌 𐴎𐴡𐴌𐴞𐴘𐴝| (وخيرهم من يبدأ بالسلام) 𐴀𐴝𐴌 𐴃𐴝𐴌𐴝𐴌 𐴁𐴥𐴟𐴃𐴡𐴌𐴠 𐴁𐴠𐴙𐴐𐴦𐴞 𐴁𐴤𐴝𐴓𐴝 𐴀𐴥𐴡𐴘𐴓𐴊𐴠 𐴎𐴞𐴕𐴞𐴑𐴞 𐴀𐴝𐴒𐴠 𐴏𐴡𐴓𐴝𐴔𐴢 𐴊𐴠𐴀|

𐴀𐴟𐴏𐴃𐴝𐴊𐴢 𐴀𐴝𐴁𐴊𐴟𐴓𐴧𐴝𐴤 𐴀𐴝𐴓𐴢 𐴀𐴝𐴊𐴡𐴔𐴢 (𐴌𐴇) 𐴘𐴠 𐴈𐴦𐴡𐴊𐴧𐴠 :
“𐴀𐴥𐴠𐴈𐴡𐴃𐴝𐴌 𐴓𐴥𐴝𐴘 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴌 𐴓𐴥𐴝𐴘 𐴎𐴡𐴌𐴟𐴌𐴞𐴊𐴠 𐴑𐴞 𐴃𐴝𐴌𐴝 𐴉𐴟𐴙𐴃𐴧𐴡𐴑𐴠 𐴉𐴟𐴙𐴃𐴧𐴡𐴑𐴠𐴌 𐴏𐴝𐴣𐴃𐴞 𐴀𐴦𐴡𐴓𐴡𐴌 𐴏𐴝𐴀𐴃𐴠 𐴕𐴡𐴌𐴡𐴔𐴢 𐴏𐴥𐴡𐴌𐴡𐴔𐴢 𐴀𐴝𐴌 𐴉𐴥𐴡𐴌𐴔𐴝𐴕𐴊𐴝𐴌 𐴀𐴥𐴡𐴕 ، 𐴃𐴝𐴌𐴝𐴌 𐴓𐴥𐴝𐴘 𐴕𐴡𐴌𐴔𐴞 𐴀𐴝𐴊𐴧𐴠 𐴈𐴥𐴝𐴘𐴌𐴈𐴡𐴗𐴝𐴇𐴦𐴞𐴌 𐴉𐴝𐴑 𐴁𐴞𐴏𐴝𐴘 𐴊𐴡𐴕 𐴀𐴝𐴌 𐴃𐴝𐴌𐴝𐴌 𐴖𐴡𐴌𐴠 𐴌𐴡𐴇𐴝𐴔𐴢 𐴀𐴝𐴊𐴧𐴠 𐴔𐴝𐴀𐴝𐴉𐴢 𐴒𐴡𐴌𐴥𐴡𐴘𐴧𐴝 𐴁𐴡𐴕𐴡𐴕|”

𐴔𐴟𐴏𐴕𐴡𐴊𐴠 𐴀𐴝𐴇𐴔𐴡𐴊𐴡𐴃𐴢 𐴀𐴠𐴌𐴁𐴝𐴎 𐴀𐴞𐴁𐴕𐴞 𐴏𐴝𐴌𐴞𐴘𐴝 (𐴌𐴡)𐴃𐴧𐴞 𐴕𐴡𐴑𐴡𐴓𐴢 𐴒𐴡𐴙𐴅𐴧𐴠 ،𐴌𐴡𐴏𐴟𐴓𐴢(𐴏𐴓𐴢)𐴔𐴠 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴌 :

(إنما المؤمن كالجمل الأنِف حيثما انقيد انقاد)
𐴔𐴟𐴀𐴔𐴞𐴕 𐴀𐴥𐴡𐴘𐴓𐴊𐴠 𐴓𐴠𐴒𐴝𐴔𐴢 𐴊𐴞𐴘𐴝 𐴀𐴟𐴣𐴄𐴡𐴌 𐴋𐴦𐴡𐴘𐴓𐴧𐴝 ،𐴃𐴝𐴌𐴠 𐴎𐴞𐴑𐴧𐴝 𐴄𐴝𐴕𐴠 𐴀𐴥𐴞𐴑𐴧𐴝 𐴎𐴝𐴒𐴡𐴘””

𐴀𐴝𐴕 𐴕𐴠𐴇𐴝𐴘𐴝 𐴑𐴞𐴃𐴝𐴁𐴡𐴃𐴢 𐴀𐴠 𐴇𐴝𐴊𐴞𐴏𐴡𐴌 𐴐𐴡𐴌𐴥𐴝𐴇𐴃𐴢 𐴓𐴞𐴙𐴑𐴧𐴠𐴊𐴠 “” كالجمل الأنِف “” 𐴘𐴦𐴝𐴕𐴡𐴌 𐴔𐴦𐴝𐴕𐴞 𐴀𐴥𐴡𐴘𐴓𐴊𐴠 أي المأنوف 𐴓𐴠𐴒𐴝𐴔𐴢 𐴊𐴞𐴘𐴝، 𐴎𐴝𐴌 𐴕𐴝𐴑𐴡𐴌𐴠 𐴉𐴥𐴟𐴌𐴥𐴞 𐴌𐴡𐴏𐴞 𐴊𐴝𐴈𐴠𐴓𐴢 𐴒𐴡𐴌𐴥𐴝 𐴒𐴞𐴘𐴧𐴠| 𐴎𐴝𐴌 𐴎𐴡𐴌𐴞𐴘𐴝 𐴀𐴥𐴞𐴁𐴝𐴌𐴠 𐴄𐴝𐴕𐴡𐴘𐴝𐴌 𐴀𐴟𐴓𐴊𐴝 𐴒𐴡𐴌𐴥𐴞𐴃𐴢 𐴕𐴡𐴉𐴝𐴌𐴠|

𐴔𐴟𐴏𐴕𐴡𐴊𐴠 𐴀𐴝𐴇𐴔𐴡𐴊𐴡𐴃𐴢 𐴀𐴝𐴌𐴥𐴡 𐴀𐴟𐴒𐴧𐴗𐴝 𐴇𐴝𐴊𐴞𐴏𐴢 𐴇𐴡𐴎𐴌𐴡𐴃𐴢 𐴏𐴝𐴇𐴝𐴓𐴢 𐴀𐴞𐴁𐴕𐴞 𐴏𐴝𐴀𐴝𐴊𐴢 𐴀𐴝𐴏𐴢 𐴏𐴝𐴀𐴞𐴊𐴞(𐴌𐴡)𐴃𐴧𐴞 𐴌𐴠𐴖𐴝𐴘𐴡𐴃𐴢 𐴀𐴝𐴏𐴠| 𐴌𐴡𐴏𐴟𐴓𐴢(𐴏𐴓𐴢)𐴔𐴠 𐴀𐴠𐴌𐴐𐴝𐴊𐴢 𐴉𐴡𐴌𐴔𐴝𐴘𐴠 :

(المؤمن مألفة، ولا خير فيمن لا يألف ولا يؤلف)
” 𐴔𐴟𐴔𐴞𐴕 𐴀𐴥𐴡𐴘𐴓𐴊𐴠 𐴔𐴟𐴇𐴝𐴁𐴧𐴡𐴃𐴡𐴌 𐴎𐴝𐴒𐴝، 𐴀𐴡 𐴔𐴝𐴙𐴕𐴐𐴥𐴡𐴌 𐴁𐴥𐴟𐴃𐴡𐴌𐴠 𐴈𐴡𐴕𐴥𐴡 𐴁𐴤𐴝𐴓𐴝𐴘𐴞 𐴕𐴥𐴝𐴘 𐴎𐴠 𐴔𐴟𐴇𐴝𐴁𐴧𐴡𐴃𐴢 𐴕𐴡𐴒𐴡𐴌𐴠 𐴀𐴝𐴌 𐴃𐴝𐴌𐴠 𐴘𐴥𐴡 𐴈𐴡𐴕𐴞𐴙𐴑𐴧𐴝 𐴘𐴠 𐴔𐴟𐴇𐴝𐴁𐴧𐴡𐴃𐴢 𐴕𐴡𐴒𐴡𐴌𐴠 ” |

𐴘𐴦𐴝𐴕𐴞 𐴔𐴟𐴔𐴞𐴕 𐴀𐴥𐴡𐴘𐴁𐴡𐴊𐴠 𐴕𐴡𐴌𐴡𐴔𐴢 ، 𐴌𐴝𐴇𐴝𐴔𐴢 𐴊𐴞𐴓𐴢 𐴀𐴝𐴌 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴡𐴘𐴧𐴝|𐴱

𐴏𐴡𐴘𐴧𐴡𐴊𐴢 𐴑𐴟𐴃𐴟𐴁𐴢 𐴐𐴡𐴇𐴞𐴊𐴢(𐴌𐴇)𐴃𐴝𐴌 𐴃𐴡𐴉𐴏𐴞𐴌 ” 𐴉𐴦𐴞 𐴎𐴠𐴓𐴝𐴓𐴞𐴓𐴢 𐴑𐴟𐴌𐴀𐴦𐴝𐴕 ” 𐴡𐴔𐴧𐴝𐴎𐴠 𐴈𐴦𐴡𐴊𐴧𐴠 :

“𐴔𐴝𐴕𐴥𐴟𐴙𐴐𐴢 𐴀𐴝𐴊𐴡𐴌𐴡𐴌 𐴑𐴟𐴓𐴢 ، 𐴔𐴡𐴇𐴝𐴁𐴧𐴡𐴃𐴢 𐴒𐴡𐴌𐴡𐴘𐴧𐴝𐴌، 𐴀𐴠𐴑𐴎𐴡𐴕 𐴈𐴝𐴣𐴏𐴠 𐴃𐴝𐴑𐴡𐴘𐴧𐴝𐴌 𐴔𐴞𐴑𐴧𐴝 𐴔𐴦𐴟𐴃𐴝𐴅| 𐴀𐴦𐴠𐴕 𐴀𐴠𐴑 𐴔𐴟𐴇𐴝𐴁𐴧𐴡𐴃𐴡𐴌 𐴔𐴞𐴑𐴧𐴝 𐴔𐴦𐴟𐴃𐴝𐴅، 𐴎𐴞𐴘𐴝𐴕𐴠 𐴃𐴝𐴌𐴝𐴌𐴠 𐴀𐴦𐴡𐴎𐴝𐴘 𐴁𐴠𐴙𐴌𐴝𐴘 𐴓𐴡𐴘𐴁𐴡|𐴀𐴦𐴠𐴕 𐴀𐴠𐴑 𐴏𐴡𐴁𐴡𐴌 𐴒𐴡𐴌𐴥𐴡𐴘𐴧𐴝𐴌 𐴔𐴞𐴑𐴧𐴝 𐴔𐴦𐴟𐴃𐴝𐴅 𐴎𐴞𐴁𐴝𐴘𐴠 𐴃𐴝𐴌𐴝𐴌 𐴅𐴠𐴇𐴝𐴓𐴡𐴃𐴢 ، 𐴑𐴡𐴔𐴎𐴟𐴌𐴞 𐴀𐴝𐴊𐴧𐴠 𐴕𐴟𐴏𐴧𐴝𐴕𐴞𐴌 𐴎𐴡𐴌𐴞𐴘𐴝 𐴃𐴡𐴚𐴞𐴌 𐴀𐴠𐴇𐴏𐴝𐴏𐴢 𐴕𐴡𐴒𐴡𐴌𐴞𐴁𐴡| 𐴀𐴦𐴠𐴕 𐴀𐴠𐴑𐴧𐴝𐴕 𐴊𐴞𐴓𐴡𐴌 𐴔𐴦𐴟𐴃𐴝𐴅 𐴎𐴞𐴘𐴝𐴕𐴠 𐴃𐴝𐴌𐴝𐴌𐴠 𐴊𐴞𐴁𐴡 𐴑𐴞𐴕𐴃𐴟 𐴁𐴡𐴊𐴓𐴝𐴃𐴢 𐴃𐴝𐴌𐴥𐴝𐴃𐴧𐴞 𐴑𐴞𐴏𐴧𐴟 𐴕𐴡𐴓𐴡𐴘𐴁𐴡| 𐴎𐴞𐴘𐴝𐴕 𐴃𐴝𐴌𐴝𐴌 𐴉𐴠𐴌𐴠𐴐𐴝𐴕𐴞𐴌 𐴉𐴟𐴣𐴎𐴝 𐴁𐴦𐴡𐴘𐴧𐴝 𐴀𐴥𐴡𐴘𐴁𐴡، 𐴑𐴞𐴕𐴃𐴟 𐴃𐴝𐴌𐴌𐴝𐴌 𐴖𐴡𐴌𐴠 𐴃𐴝𐴌𐴝𐴌 𐴉𐴟𐴣𐴎𐴝 𐴃𐴟𐴓𐴞 𐴕𐴡𐴊𐴞𐴁𐴡 𐴀𐴝𐴌 𐴃𐴝𐴌𐴝 𐴃𐴝𐴌 𐴈𐴝𐴣𐴏𐴠 𐴇𐴥𐴝𐴔𐴞𐴐𐴦𐴝 𐴎𐴡𐴃𐴧𐴡𐴕 ، 𐴈𐴠𐴊𐴔𐴡𐴃𐴢، 𐴀𐴝𐴊𐴡𐴌، 𐴔𐴝𐴀𐴝𐴉𐴞، 𐴔𐴠𐴇𐴥𐴠𐴌𐴁𐴝𐴕𐴞، 𐴔𐴟𐴇𐴝𐴁𐴧𐴡𐴃𐴢 𐴀𐴝𐴊𐴧𐴠 𐴌𐴠𐴎𐴝𐴔𐴡𐴕𐴊𐴞 𐴉𐴝𐴘𐴁𐴡| 𐴀𐴝𐴌 𐴌𐴡𐴏𐴟𐴓𐴢(𐴏𐴓𐴢)𐴔𐴡𐴌 𐴊𐴞𐴓𐴢 𐴀𐴞𐴕𐴋𐴞𐴓𐴧𐴝 𐴀𐴝𐴙𐴐𐴧𐴞𐴓𐴢|”

𐴃𐴝𐴛𐴌 𐴎𐴞𐴕𐴊𐴞𐴒𐴌 𐴔𐴝𐴕𐴥𐴟𐴙𐴐𐴡𐴌 𐴏𐴝𐴣𐴃𐴠 𐴀𐴞𐴕𐴋𐴞𐴓𐴧𐴝 𐴀𐴝𐴙𐴐𐴧𐴞𐴓𐴢| 𐴃𐴝𐴛 𐴈𐴡𐴕𐴥𐴡𐴊𐴞𐴕 𐴕𐴞𐴎𐴡𐴌 𐴁𐴡𐴊𐴡𐴓𐴝 𐴕𐴥𐴡𐴓𐴡| 𐴈𐴡𐴕𐴥𐴡 𐴊𐴞𐴕𐴥𐴡 𐴃𐴝𐴛𐴌 𐴊𐴞𐴓𐴢 𐴔𐴟𐴙𐴕𐴐𐴥𐴡𐴌 𐴀𐴞𐴕𐴏𐴝𐴕𐴞 𐴑𐴡𐴔𐴎𐴟𐴌𐴞𐴌 𐴎𐴡𐴌𐴞𐴘𐴝 𐴑𐴟𐴃𐴝𐴇𐴝𐴙𐴄𐴧𐴝 𐴕𐴥𐴡𐴀𐴡|

𐴘𐴦𐴝𐴕 𐴀𐴥𐴡𐴘𐴓𐴊𐴠 𐴔𐴝𐴙𐴕𐴐𐴥𐴡𐴌 𐴀𐴝𐴊𐴡𐴃𐴢| 𐴃𐴟𐴛 𐴘𐴥𐴡 𐴀𐴦𐴠𐴕 𐴔𐴝𐴙𐴕𐴐𐴥𐴡𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴥𐴡 ، 𐴎𐴠 𐴃𐴟𐴖𐴝𐴣𐴌𐴠 𐴔𐴟𐴇𐴝𐴁𐴧𐴡𐴃𐴢 𐴒𐴡𐴌𐴠 ، 𐴀𐴡𐴀𐴕𐴡𐴌 𐴖𐴡𐴌𐴠 𐴌𐴝𐴇𐴝𐴔𐴢 𐴒𐴡𐴌𐴠 𐴀𐴝𐴌 𐴀𐴡𐴀𐴕𐴡𐴌 𐴖𐴡𐴌𐴠 𐴀𐴦𐴝𐴏𐴝𐴕 𐴒𐴡𐴌𐴠|

𐴀𐴝𐴓𐴧𐴝𐴤 𐴏𐴟𐴁𐴝𐴇𐴝𐴕𐴝𐴇𐴟 𐴖𐴡𐴃𐴝𐴀𐴝𐴓𐴝𐴌 𐴈𐴝𐴣𐴏𐴠 𐴊𐴟𐴖𐴝 𐴒𐴡𐴌𐴥𐴞𐴌! 𐴀𐴝𐴓𐴧𐴝𐴤 𐴀𐴝𐴣𐴌𐴝𐴌𐴠 𐴃𐴝𐴌 𐴀𐴠𐴁𐴝𐴊𐴡𐴃𐴢 𐴒𐴡𐴌𐴞𐴁𐴝𐴌 𐴃𐴡𐴗𐴉𐴞𐴑 𐴊𐴡𐴗𐴑 𐴀𐴝𐴌 𐴃𐴝𐴌 𐴕𐴝𐴉𐴡𐴌𐴔𐴝𐴕𐴞 𐴈𐴝𐴔𐴡𐴃𐴧𐴞 𐴀𐴝𐴣𐴌𐴝𐴌𐴠 𐴊𐴟𐴌𐴠 𐴌𐴝𐴑𐴡𐴗𐴑 ! 𐴀𐴦𐴝𐴔𐴦𐴞𐴕!

والسلام عليكم ورحمة الله وبركاته

𐴀𐴝𐴌𐴥𐴡 𐴉𐴡𐴌𐴞𐴁𐴡𐴓𐴧𐴝
𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴡𐴌 𐴀𐴠𐴑𐴡𐴔 𐴀𐴥𐴞𐴏𐴧𐴝

𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴡𐴌 𐴊𐴟𐴘𐴡𐴔 𐴀𐴥𐴞𐴏𐴧𐴝

𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴡𐴌 𐴃𐴞𐴕𐴡𐴔 𐴇𐴥𐴞𐴏𐴧𐴝

𐴁𐴤𐴝𐴓𐴝 𐴕𐴡𐴏𐴞𐴘𐴡𐴃𐴡𐴌 𐴏𐴦𐴝𐴙𐴌𐴡𐴔 𐴇𐴥𐴠𐴏𐴧𐴝

 

𐴀𐴡𐴕𐴡𐴌 𐴕𐴠𐴑 𐴊𐴟𐴀𐴦𐴝𐴌 𐴔𐴧𐴝𐴎𐴠 𐴀𐴝𐴣𐴀𐴌𐴝𐴌𐴠 𐴐𐴡𐴌𐴞𐴑 𐴌𐴝𐴙𐴑𐴧𐴡!