نحو وعي صحيح-۵ ||سچائی بیداری کی طرف-۵ ||𐴈𐴝𐴓𐴠𐴏 𐴏𐴞𐴕𐴃𐴝 𐴁𐴤𐴝𐴉𐴡𐴕𐴡𐴌 𐴔𐴞𐴑𐴧𐴝-𐴵 ||Towards true awareness-5
اراکان کا منبر
اراکان کا منبر
𐴀𐴝𐴌𐴝𐴑𐴝𐴕 𐴑𐴝 𐴔𐴠𐴕𐴁𐴝𐴌
arakan ka mimber
تـُــقدم
ناشر
𐴎𐴡𐴇𐴠𐴌𐴢 𐴒𐴡𐴌𐴡𐴘𐴧𐴝
Presents
الترجمة الروهينجية
روھینگا زبان میں ترجمۃ
𐴌𐴟𐴒𐴇𐴝𐴙𐴣𐴒𐴙𐴝 𐴎𐴟𐴁𐴝𐴕𐴡𐴃 𐴃𐴡𐴌𐴅𐴟𐴔𐴝
Rohingya Translation
بعنوان:
عنوان:
𐴏𐴟𐴌𐴈𐴞:
Titled:
نحو وعي صحيح-۵
سچائی بیداری کی طرف-۵
𐴈𐴝𐴓𐴠𐴏 𐴏𐴞𐴕𐴃𐴝 𐴁𐴤𐴝𐴉𐴡𐴕𐴡𐴌 𐴔𐴞𐴑𐴧𐴝-𐴵
Towards true awareness-5
للروية المباشرة والتحميل
دیکھیں یا ڈؤنلوڈ کریں
𐴖𐴝𐴕𐴓𐴝𐴙𐴕 𐴊𐴠𐴈𐴡 𐴘𐴦𐴝 𐴋𐴝𐴖𐴕𐴓𐴡𐴋 𐴒𐴡𐴌𐴡
For Direct seeing or Downloading
Video Quality 1920*1080 (300MB)
https://archive.org/download/khalis-chintabafnar-torof-05/khalis%20chintabafnar%20torof-05.mp4
https://cloud.degoo.com/share/RNjHLzJRym4wsWSOleBH1A
https://mymegacloud.com/download/dXBsb2Fkcy92ZmJkemdiL2toYWxpcy1jaGludGFiYWZuYXItdG9yb2YtMDUubXA0/h/622e2f37a2fd91b04216befe9663c424
https://mega.nz/file/uXgWFaTD#Y-4znHUAHga7gVVKPqwoLrnludbHHI3dKLzCjQsfI3I
https://file.fm/f/kfx8gq4y4
https://www.mediafire.com/file/2kjcq25cbjngjel/khalis+chintabafnar+torof-05.mp4/file
Video Quality 1280*720 (100MB)
https://archive.org/download/khalis-chintabafnar-to/Khalis%20Chintabafnar%20Torof-05-720.m4v
https://cloud.degoo.com/share/SwFv6rFEPOyUmT-yrVNiWA
https://mymegacloud.com/download/dXBsb2Fkcy92ZmJkemdiL0toYWxpcy1DaGludGFiYWZuYXItVG9yb2YtMDUtNzIwLm00dg==/h/29d23b351f3805411da66f1166f16ab7
https://mega.nz/file/LOpEDATJ#VWRJ1JCzznADERB12l76X6TkUewaL-bq4gX-RHFBMuA
https://file.fm/f/2xduh297a
https://www.mediafire.com/file/7ep8g6gtdwlabnb/Khalis+Chintabafnar+Torof-05-720.m4v/file
Video Quality 480*360 (41MB)
https://archive.org/download/khalis-chintabafnar-to/Khalis%20Chintabafnar%20Torof-05-360.m4v
https://cloud.degoo.com/share/-Lh3vW_GHGy5blgKZuFkmw
https://mymegacloud.com/download/dXBsb2Fkcy92ZmJkemdiL0toYWxpcy1DaGludGFiYWZuYXItVG9yb2YtMDUtMzYwLm00dg==/h/7422591d985844c67689de974975346b
https://mega.nz/file/Db4yTYqa#Cs4XHQOVhb42QtdgTUlGMLmDdk5c5Z6zklO3ZXXOZ_8
https://file.fm/f/nrfu8xrx4
https://www.mediafire.com/file/z466v7tol49x6o8/Khalis+Chintabafnar+Torof-05-360.m4v/file
Video Quality 176*144 (22MB)
https://archive.org/download/khalis-chintabafnar-to/Khalis%20Chintabafnar%20Torof-05-3GP.m4v
https://cloud.degoo.com/share/8lQbHKOUG3bsfVAhYnmzkw
https://mymegacloud.com/download/dXBsb2Fkcy92ZmJkemdiL0toYWxpcy1DaGludGFiYWZuYXItVG9yb2YtMDUtM0dQLm00dg==/h/74bb04e32fde7ba07f676c4edc7e7f05
https://mega.nz/file/7C5GlI4K#y0mWuSieyo1-VNGtv0Q9z–UHVWzaVAc1I-to7i26t0
https://file.fm/f/vsphabxyr
https://www.mediafire.com/file/mpmdw84fc6qn4ey/Khalis+Chintabafnar+Torof-05-3GP.m4v/file
Word
https://archive.ph/UJsQi
https://justpaste.it/3clts
https://web.archive.org/web/20220127130905/https://justpaste.it/3clts
PDF
https://archive.org/download/khalis-chintabafnar-to/khalis%20chintabafna.pdf
https://cloud.degoo.com/share/Tya8AmSPl-VE3AHECIeRQQ
https://mymegacloud.com/download/dXBsb2Fkcy92ZmJkemdiL2toYWxpcy1jaGludGFiYWZuYS5wZGY=/h/1596e0147dca55535d868ae994665043
https://mega.nz/file/GPgSHA5B#Wp9u_28Y7vBNw-ALkCemc4e5XGyPFJrvs2K5BwuFd7o
https://file.fm/u/h42y6fu9n
https://www.mediafire.com/file/gbfyax4supek0z0/khalis+chintabafna.pdf/file
BANNER
https://archive.org/download/khalis-chintabafnar-to/khais-banner.jpg
https://cloud.degoo.com/share/Agx4Fcivm56GD9mBCuMO2g
https://mymegacloud.com/download/dXBsb2Fkcy92ZmJkemdiL2toYWlzLWJhbm5lci5qcGc=/h/6a7849dc83c4c31399600095c9afd1cf
https://mega.nz/file/rGpkTYjJ#XMwkaNZ_tOAR1MZTUK51c9gBIAcEwt5J8OXF0JAn_9Q
𐴓𐴝𐴒𐴝𐴃𐴝𐴌 𐴊𐴡𐴌𐴡𐴏
𐴈𐴝𐴓𐴠𐴏 𐴏𐴞𐴕𐴃𐴝 𐴁𐴤𐴝𐴉𐴡𐴕𐴡𐴌 𐴃𐴡𐴌𐴡𐴉𐴢
𐴉𐴝𐴣𐴏𐴀𐴡𐴔 𐴁𐴝𐴑 𐴇𐴥𐴠𐴑𐴔𐴃𐴡𐴌 𐴇𐴥𐴡𐴑𐴊𐴝𐴌 𐴀𐴥𐴡
𐴃𐴝𐴔𐴦𐴝𐴔 𐴃𐴝𐴌𐴞𐴉𐴢 𐴀𐴡 𐴀𐴝𐴓𐴧𐴝𐴤 𐴃𐴝𐴓𐴝𐴓𐴧𐴝𐴌 𐴓𐴝𐴘𐴠𐴑 𐴎𐴞𐴁𐴤𐴝 𐴏𐴦𐴝𐴌𐴝 𐴅𐴝𐴇𐴝𐴕𐴡𐴌𐴠 𐴉𐴝𐴓𐴡𐴘𐴧𐴝| 𐴌𐴝𐴇𐴔𐴡𐴃𐴢 𐴀𐴝𐴊𐴧𐴠 𐴏𐴡𐴓𐴝𐴔𐴡𐴃𐴢 𐴕𐴝𐴎𐴠𐴓𐴢 𐴀𐴥𐴡𐴑 𐴀𐴡 𐴌𐴡𐴏𐴟𐴓𐴡𐴌 𐴖𐴡𐴌𐴠 𐴎𐴞𐴁𐴝 𐴃𐴝𐴔𐴦𐴝𐴔 𐴌𐴡𐴏𐴟𐴓𐴡𐴃𐴧𐴟𐴕𐴝𐴌𐴡 𐴀𐴞𐴎𐴧𐴡𐴃 𐴖𐴝𐴓𐴝 𐴀𐴝𐴣𐴀𐴌𐴝𐴌 𐴕𐴡𐴁𐴞 𐴔𐴟𐴇𐴥𐴝𐴔𐴧𐴡𐴊𐴢 ﷺ 𐴖𐴝𐴌𐴠| 𐴀𐴝𐴌 𐴀𐴥𐴞𐴁𐴝𐴌 𐴀𐴦𐴝𐴓𐴡𐴌 𐴖𐴡𐴌𐴠 𐴀𐴝𐴌 𐴃𐴝𐴔𐴦𐴝𐴔 𐴏𐴥𐴝𐴇𐴝𐴁𐴝 𐴑𐴠𐴌𐴝𐴔 𐴀𐴡𐴑𐴧𐴡𐴓𐴡𐴌 𐴖𐴡𐴌𐴠|
𐴇𐴥𐴝𐴔𐴊𐴡 𐴏𐴥𐴡𐴓𐴝𐴃𐴡𐴌 𐴁𐴦𐴝𐴊𐴠 𐴇𐴡𐴃𐴝 𐴀𐴡𐴙𐴓𐴊𐴠-𐴀𐴝𐴓𐴧𐴝𐴤 𐴃𐴡𐴁𐴝𐴌𐴝𐴑 𐴖𐴡𐴃𐴝𐴀𐴝𐴓𐴝 𐴀𐴠𐴌𐴐𐴝𐴊 𐴒𐴡𐴌𐴥𐴠𐴌:{يُؤْتِي الْحِكْمَةَ مَنْ يَشَاءُ وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا وَمَا يَذَّكَّرُ إِلَّا أُولُو الْأَلْبَابِ}.
“𐴀𐴝𐴓𐴧𐴝𐴤𐴘𐴠 𐴎𐴝𐴌𐴠 𐴉𐴡𐴏𐴥𐴡𐴕 𐴒𐴡𐴌𐴥𐴠 𐴃𐴝𐴌𐴠 𐴇𐴥𐴠𐴑𐴔𐴡𐴃𐴢 𐴊𐴝𐴕𐴒𐴡𐴌𐴥𐴠| 𐴀𐴝𐴌 𐴎𐴝𐴌𐴠 𐴇𐴥𐴠𐴑𐴔𐴡𐴃 𐴊𐴞𐴘𐴝 𐴒𐴠𐴘𐴧𐴠 𐴀𐴥𐴞𐴁𐴝𐴌𐴠 𐴁𐴠𐴐𐴦𐴝 𐴁𐴠𐴐𐴦𐴞 𐴁𐴝𐴤𐴓𐴝𐴘𐴞 𐴊𐴞𐴘𐴝𐴒𐴞𐴘𐴧𐴠| 𐴕𐴡𐴏𐴞𐴇𐴝𐴃 𐴐𐴥𐴟𐴊𐴟 𐴀𐴝𐴑𐴡𐴓𐴁𐴡𐴕 𐴔𐴝𐴙𐴕𐴐𐴥𐴠 𐴇𐴥𐴝𐴏𐴠𐴓 𐴒𐴡𐴌𐴠𐴊𐴠“| (𐴏𐴦𐴟𐴌𐴝 𐴁𐴡𐴑𐴌𐴝𐴤 :𐴲𐴶𐴹)
𐴀𐴝𐴁𐴟 𐴀𐴞𐴏𐴔𐴝𐴀𐴞𐴓𐴢 𐴀𐴝𐴓𐴢 𐴇𐴝𐴌𐴖𐴞 (𐴌𐴇)𐴘𐴠 𐴈𐴡𐴘𐴧𐴠𐴊𐴠 ” 𐴇𐴥𐴠𐴑𐴔𐴡𐴃𐴡𐴌 𐴔𐴦𐴝𐴕𐴞 𐴀𐴥𐴡𐴘𐴓𐴊𐴠 𐴈𐴡𐴕𐴡 𐴏𐴦𐴞𐴏𐴡𐴌𐴠 𐴃𐴝𐴌 𐴔𐴟𐴕𐴝𐴏𐴠𐴁𐴢 𐴎𐴝𐴒𐴝𐴃 𐴏𐴥𐴡𐴀𐴞 𐴒𐴡𐴌𐴞 𐴌𐴝𐴑𐴡𐴕”|
𐴀𐴝𐴓𐴧𐴝𐴔𐴝 𐴀𐴞𐴁𐴕𐴟𐴓𐴢 𐴑𐴝𐴘𐴧𐴟𐴔 (𐴌𐴇) 𐴘𐴠 𐴈𐴡𐴘𐴧𐴠𐴊𐴠 ” 𐴇𐴥𐴠𐴑𐴔𐴡𐴃𐴢 𐴀𐴥𐴡𐴘𐴓𐴊𐴠 𐴎𐴦𐴞𐴕 𐴒𐴡𐴌𐴝 𐴊𐴡𐴌𐴈𐴝𐴌/ 𐴎𐴞𐴕𐴋𐴞𐴓𐴧𐴝 𐴒𐴡𐴌𐴞 𐴒𐴡𐴌𐴝 𐴊𐴡𐴌𐴈𐴝𐴌 𐴀𐴝𐴌 𐴎𐴠 𐴖𐴡𐴑𐴃𐴡𐴃 𐴒𐴡𐴌𐴝 𐴊𐴡𐴌𐴈𐴝𐴌 𐴇𐴞𐴈𐴝𐴔𐴧𐴝𐴕 𐴇𐴠𐴙 𐴄𐴝𐴘𐴔𐴡𐴃𐴢 𐴇𐴠𐴦𐴕 𐴒𐴡𐴌𐴞 𐴒𐴡𐴌𐴡𐴀𐴡𐴕𐴧𐴝𐴕 𐴀𐴡𐴘𐴓𐴊𐴠 𐴇𐴥𐴞𐴑𐴔𐴤𐴝|
𐴀𐴞𐴔𐴝𐴔 𐴕𐴡𐴖𐴧𐴞 (𐴌𐴇)𐴘𐴠 𐴇𐴥𐴠𐴑𐴔𐴡𐴃𐴡𐴌 𐴃𐴦𐴝𐴌𐴞𐴉𐴢 𐴒𐴡𐴙𐴅𐴧𐴠 𐴊𐴠 𐴑𐴞 ” 𐴀𐴦𐴠𐴕 𐴀𐴠𐴓𐴡𐴔 𐴎𐴦𐴞𐴕 𐴀𐴝𐴇𐴑𐴝𐴔𐴡𐴌 𐴏𐴝𐴣𐴃𐴠 𐴃𐴝𐴀𐴓𐴧𐴟𐴑 𐴌𐴝𐴑𐴠، 𐴀𐴝𐴓𐴧𐴝𐴤 𐴃𐴝𐴀𐴝𐴓𐴝𐴌 𐴔𐴝𐴌𐴉𐴡𐴃 𐴇𐴦𐴝𐴏𐴠𐴓 𐴀𐴥𐴡|، 𐴒𐴠𐴌𐴝𐴘𐴞 𐴁𐴡𐴏𐴞𐴌𐴡𐴃𐴢 𐴀𐴝𐴊𐴧𐴠 𐴕𐴡𐴉𐴏𐴥𐴡𐴌 𐴀𐴠𐴏𐴓𐴝𐴇𐴢 |،𐴇𐴥𐴡𐴑𐴧𐴡𐴌𐴠 𐴎𐴝𐴇𐴥𐴠𐴌 𐴒𐴡𐴌𐴠 𐴀𐴝𐴌 𐴃𐴝𐴌 𐴖𐴡𐴌𐴠 𐴀𐴝𐴔𐴡𐴓𐴢 𐴒𐴡𐴌𐴡𐴕 |، 𐴈𐴡𐴗𐴝𐴇𐴠𐴐𐴢 𐴕𐴡𐴉𐴏𐴡 𐴀𐴝𐴊𐴧𐴠 𐴁𐴝𐴃𐴠𐴓𐴡𐴌 𐴀𐴠𐴃𐴧𐴠𐴁𐴥𐴝 𐴒𐴡𐴌𐴡𐴕𐴡𐴃𐴧𐴟 𐴁𐴝𐴏𐴞 𐴃𐴝𐴑𐴥𐴠 𐴀𐴝𐴌 𐴇𐴥𐴝𐴑𐴞𐴔 𐴀𐴥𐴡𐴙𐴓𐴊𐴠 𐴎𐴝𐴌 𐴁𐴥𐴟𐴃𐴡𐴌𐴠 𐴀𐴠 𐴏𐴞𐴏 𐴒𐴞𐴕 𐴃𐴥𐴝𐴑𐴠| 𐴀𐴠 𐴇𐴥𐴠𐴑𐴔𐴡𐴃𐴡𐴌 𐴃𐴦𐴝𐴌𐴞𐴉𐴡𐴃𐴧𐴟 𐴀𐴝𐴣𐴌𐴝 𐴁𐴝𐴙𐴄𐴧𐴝 𐴈𐴡𐴃𐴝𐴃𐴢 𐴘𐴝𐴕 𐴁𐴟𐴎𐴞𐴃𐴢 𐴉𐴝𐴌𐴞𐴊𐴠 𐴑𐴞 “𐴑𐴟𐴌𐴀𐴦𐴝𐴕 𐴏𐴟𐴕𐴧𐴝𐴤𐴌 𐴖𐴡𐴌𐴠 𐴉𐴟𐴌𐴝 𐴉𐴟𐴌𐴞 𐴁𐴝𐴈𐴥𐴡𐴁𐴡𐴌 𐴀𐴥𐴡𐴕، 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴀𐴠𐴑𐴎𐴡𐴕 𐴔𐴝𐴕𐴟𐴙𐴐𐴥𐴢 𐴇𐴥𐴝𐴌 𐴀𐴠𐴑𐴧𐴝𐴕 𐴈𐴝𐴔𐴡𐴌𐴠 𐴃𐴝𐴌 𐴔𐴟𐴕𐴝𐴏𐴠𐴁𐴢 𐴎𐴝𐴒𐴝 𐴔𐴡𐴃𐴝𐴁𐴠𐴑 𐴌𐴝𐴑𐴞 𐴉𐴝𐴌𐴠| 𐴀𐴝𐴌 𐴇𐴥𐴝𐴌 𐴀𐴠𐴑𐴧𐴝𐴕 𐴀𐴝𐴘𐴁𐴡 𐴊𐴠 𐴔𐴡𐴐𐴑𐴞𐴓𐴢 𐴀𐴝𐴊𐴧𐴠 𐴔𐴡𐴏𐴞𐴁𐴡𐴃𐴡𐴌𐴠 𐴏𐴥𐴡𐴀𐴞 𐴒𐴡𐴌𐴞 𐴉𐴥𐴝𐴘𐴏𐴝𐴓𐴝 𐴒𐴡𐴌𐴞 𐴉𐴝𐴌𐴠|
𐴀𐴝𐴌 𐴇𐴝𐴑𐴞𐴔 𐴀𐴥𐴡𐴘𐴓𐴊𐴠 𐴎𐴝𐴌 𐴀𐴝𐴔𐴡𐴓𐴡𐴃𐴢 𐴀𐴠 𐴏𐴞𐴉𐴡𐴃𐴒𐴞𐴕 𐴉𐴝𐴎𐴝𐴘𐴁𐴡| 𐴀𐴝𐴌 𐴇𐴥𐴠𐴑𐴔𐴡𐴃 𐴇𐴝𐴏𐴞𐴓𐴢 𐴀𐴡𐴘𐴁𐴡𐴊𐴠 𐴑𐴟𐴌𐴀𐴦𐴝𐴕 𐴀𐴝𐴌 𐴌𐴡𐴏𐴟𐴓 ﷺ𐴡𐴌 𐴏𐴥𐴟𐴕𐴧𐴡𐴃𐴡 𐴔𐴧𐴝𐴎𐴠 𐴇𐴥𐴡𐴑 𐴃𐴝𐴓𐴝𐴙𐴐 𐴒𐴡𐴙𐴓𐴧𐴠،| 𐴘𐴥𐴝𐴌 𐴁𐴦𐴝𐴊𐴠 𐴈𐴥𐴡𐴌𐴝𐴁𐴢 𐴈𐴝𐴔𐴡𐴌 𐴀𐴟𐴏𐴑𐴝𐴘𐴊𐴡𐴘𐴝 𐴀𐴝𐴊𐴡𐴃𐴡𐴌𐴠 𐴊𐴟𐴌 𐴒𐴡𐴌𐴡𐴕 𐴎𐴟𐴌𐴟𐴌𐴞 𐴀𐴝𐴌 𐴕𐴡𐴉𐴏𐴥𐴡𐴌 𐴒𐴟𐴓𐴝𐴔𐴞𐴃𐴧𐴟 𐴀𐴦𐴝𐴎𐴝𐴊𐴢 𐴖𐴝𐴉𐴡𐴌𐴞𐴁𐴡|𐴇𐴥𐴡𐴑𐴧𐴡𐴌 𐴔𐴟𐴃𐴝𐴀𐴓𐴧𐴠𐴑 𐴈𐴡𐴕𐴥𐴡 𐴇𐴝𐴏𐴡𐴌𐴡𐴃 𐴒𐴡𐴌𐴥𐴡𐴘𐴧𐴝𐴌 𐴇𐴝𐴏𐴡𐴌𐴡𐴃𐴡𐴌𐴠 𐴋𐴡𐴌𐴝𐴘 𐴕𐴡𐴉𐴝𐴌𐴞𐴁𐴡| 𐴀𐴠𐴀𐴕𐴋𐴞𐴓𐴧𐴝 𐴔𐴝𐴕𐴐𐴡𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴘𐴠 𐴇𐴞𐴑𐴔𐴡𐴃𐴢 𐴊𐴝𐴕 𐴒𐴡𐴌𐴠| 𐴀𐴝𐴌 𐴇𐴥𐴠𐴃𐴟𐴕𐴡𐴃 𐴃𐴝𐴛 𐴈𐴡𐴕𐴡 𐴉𐴞𐴑𐴞𐴌 𐴒𐴡𐴙𐴓𐴧𐴠 𐴃𐴝𐴌 𐴉𐴞𐴑𐴞𐴌 𐴀𐴥𐴡𐴘𐴁𐴡𐴊𐴠 𐴁𐴠𐴙𐴒𐴧𐴞𐴕𐴡𐴃𐴧𐴟𐴕𐴝𐴌𐴡 𐴁𐴝𐴤𐴓𐴝 | 𐴀𐴝𐴌 𐴈𐴡𐴕𐴡 𐴈𐴡𐴃𐴝 𐴈𐴡𐴘𐴓𐴠 𐴘𐴝𐴕 𐴀𐴥𐴡𐴘𐴁𐴡𐴊𐴠 𐴁𐴠𐴙𐴒𐴧𐴞𐴕𐴡𐴃𐴧𐴞𐴁𐴝𐴌𐴡 𐴁𐴝𐴤𐴓𐴝 𐴈𐴡𐴃𐴝| 𐴀𐴝𐴌 𐴈𐴡𐴕𐴡 𐴀𐴝𐴔𐴡𐴓𐴢 𐴒𐴡𐴙𐴓𐴧𐴠 𐴃𐴝𐴌 𐴀𐴝𐴔𐴡𐴓𐴧𐴝𐴕 𐴀𐴥𐴡𐴘𐴁𐴡𐴊𐴠 𐴁𐴠𐴙𐴒𐴧𐴞𐴕𐴡𐴃𐴧𐴟𐴕𐴝𐴌𐴡 𐴀𐴦𐴝𐴓𐴝|
𐴀𐴡𐴕𐴠 𐴎𐴠𐴃𐴧𐴡𐴃 𐴏𐴝𐴇𐴝𐴁𐴝𐴤 𐴀𐴠𐴑𐴌𐴝𐴔/𐴃𐴝𐴁𐴠𐴀𐴞𐴕/ 𐴃𐴡𐴁𐴠 𐴃𐴝𐴁𐴞𐴀𐴞𐴕 𐴀𐴝𐴊𐴧𐴠 𐴃𐴝𐴌𐴝𐴌 𐴁𐴦𐴝𐴊𐴡𐴌 𐴏𐴡𐴓𐴉𐴠𐴏𐴝𐴓𐴠𐴇𐴞𐴕 𐴀𐴥𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴏𐴥𐴞𐴕𐴃𐴝 𐴒𐴡𐴌𐴞𐴁𐴝 𐴃𐴡𐴘𐴓𐴠 𐴀𐴡𐴕𐴞 𐴁𐴟𐴎𐴞𐴃𐴢 𐴉𐴝𐴌𐴞𐴁𐴝 𐴑𐴞 𐴀𐴥𐴠𐴃𐴝𐴌𐴝 𐴇𐴥𐴞𐴑𐴔𐴝𐴃𐴡𐴌 𐴀𐴠 𐴀𐴝𐴏𐴡𐴓𐴢 𐴔𐴦𐴝𐴕𐴞 𐴇𐴥𐴝𐴏𐴠𐴓𐴢 𐴒𐴡𐴙𐴅𐴧𐴞𐴓𐴢| 𐴀𐴥𐴠𐴃𐴡𐴓𐴧𐴝 𐴁𐴡𐴓𐴞 𐴃𐴝𐴌𐴝 𐴀𐴠𐴑𐴎𐴡𐴕 𐴀𐴝𐴌𐴠𐴑𐴎𐴡𐴕𐴡𐴌 𐴁𐴝𐴁𐴡𐴃𐴠 𐴀𐴠𐴙 𐴈𐴡𐴃𐴝𐴒𐴝𐴕 𐴀𐴡 𐴈𐴡𐴘𐴧𐴠 𐴊𐴠 𐴑𐴞 𐴎𐴡𐴊𐴞 𐴌𐴡𐴏𐴟𐴓𐴢 𐴏𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴞 𐴖𐴡𐴏𐴡𐴓𐴧𐴡𐴔𐴡𐴌 𐴁𐴦𐴝𐴊𐴠 𐴈𐴡𐴕𐴡 𐴕𐴡𐴁𐴞 𐴀𐴥𐴡𐴘𐴃𐴡 𐴃𐴡𐴘𐴓𐴠 𐴉𐴥𐴡𐴓𐴝𐴕𐴝 𐴀𐴥𐴡𐴘𐴃𐴡|
𐴅𐴝𐴇𐴠𐴓𐴢 𐴉𐴥𐴡𐴓𐴏𐴡𐴉𐴞 𐴀𐴥𐴡𐴑𐴧𐴡𐴓𐴡𐴌 𐴀𐴟𐴒𐴧𐴗𐴝 𐴃𐴝𐴀𐴅𐴧𐴟𐴁𐴞 𐴅𐴠𐴇𐴝𐴓𐴡𐴃𐴢 𐴀𐴥𐴡𐴘𐴓𐴊𐴠- 𐴃𐴝𐴌𐴝 𐴑𐴞𐴏𐴧𐴟 𐴑𐴝𐴉𐴠𐴌 𐴀𐴝𐴊𐴧𐴠 𐴔𐴟𐴓𐴇𐴠𐴊𐴡𐴌𐴠 𐴇𐴝𐴑𐴞𐴔 𐴀𐴝𐴊𐴧𐴠 𐴀𐴝𐴑𐴡𐴓𐴁𐴡𐴕 𐴁𐴡𐴓𐴞 𐴁𐴟𐴎𐴠| 𐴀𐴥𐴞𐴃𐴝𐴌𐴝 𐴀𐴝𐴣𐴀𐴌𐴝𐴌 𐴀𐴞𐴔𐴝𐴔 𐴀𐴝𐴊𐴧𐴠 𐴕𐴠𐴑𐴧𐴝𐴌 𐴏𐴡𐴓𐴉𐴠 𐴏𐴝𐴓𐴠𐴇𐴞𐴕 𐴀𐴥𐴡𐴑𐴧𐴡𐴓𐴡𐴌 𐴇𐴞𐴑𐴔𐴡𐴃𐴡𐴌𐴠 𐴕𐴡 𐴊𐴠𐴙𐴑𐴠| 𐴎𐴞𐴁𐴝𐴘𐴠 𐴃𐴝𐴌𐴝𐴌 𐴇𐴞𐴑𐴔𐴡𐴃𐴡𐴌 𐴎𐴡𐴌𐴕𐴝𐴃𐴧𐴟 𐴉𐴝𐴕𐴥𐴞 𐴉𐴞𐴘𐴧𐴠 𐴀𐴝𐴌 𐴃𐴝𐴌𐴝𐴌 𐴀𐴞𐴓𐴡𐴔𐴡𐴌 𐴊𐴡𐴌𐴞𐴘𐴝𐴃𐴧𐴟𐴕 𐴇𐴥𐴝𐴃 𐴁𐴥𐴡𐴌𐴝𐴘 𐴁𐴥𐴡𐴌𐴝𐴘 𐴏𐴟𐴀𐴟𐴣𐴘𐴧𐴠 𐴇𐴞𐴁𐴝 𐴘𐴥𐴡 𐴇𐴞𐴑𐴔𐴡𐴃𐴢 𐴀𐴦𐴡𐴓𐴝 𐴀𐴥𐴡𐴘 𐴒𐴞𐴘𐴡𐴘|
𐴀𐴝𐴣𐴀𐴌𐴝𐴌 𐴀𐴞 𐴎𐴡𐴔𐴝𐴕𐴝𐴃𐴢 𐴔𐴝𐴕𐴟𐴙𐴐 𐴁𐴦𐴡𐴃𐴢 𐴋𐴦𐴡𐴙𐴓𐴧𐴝 𐴉𐴞𐴃𐴕𐴝 𐴀𐴝𐴊𐴧𐴠 𐴉𐴡𐴏𐴝𐴊𐴡𐴌 𐴓𐴥𐴠𐴚𐴡𐴌 𐴏𐴝𐴣𐴀𐴃𐴠 𐴔𐴝𐴙𐴑𐴧𐴝 𐴀𐴥𐴡𐴘 𐴒𐴞𐴘𐴡𐴘𐴢 𐴀𐴥𐴞𐴃𐴡𐴓𐴧𐴝 𐴁𐴡𐴓𐴞 𐴀𐴠𐴀𐴠𐴕 𐴇𐴝𐴓𐴝𐴃𐴡𐴃𐴢 𐴇𐴥𐴠𐴑𐴔𐴡𐴃𐴢 𐴀𐴝𐴊𐴧𐴠 𐴇𐴝𐴑𐴞𐴔 𐴀𐴦𐴡𐴓𐴡𐴌 𐴁𐴦𐴡𐴃𐴢 𐴎𐴡𐴌𐴟𐴌𐴞| 𐴎𐴝𐴌𐴝 𐴏𐴥𐴡𐴀𐴞 𐴀𐴠𐴓𐴡𐴔𐴡𐴌 𐴕𐴟𐴌𐴡𐴌 𐴎𐴡𐴌𐴞𐴘𐴝 𐴕𐴟𐴌 𐴀𐴦𐴡𐴓𐴝 𐴀𐴥𐴡𐴘𐴁𐴡 𐴀𐴝𐴌 𐴇𐴥𐴝𐴌 𐴀𐴠𐴑𐴧𐴝𐴕 𐴏𐴞𐴏𐴡𐴌𐴠 𐴏𐴥𐴡𐴀𐴞 𐴎𐴝𐴒𐴝 𐴔𐴡𐴎𐴞𐴕 𐴀𐴠𐴏𐴃𐴠𐴔𐴝𐴓 𐴒𐴡𐴌𐴞𐴁𐴡| 𐴃𐴡𐴀𐴘𐴓𐴠 𐴃𐴝𐴛 𐴕𐴡𐴌𐴡𐴔 𐴀𐴡𐴉𐴡𐴌𐴠𐴊𐴠 𐴎𐴝𐴒𐴝𐴃𐴢 𐴏𐴡𐴈𐴃𐴡 𐴕𐴡 𐴀𐴥𐴡𐴘𐴁𐴡 𐴀𐴝𐴁𐴝𐴌 𐴏𐴡𐴈𐴃𐴡𐴌 𐴎𐴝𐴒𐴝𐴃𐴢 𐴕𐴡𐴌𐴡𐴔 𐴀𐴡 𐴕𐴡 𐴀𐴥𐴡𐴘𐴁𐴡| 𐴀𐴝𐴌 𐴎𐴠 𐴎𐴝𐴒𐴝𐴃𐴢 𐴈𐴡𐴃𐴝 𐴈𐴡𐴀𐴕 𐴊𐴡𐴌𐴈𐴝𐴌 𐴇𐴥𐴠𐴎𐴝𐴒𐴃𐴢 𐴕𐴞𐴎𐴝𐴔 𐴕𐴡 𐴃𐴝𐴑𐴞𐴁𐴡 𐴎𐴠 𐴎𐴝𐴒𐴝𐴃𐴢 𐴕𐴞𐴎𐴝𐴔 𐴃𐴝𐴑𐴝 𐴉𐴡𐴌𐴞𐴁𐴡 𐴇𐴠𐴙 𐴎𐴝𐴒𐴝𐴃𐴢 𐴕𐴡 𐴔𐴝𐴃𐴞𐴁𐴡| 𐴃𐴝𐴛 𐴔𐴟𐴕𐴝𐴏𐴠𐴁𐴢 𐴀𐴥𐴡𐴑𐴃𐴡 / 𐴔𐴟𐴕𐴝𐴏𐴠𐴁 𐴎𐴝𐴒𐴝 𐴀𐴝𐴌 𐴔𐴟𐴕𐴝𐴏𐴠𐴁 𐴏𐴦𐴞𐴏𐴧𐴝𐴕 𐴁𐴟𐴎𐴞 𐴉𐴝𐴌𐴞𐴁𐴡|
𐴑𐴞𐴘𐴡𐴓𐴧𐴝 𐴈𐴡𐴘𐴓𐴠 𐴇𐴠𐴑𐴔𐴡𐴃𐴢 𐴏𐴥𐴥𐴝𐴌𐴝 𐴔𐴝𐴕𐴥𐴟𐴙𐴐𐴢 𐴀𐴦𐴡𐴓𐴠 𐴎𐴠 𐴎𐴝𐴒𐴝𐴃𐴢 𐴏𐴡𐴈𐴃𐴡 𐴀𐴡𐴕𐴡𐴌 𐴊𐴡𐴌𐴈𐴝𐴌 𐴕𐴥𐴝𐴘 𐴇𐴠𐴙 𐴎𐴝𐴒𐴝𐴃𐴢 𐴏𐴡𐴈𐴃𐴥𐴞 𐴊𐴝𐴈𐴝𐴘 𐴃𐴝𐴌 𐴖𐴝𐴌𐴠 𐴀𐴝𐴊𐴧𐴠 𐴃𐴝𐴌 𐴀𐴝𐴣𐴃𐴠 𐴈𐴝𐴣𐴏𐴠 𐴃𐴝𐴑𐴠𐴊𐴠 𐴔𐴝𐴕𐴟𐴙𐴐𐴥𐴡𐴌 𐴖𐴝𐴌𐴠 𐴔𐴡𐴏𐴞𐴁𐴡𐴃𐴢 𐴋𐴝𐴑𐴞 𐴀𐴝𐴕𐴞𐴁𐴡| 𐴀𐴥𐴠𐴙𐴕𐴋𐴞𐴓𐴧𐴝 𐴇𐴠𐴑𐴔𐴡𐴃𐴢 𐴕𐴝𐴘 𐴊𐴠 𐴔𐴝𐴕𐴟𐴙𐴐𐴥 𐴀𐴦𐴡𐴓𐴠 𐴏𐴥𐴡𐴈𐴃𐴞𐴌 𐴎𐴝𐴒𐴝𐴃𐴢 𐴕𐴡𐴌𐴔𐴞 𐴏𐴟𐴓𐴟𐴑 𐴒𐴡𐴌𐴞 𐴅𐴝𐴇𐴠𐴓𐴢 𐴀𐴝𐴊𐴧𐴠 𐴁𐴠𐴙𐴑𐴟𐴉𐴢 𐴔𐴝𐴕𐴟𐴙𐴐𐴥𐴢 𐴀𐴥𐴡𐴑𐴧𐴡𐴓𐴡𐴌 𐴖𐴝𐴌𐴠 𐴇𐴥𐴞𐴔𐴡𐴃𐴢 𐴊𐴠𐴈𐴝𐴘𐴁𐴝𐴌 𐴔𐴡𐴖𐴑𐴝 𐴉𐴝𐴘𐴁𐴡| 𐴇𐴥𐴠𐴑𐴔𐴡𐴃𐴢 𐴀𐴦𐴡𐴓𐴝 𐴔𐴝𐴕𐴟𐴙𐴐𐴥𐴢 𐴀𐴥𐴡𐴘𐴓𐴊𐴠 𐴀𐴟𐴁𐴥𐴝 𐴎𐴞𐴁𐴥𐴝𐴘𐴠 𐴇𐴥𐴝𐴌 𐴎𐴝𐴒𐴝𐴃𐴢 𐴎𐴠𐴙𐴕𐴋𐴞𐴓𐴧𐴝 𐴏𐴟𐴓𐴟𐴑 𐴒𐴡𐴌𐴝 𐴎𐴡𐴌𐴟𐴌𐴞 𐴇𐴥𐴠𐴙𐴕 𐴏𐴟𐴓𐴟𐴑 𐴒𐴡𐴌𐴞𐴃𐴢 𐴉𐴝𐴌𐴠|
𐴀𐴠𐴙 𐴎𐴡𐴔𐴝𐴕𐴝𐴃𐴢 𐴎𐴝𐴌𐴝 𐴉𐴡𐴏𐴝𐴊𐴢 𐴒𐴡𐴌𐴡𐴘𐴧𐴝 𐴀𐴦𐴡𐴓𐴡𐴌 𐴉𐴡𐴏𐴝𐴊𐴡𐴌𐴠 𐴀𐴠𐴏𐴓𐴝𐴤 𐴒𐴡𐴌𐴡𐴕𐴡𐴌 𐴈𐴝𐴔 𐴒𐴡𐴌𐴠 𐴃𐴝𐴌𐴝𐴓𐴧𐴝 𐴇𐴠𐴑𐴔𐴡𐴃𐴢 𐴁𐴠𐴙𐴐𐴥𐴝𐴁𐴠𐴙𐴐𐴥𐴞 𐴎𐴡𐴌𐴟𐴌𐴞| 𐴀𐴝𐴌 𐴃𐴝𐴌𐴝 𐴀𐴥𐴡𐴘𐴓𐴊𐴠 𐴔𐴟𐴀𐴔𐴞𐴕 𐴔𐴟𐴅𐴝𐴇𐴠𐴊𐴢 𐴀𐴦𐴡𐴓𐴢| 𐴎𐴠𐴙𐴕 𐴕𐴠𐴑𐴞 𐴈𐴦𐴡𐴗𐴝 𐴎𐴝𐴊𐴠 𐴑𐴞- 𐴇𐴠𐴑𐴔𐴡𐴃𐴢 𐴀𐴥𐴡𐴘𐴓𐴊𐴠 𐴔𐴟𐴀𐴔𐴞𐴕𐴡𐴌 𐴀𐴥𐴣𐴝𐴎𐴞 𐴒𐴞𐴘𐴡𐴘𐴊𐴠 𐴐𐴥𐴡𐴔𐴁𐴡𐴃𐴧𐴞| 𐴎𐴠𐴍𐴠 𐴉𐴦𐴝 𐴁𐴠𐴒𐴧𐴟𐴕𐴡𐴌 𐴀𐴝𐴒𐴠 𐴇𐴝𐴏𐴞𐴓𐴢 𐴒𐴡𐴌𐴞 𐴓𐴡𐴘|
𐴀𐴥𐴞𐴃𐴡𐴓𐴧𐴝 𐴁𐴡𐴓𐴞 𐴃𐴝𐴌𐴝𐴓𐴧𐴝 𐴎𐴡𐴌𐴟𐴌𐴞𐴊𐴠 𐴑𐴞 𐴇𐴠𐴑𐴔𐴡𐴃𐴡𐴌 𐴀𐴝𐴏𐴥𐴡𐴓𐴢 𐴀𐴟𐴏𐴥𐴞𐴓𐴝 𐴀𐴥𐴡𐴘𐴓𐴊𐴠 𐴑𐴟𐴌𐴀𐴦𐴝𐴕𐴟𐴓𐴢 𐴑𐴡𐴌𐴞𐴔 𐴀𐴝𐴊𐴧𐴠 𐴏𐴥𐴡𐴀𐴞 𐴏𐴟𐴕𐴧𐴝𐴃𐴟𐴕𐴧𐴡𐴁𐴞𐴌𐴢 𐴀𐴠𐴃𐴧𐴠𐴁𐴝 𐴒𐴡𐴌𐴝| 𐴀𐴝𐴌 𐴐𐴡𐴌𐴞𐴀𐴝𐴃𐴡𐴌 𐴇𐴡𐴑𐴟𐴔 𐴀𐴝𐴇𐴑𐴝𐴔 𐴁𐴟𐴎𐴡𐴕𐴡𐴌 𐴁𐴝𐴁𐴡𐴃𐴠 𐴀𐴝𐴣𐴀𐴌𐴝𐴌 𐴇𐴥𐴡𐴑 𐴏𐴝𐴓𐴉𐴠 𐴏𐴝𐴓𐴞𐴇𐴞𐴕𐴡𐴌 𐴀𐴠𐴃𐴧𐴠𐴁𐴝 𐴒𐴡𐴌𐴝 𐴀𐴝𐴌 𐴃𐴝𐴌𐴝𐴌 𐴏𐴝𐴣𐴃𐴠 𐴀𐴡𐴘𐴧𐴠𐴊𐴠 𐴖𐴝𐴑𐴞𐴀𐴝 𐴔𐴧𐴝𐴎𐴠 𐴃𐴝𐴌𐴝𐴌 𐴇𐴠𐴑𐴔𐴡𐴃𐴢 𐴀𐴝𐴊𐴧𐴠 𐴑𐴠𐴀𐴕 𐴒𐴡𐴌𐴞 𐴃𐴝𐴌𐴝 𐴇𐴠𐴙 𐴈𐴝𐴔𐴒𐴞𐴕 𐴀𐴝𐴕𐴅𐴝𐴔 𐴊𐴞𐴘𐴧𐴠 𐴇𐴞𐴘𐴝𐴕 𐴁𐴟𐴎𐴡𐴕𐴡𐴌 𐴑𐴟𐴐𐴞𐴐𐴢 𐴒𐴡𐴌𐴡𐴕| 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴓𐴧𐴝 𐴎𐴡𐴌𐴟𐴌𐴞𐴊𐴠 𐴃𐴝𐴌𐴝 𐴇𐴠𐴑𐴔𐴡𐴃𐴢 𐴇𐴝𐴏𐴞𐴓𐴢 𐴒𐴡𐴌𐴡𐴕𐴡𐴌 𐴁𐴝𐴁𐴡𐴃𐴠 𐴈𐴡𐴕𐴡 𐴒𐴡𐴓𐴃𐴞 𐴕𐴡 𐴒𐴡𐴌𐴝| 𐴎𐴡𐴊𐴞𐴘𐴥𐴡 𐴇𐴞𐴘𐴝𐴕 𐴀𐴠𐴕𐴋𐴞𐴓𐴧𐴝 𐴔𐴝𐴙𐴕𐴐𐴥𐴡𐴃𐴧𐴟𐴕 𐴀𐴥𐴡𐴑 𐴎𐴞𐴁𐴝 𐴇𐴥𐴞𐴘𐴝𐴕𐴡𐴌 𐴓𐴝𐴀𐴠𐴑 𐴕𐴡 𐴀𐴡𐴀𐴡𐴕𐴡𐴌 𐴁𐴝𐴖𐴡𐴅𐴟𐴊𐴠𐴘𐴡 𐴀𐴝𐴓𐴧𐴝𐴤 𐴃𐴝𐴓𐴝 𐴃𐴝𐴌 𐴔𐴟𐴣𐴑𐴡𐴃𐴧𐴟𐴕 𐴀𐴥𐴠𐴕𐴋𐴞𐴓𐴧𐴝 𐴈𐴦𐴡𐴃𐴝 𐴁𐴝𐴘𐴌𐴒𐴡𐴌𐴠 𐴊𐴞𐴘𐴠| 𐴎𐴠𐴙𐴕 𐴕𐴞𐴑𐴞 𐴈𐴦𐴝𐴗𐴝𐴎𐴝𐴊𐴠 𐴉𐴦𐴡𐴓𐴡𐴌 𐴔𐴟𐴣𐴑𐴡𐴃𐴧𐴟𐴕 𐴀𐴥𐴡 𐴇𐴞𐴑𐴔𐴡𐴃𐴢 𐴇𐴝𐴏𐴞𐴓𐴢 𐴒𐴡𐴌𐴡|
𐴁𐴠𐴐𐴥𐴡𐴑𐴢 𐴔𐴟𐴅𐴝𐴇𐴞𐴊𐴢 𐴀𐴦𐴡𐴓𐴡𐴃𐴧𐴞 𐴁𐴝𐴀𐴊𐴟𐴌 𐴀𐴝𐴊𐴧𐴠 𐴃𐴝𐴑𐴡𐴃 𐴀𐴦𐴡𐴓𐴝 𐴀𐴥𐴡𐴀𐴕 𐴎𐴡𐴌𐴟𐴌𐴞| 𐴑𐴞𐴕𐴃𐴟 𐴎𐴡𐴊𐴞 𐴀𐴠𐴙 𐴁𐴝𐴀𐴊𐴟𐴌𐴞 𐴀𐴝𐴊𐴧𐴠 𐴃𐴝𐴑𐴡𐴃 𐴇𐴠𐴑𐴔𐴡𐴃𐴢 𐴏𐴥𐴝𐴌𐴝 𐴀𐴥𐴡 𐴃𐴡𐴘𐴓𐴠 𐴕𐴡𐴃𐴞𐴅𐴝 𐴈𐴥𐴡𐴌𐴝𐴁𐴢 𐴀𐴡 𐴀𐴡𐴘𐴃𐴢 𐴉𐴝𐴌𐴠| 𐴀𐴝𐴌 𐴃𐴝𐴌 𐴎𐴡𐴌𐴞𐴘𐴝 𐴇𐴠𐴙 𐴈𐴝𐴔𐴡𐴌 𐴏𐴝𐴣𐴀𐴃𐴠 𐴃𐴝𐴓𐴧𐴟𐴑 𐴀𐴝𐴏𐴠𐴊𐴞 𐴃𐴝𐴌𐴝𐴓𐴧𐴝𐴘𐴡 𐴕𐴟𐴏𐴧𐴝𐴕𐴡𐴌 𐴎𐴡𐴌𐴞𐴘𐴝 𐴀𐴡𐴘𐴃 𐴉𐴝𐴌𐴠| 𐴀𐴝𐴁𐴝𐴌 𐴈𐴡𐴕𐴡 𐴈𐴡𐴕𐴡 𐴀𐴥𐴡𐴑𐴃𐴡𐴃𐴢 𐴃𐴝𐴌𐴝𐴌𐴠 𐴀𐴟𐴓𐴋𐴝 𐴌𐴝𐴏𐴧𐴝𐴃𐴢 𐴓𐴡𐴘 𐴎𐴝𐴙𐴒𐴡𐴙𐴃𐴢 𐴉𐴝𐴌𐴠| 𐴘𐴥𐴝 𐴃𐴡 𐴒𐴟𐴔𐴌𐴝𐴇𐴞 𐴀𐴝𐴊𐴧𐴠 𐴁𐴥𐴟𐴓𐴡𐴌 𐴔𐴧𐴝𐴎𐴠 𐴁𐴡𐴓𐴝𐴎𐴟𐴌𐴞 𐴃𐴡𐴘𐴧𐴝𐴌 𐴒𐴡𐴌𐴞 𐴀𐴦𐴝𐴈𐴠𐴌 𐴃𐴝𐴌𐴝𐴌𐴠 𐴔𐴡𐴖𐴃𐴢 𐴘𐴦𐴝 𐴎𐴠𐴙𐴓𐴡𐴌 𐴔𐴧𐴝𐴎𐴠 𐴁𐴡𐴕 𐴒𐴡𐴌𐴞 𐴊𐴞𐴁𐴡 𐴘𐴦𐴝 𐴃𐴡 𐴇𐴝𐴓𐴝𐴑 𐴒𐴡𐴌𐴞 𐴊𐴞𐴁𐴡| 𐴃𐴡𐴉𐴃𐴞𐴐𐴢 𐴒𐴡𐴌𐴡𐴘𐴧𐴝 𐴀𐴝𐴊𐴧𐴠 𐴃𐴝𐴇𐴑𐴞𐴑 𐴒𐴡𐴌𐴡𐴘𐴧𐴝 𐴀𐴦𐴡𐴓𐴠 𐴊𐴞𐴑𐴧𐴠𐴊𐴠 𐴑𐴞 𐴀𐴝𐴒𐴡𐴌 𐴀𐴝𐴒𐴡𐴌 𐴑𐴡𐴖𐴔 𐴀𐴥𐴡𐴑𐴧𐴡𐴓𐴡 𐴔𐴧𐴝𐴎𐴠𐴘𐴡 𐴀𐴠𐴕𐴋𐴞𐴓𐴧𐴝 𐴀𐴥𐴡𐴘𐴧𐴠 𐴀𐴝𐴌 𐴀𐴠𐴙 𐴎𐴡𐴔𐴝𐴕𐴝𐴃𐴡 𐴁𐴦𐴡𐴃𐴢 𐴔𐴝𐴕𐴟𐴙𐴐𐴥𐴢 𐴀𐴞𐴙 𐴃𐴡𐴌𐴞𐴑𐴝𐴃𐴢 𐴒𐴟𐴔𐴌𐴝𐴇𐴢 𐴀𐴥𐴡𐴘𐴧𐴠|
𐴀𐴝𐴀𐴛 𐴀𐴠𐴙𐴕 𐴕𐴡 𐴈𐴡𐴙𐴌𐴊𐴠 𐴑𐴞 𐴒𐴞𐴘𐴡𐴘𐴊𐴠 𐴄𐴝𐴙𐴔𐴡𐴃𐴢 𐴀𐴝𐴊𐴧𐴠 𐴀𐴠𐴙 𐴎𐴡𐴔𐴝𐴕𐴝𐴃𐴢 𐴀𐴠𐴕𐴋𐴞𐴓𐴧𐴝 𐴒𐴡𐴌𐴡𐴘𐴧𐴝 𐴀𐴦𐴡𐴓𐴢 𐴇𐴥𐴝𐴌 𐴀𐴠𐴑𐴎𐴡𐴕 𐴒𐴥𐴟𐴔𐴌𐴝𐴇𐴢 𐴀𐴝𐴊𐴧𐴠 𐴕𐴝𐴇𐴥𐴡𐴑𐴢 𐴁𐴡𐴓𐴑𐴠 𐴁𐴦𐴡𐴃𐴢 𐴀𐴥𐴡𐴑𐴃𐴡𐴃𐴢 𐴃𐴝𐴌𐴝𐴌 𐴁𐴟𐴃𐴡𐴌𐴠 𐴕𐴠𐴑𐴧𐴝𐴌 𐴀𐴝𐴊𐴧𐴠 𐴔𐴟𐴏𐴓𐴠𐴥𐴇𐴢 𐴔𐴝𐴕𐴟𐴐𐴥𐴢 𐴀𐴡𐴑𐴧𐴡𐴓 𐴀𐴡 𐴀𐴝𐴙𐴐𐴧𐴞𐴓𐴢| 𐴑𐴞𐴕𐴃𐴟 𐴀𐴞𐴃𐴝𐴌𐴝 𐴃𐴝𐴌𐴝𐴌 𐴈𐴝𐴔𐴡𐴌 𐴁𐴝𐴁𐴡𐴃𐴠 𐴇𐴠𐴑𐴔𐴡𐴃𐴡𐴃𐴧𐴟𐴕 𐴁𐴦𐴡𐴃𐴢 𐴊𐴟𐴌𐴠 𐴀𐴝𐴙𐴐𐴧𐴞𐴓𐴢| 𐴀𐴝𐴌𐴢 𐴀𐴝𐴓𐴧𐴝𐴤 𐴃𐴝𐴓𐴝𐴘𐴠 𐴃𐴝𐴌𐴝𐴌 𐴑𐴟𐴐𐴞𐴐𐴢 𐴀𐴝𐴊𐴧𐴠 𐴔𐴠𐴇𐴥𐴠𐴕𐴧𐴡𐴃𐴡𐴌 𐴁𐴡𐴊𐴡𐴓𐴝𐴃 𐴀𐴝𐴅𐴡𐴌 𐴊𐴝𐴕 𐴒𐴡𐴌𐴞𐴁𐴡| 𐴎𐴠𐴙𐴕 𐴕𐴠𐴑𐴞 𐴀𐴠𐴑 𐴐𐴝𐴀𐴠𐴌𐴠 𐴈𐴡𐴘𐴧𐴠𐴊𐴠-
الرأي قبل شجاعة الشجعان هو أول وهي المحل الثاني
فإذا هما اجتمعا بنفس حرة بلغت من العلياء كل مكان
” 𐴁𐴝𐴀𐴊𐴟𐴌𐴡𐴌 𐴁𐴝𐴀𐴊𐴟𐴌𐴞𐴌 𐴀𐴝𐴒𐴠 𐴃𐴝𐴌 𐴇𐴠𐴑𐴔𐴡𐴃𐴢|
𐴇𐴠𐴑𐴔𐴡𐴃𐴢 𐴀𐴥𐴡𐴘𐴓𐴊𐴠 𐴉𐴡𐴘𐴓𐴝 𐴀𐴝𐴌 𐴁𐴝𐴀𐴊𐴟𐴌𐴞 𐴀𐴥𐴡𐴘𐴓𐴊𐴠 𐴊𐴟𐴏𐴝𐴌𐴝 |
𐴀𐴝𐴌 𐴀𐴠𐴙 𐴊𐴟𐴘𐴧𐴝𐴕 𐴏𐴦𐴞𐴏 𐴎𐴠𐴃𐴧𐴡𐴃 𐴈𐴡𐴕𐴡 𐴔𐴝𐴕𐴟𐴙𐴐𐴥𐴡𐴌 𐴁𐴟𐴃𐴡𐴌𐴠 𐴅𐴡𐴔𐴝 𐴀𐴡𐴘𐴁𐴡
𐴇𐴞𐴁𐴥𐴝 𐴁𐴦𐴡𐴃𐴢 𐴀𐴝𐴀𐴓𐴝 𐴔𐴡𐴌𐴃𐴡𐴁𐴝𐴃𐴢 𐴉𐴡𐴣𐴏𐴞 𐴎𐴝𐴘𐴁𐴡𐴘|”
𐴀𐴝𐴁𐴝𐴌 𐴀𐴞𐴘𐴝𐴕𐴡𐴌 𐴈𐴠𐴓𐴝𐴉𐴢 𐴎𐴠 𐴁𐴝𐴀𐴊𐴟𐴌𐴞 𐴀𐴝𐴊𐴧𐴠 𐴃𐴝𐴑𐴡𐴃𐴢 / 𐴔𐴠𐴇𐴥𐴠𐴕𐴧𐴡𐴃𐴢/ 𐴑𐴟𐴐𐴞𐴐𐴢 𐴒𐴡𐴌𐴡𐴕 𐴀𐴝𐴌 𐴀𐴝𐴓𐴧𐴝𐴤 𐴃𐴝𐴓𐴝𐴌 𐴌𐴝𐴏𐴧𐴝𐴃𐴢 𐴈𐴝𐴔 𐴒𐴡𐴌𐴡𐴕 𐴏𐴥𐴝𐴌𐴝 𐴐𐴟𐴊𐴟 𐴕𐴞𐴎𐴡𐴌𐴢 𐴀𐴞𐴓𐴡𐴔 𐴀𐴝𐴌 𐴇𐴠𐴑𐴔𐴡𐴃𐴡𐴌𐴠 𐴕𐴞𐴎𐴡𐴓𐴧𐴝 𐴑𐴝𐴉𐴞 𐴁𐴡𐴓𐴞 𐴁𐴟𐴎𐴠 𐴇𐴥𐴞𐴁𐴝 𐴀𐴥𐴡𐴘𐴓𐴊𐴠 𐴏𐴥𐴠𐴓𐴉𐴝𐴊𐴟𐴌𐴝 𐴀𐴝𐴊𐴧𐴠 𐴋𐴡𐴌𐴉𐴡𐴑| 𐴇𐴞𐴑𐴔𐴡𐴃𐴢 𐴀𐴝𐴊𐴧𐴠 𐴀𐴠𐴓𐴡𐴔𐴡𐴌 𐴈𐴡𐴃𐴝 𐴈𐴡𐴘 𐴕𐴞𐴎𐴡𐴌 𐴋𐴡𐴌𐴡𐴌𐴠 𐴏𐴟𐴉𐴝𐴘 𐴌𐴝𐴑𐴞𐴃𐴡 𐴏𐴝𐴀|
𐴎𐴠𐴙𐴕 𐴕𐴠𐴑𐴞 𐴀𐴠𐴑 𐴐𐴝𐴀𐴠𐴌𐴠 𐴈𐴡𐴘𐴧𐴠𐴊𐴠-
ير الجبناء أن العجز عقل و تلك خديعة الطبع اللئيم
وكل شجاعة في المرء تغني ولا مثل الشجاعة في الحكيم
“𐴏𐴥𐴠𐴓𐴉𐴝𐴊𐴟𐴌𐴝 𐴔𐴝𐴙𐴕𐴐𐴥𐴠 𐴈𐴡𐴔𐴎𐴟𐴌𐴞𐴌𐴠 𐴇𐴠𐴑𐴔𐴡𐴃𐴢 𐴁𐴡𐴓𐴞 𐴁𐴟𐴎𐴠
𐴑𐴞𐴕𐴃𐴟 𐴀𐴞𐴘𐴝𐴕 𐴀𐴥𐴡𐴘𐴓𐴊𐴠 𐴁𐴠𐴒𐴧𐴟𐴕𐴡𐴃𐴧𐴟𐴕𐴝𐴌𐴡 𐴇𐴠𐴑𐴝𐴌𐴡𐴃𐴞 𐴊𐴥𐴟𐴑𐴝|
𐴉𐴡𐴙𐴃𐴧𐴠 𐴔𐴝𐴙𐴕𐴐𐴥𐴡𐴌𐴠 𐴁𐴝𐴀𐴊𐴟𐴌𐴞𐴘𐴠 𐴔𐴟𐴀𐴃𐴝𐴅 𐴏𐴥𐴝𐴌𐴝 𐴁𐴝𐴕𐴝𐴘 𐴊𐴠
𐴀𐴝𐴌 𐴇𐴠𐴑𐴔𐴡𐴃𐴢 𐴀𐴦𐴡𐴓𐴝 𐴔𐴝𐴕𐴟𐴐𐴥𐴡𐴌 𐴁𐴝𐴀𐴊𐴟𐴌𐴞𐴌 𐴋𐴡𐴦𐴙𐴓𐴧𐴝 𐴀𐴡𐴙𐴕𐴧𐴡 𐴈𐴡𐴕𐴡 𐴏𐴦𐴞𐴏 𐴀𐴡𐴘𐴃 𐴕𐴡 𐴉𐴝𐴌𐴠”
𐴌𐴡𐴏𐴟𐴓𐴢 ﷺ 𐴀𐴟𐴔𐴧𐴝𐴃𐴡𐴌 𐴑𐴞𐴏𐴧𐴟 𐴔𐴝𐴕𐴥𐴟𐴙𐴐𐴡𐴌𐴠 𐴃𐴝𐴌𐴝𐴌 𐴔𐴝𐴎𐴠 𐴇𐴠𐴑𐴔𐴡𐴃𐴢 𐴃𐴝𐴑𐴡𐴕𐴡𐴌 𐴎𐴡𐴌𐴞𐴘𐴝 𐴃𐴝𐴌𐴝𐴌 𐴃𐴦𐴝𐴌𐴞𐴉𐴢 𐴒𐴡𐴙𐴅𐴧𐴠 𐴀𐴝𐴌 𐴇𐴠𐴑𐴔𐴡𐴃𐴡𐴌𐴠 𐴀𐴞𐴔𐴝𐴕 𐴀𐴝𐴊𐴧𐴠 𐴉𐴞𐴑𐴝𐴤 𐴌 𐴏𐴝𐴣𐴀𐴃𐴠 𐴔𐴞𐴓𐴝𐴘𐴧𐴠| 𐴀𐴝𐴌 𐴃𐴝𐴌𐴝𐴌 𐴀𐴝𐴀𐴊𐴡𐴃𐴡 𐴔𐴧𐴝𐴎𐴠 𐴕𐴡𐴌𐴔𐴞 𐴀𐴝𐴏𐴠 𐴁𐴡𐴓𐴠 𐴈𐴡𐴘𐴧𐴠| 𐴀𐴝𐴁𐴟 𐴇𐴥𐴟𐴌𐴝𐴘𐴌𐴝 (𐴌𐴡) 𐴃𐴧𐴟𐴕 𐴌𐴠𐴖𐴝𐴘𐴡𐴃𐴢 𐴀𐴡𐴘𐴧𐴠|
𐴃𐴝𐴀𐴛 𐴈𐴡𐴘𐴧𐴠𐴊𐴠 𐴌𐴡𐴏𐴟𐴓𐴢 ﷺ𐴔𐴠 𐴈𐴡𐴘𐴧𐴠𐴊𐴠-
عن أبي هريرة -رضي الله عنه- قال: قال رسول الله – صلى الله عليه وسلم -: (جاء أهل اليمن، هم أرقّ أفئدة، الإيمان يمانٍ، والفقه يمانٍ، والحكمة يمانيَّة)
“𐴇𐴥𐴡𐴎𐴌𐴡𐴃 𐴀𐴝𐴁𐴟 𐴇𐴟𐴌𐴝𐴘𐴌𐴝 (𐴌𐴡) 𐴈𐴡𐴘𐴧𐴠𐴊𐴠- 𐴌𐴝𐴏𐴟𐴓𐴢 ﷺ𐴔𐴠 𐴈𐴡𐴘𐴧𐴠𐴊𐴠- 𐴃𐴟𐴖𐴝𐴣𐴌𐴝𐴌 𐴈𐴝𐴣𐴏𐴠 𐴘𐴝𐴔𐴡𐴕𐴡𐴌 𐴊𐴠𐴐𐴡𐴙𐴃𐴧𐴝 𐴀𐴦𐴡𐴓 𐴀𐴝𐴙𐴐𐴧𐴠| 𐴃𐴝𐴌𐴝𐴌 𐴊𐴞𐴓𐴢 𐴈𐴟𐴁𐴢 𐴕𐴡𐴌𐴡𐴔| 𐴀𐴞𐴔𐴝𐴕 𐴘𐴝𐴔𐴡𐴕𐴡𐴃𐴧𐴟𐴕 𐴀𐴝𐴙𐴐𐴧𐴠|𐴉𐴥𐴞𐴑𐴇𐴝 𐴘𐴝𐴔𐴡𐴕𐴡𐴃𐴧𐴟𐴕 𐴀𐴝𐴙𐴐𐴧𐴠| 𐴀𐴝𐴌𐴢 𐴇𐴠𐴑𐴔𐴡𐴃𐴢 𐴘𐴥𐴡 𐴘𐴝𐴔𐴡𐴕𐴡𐴃𐴧𐴟𐴕 𐴀𐴝𐴙𐴐𐴧𐴠“| (𐴅𐴝𐴔𐴠 𐴃𐴞𐴌𐴔𐴞𐴎𐴞- 𐴳𐴹𐴳𐴵)
𐴀𐴝𐴌𐴠𐴑 𐴌𐴠𐴖𐴝𐴘𐴠𐴃𐴡𐴃𐴢 𐴀𐴝𐴙𐴐𐴧𐴠-
أتاكم أهلُ اليمنِ ، هم أَلْيَنُ قلوبًا ، و أَرَقُّ أفئدةً
“𐴃𐴟𐴖𐴝𐴣𐴌𐴝𐴌 𐴈𐴝𐴣𐴏𐴠 𐴘𐴝𐴔𐴡𐴕𐴡𐴌 𐴊𐴠𐴐𐴡𐴙𐴃𐴧𐴝 𐴀𐴦𐴡𐴓𐴢 𐴀𐴝𐴙𐴐𐴧𐴠| 𐴀𐴥𐴠𐴃𐴝𐴌𐴝 𐴎𐴡𐴀𐴦𐴞𐴉 𐴀𐴝𐴌 𐴕𐴡𐴌𐴡𐴔 𐴊𐴞𐴓𐴢 𐴀𐴦𐴡𐴓𐴝“|
𐴀𐴠𐴙 𐴇𐴝𐴊𐴞𐴏𐴡𐴌 𐴎𐴡𐴌𐴞𐴘𐴝 𐴀𐴝𐴣𐴀𐴌𐴝 𐴁𐴟𐴎𐴞𐴃𐴢 𐴉𐴝𐴌𐴞 𐴑𐴞 𐴇𐴠𐴑𐴔𐴡𐴃𐴡𐴌𐴠 𐴀𐴞𐴔𐴝𐴕 𐴀𐴝𐴊𐴧𐴠 𐴉𐴠𐴑𐴝𐴤 𐴌 𐴏𐴝𐴣𐴀𐴃𐴠 𐴔𐴞𐴓𐴝𐴘 𐴎𐴞𐴑𐴞𐴌 𐴒𐴡𐴙𐴅𐴧𐴠| 𐴇𐴠𐴑𐴔𐴡𐴃𐴢 𐴀𐴦𐴡𐴓𐴝 𐴔𐴟𐴀𐴔𐴞𐴕 𐴕𐴡𐴌𐴔𐴞 𐴌𐴠 𐴏𐴡𐴈𐴃𐴡 𐴀𐴝𐴌 𐴑𐴡𐴄𐴞𐴕𐴡𐴌 𐴖𐴡𐴃𐴧𐴞 𐴃𐴡𐴌𐴅𐴞𐴊𐴠| 𐴌𐴡𐴏𐴟𐴓𐴢 ﷺ𐴔𐴠 𐴎𐴠 𐴎𐴝𐴒𐴝𐴃𐴢 𐴏𐴥𐴡𐴈𐴃𐴞 𐴀𐴝𐴊𐴧𐴠 𐴑𐴡𐴄𐴞𐴕 𐴀𐴡𐴀𐴕 𐴄𐴞𐴑 𐴕𐴡𐴀 𐴁𐴡𐴓𐴞 𐴈𐴡𐴘𐴠 𐴇𐴥𐴞𐴎𐴝𐴒𐴝𐴃𐴢 𐴏𐴡𐴈𐴃𐴡 𐴀𐴝𐴊𐴧𐴠 𐴑𐴡𐴄𐴞𐴕 𐴀𐴡𐴀𐴕𐴡𐴌 𐴁𐴝𐴁𐴡𐴃𐴠 𐴀𐴠 𐴇𐴥𐴝𐴊𐴞𐴏𐴡𐴌 𐴀𐴡𐴙𐴕𐴧𐴡 𐴀𐴠𐴑 𐴌𐴠𐴖𐴝𐴘𐴡𐴃𐴡𐴃𐴢 𐴈𐴡𐴌𐴝𐴁 𐴁𐴡𐴓𐴞 𐴁𐴡𐴘𐴝𐴕 𐴒𐴡𐴙𐴅𐴧𐴠|
𐴀𐴝𐴁𐴟 𐴇𐴥𐴟𐴌𐴝𐴘𐴌𐴝 (𐴌𐴡) 𐴃𐴧𐴟𐴕 𐴌𐴡𐴖𐴝𐴘𐴡𐴃𐴢- 𐴃𐴝𐴀𐴛 𐴈𐴡𐴘𐴧𐴠𐴊𐴠 𐴀𐴝𐴀𐴛 𐴌𐴡𐴏𐴟𐴓𐴢ﷺ𐴔𐴡𐴃𐴧𐴟𐴕 𐴉𐴟𐴣𐴕𐴧𐴞𐴊𐴞-
(جاء أهل اليمن، هم أرقّ أفئدة، وأضعف قلوبًا، الإيمان يمان، والحكمة يمانية، السَّكينة في أهل الغنم، والفخر والخيلاء في الفدَّادين أهل الوبر، قِبل مطلع الشمس).
“𐴃𐴟𐴖𐴝𐴣𐴌𐴝𐴌𐴢 𐴈𐴝𐴣𐴏𐴠 𐴀𐴞𐴘𐴝𐴔𐴠𐴕 𐴊𐴠𐴐𐴡𐴙𐴃𐴧𐴝 𐴀𐴦𐴡𐴓𐴠 𐴀𐴝𐴙𐴐𐴧𐴠| 𐴃𐴝𐴌𐴝𐴌 𐴊𐴞𐴓𐴢 𐴕𐴡𐴌𐴡𐴔 𐴀𐴝𐴊𐴧𐴠 𐴎𐴡𐴀𐴞𐴉𐴢| 𐴀𐴞𐴔𐴝𐴕 𐴘𐴝𐴔𐴡𐴕𐴞 𐴀𐴦𐴡𐴓𐴡𐴌 𐴔𐴝𐴎𐴠 𐴀𐴝𐴌 𐴇𐴠𐴑𐴔𐴡𐴃𐴢 𐴘𐴥𐴡 𐴘𐴝𐴔𐴡𐴕𐴞 𐴀𐴦𐴡𐴓𐴡𐴌 𐴔𐴝𐴎𐴠 𐴀𐴝𐴏𐴠| 𐴀𐴝𐴌𐴝𐴔 𐴀𐴝𐴊𐴧𐴠 𐴐𐴥𐴝𐴀𐴕𐴃𐴞 𐴏𐴦𐴡𐴀𐴓𐴢 𐴉𐴝𐴓𐴡𐴘𐴧𐴝 𐴀𐴦𐴡𐴓𐴡𐴌 𐴔𐴝𐴎𐴠| 𐴉𐴡𐴈𐴡𐴌 𐴀𐴝𐴊𐴧𐴠 𐴃𐴟𐴑𐴝𐴁𐴧𐴟𐴌𐴞 𐴒𐴡𐴌𐴝 𐴀𐴟𐴣𐴄𐴥𐴡𐴌 𐴔𐴝𐴓𐴠𐴑 𐴀𐴥𐴡𐴑𐴧𐴡𐴓𐴡 𐴔𐴧𐴝𐴎𐴠 𐴀𐴝𐴏𐴠|𐴎𐴝𐴌𐴝 𐴁𐴠𐴙𐴓𐴢 𐴀𐴟𐴋𐴠𐴌 𐴊𐴠 𐴇𐴥𐴠 𐴋𐴞𐴑𐴧𐴝𐴃 𐴃𐴝𐴑𐴠“|
𐴀𐴥𐴞𐴃𐴡𐴓𐴧𐴝 𐴁𐴡𐴓𐴞 𐴀𐴠𐴑𐴎𐴡𐴕 𐴔𐴟𐴅𐴝𐴇𐴞𐴊𐴢 𐴇𐴥𐴝𐴔𐴠𐴐𐴝 𐴔𐴝𐴕𐴥𐴟𐴙𐴐𐴢 𐴎𐴝𐴃𐴞 𐴌𐴠 𐴏𐴥𐴡𐴀𐴞 𐴀𐴝𐴊𐴧𐴠 𐴀𐴠𐴏𐴓𐴝𐴇𐴢 𐴒𐴡𐴌𐴡𐴕𐴡𐴌 𐴑𐴟𐴐𐴠𐴐𐴢 𐴒𐴡𐴌𐴞𐴁𐴡| 𐴃𐴝𐴌𐴝𐴌𐴠 𐴇𐴞𐴊𐴝𐴘𐴝𐴃𐴡𐴌 𐴌𐴝𐴏𐴧𐴝 𐴊𐴠𐴈𐴥𐴝𐴘𐴁𐴡| 𐴀𐴠𐴑𐴎𐴡𐴕 𐴔𐴟𐴅𐴝𐴇𐴞𐴊𐴢 𐴀𐴝𐴌𐴡 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡𐴊𐴠 𐴁𐴡𐴕𐴊𐴝𐴌𐴠 𐴔𐴝𐴕𐴥𐴟𐴙𐴐𐴡𐴌 𐴒𐴟𐴓𐴝𐴔𐴞𐴃𐴧𐴟𐴕 𐴕𐴠𐴙𐴓𐴝𐴘 𐴌𐴡𐴁𐴡𐴌 𐴒𐴡𐴓𐴝𐴔𐴞 𐴒𐴡𐴌𐴞𐴁𐴡𐴓𐴧𐴝| 𐴇𐴥𐴝𐴌 𐴊𐴥𐴡𐴌𐴔𐴡𐴌 𐴎𐴟𐴓𐴟𐴔𐴡𐴃𐴧𐴟𐴕 𐴀𐴞𐴏𐴓𐴝𐴔𐴡𐴌 𐴀𐴞𐴕𐴏𐴝𐴉𐴡𐴌 𐴔𐴞𐴑𐴧𐴝 𐴀𐴝𐴌 𐴊𐴟𐴕𐴞𐴘𐴝𐴌 𐴃𐴡𐴣𐴒𐴞 𐴎𐴠𐴕𐴊𐴠𐴒𐴞𐴃𐴧𐴟𐴕 𐴕𐴠𐴙𐴓𐴝𐴘 𐴀𐴝𐴈𐴠𐴌𐴝𐴃𐴡𐴌 𐴔𐴞𐴑𐴧𐴝 𐴉𐴞𐴌𐴝𐴘 𐴊𐴡𐴕𐴡𐴌 𐴑𐴟𐴐𐴠𐴐𐴢 𐴒𐴡𐴌𐴡𐴕| 𐴀𐴝𐴌 𐴇𐴠𐴑𐴔𐴡𐴃𐴡𐴌 𐴃𐴡𐴁𐴑𐴝𐴃𐴢 𐴉𐴡𐴣𐴏𐴞𐴁𐴝𐴌 𐴑𐴟𐴐𐴞𐴐𐴢 𐴒𐴡𐴌𐴞𐴁𐴡| 𐴕𐴠𐴑 𐴀𐴝𐴔𐴡𐴓𐴢 𐴒𐴡𐴌𐴡𐴘𐴧𐴝 𐴇𐴠𐴑𐴔𐴡𐴃𐴢 𐴀𐴦𐴡𐴓𐴝 𐴔𐴟𐴀𐴔𐴞𐴕 𐴇𐴥𐴝𐴌 𐴀𐴥𐴡𐴑𐴃𐴡𐴃𐴢 𐴉𐴥𐴡𐴑𐴞𐴤 𐴀𐴝𐴊𐴧𐴠 𐴀𐴟𐴓𐴝𐴔𐴝 𐴀𐴥𐴡𐴑𐴧𐴡𐴓𐴡𐴌 𐴉𐴟𐴣𐴖𐴝𐴣𐴃𐴞 𐴀𐴟𐴍𐴡𐴑 𐴁𐴡𐴘𐴍𐴡𐴑 𐴒𐴡𐴌𐴞𐴁𐴡| 𐴀𐴝𐴌 𐴀𐴠𐴙 𐴔𐴡𐴏𐴧𐴟𐴊𐴢 𐴇𐴝𐴏𐴞𐴓𐴢 𐴒𐴡𐴌𐴡𐴕𐴡𐴌 𐴁𐴝𐴁𐴡𐴃𐴞 𐴈𐴡𐴕𐴡 𐴀𐴝𐴓𐴐𐴥𐴞𐴘𐴝 𐴕𐴡 𐴒𐴡𐴌𐴞𐴁𐴡||
𐴎𐴝𐴌 𐴁𐴝𐴁𐴡𐴃𐴠 𐴀𐴝𐴓𐴧𐴝𐴤 𐴃𐴝𐴓𐴝𐴘𐴠 𐴈𐴡𐴘𐴧𐴠𐴊𐴠- يُؤْتِي الْحِكْمَةَ مَنْ يَشَاءُ وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا وَمَا يَذَّكَّرُ إِلَّا أُولُو الْأَلْبَابِ
“𐴀𐴝𐴓𐴧𐴝𐴤 𐴎𐴝𐴌𐴠 𐴉𐴡𐴏𐴥𐴡𐴕 𐴒𐴡𐴌𐴥𐴠 𐴃𐴝𐴌𐴠 𐴇𐴥𐴠𐴑𐴔𐴡𐴃𐴢 𐴊𐴝𐴕𐴒𐴡𐴌𐴥𐴠| 𐴀𐴝𐴌 𐴎𐴝𐴌𐴠 𐴇𐴥𐴠𐴑𐴔𐴡𐴃𐴢 𐴊𐴞𐴘𐴝 𐴒𐴠𐴘𐴧𐴠 𐴀𐴥𐴞𐴁𐴝𐴌𐴠 𐴁𐴠𐴐𐴦𐴝 𐴁𐴠𐴐𐴞 𐴁𐴝𐴤𐴓𐴝𐴘 𐴊𐴞𐴘𐴝𐴒𐴠𐴘𐴧𐴠| 𐴕𐴡𐴏𐴞𐴇𐴝𐴃𐴢 𐴐𐴥𐴟𐴊𐴟 𐴀𐴝𐴑𐴡𐴓𐴁𐴡𐴕 𐴔𐴝𐴕𐴥𐴟𐴙𐴐𐴠 𐴇𐴥𐴝𐴏𐴠𐴓𐴢 𐴒𐴡𐴌𐴠“|(𐴏𐴦𐴟𐴌𐴝 𐴁𐴡𐴑𐴌𐴝𐴤 :𐴲𐴶𐴹)
𐴀𐴠𐴑𐴎𐴡𐴕 𐴐𐴝𐴀𐴠𐴌𐴠 𐴈𐴡𐴘𐴧𐴠𐴊𐴠-
ولم أر في عيوب الناس شيئا كنقص القادرين علي التمام
“𐴑𐴡𐴔𐴝𐴓𐴞𐴙𐴃𐴢 𐴇𐴝𐴏𐴞𐴓𐴢 𐴒𐴡𐴌𐴡𐴕𐴡𐴌 𐴐𐴥𐴡𐴑𐴃𐴞 𐴃𐴝𐴑𐴡𐴕𐴡𐴌 𐴁𐴦𐴝𐴊𐴠 𐴘𐴥𐴡 𐴇𐴝𐴏𐴠𐴓𐴢 𐴕𐴡 𐴒𐴡𐴌𐴡𐴕
𐴘𐴝𐴃𐴧𐴟𐴕𐴝𐴌𐴡 𐴀𐴝𐴙𐴁𐴡𐴌 𐴏𐴦𐴞𐴏 𐴀𐴝𐴀𐴛 𐴔𐴝𐴕𐴥𐴟𐴙𐴐𐴡𐴌 𐴔𐴝𐴎𐴠 𐴕𐴡𐴀𐴊𐴠𐴑𐴞|
𐴀𐴞𐴃𐴡𐴓𐴧𐴝 𐴁𐴡𐴓𐴞 𐴀𐴥𐴡 𐴀𐴝𐴣𐴀𐴌 𐴔𐴟𐴅𐴝𐴇𐴞𐴊𐴢 𐴁𐴤𐴝𐴙𐴘𐴧𐴝𐴕! 𐴀𐴡𐴘𐴃𐴢 𐴉𐴝𐴌𐴠 𐴀𐴝𐴓𐴧𐴝𐴤 𐴃𐴝𐴓𐴝𐴘𐴠 𐴀𐴡𐴕𐴡𐴌𐴠 𐴇𐴠𐴙 𐴃𐴝𐴔𐴝𐴔 𐴔𐴝𐴕𐴥𐴟𐴙𐴐𐴡𐴌 𐴔𐴝𐴎𐴠 𐴐𐴝𐴔𐴞𐴓𐴢 𐴒𐴡𐴌𐴞 𐴊𐴞𐴁𐴡 𐴎𐴝𐴌𐴝𐴌 𐴇𐴥𐴝𐴃𐴡𐴃𐴢 𐴀𐴞𐴕𐴏𐴝𐴕 𐴀𐴞𐴏𐴓𐴝𐴤𐴇𐴢 𐴀𐴡𐴘𐴁𐴡| 𐴀𐴝𐴌 𐴎𐴠𐴊𐴦𐴟𐴕 𐴔𐴝𐴕𐴥𐴟𐴙𐴐𐴢 𐴀𐴡𐴕𐴡𐴌 𐴇𐴥𐴝𐴃𐴡𐴃𐴢 𐴇𐴠𐴊𐴝𐴘𐴡𐴃𐴢 𐴉𐴝𐴘𐴁𐴡 𐴃𐴝𐴌𐴝 𐴉𐴡𐴙𐴃𐴧𐴡 𐴎𐴡𐴕𐴡𐴌 𐴀𐴝𐴅𐴡𐴌 𐴀𐴡𐴕𐴡𐴌 𐴀𐴝𐴔𐴡𐴓𐴕𐴝𐴔𐴝𐴃𐴢 𐴓𐴠𐴑𐴝𐴤 𐴎𐴝𐴘𐴁𐴡|
𐴀𐴝𐴁𐴟 𐴇𐴥𐴟𐴌𐴝𐴘𐴌𐴝 (𐴌𐴡) 𐴃𐴧𐴟𐴕 𐴌𐴡𐴖𐴝𐴘𐴡𐴃𐴢- 𐴌𐴡𐴏𐴟𐴓𐴢 ﷺ𐴔𐴠 𐴈𐴡𐴘𐴧𐴠𐴊𐴠-
عَنْ أَبِيْ هُرَيْرَةَ أَنَّ رَسُوْلَ اللهِ صَلَّى اللّٰهُ عَلَيْهِ وَسَلَّم قَالَ مَنْ دَعَا إِلَى هُدًى كَانَ لَهُ مِنَ الأَجْرِ مِثْلُ أُجُوْرِ مَنْ تَبِعَهُ لاَ يَنْقُصُ ذَلِكَ مِنْ أُجُوْرِهِمْ شَيْئًا وَمَنْ دَعَا إِلَى ضَلاَلَةٍ كَانَ عَلَيْهِ مِنَ الإِثْمِ مِثْلُ آثَامِ مَنْ تَبِعَهُ لاَ يَنْقُصُ ذَلِكَ مِنْ آثَامِهِمْ شَيْئًا
“𐴎𐴠 𐴔𐴝𐴙𐴕𐴐𐴥𐴠 𐴈𐴡𐴕𐴞𐴑𐴧𐴝𐴌𐴠 𐴁𐴤𐴝𐴓𐴝 𐴌𐴝𐴏𐴧𐴝𐴌 𐴔𐴞𐴑𐴧𐴝 𐴋𐴝𐴑𐴠 𐴇𐴥𐴞𐴃𐴝𐴓𐴧𐴝 𐴘𐴥𐴡 𐴀𐴡𐴊𐴟𐴕 𐴏𐴡𐴖𐴝𐴁𐴢 𐴓𐴠𐴑𐴥𐴞𐴁𐴡 𐴎𐴠𐴊𐴟𐴕 𐴃𐴝𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴀𐴦𐴡𐴓𐴡𐴃𐴧𐴞 𐴀𐴥𐴡𐴘𐴁𐴡| 𐴀𐴝𐴌 𐴀𐴠𐴃𐴧𐴠𐴁𐴝 𐴒𐴡𐴌𐴡𐴘𐴧𐴝 𐴀𐴦𐴡𐴓𐴡𐴃𐴧𐴟𐴕𐴡 𐴈𐴡𐴕𐴡 𐴑𐴞𐴏𐴧𐴟 𐴈𐴡𐴔 𐴕𐴡 𐴀𐴥𐴡𐴘𐴁𐴡| 𐴀𐴝𐴁𐴝𐴌 𐴘𐴥𐴝𐴕𐴡𐴌 𐴀𐴟𐴓𐴋𐴝 𐴎𐴡𐴊𐴞 𐴈𐴡𐴕𐴞𐴙𐴑𐴧𐴝 𐴈𐴡𐴕𐴞𐴑𐴧𐴝𐴌𐴠 𐴈𐴡𐴌𐴝𐴁𐴢 𐴌𐴝𐴏𐴧𐴝 𐴊𐴠𐴈𐴝𐴘𐴁𐴡 𐴃𐴡𐴘𐴓𐴠 𐴀𐴥𐴞𐴃𐴝𐴓𐴧𐴝 𐴘𐴥𐴡 𐴀𐴡𐴊𐴟𐴕 𐴒𐴟𐴕𐴥𐴝𐴤 𐴓𐴠𐴑𐴥𐴞𐴁𐴡 𐴎𐴠𐴊𐴟𐴕 𐴃𐴝𐴌 𐴈𐴡𐴌𐴝𐴁𐴢 𐴈𐴝𐴔𐴡𐴌 𐴀𐴠𐴃𐴧𐴝𐴁𐴝 𐴒𐴡𐴌𐴡𐴘𐴧𐴝 𐴀𐴦𐴡𐴓𐴡𐴃𐴧𐴞 𐴀𐴥𐴡𐴘𐴁𐴡| 𐴀𐴝𐴌 𐴃𐴝𐴌𐴝𐴌 𐴈𐴡𐴕𐴞𐴑𐴧𐴝𐴌 𐴒𐴟𐴤𐴕𐴝𐴃𐴧𐴟𐴕 𐴈𐴡𐴕𐴡 𐴑𐴞𐴏𐴧𐴟 𐴈𐴡𐴔 𐴀𐴥𐴡 𐴕𐴡 𐴀𐴥𐴡𐴘𐴁𐴡|”
= 𐴀𐴝𐴣𐴌 𐴀𐴝𐴈𐴠𐴌𐴞 𐴈𐴦𐴡𐴃𐴝 𐴀𐴥𐴡𐴘𐴓𐴊𐴠 𐴃𐴦𐴝𐴔𐴝𐴔 𐴃𐴦𐴝𐴌𐴞𐴉𐴢 𐴀𐴡 𐴀𐴝𐴓𐴧𐴝𐴤 𐴃𐴝𐴓𐴝 𐴓𐴧𐴝 𐴎𐴞𐴁𐴝 𐴃𐴝𐴔𐴦𐴝𐴔 𐴅𐴝𐴇𐴝𐴕𐴡𐴌 𐴌𐴥𐴡𐴁𐴢=
||𐴀𐴡𐴕𐴡𐴌𐴢 𐴕𐴠𐴑 𐴊𐴟𐴀𐴦𐴝𐴃 𐴔𐴟𐴅𐴝𐴇𐴞𐴊 𐴀𐴥𐴡𐴑𐴧𐴡𐴓𐴡𐴌𐴠 𐴘𐴥𐴡 𐴐𐴝𐴔𐴞𐴓𐴢 𐴌𐴝𐴙𐴑𐴧𐴡||
One Comment